Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав> 


Мjь'сяца _о=ктw'врiа въ к~s де'нь. 

[гл\ва f~] Ст~а'гw и= сла'внагw великомч~нка 
дими'трiа мv"рото'чца:

И= воспомина'нiе вели'кагw и= стра'шнагw трясе'нiя.

А='ще хо'четъ настоя'тель, твори'тъ бдjь'нiе.

На ма'лjьй вече'рни стiхи^ры на д~, гла'съ а~. 

Подо'бенъ: Нб\сныхъ чинw'въ:

Стiхи'ра трясе'нiя два'жды. Та'же великомч~нка:

Fессалонi'ка лику'етъ w= па'мяти твое'й, и= созыва'етъ 
вся^ _о=кр_е'стныя гра'ды, дими'трiе требл~же'нне, 
соверши'ти твое` свjьтоно'сное торжество`. съ ни'миже 
соше'дшеся и= мы`, пjь'сненнw похваля'емъ по'двиги твоя^.

Прiиди'те, вjь'рнiи, соше'дшеся, похва'лимъ хр\сто'ва 
_о=ру'жника, и= до'бляго свjьти'льника дими'трiа, все` 
вра'жiе наси'лiе попра'вша, сему` вопiю'ще вjь'рою: w= 
на'съ хр\сту`, мч~нче, моли'ся. 

Сла'ва, гла'съ s~:

Дне'сь вселе'нная вся` страстоно'сца просвjьща'ется 
заря'ми, и= бж~iя цр~ковь цвjьты` о_у=краша'ема, 
дими'трiе, вопiе'тъ ти`: о_у=го'дниче хр\сто'въ и= 
предста'телю теплjь'йшiй, не преста'й моли'ти w= рабjь'хъ 
твои'хъ. 

И= ны'нjь: Бц\де, ты` _е=си` лоза` и='стинная:

На стiхо'внjь стiхи^ры, гла'съ в~: 

Подо'бенъ: До'ме _е=vфра'fовъ: 

И='мамы тя` мно'гихъ да'теля дарова'нiй, о_у=го'дниче 
гд\снь: и=сполня'еши бо прош_е'нiя, jа=`же и='мамы 
всегда`.

Стi'хъ: Прв\дникъ jа='кw фi'нi_ксъ процвjьте'тъ, 
jа='кw ке'дръ, и='же въ лiва'нjь о_у=мно'жится.

Пjь^нiя сла^дкая, страсте'й похвал_е'нiя, бл~года'тей 
возда^нiя предложе'нiе, бл~же'нне, прiими`, дими'трiе. 

Стi'хъ: Насажде'ни въ дому` гд\сни во дво'рjьхъ бг~а 
на'шегw процвjьту'тъ.

Добро'та страда'льц_евъ, бл~голjь'пiе мч~нкwвъ, царе'й 
храни'телю, прiими` ны'нjь похвалу`, любо'вiю сла'вящихъ 
тя`.

Сла'ва, и= ны'нjь, бг~оро'диченъ, гла'съ то'йже: 

Дjь'ло бг~олjь'пно, дв~а по рж\ствjь`, рожде'нное бг~ъ 
сло'во, человjь'чо _е=стество` и=мjь'я, и= jа=вля'я 
веще'ств_енная.

Тропа'рь, гла'съ г~:

Вели'ка w=брjь'те въ бjьда'хъ тя` побо'рника 
вселе'нная, страстоте'рпче, jа=зы'ки побjьжда'юща. 
jа='коже о_у='бw лv'еву низложи'лъ _е=си` горды'ню, и= на 
по'двигъ дерзнове'нна сотвори'въ не'стора: та'кw ст~е, 
дими'трiе, хр\сту` бг~у моли'ся, дарова'ти на'мъ ве'лiю 
мл\сть. 

Сла'ва, и= ны'нjь, тропа'рь трясе'нiя.

На вели'цjьй вече'рни

пое'мъ: Бл~же'нъ му'жъ, а~-й а=нтiфw'нъ.

На Гд\си воззва'хъ, стiхи^ры на и~, гла'съ в~: 

Подо'бенъ: _Е=гда` w\т дре'ва:

Свjь'тиши _о=те'честву твоему` всегда`, сла'вный 
дими'трiе мч~нче, jа='коже sвjьзда` свjь'тлая: 
покрыва'еши во при'снw сiе` w\т па'губы врагw'въ, и= 
и=збавля'еши w=sлобле'нiя, и= бу'ри вся'кiя. тjь'мже 
ра'достнw пра'зднуетъ, лjь'тнюю па'мять, бл~же'нне, 
соверша'я, вjь'рою же и= любо'вiю поя` гд\са, тя` 
просла'вльшаго. [Два'жды.]

Мч~нче страстоте'рпче хр\сто'въ, чудесы` свjь'тиши 
мi'ру jа='коже со'лнце, ст~е дими'трiе: тjь'мже въ 
па'мяти твое'й наслажда'емся вси` твои'хъ чуде'съ, 
бл~же'нне, и=зря^дная торжеству'юще вjь'рою. дерзнове'нiе 
о_у='бw и=мjь'я, моли'ся ко гд\су, сп~сти` w\т тли` и= 
скорбе'й рабы^ твоя^. 

Ко'пiями прободе'нъ въ ре'бра, прободе'ннагw ра'ди 
сп~са на кр\стjь` въ ре'бра: тогw' бо о_у=язвле'нi_емъ 
любо'вiю поревнова'лъ _е=си`, страстоте'рпче дими'трiе, 
jа=вля'я всjь^мъ непобjьди'мое свидjь'тельства твоегw`. 
тjь'мже и= о_у=я'звленъ гони'тель низпаде`, прiе'мъ 
твоегw` и=ску'съ и=сповjь'данiя, страда'льче хр\сто'въ.

И='ны стiхи^ры, гла'съ и~: 

Подо'бенъ: _W пресла'внагw чудесе`!

_W пресла'внагw чудесе`! на нб~си` и= на земли` 
ра'дость дне'сь въ па'мяти возсiя` дими'трiа мч~нка: w\т 
а='гг~лъ хвала'ми вjьнча'ется, и= w\т человjь^къ пjь^нiя 
прiе'млетъ, _w ка'кw пострада`! ка'кw до'брjь подвиза'ся! 
и='мже вра'гъ паде` лука'вый, хр\сту` побjь'ждшу того`. 
[Два'жды.]

_W пресла'внагw чудесе`! чуде'съ свjьтлостьми` со'лнца 
свjьтлjь'йши, при'снw, дими'трiе, свjь'титъ конц_е'мъ, 
w\т невече'рнягw свjь'та w=блиста'емый, и= въ 
незаходи'мjьмъ свjь'тjь красу'яся. _е=гw'же сiя'ньми 
_о='блацы w\тгна'ни бы'ша ва'рварстiи, неду'зи 
прогна'шася, и= де'мwни побjьди'шася. 

_W пресла'внагw чудесе`! хр\ста` ра'ди прободе'нъ 
требл~же'нный дими'трiй, ко врагw'мъ всегда` jа=ви'ся 
_о=ру'жiе _о=боюдуо'строе, пожина'я врагw'въ выш_е'нiя, 
и= низлага'я де'мwнская сверjь^пства. _е=му'же 
возопiи'мъ: ст~ы'й дими'трiе, покры'й ны`, вjь'рнw 
почита'ющыя тя` w\т любве` всегда`.

Сла'ва, гла'съ s~. [Вv"зантi'ево:]

Дне'сь созыва'етъ на'съ страстоте'рпца всемi'рное 
торжество`. прiиди'те о_у='бw, празднолю'бцы, свjь'тлw 
пра'зднуимъ па'мять _е=гw`, глаго'люще: ра'дуйся, и='же 
ри'зу нече'стiя раздра'въ вjь'рою, му'жествомъ же дх~а 
себе` w=бложи'въ. ра'дуйся, о_у=праздни'вый 
кознодjь^йства чу'ждагw, крjь'постiю да'нною тебjь` w\т 
_е=ди'нагw бг~а. ра'дуйся, и='же прободе'нными о_у=десы`, 
бл~же'нную стр\сть хр\сто'ву дх~о'внjь на'мъ 
возживописа'въ. _е=го'же моли`, страда'льц_евъ 
о_у=добре'нiе, дими'трiе, и=зба'витися на'мъ ви'димыхъ и= 
неви'димыхъ вра^гъ, и= сп~сти'ся душа'мъ на'шымъ. 

И= ны'нjь, бг~оро'диченъ: Кто` тебе` не о_у=бл~жи'тъ:

Вхо'дъ. Прокi'менъ дне`.

