Богослужебные тексты

<::лат>        OCR:

<::рус>        Библиотека святоотеческой литературы

<::лат>        http://orthlib.ru

<::слав>

(с. 92)

%<Мjь'сяца тогw'же въ г~-й де'нь.%>

%<Прп\дбныхъ _о=т_е'цъ на'шихъ, i=саа'кiа, далма'та и= 
фа'vста:%>

%<И= прп\дбнагw а=нтw'нiа ри'млянина, новгоро'дскагw 
чудотво'рца.%>

%<С%>лу'жба _е=гw` пи'сана по се'й слу'жбjь.

%<Стiхи^ры прп\дбныхъ, гла'съ и~. Подо'бенъ: М%>ч~ницы 
твои`, гд\си:

%<П%>рп\дбнiи твои`, гд\си, подо'бящеся безплw'тнымъ, 
моли'твою и= воздержа'нiемъ стра^сти w\тгна'ша плотскi^я, и= 
(с. 93) чудодjь'йствы просiя'вше, всjь'хъ сердца` 
просвjьти'ша. тjь'хъ моле'нiемъ да'руй лю'демъ твои^мъ 
ве'лiю ми'лость.

%<Д%>алма'тъ и= i=саа'кiй, ре'вность добродjь'тельную 
воспрiе'мше, а='рiеву _е='ресь и= несто'рiеву разори'ша 
jа='вjь, и= правосла'вныхъ побо'рницы бы'вше, сла'ву w\т 
всjь'хъ прiя'ша. тjь'хъ, хр\сте`, моли'твами да'руй лю'демъ 
твои^мъ ве'лiю ми'лость.

%<S%>вjь'зды тве'рди воздержа'нiя jа='вльшеся, 
просвjьти'сте мона'шествующихъ _о=ц~ы` прп\дбнiи ду'шы, тму` 
де'мwнскую w\тгна'вше. тjь'мже по кончи'нjь о_у=блажа'етеся, 
моля'щеся спасти'ся всjь^мъ, творя'щымъ бж\ственную па'мять 
ва'шу.

%<Стiхи^ры бц\ды, гла'съ и= подо'бенъ то'йже:%>

%<И=%>схити` мя`, вл\дчце, и=зъ руки` sмi'я 
человjькоубi'йцы, борю'щагw мя` ле'стiю пожре'ти до конца`. 
сокруши` ч_е'люсти сегw`, молю'ся, и= кова^рствiя разори`, 
jа='кw да и=зба'влься сегw` ногте'й, велича'ю си'лу твою`.

%<А='%>зъ _е='смь дре'во непло'дное, всенепоро'чная, 
неплодя'щее плода` спасе'ннагw. тjь'мже и= трепе'щу 
посjьче'нiя, да не ка'кw вве'рженъ бу'ду во _о='гнь 
негаси'мый, _о=кая'нный. тjь'мже ти` припа'даю, сегw` 
и=зба'ви мя`, и= плодоно'сна покажи`, ч\стая, сн~у твоему`, 
хода'тайствомъ твои'мъ.

%<П%>омышл_е'нiя скв_е'рна, и= о_у=стны` льсти'вы, 
дjьла' же моя^ су'ть вся^ нечи'ста: и= что` сотворю`; ка'кw 
о_у=сря'щу судiю`; вл\дчце дв~о, моли` сн~а и= содjь'теля 
твоего` и= гд\са, jа='кw да въ покая'нiи прiи'метъ ду'хъ 
мо'й, jа='кw _е=ди'нъ благоутро'бенъ.

%<Сла'ва, и= ны'нjь, бг~оро'диченъ.%>

%<Г%>о'ре прогнjь'вавшему своего` бг~а, о_у=вы` мнjь` въ 
невjь'дjьнiи, и= пребыва'ющу во о_у=ны'нiи и= лjь'ности, 
jа='коже а='зъ: вл\дчце дв~о, ты` помози' ми w=мраче'нному, 
и= моли'ся твоему` сн~у и= содjь'телю, да'ти ми` 
согрjьше'нiй проще'нiе. (с. 94)

%<Кр\стобг~оро'диченъ:%>

%<Ю='%>ница нескве'рная, ю=нца` ви'дящи на дре'вjь 
пригвожда'ема во'лею, рыда'ющи жа'лостнjь, о_у=вы` мнjь`, 
вопiя'ше, люби'мjьйшее ча'до: что` ти` со'нмъ воздаде` 
безблагода'тный _е=вре'йскiй, хотя` мя` w=безча'дствовати 
w\т теб_е`, вселюбе'зне;

%<А='%>ще же суббw'та, и=ли` недjь'ля, пое'мъ стiхи^ры 
ст~ы'хъ и= тропа'рь, гла'съ д~:

%<Б%>ж~е _о=т_е'цъ на'шихъ, творя'й при'снw съ на'ми по 
твое'й кро'тости, не w\тста'ви ми'лость твою` w\т на'съ: но 
моли'твами и='хъ въ ми'рjь о_у=пра'ви живо'тъ на'шъ.

%<На о_у='трени, _о='ба канw'на, _о=ктw'иха, и= ст~ы'хъ, 
на д~.%>

%<_Е=гw'же краегране'сiе: С%>вjь'тлыя воспою` мона'хwвъ 
sвjь'зды.

%<Гла'съ и~. Пjь'снь а~. I=рмо'съ:%>

%<П%>осjь'ченный несjько'маго пресjьче`, и= ви'дjь 
со'лнце зе'млю, ю='же не ви'дjь, лю'таго врага` вода` 
потопи`, и= непроходи'мое про'йде i=и~ль, пjь'снь же 
воспjьва'шеся: гд\севи пои'мъ, сла'внw бо просла'вися.

%<С%>вjь'ту бж\ственному свjь'тлw предстоя'ще, и= 
трисо'лнечныя зари` всегда` наполня'еми, и= прича'стiемъ 
и='стиннымъ w=божа'еми блаже'ннiи, вjь'рою пра'зднующыя 
ва'шу па'мять всесвяще'нную, гд\севи пою'щыя бж\ственнw 
w=зари'те.

%<С%>мотря'юще на _е=ди^на пребыва^ющая, теку'щихъ 
стремл_е'нiя вся'кw w\три'нусте, и= всjь'мъ о_у=мо'мъ 
гд\севи прилjьпля'ющеся, w=ста'вивше плотскi^я сла^сти, 
_о=тцы` всечестнi'и: тjь'мже къ невече'рнjьй зари` 
преста'вистеся.

%<С%>вяще'нными поуч_е'нiи w=криля'емь, далма'те _о='ч~е 
му'дре, и= о_у=краша'емь бж\ственными о_у=ч_е'нiи 
бж\ственнагw i=саа'кiа, jа='вjь восте'клъ _е=си` къ высотjь` 
добродjь'телей, и= сто'лпъ и= о_у=твержде'нiе мона'хwвъ 
бы'лъ _е=си`: тjь'мже тя` о_у=блажа'емъ. (с. 95)

%<Бг~оро'диченъ:%>

%<П%>репросла'вленная, бг~а ро'ждшая, безсла'вiя мя` 
страсте'й премjьни`, и= да'ждь ми` по'мыслъ, дв~о, 
о_у=миле'нiя: и= возсiя'й покая'нiя просвjьще'нiе, ч\стая, 
въ мы'сли мое'й, jа='кw да велича'ю тя` всjь'хъ 
возвели'чившую.

%<Пjь'снь г~. I=рмо'съ:%>

%<Н%>б\снагw кру'га верхотво'рче, гд\си, и= цр~кве 
зижди'телю, ты` мене` о_у=тверди` въ любви` твое'й, жела'нiй 
кра'ю, вjь'рныхъ о_у=твержде'нiе, _е=ди'не чл~вjьколю'бче.

%<Н%>еле'стную тя` sвjьзду` восто'ка, прп\дбне _о='ч~е, 
о_у=стреми'вшася, i=саа'кiе, вси` позна'хомъ, го'рькую 
_е=ресе'й потребля'юща тму`, и= вjь^рныя словесы` твои'ми 
просвjьща'юща.

%<Р%>азу'мнw возсiя'въ чи'стыми сiя'ньми, фа'vсте, 
пw'двигъ твои'хъ, _о='ч~е, свjь'тъ бы'лъ _е=си`, просвjьща'я 
вся^ зря'щыя тя`, бл~же'нне, и= вjь'рнw житiю` твоему` 
послjь'дующыя.

%<П%>jь'сньми непреста'нными, и= мл~твами, прп\дбнiи, 
стра^сти тjьл_е'сныя вся^ о_у=спи'вше, благода'ть неусы'пну, 
и= неw\те'млемо бога'тство w\т бг~а прiя'сте, пребл~же'ннiи.

%<Д%>о'лгимъ поще'нiемъ jа='кw мwv"се'й, прп\дбне, твое` 
терпjь'нiе, далма'те, всjь^мъ показа'лъ _е=си`, 
о_у=краша'яся пресвjь'тлыми твои'ми болjь'зньми, и= 
о_у=добря'яся житiе'мъ твои'мъ.

%<Бг~оро'диченъ:%>

%<О_у='%>мный тя` свjь'щникъ, и= свjьтоза'ренъ 
позна'хомъ, вну'трь прiе'мшую, дв~о, _о='гнь нестерпи'мый, 
бж\ственную пала'ту, и= высо'кiй пр\сто'лъ, на не'мже почи` 
пресу'щественный.

%<Сjьда'ленъ, гла'съ и~. Подо'бенъ: П%>рему'дрости:

%<С%>вjь'томъ тр\оческимъ свjь'тлw w=сiя'вшеся, _о=тцы`, 
свjьтови'днw, тму` w=ста'висте сласте'й глубо'кую, и= 
свjьти'льницы дjь'лы бж\ственными просвjьща'юще вjь'рныхъ 
сердца`, блаже'ннiи, jа=ви'стеся. тjь'мже свjьтоно'сную и= 
честну'ю ва'шу па'мять почита'емъ дне'сь, и= согла'снw 
взыва'емъ: (с. 96) бг~оно'снiи пребога'тiи, моли'те хр\ста`, 
бг~а, согрjьше'нiй w=ставле'нiе дарова'ти чту'щымъ любо'вiю 
святу'ю па'мять ва'шу.

