Богослужебные тексты

<::рус>    электронный текст предоставлен 

<::лат>    monah German - Srbija 

<::рус> Текст подвергнут грамматической правке



<::слав> 


%<Мц\са деке'мврiа, во _i~ де'нь.%>

%<Па'мять ст~а'гw i=wа'нна де'спота се'рбскагw.%>

%<На ма'лjьй вече'рни,%>

%<На Г%>д\си воззва'хъ, %<стiхи^ры на д~, гла'съ а~.%>

%<Подо'бенъ: П%>рехва'льнiи мч~нцы:

%<К%>расу'йся цр~кве бж~iя, ст~а'я митропо'лiе, 
ликовству'й се'рбскихъ наро'дwвъ бг~осо'бранная че'сте, 
зря'ще ве'щь ди'вну и= пресла'вну, лежа'щу во ст~jь'мъ 
хра'мjь бж~iя мт~ре, мо'щи сегw` бл~же'ннагw i=wа'нна 
де'спота: и=сцjьл_е'нiя подаю'щыя, всjь^мъ приходя'щымъ 
съ вjь'рою къ нему`: любо'вiю почита'ющымъ, и= хр\ста` 
о_у=се'рднw воспjьва'ющымъ. %<[Два'жды.]%>

%<В%>есели'ся ст~а'я митропо'лiе, хра'ме бж~iя мт~ре, 
и=му'щи въ себjь` многоцjь'нное сокро'вище, мо'щи но'вагw 
сегw` на'шегw предста'теля и= моле'бника къ бг~у, 
бл~гочести'вагw сегw` i=wа'нна и='же вы'ну предстои'тъ 
_е=му`, и= зри'тъ неизрече'нную _е=гw` сла'ву, и= 
мо'лится при'снw: дарова'ти душа'мъ на'шымъ ми'ръ, и= 
ве'лiю мл\сть.

%<В%>озра'довашася пра'ведныхъ ли'цы, о_у=диви'шася 
наро'ды се'рбстiи, зря'ще сiю` прв\дную ду'шу, jа='кw 
многосвjь'тлую лучу` w\т земли` на нб~о возноси'му, и= 
покланя'ющуся бж\ственному пр\сто'лу, мо'лимся: и= та'мw 
w= на'съ не преста'й моля'ся бл~годjь'телю бг~у, 
дарова'ти душа'мъ на'шымъ, ми'ръ и= ве'лiю мл\сть.

%<Сла'ва, гла'съ s~.%>

%<П%>рiиди'те бг~осо'браннiи собо'ри, кра'сный ли'че 
и='ноческiй: прiиди'те и= вси` се'рбстiи наро'ди, ста'рiи 
же и= ю='нiи, бога'тiи и= ни'щiи, стеце'мся въ цр~ковь 
бж~iя мт~ре, и=дjь'же лежи'тъ многоцjьле'бное тjь'ло 
пра'веднаго i=wа'нна, свjь'томъ вселе'нную w=заря'ющее. 
се'й бо бл~же'нный разли'чная дарова'нiя и=сцjьле'нiй, 
jа='кw и='скры и=спуща'етъ. тjь'мъ и= мы` возопiе'мъ къ 
нему`, си'це гл~юще: ра'дуйся бл~гоче'стiя ца'рская 
w\тра'сле, ско'рый на'шъ помо'щниче, и= те'плый 
засту'пниче: jа='кw вели'кагw да'ра сподо'бился _е=си` 
здjь`, и= во _о='номъ вjь'цjь. тjь'мже мо'лимся сподо'би 
и= на'съ тjьле'снагw здра'вiя, и= душе'внагw сп~се'нiя, 
мл~твами твои'ми пребл~же'нне.

%<И= ны'нjь, бг~оро'диченъ.%>

%<Ч%>т\сая _е=ди'на бг~а ро'ждшая, душе'вныхъ 
прегрjьше'нiй и=зба'ви мя` дв~о молю'ся, и= сп~си' мя 
о_у=мерщвле'ннаго: ты' бо наде'жда _е=си` не 
надjь'ющихся, и= помо'щница мi'ра: и=му'щи _е='же мощи` 
_о=трокови'це jа='кw мт~и гд\сня, не пре'зри мое` 
моле'нiе, ни'же w=ста'ви всегд\сова'нная вл\дчце, но 
jа='кw бл~голюби'вая сп~си' мя.

%<На стiхо'внjь, стiхи^ры, гла'съ в~.%>

%<Подо'бенъ: Д%>о'ме _е=vфра'fовъ:

%<Д%>о'мъ прест~а'гw и= животворя'щаго дх~а, 
поспjьше'нiемъ и= блг\дтiю, jа=ви'лся _е=си` i=wа'нне, 
тjь'мже и= мы` соше'дшеся, тому` воспои'мъ пjь'снь.

%<Стi'хъ: П%>рв\дникъ jа='кw фi'нi_ксъ процвjьте'тъ, 
jа='кw ке'дръ, и='же въ лiва'нjь, о_у=мно'жится.

%<Р%>а'дуйся царе'й правосла'вныхъ похвало`, во'инwвъ 
соблюде'нiе, ва'рварwвъ побjьжде'нiе, сиро'тъ и= 
вдови'цъ, и= люде'й твои'хъ засту'пниче те'плый.

%<Стi'хъ: Н%>асажде'ни въ дому` гд\сни, во дво'рjьхъ 
бг~а на'шегw:

%<П%>рiими` ны'нjь пjь'нiе, люде'й твои'хъ 
бг~обл~же'нне, и= моля'щымся ти`, о_у= хр\ста` и=спроси` 
w\т грjьхw'въ и=збавле'нiе: да о_у=блажа'ютъ тя` 
приснопа'мятне.

%<Сла'ва, гла'съ г~.%>

%<К%>то` ны'нjь зря` неудиви'тся бг~одарова'нному 
тебjь` воспрiя'тiю прехва'льне; бл~же'нна бо и=мену'ю 
тя`. jа='кw бл~же'нство наслjь'довалъ, _е=си`, и= 
и=змла'да за'пwвjьди хр\ста` бг~а и=спо'лнилъ _е=си`, 
того` не w\тло'жнw взыску'я: сиро'тъ пита'тель, 
плjь'нныхъ свободи'тель бы'лъ _е=си`. тjь'мъ вше'лъ 
_е=си` въ ра'дость гд\са твоегw`: _е=му'же со а='гг~лы 
предстоя`, моли` w= вjь'рою творя'щихъ па'мять твою`.

%<И= ны'нjь, бг~оро'диченъ.%>

%<П%>одъ твое` держа'вное предста'тельство 
прибjьга'ющiи пр\снw, бг~ороди'телнице дв~о, страсте'й 
мучи'тельства, и= лука'выхъ помышле'нiй и=збавля'ются. 
тjь'мже рабы^ твоя^ сп~си` w\т вся'кагw вре'да и= тли`, 
бл~гопрiя'тною твое'ю мл~твою и=зба'вивши, jа='кw 
бл~госе'рдна, да вjь'рою вси` бл~гослови'мъ держа'ву 
твою` вл\дчце.

%<На вели'цjьй вече'рни,%>

%<Стiхи^ры, гла'съ в~. Подо'бенъ: К%>i'ими 
похва'льными:

%<К%>i'ими златокова'нными вjьнцы`, о_у=вязе'мъ 
i=wа'нна, бл~же'ннагw новопроя'вленнагw, бл~гоче'стiя 
побо'рника, свjьти'льника незаходи'магw, сл~нце мi'рови 
пра'вды пра'вило, весе'лiе земли` се'рбскiя, и= 
_о=би'тели своея` свjь'тлое о_у=краше'нiе. си'рыхъ и= 
_о=би'димыхъ засту'пника, столпа` непоколеби'магw: 
_е=гw'же ра'ди шата^нiя врагw'въ, хр\сто'съ низложи`, 
и=мjь'яй ве'лiю мл\сть. %<[Два'жды.]%>

%<_W%> ка'кw недосто'йными о_у=стна'ми воспое'мъ 
i=wа'нна прему'драгw: _е=v\гльскихъ слове'съ 
подража'теля, и= роди'телемъ свои'мъ въ послуша'нiи 
вjьнца` свjьтлосiя'тельнагw, и= ста'ду своему` по 
кончи'нjь не w\те'млема назира'теля. всеч\стны'я тр\оцы 
мл~твенника, чуде'съ мно'гихъ пода'теля w=би'льна: 
мо'лится бо w= душа'хъ на'шихъ.

%<С%>вjь'тлое о_у=краше'нiе цр~кве бж~iя мт~ре, твоя^ 
мо'щи jа=ви'шася пребл~же'нне i=wа'нне: сiя'ютъ бо па'че 
зла'та и= сапфi'ра, созыва'ющи на'съ на дх~о'вное 
торжество`, и= просвjьща'етъ ду'шы и= тjьлеса` всjь'хъ 
вjь'рою приходя'щихъ къ нему`: и= мо'лится гд\сви 
поми'ловати лю'ди своя^.

%<И='ны, стiхи'ры, гла'съ и~.%>

%<Подо'бенъ: _W%> пресла'внагw чудесе`:

%<_W%> пресла'внагw чудесе`, ка'кw многовре'менное 
тече'нiе лjь'тъ, не и=стли` многоцjьле'бное сокро'вище, 
тjь'ло твое` пребл~же'нне i=wа'нне. бг~ъ _е=го'же w\т 
младе'нства возлюби'лъ _е=си`, то'й тя` ны'нjь 
прославля'етъ вои'стинну въ похвалу` и= о_у=твержде'нiе 
вjь'ры на'шея. мы' же w=бстоя'ще ра'ку моще'й твои'хъ 
зря'ще зна'менiя и= чудеса`, дивя'щеся вопiе'мъ: _w 
кра'снаго твоегw` дарова'нiя ст~е: и='мже хр\сто'съ 
w=дари'лъ тя` _е='сть, jа='кw бл~гоутро'бенъ. 
%<[Два'жды.]%>

%<_W%> какова'гw дарова'нiя w\т сп~са причасти'хомся, 
и= w=богати'хомся вои'стинну: цр~iе и= ст~и'телiе, 
бога'тiи и= ни'щiи ра'дуйтеся, и= свjь'тлость дне'сь 
торжество` пра'зднуимъ, _о='бщагw на'шегw засту'пника, 
i=wа'нна прв\днагw. воспо'йте пусты'ннiи безмо'лвницы, и= 
про'стiи лю'дiе: _w неизрече'ннагw твоегw` мл\срдiя 
вл\дко гд\си: и='мже просла'вилъ _е=си` тебе` сла'вящыя.