И= чт_е'нiя три`: два` трясе'нiю, и= великомч~нку 
_е=ди'но: Прему'дрости соломw'новы: Прв\дникъ, а='ще 
пости'гнетъ сконча'тися, въ поко'и бу'детъ: [пи'сано въ 
концjь` кни'ги сея`.] 

На лiтi'и стiхи'ра хра'ма.

Та'же ст~а'гw стiхи^ры самогла'сны, гла'съ а~:

[Геw'ргiа сv"келiw'та] Весели'ся въ гд\сjь гра'де 
fессалонi'ки: ра'дуйся и= лику'й вjь'рою свjь'тлw 
w=дjь'явся, дими'трiа всесла'внаго страда'льца и= 
свидjь'теля и='стины, въ нjь'дрjьхъ и=мjь'я jа='кw 
сокро'вище: наслади'ся чуде'съ, и=сцjьл_е'нiя зря`, и= 
ви'ждь низлага'юща и=ноплеме'никwвъ де'рзwсти, и= 
бл~года'рнw сп~су` возопi'й: гд\си, сла'ва тебjь`.

[А=нато'лiа]: Пjь'сней красото'ю настоя'щiй 
о_у=ясни'мъ де'нь, и= возгласи'мъ мч~нка по'двиги: 
предлежи'тъ бо на'мъ во бл~гохвале'нiе вели'кiй 
дими'трiй. и='бо де'мwнская нахожд_е'нiя му'жески 
погуби'въ, къ три'знищу о_у=се'рднw прiи'де, и= 
побjьди'т_ельная сла'внw w\тне'съ, сп~су мо'лится, 
сп~сти'ся душа'мъ на'шымъ. 

Гла'съ в~:

[Ге'рманово]: Въ премi^рная сел_е'нiя ду'хъ тво'й, 
дими'трiе мч~нче му'дре, хр\сто'съ бг~ъ положи` 
непоро'чнw: ты' бо тр\оцы бы'лъ _е=си` побо'рникъ, и= въ 
три'знищи му'жески пострада'лъ _е=си`, jа='кw а=дама'нтъ 
тве'рдый: прободе'нъ же бы'въ въ ре'бра нетлjь^нная 
твоя^, всечт\сне, подо'бяся на дре'вjь прободе'нному на 
сп~се'нiе всегw` мi'ра, чуде'съ прiя'лъ _е=си` дjь'йство, 
человjь'кwмъ подая` и=сцjьл_е'нiя _о=би'льнw. тjь'мже 
твое` дне'сь о_у=спе'нiе пра'зднуемъ по достоя'нiю, 
сла'вяще тя` просла'вльшаго гд\са. 

Сла'ва, гла'съ _е~: 

Подо'бенъ: Востру'бимъ:

Стеце'мся вjь'рою и= любо'вiю, возопiи'мъ 
пра'зднств_енная, и= воспле'щемъ рука'ми вси`, въ 
настоя'щее торжество` первонача'льника на'шегw. вw'инства 
нб\сная да веселя'тся, и= пробо'дшагося за прободе'ннаго 
копiе'мъ цр~я` гд\са, и= горды'ню лv'еву низложи'вшаго 
де'рзостнjь. да чудя'тся земля' же и= мо'ре, свjь'тлагw 
свjьти'льника пресла^внымъ зна'менi_емъ, по до'лгу да 
восхва'лятъ ю='нiи, ю='ности w=бузда'теля, въ ста'рости 
же'злъ, въ бjьда'хъ предста'теля, ни'щiи w=богати'теля, 
во бл~гоше'ствiи строи'теля, спобо'рника во'ини, и= въ 
пучи'нjь спла'вателя, со всjь'ми своего` тве'рдаго 
побо'рника гра'де fессалонi'ки, моля'щеся си'це рце'мъ: 
пресла'вне дими'трiе, предвари` и= и=зми' ны w\т вся'кiя 
ну'жды, и= сп~си` рабы^ твоя^ мл~твами твои'ми.

И= ны'нjь, бг~оро'диченъ, гла'съ то'йже. 

[Творе'нiе ге'рмана патрiа'рха:]

Востру'бимъ трубо'ю пjь'сней, прекло'ншися бо свы'ше 
всецр~и'ца мт~и дв~а, бл~гослове'ньми вjьнчава'етъ 
воспjьва'ющыя ю=`. ца'рiе и= кня'зи да стеку'тся, и= 
цр~и'цjь да воспле'щутъ въ пjь'снехъ, цр~я` ро'ждшей, 
сме'ртiю w=держи^мыя пе'рвjье разрjьши'ти чл~вjьколю'бнw 
бл~говоли'вшаго. па'стырiе и= о_у=чи'телiе, до'брагw 
па'стыря преч\стую мт~рь соше'дшеся восхва'лимъ: 
свjь'щникъ златоза'рный, свjьтоно'сный _о='блакъ, нб~съ 
простра'ннjьйшую, w=душевле'нный кiвw'тъ, _о=гнезра'чный 
вл\дчень пр\сто'лъ, маннопрiе'мную злату'ю ста'мну, 
заключе'нную сло'ва две'рь, всjь'хъ хр\стiа'нъ 
прибjь'жище, пjь'сньми бг~оглаго'ливыми похваля'юще си'це 
рце'мъ: пала'то сло'ва, сподо'би смир_е'нныя ны` нб\снагw 
цр\ствiя, ничто'же бо невозмо'жно хода'тайству твоему`.

На стiхо'внjь стiхи^ры самогла'сны, трясе'нiя.

Сла'ва, великомч~нка, гла'съ и~. [А=нато'лiа:]

И=мjь'етъ о_у='бw бж~е'ственнjьйшая твоя` душа` и= 
непоро'чная, приснопа'мятне дими'трiе, нб\сный 
i=ер\сли'мъ жили'ще, _е=гw'же стjь'ны пречт\сыми рука'ми 
неви'димагw бг~а живописа'шася. и='мать же и= всеч\стно'е 
и= многострада'льнjьйшее твое` тjь'ло, преизря'дный се'й 
хра'мъ на земли`, сокро'вище некра'домое чуде'съ, и= 
неду'гwвъ врачевство`, и=дjь'же притека'юще цjьльбы^ 
почерпа'емъ. соблюди` всехва'льне, тя` велича'ющiй гра'дъ 
w\т проти'вныхъ прираже'нiй, дерзнове'нiе jа='кw и=мjь'я 
ко хр\сту` тя` просла'вльшему. 

И= ны'нjь, бг~оро'диченъ: Безневjь'стная дв~о: 

На бл~гослове'нiи хлjь'бwвъ, тропа'рь дими'трiа, 
два'жды. И= Бц\де дв~о: _е=ди'ножды.

На о_у='трени,

на Бг~ъ гд\сь, тропа'рь трясе'нiя, два'жды. Сла'ва, 
дими'трiа: И= ны'нjь, трясе'нiя.

По а~-мъ стiхосло'вiи сjьда'ленъ, гла'съ д~: 

Подо'бенъ: Jа=ви'лся _е=си` дне'сь:

Дими'трiа дне'сь страстоте'рпца пра'здникъ соверша'емъ 
бл~гочестивому'дреннw, jа='кw хр\сту` непреста'ннw 
моля'щася, всjь^мъ да'ти ми'ръ и= мл\сть. [Два'жды.] 

Сла'ва, и= ны'нjь, бг~оро'диченъ:

Те'плое заступле'нiе су'щымъ въ бjьда'хъ, и= 
помо'щницу на'шу, и= къ бг~у премjьне'нiе: _е='юже тли` 
и=зба'вихомся, бц\ду вjь'рнiи о_у=бл~жа'емъ.

По в~-мъ стiхосло'вiи сjьда'ленъ, гла'съ д~: 

Подо'бенъ: Ско'рw предвари`:

Па'мять твоя`, сла'вне мч~нче дими'трiе, о_у=ясни` 
дне'сь цр~ковь хр\сто'ву, и= вся^ собра` пjь'сньми 
досто'йнw восхвали'ти тя`, бг~ому'дре, jа='кw и='стиннw 
во'ина, и= врагw'въ потреби'теля. тjь'мже мольба'ми 
твои'ми и=зба'ви ны` w\т и=скуше'нiй. [Два'жды.] 

Сла'ва, и= ны'нjь, бг~оро'диченъ:

Пое'мъ тя`, бг~оневjь'сто мт~и хр\ста` бг~а, сла'вяще 
рж\ство` твое` непости'жное, и='мже и=зба'вихомся w\т 
ле'сти дiа'воли, и= вся'ческихъ бjь'дъ, вл\дчце бц\де, и= 
вjь'рнw взыва'емъ: поми'луй ста'до твое` _е=ди'на 
всепjь'тая.

