Богослужебные тексты

<::лат>        OCR:

<::рус>        Библиотека святоотеческой литературы

<::лат>        http://orthlib.ru

<::слав>

(с. 283)

%<Мjь'сяца тогw'же въ _е~_i-й де'нь.%>

%<О_у=спе'нiе прест~ы'я сла'вныя вл\дчцы на'шея бц\ды и= 
приснодв~ы марi'и.%>

[Зри`] %<Чи'нъ погребе'нiя бж~iя мт~ре пи'санъ въ 
приложе'нiи.%>

%<На ма'лjьй вече'рни, на Г%>д\си, воззва'хъ, %<стiхи^ры 
на д~, гла'съ а~. Подо'бенъ: Н%>б\сныхъ чинw'въ:

%<Б%>езсме'ртнымъ о_у=спе'нiемъ бж~iя мт~ре, * 
а='гг~льскiй собо'ръ ра'дуется: * и= сiя` w\тходя'щи, * во 
_о=би'т_ели вjь^чныя вселя'ется, * и= къ весе'лiю нб\сному 
преходя'щи, * въ бж~е'ственную ра'дость * и= вjь'чное 
наслажде'нiе.

%<Ж%>и'зни вы'шнiя жела'ющи, * сiю` w=ста'вила _е=си`, 
бг~ороди'тельнице * _о=трокови'це, дjь'вства цвjь'те, * 
хр\ста` ро'ждшая всjь'хъ живота`: * благоговjь'йнw 
предстоя'ше а=п\сльскiй собо'ръ * честно'му твоему` 
погребе'нiю, бг~оневjь'стная.

%<Т%>вои'мъ и=схо'днымъ пjь'нiемъ и= надгро'бнымъ, * 
возду'хъ о_у='бw w=святи'ся, * восхожде'нiемъ твои'мъ, мт~и 
бг~а (с. 284) чл~вjьколю'бца, * чу'до стра'шное, бц\де 
неискусому'жная. * тjь'мже вjь'рнw покланя'емтися вjь'рнiи, 
* бц\де неискусобра'чная.

%<Сла'ва, и= ны'нjь, гла'съ s~:%>

%<П%>рiиди'те, всемi'рное о_у=спе'нiе всенепоро'чныя 
бц\ды пра'зднуемъ: дне'сь бо а='гг~ли торжеству'ютъ честно'е 
преставле'нiе бж~iя мт~ре и= къ весе'лiю на'съ земны'хъ 
призыва'ютъ, вопи'ти немо'лчнымъ гла'сомъ: ра'дуйся, 
преста'вльшаяся w\т земли` и= къ нб\снымъ _о=би'телемъ 
пресе'льшаяся: ра'дуйся, jа='же о_у=чени'ческiй ли'къ 
_о='блакомъ ле'гкимъ во _е=ди'но собра'вшая: ра'дуйся, 
о_у=пова'нiе и= спасе'нiе на'ше: тя' бо хр\стiа'нскiй ро'дъ 
непреста'ннw о_у=блажа'етъ.

%<Прокi'менъ дне`.%>

%<На стiхо'внjь стiхи^ры, гла'съ в~. Подо'бенъ: Д%>о'ме 
_е=vфра'fовъ:

%<С%>обо'ръ о_у=ч~ни^къ, * и= бж\ственныхъ а=п\слъ, * 
собра'ся погребсти` * бг~опрiя'тное тjь'ло _е=ди'ныя 
бг~ома'тере.

%<Стi'хъ: В%>оскр\сни`, гд\си, въ поко'й тво'й, ты`, и= 
кiвw'тъ святы'ни твоея`.

%<Т%>ы`, и='же и=зъ нея` * возсiя'вый неизрече'ннw, * 
сн~олjь'пнw ду'хъ всечи'стый, * рука'ми твои'ми прiими`, * 
бц\ды, вл\дко.

%<Стi'хъ: К%>ля'тся гд\сь дв~ду и='стиною, и= не 
w\тве'ржется _е=я`.

%<_Е=%>гда` ко и=зъ теб_е` * ро'ждшемуся преста'вилася 
_е=си`, * снидо'шася на _о='блацjьхъ, * тjь'ло твое` 
погребсти`, * дв~о, а=п\сли.

%<Сла'ва, и= ны'нjь:%>

%<Д%>в_е'ри нб\сныя возми'теся, * зря'ще две'рь 
вы'шнягw, * и=ду'щу со сла'вою * къ сн~у и= бг~у. (с. 285)

%<В%>ъ рж\ствjь` дjь'вство сохрани'ла _е=си`, во 
о_у=спе'нiи мi'ра не w=ста'вила _е=си`, бц\де, преста'вилася 
_е=си` къ животу`, мт~и су'щи живота`: и= моли'твами твои'ми 
и=збавля'еши w\т сме'рти ду'шы на'шя.

%<_Е=ктенiа` ма'лая. И= w\тпу'стъ.%>

%<На вели'цjьй вече'рни, пое'мъ: Б%>лаже'нъ му'жъ, %<а~ 
а=нтiфw'нъ.%>

%<На Г%>д\си, воззва'хъ, %<ста'вимъ стiхw'въ и~, и= 
пое'мъ стiхи^ры, гла'съ а~:%>

%<_W%> ди'вное чу'до! и=сто'чникъ жи'зни во гро'бjь 
полага'ется, и= лjь'ствица къ нб~си` гро'бъ быва'етъ: 
весели'ся, геfсiма'нiе, бг~оро'диченъ ст~ы'й до'ме. 
возопiе'мъ вjь'рнiи, гаврiи'ла и=му'ще чинонача'льника: 
бл~года'тная, ра'дуйся, съ тобо'ю гд\сь, подая'й мi'рови 
тобо'ю ве'лiю ми'лость.

%<Три'жды.%>

%<Д%>и^вны твоя^ та^йны, бц\де, вы'шнягw пр\сто'лъ 
jа=ви'лася _е=си`, вл\дчце, и= w\т земли` къ нб~си` 
преста'вилася _е=си` дне'сь. сла'ва твоя` бг~олjь'пная, 
бг~оподо'бными сiя'ющи чудесы`. дjь^вы съ мт~рiю цр~е'вою на 
высоту` вознеси'теся. бл~года'тная, ра'дуйся, съ тобо'ю 
гд\сь, подая'й мi'рови тобо'ю ве'лiю ми'лость.

%<Три'жды.%>

%<Т%>вое` сла'вятъ о_у=спе'нiе вла^сти и= пр\сто'ли, 
нача^ла и= гд\сьства, си^лы и= херувi'ми и= стра'шнiи 
серафi'ми, ра'дуются земноро'днiи, w= бж\ственнjьй твое'й 
сла'вjь крася'щеся. припа'даютъ ца'рiе, со а=рха'гг~лы и= 
а='гг~лы, и= воспjьва'ютъ: бл~года'тная, ра'дуйся, съ тобо'ю 
гд\сь, подая'й мi'рови тобо'ю ве'лiю ми'лость.

%<Два'жды.%>

%<Сла'ва, и= ны'нjь, гла'съ то'йже.%>

%<Б%>г~онача'льнымъ манове'нiемъ, w\твсю'ду бг~оно'снiи 
а=п\сли _о='блаки высо'цjь взима'еми, доше'дше преч\стагw и= 
живонача'льнагw твоегw` тjь'ла, любе'знw лобыза'ху. (с. 286) 
превы^шнiя же нб\сныя си^лы, съ свои'мъ вл\дкою прише'дше, 
бг~опрiя'тное и= преч\стое тjь'ло предсыла'юще, о_у='жасомъ 
w=держи'ми: прекра'снw же пред\ъидя'ху, и= неви'димw 
вопiя'ху превы'шнимъ чинонача'лiемъ: се` всецр~и'ца 
бг~о_отрокови'ца прiи'де. возми'те врата`, и= сiю` премi'рнw 
под\ъими'те, присносу'щнагw мт~рь свjь'та. то'я бо ра'ди 
всеро'дное человjь'кwмъ спасе'нiе бы'сть. на ню'же взира'ти 
не мо'жемъ, и= то'й досто'йную че'сть возда'ти немо'щно: 
тоя' бо преизя'щное прехо'дитъ вся'къ о_у='мъ. тjь'мже, 
преч\стая бц\де, при'снw съ живоно'снымъ цр~е'мъ и= 
рж\ство'мъ живу'щи, моли'ся вы'ну сохрани'ти и= спасти` w\т 
вся'кагw прило'га проти'внагw но'выя лю'ди твоя^: твое' бо 
предста'тельство стяжа'хомъ, во вjь'ки свjьтоявле'ннw 
блажа'ще.

%<Вхо'дъ. Прокi'менъ дне`. Чт_е'нiя три`.%>

%<Бытiя` чте'нiе.%>

[Глава` к~и] %<И=%>зы'де i=а'кwвъ w\т студенца` 
кля'твеннагw, и= и='де въ въ харра'нь. И= w=брjь'те мjь'сто, 
и= спа` та'мw, за'йде бо со'лнце: и= взя'тъ w\т ка'менiя 
мjь'ста тогw`, и= положи` возгла'вiе себjь`, и= спа` на 
мjь'стjь _о='номъ и= со'нъ ви'дjь: И= се` лjь'ствица 
о_у=твержде'на на земли`, _е=я'же глава` досяза'ше до нб~съ, 
и= а='гг~ли бж~iи восхожда'ху и= низхожда'ху по не'й. Гд\сь 
же о_у=твержда'шеся на не'й, и= рече`: а='зъ бг~ъ 
а=враа'мовъ, _о=тца` твоегw`, и= бг~ъ i=саа'ковъ, не бо'йся. 
Земля`, и=дjь'же ты` спи'ши на не'й, тебjь` да'мъ ю=`, и= 
сjь'мени твоему`. И= бу'детъ сjь'мя твое` jа='кw песо'къ 
земны'й, и= распространи'тся на мо'ре и= лi'ву, и= сjь'веръ, 
и= на восто'ки: и= возблагословя'тся w= тебjь` вся^ колjь^на 
земна^я, и= w= сjь'мени твое'мъ. И= се` а='зъ съ тобо'ю 
сохраня'яй тя` на вся'комъ пути`, а='може а='ще по'йдеши, и= 
возвращу' тя въ зе'млю сiю`, jа='кw не и='мамъ тебе` 
w=ста'вити, до'ндеже сотвори'ти ми` вся^, _е=ли^ка 
глаго'лахъ тебjь`. И= воста` i=а'кwвъ w\т сна` (с. 287) 
своегw`, и= рече`: jа='кw _е='сть гд\сь на мjь'стjь се'мъ, 
а='зъ же не вjь'дjьхъ. И= о_у=боя'ся, и= рече`: jа='кw 
стра'шно мjь'сто сiе`, нjь'сть сiе`, но до'мъ бж~iй, и= сiя^ 
врата` неб_е'сная.

%<Пр\оро'чества i=езекi'илева чте'нiе.%>

[Глава` м~г и= м~д] %<Т%>а'кw глаго'летъ гд\сь: бу'детъ 
w\т дне` _о=сма'гw и= про'чее, сотворя'тъ i=ер_е'и на 
_о=лтари` всесожже'нiя ва'шегw, и= jа=`же спасе'нiя ва'шегw, 
и= прiиму` вы`, глаго'летъ а=дwнаi` и= гд\сь. И= w=брати' мя 
на пу'ть вра'тъ ст~ы'хъ внjь'шнихъ, зря'щихъ на восто'ки, и= 
сiя^ бя'ху затвор_е'на. И= рече` гд\сь ко мнjь`: врата` сiя^ 
затвор_е'на бу'дутъ, и= не w\тве'рзутся, и= никто'же 
про'йдетъ сквозjь` и='хъ, jа='кw гд\сь бг~ъ i=и~левъ 
про'йдетъ и='ми, и= бу'дутъ затвор_е'на. Jа='кw и=гу'менъ 
ся'детъ въ ни'хъ снjь'сти хлjь'бъ, по пути` _е=ла'мскихъ 
вра'тъ вни'детъ, и= по пути` _е=гw` и=зы'детъ. И= введе' мя 
по пути` вра'тъ ст~ы'хъ, су'щихъ къ сjь'веру, пря'мw хра'му, 
и= ви'дjьхъ, и= се` и=спо'лнь сла'вы хра'мъ гд\сень.

%<При'тчей чте'нiе.%>

[Глава` f~] %<П%>рему'дрость созда` себjь` до'мъ, и= 
о_у=тверди` столпw'въ се'дмь. Закла` своя^ же'ртв_енная, и= 
раствори` въ ча'ши свое'й вiно`, и= о_у=гото'ва свою` 
трапе'зу. Посла` своя^ рабы^ созыва'ющи съ высо'кимъ 
проповjь'данiемъ на ча'шу, глаго'лющи: и='же _е='сть 
безу'менъ, да о_у=клони'тся ко мнjь`, и= тре'бующымъ о_у=ма` 
рече`: прiиди'те, jа=ди'те мо'й хлjь'бъ, и= пi'йте вiно`, 
_е='же раствори'хъ ва'мъ. W=ста'вите безу'мiе, и= жи'ви 
бу'дете: и= взыщи'те ра'зума, да поживете`, и= и=спра'вите 
ра'зумъ въ вjь'дjьнiи. Наказу'яй sлы^я, прiи'метъ себjь` 
безче'стiе: w=блича'яй же нечести'ваго, w=поро'читъ себе`: 
w=бличе'нiе бо нечести'вому, ра^ны _е=му`. Не w=блича'й 
sлы'хъ, да не возненави'дятъ теб_е`, w=блича'й прему'дра, и= 
возлю'битъ тя`. Да'ждь прему'дрому вину`, и= прему'дрjьйшiй 
бу'детъ: сказу'й пра'ведному, и= приложи'тъ прiима'ти. 
Нача'ло прему'дрости, (с. 288) стра'хъ гд\сень, и= совjь'тъ 
ст~ы'хъ, ра'зумъ: разумjь'ти бо зако'нъ, по'мысла _е='сть 
блага'гw: си'мъ бо _о='бразомъ мно'гое поживе'ши вре'мя, и= 
приложа'тся тебjь` лjь^та живота`.

%<На лiтi'и стiхи^ры самогла'сны, гла'съ а~:%>

%<П%>одоба'ше самови'дц_емъ сло'ва и= слуга'мъ, и= 
_е='же по пло'ти мт~ре _е=гw` о_у=спе'нiе ви'дjьти, 
коне'чное _е=ли'ко на не'й та'инство: jа='кw да не то'кмw 
_е='же w\т земли` сп~сово восхожде'нiе о_у='зрятъ, но и= 
ро'ждшiя _е=го` преставле'нiю свидjь'тельствуютъ. тjь'мже 
w\твсю'ду бж\ственною си'лою собра'вшеся, сiw'на достиго'ша, 
и= на нб~о и=ду'щую предсыла'ху, вы'шшую херувi^мъ: _е='йже 
и= мы` съ ни'ми покланя'емся, jа='кw моля'щейся w= душа'хъ 
на'шихъ.

%<Гла'съ в~: А=нато'лiево:%>

%<Jа='%>же нб~съ вы'шшая су'щи, и= херувi^мъ 
сла'внjьйшая, и= всея` тва'ри честнjь'йшая, jа='же 
премно'гiя ра'ди чистоты`, присносу'щнагw существа` 
прiя'телище бы'вши, въ сн~о'внjь ру'цjь дне'сь всест~у'ю 
предае'тъ ду'шу: и= съ не'ю и=сполня'ется вся'ч_еская 
ра'дость, и= на'мъ да'руетъ ве'лiю ми'лость.

%<I=wа'нново:%>

%<В%>сенепоро'чная невjь'ста и= мт~и благоволе'нiе 
_о='ч~а, jа='же бг~у пронарече'нная во свое` _е=му` жили'ще 
несли'тнагw соедине'нiя, дне'сь пречи'стую ду'шу творцу` и= 
бг~у предае'тъ, ю='же безпло'тныхъ си^лы бг~олjь'пнw 
под\ъе'млютъ, и= къ животу` преставля'ется, су'щая мт~и 
живота`, свjьща` непристу'пнагw свjь'та, спасе'нiе вjь'рныхъ 
и= о_у=пова'нiе ду'шъ на'шихъ.

%<Гла'съ г~. Ге'рманово:%>

%<П%>рiиди'те, вси` концы` земнi'и, честно'е 
преставле'нiе бг~ома'тере восхва'лимъ: въ ру'цjь бо сн~а 
ду'шу непоро'чную положи`. тjь'мже ст~ы'мъ о_у=спе'нiемъ 
_е=я` мi'ръ w=животвори'ся, во _псалмjь'хъ и= пjь'нiихъ и= 
пjь'снехъ духо'вныхъ, со безпло'тными и= а=п\слы пра'зднуетъ 
свjь'тлw. (с. 289)

%<Сла'ва, гла'съ _е~. Fеофа'ново:%>

%<П%>рiиди'те, празднолю'бныхъ собо'ръ, прiиди'те и= 
ли'къ соста'вимъ, прiиди'те, вjьнча'емъ пjь'сньми цр~ковь, 
о_у=покое'нiемъ ковче'га бж~iя. дне'сь бо нб~о простира'етъ 
нjь^дра, прiе'мля ро'ждшую всjь'ми невмjьсти'маго: и= земля` 
и=сто'чникъ жи'зни, w\тдаю'щи благослове'нiе, о_у=краша'ется 
благолjь'пiемъ. а='гг~ли ли'къ составля'ютъ со а=п\слы, 
о_у=жа'снw взира'юще, w\т живота` въ живо'тъ преставля'ему, 
ро'ждшую нача'льника жи'зни. вси` поклони'мся _е='й, 
моля'щеся: сро'днагw присвое'нiя не забу'ди, вл\дчце, 
вjь'рнw пра'зднующихъ всест~о'е твое` о_у=спе'нiе.

%<И= ны'нjь, гла'съ то'йже:%>

%<В%>оспо'йте, лю'дiе мт~ри бг~а на'шегw, воспо'йте: 
дне'сь бо всесвjь'тлую ду'шу свою` въ преч\стыя дла^ни, 
и='же и=зъ нея` вопло'щшагwся безъ сjь'мене, предае'тъ: 
_е=го'же и= мо'литъ непреста'ннw, дарова'ти вселе'ннjьй 
ми'ръ и= ве'лiю ми'лость.

%<На стiхо'внjь стiхи^ры самогла'сны, гла'съ д~:%>

%<П%>рiиди'те, воспое'мъ лю'дiе, прест~у'ю дв~у ч\стую, 
и=зъ нея'же неизрече'ннw про'йде, вопло'щшееся сло'во 
_о='ч~ее, зову'ще и= глаго'люще: бл~гослове'на ты` въ 
жена'хъ, блаже'нное чре'во вмjьсти'вшее хр\ста`. тогw` 
ст~ы^мъ рука'мъ ду'шу преда'вши, моли'ся, преч\стая, 
спасти'ся душа'мъ на'шымъ.

%<Стi'хъ: В%>оскр\сни`, гд\си, въ поко'й тво'й, ты` и= 
кiвw'тъ святы'ни твоея`.

%<Д%>в~дскую пjь'снь дне'сь лю'дiе воспое'мъ хр\сту` 
бг~у: приведу'тся, рече`, цр~ю` дjь^вы въ слjь'дъ _е=я`, и= 
и='скр_енняя _е=я` приведу'тся въ весе'лiи и= ра'дованiи. 
и='бо w\т сjь'мене дв~дова, _е=я'же ра'ди мы` w=божи'хомся, 
въ ру'цjь своегw` сн~а и= вл\дки, сла'внw и= па'че сло'ва 
прелага'ется, ю='же jа='кw мт~рь бж~iю воспjьва'юще, 
вопiе'мъ и= глаго'лемъ: спаси` на'съ и=сповjь'дающихъ тя` 
бц\ду, w\т вся'кагw w=бстоя'нiя, и= и=зба'ви w\т бjь'дъ 
ду'шы на'шя. (с. 290)

%<Стi'хъ: К%>ля'тся гд\сь дв~ду и='стиною, и= не 
w\тве'ржется _е=я`.

%<В%>сечестно'е твое` о_у=спе'нiе, прест~а'я дв~о 
ч\стая, а='гг~лъ мно'жество на нб~си`, и= человjь'ческiй 
ро'дъ на земли` о_у=блажа'емъ, jа='кw мт~и была` _е=си` 
творца` всjь'хъ хр\ста` бг~а: того` моля'щи не преста'й w= 
на'съ, мо'лимся, и=`же на тя` съ бг~омъ о_у=пова'нiе 
поло'жшихъ, бц\де всепjь'тая, и= неискусобра'чная.

%<Сла'ва, и= ны'нjь, гла'съ то'йже:%>

%<_Е=%>гда` и=зшла` _е=си`, бц\де дв~о, ко и=зъ теб_е` 
ро'ждшемуся неизрече'ннw, бя'ше i=а'кwвъ, бра'тъ бж~iй и= 
пе'рвый священнонача'льникъ, пе'тръ же, честнjь'йшiй 
верхо'вникъ, бг~осло'вwвъ нача'льникъ и= ве'сь бж\ственный 
а=п\сльскiй ли'къ, jа=вле'ннымъ бг~осло'вiемъ пjьсносло'вяще 
бж\ственное и= стра'шное хр\ста` бг~а смотре'нiя та'инство, 
и= живонача'льное и= бг~опрiя'тное твое` тjь'ло погре'бше, 
ра'довахуся, всепjь'тая. превы'ше же прест~ы^я и= 
старjь'йшыя а='гг~льскiя си^лы, чудеси` дивя'щеся, прини'кше 
дру'гъ ко дру'гу глаго'лаху: возьми'те ва^ша врата`, и= 
воспрiими'те ро'ждшую нб~се` и= земли` творца`, 
славословле'ньми же воспое'мъ честно'е и= ст~о'е тjь'ло, 
вмjьсти'вшее на'ми неви'димаго и= гд\са. тjь'мже и= мы` 
па'мять твою` пра'зднующе, вопiе'мъ ти`, препjь'тая: 
хр\стiа'нскiй ро'гъ вознеси`, и= спаси` ду'шы на'шя.

%<На благослове'нiи хлjь'бwвъ тропа'рь, гла'съ а~.%>

%<В%>ъ рж\ствjь` дjь'вство сохрани'ла _е=си`: 
%<три'жды.%>

%<Пи'санъ на ма'лjьй вече'рни. И= чте'нiе.%>

%<На о_у='трени, на Б%>г~ъ гд\сь, %<тропа'рь пра'здника, 
три'жды.%>

%<По а~-й стiхоло'гiи сjьда'ленъ, гла'съ а~.%>

%<Подо'бенъ: Г%>ро'бъ тво'й, сп~се:

%<В%>сечестны'й ли'къ прему'дрыхъ а=п\слъ собра'ся 
чу'днw погребсти` сла'внw тjь'ло твое` преч\стое, бц\де 
всепjь'тая. съ (с. 291) ни'миже воспjь'ша и= а='гг~лъ 
мно'жество, преставле'нiе твое` че'стнw хва'ляще, _е='же 
вjь'рою пра'зднуемъ.

%<Сла'ва, и= ны'нjь, то'йже. И= чте'нiе.%>

%<По а~-й стiхоло'гiи сjьда'ленъ, гла'съ г~. Подо'бенъ: 
К%>расотjь` дjь'вства:

%<В%>ъ рж\ствjь` твое'мъ зача'тiе безсjь'менное, во 
о_у=спе'нiи твое'мъ ме'ртвость нетлjь'нная, чу'до въ чудеси` 
сугу'бо стече'тся, бц\де: ка'кw бо неискусому'жная, 
младопита'тельница чиста` су'щи; ка'кw же мт~и бг~у 
мертвоно'сна мv"роуха'ющи; тjь'мже со а='гг~ломъ вопiе'мъ 
ти`: ра'дуйся, бл~года'тная.

%<Сла'ва, и= ны'нjь, то'йже.%>

%<По полv"еле'и сjьда'ленъ, гла'съ д~. Подо'бенъ: 
О_у=%>диви'ся i=w'сифъ:

%<Возопi'й, дв~де: ч%>то` се'й пра'здникъ, _е=го'же 
воспjь'лъ _е=си` дре'вле въ кни'зjь _псало'мстjьй; jа='кw 
дще'рь бг~о_отрокови'цу и= дв~у, преложи` ю=` на _о='ны 
_о=би'т_ели хр\сто'съ, и='же и=зъ нея` безъ сjь'мене 
ро'ждся: и= сегw` ра'ди ра'дуются ма'т_ери и= дщ_е'ри, и= 
невjь^сты хр\сто'вы, вопiю'ще: ра'дуйся, преста'вившаяся къ 
вы'шнему цр\ствiю.

%<Сла'ва, и= ны'нjь, то'йже:%>

%<Степ_е'нна, а~-й а=нтiфw'нъ д~-гw гла'са. Прокi'менъ, 
гла'съ д~: П%>омяну` и='мя твое` во вся'комъ ро'дjь и= 
ро'дjь. %<Стi'хъ: С%>лы'ши, дщи`, и= ви'ждь, и= приклони` 
о_у='хо твое`. %<В%>ся'кое дыха'нiе да хва'литъ гд\са. 
%<_Е=v\глiе луки`, зача'ло д~.%>

%<По н~-мъ _псалмjь` стiхи'ра, гла'съ s~. 
Вv"зантi'ево:%>

%<_Е=%>гда` преставле'нiе преч\стагw твоегw` тjь'ла 
готовля'шеся, тогда` а=п\сли, w=бстоя'ще _о='дръ, съ 
тре'петомъ зря'ху тя`: и= _о='ви о_у='бw взира'юще на 
тjь'ло, о_у='жасомъ w=держи'ми бя'ху, пе'тръ же со слеза'ми 
вопiя'ше ти`: _w дв~о, ви'жду тя` jа='снw просте'рту 
про'сту, живота` всjь'хъ, и= о_у=дивля'юся, въ не'йже 
всели'ся бу'дущiя жи'зни наслажде'нiе, но, _w преч\стая, 
моли'ся прилjь'жнw сн~у и= бг~у твоему`, спасти'ся ста'ду 
твоему` невреди'му. (с. 292)

%<Канw'на два`, кv'ръ космы` и= кv'ръ i=wа'нна. I=рмосы` 
_о=бои'хъ канw'нwвъ по два'жды: тропари` же на в~_i. 
Катава'сiа: кi'йждо ли'къ сво'й i=рмо'съ. Канw'нъ пе'рвый, 
_е=гw'же краегране'сiе: Д%>а торжеству'ютъ бг~ому'дрiи.

%<Гла'съ а~. Пjь'снь а~. I=рмо'съ:%>

%<П%>реукраше'нная бж\ственною сла'вою, свяще'нная и= 
сла'вная, дв~о, па'мять твоя` вся^ собра` къ весе'лiю 
вjь^рныя, начина'ющей марiа'мjь, съ ли^ки и= тv"мпа'ны, 
твоему` пою'щыя _е=диноро'дному: сла'внw jа='кw просла'вися.

%<Д%>а провожда'ютъ невеще'ственнiи чи'нове 
нб~оше'ственное въ сiw'нъ бж\ственное тjь'ло твое`, внеза'пу 
же сте'кшеся а=п\слъ мно'жество w\т кон_е'цъ, бц\де, тебjь` 
предста'ша а='бiе: съ ни'миже, ч\стая, твою` честну'ю, дв~о, 
па'мять сла'вимъ.

%<П%>обjь^дныя по'ч_ести взяла` _е=си` на _е=стество`, 
ч\стая, бг~а ро'ждши: _о=ба'че же подо'бящися творцу` 
твоему` и= сн~у, па'че _е=стества` повину'ешися 
_е=сте'ств_еннымъ зако'нwмъ: тjь'мже о_у=ме'рши, съ сн~омъ 
востае'ши вjь'чнующи.

%<Другi'й канw'нъ i=wа'нна дамаски'на.%>

%<Гла'съ д~. Пjь'снь а~. I=рмо'съ:%>

%<W\т%>ве'рзу о_у=ста` моя^, и= напо'лнятся дх~а, и= 
сло'во w\тры'гну цр~и'цjь мт~ри, и= jа=влю'ся, свjь'тлw 
торжеству'я, и= воспою` ра'дуяся тоя` о_у=спе'нiе.

%<Д%>jь^вы _о=трокwви'цы съ марiамi'ею пр\оро'чицею 
пjь'снь и=схо'дную ны'нjь воскли'кните: дв~а бо и= _е=ди'на 
бг~ома'ти ко прiя'тiю нб\сному преставля'ется.

%<Д%>осто'йнw jа='кw w=душевле'нное тя` нб~о, прiя'ша 
нб\сная преч\стая бж\ств_енная сел_е'нiя: и= предста` 
свjь'тлw о_у=кра'шена, jа='кw невjь'ста всенепоро'чная, 
цр~ю` и= бг~у.

%<Пjь'снь г~. I=рмо'съ:%>

%<С%>одjь'тельная и= содержи'тельная всjь'хъ бж~iя 
му'дросте и= си'ло, непрекло'нну, недви'жиму цр~ковь 
о_у=тверди`, хр\сте`: _е=ди'нъ бо _е=си` ст~ъ, во ст~ы'хъ 
почива'яй. (с. 293)

%<Ж%>ену' тя ме'ртвенну, но па'че _е=стества` и= мт~рь 
бж~iю ви'дjьвше, всенепоро'чная, сла'внiи а=п\сли, 
о_у=жа'снw прикаса'хуся рука'ми сла'вою w=блиста'ющей, 
jа='кw бг~опрiя'тное селе'нiе ви'дяще.

%<П%>ости'же ру'цjь досади'т_ельныя де'рзагw, 
о_у=сjьче'нiемъ су'дъ нане'съ, бг~у сохра'ншу че'сть, 
w=душевле'нному кiвw'ту, сла'вою бж~ества` въ не'мже сло'во 
пло'ть бы'сть.

%<И='нъ. I=рмо'съ:%>

%<Т%>воя^ пjьсносло'вцы, бц\де, живы'й и= незави'стный 
и=сто'чниче, ли'къ себjь` совоку'пльшыя, духо'внw 
о_у=тверди`, въ бж~е'ственнjьй па'мяти твое'й вjьнц_е'въ 
сла'вы сподо'би.

%<W\т%> ме'ртвыхъ чре'слъ произве'дшися, _е=стество'мъ 
подо'бна, ч\стая, и=схожде'нiе разрjьши`: ро'ждши же су'щую 
жи'знь, къ жи'зни преста'вися бж\ственнjьй и= v=поста'снjьй.

%<Л%>и'къ бг~осло'вwвъ w\т кон_е'цъ, свы'ше же а='гг~лъ 
мно'ж_ества къ сiw'ну и=дя'ху, всеси'льнымъ манове'нiемъ, 
достодо'лжнw, вл\дчце, твоему` погребе'нiю служа'ще.

%<V=пакои`, гла'съ и~:%>

%<Б%>лажи'мъ тя` вси` ро'ди, бц\де дв~о, въ тя' бо 
невмjьсти'мый хр\сто'съ бг~ъ на'шъ вмjьсти'тися бл~говоли`. 
бл~же'ни _е=смы` и= мы`, предста'тельство тя` и=му'ще: де'нь 
бо и= но'щь мо'лишися w= на'съ, и= ски'птры цр\ствiя твои'ми 
моли'твами о_у=твержда'ются. тjь'мъ воспjьва'юще вопiе'мъ 
ти`: ра'дуйся, бл~года'тная, гд\сь съ тобо'ю.

%<Пjь'снь д~. I=рмо'съ:%>

%<Р%>jь^чи пр\оро'кwвъ и= гада^нiя воплоще'нiе прояви'ша 
w\т дв~ы твое`, хр\сте`: сiя'нiе блиста'нiя твоегw` во 
свjь'тъ jа=зы'кwвъ и=зы'детъ, и= возгласи'тъ тебjь` бе'здна 
съ весе'лiемъ: си'лjь твое'й сла'ва, чл~вjьколю'бче.

%<В%>и'дите лю'дiе и= чуди'теся: гора' бо ст~а'я, и= 
jа='вственная бг~у, въ нб\сныя _о=би'т_ели превы'шше 
взе'млется, нб~о земно'е въ нб\сное и= нетлjь'нное селе'нiе 
вселя'емо. (с. 294)

%<Ж%>и'зни присносу'щныя и= лу'чшiя сме'рть твоя` бы'сть 
прехожде'нiе, ч\стая, w\т привре'менныя къ бж\ственнjьй 
вои'стинну и= непреходи'мjь, преставля'я тя`, ч\стая, въ 
весе'лiи сн~а зрjь'ти твоего` и= гд\са.

%<В%>зя'шася дв_е'ри нб\сныя, и= а='гг~ли воспjь'ша: и= 
прiя'тъ хр\сто'съ дjь'вства своея` мт~ре сосу'дъ: херувi'ми 
под\ъя'ша тя` съ весе'лiемъ, серафi'ми же сла'вятъ 
ра'дующеся.

%<И='нъ. I=рмо'съ:%>

%<Н%>еизслjь'дный бж~iй совjь'тъ, _е='же w\т дв~ы 
воплоще'нiя теб_е` вы'шнягw, пр\оро'къ а=вваку'мъ 
о_у=смотря'я, зовя'ше: сла'ва си'лjь твое'й, гд\си.

%<Ч%>у'до бя'ше зрjь'ти, нб~о всjь'хъ цр~я` 
w=душевле'нное, и=спражн_е'нiя преходя'щее земна^я, jа='кw 
чу'дна дjьла` твоя^: сла'ва си'лjь твое'й, гд\си.

%<А='%>ще и= непости'жный сея` пло'дъ, и='мже нб~са` 
бы'ша, погребе'нiе прiя'тъ во'лею, jа='кw ме'ртвъ: ка'кw 
погребе'нiя w\тве'ржется, неискусобра'чнw ро'ждшая;

%<В%>ъ преставле'нiи твое'мъ, мт~и бж~iя, 
простра'ннjьйшее тjь'ло твое` и= бг~опрiя'тное, а='гг~льская 
вw'инства свяще'нными кри'лы, тре'петомъ и= ра'достiю 
покрыва'ху.

%<Пjь'снь _е~. I=рмо'съ:%>

%<Б%>ж~iю и= неизрече'нную добро'ту добродjь'телей 
твои'хъ, хр\сте`, и=сповjь'мъ: w\т присносу'щныя бо сла'вы 
соприсносу'щное и= v=поста'сное возсiя'вый сiя'нiемъ, и=зъ 
дjь'вственныя о_у=тро'бы, су'щымъ во тмjь` и= сjь'ни, 
вопло'щся, возсiя'лъ _е=си` сл~нце.

%<Jа='%>кw на _о='блацjь, дв~о, а=п\сльскiй ли'къ 
носи'мь, къ сiw'ну w\т кон_е'цъ, служи'ти тебjь`, _о='блаку 
ле'гкому собира'шеся: w\т нея'же вы'шнiй бг~ъ су'щымъ во 
тмjь` и= сjь'ни пра'ведное возсiя` сл~нце.

%<Т%>ру'бъ бг~опрiя'тнiи я=зы'цы бг~осло'вныхъ муже'й 
бл~гогла'снjьйше бц\дjь вопiя'ху, и=схо'дную возглаша'юще 
пjь'снь (с. 295) дх~омъ: ра'дуйся, нетлjь'нный и=сто'чниче 
бж~iя живонача'льнагw и= спаси'тельнагw всjь^мъ воплоще'нiя.

%<И='нъ. I=рмо'съ:%>

%<О_у=%>жасо'шася вся'ч_еская w= честнjь'мъ о_у=спе'нiи 
твое'мъ: ты' бо, неискусобра'чная дв~о, w\т земли` 
преста'вилася _е=си` къ вjь'чнымъ _о=би'телемъ, и= къ 
безконе'чнjьй жи'зни, всjь^мъ воспjьва'ющымъ тя` спасе'нiе 
подава'ющая.

%<Д%>а возглася'тъ трубы^ бг~осло'вwвъ дне'сь: я=зы'къ 
же многовjьща'нный человjь'ческiй ны'нjь да восхва'литъ: да 
w=гласи'тъ же возду'хъ, безмjь'рнымъ сiя'я свjь'томъ: 
а='гг~ли да пою'тъ преч\стыя дв~ы о_у=спе'нiе.

%<С%>осу'дъ подоба'ше и=збра'нный, пjь'нiемъ ти` ве'сь 
о_у=дивля'емь, дв~и'це, и=схо'денъ, ве'сь w=сщ~е'нъ бг~ови, 
всjь^мъ бг~опрiя'тенъ, и= се'й и='стиннw jа=вля'емый, бц\де 
всепjь'тая.

%<Пjь'снь s~. I=рмо'съ:%>

%<М%>орскi'й пучиноро'дный ки'товъ вну'треннiй _о='гнь, 
тридне'внагw твоегw` погребе'нiя проwбраже'нiе, _е=гw'же 
i=w'на пр\оро'къ показа'ся: спасе'нъ бо jа='кw и= 
предпосла'ся неврежде'нъ вопiя'ше: пожру' ти со гла'сомъ 
хвале'нiя, гд\си.

%<Д%>ае'тъ тебjь`, же превы'ше _е=стества`, цр~ь всjь'хъ 
бг~ъ: въ рж\ствjь' бо дв~у jа='коже сохрани`, та'кw во 
гро'бjь тjь'ло соблюде` нетлjь'нно, и= спросла'ви 
бж\ственнымъ преставле'нiемъ, че'сть тебjь` jа='кw сн~ъ 
мт~ри да'руя.

%<В%>ои'стинну тя` jа='кw свjь'телъ свjь'щникъ 
невеще'ственнагw свjь'та, кади'льницу злату'ю бж\ственнагw 
о_у='гля, во ст~а^я ст~ы'хъ всели`: ру'чку и= же'злъ, 
скрижа'ль бг~опи'санную, ковче'гъ ст~ы'й, трапе'зу сло'ва 
жи'зни, дв~о рж\ство` твое`.

%<И='нъ. I=рмо'съ:%>

%<Б%>ж~е'ственное сiе` и= всечестно'е соверша'юще 
пра'зднество, бг~ому'дрiи, бг~ома'тере, прiиди'те, рука'ми 
воспле'щимъ, w\т нея` ро'ждшагося бг~а сла'вимъ. (с. 296)

%<И=%>зъ теб_е` жи'знь возсiя`, ключи` дjь'вства не 
руши'вши: ка'кw о_у='бw пречи'стое и= живонача'льное твое` 
тjь'ло и=скуше'нiя сме'рти бы'сть прича'стно.

%<Ж%>и'зни бы'вши хра'мъ, жи'знь присносу'щную 
о_у=лучи'ла _е=си`: сме'ртiю бо къ животу` премину'ла 
_е=си`, jа='же жи'знь ро'ждши воv"поста'сную.

%<Конда'къ, гла'съ в~:%>

%<В%>ъ моли'твахъ неусыпа'ющую бц\ду и= въ 
предста'тельствахъ непрело'жное о_у=пова'нiе, гро'бъ и= 
о_у=мерщвле'нiе не о_у=держа'ста: jа='коже бо живота` мт~рь, 
къ животу` преста'ви, во о_у=тро'бу всели'выйся 
приснодjь'вственную.

%<I='косъ:%>

%<W=%>гради` моя^ помышл_е'нiя хр\сте` мо'й, и='бо 
стjь'ну мi'ра воспjь'ти дерза'ю, чи'стую мт~рь твою`, на 
столпjь` глагw'лъ о_у=крjьпи' мя, и= въ тя'жкихъ мы'слехъ 
заступи' мя: ты' бо взыва'ющымъ, и= прося'щымъ вjь'рою, 
мол_е'нiя и=сполня'еши. ты` мнjь` о_у='бw да'руй я=зы'къ 
прино'сенъ, и= по'мыслъ непосты'денъ: вся'кое бо дая'нiе 
сiя'нiя w\т теб_е` низпосыла'ется свjьтопода'телю, во 
о_у=тро'бу всели'выйся приснодjь'вственную.

%<Пjь'снь з~. I=рмо'съ:%>

%<Б%>езсту'днjьй jа='рости же и= _о=гню`, бж\ственное 
жела'нiе сопротивля'яся, _о='гнь о_у='бw w=роша'ше, 
jа='рости же смjья'шеся, бг~одохнове'нною слове'сною 
прп\дбныхъ тривjьща'нною цjьвни'цею, противовjьща'я 
мусiкi^йскимъ _о=рга'нwмъ посреди` пла'мене: 
препросла'вленный _о=тц_е'въ и= на'шъ бж~е, бл~гослове'нъ 
_е=си`.

%<Б%>г~одjь^ланныя скрижа^ли мwv"се'й, пи^санныя 
бж\ственнымъ дх~омъ, jа='ростiю сокру'шъ: но сего` вл\дка. 
ро'ждшую неврежде'нну въ нб\сныя сохра'нь до'мы, ны'нjь 
вну'трь всели`. съ не'ю и=гра'юще вопiе'мъ хр\сту`: 
препросла'вленный _о=тц_е'въ и= на'шъ бж~е, бл~гослове'нъ 
_е=си`.

%<В%>ъ кv"мва'лjьхъ о_у=сты` чи'стыми, мусiкi'йски же 
се'рдцемъ (с. 297) свjь'тлымъ, доброгла'сною трубо'ю, 
высо'кою мы'слiю, дв~ы и= чи'стыя въ наро'читый и=збра'нный 
де'нь преставле'нiя, дjь'тельными пле'щуще рука'ми, 
вопiе'мъ: препросла'вленный _о=тц_е'въ и= на'шъ бж~е, 
бл~гослове'нъ _е=си`.

%<Б%>г~ому'дрiи собери'теся лю'дiе: бж~iя бо сла'вы 
селе'нiе, w\т сiw'на преставля'ется къ нб\сному жили'щу, 
и=дjь'же гла'съ чи'стъ пра'зднующихъ, гла'съ несказа'ннагw 
ра'дованiя, и= въ весе'лiи вопiю'щихъ хр\сту`: 
препросла'вленный _о=тц_е'въ и= на'шъ бж~е, бл~гослове'нъ 
_е=си`.

%<И='нъ. I=рмо'съ:%>

%<Н%>е послужи'ша тва'ри бг~ому'дрiи па'че созда'вшагw, 
но _о='гненное преще'нiе му'жески попра'вше, ра'довахуся 
пою'ще: препjь'тый _о=ц~_е'въ гд\сь и= бг~ъ, благослове'нъ 
_е=си`.

%<Ю='%>ношы и= дв~ы, дв~ыя же и= бг~ома'тере па'мять 
чту'ще, ста'рцы и= мона'си, ца'рiе и= судiи^ по'йте: 
_о=т_е'цъ на'шихъ гд\си и= бж~е, бл~гослове'нъ _е=си`.

%<Д%>а востру'бятъ трубо'ю дх~о'вною го'ры нб\сныя: да 
ра'дуются хо'лми, и= да и=гра'ютъ бж\ственнiи а=п\сли: 
цр~и'ца къ сн~у преставля'ется, съ ни'мъ ца'рствующи.

%<В%>сесвяще'нное преставле'нiе, бж\ственныя твоея` и= 
нетлjь'нныя мт~ре, премi'рныя вы'шнихъ си'лъ совокупи` 
чи'ны, весели'тися съ су'щими на земли` тебjь` пою'щими: 
бж~е, бл~гослове'нъ _е=си`.

%<Пjь'снь и~. I=рмо'съ:%>

%<П%>ла'мень w=роша'ющь прп\дбныя, sлочести^выя же 
попаля'ющь, а='гг~лъ бж~iй всемо'щный, показа` _о=трокw'мъ, 
живонача'льный же и=сто'чникъ содjь'ла бц\ду, тлю` сме'рти, 
и= живо'тъ точа'щу пою'щымъ: содjь'теля _е=ди'наго пои'мъ 
и=збавле'нiи, и= превозно'симъ во вся^ вjь'ки.

%<Г%>лаго'лы послjь'доваху бж\ственному ковче'гу 
свяще'нному, все` мно'жество бг~осло'вwвъ въ сiw'нjь: ка'мw 
и='деши ны'нjь, ски'нiе, зову'ще, бг~а жива'гw; не преста'й 
призира'ющи вjь'рою пою'щыя: содjь'теля _е=ди'наго пое'мъ 
и=збавле'ннiи и= превозно'симъ во вся^ вjь'ки. (с. 298)

%<Jа='%>коже воздjь'вши ру'цjь, и=схо'диши, 
всенепоро'чная, ру'цjь, и='миже бг~а носи'ла _е=си` пло'тiю, 
со дерзнове'нiемъ jа='кw мт~и рекла` _е=си` къ рожде'нному: 
jа=`же ми` да'лъ _е=си`, во вjь'ки сохрани`, вопiю'щыя 
тебjь`: содjь'теля _е=ди'наго пое'мъ и=зба'вленнiи и= 
превозно'симъ во вся^ вjь'ки.

%<И='нъ. I=рмо'съ:%>

%<_О='%>троки бл~гочести^выя въ пещи` рж\ство` 
бг~оро'дичо спасло` _е='сть: тогда` о_у='бw w=бразу'емое, 
ны'нjь же дjь'йствуемое, вселе'нную всю` воздвиза'етъ пjь'ти 
тебjь`: гд\са по'йте, дjьла`, и= превозноси'те _е=го` во 
вся^ вjь'ки.

%<П%>а'мять твою`, ч\стая дв~о, нача^ла же и= вла^сти и= 
си^лы, а='гг~ли, а=рха'гг~ли, пр\сто'ли, гд\сьства, 
херувi'ми сла'вятъ, и= стра'шнiи серафi'ми: чл~вjь'ческiй же 
ро'дъ пое'мъ и= превозно'симъ во вся^ вjь'ки.

%<И='%>же стра'ннw всели'выйся, бц\де, въ чи'стое чре'во 
твое` воплоща'емь, се'й всесщ~е'нный дх~ъ тво'й прiе'мъ, 
о_у= себ_е` о_у=поко'и: jа='кw должни'къ сн~ъ. тjь'мже тя` 
пое'мъ, дв~о, и= превозно'симъ во вся^ вjь'ки.

%<_W%> вы'ше о_у=ма` чуде'съ приснодв~ы же и= 
бг~ома'тере! во гро'бъ бо все'льшися, показа` ра'й, _е=му'же 
предстоя'ще дне'сь, ра'дующеся пое'мъ: гд\си по'йте дjьла`, 
и= превозноси'те _е=го` во вся^ вjь'ки.

%<На f~-й пjь'сни Ч%>естнjь'йшую %<не пое'мъ, но пое'мъ 
припjь'вы пра'здника:%>

%<Р%>о'ди вси` блажи'мъ тя` _е=ди'ну бц\ду.

%<И=ли`: А='%>гг~ли, о_у=спе'нiе преч\стыя ви'дjьвше, 
о_у=диви'шася, ка'кw дв~ая восхо'дитъ w\т земли` на нб~о.

%<Та'же i=рмо'съ: П%>обjьжда'ются _е=стества` 
о_у=ста'вы: %<И= вторы'й ли'къ пое'тъ то'йже припjь'въ и= 
i=рмо'съ. И= на кi'йждо тропа'рь пою'тъ то'йже припjь'въ, по 
_е=ди'ножды.%>

%<Пjь'снь f~. I=рмо'съ:%> 

%<П%>обjьжда'ются _е=стества` о_у=ста'вы въ тебjь`, дв~о 
ч\стая: (с. 299) дjь'вствуетъ бо рж\ство`, и= живо'тъ 
пред\ъwбруча'етъ сме'рть: по рождествjь` дв~а, и= по сме'рти 
жива`, спаса'еши при'снw, бц\де, наслjь'дiе твое`.

%<Д%>ивля'хуся а='гг~льскiя си^лы, въ сiw'нjь смотря'юще 
своего` вл\дку, же'нскую ду'шу рука'ми нося'щаго: пречи'стw 
бо ро'ждшей, сынолjь'пнw провозглаша'ше: гряди`, ч\стая, съ 
сн~омъ и= бг~омъ просла'влена бу'ди.

%<W=%>пря'та ли'къ а=по'стольскiй бг~опрiя'тное тjь'ло 
твое`, со стра'хомъ зря'ще, и= гла'сомъ ве'лiимъ вjьща'юще: 
въ нб\сныя до'мы къ сн~у восходя'щи, спаса'еши при'снw, 
бц\де, наслjь'дiе твое`.

%<Посе'мъ пе'рвый ли'къ пое'тъ втора'гw канw'на 
припjь'въ:%> 

%<В%>елича'й, душе` моя`, w\т земли` на нб~о ч\стно'е 
преставле'нiе бж~iя мт~ре.

%<И= i=рмо'съ: В%>ся'къ земноро'дный: %<И= вторы'й ли'къ 
пое'тъ то'йже припjь'въ и= i=рмо'съ. И= на кi'йждо тропа'рь 
пою'тъ то'йже припjь'въ по _е=ди'ножды.%>

%<И='нъ. I=рмо'съ:%>

%<В%>ся'къ земноро'дный да взыгра'ется, дх~омъ 
просвjьща'емь, да торжеству'етъ же безпло'тныхъ о_у=мw'въ 
_е=стество`, почита'ющее сщ~е'нное преставле'нiе 
бг~ома'тере, и= да вопiе'тъ: ра'дуйся, всеблаже'нная бц\де, 
ч\стая приснодв~о.

%<П%>рiиди'те въ сiw'нъ, на бж\ственную и= ту'чную го'ру 
жива'гw бг~а, возра'дуемся, бц\ду зря'ще: къ sjьлw' бо 
лу'чшей и= бж\ственнjьй сjь'ни, jа='кw мт~рь сiю` во ст~а^я 
ст~ы'хъ хр\сто'съ преста'ви.

%<П%>рiиди'те, вjь'рнiи, ко гро'бу присту'пимъ бж~iя 
мт~ре, и= w=б\ъи'мемъ сердцы` и= о_у=стна'ми, _о=чесы` и= 
лице'мъ чи'стw прикаса'ющеся, и= почерпа'юще и=сцjьле'нiй 
незави^стныя да'ры w\т и=сто'чника приснотеку'щагw.

%<П%>рiими` w\т на'съ пjь'снь и=схо'дную, мт~и жива'гw 
бг~а, (с. 300) и= свjьтоно'сною твое'ю и= бж\ственною 
w=сjьни` бл~года'тiю, во'инству побjьди'т_ельная, 
хр\столю^бнымъ лю'демъ ми'ръ, w=ставле'нiе пою'щымъ, и= 
душа'мъ спасе'нiе подаю'щи.

%<Та'же _о='ба ли'ка, сше'дшеся вку'пjь, пою'тъ пе'рвагw 
канw'на припjь'въ, и= i=рмо'съ: П%>обjьжда'ются _е=стества`: 
%<И= втора'гw канw'на припjь'въ, и= i=рмо'съ: В%>ся'къ 
земноро'дный:

%<И= покло'нъ.%>

%<Свjьти'ленъ. Подо'бенъ: Н%>е'бо sвjьзда'ми:

%<А=%>п\сли w\т кон_е'цъ совоку'пльшеся здjь`, въ 
геfсiманi'йстjьй ве'си погреби'те тjь'ло мое`: и= ты`, сн~е 
и= бж~е мо'й,прiими` ду'хъ мо'й.

%<Три'жды.%>

%<На хвали'техъ стiхи^ры на д~, гла'съ д~. Подо'бенъ: 
Jа='%>кw до'бля:

%<В%>ъ сла'вномъ о_у=спе'нiи твое'мъ * нб~са` ра'дуются, 
* и= а='гг~льская возра'довашася вw'инства, * вся' же земля` 
весели'тся, * пjь'снь тебjь` и=схо'дную провозглаша'ющи, * 
мт~ри всjь'ми вл\дчествующагw, * неискусобра'чная прест~а'я 
дв~о, * jа='же ро'дъ человjь'ческiй и=зба'вльшая * 
прароди'тельнагw w=сужде'нiя.

%<Два'жды.%>

%<W\т%> кон_е'цъ стеко'шася * а=п\слwвъ лу'чшiи, * 
бг~онача'льнымъ манове'нiемъ, погребсти' тя, и= w\т земли` 
взе'млему тя` * къ высотjь` зря'ще, * гла'съ гаврiи'ловъ 
ра'достiю вопiя'ху тебjь`: * ра'дуйся, носи'ло бж~ества` 
всегw`: ра'дуйся, _е=ди'на, земна^я съ вы'шними * рж\ство'мъ 
твои'мъ совоку'пльшая.

%<Jа='%>же живо'тъ ро'ждшая, * къ жи'зни премину'ла 
_е=си` * честны'мъ о_у=спе'нiемъ твои'мъ безсме'ртнjьй, * 
дорv"нося'щымъ тя` а='гг~лwмъ, * нача'лwмъ и= си'ламъ, * 
а=п\слwмъ и= пр\оро'кwмъ, * и= все'й тва'ри, прiе'мшу же 
нетлjь'нными дла'ньми сн~у твоему` * непоро'чную ду'шу 
твою`, дв~о мт~и бг~оневjь'сто.

%<Сла'ва, и= ны'нjь, гла'съ s~:%>

%<Н%>а безсме'ртное твое` о_у=спе'нiе, бц\де мт~и 
живота`, _о='блацы а=п\слы по возду'ху восхища'ху, и= по 
мi'ру разсjь^янныя, во _е=ди'номъ ли'цjь предста'ша 
прест~о'му твоему` (с. 301) тjь'лу, _е='же и= погре'бше 
че'стнw, гла'съ тебjь` гаврiи'ловъ пою'ще вопiя'ху: 
ра'дуйся, бл~года'тная, дв~о мт~и безневjь'стная, гд\сь съ 
тобо'ю. съ ни'миже jа='кw сн~а твоего` и= бг~а на'шего 
моли`, спасти'ся душа'мъ на'шымъ.

%<Славосло'вiе вели'кое. И= w\тпу'стъ, и= дае'тся 
_е=ле'й w\т канди'ла прест~ы'я бц\ды, и= ча'съ а~, и= 
коне'чный w\тпу'стъ.%>

%<На лiтургi'и: Блаж_е'нна, а~-гw канw'на, пjь'снь г~-я, 
на д~: и= в~-гw канw'на пjь'снь s~-я, на д~. По вхо'дjь 
тропа'рь пра'здника: Сла'ва, и= ны'нjь, конда'къ. 
Прокi'менъ, пjь'снь бц\ды, гла'съ г~: В%>ели'читъ душа` моя` 
гд\са, и= возра'довася ду'хъ мо'й w= бз~jь сп~сjь мое'мъ. 
%<Стi'хъ: Jа='%>кw призрjь` на смире'нiе рабы` своея`, се' 
бо w\тны'нjь о_у=блажа'тъ мя` вси` ро'ди. %<А=п\слъ къ 
фiлiпписi'_емъ, зача'ло с~м. А=ллилу'iа, гла'съ в~: 
В%>оскресни`, гд\си, въ поко'й тво'й: %<Стi'хъ: К%>ля'тся 
гд\сь дв~ду и='стиною: %<_Е=v\глiе луки`, зача'ло н~д. 
Вмjь'стw Д%>осто'йна, %<пое'мъ i=рмо'съ: П%>обjьжда'ются 
_е=стества` о_у=ста'вы: и= до w\тда'нiя. %<Прича'стенъ: 
Ч%>а'шу спасе'нiя прiиму`:

%<Н%>а трапе'зjь о_у=тjьше'нiе бра'тiи. %<А='%>ще ли 
бу'детъ пра'здникъ се'й въ сре'ду, и=ли` въ пято'къ: 
%<Р%>азрjьша'емъ то'чiю на ры'бу и= вiно`. %<А='%>ще ли въ 
понедjь'льникъ: %<И=%> мiря'не разрjьша'ютъ на мя'со, и= 
сы'ры, и= jа='ица: мона'си же то'чiю на ры'бу и= вiно`. 
%<П%>ра'зднуется о_у='бw се'й пра'здникъ де'вять днi'й.

%<<М\р> Подоба'етъ вjь'дати: а='ще случи'тся 
пра'здникъ пресвяты'я бц\ды о_у=спе'нiя въ недjь'лю:%>

%<В%>ъ суббw'ту, на ма'лjьй вече'рни: на %<Г%>д\си, 
воззва'хъ, стiхи^ры воскр\сны гла'са, д~: Сла'ва, и= ны'нjь, 
пра'здника. %<Н%>а стiхо'внjь стiхи'ра, воскр\сна _е=ди'на, 
и= пра'здника, стiхо'вна вели'кiя вече'рни, съ припjь'вы 
пра'здника. Сла'ва, и= ны'нjь, пра'здника. Тропа'рь 
воскр\снъ. Сла'ва, и= ны'нjь, пра'здника. _Е=ктенiа` ма'лая, 
и= w\тпу'стъ.

%<Н%>а вели'цjьй вече'рни. По _о=бы'чной каfi'смjь, на 
%<Г%>д\си, воззва'хъ, стiхи^ры воскр\сны три`: и= 
@восто'ченъ@{@А=нато'лiевъ@} _е=ди'нъ: и= пра'здника s~: 
Сла'ва, и= ны'нjь, пра'здника. %<В%>хо'дъ. Прокi'менъ дне`: 
и= чт_е'нiя (с. 302) три`, пра'здника. %<Н%>а лiтi'и 
стiхи^ры, и= Сла'ва, и= ны'нjь, пра'здника. %<Н%>а 
стiхо'внjь стiхи^ры воскр\сны. Сла'ва, и= ны'нjь, 
пра'здника. %<Н%>а благослове'нiи хлjь'бwвъ тропа'рь 
пра'здника, три'жды, и= чте'нiе въ посла'нiихъ.

%<Н%>а о_у='трени, на %<Б%>г~ъ гд\сь, тропа'рь 
воскр\снъ, два'жды. Сла'ва, и= ны'нjь, пра'здника. %<П%>о 
_о=бы'чныхъ каfi'смахъ, сjьда'льны воскр\сны съ бг~орw'дичны 
и='хъ. И= чте'нiе во _е=v\глiи толково'мъ, недjь'ля 
рядова'я. Та'же многоми'лостиво: и= тропари`, 
%<А='%>гг~льскiй собо'ръ: и= сjьда'льны вси` пра'здника, по 
_е=ди'ножды. И= чте'нiе пра'здника. %<С%>теп_е'нна гла'са. 
%<П%>рокi'менъ, и= _е=v\глiе пра'здника. Та'же, 
%<В%>оскресе'нiе хр\сто'во: _Псало'мъ н~. И= цjьлова'нiе 
_е=v\глiа, по _о=бы'чаю. Посе'мъ Сла'ва, %<М%>оли'твами 
бц\ды: И= ны'нjь, то'йже. Стiхи'ра пра'здника. %<К%>анw'нъ 
воскр\снъ со i=рмосо'мъ на д~: и= бц\ды на в~: и= пра'здника 
_о='ба канw'на на и~. %<К%>атава'сiа, i=рмосы` пра'здника, 
_о=бои'хъ канw'нwвъ. %<П%>о г~-й пjь'сни конда'къ воскр\снъ, 
v=пакои` пра'здника _е=ди'ножды. %<П%>о s~-й пjь'сни 
конда'къ пра'здника и= i='косъ. И= чте'мъ про'логъ. %<Н%>а 
f~-й пjь'сни припjь'вы не пое'мъ, но %<Ч%>естнjь'йшую: 
Свjьти'ленъ воскре'сенъ. Сла'ва, и= ны'нjь, пра'здника. 
%<Н%>а хвали'техъ стiхи^ры воскр\сны д~: и= пра'здника д~, 
съ припjь'вы пра'здника, Сла'ва, пра'здника: И= ны'нjь, 
%<П%>ребл~гослове'нна _е=си`: и= славосло'вiе вели'кое. 
Тр\сто'е. Тропа'рь воскр\снъ то'чiю. _Е=кт_енiи`, и= 
w\тпу'стъ. Дае'тся же и= _е=ле'й w\т канди'ла пра'здника. 
Та'же стiхи'ра _е=v\гльская, и= w=глаше'нiе, и= _о=бы'чное 
и=схожде'нiе. И= ча'съ а~ въ притво'рjь. %<Н%>а а~-мъ часjь` 
тропа'рь воскр\снъ. Сла'ва, пра'здника: И= ны'нjь, 
бг~оро'диченъ часw'въ. %<П%>о %<_О='%>ч~е на'шъ, конда'къ 
воскре'сенъ: и= w\тпу'стъ. Та'коже и= на про'чихъ часjь'хъ 
тропа'рь воскре'сенъ. Сла'ва, пра'здника: И= ны'нjь, 
бг~оро'диченъ часw'въ. Конда'къ пра'здника, и= воскре'сенъ, 
глаго'лемъ премjьня'юще.

%<Н%>а лiтургi'и, Бл~ж_е'нна воскре'сна гла'са на s~: и= 
пра'здника, пjь'снь г~, на д~. %<П%>о вхо'дjь тропа'рь 
воскре'сенъ, и= пра'здника. Сла'ва, конда'къ воскре'сенъ: И= 
ны'нjь, пра'здника. %<П%>рокi'менъ, а=п\слъ, а=ллилу'iа, и= 
_е=v\глiе, и= прича'стенъ дне`, и= пра'здника.