Богослужебные тексты

<::рус> оцифровка: Даниил Дремачев
<::слав> 


%<Мjь'сяца а='vгуста въ г~_i-й де'нь%>

%<Слу'жба святи'телю и= чудотво'рцу тv'хwну, _е=пi'скопу 
воро'нежскому%>

%<На ма'лjьй вече'рни стiхи^ры д~, гла'съ а~:%>

%<П%>рiиди'те, вjь'рнiи, ра'достнw соше'дшеся, 
о_у=бл~жи'мъ ст~и'теля хр\сто'ва тv'хwна, па'стыря 
предо'браго, о_у=чи'теля златослове'снаго, ско'рбныхъ 
о_у=тjь'шителя, неду'гующихъ безме'зднаго врача`, но'ваго 
рwссi'и чудотво'рца, и='же мо'лится w= душа'хъ на'шихъ.

%<П%>а'мять твоя`, ст~и'телю тv'хwне, jа='кw 
свjьтоза'рное со'лнце возсiя` на'мъ, w=заря'ющи приходя'щыя 
къ тебjь` вjь'рою: свjь'тлостьми бо добродjь'телей 
jа=вля'еши на'мъ свjь'тъ пра'вды, луча'ми слове'съ 
просвjьща'еши на'съ и='стиннw хр\ста` вjь'дjьти, 
предста'тельствомъ твои'мъ разгоня'еши w='блакъ находя'щихъ 
бjь'дъ, нетлjь'нiемъ же моще'й всjь^мъ зарю` безсме'ртiя 
показу'еши: тjь'мже хва'лимъ тя`.

%<Х%>ва'лимъ тя`, бл~жа'ще, бг~ому'дре _о='тче тv'хwне, 
зане` любо'вiю притека'юще къ ра'цjь моще'й твои'хъ, 
бл~года'ть прiе'млемъ: прикоснове'нiемъ бо болjь^зни 
врачу'еши, те'плымъ же хода'тайствомъ сп~са'еши ду'шы на'шя.

%<Сла'ва:%>

%<_W%> пребл~же'нне _о='тче тv'хwне! предстоя` ны'нjь 
пр\сто'лу гд\са и= веселя'ся съ нб\сными ли^ки въ вjь'чнjьмъ 
цр\ствiи, не забу'ди на'съ земны'хъ и= ско'рбныхъ, мwльбы` 
принеси` w= ча'дjьхъ твоея` па'ствы, и='миже на земли` 
болjь'зновалъ _е=си`, и=спроси` цр~кви ми'ръ, всjь^мъ же 
вjь^рнымъ въ вjь'рjь о_у=твержде'нiе, грjьхw'въ w=ставле'нiе 
и= w\т бjь'дъ и=збавле'нiе.

%<И= ны'нjь, бг~оро'диченъ дне`.%>

%<На стiхо'внjь стiхи^ры, гла'съ в~:%>

%<О_у=%>ма` чистоту` стяжа'въ, дх~а ст~а'гw жили'ще 
бы'въ, бл~года'ть ст~и'тельства прiя'лъ _е=си`, лю'ди 
просвjьща'лъ _е=си` вjь'дjьнiемъ прест~ы'я тр\оцы, себе' же 
самаго` _е='й приноси'лъ _е=си` во _о=гни` любве` 
бж~е'ственныя: и= ны'нjь предстоя` пр\сто'лу бж~iю, не 
преста'й приноси'ти мол_е'нiя w= на'съ чту'щихъ па'мять 
твою`.

%<Стi'хъ: Ч%>естна` пред\ъ гд\семъ сме'рть прп\дбныхъ 
_е=гw`.

%<Н%>епоро'чно житiе` твое`, честна` сме'рть твоя` 
пред\ъ бг~омъ, че'стенъ и= гро'бъ, и='же 
w=бл~года'тствованное твое` содержи'тъ тjь'ло, jа='кw 
w=богаща'етъ чудесы` притека'ющыя къ тебjь` вjь'рою, 
ст~и'телю тv'хwне, те'плый моли'твенниче w= душа'хъ на'шихъ.



%<Стi'хъ:%> Сщ~е'нницы твои` w=блеку'тся въ пра'вду, и= 
прп\дбнiи твои` возра'дуются.

%<А=%>п\слwвъ _о=бще'нiя, патрiа'рхwвъ сопребыва'нiя, и= 
ра'дости прв\дныхъ, и= всjь'хъ ст~ы'хъ сликова'нiя, въ 
нб\снjьмъ цр\ствiи сподо'бился _е=си`, ст~и'телю тv'хwне: 
тjь'хъ бо добродjь'тел_емъ и= подвигw'мъ подража'я, 
jа=ви'лся _е=си` прича'стникъ нб\сныя сла'вы и='хъ.

%<Сла'ва:%>

%<П%>ра'вило вjь'ры бы'лъ _е=си`, ст~и'телю, и= сло'вомъ 
пра'вой вjь'рjь и= бл~го'му житiю` о_у=чи'лъ _е=си`: 
w='бразъ добродjь'телей jа=ви'лся _е=си` па'ствjь твое'й, 
творя` о_у=се'рднw хр\стw'вы за'пwвjьди: сегw` ра'ди, jа='кw 
сотвори'вый и= научи'вый, ве'лiй наре'клся _е=си` во 
цр\ствiи нб\снjьмъ, ст~и'телю. jа='кw и=мjь'яй ве'лiе 
дерзнове'нiе, моли` хр\ста` бг~а w= чту'щихъ съ вjь'рою 
честну'ю па'мять твою`.

%<И= ны'нjь, бг~оро'диченъ дне`.%>

%<Тропа'рь, гла'съ и~:%>

%<W\т%> ю='ности возлюби'лъ _е=си` хр\ста`, бл~же'нне, 
w='бразъ всjь^мъ бы'лъ _е=си` сло'вомъ, житiе'мъ, любо'вiю, 
ду'хомъ, вjь'рою, чистото'ю и= смире'нiемъ: тjь'мже и= 
всели'лся _е=си` въ нб\сныя w=би'т_ели, и=дjь'же предстоя` 
пр\сто'лу прест~ы'я тр\оцы, моли`, ст~и'телю тv'хwне, 
сп~сти'ся душа'мъ на'шымъ.