По полv"еле'и сjьда'ленъ, гла'съ и~: 

Подо'бенъ: Прему'дрости:

Сiя^нiя чуде'съ jа='кw лучы` w=блиста'еши, и= вся^ 
просвjьща'еши мi'ра концы`, jа='кw sвjьзда` пресвjь'тлая, 
и= ве'селw бл~гово'нствуеши, jа='коже другi'й ра'й, и= 
ду'шы весели'ши, и= о_у=ставля'еши неду'ги: тjь'мже тя`, 
всебл~же'нне, по до'лгу пое'мъ, и= любо'вiю почита'емъ 
чт\сну'ю па'мять твою`. страстоте'рпче дими'трiе, моли` 
хр\ста` бг~а согрjьше'нiй w=ставле'нiе дарова'ти чту'щымъ 
любо'вiю ст~у'ю па'мять твою`. [Два'жды.] 

Сла'ва, и= ны'нjь, бг~оро'диченъ:

Jа='кw дв~у и= _е=ди'ну въ жена'хъ, тя` безсjь'меннw 
ро'ждшую бг~а пло'тiю, вси` бл~жи'мъ ро'ди 
человjь'честiи: _о='гнь бо всели'ся въ тя` бж~ества`, и= 
jа='кw мл\днца дои'ши зижди'теля и= гд\са. тjь'мъ 
а='гг~льскiй и= человjь'ческiй ро'дъ досто'йнw сла'вимъ 
прест~о'е рж\ство` твое`, и= согла'снw вопiе'мъ ти`: 
моли` хр\ста` бг~а, согрjьше'нiй w=ставле'нiе дарова'ти 
покланя'ющымся вjь'рою прест~о'му рж\ству` твоему`. 

Степ_е'нна, а~-й а=нтiфw'нъ д~-гw гла'са.

Прокi'менъ, гла'съ д~: Ди'венъ бг~ъ во ст~ы'хъ 
свои'хъ, бг~ъ i=и~левъ.

Стi'хъ: Ст~ы^мъ, и=`же су'ть на земли` _е=гw`: 

Вся'кое дыха'нiе:

_Е=v\глiе матfе'а, зача'ло л~s. 

По н~-мъ _псалмjь` стiхи'ра, гла'съ s~:

Дне'сь созыва'етъ на'съ страстоте'рпца всемi'рное 
торжество`. прiиди'те о_у='бw, празднолю'бцы, свjь'тлw 
пра'зднуимъ па'мять _е=гw`, глаго'люще: ра'дуйся, ри'зу 
нече'стiя раздра'въ вjь'рою, му'жествомъ же ду'ха себе` 
w=бложи'въ. ра'дуйся, о_у=праздни'вый кознодjь^йства 
чужда'гw, крjь'постiю да'нною тебjь` w\т _е=ди'нагw бг~а. 
ра'дуйся, и='же прободе'нными о_у=десы` бл~же'нную 
стр\сть хр\сто'ву духо'внjь на'мъ возживописа'въ. 
_е=го'же моли`, страда'льц_евъ о_у=добре'нiе, дими'трiе, 
и=зба'витися на'мъ ви'димыхъ и= неви'димыхъ вра^гъ, и= 
сп~сти'ся душа'мъ на'шымъ.

Канw'нъ трясе'нiя, со i=рмосо'мъ на s~. 

Та'же ст~а'гw два` канw'на, на и~.

Пе'рвый канw'нъ, гла'съ д~, [_е=гw'же краестро'чiе: 
добропобjь'дному приглаго'лю дими'трiю.] Fеофа'ново.

Пjь'снь а~.

I=рмо'съ: Мо'ря чермну'ю пучи'ну, невла'жными 
стопа'ми, дре'внiй пjьшеше'ствовавъ i=и~ль, 
кр\стоwбра'зныма мwv"се'овыма рука'ма, а=мали'кову си'лу 
въ пусты'ни побjьди'лъ _е='сть.

Бж~е'ственнымъ муче'нiя вjьнце'мъ о_у=вязе'нъ, при 
бз~jь лику'еши, блиста^нiи w\т_ону'дными сiя'я, и= 
просвjьще'нiя и=сполня'емь, великомч~нче досточу'дне.

Jа='кw су'щи и='стины свидjь'теля, и= да'же до кро'ве 
подви'гшася, бл~же'нне, терпjьли'внw, тве'рдо же 
противле'нiе къ мучи'тел_емъ показа'вша, тя` вл\дка 
прiя'тъ.

Sло'бы w=брjьта'теля низложи'лъ _е=си` на зе'млю, 
дими'трiе, мч~нческимъ твои'мъ копiе'мъ о_у=би'въ, 
бж~е'ственною бл~гостiю па'че о_у=ма` си'лою на сiе`, 
бл~же'нне, о_у=крjьпля'емь.

Бг~оро'диченъ: Безма'теренъ, jа='коже бг~ъ, пе'рвjье 
сы'й, бы'сть _е='же по на'мъ без\ъ_о'ч~iй и=з\ъ тебе`, 
бц\де всепjь'тая, пло'ть прiе'мъ по _е=дине'нiю, _е='же 
па'че сло'ва и= ра'зума.

Другi'й канw'нъ, гла'съ и~, [_е=гw'же краестро'чiе: 
Мv'ра честву'ю бл~года'ть дими'трiа.] Геw'ргiй ски'лица.

Пjь'снь а~.

I=рмо'съ: Колесницегони'теля фараw'ня погрузи`, 
чудотворя'й и=ногда` мwv"се'йскiй же'злъ, кр\стоwбра'знw 
порази'въ, и= раздjьли'въ мо'ре: i=и~ля же бjьглеца`, 
пjьшехо'дца сп~се`, пjь'снь бг~ови воспjьва'юща.

Мv'ра бл~гово'нна и= че'стна, дими'трiе, w\тве'рзеный 
и=сто'чниче, страсте'й скве'рны се'рдце мое` w=мы'й, и= 
добродjь'телей дjья'нiемъ бл~гово'нiе мя` показа'въ 
хр\сто'во, о_у='мъ мо'й w=бл~года'тстви, бл~года^ти твоя^ 
бж~е'ств_енныя пjь'ти.

Воды` живы'я рjь'ки и=стека'ти w\т чре'ва вjь'рныхъ, 
сло'во бж~iе глаго'летъ. тjь'мже твоегw` пролива'ются 
мv'ра и=сто'чницы приснотеку'щiи, и='хже струи^ веселя'тъ 
бж~iй гра'дъ, сла'вящiй мч~нческое дерзнове'нiе твое`.

Же'злъ о_у='бw дре'вле мwv"се'евъ, о_у=да'ривъ ка'мень 
въ земли` пусты'ннjьй, w\тве'рзе струи^ рjь'къ 
многот_е'чныя: тjь'ло же твое`, дими'трiе, прободе'нное 
копiе'мъ, мv'ра и=сто'чникъ показа`, но'ваго i=и~ля 
прохлажда'ющее.

Jа=`же о_у='бw и='маши воздая^нiя, дими'трiе, 
мч~нческихъ твои'хъ jа='звъ, ниже` _о='ко ви'дjь, ниже` 
о_у='хо слы'ша: ны'нjь же мv'ра мо'ре, воздая^нiя 
чистоты` пролива'еши мi'ра конц_е'мъ, стра^сти ду'шъ 
w=чища'ющее.

Бг~оро'диченъ: Пренескве'рно прiя'телище, всеч\стая, 
сло'во w=брjь'тъ тя` бж~iе, въ твоя^ всели'ся ложесна`: 
и= _е='же и=з\ъ тебе` прiя'тiе пома'завъ свои'мъ 
бж~ество'мъ, _е=ди'нъ про'йде w\т двою`, и= и=стоще'нное 
мv'ро нарече'ся, хр\сто'съ бо бг~ъ же и= чл~вjь'къ. 

Катава'сiа: W\тве'рзу о_у=ста` моя^:

Пjь'снь г~.

I=рмо'съ: Весели'тся w= тебjь` цр~ковь твоя`, хр\сте`, 
зову'щи: ты` моя` крjь'пость, гд\си, и= прибjь'жище, и= 
о_у=твержде'нiе.

Вмjьни'ся въ ничто'же мучи'телей w\т тебе` 
повелjь'нiе: сло'во бо бж~iе па'че всjь'хъ, 
страстоте'рпче, предче'ствовалъ _е=си`. 

Свjь'щникъ свjьтови'денъ муче'нiя въ ски'нiи бы'лъ 
_е=си`, бж~е'ственнымъ свjь'томъ сiя'ющъ, мч~нче 
страстоте'рпче дими'трiе.

