Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав> 


Мjь'сяца а='vгуста въ а~-й де'нь.

[гл\ва л~д] Происхожде'нiе ч\стны'хъ дре'въ чт\сна'гw и= 
животворя'щагw кр\ста`.

И= па'мять ст~ы'хъ седми` мч~нкъ маккав_е'й, и= ма'тере 
и='хъ соломонi'и, и= о_у=чи'теля и='хъ _е=леаза'ра. [Слу'жба 
и=`мъ въ мине'jь мjь'сячнjьй.]

Ве'черъ, _о=бы'чная каfi'сма.

На Гд\си воззва'хъ, стiхи^ры на s~: кр\ста` г~, и= 
ст~ы'хъ г~. 

Стiхи^ры кр\ста`, гла'съ д~:

Подо'бенъ: Зва'нный свы'ше: 

Дне'сь ра'дуется вjь'рныхъ мно'жество бж~е'ственное: 
jа=вля'ется бо нб\сный кр\стъ конц_е'мъ, w=сiява'етъ тве'рдь 
свjь'томъ непристу'пнымъ, возду'хъ w=заря'етъ, и= земли` 
лице` о_у=краша'етъ. пое'тъ бж~е'ственными пjь'сньми цр~ковь 
хр\сто'ва, слу'житъ почита'ющи, свы'ше ю=` соблюда'ющiй 
кр\стъ бж~е'ственный и= пречу'дный. _е=го'же си'лою 
о_у=крjьпля'еми, вл\дцjь присту'пимъ зову'ще: о_у=мири` 
ми'ръ, и= просвjьти` ду'шы на'шя.

Да ра'дуется тва'рь и= и=гра'етъ: дне'сь бо w=блиста` 
кр\стъ въ концjь'хъ съ нб~се`, земна^я просвjьща'я, и= 
совоку'плены показа` расточ_е'нныя. дне'сь лику'ютъ съ ли'ки 
а='гг~льскими человjь'цы: и='бо браня'щее средогра'дiе 
кр\сто'мъ разоре'но, во _е=ди'но вся^ jа='вjь совокупи`. 
тjь'мъ предсiя'я па'че со'лнца, всю` тва'рь просвjьща'етъ 
бл~года'тiю, и= о_у=ясня'етъ и= сп~са'етъ вjь'рнw того` 
чту'щыя.

Па'че со'лнечныя зари`, хотя'й мi'рови jа='коже ски'птръ 
ч\стны'й, цр~я` хр\ста`, и= кончи'ну показа'ти, кр\стъ 
бж~е'ственный: се'й предсiя'етъ jа='снw въ концjь'хъ. се'й 
возведе` и=з\ъ а='да ро'дъ человjь'чь, а='да вельми` 
плjьни'въ, врага` низложи'въ де'монwвъ горды'ню до конца` 
погуби`. ны'нjь же проявля'етъ воскр\снiе сп~сово, и= 
сп~са'етъ зову'щыя: о_у=мири` мi'ръ, и= просвjьти` ду'шы 
на'шя. 

Та'же стiхи^ры ст~ы'хъ. Сла'ва ст~ы'хъ.

И= ны'нjь, гла'съ и~:

[I=wа'нна мона'ха:] _Е=го'же дре'вле мwv"се'й 
проwбразова'въ собо'ю, а=мали'ка низложи'въ побjьди`: и= 
давi'дъ пjьснопjь'вецъ, подно'жiю твоему`, вопiя`, 
кла'нятися повелjьва'ше, ч\стно'му кр\сту` твоему`, хр\сте` 
бж~е, дне'сь грjь'шнiи кла'няемся, о_у=стна'ми 
недосто'йными, тя` и=зво'лившаго пригвозди'тися на не'мъ 
воспjьва'юще, мо'лимся: гд\си, съ разбо'йникомъ цр\ствiя 
твоегw` сподо'би на'съ. 

На стiхо'внjь _о=ктw'иха. Сла'ва ст~ы'хъ.

И= ны'нjь, гла'съ и~:

Гла'съ пр\оро'ка твоегw` мwv"се'а, бж~е, и=спо'лнися 
глаго'ляй: о_у='зрите живо'тъ ва'шъ, ви'сящъ пред\ъ _о=чесы` 
ва'шими. дне'сь кр\стъ воздвиза'ется, и= мi'ръ w\т ле'сти 
свобожда'ется, дне'сь хр\сто'во воскр\снiе w=бновля'ется, и= 
концы` земли` ра'дуются. въ кv"мва'лjьхъ давi'дски пjь'снь 
тебjь` принося'ще, и= глаго'люще: содjь'лалъ _е=си` 
сп~се'нiе посредjь` земли`, бж~е, кр\стъ и= воскр\снiе: 
и='хже ра'ди на'съ сп~слъ _е=си`, бл~же и= чл~вjьколю'бче. 
всеси'льне гд\си, сла'ва тебjь`. 

Тропа'рь ст~ы'хъ.

Сла'ва, и= ны'нjь, тропа'рь кр\сту`, гла'съ а~:

Сп~си`, гд\си, лю'ди твоя^, и= бл~гослови` достоя'нiе 
твое`, побjь'ды бл~говjь'рному i=мпера'тору на'шему, 
нiкола'ю а=ле_кса'ндровичу, на сопроти^вныя да'руя, и= твое` 
сохраня'я кр\сто'мъ твои'мъ жи'тельство.

[зри`] И=звjь'стнw же да быва'етъ, jа='кw пре'жде 
клепа'нiя вхо'дитъ i=ере'й въ сосудохрани'тельницу, и= 
полага'етъ чт\сны'й кр\стъ на же'ртвенницjь. И= по 
w\тпуще'нiи вече'рни, i=ере'й и= дiа'конъ w=блеку'тся въ 
ри^зы. И= дiа'конъ покади'тъ ч\стны'й кр\стъ, и= рече'тъ: 
Бл~гослови` вл\дко. I=ере'й: Бл~гослове'нъ бг~ъ на'шъ: 
Та'же, Трист~о'е. По _О='ч~е на'шъ: тропа'рь кр\ста`. 
Сла'ва, и= ны'нjь, конда'къ. И= взима'етъ i=ере'й кр\стъ съ 
блю'домъ на главу`, и= вно'ситъ во _о=лта'рь: пред\ъи'дутъ 
пред\ъ ни'мъ со двjьма` лампа'дами. И= полага'етъ кр\стъ на 
трапе'зjь, на _е=v\гльскомъ мjь'стjь: а= _е=v\глiе на 
го'рнее мjь'сто. И= возжгу'тъ пред\ъ ни'мъ свjьщу` на всю` 
но'щь.

На о_у='трени, на бг~ъ гд\сь: тропа'рь кр\ста` два'жды: 
Сла'ва, мч~нкwвъ: И= ны'нjь, кр\ста`. И= _о=бы^чныя 
каfi^смы, и= сjьда'льны _о=ктw'иха. И= чте'нiе. Канw'нъ 
_о=ктw'иха _е=ди'нъ, на д~: и= кр\ста` на s~, гла'съ s~: и= 
мч~нкwвъ на д~, гла'съ и~. А='ще ли случи'тся пра'здникъ 
се'й въ суббw'ту, и= а='ще хра'мъ хр\сто'въ, и=ли` бц\ды: и= 
пое'мъ канw'нъ хра'ма со i=рмосо'мъ, на д~: и= кр\ста` на 
s~: и= ст~ы'хъ на д~.

Катава'сiа: Кр\стъ начерта'въ:

Канw'нъ кр\ста`, _е=гw'же краестро'чiе: Кр\сту` 
покланя'юся, вjь'рныхъ сп~се'нiю: гла'съ s~.

Пjь'снь а~.

I=рмо'съ: Jа='кw по су'ху пjьшеше'ствовавъ i=и~ль, по 
бе'зднjь стопа'ми, гони'теля фараw'на ви'дя потопля'ема, 
бг~у побjь'дную пjь'снь пои'мъ, вопiя'ше.

Кр\сту` вjь'рныхъ сп~се'нiю покланя'юся, и= те'плjь 
w=блобыза'ю, и= w=б\ъе'мля вопiю`: дре'во всебл~же'нное 
хр\сто'во, ду'шу мою` и= о_у='мъ просвjьти` молю'ся.

Побjьдоно'сно jа=ви'ся на стра^сти и= бjь'сы, дне'сь 
зна'менiе кр\ста`. тjь'мже, вjь'рнiи, вси` свjь'тлw 
просвjь'щше ду'шы, ны'нjь w=блобыза'емъ.

Лучеза^рная w=блиста'етъ сiя^нiя кр\стъ чт\сны'й, и= 
просвjьща'етъ вjь'рнw покланя'ющыяся _е=му` дне'сь, 
w=свяща'я ду'шы на'шя и= тjьлеса`.

Жизнода'тельный кр\стъ предлежа'щъ, и= зри'мь, 
свjьтови'дную зарю` препосыла'етъ бл~года'тей: присту'пимъ 
и= прiи'мемъ просвjьще'нiе, весе'лiе, и= сп~се'нiе, и= 
w=ставле'нiе, хвале'нiе гд\севи принося'ще.