%<_W%> пресла'внагw твоегw` воспрiя'тiя ст~е: _е='же 
w\т бг~а получи'лъ _е=си`, кто` зря` неудиви'тся въ 
тебjь` бл~же'нне i=wа'нне; съ роди'тели бо твои'ми въ 
ра'йстjьй пи'щи весели'шися, jа='кw w\тню'дъ невозмо'же 
тебе` бл~же'нне, ни цвjь'тъ ю='ности, ни земна'гw 
во'инства попече'нiе, jа='же къ бг~у любве` w\тлучи'ти, 
пра'вдою бо и= мл\стынями о_у=краша'яся. _w кра'снагw 
твоегw` селе'нiя ст~е: и='мже тя` хр\сто'съ бг~ъ прiя'тъ 
веселя'щася.

%<Сла'ва, гла'съ s~.%>

%<Р%>а'дуйся са'вво ст~и'телю, правосла'вiя 
наста'вниче и= чистотjь` о_у=чи'телю. Ра'дуйся сv"меw'не 
ко'рене бл~гоче'стiя. Ра'дуйся стефа'не де'споте, и=зъ 
тебе' бо произы'де красе'нъ пло'дъ духо'внагw 
наслажде'нiя, и='мже пита'ется цр~ковь хр\сто'ва и= 
наслажда'ется. Ра'дуйся ма_ксi'ме пребл~же'нне, 
ст~и'телей о_у=добре'нiе, и='нокwвъ и= бjьльце'въ, и= 
всjь'хъ вjь'рныхъ свjь'тлое просвjьще'нiе: Ра'дуйся 
а=нгели'но прп\дбная, лозо` ч\стная, w\т тебе' бо 
прозябе` на'мъ гро'здъ вiногра'да сп~се'ннагw, w\т 
негw'же пита'ющеся о_у=слажда'емъ ду'шы на'шя. Ра'дуйся 
i=wа'нне, цр~кве бг~ома'тере свjь'тлое о_у=краше'нiе, и= 
земли` се'рбскiя о_у=твержде'нiе. Ра'дуйся стра'нныхъ и= 
безкро'вныхъ покрови'телю. Ра'дуйся вдови'цъ и= сиро'тъ 
пита'телю. Ра'дуйся похвало` вjь'ры на'шея, и= те'плый 
моли'твениче w= душа'хъ на'шихъ.

%<И= ны'нjь, бг~оро'диченъ.%>

%<К%>то` тебе` не о_у=бл~жи'тъ прест~а'я дв~о: кто' ли 
не воспое'тъ твоегw` преч\стагw рж\ства`; безлjь'тнw бо 
w\т _о=ц~а` возсiя'вый сн~ъ _е=диноро'дный: то'йже w\т 
тебе` ч\стыя про'йде неизрече'ннw вопло'щся, 
_е=стество'мъ бг~ъ сы'й, и= _е=стество'мъ бы'въ чл~къ 
на'съ ра'ди, не во двою` лицу` раздjьля'емый, но во двою` 
_е=стеству` несли'тнw познава'емый: того` моли` ч\стая, 
всебл~же'нная, поми'ловатися душа'мъ на'шимъ.

%<Вхо'дъ, прокi'менъ дне` и= чте'нiя:%>

%<На лiтi'и стiхи^ры, гла'съ в~, самогла'сны:%>

%<Л%>ику'й ны'нjь и= взыгра'й но'вый i=и~лю, jа='коже 
и=ногда` бг~о_оц~ъ пр\оро'къ: та'кw и= мы` дне'сь ра'ки 
ва'шя w=бстоя'ще многоцjьл_е'бныя, не скрижа^ли 
ка'м_енныя въ себjь` и=му'щыя, но сокрw'вища 
четверосiя'т_ельная заря'ми па'че сл~нца w=сiява'юща, и= 
вся^ чу^вствiя на^ша проходя'щая воня'ми мv'рными 
w=благоуха'ющая: _о=ц~ъ съ сн~о'мъ, ма'ти съ ча'домъ, 
прославля'ютъ бг~а просла'вльшаго и=`хъ. тjь'мже 
о_у=се'рднw возопiе'мъ къ ни'мъ: бл~гi'и на'ши 
засту^пницы, прiиди'те ко хр\сту` бг~у, w= на'съ 
моля'щеся да спасе'тъ ду'шы на'шя.

%<Гла'съ г~.%>

%<П%>рiиди'те славеносе'рбскагw наро'да собо'ри: 
прiиди'те ма'тери съ ча'ды, припаде'мъ ма'тери на'шей, 
ско'рой помо'щницjь, прп\дбной а=нгели'нjь, и= 
пjь'сненными похвала'ми воспои'мъ ю=`, jа='кw въ 
послjь'днее вре'мя въ ма'терехъ просла'вися: таково'е 
сокро'вище w\т о_у=тро'бы своея` произне'сши, и='мже мы` 
дне'сь w=богати'хомся: многоцjьле'бными тjьлесы` 
ма_ксi'ма бл~же'ннагw, и= i=wа'нна прп\дбнагw, и= 
возопiи'мъ къ ни'мъ: _w прехва'льнiи, моли'теся хр\сту` 
бг~у w= на'съ: да сп~се'тъ дш~ы на'шя.

%<Гла'съ д~.%>

%<В%>есели'ся и= лику'й сv'рмiе со _о=кре'стными 
страна'ми. дне'сь бо предлага'етъ на'мъ трапе'зу 
дх~о'вную, те'плый на'шъ засту'пникъ i=wа'ннъ де'спотъ, 
не бра'шно и= питiе`, ни снjь'дей тли'тельныхъ и=му'щи, 
но слаждча'е ме'да, бл~гоуха'нное _е=гw` тjь'ло. къ нему' 
же прини'кнувше чу^вства на^ша о_у=слади'мъ, дш~_е'вная 
вку'пjь, и= тjьл_е'сная: почерпа'юще вiно` весе'лiя, w\т 
и=сто'чника пр\снотеку'щагw, и= мо'лимся _е=му`: да 
помо'литъ хр\ста` бг~а, и= спасе'тъ дш~ы на'шя.

%<Гла'съ s~.%>

%<Б%>г~опрiя'тне пребога'те бл~же'нне i=wа'нне: w\т 
ложе'снъ порожде'нiе ст~о, бг~ови нарече'нъ _е=си`, 
бл~ги'ми дjь'лы свjь'тло о_у=краси'лся _е=си`, 
мл\стынями, чистото'ю и= пра'вдою, сосу'дъ ст~а'гw дх~а 
бы'лъ _е=си`: и='мже дjь'йствуеши пресла^вная чудеса`, 
вjь'рою приходя'щымъ къ ра'цjь моще'й твои'хъ, и= 
мо'лишися w= душа'хъ на'шихъ.

%<Гла'съ з~.%>

%<I=%>wа'нне бг~овjьнча'нне, ты` jа=ви'лся _е=си` 
цр~е'й держа'ва свjьтоно'сна, во'ехъ похвала` всеч\стна, 
хр\стiа'нъ всjь'хъ побо'рникъ непобjьди'мъ: w= ни'хже 
жи'въ сы'й дш~у твою` полага'я си'це и= по сме'рти не 
w\тсту'пнw _о=те'чество твое` сохраня'й, и= 
правосла^внымъ во'емъ на'шимъ на а=га'ряны посо'бствуй, 
мл~твами твои'ми.

%<Гла'съ и~.%>

%<К%>ра'сна похвала` _е=си` и= весе'лiе земли` 
се'рбскiя, и= о_у=краше'нiе ст~ы'й хра'ме бж~iя ма'тере, 
и=мjь'я въ себjь` мо'щи бл~гочести'вагw стефа'на, и= 
ма_ксi'ма бл~же'ннагw: прп\дбныя а=нгели'ны, i=wа'нна 
прв\днагw. тjь'мъ ра'достнw се'й пра'здникъ дх~о'внw 
восхва'лимъ, и= пjь'снми почти'мъ: и= мо'лимся jа='кw 
те'плымъ на'шимъ засту'пникwмъ, да мо'лятся w= душа'хъ 
на'шихъ.

%<Сла'ва, гла'съ _е~.%>

%<В%>остру'бимъ трубо'ю пjь'сней, и= гла'сомъ 
ра'достнагw весе'лiя пра'здникъ се'й воспои'мъ. свы'ше бо 
нб~са` ра'дуются, и= земля` весели'тся, чл~вjь'кwмъ же 
ср\дца и=гра'ютъ. цр~iе стецы'теся, кня'зи друголю'бiе 
показу'юще, рабы^ вл\дку воспо'йте. да дивя'тся jа=зы'цы 
новода'ннjьй на'мъ блг\дти. да красу'ется ст~а'я цр~ковь 
бж~iя мт~ре, и=мjь'ющи въ нача'лjь сv"меw'на и= са'вву 
о_у=твержде'нiе: напослjь'докъ же стефа'на де'спота, и= 
прп\дбную а=нгели'ну: jа='же породи'ста на'мъ ро'ждiе 
вiногра'да сп~се'ннагw, ма_ксi'ма бл~же'ннагw, и= 
i=wа'нна пра'ведна. къ ни'мъ о_у='бw припаде'мъ со 
слеза'ми, и= возопiе'мъ: _w те'плiи на'ши засту^пницы, и= 
ско'рiи помwы'щницы: о_у=бjьди'те роди'тели своя^, и= 
вку'пjь о_у=моли'те вл\дку хр\ста`: мона'хwмъ и= 
бjьльц_е'мъ, ста'рымъ и= ю='нымъ, му'жемъ и= жена'мъ, 
душа'мъ спасе'нiе, и= тjьлw'мъ здра'вiе дарова'ти, и= 
ве'лiю мл\сть.

%<И= ны'нjь, бг~оро'диченъ.%>

%<Х%>ра'мъ и= две'рь _е=си`, пала'та и= пр\сто'лъ 
цр~е'въ, дв~о всеч\стна'я: _е=ю'же и=зба'витель мо'й 
хр\сто'съ гд\сь во тмjь` спя'щымъ jа=ви'ся, сл~нце сы'й 
пра'вды, просвjьти'ти хотя`, jа=`же созда` по _о='бразу 
своему` руко'ю свое'ю. тjь'мже всепjь'тая, jа='кw 
ма'тернее дерзнове'нiе къ нему` стяжа'вшая, непреста'ннw 
моли` спасти'ся душа'мъ на'шимъ.

