Богослужебные тексты

<::рус>    электронный текст предоставлен 

<::лат>    monah German - Srbija 

<::рус> Текст подвергнут грамматической правке



<::слав> 


%<Мц\са деке'мврiа, во в~ де'нь.%>

%<Па'мять и='же во ст~ы'хъ, бл~же'ннагw, млада'гw 
цр~я`, о_у='роша и= мч~ника.%>

%<На ма'лjьй вече'рни, стiхи^ры, гла'съ а~.%>

%<Подо'бенъ: Н%>б\сныхъ чинw'въ:

%<З%>ако'ннw вjь'нчанъ бы'лъ _е=си` мч~нче, стражда` 
сегw` свjь'та лише'нiе, о_у='роше всече'стне и= 
пребл~же'нне, не w=скудjь'й моля'ся w= на'съ ко гд\су, и= 
сро'дство твое` назира'й, творя'щее ст~у'ю па'мять твою`.

%<W\т%> ли'ка и=збра'нъ бы'лъ мч~нче, ра'дость 
подава'еши на'мъ дне'сь видjь'нiемъ ч\стны'хъ моще'й 
твои'хъ, и= веселя'щеся торжеству'емъ: страстоте'рпче 
моли'ся w= на'съ, творя'щихъ ст~у'ю твою` па'мять.

%<М%>v^рныя вони^ и= бл~гоуха^нiя пролива'еши, 
вселе'нная же да'ръ воспрiе'мши мощми` твои'ми, о_у='роше 
всече'стне, и= превожделjь'нне, возлетjь` къ любви` 
хр\сто'вой прехва'льне, и= ны'нjь моли'ся w= на'съ, 
творя'щихъ па'мять твою`.

%<_О=%>снова'нiе бж~е'ственное и='сткано w\т вы'шнiя 
прему'дрости, тве'рдости твоея` о_у='мъ непоколеба`, ни 
о_у=бiе'нiя о_у=бi'йственнагw о_у=боя'ся: _е=ди'ну вjь'ру 
къ бг~у и=мjь'я, и= тому` предстои'ши во сла'вjь.

%<Сла'ва, гла'съ _е~:%>

%<Д%>не'сь весна` бл~гоуха'етъ, jа=вле'нiемъ моще'й 
твои'хъ, и= нова` тва'рь лику'етъ, и= ра'дуется зря'щи 
дне'сь чу'до пресла'вное: ли'цы пою'ще о_у=дивля'хуся, 
весе'лiе неизрече'нное показу'юще о_у='роше всеч\стне и= 
превожделjь'нне, си'лjь твое'й сла'ва чл~колю'бче.

%<И= ны'нjь, бг~оро'диченъ.%>

%<_О=%>бра'дованная хода'тайствуй твои'ми мл~твами: и= 
и=спроси` душа'мъ на'шимъ мно'жество щедро'тъ, и= 
w=чище'нiе мно'гихъ прегрjьше'нiй, мо'лимся.

%<На стiхо'внjь стiхи^ры, гла'съ в~:%>

%<Подо'бенъ: Д%>о'ме _е=vфра'fовъ:

%<Х%>вала'ми вjьнча'имъ, мч~нка о_у='роша, _е=го'же 
вjьнча`, бж~iя блг\дть: бж~е'ственными мл~твами, низложи` 
враги` на'шя.

%<Стi'хъ: П%>рв\дникъ jа='кw фi'нi_ксъ процвjьте'тъ:

%<Н%>а столпjь'хъ мч~нческихъ водворя'ешися, jа='кw 
до'бръ во'инъ w=брjь'тся на земли`: и= возлетjь'лъ _е=си` 
къ вы'шнему престо'лу.

%<Стi'хъ: Н%>асажде'ни къ дому` гд\сни, во дворjь'хъ:

%<Д%>о'ма земна'гw лиши'лся _е=си`, до'мъ нб\сный 
наслjь'довалъ _е=си`, мч~нче бл~же'нне, о_у='роше 
сла'вне.

%<Сла'ва, гла'съ и~. Подо'бенъ то'йже:%>

%<М%>ч~нче о_у='роше многострада'льне, мл~твами 
твои'хъ прароди'телей, о_у='мъ на'шъ w=зари`, воспjь'ти 
сла'ву твою`.

%<И= ны'нjь, бг~оро'диченъ.%>

%<Д%>ве'ри нб\сныя возми'теся, зря'ще две'рь вы'шнягw, 
свjь'тлыми заря'ми w=заря'ющи вл\дчцу.

%<Тропа'рь ст~а'гw, гла'съ г~:%>

%<Ю='%>ношески процвjь'лъ _е=си` во _о=те'чествiи 
твое'мъ добро'тою о_у=краше'нъ, и= непра'ведную и= 
безвре'менную сме'рть под\ъя'лъ _е=си`, о_у='роше 
всеч\стне: цр\скагw ко'рене пло'дъ сла'докъ, а='ще и= не 
во вре'мя созрjь'въ, въ гд\сню жи'тницу всели'лся _е=си`, 
и= жа'лость ве'лiю сро'дству твоему` w=ста'вилъ _е=си`. 
моли'ся w= на'съ творя'щихъ ст~у'ю па'мять твою`.

