Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::рус>    Печатный оригинал предоставлен Сергеем Скомороховым
<::лат>    http://akafist.narod.ru

<::слав> 



%<А=КА'FIСТЪ%>

%<прп\дбному и= бг~оно'сному _о=тцу` на'шему%>

%<А=FАНА'СIЮ%>

%<а=fw'нскому чудотво'рцу.%>

И=зда'нiе ру'сской пу'стыни вознесе'нiя гд\сня на 
а=fw'нjь.

МОСКВА`. Сv"нода'льная тv"погра'фiя. #ац~и.

W\т моско'вскагw духовно-цензу'рнагw комiте'та печа'тать 
дозволя'ется. Москва`, а=прi'лiа а~_i дня`, #ац~и го'да. 
Це'нзоръ, протwiере'й а=ле_кса'ндръ гиляре'вскiй.



%<А=ка'fiстъ прп\дбному и= бг~оно'сному _о=тцу` на'шему 
а=fана'сiю а=fw'нскому чудотво'рцу.%>

%<Конда'къ а~.%>

%<И=%>збра'нный w\т гра'да трапезу'нта и= во а=fw'нjь 
по'стнически просiя'вый, ди'вный подви'жниче и= чудотво'рче, 
прп\дбне _о='тче а=fана'сiе, ско'рый помо'щниче и= 
цjьле'бниче неду'гwвъ душе'вныхъ и= тjьле'сныхъ, jа='кw 
и=мjь'яй ве'лiе дерзнове'нiе къ просла'вльшему тя` гд\су, 
w\т вся'кихъ на'съ бjь'дъ свободи` и= на сп~се'нiя стези` 
руководи`, да зове'мъ ти` хвале'бнw; %<Р%>а'дуйся, прп\дбне 
а=fана'сiе, а=fw'нскiй чудотво'рче.

%<I='косъ а~.%>

%<А='%>гг~лwвъ и= всея` тва'ри содjь'тель, и=збра'вый 
го'ру а=fw'нскую земны'мъ о_у=дjь'ломъ преч\стыя своея` 
мт~ре и= дарова'вый ю=` въ вjь'чное достоя'нiе 
и='ночествующихъ, jа=ви' тя въ не'й свjь'тла свjьти'льника, 
ве'сь собо'ръ прп\дбныхъ о_у=краша'юща. Тjь'мже о_у='бw 
jа='кw вели'кому о_у=го'днику воспjьва'емъ ти` си'це: 
Ра'дуйся, предо'брый и='нокwвъ наста'вниче: ра'дуйся, 
пресла'вный а='гг~лwвъ собесjь'дниче. Ра'дуйся, цjьлому'дрiя 
вели'кое свjьти'ло: ра'дуйся, о_у=се'рднjьйшiй и=сполни'телю 
поста` и= воздержа'нiя. Ра'дуйся, духо'вное во хр\стjь` 
жи'зни прему'дрый о_у=чи'телю: ра'дуйся, свjь'тлый w='бразе 
кро'тости и= смире'нiя. Ра'дуйся, и='мя твое` дjь'лы 
безсме'ртiя w=правда'вый: ра'дуйся, дjья'нiе и= видjь'нiе въ 
себjь` сочета'вый. Ра'дуйся, прп\дбному петру` а=fw'нскому 
въ равноа'гг~льномъ житiи` подража'вый; ра'дуйся, ра'вную съ 
ни'мъ на нб~си` сла'ву воспрiя'вый. %<Р%>а'дуйся, прп\дбне 
а=fана'сiе, а=fw'нскiй чудотво'рче.

%<Конда'къ в~.%>

%<_Е=%>гда`, по бл~же'нномъ о_у=спе'нiи роди'телей 
твои'хъ, _е=ще` младе'нцу ти` су'щу и= не могу'щу w= себjь` 
промышля'ти, всебл~гi'й гд\сь бж~е'ственнымъ свои'мъ 
про'мысломъ о_у=стро'и _е=ди'ну чернори'зицу пещи'ся w= 
тебjь`, и= та` воспитова'ше тя` вмjь'стw сы'на, тогда` ты`, 
бл~же'нне, ви'дя сiю` пита'тельницу твою` пребыва'ющу въ 
поще'нiи и= моли'твахъ, потща'лся _е=си`, _е=ли'кw бjь` 
мо'щнw _о=троча'ти, подража'ти ст~о'му житiю`, поя` съ не'ю 
хр\сту` бг~у: %<А=%>ллилу'iа.