%<На стiхо'внjь, стiхи^ры, гла'съ а~.%>

%<Подо'бенъ: Н%>б\сныхъ чи'нwвъ:

%<П%>а'че со'лнечныя лучи` просiя'лъ _е=си` 
пребл~же'нне i=wа'нне, се'рбскiя земли` свjьти'ло 
jа=ви'лся _е=си`, зна'менми же и= чудесы` просвjьща'еши 
лю'ди твоя^. тjь'мъ вси` соше'дшеся хр\ста` воспое'мъ, 
спаса'ющагw на'съ w\т бjь'дъ, мл~твами твои'ми ст~е.

%<Стi'хъ: П%>рв\дникъ jа='кw фi'нi_ксъ процвjьте'тъ:

%<С%>вjь'томъ бж~е'ственнымъ w=блиста'я, 
чудодjь'йствуеши непреста'ннw: цр~ковь твою` зна'менми 
о_у=ясня'еши, и= лю'ди твоя^ w\т напа'стей и=збавля'еши, 
и= ра'достiю весели'ши. и= ны'нjь хр\ста` бг~а моли` 
всехва'льне i=wа'нне. w\т бjь'дъ и=зба'витися душа'мъ 
на'шимъ.

%<Стi'хъ: Н%>асажде'ни въ дому` гд\сни:

%<З%>емля` ва'ша сv'рмiя, и= ли'къ бг~осо'бранный, 
мона'си и= бjьльцы` чудеса` твоя^ вселе'ннjьй 
возвjьща'ютъ пребл~же'нне: и= ст~а'я цр~ковь бж~iя мт~ре 
крася'щися, воспjьва'етъ велехва'льными пjь'снми. 
хр\сто'съ бо тя` свjьти'льника лю'демъ твои'мъ дарова`, 
просвjьща'юща, и= w=свяща'юща ду'шы на'шя.

%<Сла'ва, гла'съ s~.%>

%<П%>рiиди'те ны'нjь бл~гоимени'тiи собо'ры, кра'сный 
ли'че и='ноческiй, съ бл~гочести'выми людьми`, вку'пjь же 
и= ст~и'тели съ хр\столюби'вымъ мно'жествомъ 
вои'нственныхъ чинw'въ, свjь'тлw воспое'мъ пjь'снми, 
новода'ннjьй на'мъ блг\дти, ско'рагw предста'теля, и= 
те'плагw засту'пника на'шегw, цр~кве бж~iя ма'тере и= 
о_у=краше'нiе, и= и='нокомъ ра'дованiе, и= земли` 
се'рбскiя w=кормле'нiе, прiиди'те и= припаде'мъ _е=му` 
моля'щеся jа='кw да о_у=бjьди'тъ роди'тели своя^, да 
предста'нутъ вл\дцjь хр\сту` w= на'съ моля'щеся, во 
_е='же и= на'мъ сподо'битися весе'лiя вjь'чнагw.

%<И= ны'нjь, бг~оро'диченъ:%>

%<Т%>воре'цъ и= и=зба'витель мо'й преч\стая, хр\сто'съ 
гд\сь, и=зъ твои'хъ ложе'снъ проше'дъ, въ мя` 
w=болкi'йся, пе'рвыя кля'твы а=да'ма свободи` тjь'мже ти` 
всеч\стая, jа='кw бж~iи мт~ри же и= дв~jь, вои'стинну, 
вопiе'мъ немо'лчнw, ра'дуйся а='гг~льски, ра'дуйся 
вл\дчце: предста'тельство и= покро'ве, и= сп~се'нiе дш~ъ 
на'шихъ.

%<Тропа'рь, гла'съ д~.%>

%<Д%>и'венъ творя'й пресла'вная чудеса`, и= 
прославля'яй по кончи'нjь сла'вящыя тя` нетлjь'нная 
тjьлеса` и=`хъ jа=вля'я, и= чудодjь'йствiи лю'ди 
w=богаща'я, во сла'ву ст~а'гw и='мене своегw`. 
дарова'нный на'мъ тjь'ло о_у=го'дника своегw` i=wа'нна, 
моля'щагося w= душа'хъ на'шихъ. %<[Два'жды.]%>

%<И= Б%>ц\де дв~о: %<[_е=ди'ножды.]%>



%<На о_у='трени,%>

%<По а~-й каfi'смjь, сла'ва, гла'съ д~. Подо'бенъ: 
О_у=%>диви'ся i=w'сифъ:

%<К%>расу'йся и= лику'й ст~а'я цр~кве бж~iя мт~ре, въ 
не'йже лежи'тъ преч\стно'е тjь'ло i=wа'нна прв\днагw: и= 
всjь^мъ къ нему` приходя'щымъ мл\стивнw подае'тъ 
разли^чная и=сцjьл_е'нiя. сегw` ра'ди и= мы` вопiе'мъ 
_е=му`: мл~твами ст~е твои'ми и=сцjьли` неду'ги и= 
болjь'зни на'шя, и= w\т вся'кiя вражды` на'съ и=зба'ви и= 
и=скуше'нiй: да вjь'рою и= любо'вiю па'мять твою` 
почита'емъ. %<[Два'жды.]%>

%<Сла'ва, и= ны'нjь, бг~оро'диченъ.%>

%<О_у=%>диви'ся i=w'сифъ, _е='же па'че _е=стества` 
зря` и= внима'ше мы'слiю и='же на руно` до'ждь, въ 
безсjь'менномъ зача'тiи твое'мъ бц\де, купину` _о=гне'мъ 
не w=пали'мую, же'злъ а=арw'новъ прозя'бшiй, и= 
свидjь'тельствуя w=бру'чникъ тво'й и= храни'тель, 
сщ~е'нникwмъ взыва'ше: дв~а ражда'етъ, и= по рождествjь` 
па'ки дв~ою пребыва'етъ.

%<По в~-й каfi'смjь, сjьда'ленъ, гла'съ _е~.%>

%<Подо'бенъ: С%>обезнача'льное:

%<Jа='%>кw луча` свjьтоза'рная w\т за'пада прише'дъ, 
вселе'нную просвjьти'лъ _е=си` и= лю'ди _о=те'чества 
твоегw` расточе'нныя собра'лъ _е=си`, пра'вдою и= 
ми'лостынею ст~ы'я тр\оцы въ себjь` до'мъ сотвори'лъ 
_е=си`: сегw` ра'ди и= по о_у=спе'нiи твое'мъ, w\т 
мно'гихъ лjь'тъ w=брjьто'шася во гро'бjь нетлjь'нны мо'щи 
твоя^. тjь'мъ же и= мы` припа'дающе мо'лимся: моли` 
хр\ста` бг~а, грjьхw'въ w=ставле'нiе пода'ти 
служи'тел_емъ твои^мъ, прославля'ющымъ па'мять твою`. 
%<[Два'жды.]%>

%<Сла'ва, и= ны'нjь, бг~оро'диченъ.%>

%<Н%>еискусобра'чная невjь'сто пр\снодв~о, со 
прп\дбными и= пра'ведными восхваля'емъ тя`, jа='кw тобо'ю 
на'мъ вели^чiя сотвори` сн~ъ тво'й и= бг~ъ на'шъ, и='же 
въ ложесна` твоя^ вмjьсти'тися бл~гоизво'ли, да w\т 
ле'сти свободи'тъ ро'дъ на'шъ.

%<По полv"еле'и сjьда'ленъ, гла'съ и~.%>

%<Подо'бенъ: П%>овелjь'нное та'йно:

%<W\т%> млады'хъ ногте'й произбра` тя` гд\сь въ 
нб\сное селе'нiе бл~горо'дне i=wа'нне, w\т вседержи'теля 
бг~а нетлjь'нныя по'чести воспрiя'лъ _е=си`, и= w=сiя'нъ 
_е=си` w\т негw` бж~е'ственнымъ свjьтозаре'нiемъ, и= 
вы'ну насыща'ешися ра'дости и= весе'лiя: тjь'мже моли'ся 
за твое` _о=те'чество, и= за вся^ лю'ди въ правосла'вiи 
живу'щыя, и= твоя^ мо'щи вjь'рою почита'ющыя. 
%<[Два'жды.]%>

%<Сла'ва, и= ны'нjь, бг~оро'диченъ.%>

%<С%>л~нца разу'мнагw родила` _е=си` преч\стая, w\т 
негw'же вся^ ви^димая и= неви^димая просвjьща'ются, и= 
те'рнiе грjьхо'вное и=скоренива'ется. тjь'мъ и= а='зъ 
о_у=бо'гiй и= недосто'йный ра'бъ тво'й молю'ся ти`: 
просвjьти` мра'къ души` моея`, и= сподо'би получи'ти 
мл\сть въ дн~ь стра'шнагw и=спыта'нiя, твои'ми мт~рними 
къ нему` мл~твами.

%<Степе'нна, а~-й а=нтiфw'нъ, д~-гw гла'са. 
Прокi'менъ, гла'съ д~: Ч%>т\сна` пре'дъ гд\семъ сме'рть 
прп\дбныхъ _е=гw`. %<Стi'хъ: Ч%>то` возда'мъ гд\сви w= 
всjь'хъ, jа=`же воздаде' ми; %<_Е=v\глiе w\т матfе'а, 
зача'ло _i~.%>

%<По н~-мъ _псалмjь`, стiхи'ра, гла'съ s~.%>

%<П%>рiиди'те бг~осо'браннiи правосла'вныхъ собо'ри, 
дх~о'внw возвесели'мся: ли'къ соста'вльше, рука'ми 
воспле'щемъ, пjь'снми похва'льными воспое'мъ: и= ст~ы'мъ 
моще'мъ _е=гw` приступа'юще лобза'емъ, и= со слеза'ми 
мольбу` смjьси'вше. къ нему` си'це рце'мъ: i=wа'нне 
прв\дне, на'съ мона'хи и= бjьльцы`, и='хже собра'лъ 
_е=си` здjь`, собери` и= та'мw въ цр\ствiи нб\снjьмь.

%<Канw'нъ бц\дjь со i=рмосо'мъ на s~, гла'съ и~.%>

%<I=рмо'съ: В%>о'ду проше'дъ jа='кw су'шу:

%<И= ст~о'му два` канw'на на и~.%>

%<Канw'нъ, гла'съ а~.%>

%<Пjь'снь а~.%>

%<I=рмо'съ: Л%>ю'тыя рабо'ты и=зба'влься i=и~ль, 
непроходи'мое про'йде jа='кw су'шу, врага` зря` 
потопля'ема, пjь'снь jа='кw бл~годjь'телю пое'тъ бг~у, 
чудодjь'ющему мы'шцею высо'кою: jа='кw просла'вися.

%<П%>рiиди'те ны'нjь предпра'зднственная возгласи'мъ, 
съ волхвы` хр\сту` да'ры принесе'мъ, и= со а='гг~ли 
возопiе'мъ: ст~ъ _е=си` гд\си.