Бг~оро'диченъ: Прест~а'я дв~о, jа='же хр\ста` пло'тiю 
ро'ждши, пострада'вшаго на'съ ра'ди во'лею на кр\стjь`, тя` 
бл~жа'щыя че'стнw, сп~са'й мольба'ми твои'ми. 

Та'же канw'нъ мч~нкwвъ.

Катава'сiа: Кр\стъ начерта'въ мwv"се'й, впря'мw жезло'мъ 
чермно'е пресjьче`, i=и~лю пjьшеходя'щу: то' же, w=бра'тнw 
фараw'новымъ колесни'цамъ о_у=да'ривъ, совокупи`, вопреки` 
написа'въ непобjьди'мое _о=ру'жiе. тjь'мъ хр\сту` пои'мъ 
бг~у на'шему, jа='кw просла'вися.

Пjь'снь г~.

I=рмо'съ: Нjь'сть ст~ъ, jа='коже ты`, гд\си бж~е мо'й, 
вознесы'й ро'гъ вjь'рныхъ твои'хъ, бл~же, и= о_у=тверди'вый 
на'съ на ка'мени и=сповjь'данiя твоегw`.

_О=ру'жiе дре'вле, жи'зни бл~же'нное дре'во дарова'ся 
храни'ти, за преслуша'нiе первозда'ннагw а=да'ма: кр\стъ же 
сему` пу'ть сотвори`.

_О=чи'ма, о_у=стна'ми и= душа'ми, ли'цы и= сердцы`, 
поклони'мся вси` прест~о'му кр\сту` жизнода'вца хр\ста`, 
и='мже мi'ръ ве'сь w=свяща'ется.

Хра'мы бг~у пр\оро'чески дне'сь бы'вше, покланя'ющеся 
дре'ву прест~а'гw кр\ста`, и= наслjь'дницы _е=го`, со 
стра'хомъ вси` того` цjьлу'емъ.

Пjьсносло'вимъ тя`, кр\сте, вjь'рою моля'щiися си'лjь 
твое'й: и=зми` на'съ сjьте'й вра'жiихъ, и= о_у=пра'ви на'съ 
къ приста'нищу всjь'хъ сп~се'нiя, пою'щихъ тя`.

Бг~оро'диченъ: Дjь'вою родила` _е=си` сн~а, пре'жде 
тебе` рожде'ннаго w\т _о=ц~а` пре'жде вjь^къ, без\ъ мт~ре 
w\т бг~а, распя'таго пло'тiю, да сп~се'тъ пре'жде 
согрjь'шшыя.

Катава'сiа: Же'злъ во w='бразъ та'йны прiе'млется, 
прозябе'нiемъ бо предразсужда'етъ сщ~е'нника: неплодя'щей же 
пре'жде цр~кви ны'нjь процвjьте` дре'во кр\ста`, въ держа'ву 
и= о_у=твержде'нiе. 

Конда'къ, i='косъ и= сjьда'ленъ ст~ы'хъ.

Сла'ва, и= ны'нjь, сjьда'ленъ кр\ста`, гла'съ s~:

Кр\стъ тво'й, гд\си, w=святи'ся, въ не'мъ бо быва'ютъ 
и=сцjьл_е'нiя немwщны'мъ во грjьсjь'хъ: _е=гw'же ра'ди 
припа'даемъ ти`, поми'луй на'съ.

Пjь'снь д~.

I=рмо'съ: Хр\сто'съ моя` си'ла, бг~ъ и= гд\сь, чт\сна'я 
цр~ковь, бг~олjь'пнw пое'тъ взыва'ющи, w\т смы'сла чи'ста w= 
гд\сjь пра'зднующи.

Да кропи'тъ вся` земля` ра'дованiе, да веселя'тся древа` 
дубра^вная, дне'сь w=боже'на всеч\стны'мъ кр\сто'мъ, сiя'ющи 
конц_е'мъ.

Показа'вый _о=рга'нъ о_у=мерщвле'нiя, живоно'сно 
мi'рови, побjьдотво'рное _о=ру'жiе непобjьди'мое, 
пресла'вный кр\сте, сердца` на^ша просвjьти`.

Ты` бж~е'ственная побjь'да, ты` содjь'лованiе на'шегw 
сп~се'нiя, ты` вjь^рнымъ соwдолjь'нiе, и= бж~е'ственная 
же'ртва, _w всеч\стны'й кр\сте, пою'щыя тя` w=святи`.

Не'бо все'й земли` свесели'тся: стр\стоте'рпцы, мч~нцы, 
а=п\сли, ду'шы прв\дныхъ ра'достнw ны'нjь ра'дуются: и= вся^ 
сп~са'етъ зри'мw предлежа'щее посредjь` жизнода'тельное 
дре'во, и= вjь^рныя w=свяща'етъ бл~года'тiю.

Бг~оро'диченъ: Вои'стинну ты` jа=ви'лася _е=си`, 
вои'стинну родила` _е=си` сн~а вы'шняго, на кр\стjь` ру'цjь 
просте'ршаго, дв~о мт~и мр~i'е, и= мi'ръ призва'вшаго.

Катава'сiа: О_у=слы'шахъ, гд\си, смотре'нiя твоегw` 
та'инство, разумjь'хъ дjьла` твоя^, и= просла'вихъ твое` 
бж~ество`.

Пjь'снь _е~.

I=рмо'съ: Бж~iимъ свjь'томъ твои'мъ, бл~же, 
о_у='тренюющихъ ти` ду'шы любо'вiю w=зари`, молю'ся, тя` 
вjь'дjьти, сло'ве бж~iй, и='стиннаго бг~а, w\т мра'ка 
грjьхо'внагw взыва'юща. 

Под\ъи'мемъ съ ра'достiю пребл~же'нный кр\стъ, въ 
цр~ква'хъ и= градjь'хъ се'й предложе'нный, и= поклони'мся, 
да долгw'въ прiи'мемъ w=ставле'нiе.

О_у=мерщвля'ется sмi'й лука'вый ны'нjь, и='же тьмы` 
нача'льникъ, сiя'нiя не терпя`, _е='же w=блиста'етъ 
живоно'сный кр\стъ, бж~е'ственнагw цр~я` ски'птро чт\сно'е.

Jа='кw пресвjь'тла sвjьзда`, и= jа='кw би'серъ 
бл~голjь'пенъ, и= пресiя'нное со'лнце, вся^ w=заря'етъ 
земли` концы`, кр\стъ гд\снь, _е=го'же w=блобыза'емъ.

Воскли'кните jа=зы'цы, воспо'йте, и=гра'йте колjь^на, и= 
по'йте бг~у, да'вшему кр\ста` неруши'мое о_у=твержде'нiе, 
_е='же ны'нjь предлежи'тъ: вси` вjь'рнiи ра'дуемся, jа='кw 
тогw` ра'ди бл~га^я прiе'млюще.

Бг~оро'диченъ: Сп~се'нiю тя` нача'ло вси` вjь'рнiи 
вjь'дуще, о_у=бл~жа'емъ чт\сая: ты' бо пре'жде су'щаго 
пло'тiю родила` _е=си`, хотjь'нiемъ свои'мъ пригвожде'нна на 
кр\стjь`.

Катава'сiа: _W требл~же'нное дре'во, на не'мже распя'ся 
хр\сто'съ, цр~ь и= гд\сь, и='мже паде` дре'вомъ 
прельсти'вый, тобо'ю прельсти'вся, бг~у пригвозди'вшуся 
пло'тiю, подаю'щему ми'ръ душа'мъ на'шымъ.

Пjь'снь s~.

I=рмо'съ: Жите'йское мо'ре, воздвиза'емое зря` напа'стей 
бу'рею, къ ти'хому приста'нищу твоему` прите'къ вопiю' ти: 
возведи` w\т тли` живо'тъ мо'й, многомл\стиве.

Jа='кw бж~е'ственъ сосу'дъ, jа='кw свjьти'льникъ 
свjь'телъ въ це'рквахъ дне'сь, и= въ хра'мjьхъ и= градjь'хъ, 
кр\стъ предлежа'щь ви'дяще, и= о_у=ясни'вшаго сего` 
воспое'мъ.

О_у=мерщвля'ется сме'рть, и= о_у=моря'ется тлjь'нiе, и= 
бjьсо'встiи полцы` w\тбjьга'ютъ, побjь'дный и= стра'шный 
дне'сь предлежа'щь ви'дяще кр\стъ хр\сто'въ, не смjь'юще 
прикосну'тися _е=му`.

Воспjьва'юще тя` бг~а, и= цр~я` и= гд\са, jа='кw 
дарова'лъ _е=си` на'мъ кр\стъ стjь'ну неруши'му: _е=го'же 
ны'нjь w=блобыза'емъ ра'достiю. и= лю'тыхъ w\тбjьга'емъ. 