%<I='косъ в~.%>

%<Р%>а'зумъ нб\сный дарова'ся тебjь`, о_у=го'дниче 
бж~iй, _е=гда` въ кwнстантiньгра'дъ прише'дъ, въ любому'дрiи 
кни'жнjьмъ w=бучи'тися тща'лся _е=си`: и='бо толи'кw въ 
_о='номъ преуспjь'въ, jа='кw въ ма'лjь вре'мени и=зря'денъ 
ри'тwръ и= прему'дръ о_у=чи'тель показа'лся _е=си`. Мы' же 
си'це бг~омъ о_у=мудре'нному ти` прино'симъ сиц_евы'я 
нему^дрыя хвалы^: Ра'дуйся, нача'ло прему'дрости стра'хъ 
бж~iй пра'виломъ жи'зни себjь` предложи'вый: ра'дуйся, вся^ 
за'пwвjьди гд\сни со тща'нiемъ храни'вый. Ра'дуйся, 
любому'дрiемъ твои'мъ суету` мi'ра сегw` jа='снw 
разсмотрjь'вый: ра'дуйся, пещи'ся w= душjь` свое'й 
о_у=се'рднw возжделjь'вый. Ра'дуйся, въ ю='ности посту` и= 
моли'твjь w=бучи'выйся: ра'дуйся, въ свяще'нныхъ писа'нiихъ 
приле'жнw поучи'выйся. Ра'дуйся, и=з\ъ мла'да сjьдино'ю 
му'дрости о_у=краси'выйся: ра'дуйся, w\т пеле'нъ _о=тца` и= 
ма'тере лиши'выйся. Ра'дуйся, воздержа'нiемъ па'че не'же 
млеко'мъ вопита'выйся: ра'дуйся, w\т све'рстныхъ тебjь` 
_о=трокw'въ наста'вникомъ мона'хwвъ предзнаменова'выйся. 
%<Р%>а'дуйся, прп\дбне а=fана'сiе, а=fw'нскiй чудотво'рче.

%<Конда'къ г~.%>

%<С%>и'ла бл~года'ти бж~iей сочетава'яся бл~го'му 
произволе'нiю твоему`, помо'же ти`, блаже'нне, и=збjьжа'ти 
многоплете'нныхъ сjьте'й мi'ра сегw` и= посла` тебjь` 
ст~а'гw ста'рца мiхаи'ла вождя` и= наста'вника житiю` 
и='ноческому, въ не'мъ же до кончи'ны твоея` до'брjь 
подвиза'лся _е=си`, поя` бг~у: %<А=%>ллилу'iа.

%<I='косъ г~.%>

%<И=%>мjь'я ве'лiе жела'нiе равноа'гг~льнагw житiя` 
и='ноческагw, царьгра'дъ w=ста'вилъ _е=си`, бл~же'нне, и= 
_о=би'тели мале'ины дости'гъ, прп\дбнымъ мiхаи'ломъ въ 
и='ноческую власяни'цу jа='кw во'инъ во броня` w=болче'нъ 
бы'лъ _е=си`: и= та'кw му'жественнw w=полчи'лся _е=си` 
проти'ву неви'димыхъ врагw'въ ро'да человjь'ческагw. Сегw` 
ра'ди о_у=бл~жа'емъ тя` си'це: Ра'дуйся, w\т мла'да 
во'зраста вда'вый себе` на служе'нiе гд\су: ра'дуйся, того` 
_е=ди'наго па'че всегw` возлюби'вый. Ра'дуйся, цр\ствiя 
ра'ди нб\снагw че'сть и= сла'ву мi'ра w=ста'вивый: ра'дуйся, 
вся^ вре'м_енная jа='кw о_у=ме'ты презрjь'вый. Ра'дуйся, 
пло'ть ду'ху покори'вый: ра'дуйся, о_у='мъ тво'й въ 
бг~омы'слiе впери'вый. Ра'дуйся, пw'мыслы вра'жiя бо'дрw 
w\трази'вый: ра'дуйся, ст~ы'нею и= чистото'ю а='гг~лwмъ 
о_у=подо'бивыйся. Ра'дуйся, киме'нскiя _о=би'тели ве'лiе 
о_у=краше'нiе: ра'дуйся, а=fw'ну сла'ва и= бл~голjь'пiе. 
%<Р%>а'дуйся, прп\дбне а=fана'сiе, а=fw'нскiй чудотво'рче.

%<Конда'къ д~.%>

%<С%>ла'вы вре'менныя и= почита'нiя w\т бг~олюби'выхъ 
воевw'дъ, jа='кw бу'ри и= волне'нiя морска'гw и=збjьга'я и= 
киме'нскую _о=би'тель w=ста'вивъ, въ ст~у'ю го'ру 
а=fw'нскую, jа='кw въ ти'хое приста'нище, дости'глъ _е=си`, 
прп\дбне а=fана'сiе: и= та'мw преда'лся _е=си` въ 
послуша'нiе ста'рц_евъ подви'жникwвъ, поя` съ ни'ми хр\сту` 
бг~у: %<А=%>ллилу'iа.

