Богослужебные тексты

<::рус>    электронный текст предоставлен 

<::лат>    monah German - Srbija 

<::рус> Текст подвергнут грамматической правке



<::слав> 


%<Мц\са деке'мврiа, въ в~-й де'нь.%>

%<Па'мять преподо'бнагw _о=тца` на'шегw i=wаннi'кiа 
дjьви'чкагw.%>

%<Стiхи^ры на ма'лjьй вече'рни, гла'съ д~.%>

%<Подо'бенъ: Д%>а'лъ _е=си` зна'менiе:

%<С%>вjь'тлw jа='коже со'лнце, просiя` твоя` па'мять, 
преподо'бне, луче'ю w=блиста'ющая твоя^ добродjь^тельная 
дjь^ланiя всеблаже'нне, и= свjь'томъ чуде'съ твои'хъ 
w=заря'ющая вjь'рныхъ чу^вства: тjь'мже пра'зднуемъ 
ра'достнw и= о_у=блажа'емъ вjь'рнw всепра'зднственную 
па'мять твою`. %<[Два'жды:]%>

%<М%>i'ръ возненави'дjьвъ преподо'бне, посто'мъ и= 
моли'твами къ небе'сной высотjь` возлетjь'лъ _е=си`: 
свjьти'ломъ свои'мъ человjь'ки на земли` просiява'еши, со 
а='гг~лы на небеси` лику'я: тjь'мъ тя` мо'лимъ, преподо'бне, 
съ вjь'рою приходя'щiи къ твои'мъ моще'мъ, хр\ста` 
о_у=моли`, грjьхw'въ w=ставле'нiе на'мъ пода'ти.

%<С%>тра^сти тjьл_е'сныя воздержа'нiемъ о_у=мертви'лъ 
_е=си`, и= прилjь'жными моли'твами и= сле'зными то'ки 
о_у=дави'лъ _е=си` льсти'ваго sмi'я, _о='тче: бг~у же 
о_у=годи'лъ _е=си` па'че мно'гихъ досточу'дне, i=wаннi'кiе 
преподо'бне. тjь'мже тя` свое'ю благода'тiю о_у=краси` 
творе'цъ мi'ра и= спа'съ ду'шъ на'шихъ.

%<Сла'ва, гла'съ и~.%>

%<П%>реподо'бне и= блаже'нне _о='тче i=wаннi'кiе, во 
дни` и= въ нощи` поуча'лся _е=си` за'повjьдемъ 
бж~е'ственнымъ, и=`хже соблю'дь jа=ви'лся _е=си` до'мъ 
святы'я тро'ицы, ю='же моли` непреста'ннw, преподо'бне 
_о='тче, спасти'ся душа'мъ на'шымъ.

%<И= ны'нjь, бг~оро'диченъ.%>

%<В%>лады'чице прiими` мwлбы` рабw'въ твои'хъ, и= 
и=зба'ви на'съ w\т вся'кiя ско'рби и= печа'ли.

%<На стiхо'внjь стiхи^ры, гла'съ в~.%>

%<Подо'бенъ: Д%>о'ме _е=vфра'fовъ:

%<Jа=%>ви'лся _е=си` w\т ма'тернихъ пеле'нъ w=свяще'нъ 
бг~оно'се i=wаннi'кiе, и= бы'лъ _е=си` сосу'дъ пресвя'тагw 
ду'ха.

%<Стi'хъ: Ч%>естна` предъ гд\семъ сме'рть преподо'бныхъ 
_е=гw`.

%<Л%>е'сть лука'выхъ бjьсw'въ посрами'лъ _е=си`, _о='тче 
i=wаннi'кiе: кре'стною си'лою о_у=ясни'лъ _е=си` сла'ву 
хр\сто'ву.

%<Стi'хъ: Б%>лаже'нъ му'жъ боя'йся гд\са, въ 
за'повjьдехъ _е=гw` восхо'щетъ sjьлw`.

%<Н%>ося` въ ру'цjь свое'й кре'стъ гд\сень, бjьсw'вская 
мечта^нiя съ ни'мъ погуби'лъ _е=си`: сегw` ра'ди и= мы` 
согла'снw вопiе'мъ ти`: ра'дуйся _о='тче на'шъ i=wаннi'кiе.

%<Сла'ва и= ны'нjь, гла'съ то'йже.%>

%<В%>лады'чице блага'я, преблагослове'нная и= 
пренепоро'чная, чи'стая дjьви'це, защи'тнице ро'да 
хр\стiа'нскагw, прилjь'жнw вси` къ тебjь` зове'мъ: ру'ки 
твоя` святы'я распростри` ми'лостивнw къ сы'ну своему`, и= 
всегда` моли` _е=го`, спасти` ду'шы на'шя.

%<Тропа'рь, гла'съ а~.%>

%<П%>още'нiемъ, моли'твами и= благода'тiю бж~е'ственною 
просвjьти'вся, земны^я концы` свjь'тлw w=заря'еши 
благоче'стнw, чуде'съ благода'ть w\т бг~а прiе'мь, 
и=сцjьля'еши неду'ги, ду'хи же лука^выя w\т человjь'кwвъ 
w\тгоня'еши, и=`же съ вjь'рою притека'ютъ къ ра'цjь моще'й 
твои'хъ святы'хъ, преподо'бне _о='тче на'шъ i=wаннi'кiе: 
сла'ва да'вшему ти` благода'ть, сла'ва о_у=крjьпи'вшему тя`, 
сла'ва дjь'йствующему тобо'ю всjь'мъ и=сцjьле'нiя.