Бг~оро'диченъ: Jа='домъ sмiи'нымъ, пра'баба пи'щею, 
jа='же во _е=де'мjь, пома'зася: дв~а же, ро'ждши нача'льника 
жи'зни, и=сточи` мi'ру нетлjь'нiе и= воскр\снiе.

Катава'сiа: Во'днагw sвjь'ря во о_у=тро'бjь, дла^ни 
i=w'на кр\стови'днw распросте'ръ, сп~си'тельную стр\сть 
проwбража'ше jа='вjь. тjь'мъ тридне'венъ и=зше'дъ, 
премi'рное воскр\снiе прописа'ше, пло'тiю пригвожде'ннагw 
хр\ста` бг~а, и= тридне'внымъ воскр\снiемъ мi'ръ 
просвjь'щшагw.

Конда'къ, гла'съ д~. Подо'бенъ:

Вознесы'йся на кр\стъ во'лею, тезоимени'тому твоему` 
но'вому жи'тельству, щедро'ты твоя^ да'руй, хр\сте` бж~е: 
возвесели` си'лою твое'ю бл~говjь'рнаго i=мпера'тора 
на'шего, нiкола'я а=ле_кса'ндровича, побjь^ды дая` _е=му` на 
сопоста'ты, посо'бiе и=му'щу твое`, _о=ру'жiе ми'ра, 
непобjьди'мую побjь'ду.

I='косъ: И='же до тре'тiягw нб~се` восхище'нъ бы'сть въ 
ра'й, и= глаго'лы слы'шавъ неизреч_е'нныя, и= 
бж~е'ств_енныя, и='хже не лjь'ть я=зы'ки человjь'ческими 
глаго'лати: что` гала'тwмъ пи'шетъ, jа='кw рачи'телiе 
писа'нiй прочто'сте и= позна'сте; мнjь`, глаго'летъ, 
хвали'тися да не бу'детъ, то'кмw во _е=ди'номъ кр\стjь` 
гд\сни, на не'мже страда'въ о_у=би` стра^сти. того` о_у=`бо 
и= мы` и=звjь'стнw да держи'мъ, кр\стъ гд\снь хвалу` вси`: 
_е='сть бо на'мъ сп~си'тельное сiе` дре'во, _о=ру'жiе ми'ра, 
непобjьди'мая побjь'да.

Пjь'снь з~.

I=рмо'съ: Росода'тельну о_у='бw пе'щь содjь'ла а='гг~лъ 
прп\дбнымъ _о=трокw'мъ, халд_е'и же w=паля'ющее велjь'нiе 
бж~iе, мучи'теля о_у=вjьща` вопи'ти: бл~гослове'нъ _е=си`, 
бж~е _о=т_е'цъ на'шихъ.

Сп~си'тельному дре'ву поклони'мся кр\сту` прест~о'му, 
_е=му'же слу'жатъ а='гг~льская вся^ вw'инства, предлежа'щь 
ви'дяще, вjь'рнiи, и=сточа'ющь на'мъ w=сщ~е'нiе и= жи'знь. 

Побjьдоно'сный jа=ви'ся прест~ы'й кр\стъ, животода'вца 
хр\ста`: свы'ше же бjьсw'въ всjь'хъ мно'жество w\тгоня` 
ва'рварское шата'нiе, и= побjьди'теля jа=вля'я i=мпера'тора 
на'шего.

Jа='кw w=душевле'нну тебjь` припа'дая взыва'ю: кр\сте 
мо'й прест~ы'й, ты' ми просвjьти` ду'шу, и= о_у='мъ, и= 
слу'хъ, и= о_у=стнjь`, и= я=зы'къ, и= дыха'нiе, и= _о='чи, 
къ путе'мъ ца'рства хр\сто'ва.

Пое'мъ и= сла'вимъ и= покланя'емся, и= велича'емъ твою`, 
хр\сте`, держа'ву, jа='кw подаде` на'мъ рабw'мъ твои^мъ 
кр\стъ бж~е'ственный, сла'дость неисчерпа'емую, и= 
храни'лище душа'мъ и= тjь'лwмъ на'шымъ.

Бг~оро'диченъ: Ю='ношы три` пе'щь не w=пали`, рж\ство` 
проwбразу'ющи твое`: и='бо бж~е'ственный _о='гнь тя` не 
w=пали`, всели'вся въ тя`, и= вся^ научи'въ пjь'ти: 
бл~гослове'нъ бг~ъ _о=т_е'цъ на'шихъ.

Катава'сiа: Безу'мное велjь'нiе мучи'теля sлочести'вагw 
лю'ди поколеба`, ды'шущее преще'нiе и= sлохуле'нiе 
бг~оме'рзкое: _о=ба'че три` _о='троки не о_у=страши` 
jа='рость sвjь'рская, ни _о='гнь снjьда'яй. но 
противоды'шущу росоно'сному дх~у, со _о=гне'мъ су'ще 
поя'ху: препjь'тый _о=тц_е'въ и= на'съ, бж~е, бл~гослове'нъ 
_е=си`.

Пjь'снь и~.

I=рмо'съ: О_у=жасни'ся боя'йся нб~о, и= да подви'жатся 
w=снова'нiя земли`: се' бо въ мертвецjь'хъ вмjьня'ется въ 
вы'шнихъ живы'й, и= во гро'бъ ма'лъ страннопрiе'млется. 
_е=го'же _о='троцы бл~гослови'те, сщ~е'нницы воспо'йте, 
лю'дiе превозноси'те во вся^ вjь'ки.

Тво'й кр\стъ проwбразу'я i=а'кwвъ и=ногда`, на вну'ки 
поло'жь дла^ни премjь'ннw, и= бл~гослови'въ и=`хъ, 
бл~года'ти во jа=зы'цjьхъ науча'я: _о='троцы бл~гослови'те, 
сщ~е'ннiи по'йте, лю'дiе превозноси'те _е=го` во вjь'ки.

_W неизрече'ннагw твоегw`, хр\сте`, сни'тiя, и= 
неизглаго'ланныхъ бл~ги'хъ! воплоти'ся, и= ра'спятъ бы'въ: 
сме'рть прiе'мъ, и= рjьши'ши человjь'ки w\т кля'твы, 
и=сточи'въ нетлjь'нiе на требл~же'ннjьмъ дре'вjь, 
препросла'вленный кр\стъ се'й во вjь'ки.

Прест~ы'й кр\стъ, бж~е'ственную побjь'ду, жи'зни 
нача'льника, ле'сти потреби'теля, дне'сь похва'лимъ кр\стъ 
всест~ы'й гд\снь, бjьсw'въ губи'теля, и= ва'рварwвъ 
прогони'теля, царе'й побjьдотво'рца, и= покрови'теля.

Бг~оро'диченъ: Гвоздьми` пригвожде'нна хр\ста`, копiе'мъ 
прободе'нна въ нетлjь^нная ре'бра, тро'стiемъ въ главу` 
бiе'ма, же'лчь вкуша'юща зря'щи, дв~а вопiя'ше: гдjь` твоя` 
добро'та за'йде прекра'сное сло'во, препросла'вленне, па'че 
сынw'въ человjь'ческихъ;

Катава'сiа: Бл~гослови'те _о='троцы, тр\оцы 
равночи'сленнiи, содjь'теля _о=ц~а` бг~а, по'йте снизше'дшее 
сло'во, и= _о='гнь въ ро'су претво'ршее, и= превозноси'те 
всjь^мъ жи'знь подава'ющаго дх~а всест~а'го во вjь'ки.

Пjь'снь f~.

I=рмо'съ: Бг~а человjь'кwмъ невозмо'жно ви'дjьти, на 
него'же не смjь'ютъ чи'ни а='гг~льстiи взира'ти: тобо'ю же 
всеч\стая, jа=ви'ся человjь'кwмъ сло'во воплоще'нно. 
_е=го'же велича'юще, съ нб\сными вw'и тя` о_у=бл~жа'емъ.

Тлjь'нни w\т преслуша'нiя бы'хомъ, бж~iя за'повjьди 
престу^пницы jа='вльшеся: сегw` ра'ди сме'рть прiи'де 
человjь'кwмъ. тjь'мже безсме'ртiя процвjьте` дне'сь 
побjь'дный кр\стъ хр\сто'въ, _е=го'же цjьлу'емъ.

Се` дре'во прест~о'е, крjь'пкая наде'жда вjь^рнымъ 
jа=ви'ся, кля'твы и=збавле'нiе, человjь'кwвъ ра'дость, 
предлежи'тъ, w=блича'я тьмы` нача'льника: сему` поклони'мся 
вjь'рнiи съ весе'лiемъ.

Нача'ло бл~гослове'нiя, и= о_у=твержде'нiе хр\стiа'нъ, 
и= стjьна` и= тве'рдое заступле'нiе, и= кля'твы и=збавле'нiе 
jа=ви'ся на'мъ дре'во вожделjь'нное, _о=ру'жiе 
непобjьди'мое: просвjьти` и= w=святи` на'съ покланя'ющихся 
тебjь`.