%<I='косъ д~.%>

%<С%>лы'шаще про'тъ{Пре'жде <-> гла'вный нача'льникъ 
ст~ы'я горы`. Тепе'рь _о='нъ не существу'етъ.} и= про'чiи 
_о=тцы` ст~ы'я горы` сла'дкое твое` сщ~е'нныхъ писа'нiй 
добровjьща'нiе, о_у=дивля'хуся си'лjь бл~года'ти, и=з\ъ 
о_у='стъ твои'хъ и=сходя'щей и= прославля'ху бг~а: _е=ди'нъ 
же w\т ни'хъ прп\дбный па'vелъ пр\оро'чески w= тебjь` рече`: 
се'й, послjьди` на'съ прише'дый, бу'детъ пе'рвjьйшiй 
добродjь'телiю и= сла'вою въ цр\ствiи нб\снjьмъ. Сегw` 
пр\оро'чества мы` ны'нjь сбы'тiе вjь'дяще, ра'достнw 
вопiе'мъ ти`: Ра'дуйся, ди'вный и=збра'нниче бж~iй: 
ра'дуйся, преч\стно'е ст~а'гw дх~а селе'нiе. Ра'дуйся, 
прп\дбныхъ _о=т_е'цъ восхвале'нiе: ра'дуйся, прорече'нiй 
и='хъ и=сполне'нiе. Ра'дуйся, ри'торе сладковjьща'нный и= 
бг~ому'дрый: ра'дуйся, краснопи'сче предо'брый и= 
трудолюби'вый. Ра'дуйся, бл~гочи'нiя цр~ко'внагw ревни'телю: 
ра'дуйся, душевре'дныхъ въ хра'мjь шепта'нiй и=скорени'телю. 
Ра'дуйся, прему'дрыми твои'ми и= бл~года'тными глагw'лы 
бл~гочести^выя воевw'ды о_у=диви'вый: ра'дуйся, на сп~се'нiя 
ст_ези` тjь'хъ руководи'вый. %<Р%>а'дуйся, прп\дбне 
а=fана'сiе, а=fw'нскiй чудотво'рче.

%<Конда'къ _е~.%>

%<S%>вjьзды` свjьтлjь'е jа=ви'ся мi'ру житiе` но'вое, 
прп\дбне _о='тче а=fана'сiе: ты' бо са'мъ, ше'ствуя путе'мъ 
тjь'снымъ и= ско'рбнымъ, пра'вw веду'щимъ въ цр\ствiе 
нб\сное, и= и=ны'хъ мно'гихъ науча'лъ _е=си` твори'ти во'лю 
гд\сню и= предста'вилъ _е=си` тjь'хъ хр\сту` бг~у 
добродjь'тельми сiя'ющихъ, поя` съ ни'ми: %<А=%>ллилу'iа.

%<I='косъ _е~.%>

%<В%>и'дя вра'гъ ро'да человjь'ческагw созида'нiе тобо'ю 
_о=би'тели ко вселе'нiю и='ночествующихъ, вельми` 
раздражи'ся и= рече` другw'мъ свои^мъ: w= дру'зи и= си'лы 
мои`! доко'лjь те'рпимъ и= не расто'ргнемъ вражде'бника 
на'шего а=fана'сiя! Ты' же _о='тче, моли'твою твое'ю ко 
гд\су, jа='кw жезло'мъ, порази'лъ _е=си` тjь'хъ w=полче'нiя. 
Сегw` ра'ди воспjьва'емъ ти` си'це: Ра'дуйся, до'брый во'ине 
хр\сто'въ: ра'дуйся, сла'вный побjьди'телю неви'димыхъ 
врагw'въ. Ра'дуйся, клевета'вшыя на тя` ста'рцы ра'достнw 
прости'вый: ра'дуйся, враги` твоя^ jа='кw дру'ги 
возлюби'вый. Ра'дуйся, бг~омъ вруче'нному ти` ста'ду до'брый 
па'стырь бы'вый: ра'дуйся, слов_е'сныя твоя^ _о='вцы w\т 
волкw'въ мы'сленныхъ защити'вый. Ра'дуйся, да'ръ 
о_у=миле'нiя w\т бг~а прiя'вый: ра'дуйся, бога'тство 
добродjь'телей собра'вый. Ра'дуйся, самого` хр\ста` въ 
видjь'нiи зрjь'ти сподо'бивыйся: ра'дуйся, jа='кw того` 
ны'нjь зри'ши на престо'лjь сла'вы сjьдя'ща. %<Р%>а'дуйся, 
прп\дбне а=fана'сiе, а=fw'нскiй чудотво'рче.