%<Сла'ва, и= ны'нjь, бг~оро'диченъ.%>



%<На вели'цjьй вече'рни,%>

%<Б%>лаже'нъ му'жъ, %<а~-й а=нтiфw'нъ.%>

%<На Г%>д\си воззва'хъ, %<поста'вимъ стiхw'въ и~. гла'съ 
и~.%>

%<Подо'бенъ: _W%> пресла'внагw чудесе`:

%<_О='%>тче i=wаннi'кiе преподо'бне, вои'стинну вы'ну 
носи'лъ _е=си` въ горта'ни бж~iя возноше'нiя, поуча'яся 
всему'дре дjь'тельнjьйшымъ словесе'мъ бг~одухнов_е'ннымъ, и= 
w\тту'ду w=богаще'нъ бы'въ и=стека'ющею благода'тiю 
блаже'нне, всjь'хъ нечести'выхъ совjь'тованiя низвраща'еши.

%<_О='%>тче i=wаннi'кiе пресла'вне, и=сто'чниками сле'зъ 
ду'шу свою` w=чи'стивъ, и= всенощны'ми стоя'нiи бг~а 
о_у=ми'лостививъ, воспери'лся _е=си` къ любле'нiю и= 
красотjь` сегw`, блаже'нне, _е=я'же ны'нjь досто'йнw 
наслажда'яся, ра'дуешися непре'станнw, со стра'дальцы 
твои'ми, бг~ому'дре преподо'бне.

%<_О='%>тче i=wаннi'кiе преподо'бне, воспери'въ о_у='мъ 
къ Бо'гу вjь'рою, w=мерзи'лъ _е=си` непостоя'нное мiрска'гw 
смjьше'нiя, и= кре'стъ сво'й воспрiи'мъ всеви'дцу 
послjь'довалъ _е=си`, порабо'тивъ по'мыслу неwбузда'нное 
тjь'ло по'двигами w=буче'нiя, крjь'постiю бж~е'ственнагw 
ду'ха.

%<_О='%>тче i=wаннi'кiе, твое` непрело'жное житiе` 
вjь'ра вои'стинну правосла'вная: и='бо w\т дjья'нiя къ 
sjьлw` вели'кому видjь'нiю дости'глъ _е=си`, прему'дрости 
бы'въ жили'ще, во двою` _е=стеству^ чты'й w\т тро'ицы 
хр\ста` _е=го'же моли` w= душа'хъ на'шихъ.

%<Подо'бенъ: гла'съ _е~.%>

%<Р%>а'дуйся преподо'бный по'стниче, святы'й _о='тче 
на'шъ, святи'телю бг~ому'дре, бг~омъ возлю'бленне! въ мi'рjь 
жи'знь свою` свя'тw о_у=стро'ивъ, ду'хомъ бж~е'ственнымъ 
w=живи'лъ _е=си`, _е='же w=благоуха'ти на'ша чу^вства и= 
ду'шы, и='миже восхо'димъ на небеса`, и= земны^я стра'сти 
прогоня'емъ, хр\ста` зря'ще, и='мже спаса'емся.

%<Р%>а'дуйся _о='тче, мiрска^я возненави'дjьвъ, и= 
и='ноческое житiе` возлюби'въ, а='гг~лwмъ собесjь'дникъ 
показа'лся _е=си`, и= jа=вля'ешися свои'ми чуде'сами а='ки 
sвjьзда` сiя'ющая на небеси`: моли'ся гд\су w= всjь'хъ 
на'съ, соверша'ющихъ святу'ю па'мять твою`.

%<Р%>а'дуйся святи'телю сла'вный, w\тступи'въ w\т 
мiрскi'я и= мяте'жныя молвы`, прите'клъ _е=си` ко хр\сто'вой 
тишинjь`, бг~ому'дре, и= видjь'нiемъ бж~е'ственныхъ дjья'нiй 
jа='кw всебога'тыми свjь'тлостьми w=богати'вся вои'стинну, 
и='миже вjь'рныя назирае'ши, благолjь'пнымъ сiя'я житiе'мъ.

%<Ч%>у'вственныя стра^сти побjьди'лъ _е=си` брозда'ми 
воздержа'нiя чудодjь'йственниче, и= ре'вности безпло'тныхъ 
на земли` показа'въ, вся^ жела^нiя плотска^я ду'хови 
покори'лъ _е=си`. тjь'мъ ны'нjь въ небе'сныхъ селе'нiихъ 
водворя'яся, моли` w= душа'хъ на'шихъ.

%<Сла'ва, гла'съ _е~.%>

%<П%>реподо'бне _о='тче, гла'са _е=v\глiа гд\сня 
послуша'въ, мi'ръ w=ста'вилъ _е=си`, ни во что` же вмjьни'въ 
бога'тство и= сла'ву, и= живы'й въ о_у=едине'нiи, всjь^мъ 
взыва'лъ _е=си` w\тту'ду: возлю'бите бг~а и= w=бря'щете 
благода'ть и= ничто' же предпочти'те любви` _е=гw`, да 
_е=гда` прiи'детъ во сла'вjь свое'й, w=бря'щете 
о_у=покое'нiе со всjь'ми святы'ми: и='хъ же моли'твами 
хр\сте`, сохрани` и= спаси` ду'шы на'шя.

%<И= ны'нjь, бг~оро'диченъ _е~ гла'са: В%>ъ чермнjь'мъ 
мо'ри.

%<Вхо'дъ. Прокi'менъ дне`, и= чте'нiя.%>

%<На лiтi'и стiхи^ры свята'гw, гла'съ в~.%>

%<К%>i'ими похва'льными пjь'снми о_у=блажи'мъ святи'теля 
i=wаннi'кiа, по'стникwвъ о_у=краси'теля, преподо'бныхъ 
побо'рника, свjьти'ло свяще'нникwмъ и= похвала` и='нокwмъ, 
це'ркви свое'й о_у=твержде'нiе непоколеби'мое, неду'гwмъ 
врача`, _е=гw` же моли'твами гд\си спаси` ду'шы на'шя.

%<К%>i'ими слове'сными вjьнцы` вjьнча'емъ i=wаннi'кiа, 
свяще'ннагw тече'нiя жела'теля, небе'снаго о_у=ченика`, 
бж~е'ственныма крило'ма превзя'таго бг~ови'дца, сто'лпъ 
смире'нiя неwбори'мый, стjьну` разсужде'нiя непоколеби'мую, 
нра'вwмъ о_у=краше'нiе, честно'е благолjь'пiе, моли'твенника 
хр\сту` непреста'ннw моля'щагося w= ча'дjьхъ свои'хъ.

%<К%>i'ими пjь'сненными пjь'нiи воспои'мъ i=wаннi'кiа, 
преиспещре'нна дjья'нми и= и=з\ъwби'льна благода'тiю, 
равноа'гг~льна житiе'мъ, вjь'ры о_у=твержде'нiе, неду'гwвъ 
цjьли'теля, бjьсw'въ прогони'теля, и= всjь'мъ правовjь'рнымъ 
ско'раго помо'щника:

%<Сла'ва, гла'съ д~.%>

%<П%>рiиди'те вси` празднолю'бцы о_у=блажи'мъ па'мять 
святи'теля хр\сто'ва i=wаннi'кiа: а='ще бо и= возлетjь` w\т 
на'съ, но неви'димw съ на'ми стои'тъ и= преподо'бныя ру'ки 
своя` простира'етъ w= на'съ ко гд\су: притеце'мъ о_у=`бо и= 
припаде'мъ къ ра'цjь святы'хъ моще'й _е=гw` и= поклони'мся 
прося'ще, jа='кw да святы'ми свои'ми моли'твами и=спро'ситъ 
ча'дwмъ свои'мъ ми'ръ и= душа'мъ и='хъ ве'лiю ми'лость.

%<И= ны'нjь, бг~оро'диченъ.%>

%<Jа='%>кw всенепоро'чная невjь'ста творцу`, jа='кw 
неискусому'жная ма'ти, прiя'телище и=зба'вителя и= 
о_у=тjь'шителя потщи'ся и=зба'вити мя` бjьсо'вскагw 
sлодjь'йства, преложи'вши скве'рное тjь'ло мое` въ свjь'тлое 
жили'ще добродjь'телей: разжени` _о='блакъ страсте'й мои'хъ 
твои'ми моли'твами и= сподо'би мя` вы'шнягw прича'стiя въ 
невече'рнjьмъ свjь'тjь.

%<На стiхо'внjь стiхи'ры, гла'съ а~.%>

%<Подо'бенъ: Н%>ебе'сныхъ чинw'въ:

%<Н%>ебе'сныя кру'ги превозлетjь'въ бж~е'ственною 
добродjь'телiю, преблаже'нне _о='тче, заше'лъ _е=си` въ 
мра'къ, и=дjь'же w=сiя'нiе прiи'мъ w\т благода'ти бж~iя, 
вои'стинну свjьтлjь'ешися преподо'бне.

%<Стi'хъ: Ч%>естна` предъ гд\семъ сме'рть преподо'бныхъ 
_е=гw`.

%<Д%>обродjь'телми просвjьти'въ ду'шу и= о_у='мъ, къ 
небеси` предста'вился _е=си` въ ца'рствiи хр\сто'вjь, 
i=wаннi'кiе блаже'нне, принося` _е=му` рукоя'ти трудw'въ 
свои'хъ, въ по'стницjьхъ бо ты jа=ви'ся свjьти'льникъ, 
наслажда'яся нестарjь'емыя пи'щи.

%<Стi'хъ: Б%>лаже'нъ му'жъ, боя'йся гд\са, въ 
за'повjьдехъ _е=гw` восхо'щетъ sjьлw`.

%<П%>реподо'бне _о='тче, не да'лъ _е=си` сна` _о=чи'ма 
свои'ма, ниже` вjь'ждома свои'ма дрема'нiя, до'ндеже ду'шу 
и= тjь'ло w\т страсте'й свободи'лъ _е=си`, о_у=гото'вавъ 
себе` въ жили'ще ду'хови: прише'дъ бо хр\сто'съ со 
_о=тце'мъ, _о=би'тель сотвори` о_у= тебе`: тjь'мже 
_е=диносу'щныя тро'ицы служи'тель бы'лъ _е=си`, 
великопроповjь'дниче i=wаннi'кiе, моли'ся w= душа'хъ 
на'шихъ.

%<Сла'ва, гла'съ в~.%>

%<Н%>а земли` а='гг~ла и= на небесjь'хъ человjь'ка 
бж~iя, благоукраше'нiе мi'ра, наслажде'нiе благи'хъ, 
добродjь'телей по'стническихъ похвалу`, i=wаннi'кiа 
почти'мъ: насажде'нъ бо въ дому` бж~iи процвjьте` пра'веднw, 
и= jа='кw ке'дръ въ пусты'ни о_у=мно'жи ста'до хр\сто'во 
слове'сными _о=вца'ми въ преподо'бiи и= пра'вдjь.