%<_О=%>ц~а` ва'шегw по w\тше'ствiи, бл~гочести'вагw 
стефа'на де'спота, мт~и ва'ша а=нгели'на прп\дбная, 
наказу'ющи ва'съ жа'лостнw ва'мъ гл~го'лаше: ны'нjь 
ча'дца моя^ _о=ц~ъ ва'шъ къ бг~у пресели'ся, кто` w\т 
ны'нjь воско'рмитъ вы`; то'чiю надjь'йтеся на гд\са бг~а, 
не забу'детъ бо свои'хъ рабw'въ, _о=ба'че о_у=чи'теся со 
а='гг~ли зва'ти: сла'ва въ вы'шнихъ бг~у.

%<В%>о смире'нiи jа='кw въ цвjь'тjь, прему'дростiю и= 
ра'зумомъ _о='троцы о_у=кра'шени и=сполни'тели 
jа=ви'шася, послуша'нiемъ и= покоре'нiемъ мт~ри свое'й, 
jа='кw вjьнцы` свjь'тлыми о_у=краша'хуся, за'пwвjьди 
хр\ста` бг~а и=сполня'юще, вопiя'ху: сла'ва въ вы'шнихъ 
бг~у.

%<Бг~оро'диченъ: А='%>ще и= _е=ди'нъ разумjьва'ется 
лице'мъ _е=мману'илъ, но _е=стество'мъ сугу'бъ: сего` 
двjь` возвjьща'емъ въ не'мъ вw'ли и= дjь^йства. _е=го'же 
роди'тельницу бц\ду и=сповjь'дуемъ, и= съ не'ю вопiе'мъ: 
сла'ва въ вы'шнихъ бг~у.

%<И='нъ канw'нъ, гла'съ и~.%>

%<Пjь'снь а~.%>

%<I=рмо'съ: В%>о'ду проше'дъ:

%<Л%>иковству'юще пjь'снми, бл~гочести'вагw i=wа'нна 
де'спота, соше'дшеся дне'сь по достоя'нiю восхва'лимъ, 
jа='кw мно'гихъ чуде'съ пода'теля _о=би'льна, мо'лится бо 
w= на'съ гд\сви. тjь'мъ и= мы` съ ни'мъ возопiе'мъ: 
сла'ва смотре'нiю твоему` гд\си.

%<О_у='%>гринъ _о='нъ, а='ще и= и=новjь'ренъ бя'ше, но 
_е=гда` ви'дjь ва'съ _о='троцы пребл~же'ннiи, жа'луя 
сиро'тства ва'шегw, ра'достнw ва'съ прiе'млетъ, и= 
подае'тъ ва'мъ сv'рмiю во w=бдержа'нiе, и= зря` крастоту` 
лица` ва'шегw диви'тся: краснjь'йши же душе'ю вои'стинну 
jа=ви'стеся, _w пребл~же'ннiи! тjь'мъ съ ва'ми воспое'мъ: 
сла'ва смотре'нiю твоему` гд\си.

%<В%>елми` тя` хра'бра и= _о=ружено'сна на 
сопроти^вныя бг~ъ показа`, w\тгоня` и=`хъ w\т ста'да 
твоегw` jа='кw во'лки сурw'выя, соблюда'я лю'ди 
_о=ч~ества твоегw` невре'ждени, и= ны'нjь мо'лимъ тя` 
пребл~же'нне i=wа'нне, сохрани` и= на'съ служи'т_ели 
твоя^ w\т нахожде'нiй ча'дъ а=га'рянскихъ, да вси` 
пjь'снь пое'мъ: сла'ва смотре'нiю твоему` гд\си.

%<Бг~оро'диченъ: А=%>лава'стръ ч\стая мы'сленный ты` 
_е=си`, мv'ра и=злiя'вшагося на зе'млю съ нб\се`, и= 
мене` ны'нjь бл~гоуха'нiя и=спо'лни, да воспою` пjь'снь: 
чу^дная дjьла` тобо'ю сотвори` сн~ъ тво'й и= бг~ъ, 
преч\стая дв~о.

%<Катава'сiа, гла'съ а~: С%>пасе` лю'ди:

%<Пjь'снь г~.%>

%<I=рмо'съ: Н%>е му'дростiю и= бога'тствомъ да 
хва'лится сме'ртный свои'мъ, но вjь'рою гд\снею 
правосла'вно взыва'я хр\сту` бг~у, и= поя` пр\снw: на 
ка'мени твои'хъ за'повjьдей о_у=тверди' мя вл\дко.

%<С%>тефа'нъ де'спотъ роди'тель тво'й, бг~у хотя'щу 
w\т житiя` сегw` w\тхо'дитъ, тебе` jа='кw а='гня 
неsло'бивое въ чу'ждемъ ста'дjь w=ставля'етъ: ты' же ст~е 
хр\ста` бг~а любя`, и= мт~ре твоея` за'пwвjьди сохраня'я 
наказа'нiемъ до'брjь о_у=твержда'емъ, непреста'ннw бг~у 
поя`, ст~ъ _е=си` гд\си.

%<П%>ома'занникъ ри'мскiя держа'вы а='ще и= восхотjь`, 
но не возмо'же ва'съ о_у=держа'ти, w\т получе'ннагw ва'мъ 
путеше'ствiя, бг~у _е=му` возбраня'ющу: но съ ми'ромъ и= 
дарми` w\тпуще'нiе ва'мъ да'руетъ. вы' же путеше'ствiе 
творя'ще, и= бг~а бл~годаря'ще поете`: ст~ъ _е=си` гд\си.

%<Л%>юбо'вiю приходя'щимъ къ ра'цjь моще'й ва'шихъ 
и='нокwмъ и= бjьльце'мъ, бл~гочести'ве стефа'не, 
ма_ксi'ме пребл~же'нне, а=нгели'но прп\дбная, и= i=wа'нне 
пра'ведне, душа'мъ сп~се'нiе, и= тjьлесе'мъ здра'вiе, 
всjь'мъ на'мъ дарова'ти мо'лимся къ бг~у ва'шими 
мл~твами, съ ва'ми вопiе'мъ ст~ъ _е=си` гд\си.

%<Бг~оро'диченъ: _Е=%>го'же трепе'щетъ ч\стая, вся'кое 
созда'нiе, сего` на руку` и=мjь'ла _е=си`, за мл\срдiе 
на'съ ра'ди мл\днца бы'вша: сегw` моли` спасти'ся всjь'мъ 
вjь'рою зову'щымъ ст~ъ _е=си` гд\си.

%<И='нъ.%>

%<I=рмо'съ: Н%>б\снагw кру'га верхотво'рче:

%<Т%>ебе` w\тню'дъ невозмо'же бл~же'нне, ничто'же w\т 
правосла'вiя w\тлучи'ти, ни сиро'тство роди'телей, ни 
чужестра'нствiе, ниже` цвjь'тъ ю='ности, стра'хъ бж~iй въ 
ср\дцjь твое'мъ и=мjь'я, послjь'довалъ _е=си` стопа'мъ 
роди'телей твои'хъ: до'йде и= пости'же съ ни'ми вку'пjь 
во дворы` гд\сни, веселя'ся вопiя`: сп~се' мя десни'ца 
твоя` гд\си.

%<Jа='%>кw бг~у и=зво'лившу просла'вити ст~ы^я своя^, 
та'кw и= просла'ви ю='ноша нjь'кiй на _о=дрjь` слежа'ше 
_о='смь лjь'тъ, w\т врач_е'въ и=сцjьле'нiя неполучи`, 
слы'ша зна'менiя и= чудеса` дjь'ема тобо'ю пребл~же'нне, 
_о=ц~у` и= мт~ри гл~аше: неси'те мя` къ мо'щемъ прв\днагw 
i=wа'нна, да и= а='зъ насы'щуся jа='кw пе'съ, w\т 
крупи'цъ па'дающихъ w\т трапе'зы бога'тагw. _wле 
зна'менiй и= чуде'съ дjь'емыхъ! _е=ще` _е=му` во врата` 
цр~кве бг~ома'тере внесе'ну бы'вшу, здра'въ бы'сть, 
jа='кw и= не болjь`, ве'лiимъ гла'сомъ возопи`: мл~твами 
прв\днагw i=wа'нна, сп~се' мя десни'ца твоя` гд\си.

%<Н%>ы'нjь весе'лiя и=спо'лнися хра'мъ бг~ома'тере, въ 
не'мже лежи'тъ сокро'вище неги'блемо, тjь'ло бл~же'ннагw, 
чудесы` о_у=дивля'емо: вси` о_у='бw приближа'ющеся къ 
ра'цjь моще'й _е=гw` съ вjь'рою, и=сцjьле'нiя да'ры 
прiе'млютъ, здра'ви w\тхо'дятъ; и= бг~а бл~годаря'ще 
пою'тъ: сп~се` на'съ десни'ца твоя` гд\си.

%<Бг~оро'диченъ: И=%>зба'ви на'съ гее'нны, и= вся'кагw 
преще'нiя въ ча'съ суда` рабы^ твоя^ пренепоро'чная, и= 
прича'стники сотвори` сн~а и= бг~а твоегw` цр\ствiю, да 
вси` пое'мъ _е=му`: сп~се` на'съ десни'ца твоя` гд\си.

%<Сjьда'ленъ, гла'съ д~. Подо'бенъ: С%>ко'рw 
предвари`:

%<Jа='%>кw цвjь'тъ прекра'сенъ процвjь'лъ _е=си` во 
_о=ч~ествiи твое'мъ бл~горо'дне i=wа'нне, и='маши бо 
мо'щи твоя^ пребыва'ющыя во хра'мjь бж~iя ма'тере, и= 
лежа'щыя въ ч\стнjь'й ра'цjь, цjь'лы, невреди'ми jа='кw 
кри'нъ бл~гоуха'нный, и= jа='кw кi'тра доброво'нная, 
w=бл~гоуха'ющая вся` приходя'щыя къ ни'мъ съ вjь'рою, и= 
и=сцjьле'нiй да'ры не возбра'нно подава'ющыя: и= ны'нjь 
не забу'ди рабы` твоя` мо'лимся. %<[Два'жды.]%>

%<Сла'ва, и= ны'нjь, бг~оро'диченъ.%>

%<Jа='%>же w\т всjь'хъ родw'въ пред\ъизбра'нная, w\т 
всjь'хъ пр\оро'кwвъ пронарече'нная, и= w\т всjь'хъ 
чл~вjь^къ препросла'вленная, и= w\т а='гг~лъ 
о_у=дивля'ема, мт~и бг~а вы'шнягw, о_у=диви` на ны` 
мл\сть твою`. о_у=моли` сн~а твоегw`, и= бг~а на'шегw, 
и=зба'витися на'мъ w\т вся'кагw sла`, да тя` непреста'ннw 
jа='кw мт~рь бж~iю велича'емъ.