%<Конда'къ s~.%>

%<П%>роповjь'дуетъ гора` а=fw'нская труды` твоя^ и= 
по'двиги, и='миже въ о_у=до'лiихъ и= де'брехъ _е=я` jа='кw 
безпло'тенъ подвиза'лся _е=си`, прп\дбне: наипа'че же 
вjьща'етъ сла'ву твою` свяще'нная твоя` ла'vра, въ не'йже 
цjьльбопода'тельныя мо'щи твоя^ почива'ютъ, и=сточа'ющыя 
то'ки чуде'съ и= и=сцjьле'нiй, вjь'рно w= тебjь` пою'щымъ 
бг~у: %<А=%>ллилу'iа.

%<I='косъ s~.%>

%<В%>озсiя'лъ _е=си`, прп\дбне, въ бре'ннjьй пло'ти 
свjь'томъ нб\снымъ, jа='кw пла'мень _о='гненный, _е='же 
о_у=чени'къ тво'й гера'сiмъ сподо'бився зрjь'ти, со 
о_у='жасомъ возопи`: _w, _о='тче! Тjь'мже и= мы` вопiе'мъ 
ти`: Ра'дуйся, _о='тче, свjь'томъ добродjь'телей твои'хъ 
мi'ръ w=зари'вый: т_е'мная бjьсw'вская пw'лчища и=з\ъ 
пусты'ни а=fw'на w\тгна'вый. Ра'дуйся, сiя'нiемъ твоегw` 
лица` о_у=ченика` твоего` о_у=диви'вый: ра'дуйся, лю'тую 
тогw` болjь'знь _е=ди'нымъ сло'вомъ и=сцjьли'вый. Ра'дуйся, 
въ тлjь'ннjьй пло'ти не тлjь'нною сла'вою w=заре'нъ бы'вый: 
ра'дуйся, _о='гнь любве` бж~е'ственныя въ себjь` носи'вый. 
Ра'дуйся, въ цр\ствiи _о=ц~а` нб\снагw jа='кw со'лнце 
сiя'ющiй: ра'дуйся, моли'твенниче на'шъ ко хр\сту` бг~у 
теплjь'йшiй. Ра'дуйся, въ бjьда'хъ ско'рый помо'щниче: 
ра'дуйся, въ печа'лехъ вели'кiй о_у=тjь'шителю. 
%<Р%>а'дуйся, прп\дбне а=fана'сiе, а=fw'нскiй чудотво'рче.

%<Конда'къ з~.%>

%<Х%>отя` хр\столюби'вый воево'да нiки'форъ и=зы'ти на 
бра'нь проти'ву нечести'выхъ а=гаря'нъ, моля'ше _о=тц_е'въ 
а=fw'нскихъ, да помо'лятся w= не'мъ къ бг~у и= да по'слютъ 
тя` къ нему`. Ты' же, _о='тче а=fана'сiе, повину'яся 
_о=тц_е'мъ, а='ще и= не хотя`, путеше'ствовалъ _е=си` до 
кри'та, и= та'мw моли'твами твои'ми помо'гль _е=си` 
хр\стiа'нwмъ побjьди'ти а=гаря'ны, невjь'дущыя пjь'ти бг~у: 
%<А=%>ллилу'iа.

%<I='косъ з~.%>

%<Н%>о'вое о_у=мы'сли sло` прелука'вый дiа'волъ, _е=гда` 
подви'же на за'висть _е=ди'нагw w\т о_у=ч_ени'къ твои'хъ, и= 
научи` _е=го` закла'ти тя`, jа='кw а='гнца непоро'чна. Ты' 
же, _о='тче, десни'цею вы'шнягw сп~се'нъ бы'въ, о_у=бi'йцу 
_о='наго _о=те'чески w=блобыза'лъ _е=си`. Тjь'мже вси` мы`, 
таково'му твоему` неsло'бiю дивя'щеся, хвале'бнw вопiе'мъ: 
Ра'дуйся, въ кро'тости и= смире'нiи твое'мъ хр\сту` бг~у 
подража'вый: ра'дуйся, неsло'бiемъ твои'мъ ду'ха sло'бы 
побjьди'вый. Ра'дуйся, сокро'вищъ хр\сто'выхъ дража'йшiй 
би'сере, _е=го'же не возмо'же душегу'бецъ похи'тити: 
ра'дуйся, _е=го'же десни'ца гд\сня храня'ше w\т всjь'хъ 
sw'лъ. Ра'дуйся, w\т внеза'пнагw о_у=бi'йства спасе'ный: 
ра'дуйся, смертоно'снымъ питiе'мъ по сло'ву гд\сню 
неврежде'нный. Ра'дуйся, трiе'хъ муже'й, w\т гла'да 
и=знемо'гшихъ, сме'рти и=зба'вивый: ра'дуйся, мно'гихъ w\т 
разли'чныхъ болjь'зней и=сцjьли'вый. Ра'дуйся, вjь^рныя въ 
правосла'вiи о_у=тверди'вый: ра'дуйся, лжевjь^рныя и= 
невjь^рныя посрами'вый. %<Р%>а'дуйся, прп\дбне а=fана'сiе, 
а=fw'нскiй чудотво'рче.

