Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав> 


Мjь'сяца а='vгуста въ _е~_i де'нь.

[гл\ва л~s] О_у=спе'нiе прест~ы'я сла'вныя вл\дчцы 
на'шея бц\ды, и= приснодв~ы мр~i'и.

На ма'лjьй вече'рни, на Гд\си воззва'хъ стiхи^ры на д~.

Гла'съ а~.

Подо'бенъ: Нб\сныхъ чинw'въ:

Безсме'ртнымъ о_у=спе'нiемъ бж~iя мт~ре, а='гг~льскiй 
собо'ръ ра'дуется. и= сiя` w\тходя'щи, во _о=би'т_ели 
вjь^чныя вселя'ется, и= къ весе'лiю нб\сному преходя'щи, въ 
бж~е'ственную ра'дость, и= вjь'чное наслажде'нiе.

Жи'зни вы'шнiя жела'ющи, сiю` w=ста'вила _е=си` 
бг~ороди'тельнице, _о=трокови'це дjь'вства цвjь'те, хр\ста` 
ро'ждшая всjь'хъ живота`, бл~гоговjь'йнw предстоя'ше 
а=п\сльскiй собо'ръ чт\сно'му твоему` погребе'нiю, 
бг~оневjь'стная.

Твои'мъ и=схо'днымъ пjь'нiемъ и= надгро'бнымъ, возду'хъ 
о_у='бw w=святи'ся, восхожде'нiемъ твои'мъ мт~и бг~а 
человjьколю'бца, чу'до стра'шное, бц\де неискусому'жная: 
тjь'мже вjь'рнw покланя'емъ ти ся вjь'рнiи, бц\де 
неискусобра'чная. 

Сла'ва, и= ны'нjь, гла'съ s~:

Прiиди'те, всемi'рное о_у=спе'нiе всенепоро'чныя бц\ды 
пра'зднуемъ: дне'сь бо а='гг~ли торжеству'ютъ чт\сно'е 
преставле'нiе бж~iя мт~ре, и= къ весе'лiю на'съ земны'хъ 
призыва'ютъ, вопи'ти немо'лчнымъ гла'сомъ: ра'дуйся, 
преста'вльшаяся, w\т земли`, и= къ нб\снымъ _о=би'телемъ 
пресе'льшаяся. ра'дуйся, jа='же о_у=ч~нческiй ли'къ 
_о='блакомъ ле'гкимъ во _е=ди'но собра'вшая, ра'дуйся, 
о_у=пова'нiе и= сп~се'нiе на'ше: тя' бо хр\стiа'нскiй ро'дъ 
непреста'ннw о_у=бл~жа'етъ. 

Прокi'менъ дне`. 

На стiхо'внjь стiхи^ры, гла'съ в~: 

Подо'бенъ: До'ме _е=vфра'fовъ:

Собо'ръ о_у=ч~нкъ, и= бж~е'ственныхъ а=п\слъ, собра'ся 
погребсти` бг~опрiя'тное тjь'ло _е=ди'ныя бг~омт~ре.

Стi'хъ: Воскр\сни`, гд\си, въ поко'й тво'й, ты`, и= 
кiвw'тъ ст~ы'ни твоея`.

Ты` и='же и=з\ъ нея` возсiя'вый неизрече'ннw, 
сн~олjь'пнw дх~ъ всеч\стый рука'ми твои'ми прiими` бц\ды, 
вл\дко. 

Стi'хъ: Кля'тся гд\сь дв~ду и='стиною, и= не 
w\тве'ржется _е=я`.

_Е=гда` ко и=з\ъ тебе` ро'ждшемуся преста'вилася _е=си`, 
снидо'шася на _о='блацjьхъ, тjь'ло твое` погребсти` дв~о 
а=п\сли.

Сла'ва, и= ны'нjь:

Дв_е'ри нб\сныя возми'теся, зря'ще две'рь вы'шнягw, 
и=ду'щу со сла'вою къ сн~у и= бг~у. 

Тропа'рь, гла'съ а~:

Въ рж\ствjь` дв\ство сохрани'ла _е=си`, во о_у=спе'нiи 
мi'ра не w=ста'вила _е=си` бц\де, преста'вилася _е=си` къ 
животу`, мт~и су'щи живота`: и= мл~твами твои'ми 
и=збавля'еши w\т сме'рти ду'шы на'шя. 

_Е=ктенiа` ма'лая, и= w\тпу'стъ.

На вели'цjьй вече'рни,

пое'мъ, Бл~же'нъ му'жъ, а~-й а=нтiфw'нъ.

На Гд\си воззва'хъ ста'вимъ стiхw'въ и~, и= пое'мъ 
стiхи^ры, гла'съ а~:

_W ди'вное чу'до! и=сто'чникъ жи'зни во гро'бjь 
полага'ется, и= лjь'ствица къ нб~си` гро'бъ быва'етъ: 
весели'ся геfсiма'нiе, бг~оро'диченъ ст~ы'й до'ме. 
возопiе'мъ вjь'рнiи, гаврiи'ла и=му'ще чинонача'льника: 
бл~года'тная ра'дуйся, съ тобо'ю гд\сь, подая'й мi'рови 
тобо'ю ве'лiю мл\сть. [Три'жды.]

Ди^вны твоя^ та^йны бц\де, вы'шнягw пр\сто'лъ jа=ви'лася 
_е=си` вл\дчце, и= w\т земли` къ нб~си` преста'вилася _е=си` 
дне'сь. сла'ва твоя` бг~олjь'пная, бг~оподо'бными сiя'ющи 
чудесы`. дjь^вы съ мт~рiю цр~е'вою на высоту` возноси'теся. 
бл~года'тная ра'дуйся, съ тобо'ю гд\сь, подая'й мi'рови 
тобо'ю ве'лiю мл\сть. [Три'жды.]

Твое` сла'вятъ о_у=спе'нiе, вла^сти и= пр\сто'ли, 
нача^ла и= гд\сьства, си^лы и= херувi'ми, и= стра'шнiи 
серафi'ми: ра'дуются земноро'днiи, w= бж~е'ственнjьй твое'й 
сла'вjь крася'щеся. припа'даютъ ца'рiе со а=рха'гг~лы и= 
а='гг~лы, и= воспjьва'ютъ: бл~года'тная ра'дуйся, съ тобо'ю 
гд\сь, подая'й мi'рови тобо'ю ве'лiю мл\сть. [Два'жды.] 