%<Пjь'снь д~.%>

%<I=рмо'съ: С%>лы'ша дре'вле а=вваку'мъ хр\сте` 
чу'дный тво'й слу'хъ, и= стра'хомъ взыва'ше: w\т ю='га 
бг~ъ прiи'детъ, и= ст~ы'й w\т горы` приwсjьне'нныя ча'щи, 
спасти` пома'занныя, сла'ва си'лjь твое'й гд\си.

%<К%>расу'йся цр~кви бж~iя, ликовству'йте се'рбстiи 
наро'ди, бг~осо'бранный ли'че зря'ще ве'щь ди'вну и= 
прекра'сну въ цр~кви бж~iя ма'тере лежа'щу, мо'щи 
бг~опросла'вленныхъ де'спwтъ, _о=ц~ъ съ сн~ы, ма'ти съ 
ча'ды мо'лятся бо непреста'ннw w= лю'дехъ свои'хъ jа='кw 
чадолю'бцы, и= _о=би'тель свою` сохраня'ютъ w\т вся'кiя 
напа'сти, тjь'мъ и= мы` пjь'снь воспое'мъ: сла'ва си'лjь 
твое'й гд\си.

%<А='%>ще и= посредjь` и=ноязы'чныхъ о_у=чи'телей 
водворя'ешися бг~облаже'нне, но правосла'вiя _о=ч~ескагw 
николи'же погрjьши`, бг~у сохраня'ющу тя`, до'ндеже 
жела'емый гла'съ получи'лъ _е=си`, вни'ди ра'бе въ 
ра'дость гд\са твоегw`, тому` и= мы` надjь'емся зову'ще: 
сла'ва си'лjь твое'й гд\си.

%<Н%>и са'на вели'чество, ни во'инственное попече'нiе, 
ниже` бра'чное совокупле'нiе возмо'же тебе` w\тдали'ти 
w\т любве` хр\сто'вы, пра'вагw пути` держа'ся не 
w\тсту'пнw, до'ндеже вше'лъ _е=си` въ ра'йская селе'нiя, 
и=дjь'же прв\дникъ совокупле'нiя, веселя'ся съ роди'тели 
твои'ми. тjь'мже и= мы` мо'лимся бл~же'нне i=wа'нне: 
помяни'те и= на'съ во весе'лiи гд\са своегw`, да вси` 
вопiе'мъ: сла'ва си'лjь твое'й гд\си.

%<Бг~оро'диченъ: _W%> преукраше'нна добро'тою 
добродjь'телей бг~ома'ти ч\стая, со бл~гочести'вымъ 
стефа'номъ, и= ма_ксi'момъ бл~же'ннымъ, а=нгели'ною 
прп\дбною, и= i=wа'нномъ прв\днымъ, моли` w= на'съ 
_е=гw'же родила` _е=си` хр\ста`, чл~вjьколю'бца бг~а, 
и=зба'витися на'мъ w\т вся'кагw sла`, да вси` пое'мъ 
_е=му`: сла'ва си'лjь твое'й гд\си.

%<И='нъ.%>

%<I=рмо'съ: Т%>ы` моя` крjь'пость гд\си:

%<Р%>у'цjь твои` пребл~же'нне и=мjь'я просте'ртjь къ 
тре'бующымъ, и= маломw'щныя заступа'я, бога'тство твое` 
во о_у=тро'бы ни'щихъ блага'я, w\т_ону'дуже тя` 
богатода'вецъ хр\сто'съ сугу'бою мздо'ю w=богати` и= 
дарова` тебjь` съ роди'тели твои'ми вjь'чное 
наслажде'нiе. моли'теся ст~i'и, та'мw и= на'мъ съ ва'ми 
о_у=лучи'ти ма'лое о_у=тjьше'нiе, да вси` пое'мъ, ди'венъ 
бг~ъ во ст~ы'хъ свои'хъ.

%<Н%>аказу'я словесы` твоя^ лю'ди пребл~же'нне, и= 
бди'те моли'теся гл~я, и= внима'йте, невjь'мы бо въ ко'й 
ча'съ та'ть прiи'детъ: крjь'пкw ста'немъ непощади'мъ 
пло'ти на'шея, проти'ву бра'ни бори'теля w=полчи'мся, 
бг~а помо'щника призове'мъ, да держа'ву _о=те'чества 
на'шегw сохрани'тъ, сохрани` и= на'съ ст~е мл~твами 
твои'ми, пою'щыя: ди'венъ бг~ъ во ст~ы'хъ свои'хъ.

%<_Е=%>ще` w\т ю='ности ст~е бг~а любя`, того` и=щя`, 
того` гоня` до'ндеже и= пости'глъ _е=си`, и= то'й тя` во 
весе'лiе прiя'тъ, и= _о=би'тель въ тебjь` дх~а ст~а'гw 
сотвори`, и= просла'ви во вселе'ннjьй чудесы`, въ хвалу` 
и= о_у=вjьре'нiе ро'ду на'шему. да вси` вопiе'мъ: ди'венъ 
бг~ъ во ст~ы'хъ свои'хъ.

%<Бг~оро'диченъ: Д%>и'вный и= прекра'сный ли'че, 
ст~а'я и= бг~оизбра'нная четвери'це, мы` смире'ннiи 
служи'тели ва'ши мо'лимся, съ бц\дею и= а=рха'гг~ломъ 
гаврiи'ломъ моли'теся хр\сту` бг~у, и=зба'витися на'мъ 
безго'дныя болjь'зни, и= го'ркiя сме'рти: да тя` 
непреста'ннw ма'терь бж~iю, въ пjь'снехъ велича'емъ.

%<Пjь'снь _е~.%>

%<I=рмо'съ: С%>вjь'тъ тво'й незаходи'мый возсiя'й 
хр\сте` въ ср\дца` вjь'рнw пою'щихъ тя`, ми'ръ подава'я 
на'мъ, па'че о_у=ма`. тjь'мъ w\т но'щи невjь'дjьнiя, ко 
дню` свjь'томъ твои'мъ теку'ще славосло'вимъ тя` 
чл~колю'бче.

%<_W%> бг~ода'ннагw ва'мъ ра'зума ст~i'и: чу^дныя 
гра'ды и= страны` проходя'ще w\т мjь'ста на мjь'сто, 
jа='коже и=ногда` дре'внiй i=и~ль по пусты'ни бг~у ва'съ 
сохраня'ющу, w\тню'дъ непогрjьши'сте _о=те'ческагw 
преда'нiя, до'ндеже и=зво'ли бг~ъ просла'вити зе'млю и= 
лю'ди _о=те'чества ва'шегw: земны'мъ бо цр\ствомъ, 
нб\сное воспрiя'сте, и= со а='гг~ли непреста'ннw 
лику'ете, и= на'съ та'мw не забу'дите, вjь'рою 
воспjьва'ющихъ вы`.

%<С%>е'й бл~же'нный ревну'я и= поревнова`, по лю'дехъ 
_о=те'чества своегw` бг~а николи'же w\тступа'я, дн~ь и= 
но'щь, мл~твами и= мл\стынями себе` тому` приводя`: то'й 
тя` и= прiя'тъ и= сотвори` въ тебjь` _о=би'телище ст~о'му 
дх~у. сподо'би и= на'съ дх~а ст~а'гw, мл~твами ст~е 
твои'ми, вjь'рою воспjьва'ющихъ тя`.

%<_W%> та'ко бг~у и=зво'лившу! геw'ргiй старjь'й 
бра'тъ тво'й w=стриза'етъ власы` своя^, мт~ри и= всjь^мъ 
лю'демъ, и= тебjь` пребл~же'нне, и=зво'ли лу'чше 
рабо'тати бг~у, не'жели и=мjь'ти вре'менную сегw` мi'ра 
сла'дость: сегw` ра'ди w=брjь'те на нб\сjь'хъ ра'дость, 
и= на'съ та'мw не забу'ди ст~е, вjь'рою воспjьва'ющихъ 
тя`.

%<Бг~оро'диченъ: _W%> лозо` дх~омъ ст~ы'мъ 
насажде'нна: _w четвери'це бг~оизбра'нная: мо'щи бо ва'шя 
ст~осiя'тельны мно'га зна'менiя и= чудеса` содjьва'ютъ въ 
хра'мjь бг~ома'тере: съ не'юже и= со а=рха'гг~ломъ 
гаврiи'ломъ, моли'теся чл~колю'бцу бг~у w= на'съ, да въ 
ми'рjь пое'мъ и=зъ нея` ро'ждшагося гд\са.

%<И='нъ.%>

%<I=рмо'съ: В%>ску'ю мя` w\три'нулъ _е=си`:

%<И=%> нехотя'щу ти` бл~же'нне i=wа'нне, деспо'тства 
са'нъ вруча'ется ти`. ты' же ст~е jа='кw во'инъ крjь'покъ 
_о=бою'ду _о='стрымъ w=ру'жiемъ на а=га'ряны хра'брствуя, 
и= вл\дцjь хр\сту` безлjь'ностнw рабо'тая, своегw` 
_о=ч~ества лю'ди w\т бjь'дъ и=збавля'я, и= на'съ къ 
нб\сному цр\ствiю направля'я да вси` зове'мъ: чу'дна 
дjьла` твоя` гд\си.

%<Н%>ичто'же возмо'же ва'съ премjьни'ти w\т 
бг~ода'ннагw ва'мъ ра'зума, и= бл~гоче'стiя, _w 
бг~обл~же'ннiи: ни чуждестра'нствiя хожде'нiе, ни 
и=носла'вныхъ вели'чество, но jа='кw а=дама'нти тве'рдiи 
соблюдо'сте тjьлеса` ва'ша чи'ста. тjь'мже и= тр\оцы 
ст~ы'я жили'ще въ себjь` сотвори'сте, и= блг\дть ст~а'гw 
дх~а всели'ся въ ва'съ, и= си'ла бж~iя дjь'йствуетъ 
ва'ми. тjь'мже мо'лимся: и= w= на'съ моли'теся ст~jь'й 
тр\оцjь jа='кw те'плiи на'ши засту^пницы, да вси` 
зове'мъ: чу'дна дjьла` твоя^ гд\си.

