Богослужебные тексты

<::лат>        OCR:

<::рус>        Библиотека святоотеческой литературы

<::лат>        http://orthlib.ru

<::слав>

(с. 406)

%<Мjь'сяца тогw'же въ к~а-й де'нь.%>

%<Ст~а'гw а=п\сла fадде'а: и= ст~ы'я мч~ницы ва'ссы.%>

%<И= преставле'нiе прп\дбнагw _о=тца` на'шегw а=враа'мiа 
а=рхiмандрi'та, смоле'нскагw чудотво'рца.%>

%<С%>лу'жба _е=гw` пи'сана по се'й слу'жбjь.

%<На Г%>д\си, воззва'хъ, %<стiхи^ры а=п\сла г~, гла'съ 
и~.%>

%<Подо'бенъ: _W%> пресла'внагw чудесе`!

%<Б%>лаже'нне fадде'е а=п\сле, * прибли'жився свjь'ту 
кра'йнему, * свjь'тъ вторы'й по бж\ственному прича'стiю * 
вои'стинну бы'лъ _е=си`: * и= разори'въ но'щь многобо'жiя, * 
ду'шы приве'лъ _е=си` вседержи'телю. * тjь'мже ра'дующеся 
свjь'тлую и= благонаро'читую * и= свjьтоза'рную па'мять 
твою` почита'емъ, * хр\ста` сла'вяще.

%<Б%>лаже'нне fадде'е бг~опрiя'тне, * по бж\ственнjьмъ 
хр\сто'вjь * и= свjьтоно'снjьмъ воскр\снiи, * и= къ нб~си` 
прест~jь'мъ вознесе'нiи, * _е=де'сскому гра'ду * бж\ственное 
проповjь'данiе о_у=вjь'рилъ _е=си`: * въ него'же прише'дъ, * 
словесы` и= чудесы`, * мjь'стнаго кня'зя а='vгаря, * и= съ 
ни'мъ всjь'хъ о_у=тверди'лъ _е=си` во и='стинjь.

%<Б%>л~же'нне fадде'е бг~ому'дре, * слjьпы^мъ _е='же 
ви'дjьти, * твои'мъ прикоснове'нiемъ бж\ственнымъ даде'ся, * 
и= хромы^мъ хожде'нiе, и= неду'жнымъ здра'вiе, * и= 
разсла'бл_еннымъ па'ки и=справле'нiе, * и= невjь'ждамъ 
ра'зумъ спаси'теленъ: * ты' бо и=спо'лненъ дарова'нiй бы'лъ 
_е=си` * вседjь'тельнагw дх~а, пребога'те, * тjь'мже 
воспjьва'емъ тя`.

%<И='ны стiхи^ры ст~ы'я, гла'съ д~. Подо'бенъ: Д%>а'лъ 
_е=си` зна'менiе.

%<С%>тра'сть претерпjь'ла _е=си` * мно'гихъ му'къ, 
всехва'льная, * (с. 407) крjь'пкw присту'пльши, * w\тсю'ду 
къ неболjь'зненному преста'вилася _е=си` поко'ю, * и= 
незаходи'мому сiя'нiю, * и= свjь'тлjьй ра'дости, * и= 
вjь'чному бж\ственному наслажде'нiю. * тjь'мъ тя` 
о_у=блажа'емъ, * и= ст~о'е твое` дне'сь соверша'емъ 
торжество`, * страстоте'рпице бг~опрiя'тная.

%<П%>о многоболjь'зненныхъ * и= многоразли'чныхъ му'кахъ 
* въ мо'ре вве'рженнjьй бы'вшей, * бг~ъ тя` спасе`, сп~съ 
вся'ческихъ, * бж\ственною си'лою попра'вшую крjь'пость 
чужда'гw, * ва'ссо многострада'льная: * и= w\тсю'ду 
просвjьти'ла _е=си` благочести'выхъ ра'зумы, * сконча'вши 
зна'м_енiя, * па'че о_у=ма` и= помышле'нiя.

%<Jа='%>коже пти'ца сладкопjь'снива, * въ лу'зjь 
возгласи'вши кра'снагw страда'нiя, * твоя^ созвала` _е=си` 
птенцы` кра^сныя, * ловле'нiя пре'лести и=збjь'гши съ ни'ми, 
ва'ссо бг~ому'драя досточу'дная: * съ ни'миже и= всели'лася 
_е=си` * въ добро'тахъ, преблаже'нная, нб\сныхъ, * моля'щи 
w= всjь'хъ всегда`.

%<Сла'ва, и= ны'нjь, гла'съ s~:%>

%<П%>рiиди'те, всемi'рное о_у=спе'нiе всенепоро'чныя 
бц\ды пра'зднуемъ: дне'сь бо а='гг~ли торжеству'ютъ честно'е 
преставле'нiе бж~iя мт~ре и= къ весе'лiю на'съ земны'хъ 
призыва'ютъ, вопи'ти немо'лчнымъ гла'сомъ: ра'дуйся, 
преста'вльшаяся w\т земли` и= къ нб\снымъ _о=би'телемъ 
пресе'льшаяся: ра'дуйся, jа='же о_у=ч~ни'ческiй ли'къ 
_о='блакомъ ле'гкимъ во _е=ди'но собра'вшая: ра'дуйся, 
о_у=пова'нiе и= спасе'нiе на'ше: тя' бо хрiстiа'нскiй ро'дъ 
непреста'ннw о_у=блажа'етъ.

%<На стiхо'внjь стiхи^ры, гла'съ в~. Подо'бенъ: 
_Е=%>гда` w\т дре'ва:

%<П%>рiиди'те, свjьтлоно'снiи, свяще'нными вси` съ 
пjь'сньми и= кv"мва'лы, бц\ды и= мт~ре о_у=спе'нiе почти'мъ 
многопjь'сненное: w\т земли' бо преставля'ется, въ се'лjьхъ 
же невеще'ственныхъ сла'вою вселя'ется и= водворя'ется, 
добро'ту зря'щи бж~е'ственную, благода'ть же и=сточа'ющи 
всjь^мъ вjь'рнw чту'щымъ па'мять _е=я`. (с. 408)

%<Стi'хъ: В%>оскресни`, гд\си, въ поко'й тво'й, ты`, и= 
кiвw'тъ святы'ни твоея`.

%<Л%>и'къ а=п\сльскiй свяще'нный, бж\ственныхъ _о='блакъ 
w=роше'ньми, w\т кон_е'цъ земли`, вл\дчце, собра'ся, 
погребсти` твое` честно'е, бг~опрiя'тное же и= нетлjь'ное 
тjь'ло. тjь'мже и= вw'инства премi'рная, _о='дръ неви'димw 
w=бсту'пльше, пjь'сньми поя'ху тебjь`: ра'дуйся, но'вый 
ковче'же свяще'нiя.

%<Стi'хъ: К%>ля'тся гд\сь дв~ду и='стиною, и= не 
w\тве'ржется _е=я`.

%<В%>ся^ непостижи^ма твоя^, вся^ несказа'нна 
вои'стинну, стра^шна та^инства: ты' бо была` _е=си` бж~iя 
роди'тельница, нб~са` о_у=добри'ла _е=си`, просвjьти'ла 
_е=си` мi'ръ, вся^ благоуха'ла _е=си` бж\ственною па'мятiю 
твое'ю. тjь'мже блажа'тъ тя` jа=зы'цы, тjь'мже благословя'тъ 
тя`: ра'дуйся, но'вый ковче'же свяще'нiя.

%<Сла'ва, и= ны'нjь, гла'съ и~.%>

%<Д%>jьви'честiи ли'цы дне'сь та'йнw _о=дру` дв~ы и= 
мт~ре _о='крестъ предстоя'тъ, и= ду'шы прв\дныхъ 
w=бступи'вше, цр~и'цу сла'вятъ: _о='ви о_у='бw jа='кw да'ръ 
дjь'вство, вмjь'стw мv'ра прино'сятъ: _о='ви же 
невеще'ственное пjь'нiе съ добродjь'телiю прино'сятъ. 
подоба'етъ бо мт~ри бж~iи jа='кw цр~и'цjь, ца'рскими 
добродjь'тельми, свjьтлосiя'ющими дорv"носи'тися: съ ни'миже 
и= мы` житiе` чи'стое совне'сше, и=зы'демъ къ погребе'нiю 
су'щiя мт~ре бг~а на'шегw, пjь'ньми и= пjь'сньми духо'вными 
согла'снw ю=` о_у=блажа'юще.

%<Тропа'рь а=п\сла, гла'съ г~:%>

%<А=%>п\сле ст~ы'й, fадде'е, моли` ми'лостиваго бг~а, да 
прегрjьше'нiй w=ставле'нiе пода'стъ душа'мъ на'шымъ.

%<Сла'ва, и= ны'нjь, пра'здника, гла'съ а~:%>

%<В%>ъ рж\ствjь` дjь'вство сохрани'ла _е=си`, во 
о_у=спе'нiи мi'ра не w=ста'вила _е=си`, бц\де, преста'вилася 
_е=си` къ животу`, мт~и су'щи живота`: и= моли'твами твои'ми 
и=збавля'еши w\т сме'рти ду'шы на'шя. (с. 409)

%<На о_у='трени.%>

%<По а~-й стiхоло'гiи сjьда'ленъ, гла'съ д~. Подо'бенъ: 
С%>ко'рw предвари`:

%<В%>елjь'нiемъ зижди'теля твоегw`, ро'ждшагwся и=зъ 
теб_е`, _о='блакъ собра'въ а=п\слы, твое` ви'дjьти 
преставле'нiе. тjь'мже и= со сла'вою и= мно'гимъ весе'лiемъ 
погребо'ша, воспjьва'юще, преч\стое тjь'ло твоегw` 
блаже'нства, мт~и хр\ста` бг~а.

%<Сла'ва, и= ны'нjь, то'йже.%>

%<По в~-й стiхоло'гiи сjьда'ленъ, гла'съ то'йже. По\д: 
О_у=%>диви'ся i=w'сифъ:

%<А=%>п\сльскiй ли'къ, разсjь'янный по земли`, собра'ся 
въ сiw'нjь, да предпо'слетъ w\т земли` бц\ду къ вы'шнему, 
_е=го'же роди`: си^лы нб\сныя премi^рныя предтеча'ху, 
вку'пjь и= ликова'ху, духо'внjь зову'ще: весели'теся нб~са`, 
прiе'мше бж~iю мт~рь, jа='же вл\дчествуетъ ви'димыми и= 
неви'димыми.

%<Сла'ва, и= ны'нjь, то'йже.%>

%<Канw'нъ пра'здника, со i=рмосо'мъ на s~. Кv'ръ 
i=wа'нна.%>

%<Гла'съ д~. Пjь'снь а~. I=рмо'съ:%>

%<W\т%>ве'рзу о_у=ста` моя^, и= напо'лнятся дх~а, и= 
сло'во w\тры'гну цр~и'цjь мт~ри, и= jа=влю'ся свjь'тлw 
торжеству'я, и= воспою` ра'дуяся тоя` о_у=спе'нiе.