Сла'ва, и= ны'нjь, гла'съ то'йже:

Бг~онача'льнымъ манове'нiемъ, w\твсю'ду бг~оно'снiи 
а=п\сли _о='блаки высо'цjь взима'еми, доше'дше преч\стагw и= 
живонача'льнагw твоегw` тjь'ла, любе'знw лобыза'ху. 
превы^шнiя же нб\сныя си^лы, съ свои'мъ вл\дкою прише'дше, 
бг~опрiя'тное и= преч\стое тjь'ло предсыла'юще о_у='жасомъ 
w=держи'ми: прекра'снw же пред\ъидя'ху, и= неви'димw 
вопiя'ху превы^шнимъ чинонача'лi_емъ: се` всецр~и'ца 
бг~о_отрокови'ца прiи'де, возми'те врата` и= сiю` премi'рнw 
под\ъими'те, присносу'щагw мт~рь свjь'та. тоя' бо ра'ди 
всеро'дное человjь'кwмъ сп~се'нiе бы'сть: на ню' же взира'ти 
не мо'жемъ, и= то'й досто'йную че'сть возда'ти немо'щно: 
тоя' бо преизя'щное прехо'дитъ вся'къ о_у='мъ. тjь'мже 
преч\стая бц\де, при'снw съ живоно'снымъ цр~е'мъ, и= 
рж\ство'мъ живу'щи, моли'ся вы'ну сохрани'ти и= сп~сти`, w\т 
вся'кагw прило'га проти'внагw, нw'выя лю'ди твоя^: твое' бо 
предста'тельство стяжа'хомъ, во вjь'ки свjьтоявле'ннw 
бл~жа'ще.

Вхо'дъ. Прокi'менъ дне`.

Чт_е'нiя три`, [пи^саны рж\ству` бц\ды ли'стъ в~_i на 
w=боро'тjь. 

На лiтi'и стiхи^ры самогла'сны, гла'съ а~:

Подоба'ше самови'дц_емъ сло'ва и= слуга'мъ, и= _е='же по 
пло'ти мт~ре _е=гw` о_у=спе'нiе ви'дjьти, коне'чное _е=ли'ко 
на не'й та'инство: jа='кw да не то'кмw _е='же w\т земли` 
сп~сово восхожде'нiе о_у='зрятъ, но и= ро'ждшiя _е=го` 
преставле'нiю свидjь'тельствуютъ. тjь'мже w\твсю'ду 
бж~е'ственною си'лою собра'вшеся, сiw'на достиго'ша, и= на 
нб~о и=ду'щую предсыла'ху вы'шшую херувi^мъ: _е='йже и= мы` 
съ ни'ми покланя'емся, jа='кw моля'щейся w= душа'хъ на'шихъ.

Гла'съ в~:

[А=нато'лiево:] Jа='же нб~съ вы'шшая су'щи, и= херувi^мъ 
сла'внjьйшая, и= всея` тва'ри ч\стнjь'йшая, jа='же 
премно'гiя ра'ди чистоты`, присносу'щагw существа` 
прiя'телище бы'вши, въ сыно'внjь ру'цjь дне'сь всест~у'ю 
предае'тъ ду'шу, и= съ не'ю и=сполня'ются вся'ч_еская 
ра'дости, и= на'мъ да'руетъ ве'лiю мл\сть.

[I=wа'нново:] Всенепоро'чная невjь'ста, и= мт~и 
бл~говоле'нiя _о='ч~а, jа='же бг~у пронарече'нная во свое` 
_е=му` жили'ще несли'тнагw соедине'нiя, дне'сь преч\стую 
ду'шу творцу` и= бг~у предае'тъ: ю='же безпло'тныхъ си^лы 
бг~олjь'пнw под\ъе'млютъ, и= къ животу` преставля'ется 
су'щая мт~и живота`, свjьща` непристу'пнагw свjь'та, 
сп~се'нiе вjь'рныхъ, и= о_у=пова'нiе ду'шъ на'шихъ. 

Гла'съ г~:

[Ге'рманово:] Прiиди'те, вси` концы` земнi'и, ч\стно'е 
преставле'нiе бг~омт~ре восхва'лимъ, въ ру'цjь бо сн~а ду'шу 
непоро'чную положи`. тjь'мже ст~ы'мъ о_у=спе'нiемъ _е=я` 
мi'ръ w=животвори'ся: во _псалмjь'хъ и= пjь'нiихъ и= 
пjь'снехъ дх~о'вныхъ, со безпло'тными и= а=п\слы пра'зднуетъ 
свjь'тлw.

Сла'ва, гла'съ _е~:

[Fеофа'ново:] Прiиди'те празднолю'бныхъ собо'ръ, 
прiиди'те и= ли'къ соста'вимъ, прiиди'те, вjьнча'имъ 
пjь'сньми цр~ковь, о_у=покое'нiемъ ковче'га бж~iя, дне'сь бо 
нб~о простира'етъ нjь^дра, прiе'мля ро'ждшую всjь'ми 
невмjьсти'маго: и= земля` и=сто'чникъ жи'зни, w\тдаю'щи 
бл~гослове'нiе, о_у=краша'ется бл~голjь'пiемъ. а='гг~ли 
ли'къ составля'ютъ со а=п\слы, о_у=жа'снw взира'юще, w\т 
живота` въ живо'тъ преставля'ему, ро'ждшую нача'льника 
жи'зни. вси` поклони'мся _е='й моля'щеся: сро'дна 
присвое'нiя не забу'ди вл\дчце, вjь'рнw пра'зднующихъ 
всест~о'е твое` о_у=спе'нiе.

И= ны'нjь, гла'съ то'йже:

Воспо'йте лю'дiе мт~ри бг~а на'шегw, воспо'йте: дне'сь 
бо всесвjь'тлую ду'шу свою` въ преч\стыя дла^ни, и='же и=з\ъ 
нея` вопло'щшагося без\ъ сjь'мене предае'тъ: _е=го'же и= 
мо'литъ непреста'ннw, дарова'ти вселе'ннjьй ми'ръ, и= ве'лiю 
мл\сть.

На стiхо'внjь стiхи^ры самогла'сны, гла'съ д~:

Прiиди'те воспое'мъ лю'дiе, прест~у'ю дв~у ч\стую, и=з\ъ 
нея'же неизрече'ннw про'йде, вопло'щься сло'во _о='ч~ее, 
зову'ще и= глаго'люще: бл~гослове'нна ты` въ жена'хъ, 
бл~же'нное чре'во вмjьсти'вшее хр\ста`. тогw` ст~ы^мъ 
рука'мъ ду'шу преда'вши, моли'ся преч\стая, сп~сти'ся 
душа'мъ на'шымъ.

Стi'хъ: Воскр\сни` гд\си въ поко'й тво'й, ты` и= кiвw'тъ 
ст~ы'ни твоея`.

Дв~дскую пjь'снь дне'сь лю'дiе, воспое'мъ хр\сту` бг~у: 
приведу'тся, рече`, цр~ю` дjь^вы въ слjь'дъ _е=я`, и= 
и='скр_енняя _е=я` приведу'тся въ весе'лiи и= ра'дованiи. 
и='бо w\т сjь'мене дв~дова, _е=я'же ра'ди мы` w=божи'хомся, 
въ ру'цjь своегw` сн~а и= вл\дки, сла'внw и= па'че сло'ва 
прелага'ется, ю='же jа='кw мт~рь бж~iю воспjьва'юще, 
вопiе'мъ и= глаго'лемъ: сп~си` на'съ и=сповjь'дающихъ тя` 
бц\ду, w\т вся'кагw w=бстоя'нiя, и= и=зба'ви w\т бjь'дъ 
ду'шы на'шя.

Стi'хъ: Кля'тся гд\сь дв~ду и='стиною, и= не 
w\тве'ржется _е=я`.

Всеч\стно'е твое` о_у=спе'нiе, прест~а'я дв~о ч\стая, 
а='гг~лъ мно'ж_ества на нб~си`, и= человjь'ческiй ро'дъ на 
земли` о_у=блажа'емъ, jа='кw мт~и была` _е=си` творца` 
всjь'хъ, хр\ста` бг~а. того` моля'щи не преста'й w= на'съ, 
мо'лимся, и=`же на тя` съ бг~омъ о_у=пова'нiе поло'жшихъ, 
бц\де всепjь'тая, и= неискусобра'чная.

Сла'ва, и= ны'нjь, гла'съ то'йже:

_Е=гда` и=зшла` _е=си` бц\де дв~о, ко и=з\ъ тебjь` 
ро'ждшемуся неизрече'ннw, бя'ше i=а'кwвъ бра'тъ бж~iй, и= 
пе'рвый сщ~еннонача'льникъ, пе'тръ же ч\стнjь'йшiй 
верхо'вникъ, бг~осло'вwвъ нача'льникъ: и= ве'сь 
бж~е'ственный а=п\сльскiй ли'къ, jа=вле'ннымъ бг~осло'вiемъ 
пjьсносло'вяще, бж~е'ственное и= стра'шное хр\ста` бг~а 
смотре'нiя та'инство, и= живонача'льное и= бг~опрiя'тное 
твое` тjь'ло погре'бше, ра'довахуся всепjь'тая, превы'ше же 
прест~ы^я и= старjь'йшыя а='гг~льскiя си^лы, чудеси` 
дивя'щеся, прини'кше дру'гъ ко дру'гу глаго'лаху: возми'те 
ва^ша врата`, и= воспрiими'те ро'ждшую нб~се` и= земли` 
творца`. славословле'нми же воспое'мъ, ч\стно'е и= ст~о'е 
тjь'ло, вмjьсти'вшее на'ми неви'димаго и= гд\са, тjь'мже и= 
мы` па'мять твою` пра'зднующе, вопiе'мъ ти` препjь'тая: 
хр\стiа'нскiй ро'дъ вознеси`, и= сп~си` ду'шы на'шя.

На бл~гослове'нiи хлjь'бwвъ тропа'рь, гла'съ а~: Въ 
рж\ствjь` дв\ство сохрани'ла _е=си`: три'жды [пи'санъ на 
ма'лjьй вече'рни. И= чте'нiе.

На о_у='трени,

на Бг~ъ гд\сь, тропа'рь пра'здника, три'жды. 

По а~-й стiхоло'гiи сjьда'ленъ, гла'съ а~:

Подо'бенъ: Гро'бъ тво'й сп~се:

Всеч\стны'й ли'къ прему'дрыхъ а=п\слъ собра'ся чу'днw, 
погребсти` сла'внw тjь'ло твое` преч\стое, бц\де всепjь'тая: 
съ ни'миже воспjь'ша и= а='гг~лъ мно'жество, преставле'нiе 
твое` чт\снw хва'ляще, _е='же вjь'рою пра'зднуемъ. 

Сла'ва, и= ны'нjь, то'йже. И= чте'нiе. 

По в~-й стiхоло'гiи сjьда'ленъ, гла'съ г~:

Подо'бенъ: Красотjь` дв\ства:

Въ рж\ствjь` твое'мъ зача'тiе безсjь'менное, во 
о_у=спе'нiи твое'мъ ме'ртвость нелjь'нная, чу'до въ чудеси` 
сугу'бо стече'ся бц\де: ка'кw бо неискусому'жная, 
младопита'тельница чт\са` су'щи; ка'кw же мт~и бг~у 
мертвоно'сна мv"роуха'ющи; тjь'мже со а='гг~ломъ вопiе'мъ 
ти`: ра'дуйся бл~года'тная.

Сла'ва, и= ны'нjь, то'йже. 

По полv"еле'и сjьда'ленъ, гла'съ д~: 

Подо'бенъ: О_у=диви'ся i=w'сифъ:

Возопi'й дв~де, что` се'й пра'здникъ, _е=го'же воспjь'лъ 
_е=си` дре'вле въ кни'зjь _псало'мстjьй; jа='кw дще'рь 
бг~о_отрокови'цу и= дв~у, преложи` ю=` на _о='ны _о=би'т_ели 
хр\сто'съ, и='же и=з\ъ нея` без\ъ сjь'мене ро'ждься. и= 
сегw` ра'ди ра'дуются ма'т_ери и= дщ_е'ри, и= невjь'сты 
хр\стw'вы, вопiю'ще: ра'дуйся преста'вившаяся къ вы'шнему 
цр\ствiю. 

Сла'ва, и= ны'нjь, то'йже.

Степ_е'нна, а~-й а=нтiфw'нъ д~-гw гла'са.

Прокi'менъ, гла'съ д~: Помяну` и='мя твое` во вся'комъ 
ро'дjь и= ро'дjь. Стi'хъ: Слы'ши дщи` и= ви'ждь, и= 
приклони` о_у='хо твое`.

Вся'кое дыха'нiе да хва'литъ гд\са.

 _Е=v\глiе луки`, зача'ло д~.

По н~-мъ _псалмjь` стiхи'ра, гла'съ s~, самогла'сна. 

[Вv"зантi'ево:] _Е=гда` преставле'нiе преч\стагw твоегw` 
тjь'ла готовля'шеся, тогда` а=п\сли w=бстоя'ще _о='дръ, съ 
тре'петомъ зря'ху тя`. и= _о='ви о_у='бw взира'юще на 
тjь'ло, о_у='жасомъ w=держи'ми бя'ху, пе'тръ же со слеза'ми 
вопiя'ше ти`: _w дв~о, ви'жду тя` jа='снw просте'рту 
про'сту, живота` всjь'хъ, и= о_у=дивля'юся: Въ не'йже 
всели'ся бу'дущiя жи'зни наслажде'нiе! но _w преч\стая, 
моли'ся прилjь'жнw сн~у и= бг~у твоему`, сп~сти'ся ста'ду 
твоему` невреди'му. 

Канw'на два`, кv'ръ космы`, и= кv'ръ i=wа'нна. I=рмосы` 
_о=бои'хъ канw'нwвъ по два'жды, тропари' же на в~_i. 

Катава'сiа, кi'йждо ли'къ сво'й i=рмо'съ.

Канw'нъ пе'рвый, [_е=гw'же краестро'чiе: Да 
торжеству'ютъ бг~ому'дрiи.] Гла'съ а~.

Пjь'снь а~.

I=рмо'съ: Преукраше'нная бж~е'ственною сла'вою, 
сщ~е'нная и= сла'вная, дв~о, па'мять твоя`, вся^ собра` къ 
весе'лiю вjь^рныя, начина'ющей марiа'мjь съ ли'ки и= 
тv"мпа'ны, твоему` пою'щыя _е=диноро'дному: сла'внw jа='кw 
просла'вися.

Да провожда'ютъ невеще'ственнiи чи'нове, нб~оше'ственное 
въ сiw'нъ бж~е'ственное тjь'ло твое`: внеза'пу же сте'кшеся 
а=п\слъ мно'жество w\т кон_е'цъ, бц\де, тебjь` предста'ша 
а='бiе, съ ни'миже чт\сая, твою` чт\сну'ю дв~о па'мять 
сла'вимъ.

Побjь^дныя по'ч_ести взяла` _е=си` на _е=стество` 
ч\стая, бг~а ро'ждши: _о=ба'че же подо'бящися творцу` 
твоему` и= сн~у, па'че _е=стества` повину'ешися 
_е=сте'ственнымъ зако'нwмъ. тjь'мже о_у=ме'рши, съ сн~омъ 
востае'ши вjь'чнующи.

Другi'й канw'нъ, i=wа'нна дамаски'на, гла'съ д~.

Пjь'снь а~.

I=рмо'съ: W\тве'рзу о_у=ста` моя^, и= напо'лнятся дх~а, 
и= сло'во w\тры'гну цр~и'цjь мт~ри, и= jа=влю'ся свjь'тлw 
торжеству'я, и= воспою` ра'дуяся тоя` о_у=спе'нiе.

Дjь^вы _о=трокови^цы, съ марiамi'ею пр\оро'чицею, 
пjь'снь и=схо'дную ны'нjь воскли'кните: дв~а бо и= _е=ди'на 
бг~омт~и, ко прiя'тiю нб\сному преставля'ется.

Досто'йнw jа='кw w=душевле'нное тя` нб~о, прiя'ша 
нб\сная преч\стая, бж~е'ств_енная сел_е'нiя: и= предста` 
свjь'тлw о_у=кра'шена, jа='кw невjь'ста всенепоро'чная, 
цр~ю` и= бг~у. 

Пjь'снь г~.

I=рмо'съ: Содjь'тельная и= содержи'тельная всjь'хъ, 
бж~iя му'дросте и= си'ло, непрекло'нну, недви'жиму цр~ковь 
о_у=тверди` хр\сте`: _е=ди'нъ бо _е=си` ст~ъ, во ст~ы'хъ 
почива'яй.

Жену` тя` ме'ртвенну, но па'че _е=стества` и= мт~рь 
бж~iю, ви'дjьвше всенепоро'чная сла'внiи а=п\сли, о_у=жа'снw 
прикаса'хуся рука'ми сла'вою w=блиста'ющей, jа='кw 
бг~опрiя'тное селе'нiе ви'дяще.

Пости'же ру'цjь досади^тельныя де'рзагw, о_у=сjьче'нiемъ 
су'дъ нане'съ, бг~у сохра'ншу че'сть w=душевле'нному 
кiвw'ту, сла'вою бж~ества`, въ не'мже сло'во пло'ть бы'сть.

И='нъ.

I=рмо'съ: Твоя^ пjьсносло'вцы бц\де, живы'й и= 
незави'стный и=сто'чниче, ли'къ себjь` совоку'пльшыя 
дх~о'внw о_у=тверди`, въ бж~е'ственнjьй па'мяти твое'й, 
вjьнц_е'въ сла'вы сподо'би.

W\т ме'ртвыхъ чре'слъ произве'дшися _е=стество'мъ 
подо'бна ч\стая, и=схожде'нiе разрjьши`: ро'ждши же су'щую 
жи'знь, къ жи'зни преста'вися бж~е'ственнjьй, и= 
v=поста'снjьй.

Ли'къ бг~осло'вwвъ w\т кон_е'цъ, свы'ше же а='гг~лъ 
мно'ж_ества къ сiw'ну и=дя'ху, всеси'льнымъ манове'нiемъ 
достодо'лжнw вл\дчце, твоему` погребе'нiю служа'ще. 

V=пакои`, гла'съ и~:

Бл~жи'мъ тя` вси` ро'ди, бц\де дв~о: въ тя' бо 
невмjьсти'мый хр\сто'съ бг~ъ на'шъ, вмjьсти'тися бл~говоли`. 
бл~же'ни _е=смы` и= мы`, предста'тельство тя` и=му'ще: де'нь 
бо и= но'щь мо'лишися w= на'съ, и= ски'петры цр\ствiя 
твои'ми мл~твами о_у=твержда'ются. тjь'мъ воспjьва'юще 
вопiе'мъ ти`: ра'дуйся бл~года'тная, гд\сь съ тобо'ю.

Пjь'снь д~.

I=рмо'съ: Рjь^чи пр\оро'кwвъ и= гада^нiя, воплоще'нiе 
прояви'ша w\т дв~ы, твое` хр\сте`: сiя'нiе блиста'нiя 
твоегw`, во свjь'тъ jа=зы'кwвъ и=зы'детъ, и= возгласи'тъ 
тебjь` бе'здна съ весе'лiемъ: си'лjь твое'й сла'ва 
чл~вjьколю'бче.

Ви'дите лю'дiе и= чуди'теся: гора' бо ст~а'я, и= 
jа='вственная бг~у въ нб\сныя _о=би'т_ели превы'шше 
взе'млется, нб~о земно'е въ нб\сное и= нетлjь'нное селе'нiе 
вселя'емо.

Жи'зни присносу'щныя и= лу'чшiя, сме'рть твоя` бы'сть 
прехожде'нiе ч\стая, w\т привре'менныя къ бж~е'ственнjьй 
вои'стинну и= непреходи'мjьй, преставля'я тя`, ч\стая, въ 
весе'лiи сн~а зрjь'ти твоего`, и= гд\са.

Взя'шася дв_е'ри нб\сныя, и= а='гг~ли воспjь'ша: и= 
прiя'тъ хр\сто'съ дjь'вства своея` мт~ре сосу'дъ: херувi'ми 
под\ъя'ша тя` съ весе'лiемъ, серафi'ми же сла'вятъ 
ра'дующеся.

И='нъ.

I=рмо'съ: Неизслjь'дный бж~iй совjь'тъ, _е='же w\т дв~ы 
воплоще'нiя, тебе` вы'шнягw, пр\оро'къ а=вваку'мъ 
о_у=смотря'я зовя'ше: сла'ва си'лjь твое'й гд\си.

Чу'до бя'ше зрjь'ти, нб~о всjь'хъ цр~я` w=душевле'нное, 
и=спражн_е'нiя преходя'щее земна^я, jа='кw чу^дна дjьла` 
твоя^: сла'ва си'лjь твое'й, гд\си.

А='ще и= непости'жный сея` пло'дъ, и='мже нб~са` бы'ша, 
погребе'нiе прiя'тъ во'лею jа='кw ме'ртвъ: ка'кw погребе'нiя 
w\тве'ржется, неискусобра'чнw ро'ждшая;

Въ преставле'нiи твое'мъ мт~и бж~iя, простра'ннjьйшее 
тjь'ло твое` и= бг~опрiя'тное, а='гг~льская вw'инства, 
сщ~е'нными кри'лы тре'петомъ и= ра'достiю покрыва'ху.

Пjь'снь _е~.

I=рмо'съ: Бж~iю и= неизрече'нную добро'ту, 
добродjь'телей твои'хъ, хр\сте` и=сповjь'мъ: w\т 
присносу'щныя бо сла'вы, соприсносу'щное и= v=поста'сное 
возсiя'вый сiя'нiе, и=з\ъ дjь'вственныя о_у=тро'бы, су'щымъ 
во тьмjь` и= сjь'ни, вопло'щься, возсiя'лъ _е=си` сл~нце.

Jа='кw на _о='блацjь дв~о, а=п\сльскiй ли'къ носи'мь, къ 
сiw'ну w\т кон_е'цъ, служи'ти тебjь`, _о='блаку ле'гкому 
собира'шеся: w\т нея'же вы'шнiй бг~ъ, су'щымъ во тьмjь` и= 
сjь'ни, прв\дное возсiя` сл~нце.

Тру'бъ, бг~опрiя'тнiи я=зы'цы бг~осло'вныхъ муже'й, 
бл~гогла'снjьйше бц\дjь вопiя'ху, и=схо'дную возглаша'юще 
пjь'снь ду'хомъ: ра'дуйся нетлjь'нный и=сто'чниче, бж~iя 
живонача'льнагw и= сп~си'тельнагw всjь^мъ воплоще'нiя.

И='нъ.

I=рмо'съ: О_у=жасо'шася вся'ч_еская w= чт\снjь'мъ 
о_у=спе'нiи твое'мъ: ты' бо неискусобра'чная дв~о, w\т 
земли` преста'вилася _е=си` къ вjь^чнымъ _о=би'телемъ, и= къ 
безконе'чнjьй жи'зни, всjь^мъ воспjьва'ющымъ тя`, сп~се'нiе 
подава'ющая.

Да возглася'тъ трубы^ бг~осло'вwвъ дне'сь: я=зы'къ же 
многовjьща'нный человjь'ческiй, ны'нjь да восхва'литъ: да 
w=гласи'тъ же возду'хъ, безмjь'рнымъ сiя'я свjь'томъ: 
а='гг~ли да пою'тъ преч\стыя дв~ы о_у=спе'нiе.

Сосу'дъ подоба'ше и=збра'нный, пjь'нiемъ ти` ве'сь 
о_у=дивля'емь, дв~и'це, и=схо'денъ, ве'сь w=сщ~е'нъ бг~ови, 
всjь^мъ бг~опрiя'тенъ, и= се'й и='стиннw jа=вля'емый, бц\де 
всепjь'тая.

Пjь'снь s~.

I=рмо'съ: Морскi'й пучиноро'дный ки'товъ вну'треннiй 
_о='гнь, тридне'внагw твоегw` погребе'нiя проwбраже'нiе, 
_е=гw'же i=w'на пр\оро'къ показа'ся, сп~се'нъ бо jа='кw и= 
предпосла'ся, неврежде'нъ вопiя'ше: пожру' ти со гла'сомъ 
хвале'нiя гд\си.

Дае'тъ тебjь` jа='же превы'ше _е=стества`, цр~ь всjь'хъ 
бг~ъ: въ рж\ствjь' бо дв~у jа='коже сохрани`, та'кw во 
гро'бjь тjь'ло соблюде` нетлjь'нно: и= спросла'ви 
бж~е'ственнымъ преставле'нiемъ че'сть тебjь` jа='кw сн~ъ 
мт~ри да'руя.

Вои'стинну тя`, jа='кw свjь'телъ свjь'щникъ, 
невеще'ственнагw свjь'та кади'льницу злату'ю, бж~е'ственнагw 
о_у='гля, во ст~а^я ст~ы'хъ всели`, ру'чку и= же'злъ, 
скрижа'ль бг~опи'санную, ковче'гъ ст~ы'й, трапе'зу сло'ва 
жи'зни, дв~о рж\ство` твое`.

И='нъ.

I=рмо'съ: Бж~е'ственное сiе` и= всеч\стно'е, соверша'юще 
пра'зднество бг~ому'дрiи, бг~омт~ре, прiиди'те рука'ми 
воспле'щимъ, w\т нея` ро'ждшагося бг~а сла'вимъ.

И=з\ъ жи'знь возсiя`, ключи` дjь'вства не руши'вши: 
ка'кw о_у='бw преч\стое и= живонача'льное твое` тjь'ло, 
и=скуше'нiя сме'рти бы'сть прича'стно;

Жи'зни бы'вши хра'мъ, жи'знь присносу'щную о_у=лучи'ла 
_е=си`: сме'ртiю бо къ животу` премину'ла _е=си`, jа='же 
жи'знь ро'ждши воv"поста'сную. 

Конда'къ, гла'съ в~:

Въ моли'твахъ неусыпа'ющую бц\ду, и= въ 
предста'тельствахъ непрело'жное о_у=пова'нiе, гро'бъ и= 
о_у=мерщвле'нiе не о_у=держа'ста: jа='коже бо живота` мт~рь, 
къ животу` преста'ви, во о_у=тро'бу всели'выйся 
приснодв~ственную.

I='косъ: W=гради` моя^ помышл_е'нiя, хр\сте` мо'й, и='бо 
стjь'ну мi'ра воспjь'ти дерза'ю, чт\сую мт~рь твою`, на 
столпjь` глагw'лъ о_у=крjьпи' мя, и= въ тя'жкихъ мы'слехъ 
заступи' мя: ты' бо взыва'ющымъ, и= прося'щымъ вjь'рою, 
мол_е'нiя и=сполня'еши. ты` мнjь` о_у='бw да'руй я=зы'къ 
прино'сенъ, и= по'мыслъ непосты'денъ: вся'кое бо дая'нiе 
сiя'нiя w\т тебе` низпосыла'ется свjьтопода'телю, во 
о_у=тро'бу всели'выйся приснодв~ственную.

Пjь'снь з~.

I=рмо'съ: Безсту'днjьй jа='рости же и= _о=гню` 
бж~е'ственное жела'нiе сопротивля'яся, _о='гнь о_у='бw 
w=роша'ше, jа='рости же смjья'шеся, бг~одохнове'нною 
слове'сною прп\дбныхъ тривjьща'нною цjьвни'цею, 
противовjьща'я мусiкi'йскимъ _о=рга'номъ посреди` пла'мене: 
препросла'вленный _о=тц_е'въ и= на'шъ бж~е бл~гослове'нъ 
_е=си`.

Бг~одjь^ланныя скрижа^ли мwv"се'й, пи^санныя 
бж~е'ственнымъ дх~омъ, jа='ростiю сокру'шъ, но сегw` вл\дка, 
ро'ждшую неврежде'нну въ нб\сныя сохра'нь до'мы, ны'нjь 
вну'трь всели`. съ не'ю и=гра'юще вопiе'мъ хр\сту`: 
препросла'вленный _о=тц_е'въ и= на'шъ бж~е бл~гослове'нъ 
_е=си`.

Въ кv"мва'лjьхъ о_у=сты^ чи'стыми, мусiкi'йски же 
се'рдцемъ свjь'тлымъ, доброгла'сною трубо'ю, высо'кою 
мы'слiю, дв~ы и= чи'стыя въ наро'читый и=збра'нный де'нь 
преставле'нiя, дjь'тельными пле'щуще рука'ми, вопiе'мъ: 
препросла'вленный _о=тц_е'въ и= на'шъ бж~е бл~гослове'нъ 
_е=си`.

Бг~ому'дрiи собери'теся лю'дiе: бж~iя бо сла'вы 
селе'нiе, w\т сiw'на преставля'ется къ нб\сному жили'щу, 
и=дjь'же гла'съ чи'стъ пра'зднующихъ, гла'съ несказа'ннагw 
ра'дованiя, и= въ весе'лiи вопiю'щихъ хр\сту`: 
препросла'вленный _о=тц_е'въ и= на'шъ бж~е бл~гослове'нъ 
_е=си`.

И='нъ.

I=рмо'съ: Не послужи'ша тва'ри бг~ому'дрiи па'че 
созда'вшагw, но _о='гненное преще'нiе му'жески попра'вше, 
ра'довахуся пою'ще: препjь'тый _о=тц_е'въ гд\сь и= бг~ъ 
бл~гослове'нъ _е=си`.

Ю='ношы и= дjь^вы, дв~ыя же и= бг~омт~ре па'мять чту'ще, 
ста'рцы и= кня'зи, ца'рiе и= судiи^ по'йте: _о=т_е'цъ 
на'шихъ гд\си и= бж~е бл~гослове'нъ _е=си`.

Да востру'бятъ трубо'ю дх~о'вною го'ры нб\сныя, да 
ра'дуются хо'лми, и= да и=гра'ютъ бж~е'ственнiи а=п\сли: 
цр~и'ца къ сн~у преставля'ется, съ ни'мъ цр\ствующи.

Всесщ~е'нное преставле'нiе бж~е'ственныя твоея` и= 
нетлjь'нныя мт~ре, премi^рныя вы'шнихъ си'лъ совокупи` 
чи'ны, весели'тися съ су'щими на земли` тебjь` пою'щими: 
бж~е бл~гослове'нъ _е=си`.

Пjь'снь и~.

I=рмо'съ: Пла'мень w=роша'ющъ прп\дбныя, sлочести^выя же 
попаля'ющъ, а='гг~лъ бж~iй всемо'щный, показа` _о=трокw'мъ, 
живонача'льный же и=сто'чникъ содjь'ла бц\ду, тлю` сме'рти, 
и= живо'тъ точа'щу пою'щымъ: содjь'теля _е=ди'нагw пои'мъ 
и=зба'вленнiи, и= превозно'симъ во вся^ вjь'ки. 

Глаго'лы послjь'доваху бж~е'ственному ковче'гу 
сщ~е'нному, все` мно'жество бг~осло'вwвъ въ сiw'нjь: ка'мw 
и='деши ны'нjь ски'нiе, зову'ще, бг~а жива'гw; не преста'й 
призира'ющи вjь'рою пою'щыя: содjь'теля _е=ди'нагw пое'мъ 
и=зба'вленнiи и= превозно'симъ во вся^ вjь'ки.

Jа='коже воздjь'вши ру'цjь, и=схо'диши всенепоро'чная, 
ру'цjь, и='миже бг~а носи'ла _е=си` пло'тiю, со 
дерзнове'нiемъ jа='кw мт~и рекла` _е=си` къ рожде'нному: 
jа='же ми` да'лъ _е=си` во вjь'ки сохрани`, вопiю'щыя 
тебjь`: содjь'теля _е=ди'наго пое'мъ и=зба'вленнiи, и= 
превозно'симъ во вся^ вjь'ки.

И='нъ.

I=рмо'съ: _О='троки бл~гочести^выя въ пещи`, рж\ство` 
бг~оро'дично сп~сло` _е='сть, тогда` о_у='бw w=бразу'емое, 
ны'нjь же дjь'йствуемое, вселе'нную всю` воздвиза'етъ пjь'ти 
тебjь`: гд\са по'йте дjьла` и= превозноси'те _е=го` во вся^ 
вjь'ки.

Па'мять твою` чт\сая дв~о, нача^ла же и= вла^сти и= 
си^лы, а='гг~ли, а=рха'гг~ли, пр\сто'ли, гд\сьства, 
херувi'ми сла'вятъ, и= стра'шнiи серафi'ми: человjь'ческiй 
же ро'дъ пое'мъ, и= превозно'симъ во вся^ вjь'ки.

И='же стра'ннw всели'выйся, бц\де, въ чи'стое чре'во 
твое` воплоща'емь, се'й всесщ~е'нный дх~ъ тво'й прiе'мъ, о_у= 
себе` о_у=поко'и, jа='кw должни'къ сн~ъ: тjь'мже тя` пое'мъ 
дв~о, и= превозно'симъ во вся^ вjь'ки.

_W вы'ше о_у=ма` чуде'съ приснодв~ы же и= бг~омт~ре! во 
гро'бъ бо все'льшися, показа` ра'й. _е=му'же предстоя'ще 
дне'сь, ра'дующеся пое'мъ: гд\са по'йте дjьла`, и= 
превозноси'те _е=го` во вся^ вjь'ки.

На f~-й пjь'сни, Чт\снjь'йшую не пое'мъ, но пое'мъ 
припjь'вы пра'здника: Ро'ди вси` бл~жи'мъ тя` _е=ди'ну 
бц\ду. И=ли`: А='гг~ли о_у=спе'нiе преч\стыя ви'дjьвше 
о_у=диви'шася, ка'кw дв~а восхо'дитъ w\т земли` на нб~о. 
Та'же i=рмо'съ: Побjьжда'ются _е=стества`: И= вторы'й ли'къ 
пое'тъ то'йже припjь'въ и= i=рмо'съ. И= на кi'йждо тропа'рь 
пою'тъ то'йже припjь'въ по _е=ди'ножды.

Пjь'снь f~.

I=рмо'съ: Побjьжда'ются _е=стества` о_у=ста'вы въ 
тебjь`, дв~о чт\сая: дjь'вствуетъ бо рж\ство`, и= живо'тъ 
пред\ъwбруча'етъ сме'рть. по рж\ствjь` дв~а, и= по сме'рти 
жива`, сп~са'еши при'снw, бц\де, наслjь'дiе твое`.

Дивля'хуся а='гг~льскiя си'лы, въ сiw'нjь смотря'юще 
своего` вл\дку, же'нскую ду'шу рука'ми нося'щаго: пречи'стw 
бо ро'ждшей, сынолjь'пнw провозглаша'ше: гряди`, ч\стая, съ 
сн~омъ и= бг~омъ просла'вленна бу'ди.

W=пря'та ли'къ а=п\сльскiй бг~опрiя'тное тjь'ло твое`, 
со стра'хомъ зря'ще, и= гла'сомъ ве'лiимъ вjьща'юще: въ 
нб\сныя до'мы къ сн~у восходя'щи, сп~са'еши при'снw, бц\де, 
наслjь'дiе твое`. 

Посе'мъ пе'рвый ли'къ пое'тъ втора'гw канw'на припjь'въ:

Велича'й, душе` моя`, w\т земли` на нб~о чт\сно'е 
преставле'нiе бж~iя мт~ре. 

И= i=рмо'съ: Вся'къ земноро'дный:

И= вторы'й ли'къ пое'тъ то'йже припjь'въ и= i=рмо'съ. 

И= на кi'йждо тропа'рь пою'тъ то'йже припjь'въ по 
_е=ди'ножды.

И='нъ.

I=рмо'съ: Вся'къ земноро'дный да взыгра'ется дх~омъ 
просвjьща'емь, да торжеству'етъ же безпло'тныхъ о_у=мw'въ 
_е=стество`, почита'ющее сщ~е'нное преставле'нiе бг~омт~ре, 
и= да вопiе'тъ: ра'дуйся, всебл~же'нная бц\де, чт\сая 
приснодв~о.

Прiиди'те въ сiw'нъ, на бж~е'ственную и= ту'чную го'ру 
жива'гw бг~а, возра'дуемся бц\ду зря'ще: къ sjьлw' бо 
лу'чшей, и= бж~е'ственнjьй сjь'ни, jа='кw мт~рь сiю` во 
ст~а^я ст~ы'хъ хр\сто'съ преста'ви.

Прiиди'те, вjь'рнiи, ко гро'бу присту'пимъ бж~iя мт~ре, 
и= w=б\ъи'мемъ сердцы` и= о_у=стна'ми, _о=чесы` и= лице'мъ 
чи'стw прикаса'ющеся, и= почерпа'юще и=сцjьле'нiй 
незави^стныя да'ры w\т и=сто'чника приснотеку'щагw.

Прiими` w\т на'съ пjь'снь и=схо'дную, мт~и жива'гw бг~а, 
и= свjьтоно'сною твое'ю и= бж~е'ственною w=сjьни` 
бл~года'тiю, i=мпера'тору побjьди'т_ельная, хр\столю^бнымъ 
лю'демъ ми'ръ, w=ставле'нiе пою'щымъ, и= душа'мъ сп~се'нiе 
подаю'щи.

Та'же, _о='ба ли^ка, сше'дшеся вку'пjь, пою'тъ пе'рвагw 
канw'на припjь'въ, и= i=рмо'съ: Побjьжда'ются _е=стества`:

И= втора'гw канw'на припjь'въ и= i=рмо'съ: Вся'къ 
земноро'дный: И= покло'нъ. 

Свjьти'ленъ: 

Подо'бенъ: Нб~о sвjьзда'ми:

А=п\сли w\т кон_е'цъ совоку'пльшеся здjь`, въ 
геfсиманi'йстjьй ве'си погреби'те тjь'ло мое`: и= ты`, сн~е 
и= бж~е мо'й, прiими` дх~ъ мо'й. [Три'жды.] 

На хвали'техъ стiхи^ры на д~, гла'съ д~:

Подо'бенъ: Jа='кw до'бля:

Въ сла'вномъ о_у=спе'нiи твое'мъ нб~са` ра'дуются, и= 
а='гг~льская возра'довашася вw'инства: вся' же земля` 
весели'тся, пjь'снь тебjь` и=схо'дную провозглаша'ющи, мт~ри 
всjь'ми вл\дчествующагw, неискусобра'чная прест~а'я дв~о, 
jа='же ро'дъ человjь'ческiй и=зба'вльшая прароди'тельнагw 
w=сужде'нiя. [Два'жды.]

W\Т кон_е'цъ стеко'шася а=п\слwвъ лу'чшiи, 
бг~нача'льнымъ манове'нiемъ погребсти' тя: и= w\т земли` 
взе'млему тя` къ высотjь` зря'ще, гла'съ гаврiи'ловъ 
ра'достiю вопiя'ху тебjь`: ра'дуйся носи'ло бж~ества` 
всегw`. ра'дуйся _е=ди'на, земна^я съ вы'шними рж\ство'мъ 
твои'мъ совоку'пльшая.

Jа='же живо'тъ ро'ждшая, къ жи'зни премину'ла _е=си`, 
ч\стны'мъ о_у=спе'нiемъ твои'мъ безсме'ртнjьй, 
дорv"нося'щымъ тя` а='гг~лwмъ, нача'лwмъ и= си'ламъ, 
а=п\слwмъ, и= пр\оро'кwмъ, и= все'й тва'ри: прiе'мшу же 
нетлjь'нными дла'ньми сн~у твоему`, непоро'чную ду'шу твою`, 
дв~о мт~и бг~оневjь'сто.

Сла'ва, и= ны'нjь, гла'съ s~: 

На безсме'ртное твое` о_у=спе'нiе, бц\де мт~и живота`, 
_о='блацы а=п\слы по возду'ху восхища'ху, и= по мi'ру 
разсjь^янныя во _е=ди'номъ ли'цjь предста'ша прест~о'му 
твоему` тjь'лу, _е='же и= погре'бше че'стнw, гла'съ тебjь` 
гаврiи'ловъ пою'ще, вопiя'ху: ра'дуйся бл~года'тная дв~о, 
мт~и безневjь'стная, гд\сь съ тобо'ю. съ ни'миже, jа='кw 
сн~а твоего` и= бг~а на'шего, моли` сп~сти'ся душа'мъ 
на'шымъ.

Славосло'вiе вели'кое, и= w\тпу'стъ. И= дае'тся _е=ле'й 
w\т канди'ла прест~ы'я бц\ды: и= ча'съ а~, и= коне'чный 
w\тпу'стъ.

На лiтургi'и:

Бл~же'нна, а~-гw канw'на, пjь'снь г~-я, на д~: и= в~-гw 
канw'на, пjь'снь s~-я, на д~. По вхо'дjь тропа'рь 
пра'здника. Сла'ва, и= ны'нjь, конда'къ. Прокi'менъ, пjь'снь 
бц\ды, гла'съ г~. Вели'читъ душа` моя` гд\са, и= 
возра'довася дх~ъ мо'й w= бз~jь сп~сjь мое'мъ. Стi'хъ: 
jа='кw призрjь` на смире'нiе рабы` своея`, се' бо w\т ны'нjь 
о_у=бл~жа'тъ мя` вси` ро'ди. А=п\слъ къ фiлiпписi'wмъ, 
зача'ло с~м. А=ллилу'iа, гла'съ в~. Воскр\сни`, гд\си, въ 
поко'й тво'й, ты`, и= кiвw'тъ ст~ы'ни твоея`. Стi'хъ: 
Кля'тся гд\сь дв~ду и='стиною, и= не w\тве'ржется _е=я`. 
_Е=v\глiе луки`, зача'ло н~д. Вмjь'стw Досто'йнw, пое'мъ 
i=рмо'съ: Побjьжда'ются _е=стества` о_у=ста'вы: И= до 
w\тда'нiя. 

Прича'стенъ: Ча'шу сп~се'нiя прiиму`: 

На трапе'зjь о_у=тjьше'нiе бра'тiи. А='ще ли бу'детъ 
пра'здникъ се'й въ сре'ду и=ли` въ пято'къ: разрjьша'емъ 
то'чiю на ры'бу и= вiно`. А='ще ли въ понедjь'льникъ: 
мiря'не разрjьша'ютъ на мя'со, и= сы'ры и= jа='ица: Мона'си 
же то'чiю на ры'бу и= вiно`.

Пра'зднуется о_у='бw се'й пра'здникъ де'вять дне'й: 

[зри`] Вjь'стно о_у='бw бу'ди, jа='кw а='ще случи'тся 
пра'здникъ о_у=спе'нiя прест~ы'я бц\ды въ недjь'лю, зри` 
всегw` цр~ко'внагw послjь'дованiя ве'черъ и= о_у='тро на 
рж\ство` прест~ы'я бц\ды, ли'стъ к~а на w=боро'тjь. То'чiю 
катава'сiа пра'здника, i=рмосы` _о=бои'хъ канw'нwвъ.