Врачева'нiй тя` и=сто'чникъ сщ~е'нный и= ди'вный, 
гра'дъ тво'й, и= сокро'вище некра'домо стяжа'въ, вся'кимъ 
весе'лiемъ w=богати'ся.

Бг~оро'диченъ: Врачу'я w='бразъ и=стлjь'вшiй земны'хъ 
преч\стая си'мъ и=з\ъ тебе` w=блачи'тся, пребы'въ 
jа='коже бjь` чл~вjьколю'бецъ. 

И='нъ.

I=рмо'съ: Нб\снагw кру'га верхотво'рче гд\си, и= 
цр~кве зижди'телю, ты` мене` о_у=тверди` въ любви` 
твое'й, жела'нiй кра'ю, вjь'рныхъ о_у=твержде'нiе, 
_е=ди'не чл~вjьколю'бче.

Роди'вся съ нб~съ w\т бг~а, бы'лъ _е=си` 
бж~е'ственныхъ бл~гъ наслjь'дникъ, сы'нъ нарица'емь, 
снаслjь'дникъ хр\сто'въ, цр\ствуеши же съ ни'мъ: мv'ро бо 
w='бразъ сегw`, дими'трiе.

Вкорени'вся jа='коже дре'во дв~дски, сла'вне, при 
и=схо'дищихъ во'дъ, вели'къ возда'лъ _е=си` муче'нiя 
пло'дъ: и= ны'нjь и=сто'чникъ показа'лся _е=си` мv'ра, 
проходя'щъ земли` концы`.

Поче'рпъ бл~года'ть хр\сто'ву, ребра` съ кро'вiю 
и=сточи'вшагw во'ду, кро'вь и=злiя'лъ _е=си` твою`, 
_е=гw` ра'ди пробо'дся: и= ны'нjь jа='кw во'ду 
пролива'еши сердца'мъ, бл~гово'нное мv'ро, дими'трiе.

Бг~оро'диченъ: Сщ~е'ннiи твои` сосу'ди душе'внiи, 
преч\стая, по'лны а=рwма'тъ и= мv'ра бж~е'ственнагw дх~а, 
наше'дшагw на тя`: и='бо бг~а ро'ждши, вjь^рныя 
и=змjьни'ла _е=си` w\т sлово'нiя страсте'й.

Конда'къ трясе'нiя. 

Сjьда'ленъ мч~нка, гла'съ д~: 

Подо'бенъ: О_у=диви'ся i=w'сифъ:

Jа='кw до'блему страда'льцу, и= во'ину крjь'пку 
всецр~ю'ющагw хр\ста`, взыва'емъ _псало'мски: ра'дуйся, 
мч~нкwвъ о_у=краше'нiе и= лjь'пота. ра'дуйся, свjь'тлая 
цр~кве sвjьздо`, и= стjьно`, и= приста'нище 
прибjьга'ющихъ къ тебjь`, великомч~нче сла'вне дими'трiе: 
тя` пою'щыя вся^ сп~са'й w\т вся'кагw вре'да чужда'гw и= 
w=sлобле'нiя. [Два'жды.] 

Сла'ва, и= ны'нjь, трясе'нiя.

Пjь'снь д~.

I=рмо'съ: Вознесе'на тя` ви'дjьвши цр~ковь на 
кр\стjь`, сл~нце прв\дное, ста` въ чи'нjь свое'мъ, 
досто'йнw взыва'ющи: сла'ва си'лjь твое'й, гд\си.

Побjьди'вшаго лжу` нече'стiя, бж~iе всевысоча'йшее 
ви'дjьвъ сло'во, сла'вою вjьнча' тя, дими'трiе, пою'ща: 
сла'ва си'лjь твое'й, гд\си.

На ле'сть побjь'ду возста'вивъ, побjьди'тельный 
вjьне'цъ пра'вды прiя'лъ _е=си`, дими'трiе, зовя` 
зижди'телю твоему`: сла'ва си'лjь твое'й, гд\си.

Направля'емь дла'нiю жизноно'сною, къ приста'нищ_емъ 
дости'глъ _е=си` тиша'йшымъ, и=дjь'же ны'нjь ра'дуяся, 
зове'ши, дими'трiе: сла'ва си'лjь твое'й, гд\си.

Бг~оро'диченъ: Jа='кw тва'рей всjь'хъ сщ~е'ннjьйшая, 
мт~и бг~а бы'ти _е=ди'на сподо'билася _е=си`: сего' бо 
ро'ждши, мi'ръ бл~года'тiю бг~озна'нiя просвjьти'ла 
_е=си`.

И='нъ.

I=рмо'съ: Ты` моя` крjь'пость, гд\си, ты` моя` и= 
си'ла, ты` мо'й бг~ъ, ты` мое` ра'дованiе не w=ста'вль 
нjь'дра _о='ч~а, и= на'шу нищету` посjьти'въ. тjь'мъ съ 
пр\оро'комъ а=вваку'момъ зову' ти: си'лjь твое'й сла'ва, 
чл~вjьколю'бче.

Скве'рну вся'ку w\тве'ргъ рожде'нiя, ба'нею 
возрожде'нiя, чистоту` jа=ви'лся _е=си` соблюда'я да'же 
до кончи'ны. тjь'мже хр\сто'съ тебjь`, дими'трiе, 
_е=сте'ственную вла'гу претворя'етъ въ мv'ро, jа='коже и= 
во'ду въ вiно` преложи`.

Jа='коже _о=гня` _е=стество` всему` преподае'тся, 
цjь'лу сп~са'ющъ си'лу: та'кw твое` мv'ро, страда'льче, 
всjь'ми о_у='бw почерпа'ется, _о=ба'че же пребыва'етъ 
неума'лено. тjь'мже ны'нjь бл~гоче'ствующiи покланя'ющеся 
пое'мъ бг~а, и='же бл~года'ть тебjь` даде`.

Кто` слы'шаны твоя^ хвалы^ сотвори'тъ, хр\сте` сло'ве, 
ви'дя твоя^ бл~года^ти, jа=`же страда'льц_емъ твои^мъ 
по'далъ _е=си`; дими'трiа бо се` мv'ро мч~нка jа='кw 
и=сто'чникъ о_у='бw и=стека'етъ, бл~гово'нiе же ды'шетъ, 
и= разоря'етъ sw'лъ w=мраче'нiе.

Напая'ше о_у='бw и=сто'чникъ w\т земли` восходя'щiй, 
пе'рвjье не'же w=дожди'ти все` сея` лице`: ты' же 
сокры'вся мч~нче под\ъ зе'млю, и=сто'чникъ jа=ви'лся 
_е=си` бл~гово'нна мv'ра дими'трiе: ко'пiй бо мно'жество 
w\тверзо'ша жи^лы, и= ны'нjь мi'ра напоя'еши концы`.

Бг~оро'диченъ: Невjь'сту бж~iю тя` и= мт~рь вjь'мы, 
бц\де, тебе' бо jа='кw мv"родохнове'нный ши'покъ 
w=брjь'тъ сло'во бж~iе, цвjьту'щъ во о_у=до'лjь 
смире'ннjьмъ человjь'честjь, возжелjь` твоея` добро'ты, 
и= и=з\ъ тебе` плотоно'сецъ проше'дъ, вjь^рныя 
w=бл~гово'нствоваше.

Пjь'снь _е~.

I=рмо'съ: Ты`, гд\си мо'й, свjь'тъ въ мi'ръ прише'лъ 
_е=си`, свjь'тъ ст~ы'й, w=браща'яй и=з\ъ мра'чна 
невjь'дjьнiя вjь'рою воспjьва'ющыя тя`.

_О='гнь любве` бж~е'ственныя въ се'рдцы прiе'мъ, 
_о='гнь о_у=гаси'лъ _е=си` безбо'жнагw 
i=дwлонеи'стовства, сла'вне дими'трiе.

И=збавля'я ны` w\т бjь'дъ jа=ви'ся, дими'трiе, 
мл~твами твои'ми покрыва'я вjь'рою и= любо'вiю 
восхваля'ющыя тя`.

И=`же вjь'рою къ твоему` о_у=се'рднw притека'юще 
хра'му, дими'трiе, неду'гwвъ и= страсте'й душетлjь'нныхъ 
вско'рjь и=збавля'ются.

Бг~оро'диченъ: Сло'во бж~iе, _о=ц~у` _е=диносу'щное, 
тво'й быва'етъ, бг~омт~и, па'че о_у=ма' же и= сло'ва 
сн~ъ, тебjь` _е=диносу'щенъ. 

И='нъ.

I=рмо'съ: Вску'ю мя` w\три'нулъ _е=си` w\т лица` 
твоегw`, свjь'те незаходи'мый, и= покры'ла мя` _е='сть 
чужда'я тьма` _о=кая'ннаго; но w=брати' мя, и= къ свjь'ту 
за'повjьдей твои'хъ пути^ моя^ напра'ви, молю'ся.

Бы'лъ _е=си` прiя'телище съ нб~съ снизше'дшагw за 
мл\сть, jа='коже дождя`, и=ли` ка'пли ка'плющiя кро'ткw, 
о_у=пои'лъ _е=си` та'инственными дарwва'нiи, и= ны'нjь 
и=з\ъ гро'ба мv'ра и=сто'чникъ то'чиши, дими'трiе.

Страда'льц_емъ jа='коже зако'нъ, вся'кiя мiрскi'я 
w=бнажи'вся любве`, о_у=пита'лся _е=си`, мч~нче, 
_е=ле'емъ бл~года'тей дх~а: побjьди'въ же тьмы` нача^ла, 
мзду` прiя'лъ _е=си` точи'ти мv'ро сладково'нное, 
дими'трiе.

Ши'покъ jа=ви'лся _е=си` процвjьты'й вну'трь sла'чника 
гд\сня, дими'трiе, w=багре'нъ кро'вiю муче'нiя и= ра'нами 
сjьче'нiй, и= болjь'зньми страда'льческими, и= 
разжже'нiемъ пе'щи: и= ны'нjь мv'ро и=сточа'еши 
приснотеку'щее.

Се` па'ки зри'тся бж~е'ственный ковче'гъ, хра'мъ 
мч~нка, и=дjь'же свjь'щникъ вну'трь, гро'бъ нося'й мv'ро 
и= _е=ле'й, _е=гw'же _о='крестъ взыгра'имъ дх~о'внw, и= 
лику'юще восхва'лимъ вели'каго дими'трiа.

Но'вый jа='коже и=лiа` ре'вностiю о_у=я'звленъ 
хр\сто'вы любве`, царя` w=блича'еши, и= тебе` сама'го 
предае'ши на сме'рть: _о=ба'че живе'ши и= _е=ще`, мv'ра 
и=сто'чникъ показа'въ гро'бъ, jа='коже скуде'льникъ 
_е=ле'а неистоще'нъ.

Бг~оро'диченъ: Напису'етъ твое`, дв~о, дре'вле 
та'инство, поя` пра'_отецъ тво'й: цр~е'вы дще'ре сла'ва 
вся` внутрьу'ду, и='же и= тя` просла'вивъ, jа='кw 
бл~же'нную человjь'кwмъ. ра'дуйся, мi'ра всегw` 
воззва'нiе.

Пjь'снь s~.

I=рмо'съ: Пожру' ти со гла'сомъ хвале'нiя, гд\си, 
цр~ковь вопiе'тъ ти` w\т бjьсо'вскiя кро'ве w=чи'щшися, 
ра'ди мл\сти w\т ре'бръ твои'хъ и=сте'кшею кро'вiю. 

Согла'снw соше'дшеся пое'мъ сла'вную и= свjьтоно'сную 
твою` па'мять, и= чуде'съ по'лную, и= дарова'нiй ст~а'гw 
и= чт\сна'гw, всебл~же'нне, дх~а.

Разрjьши` моя^ плени^цы согрjьше'нiй мл~твами твои'ми: 
jа='кw бо непобjьди'мь мч~нкъ дерзнове'нiе и='маши ко 
вл\дцjь, и= бу'ди ми` прибjь'жище и= покро'въ, дими'трiе.

Бг~оро'диченъ: Чи'сту тя` посредjь` те'рнiя w=брjь'тъ, 
jа='кw чистjь'йшiй крi'нъ, и= о_у=до'льный цвjь'тъ, _w 
бг~омт~и! жени'хъ, во о_у=тро'бу твою` сло'во всели'ся.

И='нъ.

I=рмо'съ: W=чи'сти мя`, сп~се, мнw'га бо беззакw'нiя 
моя^, и= и=з\ъ глубины` sw'лъ возведи`, молю'ся: къ 
тебjь' бо возопи'хъ, и= о_у=слы'ши мя`, бж~е сп~се'нiя 
моегw`.

Процвjь'лъ _е=си` духо'внw jа='коже ма'слина 
плодови'тая, и= копiено'сными рука'ми ну'жднw 
и=згнете'ся: вjь'рныхъ же о_у=тjьша'еши, мv'ро ны'нjь 
точа` и=з\ъ бж~е'ственнагw гро'ба твоегw`, дими'трiе.

Пчелы` w='бразомъ тебе` сама'го дjь'лателя вся'кiя 
показа'лъ _е=си` бг~отво'рныя добродjь'тели, ду'шу, 
бл~же'нне, непоро'чну jа='кw со'тову тjьлеси` соблюда'я, 
и= мv'ро ны'нjь и=сточа'еши, о_у=слажда'ющее ду'шы.

Возлюби'лъ _е=си` w\т души` хр\ста`, и= сему` 
послjь'довалъ _е=си` къ мv'ру бл~гово'нiя, и= сегw` 
причасти'лся _е=си` срастворе'нiемъ лу'чшимъ. и= ны'нjь 
мv'ра струи^ то'чиши непреста^нныя, дими'трiе.

Ка^пли страда'льческихъ на зе'млю крове'й твои'хъ 
ка'плюще, бл~гово'нiя и=сто'чникъ мv'ра ту'ю содjь'лаша: 
и= ны'нjь сiе` непреста'ннw почерпа'ющымъ и=сточа'еши, 
дими'трiе.

По'томъ твои'хъ, му'дре, крове'й w=блiя'нъ, jа='коже 
и='нъ но'вый и=сто'чникъ рjь'чнw, тре'бующымъ бога'тнw 
подае'ши во и=сцjьле'нiе твое` мv'ро, бл~же'нне, 
о_у=се'рднw приходя'щымъ. 

Бг~оро'диченъ: Зря'ще златови'дный свjь'та свjь'щникъ 
неугаси'мый, мно'жествомъ грjьхw'въ ду'шы w=мрачи'вшiи 
присту'пимъ: дае'тъ бо просвjьще'нiе, и= вся'кое 
w\тгоня'етъ w=мраче'нiе. 

Конда'къ мч~нка, гла'съ в~:

Крове'й твои'хъ струя'ми, дими'трiе, цр~ковь бг~ъ 
w=багри`, да'вый тебjь` крjь'пость непобjьди'мую, и= 
соблюда'я гра'дъ тво'й невреди'мь: тогw' бо _е=си` 
о_у=твержде'нiе.

I='косъ: Сего` вели'каго вси` воспои'мъ, соше'дшеся 
вjь'рою, jа='кw _о=ру'жника хр\сто'ва и= мч~нка 
дими'трiа, въ пjь'снехъ и= пjь'нiихъ совзыва'юще вл\дцjь 
и= зижди'телю вселе'нныя: и=зба'ви ны` тру'са и= ну'жды, 
чл~вjьколю'бче, мл~твами бц\ды, и= всjь'хъ ст~ы'хъ 
мч~нкwвъ твои'хъ. на тя' бо вси` надjь'емся, и=зба'витися 
бjь'дъ и= скорбе'й, ты' бо _е=си` на'ше о_у=твержде'нiе.

Пjь'снь з~.

I=рмо'съ: Въ пещи` а=враа'мстiи _о='троцы 
персi'дстjьй, любо'вiю бл~гоче'стiя па'че, не'жели 
пла'менемъ w=паля'еми, взыва'ху: бл~гослове'нъ _е=си` въ 
хра'мjь сла'вы твоея`, гд\си.

Преукра'шенъ бж~е'ственною сла'вою и= бл~года'тiю, 
мч~нче стр\стоте'рпче, сiя'еши свjьтови'днw, и= 
просвjьща'еши зову'щыя: бл~гослове'нъ _е=си` въ хра'мjь 
сла'вы твоея`, гд\си.

Jа='кw багряни'цею о_у=кра'шенъ твое'ю кро'вiю, 
и=мjь'я вмjь'стw ски'птра, сла'вне, кр\стъ, со хр\сто'мъ 
ца'рствуеши ны'нjь, мч~нче дими'трiе, бл~гослове'нъ 
_е=си`, зовы'й, въ хра'мjь сла'вы твоея` гд\си.

Бг~оро'диченъ: Препросла'вленная просвjьще'нная мт~и 
дв~о вся^ чту'щыя тя` всеи'стинную бц\ду, w=гради`: 
бл~гослове'нна ты` въ жена'хъ, всенепоро'чная вл\дчце.

И='нъ.