%<Д%>jь^вы _о=трокови^цы, съ марiамi'ею пр\оро'чицею, 
пjь'снь и=схо'дную ны'нjь воскли'кните: дв~а бо и= _е=ди'на 
бг~ома'ти ко прiя'тiю нб\сному преставля'ется.

%<Д%>осто'йно jа='кw w=душевле'нное тя` не'бо, прiя'ша 
нб\сная, преч\стая, бж\ств_енная сел_е'нiя: и= предста` 
свjь'тлw о_у=кра'шена, jа='кw невjь'ста всенепоро'чная, 
цр~ю` и= бг~у.

%<Канw'нъ а=п\сла, на д~, _е=гw'же краегране'сiе:%>

%<F%>адде'а пою` му'драго бг~оглаго'льника. %<Творе'нiе 
i=w'сифово.%>

%<Гла'съ и~. Пjь'снь а~. I=рмо'съ:%>

%<П%>ои'мъ гд\севи, прове'дшему лю'ди своя^ сквозjь` 
чермно'е мо'ре, jа='кw _е=ди'нъ сла'внw просла'вися. (с. 
410)

%<П%>ресто'лу вл\дчню прему'дре fадде'е предстоя`, 
просвjьще'нiе ми` пода'ждь, свjьтоно'сное твое` пjь'ти 
торжество`.

%<Б%>езлjь'тный свjь'тъ въ лjь'то, съ на'ми jа='влься 
пресу'щный, jа='кw лучу` тя`, бл~же'нне, w=ста'ви мi'ръ 
просвjьща'юща.

%<С%>и'лою w=поя'савъ тя`, въ крjь'пости непобjьди'мый, 
льсти'вагw всю` крjь'пость погуби'ти, о_у=крjьпи'лъ _е='сть.

%<Бг~оро'диченъ:%>

%<В%>л\дчце, всjь'ми jа=ви'лася _е=си` тварьми` 
влады'чествующаго неизрече'ннw ро'ждши, бц\де дв~о 
препjь'тая.

%<Канw'нъ ст~ы'я, на д~, _е=гw'же краегране'сiе:%>

%<Твоя^ по'двиги, ва'ссо честна'я, приношу`. Творе'нiе 
i=w'сифово.%>

%<Гла'съ то'йже. Пjь'снь а~. I=рмо'съ:%>

%<В%>о'ду проше'дъ jа='кw су'шу, и= _е=гv'петскагw sла` 
и=збjьжа'въ, i=и~льтянинъ вопiя'ше: и=зба'вителю и= бг~у 
на'шему пои'мъ.

%<Т%>вою` восхваля'ющему ра'достнw всесла'вную па'мять, 
съ нб~се' ми просвjьще'нiе да'ти моли'ся, бл~же'нная, и= 
душетлjь'нныхъ согрjьше'нiй проще'нiе.

%<Н%>е о_у=страши'ся повелjь'нiй бг~оме'рзскихъ, 
стра'хомъ гд\снимъ w=гражде'нная твоя` душа`, ра'нъ 
разли'чныхъ и= бjь'дъ. тjь'мже му'жески дерзну'ла _е=си`.

%<П%>рiя'ла _е=си` му^ки многови^дныя, съ треми` сы'ны, 
страстоте'рпице, терпjьли'внw: съ ни'миже и=сплела` _е=си` 
вjьнцы` нетлjь^нныя, тр\оцу сла'вящи.

%<Бг~оро'диченъ:%>

%<З%>ачала` _е=си` сло'во _о='ч~ее, безъ болjь'зней, 
прест~а'я, ма'тернихъ: и= сего` неизрече'ннw па'че сло'ва, 
на спасе'нiе на'ше породила` _е=си`.

%<Пjь'снь г~. I=рмо'съ:%>

%<Т%>воя^ пjьсносло'вцы, бц\де, живы'й и= незави'стный 
и=сто'чниче, ли'къ себjь` совоку'пльшыя духо'внw 
о_у=тверди`, въ бж\ственнjьй па'мяти твое'й вjьнц_е'въ 
сла'вы сподо'би.

%<W\т%> ме'ртвыхъ чре'слъ произве'дшися, _е=стество'мъ 
(с. 410) подо'бна, ч\стая, и=схожде'нiе разрjьши`: ро'ждши 
же су'щую жи'знь, къ жи'зни преста'вися бж\ственнjьй и= 
v=поста'снjьй.

%<Л%>и'къ бг~осло'вwвъ w\т кон_е'цъ, свы'ше же а='гг~лъ 
мно'ж_ества, къ сiw'ну и=дя'ху, всеси'льнымъ манове'нiемъ, 
достодо'лжнw, вл\дчце, твоему` погребе'нiю служа'ще.

%<И='нъ. I=рмо'съ:%>

%<Т%>ы` _е=си` о_у=твержде'нiе притека'ющихъ къ тебjь`, 
гд\си, ты` _е=си` свjь'тъ w=мраче'нныхъ, и= пое'тъ тя` ду'хъ 
мо'й.

%<З%>аре'ю бж\ственныя благода'ти просвjьща'я лю'ди, 
сла'вне, свjь'тъ чи'стъ jа=ви'лся _е=си`, су'щымъ во тмjь` 
лю'тыхъ.

%<Ц%>jьльбу` и= и=збавле'нiе бг~одjь'тельными, му'дре, 
манов_е'нiи царю` прине'слъ _е=си` а='vгарю, къ нему` 
прише'дъ.

%<Х%>ра'мы содjь'лалъ _е=си` вседjь'тельному, му'дре, 
дх~у, земноро'дныхъ па^губныя разори'лъ _е=си` хра'мы.

%<Бг~оро'диченъ:%>

%<З%>ако'на проначерта^нiя, и= пр\оро'честiи гла'си, 
вл\дчце, твое` стра'шное рж\ство` бг~оявле'ннw сказа'ша.

%<И='нъ. I=рмо'съ:%>

%<Н%>б\снагw кру'га верхотво'рче, гд\си, и= цр~кве 
зижди'телю, ты` мене` о_у=тверди` въ любви` твое'й, жела'нiй 
кра'ю, вjь'рныхъ о_у=твержде'нiе, _е=ди'не чл~вjьколю'бче.

%<Р%>азже'гшися вjь'рою, и= те'плымъ жела'нiемъ 
премно'гiя любве` хр\сто'вы, всехва'льная, _о='гнь 
о_у=гаси'ла _е=си` предстоя'нiемъ а='гг~ла, и= лю'ди 
неразу^мныя а='бiе попали'ла _е=си`.

%<Р%>о'дъ ны'нjь пра'выхъ благослове'нъ бы'сть, и=зъ 
твоегw` чре'ва возсiя'вшiй страда'нiй свjь'тлостiю, ва'ссо 
пресла'вная, и= тму` разо'ршiй беззако'нныхъ противле'нiй 
ра'зума тве'рдостiю.

%<_W%> ма'тере превозше'ствiе зако'на теку'щагw 
_е=стества`! и= и='же па'че _е=стества` _е=дине'нiемъ, 
jа='кw претерпjь` непра'ведну сме'рть, разли'чнw зря'щи, 
и=`хже воспита` вjь'рою и= млеко'мъ. (с. 412)

%<Бг~оро'диченъ:%>

%<О_у=%>мерщвле'на мя` снjь'дiю преслуша'нiя спасла` 
_е=си`, _е=ди'на живо'тъ ро'ждши v=поста'сный, дв~о 
всенепоро'чная. тjь'мже тя` достодо'лжнw приснобл~же'нную 
ны'нjь о_у=блажа'емъ.

%<Конда'къ а=п\сла, гла'съ д~:%>

%<Jа='%>кw sвjьзду` пресвjь'тлую цр~ковь тя` стяжа`, 
а=п\сле fадде'е, чудесы` твои'ми всегда` просвjьща'ема, 
спаси` вjь'рою чту'щыя па'мять твою`.

%<Сjьда'ленъ, гла'съ и~. Подо'бенъ: П%>рему'дрости:

%<П%>риступи'въ къ сл~нцу мы'сленному, w\т негw` зари^ 
та^йныя прiя'лъ _е=си`: и= бы'лъ _е=си` jа='кw sвjьзда` 
пресвjь'тлая, w=заря'я всея` земли` и=сполн_е'нiя, и= 
разоря'я пре'лести мглу`, бл~же'нне. тjь'мже свjьтоно'сную 
твою` соверша'емъ па'мять, вjь'рнw восхваля'юще тя`, и= 
согла'снw вопiе'мъ ти`: fадде'е а=п\сле, моли` хр\ста` бг~а, 
грjьхw'въ w=ставле'нiе пода'ти чту'щымъ любо'вiю святу'ю 
па'мять твою`.

%<Сла'ва, сjьда'ленъ ст~ы'я, гла'съ а~. Подо'бенъ: 
Г%>ро'бъ тво'й:

%<М%>уче'нiй _о='гнь дх~а росо'ю погаси'ла _е=си`, 
честна'я, и= къ свjь'ту преста'вилася _е=си` бж\ственному и= 
невеще'ственному, и= по кончи'нjь блаже'ннjь и=сточа'еши же 
и=сцjьле'нiй ка^пли, о_у=ставля'ющи разжж_е'нiя страсте'й 
си'лою духо'вною.

%<И= ны'нjь, пра'здника, гла'съ и= подо'бенъ то'йже:%>

%<В%>сечестны'й ли'къ прему'дрыхъ а=п\слъ собра'ся 
чу'днw, погребсти` сла'внw тjь'ло твое` преч\стое, бц\де 
всепjь'тая. съ ни'миже воспjь'ша и= а='гг~лъ мно'жество, 
преставле'нiе твое` че'стнw хва'ляще, _е='же вjь'рою 
пра'зднуемъ.

%<Пjь'снь д~. I=рмо'съ:%>

%<Н%>еизслjь'дный бж~iй совjь'тъ, _е='же w\т дв~ы 
воплоще'нiя теб_е` вы'шнягw, пр\оро'къ а=вваку'мъ 
о_у=смотря'я зовя'ше: сла'ва си'лjь твое'й, гд\си.

%<Ч%>у'до бя'ше зрjь'ти, нб~о всjь'хъ цр~я` 
w=душевле'нное (с. 413) и=спраждн_е'нiя преходя'щее 
з_емна'я: jа='кw чу'дна дjьла` твоя^! сла'ва си'лjь твое'й, 
гд\си.

%<А='%>ще и= непости'жный сея` пло'дъ, и='мже нб~са` 
бы'ша, погребе'нiю прiя'тъ во'лею jа='кw ме'ртвъ: ка'кw 
погребе'нiя w\тве'ржется, неискусобра'чнw ро'ждшая;

%<В%>ъ преставле'нiи твое'мъ, мт~и бж~iя, 
простра'ннjьйшее тjь'ло твое` и= бг~опрiя'тное, а='гг~льская 
вw'инства свяще'нными кри'лы, тре'петомъ и= ра'достiю 
покрыва'ху.