%<И= ны'нjь, бг~оро'диченъ.%>

%<На благослове'нiи хлjь'бwвъ, тропа'рь свято'му 
два'жды, гла'съ а~.%>

%<П%>още'нiемъ, моли'твами и= благода'тiю бж~е'ственною 
просвjьти'вся, земны^я концы` свjь'тлw w=заря'еши 
благоче'стнw, чуде'съ благода'ть w\т бг~а прiе'мь, 
и=сцjьля'еши неду'ги, ду'хи же лука^выя w\т человjь'кwвъ 
w\тгоня'еши, и=`же съ вjь'рою притека'ютъ къ ра'цjь моще'й 
твои'хъ святы'хъ, преподо'бне _о='тче на'шъ i=wаннi'кiе: 
сла'ва да'вшему ти` благода'ть, сла'ва о_у=крjьпи'вшему тя`, 
сла'ва дjь'йствующему тобо'ю всjь^мъ и=сцjьл_е'нiя.

%<И= бц\дjь _е=ди'ножды. прw'чая до конца` по ря'ду.%>



%<На о_у='трени,%>

%<По пе'рвомъ стiхосло'вiи, сjьда'ленъ, гла'съ и~.%>

%<Подо'бенъ: П%>рему'дрости:

%<М%>ногосвjь'тлая sвjьзда` и='ночествующымъ показа'ся, 
и= степе'нь и=звjь'стенъ, и= предjь'лъ воздержа'нiя, 
пресвjь'тлое зерца'ло разсужде'нiя преподо'бне бг~ови 
предстоя`, проси` проще'нiя прегрjьше'нiи ра'достнw 
соверша'ющымъ твою` па'мять, преблаже'нне.

%<Сла'ва, и= ны'нjь:%>

%<Н%>аста'ви на'съ на пу'ть покая'нiя, о_у=клоня'ющыяся 
при'снw къ sлы^мъ безпу'тiямъ, и= преблага'го прогнjь'вающыя 
гд\са, и= моли`, неискусобра'чная, благослове'нная марi'е, 
спасти'ся всjь^мъ, ча'ющымъ о_у=тjьше'нiя.

%<По второ'мъ стiхосло'вiи, сjьда'ленъ, гла'съ и~.%>

%<Подо'бенъ: П%>рему'дрости:

%<Б%>ж~е'ственнымъ жела'нiемъ безсме'ртiя w=держи'мъ, 
_о='тче i=wаннi'кiе, и= кре'стъ, на ра'мо взе'мь, въ 
пусты'няхъ всели'лся _е=си`, и=дjь'же гд\севи о_у=се'рднw 
порабо'та: тjь'мже тя` и= стяжа'хомъ те'пла моли'твенника ко 
гд\су.

%<Сла'ва:%>

%<Б%>ж~е'ственное селе'нiе была` _е=си` сло'ву, _е=ди'на 
всечи'стая, дjь'во, чистото'ю а='гг~лы превозше'дшая, 
w=чи'сти мя`. w=скверне'нна плотски'ми прегрjьше'нми, 
моли'твами твои'ми.

%<По полv"еле'и, велича'нiе: В%>елича'емъ тя`, 
преподо'бне _о='тче i=wаннi'кiе, и= чте'мъ святу'ю па'мять 
твою`, наста'вниче мона'хwвъ, и= собесjь'дниче а='гг~лwвъ.

%<_Псало'мъ и=збра'нный: Т%>ерпя` потерпjь'хъ гд\са:

%<По полv"еле'и, сjьда'ленъ, гла'съ д~.%>

%<Подо'бенъ: О_у=%>диви'ся i=w'сифъ:

%<Н%>а земли` а='гг~ла и= на небесjь'хъ человjь'ка 
бж~iя, мi'ра благоукраше'нiе, наслажде'нiе благи'хъ, 
по'стническихъ добродjь'телей похвалу`, i=wаннi'кiа вси` 
почти'мъ: насажде'нъ бо въ до'му бж~iи процвjьте` пра'веднw, 
и= jа='кw ке'дръ въ пусты'ни, о_у=мно'жи ста'до слове'сное 
хр\сто'выхъ _о=ве'цъ въ преподо'бiи и= пра'вдjь, _е=му'же 
вси` воскли'кнемъ: преподо'бне, помина'й на'съ, любо'вiю 
творя'щихъ святу'ю па'мять твою`.

%<Сла'ва и= ны'нjь, бг~оро'диченъ.%>

%<О_у=%>диви'ся i=w'сифъ _е='же па'че _е=стества` зря` 
и= внима'ше мы'слiю, и='же на руно` до'ждь, въ 
безсjь'менномъ зача'тiи твое'мъ бц\де, купину` _о=гне'мъ 
неwпали'мую, же'злъ а=арw'новъ прозя'бшiй, и= 
свидjь'тельствуя w=бру'чникъ тво'й и= храни'тель, 
свяще'нникwмъ взыва'ше: дjь'ва ражда'етъ, и= по рождествjь` 
па'ки дв~ою пребыва'етъ.

%<Та'же: а=нтiфw'нъ пе'рвый четве'ртагw гла'са. 
Прокi'менъ: Ч%>естна` предъ гд\семъ сме'рть преподо'бныхъ 
_е=гw`. %<Стi'хъ: Ч%>то` возда'мъ гд\севи w= всjь'хъ, jа=`же 
воздаде' ми. %<_Е=v\глiе w\т матfе'а, зач. м~г.%>

%<По н~-омъ _псалмjь`, стiхи'ра самогла'сна, гла'съ 
s~.%>

%<Г%>ора` небеси` подо'бяшеся, прiе'млющи свjьти'льникъ, 
въ пусты'ни горя'щь, _о=тца` i=wаннi'кiа: ты' же, 
преподо'бне _о='тче, святы'мъ ду'хомъ jа='кw _о=ре'лъ 
прелетjь'въ горы` и= верте'пы дjьви'чкiя, _w красноду'шне, 
просвjьща'еши вjь^рныя, притека'ющыя къ ра'цjь моще'й 
твои'хъ, и= съ весе'лiемъ взыва'ющыя ти`: моли'ся съ бц\дею 
w= спасе'нiи ду'шъ на'шихъ.

%<Канw'нъ Воведе'нiя, со i=рмосо'мъ на s~, гла'съ д~,%>

%<и= преподо'бному _о=тцу` на и~. гла'съ в~.%>

%<Пjь'снь а~.%>

%<I=рмо'съ: В%>о глубинjь` постла` и=ногда`:

%<П%>рисносу'щнымъ свjь'томъ триv"поста'снагw ны'нjь 
w=заря'емь, предстои'ши ве'сь свjь'телъ, jа='коже а='гг~ли: 
но молю` тя`, _о='тче i=wаннi'кiе, w\тжени` w\т се'рдца 
моегw` w=мраче'нiе, преподая` свjь'тъ житiя` твоегw`.

%<Ж%>ела'нiе хр\сто'вы красоты` стяжа'въ, затвори'лъ 
_е=си` чу'вства своя` w\т всегw` тлjь'ннагw и= 
мимотеку'щагw, и= по'двигами души` своея` возше'лъ _е=си` на 
высоту` блаже'нне.

%<В%>ели'кое смотре'нiе бж~iе w=святи` тя` w\т 
о_у=тро'бы, и= показа' тя сосу'дъ прiя'тенъ свято'му ду'ху: 
тjь'мже jа=ви'лся _е=си` w\т ю='ности w=гражда'емь стра'хомъ 
бж~iимъ.

%<Сла'ва: Л%>юбо'вiю влады'чнею разже'гся, w=ста'вилъ 
_е=си` вся` земна'я, и= воспрiя'въ кре'стъ сво'й на ра'мо, 
тому` послjь'довалъ _е=си`, просла'влься зна'менми и= 
чудесы`, преподо'бне.

%<И= ны'нjь: С%>ловеса` гаврiи'ла а=рхiстрати'га 
слы'шавши непоро'чная, и= наше'дшу на тя` ду'ху свято'му 
заче'нши родила` _е=си` сы'на, _о=тцу` собезнача'льна.

%<Пjь'снь г~.%>

%<I=рмо'съ: Н%>а ка'мени мя` вjь'ры о_у=тверди'въ:

%<В%>и'дjьвши бо'дренная душа` твоя` разу'мныма 
_о=чи'ма, jа='кw вся` су'етна су'ть, w\тве'рглъ _е=си` всю` 
мiрску'ю красоту`, и= разда'въ и=мjь'нiе свое` ни'щымъ, 
стяжа'лъ _е=си` некра'домое.

%<Б%>оже'ственныя послу'шавъ за'повjьди, въ молча'нiи 
пребы'лъ _е=си` чре'зъ все` житiе` свое`, и= бы'въ въ 
поноше'нiе во _о=те'чествiи свое'мъ, пита'лся _е=си` 
жела'нiемъ и='стинныя сла'вы.

%<W\т%>врати'лъ _е=си` плещи` своя` w\т мiрскi'я 
красоты`, и= возве'лъ _е=си` _о='чи свои` на го'ру, ча'я 
w\тту'ду бж~е'ственныя по'мощи: тjь'мже w\т горы` святы'я 
о_у=слы'ша тебе` гд\сь, и= свои'ми просла'ви чудесы`.

%<К%>рjь'пкую съ высоты` по'мощь и= w=заре'нiе ра'зума 
получи'въ, пожи'лъ _е=си` на земли` равноа'гг~льски. тjь'мже 
бы'лъ _е=си` и=сто'чникъ чуде'съ, _о='тче i=wаннi'кiе.

%<Бг~оро'диченъ: О_у=%>мы` нб\снiи, та'йнw i=а'кwвлю 
восходя'щую лjь'ствицу, та'кwжде и= низходя'щую, твое` 
дjь'вице стра'нное рождество` проявля'юще, досяза'ющая до 
небе'съ, со стра'хомъ о_у=ясня'ютъ.

%<Сjьда'ленъ, гла'съ и~.%>

%<Подо'бенъ: П%>рему'дрости:

%<М%>она'хwвъ све'рстникъ jа=ви'лся _е=си` му'дре, 
подо'бникъ бы'въ а=нтw'нiю въ послjь'докъ лjь'тъ, бл~же'нне, 
просвjьща'я вjь^рныя свjь'тлостiю чуде'съ, преподо'бне: 
тjь'мже собра'вшеся въ па'мять твою` вси` вjь'рнiи, про'симъ 
благода'ти ко и=сцjьле'нiю страсте'й на'шихъ, и= вопiе'мъ 
ти`: моли` хр\ста` бг~а, грjьхw'въ w=ставле'нiе дарова'ти 
чту'щымъ любо'вiю святу'ю па'мять твою`.

%<Сла'ва, и= ны'нjь, бг~оро'диченъ.%>

%<Р%>а'дуйся, jа='же а='гг~ломъ ра'дость ми'ра 
прiе'мшая. ра'дуйся ро'ждшая творца` твоего` и= гд\са. 
ра'дуйся сподо'бльшаяся бы'ти мт~и бж~iя.

%<Пjь'снь д~.%>

%<I=рмо'съ: П%>рише'лъ _е=си` w\т дjь'вы:

%<В%>оззва'лъ тя` _е='сть гд\сь w\т сiw'на, jа='кwже 
дре'вле пра'_отца а=враа'ма, повелjь'въ ти` и=зы'ти w\т 
земли` _о=те'чествiя: ты` же послjь'довалъ _е=си` тогw` 
словеси`, _о='тче i=wаннi'кiе, со о_у=се'рдiемъ.

%<С%>вjьти'льникъ нога'ма твои'ма зако'нъ благода'ти, и= 
сегw` зако'на придержа'вся, ве'лъ _е=си` твоя` 
и=справле'нiя: тjь'мже и= просiя'лъ _е=си`, _о='тче, jа='кw 
въ полу'дни.

%<_О=%>де'жда пло'ти твоея` ри'за ко'жна, въ ню' же 
w=бле'кся, о_у=мертви'лъ _е=си`, _о='тче страстна^я 
взыгра^нiя. тjь'мже и= и=стни'лъ _е=си` дебе'льство ко'жное.

%<О_у=%>мертви'лъ _е=си` похо'ть плотску'ю, бы'въ ча'до 
бг~а на'шегw, не роди'вся w\т по'хоти плотскi'я, но сы'нъ 
бы'въ благода'тiю. тjь'мже и= прiя'лъ _е=си` жре'бiй 
_о=те'ческiй во вjь'чномъ ца'рствjь.

%<Бг~оро'диченъ: Н%>аписа'ся пе'рстомъ бж~iе сло'во въ 
тебjь` препjь'тая, безнача'льное, jа='кwже въ глави'знjь 
кни'жнjь: тjь'мже припа'дая ти`, молю` тя`, до'лгое 
рукописа'нiе мно'гихъ мои'хъ страсте'й и=згла'ди и=зъ кни'ги 
живо'тныя.

%<Пjь'снь _е~.%>

%<I=рмо'съ: Х%>ода'тай бг~у и= человjь'кwмъ:

%<С%>обла'знъ готовля'етъ тебjь` дiа'волъ, полага'я 
претыка'нiя души` твое'й, и= посла` разбо'йники w\тгна'ти 
тя` w\т ма'лыя хра'мины: ты' же, преблаже'нне _о='тче, 
jа='кw за хр\ста` гони'мъ, ра'довашеся.

%<З%>авjьща'лъ _е=си` души` свое'й по гора'мъ 
превита'ти, jа='кw птене'цъ го'рличищь, _о='тче i=wаннi'кiе, 
и= ту` научи'лся _е=си` ви'дjьти бо'га.

%<Н%>ауче'нъ зако'номъ хр\сто'вымъ непещи'ся w= пи'щи и= 
w= _о=де'жди и=спо'лнилъ _е=си` дjь'ланiе пти'цъ небе'сныхъ, 
тjь'мже всели'вся въ ду'пленно древо`, въ мнw'гiя дни` 
пребы'лъ _е=си` безъ кро'ва и= пи'щи.

%<Н%>е да'лъ _е=си` сна` свои'ма _о=чи'ма, преподо'бне, 
ни'же вjь'ждома свои'ма дрема'нiя, до'ндеже плотска^я 
о_у=ста'вилъ _е=си` стремл_е'нiя и= къ свjь'ту за'йде 
незаходи'мому; влады'ку всjь'хъ воспjьва'я.

%<Бг~оро'диченъ: Р%>у'чку злату'ю, и= свjь'щникъ 
дjьви'це, и= трапе'зу дре'вле проwбразова'ху нело'жнw 
проро'ческая прорече'нiя, быва'ющая по бж~iю смотре'нiю; во 
_е='же бы ты` была` бг~ороди'тельница рождество'мъ свои'мъ.

%<Пjь'снь s~.%>

%<I=рмо'съ: В%>ъ бе'зднjь грjьхо'внjьй валя'яся:

%<П%>ути` мы'сленнагw лука'вства и=збjь'глъ _е=си` 
воздержа'нiемъ и= моли'твою, любо'вiю же и= и='стинною. 
тjь'мже крjь'плимъ жела'нiемъ и= и='стиннымъ смире'нiемъ 
восхо'дъ ко хр\сту` стяжа'лъ _е=си`, _о='тче.

%<Н%>е да'лъ _е=си` сна` свои'мъ _о=чес_е'мъ, до'ндеже 
показа'лся до'мъ святы'я тро'ицы, и= прему'дрости 
сокро'вище, мi'ръ w=богаща'я бж~е'ственными и=сцjьле'ньми.

%<Б%>лагоговjь'нiемъ же къ творцу` jа='вственнjь 
прибли'жився къ вели'кому свjь'ту, содjь'лался _е=си` 
земны'й а='гг~лъ и= небе'сный человjь'къ.

%<W\т%> небе'съ прiе'мъ _о=би'льно дарова'нiе ду'ха 
пресвята'гw, _о='тче i=wаннi'кiе, да'руй ми` сло'во во 
w\тверзе'нiе о_у='стъ мои'хъ, да воспою` равноа'гг~льское 
житiе` твое`.

%<Бг~оро'диченъ: М%>арi'е пресвята'я, чи'стое дjь'вства 
сокро'вище, w=чи'сти о_у='мъ мо'й, стра'стiю w=мраче'нный, 
и= и=спо'лни се'рдце мое` бж~е'ственною благода'тiю, 
всенепоро'чная.

%<Конда'къ, гла'съ и~.%>

%<Подо'бенъ: В%>озбра'нной воево'дjь:

%<W\т%> ю='ности бг~ому'дре возлюби'въ а='гг~льское 
житiе`, вся` кра'сная w=ста'вилъ _е=си`: за'йде бо jа='кwже 
sвjьзда` w\т мi'ра, восте'къ къ разу'мному и= пра'ведному 
со'лнцу, хр\сту`, w\т негw` же прiе'мь благода'ть 
и=сцjьле'нiя, разли'чныя неду'ги врачу'еши притека'ющихъ къ 
свяще'ннjьй ра'цjь твое'й. тjь'мже и= мы` соверша'юще 
любо'вiю всечестну'ю твою` па'мять, вопiе'мъ ти`: ра'дуйся 
_о='тче i=wаннi'кiе.

%<I='косъ: Х%>р\сто'въ о_у=слы'шавъ гла'съ, преподо'бне, 
ше'ствовалъ _е=си` вслjь'дъ за'повjьдей _е=гw`, на'гъ 
жи'тель бы'въ, зане` w\трече'ся попече'нiя w\т стяжа'нiи, 
па'че же w\тве'ржеся при'сныхъ и= сро'дныхъ свои'хъ, 
_е=ди'нъ въ пусты'ни бесjь'дуя съ бг~омъ, съ ни'мже 
соединя'яся бдjь'нiемъ, посто'мъ и= моли'твами, ра'зума 
дарова'нiе воспрiя'лъ _е=си`: то'й же да'ръ и= на'мъ 
ниспосли`, пою'щымъ ти` си'це: ра'дуйся _о='тче i=wаннi'кiе.

%<Пjь'снь з~.%>

%<I=рмо'съ: Б%>огопроти'вное велjь'нiе:

%<В%>зя'лся _е=си` къ высотjь` безстра'стiя, 
о_у=подо'бився а='гг~лwмъ, въ пло'ти сы'й, и= бы'въ 
прича'стникъ присносу'щнjьй пи'щи, взыва'лъ _е=си` 
блаже'нне: благослове'нъ _е=си` бж~е _о=т_е'цъ на'шихъ.

%<С%>iя'я луча'ми бг~ови'дными, разгна'лъ _е=си` 
бjьсо'вскiя нахо'ды, и= вjь^рныя w\т w=sлобле'нiй мно'гихъ 
и=зба'вилъ _е=си`, вопiю'щихъ, преподо'бне: благослове'нъ 
_е=си` бж~е _о=т_е'цъ на'шихъ.

%<Jа='%>кw дре'во, _о='тче, насажде'нное при 
и=схо'дищихъ во'дъ, процвjь'лъ _е=си` бж~е'ственными 
добродjь'тельми jа='кw ке'дръ въ лiва'нjь, тjь'мже 
w=сjьня'еши неду^жныя.

%<С%>вяты'я свjь'тлости, и= жи'зни безконе'чныя, и= 
ра'дости неизрече'нныя, и= ца'рствiя небе'снагw сподо'бився 
всеблаже'нне, посыла'еши w=свяще'нiе и= и=збавле'нiе всjь^мъ 
вjь'рою взыва'ющымъ: благослове'нъ _е=си` гд\си бж~е 
_о=т_е'цъ на'шихъ.

%<Бг~оро'диченъ: С%>е` дjь'ва, ю='же ду'хомъ прови'дjь 
и=са'iа, заче'нши ро'ди спа'са и= и=зба'вителя на'мъ 
пою'щымъ: благослове'нъ _е=си` гд\си бж~е _о=т_е'цъ на'шихъ.

%<Пjь'снь и~.%>

%<I=рмо'съ: П%>е'щь и=ногда` _о='гненная:

%<Н%>едрема'нну душе'вную свjьщу` ма'сломъ по'двигwвъ 
твои'хъ сохрани'въ, ра'достнw вше'лъ _е=си` къ нетлjь'нному 
жениху`, и=дjь'же вjь'чнw живе'ши, вопiя`: вся^ дjьла` 
благослови'те, по'йте гд\са.

%<W=%>кормле'нiемъ свята'гw ду'ха преплы'въ мо'ре 
и=скуше'нiй немо'креннw, преподо'бне, дости'глъ _е=си` 
тишину` ца'рствiя небе'снагw, потопи'въ неви'димыя враги` 
сле'зными струя'ми, w\т_ону'дуже и=сточа'еши цjьльбы^ 
приходя'щымъ и= вопiю'щымъ: благослови'те вся^ дjьла` гд\сня 
гд\са.

%<Н%>ы'нjь дерзнове'нiе и=мjь'я, jа='кw бг~у предстоя` 
и= sлоко'зн_енныя бjь'сы побjьди'въ, сотвори` моли'тву w= 
на'съ ко гд\су, jа='кw да и=зба'вимся собла'знwвъ 
дiа'вольскихъ и= вjь'чныхъ и=збу'демъ му'къ, вjь'рою 
зову'ще: благослови'те вся^ дjьла` гд\сня гд\са.

%<Р%>а'зумъ и= о_у='мъ сво'й о_у=краси'лъ _е=си` w\т 
ю='ности, стяжа'въ ста'рость соломw'нову: _о=ба'че всю` 
сладостра'стную пи'щу w\тмета'лъ _е=си`, потща'вся стяжа'ти 
нестарjь'ющую пи'щу трудо'мъ и= болjь'знми свои'хъ 
по'двигwвъ, вопiя`: благослови'те вся^ дjьла` гд\сня гд\са.

%<Бг~оро'диченъ: О_у=%>мерщвле'нную ду'шу мою` w=живи`, 
па'дшую возста'ви, о_у=язвле'нную и=сцjьли`, о_у='мъ мо'й 
о_у=мири`, волне'нiя и=скуше'нiй дjь'во о_у=кроти`, и= 
спаси` вопiю'щыя: благослови'те дjьла` гд\сня гд\са.

%<Пjь'снь f~.%>

%<I=рмо'съ: Б%>езнача'льна роди'теля:

%<Н%>апои'лъ _е=си` зе'млю души` твоея` слеза'ми, 
блаже'нне, тjь'мже и= ненасjь'янная земля` препита` тя`, 
даю'щи тjь'лу твоему` ма'лое о_у=тjьше'нiе.

%<Х%>р\сто'ви соца'рствовати вы'ну сподо'бился _е=си` на 
небесjь'хъ, равноа'гг~льное житiе` на земли` пожи'въ, 
моли'ся творцу` и= влады'цjь со дерзнове'нiемъ w= всjь'хъ, 
вjь'рою соверша'ющихъ всечестну'ю па'мять твою`.

%<В%>ъ земли` полож_е'нныя твоя^ свящ_е'нныя мо'щи 
w=свяща'ются, стяжа'вши бж~е'ственную благода'ть, _е='юже 
точа'тъ и=сцjьл_е'нiя, стра^сти душ_е'вныя и=сцjьля'ютъ и= 
w\т вредоно'сныхъ jа='звъ бjьсо'вскихъ свобожда'ютъ.

%<Б%>оже'ственными добро'тами _о='тче w=бложе'нъ, 
святы'мъ житiе'мъ w=божи'лся _е=си`, и= просвjьще'нъ 
предстоя` вели'кому свjь'ту, помина'й приближа'ющихся 
тебjь`, чту'щихъ тя` вjь'рнw, и= па'мять твою` вjь'рнw 
соверша'ющихъ.

%<Бг~оро'диченъ: П%>речи'стая бц\де, jа='же бг~а 
несказа'ннw заче'нши и= ро'ждши пло'тiю на спасе'нiе всему` 
мi'ру. того` моли`, преблага'я, о_у=мири'ти мi'ръ и= спасти` 
ду'шы на'шя.

%<Свjьти'ленъ:%>

%<Д%>обродjь'тели крило'ма на небеса` возлетjь'въ, 
прибли'жився же трисо'лнечному свjь'ту, со а='гг~лы 
воспjьва'еши трисвяту'ю пjь'снь, съ ни'миже всjь'хъ на'съ 
помина'й, почита'ющихъ па'мять твою`.

%<Бг~оро'диченъ:%>

%<Ю='%>же дре'вле проповjь'даша проро'чески ли'цы, 
а=по'столи научи'ша дв~у по рождествjь`, му'ченицы 
и=сповjь'даша и='стинную бц\ду, ту'южде и= мы` согла'снw 
воспои'мъ и= велича'емъ jа='кw ма'терь бж~iю, и= съ 
гаврiи'ломъ зове'мъ къ не'й: ра'дуйся ма'ти гд\сня, 
хр\стiа'нwмъ засту'пнице.

%<На хвали'техъ стiхи^ры на д~, гла'съ а~.%>

%<Подо'бенъ: Н%>ебе'сныхъ чинw'въ:

%<П%>резира'тель до'лнихъ и= пресе'льникъ, рачи'тель 
вы'шнихъ и= пусты'нный граждани'нъ i=wаннi'кiй бг~ому'дрый, 
всjь^мъ на'мъ пра'здновати повелjьва'етъ _е='же къ бг~у 
w\тше'ствiе _е=гw`, тjь'мже и= твори'мъ сiе` науча'емiи w\т 
ду'ха свята'гw. %<[Два'жды:]%>

%<М%>i'ръ добродjь'телей бы'въ во пло'ти, _о='тче 
бг~ому'дре, житiе'мъ свои'мъ на земли` просла'вилъ _е=си` 
гд\са сла'вы, и='же тя` по достоя'нiю просла'ви. _е=си` бо 
и=сто'чникъ цjьле'бный си'лою _е=гw`, i=wаннi'кiе 
преподо'бне.

%<В%>jь'дяще тя` смире'нна, неsлоби'ва, кро'тка, 
про'ста, молчали'ва, прославля'емъ jа='кw вои'стинну па'че 
человjь'ка, _о='тче, jа='кw невеще'ственна jа='кw хра'мъ 
бж~iй, w\т негw'же прибы'вшая ти` дарова^нiя ми'лостивнw 
подава'й на'мъ.

%<Сла'ва, гла'съ s~.%>

%<П%>реподо'бне _о='тче, во всю` зе'млю и=зы'де 
вjьща'нiе и=справле'нiй твои'хъ, тjь'мже на небеси` 
w=брjь'лъ _е=си` полки`, и= а='гг~льскiя дости'глъ _е=си` 
чи'ны, и='хже житiю` непоро'чнw поревнова'въ, и='маши 
дерзнове'нiе моли'тися влады'цjь, ми'ръ и=спроси` душа'мъ 
на'шымъ.

%<И= ны'нjь, бг~оро'диченъ.%>

%<Б%>огоро'дице, ты` _е=си` лоза` и='стинная, 
возрасти'вшая на'мъ пло'дъ живота`, тебjь` мо'лимся, моли'ся 
влады'чице со святы'ми а=по'столы, поми'ловатися душа'мъ 
на'шимъ.

%<Та'же славосло'вiе вели'кое и= w\тпу'стъ.%>



%<На лiтургi'и,%>

%<Блаже'нна w\т канw'на свято'му, пjь'снь г~-я и= s~-я. 
Прокi'менъ, гла'съ з~: В%>осхва'лятся преподо'бнiи во 
сла'вjь и= возра'дуются на ло'жахъ свои'хъ. %<А=по'столъ ко 
_е=вре'_емъ, зача'ло тл~_е. А=ллилу'iа, гла'съ в~: 
С%>вяще'нницы твои`, гд\си, w=блеку'тся въ пра'вду, и= 
преподо'бнiи твои` возра'дуются. %<_Е=v\глiе w\т луки`, зач. 
к~д. Прича'стенъ: В%>ъ па'мять вjь'чную бу'детъ пра'ведникъ. 
%<А=%>ллилу'iа.