I=рмо'съ: _О='троцы _е=вре'йстiи въ пещи` попра'ша 
пла'мень дерзнове'ннw, и= на ро'су _о='гнь преложи'ша, 
вопiю'ще: бл~гослове'нъ _е=си`, гд\си бж~е, во вjь'ки.

Во'ду почерпсти` и=са'iа жа'ждущымъ, дими'трiе, 
предповелjьва'етъ, а='ще бы ви'дjьлъ тво'й гро'бъ, 
возопи'лъ бы вся'кw: мv'ра и=сто'чнику приходи'те, и= 
почерпи'те сп~се'нiе.

Земли` о_у='бw поро'дъ бы'лъ _е=си`, всели'лся же 
_е=си` въ земли` кро'ткихъ, и=дjь'же вода` сла'дости: 
_е=я'же напи'вся въ сы'тость, мv'ра и=сто'чникъ при'сный 
ны'нjь, дими'трiе, пролива'еши.

Возра'слъ _е=си` jа='кw розга` въ вiногра'дjь, 
пребыва'я неw\тсjь'ченъ бг~у, и= совокупле'нъ: и= сегw` 
и=спо'лнився ту'ка неизрече'ннагw, мv'ро jа='кw струи^ 
всjь^мъ ны'нjь, дими'трiе, то'чиши.

_W но'выхъ твои'хъ боре'нiй! _w стра'нныхъ мч~нческихъ 
страда'нiй! твоя^ бо по'ты за него` пролiя^нныя, 
бл~же'нне, хр\сто'съ прiи'мъ, и=сто'чникъ мv'ра тя` 
показу'етъ.

Струю` мv'ра твоегw` пролива'я, ве'лiю пучи'ну 
просте'рлъ _е=си` чуде'съ, и= ду'шъ и= тjьле'съ неду'ги 
потопля'еши, и= напа'стей, дими'трiе, вся'ку бу'рю 
о_у=спову'я.

Бг~оро'диченъ: Млеко'мъ пита'ла _е=си`, дв~о, 
плотоно'сца, твоего` бг~а рожде'ннаго, jа='кw да 
болjь'знь а=да'мову су'щую во а='дjь w=блегчи'тъ, w\т 
дре'ва снjь'дша зна'нiя, и= за'пwвjьди преслу'шавша.

Пjь'снь и~.

I=рмо'съ: Ру'цjь распросте'ръ данiи'лъ, львw'въ 
зiя^нiя въ ро'вjь затче`: _о='гненную же си'лу 
о_у=гаси'ша, добродjь'телiю препоя'савшеся, бл~гоче'стiя 
рачи'тели _о='троцы взыва'юще: бл~гослови'те вся^ дjьла` 
гд\сня гд\са. 

W=мрачи'лъ _е=си` ве'сь вра'жiй гнjь'въ, сла'вне, и= 
боре'нiя неw\те'млемою си'лою хр\ста` w=блече'нъ, и= 
побjьдоно'сецъ бы'въ, мч~нче дими'трiе, вопiя'лъ _е=си`: 
бл~гослови'те вся^ дjьла` гд\сня гд\са.

Мч~нкwвъ бл~гостоя'нiе показа'въ, мч~нкwвъ 
бл~гозва'нiе, мч~нче, наслjь'довалъ _е=си`. ба'нею 
w=мы'вся ст~о'ю, jа='же вторы'ми не w=скверня'ется 
грjьхо'вными прило'ги, копiе'мъ пробода'емь, и= зовы'й: 
бл~гослови'те вся^ дjьла` гд\сня гд\са.

Чуде'съ твои'хъ мно'жество, па'че о_у=ма` дарова'нiй, 
и=`хже тебjь` подаде` хр\сто'съ, всjь^мъ показу'ютъ, 
сла'вне, и= бл~года'ть и=сцjьле'нiй, jа='же па'че сло'ва, 
jа='вjь твою` бл~года'ть проповjь'даетъ на'мъ, 
вопiю'щымъ: бл~гослови'те вся^ дjьла` гд\сня гд\са.

Бг~оро'диченъ: _Е=ди'ну во всjь'хъ родjь'хъ дв~у 
мт~рь, и= бц\ду чт\сую пjьсносло'вимъ: та' бо сп~се'нiя 
на'шегw хода'таица, jа='кw мi'ра и=зба'вителя сло'во 
ро'ждшая, _е=му'же вопiе'мъ: бл~гослови'те вся^ дjьла` 
гд\сня гд\са.

И='нъ.

I=рмо'съ: Седмери'цею пе'щь халде'йскiй мучи'тель, 
бг~очести^вымъ неи'стовнw разжже`, си'лою же лу'чшею 
сп~се'ны сiя^ ви'дjьвъ, творцу` и= и=зба'вителю вопiя'ше: 
_о='троцы бл~гослови'те, сщ~е'нницы воспо'йте, лю'дiе 
провозноси'те во вся^ вjь'ки.

Да бг~ъ jа=вле'нна сотвори'тъ тя` су'щымъ въ мi'рjь, 
дими'трiе, негаси'му свjьщу` душе'вную сохра'нша, 
_е=ле'емъ дjья'нiй о_у=маще'ну всегда`, и= jа='кw 
черто'га тебjь` w\тверзо'шася дв_е'ри, приснотеку'щь 
и=сто'чникъ тя` мv'ра бж~е'ственнагw показу'етъ, 
возме'здiе чистоты` сiю` дая` бл~года'ть.

Не и=з\ъ крове'й, jа='коже рече` чт\сно'е _е=v\глiе, 
ниже` и=з\ъ и=з\ъ по'хоти пло'ти, дими'трiе, бг~омъ же 
роди'лся _е=си`, воплоще'ннаго почита'я бг~а: кро'вь же 
о_у=се'рднw тогw` ра'ди твою` и=стощи'въ, воспрiя'лъ 
_е=си` свы'ше чуде'сную бл~года'ть, и=сточа'еши 
бж~е'ственное мv'ро, ду'шы бл~гоуха'яй.

Ты` лjь'ствица jа=ви'лся _е=си` w=душевле'нная, на 
земли` о_у='бw о_у=твержде'нная стопа'ми пло'ти, до нб~съ 
же дося'жущая: бг~омъ бо w=богати'лся _е=си` 
о_у=твержде'ннымъ, мч~нче, въ тебjь`. сто'лпъ же 
jа=ви'вся пома'занъ _е=ле'емъ по'двигwвъ муче'нiя, и= 
ны'нjь и=сточа'еши вjь'рою приступа'ющымъ и=сто'чникъ 
бж~е'ственнагw мv'ра. 

Тя` рjьку` прописа` бж~iю наводне'ну, поя` дв~дъ 
пр\оро'чески, дими'трiе: се' бо неистоща'емо прихожде'нiе 
мv'ра твоегw`. тjь'мъ и= мно'жество рjь'къ наводня'ющеся, 
гла'сы своя^ возвыша'ютъ, рука'ми же пле'щутъ въ сла'ву 
си'ми всjь'ми просла'вльшагw тя` бг~а.

Гд\сь _е=ди'нъ трист~ы'й, ты` бж~е всемо'щнjьйше, 
_е=го'же бг~осло'вствуяй страда'лецъ дими'трiй, въ 
темни'цjь заключа'ется, и= съ скорпi'ею чу'вственною 
sмi'я о_у=мори'въ мы'сленнаго, и= горды'ню лv'еву 
низложи'въ чрез\ъ не'стора бж~е'ственнаго, копiе'мъ 
пробода'ется, и= мv'ро ны'нjь и=з\ъ гро'ба то'читъ.

Бг~оро'диченъ: За а=да'ма гд\сь, за _е='vу ты`, 
всеч\стая, гаврiи'лъ же за льсти'внаго sмi'я, кр\стъ же 
за дре'во, вертогра'дъ гро'ба вмjь'стw _е=де'ма: 
ра'дуйся, вмjь'стw печа'ли: копiе`, вмjь'стw пла'меннагw 
_о=ру'жiя: и= багряни'ца, вмjь'стw смоко'внагw ли'ствiя. 
тя` о_у='бw пое'мъ, _о=трокови'це, jа='кw всjь'хъ 
вино'вну.

Пjь'снь f~.

I=рмо'съ: Ка'мень нерукосjь'чный w\т несjько'мыя горы` 
тебjь`, дв~о, краеуго'льный w\тсjьче'ся, хр\сто'съ 
совокупи'вый разстоя^щаяся _е=стества`. тjь'мъ 
веселя'щеся, тя`, бц\де, велича'емъ.

Раздери` о_у='зы прегрjьше'нiй, тя` пою'щихъ, 
страстоте'рпче, о_у=ста'ви страсте'й прило'ги, молву` 
разори` _е=ресе'й, и= напа'стей о_у=тиши` бу'рю мл~твами 
твои'ми.

Напра'ви къ стезя'мъ пра^вымъ нб\снагw цр\ствiя, 
сщ~е'ннjьйшую твою` па'ству, вjьнцено'сче мч~нче 
дими'трiе, на па'жить сп~си'тельную, на мjь'сто вjь'чное.

Да вjьнц_е'въ сла'вы, и= нб\снагw цр\ствiя получе'нiя 
пою'щымъ тя` сегw` о_у=лучи'ти моли`, мч~нче дими'трiе, 
жизнода'вца гд\са, и= цр~я` си'лъ.

Бг~оро'диченъ: Jа='кw ко'рень, и=сто'чникъ, и= вину` 
нетлjь'нiя тя`, дв~о, вси` вjь'рнiи, надjь'ющеся, 
хвала'ми почита'емъ: ты' бо v=поста'сное на'мъ 
безсме'ртiе и=сточи'ла _е=си`. 

И='нъ.

I=рмо'съ: О_у=жасе'ся w= се'мъ нб~о, и= земли` 
о_у=диви'шася концы`, jа='кw бг~ъ jа=ви'ся человjь'кwмъ 
пло'тски, и= чре'во твое` бы'сть простра'ннjьйшее нб~съ: 
тjь'мъ тя` бц\ду а='гг~лwвъ и= человjь^къ чинонача^лiя 
велича'ютъ. 

Прiе'мъ тво'й а=лава'стръ душе'вный, добродjь'телей 
бж~е'ственнагw мv'ра и=спо'лненъ, и=мjь'я же хр\ста` 
прекло'нша тебjь`, мч~нче, главу`, jа='кw о_у=поко'ившася 
житiя` твоегw` свjь'тлостiю чистоты`. тjь'мъ 
о_у=бл~жи'лся _е=си`, и= бл~года'ти и=спо'лнился _е=си` 
мv"роточи'ти мi'ра конц_е'мъ.

Се` w=жида'ющихъ тя` воздая'нiй неизрече'нныхъ 
свjь^тлая проwбраж_е'нiя, се` и=сто'чникъ мv'ра 
приснотеку'щагw, _w страда'льче! бг~у о_у='бw предстоя` 
со дерзнове'нiемъ мч~нческимъ, i=мпера'тору на'шему 
и=спроси` на враги` побjь'ду, и= ца'рства коне'цъ 
неw\те'млемь.

W='бразомъ кр\ста` побjьдотво'рца, побjьди'лъ _е=си` 
лv'ево суровство`, и= побjьди'теля не'стора и= 
сострада'льца поста'вивъ: и= ны'нjь вся'къ jа=зы'къ 
ва'рварскiй рабо'тенъ покори` i=мпера'тору на'шему, 
содjь'йствуя, сво'инствуя, о_у=крjьпля'я, велича'яй 
земны^я концы`, дими'трiе.

Те'плою w\т се'рдца любо'вiю къ твоему` чт\сно'му 
ковче'гу прибjьга'ющыя, мч~нче хр\сто'въ, мv'ро 
пролива'ющему рjька'ми, твои'ми мл~твами и=зба'ви дjь'лъ 
душетлjь'нныхъ, и= пото'па страсте'й sлосмра'дiя: 
w=боня^нiя же покажи` сiя^ гд\су бл~гово'ннjьйша.

Де'нь ра'дости духо'вныя соверша'емъ, дими'трiе, 
ви'дяще мv'ра твоегw` непреста'ннw точа'щъ и=сто'чникъ. 
ты' же страсте'й w=мраче'нiе разоря'я, jа='кw 
бж~е'ственнагw и=спо'лненъ свjь'та, jа='кw во дне` дава'й 
ходи'ти бл~гоwбра'знw, бж~iй же ви'дjьти свjь'тъ 
непристу'пный.

Бг~оро'диченъ: Ты`, всеч\стая, злата'я голуби'ца 
_е=си`, jа='кw суче'цъ ма'сличный нося'щая сло'во бж~iе, 
пома'завшее пло'ть свою` _е=ле'емъ бж~ества`. _е=го'же въ 
се'рдцы jа='кw ковче'гъ прiе'мъ страда'лецъ и=з\ъ гро'ба 
мv'ро то'читъ, и= о_у=маща'етъ вjь'рныхъ ли'ца.

Свjьти'ленъ: 

Подо'бенъ: Свjь'те неизмjь'нный:

Кр\сто'мъ воwружи'лъ _е=си` не'стора, чрез\ъ _о='наго 
лv'еву разори'въ горды'ню, дими'трiе, на три'знищи, 
jа='коже хр\сто'съ w\тверза'еши копiе'мъ ре'бра твоя^, 
и='миже ста'до твое` храни`. [Два'жды.] 

Сла'ва, и= ны'нjь, трясе'нiя.

На хвали'техъ стiхи^ры мч~нка, на s~, гла'съ д~: 

Подо'бенъ: Jа='кw до'бля:

Прободе'нъ бы'въ, борца` твои'ми ко'пiями о_у=язви'лъ 
_е=си` и= ме'ртва сотвори'лъ _е=си` и= недjь'йственна, 
_е=гw'же sло'бы дими'трiе, на'съ и=зба'ви, крjь'пки на 
стра^сти му'чащыя всегда` содjьва'я, сщ~е'нными твои'ми 
мл~твами, бж~е'ственнымъ стра'хомъ о_у=миля'я сердца` и= 
ду'шы на'шя, ст~е.

Рjьку' тя и=спо'лнену во'дъ духо'вныхъ, вjь'дяще, 
ст~е, мо'лимъ, и=ста'явшыя ду'шы на'шя страсте'й 
преступле'ньми мл\стiю твое'ю мно'гою сщ~е'ннw w=роси`, 
и= w=мы'й су'щыя въ скве'рнjь, и= премно'гихъ и=зба'ви 
бjь'дъ, и= вjь'чнагw муче'нiя.

Jа='кw sвjьзда` свjьтлjь'йшая, на земли` показа'лся 
_е=си`, чуде'съ сiя'ньми подсо'лнечную просвjьща'еши 
всегда`, дими'трiе сла'вне, мглы` w=мраче'нiя w\тгоня` 
мл~твами твои'ми ду'шъ на'шихъ, и= неду'ги и=сцjьли`, w\т 
любве` соверша'ющихъ твою` па'мять, сла'ва мч~нкwвъ и= 
похвала`.

И='ны стiхи^ры, гла'съ _е~: 

Подо'бенъ: Ра'дуйся по'стникwвъ:

Прiиди`, мч~нче хр\сто'въ, къ на'мъ, твоегw` 
тре'бующымъ мл\стивнагw посjьще'нiя, и= и=зба'ви 
w=sло'бленны мучи'тельскими преще'нiи, и= лю'тагw 
неи'стовства _е=ретi'ческагw: w\т ни'хже jа='кw 
плjь^нницы и= на'зи гони'ми _е=смы`, w\т мjь'ста на 
мjь'сто ча'стw преходя'ще, и= заблужда'юще въ верте'пjьхъ 
и= гора'хъ. о_у=ще'дри о_у='бw, прехва'льне, и= да'ждь 
на'мъ w=сла'бу, о_у=толи` бу'рю, и= о_у=гаси` _е='же на 
ны` негодова'нiе, бг~а моля`, подаю'щаго мi'ру ве'лiю 
мл\сть.

Стjьна` тве'рдая на'мъ, плjьне'нiя вра'жiя не 
о_у=боя'вся, да'нъ _е=си`, ва^рварская наш_е'ствiя 
о_у=праждня'я, и= неду'ги о_у=толя'я, степе'нь 
неразруши'мый, и= w=снова'нiе неwбори'мое, и= 
градоде'ржецъ, насели'тель и= побо'рникъ бы'лъ _е=си` 
твоему` гра'ду, дими'трiе. _е=го'же и= ны'нjь, 
всебл~же'нне, лю'тjь бjь'дствующаго, и= w=бтяже'нна 
_о=кая'ннjь, твои'ми мл~твами сп~си`, хр\ста` моля`, 
подаю'щаго мi'ру ве'лiю мл\сть.

Вся'ку добродjь'тель воспрiи'мъ, страстоте'рпческiй 
ли'къ jа=ви'ся, w\т_ону'дуже нетлjь'нныя и= бл~же'нныя 
жи'зни наслажде'нiе досто'йнjь наслjь'дова. въ не'мже, 
досточу'дне, о_у=краша'емь, дими'трiе, и= подража'нiемъ 
хр\сто'вымъ почита'яся, и= хваля'ся ра'венствомъ копiя`, 
проси` прилjь'жнjье, на'съ почита'ющихъ тя`, и=зба'вити 
w\т страсте'й, и= лю'тыхъ w=бстоя'нiй, те'плjь моля` 
подаю'щаго мi'ру ве'лiю мл\сть. 