%<И='нъ. I=рмо'съ:%>

%<О_у=%>слы'шахъ, гд\си, смотре'нiя твоегw` та'инство, 
разумjь'хъ дjьла` твоя^, и= просла'вихъ твое` бж~ество`.

%<В%>ысо'къ о_у='мъ и=мjь'я, прiя'тъ бж\ств_енныя 
ра'зумы, и= духw'вная дарова^нiя, о_у=чениче` fадде'е, 
всjь'хъ цр~я`.

%<Т%>а^инъ, пребога'те, бж\ственныхъ, во о_у=че'нiи, 
бл~же'нне, бы'въ, ненака^занныя просвjьти'лъ _е=си` тр\оцу 
чести` _е=диносу'щную.

%<З%>ако'нъ бж\ственный начерта'лъ _е=си`, бл~же'нне, на 
сердца'хъ, загла'дивъ пе'рвjье невjь'дjьнiя начерта'нiе, и= 
sлоче'стiя и=стука^нныя.

%<Бг~оро'диченъ:%>

%<Jа='%>кw зижди'теля ро'ждши, всjь'хъ тва'рей 
jа=ви'лася _е=си` цр~и'ца: сегw` ра'ди тя` сла'вимъ, бц\де, 
_е=ди'на приснодв~о.

%<И='нъ. I=рмо'съ то'йже.%>

%<Н%>ераздвое'нъ и=му'щи тво'й по'мыслъ, къ боре'нiю 
w\тлучи'лася _е=си` льсти'вагw борца`, и= глубино'ю крове'й 
сего` потопи'ла _е=си`.

%<Т%>я` глубина` прiе'мши, w=сужде'ну сме'ртiю 
непра'ведною, о_у=ти'шися, и= спасе`, страстоте'рпице 
ва'ссо, бж\ственнымъ манове'нiемъ.

%<Ц%>а'рство непоколеби'мое со благохва'льными сы'ны 
твои'ми сла'вная, наслjь'дила _е=си`, и= нб\сный вои'стинну 
черто'гъ, и= свjь'тъ незаходи'мый. (с. 414)

%<Бг~оро'диченъ:%>

%<Н%>есjько'мую го'ру тя` дре'вле а=вваку'мъ прови'дjь 
дх~омъ: бг~ъ и=зъ теб_е` jа=ви'ся, и= на'съ, дв~о, спасе`.

%<Пjь'снь _е~. I=рмо'съ:%>

%<О_у=%>жасо'шася вся'ч_еская w= честнjь'мъ о_у=спе'нiи 
твое'мъ: ты' бо, неискусобра'чная дв~о, w\т земли` 
преста'вилася _е=си` къ вjь^чнымъ _о=би'телемъ, и= къ 
безконе'чнjьй жи'зни, всjь^мъ воспjьва'ющымъ тя` спасе'нiе 
подава'ющая.

%<Д%>а возглася'тъ трубы^ бг~осло'вwвъ дне'сь, я=зы'къ 
же многовjьща'нный человjь'ческiй ны'нjь да восхва'литъ: да 
w=гласи'тъ же возду'хъ, безмjь'рнымъ сiя'я свjь'томъ: 
а='гг~ли да пою'тъ пречи'стыя дв~ы о_у=спе'нiе.

%<С%>осу'дъ подоба'ше и=збра'нный, пjь'нiемъ ти` ве'сь 
о_у=дивля'емь, дв~и'це, и=схо'денъ, ве'сь w=свяще'нъ бг~у, 
всjь^мъ бг~опрiя'тенъ, и= се'й и='стиннw jа=вля'емый, бц\де 
всепjь'тая.

%<И='нъ. I=рмо'съ:%>

%<W\т%> но'щи невjь'дjьнiя, бг~овjь'дjьнiемъ 
просвjьти'вый концы`, просвjьти' мя о_у='тромъ 
чл~вjьколю'бiя твоегw`, гд\си.

%<В%>л\дки бж\ственное нося`, бл~же'нне, подо'бiе, 
мjь'стному кня'зю а='vгарю бж\ственный вра'чь прише'лъ 
_е=си`.

%<С%>вяще'нный fwма` тя` по бж\ственнjьмъ сло'ва 
вознесе'нiи проповjь'дника посыла'етъ, прему'дре fадде'е, 
тре'бующымъ.

%<Н%>еду'ги w\тгони'мы, и= и=сцjьля'_ема сердца` зря` 
а='vгарь, и=спо'лнися бж\ственнагw просвjьще'нiя 
хода'тайствомъ твои'мъ.

%<Бг~оро'диченъ:%>

%<В%>оплоще'нно сло'во, сугу'бо дjь'йство нося'ща 
родила` _е=си`, неискусобра'чная _о=трокови'це, пребы'вши 
дв~а нескве'рная.

%<И='нъ. I=рмо'съ:%>

%<В%>ску'ю мя` w\три'нулъ _е=си` w\т лица` твоегw`, 
свjь'те незаходи'мый, и= покры'ла мя` _е='сть чужда'я тма` 
_о=кая'ннаго; но w=брати' мя, и= къ свjь'ту за'повjьдей 
твои'хъ пути^ моя^ напра'ви, молю'ся. (с. 415)

%<С%>одержи'мь жа'ждею, сла'вне а=га'пiе бг~облаже'нне, 
хр\сто'вы любве`, sло'бу до конца` возненави'дjьлъ _е=си`, 
и= крjь'пкw под\ъя'лъ _е=си` бwлjь'зни му'къ, и= копiе'мъ 
тjьле'сное о_у=бiе'нiе.

%<Р%>азве'рз_еннымъ твои^мъ вну'тр_еннимъ, ногтьми` 
стру'жемь, му'чениче fео'гнiе, позна'лъ _е=си` мно'жае, 
чи'стjье и= соверше'ннjье бг~а всjь'хъ: къ нему'же возше'лъ 
_е=си` со сла'вою, страда'льческими блиста'я свjьтлостьми`.

%<Н%>есумнjь'нною вjь'рою, прему'дре вjь'рне, вше'дъ въ 
суди'лище невjь'рныхъ, бл~же'нне, неразу'мныхъ сердца` 
о_у=диви'лъ _е=си`, внегда` сокруша'тися твои^мъ косте'мъ, 
и= на о_у='ды раздроби'тися всему` тjьлеси`.

%<Бг~оро'диченъ:%>

%<П%>рама'тере _е='vы ны'нjь и=спра'вила _е=си` 
паде'нiе, ро'ждши и=зба'вителя всjь'хъ и= сп~са и= 
зижди'теля и= гд\са, бг~ома'ти, _е=ди'на въ жена'хъ 
бл~гослове'нная. сегw` ра'ди тя` вjь'рнiи сла'вимъ.

%<Пjь'снь s~. I=рмо'съ:%>

%<Б%>ж\ственное сiе` и= всечестно'е соверша'юще 
пра'зднество, бг~ому'дрiи, бг~ома'тере, прiиди'те, рука'ми 
воспле'щимъ, w\т нея` ро'ждшагося бг~а сла'вимъ.

%<И=%>зъ теб_е` жи'знь возсiя`, ключи` дjь'вства не 
руши'вши: ка'кw о_у='бw преч\стое и= живонача'льное твое` 
тjь'ло и=скуше'нiя сме'рти бы'сть прича'стно;

%<Ж%>и'зни бы'вши хра'мъ, жи'знь присносу'щную 
о_у=лучи'ла _е=си`: сме'ртiю бо къ животу` премину'ла 
_е=си`, jа='же жи'знь ро'ждши воv"поста'сную.

%<И='нъ. I=рмо'съ:%>

%<I=%>w'ну въ ки'тjь, гд\си, _е=ди'наго всели'лъ _е=си`, 
мене' же свя'заннаго мре'жами вра'жiими, jа='кw w\т тли` 
_о='наго, спаси`.

%<П%>росвjьще'нiе ст~а'гw дх~а, всели'вшееся въ се'рдце 
твое`, свjьти'льника мi'ру тя`, fадде'е, содjь'ла и='стинна, 
w=мраче'нiе ле'сти разоря'юща.

%<Н%>ося` пло'тiю хр\сто'вы ра^ны, fадде'е, 
спаси'т_ельныя, (с. 416) jа='кw о_у=краше'нiе вся'кiя 
некрасоты`, лю'ди и=зба'вилъ _е=си`, му'дре, и= къ ра'дости 
взя'лся _е=си` прекра'снjьй.

%<О_у='%>треннее на'мъ jа=ви'лъ _е=си` сл~нце пра'вды, 
сла'вне, показу'я, и='мже просвjьти'вшеся, сы'нове свjь'та 
мы'сленнагw, земноро'днiи, fадде'е, бы'хомъ.

%<Бг~оро'диченъ:%>

%<Н%>о'ваго на'мъ мл\днца породила` _е=си`, _о=ц~у` 
_е=диносу'щна, и=стлjь'вшее _е=стество` человjь'ческое къ 
пе'рвjьй добро'тjь, ч\стая, сiе` па'ки возводя'ща.

%<И='нъ. I=рмо'съ:%>

%<W=%>чи'сти мя`, сп~се, мнw'га бо беззакw'нiя моя^, и= 
и=зъ глубины` sw'лъ возведи`, молю'ся: къ тебjь' бо 
возопи'хъ, и= о_у=слы'ши мя`, бж~е спасе'нiя моегw`.

%<В%>одруж_е'нiя ме'рзскихъ богw'въ до конца` и=стни'ла 
_е=си`, водрузи'вши ду'шу къ бж~iи неска'заннjьй любви`, и= 
была` _е=си`, страстоте'рпице ва'ссо, а='гг~лwмъ 
_е=диножи'тельна.

%<В%>ели'ки за хр\ста` по'двиги, мч~нице, прошла` 
_е=си`, вели^ка и= w\т негw` прiя'ла _е=си` воздая^нiя: 
безсме'ртное бл~госла'вiе, и= черто'гъ бж\ственный, и= пи'щу 
немимотеку'щую.

%<Jа='%>коже дре'вле i=w'ну w\т глубины` мо'ря, спасе` 
бг~ъ тя` вседjь'тельною си'лою, прехва'льная, въ тебjь` 
чу'дный, и= въ совjь'тjьхъ ст~ы'хъ всегда` прославля'емый.

%<Бг~оро'диченъ:%>

%<П%>учи^ны грjьхw'вныя и= во'лны w\тча'янiя 
w=бурева'ютъ мо'й о_у='мъ: о_у=милосе'рдися, вл\дчце, и= 
ру'ку ми` простри` и= спаси' мя, сп~са ро'ждшая.

%<Конда'къ пра'здника, гла'съ в~:%>

%<В%>ъ моли'твахъ неусыпа'ющую бц\ду, и= въ 
предста'тельствахъ непрело'жное о_у=пова'нiе, гро'бъ и= 
о_у=мерщвле'нiе не о_у=держа'ста: jа='коже бо живота` мт~рь, 
къ животу` преста'ви, во о_у=тро'бу всели'выйся 
приснодjь'вственную.

%<I='косъ:%>

%<W=%>гради` моя^ помышл_е'нiя, хр\сте` мо'й, и='бо 
стjь'ну мi'ра (с. 417) воспjь'ти дерза'ю, чи'стую мт~рь 
твою`: на столпjь` глагw'лъ о_у=крjьпи' мя, и= въ тя'жкихъ 
мы'слехъ заступи' мя: ты' бо взыва'ющымъ и= прося'щымъ 
вjь'рою, мол_е'нiя и=сполня'еши. ты` мнjь` о_у='бw да'руй 
я=зы'къ доброрjь'чивъ, и= по'мыслъ непосты'денъ: вся'кое бо 
бла'го дая'нiе w\т теб_е` низпосыла'ется, свjьтопода'телю, 
во о_у=тро'бу всели'выйся приснодjь'вственную.

%<Пjь'снь з~. I=рмо'съ:%>

%<Н%>е послужи'ша тва'ри бг~ому'дрiи па'че созда'вшагw, 
но _о='гненное преще'нiе му'жески попра'вше, ра'довахуся 
пою'ще: препjь'тый _о=тц_е'въ гд\сь и= бг~ъ, бл~гослове'нъ 
_е=си`.

%<Ю='%>ношы и= дjь^вы, дв~ыя же и= бг~ома'тере па'мять 
чту'ще, ста'рцы и= мона'си, ца'рiе и= судiи^ по'йте: 
_о=т_е'цъ на'шихъ гд\си и= бж~е, бл~гослове'нъ _е=си`.

%<Д%>а востру'бятъ трубо'ю дх~о'вною го'ры нб\сныя, да 
ра'дуются хо'лми, и= да и=гра'ютъ бж\ственнiи а=п\сли: 
цр~и'ца къ сн~у преставля'ется, съ ни'мъ ца'рствующи.

%<В%>сесвяще'нное преставле'нiе, бж\ственныя твоея` и= 
нетлjь'нныя мт~ре, премi^рныя вы'шнихъ си'лъ совокупи` 
чи'ны, весели'тися съ су'щими на земли` тебjь` пою'щими: 
бж~е, бл~гослове'нъ _е=си`.

%<И='нъ. I=рмо'съ:%>

%<_О='%>троцы благочести'вiи въ вавv"лw'нjь _о='бразу 
злато'му непоклони'шася, но посредjь` пе'щи _о='гненныя 
w=роша'еми, пjь'снь воспjьва'ху, глаго'люще: превозноси'мый 
_о=тц_е'въ и= на'шъ бж~е, бл~гослове'нъ _е=си`.

%<Ч%>удеса` соверша'я призыва'нiемъ хр\ста`, 
jа='вльшагwся ве'щiю тjь'ла, привле'клъ _е=си` лю'ди же и= 
гра'ды, прехва'льне, во и=звjь'стную вjь'ру, зову'щыя: 
бл~гослове'нъ бг~ъ _о=ц~ъ на'шихъ.

%<О_у=%>ста'вилъ _е=си` гное'нiе безбо'жiя, сла'дкихъ 
твои'хъ слове'съ бж\ственною со'лiю, и= и=сцjьли'лъ _е=си` 
сердца` стрjьло'ю sмiи'ною о_у=я'зв_еная, блаже'нне, 
а=п\сле, бл~гослове'нъ _е=си`, вопiя`, бж~е _о=т_е'цъ 
на'шихъ. (с. 418)

%<В%>зя'тся къ высотjь` видjь'нiя, и=спо'лнився, _w 
fадде'е, бж\ственнагw дх~а, и= спаси'тельнымъ сло'вомъ 
бж\ственнjь w=богати'лся _е=си`, и= лю'ди вопи'ти научи'лъ 
_е=си`: бл~гослове'нъ бг~ъ _о=т_е'цъ на'шихъ.

%<Бг~оро'диченъ:%>

%<Н%>ра'вомъ мои'мъ поползну'вся, и= дjья^нiи 
неподо'бными w=бложе'нъ, къ тебjь` прибjьга'ю, помози' ми, 
вл\дчце, покая'нiя _о='бразы подаю'щи смире'ннjьй мое'й 
души`, да прославля'ю тя`.

%<И='нъ. I=рмо'съ:%>

%<W\т%> i=уде'и доше'дше, _о='троцы въ вавv"лw'нjь 
и=ногда` вjь'рою тр\оческою пла'мень пе'щный попра'ша, 
пою'ще: _о=тц_е'въ бж~е, бл~гослове'нъ _е=си`.

%<С%>и'лою бж\ственною пла'мень _о=гня` проше'дши, 
мч~нице, неwпали'ма, _о=гне'мъ твои'хъ крове'й, jа='кw 
ве'щь, пре'лесть, вопiю'щи, попали'ла _е=си`: _о=т_е'цъ 
на'шихъ бж~е, бл~гослове'нъ _е=си`.

%<И='%>же львw'въ связа'вый стремл_е'нiя въ ро'вjь, 
спаса'я твоего` данiи'ла, невреди'му показа'лъ _е=си` 
sвjьрьми` страстоте'рпицу, пою'щую ти`, вл\дко: _о=т_е'цъ 
на'шихъ бж~е, бл~гослове'нъ _е=си`.

%<С%>вjь'тлыми луча'ми кр\ста` w=сiя'ема, ва'ссо 
сла'вная, тму` пре'лести невре'днw премину'ла _е=си`, и= къ 
свjь'ту и=зшла` _е=си`, вопiю'щи: _о=т_е'цъ на'шихъ бж~е, 
бл~гослове'нъ _е=си`.

%<Бг~оро'диченъ:%>

%<Р%>асто'ргни многоплет_е'нныя мои'хъ согрjьше'нiй 
плени'цы, бг~оневjь'сто, взе'млющаго мi'ра грjь'хъ, бг~а 
па'че сло'ва ро'ждши, бл~гослове'нная ч\стая, при'снw 
препросла'вленная.

%<Пjь'снь и~. I=рмо'съ:%>

%<W\т%>троки благочести^выя въ пещи` рж\ство` 
бг~оро'дичо спасло` _е='сть: тогда` о_у='бw w=бразу'емое, 
ны'нjь же дjь'йствуемое, вселе'нную всю` воздвиза'етъ пjь'ти 
тебjь`: гд\са по'йте дjьла`, и= превозноси'те _е=го` во вся^ 
вjь'ки. (с. 419)

%<П%>а'мять твою`, ч\стая дв~о, нача^ла же и= вла^сти, 
и= си^лы, а='гг~ли, а=рха'гг~ли, пр\сто'ли, гд\сьства, 
херувi'ми сла'вятъ, и= стра'шнiи серафi'ми: человjь'ческiй 
же ро'дъ пое'мъ и= превозно'симъ во вся^ вjь'ки.

%<И='%>же стра'ннw всели'выйся, бц\де, въ чи'стое чре'во 
твое` воплоща'емь, се'й всесщ~е'нный дх~ъ тво'й прiе'мъ, 
о_у= себ_е` о_у=поко'и: jа='кw должни'къ сн~ъ. тjь'мже тя` 
пое'мъ, дв~о, и= превозно'симъ во вся^ вjь'ки.

%<_W%> вы'ше о_у=ма` чуде'съ приснодв~ы же и= 
бг~ома'тере. во гро'бъ бо все'льшися, показа` ра'й, _е=му'же 
предстоя'ще дне'сь, ра'дующеся пое'мъ: гд\са по'йте дjьла`, 
и= превозноси'те _е=го` во вся^ вjь'ки.

%<И='нъ. I=рмо'съ:%>

%<П%>обjьди'тели мучи'теля и= пла'мене благода'тiю 
твое'ю бы'вше, за'повjьдемъ твои^мъ sjьлw` прилjьжа'ще, 
_о='троцы вопiя'ху: благослови'те, вся^ дjьла` гд\сня, 
гд\са.

%<Н%>е'бо jа=ви'лся _е=си`, сла'ву повjь'дая бж~iю, 
fадде'е, и= jа=зы'кwвъ бы'лъ _е=си` просвjьще'нiе, къ 
вjь'рjь бж\ственнjьй возводя` те'плjь вопiю'щихъ: по'йте 
гд\са, и= превозноси'те _е=го` во вjь'ки.

%<К%>рjь'пость немощны^мъ, и= слjьпы^мъ прозрjь'нiе, и= 
хромы^мъ бл~готече'нiе, бл~же'нне, подая`, духо'вною си'лою, 
гра'да _е=де'сскагw свjьти'льникъ бы'лъ _е=си`, при'снw 
вjь'рнw тя`, fадде'е, хва'лящагw.

%<И='%>же бога'тствомъ чуде'съ, невjь'ренъ jа=зы'къ въ 
вjь'ру ма'нiемъ бж\ственнымъ претвори'вый, и= w\т 
i='дwльскiя ле'сти спасы'й къ нему` притека'ющыя, вjь'рою по 
до'лгу сла'вится fадде'й.

%<Бг~оро'диченъ:%>

%<З%>ако'на сjьно'вное преста`, вл\дчце, тебjь` ро'ждшей 
зако'ну да'теля, бл~года'тiю просвjьща'юща вселе'нную: 
_е=го'же при'снw моли`, зако'номъ мя` побjьжда'ема 
грjьхо'внымъ о_у=ще'дрити вско'рjь. (с. 420)

%<И='нъ. I=рмо'съ:%>

%<С%>едмери'цею пе'щь халде'йскiй мучи'тель 
бг~очести^вымъ неи'стовнw разжже`, си'лою же лу'чшею 
спас_е'ны сiя^ ви'дjьвъ, творцу` и= и=зба'вителю вопiя'ше: 
_о='троцы, бл~гослови'те, свяще'нницы, воспо'йте, лю'дiе, 
превозноси'те во вся^ вjь'ки.

%<И='%>же на'шею не'мощiю себе` w=бложи'вый, твое` 
немощно'е jа='вjь о_у=крjьпи`: и= тя` содjь'ла си'льнjьйшу, 
мч~нице, _о=гня`, воды` и= sвjьре'й, и= мучи'тельныхъ 
сосу^дъ, вjь'рнw вопiю'щую: свяще'нницы благослови'те, 
лю'дiе превозноси'те во вся^ вjь'ки.

%<Ю='%>ношески хра'брствовавше, и= му'жески побjьди'ша 
_о='троцы честнi'и сопроти'вныхъ противле'нiе, бж\ственный 
fеогнi'й, свяще'нный а=га'пiй, ку'пнw и= пi'стъ, дjь'ломъ и= 
сло'вомъ показа'вшеся, и= побjь^дныя вjьнцы` w\т бг~а 
прiи'мше, того` превозно'сятъ во вся^ вjь'ки.

%<Jа='%>кw ма'слина благопло'дна, jа='кw многоно'сенъ 
вiногра'дъ, лоза'ми треми` о_у=правля'емь, съ ни'миже 
воздjь'ла и=сповjь'данiя гро'зды, вiно` свидjь'нiя 
и=сточа'ющи, ва'ссо, веселя'щее сердца` благоче'стнw 
вопiю'щихъ: лю'дiе, превозноси'те хр\ста` во вjь'ки.

%<С%>о безпло'тными чи'ны, съ му'ченическими во'инствы, 
пр\сто'лу предстоя'ще бж~iю прехва'льнiи, и= сла'вы и= 
благода'ти и= просвjьще'нiя и=спо'лнени, разори'те на'шихъ 
согрjьше'нiй мра'къ, вjь'рою творя'щихъ свjьтоно'сную и= 
бж\ственную, и=спо'лнену дарова'нiй ва'шу и=зря'дную 
па'мять.

%<Бг~оро'диченъ:%>

%<И='%>же нб~са` ма'нiемъ, и= зе'млю хотjь'нiемъ, сло'во 
_о='ч~ее содjь'лавъ, преч\стая, и= созда'въ человjь'ка, и=зъ 
теб_е` jа='вjь прiя'тъ пло'ть себjь`, назда'ти _е=стество` 
на'ше и=стлjь'вшее, и= сокруше'нное пре'лестiю sмi'я, дв~о, 
_е=ди'ный ми'лостивый.

%<Пjь'снь f~. I=рмо'съ:%>

%<В%>ся'къ земноро'дный да взыгра'ется, дх~омъ 
просвjьща'емь, да (с. 421) торжеству'етъ же безпло'тныхъ 
о_у=мw'въ _е=стество`, почита'ющее свяще'нное преставле'нiе 
бг~ома'тере, и= да вопiе'тъ: ра'дуйся, всеблаже'нная бц\де, 
ч\стая приснодв~о.

%<П%>рiиди'те въ сiw'нъ, на бж\ственную и= ту'чную го'ру 
жива'гw бг~а, возра'дуемся, бц\ду зря'ще: къ sjьлw' бо 
лу'чшей и= бж\ственнjьй сjь'ни, jа='кw мт~рь, сiю` во ст~а^я 
ст~ы'хъ хр\сто'съ преста'ви.

%<П%>рiиди'те, вjь'рнiи, ко гро'бу присту'пимъ бж~iя 
мт~ре, и= w=б\ъи'мемъ сердцы` и= о_у=стна'ми, _о=чесы` и= 
лице'мъ чи'стw прикаса'ющеся, и= почерпа'юще и=сцjьле'нiй 
незави^стныя да'ры w\т и=сто'чника приснотеку'щагw.

%<П%>рiими` w\т на'съ пjь'снь и=схо'дную, мт~и жива'гw 
бг~а, и= свjьтоно'сною твое'ю и= бж\ственною w=сjьни` 
бл~года'тiю, во'инству побjьди'т_ельная, хр\столю^бнымъ 
лю'демъ ми'ръ, w=ставле'нiе пою'щымъ, и= душа'мъ спасе'нiе 
подаю'щи.

%<И='нъ. I=рмо'съ:%>

%<В%>ои'стинну бц\ду тя` и=сповjь'дуемъ, спасе'ннiи 
тобо'ю, дв~о ч\стая, съ безпло'тными ли^ки тя` велича'юще.

%<В%>и'дjьти jа=`же вjь^чная бж\ств_енная воздая^нiя, и= 
жела'нiй кра'йнихъ jа=снjь'йше, бл~же'нне, приближа'яся, 
fадде'е, красу'йся и= лику'й.

%<Jа='%>кw ке'дръ, jа='кw вели'къ кv"парi'съ, сла'вне 
fадде'е, добродjь'тельми возне'слся _е=си`, благоуха'я 
сердца` восхваля'ющихъ тя`.

%<С%>овоку'плься, бл~же'нне, а=п\слwмъ и= мч~никwмъ, и= 
безплw'тнымъ ликw'мъ веселя'ся: съ ни'миже моли` спасти` тя` 
чту'щыя.

%<П%>а'мять твоя` бога'тнымъ сiя'нiемъ дарова'нiй 
вjь'рныхъ мы^сли просвjьща'ющи, восхвали'ти тя`, fадде'е, 
всjь'хъ понужда'етъ.

%<Бг~оро'диченъ:%>

%<Б%>лаголюби'вая дв~о, w=sло'бленную грjьхми` ду'шу 
мою` о_у=блажи`, jа='же пребл~га'го сло'ва поро'ждши. (с. 
422)

%<И='нъ. I=рмо'съ:%>

%<О_у=%>жасе'ся w= се'мъ нб~о, и= земли` о_у=диви'шася 
концы`, jа='кw бг~ъ jа=ви'ся человjь'кwмъ пло'тски, и= 
чре'во твое` бы'сть простра'ннjьйшее небе'съ. тjь'мъ тя` 
бц\ду, а='гг~лwвъ и= человjь^къ чинонача^лiя велича'ютъ.

%<В%>и'дjьти жела'ющи, jа=`же земно'е _о='ко вои'стинну 
не ви'дjь, тjьл_е'сная терпя'ше болjь'зн_енная му'жески 
сокруш_е'нiя о_у=дw'въ, прехва'льная, стремле'нiе sвjьре'й, 
жже'нiе _о=гня`, мо'ря треволне'нiе, невеще'ственнымъ 
свjьтозаре'нiемъ о_у=ясня'ема, всебл~же'нная.

%<Jа='%>кw вои'стинну свjьтоно'сна и= благолjь'пна, 
бг~оно'сна луна` возсiя'ла _е=си`, бж\ственнагw ли'ка, 
jа='коже во sвjьзда'хъ свjьтоявле'нныхъ приводи'ма 
бл~года'ти, со проше'дшими и=зъ твоегw` чре'ва. и= ны'нjь 
вселе'нную невеще'ственнымъ свjьтозаре'нiемъ о_у=ясня'ете, 
блаже'ннiи.

%<О_у=%>тверди'вше на ка'мени терпjь'нiя мы^сли 
восхожде'нiя блаже'ннiи, и=скуш_е'нiи многови'дныхъ 
наведе'нiй, jа='кw вои'стинну неукло'нни jа=ви'стеся, и= 
побjь'ду по хр\стjь` взе'мше, съ си'мъ при'снw цр\ствовати 
сподо'бистеся ра'дующеся.

%<Jа='%>кw вои'стинну цjьла` голуби'ца, и= го'рлица, 
jа='же бг~а возлю'бльши, ла'стовица съ бж~е'ственными 
возлетjь'вши пт_енцы`, на нб~сjь'хъ всели'ся, къ держа'вjь 
бж\ственнjьй и= мы'сленнjьй, зимы` о_у=бjьжа'вши, и= 
ловле'нiя де'мwнскагw ва'сса: ю='же любо'вiю о_у=блажа'емъ.

%<Бг~оро'диченъ:%>

%<Ч%>л~вjьколю'бца ро'ждши и= и=зба'вителя, чу'дная и= 
бл~голюби'вая вл\дчце, грjьхw'въ и=збавле'нiе ми` да'ждь 
твои'ми моли'твами, и= ду'шу мою`, всеч\стна'я, 
w=sло'бленную помышл_е'нiи, о_у=блажи`, и= покажи` страсте'й 
смертоно'сныхъ свобо'дну, всенепоро'чная.

%<Свjьти'ленъ а=п\сла. Подо'бенъ: Ж%>_ены` о_у=слы'шите:

%<_Е=%>де'су пома'занъ бы'въ свjьти'льникъ, fадде'е 
всему'дре, въ не'мже проповjь'далъ _е=си` бж\ственное 
смотре'нiе сло'ва, (с. 423) и= мjьстонача'льника а='vгаря, 
и= и=`же съ ни'мъ вся^ просвjьти'въ, служи'тели показа'лъ 
_е=си` пресвjь'тлыя тр\оцы, а=п\сле бг~опроповjь'дниче.

%<Сла'ва, и= ны'нjь, пра'здника:%>

%<_W%>ле та^инъ твои'хъ, ч\стая бг~ороди'тельнице! 
вы'шнягw бо, дв~о, пр\сто'лъ стра'шный показа'лася _е=си`, 
херувi^мъ пребо'льши, на не'мже сjь'де, jа=ви'ся творе'цъ 
тва'ри. къ нему'же и= ны'нjь преста'вльшися, покры'й и= 
снабди` мi'ръ.

%<На стiхо'внjь стiхи^ры, гла'съ в~. Подо'бенъ: Д%>о'ме 
_е=vфра'fовъ:

%<П%>омина'й прилjь'жнw тя` моля'щыя, * дв~о бц\де, * и= 
любо'вiю чту'щыя * свяще'нное твое` о_у=спе'нiе.

%<Стi'хъ: В%>оскр\сни`, гд\си, въ поко'й тво'й, ты`, и= 
кiвw'тъ ст~ы'ни твоея`.

%<Л%>jь'ствица къ нб~си` * гро'бъ преч\стыя бц\ды 
_е='сть, * возводя'щая пою'щыя * бж\ственное сея` 
о_у=спе'нiе.

%<Стi'хъ: К%>ля'тся гд\сь дв~ду и='стиною, и= не 
w\тве'ржется _е=я`.

%<Н%>евjь'сту тя` бж~iю, * вы'шнее цр\ство, * 
и=збра'нныхъ сла'ва, * прiе'млетъ, дв~о, * къ сн~у и=ду'щую.

%<Сла'ва, и= ны'нjь, гла'съ и= подо'бенъ то'йже:%>

%<В%>си` нб\снiи воспо'йте ли'цы, * и='бо дв~а мт~и * 
преста'вися пресла'внw * w\т земли` къ нб\снымъ.

%<На лiтургi'и, Бл~ж_е'нна пра'здника, пjь'снь з~ 
_о=бою` канw'нwвъ, со i=рмосо'мъ на s~.%>



%<Слу'жба прп\дбнагw _о=тца` на'шегw а=вра'мiа, 
смоле'нскагw чудотво'рца.%>

%<Стiхи^ры на и~: пра'здника г~, и= ст~а'гw _е~. Гла'съ 
_е~. По\д: Р%>а'дуйся:

%<Jа=%>ви'ся гора` о_у='мная на'мъ ты`, прп\дбне _о='ч~е 
а=вра'мiе, на ню'же возше'дъ, бг~оно'се, jа='кw на нб~о, 
сла'вне, (с. 424) jа='кw но'вый мwv"се'й, скрижа^ли w\т 
бг~а, свя'те, хр\сто'во _е=v\глiе прiе'мъ, jа=ви'ся jа='кw 
труба` наро'чита, всjь^мъ возвjьща'ющи конц_е'мъ, 
о_у=твержда'я и= просвjьща'я всjь'хъ ду'шы къ бг~оразу'мiю, 
глаго'ля: пока'йтеся и= w=брати'теся: о_у=же' бо прибли'жися 
де'нь гд\сень су'дный и= гро'зный, хр\сту` бг~у безпреста'ни 
моли'теся, дарова'ти душа'мъ на'шымъ ве'лiю ми'лость.