%<И='%>хже _о='ко неви'дjь, о_у='хо неслы'ша, и= на 
се'рдце чл~ку невзыдо'ша, jа=`же о_у=гото'ва бг~ъ 
лю'бящымъ _е=гw`, ва'мъ сiя^ дарова'нна бы'ша, _w 
бл~гочести'ве стефа'не, пребл~же'нне ма_ксi'ме, 
а=нгели'но прп\дбная и= i=wа'нне прв\дне, мо'лимся и= мы` 
получи'ти грjьхw'въ проще'нiе. ду'шъ сп~се'нiе, и= 
тjьле'съ здра'вiе, и='нокwмъ и= бjьльц_е'мъ, и= всjь^мъ 
приходя'щымъ къ ра'цjь моще'й ва'шихъ, да вси` зове'мъ: 
чу'дна дjьла` твоя^ гд\си.

%<Бг~оро'диченъ: В%>си` къ водjь` медото'чнагw твоегw` 
и=сто'чника бц\де дв~о, _е=ди'на ра'досте ро'да на'шегw 
притека'емъ зову'ще прест~а'я: ми'ръ и=спроси` цр~квамъ 
твои'мъ, да вси` сн~у твоему` зове'мъ: чу'дна дjьла` 
твоя^ гд\си.

%<Пjь'снь s~.%>

%<I=рмо'съ: В%>е'сь w\т страсте'й безмjь'рныхъ 
содержу'ся, и= ки'томъ sо'лъ снизпадо'хъ, но возведи` 
и=зъ и=стлjь'нiя мя` бж~е, jа='коже пре'жде i=w'ну, и= 
вjь'рою безстра'стiе ми` да'руй, jа='кw да во гла'сjьхъ 
хвале'нiя и= сп~се'нiя дх~омъ пожру' ти.

%<Л%>ику'й сv'рмiе страно` се'рбская, весели'ся ст~а'я 
митропо'лiе, хра'ме бж~iя ма'тере красу'йся, положе'нiемъ 
ст~ы'хъ моще'й стефа'на бл~гочести'вагw, ма_ксi'ма 
бл~же'ннагw, а=нгели'ны прп\дбныя, i=wа'нна прв\днагw, 
мо'лятся бо w= лю'дехъ свои'хъ jа='кw _о=течестволю'бцы, 
да въ ми'рjь пjь'снь пое'мъ: сла'ва бг~у сотво'ршему 
пресла'вная.

%<А=%>га'рянинъ нjь'кiй бя'ше бjьсну'яся, жи'въ во 
чре'вjь _е=гw` валя'шеся: мно'гiя бjьды` и= труды` на 
тjь'ло _е=гw` нанесе`, мно'жицею бо на земли` лежа`, 
jа='кw ме'ртвъ зря'шеся: приве'дше же _е=гw` къ ра'цjь 
моще'й ва'шихъ. _w преди'вная четвери'це! _о='нъ а='ще и= 
невjь'ренъ, _о=ба'че рыда'я бя'ше пла'чася. вы' же ст~i'и 
jа='кw богатода'вцы и= псо'мъ невозбра'нно w\т крупи'цъ 
ст~ы'я ва'шея трапе'зы, и= неща'днw подае'те, та'ко и= 
а=га'рянину ско'рое и=сцjьле'нiе. _о='нъ же здра'въ бы'въ 
возопи`: нjь'сть вjь'ры, па'че вjь'ры хр\стiа'нскiя. 
сла'вы же ра'ди земны'я не возлюби` нб\сныя, _о=ба'че 
бя'ше поя`: сла'ва бг~у сотво'ршему чудеса` пресла^вная.

%<Д%>и'внw дре'во, красны' же вjь'тви, но и= пло'дъ 
вои'стинну сладча'йшiй ме'да, прiиди'те ны'нjь вкуси'вше 
w=би'льнw, чу^вства на'ша тjьле'сна вку'пjь и= дш~е'вна 
о_у=слади'мъ; и= въ ра'дости со ст~ы'ми хр\ста` бг~а 
возвели'чимъ, и= пjь'снми воспои'мъ: сла'ва бг~у 
сотво'ршему пресла^вная.

%<Бг~оро'диченъ: И=%>сцjьли` jа='звы моея` ду'ши, и= 
многому'тное помышле'нiй волне'нiе вл\дчце о_у=тиши`, и= 
ми'рное ми` о_у=строе'нiе пода'ждь, да въ ми'рjь сн~у 
твоему` пое'мъ: сла'ва бг~у сотво'ршему пресла'вная.

%<И='нъ.%>

%<I=рмо'съ: М%>л~тву пролiю` ко гд\су:

%<К%>о твоему` _о=те'честву прiити` тебjь` сотвори` 
бг~ъ и= нехотя'ща пребл~же'нне i=wа'нне, w=богаща'я тя` 
да'ры сла'вою немимотеку'щею. тjь'мъ приходя'щiи къ 
ра'цjь моще'й твои'хъ, почерпа'ютъ пи'во w\т и=сто'чника 
пр\снотеку'щагw, и=сцjьле'нiя w\т тебе` бога^тыя да'ры, 
да вси` зове'мъ: славосло'вимъ тя` чл~вjьколю'бче.

%<А='%>ще и= лише'ни роди'теля, но ва'съ, w= 
бг~облаже'ннiи, ке'сарь въ держа'вjь свое'й че'стнjь 
назира'я, и= jа='кw сиро'тства ва'шегw жалjь'я ца'рскими 
ва'съ о_у=чрежда'етъ, вы' же ст~i'и, jа='кw рабы^ бг~а 
вы'шнягw и= въ чужде'й земли` непогрjьши'сте десна'гw 
стоя'нiя: и= на'съ та'мw приведи'те ва'шими моли'твами, 
пjь'снь бг~у пою'щыя: славосло'вимъ тя` человjьколю'бче.

%<П%>о преставле'нiи твое'мъ i=wа'нне пребл~же'нне, 
jа='кw го'лубь цjьлому'дренный, на фi'нi_ксъ 
добродjь'телей возше'лъ _е=си`, крилjь` и=мjь'я 
позлаще'ни: и='маже возлетjь'въ въ ра'йстjьй красотjь` 
водвори'лся _е=си`, и= бж\ственныя пи'щи наслажда'яся съ 
ра'достiю пое'ши: славосло'вимъ тя` чл~вjьколю'бче.

%<Бг~оро'диченъ: _Е=%>ди'ну преч\стую, _е=ди'ну 
нескве'рную молю` тя` _о=трокови'це, сла'стными 
w=скве'рншуюся страстми` ду'шу мою` w=кая'нную, твои'ми 
мл~твами w=чи'сти, да досто'йнw воспою` сн~у твоему` 
зовы'й: славосло'влю тя` чл~вjьколю'бче.

%<Конда'къ, гла'съ и~.%>

%<Подо'бенъ: В%>озбра'нной:

%<П%>рiиди'те достодо'лжнw почти'мъ i=wа'нна, но'выя 
блг\дти служи'теля новопросла'вленнагw; сла'ву вjь'ры 
на'шея, и= на'шегw мл~твенника. созыва'етъ бо пjь'ти 
бл~года'рными гла'сы, и= просла'вити просла'вльшагw 
ст~ы^я своя^: и= мо'лится w= творя'щихъ па'мять _е=гw`, 
и= w= зову'щихъ _е=му`: ра'дуйся i=wа'нне но'вое 
процвjьте'нiе.

%<I='косъ: В%>ели'ка тя` се'рбстjьй земли` 
свjьти'льника бг~ъ показа` въ послjь^дняя времена`, 
i=wа'нне бл~же'нне: неви'димо хр\стw'выя лю'ди 
непрестае'ши посjьща'я, и= ско'рая и=сцjьл_е'нiя подава'я 
всjь^мъ вjь'рою приходя'щымъ, къ ра'цjь моще'й твои'хъ: 
тjь'мъ вси` согла'снw вопiе'мъ ти` сiя^: ра'дуйся сто'лпе 
пресвjь'тлый, просвjьща'я на'съ чудеси` и= зна'менми. 
ра'дуйся, _о=ц~а` бл~гочести'вагw ко'рене. ра'дуйся 
прп\дбныя мт~ере вjь'тве прекра'сная. ра'дуйся, наги'хъ 
покрови'телю, и= плjьне'нныхъ свободи'телю. ра'дуйся, 
jа='кw воспрiя'лъ _е=си` вмjь'сто тлjь'нныхъ нетлjь^нная, 
ра'дуйся, зри'телю свjь'та непристу'пнагw. ра'дуйся са'де 
новосажде'нный въ ра'йстjьмъ селе'нiи. ра'дуйся, jа='кw 
лику'еши со а='гг~ли. ра'дуйся, _о='блаче ро'сный, 
вjь'рныхъ ср\дца w=роша'я. ра'дуйся, земли` се'рбстjьй 
засту'пниче. ра'дуйся, цр~кви твое'й, свjь'тлое 
о_у=краше'нiе. ра'дуйся, бл~гочести'вымъ де'спотомъ 
на'шимъ ра'дованiе: ра'дуйся, во'инwмъ правосла^внымъ во 
бра'нехъ крjь'пкiй помо'щниче. ра'дуйся, всjь^мъ на'мъ 
нело'жный храни'телю и= похвало`. Ра'дуйся i=wа'нне, 
но'вое процвjьте'нiе.

%<Пjь'снь з~.%>

%<I=рмо'съ: _О='%>бразу служи'ти мусiкi'йскому 
согла'сiю созыва'ющу лю'ди, w\т пjь'сней сiw'нскихъ 
пою'ще _о='троцы дв~довы, мучи'телево разори'ша 
sлочести'вое велjь'нiе, и= пла'мень въ ро'су преложи'ша, 
пjь'снь воспjьва'юще: превозноси'мый _о=ц~_е'въ и= на'шъ 
бж~е бл~гослове'нъ _е=си`.

%<Ч%>у'до пресла'вно на земли` jа=ви'ся _w 
пребл~же'нне i=wа'нне: по и=знесе'нiи w\т земны'хъ 
нjь'дръ ст~а'гw твоегw` тjь'ла, мно'гiй наро'дъ стече'ся, 
разсла'бл_енныя принесо'ша, слjьпы^я приведо'ша, и= 
_е=гда` ст~ы^я твоя^ мо'щи w=бл~гоуха'ша, тогда` вси`, 
кi'йждо w\т свои'хъ jа='звъ здра'ви бы'ша: сла'ву бг~у, 
и= тебjь` о_у=го'днику _е=гw` возда'ша, съ ни'миже и= мы` 
воспои'мъ: бл~гослове'нъ бг~ъ _о=ц~ъ на'шихъ.

%<О_у=%>краси'лъ _е=си` _о=ч~ества твоегw` лю'ди, и= 
бы'лъ _е=си` похвала` роди'телей твои'хъ, i=wа'нне 
прв\дне: jа=ви'ся бо тjь'ло твое` jа='кw кi'тра 
бл~гово'нная, зна'менiя и= чудеса` jа='кw и='скры 
и=спуща'ющая, и= всjь^мъ вjь'рою приходя'щымъ къ ра'цjь 
моще'й твои'хъ и=сцjьл_е'нiя подава'ющая. тjь'мъ вси` 
вопiе'мъ: бл~гослове'нъ бг~ъ _о=ц~ъ на'шихъ.

%<Jа='%>же мы` зна'емъ, сiя` и= гл~емъ, и= w\т 
мно'гихъ ма'лw рече'мъ: жену` нjь'кую бjьсну'ему, 
желjь'зы w=ко'ванну, роди'тели _е=я` приведо'ша къ ра'цjь 
моще'й ва'шихъ пребл~же'ннiи; jа='же гла'сы и=спуща'ше, 
и= ска'чущи нелjь^пая гл~аше, вы' же бл~гочести'ве 
стефа'не, ма_ксi'ме пребл~же'нне, а=нгели'но прп\дбная, 
и= i=wа'нне прв\дне, напра'снагw бjь'са, ско'рымъ 
и=сцjьле'нiемъ w\т нея` w\тгна'сте. _о=на' же здра'ва, 
зря'щи сiя` диви'тся, со слеза'ми w\т ра'дости ни'цъ на 
зе'млю па'дши, вели^чiя бг~у, и= ва'мъ о_у=го'дникомъ 
_е=гw` воздава'ше, пою'щи: бл~гослове'нъ бг~ъ _о=ц~ъ 
на'шихъ.

%<Бг~оро'диченъ: С%>тени` и= пла'чися душе` моя`, и= 
себе` w\тню'дъ рыда'й, моля'щися мт~ри бж~iей, и= гл~ющи: 
мене` w=сужде'ннагw стра'шныя и=зба'ви му'ки, да возмогу` 
сн~у твоему` зва'ти: бл~гослове'нъ бг~ъ _о=ц~ъ на'шихъ.

%<И='нъ.%>

%<I=рмо'съ: W\т%> i=уде'и доше'дше:

%<К%>расе'нъ видjь'нiемъ, краснjь'йшiй же душе'ю во 
и=справле'нiихъ твои'хъ, ст~е jа=ви'лся _е=си`, _е='же къ 
бг~у и=мjь'лъ _е=си`: въ таковы'хъ же тя` и= коне'цъ 
пости'же, и= процвjь'лъ _е=си` бл~же'нне i=wа'нне, jа='кw 
фi'нi_ксъ во дворjь'хъ гд\са твоегw`, и=дjь'же веселя'ся 
пое'ши: блг\све'нъ бг~ъ _о=ц~ъ на'шихъ.

%<Jа='%>кw дре'во ма'слинное при и=схо'дищихъ во'дъ 
_псало'мски, вои'стинну насажде'нъ _е=си`, и= вся` 
_е=ли'ка а='ще плоди'тъ, о_у=спjь'ютъ, та'ко и= вы` 
пребл~же'ннiи, принесо'сте пло'дъ кра'сенъ хр\сту` бг~у: 
ма_ксi'ма бл~же'ннагw, и= i=wа'нна прв\днагw, стефа'не 
де'споте, и= а=нгели'но прп\дбная, тjь'мже и= хр\сто'съ 
ва'съ вку'пjь прiя'тъ, и= введе` въ ра'йское селе'нiе. 
сподо'бите и= на'съ съ ва'ми ра'дости гд\са своегw`, 
пою'щихъ: _о=ц~ъ на'шихъ бж~е бл~гослове'нъ _е=си`.

%<В%>ъ лjь'то преставле'нiя ва'шегw. _w 
бг~обл~же'ннiи, w=сиротjь`{<::рус> Исправлено 
неблагозвучное <::слав> w=бсирjь`. <::рус>Прим. <::лат> 
оrthlib<::слав>} престо'лъ се'рбскагw влады'чества, 
а=га'рянская же ча^да, jа='кw пси` без\ъwбра'знiи 
нападо'ша на зе'млю люде'й _о=те'чества ва'шегw: вы' же 
ст~i'и мл~твами ва'шими, jа='кw пра'щею w\тжени'те w\т 
ста'да своегw`, и= w\т ны'нjь мече'мъ мл~твъ ва'шихъ 
ссjьцы'те враги` на'шя мо'лимся, да вл\дцjь хр\сту` 
непреста'ннw пjь'снь пое'мъ: _о=ц~ъ на'шихъ бж~е 
бл~гослове'нъ _е=си`.

%<Бг~оро'диченъ: О_у=%>краше'на красото'ю ро'ждши 
вседjь'теля, о_у=тро'бою ши'ршая нб~съ _е=си` дв~о 
всепjь'тая: w=ляденjь'вшую дш~у мою`, любо'вiю твое'ю 
прохлади`. о_у= сн~а же твоегw` и= бг~а прича'стника 
цр\ствiя сотвори`, да тя` непреста'ннw мт~рь бж~iю, въ 
пjь'снехъ велича'ю.

%<Пjь'снь и~.%>

%<I=рмо'съ: Ч%>у'да преесте'ственнагw показа` 
_о='бразъ, _о=гнеро'сная пе'щь дре'вле, _о='гнь бо 
неwпали` ю='ныя дjь'ти, хр\сто'во jа=вля'я безсjь'менное 
w\т дв~ы бж\ственное рж\ство`, тjь'мъ воспjьва'юще 
воспои'мъ: да блг\сви'тъ тва'рь вся` гд\са, и= 
превозно'ситъ во вся^ вjь'ки.

%<П%>рему'дростiю и= ра'зумомъ _о='троцы о_у=краше'ни, 
и=сполни'тели jа=ви'шася послуша'нiемъ и= покоре'нiемъ 
мт~ри свое'й, jа='кw вjьнцы` свjь'тлыми о_у=краша'хуся, 
и= за'повjьди хр\ста` бг~а своегw` и=сполня'юще, 
крjьпля'хуся пою'ще: бл~гослови'те вся^ дjьла` гд\сня 
гд\са, и= превозноси'те во вся^ вjь'ки.

%<Р%>а'дуйся бл~гочести'вагw цр~я` w\тра'сле ско'рый 
на'шъ помо'щниче, и= те'плый засту'пниче, i=wа'нне 
пра'ведне. мо'лимся, непреста'й моля'ся ко вл\дцjь 
хр\сту` бг~у ми'ръ и= здра'вiя, и= и='но а='ще что` на 
потре'бу лю'демъ твои^мъ дарова'ти, пою'щымъ: блг\сви'те 
вся^ дjьла` гд\сня гд\са, и= превозноси'те во вся^ 
вjь'ки.

%<И=%>зво'ли бг~ъ просла'вити тобо'ю зе'млю 
_о=те'чества твоегw` пребога'те i=wа'нне: jа=ви' бо тя` 
посредjь` люде'й твои'хъ, jа='кw кi'тру бл~гово'нну, и= 
вси` приходя'ще къ ра'цjь моще'й твои'хъ. ду'шы на'шя и= 
тjьлеса`, наполня'емъ мv'ра бл~гово'нна, пою'ще: 
бл~гослови'те вся^ дjьла` гд\сня гд\са, по'йте и= 
превозноси'те во вся^ вjь'ки.

%<Бг~оро'диченъ: И=%>зба'ви мя` страсте'й и= бjь'дъ 
бг~оневjь'сто мт~и хр\ста` бг~а: тебе' бо положи` бг~ъ къ 
нему` хода'таицу моему` смире'нiю, да вси` зове'мъ: 
бл~гослове'нъ пло'дъ чрева` твоегw`, преч\стая дв~о.

%<И='нъ.%>

%<I=рмо'съ: П%>обjьди'тели мучи'теля:

%<Г%>д\си бж~е мо'й, припа'даю и= молю'тися, да 
w=сjьни'тъ на'съ блг\дть ст~а'гw дх~а твоегw`, да 
возгласи'мъ пjь'снь но'ву w\т о_у='стъ недосто'йныхъ, 
_е='же похвала'ми просла'вите пра'здникъ о_у=го'дника 
твоегw` i=wа'нна, и= воспjь'ти тебjь` бг~у: да тя` тва'рь 
блг\сви'тъ во вся^ вjь'ки.

%<О_у=%> жениха` хр\ста` водворя'яся, на земли` 
чуде'съ лучи` и=спусти'лъ _е=си`, и= разли'чныя неду'ги 
и= болjь'зни w\т чл~къ w\тгна'лъ _е=си`: w\т ковче'га 
моще'й твои'хъ блг\дть и=сточа'еши, и= здра'вiе w= бз~jь 
всjь^мъ подава'еши, пребл~же'нне i=wа'нне. тjь'мъ вси` 
зове'мъ: да бл~гослови'тъ тва'рь вся` гд\са, и= 
превозно'ситъ во вся^ вjь'ки.

%<М%>о'лимся тебjь` пребл~же'нне i=wа'нне, та'мw, 
и=дjь'же водвори'лся _е=си` о_у= хр\ста` царя` со ст~ы'ми 
веселя'ся, и= на'съ мона'хи и= бjьльцы`, и= вся^ 
служа'щыя ти` помяни` во весе'лiи гд\са твоегw`, пою'щыя: 
да бл~гослови'тъ тва'рь вся` гд\са, и= превозно'ситъ во 
вся^ вjь'ки.

%<Бг~оро'диченъ: Н%>а тя` всю` наде'жду на'шу 
возложи'хомъ преч\стая дв~о. хра'мъ бо тво'й ст~ы'й 
четы'рми мощми` ст~осiя'тельными краси'тся, о_у=дивля'ютъ 
бо вся'къ ра'зумъ и= прему'дрость, и= всjь^мъ во хра'мъ 
тво'й приходя'щымъ, и=сцjьл_е'нiя да'ры подава'ютъ. 
тjь'мъ мо'лимся ти` мт~и бж~iя, мл~твами ст~ы'хъ твои'хъ 
сп~си` на'съ.

%<Пjь'снь f~.%>

%<I=рмо'съ: С%>вjьтоно'сный _о='блакъ:

%<О_у=%>диви'шася нб\снiи ли'цы, возра'довашася 
се'рбстiи наро'ди зря'ще твою` дш~у пра'ведне, w\т земли` 
на нб~о возноси'му, и= съ роди'тели въ ра'йскомъ селе'нiи 
водворя'ему. мо'лимтися пребл~же'нне i=wа'нне: и= на'съ 
си'рыхъ неwста'ви безъ твоея` по'мощи, да въ пjь'снехъ 
пою`: вели'читъ душа` моя` гд\са.

%<Л%>юбо'вiю на'съ не забы'лъ _е=си`, а='ще и= w\т 
на'съ преста'вленъ бы'лъ _е=си`, jа='коже дре'вле и=лiа`: 
но на'мъ w=ста'вилъ _е=си` ст~ы'я твоя` мо'щи, jа='кw 
ми'лость ч\стнjь'йшую; и='миже на'съ пребл~же'нне 
покрыва'я, и= сохраня'й, да въ ми'рjь воспjьва'ю: 
вели'читъ душа` моя` гд\са.

%<_Е=%>гда` принесо'ша во хра'мъ бж~iя мт~ре тjь'ло 
твое`, _w пребога'те и= прв\дне i=wа'нне: тогда` 
мно'жество наро'да се'рбскагw стече'ся принося'ще 
неду^жныя: и= вси` твоя^ мо'щи лобыза'вшiи, w\т неду^гъ 
здра'ви бы'ша. слjьпi'и зря'ху, нjьмы'й гл~аше, хро'мый 
скачя` и=гра'ше, сла'ву бг~у, и= тебjь` о_у=го'днику 
_е=гw` воздава'ше, поя`: вели'читъ душа` моя` гд\са.

%<Бг~оро'диченъ: _W%> ма'ти вся'ческихъ творца`, дв~о 
всепjь'тая, печа'льныхъ о_у=тjь'хо, потопля'емыхъ 
предста'тельнице, и= пренемога'ющихся засту'пнице, до 
живота` моегw` ты' мя сохрани`.

%<И='нъ.%>

%<I=рмо'съ: О_у=%>жасе'ся w= се'мъ нб~о:

%<Н%>ичи'мже по достоя'нiю похвали'ти тя` о_у=мjь'емъ: 
_о=ба'че а='ще и= недосто'йными о_у=стна'ми, сiе` ма'лое 
гране'сiе прино'симъ тебjь` пребл~же'нне i=wа'нне: и= 
ч\стны^я твоя^ велми` похваля'юще мо'щи, въ пjь'снехъ 
хр\ста` бг~а велича'емъ, тебjь` да'вшему такову'ю 
блг\дть, и= си'лу. прiими' же w\т на'съ ма'лое моле'нiе, 
и= посо'бствуй да принесе'мъ бг~у хвале'нiе.

%<Т%>е'плою любо'вiю и= вjь'рою притека'ющымъ къ 
ра'цjь моще'й твои'хъ бл~горо'дне i=wа'нне, и='нокwмъ и= 
бjьльц_е'мъ, пода'ждь душа'мъ сп~се'нiе, и= тjьлесе'мъ 
здра'вiе, и= и=зба'ви лю'тыхъ бjь'дъ и= w=бстоя'нiй. 
прими' же w\т на'съ, ма'лое моле'нiе и= посо'бствуй да 
принесе'мъ бг~у хвале'нiе.

%<И=%> тjь'сно и= недоумjь'тельно о_у=ма` моегw` 
хвале'нiе: но прiими` _w всече'стне i=wа'нне, а='ще и= 
нелjь'по и= гру'бо соплето'хъ сiе` ма'лое пjь'сни 
моле'нiе, и= твои'мъ предста'тельствомъ _е='же къ бг~у, 
во бл~го'е претвори`, и= въ лjь'поту о_у=чини`. прiими' 
же w\т на'съ ма'лое моле'нiе, и= посо'бствуй: да 
принесе'мъ бг~у хвале'нiе.

%<Бг~оро'диченъ: Ю='%>же принесо'хомъ прiими'те 
похвалу` и= пjь'нiе, _w пребл~же'нная, и= 
бг~опросла'вленная четвери'це, мы` недосто'йнiи, мо'щи 
ва'шя w=бстоя'ще во хра'мjь бж~iя мт~ре мо'лимся, съ 
гп\сже'ю бц\дею, и= съ а=рха'гг~ломъ гаврiи'ломъ, 
о_у=моли'те чл~колю'бца бг~а, ми'ръ цр~квамъ, и= тишину` 
земли` се'рбстjьй, и='нокwмъ и= бjьльц_е'мъ, и= всjь^мъ 
лю'демъ тjьле'сное здра'вiе, и= душе'вное сп~се'нiе 
дарова'ти: да въ ми'рjь хр\ста` бг~а, и= преч\стую _е=гw` 
мт~рь непреста'ннw велича'емъ.

%<Свjьти'ленъ.%>

%<Подо'бенъ:%> Со о_у=ченики` взы'демъ:

%<Jа=%>ви'ся свjь'тлое о_у=краше'нiе цр~кве бж~iя 
мт~ре, w\т прв\дну бо бо'ку происхо'дитъ i=wа'ннъ 
де'спотъ, просвjьща'я на'шя ду'шы и= тjьлеса`: цр~ковь же 
свою` и=сполня'я мv'ра бл~гово'нна, и= здра'вiе подае'тъ 
неду^жнымъ всjь^мъ и='же вjь'рою приходя'щымъ къ ра'цjь 
моще'й _е=гw`, неwску'днw насыща'я весе'лiя тjьле'снагw, 
вку'пjь и= дш~е'внаго. %<[Два'жды.]%>

%<Бг~оро'диченъ: Н%>еизрече'ннагw прижи'тiя была` 
_е=си` всенепоро'чная невjь'сто, jа='кw су'щи 
ч\стнjь'йшiй хра'мъ бц\де, свjь'тъ бо превjь'чный въ тя` 
всели'ся, и= породи` бг~а. пою'ще о_у='бw твое` 
рождество`, велича'емъ тя` досто'йнw, всенепоро'чная 
_о=трокови'це.

%<На хвали'техъ, стiхи^ры, гла'съ в~.%>

%<Подо'бенъ: _Е=%>гда` w\т дре'ва:

%<Т%>ы` jа=ви'лся _е=си` свjь'тлое о_у=краше'нiе 
цр~кве, бж~iя мт~ре, пра'ведне i=wа'нне, мо'щи бо твоя^ 
свjь'томъ вселе'нную просвjьща'ютъ, сiя'ютъ бо па'че 
зла'та, и= ка'мене честна`, созыва'юще на'съ на дх~о'вное 
торжество`, да просвjьти'мъ ду'шы на'шя и= тjьлеса`, 
твои'ми моли'твами досточу'дне.

%<П%>охвала` _е=си` земли` се'рбстjьй, и= вели'цjьй 
цр~кви бж~iя мт~ре: просвjьще'нiе же и= щи'тъ лю'демъ 
_о=те'чества твоегw`, и= побjь'да на сопроти^вныя, и= 
всjь^мъ на'мъ побо'рникъ и= засту'пникъ. тjь'мже 
пребл~же'нне i=wа'нне, и= w\т ны'нjь рабы^ твоя^ не 
забу'ди, но всегда` покрыва'й, заступа'й, и= сохраня'й 
w\т вра'гъ ви'димыхъ и= неви'димыхъ, мо'лимся.

%<П%>рiиди'те се'рбстiи наро'ди вси`, возра'дуемся и= 
возвесели'мся дне'сь, во всеч\стны'й се'й, пра'здникъ 
i=wа'нна де'спота, и= сла'ву и= хвалу` хр\сту` бг~у 
воздади'мъ; да'вшему на'мъ такова'го къ нему` 
предста'теля, и= моли'твенника w= душа'хъ на'шихъ.

%<Д%>не'сь весели'тся цр~ковь бг~ома'тере, и=мjь'ющи 
въ себjь` многоцjьл_е'бныя мо'щи прв\днагw i=wа'нна, 
свjь'томъ вселе'нную w=заря'юща, ду'ши и= тjьлеса` на'ша 
просвjьща'юща, лю'ди же своя^ зна'менми и= чудесы` 
о_у=дивля'юща: разли^чная дарова^нiя всjь^мъ w\т негw` 
прося'щымъ подава'юща, цр~ковь же свою` w\т вся'кiя 
ско'рби и= бjь'ды и=збавля'юща, и= служа'щыя въ не'й 
мона'хи и= бjьльцы` дш~е'внагw весе'лiя наслажда'юща. 
тjь'мъ мо'лимся пребл~же'нне, не преста'й моля'ся w= 
на'съ чл~колю'бцу бг~у, дарова'ти душа'мъ на'шимъ ми'ръ 
и= ве'лiю мл\сть.

%<Сла'ва, гла'съ s~.%>

%<Л%>ику'й сv'рмiе и= страно` се'рбская весели'ся: 
красу'йся хра'ме бж~iя мт~ре, положе'нiемъ ст~ы'хъ моще'й 
стефа'на бл~гочести'вагw, и= ма_ксi'ма бл~же'ннагw, 
а=нгели'ны прп\дбныя, и= i=wа'нна прв\днагw. jа='кw бо 
сл~нце многосвjь'тлое вселе'нную всю` луча'ми 
просвjьща'ютъ, и= мра'къ дш~е'внагw паде'нiя w=заря'ютъ, 
и= w\т ни'хъ вjь'рою прося'щымъ и=сцjьле'нiй бога^тыя 
да'ры, jа='кw и='скры и=спуща'ютъ, и= неща'днw 
тре'бующымъ подава'ютъ. тjь'мже и= мы` со слеза'ми си'це 
рце'мъ: _w прекра'сная и= преди'вная четвери'це, мы` 
смире'ннiи мона'си и= бjьльцы`, ста'рiи же и= ю='нiи, 
бога'тiи и= ни'щiи, про'симъ _о=те'честву ва'шему ми'ръ, 
и= цр~квамъ въ любви` _е=диномы'слiе: на'мъ же и= всjь^мъ 
лю'демъ, здра'вiе тjьле'сное и= дш~е'вное сп~се'нiе: 
дарова'ти, _е='же къ бг~у ва'шими моли'твами.

%<И= ны'нjь, Б%>ц\де ты` _е=си`: %<Славосло'вiе 
вели'кое, и= w\тпу'стъ.%>

%<На лiтургi'и:%>

%<Бл~же'нна, пjь'снь г~-я, и= s~-я, на и~. Прокi'менъ, 
гла'съ з~: В%>озвесели'тся прв\дникъ w= гд\сjь, и= 
о_у=пова'етъ на негw`. %<Стi'хъ: О_у=%>слы'ши бж~е гла'съ 
мо'й. %<А=п\слъ къ ри'млянwмъ, зача'ло ч~з. А=ллилу'iа: 
Стi'хъ: П%>рв\дникъ jа='кw фi'нi_ксъ процвjьте'тъ: 
%<_Е=v\глiе w\т матfе'а, зача'ло м~г. Прича'стенъ: В%>ъ 
па'мять вjь'чную бу'детъ пра'ведникъ.