%<Сла'ва, и= ны'нjь, бг~оро'диченъ:%>

%<Jа='%>кw дв~у и= _е=ди'ну въ жена'хъ, тя` безъ 
сjь'мене ро'ждшую бг~а пло'тiю, вси` о_у=блажа'емъ ро'ди 
человjь'честiи: _о='гнь бо всели'ся въ тя` бж\ства`, и= 
jа='кw мл\днца млеко'мъ пита'еши зижди'теля и= гд\са. тjь'мъ 
а='гг~льскiй и= человjь'ческiй ро'дъ, досто'йнw сла'вимъ 
прест~о'е рж\ство` твое`, и= согла'снw вопiе'мъ ти`: моли` 
хр\ста` бг~а, согрjьше'нiй w=ставле'нiе дарова'ти 
покланя'ющымся вjь'рою прест~о'му рж\ству` твоему`.

%<Кр\стобг~оро'диченъ:%>

%<А='%>гнца и= па'стыря и= и=зба'вителя а='гница зря'щи 
на кр\стjь`, восклица'ше пла'чущи, и= го'рькw рыда'ющи, 
вопiя'ше: мi'ръ о_у='бw ра'дуется, прiе'мля тобо'ю 
и=збавле'нiе, о_у=тро'ба же моя` гори'тъ, зря'щи твое` 
распя'тiе, _е='же терпи'ши за милосе'рдiе ми'лости. 
долготерпjьли'ве гд\си, ми'лости бе'здно, и= и=сто'чниче 
неисчерпа'емый, о_у=милосе'рдися, и= да'руй согрjьше'нiй 
w=ставле'нiе вjь'рою пою'щымъ бж\ств_енныя стра^сти твоя^.

%<Пjь'снь д~. I=рмо'съ:%>

%<О_у=%>слы'шахъ, гд\си, смотре'нiя твоегw` та'инство, 
разумjь'хъ дjьла` твоя^, и= просла'вихъ твое` бж\ство`.

%<Jа='%>кw многопло'дны ло'зы и='стиннагw вiногра'да 
бы'вше, вiно` и=сточи'ша, прп\дбнiи, чи'стое всjь^мъ 
о_у=миле'нiя.

%<С%>обо'ру согла'сника, прп\дбне далма'те, вси' тя 
позна'хомъ, благочести^выя о_у=твержда'юща, и= гw'рдыя 
w\трjьва'юща.

%<Jа='%>кw па'че всjь'хъ просiя'вша, всjь'хъ преимjь'ти 
попече'нiе тя`, блаже'нне, бж\ственный собо'ръ предповелjь`, 
добродjь'тельми бж\ственными о_у=кра'шена.

%<Бг~оро'диченъ:%>

%<Д%>рема'нiемъ лjь'ности мя` со'нъ грjьхо'вный, ч\стая, 
пости'же, бдjь'нною моли'твою твое'ю къ покая'нiю ны'нjь 
воздви'гни. (с. 97)

%<Пjь'снь _е~. I=рмо'съ:%>

%<В%>ску'ю мя` w\три'нулъ _е=си` w\т лица` твоегw`, 
свjь'те незаходи'мый, и= покры'ла мя` _е='сть чужда'я тма` 
_о=кая'ннаго; но w=брати' мя, и= къ свjь'ту за'повjьдей 
твои'хъ пути^ моя^ напра'ви, молю'ся.

%<П%>ресе'льникъ w\т восто'ка къ ца'рскому гра'ду бы'лъ 
_е=си`, и= бж~е'ственнымъ сjь'менемъ жи'тницу сегw` 
о_у=мно'жилъ _е=си`, и=скорени'въ вся'къ лука'вый а='рiевъ 
вре'дъ, свяще'нне _о='ч~е i=саа'кiе.

%<О_у=%>чени'къ i=саа'кiю, jа='коже и=лiи` _е=лiссе'й 
бы'лъ _е=си`, свяще'нне далма'те, ми'лwтiю дарова'нiй дх~а, 
раздjьля'я во'ду лука'вагw де'мwнwвъ вре'да, и= вjь^рнымъ 
о_у=правля'я пу'ть.

%<З%>ако'нwмъ бж\ств_еннымъ повину'вся, закw'нъ 
грjьхо'вныхъ до конца` о_у=клони'вся, и= jа=ви'лся _е=си` 
сто'лпъ пред\ъиды'й бж\ственнагw собо'ра, бг~оно'се фа'vсте, 
и= мона'хwвъ пра'вило и= _о='бразъ, вjь'рныхъ непоколеби'мое 
о_у=твержде'нiе.

%<Бг~оро'диченъ:%>

%<И='%>стинную бц\ду тя` вси` ро'дове родw'въ сла'вятъ, 
святjь'йшу а='гг~лъ jа='вjь бы'вшу, прест~а'я дв~о. тjь'мже 
вопiю`: w=святи` мою` ду'шу w=скве'рншуюся 
{<::рус>Исправлена опечатка оригинала:<::слав> 
w=све'рншуюся. <::рус>Прим. <::лат> оrthlib<::слав>} 
страстьми`.

%<Пjь'снь s~. I=рмо'съ:%>

%<М%>оли'тву пролiю` ко гд\су, и= тому` возвjьщу` 
печа^ли моя^, jа='кw sw'лъ душа` моя` и=спо'лнися, и= 
живо'тъ мо'й а='ду прибли'жися, и= молю'ся, jа='кw i=w'на: 
w\т тли`, бж~е, возведи' мя.

%<С%>обесjь'дникъ jа=ви'лся _е=си` а='гг~лwмъ: _о='нjьхъ 
бо поревнова'лъ _е=си` житiю` на земли`, пу'ть ше'ствуя, 
далма'те, и= воздержа'нiемъ и=стнjьва'я тjь'ло твое`, 
наста'вниче мона'хwвъ, и= пра'вило вои'стинну 
и=звjь'стнjьйшее.

%<Р%>е'вностiю гд\сни любве`, jа='коже и=лiа` 
распаля'емь, бл~же'нне, jа='кw а=ха'ва предста'теля тмы` со 
дерзнове'нiемъ, i=саа'кiе w=бличи'лъ _е=си`, неду'говавша 
лука'вою а='рiа безу'мнагw _е='ресiю. (с. 98)

%<Jа=%>ви'стеся наста^вницы заблу'ждшымъ, и= приста^нища 
вjь'рнw спаса'_емымъ, чудотво'рцы бг~оно'снiи _о=тцы`, 
фа'vсте и= далма'те, и= бж\ственный i=саа'кiе, служи'тели 
i=и~совы мона'шествующихъ свjьти'льницы присносвjь'тлiи.

%<Бг~оро'диченъ:%>

%<Н%>еду'говавшую ду'шу мою` грjьхми`, и= вся'кими 
врага` и=скуше'ньми, посjьще'нiемъ, прест~а'я дв~о, 
спаси'тельнымъ твои'мъ поспjьше'нiемъ посjьти`, и= и=сцjьли` 
jа='кw блага`, бц\де, о_у=пова'нiе мое`, препjь'тая.

%<Конда'къ, гла'съ в~. Подо'бенъ: В%>ъ моли'твахъ:

%<П%>още'нiемъ возсiя'вшыя jа='кw свjьти^ла, и= 
_е='р_еси разврати'вшыя вjь'рою, пjь'сньми i=саа'кiа 
восхва'лимъ, и= съ далма'томъ фа'vста, jа='кw хр\сто'вы 
о_у=го'дники, того` моля'щыя w= всjь'хъ на'съ.

%<I='косъ:%>

%<К%>то` дово'ленъ w\т человjь^къ и=зрещи` прп\дбныхъ 
_о=т_е'цъ свjь^тлыя добродjь'т_ели, и= по'двиги и= труды`, 
ре'вность бж\ственную, дерзнове'нiе чи'стое житiя`, 
бж\ств_енная дjья^нiя, jа=`же на земли` соверши'ша, сi'и 
jа='кw а='гг~ли; но _о=ба'че сiя^ чту'ще, тр\оцу вjь'рнw 
воспое'мъ: тi'и бо то'й свjь'тлw со а='гг~льскими ли'ки 
предстоя'ше, при'снw мо'лятъ w= всjь'хъ на'съ.

%<Пjь'снь з~. I=рмо'съ:%>

%<_О='%>троцы _е=вре'йстiи въ пещи` попра'ша пла'мень 
дерзнове'ннw, и= на ро'су _о='гнь преложи'ша, вопiю'ще: 
бл~гослове'нъ _е=си`, гд\си бж~е, во вjь'ки.

%<О_у='%>глiе jа=ви'стеся, бж\ственнымъ вжига'еми 
_о=гне'мъ о_у=тjь'шителя, попаля'юще о_у='бw ве'щь sло'бную, 
вjь^рныя же просвjьща'юще бг~оно'снiи во вjь'ки.

%<Т%>jь'ло о_у=мертви'въ поще'нiемъ, покори'лъ _е=си` 
ду'ху далма'те, и= sло'бу вра'жiю потопи'лъ _е=си` ту'чами 
душе'вныхъ сле'зъ твои'хъ, бг~оно'се, во вjь'ки.

%<К%>ончи'ну блаже'нну w=брjь'тше, въ нб\снjьмъ живете` 
(с. 99) ца'рствiи, и= прп\дбнымъ ликw'мъ совокупи'стеся, 
_о=тцы`, съ ни'миже вопiе'те: гд\си бж~е, бл~гослове'нъ 
_е=си`.

%<Бг~оро'диченъ:%>

%<О_у=%>ста'вила _е=си` то'къ сме'ртный, безсме'ртнаго 
бг~а ро'ждши, _е=ди'на бц\де ч\стая. _е=му'же вjь'рою 
пое'мъ: бл~гослове'нъ _е=си`, гд\си бж~е, во вjь'ки.

%<Пjь'снь и~. I=рмо'съ:%>

%<С%>едмери'цею пе'щь халде'йскiй мучи'тель 
бг~очести^вымъ неи'стовнw разжже`, си'лою же лу'чшею 
спас_е'ны сiя^ ви'дjьвъ, творцу` и= и=зба'вителю вопiя'ше: 
_о='троцы, бл~гослови'те, свяще'нницы, воспо'йте, лю'дiе, 
превозноси'те во вся^ вjь'ки.

%<Ж%>езло'мъ кр\стнымъ мо'ре страсте'й расто'ргше, всю` 
фараw'на мы'сленнагw си'лу погуби'сте, прп\дбнiи, и= 
мона'хwвъ мно'жество свяще'нное, къ земли` безстра'стiя, 
пою'ще сего` непреста'ннw спасо'сте, _о=тцы`: _о='троцы 
благослови'те, свяще'нницы воспо'йте, лю'дiе превозноси'те 
во вся^ вjь'ки.

%<_Е=%>ретi'чествующихъ возвыше'нiе проявле'ннw смири'лъ 
_е=си`, и=здале'ча прови'дjьвъ тjь'хъ разруше'нiе. ни'щымъ 
помо'глъ _е=си`, и= во'ждь бы'лъ _е=си` слjьпы'хъ, ста'рости 
же'злъ, и= вдови'цъ о_у=тjьше'нiе, далма'те, взыва'я: 
_о='троцы благослови'те, свяще'нницы воспо'йте, лю'дiе 
превозноси'те во вся^ вjь'ки.

%<Т%>ы` ко тре'мъ четы'редесяте днi'й пости'лся _е=си`, 
а='бiе толи'ки па'че _е=стества` о_у=сну'лъ _е=си`, 
бо'дренно и=мjь'я твое` серде'чное _о='ко, му'дре, и= бж~iею 
просвjьща'емь заре'ю. къ нему'же вопiе'ши, далма'те: 
_о='троцы благослови'те: свяще'нницы воспо'йте, лю'дiе 
превозноси'те во вся^ вjь'ки.

%<Бг~оро'диченъ:%>

%<В%>сели'выйся гд\сь въ нескве'рное чре'во твое`: всю` 
чи'сту и= свjьтоза'рну тя` показа`. тjь'мже w=скверне'на мя` 
го'рькими _о=бы^чаи и= вре'дными проти'вныхъ нахw'ды, 
w=чи'сти, дв~о, и= сподо'би пjь'ти: лю'дiе, превозноси'те 
гд\са во вjь'ки. (с. 100)

%<Пjь'снь f~. I=рмо'съ:%>

%<О_у=%>страши'ся вся'къ слу'хъ неизрече'нна бж~iя 
снизхожде'нiя, jа='кw вы'шнiй во'лею сни'де да'же и= до 
пло'ти, w\т дв~и'ческагw чре'ва бы'въ чл~вjь'къ. тjь'мже 
пречи'стую бц\ду вjь'рнiи велича'емъ.

%<В%>озмого'ша си'лою хр\сто'вою о_у=крjьпля'еми, 
немощно'е шата'нiе борца` побjьди'ти, нб~ому'дреннiи, 
мона'хwвъ нача^льницы: и= ны'нjь крася'щеся, преидо'ша къ 
дворw'мъ мы'сл_еннымъ ра'дующеся.

%<Jа=%>ви'стеся тресвjь^тлыя свjьщы`, невече'рнюю зарю` 
и=спуща'юще, цвjь'ти неувяда'емiи ра'йстiи, благоуха'юще 
мы^сли вjь'рныхъ, _о=тцы` требога'тiи. тjь'мже па'мять ва'шу 
всепра'зднственную вjь'рнw пра'зднуемъ.

%<Jа='%>коже вjьнце'мъ благолjь'пнымъ, w=бложе'ни 
прему'дрiи безстра'стiемъ, и= w=дjь'яни бж\ственныя любве` 
и=справле'ньми, въ черто'гъ хр\сто'въ ра'дующеся внидо'сте, 
почива'юще, и= болjь'зней воздая^нiя прiе'млюще:

%<W=%>блиста` сiя'нiемъ мы'сленнымъ, w=заря'ющи 
вjь'рныхъ соста'вы, бж\ственная па'мять ва'ша бл~же'ннiи, 
далма'те, фа'vсте и= i=саа'кiе, мона'шествующихъ 
нача^льницы, свjьти'льницы всемi'рнiи. тjь'мже просвjьти'те 
и= на^ша душ_е'вная чу^вствiя.

%<Бг~оро'диченъ:%>

%<П%>росвjьти`, две'ре свjь'та, се'рдце мое`, sло'бою 
w=слjь'пшее, и= да не въ сме'рть попу'стиши ны'нjь 
о_у=сну'ти ми`, нечи'стыми пw'мыслы при'снw помрача'емому: 
да сла'влю тя` благода'рнw, бц\де всепjь'тая. (с. 101)

%<Слу'жба прп\дбнагw _о=тца` на'шегw а=нтw'нiа 
ри'млянина.%>

%<На ма'лjьй вече'рни, на Г%>д\си, воззва'хъ, 
%<стiхи^ры, гла'съ а~.%>

%<Подо'бенъ: Н%>б\сныхъ чинw'въ:

%<П%>рп\дбныхъ вели'кихъ _о=тц_е'въ, _о='ч~е а=нтw'нiе, 
* стопа'мъ послjь'довалъ _е=си`, * и= jа='кw безпло'тенъ во 
пло'ти подви'гся въ трудjь'хъ, * _о='бразъ мнw'гимъ въ 
добродjь'телехъ бы'лъ _е=си`: * w\т_ону'дуже и= дарw'въ 
чуде'съ w\т хр\ста` сподо'бился _е=си`, * и=сцjьля'ти 
человjь'кwвъ разли^чныя неду'ги. * моли` спасти'ся душа'мъ 
на'шымъ.

%<Два'жды.%>

%<Н%>аста'вникъ мона'шествующихъ, _о='ч~е а=нтw'нiе, 
бы'лъ _е=си`, * себе` пе'рвjье безъ кро'ве бг~ови же'ртву 
принося`, * воздержа'нiемъ и= любому'дрiемъ, * и= смире'нiя 
высо'кими нра^вы, и= безмjь'рнымъ поще'нiемъ врага` 
посрами'лъ _е=си`, прп\дбне. * моли` спасти'ся душа'мъ 
на'шымъ.

%<С%>вjьтоно'сная твоя` па'мять, * прп\дбне _о='ч~е 
а=нтw'нiе, * и=спо'лнена ра'дости и= весе'лiя jа=ви'ся: 
w\т_ону'дуже свящ_е'нная ча^да твоя^ соше'дшеся, * па'мять 
твою` дх~о'внw пра'зднующе, * прославля'емъ гд\са, * тебе` 
та'кw просла'вльшаго.

%<Сла'ва, гла'съ s~: Д%>не'сь вели'кiй но'въградъ, 
jа='кw но'ваго а=враа'ма пресе'льника тя` пресла'внw, 
_о='ч~е, прiе'мъ ра'дуется: блаже'нна же _о=би'тель, и=му'щи 
мо'щи твоя^ въ себjь`, sjьлw` весели'тся: w\т ри'ма бо на 
ка'мени по вода'мъ прише'лъ _е=си` въ вели'кiй но'въградъ. 
тjь'мже па'мять твою` торжеству'юще, воспjьва'ютъ бг~а, 
тебе` дарова'вшаго стjь'ну си^мъ неразори'му. мы' же ча^да 
твоя^ твои'мъ повелjь'нiемъ (с. 102) наставля'еми, ны'нjь 
пресла'вное твое` о_у=спе'нiе пра'зднующе, мо'лимся 
спасти'ся душа'мъ на'шымъ.

%<И= ны'нjь, бг~оро'диченъ:%>

%<На стiхо'внjь стiхи^ры, гла'съ в~. Подо'бенъ: Д%>о'ме 
_е=vфра'fовъ:

%<W\т%> земны'хъ къ нб\снымъ _о=би'тел_емъ * пресла'внw, 
_о='ч~е, преше'лъ _е=си`, * и= та'мw пра'ведныхъ че'сти 
сподо'бился _е=си`: * съ ни'миже моли'ся * спасти'ся душа'мъ 
на'шымъ.

%<Стi'хъ: Ч%>естна` предъ гд\семъ сме'рть прп\дбныхъ 
_е=гw`.

%<Т%>jьл_е'сная чу^вства воздержа'нiемъ, _о='ч~е, 
о_у=мертви'лъ _е=си`, * тjь'мъ и= на ка'мени по вода'мъ 
ше'ствiе творя`, * вели'кагw нова'града дости'глъ _е=си`, * 
и= _о=би'тель въ не'мъ сотвори'лъ _е=си`, * и= о_у=чени^къ 
мно'ж_ества хр\сту` приве'лъ _е=си`.

%<Стi'хъ: Б%>лаже'нъ му'жъ боя'йся гд\са, въ 
за'повjьдехъ _е=гw` восхо'щетъ sjьлw`.

%<С%>та'до твое` * тебе` почита'ющихъ, прп\дбне, * и= 
твое` о_у=спе'нiе пра'зднующихъ, * на бж\ственное тjь'хъ 
возвыша'я раче'нiе, * въ бж\ственную жи'знь всели`.

%<Сла'ва, и= ны'нjь, гла'съ то'йже. Самогла'сенъ:%>

%<Х%>ра'мъ прече'стенъ бж~iи мт~ри, jа='коже сама` 
восхотjь`, воздви'глъ _е=си`: и= та'мw мно'ж_ества 
о_у=чени^къ собра'лъ _е=си`, въ не'мъ воспjьва'ти вл\дчцу 
бц\ду. _е='йже моли'ся, мо'лимся, прп\дбне а=нтw'нiе, не 
w=ста'вити на'съ си'рыхъ, jа='коже w=бjьща'лся _е=си`, 
свяще'нное твое` ста'до и=збавля'ти w\т сjь'тей вра'жiихъ: 
да тебе` вси` jа='кw чадолюби'ва _о=тца`, пjь'сньми 
непреста'ннw почита'емъ, прося'ще w\т хр\ста` бг~а прiя'ти 
тобо'ю ве'лiю ми'лость.

%<Тропа'рь, пи'санъ на вели'цjьй вече'рни.%>

%<На вели'цjьй вече'рни, Б%>лаже'нъ му'жъ:

%<На Г%>д\си, воззва'хъ, %<стiхи^ры, гла'съ s~. 
Подо'бенъ: В%>се` w\тло'жше:

%<М%>iрскi^я молбы^, прп\дбне, возненави'дjьвъ, * 
хр\ста` _е=ди'наго возлюби'лъ _е=си`, * и= тогw` кр\стъ на 
ра'мо взе'мъ (с. 103) поне'слъ _е=си`, * бж\ственнw 
воwружи'вся, * sмi'а вселука'ваго сле'зными ту'чами 
потопи'лъ _е=си`, * плотскi^я стра^сти воздержа'нiемъ, 
му'дре, ми'мw те'клъ _е=си`, * терпjь'нiемъ же и= посто'мъ 
и= ча'стыми моли'твами * пло'ть твою` ду'ху покори'лъ 
_е=си`. * безстра'стiемъ души` и= о_у=ма` чистото'ю, 
по'двигъ трудw'въ твои'хъ w\т негw` стяжа'лъ _е=си`. * 
тjь'мже пра'зднующе па'мять твою`, мо'лимъ тя`: * моли'ся 
гд\севи, * поми'ловатися душа'мъ на'шымъ.

%<П%>рп\дбне _о='ч~е а=нтw'нiе, * любве` ра'ди хр\сто'вы 
вся^ jа=`же на земли` w=ста'вилъ _е=си`. * по'стническими 
труды^ твое` житiе` о_у=ясни'лъ _е=си`. * воздержа'нiемъ и= 
слеза'ми душе'вное _о='ко w=чи'стилъ _е=си`. * о_у='мъ тво'й 
безстра'стiемъ просвjьти'лъ _е=си`, * и= бж\ственнымъ 
смире'нiемъ о_у=краси'лъ _е=си`. * собра'лъ _е=си` 
мона'шествующихъ мно'ж_ества, * и= о_у=ч_е'нiи твои'ми, 
jа='кw нjь'коею лjь'ствицею восхо'дною на нб~о, * на высоту` 
добродjь'телей возве'лъ _е=си`. * тjь'мже ны'нjь ча^да 
твоя^, _о='крестъ ра'ки твоея` предстоя'ще, * любе'знw 
вопiе'мъ ти`: * моли'ся гд\севи, преблаже'нне, * 
поми'ловатися душа'мъ на'шымъ.

%<Б%>г~ому'дре _о='ч~е а=нтw'нiе, * ди'внw w\т ри'ма 
возсiя'лъ _е=си` jа='кw со'лнце, * и= бж~iимъ манове'нiемъ 
на ка'мени по вода'мъ, jа='кw безпло'тенъ, * вели'кагw 
нова'града дости'глъ _е=си`: * хра'мъ прече'стенъ бж~iи 
мт~ри воздви'глъ _е=си`, * и= о_у=чени^къ мно'ж_ества 
собра'лъ _е=си`, * въ не'мъ воспjьва'ти вл\дчцу бц\ду, * и= 
_о=би'тель ве'лiю созда'лъ _е=си`, * въ не'йже трудолю'бнw 
подвиза'лся _е=си` * посто'мъ и= бдjь'нiемъ и= 
sлострада'нiемъ, * и= _е='же на земли` лега'нiемъ, * 
чистоту` и=мjь'я душе'вную и= тjьле'сную, * и= па'мять 
сме'ртную, прп\дбне _о='ч~е на'шъ: * моли` спасти'ся душа'мъ 
на'шымъ.

%<Сла'ва, гла'съ и~:%>

%<П%>рiиди'те мона'хwвъ мно'ж_ества, дне'сь _псалw'мская 
(с. 104) пjь^нiя и= цвjь'ты дх~w'вныя принесе'мъ, jа='кw 
вои'стинну мона'хwвъ о_у=добре'нiю, и= прп\дбнымъ 
спожи'телю, хва'ляще си'це рце'мъ: ра'дуйся, свjьти'льниче 
многосвjь'тлый, возводя` ко хр\сту` мона'хwвъ мно'ж_ества: 
ра'дуйся, вели'кагw нова'града похвала` и= о_у=твержде'нiе, 
и= всjь'хъ вjь'рныхъ благоути'шное приста'нище, и= 
w=чище'нiе боля'щихъ во грjьсjь'хъ, на бж\ственное тjь'хъ 
возвыша'я раче'нiе. тjь'мже пречестну'ю твою` и= святу'ю, и= 
а='гг~лwмъ говjь'йную w=бстоя'ще ра'ку любе'знw 
w=блобыза'емъ, прп\дбне _о='ч~е на'шъ а=нтw'нiе: 
бж\ственнагw чл~вjьколю'бiя про'симъ получи'ти твои'ми къ 
бг~у моли'твами, и= мi'ру ми'ръ и=спроси`, и= душа'мъ 
на'шымъ ве'лiю ми'лость.

%<И= ны'нjь, бг~оро'диченъ: Ц%>р~ь нб\сный:

%<Та'же Вхо'дъ. Прокi'менъ дне`. Чт_е'нiя три`.%>

%<Прему'дрости соломw'ни чте'нiе.%>

[Глава` _е~] %<П%>ра'в_едницы во вjь'ки живу'тъ, и= 
въ гд\сjь мзда` и='хъ, и= попече'нiе и='хъ о_у= вы'шнягw. 
Сегw` ра'ди прiи'мутъ цр\ствiе благолjь'пiя, и= вjьне'цъ 
добро'ты w\т руки` гд\сни: зане` десни'цею покры'етъ я=`, и= 
мы'шцею защити'тъ и=`хъ. Прiи'метъ все_ору'жiе рве'нiе 
свое`, и= воwружи'тъ тва'рь въ ме'сть врагw'мъ. W=блече'тся 
въ броня` пра'вды, и= возложи'тъ шле'мъ, су'дъ 
нелицемjь'ренъ: прiи'метъ щи'тъ непобjьди'мый преподо'бiе: 
поwстри'тъ же напра'сный гнjь'въ во _о=ру'жiе: спобо'ретъ же 
съ ни'мъ мi'ръ на безу^мныя: по'йдутъ праволу^чныя стрjь'лы 
мw'лнiины, и= jа='кw w\т благокру'гла лу'ка _о=блакw'въ на 
намjь'ренiе полетя'тъ: и= w\т каменоме'тныя jа='рости, 
и=спо'лнь паду'тъ гра'ды: вознегоду'етъ на ни'хъ вода` 
морска'я, рjь'ки же потопя'тъ я=` на'глw. Сопроти'въ 
ста'нетъ и=`мъ ду'хъ си'лы, и= jа='кw ви'хоръ развjь'етъ 
и=`хъ: и= w=пустоши'тъ всю` зе'млю беззако'нiе, и= 
sлодjь'йство преврати'тъ престо'лы си'льныхъ. (с. 105) [s~] 
Слы'шите о_у=`бо, ца'рiе, и= разумjь'йте: навы'кните, судiи^ 
конц_е'въ земли`. Внуши'те держа'щiи мно'ж_ества и= 
гордя'щiися w= наро'дjьхъ jа=зы^къ: jа='кw дана` _е='сть w\т 
гд\са держа'ва ва'мъ, и= си'ла w\т вы'шнягw.

%<Прему'дрости соломw'ни чте'нiе.%>

[Глава` г~] %<П%>ра'ведныхъ ду'шы въ руцjь` бж~iей, и= 
не прико'снется и='хъ му'ка. Непщева'ни бы'ша во _о=чесjь'хъ 
безу'мныхъ о_у=мре'ти, и= вмjьни'ся w=sлобле'нiе и=схо'дъ 
и='хъ: и= _е='же w\т на'съ ше'ствiе, сокруше'нiе, _о=ни' же 
су'ть въ ми'рjь. И='бо предъ лице'мъ человjь'ческимъ а='ще 
и= му'ку прiи'мутъ, о_у=пова'нiе и='хъ безсме'ртiя 
и=спо'лнено, и= вма'лjь нака'зани бы'вше, вели'кими 
благодjь'тельствовани бу'дутъ: jа='кw бг~ъ и=скуси` я=`, и= 
w=брjь'те и=`хъ достw'йны себjь`. Jа='кw зла'то въ горни'лjь 
и=скуси` и=`хъ, и= jа='кw всепло'дiе же'ртвенное прiя'тъ 
я=`. И= во вре'мя посjьще'нiя и='хъ возсiя'ютъ, и= jа='кw 
и='скры по сте'блiю потеку'тъ. Су'дятъ jа=зы'кwмъ, и= 
w=блада'ютъ людьми`, и= воцр~и'тся гд\сь въ ни'хъ во вjь'ки. 
Надjь'ющiися на'нь разумjь'ютъ и='стину, и= вjь'рнiи въ 
любви` пребу'дутъ _е=му`: jа='кw бл~года'ть и= ми'лость въ 
преподо'бныхъ _е=гw`, и= посjьще'нiе во и=збра'нныхъ _е=гw`.

%<Прему'дрости соломw'ни чте'нiе.%>

[Глава` д~] %<П%>ра'ведникъ, а='ще пости'гнетъ 
сконча'тися, въ поко'и бу'детъ. Ста'рость бо честна` не 
многолjь'тна, ниже` въ числjь` лjь'тъ и=счита'ется: сjьди'на 
же _е='сть му'дрость человjь'кwмъ, и= во'зрастъ ста'рости 
житiе` нескве'рное. Благоуго'денъ бг~ови бы'въ, возлю'бленъ 
бы'сть, и= живы'й посредjь` грjь^шникъ преста'вленъ бы'сть. 
Восхище'нъ бы'сть, да не sло'ба и=змjьни'тъ ра'зума _е=гw`, 
и=ли` ле'сть прельсти'тъ ду'шу _е=гw`. Раче'нiе бо sло'бы 
помрача'етъ дw'брая, и= паре'нiе по'хоти премjьня'етъ 
о_у='мъ неsло'бивъ. Сконча'вся вма'лjь, и=спо'лни лjь^та 
дw'лга: О_у=го'дна бо бjь` (с. 106) гд\севи душа` _е=гw`: 
сегw` ра'ди потща'ся w\т среды` лука'вствiя: Лю'дiе же 
ви'дjьвше, и= не разумjь'вше, ниже` поло'жше въ помышле'нiи 
таково'е: jа='кw благода'ть и= мл\сть въ прп\дбныхъ _е=гw`, 
и= посjьще'нiе во и=збра'нныхъ _е=гw`.

%<На лiтi'и, стiхи^ры, гла'съ s~:%>

%<В%>озсiя` дне'сь пресвjь'тлая и= всепра'зднственная 
па'мять твоя`, прп\дбне а=нтw'нiе, созыва'ющи 
многочи'сленное пw'стникъ сосло'вiе, и= прп\дбныхъ 
ликостоя^нiя, а='гг~лы съ человjь'ки jа='кw вои'стинну къ 
похвале'нiю въ тр\оцjь покланя'емагw бг~а на'шегw: сегw` 
ра'ди вjь'рою притека'юще къ честнjь'й ра'цjь моще'й 
твои'хъ, и=сцjьл_е'нiя w=би'льна прiе'млемъ. тjь'мже мо'лимъ 
тя`, душе'вное на'мъ здра'вiе при'снw подава'й, тебе` 
вjь'рнw о_у=блажа'ющымъ.

%<Д%>не'сь похва'льную пjь'снь въ па'мяти твое'й, 
_о='ч~е, тебjь` прино'симъ, прiими` и= предвари` къ бг~у 
моли'твами твои'ми, и= и=зба'ви на'съ w\т шу'ягw стоя'нiя, 
и= десна'гw предстоя'нiя сподо'би: да тя` вси` jа='кw те'пла 
засту'пника досто'йнw о_у=блажа'емъ, _о='ч~е прп\дбне 
а=нтw'нiе.

%<Д%>не'сь вели'кiй но'въградъ, jа='кw но'ваго 
а=враа'ма, пресе'льника тя` пресла'внw, _о='ч~е, прiе'мъ 
ра'довашеся. блаже'нна же и= _о=би'тель, и=му'щи въ себjь` 
честны^я мw'щи твоя^, w\т_ону'дуже и=стека'ютъ вjь^рнымъ 
и=сцjьл_е'нiя: блаже'нни же о_у=ченицы` твои`, и=`же себjь` 
такова'го о_у=чи'теля стяжа'вше, и= такова` _о=тца` ча^да 
нареко'шася, а=нтw'нiе пречу'дне, моли'твенниче w= душа'хъ 
на'шихъ.

%<Сла'ва, гла'съ s~:%>

%<С%>вjь'тлая и= всепра'зднственная дне'сь возсiя` 
на'мъ, jа='коже второ'е со'лнце, всjь'хъ празднолю'бныхъ 
собо'ри просвjьща'етъ и= тму` w\тго'нитъ дре'внягw 
помраче'нiя честна'я па'мять а=нтw'нiа чу'днагw, вели'кiй 
но'въградъ созыва'я къ честнjь'й чудотво'рнjьй _е=гw` 
ра'цjь. тjь'мъ со стра'хомъ и= ра'достiю w=блобыза'юще 
мо'лимся, jа='коже кро'ткому дв~ду, (с. 107) _о=те'честву 
на'шему на сопроти^вныя w=долjь'нiе дарова'ти, и= ми'ра 
мi'рови и=спроси'ти, и= душа'мъ на'шымъ ве'лiю ми'лость.

%<И= ны'нjь: Б%>ц\де, ты` _е=си` лоза` и='стинная:

%<На стiхо'внjь стiхи^ры, гла'съ а~. Самогла'сны:%>

%<П%>рп\дбне _о='ч~е а=нтw'нiе, соше'дшеся любо'вiю въ 
па'мять твою` ко всечестнjь'й твое'й и= чудотво'рнjьй 
ра'цjь, свjь'тлw торжеству'юще, во гла'сjьхъ пjь'сненныхъ 
пою'ще, дв~дски глаго'лемъ: блаже'нъ му'жъ боя'йся гд\са, 
непоро'чнw бо въ путе'хъ гд\снихъ ходи'лъ _е=си`. тjь'мже съ 
прп\дбными водворя'яся, гд\севи моли'ся, поми'ловатися 
душа'мъ на'шымъ.

%<Стi'хъ: Ч%>естна` предъ гд\семъ сме'рть прп\дбныхъ 
_е=гw`.

%<Д%>не'сь въ па'мять соше'дшеся, бра'тiе, духо'внw 
почти'мъ честна'го _о=тца` на'шего а=нтw'нiа, и='же посто'мъ 
тjь'ло свое` и=знури'въ, воздержа'нiемъ же стра^сти 
w=худи'въ, и= бдjь'нiемъ о_у='мъ w=чи'стивъ, моли'твою же 
ду'шу просвjьти'въ, нището'ю на нб~сjь'хъ сокро'вище себjь` 
некра'домо стяжа`: послуша'нiемъ бг~а благопослушли'ва 
и=мjь`, чистото'ю жили'ще прест~а'гw дх~а бы'въ. _е=гw'же 
ра'ди врагw'въ шата^нiя хр\сто'съ низложи`, и='же и= 
да'руетъ на'мъ ми'ръ и= ве'лiю ми'лость.

%<Стi'хъ: Б%>лаже'нъ му'жъ боя'йся гд\са, въ 
за'повjьдехъ _е=гw` восхо'щетъ sjьлw`.

%<П%>рп\дбне и= бг~облаже'нне _о='ч~е на'шъ а=нтw'нiе, 
бл~года'тiю ст~а'гw дх~а о_у='мъ тво'й w=зари'въ, w\т 
негw'же пресвjь'тлыми заря'ми се'рдце твое` просвjьти'въ, 
свjьтови'дjьнъ ве'сь вои'стинну бы'лъ _е=си`, и=скуси'теля 
же вся'чески побjьди'лъ _е=си`: тjь'мже ны'нjь на нб~сjь'хъ 
лику'еши со а='гг~лы, и= со всjь'ми ст~ы'ми, помина'й на'съ 
всегда` блажа'щихъ тя` на земли`, и= прест~о'е твое` 
о_у=спе'нiе почита'ющихъ.

%<Сла'ва, гла'съ и~:%>

%<М%>она'хwвъ мно'жества наста'вника тя` почита'емъ, 
_о='ч~е (с. 108) на'шъ а=нтw'нiе: твое'ю бо стезе'ю 
вои'стинну пра'вw ходи'ти позна'хомъ. блаже'нъ _е=си` 
хр\сту` рабо'тавъ, и= вра'жiю w=бличи'лъ _е=си` си'лу, 
а='гг~лwвъ собесjь'дниче, и= прп\дбныхъ соприча'стниче и= 
пра'ведныхъ: съ ни'миже моли'ся гд\севи поми'ловатися 
душа'мъ на'шымъ.

%<И= ны'нjь, бг~оро'диченъ. Тропа'рь, гла'съ д~:%>

%<В%>е'тхiй ри'мъ _о=те'чество твое` w=ста'вивъ, на 
ка'мень jа='кw на ле'гкiй кора'бль возше'лъ _е=си`, и= на 
не'мъ па'че _е=стества` а='ки безпло'тенъ по вода'мъ 
ше'ствовалъ _е=си`, промышле'нiемъ бж\ственнагw ра'зума 
направля'емь, вели'кагw нова'града дости'глъ _е=си`: и= 
_о=би'тель въ не'мъ сотвори'въ, тjь'ло твое` въ не'й 
предложи'лъ _е=си`, jа='кw да'ръ w=свяще'нъ. тjь'мъ мо'лимъ 
тя`, _о='ч~е а=нтw'нiе, моли` хр\ста` бг~а, да спасе'тъ 
ду'шы на'шя.

%<Сла'ва, и= ны'нjь, бг~оро'диченъ: _Е='%>же w\т вjь'ка 
о_у=тае'нное:

%<На о_у='трени, на Б%>г~ъ гд\сь, %<тропа'рь, два'жды. 
Сла'ва, и= ны'нjь, бг~оро'диченъ:%>

%<По а~-й стiхоло'гiи сjьда'ленъ, гла'съ а~. По\д: 
К%>а'мени запеча'тану:

%<М%>она'шеское житiе` и=змла'да, прп\дбне, возлюби'въ, 
и= хр\сту` w\т души` послjь'довавъ, бг~ому'дре а=нтw'нiе, и= 
w\тсю'ду просiя'въ добродjь'тельнымъ твои'мъ житiе'мъ, въ 
моли'твахъ и= поще'нiихъ и= бдjь'нiихъ, мона'хwвъ _о='бразъ 
бы'лъ _е=си` вели'кiй. тjь'мже вопiе'мъ ти`: сла'ва да'вшему 
ти` крjь'пость, сла'ва вjьнча'вшему тя`, сла'ва даю'щему 
тобо'ю всjь^мъ и=сцjьле'нiе.

%<Два'жды.%>

%<Сла'ва, и= ны'нjь, бг~оро'диченъ:%>

%<О_у=%>пова'нiе хр\стiа'нъ, прест~а'я дв~о, _е=го'же 
родила` _е=си` бг~а па'че о_у=ма' же и= сло'ва, непреста'ннw 
моли` съ вы'шними си'лами, пода'ти w=ставле'нiе грjьхw'въ 
на'шихъ всjь'хъ, и= и=справле'нiе житiя`, вjь'рою и= 
любо'вiю при'снw тя` сла'вящымъ. (с. 109)

%<По в~-й стiхоло'гiи сjьда'ленъ, гла'съ и~. Подо'бенъ: 
П%>рему'дрости:

%<W\т%> земны'хъ на нб\сная помы'сливъ, и= дjь'ломъ 
соверши'лъ _е=си` ко гд\су любо'вь, подо'бяся мо'лнiи w\т 
восто'ка до за'пада преходя`, jа='коже другi'й а=вваку'мъ 
несе'нъ бы'сть а='гг~ломъ съ пи'щею въ вавv"лw'нъ. ты' же 
бж\ственнагw про'мысла а='гг~ломъ, на ка'мени jа='кw на 
корабли`, вели'кагw новагра'да дости'гъ, и= хра'мъ 
пречу'денъ бж~iя мт~ре созда'лъ _е=си`, и= _о=би'тель ве'лiю 
воздви'глъ _е=си` въ сла'ву хр\ста` бг~а, и= мона'хwвъ 
мно'ж_ества собра'лъ _е=си`. но _е=гда` бы'лъ _е=си` въ 
жи'зни, пе'клся и='ми jа='кw при'сный _о=ц~ъ: та'кw и= 
ны'нjь, _о='ч~е прп\дбне а=нтw'нiе, моли` хр\ста` бг~а, 
согрjьше'нiй w=ставле'нiе дарова'ти пра'зднующымъ любо'вiю 
святу'ю па'мять твою`.

%<Два'жды.%>

%<Сла'ва, и= ны'нjь, бг~оро'диченъ:%>

%<Н%>б\сную две'рь и= кiвw'тъ, прест~у'ю го'ру, 
свjь'тлый _о='блакъ воспои'мъ неwпали'мую купину`, 
слове'сный ра'й, _е='vы воззва'нiе, вселе'нныя всея` 
вели'кое сокро'вище, jа='кw спасе'нiе въ не'й содjь'лася 
мi'рови, и= w=ставле'нiе дре'внихъ согрjьше'нiй. сегw` ра'ди 
вопiе'мъ _е='й: моли'ся сн~у твоему`, прегрjьше'нiй 
w=ставле'нiе дарова'ти благоче'стнw покланя'ющымся 
всест~о'му рж\ству` твоему`.

%<По полv"еле'и сjьда'ленъ, гла'съ д~:%>

%<В%>ели'кiй но'въградъ торжеству'етъ w= бз~jь досто'йнw 
въ па'мять твою`, _о='ч~е а=нтw'нiе, моли'твами твои'ми 
спаса'еми w\т и=скуше'нiй и= бjь'дъ, и= вся'кагw преще'нiя 
находя'щагw на ны`. и= па'ки, прп\дбне, не преста'й моля'ся 
хр\сту` бг~у, спасти'ся душа'мъ на'шымъ.

%<Два'жды.%>

%<Сла'ва, и= ны'нjь, бг~оро'диченъ:%>

%<М%>но'гими прегрjьше'ньми а='зъ блу'дный о_у='мъ 
помрачи'въ, вопiю` твоему` крjь'пкому заступле'нiю, бц\де: 
просвjьти` души` моея` зjь^ницы, возсiя'й ми` покая'нiя 
свjь'тлую (с. 110) зарю`, и= w=блецы' мя во _о=ру'жiе 
свjь'та, дв~о бг~ороди'тельнице ч\стая.

%<Та'же степ_е'нна а~-й а=нтiфw'нъ д~-гw гла'са. 
Прокi'менъ, гла'съ з~: Ч%>естна` предъ гд\семъ сме'рть 
прп\дбныхъ _е=гw`. %<Стi'хъ: Б%>лаже'нъ му'жъ боя'йся гд\са: 
%<_Е=v\глiе прп\дбническое.%>

%<По н~-мъ _псалмjь` стiхи'ра, гла'съ s~:%>

%<П%>рп\дбне _о='ч~е, а=нтw'нiе, во всю` зе'млю и=зы'де 
вjьща'нiе и=справле'нiй твои'хъ. тjь'мъ на нб~сjь'хъ 
w=брjь'лъ _е=си` мзду` трудw'въ твои'хъ, де'мwнскiя 
погуби'лъ _е=си` полки`, и= а='гг~льскiя дости'глъ _е=си` 
чи'ны, и='хже житiю` безъ поро'ка поревнова'лъ _е=си`, 
дерзнове'нiе и=мjь'я ко хр\сту` бг~у, ми'ръ и=спроси` 
душа'мъ на'шымъ.

%<Канw'нъ прест~ы'я бц\ды, на s~, гла'съ в~: Н%>етре'ну, 
не_обы'чну:

%<И= прп\дбнагw канw'нъ, на и~.%>

%<Гла'съ в~. Пjь'снь а~. I=рмо'съ:%>

%<Г%>ряди'те, лю'дiе, пои'мъ пjь'снь хр\сту` бг~у, 
раздjь'льшему мо'ре, и= наста'вльшему лю'ди, jа=`же и=зведе` 
и=зъ рабо'ты _е=гv'петскiя, jа='кw просла'вися.

%<А='%>гнче неsло'бивый, w\тве'рзи ми` о_у=стнjь` 
недосто'йнiи, я=зы'къ мо'й о_у=ясни`, и= се'рдце мое` 
просвjьти`, и= о_у='мъ мо'й w=зари` свjь'томъ твоегw` 
бг~оразу'мiя, да возмогу` воспjьва'ти па'мять прп\дбнагw 
а=нтw'нiа, _е=го'же на земли` о_у=диви'лъ _е=си`.

%<М%>но'гимъ милосе'рдiемъ и= щедро'тами, содjь'телю 
тва'ри, и= вjькw'въ тво'рче, моле'бное пjь'нiе прiими`, и= 
проще'нiе на'шихъ согрjьше'нiй да'руй, твоегw` о_у=го'дника 
прп\дбнагw а=нтw'нiа моле'нiемъ, и= тишину` се'рдцу моему`.

%<С%>вjь'тлое и= бг~оуго'дное житiе` твое`, jа='кw 
свjь'тъ вои'стинну на земли` показа'ся, бж\ственную ви'дjьти 
свjь'тлость, а=нтw'нiе, сподо'бился _е=си`. тjь'мже и= 
ви^димая вся^ w=ста'вивъ, непостижи'магw зрjь'ти сподо'бился 
_е=си`. (с. 111)

%<Бг~оро'диченъ:%>

%<М%>ои'хъ прегрjьше'нiй, вл\дчце, плени'цу расто'ргни, 
твоего` сн~а и= гд\са моля'щи, и= томя'щiй мя` грjь'хъ, 
приснодв~о, низложи`, jа='кw да воспjьва'ю тя` всегда`, 
всенепоро'чная, тобо'ю спаса'емь.

%<Пjь'снь г~. I=рмо'съ:%>

%<Н%>а ка'мени мя` вjь'ры о_у=тверди'въ, разшири'лъ 
_е=си` о_у=ста` моя^ на враги` моя^, возвесели'бося ду'хъ 
мо'й, внегда` пjь'ти: нjь'сть свя'тъ, jа='коже бг~ъ на'шъ, 
и= нjь'сть пра'веденъ, па'че теб_е`, гд\си.

%<Ж%>езло'мъ добродjь'телей стра'стное мо'ре пресjь'къ, 
и= го'рдаго врага` jа='коже друга'го фараw'на моли'твою 
твое'ю погрузи'въ, и=збра'нное твое` ста'до но'ваго i=и~ля 
невре'днw соблюди`, а=нтw'нiе прп\дбне.

%<В%>озлюби'лъ _е=си`, бл~же'нне, всено'щное бдjь'нiе, 
и= моли'тву непреста'нну и= любо'вь нелицемjь'рну, си'ми 
w=чища'я о_у='мъ тво'й, ду'шу же просвjьща'я, тjь'ло твое` 
смиря'лъ _е=си`, и= ко дневны^мъ трудw'мъ благопоко'рнw 
о_у=строя'лъ _е=си`.

%<Х%>ра'мъ тя` вси` вjь'рнiи дх~а прест~а'гw вjь'мы, 
хра'мъ бг~олjь'пенъ бж~iи мт~ри воздви'глъ _е=си`, и= 
w=гра'ду ве'лiю о_у=стро'илъ _е=си`, и= мона'хwвъ 
мно'ж_ества совокупи'лъ _е=си`: въ не'мже ны'нjь вся'къ 
неду'гъ моли'твами твои'ми w\тгоня'ется.

%<Бг~оро'диченъ:%>

%<В%>о и=ны'хъ жена'хъ мт~и, до'ндеже дв~а не позна'ся, 
ни мт~и, по рж\ствjь` дjь'вствовати сподо'бися: на тебjь' 
же, дв~омт~и, _о=боя` о_у=стро'ишася. тjь'мъ весе'лiемъ 
ду'ха воспjьва'ю: нjь'сть непоро'чны па'че теб_е`, вл\дчце.

%<Сjьда'ленъ, гла'съ и~. Подо'бенъ: П%>рему'дрости:

%<А='%>гг~льски на земли` пожи'въ, бг~ому'дре а=нтw'нiе, 
ликw'мъ по'стнич_ескимъ счи'слился _е=си`: кр\стъ бо на 
ра'мена твоя^ взе'мъ, послjь'довалъ _е=си` вл\дцjь хр\сту`, 
и= стра^сти душетлjь^нныя воздержа'нiемъ, прп\дбне, 
о_у=вяди'лъ _е=си`, и= (с. 112) бы'лъ _е=си` духо'вно 
прiя'телище, и= сосу'дъ чи'стъ гд\севи. тjь'мже вопiе'мъ 
ти`: моли` хр\ста` бг~а, грjьхw'въ w=ставле'нiе дарова'ти 
пра'зднующымъ любо'вiю пречестну'ю и= святу'ю па'мять твою`.

%<Два'жды.%>

%<Сла'ва, и= ны'нjь, бг~оро'диченъ:%>

%<Jа='%>кw всенепоро'чная невjь'сто творцу`, jа='кw 
неискусобра'чная мт~и и=зба'вителя, прiя'телище jа='кw су'щи 
о_у=тjь'шителя, препjь'тая, беззако'нiю мя` су'ща скве'рное 
_о=би'телище, и= бjьсw'мъ и=гра'лище въ ра'зумjь бы'вша, 
потщи'ся w\т тjь'хъ sлодjь'йства мя` и=зба'вити, и= 
свjь'тлое жили'ще добродjь'телей соверши`, свjьтоно'сная, 
нетлjь'нная: w\тжени` _о='блакъ страсте'й, и= вы'шнягw 
прича'стiя сподо'би, и= свjь'та невече'рнягw, моли'твами 
твои'ми.

%<Пjь'снь д~. I=рмо'съ:%>

%<П%>рише'лъ _е=си` w\т дв~ы, не хода'тай, ни а='гг~лъ, 
но са'мъ, гд\си, вопло'щся, и= спа'слъ _е=си` всего' мя 
человjь'ка. тjь'мъ зову' ти: сла'ва си'лjь твое'й, гд\си.

%<О_у=%>мертви'въ себе` мi'рови, жи'знь равноа'гг~льну 
на земли` пожи'лъ _е=си`, пресла'вне: и= jа='кw да'ръ 
w=свяще'нъ вл\дцjь, а=нтw'нiе, твою` ду'шу чи'сту 
предста'вилъ _е=си`, и= бж\ственнагw цр\ствiя досто'йнw, 
_о='ч~е, получи'лъ _е=си`.

%<В%>jь'триломъ, _о='ч~е, воздержа'нiя w=криля'емь, 
страстны'я тмы` w\тбjьжа'въ, и= къ безстра'стiя пут_е'мъ 
наставля'емь, къ свjь'ту невече'рнему восте'клъ _е=си`. и= 
w\т сегw` w=зари'вся, нетлjь'нiя бога'тство наслjь'довалъ 
_е=си`, а=нтw'нiе прп\дбне.

%<В%>ели'кiй но'въградъ ны'нjь весе'лiемъ, _о='ч~е, 
красу'ется, и=мjь'я мо'щи твоя^ въ себjь`, прп\дбне 
а=нтw'нiе. о_у=ченицы' же твои` твоему` житiю` ревну'юще, w= 
твое'й па'мяти ра'дующеся, гд\севи пою'тъ: сла'ва си'лjь 
твое'й, гд\си.

%<Бг~оро'диченъ:%>

%<И='%>стинную тя` сjь'нь свидjь'тельствоваша (с. 113) 
многоразли'чными _о='бразы, jа='вjь показу'юще воплоще'ннаго 
и=зъ теб_е`, _е=ди'наго w\т тр\оцы, преч\стая, неизмjь'ннw, 
бг~омт~и ч\стая, и= мi'ръ w=бно'вльша.

%<Пjь'снь _е~. I=рмо'съ:%>

%<С%>вjь'та пода'телю и= вjькw'въ тво'рче, гд\си, во 
свjь'тjь твои'хъ повелjь'нiй наста'ви на'съ: ра'звjь бо 
теб_е` и=но'гw бо'га не зна'емъ.

%<В%>озше'дъ на высоту` добродjь'телей, до'лу влеку'щыя 
стра^сти w=плева'лъ _е=си`, сла'дость показу'я спасе'нiя, 
_о='ч~е прп\дбне а=нтw'нiе, ста'ду твоему` проси` грjьхw'въ 
проще'нiя.

%<М%>jь'сто проше'нiя, _о='ч~е, со тща'нiемъ и=сполня'я, 
хра'мъ бг~олjь'пенъ бж~iя мт~ре воздви'глъ _е=си`, въ не'мже 
ны'нjь пра'здничною ра'достiю, мона'хwвъ мно'ж_ества 
веселя'тся, па'мять твою` прославля'юще.

%<Н%>е забу'ди ста'да твоегw`, _е='же, му'дре, собра'лъ 
_е=си`, и= въ жи'зни се'й о_у=па'слъ _е=си` благоче'стнw: и= 
ны'нjь потщи'ся, _о='ч~е на'шъ а=нтw'нiе, да привлече'ши во 
w=гра'ду нб\сную.

%<Бг~оро'диченъ:%>

%<О_у=%>пра'ви о_у='мъ мо'й, вл\дчце, тружда'ющiйся въ 
пучи'нjь скорбе'й, и= потопля'емый наше'ствiемъ тлетво'рныхъ 
страсте'й, спаси` къ тебjь` прибjьга'ющаго: и=ны'я бо 
по'мощи, ч\стая, ра'звjь теб_е` не зна'емъ.

%<Пjь'снь s~. I=рмо'съ:%>

%<В%>ъ бе'зднjь грjьхо'внjьй валя'яся, неизслjь'дную 
милосе'рдiя твоегw` призыва'ю бе'здну: w\т тли`, бж~е, мя` 
возведи`.

%<W\т%> земны'хъ къ нб\снымъ _о=би'телемъ пресла'внw 
возше'лъ _е=си`, бг~ому'дре а=нтw'нiе: и= та'мw зрjь'ти 
неизрече'нныхъ сподо'бился _е=си`, и='хже _о='ко не ви'дjь, 
и= о_у='хо не слы'ша, и= на се'рдце человjь'ку не взы'де, 
jа=`же о_у=гото'ва бг~ъ лю'бящымъ _е=го`.

%<Д%>рема'нiя _о=чи'ма твои'ма w\тню'дъ не да'лъ _е=си`, 
къ бг~у все` твое` жела'нiе впери'въ, и= тому` невозвра'тнw 
w\т души` послjь'довавъ, но'щи житiя` непреткнове'ннw 
премину'лъ _е=си`, (с. 114) видjь^нiи бж\ственными 
w=кормля'емь, блаже'нне а=нтw'нiе, въ бж\ственную жи'знь 
всели'лся _е=си`.

%<В%>ели'кагw ст~и'теля нiки'ты, бл~же'нне а=нтw'нiе, 
бл~гослове'нiя сподо'бився, духо'внагw наказа'нiя поуче'нiе 
w\т негw` воспрiя'лъ _е=си`: бу'рею бо грjьха` не 
погрузи'лся _е=си`, и= въ ти'хо приста'нище дости'глъ _е=си` 
нб\снагw цр\ствiя, и= та'мw jа='снjь наслажда'ешися 
бж\ственнагw видjь'нiя.

%<Бг~оро'диченъ:%>

%<W=%>бетша'вшыя ны` го'рькимъ дре'ва пре'жде 
вкуше'нiемъ, и= па'дшыяся поползе'нiемъ, преч\стая, 
w=бнови'ла _е=си`, зижди'теля ро'ждши, сло'во v=поста'сное, 
дв~о мт~и вл\дчце.

%<Конда'къ, гла'съ и~. Подо'бенъ: В%>збра'нной:

%<Р%>и'мское воспита'нiе, вели'кому же нову'граду 
бл~года'тное процвjьте'нiе, мно'гими бо труды^ и= пw'двиги 
въ не'мъ бг~у о_у=годи'лъ _е=си`: сегw` ра'ди чуде'съ 
дарова'нiй w\т негw` сподо'бился _е=си`, и= тjь'ло твое` 
мно'гими лjь^ты соблюде` нетлjь'нно. мы' же сiе` лобыза'юще, 
ра'достнw w\т души` вопiе'мъ ти`: ра'дуйся, _о='ч~е 
а=нтw'нiе.

%<I='косъ:%>

%<К%>а'кw возмогу` и=счести` премнw'гая твоя^ чудеса`; 
и=ли` ка'кw и=зрещи` жесто'кое твое` житiе`; не и='мамъ бо 
се'рдца чи'ста, jа='кw сiе` сра'мными дjья'ньми 
w=скверни'хъ, и= ду'шу мою` лука'выми по'мыслы w=смради'хъ. 
но _о=ба'че дерза'ю воспjьва'ти, а='ще ты' ми пода'си сло'во 
недосто'йному твоему` рабу`: ты' бо земны'й а='гг~лъ, и= 
нб\сный человjь'къ, во пло'ти w=брjь'лся _е=си`, прп\дбне. 
на земли' бо w= тлjь'нныхъ небре'глъ _е=си`, и= хр\сту` w\т 
души` послjь'довалъ _е=си`, болjь'зньми и= труды^, и= 
sjь'льнымъ воздержа'нiемъ и= sлострада'нiемъ, и= на земли` 
лега'нiемъ, посто'мъ и= бдjь'нiемъ, и= моли'твами _о='бразъ 
бы'лъ _е=си` твои^мъ о_у=ч~никw'мъ: и= сегw` ра'ди сосу'дъ 
чи'стъ, и= _о=би'тель дх~а прест~а'гw jа=ви'лся _е=си`. 
тjь'мъ тя` чти'мъ: ра'дуйся, _о='ч~е а=нтw'нiе. (с. 115)

%<Пjь'снь з~. I=рмо'съ:%>

%<_О='%>бразу злато'му, на по'лjь деи'рjь служи'му, 
трiе` твои` _о='троцы небрего'ша безбо'жнагw велjь'нiя, 
посредjь' же _о=гня` вве'ржени, w=роша'еми поя'ху: 
бл~гослове'нъ _е=си`, бж~е _о=ц~ъ на'шихъ.

%<W\т%> гра'да и= _о=те'чества твоегw` пресе'льникъ 
бы'лъ _е=си`, къ бг~у ру'цjь простира'я спасе'нiе w=брjь'тъ: 
вода'мъ же послужи'вшымъ тебjь` бж~iимъ манове'нiемъ, 
вели'кагw нова'града дости'глъ _е=си`, и=дjь'же бя'ше 
о_у=го'дно вл\дцjь, _е=му'же ны'нjь ра'достнw пое'ши: 
бл~гослове'нъ бг~ъ _о=т_е'цъ на'шихъ.

%<В%>ели'кагw нова'града а=рхiере'а, и= хр\столюби'выхъ 
люде'й, и= мона'хwвъ мно'ж_ества ра'дости и=спо'лнилъ 
_е=си`, и= духо'внагw весе'лiя, твои'мъ ди'внымъ и= 
чрез\ъесте'ственнымъ прехожде'нiемъ: на ка'мени бо jа='кw на 
корабли` прише'лъ _е=си`, спу'тника, _о='ч~е, хр\ста` 
w=брjь'тъ. къ нему'же ны'нjь ра'достнw зове'ши: 
бл~гослове'нъ бг~ъ _о=т_е'цъ на'шихъ.

%<Л%>ику'ютъ собра^нiя мона'шествующихъ, и= веселя'тся 
наро'дwвъ мно'ж_ества вели'кагw нова'града въ честнjь'мъ 
преставле'нiи а=нтw'нiа преблаже'ннагw, моле'бный 
соверша'юще пра'здникъ, ра'достнw w\т души` вопiю'тъ: 
бл~гослове'нъ бг~ъ _о=т_е'цъ на'шихъ.

%<Бг~оро'диченъ:%>

%<П%>е'щь проwбразова'ше твое` рж\ство`, всенепоро'чная: 
_о='троки бо не w=пали`, jа='коже ложесна` твоя^, _о='гнь 
непостоя'нный. тjь'мже мо'лимъ тя`, _о=гня` вjь'чнагw 
и=зба'ви рабы^ твоя^.

%<Пjь'снь и~. I=рмо'съ:%>

%<В%>ъ пе'щь _о='гненную ко _о=трокw'мъ _е=вр_е'йскимъ, 
снизше'дшаго и= пла'мень въ ро'су прело'жшаго бг~а, по'йте 
дjьла`, jа='кw гд\са, и= превозноси'те во вся^ вjь'ки.

%<А=%>враа'мскiй стяжа'въ нра'въ, прему'дре, w\т страны` 
ри'мскiя пресе'льникъ бы'въ вели'кагw нова'града: и= та'мw 
бг~а о_у=зрjь'лъ _е=си`, w=бjьщава'юща тебjь` воздая'нiе 
бога'тно. (с. 116) тjь'мъ веселя'ся о_у=се'рднw хр\сту` 
вопiе'ши: благослови'те вся^ дjьла` гд\са, и= превозноси'те 
_е=го` во вjь'ки.

%<Н%>а земли` пожи'въ jа='кw а='гг~лъ, съ пло'тiю jа='кw 
безпло'тенъ, безплw'тныя враги` подъ но'ги покори'лъ _е=си`: 
чистоту` стяжа'лъ _е=си` посто'мъ и= бдjь'нiемъ и= 
моли'твами. тjь'мже со а='гг~лы на нб~сjь'хъ свjь'тлw лику'я 
хр\сту` вопiе'ши: благослови'те вся^ дjьла` гд\са, и= 
превозноси'те _е=го` во вjь'ки.

%<Р%>и'мъ _о=те'чество твое` проповjь'дуетъ, прп\дбне, 
вели'кiй же но'въградъ хва'лится тобо'ю, прiе'мь w\т гд\са 
сокро'вище некра'домое: помо'щника бо вели'каго, бл~же'нне 
а=нтw'нiе, тя` воспрiе'мъ, съ ли'ки мона'шескими ны'нjь 
весели'тся. тjь'мъ па'мять твою` пра'зднующе ра'достнw 
вопiе'мъ: благослови'те вся^ дjьла` гд\са, и= превозноси'те 
_е=го` во вjь'ки.

%<Бг~оро'диченъ:%>

%<В%>ели'кому та'инству рж\ства` твоегw` кто` не 
о_у=диви'тся, бц\де; и=ли` кi'й я=зы'къ земны'й, и=ли` 
о_у='мъ безпло'тныхъ и=зрещи` возмо'жетъ; па'че бо 
_е=стества` и= смы'сла, бц\де, зижди'теля родила` _е=си`.

%<Пjь'снь f~. I=рмо'съ:%>

%<W\т%> бг~а бг~а сло'ва, неизрече'нною му'дростiю 
прише'дшаго w=бнови'ти а=да'ма, jа='дiю въ тлjь'нiе па'дшаго 
лю'тjь, w\т ст~ы'я дв~ы неизрече'ннw воплоти'вшагося на'съ 
ра'ди, вjь'рнiи _е=диному'дреннw пjь'сньми велича'емъ.

%<В%>сегда` къ ра'цjь моще'й твои'хъ приступа'юще, 
любе'знw цjьлу'емъ, и= w\т души` вопiе'мъ: _о='ч~е прп\дбне 
а=нтw'нiе, моли'ся прилjь'жнw хр\сту` бг~у за гра'дъ и= 
лю'ди, ско'рбь на'шу на ра'дость премjьни'ти, и= грjьхw'въ 
проще'нiе и=спроси'ти, да тя` непреста'ннw велича'емъ.

%<В%>ели'кому а=нтw'нiю тезоимени'тъ бы'лъ _е=си`, 
бл~же'нне а=нтw'нiе, и= тогw` житiю` подража'лъ _е=си`, 
равноа'гг~льнw во _о=би'тели прест~ы'я бц\ды пожи'лъ _е=си`: 
тjь'мже и= ра'вну (с. 117) по'честь w\т бг~а сподо'бился 
_е=си` прiя'ти. съ ни'мже ны'нjь на нб~сjь'хъ весели'шися, 
и= на'съ помина'й пра'зднующихъ па'мять твою`, да тя` 
непреста'ннw велича'емъ.

%<Н%>ы'нjь на тебjь` чу'до ве'лiе ви'дится, и= о_у='жаса 
и=спо'лнено, ка'кw погребе'но вои'стинну мно'гw лjь'тъ 
соблюде'ся невреди'мо, прп\дбне а=нтw'нiе, твое` 
многотру'дное тjь'ло, во гро'бjь лежа'ще бж~iимъ 
манове'нiемъ: jа='коже са'мъ вjь'сть, сла'вящыя _е=го` 
прославля'етъ.

%<Бг~оро'диченъ:%>

%<И=%>сцjьли'ла _е=си` сокруше'нiе, всенепоро'чная, и= 
ве'тхое страда'нiе земны'хъ, бг~а ро'ждши цр~я` хр\ста`, 
поне'сшаго пло'тiю неду'ги на'шя: тjь'мже тя` вси` ро'ди, 
дв~о вл\дчце, о_у=блажа'юще, бг~оневjь'сто, велича'емъ.

%<Свjьти'ленъ. Подо'бенъ: С%>о о_у=ченики`:

%<Х%>р\сто'ву ны'нjь пр\сто'лу предстоя`, прп\дбне, съ 
бг~ома'терiю преч\стою дв~ою, моля'ся не преста'й, побjь^ды 
на ва'рвары хр\столюби'вому во'инству на'шему дарова'ти, и= 
душе'вное спасе'нiе, и= мi'ру смире'нiе, а=нтw'нiе 
бг~ому'дре.

%<Сла'ва, и= ны'нjь, то'йже.%>

%<На хвали'техъ стiхи^ры, гла'съ а~. Подо'бенъ: 
В%>сехва'льнiи мч~ницы:

%<_О='%>ч~е бг~ому'дре а=нтw'нiе, * ты` вся'кw на земли` 
хр\ста` возлюби'лъ _е=си`, * и= тогw` бж\ств_еннымъ стопа'мъ 
послjь'довати возжелjь'лъ _е=си`: * кр\стъ бо на ра'мо 
взе'мъ, * послjь'довалъ _е=си`, прп\дбне. * и= ны'нjь на 
нб~сjь'хъ со а='гг~лы тр\оцjь предстои'ши, бг~ови'дче: * 
_е='йже моли'ся, * дарова'ти душа'мъ на'шымъ ми'ръ и= ве'лiю 
ми'лость.

%<_О='%>ч~е прему'дре а=нтw'нiе, * тебе` бг~ъ показа` 
па'стыря слове'сному своему` ста'ду, * и= о_у=краси'лъ 
_е=си`, пречу'дне, це'рковь бж~iя мт~ре, * въ не'йже и= до 
ны'нjь лежа'тъ пречестны^я твоя^ мо'щи, * во гро'бjь 
неразруши'ми, * и=сцjьл_е'нiя подаю'тъ съ вjь'рою 
притека'ющымъ. * и= ны'нjь (с. 118) моли'ся, * дарова'ти 
душа'мъ на'шымъ ми'ръ и= ве'лiю ми'лость.

%<_О='%>ч~е прп\дбне а=нтw'нiе, * и=спроси`, jа=`же къ 
бг~у, моли'твами твои'ми цр~кви о_у=твержде'нiе, * мона'хwмъ 
о_у=добре'нiе, * во'инству на'шему * побjь^ды на враги`, * 
и= всjь^мъ вjь'рою притека'ющымъ во _о=би'тель прест~ы'я 
бж~iя мт~ре по'мощь. * къ не'йже моли'ся * дарова'ти душа'мъ 
на'шымъ ми'ръ и= ве'лiю ми'лость.

%<Сла'ва, гла'съ и~:%>

%<М%>она'хwвъ мно'жества наста'вника тя` почита'емъ, 
_о='ч~е на'шъ а=нтw'нiе: твое'ю бо стезе'ю вои'стинну пра'вw 
ходи'ти позна'хомъ. блаже'нъ _е=си` хр\сту` рабо'тавъ, и= 
вра'жiю w=бличи'лъ _е=си` си'лу, а='гг~лwвъ собесjь'дниче, 
прп\дбныхъ соприча'стниче и= пра'ведныхъ: съ ни'миже моли'ся 
гд\севи, по ми'ловатися душа'мъ на'шымъ.

%<И= ны'нjь, бг~оро'диченъ: В%>л\дчце, прiими`:

%<Славосло'вiе вели'кое. И= w\тпу'стъ.%>

%<На лiтургi'и слу'жба вся` прп\дбническая.%>