%<Сла'ва, и= ны'нjь, бг~оро'диченъ.%>

%<На вели'цjьй вече'рни, Б%>л~же'нъ му'жъ: %<а~-й 
а=нтiфw'нъ.%>

%<На Г%>д\си воззва'хъ, %<стiхи^ры, на и~. гла'съ 
д~.%>

%<Подо'бенъ: З%>ва'нный свы'ше:

%<С%>вjь'тлая дне'сь па'мять наста`, се'рбское 
о_у=краше'нiе, w=б\ъявле'нiемъ ч\стны'хъ моще'й твои'хъ, 
на просвjьще'нiе и= похвалу` сро'дства твоегw`, о_у='роше 
всебл~же'нне: да'ры добродjь'тельными w=богати'лся 
_е=си`. моли'ся w= на'съ ко гд\су, творя'щихъ па'мять 
твою`.

%<С%>трую` и=сцjьле'нiй и=сточа'еши приходя'щымъ съ 
вjь'рою, и= подае'ши дарова'нiя прося'щымъ о_у= тебе`, 
хода'тайствомъ прароди'телей твои'хъ: не w=скудjь'й 
моля'ся ко гд\су, w= творя'щихъ ст~у'ю па'мять твою`.

%<А='%>ще и= за'вистiю о_у=бiе'нъ бы'лъ _е=си` w\т 
твои'хъ при'сныхъ, но пр\снw въ раи` водворя'ешися съ 
прароди'тели твои'ми. а='ще и= непра'ведную сме'рть 
под\ъя'лъ _е=си`, но ликовству'еши со ст~ы'ми: о_у=бi^йцы 
же твои` вско'рjь погибо'ша.

%<_Е=%>ще` не во вре'мя созрjь'въ, въ гд\сню жи'тницу 
всели'лся _е=си`, и= ско'рбь ве'лiю w=ста'вивъ сро'дству 
твоему`, невjь'дущу w= сме'рти твое'й: на лови'тву 
и=схо'диши, и= та'мw о_у=бi'йственну jа='зву под\ъя'лъ 
_е=си` многострада'льне, о_у='роше.

%<Сла'ва, гла'съ г~.%>

%<В%>о свjь'тлости ст~ы'хъ добродjь'телей просiя'лъ 
_е=си`, свjьтлjь'яся jа='кw сл~нце, и= w=сiява'я всjь'хъ 
прв\днымъ сiя'нiемъ, дне'сь ра'дуются вся` _о=те'чествiя 
jа=зы'къ се'рбскагw сро'дства, моще'й твои'хъ 
jа=вле'нiемъ: всю'ду и=спо'лнилъ _е=си` бл~гоуха'нiя, и= 
просвjьти'лъ _е=си` твое` _о=те'чество вся'кими 
добро'тами, манове'нiемъ бж~iя дх~а, вся` воспрiе'мъ 
многострада'льне о_у='роше. моли'ся w= на'съ чту'щихъ 
ст~у'ю па'мять твою`.

%<И= ны'нjь, бг~оро'диченъ.%>

%<К%>а'кw не диви'мся, бг~ому'жному рж\ству` твоему` 
преч\стна'я, и=скуше'нiя бо му'жескагw не прiе'мши 
всенепоро'чная, родила` _е=си` безъ _о=ц~а` сн~а пло'тiю: 
пре'жде вjь^къ w\т _о=ц~а` рожде'ннагw безъ мт~ре. 
ника'коже претерпjь'вшагw и=змjьне'нiя, и=ли` смjьше'нiя, 
и=ли` раздjьле'нiя: но _о=бою` существу^ сво'йство цjь'лw 
сохра'ншаго: тjь'мже мт~и дв~о вл\дчце, того` моли` 
спасти'ся душа'мъ, правосла'внw бц\ду и=сповjь'дающихъ 
тя`.

%<Вхо'дъ, Прокi'менъ дне`, и= Чт_е'нiя три`.%>

%<На лiтi'и стiхи'ра хра'ма. И= ст~а'гw: Гла'съ а~.%>

%<В%>е'селw дне'сь цр~ковь бж~iя w=дjьва'ется, 
jа=вле'нiемъ моще'й твои'хъ: се'рбская земля` красу'ется 
въ бж~е'ственнjьй па'мяти твое'й, о_у=бi^йцы же твои` 
студа` и=спо'лнени, посрами'шася, ты' же въ пи'щи 
ра'йстjьй водворя'ешися, о_у='роше всебл~же'нне.

%<П%>рароди'телiе твои` мольбу` творя'тъ ко гд\су, 
напослjь'докъ, w=бнови'ти сро'дство свое`, въ похвалу` и= 
просвjьще'нiе, и= на w=бличе'нiе о_у=бi'йцамъ твои^мъ: 
тебjь' же на сла'ву и= похвалу`, о_у='роше пребл~же'нне, 
моли'ся спасти'ся душа'мъ на'шимъ.

%<С%>тезе'ю тjь'сною ше'ствовавъ, рая` широту` 
дости'глъ _е=си`, и= сро'дство твое` просвjьти'лъ _е=си`: 
чуде'сными дjь'лы w=сiя'нъ, всю` подсо'лнечную 
w=богати'лъ _е=си`, да'ръ и=сцjьле'нiя прiе'мъ, о_у='роше 
достобл~же'нне.

%<А='%>ще и= безвре'мену сме'рть под\ъя'лъ _е=си`, 
за'вистiю ратобо'рца о_у=бива'емъ непови'ннw. _w 
непра'веднагw о_у=бi'йства! но _о=ни` о_у='бw су'ть во 
тмjь` и= мра'цjь, ты' же съ прароди'тели во цр\ствiи 
водворя'ешися достобл~же'нне.

%<Н%>ы'нjь дне'сь свjьти'ло вели'кое jа=ви'ся 
се'рбскому ро'ду, цр~ковь бо коне'чнjь запустjь'вшая, 
па'ки бж~iимъ манове'нiемъ, w=бновля'ется на похвалу` 
твою` пребл~же'нне о_у='роше: моли'ся w= на'съ творя'щихъ 
ст~у'ю па'мять твою`.

%<Сла'ва, гла'съ _е~.%>

%<К%>расу'йся и= лику'й ве'селw цр~кви бж~iя, въ да'ры 
бо тебjь` цр~ь о_у='рошъ прино'сится, w=б\ъявле'нiемъ 
ч\стны'хъ моще'й свои'хъ. ли'къ а='гг~льскiй весели'тся. 
съ ни'миже моли'ся непреста'ннw хр\сту` за ны`, 
и=зба'вити w\т бjь'дъ, творя'щыя преч\стно'е и= 
свjьтоно'сное твое` и='мя, многострада'льне о_у='роше 
пребл~же'нне.

%<И= ны'нjь, бг~оро'диченъ.%>

%<Р%>а'дуйся мт~и хр\ста` бг~а: и= _е=го'же родила` 
_е=си` моли`, согрjьше'нiй w=ставле'нiе дарова'ти, 
вjь'рою воспjьва'ющымъ тя`.

%<На стiхо'внjь стiхи^ры, гла'съ в~.%>

%<Подо'бенъ: _Е=%>гда` w\т дре'ва:

%<С%>ъ премi'рными чи'нми ны'нjь водворя'яся съ нб~се` 
прiе'мъ бг~оразу'мiе, моле'бныя гла'сы тебjь` 
возсыла'емъ: подви'гни сро'дство твое`, и= за ны` моли'ся 
пр\снw ко гд\су, сохрани'ти на'съ о_у='роше 
достобл~же'нне.

%<Стi'хъ: П%>рв\дникъ jа='кw фi'нi_ксъ процвjьте'тъ:

%<Б%>г~оразу'мiя свjь'тлостiю сiя'я, мi'ра красоту` 
презрjь'лъ _е=си`: а=враа'ма въ ло'нjь почива'еши. не 
пре'зри на'съ моля'щихся тебjь` многострада'льне, и= 
приснопа'мятне о_у='роше всеч\стне.

%<Стi'хъ: Н%>асажде'ни въ дому` гд\сни, во дво'рjьхъ 
бг~а на'шегw:

%<И='%>стиннымъ вjьнце'мъ вjьнча'вшимъ тя`, и= цр\скою 
дiади'мою w=дjьва'яся, вjьне'цъ добро'ты прiя'лъ _е=си` 
досточу'дне: не пре'зри бл~же'нне пjьвцы` твоя^ 
почита'ющыя тя`, предстоя` со а='гг~лы во сла'вjь.

%<Сла'ва, гла'съ s~.%>

%<М%>ы'сленныма _о=чи'ма зря` чуде'снjь, а='гг~лwмъ 
соприча'стникъ бы'лъ _е=си`; просвjьща'еши вся^ 
приходя'щыя съ вjь'рою къ ра'цjь твое'й ч\стнjьй, и= 
ревну'еши прароди'тел_емъ твои^мъ, и=зря'денъ въ 
све'рстницjьхъ jа=ви'вся, добродjь'телiю и= ра'зумомъ 
всjь'хъ о_у=диви'лъ _е=си`, многострада'льне о_у='роше 
превожделjь'нне: моли'ся, спасти'ся душа'мъ на'шымъ.

%<И= ны'нjь, бг~оро'диченъ.%>

%<М%>т~рнее дерзнове'нiе, _е='же къ сн~у твоему` 
и=му'щи преч\стая, къ рожде'нiю по'мощи: на'шя мольбы^ не 
пре'зри мо'лимъ тя`, jа='кw тебе` _е=ди'ну ко вл\дцjь 
w=чище'нiе и='мамы.

%<На бл~гослове'нiи хлjь'бwвъ: Тропа'рь, гла'съ г~:%>

%<Ю='%>ношески процвjь'лъ _е=си` во _о=те'чествiи 
твое'мъ добро'тою о_у=краше'нъ, и= непра'ведную и= 
безвре'менную сме'рть под\ъя'лъ _е=си`, о_у='роше 
всеч\стне: цр\скагw ко'рене пло'дъ сла'докъ, а='ще и= не 
во вре'мя созрjь'въ, въ гд\сню жи'тницу всели'лся _е=си`, 
и= жа'лость ве'лiю сро'дству твоему` w=ста'вилъ _е=си`. 
моли'ся w= на'съ творя'щихъ ст~у'ю па'мять твою`. 
%<[Два'жды.]%>

%<Б%>ц\де дв~о: %<а~.%>

%<На о_у='трени,%>

%<На Б%>г~ъ гд\сь. %<Тропа'рь ст~а'гw, [Два'жды.] 
Сла'ва, и= ны'нjь, бг~оро'диченъ: Т%>я` 
хода'тайствовавшую:

%<По а~-мъ стiхосло'вiи, сjьда'ленъ: гла'съ _е~.%>

%<Подо'бенъ: С%>обезнача'льное сло'во:

%<М%>ы'сленныма _о=чи'ма, прозрjь'въ бу^дущая, 
совjь'томъ ма'тернимъ пожи'лъ _е=си`, и= цр~кви 
воздви'глъ _е=си` въ похвалу` прароди'телей твои'хъ, и= 
въ сла'ву преч\стыя бг~ома'тере, _е=я'же мл~твами хр\сте` 
поми'луй на'съ. %<[Два'жды.]%>

%<Сла'ва, и= ны'нjь, бг~оро'диченъ.%>

%<Т%>у'чами дх~а ст~а'гw, преч\стая мою` мы'сль 
w=роси`, jа='же ка'плю ро'ждши безмjь'рную хр\ста`; 
и=зсуши` и=сто'чникъ страсте'й мои'хъ, и= пото'ка пи'щи 
мя` напо'й мл~твою твое'ю.

%<П%>о в~-мъ стiхосло'вiи, сjьда'ленъ: гла'съ г~.

%<Подо'бенъ: К%>расотjь` дв\ства:

%<К%>ра'сенъ бы'въ во видjь'нiи въ животjь` твое'мъ, 
краснjь'йшiй же показа'лся _е=си` по сме'рти твое'й, 
w=б\ъявле'нiемъ честны'хъ моще'й твои'хъ, и= всjь'хъ 
зря'щихъ о_у=диви'лъ _е=си`, многострада'льне о_у='роше 
всебл~же'нне. %<[Два'жды.]%>

%<Сла'ва, и= ны'нjь: Бг~оро'диченъ:%>

%<П%>од\ъ земле'ю низве'рженъ бы'хъ грjьхми`, 
о_у=мертви'хся дш~е'вными страстми` и= тjьле'сными: 
тjь'мже тмо'ю покрыва'юся w\тча'янiя. но воздви'гни мя` 
ны'нjь къ покая'нiю, и= сп~си' мя: мо'жеши бо _е=ли'ка 
хо'щеши.

%<По полv"еле'и, сjьда'ленъ: гла'съ и~:%>

%<Подо'бенъ: П%>рему'дрости:

%<_Е=%>гда` тя` сегw` свjь'та лише'нiю преда'ша, 
w\тнесе'ну бы'вшу тjь'лу твоему` во хра'мъ, о_у=спе'нiя 
преч\стыя, и=спря'товаютъ та'йнw въ гробни'цjь вну'трь, 
и=дjь'же бж~е'ственная соверша'ются: и= никому` w= се'мъ 
вjь'домw бы'сть, то'чiю _о=би'тели предста'телю, до'ндеже 
бг~у w=б\ъявле'нна тя` сотво'ршу. о_у=бi^йцы же твои` 
студа` и=спо'лнени вско'рjь сконча'шася: ты' же въ 
ра'йстjьй пи'щи водворя'ешися многострада'льне о_у='роше, 
и= всебл~же'нне, моли` хр\ста` бг~а грjьхw'въ 
w=ставле'нiе пода'ти, чту'щымъ любо'вiю ст~у'ю па'мять 
твою`. %<[Два'жды.]%>

%<Сла'ва, и= ны'нjь, бг~оро'диченъ.%>

%<Jа='%>кw во глубину` мно'гихъ согрjьше'нiй впадо'хъ, 
w\т лjь'ности моея` и= о_у=ны'нiя _о=кая'нный и= 
невjь'дjьнiя, и= w\тча'янiемъ ны'нjь w=держи'мъ _е='смь. 
бу'ди ми` по'мощь и= w=чище'нiе, и= сп~се'нiе преч\стая, 
и= о_у=тjьше'нiе бл~гопремjь'нно подаю'щи ми`, тя` молю` 
и= тебjь` ми'лся дjь'ю и= припа'даю, и= вjь'рою зову' ти, 
да не jа=влю'ся до конца` льсти'вому w=бра'дованiе.

%<Степе'нна, а~-й а=нтiфw'нъ, д~-гw гла'са. 
Прокi'менъ, гла'съ д~: Ч%>т\сна` предъ гд\семъ сме'рть 
преподо'бныхъ _е=гw`. %<Стi'хъ: Ч%>то` возда'мъ гд\сви w= 
всjь'хъ jа=`же воздаде' ми; %<В%>ся'кое дыха'нiе: 
%<_Е=v\глiе луки`: зача'ло р~s. Р%>ече` гд\сь свои^мъ 
о_у=ченикw'мъ: внемли'теся w\т чл~къ, возложа'тъ на вы` 
ру'ки.

%<По н~-мъ _псалмjь` стiхи'ра, гла'съ s~.%>

%<О_у='%>рошъ ди'вный бж~е'ственныя тишины` жела'я, 
за'вистiю лише'нъ свjь'та сегw` быва'етъ и= безвре'менную 
сме'рть прiе'млетъ, вjьнце'мъ добродjь'телей о_у=вязе'ся, 
и= съ премi'рными ли'ки ра'дуется, и= дерзнове'ннw 
предстои'тъ вл\дцjь, со преподо'бнымъ сv"меw'номъ, и= 
са'ввою преwсщ~е'ннымъ, jа='кw хода'таи при'снiи, и= 
мл~твенницы w= душа'хъ на'шихъ.

%<Канw'нъ бц\ды со i=рмо'сомъ на s~, и= ст~а'гw 
о_у='роша на и~.%>

%<Канw'нъ мч~ника, гла'съ д~.%>

%<[_е=го'же краегране'сiе: П%>аi'сiй недосто'йный, 
пою' тя бл~же'нне о_у='роше.%<]%>

%<Пjь'снь а~.%>

%<I=рмо'съ: W\т%>ве'рзу о_у=ста` моя^, и= напо'лнятся 
дх~а: и= сло'во w\тры'гну цр~и'цjь мт~ри, и= jа=влю'ся 
свjь'тлw торжеству'я, и= воспою` ра'дуяся тоя` чудеса`.

%<П%>е'рвjье грjьхо'внымъ неприwбщи'вся жела'нiемъ, 
зла'та ч\стнjь'йшiй показа'лся _е=си`: jа='кw w\т ко'рене 
бл~горо'дна и=зра'слъ _е=си` бл~же'нне.

%<А='%>ще и= гони'тель тво'й бы'сть волкаши'нъ, но 
ра'венъ произше'лъ _е=си` роди'телемъ твои'мъ, дjь'лы и= 
словесы` подо'бяся: и= jа='коже sвjьзда` просiя'лъ _е=си` 
бл~же'нне.

%<И='%>же зако'нную сjь'нь премину'въ, о_у='роше къ 
ше'ствiю небе'сному возше'лъ _е=си` ра'дуяся, и= тр\оцjь 
предстои'ши: сегw` ра'ди блажи'мъ па'мять твою`.

%<Бг~оро'диченъ: А='%>гницу тя` посредjь` те'рнiя 
w=брjь'тъ, не вла'емое приста'нище, и= къ бг~у 
руководи'тельницу крjь'пкую мт~и дв~о вл\дчце.

%<Катава'сiа: Х%>р\сто'съ ражда'ется, сла'вите.

%<Пjь'снь г~.%>

%<I=рмо'съ: Т%>воя^ пjьсносло'вцы бц\де, живы'й и= 
незави'стный и=сто'чниче, ли'къ себjь` совоку'пльшыя 
духо'внw о_у=тверди`. въ бж~е'ственнjьй твое'й сла'вjь, 
вjьнц_е'въ сла'вы сподо'би.

%<С%>jь'мене бл~горо'днагw цвjь'тъ прекра'сенъ 
показа'лся _е=си`, напослjь'докъ jа=вле'нiемъ ч\стны'хъ 
моще'й твои'хъ, въ похвалу` сро'дству твоему` 
всебл~же'нне о_у='роше.

%<_Е=%>ще` w\т рожде'нiя бл~га'я w\тра'сль показа'лся 
_е=си`, всjь'ми ви'ды добродjь'телiю: ревну'я 
прароди'тел_емъ твои^мъ, цр~кви воздвиза'я, и= и='нны 
потвержда'я.

%<И=%>зъ нача'ла w= бз~jь пjьва'емыя пjь'сни, всю'ду 
прослу'ся и='мя твое`, jа=вле'нiемъ ч\стны'хъ моще'й 
твои'хъ, многострада'льне о_у='роше всему'дре, назира'й 
на'съ.

%<Бг~оро'диченъ: Р%>а'дуйся ч\стая дв~о, и= незабу'ди 
на'съ моля'щихтися, въ ту'зjь су'щихъ и= ско'рбехъ: твою` 
мл\сть и=зле'й на на'съ мо'лимтися вл\дчце.

%<Сjьда'ленъ, гла'съ и~. Подо'бенъ: П%>рему'дрости на 
пер\с:

%<П%>рему'дре досто'инъ бы'лъ _е=си` и='менемъ и= 
дjь'ломъ роди'тел_емъ твои^мъ подо'бяся, и= сро'дству 
твоему` w=бновле'нiе твори'ши, бг~у просла'вльшу тя` въ 
животjь`, и='же и= по сме'рти просла'вилъ тя` _е='сть, въ 
похвалу` сро'дству твоему` многострада'льне и= 
пребл~же'не о_у='роше всече'стне: моли` хр\ста` бг~а, 
грjьхw'въ w=ставле'нiе пода'ти, чту'щымъ любо'вiю ст~у'ю 
па'мять твою`. %<[Два'жды.]%>

%<Сла'ва, и= ны'нjь, бг~оро'диченъ.%>

%<Н%>б\сную две'рь, и= кiвw'тъ всест~у'ю го'ру, 
свjьтоза'рный _о='блакъ воспои'мъ, нб\сную лjь'ствицу, 
слове'сный ра'й, _е='vино и=збавле'нiе, вселе'нныя всея` 
вели'кое сокро'вище: jа='кw сп~се'нiе въ не'й содjь'лася 
мi'рови, и= w=ставле'нiе дре'внихъ согрjьше'нiй. Сегw` 
ра'ди вопiе'мъ ти`: моли` сн~а твоегw` и= бг~а, 
прегрjьше'нiй w=ставле'нiе дарова'ти, бл~гоче'стнw 
покланя'ющеся прест~о'му рж\ству` твоему`.

%<Пjь'снь д~.%>

%<I=рмо'съ: С%>jьдя'й во сла'вjь на пр\сто'лjь 
бж\ства` во _о='блацjь ле'гцjь, прiи'де i=и~съ 
пребж~е'ственный, нетлjь'нною дла'нiю, и= сп~се` 
зову'щыя: сла'ва хр\сте` си'лjь твое'й.

%<Н%>еизгла'гwланная твоя^ чудодjь^йствiя, jа=`же 
напослjь'докъ показа'шася, о_у='роше всему'дре: незабу'ди 
сро'дства твоегw`, и= поми'луй на'съ моля'щихтися.

%<_Е='%>же w\т нача'ла безнача'льному сло'ву 
вjь'ровалъ _е=си`, и= роди'телю _е=диноро'денъ бы'лъ 
_е=си`: и= цр\скою дiади'мою о_у=краша'ютъ тя`. въ сла'ву 
и= похвалу` сро'дству твоему`.

%<Д%>обродjь'тели твоя` и= красоту` кто` и=зрещи` 
мо'жетъ; о_у=диви'лъ во _е=си` всjь'хъ приходя'щихъ къ 
ра'цjь моще'й твои'хъ: ра'зумомъ превосходя` мнw'гiя.

%<Бг~оро'диченъ: Х%>валы` моле'бныя къ тебjь` 
воспуща'ю преч\стая вл\дчце, не забу'ди на'съ, но моли'ся 
w= на'съ къ ро'ждшемуся и=зъ тебе`, да сп~се'тъ тебе` 
ра'ди ду'шы на'шя.

%<Пjь'снь _е~.%>

%<I=рмо'съ: О_у=%>жасо'шася вся'ческая w= 
бж~е'ственнjьй сла'вjь твое'й. ты' бо неискусобра'чная 
дв~о, и=мjь'ла _е=си` во о_у=тро'бjь надъ всjь'ми бг~а, 
и= родила` _е=си` безлjь'тнагw сн~а, всjь^мъ 
воспjьва'ющымъ тя`, ми'ръ подава'ющая.

%<_W%> непра'ведныя сме'рти и= безвре'менныя, ю='же 
под\ъя'лъ _е=си` о_у='роше всече'стне! превы'шше бо въ 
ра'дости пребыва'еши, съ ли'ки и=збра'нными.

%<С%>тезе'ю _о=те'ческою ше'ствовалъ _е=си` 
всеизря'дною, чудесы` о_у=диви'лъ _е=си` сро'дство твое`: 
ра'ка же твоя` и=сцjьле'нiя подава'етъ о_у='роше 
бл~же'нне.

%<Т%>воя` па'мять дне'сь весе'лiя всjь'хъ 
и=сполня'етъ, и='же о_у=дивля'ющеся, гл~ютъ: сла'ва 
бл~гоутро'бiю твоему` хр\сте` цр~ю`, да'вшему на'мъ сiе` 
о_у=краше'нiе.

%<Бг~оро'диченъ: Т%>ы` _е=си` всjь'мъ помо'щница, и= 
и='стинная хр\стiа'нwмъ засту'пница, и= покрови'тельница, 
и= сп~се'нiе ду'шъ на'шихъ.

%<Пjь'снь s~.%>

%<I=рмо'съ: Б%>ж~е'ственное сiе` и= всеч\стно'е, 
соверша'юще пра'зднство бг~ому'дрiи бг~ома'тере: 
прiиди'те рука'ми воспле'щимъ, w\т нея` ро'ждшагося бг~а 
сла'вимъ.

%<W\т%>ра'сли бл~горо'дныя просiя'лъ _е=си`, 
му'дростiю и= ра'зумомъ всjь'хъ превозше'лъ _е=си`, и= 
безвре'менную сме'рть под\ъе'мъ, вjьнце'мъ мч~ническимъ 
вjьнча'лся _е=си` сла'вне.

%<Т%>вои'мъ jа=вле'нiемъ се'рбская _о='бласть 
ра'дуется, и= сро'дство твое` напослjь'докъ, твои'мъ 
jа=вле'нiемъ просвjьти'лъ _е=си`: не забу'ди и= на'съ 
моля'щихся тебjь`.

%<Н%>а сп~се'нную стезю` наста'ви на'съ ходи'ти 
пр\снw, и= почита'ти тя`, и= па'мять твою` соверша'ти, и= 
бг~оуго'дно пожи'ти въ ч\стнjь'мъ хра'мjь твое'мъ.

%<Бг~оро'диченъ: П%>реч\стая дв~о мт~и i=и~съ 
хр\сто'ва, поми'луй и= спаси`, и='же вjь'рою къ тебjь` 
прибjьга'ющыя: jа='кw на тя` съ бг~омъ о_у=пова'нiе 
и='мамы.

%<Конда'къ, гла'съ s~. Подо'бенъ: Р%>укопи'саннаго:

%<W\т%>ра'сли бл~горо'дныя, цвjь'тъ прекра'сный 
jа=ви'лся _е=си` о_у='роше всече'стне: за'вистiю бо 
о_у=бiе'нъ бы'лъ _е=си` w\т твои'хъ при'сныхъ, бж~iимъ же 
дх~омъ просвjьще'нъ, ст~оро'днаго пле'мене, ст~ъ бы'лъ 
_е=си`, и= мч~нческимъ вjьнце'мъ о_у=вя'зся, въ черто'зjь 
нб\снjьмъ водворя'ешися: моли'ся w= на'съ ст~е, 
творя'щихъ любо'вiю па'мять твою`.

%<I='косъ: К%>то` досто'инъ о_у=стнjь` w\тве'рзсти, 
и=ли` я=зы'къ дви'гнути, и= похвали'ти, хвали'маго 
бг~омъ, w=ба'че въ толи'ко вре'мя въ тимjь'нiи земно'мъ 
пребы'въ, w\т хр\ста` сп~са вjьне'цъ прiя'лъ _е='сть: и= 
дарова'ньми и=сцjьле'нiй w=богати'вся, и=сцjьле'нiя да'ръ 
прiя'тъ, и= че'стенъ страда'лецъ показа'ся, принося` 
моле'нiе бл~годjь'телю, и= прiе'мъ сла'ву съ нб~се`, и= 
вjьне'цъ добро'ты, и= мо'лится w= творя'щихъ любо'вiю 
па'мять _е=гw`.

%<Пjь'снь з~.%>

%<I=рмо'съ: Н%>е послужи'ша тва'ри бг~ому'дрiи па'че 
созда'вшагw но _о='гненное преще'нiе му'жески попра'вше, 
ра'довахуся пою'ще: препjь'тый _о=ц~_е'въ гд\сь и= бг~ъ 
бл~гослове'нъ _е=си`.

%<Т%>вою` _о=би'тель вску'ю забы'лъ _е=си`: воспряни` 
о_у='бw, си'лою пра'родитель твои'хъ: и= и=спроси` w\т 
гд\са по'мощь и= заступле'нiе твое'й _о=би'тели, jа='кw 
да пое'мъ: _о=ц~ъ на'шихъ бж~е бл~гослове'нъ _е=си`.

%<П%>очита'ю мо'щи твоя^, и= покланя'юся: и=сцjьле'нiе 
бо подае'ши вjь'рою приходя'щымъ. пода'ждь и= на'мъ 
ми'рное житiе` во _о=би'тели твое'й пою'щымъ: _о=ц~ъ 
на'шихъ бж~е блг\све'нъ _е=си`.

%<_О='%>трокъ бы'лъ _е=си`, нб\снагw жили'ща хода'тай: 
вся'кими бо добро'тами о_у=кра'шенъ, о_у=бi'йственною 
jа='звою и=змjьни'лъ _е=си` живо'тъ тво'й, _о=ни` о_у='бw 
студа` и=спо'лнишася, ты' же вопiе'ши: _о=ц~ъ на'шихъ 
бж~е бл~гослове'нъ _е=си`.

%<Бг~оро'диченъ: С%>вjь'тлыми заря'ми всю` зе'млю, 
возсiя'вшее сл~нце w\т ст~а'гw чре'ва твоегw` w=заря'етъ 
вл\дчце, и='мже и= на'съ просвjьти` твое'ю мл\стiю, 
вопiю'щихъ: препjь'тый _о=ц~_е'въ гд\сь и= бг~ъ, 
блг\све'нъ _е=си`.

%<Пjь'снь и~.%>

%<I=рмо'съ: _О='%>троки бл~гочести^выя въ пещи`, 
рж\ство` бг~оро'дично спасло` _е='сть, тогда` о_у='бw 
_о=бразу'емое, ны'нjь же дjь'йствуемое, вселе'нную всю` 
воздвиза'етъ пjь'ти тебjь`: гд\са по'йте дjьла`, и= 
превозноси'те _е=гw` во вся` вjь'ки.

%<Ю='%>ношески пожи'въ во _о=те'чествiи твое'мъ, и= 
бл~жи'тъ тя` сро'дство твое`, и= весе'лiемъ ра'дуется, 
твоему` _о=б\ъявле'нiю дивя'ся гл~го'летъ: гд\са по'йте 
дjьла`, и= превозноси'те _е=гw` во вся` вjь'ки.

%<Т%>реплете'нный воспрiя'лъ _е=си` вjьне'цъ w\т 
вы'шнягw дарода'теля, и=зря'денъ бы'въ твое'й _о=би'тели: 
и= цр~ковь просвjьти'въ мощми` твои'ми, вопiя`; гд\са 
по'йте дjьла`, и= превозноси'те _е=гw` во вся` вjь'ки.

%<_Е=%>стество` премjьни'въ тлjь'нное, въ вjь^чныя 
_о=би'тели вше'лъ _е=си` бл~же'нне: и= житiю` прест~о'му 
послjь'довалъ _е=си` прароди'телей твои'хъ, вопiя`: гд\са 
по'йте дjьла`, и= превозноси'те _е=гw` во вся` вjь'ки.

%<Бг~оро'диченъ: К%>оне'цъ бл~гi'й пода'ти ми` дв~о, 
гд\са о_у=моли`, да и=збу'ду w=жида'ющихъ мя` вjь'чныхъ 
му'къ: jа='кw да тя` пою` бл~гослове'нная во вся` вjь'ки.

%<Пjь'снь f~.%>

%<I=рмо'съ: В%>ся'къ земноро'дный да взыгра'ется 
дх~омъ просвjьща'емъ: да торжеству'етъ же безпло'тныхъ 
о_у='мwвъ _е=стество`, почита'ющее сщ~е'нное торжество` 
бг~ома'тере, и= да вопiе'тъ: ра'дуйся всебл~же'нная бц\де 
ч\ста'я приснодв~о.

%<Б%>ж~е'ственное селе'нiе ты` бы'лъ _е=си` 
пресвjь'тло просвjьти'вся, о_у='роше всебл~же'нне, 
сро'дство твое` назира'й, и= w\т неду'гъ и= бjь'дъ 
и=збавля'й: да тя` непреста'ннw велича'емъ.

%<Л%>е'сть и=скорени'лъ _е=си` sлу'ю, правосла'вiю 
ревну'я: прароди'тел_емъ твои'мъ чудесы` подо'бяся, 
о_у=диви'лъ _е=си` зря'щыя твоя` пресла'вная чудеса` 
бл~же'нне.

%<Ж%>ела'я о_у=подо'битися бл~же'нному сv"меw'ну, и= 
ст~и'телю са'ввjь, и= и='нымъ сро'дствомъ до'брjь 
пожи'вшымъ: и= не лиши'лъ тя` _е='сть вели'кiй 
дарода'тель, о_у='роше всече'стне.

%<Бг~оро'диченъ: П%>рiими` на'ше ма'лое сiе` 
приноше'нiе, _w всенепоро'чная гп\сже` вл\дчце: и= _е='же 
w\т недосто'йныхъ о_у=сте'нъ приноси'мое ти` моле'нiе 
прiими` и= не w\три'ни всенепоро'чная вл\дчце.

%<Свjьти'ленъ. Подо'бенъ: Н%>б~о sвjьзда'ми:

%<Н%>ы'нjьшнюю сла'ву презрjь'лъ _е=си`, вы'шнюю 
сла'ву получи'лъ _е=си`: и= земны'ми нб\сная, 
наслjь'довавъ бл~же'нне. вл\дцjь jа='кw пр\дестоя`, w= 
на'съ всегда` моли'ся. %<[Два'жды.]%>

%<Бг~оро'диченъ:%>

%<_Е=%>ди'на ч\стая и= нескве'рная, w=скверне'на мя` 
вся'кими паде'нми лю'тыми, и=зба'ви лю'тыя му'ки и= тмы` 
кромjь'шнiя.

%<На хвали'техъ стiхи^ры, на д~. гла'съ д~.%>

%<Подо'бенъ: Jа='%>кw до'бля:

%<О_у=%>мудри` тя` вы'шняя си'ла, земна'я вся` 
презрjь'въ, о_у='мъ впери'въ ко гд\су, о_у='роше 
всеч\стне, _о=те'чество твое` назира'й, и= _о=би'тель 
твою` незабу'ди, просвjьще'нiе на'мъ подава'я, творя'щымъ 
ст~у'ю па'мять твою`.

%<Р%>о'да свjь'тла бы'лъ _е=си` бл~же'нне, jа='кw 
шипо'къ процвjь'лъ _е=си` цр~кви, и= jа='кw фi'нi_ксъ 
многора'сленный бл~гоуха'нiя и=спо'лнился _е=си`: ле'сть 
_е=ресе'й разруши'въ неви'димою си'лою, и= на'съ 
незабу'ди моля'щихтися, о_у='роше достобл~же'нне.

%<Ш%>е'ствовалъ _е=си` стезе'ю _о=те'ческою, и= 
бл~же'нную жи'знь пости'глъ _е=си`, прароди'телемъ 
подо'бяся вся'кими добродjь'телми: цр~кви воздвиза'я при 
животjь` твое'мъ, и= и='нныя подтвержда'я прароди'телей 
твои'хъ, и= по сме'рти твою` цр~ковь мощми` w=бл~гоуха'лъ 
_е=си`, и= чудесы` всjь'хъ о_у=диви'лъ _е=си`, 
достоблаже'нне о_у='роше всеч\стне.

%<О_у=%>ма` твоегw` непоколеба` тве'рдость, а=дама'нта 
твердjь'йшiй jа=ви'вся а='ще и= ю='нъ бы'лъ _е=си`, и= 
недоспjь'лъ _е=си` соверше'ннагw во'зраста: но дх~а 
ст~а'гw и=спо'лненъ бы'въ бл~года'ти. ди'вятся мно'зи 
зря'ще твоя` мо'щи кра'сныя, цр~ковь бо твою` 
просвjьти'лъ _е=си` разли'чными бл~гоуха'нми, всеч\стне 
и= пребл~же'нне.

%<Сла'ва, гла'съ д~.%>

%<С%>вjь'тлая дне'сь наста` па'мять твоя` о_у='роше 
бл~же'нне: свjьтлjь'йшiй же _е='сть приходя'й во 
виfлее'мjь роди'тися хр\сто'съ, и='же все'й вселе'ннjьй 
ра'дость подае'тъ: твоя' же о_у=бi'йственная и= 
безвре'менная сме'рть, се'рбстjьй земли` рыда'нiе 
неутjьши'мо, и= жа'лость ве'лiю. и= ны'нjь бл~же'нне и= 
досточу'дне непреста'й w= на'съ моля'ся, jа='кw съ 
мч~нческими ли'ки водворя'ешися, и= о_у= престо'ла ст~ы'я 
тр\оцы предстоя` съ прароди'тели твои'ми, твое` сро'дство 
помина'й, творя'щее любо'вiю ст~у'ю па'мять твою`.

%<И= ны'нjь, бг~оро'диченъ.%>

%<И=%>му'ще тя` бц\де о_у=пова'нiе и= 
пр\деста'тельство, вра'жiихъ навjь'тъ неубои'мся, jа='кw 
спаса'еши ду'шы на'шя.

%<Славосло'вiе вели'кое и= w\тпу'стъ.%>

%<На лiтургi'и:%>

%<Бл~же'нна w\т канw'на ст~а'гw пjь'снь г~-й, s~-я. 
Прокi'менъ, гла'съ д~: В%>озвесели'тся прв\дникъ w= 
гд\сjь, и= о_у=пова'етъ на негw`. %<Стi'хъ: О_у=%>слы'ши 
бж~е гла'съ мо'й. %<А=п\слъ къ тiмоfе'ю, зача'ло сч~_е. 
А=ллилу'iа, гла'съ д~. П%>рв\дникъ jа='кw фi'нi_ксъ 
процвjьте'тъ: %<Стi'хъ: Н%>асажде'ни въ дому` гд\сни. 
%<_Е=v\глiе w\т луки`, зача'ло _кс~г. Прича'стенъ: В%>ъ 
па'мять вjь'чную бу'детъ пра'ведникъ.