Бг~оро'диченъ: Хра'ме и= две'ре w=свяще'нiя, пр\сто'ле 
бж~iй, _о='блаче и= свjь'щниче всесвjь'тлый, и= ковче'же 
бл~года'ти всенепоро'чная, че'стнjь покланя'ющыяся w='бразу 
чт\сно'му _е=диноро'днагw твоегw` сн~а, покры'й и= сохрани`.

Катава'сiа: Та'инъ _е=си`, бц\де, ра'й, невоздjь'ланнw 
возрасти'вшiй хр\ста`, и='мже кр\стное живоно'сное на земли` 
насади'ся дре'во: тjь'мъ ны'нjь возноси'му, покланя'ющеся 
_е=му`, тя` велича'емъ. 

Свjьти'ленъ _о=ктw'иха. Сла'ва, мч~нкwвъ.

И= ны'нjь, кр\ста`:

Кр\стъ храни'тель всея` вселе'нныя: кр\стъ, красота` 
цр~кве. кр\стъ, царе'й держа'ва: кр\стъ, вjь'рныхъ 
о_у=твержде'нiе: кр\стъ, а='гг~лwвъ сла'ва, и= де'монwвъ 
jа='зва.

На хвали'техъ стiхи^ры, на s~, кр\ста` г~: гла'съ а~:

Подо'бенъ: Нб\сныхъ чинw'въ:

Нб\сная ш_е'ствiя кр\стъ чт\сны'й гото'витъ всjь^мъ, 
тому` покланя'ющымся вjь'рою несумнjь'нною: и= ликw'мъ 
невеще'ственныхъ си'лъ, и='же на не'мъ пригвозди'выйся, 
сочета'етъ любо'вiю пою'щыя того`.

Кла'няющеся вjь'рою кр\сту` чт\сно'му, на не'мъ 
распе'ншагося воспое'мъ вл\дку: тогw` манове'нiемъ 
о_у=стнjь^ вку'пjь и= ду'шу w=чища'юще, и= сiя'нiи сегw` 
мы'сленными о_у=ясни'мся, хва'ляще _е=го`.

Го'ресть дре'вле о_у=слажда'я мwv"се'й, и=зба'ви i=и~ля, 
w='бразъ кр\ста` напису'я: мы' же сего` вси` вjь'рнiи, 
та'йнw и= бж~е'ственнw воwбража'юще въ сердца'хъ на'шихъ, 
всегда` спаса'емся держа'вою _е=гw`. 

Стiхи^ры ст~ы'хъ г~. Сла'ва, ст~ы'хъ. 

И= ны'нjь, кр\ста`, гла'съ д~:

Пособи'вый, гд\си, кро'ткому давi'ду покори'ти 
и=ноплеме'нника. вjь'рному на'шему i=мпера'тору, нiкола'ю 
а=ле_кса'ндровичу, спобо'рствуй, и= _о=ру'жiемъ кр\ста` 
низложи` враги` на'шя. покажи`, бл~гоутро'бне, на на'съ 
др_е'внiя мл\сти твоя^: и= да разумjь'ютъ вои'стинну, jа='кw 
ты` _е=си` бг~ъ, и= на тя` надjь'ющiися побjьжда'емъ 
моля'щiися _о=бы'чнw преч\стjьй твое'й мт~ри, дарова'тися 
на'мъ ве'лiей мл\сти.

Славосло'вiе вели'кое, ти'хw, со гла'сомъ.

I=ере'ю же w=болче'ну су'щу во всю` _о=де'жду 
сщ~е'нническую, прихо'дитъ съ кади'ломъ къ ст~jь'й 
трапе'зjь, предходя'щу _е=му` дiа'кону съ лампа'дою, и= 
кади'тъ ст~у'ю трапе'зу и= чт\сны'й кр\стъ, и= та'кw 
взима'етъ чт\сны'й кр\стъ съ блю'домъ на главу`, и= 
и=схо'дитъ сjь'верными две'рьми и=з\ъ _о=лтаря`, 
пред\ъиду'щымъ _е=му` со двjьма` лампа'дами и= съ кади'ломъ: 
прихо'дитъ же пря'мw цр\скихъ двере'й, и= стои'тъ w=жида'я 
конца` трист~а'гw. Кончава'ему же трист~о'му, возглаша'етъ 
i=ере'й: Прему'дрость, про'сти: И= кли'рiцы пою'тъ тропа'рь: 
Сп~си`, гд\си, лю'ди твоя^: три'жды. И= та'кw прихо'дитъ 
i=ере'й, нося` на главjь` чт\сны'й кр\стъ, пред\ъ ст~ы'я 
цр\скiя дв_е'ри ко а=нало'гiю, _е=му'же о_у=кра'шену су'щу, 
полага'етъ на не'мъ ч\стны'й кр\стъ. И= твори'тъ поклоне'нiе 
чт\сно'му кр\сту`, три'жды, поя` тихогла'снw: Кр\сту` 
твоему` покланя'емся, вл\дко, и= ст~о'е воскр\снiе твое` 
сла'вимъ. И= ли'кове то'же пою'тъ велегла'снw, три'жды.

Та'же цjьлу'ютъ чт\сны'й кр\стъ, и= покланя'ются па'ки 
_е=ди'ною, пою'ще стiхи^ры самогла'сны, гла'съ в~.

Прiиди'те, вjь'рнiи, животворя'щему дре'ву поклони'мся, 
на не'мже хр\сто'съ цр~ь сла'вы во'лею ру'цjь распросте'ръ, 
вознесе` на'съ на пе'рвое бл~же'нство, jа='же пре'жде вра'гъ 
сла'стiю о_у=кра'дъ, и=згна'ны w\т бг~а сотвори`. прiиди'те 
вjь'рнiи дре'ву поклони'мся, и='мже сподо'бихомся 
неви'димыхъ вра^гъ сокруши'ти главы^. прiиди'те вся^ 
_о=те'ч_ествiя jа=зы'кwвъ, кр\стъ гд\снь пjь'сньми почти'мъ: 
ра'дуйся, кр\сте, па'дшагw а=да'ма соверше'нное 
и=збавле'нiе: w= тебjь' бо вjь'рнjьйшiи ца'рiе на'ши 
хва'лятся, jа='кw твое'ю си'лою i=сма'ильт_ескiя лю'ди 
держа'внw покаря'юще. тя` ны'нjь со стра'хомъ хрiстiа'не 
цjьлу'юще, на тебjь` пригвозди'вшагося бг~а сла'вимъ, 
глаго'люще: гд\си, на то'мъ пригвозди'выйся, поми'луй на'съ, 
jа='кw бл~гъ и= чл~вjьколю'бецъ.

Гла'съ _е~:

Зря'ще тя` тва'рь вся` на кр\стjь` на'га ви'сяща, 
содjь'теля и= зижди'теля всjь'хъ, и=змjьня'шеся стра'хомъ, 
и= рыда'ше: со'лнце же свjь'тъ w=мрачи`, и= земля` 
колеба'шеся, ка'менiе же разсjьда'шеся, и= хра'ма 
свjь'тлость раздира'шеся. ме'ртвiи воста'ша w\т гробw'въ, и= 
а='гг~льскiя си^лы о_у=жасо'шася, глаго'люще: _w чудесе`! 
судiя` су'дится, и= стра'ждетъ хотя` за сп~се'нiе мi'ра и= 
w=бновле'нiе. 

Гла'съ и~:

Дне'сь вл\дка тва'ри, и= гд\сь сла'вы, на кр\стjь` 
пригвожда'ется, и= въ ре'бра пробода'ется: же'лчи и= _о='цта 
вкуша'етъ, сла'дость цр~ко'вная: вjьнце'мъ w\т те'рнiя 
w=блага'ется, покрыва'яй не'бо _о='блаки, _о=де'ждою 
w=блачи'тся поруга'нiя: и= зауша'ется бре'нною руко'ю, 
руко'ю созда'вый человjь'ка: по плеще'ма бiе'нъ быва'етъ, 
w=дjьва'яй не'бо _о='блаки. заплева^нiя и= ра^ны прiе'млетъ, 
понош_е'нiя и= зауш_е'нiя и= вся^ терпи'тъ мене` ра'ди 
w=сужде'ннагw, и=зба'витель мо'й и= бг~ъ, да сп~се'тъ мi'ръ 
w\т пре'лести, jа='кw бл~гоутро'бенъ.

Сла'ва, и= ны'нjь, гла'съ то'йже:

Дне'сь неприкоснове'нный существо'мъ, прикоснове'нъ 
мнjь` быва'етъ, и= стра'ждетъ стр\сти свобожда'яй мя` w\т 
страсте'й: свjь'тъ подава'яй слjьпы^мъ, w\т беззако'нныхъ 
о_у=сте'нъ w=плева'ется, и= дае'тъ плещи` за плjьн_е'нныя на 
ра^ны. сего` ч\стая дв~а и= мт~и на кр\стjь` зря'щи, 
болjь'зненнw вjьща'ше: о_у=вы` мнjь`, ча'до мое`, что` сiе` 
сотвори'лъ _е=си`; кра'сный добро'тою па'че всjь'хъ 
человjь^къ, бездыха'нный и= беззра'чный jа=вля'ешися, не 
и=мjь'я ви'да, ниже` добро'ты. о_у=вы` мнjь`, мо'й свjь'те, 
не могу` спя'ща зрjь'ти тя`, о_у=тро'бою о_у=язвля'юся, и= 
лю'тое _о=ру'жiе се'рдце мое` прохо'дитъ! воспjьва'ю твоя^ 
стр\сти, покланя'юся бл~гоутро'бiю твоему`, 
долготерпjьли'ве, сла'ва тебjь`. 

Посе'мъ _е=кт_енiи`. Поми'луй на'съ, бж~е: И= 
И=спо'лнимъ о_у='треннюю мл~тву: Дiа'конъ: Прему'дрость. 
I=ере'й w\тпу'стъ, и= пе'рвый ча'съ. На а~-мъ часjь`, 
тропа'рь кр\ста`: Сла'ва, ст~ы'хъ: И= ны'нjь, бг~оро'диченъ 
часw'въ. По _О='ч~е на'шъ, конда'къ кр\ста`: и= соверше'нный 
w\тпу'стъ.

[зри`] Въ сi'й а~-й де'нь а='vгуста, во _о=би'телехъ и= 
прихо'дскихъ хра'мjьхъ, соверша'ютъ чи'нъ свяще'нiя воды`, и= 
быва'етъ си'це: Прiугото'вану столу` и= о_у=кра'шену, и= 
водjь` въ ча'шjь, [и=ли` и=схо'димъ на и=сто'чники] и= 
бл~гослови'вшу i=ере'ю, глаго'лется Трист~о'е, и= _псало'мъ 
рм~в: Гд\си, о_у=слы'ши мл~тву мою`: Та'же Бг~ъ гд\сь, во 
гла'съ д~. И= тропа'рь, Къ бц\дjь прилjь'жнw: два'жды: 
Сла'ва, и= ны'нjь: Не о_у=молчи'мъ никогда`, бц\де: Та'же 
_псало'мъ н~: Поми'луй мя`, бж~е:

Посе'мъ пою'тся тропари` свяще'нiя воды`. Гла'съ s~.

_Е='же ра'дуйся а='гг~ломъ прiи'мшая, и= ро'ждшая 
зижди'теля твоего`, дв~о, сп~са'й тя` велича'ющыя. 
[Два'жды.]

Воспjьва'емъ сн~а твоего`, бц\де, и= вопiе'мъ: преч\стая 
вл\дчце, вся'кiя бjьды` и=зба'ви рабы^ твоя^.

Цар_е'мъ, пр\оро'кwмъ, и= а=п\слwмъ, и= мч~нкwмъ ты` 
_е=си` похвала`, и= предста'тельница мi'ру, всенепоро'чная.

Я=зы'къ вся'къ правосла'вныхъ похваля'етъ, и= бл~жи'тъ, 
и= сла'витъ преч\стое рж\ство` твое`, мр~i'е 
бг~оневjь'стная.

Да'ждь, хр\сте` мо'й, и= мнjь` недосто'йному долгw'въ 
w=ставле'нiе, молю'ся, тя` ро'ждшiя мл~твами, jа='кw 
бл~гоутро'бенъ.

На тя` моя^ о_у=пова^нiя возложи'хъ, бц\де, сп~си' мя 
мл~твами твои'ми, и= да'руй ми` прегрjьше'нiй w=ставле'нiе.

W=живи' мя ро'ждшая жизнода'вца и= сп~са, сп~си` 
мл~твами твои'ми, бл~гослове'нная, наде'ждо ду'шъ на'шихъ.

Зижди'теля всjь'хъ во о_у=тро'бjь твое'й заче'ншая, дв~о 
всенепоро'чная, мл~твами твои'ми сп~си` ду'шы на'ша.

Бц\де, ро'ждшая сло'вомъ па'че сло'ва сло'во, 
всепjь'тая, того` моли` сп~сти` ду'шы на'шя.

Мл\стива мнjь` судiю' же и= сн~а твоего`, 
прегрjьши'вшему па'че вся'кагw человjь'ка, твои'ми мл~твами 
содjь'лай, вл\дчце.

По до'лгу вопiе'мъ ти`: ра'дуйся, бц\де чт\сая 
приснодв~о, моля'щися, мл~твами твои'ми сп~сти'ся.

И=зба'ви мя` _о=гня` вjь'чнагw, и= му'къ предлежа'щихъ 
мнjь`, бг~ороди'тельнице, jа='кw да о_у=бл~жа'ю тя`.

Не пре'зри моле'нiя твои'хъ рабw'въ, мо'лимся, вл\дчце 
всепjь'тая, jа='кw да и=зба'вимся вся'кагw w=бстоя'нiя.

Неду'гwвъ и= вся'кихъ болjь'зней, и= бjь'дъ на'съ 
свободи`, къ сщ~е'нному твоему` покро'ву прибjьга'ющихъ.

Стра'нное чу'до, _е='же въ тебjь`, бг~ороди'тельнице: 
на'съ бо ра'ди по на'мъ роди'ся всjь'хъ зижди'тель и=з\ъ 
тебе`, и= бг~ъ на'шъ.

Хра'мъ тво'й, бц\де, показа'ся врачевство` неду'гwвъ 
безме'здное, и= w=скорбля'емыхъ ду'шъ о_у=тjьше'нiе.

Прест~а'я бц\де, ро'ждшая сп~са, w\т бjь'дъ сп~си` и= 
вся'кiя и=ны'я ну'жды рабы^ твоя^.

И=зба'ви w\т вся'кагw преще'нiя находя'щагw на рабы^ 
твоя^, прест~а'я вл\дчце, и= вся'кагw вре'да душе'внагw же 
и= тjьле'снагw.

Сп~си` всjь'хъ мл~твами твои'ми, дв~о бц\де, къ тебjь` 
притека'ющихъ, и= и=зба'ви вся'кiя ну'жды и= ско'рби.

Кто` притека'яй, въ хра'мъ тво'й бц\де, не прiе'млетъ 
ско'рw и=сцjьле'нiя душе'внагw вку'пjь и= тjьле'снагw, 
преч\стая;

W\т всjь'хъ о_у=моля'мь, ще'дре, ст~ы'хъ и= го'рнихъ 
чинw'въ, w=чи'сти мя` ро'ждшею тя`.

Пощади`, сп~се, ду'шы о_у=ме'ршихъ бра'тiй на'шихъ, въ 
наде'жди жи'зни, и= w=сла'би, w=ста'ви и=`мъ согрjьш_е'нiя.

Ра'дуйся, мi'ра w=чисти'лище дв~о, ра'дуйся, ру'чко и= 
свjь'щниче всезлаты'й бж~е'ственныя ма'нны, и= свjь'та, 
бг~оневjь'сто. 

Пое'мъ тя` бг~а _е=ди'наго въ тр\оцjь, вопiю'ще гла'съ 
трист~ы'й, моля'щеся сп~се'нiе получи'ти.

Сла'ва: 

_W дв~о, ро'ждшая сп~са и= вл\дку ми'ра и= гд\са, того` 
моли` сп~сти` ду'шы на'шя.

И= ны'нjь: ра'дуйся горо`, ра'дуйся купино`, ра'дуйся 
врата`, ра'дуйся лjь'ствице, ра'дуйся бж~е'ственная 
трапе'зо, ра'дуйся всjь'хъ по'моще, вл\дчце.

Мл~твами, мл\стиве, мт~ре твоея` преч\стыя, и= всjь'хъ 
ст~ы'хъ твои'хъ, твоя^ мл\сти лю'демъ твои^мъ да'руй.

Мл~твами сла'вныхъ а=рха^гг~лъ и= а='гг~лъ, и= го'рнихъ 
чинw'въ, рабы^ твоя^, сп~се, до'брjь сохрани`.

Мл~твами чт\сна'гw и= сла'внагw кр\сти'теля твоегw` 
пр\оро'ка, пр\дте'чи, хр\сте` сп~се мо'й, рабы^ твоя^ 
сохрани`.

Мл~твами сла'вныхъ а=п\слwвъ и= мч~нкwвъ, и= всjь'хъ 
ст~ы'хъ твои'хъ, твоя^ мл\сти лю'демъ твои^мъ да'руй.

Мл~твами сла'вныхъ безсре'бр_еникъ, бц\де, рабы^ твоя^ 
сохрани`, jа='кw предста'тельство мi'ра и= о_у=твержде'нiе.

Сла'ва: 

_О=ц~а` и= сн~а славосло'вимъ, и= дх~а ст~а'го, 
глаго'люще: тр\оце ст~а'я, сп~си` ду'шы на'шя.

И= ны'нjь:

Неизрече'ннw въ послjь^дняя заче'ншая, и= ро'ждшая 
созда'теля твоего`, Дв~о, сп~са'й тя` велича'ющыя.

Та'же:

Мл\срдiя дв_е'ри w\тве'рзи на'мъ, бл~гослове'нная бц\де, 
надjь'ющiися на тя` да не поги'бнемъ, но да и=зба'вимся 
тобо'ю w\т бjь'дъ: ты' бо _е=си` сп~се'нiе ро'да 
хр\стiа'нскагw.

Та'же, Гд\су помо'лимся.

Сщ~е'нникъ: Jа='кw ст~ъ _е=си`, бж~е на'шъ: Ли'къ: 
А=ми'нь.

Та'же настоя'щыя тропари`, гла'съ .s~:

Ны'нjь наста` вре'мя всjь'хъ w=сщ~а'ющее, и= пра'ведный 
на'съ жде'тъ судiя`: но w=брати'ся, душе`, къ покая'нiю, 
jа='кw блудни'ца зову'щи со слеза'ми: гд\си, поми'луй мя`.

Вода'ми w=дожди'вый, хр\сте`, и=сто'чникъ и=сцjьле'нiй, 
во всеч\стнjь'мъ хра'мjь дв~ы дне'сь, твоегw` бл~гослове'нiя 
w=кропле'нiемъ, w\тгоня'еши неду'ги немощству'ющихъ, врачу` 
ду'шъ и= тjьле'съ на'шихъ.

Дв~а родила` _е=си` неискусобра'чная, и= дв~а пребыла` 
_е=си` мт~и безневjь'стная, бц\де мр~i'е, хр\ста` бг~а 
на'шего моли` сп~сти'ся на'мъ.

Прест~а'я бц\де дв~о, ру'къ на'шихъ дjьла` и=спра'ви, и= 
проще'нiе прегрjьше'нiй на'шихъ и=спроси`, внегда` пjь'ти 
на'мъ а='гг~льское пjь'нiе.

Ст~ы'й бж~е, ст~ы'й крjь'пкiй, ст~ы'й безсме'ртный, 
поми'луй на'съ. [Три'жды.] 

И= по трист~о'мъ дiа'конъ глаго'летъ: Во'нмемъ.

Сщ~е'нникъ: Ми'ръ всjь^мъ. 

Ли'къ: И= ду'хови твоему`. 

Чте'цъ, прокi'менъ, гла'съ г~:

Гд\сь просвjьще'нiе мое`, и= сп~си'тель мо'й, когw` 
о_у=бою'ся; 

Стi'хъ: Гд\сь защи'титель живота` моегw`, w\т когw` 
о_у=страшу'ся; 

А=по'столъ ко _е=вре'_емъ, зача'ло т~s.

Бра'тiе, ст~я'й и= w=сщ~а'емiи w\т _е=ди'нагw вси`, 
_е=я'же ра'ди вины` не стыди'тся бра'тiю нарица'ти и=`хъ, 
глаго'ля: Возвjьщу` и='мя твое` бра'тiи мое'й, посредjь` 
це'ркве воспою' тя. И= па'ки: а='зъ бу'ду надjь'яся на'нь. 
и= па'ки: се` а='зъ и= дjь'ти, jа='же ми` да'лъ _е='сть 
бг~ъ. Поне'же о_у='бw дjь'ти прiwбщи'шася пло'ти и= кро'ви, 
и= то'й прiи'скреннjь прiwбщи'ся тjь'хже, да сме'ртiю 
о_у=праздни'тъ и=му'щаго держа'ву сме'рти, си'рjьчь 
дiа'вола: И= и=зба'витъ си'хъ, _е=ли'цы стра'хомъ сме'рти 
чрез\ъ все` житiе` пови'нни бjь'ша рабо'тjь. Не w\т а='гг~лъ 
о_у='бw когда` прiе'млетъ, но w\т сjь'мене а=враа'мова 
прiе'млетъ: W\тню'дуже до'лженъ бjь` по всему` подо'битися 
бра'тiи, да мл\стивъ бу'детъ и= вjь'ренъ первосщ~е'нникъ, 
jа='же къ бг~у, во _е='же w=чи'стити грjьхи` людскi^я. Въ 
не'мже бо пострада`, са'мъ и=скуше'нъ бы'въ, мо'жетъ и= 
и=скуша'_емымъ помощи`. 

Сщ~е'нникъ: Ми'ръ ти`. А=ллилу'iа, гла'съ s~: Стi'хъ а~: 
W\тры'гну се'рдце мое` сло'во бла'го. Стi'хъ в~: Глаго'лю 
а='зъ дjьла` моя^ цр~е'ви. 

_Е=v\глiе w\т i=wа'нна, зача'ло д~_i:

Во вре'мя _о='но, взы'де i=и~съ во i=ер\сли'мъ. _Е='сть 
же во i=ер\сли'мjьхъ на _о='вчей купjь'ли, jа='же 
глаго'лется _е=вре'йски виfесда`, пя'ть притвw'ръ и=му'щи. 
Въ тjь'хъ слежа'ше мно'жество боля'щихъ, слjьпы'хъ, 
хромы'хъ, сухи'хъ, ча'ющихъ движе'нiя воды`. А='гг~лъ бо 
гд\снь на вся'ко лjь'то схожда'ше въ купjь'ль, и= возмуща'ше 
во'ду: и= и='же пе'рвjье вла'зяше по возмуще'нiи воды`, 
здра'въ быва'ше, jа=цjь'мъ же неду'гомъ w=держи'мъ быва'ше.

Та'же дiа'конъ _е=ктенiю`: 

Ми'ромъ гд\су помо'лимся. 

W= свы'шнемъ ми'рjь: 

W= ми'рjь всегw` мi'ра:

W= ст~jь'мъ хра'мjь се'мъ:

W= ст~jь'йшемъ прави'тельствующемъ сv"но'дjь: 

W= бл~гочести'вjьйшемъ:

W= пособи'ти и= покори'ти под\ъ но'зjь и='хъ: 

W= гра'дjь се'мъ: [А='ще въ монастырjь`: W= ст~jь'й 
_о=би'тели се'й:]

W= бл~горастворе'нiи возду'ховъ:

W= пла'вающихъ, путеше'ствующихъ:

W= _е='же w=ст~и'тися вода'мъ си^мъ, си'лою и= 
дjь'йствiемъ, и= наи'тiемъ ст~а'гw дх~а, гд\су помо'лимся. 

W= _е='же снизходи'ти на во'ды сiя^ w=чисти'тельному 
пресу'щныя тр\оцы дjь'йству:

W= _е='же бы'ти водjь` се'й цjьли'тельной ду'шъ и= 
тjьле'съ, и= вся'кiя сопроти'вныя си'лы w\тгна'тельной:

W= _е='же низпосла'ти гд\су бг~у бл~гослове'нiе 
i=_орда'ново, и= w=ст~и'ти во'ды сiя^:

W= всjь'хъ тре'бующихъ w\т бг~а по'мощи и= 
заступле'нiя: 

W= _е='же просвjьти'тися на'мъ просвjьще'нiемъ ра'зума, 
_е=диносу'щною тр\оцею:

Jа='кw да гд\сь бг~ъ на'шъ пока'жетъ ны` сы'ны, и= 
наслjь'дники цр\ствiя своегw`, воды` сея` причаще'нiемъ же 
и= кропле'нiемъ: 

W= и=зба'витися на'мъ w\т вся'кiя ско'рби, гнjь'ва и= 
ну'жды: 

Заступи`, сп~си`, поми'луй: 

Прест~у'ю, преч\стую: 

Ли'къ: Тебjь`, гд\си.

Возгла'съ: Jа='кw подоба'етъ тебjь` вся'кая сла'ва: 

Та'же мл~тву сiю`:

Гд\си бж~е на'шъ, вели'кiй въ совjь'тjь, и= ди'вный въ 
дjь'лjьхъ. всея` тва'ри содjь'телю, храня'й завjь'тъ тво'й, 
и= мл\сть твою` лю'бящымъ тя`, и= соблюда'ющымъ повелjь^нiя 
твоя^, всjь'хъ въ ну'ждахъ о_у=мил_е'нныя прiе'мляй сле'зы: 
сегw' бо ра'ди прише'лъ _е=си` въ ра'бiи зра'цjь, не 
привидjь'нiи на'съ о_у=страша'я, но здра'вiе тjь'лу 
и='стинное подава'яй, и= глаго'ляй: се` здра'въ бы'лъ 
_е=си`, ктому` не согрjьша'й: но и= w\т бре'нiя здра'вы 
_о='чи содjь'лалъ _е=си`, и= о_у=мы'тися повелjь'въ, свjь'ту 
всели'тися сотвори'лъ _е=си` сло'вомъ. супроти'вныхъ 
страсте'й во'лны смуща'яй, и= житiя` сегw` сла'ное мо'ре 
и=зсуша'яй, и= тяжелонw'сныя сласте'й о_у=кроща'яй во'лны. 
са'мъ чл~вjьколю'бче цр~ю`, да'вый на'мъ снjьгосвjь'тлою 
w=дjь'ятися _о=де'ждою, w\т воды' же и= дх~а, и= 
прича'стiемъ же воды` сея`, и= w=кропле'нiемъ твое` 
бл~гослове'нiе на'мъ низпосли`: скве'рну страсте'й 
w=мыва'ющее. _е='й, мо'лимся, посjьти` на'шу, бл~же, 
не'мощь, и= и=сцjьли` на'шя неду'ги душ_е'вныя же и= 
тjьл_е'сныя, мл\стiю твое'ю, мл~твами всепреч\стыя, 
пребл~гослове'нныя вл\дчцы на'шея бц\ды, и= приснодв~ы 
мр~i'и: си'лою чт\сна'гw и= животворя'щагw кр\ста`: 
предста'тельствы чт\сны'хъ нб\сныхъ си'лъ безпло'тныхъ: 
чт\сна'гw сла'внагw пр\оро'ка пр\дте'чи, и= кр\сти'теля 
i=wа'нна: ст~ы'хъ сла'вныхъ и= всехва'льныхъ а=п\слъ: 
прп\дбныхъ и= бг~оно'сныхъ _о=т_е'цъ на'шихъ: и='же во 
ст~ы'хъ _о=т_е'цъ на'шихъ, вели'кихъ i=ера'рхwвъ, и= 
вселе'нскихъ о_у=чи'телей, васi'лiа вели'кагw, григо'рiа 
бг~осло'ва, и= i=wа'нна златоу'стагw: и='же во ст~ы'хъ 
_о=т_е'цъ на'шихъ, а=fана'сiа и= кv"рi'лла, патрiа'рхwвъ 
а=ле_ксандрi'йскихъ: и='же во ст~ы'хъ _о=тца` на'шегw 
спv"рiдw'на, трiмv"фу'нтскагw чудотво'рца: и='же во ст~ы'хъ 
_о=тца` на'шегw нiкола'а а=рхiеп\скпа, мv"рлv"кi'йскагw 
чудотво'рца: и=`же во ст~ы'хъ _о=т_е'цъ на'шихъ, 
равноап\сльныхъ меfо'дiа и= кv"рi'лла, о_у=чи'телей 
слове'нскихъ: ст~а'гw равноап\сльнагw вели'кагw кн~зя 
влади'мiра: и=`же во ст~ы'хъ _о=т_е'цъ на'шихъ, всея` 
рwссi'и чудотво'рц_евъ, петра`, а=ле_ксi'а, i=w'ны, фiлi'ппа 
и= _е=рмоге'на: ст~а'гw и= сла'внагw великомч~нка геw'ргiа 
побjьдоно'сца: ст~а'гw и= сла'внагw великомч~нка дими'трiа 
мv"роточи'вагw: ст~ы'хъ и= добропобjь'дныхъ мч~нкwвъ: 
ст~ы'хъ и= прв\дныхъ бг~о_от_е'цъ i=wакi'ма и= а='нны: 
ст~ы'хъ сла'вныхъ чудотво'рц_евъ и= безсре'бренникwвъ, 
кwсмы` и= дамiа'на, кv'ра и= i=wа'нна, пантелеи'мона и= 
_е=рмола'а, сам_псw'на и= дiоми'да, мwкi'а и= а=нiки'ты, 
fалале'а и= трv'фwна: ст~ы'хъ седми` мч~нкъ маккав_е'й и= 
ма'тере и='хъ соломwнi'и и= о_у=чи'теля и='хъ _е=леаза'ра, 
и= всjь'хъ ст~ы'хъ твои'хъ.

И= сохрани`, гд\си, раба` твоего`, бл~гочести'вjьйшаго, 
самодержа'внjьйшаго, вели'каго гд\сря на'шего i=мпера'тора 
нiкола'я а=ле_кса'ндровича всея` рwссi'и. [Три'жды.]

И= супру'гу _е=гw`, бл~гочести'вjьйшую гд\срню, 
i=мператрi'цу а=ле_кса'ндру fео'дwровну: ма'терь _е=гw`, 
бл~гочести'вjьйшую гд\срню, i=мператрi'цу марi'ю 
fео'дwровну: наслjь'дника _е=гw`, бл~говjь'рнаго гд\сря, 
цесаре'вича и= вели'каго кн~зя а=ле_ксi'а нiкола'евича и= 
ве'сь ца'рствующiй до'мъ.

Сп~си`, гд\си, и= поми'луй ст~jь'йшiй прави'тельствующiй 
всерwссi'йскiй сv"но'дъ. да'руй и=`мъ душе'вное и= 
тjьле'сное здра'вiе и= рабо'тному тебjь` сему` 
хр\стiа'нскому жи'тельству во все'мъ мл\стивъ бу'ди. 
Помяни`, гд\си, вся'кое _е=п\скпство правосла'вныхъ, пра'вw 
пра'вящихъ сло'во твоея` и='стины: и= ве'сь сщ~е'нническiй 
и= мона'шескiй чи'нъ и= сп~се'нiе и='хъ. Помяни` гд\си, 
ненави'дящихъ и= лю'бящихъ на'съ, служа'щихъ бра'тiй 
на'шихъ, предстоя'щихъ, и= бл~госло'вною вино'ю w\тше'дшихъ, 
и= заповjь'давшихъ на'мъ недостw'йнымъ моли'тися w= ни'хъ. 
Помяни`, гд\си, въ плjьне'нiи и= ско'рбехъ су'щихъ бра'тiй 
на'шихъ, и= поми'луй и='хъ по вели'цjьй мл\сти твое'й, 
вся'кiя ну'жды и=збавля'яй: jа='кw ты` _е=си` и=сто'чникъ 
и=сцjьле'нiй, хр\сте` бж~е на'шъ, и= тебjь` сла'ву 
возсыла'емъ, со безнача'льнымъ твои'мъ _о=ц~е'мъ, и= съ 
прест~ы'мъ, и= бл~ги'мъ, и= животворя'щимъ твои'мъ дх~омъ, 
ны'нjь и= при'снw, и= во вjь'ки вjькw'въ. 

Ли'къ: А=ми'нь.

Сщ~е'нникъ: Ми'ръ всjь^мъ. 

Ли'къ: И= ду'хови твоему`. 

Дiа'конъ: Главы^ ва'шя гд\сви приклони'те. 

Ли'къ: Тебjь` гд\си.

Сщ~е'нникъ же мл~тву та'йнw: 

Приклони`, гд\си, о_у='хо твое`, и= о_у=слы'ши ны`, 
и='же во i=_орда'нjь кр\сти'тися и=зво'ливый, и= w=ст~и'вый 
во'ды, бл~гослови` всjь'хъ на'съ, и=`же приклоне'нiемъ 
своея` вы'и, назна'менающихъ рабо'тное воwбраже'нiе: и= 
сподо'би на'съ и=спо'лнитися w=сщ~е'нiя твоегw` 
причаще'нiемъ воды` сея`, и= да бу'детъ на'мъ, гд\си, во 
здра'вiе души` и= тjь'ла.

Возгла'съ: Ты' бо _е=си` w=сщ~е'нiе на'ше, и= тебjь` 
сла'ву, и= бл~годаре'нiе, и= поклоне'нiе возсыла'емъ, со 
безнача'льнымъ твои'мъ _о=ц~е'мъ, и= прест~ы'мъ, и= бл~ги'мъ 
и= животворя'щимъ твои'мъ дх~омъ, ны'нjь и= при'снw, и= во 
вjь'ки вjькw'въ.

Ли'къ: А=ми'нь.

Та'же взе'мъ чт\сны'й кр\стъ, бл~гословля'етъ во'ды 
три'жды, крестоwбра'знw низводя` и= возводя` и= пра'вw: и= 
поя` настоя'щiй тропа'рь, гла'съ а~:

Сп~си`, гд\си, лю'ди твоя^, и= бл~гослови` достоя'нiе 
твое`, побjь^ды бл~говjь'рному i=мпера'тору на'шему, 
нiкола'ю а=ле_кса'ндровичу, на сопроти^вныя да'руя, и= твое` 
сохраня'я кр\сто'мъ твои'мъ жи'тельство. [Три'жды.]

И= посе'мъ пою'тъ тропа'рь се'й, гла'съ в~:

Твои'хъ дарw'въ достw'йны на'съ сотвори`, бц\де дв~о, 
презира'ющи согрjьш_е'нiя на^ша, и= подаю'щи и=сцjьл_е'нiя 
вjь'рою прiе'млющымъ бл~гослове'нiе твое`, преч\стая. 

Та'же цjьлу'етъ i=ере'й чт\сны'й кр\стъ, та'кожде и= 
вси` лю'дiе, и= кропи'тъ всjь'хъ сщ~е'нною водо'ю, _о=лта'рь 
же и= цр~ковь всю`: лю'дiе же пою'тъ настоя'щiй тропа'рь, 
гла'съ д~: 

И=сто'чникъ и=сцjьле'нiй и=му'ще, ст~i'и безсре'бреницы, 
и=сцjьл_е'нiя подава'ете всjь^мъ тре'бующымъ, jа='кw 
преве'лiихъ дарова'нiй сподо'бльшiися w\т приснотеку'щагw 
и=сто'чника сп~са на'шегw. глаго'летъ бо къ ва'мъ гд\сь, 
jа='кw _е=диноревни'тел_емъ а=п\сльскимъ: се` да'хъ ва'мъ 
вла'сть на ду'хи нечи^стыя, jа='коже тjь'хъ и=згони'ти, и= 
цjьли'ти вся'кiй неду'гъ и= вся'кую jа='зю. тjь'мже въ 
повелjь'нiихъ _е=гw` до'брjь жи'тельствовавше, ту'не 
прiя'сте, ту'не подава'ете, и=сцjьля'юще стра^сти ду'шъ и= 
тjьле'съ на'шихъ.

При'зри на мол_е'нiя твои'хъ ра^бъ всенепоро'чная, 
о_у=толя'ющи лю^тыя на ны` воста^нiя, вся'кiя ско'рби на'съ 
и=змjьня'ющи: тя' бо _е=ди'ну тве'рдое и= и=звjь'стное 
о_у=твержде'нiе и='мамы, и= твое` предста'тельство 
стяжа'хомъ, да не постыди'мся, вл\дчце, тя` призыва'ющiи. 
потщи'ся на о_у=моле'нiе тебjь` вjь'рнw вопiю'щихъ: 
ра'дуйся, вл\дчце, всjь'хъ по'моще, ра'досте и= покро'ве. и= 
сп~се'нiе ду'шъ на'шихъ.

Вл\дчце, прiими` мл~твы рабw'въ твои'хъ, и= и=зба'ви 
на'съ w\т вся'кiя ну'жды и= печа'ли. 

По кропле'нiи же _е=ктенiа`:

Поми'луй на'съ, бж~е: _Е=ще` мо'лимся w= _е='же 
сохрани'тися ст~jь'й _о=би'тели се'й: Гд\си, поми'луй. м~. 

I=ере'й: О_у=слы'ши ны`, бж~е, сп~си'телю на'шъ:

Ли'къ: А=ми'нь. 

I=ере'й: Ми'ръ всjь^мъ.

Ли'къ: И= ду'хови твоему`.

Дiа'конъ: Главы^ ва'шя гд\сви приклони'те.

Ли'къ: Тебjь`, гд\си.

I=ере'й же глаго'летъ мл~тву велегла'снw: 

Вл\дко многомл\стиве гд\си i=и~се хр\сте` бж~е на'шъ: 

И= по мл~твjь ли'къ: А=ми'нь. И= w\тпу'стъ.

[зри`] А= и=дjь'же чи'нъ w=сщ~е'нiя воды` соверша'ется на 
о_у='трени, пое'мъ си'це: По славосло'вiи, и= по трист~о'мъ, 
и= по тропарjь`: Сп~си`, гд\си, лю'ди твоя^: пою'тся 
тропари`: _Е='же ра'дуйся: и= про'чее по ря'ду w=сщ~е'нiе 
воды`, jа='кw _о=бы'чай: по w=сщ~е'нiи же воды`, и= по 
тропарjь'хъ: И=сто'чникъ и=сцjьле'нiй: и= При'зри на 
мол_е'нiя: и= Вл\дчце, прiими`: твори'мъ и= поклоне'нiе 
ч\стно'му кр\сту`, jа='кw предписа'ся. На часjь'хъ, тропа'рь 
кр\ста`: Сла'ва, ст~ы'хъ: И= ны'нjь бг~оро'диченъ часw'въ. 
По трист~о'мъ, кондаки` премjьня'емъ.

На лiтургi'и: Бл~ж_е'нна w\т канw'на кр\ста`, пjь'снь 
г~-я, на д~: и= ст~ы'хъ, пjь'снь s~-я, на д~. По вхо'дjь, 
тропа'рь кр\ста`, и= мч~нкwвъ: Сла'ва, конда'къ мч~нкwвъ: И= 
ны'нjь, кр\ста`. Трист~о'е. Прокi'менъ кр\ста`, гла'съ s~: 
Сп~си`, гд\си, лю'ди твоя^, и= бл~гослови` достоя'нiе твое`. 
Стi'хъ: Къ тебjь`, гд\си, воззову`, бж~е мо'й: Другi'й 
мч~нкwвъ, гла'съ д~: Ст~ы'мъ, и=`же су'ть на земли` _е=гw`, 
о_у=диви` гд\сь вся^ хотjь^нiя своя^ въ ни'хъ. А=п\слъ 
кр\ста`, къ корi'нfянwмъ, зача'ло рк~_е: и= ст~ы'хъ, ко 
_е=вре'_емъ, зача'ло т~а. А=ллилу'iа, гла'съ д~: Помяни` 
со'нмъ тво'й, _е=го'же стяжа'лъ _е=си` и=спе'рва. Стi'хъ: 
Бг~ъ же цр~ь на'шъ пре'жде вjь'ка: И= ст~ы'хъ: Воззва'ша 
прв\днiи, и= гд\сь о_у=слы'ша и='хъ: _Е=v\глiе кр\ста`, 
i=wа'нна, зача'ло _кс~. И= ст~ы'хъ, матfе'а, зача'ло л~и. 

Прича'стенъ кр\ста`: Зна'менася на на'съ свjь'тъ лица` 
твоегw`, гд\си. И= ст~ы'хъ: Ра'дуйтеся, прв\днiи, w= гд\сjь: 
Ря'дъ же вычита'емъ напре'дъ: и=ли` под\ъ зача'ло.

[зри`] А='ще же а~-й де'нь а='vгуста случи'тся въ 
недjь'лю: Въ суббw'ту ве'чера, на ма'лjьй вече'рни: Стiхи^ры 
воскр\сны, и= бц\ды, по _о=бы'чаю.

На вели'цjьй вече'рни: По каfi'смjь, на Гд\си воззва'хъ: 
стiхи^ры воскр\сны, г~: и= а=нато'лiевъ а~: и= кр\ста`, г~: 
и= мч~нкwвъ, г~: Сла'ва, кр\ста`. И= ны'нjь, бг~оро'диченъ 
а~-й, гла'са. На лiтi'и, стiхи'ра хра'ма, и= мч~нкwвъ 
хвали^тныя: Сла'ва, мч~нкwвъ: И= ны'нjь, бг~оро'диченъ. На 
стiхо'внjь _о=ктw'иха воскр\сны: Сла'ва, мч~нкwвъ: И= 
ны'нjь, кр\ста`. На бл~гослове'нiи хлjь'бwвъ, тропа'рь: 
Бц\де дв~о: два'жды, и= кр\ста`, _е=ди'ножды. Та'же, бу'ди 
и='мя гд\сне: и= про'чее.

[зри`] А='ще ли нjь'сть бдjь'нiя: По Ны'нjь w\тпуща'еши, 
тропа'рь воскр\снъ: Сла'ва, ст~ы'хъ: И= ны'нjь, кр\ста`. На 
повече'рiи, по Досто'йно: конда'къ кр\ста`.

На о_у='трени: На Бг~ъ гд\сь, тропа'рь воскр\снъ, 
два'жды: Сла'ва, мч~нкwвъ: И= ны'нjь, кр\ста`. Канw'нъ 
воскр\снъ со i=рмосо'мъ на д~, и= бц\ды на два`: и= кр\ста` 
на д~, и= мч~нкwвъ на д~. Катава'сiа: Кр\стъ начерта'въ: По 
г~-й пjь'сни, конда'къ мч~нкwвъ, и= сjьда'ленъ два'жды. 
Сла'ва, и= ны'нjь, кр\ста`. По s~-й пjь'сни, конда'къ 
кр\ста`, и= i='косъ. Свjьти'ленъ воскр\снъ: Сла'ва, 
мч~нкwвъ: И= ны'нjь, кр\ста`. На хвали'техъ стiхи^ры 
воскр\сны, д~: и= кр\ста`, со Сла'внымъ, д~, со стiхи` 
свои'ми: Возноси'те гд\са бг~а на'шего: Стi'хъ: Бг~ъ же цр~ь 
на'шъ: Сла'ва, стiхи'ра _е=v\гльская. И= ны'нjь, 
Пребл~гослове'нна _е=си`: Славосло'вiе вели'кое. Тропа'рь 
воскр\снъ то'чiю. И= быва'етъ водоwсщ~е'нiе, и= поклоне'нiе 
кр\сту`, и= прw'чая, jа='коже вы'ше рече'ся.

На лiтургi'и: Бл~ж_е'нна воскр\сна, на д~: и= кр\ста`, 
пjь'снь г~-я, на д~, и= мч~нкwвъ, пjь'снь s~-я, на д~. Но 
вхо'дjь, тропа'рь воскр\снъ, и= кр\ста`, и= мч~нкwвъ. Та'же, 
конда'къ воскр\снъ: Сла'ва, мч~нкwвъ: И= ны'нjь, кр\ста`. 
Прокi'менъ, а=ллилу'iа, и= прича'стенъ кр\ста`, и= мч~нкwвъ. 
А=п\слъ и= _е=v\глiе рядово'е, и= кр\ста`, и= мч~нкwвъ.