%<И='нъ тропа'рь, гла'съ д~:%>

%<П%>равосла'вiя наста'вниче, бл~гоче'стiя о_у=чи'телю, 
покая'нiя проповjь'дниче, златоу'стагw ревни'телю, па'стырю 
предо'брый, но'вый рwссi'и свjьти'льниче и= чудотво'рче, 
па'ству твою` до'брjь о_у=па'слъ _е=си`, и= писа'ньми 
твои'ми вся^ ны` наста'вилъ _е=си`: тjь'мже вjьнце'мъ 
нетлjь'нiя о_у=кра'шенъ w\т пастыренача'льника, моли` _е=го` 
сп~сти'ся душа'мъ на'шымъ.



%<На вели'цjьй вече'рни,%>

%<Бл~же'нъ му'жъ: пе'рвый а=нтiфw'нъ.%>

%<На Г%>д\си воззва'хъ, %<стiхи^ры на и~, гла'съ и~:%>

%<П%>рiиди'те, вси` рwссi'йстiи лю'дiе, воспои'мъ 
пjь'сньми торже'ственными ст~и'теля и= чудотво'рца тv'хwна, 
бг~освjь'тлаго цр~кве хр\сто'вы свjьти'льника, во тьмjь` 
вjь'ка сегw` возсiя'вшаго, правосла'вныхъ догма'тwвъ 
наста'вника, суему'дрыхъ о_у=че'нiй w=бличи'теля, покая'нiя 
проповjь'дника бл~гоглаго'ливаго, за'повjьдей хр\сто'выхъ 
о_у=чи'теля и='стиннаго, сотвори'вшаго и= научи'вшаго, и= 
припа'дающе къ ра'цjь ст~ы'хъ и= многоцjьле'бныхъ моще'й 
_е=гw`, со о_у=миле'нiемъ возопiи'мъ къ нему`: просвjьти` 
на'съ, _о='тче на'шъ, свjь'томъ твоегw` бг~оразу'мiя, 
воздви'гни на'съ w\т сна` грjьхо'внагw стра'хомъ преще'нiя 
и= суда` бж~iя, о_у=тверди` стwпы` на'шя на пути` 
за'повjьдей хр\сто'выхъ, и= моли` сп~сти'ся душа'мъ на'шымъ.

%<Б%>г~ому'дре и= бг~оно'сне тv'хwне, бл~года'ти сосу'де 
и=збра'нный, тр\оцы чи'стое жили'ще, добродjь'телей честны'й 
до'ме, w\т ю='ности хр\сту` послjь'дуя, до'брjь тече'нiе 
сконча'лъ _е=си`, вjь'ру до конца` соблю'лъ _е=си`: тjь'мже 
и= прiя'лъ _е=си` вjьне'цъ пра'вды w\т хр\ста` бг~а, 
_е=го'же непреста'ннw моли` сп~сти'ся душа'мъ на'шымъ.

%<П%>а'стырю предо'брый, сто'лпе и= красото` цр~кве, 
свjь'тлая похвало` правосла'вiя, ты` хр\сто'во ста'до, 
_е='же пасти` поста'ви тя` дх~ъ ст~ы'й, до'брjь о_у=па'слъ 
_е=си`, сщ~е'нники соверша'я, лю'ди науча'я, заблу'ждшыя 
и=справля'я, w=би'димыхъ бы'лъ _е=си` защи'тникъ, си'рыхъ и= 
вдови'цъ прибjь'жище, ни'щыя пита'лъ _е=си`: и= ны'нjь 
предстоя` пастыренача'льнику, моли` сп~сти'ся душа'мъ 
на'шымъ.

%<О_у=%>чи'телю златослове'сный, дх~а ст~а'гw 
бж~е'ственный _о=рга'не, и='стины хр\сто'вы 
провозвjь'стниче, покая'нiя проповjь'дниче, и=зводя` 
честна^я w\т недосто'йнагw jа='кw о_у=ста` гд\сня бы'лъ 
_е=си`, и=сточа'я всjь^мъ словеса` жи'зни вjь'чныя: тjь'мже 
и= ны'нjь моли` сп~сти'ся душа'мъ на'шымъ.

%<Р%>а'дуйся, сщ~е'нная главо`, прп\дбныхъ подража'телю, 
по'стникwвъ сотру'дниче, люби'телю безмо'лвiя: ты' бо сше'дъ 
съ престо'ла ст~и'тельскагw, во смире'нную w=би'тель 
всели'лся _е=си`, и= зря`, jа='кw наслажде'нiе, скw'рби, 
ше'ствовалъ _е=си` тjь'снымъ путе'мъ, возлюби'лъ _е=си` 
смире'нiе нелицемjь'рное, ху'дость ри'зную, труды` и= мл~твы 
непреста^нныя, рыда^нiя неумw'лчная, па'мять сме'ртную, 
тv'хwне прп\дбне _о='тче на'шъ: моли` сп~сти'ся душа'мъ 
на'шымъ. %<Два'жды.%>

%<П%>ри'сный на'шъ засту'пниче, те'плый w= на'съ къ бг~у 
моли'твенниче, бл~госе'рде _о='тче на'шъ тv'хwне, помози` 
мл~твами твои'ми, w=гради` цр~ковь правосла'вную w\т 
навjь^тъ суевjь'рiя и= невjь'рiя, сохрани` _о=те'чество 
на'ше w\т вра^гъ ви'димыхъ и= неви'димыхъ, о_у=мири` мi'ръ 
ве'сь w\т мяте'жа страсте'й человjь'ческихъ, w\тими` w\т 
на'съ вся'кую sло'бу, вражду` и= sлосло'вiе, вкорени` въ 
сердца'хъ на'шихъ ми'ръ, любо'вь и= _е=диноду'шiе, во _е='же 
бл~гоугоди'ти на'мъ гд\су и= вл\дцjь живота` на'шегw, и= во 
вjь'ки сп~сти'ся душа'мъ на'шымъ. %<Два'жды.%>

%<Сла'ва:%>

%<П%>рiиди'те, вjь'рнiи, просла'вимъ ст~и'теля 
бл~же'ннаго тv'хwна, jа='кw на нб~си` водворя'яся съ ли^ки 
а='гг~льскими, съ пр\орw'ки и= а=п\слы ликовству'етъ, со 
ст~и'т_ели и= мч~нки, съ прп\дбными и= прв\дными весели'тся, 
хр\ста` бг~а созерца'я не въ зерца'лjь и= гада'нiи, но 
лице'мъ къ лицу`, на земли' же честно'е _е=гw` тjь'ло 
нетлjь'нiемъ о_у=краша'ется, и=сточа'я то'ки и=сцjьле'нiй съ 
вjь'рою и= любо'вiю притека'ющымъ: тjь'мже мо'лимъ тя`, 
ст~и'телю, бу'ди w= на'съ те'плый предста'тель о_у= 
пр\сто'ла бж~iя, jа='кw и=мjь'яй ве'лiе дерзнове'нiе.

%<И= ны'нjь, бг~оро'диченъ гла'са: и= а='ще же 
попра'зднство, пра'здника.%>

%<Прокi'менъ дне`.%>

%<Чт_е'нiя три`.%>

%<На лiтi'и стiхи^ры, гла'съ в~:%>

%<С%>т~и'телей о_у=добре'нiе и= _о=тц_е'въ сла'ву, 
вjь'рныхъ засту'пника вели'каго, но'ваго чудотво'рца 
восхва'лимъ пребл~же'ннаго тv'хwна, то'ки чуде'съ 
назави'стнw и=злива'юща, неду'ги врачу'юща, дарова^нiя 
бж~е'ств_енная неwску'днw подаю'ща, и= возопiи'мъ: _w 
пребл~же'нне тv'хwне, бл~года'ти сосу'де преиспо'лненный, и= 
ми'лостей и=сто'чниче, w= на'съ моли'ся ко гд\су, 
поми'ловатися душа'мъ на'шымъ.

%<_О='%>тче бг~ому'дре тv'хwне! ты` ра'бъ бл~гi'й и= 
вjь'рный о_у= гд\са бы'лъ _е=си`, не сокры'въ въ земли` 
да'нный тебjь` w\т негw` тала'нтъ, но о_у=чя` и= творя` 
о_у=мно'жилъ _е=си` _е=го`: тjь'мже въ ма'лjь вjь'ренъ 
бы'въ, над\ъ мно'гими поста'вленъ _е=си` w\т нб\снагw 
домовл\дки, _е=го'же моли` w= чту'щихъ съ вjь'рою па'мять 
твою`.

%<С%>лове'съ _е=v\гльскихъ, _е='же не стяжа'ти себjь` 
сокро'вища на земли`, вjь'рный храни'тель бы'лъ _е=си`, 
пребл~же'нне тv'хwне, и= во'льную нищету` jа='кw сокро'вище 
себjь` стяжа'лъ _е=си`, ни'щыя же и= о_у=бw'гiя неwску'днw 
о_у=довля'лъ _е=си`: тjь'мже и= ны'нjь и=спроси` на'мъ о_у= 
гд\са ве'лiю и= бога'тую мл\сть.

%<Сла'ва, гла'съ s~:%>

%<Д%>не'сь красу'ется задо'нская w=би'тель, ра'дуется 
воро'нежская па'ства, торжеству'етъ вся` правосла'вная 
цр~ковь, па'мять твою` соверша'ющи, ст~и'телю тv'хwне: въ 
нетлjь'нiи бо моще'й твои'хъ и= чудесjь'хъ и='мамы вси` 
ве'лiе зна'менiе бл~года'ти ст~а'гw дх~а въ цр~кви 
правосла'внjьй, и= _е=ресе'й и= раско'лwвъ w=бличе'нiе, и= 
невjь'рiя посрамле'нiе.

%<И= ны'нjь, бг~оро'диченъ:%>

%<Т%>воре'цъ и= и=зба'витель мо'й, преч\стая, хр\сто'съ 
гд\сь, и=з\ъ твои'хъ ложе'снъ проше'дъ, въ мя` w=болкi'йся, 
пе'рвыя кля'твы а=да'ма свободи`. Тjь'мже ти`, всеч\стая, 
jа='кw бж~iи мт~ри же и= дв~jь, вои'стинну вопiе'мъ 
немо'лчнw: ра'дуйся, а='гг~льски, ра'дуйся, вл\дчце, 
предста'тельство и= покро'ве, и= сп~се'нiе ду'шъ на'шихъ.

%<На стiхо'внjь стiхи^ры, гла'съ г~:%>

%<Н%>апита'лъ _е=си` бога'тнw ду'шы а='лчущихъ пи'щею 
нб\сною, хлjь'бъ бо а='гг~льскiй _е='сть сло'во твое`, 
бг~ому'дре тv'хwне: и=спо'лнилъ _е=си` бж~е'ственнагw 
весе'лiя сердца` жа'ждущихъ, о_у=че'нiе бо твое` _е='сть 
вiно` бж~е'ственное и= и=сто'чникъ бл~года'ти ст~а'гw дх~а, 
и=сточа'яй жи'знь вjь'чную.

%<Стi'хъ: О_у=%>ста` моя^ возглаго'лютъ прему'дрость, и= 
поуче'нiе се'рдца моегw` ра'зумъ.

%<Т%>я` а=рхiере'а и= па'стыря неsло'бива и= прп\дбна, 
о_у=чи'теля вjь'рна восхваля'юще любо'вiю, о_у=се'рднw 
мо'лимъ: принеси` гд\су мол_е'нiя w= сп~се'нiи ду'шъ 
на'шихъ.

%<Стi'хъ: О_у=%>слы'шите сiя^ вси` jа=зы'цы, внуши'те 
вси` живу'щiи по вселе'ннjьй.

%<П%>ле'велы, jа=`же всjь'я въ па'ствjь твое'й лука'вый 
вра'гъ, му'жественнw и=сто'рглъ _е=си`: душевр_е'дныя бо 
w=бы^чаи, w=бличи'въ безсту'дное jа=зы'ческое и='грище, 
потреби'лъ _е=си`, вся^ науча'я бл~гоче'стнw храни'ти 
за'пwвjьди хр\стw'вы.

%<Сла'ва, гла'съ и~:%>

%<Ч%>то' тя нарече'мъ, ст~и'телю тv'хwне; па'стыря 
до'браго; jа='кw ду'шу твою` за па'ству свою` положи'ти 
гото'въ бы'лъ _е=си`. а=п\слwвъ сопресто'льника; jа='кw 
писа'ньми твои'ми вся^ ны` наставля'еши. по'стникwвъ 
похвалу` и= мона'хwвъ о_у=краше'нiе; jа='кw труды`, бдjь^нiя 
и= пощ_е'нiя и='ноч_ескiя под\ъя'лъ _е=си`. земна'го 
а='гг~ла и= нб\снаго человjь'ка; jа='кw въ мi'рjь премi'рнw 
пожи'лъ _е=си`. сы'на бж~iя; jа='кw миротвори'ти па'че 
всегw` возлюби'лъ _е=си`. и= ны'нjь моли'ся хр\сту` бг~у, 
о_у=мири'ти мi'ръ и= о_у=тверди'ти ст~у'ю цр~ковь.

%<И= ны'нjь, бг~оро'диченъ:%>

%<Б%>езневjь'стная дв~о, jа='же бг~а неизрече'ннw 
заче'нши пло'тiю, мт~и бг~а вы'шнягw, всjь^мъ подаю'щи 
w=чище'нiе прегрjьше'нiй, ны'нjь на^ша мол_е'нiя прiе'млющи, 
моли` сп~сти'ся всjь^мъ на'мъ.



%<На о_у='трени,%>

%<По а~-мъ стiхосло'вiи сjьда'ленъ, гла'съ и~:%>

%<В%>торы'й мwv"се'й jа=ви'лся _е=си`: возше'дъ бо на 
го'ру добродjь'телей, а='ки скрижа^ли руко'ю бж~iею 
пи^санныя, догма'ты чи'стагw бг~осло'вiя прiя'лъ _е=си`, не 
зна'м_енiи стра'шными о_у=дивля'я, но бж~е'ственныхъ 
слове'съ о_у=ч_е'нiи наставля'я къ ти'хому приста'нищу 
но'ваго i=и~ля.

%<Сла'ва, и= ны'нjь, бг~оро'диченъ:%>

%<Д%>а ни^жнiя съ вы'шними совокупи'тъ, _е=ди'ный 
всjь'хъ бг~ъ во чре'во неискусобра'чныя вни'де, и= въ 
подо'бiи пло'тстjьмъ jа=ви'вся, вражды` средостjь'нiе 
разори`, и= жи'знь подаде` и= бж~е'ственное и=збавле'нiе.

%<По в~-мъ стiхосло'вiи сjьда'ленъ, гла'съ и~:%>

%<Н%>епостижи'мый свjь'тъ w\т свjь'та хр\сто'съ гд\сь, 
почи'въ въ тебjь`, ст~и'телю, пресвjь'тлу свjьщу` показа' тя 
мi'ру, jа='кw блиста'еши свjь'тлымъ житiе'мъ, w=заря'еши 
луча'ми о_у=че'нiй, сiя'еши чудесы`: тjь'мже свjь'тлw 
пра'зднуемъ па'мять твою`, пребл~же'нне тv'хwне.

%<Сла'ва, и= ны'нjь, бг~оро'диченъ:%>

%<Б%>г~ора'дованная вл\дчце, ст~и'тел_емъ о_у=добре'нiе, 
прв\днымъ о_у=твержде'нiе и= прп\дбнымъ всjь^мъ похвало`, 
сп~си' ны w\т бjь'дъ и= скорбе'й и= лю'тыхъ прегрjьше'нiй, 
вjь'рою воспjьва'ющыя тя`.

%<По полv"еле'и сjьда'ленъ, гла'съ и~:%>

%<В%>оздержа'нiемъ тjь'ло ду'ху порабо'тилъ _е=си`, 
о_у='мъ влады'ку над\ъ страстьми` поста'вивъ, болjь'зньми же 
по'стническими ду'шу просвjьти'въ, ст~и'телю, jа='кw же'ртву 
чи'сту предста'вилъ _е=си` хр\сту`, и='мже возлю'бленъ 
бы'въ, jа='кw того` возлюби'лъ _е=си`, бж~е'ственныя бы'лъ 
_е=си` вои'стинну тр\оцы жили'ще.

%<Сла'ва, и= ны'нjь, бг~оро'диченъ:%>

%<W\т%> любве` душе'вныя вопiю' ти, вл\дчце, 
пресвjь'тлагw сл~нца заре`, сп~се'нiя две'рь, нб\сная 
врата`, мы'сленная лjь'ствице всjь'хъ хр\стiа'нъ: мольбу` 
прiими` тя` бл~жа'щихъ, наде'жду ду'шъ на'шихъ, и= сп~се'нiе 
на'мъ да'руй.

%<Та'же степ_е'нна, а~ а=нтiфw'нъ д~-гw гла'са. W\т%> 
ю='ности моея`:

%<Прокi'менъ, гла'съ д~: Ч%>естна` пред\ъ гд\семъ 
сме'рть прп\дбныхъ _е=гw`.

%<Стi'хъ: Ч%>то` возда'мъ гд\севи w= всjь'хъ, jа=`же 
воздаде' ми;

%<В%>ся'кое дыха'нiе да хва'литъ гд\са.

%<_Е=v\глiе w\т i=wа'нна, зача'ло л~s.%>

%<По н~-мъ _псалмjь`, стiхи'ра, гла'съ в~:%>

%<В%>зя'лъ _е=си` на ра'мена кр\стъ, сраспя'лся _е=си` 
мi'ру, и= послjь'довалъ _е=си` стопа'мъ сп~са хр\ста`: 
любо'вь же жите'йскую и= вся'кw пристра'стiе w\ттря'съ и= 
бл~ги'мъ житiе'мъ просiя'въ, воспрiя'лъ _е=си` вjь'чное 
наслjь'дiе. и= ны'нjь вл\дцjь твоему` предстоя`, помяни` 
ста'до твое`, при'снw чту'щее тя`, ст~и'телю _о='тче 
тv'хwне.

%<Канw'нъ на и~, _е=гw'же краегла'сiе сiе`: Сла'влю 
ст~и'теля и= чудотво'рца тv'хwна. Гла'съ и~.%>

%<Пjь'снь а~.%>

%<I=рмо'съ: В%>о'ду проше'дъ jа='кw су'шу, и= 
_е=гv'петскагw sла` и=збjьжа'въ, i=и~льтянинъ вопiя'ше: 
и=зба'вителю и= бг~у на'шему пои'мъ.

%<С%>т~и'телю хр\сто'въ тv'хwне! са'мъ да'руй ми` 
о_у='мъ и= я=зы'къ, да воспою` по достоя'нiю сла'ву, _е='юже 
сла'внw просла'ви тя` хр\сто'съ гд\сь.

%<Л%>уча` бж~е'ственнагw свjь'та возсiя` на'мъ: 
прiиди'те, ча^да свjь'та, да w=зари'мся _е='ю, да 
возгори'мся ду'хомъ, пjь'сньми ст~и'теля велича'юще.

%<А=%>п\слwвъ прее'мника, ст~и'телей сопресто'льника, 
прп\дбныхъ сожи'теля, просла'вимъ бл~же'ннаго тv'хwна, 
_е=гw'же предста'тельствомъ сп~се'нiе о_у=луча'емъ.

%<Бг~оро'диченъ:%>

%<В%>оплоти'вся неизрече'ннw вл\дка всjь'хъ и=з\ъ 
теб_е`, бг~ороди'тельнице мр~i'е, соверше'нъ бы'сть 
чл~вjь'къ, и= роди'вся, jа='коже пре'жде рж\ства`, сохрани' 
тя чи'сту: _е=го'же моли` сп~сти` w\т бjь'дъ ду'шы на'шя.

%<Катава'сiя по о_у=ста'ву.%>

%<Пjь'снь г~.%>

%<I=рмо'съ: Н%>б\снагw кру'га верхотво'рче, гд\си, и= 
цр~кве зижди'телю, ты` мене` о_у=тверди` въ любви` твое'й, 
жела'нiй кра'ю, вjь'рныхъ о_у=твержде'нiе, _е=ди'не 
чл~вjьколю'бче.

%<Л%>юбо'вiю хр\сто'вою о_у=язви'вся, бл~же'нне, тому` 
w\т ю='ности невозвра'тнымъ жела'нiемъ послjь'довалъ _е=си`, 
вся'кое плотско'е наслажде'нiе возненави'дjьвъ.

%<Ю='%>нош_ескiя стра^сти, пло'ть томя'щыя, любому'дрiя 
мече'мъ посjь'клъ _е=си`, же'ртву себе` вл\дцjь хр\сту` 
принося`.

%<С%>тра'хомъ гд\снимъ о_у=твержда'емь, нача'ло бо 
прему'дрости се'й _е='сть, любо'вiю лу'чшею прилjьпи'лся 
_е=си` прему'дрости, _w тv'хwне.

%<Бг~оро'диченъ:%>

%<В%>оспои'мъ бж~е'ственный хра'мъ бж~iй: о_у=бл~жи'мъ 
ст~у'ю дв~у, w=боже'ни бы'вше _е='ю и= w\т бjь'дъ 
и=збавля'еми.

%<Сjьда'ленъ, гла'съ и~:%>

%<Х%>ра'мъ ст~а'гw дх~а w\т ю='ности бы'лъ _е=си`: 
о_у=тjь'шителева бо бл~года'ть, по вjь'рjь твое'й 
w=чи'стивши ду'шу твою` w\т страсте'й, jа='вjь въ не'й 
вселя'ется: сегw` ра'ди и= по преставле'нiи соблюде'ся 
тjь'ло твое` нетлjь'нно. моли` хр\ста` бг~а, w\т 
тлетво'рныхъ страсте'й и=зба'витися чту'щымъ любо'вiю 
па'мять твою`.

%<Сла'ва, и= ны'нjь:%>

%<М%>т~и сла'дкагw ми` i=и~са, ч\стая бг~о_отрокови'це, 
прiя'телище дх~а ст~а'гw, w=чи'сти мою` ду'шу беззакw'нiи 
w=скверне'нную, и= свjь'тлое жили'ще добродjь'телей 
содjь'лай, свjьтоно'сная, нетлjь'нная, w\тжени` w='блакъ 
страсте'й, да и= мене` твои'ми мл~твами w=сjьни'тъ 
о_у=тjь'шителева бл~года'ть.

%<Пjь'снь д~.%>

%<I=рмо'съ: Т%>ы` моя` крjь'пость, гд\си, ты` моя` и= 
си'ла, ты` мо'й бг~ъ, ты` мое` ра'дованiе, не w=ста'вль 
нjь'дра _о='ч~а и= на'шу нищету` посjьти'въ. Тjь'мъ съ 
пр\оро'комъ а=вваку'момъ зову' ти: си'лjь твое'й сла'ва, 
чл~вjьколю'бче.

%<Jа='%>кw _о=вча` w\т хр\ста` о_у=па'слся _е=си`, 
jа='коже па'стырь о_у=па'слъ _е=си` ста'до, и=зводя` на 
па^жити живоно'сныхъ твои'хъ о_у=че'нiй.

%<Т%>аи'нникъ бы'въ хр\сто'ва о_у=че'нiя, сегw` 
вjь'дjьнiемъ просвjьти'лъ _е=си` лю'ди, дjь'лы и= словесы` 
jа=вля'я и='стину _е=гw`.

%<И='%>стиненъ и= вjь'ренъ стра'жъ до'му бж~iя бы'лъ 
_е=си`, стрегi'й _е=го` дjь'ломъ, jа='кw w='бразъ jа=вля'я 
житiе'мъ, сло'вомъ, jа='кw о_у=чя` о_у=се'рднw, 
помышле'нiемъ, jа='кw пекi'йся w= бл~зjь _е=гw`.

%<Бг~оро'диченъ:%>

%<Т%>я` приста'нище и= стjь'ну и= прибjь'жище и= 
наде'жду и= покро'въ и= предста'тельницу те'плую w=брjь'тше 
вjь'рнiи, къ тебjь` прибjьга'емъ и= вопiе'мъ прилjь'жнw, 
jа='коже научи` на'съ взыва'ти къ тебjь` бл~же'нный тv'хwнъ: 
прест~а'я бц\де, сп~си` на'съ.

%<Пjь'снь _е~.%>

%<I=рмо'съ: В%>ску'ю мя` w\три'нулъ _е=си` w\т лица` 
твоегw`, свjь'те незаходи'мый, и= покры'ла мя` _е='сть 
чужда'я тьма` w=кая'ннаго; но w=брати' мя, и= къ свjь'ту 
за'повjьдей твои'хъ пути^ моя^ напра'ви, молю'ся.

%<_Е=%>го'же возлюби'лъ _е=си`, _е=го'же возжелjь'лъ 
_е=си`, _е=гw'же ра'ди подвиза'лся _е=си`, ст~и'телю, моли` 
ны'нjь хр\ста` w= рабjь'хъ, да мл\стивъ бы'въ, всjь^мъ на'мъ 
ми'рное состоя'нiе да'руетъ, почита'ющымъ па'мять твою`.

%<Л%>юбо'вiю и= вjь'рою хр\сто'вою и=спо'лненъ сы'й, 
jа=ви'лся _е=си`, jа='кw рjька` _о=би'льнw всю` зе'млю 
рwссi'йскую напоя'я сло'вомъ о_у=че'нiя, бл~же'нне тv'хwне.

%<Jа='%>кw пчела` сла'дкiй ме'дъ w\т цвjьтw'въ ско'рw 
о_у=вяда'ющихъ, собра'лъ _е=си`, _о='тче, w\т тлjь'ннагw 
мi'ра дх~о'вное сокро'вище, и='мже всjь'хъ на'съ 
о_у=слажда'еши.

%<Бг~оро'диченъ:%>

%<И=%>спо'лни весе'лiя се'рдце на'ше, преч\стая 
бг~о_отрокови'це, весе'лiя ро'ждшая вино'внаго, грjьхо'вную 
печа'ль вся'кую потребля'ющи.

%<Пjь'снь s~.%>

%<I=рмо'съ: W=%>чи'сти мя`, сп~се, мнw'га бо беззакw'нiя 
моя^, и= и=з\ъ глубины` sw'лъ возведи`, молю'ся: къ тебjь' 
бо возопи'хъ, и= о_у=слы'ши мя`, бж~е сп~се'нiя моегw`.

%<Ч%>и'стъ бы'въ се'рдцемъ, чи'стому хр\сту` 
прилjьпи'лся _е=си`, ст~ы'й ст~о'му, люби'тель 
люби'тельному, кро'ткiй кро'ткому, взыва'я непреста'ннw: 
мнjь` прилjьпля'тися бг~ови бл~го _е='сть.

%<О_у=%>тjь'ху, ро'скошь, че'сть, бога'тство, сла'ву и= 
все` сокро'вище мi'ра презрjь'лъ _е=си`, воспаря'я къ 
го'рнему i=ер\сли'му, къ до'му _о=ц~а` нб\снагw, и=дjь'же 
w=би'т_ели мнw'ги су'ть.

%<Д%>оса^ды, скw'рби, w=би^ды ра'достнw терпjь'лъ 
_е=си`, помышля'я, jа='кw вjьне'цъ без\ъ побjь'ды, побjь'да 
без\ъ по'двига, по'двигъ без\ъ бра'ни, бра'нь без\ъ врагw'въ 
не быва'етъ.

%<Бг~оро'диченъ:%>

%<_W%> дв~о гп\сже`, мт~и зижди'телева! нб\сныхъ _е=си` 
чинw'въ ра'дованiе, и= человjь'ческому ро'ду бл~гослове'нная 
помо'щница, моли` сп~сти'ся душа'мъ на'шымъ.

%<Конда'къ, гла'съ и~:%>

%<А=%>п\слwвъ прее'мниче, ст~и'телей о_у=краше'нiе, 
правосла'вныя цр~кве о_у=чи'телю, вл\дцjь всjь'хъ моли'ся, 
ми'ръ вселе'ннjьй дарова'ти и= душа'мъ на'шымъ ве'лiю 
мл\сть.

%<I='косъ, гла'съ то'йже:%>

%<Д%>у'шу твою` о_у=краси'въ добродjь'телiю, о_у='мъ 
просвjьти'въ любому'дрiемъ, па'стырь до'брый jа=ви'лся 
_е=си` ста'ду хр\сто'ву, сло'вомъ и= писа'нiемъ о_у=чя`, 
наказу'я и= вразумля'я, житiе'мъ свои'мъ _о='бразъ слове'съ 
jа=вля'я: тjь'мже на нб~си` вjьнце'мъ сла'вы о_у=краси'лся 
_е=си` w\т пастыренача'льника хр\ста`, на земли` сiя'я 
нетлjь'нiемъ моще'й и= и=сточа'я _о=би^льныя то'ки чуде'съ 
вjь'рою призыва'ющымъ тя`, досточу'дне и= бг~ому'дре 
тv'хwне. моли'ся ко гд\су дарова'ти душа'мъ на'шымъ ве'лiю 
мл\сть.

%<Пjь'снь з~.%>

%<I=рмо'съ: Б%>ж~iя снизхожде'нiя _о='гнь о_у=стыдjь'ся 
въ вавv"лw'нjь и=ногда`: сегw` ра'ди _о='троцы въ пещи`, 
ра'дованною ного'ю jа='кw во цвjь'тницjь лику'юще, поя'ху: 
бл~гослове'нъ _е=си`, бж~е _о=т_е'цъ на'шихъ.

%<Т%>ерпjь'нiемъ стяжа'лъ _е=си` ду'шу твою`, бл~же'нне, 
путе'мъ тjь'снымъ, _е=ди'нымъ веду'щимъ въ жи'знь вjь'чную, 
ше'лъ _е=си`, вы'ну взира'я на кр\стный пу'ть 
подвигополо'жника хр\ста`, и= сего` _о='бразъ житiю` твоему` 
полага'я.

%<В%>сего` себе` любви` бж~iей пре'далъ _е=си`, ду'шу и= 
тjь'ло, се'рдце и= ра'зумъ, па'мять и= во'лю, намjь'ренiе, 
начина'нiе, сло'во, дjь'ло и= помышле'нiе бг~у въ любо'вь 
посвяти'лъ _е=си`.

%<_О=%>те'цъ сиро'тъ, и= вдw'въ защи'тникъ, и= 
бога'тство ни'щихъ, боля'щихъ о_у=тjьше'нiе и= су'щихъ въ 
бога'тствjь наста'вникъ, ста'рости же'злъ, и= наказа'нiе 
ю='ности, и= мона'шествующымъ добродjь'телей пра'вило 
jа=ви'лся _е=си`, бл~же'нне тv'хwне.

%<Бг~оро'диченъ:%>

%<Р%>а'дуйся, мр~i'е, ра'дуйся, сп~си'теля мi'ру 
ро'ждшая: приста'нище бу'ди на'мъ, жите'йскою бу'рею 
волну'_емымъ, и= w=ти'шiе въ пучи'нjь скорбе'й, и= 
води'тельство къ нб\снымъ селе'нi_емъ.

%<Пjь'снь и~.%>

%<I=рмо'съ: С%>едмери'цею пе'щь халде'йскiй мучи'тель 
бг~очести^вымъ неи'стовнw разжже`, си'лою же лу'чшею 
сп~с_е'ны сiя^ ви'дjьвъ, творцу` и= и=зба'вителю вопiя'ше: 
_о='троцы бл~гослови'те, сщ~е'нницы воспо'йте, лю'дiе 
превозноси'те во вся^ вjь'ки.

%<Ц%>р\ствiя нб\снагw _е=ще` на земли` сы'нъ бы'въ, 
вы'ну воздыха'лъ _е=си` къ сн~у бж~iю, вопiя` _е=му`: бу'ди 
ми` пи'ща и= питiе`, бу'ди свjь'тъ души` моея`, бу'ди 
w\тра'да въ ско'рби, бу'ди жи'знь вjь'чная по воскр\снiи, да 
превозношу' тя во вjь'ки.

%<А=%>да'ма паде'нiе, хр\сто'выми стр\стьми` 
и=скупле'нiе, ча'съ сме'ртный, стра'шный су'дъ, муч_е'нiя 
грjь'шныхъ, бл~же'нство прв\дныхъ всегда` помышля'я, рыда'лъ 
_е=си`, на'мъ о_у=миле'нiя _о='бразъ показу'я, себе' же 
пред\ъwчища'я къ бу'дущей сла'вjь.

%<Т%>руды` по вjь'рjь и= бл~гоче'стiю под\ъе'мъ въ 
жи'зни се'й, сла'дцjь по трудjь'хъ почи'лъ и= о_у=поко'ился 
_е=си`: соше'лъ бо _е=си` во гро'бъ, jа='кw пшени'ца для 
жи'тницы бж~iей созрjь'лая, во вре'мя пожа'тая.

%<Бг~оро'диченъ:%>

%<V=%>ссw'помъ животворя'щiя кро'ве за сп~се'нiе мi'ра 
закла'ннагw а='гнца, и=з\ъ твои'хъ пречи'стыхъ крове'й 
пло'ть прiе'мшагw, w=кропи' мя w=скверне'ннаго, вл\дчце, и= 
w=чи'сти мя`, да твои'мъ мт~рнимъ заступле'нiемъ па'че 
снjь'га о_у=бjьлю'ся.

%<Пjь'снь f~.%>

%<I=рмо'съ: О_у=%>жасе'ся w= се'мъ нб~о, и= земли` 
о_у=диви'шася концы`, jа='кw бг~ъ jа=ви'ся человjь'кwмъ 
пло'тски, и= чре'во твое` бы'сть простра'ннjьйшее нб~съ. 
тjь'мъ тя` бц\ду а='гг~лwвъ и= человjь^къ чинонача^лiя 
велича'ютъ.

%<Х%>ода'тай jа=ви'лся _е=си` и= моли'твенникъ те'плый 
w= на'съ къ бг~у, ст~и'телю. мл\стива о_у=`бо мл~твами 
твои'ми содjь'лай вл\дку: и=спроси`, _о='тче, прегрjьше'нiй 
w=ставле'нiе, вjь'рою сщ~е'нную па'мять твою` пра'зднующымъ, 
и= серде'чною любо'вiю тя` велича'ющымъ.

%<W\т%> бг~а свjь'та нб\снымъ свjь'томъ w=сiя'нный, 
просвjьти` на'съ помраче'нныхъ страстьми` жите'йскими, 
рjьши'ти же и= вяза'ти вла'сть w\т негw` прiе'мый, разрjьши` 
прегрjьш_е'нiя на^ша, и= цр\ствiя нб\снагw сподо'би па'мять 
твою` пра'зднующихъ, и= досто'йнw тя` велича'ющихъ.

%<Н%>а'ше хвале'нiе сiе` w\т недосто'йныя и= w=кая'нныя 
души`, w\т о_у=се'рдiя же бога'тагw приноси'мое тебjь`, 
прiими` ми'лостивнw, ст~и'телю, бл~года'ть проти'ву воздая` 
на'мъ щедро_оби'льную.

%<Бг~оро'диченъ:%>

%<А=%>да'ма па'дшаго возста'вила _е=си`, бг~ома'ти, 
ро'ждши но'ваго а=да'ма: возста'ви и= на'съ па'дшихъ по 
подо'бiю дре'внягw, но бл~года'ти но'вагw те'плjь 
вjь'рующихъ.

%<Свjьти'ленъ. Подо'бенъ:%> Пло'тiю о_у=сну'въ:

%<П%>ло'тiю а='ще и= почи'лъ _е=си`, ст~и'телю тv'хwне, 
но ду'хомъ жи'въ сы'й, въ цр\ствiи невече'рнемъ со хр\сто'мъ 
ца'рствуеши, и= мо'лишися _е=му` w= призыва'ющихъ тя` 
вjь'рою и= любо'вiю.

%<И='нъ свjьти'ленъ. Подо'бенъ: Ч%>ерто'гъ тво'й ви'жду, 
сп~се:

%<В%>ъ черто'зjь жениха` хр\ста` помышля'я тя`, 
ст~и'телю, неизрече'ннымъ свjь'томъ сiя'юща, цр\ствiя 
нб\снагw прi_общи'тися жела'ю: но w\т сна` грjьхо'внагw 
w=б\ъюродjь` мо'й о_у='мъ, о_у=гасе` свjьти'льникъ jа='кw 
без\ъ_еле'енъ, и= души` моея` w=скверне'на _е='сть w=де'жда, 
и= ви'жду дв_е'ри цр\ствiя мнjь` заключ_е'нныя: но твои'ми 
мл~твами возбуди'въ мя` w\т сна` грjьхо'внагw, _е=ле'й 
покая'нiя ми` да'руй, и= ри'зою заслу'гъ хр\сто'выхъ 
прикры'въ мою` наготу`, досто'йна мя` сотвори` невече'рнягw 
цр\ствiя.

%<На хвали'техъ стiхи^ры, гла'съ г~:%>

%<С%>ко'рбныхъ о_у=тjь'шителю, w=дjь'янныхъ въ ру'бище 
любе'знw прiима'лъ _е=си`, су'щихъ въ темни'цjь посjьща'лъ 
_е=си`, ни'щихъ ра'нами смердя'щихъ о_у=покоева'лъ _е=си`, 
печа'льныхъ о_у=бо'гагw ро'да о_у=тjьша'лъ _е=си`, дру'гъ 
бы'въ ме'ньшей бра'тiи хр\сто'вjь: сегw` ра'ди и= хр\сто'съ 
въ ли'цjь друзе'й вчини' тя: _е=го'же моли` и= на'ше 
жестосе'рдiе о_у=мягчи'ти, и= скw'ры ны` сотвори'ти на 
бл~готворе'нiе по'мощи и= о_у=тjьше'нiя тре'бующымъ.

%<М%>и'ра люби'телю, вся^ w=би^ды, jа='кw нjь'мъ и= не 
w\тверза'яй о_у='стъ, терпjь'лъ _е=си` ра'достнw, вся^ 
w=ставля'я, да то'чiю ми'ренъ бу'детъ w=би'дяй, и= 
вражду'ющихъ миротво'рецъ jа=ви'лся _е=си`: о_у=мири` 
о_у=`бо многомят_е'жныя на'шя стра^сти, гнjь'въ и= за'висть 
и= рве'нiе потребля'я, братолю'бiю же и= терпjь'нiю науча'я.

%<Б%>езмо'лвiя рачи'телю, хране'нiе о_у=стw'мъ твои^мъ 
полага'вый и= две'рь w=гражде'нiя w= о_у=стнjь'хъ твои'хъ, 
да _е=ди'нъ _е=ди'ному бг~у бесjь'дуеши, о_у=держи` 
неудержи'мое sло` я=зы'ка на'шегw, и= и=сцjьли` на'съ w\т 
праздносло'вiя, суесло'вiя и= w=сужде'нiя, принося` вы'ну за 
ны` т_е'плыя твоя^ мл~твы гд\су бг~у.

%<Сла'ва:%>

%<П%>одража'телю любве` _о=ц~а` нб\снагw, jа='кw сы'нъ 
любве`, въ любви` при'снw пребыва'яй, любо'вь вы'ше поста` 
поста'вилъ _е=си`: мо'лимъ тя`, о_у=йми` и= на'мъ w\т дх~а 
любве` твоея`, и= научи` на'съ зрjь'ти на^ша прегрjьш_е'нiя 
и= не w=сужда'ти бра'та: мо'жеши бо, jа='кw въ бз~jь 
пребыва'еши, и= бг~ъ въ тебjь` пребыва'етъ.

%<И= ны'нjь, бг~оро'диченъ, гла'съ в~:%>

%<И=%>но'гw держа'внагw прибjь'жища, и= крjь'пости 
столпа`, и= стjьны` неwбори'мыя, вои'стинну не стяжа'хомъ, 
ра'звjь теб_е`, преч\стая. къ тебjь` прибjьга'емъ и= тебjь` 
вопiе'мъ: вл\дчце, помози`, да не поги'бнемъ: покажи` твою` 
бл~года'ть на ны` и= крjь'пости сла'ву, и= милосе'рдiя 
твоегw` вели'чество.

%<А='ще же _е='сть попра'зднство, бг~оро'диченъ 
пра'здника.%>

%<Славосло'вiе вели'кое: и= w\тпу'стъ.%>

%<На лiтургi'и%>

%<Бл~ж_е'нна w\т канw'на, пjь'снь г~-я и= s~-я.%>

%<Прокi'менъ гла'съ а~: О_у=%>ста` моя^ возглаго'лютъ 
прему'дрость, и= поуче'нiе се'рдца моегw` ра'зумъ.

%<Стi'хъ: О_у=%>слы'шите сiя^ вси` jа=зы'цы, внуши'те 
вси` живу'щiи по вселе'ннjьй.

%<А=п\слъ ко _е=вре'_емъ, зача'ло ти~_i.%>

%<А=ллилу'iа, гла'съ в~: О_у=%>ста` прв\днагw поуча'тся 
прему'дрости.

%<Стi'хъ: З%>ако'нъ бг~а _е=гw` въ се'рдцjь _е=гw`.

%<_Е=v\глiе w\т матfе'а, зача'ло а~_i.%>

%<Прича'стенъ: В%>ъ па'мять вjь'чную бу'детъ 
прв\дникъ: