Богослужебные тексты

<::рус> Источник:
<::лат> http://vladivostok.eparhia.ru/eparhia/newest/temples/akafist/

<::слав>

%<Тропа'рь, гла'съ д~:%>

%<Д%>не'сь торжеству'етъ гра'дъ владивосто'къ,* и= съ ни'мъ 
сликовству'ютъ вси` предjь'лы земли` дальнерwссi'йскiя:* срjьта'я 
вно'вь w=брjь'тенную i=кw'ну твою`, бг~омт~и,* по'ртъ-а=рту'рскою 
нарече'нную,* въ бл~гослове'нiе и= зна'менiе торжества`* 
хр\столюби'вому во'инству да'льнiя рwссi'и дарова'нную,* на ню'же 
взира'юще вси` зове'мъ:* ру'сь ст~а'я, храни` вjь'ру 
правосла'вную,* въ не'йже твое` о_у=твержде'нiе.

%<А=ка'fiстъ бц\дjь, ра'ди i=кw'ны _е=я` по'ртъ-а=рту'рскiя.%>

%<Конда'къ а~.%>

%<И=%>збра'ннjьй w\т всjь'хъ родw'въ засту'пницjь на'шей и= 
цр~и'цjь,* покро'вомъ своея` бл~гости покрыва'ющей предjь'лы земли` 
дальнерwссi'йскiя,* бл~года'рств_енная пjь^нiя прино'симъ ти`, 
раби` твои`, бц\де.* Ты' же, jа='кw всемл\стивая, вл\дчце,* w\т 
вся'кихъ на'съ бjь'дъ сп~си` и= вjь'чныхъ му'къ свободи`, да 
ра'дующеся зове'мъ ти`:* Ра'дуйся, цр~и'це препросла'вленная, 
предjь'лы дальнерwссi'йскiя земли` мл\стiю свое'ю не w=ставля'ющая.

%<I='косъ а~.%>

%<А='%>гг~лwвъ творе'цъ и=збра` тя`, вл\дчце, къ бл~года'тному 
человjь'кwвъ сп~се'нiю и= дарова` тя` помо'щницу правосла'внымъ 
лю'демъ, и=збавля'ющую на'съ w\т хи'нскихъ наше'ствiй, w\т гла'да 
и= вся'кихъ напа'стей и= житiе` на'ше о_у=строя'ющую во вся'комъ 
бл~гоче'стiи и= чистотjь`. Тjь'мже и= мы`, воспомина'юще таково'е 
w= лю'дехъ твое` бл~гопромышле'нiе, со бл~годаре'нiемъ вопiе'мъ ти` 
си'це:

%<Р%>а'дуйся, непристу'пнагw бж\ства` селе'нiе:

%<Р%>а'дуйся, непреста'нное люде'й о_у=дивле'нiе.

%<Р%>а'дуйся, достоя'нiю твоему` по'мощь и= заступле'нiе:

%<Р%>а'дуйся, хода'таице на'шегw сп~се'нiя.

%<Р%>а'дуйся, бл~года'тное w\т ну'ждъ и=збавле'нiе:

%<Р%>а'дуйся, несокруши'мый щи'те во'инwвъ на'шихъ.

%<Р%>а'дуйся, мечу` и= броне` и='хъ неуязви'мая:

%<Р%>а'дуйся, врагw'въ пораже'нiе и= о_у=страше'нiе.

%<Р%>а'дуйся, цр~и'це препросла'вленная, предjь'лы 
дальнерwссi'йскiя земли` мл\стiю свое'ю не w=ставля'ющая.

%<Конда'къ в~.%>

%<В%>и'дящи, прест~а'я вл\дчце, скw'рби серд_е'чныя, му^ки 
душ_е'вныя и= и='скреннее покая'нiе люде'й твои'хъ, бл~говоли'ла 
_е=си` jа=ви'ти i=кw'ну твою`, въ бл~гослове'нiе и= зна'менiе 
торжества` хр\столюби'вому во'инству да'льнiя рwссi'и. Мы' же, къ 
не'й припа'дающе съ вjь'рою и= сокруше'ннымъ се'рдцемъ, и=з\ъ 
глубины` души` вопiе'мъ бг~у: %<А=%>ллилу'iа.

%<I='косъ в~.%>

%<Р%>а'зумъ нб\сный дарова'ся и='нокwмъ и= бг~омо'льц_емъ земли` 
кi'евскiя, во _е='же соwруди'ти i=кw'ну прест~ы'я бц\ды и= нарещи` 
ю=` по'ртъ-а=рту'рскою, да jа=ви'тся дальнерwссi'йская врата'рница 
и= сора'тница хр\столюби'вому во'инству на'шему. Тjь'мже со 
о_у=миле'нiемъ вопiе'мъ ти` такова'я:

%<Р%>а'дуйся, w\т гра'да Кi'ева прише'дшая къ на'мъ въ 
заступле'нiе:

%<Р%>а'дуйся, правосла'вныя вjь'ры о_у=твержде'нiе.

%<Р%>а'дуйся, почита'нiя ст~ы'хъ i=кw'нъ w=сщ~е'нiе:

%<Р%>а'дуйся, хи'нскагw sловjь'рiя w=бличе'нiе.

%<Р%>а'дуйся, горды'ни и='хъ низложе'нiе:

%<Р%>а'дуйся, ско'рбь на'шу въ ра'дость претворя'ющая.

%<Р%>а'дуйся, де'мwнскiя полки` побjьжда'ющая:

%<Р%>а'дуйся, несумнjь'нною наде'ждою на'съ о_у=веселя'ющая.

%<Р%>а'дуйся, цр~и'це препросла'вленная, предjь'лы 
дальнерwссi'йскiя земли` мл\стiю свое'ю не w=ставля'ющая.

%<Конда'къ г~.%>

%<С%>и'ла вы'шнягw и= бл~года'ть вл\дчцы о_у=крjьпля'ше въ 
видjь'нiи нjь'коего человjь'ка и= подви'же _е=го` къ собира'нiю 
сре'дствъ, во _е='же написа'ти _е=я` преч\стый w='бразъ, и= съ 
вjь'рою дерза'я w= гд\сjь, приступи` къ труду`, и= и=сполня'я 
повелjь'нiе бц\ды, w=брjь'те подая^нiя w\т вели'кагw мно'жества 
и='нокwвъ и= бг~омо'льц_евъ. И= по'мощiю бг~омт~ре соwруди` i=кw'ну 
и= воззва` къ бг~у: %<А=%>ллилу'iа.

%<I='косъ г~.%>

%<И=%>му'щи бл~гоутро'бное промышле'нiе w= лю'дехъ 
дальнерwссi'йскiя земли`, въ видjь'нiи jа=ви'ла _е=си` во'лю свою`, 
вл\дчце: да прiе'млютъ i=кw'ну мою` хр\столюби'вiи вw'и по'ртъ-
а=рту'ра и= тоя` по'мощiю w=долjь'ютъ sлочести'выхъ хи'нwвъ! 
Тjь'мже и= мы` вопiе'мъ:

%<Р%>а'дуйся, моли'твеннице неусыпа'ющая ко хр\сту` бг~у и= на 
мл\сть _е=гw` къ на'мъ приклоня'ющая:

%<Р%>а'дуйся, чрез\ъ бл~гочести'выхъ люде'й сла'ву чуде'съ 
твои'хъ грjь^шнымъ w\ткрыва'ющая.

%<Р%>а'дуйся, гнjь'въ бж~iй предста'тельствомъ твои'мъ w\т на'съ 
w\тводя'щая:

%<Р%>а'дуйся, держа'вная скоропомо'щнице, во дни^ тя'жкихъ 
и=спыта'нiй сп~са'ющая.

%<Р%>а'дуйся, матери'нскимъ покро'вомъ твои'мъ w\т несча'стiй 
на'съ сохраня'ющая:

%<Р%>а'дуйся, w\т ро'ва поги'бели безнаде'жныхъ мл\срдiемъ 
твои'мъ и=схища'ющая.

%<Р%>а'дуйся, w\т наше'ствiя и=ноплеме'нныхъ зе'млю на'шу 
сохраня'ющая:

%<Р%>а'дуйся, всемл\стивая о_у=слы'шательнице моле'нiй на'шихъ 
въ ско'рби и= w=бстоя'нiихъ.

%<Р%>а'дуйся, цр~и'це препросла'вленная, предjь'лы 
дальнерwссi'йскiя земли` мл\стiю свое'ю не w=ставля'ющая.

%<Конда'къ д~.%>

%<Б%>у'рю смяте'нiй и= бра'нь, враги^ воздви'гнутую въ странjь` 
на'шей, о_у=толи'ти потща'шася бл~гочести'вiи лю'дiе гра'да кi'ева, 
и=сполня'юще повелjь'нiе бг~омт~ре, не w=бину'шася посла'ти i=кw'ну 
твою` въ w=сажде'нную кванту'нскую во'лость, jа='кw щи'тъ и= 
побjь'дное зна'менiе над\ъ супоста^ты, вопiю'ще бг~у: 
%<А=%>ллилу'iа.

%<I='косъ д~.%>

%<С%>лы'шавше правосла'внiи лю'дiе, jа='кw i=кw'на цр~и'цы 
нб\сныя ше'ствоваше чрез\ъ мнw'гiя гра'ды и= в_е'си, и= бг~омо'льцы 
въ вели'комъ мно'жествjь стека'хуся срjьта'ти и= поклоня'тися 
_е='й, въ моли'твахъ со слеза'ми о_у=миле'нiя и=спроша'ти странjь` 
на'шей на враги` w=долjь'нiе, w\т гла'да и= па'губы и=збавле'нiе, 
мi'ра о_у=мире'нiе. Тjь'мже и= мы` вопiе'мъ къ пребл~гослове'ннjьй:

%<Р%>а'дуйся, го'рнягw мi'ра о_у=краше'нiе:

%<Р%>а'дуйся, до'льнягw мi'ра заступле'нiе.

%<Р%>а'дуйся, дщи` бл~гослове'нная _о=ц~а` нб\снагw:

%<Р%>а'дуйся, сн~а предвjь'чнагw неискусому'жная роди'тельнице.

%<Р%>а'дуйся, бж\ственныя бл~года'ти пода'тельнице:

%<Р%>а'дуйся, тjьле'съ на'шихъ безме'здная цjьли'тельнице.

%<Р%>а'дуйся ду'шъ на'шихъ къ цр\ствiю го'рнему 
путеводи'тельнице:

%<Р%>а'дуйся, w\т вjь'чныя сме'рти на'ша свободи'тельнице.

%<Р%>а'дуйся, цр~и'це препросла'вленная, предjь'лы 
дальнерwссi'йскiя земли` мл\стiю свое'ю не w=ставля'ющая.

%<Конда'къ _е~.%>

%<Б%>г~оте'чная sвjьзда` jа=ви'ся твоя`, бг~омт~и, i=кw'на, всю` 
страну` рwссi'йскую w\т за'падъ до восто'къ w=бтека'ющая луча'ми 
чуде'съ твои'хъ, w=сiява'ющая блужда'ющихъ во тьмjь` невjь'рiя и= 
къ покая'нiю и=`хъ приводя'щая, тьму` неду^гъ и= скорбе'й 
w\тгоня'ющая и= наставля'ющая на пу'ть сп~се'нiя всjь'хъ съ вjь'рою 
къ тебjь` прибjьга'ющихъ и= вопiю'щихъ къ бг~у: %<А=%>ллилу'iа.

%<I='косъ _е~.%>

%<В%>о дни^ лю'тыхъ скорбе'й и= sлы'хъ w=бстоя'нiй jа=ви'ла 
_е=си`, вл\дчце, ве'лiю ми'лость w=брjь'тенiемъ ч\стны'я i=кw'ны 
твоея` по'ртъ-а=рту'рскiя, да вси` съ вjь'рою моля'щеся пред\ъ не'ю 
прiи'мутъ здра'вiе и= ду'шъ сп~се'нiе. Сегw` ра'ди и= мы`, 
прославля'юще мл\срдiе твое` неизрече'нное, о_у=се'рднw вопiе'мъ 
ти` си'це:

%<Р%>а'дуйся, свjьти'ло незаходи'мое, свjь'томъ и='стиннагw 
бг~опозна'нiя на'съ просвjьща'ющее:

%<Р%>а'дуйся, врата'рнице, дв_е'ри ра^йскiя вjь^рнымъ 
w\тверза'ющая.

%<Р%>а'дуйся, неистощи'мый и=сто'чниче ст~ы'ни:

%<Р%>а'дуйся, многотеку'щая рjько` бж\ственныя бл~госты'ни.

%<Р%>а'дуйся, грjьхw'въ на'шихъ w=чище'нiе:

%<Р%>а'дуйся, ка'ющихся грjь'шникwвъ съ бг~омъ примире'нiе.

%<Р%>а'дуйся, дw'брыя w=бjь'ты прiе'млющая:

%<Р%>а'дуйся, бл~ги^мъ начина'нi_емъ спосо'бствующая.

%<Р%>а'дуйся, цр~и'це препросла'вленная, предjь'лы 
дальнерwссi'йскiя земли` мл\стiю свое'ю не w=ставля'ющая.

%<Конда'къ s~.%>

%<П%>роповjь'дуетъ цр~ковь хр\сто'ва чудеса` твоя^, 
бг~ороди'тельнице, и= нjь'сть гра'да и=ли` страны`, и=дjь'же не 
соверша'шеся тобо'ю дjь'йство си'лы бж~iя: во и=збавле'нiе, 
сп~се'нiе, просвjьще'нiе и= и=сцjьле'нiе люде'й хр\стоимени'тыхъ, 
наипа'че же чрез\ъ i=кw^ны твоя^ ст~ы^я w=бы'кла _е=си` 
чудотвори'ти, и=злива'ющи w\т ни'хъ бе'здну мл\срдiя и= щедро'тъ 
бjь'дствующему человjь'ческому ро'ду. Сегw` ра'ди славосло'вяще 
тя`, сн~у твоему` и= бг~у на'шему вопiе'мъ: %<А=%>ллилу'iа.

%<I='косъ s~.%>

%<В%>озсiя` w\т и='стиннагw со'лнца пра'вды, дв~о 
бг~о_отрокови'це, твоя` ст~а'я i=кw'на по'ртъ-а=рту'рская, 
дости'гшая гра'да владивосто'ка, и= jа=ви'ся jа='кw sвjьзда` 
пресвjь'тлая, просвjьща'ющая помрач_е'нная _о='чи и= w=камен_е'нная 
сердца` и= влага'ющая разумjь'нiе суде'бъ бж~iихъ хр\стоимени^тымъ 
лю'демъ. Тjь'мже съ ни'ми и= мы` вопiе'мъ:

%<Р%>а'дуйся, jа='кw w= тебjь` ра'дуется а='гг~льскiй собо'ръ:

%<Р%>а'дуйся, jа='кw w= тебjь` торжеству'етъ человjь'ческiй 
ро'дъ.

%<Р%>а'дуйся, jа='кw твоя` сла'ва превосхо'дитъ похвалы^ земны^я 
и= нб\сныя:

%<Р%>а'дуйся, ра'досте на'ша, о_у=слажда'ющая скw'рбная сердца`, 
къ тебjь` w\тв_е'рстая.

%<Р%>а'дуйся, бл~га'я засту'пнице, на по'мощь къ на'мъ 
о_у=скоря'ющая:

%<Р%>а'дуйся, зало'гъ сп~си'тельный на'мъ въ i=кw'нjь твое'й 
дарова'вшая.

%<Р%>а'дуйся, гра'дъ владивосто'къ прише'ствiемъ свои'мъ w\т 
врагw'въ сохраня'вшая:

%<Р%>а'дуйся, пренесе'нiемъ i=кw'ны твоея` въ по'ртъ-а=рту'ръ 
побjь'ду рwссi'и w=бjьща'вшая.

%<Р%>а'дуйся, цр~и'це препросла'вленная, предjь'лы 
дальнерwссi'йскiя земли` мл\стiю свое'ю не w=ставля'ющая.

%<Конда'къ з~.%>

%<Х%>отя` человjь'къ нjь'кiй и=спо'лнити во'лю бж~iю и= 
доста'вити въ w=сажде'нную ва'рвары крjь'пость i=кw'ну прест~ы'я 
бц\ды по'ртъ-а=рту'рскую, w\тпра'вися въ пу'ть, и= дости'гъ то'кмw 
гра'да да'льнягw, не w=брjь'те вjь'ры о_у= во'_евъ на'шихъ въ 
по'мощь бг~ома'тере, и= со слеза'ми воззва` къ бг~у: 
%<А=%>ллилу'iа.

%<I='косъ з~.%>

%<Н%>о'вую показа` мл\сть всjь'хъ творе'цъ и= вл\дка на'шъ 
гд\сь, _е=гда` положи` во гнjь'вjь свое'мъ наказа'ти человjь'ческiй 
ро'дъ: _о=гне'мъ, мече'мъ, гла'домъ и= болjь'зньми, и= сотвори` въ 
наказа'нiе пораже'нiе ру'сскихъ во'_евъ и= плjьне'нiе безбо'жными 
jа=по'нцы i=кw'ны твоея` по'ртъ-а=рту'рскiя. Сегw` ра'ди, вл\дчце, 
припа'даемъ и= о_у=се'рднw мо'лимъ тя`: не да'ждь на'мъ до конца` 
поги'бнути, но дв_е'ри мл\срдiя твоегw` w\тве'рзи на'мъ, 
вопiю'щымъ:

%<Р%>а'дуйся, сп~си'теля мi'ра ро'ждшая:

%<Р%>а'дуйся, сп~се'нiя на'шегw глави'зно.

%<Р%>а'дуйся, мт~и бж~iя, w=брече'нная[;;;] на страда'нiе:

%<Р%>а'дуйся, мт~и мл\срдiя, w\те'млющая вся'кую сле'зу w\т 
лю'тjь стра'ждущихъ.

%<Р%>а'дуйся, сле'зы о_у=миле'нiя на'мъ подаю'щая:

%<Р%>а'дуйся, w\т страсте'й на'съ и=збавля'ющая.

%<Р%>а'дуйся, погиба'ющихъ грjь'шникwвъ сп~са'ющая:

%<Р%>а'дуйся, цр~и'це нб~си` и= земли`, моли^твы ра^бъ свои'хъ 
прiе'млющая.

%<Р%>а'дуйся, цр~и'це препросла'вленная, предjь'лы 
дальнерwссi'йскiя земли` мл\стiю свое'ю не w=ставля'ющая.

%<Конда'къ и~.%>

%<С%>тра'нни и= прише'льцы _е=смы` на земли` се'й: житiе` на'ше 
су'етно и= маловре'менно _е='сть. Мы' же сме'рти безвjь'стное во 
о_у='мъ никогда'же прiе'млемъ, ни помышля'емъ w= стра'шнjьмъ 
суди'щи хр\сто'вjь, въ не'мже и='мамы прв\дному судiи` предста'ти 
и= да'ти w\твjь'тъ w= вся'комъ дjь'лjь же и= сло'вjь. Тjь'мже 
мо'лимъ тя`, вл\дчце, возбуди` ны` w\т сна` грjьхо'внагw, да 
сподо'бимся твои'мъ хода'тайствомъ получи'ти проще'нiе грjьхw'въ, 
и= во гла'сjь ра'дованiя воспjьва'ти хр\сту` бг~у: %<А=%>ллилу'iа.

%<I='косъ и~.%>

%<В%>ся` бы'вше горjь` къ нб\снымъ взята`, и= земны'хъ не 
w=ставля'еши, прест~а'я бц\де, ст~ы'мъ твои'мъ предста'тельствомъ, 
и= и='маши ве'лiе дерзнове'нiе къ сн~у твоему` и= бг~у на'шему. 
Тjь'мже о_у=тверди` въ ми'рjь глубо'цjь правосла'вныхъ житiе` и= 
вся^ пол_е'зная да'руй рабw'мъ твои'мъ, да велича'юще воспjьва'емъ 
ти`:

%<Р%>а'дуйся, о_у='мнымъ _о=чес_е'мъ на'шымъ го'рькiй и= 
стра'шный ча'съ сме'ртный представля'ющая:

%<Р%>а'дуйся, на кi'йждо де'нь, а='ки о_у=же` на послjь'днiй 
житiя` на'шегw, взира'ти на'съ науча'ющая.

%<Р%>а'дуйся, люби'ти мi'ръ и= jа='же въ мi'рjь на'мъ 
воспреща'ющая:

%<Р%>а'дуйся, пристра'стiе къ тлjь'нному бога'тству и=з\ъ 
се'рдца на'шегw и=скореня'ющая.

%<Р%>а'дуйся, сла'вы человjь'чи, а='ки тjь'ни преходя'щiя, 
и=ска'ти на'мъ возбраня'ющая:

%<Р%>а'дуйся, jа='кw сладча'йшее и='мя гд\са i=и~са хр\ста` 
о_у=сты` непреста'ннw произноси'ти и= въ о_у=мjь` держа'ти на'съ 
побужда'еши.

%<Р%>а'дуйся, jа='кw w\т праздносло'вiя, многоглаго'ланiя, па'че 
же w\т кощу'нства на'съ о_у=держава'еши:

%<Р%>а'дуйся, jа='кw твое` за на'съ хода'тайство си'льно _е='сть 
пред\ъ бг~омъ, _е='же не вве'рж_еннымъ бы'ти на'мъ во тьму` 
кромjь'шнюю.

%<Р%>а'дуйся, цр~и'це препросла'вленная, предjь'лы 
дальнерwссi'йскiя земли` мл\стiю свое'ю не w=ставля'ющая.

%<Конда'къ f~.%>

%<В%>ся'кое _е=стество` а='гг~льское о_у=диви'ся вели'кому 
дjь'лу твоегw` мл\срдiя, гд\си, _е=гда` во дни^ гнjь'внагw 
посjьще'нiя своегw`, не хотя` да'ти поги'бнути до конца` 
правосла'внjьй рwссi'и, дарова` держа'вную засту'пницу наро'ду 
правосла'вному, неви'димw сопребыва'ющу и= слы'шащу тебjь` 
пою'щихъ: %<А=%>ллилу'iа.

%<I='косъ f~.%>

%<В%>jьтi^и суему'дрiи, непросвjьще'ннiи свjь'томъ и='стиннагw 
бг~опозна'нiя, поклони'шася злато'му тельцу`. Сегw` ра'ди гнjь'вное 
бж~iе посjьще'нiе всему` мi'ру зря'ще, мы`, грjь'шнiи, смире'ннw 
мо'лимъ тя`, вл\дчце: о_у=ми'лостиви созда'теля преложи'ти гнjь'въ 
сво'й пра'ведный на мл\сть и= поми'ловати на'съ, вопiю'щихъ:

%<Р%>а'дуйся, твоея` по'мощи и= заступле'нiя никогда'же на'съ 
лиша'еши:

%<Р%>а'дуйся, о_у='мъ на'шъ, помраче'нный небреже'нiемъ, 
свjь'тлымъ твои'мъ покро'вомъ w=заря'еши.

%<Р%>а'дуйся, душ_е'вныя на'шя ра^ны сп~си'тельнымъ _е=ле'емъ 
о_у=маща'еши:

%<Р%>а'дуйся, и=з\ъ ро'ва беззако'нiй на'шихъ руко'ю твоея` 
по'мощи и=схища'еши.

%<Р%>а'дуйся, грjьхо'вный со'нъ душе'вныя на'шея лjь'ности 
w=тряса'еши:

%<Р%>а'дуйся, душе'вное о_у=миле'нiе и= серде'чное сокруше'нiе 
въ на'съ ражда'еши.

%<Р%>а'дуйся, къ покая'нiю и= и=справле'нiю на'съ возбужда'еши:

%<Р%>а'дуйся, jа='кw всjь^мъ твори'ши сп~сти'ся, въ держа'вный 
тво'й покро'въ прибjьга'ющымъ.

%<Р%>а'дуйся, цр~и'це препросла'вленная, предjь'лы 
дальнерwссi'йскiя земли` мл\стiю свое'ю не w=ставля'ющая.

%<Конда'къ _i~.%>

%<С%>п~сти` хотя` лю'ди дальнерwссi'йскiя земли`, погиба'ющыя во 
тьмjь` невjь'рiя, прест~а'я бц\де, въ пу'ть о_у=пра'ви нjь^кiя 
и='ноки во ст~ы'й гра'дъ, поклоне'нiя ра'ди i=ер\сли^мскимъ 
ст~ы'нямъ, и= та'мw на кре'стнjьмъ пути`, о_у= мjь'ста рече'ннагw 
лifострwто'нъ, бл~говоли'ла _е=си` jа=ви'ти мл\сть свою` 
w=брjь'тенiемъ ч\стны'я i=кw'ны твоея` по'ртъ-а=рту'рскiя, тjь'мже 
и= мы` съ ни'ми ра'достнw вопiе'мъ бг~у: %<А=%>ллилу'iа.

%<I='косъ _i~.%>

%<Н%>е бл~говоли'ла _е=си` i=кw'ну твою`, вл\дчце, пре'жде 
возврати'ти въ предjь'лы земли` дальнерwссi'йскiя, но о_у=тjь'шила 
_е=си` с_е'стры w=би'тели го'рненскiя свои'мъ посjьще'нiемъ, и= въ 
не'й пребы'вши три` мjь'сяцы, jа='коже пе'рвjье о_у= сро'дницы 
своея` _е=лiсаве'ты, и= ны'нjь w=бновле'нiемъ i=кw'ны своея` 
вои'стину показа'ла _е=си`, бц\де, стjь'ну мл\срдiя и= щедро'тъ 
хр\столюби^вымъ лю'демъ, нело'жнw w=бjьща'вши покро'въ своея` 
бл~гости въ возсозда'нiи рwссi'йскiя страны`, да врата` а='дова не 
w=долjь'ютъ правосла'вныя цр~кве хр\сто'вы. Сегw` ра'ди припа'даемъ 
къ вно'вь w=брjь'теннjьй i=кw'нjь твое'й по'ртъ-а=рту'рстjьй и= 
ра'достнw вопiе'мъ ти` си'це:

%<Р%>а'дуйся, рwссi'йскiя страны` покро'ве и= w=гражде'нiе:

%<Р%>а'дуйся, дальнерwссi'йскiя земли` забра'ло и= похвале'нiе.

%<Р%>а'дуйся, правосла'вныя цр~кве сто'лпъ и= о_у=твержде'нiе:

%<Р%>а'дуйся, вся'кiя ст~ы'ни защи'то и= поклоне'нiе.

%<Р%>а'дуйся, су'щихъ въ плjьне'нiи свобожде'нiе:

%<Р%>а'дуйся, за пра'вду гони'мыхъ дерзнове'нiе.

%<Р%>а'дуйся, за вjь'ру страда'вшихъ терпjь'нiе:

%<Р%>а'дуйся, w\т гла'да и= болjь'зней на'ше сп~се'нiе.

%<Р%>а'дуйся, цр~и'це препросла'вленная, предjь'лы 
дальнерwссi'йскiя земли` мл\стiю свое'ю не w=ставля'ющая.

%<Конда'къ а~_i.%>

%<П%>jь'нiемъ хвале'бнымъ и= бл~года'рственнымъ моле'нiемъ 
вно'вь срjьта'ютъ i=кw'ну твою`, вл\дчце, по'ртъ-а=рту'рскую, 
ст~и'тель бж~iй, сщ~е'нницы, мона'си и= лю'дiе гра'да 
владивосто'ка, jа='кw зарю` со'лнечную и= непосты'дную наде'жду 
свою`. И= мы` вси` о_у=пова'нiе на тя` возложи'вше, ра'достнw 
вопiе'мъ бг~у: %<А=%>ллилу'iа.

%<I='косъ а~_i.%>

%<С%>т~ы'й о_у=бру'съ сн~а своегw`, jа='кw свjьто_обра'зный 
w=мофо'ръ, неви'димw простира'еши над\ъ на'шею земле'ю, вл\дчце, 
нече'стiя безлу'нную но'щь прогоня'ющи, зарю' же пакибытiя` 
возсiява'ющи, да въ ра'дости немо'лчнw зове'мъ:

%<Р%>а'дуйся, вои'стину въ со'лнце w=блаче'нная:

%<Р%>а'дуйся, вjьнце'мъ w\т sвjь'здъ о_у=вязе'нная.

%<Р%>а'дуйся, ря^сны златы'ми преиспещре'нная:

%<Р%>а'дуйся, красото` неизрече'нная.

%<Р%>а'дуйся, теплото` со'лнца любе'знjьйшая:

%<Р%>а'дуйся, свjь'те невече'рнiй а='гг~лwвъ и= человjь'кwвъ.

%<Р%>а'дуйся, т_е'мныя де'мwнскiя полки` дале'че w\тгоня'ющая:

%<Р%>а'дуйся, тьму` невjь'рiя просвjьща'ющая.

%<Р%>а'дуйся, цр~и'це препросла'вленная, предjь'лы 
дальнерwссi'йскiя земли` мл\стiю свое'ю не w=ставля'ющая.

%<Конда'къ в~_i.%>

%<I=%>кw'на твоя`, бл~года'ти прича'стная, jа='кw сокро'вище 
драгоцjь'нное цр~кве хр\сто'вы w\т теб_е`, бц\де, подаде'ся, въ 
не'й бо w=бjьща'лася _е=си` пребыва'ти съ на'ми до сконча'нiя 
вjь'ка, ре'кши къ первопи'саннjьй i=кw'нjь твое'й: съ не'ю моя` 
бл~года'ть и= си'ла. Вjь'руемъ, преч\стая, jа='кw не w=скудjь'етъ 
глаго'лъ се'й и= во i=кw'нjь твое'й по'ртъ-а=рту'рстjьй: на 
вся'цjьмъ мjь'стjь и= здjь` съ на'ми пребыва'еши, и=дjь'же вjь'рнw 
пое'тся сн~у твоему` и= бг~у хвале'бная пjь'снь: %<А=%>ллилу'iа.

%<I='косъ в~_i.%>

%<П%>ою'ще твоя^ чудеса`, бы^вшая въ др_е'вняя и= настоя^щая 
времена`, хва'лимъ тя`, вл\дчце, о_у=се'рднw припа'даемъ къ 
i=кw'нjь твое'й по'ртъ-а=рту'рстjьй, съ любо'вiю лобыза'емъ ю=` и= 
jа='кw при'снw су'щей съ на'ми мо'лимъ ти ся: ми'лостивw воззри` на 
ны`, мт~и бж~iя, и= jа='коже ны'нjь зри'мъ тя` на i=кw'нjь 
и=з\ъwбраже'нную, та'кw сподо'би на'съ о_у=зрjь'ти тя` въ гро'зный 
ча'съ сме'ртный, w\т руки` дiа'воли на'съ и=схища'ющую и= въ 
цр\ствiе нб\сное приводя'щую держа'вною десни'цею твое'ю, да тебjь` 
бл~года'рственнw воззове'мъ:

%<Р%>а'дуйся, цр~кве нб\сныя и= земны'я о_у=краше'нiе:

%<Р%>а'дуйся, по бз~jь на'ше пе'рвое прибjь'жище и= 
о_у=тjьше'нiе.

%<Р%>а'дуйся, дjь'вства ч\стны'й покро'ве и= w=гражде'нiе:

%<Р%>а'дуйся, во ст~jь'мъ житiи` вjь'рныхъ о_у=твержде'нiе.

%<Р%>а'дуйся, въ цр\ствiе нб\сное лю'бящымъ тя` хода'тайствуеши 
вхожде'нiе:

%<Р%>а'дуйся, w\т вла'сти лю'тагw мiроде'ржца о_у=пова'ющихъ на 
тя` и=збавле'нiе.

%<Р%>а'дуйся, на возду'шныхъ мыта'рствjьхъ сла'вящихъ тя` 
и=збавле'нiе:

%<Р%>а'дуйся, на'мъ ра'йскихъ вра'тъ w\тверзе'нiе.

%<Р%>а'дуйся, цр~и'це препросла'вленная, предjь'лы 
дальнерwссi'йскiя земли` мл\стiю свое'ю не w=ставля'ющая.

%<Конда'къ г~_i.%>

%<_W%> всепjь'тая мт~и, ро'ждшая всjь'хъ ст~ы'хъ ст~jь'йшее 
сло'во, w\т а='гг~лъ восхваля'емая на нб~си`, w\т человjь^къ 
воспjьва'емая на земли`! При'зри на смире'нное на'ше моле'нiе 
пред\ъ преч\стымъ твои'мъ w='бразомъ и= вся^ пол_е'зная да'руй 
рабw'мъ твои^мъ, да сп~са'емiи тобо'ю, вопiе'мъ бг~у: 
%<А=%>ллилу'iа.

%<Се'й конда'къ глаго'ли три'жды. Посе'мъ i='косъ а~: 
А='%>гг~лwвъ творе'цъ: %<и= конда'къ а~: И=%>збра'ннjьй w\т всjь'хъ 
родw'въ:

%<Мл~тва ко прест~jь'й бц\дjь:%>

%<_W%> прест~а'я гп\сже` дв~о бц\де, превы'шшая херувi'мwвъ и= 
серафi'мwвъ и= ст~jь'йшая всjь'хъ ст~ы'хъ! Припа'дающе къ ст~jь'й 
i=кw'нjь твое'й, смире'ннw мо'лимся: вонми` гла'су моле'нiя 
на'шегw, ви'ждь скw'рби, ви'ждь бjьды^ на'шя, и= jа='кw 
любве_оби'льная мт~и, потщи'ся на по'мощь на'мъ безпомw'щнымъ, 
о_у=моли` сн~а твоего` и= бг~а на'шего, да не преда'стъ земли` 
на'шея на поруга'нiе ва'рварwвъ, да не погуби'тъ на'съ за 
беззакw'нiя на^ша, но jа=ви'тъ человjьколю'бнw на'мъ мл\сть свою`. 
И=спроси` на'мъ, вл\дчце, о_у= бл~гости _е=гw` тjьле'сное здра'вiе 
и= душе'вное сп~се'нiе, ми'рное житiе` и= земли` плодоно'сiе, 
возду'ха бл~горастворе'нiе и= бл~гослове'нiе свы'ше на вся^ бл~га^я 
дjьла` и= начина^нiя на^ша. И= jа='коже дре'вле мл\стивw мл\стивнw 
jа=ви'ла _е=си` на'мъ i=кw'ну свою` по'ртъ-а=рту'рскую, jа='кw 
защи'тницу земли` дальнерwссi'йскiя, но за невjь'рiе и= 
неблагоговjь'нiе къ ст~ы'нямъ цр~кw'внымъ jа=зы'чники плjьне'нную, 
та'кw и= ны'нjь припа'даемъ къ вно'вь w=брjь'тенному твоему` 
w='бразу и= прино'симъ на'ше о_у=се'рдное мл~твосло'вiе.

%<_W%> цр~и'це всепjь'тая! Простри` ко гд\су бг~онw'сныя ру'цjь 
твои`, и='миже бг~омл\днца i=и~са хр\ста` носи'ла _е=си`, и= 
о_у=моли` _е=го` и=зба'вити на'съ w\т вся'кагw sла`. Jа=ви`, 
вл\дчце, мл\сть твою` на'мъ: боля'щыя и=сцjьли`, скорбя'щыя 
о_у=тjь'ши, бjь'дствующымъ помози` и= сподо'би на'съ бл~гоче'стнw 
житiе` земно'е соверши'ти, хр\стiа'нскую кончи'ну получи'ти и= 
цр\ствiе нб\сное наслjь'дити, мт~рнимъ твои'мъ хода'тайствомъ къ 
ро'ждшемуся w\т теб_е` хр\сту` бг~у на'шему, _е=му'же со 
безнача'льнымъ _е=гw` _о=ц~е'мъ и= прест~ы'мъ дх~омъ подоба'етъ 
вся'кая сла'ва, че'сть и= поклоне'нiе, ны'нjь и= при'снw, и= во 
вjь'ки вjькw'въ. %<А=%>ми'нь.