%<Jа=%>ви'ся, преподо'бне _о='ч~е, лjь'ствица высо'кая 
добродjь'тели духо'вныя, бл~года'ти восхо'дъ: по не'йже 
возше'дъ, свя'те, зри'ши бж\ственную добро'ту, и= сла'ву 
бж~iю, и= ст~ы'хъ а='гг~лъ нб\сныхъ ликостоя'нiя 
свjь'тлости, и= гла'съ бг~олjь'пныхъ пjь'нiй наслажда'яся, 
бл~же'нне: съ ни'миже пое'ши веселя'ся ра'достнw, бг~оно'се 
а=вра'мiе, хр\сту` бг~у моли'ся, дарова'ти душа'мъ на'шымъ 
ве'лiю мл\сть.

%<Jа=%>ви'лся _е=си`, прп\дбне _о='ч~е, вои'стинну бж~iе 
возлюбле'нiе, и= w=сщ~е'нъ w\т о_у=тро'бы ма'терни, и= 
ст~и'тель w\т бг~а по'сланный къ на'мъ, наставля'я на пу'ть 
блг\дти хр\сто'ва смире'нiя. по нему'же возше'дъ, свя'те, 
водворя'ешися въ свjь'тлости бл~же'ннагw рая`, и=дjь'же 
всjь'хъ ст~ы'хъ ду'шы ра'дующеся веселя'тся. съ ни'миже 
на'съ помина'й, бг~оно'се а=вра'мiе, хр\сту` бг~у моля'ся, 
дарова'ти душа'мъ на'шымъ ве'лiю ми'лость.

%<Р%>а'дуйся, по'стническихъ вои'стинну подвигw'въ 
благово'нный сосу'де, кр\стъ на ра'му о_у='бw взе'мъ, и= 
вл\дцjь хр\сту` себе`, пребл~же'нне, возложи'въ, пло'ти 
попра'лъ _е=си` до'лу влеку'щее мудрова'нiе, добродjь'тельми 
же ду'шу просвjьти'лъ _е=си`, и= къ бж\ственному впери'лся 
_е=си` жела'нiю. тjь'мже всест~у'ю твою` w=кружи'вше ра'ку, 
прехва'льне а=вра'мiе, бж\ственнагw чл~вjьколю'бiя про'симъ, 
получи'ти твои'ми моли'твами, и= мi'ру дарова'ти ве'лiю 
ми'лость.

%<О_у='%>гль бг~осiя'ненъ, _о=гню` прибли'жився, 
бг~оно'се, дх~а, (с. 425) показа'лся _е=си` въ мi'рjь, 
а=вра'мiе, просвjьща'я ду'шы на'шя, вjь'рнw, бг~ому'дре, 
приступа'ющихъ къ тебjь` къ свjь'ту наставля'я тjь'хъ 
невече'рнему, преподо'бне, w=роша'ему свы'ше бж\ственною 
благода'тiю. тjь'мже и= побjь'ды тебjь` проявле'ннw дарова` 
вjьне'цъ, бл~же'нне, пра'вды смотри'тель хр\сто'съ: _е=го'же 
моли`, душа'мъ на'шымъ дарова'ти ве'лiю ми'лость.

%<Сла'ва, гла'съ и~:%>

%<М%>она'хwвъ мно'жества наста'вника тя` почита'емъ, 
_о='ч~е на'шъ а=вра'мiе: твое'ю бо стезе'ю вои'стинну пра'вw 
ходи'ти позна'хомъ. блаже'нъ _е=си` хр\сту` рабо'тавъ, и= 
вра'жiю w=бличи'лъ _е=си` си'лу, а='гг~лwвъ собесjь'дниче, 
прп\дбныхъ соприча'стниче и= пра'ведныхъ: съ ни'миже моли'ся 
гд\севи, поми'ловатися душа'мъ на'шымъ.

%<И= ны'нjь, пра'здника. Вхо'дъ. Прокi'менъ дне`. Та'же 
пар_емiи`, сегw` мjь'сяца въ г~ де'нь. На стiхо'внjь 
стiхи^ры, пра'здника. Та'же ст~а'гw самогла'сенъ, гла'съ 
а~.%>

%<Стi'хъ: Ч%>естна` предъ гд\семъ сме'рть прп\дбныхъ 
_е=гw`.

%<Л%>jь'ствица нб~си` подо'бна, jа='вjь житiе` твое`, 
бг~ому'дре, бы'сть, _е='юже на высоту` возвы'сився дне'сь, 
вл\дцjь хр\сту` бесjь'довати, бл~же'нне, сподо'бился _е=си`. 
о_у='мъ просвjь'щь та'мw су'щими сiя'ньми, луча'ми же тогw` 
просвjьща'емь, ра'внw а='гг~лwмъ прiя'лъ _е=си` свjь'тлость. 
_е=му'же ны'нjь предстоя`, моли'ся, прп\дбне, творя'щымъ 
бж\ственную и= свяще'нную па'мять твою` съ тобо'ю 
предста'ти, и= мi'ру да'ти ве'лiю ми'лость.

%<Сла'ва, гла'съ и~:%>

%<П%>рiиди'те, всеусе'рднw вси` бг~олюби'вiи лю'дiе, 
соше'дшеся похва'лимъ честно'е прп\дбнагw _о=тца` 
о_у=спе'нiе: се'й бо w\т ю='ности возлю'бленъ, и= w\т 
о_у=тро'бы ма'терни w=ст~и'ся бг~у, и= тогw` стопа'мъ 
послjь'довати и=зво'лилъ _е='сть, тjь'мже мо'лимъ того`, 
хр\ста` бг~а моли'ти непреста'ннw w= ста'дjь свое'мъ, и= 
о_у=мири'ти мi'ръ, и= спасти` ду'шы на'шя. (с. 426)

%<Тропа'рь, гла'съ и~:%>

%<Д%>не'сь возсiя` на'мъ па'мять твоя`, сла'вне, jа='кw 
со'лнце, свjьтоза'рнw луча'ми w=заря'ющая мi'ръ, и= тму` 
но'щи sлы'хъ духw'въ w\т на'съ w\тгоня'ющая. дне'сь нб\сныя 
си^лы ст~ы'хъ а='гг~лъ и= ду'шы пра'ведныхъ мы'сленнw 
торжеству'ютъ, ра'дующеся. дне'сь и= мы` грjь'шнiи 
припа'дающе мо'лимся: _о='ч~е прп\дбне а=вра'мiе, хр\ста` 
бг~а моли` непреста'ннw, спасти` гра'дъ и= лю'ди, любе'знw 
тебе` почита'ющыя.

%<Сла'ва, и= ны'нjь, пра'здника.%>

%<На о_у='трени, по а~-й стiхоло'гiи сjьда'ленъ, гла'съ 
а~.%>

%<Подо'бенъ: Л%>и'къ а='гг~льскiй:

%<Ж%>итiе` на земли` благоче'стнw сконча'въ, прiя'телище 
чистоты` и= дх~а jа=ви'лся _е=си`, просвjьща'я къ тебjь` 
вjь'рою притека'ющыя, бл~же'нне. тjь'мже моли` твоего` 
вл\дку хр\ста` бг~а, просвjьти'ти ду'шы на'шя, 
воспjьва'ющихъ тя`, а=вра'мiе бг~ому'дре _о='ч~е на'шъ.

%<Два'жды.%>

%<Сла'ва, и= ны'нjь, бг~оро'диченъ:%>

%<В%>сjь'хъ творца` и= гд\са и= зижди'теля, 
всенепоро'чная, ч\стая, дх~омъ бж\ственнымъ въ ложесна'хъ 
заче'нши, безъ и=стлjь'нiя родила` _е=си`, _е=го'же 
сла'вяще, тя` воспjьва'емъ, дв~о, jа='кw пала'ту всjь'хъ 
цр~я` и= мi'рови спасе'нiе.

%<По в~-й стiхоло'гiи сjьда'ленъ, гла'съ д~. По\д: 
Jа=%>ви'лся _е=си` дне'сь:

%<В%>озсiя'въ jа='кw со'лнце, зари^ w=блиста'еши, 
прп\дбне, всему` мi'ру и=здале'ча о_у=че'нiй твои'хъ, 
чу'дный а=вра'мiе свjьтоно'сче, прп\дбныхъ похвало`.

%<Два'жды.%>

%<Сла'ва, и= ны'нjь, бг~оро'диченъ:%>

%<В%>ъ кро'въ тво'й, преч\стая дв~о, прибjьга'ющихъ 
на'съ мольбу` прiе'мши, не преста'й моля'щи чл~вjьколю'бца, 
спасти` рабы^ твоя^.

%<По полv"еле'и сjьда'ленъ, гла'съ и~. Подо'бенъ: 
П%>рему'дрости:

%<W\т%> о_у=тро'бы w=святи'лся _е=си` jа='кw вои'стинну, 
свяще'нне (с. 427) а=вра'мiе, и= на земли` jа='кw а='гг~лъ 
пожи'лъ _е=си`: пло'ть бо о_у=мертви'въ воздержа'нiемъ, 
тр\оцы о_у=го'дникъ показа'лся _е=си`, бл~же'нне. тjь'мже и= 
къ ре'вности бж\ственнагw твоегw` житiя`, ли'ки совокупи'лъ 
_е=си` мона'шествующихъ, сла'вне, бг~оно'се _о='ч~е на'шъ, 
моли` хр\ста` бг~а, согрjьше'нiй w=ставле'нiе пода'ти 
чту'щымъ любо'вiю святу'ю па'мять твою`.

%<Два'жды.%>

%<Сла'ва, и= ны'нjь, бг~оро'диченъ:%>

%<Н%>б\сную две'рь и= кiвw'тъ, прест~у'ю го'ру, 
свjь'тлый _о='блакъ воспои'мъ неwпали'мую купину`, 
слове'сный ра'й, _е='vы воззва'нiе, вселе'нныя всея` 
вели'кое сокро'вище, jа='кw спасе'нiе въ не'й содjь'лася 
мi'рови, и= w=ставле'нiе дре'внихъ согрjьше'нiй. сегw` ра'ди 
вопiе'мъ _е='й: моли'ся сн~у твоему`, прегрjьше'нiй 
w=ставле'нiе дарова'ти благоче'стнw покланя'ющымся 
всест~о'му рж\ству` твоему`.

%<Степ_е'нна, а~ а=нтiфw'нъ д~-гw гла'са. Прокi'менъ, 
гла'съ д~: Ч%>естна` предъ гд\семъ сме'рть прп\дбныхъ 
_е=гw`. %<Стi'хъ: Ч%>то` возда'мъ гд\севи w= всjь'хъ, jа=`же 
воздаде' ми; %<_Е=v\глiе матfе'а, зача'ло м~г.%>

%<По н~-мъ _псалмjь` стiхи'ра, гла'съ s~:%>

%<П%>рп\дбне _о='ч~е, во всю` зе'млю и=зы'де вjьща'нiе 
и=справле'нiй твои'хъ: тjь'мъ на нб~сjь'хъ w=брjь'лъ _е=си` 
мзду` трудw'въ твои'хъ, д_е'мwнскiя погуби'лъ _е=си` полки`, 
и= а='гг~льскiя дости'глъ _е=си` чи'ны, и='хже житiю` безъ 
поро'ка поревнова'лъ _е=си`: дерзнове'нiе и=мjь'я ко хр\сту` 
бг~у, ми'ръ и=спроси` душа'мъ на'шымъ.