%<Конда'къ и~.%>

%<С%>тра'нное чу'до бjь` ви'дjьти, _е=гда` повелjь'нiемъ 
твои'мъ, _о='тче, въ зно'йное вре'мя поче'рпнутая и=з\ъ 
мо'ря сла'ная вода` сотвори'ся хла'дна и= сладка`, пiю'щыя 
ю=` прохлади'вшая и= жа'жду о_у=толи'вшая. Тjь'мже о_у='бw 
велича'емъ гд\са, дарова'вшаго тебjь` таковы'й да'ръ 
чудотворе'нiя, и= во о_у=миле'нiи вопiе'мъ _е=му`: 
%<А=%>ллилу'iа.

%<I='косъ и~.%>

%<Д%>и'вно jа=ви'ся тебjь` ма'терь хр\ста` бг~а на'шегw, 
и= повелjь` ти` жезло'мъ порази'ти ка'мень, и=з\ъ негw'же 
а='бiе и=стече` и=сто'чникъ во'дный, и='же и= до ны'нjь 
и=сточа'етъ во'ду жи'ву и= цjьле'бну. Таково'му къ тебjь` 
бл~говоле'нiю влады'чицы чудя'щеся, взыва'емъ си'це: 
Ра'дуйся, jа='кw пресвjь'тлое лице` цр~и'цы нб\сныя зрjь'ти 
сподо'бился _е=си`: ра'дуйся, jа='кw повелjь'нiемъ _е=я` 
и=зве'лъ _е=си` во'ду и=з\ъ ка'мене. Ра'дуйся, jа='кw си'мъ 
пресла'внымъ чу'домъ бг~ови'дцу мwv"се'ю подо'бенъ 
показа'лся _е=си`: ра'дуйся, jа='кw съ си'мъ вели'кимъ 
пр\оро'комъ въ ра'йскихъ _о=би'телехъ ны'нjь w=бита'еши. 
Ра'дуйся, jа='кw и=сто'чникъ тво'й бл~года'тнw посjьща'еши: 
ра'дуйся, jа='кw боля'щымъ здра'вiе подава'еши. Ра'дуйся, 
jа='кw прокаж_е'нныя w=чища'еши: ра'дуйся, jа='кw нечи^стыя 
ду'хи w\т человjь^къ w\тгоня'еши. Ра'дуйся, jа='кw 
неду^жнымъ о_у=се'рднw послужи'лъ _е=си`: ра'дуйся, jа='кw 
чр_е'вныя и= неудобоцjьли^мыя jа='звы врачева'лъ _е=си`. 
%<Р%>а'дуйся, прп\дбне а=fана'сiе, а=fw'нскiй чудотво'рче.

%<Конда'къ f~.%>

%<В%>ся'къ jа=зы'къ человjь'чь недоумjь'етъ по 
достоя'нiю восхвали'ти бл~говоле'нiя цр~и'цы нб\сныя къ 
подви'жникwмъ хр\стiа^нскимъ: Та' бо въ ла'vру твою`, 
_о='тче, съ двjьма` а='гг~лома прiи'де, и= о_у=ченико'мъ 
твои'мъ матfi'емъ ви'дjьна бы'сть въ хра'мjь, раздаю'ща 
зла'тницы и= ца'ты, о_у=се'рднw предстоя'щымъ и= пою'щымъ 
бг~у: %<А=%>ллилу'iа.

%<I='косъ f~.%>

%<В%>си` и='ноцы горы` а=fw'нскiя блажа'тъ тя`, _о='тче 
а=fана'сiе, jа='кw наста'вника своего` и= те'пла хода'тая: 
не лише'ны же су'ть бл~года'тныя твоея` по'мощи и= вси` 
правосла'внiи лю'дiе, съ любо'вiю почита'ющiи святу'ю и= 
взыва'ющiи си'це: Ра'дуйся, святы'мъ и= чу'днымъ твои'мъ 
житiе'мъ святоиме'нный а=fw'нъ возвели'чивый: ра'дуйся, 
небовосхо'дную добродjь'телей лjь'ствицу на'мъ въ w='бразъ 
w=ста'вивый. Ра'дуйся, земна'гw жре'бiя ма'тере бж~iей 
честно'е о_у=краше'нiе: ра'дуйся, и='ночество правосла'внагw 
пресла'вная похвало`. Ра'дуйся, за мно'гую твою` къ 
согрjьша'ющымъ любо'вь и= милосе'рдiе мл\сть бж~iю 
получи'вый: ра'дуйся, за вели'кое твое` w= стра'нныхъ 
попече'нiе, w\т стра'нствовавшагw на'съ ра'ди гд\са въ 
вjь'чныхъ ски'нiихъ сла'внw почте'нный. Ра'дуйся, за 
сла'вную твою` над\ъ пло'тiю и= дiа'воломъ побjь'ду 
вjьнце'мъ сла'вы о_у=вjьнча'нный: ра'дуйся, за дjь'вственную 
чистоту` и= серде'чную простоту` w\т приснодв~ы мр~i'и въ 
ближа'йшее содру'жество прiя'тый. Ра'дуйся, jа='кw 
бл~говоле'нiемъ цр~и'цы нб\сныя, созда'нная тобо'ю во и='мя 
_е=я` _о=би'тель въ твое` и='мя преименова'ся: ра'дуйся, 
jа='кw де'нь преставле'нiя твоегw` въ се'й _о=би'тели 
свjь'тло торжеству'ется. %<Р%>а'дуйся, прп\дбне а=fана'сiе, 
а=fw'нскiй чудотво'рче.

%<Конда'къ _i~.%>

%<С%>п~сти` хотя` бг~омъ вруче'нное ти` ста'до w\т 
раздо'рwвъ и= собла'знwвъ, и= къ сконча'нiю сме'ртному 
приближа'яся, завjь'тъ о_у=ч~нкw'мъ твои^мъ письмены` 
начерта'лъ _е=си`, _о='тче, поуча'я всjь'хъ взаи'мной 
бра'тской любви` и= хране'нiю _о=те'ческихъ преда'нiй. Мы' 
же хва'ляще таково'е твое` w= ча'дjьхъ попече'нiе, пое'мъ 
хр\сту` сп~си'телю на'шему: %<А=%>ллилу'iа.

%<I='косъ _i~.%>

%<С%>тjьно'ю терпjь'нiя w=гради'вся и= наде'ждою 
вjь'чныхъ бла'гъ о_у=крjьпи'вся, земно'е стра'нствiе 
тjь'сною стезе'ю проше'лъ _е=си`, прп\дбне а=fана'сiе, нося` 
jа=ре'мъ поста`, многоно'щнагw бдjь'нiя и= w= ввjь'ренныхъ 
тебjь` душа'хъ попече'нiя: ны'нjь же, въ небе'снjьмъ 
пребыва'я бл~же'нствjь, помяни` на'съ, восхваля'ющихъ тя` 
си'це: Ра'дуйся, крjь'пкiй подви'жниче, вся^ разжж_е'нныя 
стрjь'лы лука'вагw о_у=гаси'вый: ра'дуйся, сле'зъ 
и=злiя'ньми ду'шу твою` чи'стw w=мы'вый. Ра'дуйся не'мwщи 
немощны'хъ _о=те'чески носи'вый: ра'дуйся, въ глубину` 
прегрjьше'нiй впа'дшыя на го'ру добродjь'телей возводи'вый. 
Ра'дуйся, мно'гихъ вели'кихъ муже'й наста'вникъ бы'вый: 
ра'дуйся царя` нiки'фора въ неисполне'нiи да'ннагw бг~у 
_о=бjь'та кро'ткw w=бличи'вый. Ра'дуйся, бу^дущая 
пр\оро'чески предви'дjьвый: ра'дуйся, дале'че w\тстоя^щая 
jа='снw зрjь'вый. Ра'дуйся, бж~iя сла'вы те'плый рачи'телю: 
ра'дуйся велjь'нiй _е=гw` ре'вностный и=полни'телю. 
%<Р%>а'дуйся, прп\дбне а=fана'сiе, а=fw'нскiй чудотво'рче.

%<Конда'къ а~_i.%>

%<П%>jь'снь бл~годаре'нiя прине'слъ _е=си`, _о='тче, 
бг~у, ди'внw спа'сшему тя` w\т потопле'нiя морска'гw со 
о_у=ченики` твои'ми, _е=гда` дjь'йствомъ ду'ха sло'бы 
ладiя`, въ не'йже плы'лъ _е=си`, w=прове'ржена бы'сть, и= 
вси` въ су'щiи, въ пучи'ну впа'дше, не погибо'ша и= 
воспjь'ша хвалу` гд\севи: %<А=%>ллилу'iа.

%<I='косъ а~_i.%>

%<С%>вjь'томъ бл~года'ти бж~iя w=заре'нъ и=мjь'я тво'й 
о_у='мъ и= се'рдце, прп\дбне _о='тче а=fана'сiе, 
та'инственнw предре'клъ _е=си` твою` страда'льческую 
кончи'ну, въ не'й же jа='внw му'ченикъ под\ъ разва'линами 
па'дшагw хра'ма тjь'ломъ погре'бся, ду'хомъ пресели'лся 
_е=си` въ гw'рнiя _о=би'т_ели, въ ни'хже хода'тайствомъ 
твои'мъ ко гд\су помози` водвори'тися и= на'мъ, вопiю'щымъ 
ти` си'це: Ра'дуйся, въ животjь` и= по преставле'нiи твое'мъ 
мнw'гая и= пресла^вная чудеса` сотвори'вый: ра'дуйся, w\т 
ноги` твоея` кро'вь jа='кw мv'ро бл~гово'нное и=сточи'вый. 
Ра'дуйся, на честно'е погребе'нiе твое` мно'жество и='нwкъ 
собра'вый: ра'дуйся, во гро'бjь тjь'ло твое` небе'сною 
ра'достiю свjьтя'щееся показа'вый. Ра'дуйся, пома'занiемъ 
кро'ве твоея` боля'щаго кора'бленника со _о=дра` сме'ртнагw 
здра'ва возста'вивый: ра'дуйся, се'ю же твое'ю кро'вiю 
кровоточи'вую жену` о_у=врачева'вый. Ра'дуйся, всjь'хъ 
сердца` любо'вiю твое'ю къ себjь` привлека'ющiй: ра'дуйся 
бл~гоуха'нiемъ бж~iя бл~года'ти смра'дъ страсте'й w\т 
мно'гихъ w\тгоня'ющiй. Ра'дуйся, свjьти'льниче пресвjь'тлый 
w\т горы` а=fw'на всему` мi'ру правосла'вному сiя'ющiй: 
ра'дуйся, не то'чiю и='нокwмъ, но и= мiря'нwмъ пу'ть къ 
не'бу w=заря'ющiй. %<Р%>а'дуйся, прп\дбне а=fана'сiе, 
а=fw'нскiй чудотво'рче.

%<Конда'къ в~_i.%>

%<Б%>л~года'ть ве'лiя тебjь`, _о='тче, даде'ся, 
добродjь'тельныя человjь'цы на вя'щшее преуспjь'янiе 
наставля'ти, грjь^шныя же къ покая'нiю возбужда'ти, пру'ги 
w\т ни'въ w\тгоня'ти и= разли^чныя неду'ги и= стра^сти 
врачева'ти. Тjь'мже о_у='бw смире'ннw мо'лимъ тя`, _о='тче: 
не лиши` по'мощи твоея` и= на'съ, пою'щихъ бг~у: 
%<А=%>ллилу'iа.

%<I='косъ в~_i.%>

%<П%>ою'ще ст~о'е равноа'гг~льное твое` житiе`, 
о_у=бл~жа'емъ тя` _о='тче а=fана'сiе, jа='кw многомо'щна 
моли'твенника w= на'съ пред\ъ гд\сомъ, те'пла засту'пника и= 
наста'вника ко спасе'нiю, и= съ любо'вiю возглаша'емъ ти` 
си'це: Ра'дуйся, правосла'вныя цр~кве похвало`: ра'дуйся, 
_о=би'тели твоея` и= всея` горы` а=fw'нскiя покрови'телю. 
Ра'дуйся, пусты'ннагw безмо'лвiя и='скреннiй люби'телю: 
ра'дуйся, _о=бщежи'тiя му'дрый руководи'телю. Ра'дуйся, 
по'стническагw житiя` и='стинный ревни'телю, ра'дуйся, 
всjь'хъ и='ноческихъ добродjь'телей свjь'тлый w='бразjь и= 
о_у=чи'телю. Ра'дуйся, jа='кw смире'нiя ра'ди не восхотjь'лъ 
_е=си` jа=ви'ти мi'ру моще'й{Мо'щи прп\днагw а=fана'сiя 
почива'ютъ под\ъ спу'домъ, ка'къ и= нjь'которыхъ други'хъ 
рwссi'йскихъ о_у=го'дникwвъ.} твои'хъ: ра'дуйся, jа='кw 
хотя'щымъ и=з\ъя'ти _о='ныя и=з\ъ не'дръ земны'хъ _о=гне'мъ 
воспрети'лъ _е=си`. Ра'дуйся, jа='кw до ны'нjь правосла'внiи 
лю'дiе покланя'ются свято'му твоему` гро'бу: ра'дуйся, 
jа='кw и= чудодjь'йственный же'злъ тво'й та'мw зри'мь 
_е='сть. %<Р%>а'дуйся, прп\дбне а=fана'сiе, а=fw'нскiй 
чудотво'рче.

%<Конда'къ г~_i.%>

%<_W,%> преди'вный и='нокwвъ наста'вниче и= чудотво'рче, 
прп\дбне _о='тче а=fана'сiе, предстоя'й ны'нjь престо'лу 
цр~я` сла'вы гд\са на'шегw i=и~са хр\ста`, моли'ся _е=му` 
дарова'ти правосла'вному i=мпера'тору на'шему побjь'ду и= 
w=долjь'нiе на враги`, всjь^мъ же на'мъ ду'хъ и='стинныя 
кро'тости, любве` и= цjьлому'дрiя: да, сконча'вши живо'тъ 
на'шъ въ покая'нiи, сподо'бимся со всjь'ми ст~ы'ми въ 
нб\сномъ цр\ствiи пjь'ти бг~у: %<А=%>ллилу'iа.

%<Се'й конда'къ чте'тся три'жды.%>

%<И= па'ки чте'тся: I='косъ а~-й: А='%>гг~лwвъ и= всея` 
тва'ри содjь'тель, и=збра'вый го'ру а=fw'нскую: и= 
%<Конда'къ а~-й: И=%>збра'нный w\т гра'да трапезу'нта и= во 
а=fw'нjь по'стнически просiя'вый:

%<Моли'тва.%>

%<П%>рп\дбне _о='тче а=fана'сiе, и=зря'дный о_у=го'дниче 
хр\сто'въ и= вели'кiй а=fw'нскiй чудотво'рче! Во дни^ 
земна'гw житiя` твоегw` мнw'гiя на пу'ть пра'вый 
наста'вивый, и= въ цр\ствiе нб\сное му'дрjь руководи'вый, 
скw'рбныя о_у=тjь'шивый, па'дающымъ пода'вый ру'ку по'мощи, 
и= всjь^мъ любе'зенъ, ми'лостивъ и= сострада'теленъ _о=те'цъ 
бы'вый: ты` ны'нjь, въ нб\снjьй пребыва'я свjь'тлости, 
наипа'че о_у=множа'еши любо'вь свою` къ на'мъ немwщны'мъ, въ 
мо'рjь жите'йстjьмъ разли'чнjь бjь'дствующымъ, 
и=скуша'_емымъ ду'хомъ sло'бы и= страстьми` свои'ми, 
вою'ющими на ду'хъ. Сегw` ра'ди смире'ннw мо'лимъ тя`, 
ст~ы'й _о='тче: по да'ннjьй тебjь` w\т бг~а бл~года'ти 
помози` на'мъ твори'ти во'лю гд\сню въ простотjь` се'рдца и= 
смире'нiи, и=скуш_е'нiя же вра^жiя побjьди'ти и= свирjь'пое 
страсте'й мо'ре и=зсуши'ти: да та'кw немо'креннw пре'йдемъ 
жите'йскую пучи'ну, и= предста'тельствомъ твои'мъ ко гд\су, 
сподо'бимся дости'гнути w=бjьтова'ннагw на'мъ цр\ствiя 
нб\снагw, сла'вяще безнача'льную тр\оцу, _о=ц~а`, и= сн~а, 
и= ст~а'гw дх~а, ны'нjь и= при'снw и= во вjь'ки вjькw'въ. 
%<А=%>ми'нь.



%<Тропа'рь, гла'съ г~:%>

%<_Е='%>же во пло'ти житiю` твоему` о_у=диви'шася 
а='гг~льстiи чи'ни ка'кw съ тjь'ломъ къ неви^димымъ 
сплете'нi_емъ и=зше'лъ _е=си` присносла'вне, и= о_у=язви'лъ 
_е=си` де'мwнскiя полки`, w\т_ону'дуже а=fана'сiе, хр\сто'съ 
тебjь` воздаде` бога'тыми дарова'ньми: сегw` ра'ди, _о='тче, 
моли` сп~сти'ся душа'мъ на'шымъ.

%<Конда'къ, гла'съ и~:%>

%<Jа='%>кw невеще'ственныхъ суще'ствъ зри'теля 
и=зря'дна, и= дjь'ятельна сказа'теля всеи'стинна, взыва'етъ 
тя` ста'до твое` бг~оглаго'льниче: не w=скудjь'й моля` w= 
рабjь'хъ твои'хъ, и=зба'витися напа'стей и= w=бхожде'нiй, 
вопiю'щымъ ти`: ра'дуйся, _о='тче а=fана'сiе.