Сла'ва, гла'съ д~. Самогла'сенъ. [А=ндре'а 
i=еросолv"ми'та:] 

Ко'пiями наслjь'довавшаго, сп~совыхъ ре'бръ бл~года'ть 
прободе'нныхъ копiе'мъ, и=з\ъ ни'хже на'мъ и=сточа'етъ 
сп~съ жи'зни и= нетлjь'нiя во'ды: дими'трiа почти'мъ, 
прему'драго во о_у=че'нiихъ, и= вjьне'чника въ мч~нцjьхъ, 
кро'вiю сконча'вшаго страда'нiя тече'нiе, и= чудесы` 
просiя'вша все'й вселе'ннjьй, ревни'теля вл\дчня, и= 
мл\стива нищелю'бца, во мно'гихъ и= мно'гащи бjьда'хъ 
лю'тыхъ, fессало'нянwмъ предста'теля. _е=гw'же и= 
лjь'тнюю па'мять почита'юще, сла'вимъ хр\ста` бг~а, 
дjь'йствующа _е=гw` ра'ди всjь^мъ и=сцjьл_е'нiя.

И= ны'нjь, бг~оро'диченъ:

И=зба'ви ны` w\т ну'ждъ на'шихъ, мт~и хр\ста` бг~а, 
ро'ждшая всjь'хъ творца`, да вси` зове'мъ ти`: ра'дуйся, 
_е=ди'но предста'тельство ду'шъ на'шихъ. 

Славосло'вiе вели'кое. И= w\тпу'стъ. 

На лiтургi'и:

Бл~же'нна w\т канw'на трясе'нiя, пjь'снь г~-я на д~: 
и= ст~а'гw, пjь'снь s~-я на д~. Прокi'менъ, гла'съ s~: 
Сп~си`, гд\си, лю'ди твоя^, и= бл~гослови` достоя'нiе 
твое`. Стi'хъ: Къ тебjь`, гд\си, воззову`, бж~е мо'й: И= 
ст~а'гw, гла'съ з~: Возвесели'тся прв\дникъ w= гд\сjь, и= 
о_у=пова'етъ на него`. А=по'столъ трясе'нiя, къ 
_е=вре'_емъ, зача'ло тл~а, w\т полу`: Бра'тiе, _е=го'же 
лю'битъ гд\сь, наказу'етъ: И= ст~а'гw а=по'столъ, къ 
тiмоfе'ю, зача'ло сч~в. А=ллилу'iа, гла'съ д~: Бж~е, 
w\три'нулъ ны` _е=си`: Стi'хъ: Стря'слъ _е=си` зе'млю, и= 
смути'лъ _е=си` ю=`. И= ст~а'гw: Прв\дникъ jа='кw 
фi'нi_ксъ процвjьте'тъ: _Е=v\глiе трясе'нiя, матfе'а, 
зача'ло к~з. И= ст~а'гw i=wа'нна, зача'ло н~в: 
Прича'стенъ: Хвали'те гд\са съ нб~съ: Другi'й, Въ па'мять 
вjь'чную: 

Подоба'етъ вjь'дати, а='ще случи'тся великомч~нка 
дими'трiа селу'нскагw, и= трясе'нiя въ недjь'лю:

Въ суббw'ту ве'чера на ма'лjьй вече'рни: Стiхи^ры 
воскр\сны, и= бц\ды, по _о=бы'чаю.

На вели'цjьй вече'рни: По _о=бы'чной каfi'смjь, на 
Гд\си воззва'хъ, стiхи^ры воскр\сны г~: и= трясе'нiя г~, 
пи'саны на вели'цjьй вече'рни на стiхо'внjь, и= дими'трiа 
д~. Сла'ва, дими'трiа: И= ны'нjь, бг~оро'диченъ а~-й 
гла'са. Прокi'менъ дне`. Чт_е'нiя г~. На лiтi'и: Стiхи'ра 
хра'ма и= самогла'сны стiхи^ры ст~а'гw. Сла'ва, ст~а'гw: 
И= ны'нjь, бг~оро'диченъ. На стiхо'внjь стiхи^ры 
воскр\сны: Сла'ва, дими'трiа: И= ны'нjь бг~оро'диченъ по 
гла'су ст~а'гw. На бл~гослове'нiи хлjь'бwвъ, тропа'рь: 
Бц\де дв~о: два'жды: и= дими'трiа, _е=ди'ножды.{зри`} 
[А='ще же нjь'сть бдjь'нiя: по _О='ч~е на'шъ: тропа'рь 
воскр\снъ: Сла'ва, дими'трiа: И= ны'нjь, трясе'нiя. На 
повече'рiи по Досто'йно, и= по трист~о'мъ, конда'къ 
дими'трiа: Сла'ва, и= ны'нjь, трясе'нiя.]

На о_у='трени: На Бг~ъ гд\сь, тропа'рь воскр\снъ 
два'жды: Сла'ва, дими'трiа: И= ны'нjь, трясе'нiя. По 
каfi'смахъ сjьда'льны воскр\сны и= бг~оро'дичны и='хъ. 
Та'же полv"еле'й, и= тропари`, А='гг~льскiй собо'ръ: 
v=пакои` гла'са, и= сjьда'льны дими'трiа, _о='ба по 
_е=ди'ножды, без\ъ бг~оро'дичнwвъ. Сла'ва, сjьда'ленъ, 
и='же по полv"еле'и: И= ны'нjь, бг~оро'диченъ _е=гw`. 
Степ_е'нна и= прокi'менъ гла'са. _Е=v\глiе воскр\сно. 
Воскр\снiе хр\сто'во: _псало'мъ н~, стiхи'ра воскр\сна. 
Канw'нъ воскр\снъ со i=рмосо'мъ на д~: и= трясе'нiя на 
д~: и= дими'трiа на s~: Катава'сiа: W\тве'рзу о_у=ста` 
моя^: По г~-й пjь'сни конда'къ дими'трiа, и= i='косъ и= 
сjьда'ленъ. По s~-й пjь'сни конда'къ и= i='косъ 
воскр\снъ. Свjьти'ленъ воскр\снъ: Сла'ва ст~а'гw: И= 
ны'нjь, трясе'нiя. На хвали'техъ стiхи^ры воскр\сны д~: 
и= дими'трiа со сла'внымъ д~, съ припjь'вы _е=гw`. 
Сла'ва, стiхи'ра _е=v\гльская: И= ны'нjь, 
Пребл~гослове'нна _е=си`: Славосло'вiе вели'кое. По 
трист~о'мъ тропа'рь воскр\снъ то'чiю. _Е=кт_енiи`, и= 
w\тпу'стъ, и= ча'съ а~-й. На а~-мъ часjь`, тропа'рь 
воскр\снъ: Сла'ва, трясе'нiя: И= ны'нjь, бг~оро'диченъ 
часw'въ. По _О='ч~е на'шъ, конда'къ трясе'нiя. Си'це и= 
на про'чихъ часjь'хъ, тропари` и= кондаки`, премjьня'юще 
глаго'лемъ: то'чiю воскр\снъ тропа'рь непремjь'ннw.

На лiтургi'и: Бл~ж_е'нна гла'са на д~: и= трясе'нiя 
пjь'снь г~-я на д~: и= дими'трiа пjь'снь s~-я на д~. По 
вхо'дjь тропа'рь воскр\снъ, и= трясе'нiя, и= хра'ма бц\ды 
а='ще _е='сть, и= дими'трiа. Та'же конда'къ воскр\снъ, и= 
трясе'нiя. Сла'ва, дими'трiа: И= ны'нjь, бц\ды. А='ще же 
нjь'сть хра'ма бц\ды, И= ны'нjь, трясе'нiя. Прокi'менъ 
трясе'нiя, и= ст~а'гw. А=п\слъ, трясе'нiя, и= дими'трiа. 
А=ллилу'iа, гла'съ д~: Бж~е, w\три'нулъ ны` _е=си`. 
Стi'хъ: Стря'слъ _е=си` зе'млю: И= ст~а'гw: Прв\дникъ 
jа='кw фi'нi_ксъ процвjьте'тъ: _Е=v\глiе, трясе'нiя и= 
дими'трiа. Прича'стенъ: Хвали'те гд\са съ нб~съ: И= 
ст~а'гw: Въ па'мять вjь'чную:{зри`} Ря'дъ же, а=п\слъ 
и= _е=v\глiе, чте'мъ под\ъ зача'ло.