%<Канw'нъ пра'здника со i=рмосо'мъ на s~: и= прп\дбнагw 
на и~.%>

%<Гла'съ s~. Пjь'снь а~. I=рмо'съ:%>

%<Jа='%>кw по су'ху пjьшеше'ствовавъ i=и~ль, по бе'зднjь 
стопа'ми, гони'теля фараw'на ви'дя потопля'ема, бг~у 
побjь'дную пjь'снь, пои'мъ, вопiя'ше.

%<Jа='%>кw возсiя'въ всjь^мъ конц_е'мъ, хр\сте`, 
пра'ведное сл~нце, (с. 428) преч\стыя твоея` мт~ре 
мольба'ми, покая'нiе и= о_у=миле'нiе и= сле'зы да'ждь ми`, 
бж~е, и= моле'нiемъ прп\дбнагw спаси' мя.

%<А='%>гг~льскiя безплw'тныя чи'ны приво'димъ ти`, 
хр\сте`, на моле'нiе, си'хъ мольба'ми и=зба'ви и= сохрани` 
ста'до твое`, бл~же, w\т всjь'хъ бjь'дъ: и= моли'твами 
прп\дбнагw спаси' мя.

%<С%>ъ ли'ки пр\орw'къ и= а=п\слъ, и= му'ч_еникъ, и= 
ст~и'телей и= прп\дбныхъ, и= со всjь'ми ст~ы'ми моли`, 
свя'те _о='ч~е, моля'щымся тебjь` прилjь'жнw, и=зба'витися 
w\т вся'кiя бjьды`, и= спасти' ны.

%<Бг~оро'диченъ:%>

%<В%>си` мо'лимъ тя` прилjь'жнw, гп\сже` дв~о мт~и 
ст~а'я, и=збавле'нiе w\т всjь'хъ бjь'дъ пода'ждь на'мъ, 
моля'щися прилjь'жнw сн~у и= бг~у, поми'ловати же и= спасти' 
ны.

%<Пjь'снь г~. I=рмо'съ:%>

%<Н%>jь'сть свя'тъ, jа='коже ты`, гд\си бж~е мо'й, 
вознесы'й ро'гъ вjь'рныхъ твои'хъ, бл~же, и= о_у=тверди'вый 
на'съ на ка'мени и=сповjь'данiя твоегw`.

%<М%>оле'нiя послу'шавъ, гд\си, и=ногда` а='нны, пода'лъ 
_е=си` пр\оро'ка, и= тебjь` w\тдаде` служи'теля: та'кw и= 
на'ше о_у=слы'ши моле'нiе, моли'твами прп\дбнагw, и= спаси' 
ны.

%<П%>рiими` w\т души` моля'щыяся тебjь`, хр\сте`, и= 
да'ждь на'мъ по'мощь твою` свы'ше, jа='кw и=ногда` 
о_у=ч~никw'мъ твои^мъ, хр\сте`, на мо'ри, и= w\т бjь'дъ 
и=зба'ви на'съ моле'нiемъ прп\дбнагw.

%<М%>оли'ся прилjь'жнw за ны`, и=збавле'нiе пода'ти, 
_о='ч~е а=вра'мiе, w\т всjь'хъ бjь'дъ, jа=`же на ны` 
прихо'дятъ, о_у=скори`, свя'те, на по'мощь на'шу.

%<Бг~оро'диченъ:%>

%<Б%>ж~iя рождества` твоегw`, ч\стая, вся'ка существа` 
чи'нъ прехо'дитъ чудесы`: бг~а бо па'че _е=стества` зачала` 
_е=си` во чре'вjь, и= ро'ждши пребыва'еши приснодв~а.

%<Конда'къ и= i='косъ пра'здника, и= сjьда'ленъ ст~а'гw, 
гла'съ д~.%>

%<Подо'бенъ: О_у=%>диви'ся i=w'сифъ:

%<О_у=%>диви'ся, прп\дбне и= бг~оно'се а=вра'мiе, во 
все'мъ мi'рjь (с. 429) житiе` твое`, jа='кw w\т о_у=тро'бы 
ма'терни воззва'нъ бы'лъ _е=си`, свя'те, jа='кw самуи'лъ 
сла'вне. веселя'тся цр~кви хр\сто'вы, и= ра'дуются мона'хwвъ 
стада` и= ве'сь мi'ръ пра'зднуетъ, хр\сту` бг~у моля'щеся 
прилjь'жнw: гд\си, спаси` гра'дъ и= лю'ди, моли'твами 
вл\дчцы, и= прп\дбнагw ра'ди поми'луй на'съ.

%<Два'жды.%>

%<Сла'ва, и= ны'нjь, пра'здника.%>

%<Пjь'снь д~. I=рмо'съ:%>

%<Х%>р\сто'съ, моя` си'ла, бг~ъ и= гд\сь, честна'я 
цр~ковь бг~олjь'пнw пое'тъ, взыва'ющи w\т смы'сла чи'ста, w= 
гд\сjь пра'зднующи.

%<Х%>р\сто'въ слуга` вои'стинну jа=ви'лся _е=си`, 
свя'те, jа='кw w\т о_у=тро'бы ма'терни w=святи'вся бг~у, 
jа='кw же'ртва прине'слся _е=си` честна` гд\севи, w\т 
со'вjьсти чи'сты моля'ся _е=му`.

%<В%>ои'стинну хр\сто'въ слуга` бы'лъ _е=си`, _о='ч~е 
а=вра'мiе, jа='кw пр\орw'къ и= а=п\стwлъ, ст~и'телей и= 
прп\дбныхъ всjь'хъ подража'тель бы'въ, напоя'я бл~года'ти 
о_у=миле'нiя сердца` на^ша.

%<В%>ои'стинну хр\сто'съ бг~ъ на'шъ показа' тя въ 
напа'стехъ ти'хое приста'нище, свя'те, и= забра'ло, 
сирота'мъ же всjь^мъ о_у=тjьше'нiе.

%<Бг~оро'диченъ:%>

%<Н%>еизглаго'ланно и= непостижи'мо _е='сть твоегw`, 
бц\де, бг~олjь'пнагw вои'стинну рж\ства` та'инство, нб\снымъ 
и= земны^мъ: и='мже вси` вjь'рнiи спа'сшеся, тя` хва'лимъ.

%<Пjь'снь _е~. I=рмо'съ:%>

%<Б%>ж~iимъ свjь'томъ твои'мъ, бл~же, о_у='тренюющихъ 
ти` ду'шы любо'вiю w=зари`, молю'ся, тя` вjь'дjьти, сло'ве 
бж~iй, и='стиннаго бг~а, w\т мра'ка грjьхо'внагw взыва'юща.

%<О_у='%>треневалъ _е=си` къ бг~у w\т ю='ности, 
блаже'нне _о='ч~е а=вра'мiе, jа='кw славi'й му'дре 
сладкоглаго'ливъ, jа='кw ла'стовица многогла'сна, свя'те, 
принося` моли'тву бг~у.

%<О_у=%>краси'лся _е=си` священнолjь'пнw, бг~оно'се 
_о='ч~е а=вра'мiе, i=ере'йскою лjь'потою, jа='кw и= а=арw'нъ 
и= самуи'лъ, бг~олjь'пнw по вся^ дни^ служя` бг~у, и= 
моля'ся _е=му`. (с. 430)

%<В%>ои'стинну w\т о_у=тро'бы позна'нъ бы'лъ _е=си`, 
_о='ч~е, w\т бг~а вjь'ренъ служи'тель: при'званъ же бы'въ, 
jа='кw другi'й проро'къ, свя'те, дх~омъ бж~iимъ, о_у=чи'лъ 
_е=си` лю'ди бг~оразу'мiю.

%<Бг~оро'диченъ:%>

%<Б%>ц\ду тя` w\т души`, вл\дчце мi'ру бл~га'я, 
и=сповjь'дающыя спаса'й: тя' бо заступле'нiе и='мамы 
вои'стинну, всеч\стая.

%<Пjь'снь s~. I=рмо'съ:%>

%<Ж%>ите'йское мо'ре воздвиза'емое зря` напа'стей 
бу'рею, къ ти'хому приста'нищу твоему` прите'къ, вопiю' ти: 
возведи` w\т тли` живо'тъ мо'й, многоми'лостиве.

%<Ж%>ите'йскагw, бл~же'нне, о_у=бjьжа'въ sла'гw 
волне'нiя, въ тишину` доше'дъ бж~iя поко'я и= наслажде'нiя, 
моли'ся пода'ти и= на'мъ w= хр\стjь` тогw` наслажде'нiя.

%<Б%>у'рно приста'нище потопля'етъ мя`, пода'ждь ми` 
ру'ку твою`, вл\дко гд\си, jа='кw и=ногда` петру` 
о_у=топа'ющу, и= спаси' мя во w=ти'шiе твое` прп\дбнагw 
а=вра'мiа моле'нiемъ.

%<П%>омоли'ся прилjь'жнw за ны`, _о='ч~е прп\дбне 
а=вра'мiе, къ бг~у, и=зба'витися вско'рjь w\т всjь'хъ бjь'дъ 
же и= скорбе'й, и= пода'ти ми'ръ и= спасе'нiе.

%<Бг~оро'диченъ:%>

%<П%>реч\стая вл\дчце, ро'ждши з_емны'мъ прави'теля и= 
гд\са, похоте'й ми` sлолю'тое о_у=кроти` смуще'нiе, и= 
тишину` пода'ждь се'рдцу моему`.

%<Конда'къ, гла'съ г~. Подо'бенъ: Д%>в~а дне'сь:

%<В%>озсiя`, гд\си, гра'ду твоему`, па'мять твоегw` 
о_у=го'дника, jа='кw свjь'тлое со'лнце, ра'достнw всjь'хъ 
jа='кw луча'ми w=заря'ющи, па'че же моли^твы преч\стыя 
твоея` мт~ре, w\т всjь'хъ бjь'дъ и=збавля'ютъ на'съ, и= 
о_у=праждня'ютъ ва^рварская шата^нiя. тjь'мъ мы`, лю'дiе 
твои`, и= гра'дъ на'шъ, вельми` хва'лимся, и= спаса'емся 
моли'твами твоегw` о_у=го'дника а=вра'мiа, прп\дбнагw 
_о=тца`.

%<I='косъ:%>

%<О_у=%>ясни' ми я=зы'къ, и= о_у=крjьпи' ми о_у='мъ, 
хр\сте` бж~е, (с. 431) моли'твами преч\стыя твоея` мт~ре. 
я=зы'къ ми` бла'гъ глаго'лати пода'ждь на похвалу`, и= на 
о_у=моле'нiе твоегw` о_у=го'дника. свjьщу` души` моея` 
о_у=ны'лую, ю='же воздрема'вся о_у=гаси'хъ, моли'твами 
прп\дбнагw а=вра'мiа возжзи`, и= не w\тлучи` мене`, хр\сте`, 
многосогрjь'шша, ли'ка прп\дбныхъ твои'хъ. все` о_у='бw 
о_у=пова'нiе къ тебjь` возлага'ю: ты' бо и= гра'дъ 
сохраня'еши моли'твами прп\дбнагw.

%<Пjь'снь з~. I=рмо'съ:%>

%<Р%>осода'тельну о_у='бw пе'щь содjь'ла а='гг~лъ 
преподw'бнымъ _о=трокw'мъ, халд_е'и же w=паля'ющее велjь'нiе 
бж~iе мучи'теля о_у=вjьща` вопи'ти: бл~гослове'нъ _е=си`, 
бж~е _о=т_е'цъ на'шихъ.

%<Х%>алде'йскую w=роси'въ _о=трокw'въ пе'щь, и= прело'жъ 
на хла'дъ, на ны` и=ноплем_е'нникъ нападе'нiе, хр\сте`, 
погуби`, моле'нiемъ прп\дбнагw а=вра'мiа, пою'ща: 
бл~гослове'нъ бг~ъ _о=т_е'цъ на'шихъ.

%<П%>р\оро'ку данiи'лу, вл\дко хр\сте`, и=ногда` ди'вiя 
sвjь'ри о_у=кроти'лъ _е=си`, w=бузда'въ: та'коже и= ны'нjь 
всjь'хъ проти'вныхъ на ны` стремл_е'нiя о_у=кроти`, и= 
w=бузда'й моле'нiемъ, бж~е, прп\дбнагw а=вра'мiа.

%<_Е=%>гда` прiи'деши, бж~е, суди'ти на зе'млю, хр\сте` 
цр~ю`, со а='гг~льскими си'лами, тогда`, ми'лостиве, пощади' 
ны пою'щыя, моли'твами прп\дбнагw а=вра'мiа: бл~гослове'нъ 
бг~ъ _о=т_е'цъ на'шихъ.

%<Бг~оро'диченъ:%>

%<Т%>обо'ю на'мъ, дв~о, свjь'тъ возсiя` т_е'мнымъ и= 
w\тпуще'нiе, ты' бо родила` _е=си` зижди'теля всjь'хъ бг~а: 
_е=го'же моли`, преч\стая приснодв~о, посла'ти вjь^рнымъ 
ве'лiю ми'лость.

%<Пjь'снь и~. I=рмо'съ:%>

%<И=%>зъ пла'мене преподw'бнымъ ро'су и=сточи'лъ _е=си`, 
и= пра'веднагw же'ртву водо'ю попали'лъ _е=си`: вся^ бо 
твори'ши, хр\сте`, то'кмw _е='же хотjь'ти. Тя` превозно'симъ 
во вся^ вjь'ки.

%<Jа=%>ви'ся jа='кw рjька` о_у='мная, w\т о_у='стъ 
бж\ственнагw рая` (с. 432) и=сходя'щи, прп\дбне _о='ч~е 
а=вра'мiе, и= всjь'хъ вjь'рныхъ напая'я ду'шы о_у=миле'нiя, 
и= w=мыва'я всjь'хъ скве'рну, превознося'щихъ хр\ста` во 
вjь'ки.

%<Jа='%>кw небеса` о_у='мная, jа=ви'шася о_у=ста` твоя^, 
свя'те, я=зы'къ же тво'й, _о='ч~е, jа='кw со'тъ ме'двенный 
сладя`, и= всjь'хъ науча'я вопи'ти: гд\са по'йте, и= 
превозноси'те _е=го` во вjь'ки.

%<В%>оздjьжи` ру'цjь твои` ко вл\дцjь бг~у, свя'те, 
моли` за ны` прилjь'жнw, поми'ловати гра'дъ и= лю'ди, 
и=зба'витися гла'да же и= тру'са, и= наше'ствiя 
и=ноплеме'нныхъ, _е=го'же превозно'симъ во вjь'ки.

%<Бг~оро'диченъ:%>

%<А=%>рха'гг~ла гла'сомъ зове'мъ ти`, преч\стая дв~о 
мт~и: ра'дуйся, w=бра'дованная, гд\сь съ тобо'ю, а='гг~лwмъ 
и= человjь'кwмъ заче'нши и= ро'ждши гд\са. _е=го'же 
превозно'симъ во вся^ вjь'ки.

%<Пjь'снь f~. I=рмо'съ:%>

%<Б%>г~а человjь'кwмъ невозмо'жно ви'дjьти, на него'же 
не смjь'ютъ чи'ни а='гг~льстiи взира'ти: тобо'ю бо, 
всеч\стая, jа=ви'ся человjь'кwмъ сло'во воплоще'нно, 
_е=го'же велича'юще, съ нб\сными вw'и тя` о_у=блажа'емъ.

%<Н%>ы'нjь, бл~же'нне, водворя'ешися, и= весели'шися со 
а='гг~льскими си'лами, прiе'мля поко'й проти'ву трудw'въ, 
_о='ч~е свя'те а=вра'мiе, и= на'съ моля'щихся помяни`, 
бг~оно'се, че'стнw пра'зднующихъ па'мять твою`, и= хр\ста` 
велича'ющихъ.

%<Н%>ы'нjь собо'ръ ст~ы'хъ а='гг~лъ, и= ли'ки ст~ы'хъ 
а=п\слъ, пр\орw'къ и= му'ч_еникъ, ст~и'телей и= прп\дбныхъ: 
свjь'тлw торжеству'ютъ ра'дующеся, въ па'мяти твое'й, свя'те 
_о='ч~е а=вра'мiе. съ ни'миже моли'ся, бг~оно'се, хр\сту` 
бг~у, всjь'хъ и=зба'вити бjь'дъ, вjь'рою тя` блажа'щихъ.

%<П%>рiими`, вл\дко хр\сте` цр~ю`, моле'нiе ра^бъ 
твои'хъ, и= w=брати` на ра'дость воздыха'нiе на'ше: мо'литъ 
тя` собо'ръ а=рха'гг~лъ, пр\орw'къ и= му'ч_еникъ, а=п\слъ и= 
ст~и'т_ель, и= (с. 433) прп\дбный а=вра'мiй, _е=гда` 
прiи'деши суди'ти всему` мi'ру, тогда` спаси` и= поми'луй 
велича'ющыя тя`.

%<Бг~оро'диченъ:%>

%<Д%>осто'йнw тя` о_у=блажа'емъ вои'стинну и= 
велича'емъ, преч\стая дв~о, мт~и хр\ста` бг~а. ты' бо _е=си` 
небе'сныхъ си'лъ ра'дость, и= всjь'хъ ст~ы'хъ добро'та и= 
о_у=краше'нiе, хр\стiа'нъ прибjь'жище и= стjьна`, грjь'шныхъ 
пу'ть, и= пору'чница тебе` велича'ющихъ.

%<Свjьти'ленъ. Подо'бенъ: Ж%>_ены` о_у=слы'шите:

%<М%>iрско'е пристра'стiе w=ста'вль, и= бога'тство 
мимотеку'щее, и= кр\стъ тво'й взе'мь, _о='ч~е, хр\сто'ви, 
а=вра'мiе, о_у=се'рднw послjь'довалъ _е=си`: по'стнически же 
о_у=мертви'лъ _е=си` стра^сти, и= къ безстра'стiю прите'клъ 
_е=си`, и= мо'лишися w= на'съ, бг~оно'се.

%<Два'жды.%>

%<Сла'ва, и= ны'нjь, пра'здника.%>

%<На хвали'техъ стiхи^ры на s~, пра'здника г~. и= 
ст~а'гw г~, гла'съ s~. Подо'бенъ: В%>се` w\тло'жше:

%<В%>се` о_у=пова'нiе ко гд\су возло'жь, * всjь'мъ 
серде'чнымъ жела'нiемъ * горя` къ бг~у, прп\дбне, * jа='кw 
sвjьзда` свjь'тлая на восто'цjь, * всjь^мъ возсiя'лъ _е=си`, 
свя'те. * возра'дуйтеся и= возвесели'теся мона'хwмъ со'нмы, 
* торжеству'юще воспое'мъ * свjь'тлw въ па'мять _е=гw`: * 
хр\сту` _е=ди'ному бг~у, * со дерзнове'нiемъ моли'ся * w= 
душа'хъ на'шихъ.

%<Два'жды.%>

%<В%>е'сь w\т ю='ности * прибли'жился _е=си` гд\севи, * 
прп\дбне _о='ч~е а=вра'мiе, * все'ю душе'ю го'рнихъ жела'я, 
* ви^димая и= земна^я, свя'те, возненави'дjьвъ, * хр\ста` 
_е=ди'наго возлюби'лъ _е=си`, прехва'льне, * и= тогw` кр\стъ 
о_у=се'рднw тща'ся воспрiя'ти, * возслjь'довалъ _е=си` 
_е=му`, * не о_у=боя'ся вра'жiихъ стрjьля'нiй, * jа='кw 
всjь'хъ по'мощь и=мjь'я бг~а. * _е=му'же со дерзнове'нiемъ 
моли'ся * w= душа'хъ на'шихъ. (с. 434)

%<Сла'ва, гла'съ _е~:%>

%<П%>рп\дбне _о='ч~е, гла'съ _е=v\глiа гд\сня 
о_у=слы'шавъ, мi'ръ w=ста'вилъ _е=си`, бога'тство и= сла'ву 
нивочто'же вмjьни'въ. тjь'мъ всjь^мъ возопи'лъ _е=си`: 
возлюби'те бг~а, и= w=бря'щете бл~года'ть вjь'чную: ничто'же 
предпочти'те па'че любве` _е=гw`, да _е=гда` прiи'детъ въ 
сла'вjь свое'й, w=бря'щете поко'й со всjь'ми ст~ы'ми, 
_е=гw'же моли'твами, хр\сте`, сохрани` и= спаси` ду'шы 
на'шя.

%<И= ны'нjь, пра'здника.%>

%<Славосло'вiе вели'кое, и= w\тпу'стъ и= ча'съ а~. На 
а~-мъ часjь` тропа'рь пра'здника. Сла'ва, ст~а'гw: И= 
ны'нjь, бг~оро'диченъ часw'въ. По трист~о'мъ, конда'къ 
пра'здника, и= ст~а'гw, премjьня'юще глаго'лемъ.%>

%<На лiтургi'и блаж_е'нна пра'здника, пjь'снь з~-я, на 
д~: и= ст~а'гw, пjь'снь s~-я, на д~. Прокi'менъ: Ч%>естна` 
предъ гд\семъ сме'рть преподо'бныхъ _е=гw`. %<Стi'хъ: Ч%>то` 
возда'мъ гд\сви w= всjь'хъ, jа=`же воздаде' ми; %<А=п\слъ къ 
гала'тwмъ, зача'ло сг~_i. А=ллилу'iа. Стi'хъ: Б%>лаже'нъ 
му'жъ боя'йся гд\са: %<_Е=v\глiе, луки`, зача'ло к~д. 
Прича'стенъ: В%>ъ па'мять вjь'чную бу'детъ пра'ведникъ: