Богослужебные тексты

<::лат>        OCR:

<::рус>        Библиотека святоотеческой литературы

<::лат>        http://orthlib.ru

<::слав>

(с. 169)

%<Мjь'сяца тогw'же въ к~-й де'нь.%>

%<Прп\дбнагw _о=ц~а` на'шегw fео'дwра трiхи'ны.%>

%<На Г%>д\си, воззва'хъ, %<стiхи^ры, гла'съ и~. По\д: 
_W%> пресла'внагw чудесе`!

%<П%>рп\дбне _о='ч~е fео'дwре, * да'ръ бг~у и=збра'нъ 
са'мъ себе` прине'слъ _е=си`, * бдjь'нiе всено'щное, и= 
о_у=миле'нiе стяжа'въ, * поуче'нiе бж\ственно, * коне'чное 
смире'нiе, * наде'жду, вjь'ру, любо'вь нерастворе'ну, * 
трезвjь'нiе и= милосе'рдiе, * и='стинное безстра'стiе и= 
моли'тву, * сто'лпъ тя` показа'ша свjьтови'днjьйшiй.

%<П%>рп\дбне _о='ч~е fео'дwре, * во w=дjья'нiе 
и='стинное * и= (с. 170) спасе'нiя _о=де'жду, * 
благочести'вымъ ра'зумомъ и=ща'й w=дjь'ятися, * власяны'ми 
ру'бы всегда` * твое` тjь'ло покрыва'ти не преста'лъ _е=си`, 
* и= w=бнажи'лъ _е=си` на'съ w=бнажи'вшагw кw'зни, * си'лою 
о_у=крjьпля'емь * бж\ственнагw дх~а.

%<В%>опло'щшемуся бг~у на'шему, * w\т дв~ы мт~ре на'съ 
ра'ди, * и= w=бнища'вшему, jа='кw ни'щъ ду'хомъ, * тебе` 
сама'го прине'слъ _е=си`, * же'ртву жи'ву и= всесожже'нiе 
прiя'тно, всебл~же'нне, * и= да'ръ че'стенъ. * тjь'мже и= 
прiя'лъ _е=си` нб\сное наслажде'нiе: * къ нему'же при'снw 
моли'ся, * мо'лимся, поми'ловати на'съ.

%<Сла'ва, и= ны'нjь, бг~оро'диченъ:%>

%<П%>ло'ть w\т крове'й твои'хъ прiе'мь, * первовjь'чный 
бг~ъ, * тя` предста'тельницу показа` человjь'кwмъ, ч\стая. * 
тjь'мже и=зба'ви рабы^ твоя^ * w\т вся'кiя бjьды` и= 
w=бстоя'нiя, * и= сjь'тей лука'вагw врага`, * и= сiя'нiя 
причасти'тися сподо'би и=збра'нныхъ, * тя` сла'вящыя, * и= 
покланя'ющыяся тебjь`.

%<Кр\стобг~оро'диченъ:%>

%<Т%>я` ви'дящи пригвожда'ема * на кр\стjь`, i=и~се, * 
и= стр\сти прiе'млюща во'лею, * дв~а и= мт~и твоя`, вл\дко, 
* о_у=вы` мнjь`, вопiя'ше, ча'до сла'дкое: * ра^ны 
непра'веднw ка'кw терпи'ши, * врачу`, и=сцjьли'вый 
человjь'ческое неможе'нiе, * и= w\т тли` всjь'хъ и=зба'вивый 
* милосе'рдiемъ твои'мъ;

%<Канw'нъ.%>

%<Гла'съ в~. Пjь'снь а~. I=рмо'съ:%>

%<В%>о глубинjь` постла` и=ногда` фараwни'тское 
всево'инство преwруже'нная си'ла, вопло'щшееся же сло'во 
всеsло'бный грjь'хъ потреби'ло _е='сть, препросла'вленный 
гд\сь, сла'внw бо просла'вися.

%<Д%>арова^нiи бж\ственными w=бога'щся, да'ръ jа='кw 
многоцjь'ненъ творцу`, _о='ч~е, себе` приве'лъ _е=си`. 
тjь'мже мо'й w=благодати` по'мыслъ, восхваля'ющу твою` 
дне'сь па'мять свjьтоно'сную, и= житiе` равноа'гг~льное. (с. 
171)

%<Jа='%>кw напита'вся бж\ственными добро'тами, взя'лъ 
_е=си` на ра'мо твое` по'стнически кр\стъ, fео'дwре, и= 
послjь'довалъ _е=си`, во'льное теб_е` ра'ди претерпjь'вшему 
распя'тiе, бл~же'нне, стра^сти о_у=мертви'въ тjьл_е'сныя.

%<К%>рjь'пкw, _о='ч~е, проти'ву врага` w=полчи'вся, и= 
кр\стнымъ _о=ру'жiемъ w=гражде'нъ, сего` смири'лъ _е=си` 
смири'вся, и= му'дрjь возноша'емь: тjь'мже побjьдоно'сецъ 
jа=ви'лся _е=си`, и= прп\дбныхъ равностоя'тель.

%<Бг~оро'диченъ:%>

%<С%>па'сшiися, дв~о, теб_е` ра'ди, пренепоро'чную въ 
жена'хъ, и= бж~iю роди'тельницу пjь'сньми о_у=блажа'емъ и= 
почита'емъ, и= согла'снw зове'мъ: ра'дуйся, вино'вная 
пра'дjьднягw назда'нiя.

%<Пjь'снь г~. I=рмо'съ:%>

%<П%>роцвjьла` _е='сть пусты'ня, jа='кw крi'нъ, гд\си, 
jа=зы'ческая неплодя'щая цр~ковь прише'ствiемъ твои'мъ, въ 
не'йже о_у=тверди'ся мое` се'рдце.

%<П%>роцвjь'лъ _е=си` въ поро'дjь воздержа'нiя, 
прп\дбне, jа='кw ши'покъ благово'ненъ, сердца` благоуха'я 
на'мъ бж\ственнымъ твои'мъ житiе'мъ, пресла'вне.

%<К%>рjь'постiю возмога'емь сп~совою, ше'ствовалъ _е=си` 
тjь'снымъ, сла'вне, жесто'кимъ и= ско'рбнымъ путе'мъ, и= къ 
широтjь` вы'шнягw сiw'на дости'глъ _е=си`.

%<В%>и'дится тво'й гро'бъ, благово'нно мv'ро благода'тiю 
и=сточа'я, прп\дбне, и= проповjь'дуетъ бг~у, бы'вша тя` 
благово'нiе, _о='ч~е свяще'нне.

%<Бг~оро'диченъ:%>

%<Ч%>ерто'гъ безсме'ртiя твое` чре'во бы'сть, и=зъ 
негw'же жени'хъ гд\сь возсiя'въ, дв~о преч\стая, прп\дбныхъ 
ли'къ себjь` собра`.

%<Сjьда'ленъ, гла'съ д~. Подо'бенъ: В%>ознесы'йся:

%<Jа='%>кw чи'стъ къ ч\стому присту'пль ча'стыми 
моли'твами и= чистото'ю, w=ст~и'лся _е=си` дх~омъ, fео'дwре: 
w\т_ону'дуже со а='гг~лы ны'нjь водворя'яся, пое'ши пjь'снь 
трист~у'ю всjь'хъ вл\дцjь. тjь'мже моли`, прп\дбне, хр\ста`, 
поми'ловати любо'вiю чту'щихъ тя`. (с. 172)

%<Сла'ва, и= ны'нjь, бг~оро'диченъ:%>

%<П%>о бз~jь во тво'й, бц\де, прибjьга'ю смире'нный, 
покро'въ бж\ственный, припа'дая молю'ся: поми'луй, 
преч\стая, jа='кw превзыдо'ша главу` мою` грjьси`, и= 
бою'ся, вл\дчце, му'ки, и= трепе'щу: моле'нiе сотвори`, 
ч\стая, къ сн~у твоему`, w\т си'хъ и=зба'вити мя`.

%<Кр\стобг~оро'диченъ:%>

%<И='%>же w\т безнача'льнагw _о=ц~а` рожде'ннаго, 
напослjь'докъ тя` пло'тiю ро'ждшая, на кр\стjь` ви'сяща 
зря'ще, хр\сте`, о_у=вы` мнjь`, любе'знjьйшiй i=и~се, 
вопiя'ше: ка'кw сла'вимый jа='кw бг~ъ w\т а='гг~лъ, w\т 
беззако'нныхъ ны'нjь человjь^къ, сн~е, хотя` распина'ешися; 
пою' тя, долготерпjьли'ве.

%<Пjь'снь д~. I=рмо'съ:%>

%<П%>рише'лъ _е=си` w\т дв~ы, не хода'тай, ни а='гг~лъ, 
но са'мъ, гд\си, вопло'щся, и= спа'слъ _е=си` всего' мя 
человjь'ка. тjь'мъ зову' ти: сла'ва си'лjь твое'й, гд\си.

%<В%>оздержа'нiя ча'стыми jа='звами о_у=ра'нилъ _е=си` 
стра^сти _е=гv'пта, и= наста'вилъ _е=си`, fео'дwре, къ 
земли` небе'снjьй, благоче'стнw и= преподо'бнw послjь'дующыя 
тебjь`.

%<И=%>стка^нiи добродjь'тельными содjь'лалъ _е=си`, 
fео'дwре, себjь` о_у=го'дну и= чистjь'йшую _о=де'жду, въ 
ню'же w=дjь'явся, въ черто'гъ вы'шнiй вше'лъ _е=си`.

%<И=%>зсуше'нiемъ сjь'туя соверша'лъ _е=си`, fео'дwре, 
власяны'ми и=стка'ньми твою` пло'ть покрыва'я: w\т_ону'дуже 
ти` возсiя` мы'сленное весе'лiе бж\ственнымъ дх~омъ.

%<Бг~оро'диченъ:%>

%<В%>ъ ча'съ мя` стра'шный, преч\стая, суди'ма спаси` и= 
и=зба'ви, гее'нны и=схити`, jа='кw да о_у=блажа'ю тя`, и= по 
до'лгу честву'ю, непоро'чная.

%<Пjь'снь _е~. I=рмо'съ:%>

%<С%>вjь'та пода'телю и= вjькw'въ тво'рче, гд\си, во 
свjь'тjь твои'хъ повелjь'нiй наста'ви на'съ: ра'звjь бо 
теб_е`, и=но'гw бо'га не зна'емъ. (с. 173)

%<Ж%>итiе` равноа'гг~льное воспрiе'мъ на земли`, 
преподо'бне, по'стнически вся'кимъ w=sлобле'нiемъ 
о_у=мертви'лъ _е=си` страсте'й воста^нiя, бг~ому'дре 
fео'дwре.

%<Ч%>а'съ суда` помышля'я всегда`, w\три'нулъ _е=си` w\т 
души` со'нъ о_у=ны'нiя, о_у='тренюя къ бг~у, и= бж\ственною 
любо'вiю о_у=добря'емь.

%<Л%>юбя` вы^шнiя _о=би'т_ели, jа='кw мона'хъ 
и='стиненъ, воздви'глъ _е=си` на земли` _о=би'т_ели 
мона'шествующымъ: въ ни'хже тобо'ю насажде'ни бы'вше, 
почита'ютъ тя`, прп\дбне.

%<Бг~оро'диченъ:%>

%<_Е=%>ди'на родила` _е=си` v=поста'сную жи'знь, 
преч\стая, творца` всjь'хъ и= вл\дку: _е=го'же лю'бяще, 
мно'жество _о=т_е'цъ преподо'бныхъ преподо'бнw пожи'ша.

%<Пjь'снь s~. I=рмо'съ:%>

%<В%>ъ бе'зднjь грjьхо'внjьй валя'яся, неизслjь'дную 
милосе'рдiя твоегw` призыва'ю бе'здну: w\т тли`, бж~е, мя` 
возведи`.

%<П%>росвjь'щся видjь^нiи лу'чшими, w\т всjь'хъ земны'хъ 
ду'шу w=бнажи'лъ _е=си`, и= w= бз~jь о_у=праздни'лся _е=си`, 
непреста'нными поуч_е'нiи, fео'дwре.

%<С%>вjь'тлагw твоегw` житiя` свjь'тлостiю поднеб_е'сная 
w=свjьти'шася, бл~же'нне, восто'чнагw со'лнца свjьтосiя'нную 
тя` sвjьзду` проповjь'дающе.

%<М%>ра'зомъ и= сту'денiю о_у=тjьсня'емь, и='же къ бг~у 
w=грjьва'лся _е=си` манов_е'нiи, и= зи'му w\тгна'лъ _е=си` 
страсте'й бж~е'ственною теплото'ю, fео'дwре.

%<Бг~оро'диченъ:%>

%<Jа='%>кw добру`, jа='кw красну` jа='вльшуюся, сло'во 
кра'сное возлюби`, ч\стая, и= въ твою` о_у=тро'бу всели'ся, 
въ на'ше вjь'рныхъ и=збавле'нiе.

%<Конда'къ, гла'съ д~. Подо'бенъ: Jа=%>ви'лся _е=си` 
дне'сь:

%<Jа=%>ви'лся _е=си` преди'венъ житiе'мъ, fео'дwре 
му'дре _о='ч~е, (с. 174) власяны'ми ру'бы и=змjьни'въ, па'че 
ца'рскихъ сокро'вищъ jа=`же на земли`, сегw` ра'ди нб\сную 
_о=де'жду воспрiя'лъ _е=си`, при'снw моли` w= на'съ, 
прп\дбне.

%<Пjь'снь з~. I=рмо'съ:%>

%<Б%>г~опроти'вное велjь'нiе беззако'ннующагw мучи'теля 
высо'къ пла'мень вознесло` _е='сть: хр\сто'съ же простре` 
бг~очести^вымъ _о=трокw'мъ ро'су духо'вную, сы'й 
бл~гослове'нъ и= препросла'вленъ.

%<М%>v"родухнове'нъ бы'лъ _е=си` добродjь'тельными 
твои'ми w=бjь^ты, fео'дwре, и= мv'ро благово'нно w\т 
честны'хъ твои'хъ моще'й и=сточа'еши на'мъ вjь'рнw чту'щымъ 
тя`, ду'шы и= сердца` благоуха'я, преподо'бне.

%<Jа='%>кw а='гнецъ неsло'бивъ, воспита'нъ на sла'цjь 
воздержа'нiя, преподо'бне, всели'лся _е=си` во w=гра'ду 
нб\сную, весели'тися съ нача'льнымъ па'стыремъ: тjь'мже 
твоя^ _о='вцы при'снw помина'й.

%<К%>а'плями сле'зъ твои'хъ погаси'лъ _е=си` вря'щую 
тjьлесе` пе'щь, свяще'нне, _о=гне'мъ бж\ственнагw дх~а 
распала'емь свjьти'льникъ до'блести: и= свjь'тъ су'щымъ во 
тмjь`, _о='ч~е, бы'лъ _е=си`.

%<Бг~оро'диченъ:%>

%<П%>оказа` купина' тя повива'ема _о=гне'мъ, 
пренепоро'чная, ника'коже w=паля'ема о_у='бw: _о='гнь бо 
носи'ла _е=си` бж\ства`, и='же неwпа'льну тя` соблю'дъ, 
ч\стая, и= по рж\ствjь` дв~у нетлjь'нну.

%<Пjь'снь и~. I=рмо'съ:%>

%<В%>ъ пе'щь _о='гненную ко _о=трокw'мъ _е=вр_е'йскимъ 
снизше'дшаго, и= пла'мень въ ро'су прело'жшаго бг~а, по'йте, 
дjьла`, jа='кw гд\са, и= превозноси'те во вся^ вjь'ки.

%<С%>кве'рну w\тмы'лъ _е=си` души` сле'зными теч_е'нiи, 
и= пото'къ пи'щный наслjь'довалъ _е=си`, и= кро'ткихъ 
зе'млю, jа='кw кро'токъ, прп\дбне, и= неsло'бивъ, и= 
пра'вдою jа='вjь о_у=кра'шенъ.

%<С%>во'йственными къ бг~у взира^нiи при'снw 
просвjьща'емь, непреткнове'ннw премину'лъ _е=си` страстны^я 
по'мыслы, и= (с. 175) все` w=мраче'нiе тjьле'сное, и= къ 
свjь'ту преше'лъ _е=си` безстра'стiя, _о='ч~е.

%<Д%>а и='стинному жела'нiю присту'пиши, возде'ржникъ и= 
смиреному'дръ, и= долготерпjьли'въ jа=ви'лся _е=си`, и= 
ми'лостивъ вои'стинну, власяны'ми ру'бы покрыва'яся, и= 
де'мwнскую w=бнажа'я пре'лесть.

%<Бг~оро'диченъ:%>

%<О_у=%>краси'вшися добро'тами добродjь'телей, и= ря'сны 
преиспещре'нна златы'ми, дв~о, jа='же па'че всjь'хъ 
человjь^къ краснjь'йшаго сло'ва породила` _е=си`: _е=го'же 
пое'тъ прп\дбныхъ мно'жество во вjь'ки.

%<Пjь'снь f~. I=рмо'съ:%>

%<Б%>езнача'льна роди'теля сн~ъ, бг~ъ и= гд\сь, 
вопло'щся w\т дв~ы на'мъ jа=ви'ся, w=мрач_е'нная 
просвjьти'ти, собра'ти расточ_е'нная: тjь'мъ всепjь'тую 
бц\ду велича'емъ.

%<Р%>аспе'нъ пло'ть твою` стра'хомъ вл\дки твоегw`, 
о_у=мертви'лся _е=си` мi'ру, _о='ч~е fео'дwре: и= ны'нjь 
преше'лъ _е=си` ра'дуяся къ жи'зни живы'хъ, требл~же'нне, 
прича'стiемъ w=боже'нъ и= свjь'та при'снw и=сполня'емь.

%<Д%>е'нь пра'зднественный и= и=спо'лненъ свяще'нiя, 
твою` бж\ственную па'мять соверша'емъ дне'сь: ты' бо свjь'та 
и= дне` jа='кw вои'стинну сы'нъ показа'лся _е=си`, и= во 
свjь'тjь невече'рнjьмъ живе'ши ра'дуяся.

%<С%>вjьти'льниче свjьтоза'рне, бж~iя да'ра 
тезоимени'те, бг~осiя'нное свjьти'ло, невече'рняя заря`, 
добродjь'телей мv"рополо'жниче и= непрекло'ненъ сто'лпъ 
мона'шествующихъ, ста'до твое` и=зба'ви моли'твами твои'ми 
w\т вся'кiя ско'рби.

%<Бг~оро'диченъ:%>

%<С%>вjь'та жили'ще чре'во твое` бы'сть, дв~о, 
просвjь'щшагw мi'ръ заря'ми бж\ства`, две'ре сл~нца сла'вы, 
въ жена'хъ прера'дованная, прп\дбныхъ похвало`, всест~а'я и= 
пребл~гослове'нная.