Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::слав>

(с. 97)

%<Мjь'сяца тогw'же въ з~-й де'нь.%>

%<И='же во ст~ы'хъ _о=тца` на'шегw а=мвро'сiа, 
_е=пi'скопа медiола'нскагw:%>

%<И= прп\дбнагw _о=ц~а` на'шегw а=нтw'нiа, сi'йскагw 
чудотво'рца:%>

%<И= преставле'нiе прп\дбнагw _о=тца` на'шегw нi'ла, 
и=`же на _е='зерjь селиге'рjь, на _о='стровjь, зово'момъ 
столобно'е, но'вагw чудотво'рца.%>

%<С%>лу'жбы и='хъ пи^саны по се'й слу'жбjь. 
%<А=ллилу'iа, и=ли` тропа'рь.%>

%<На Г%>д\си, воззва'хъ, %<стiхи^ры а=мвро'сiа, гла'съ 
а~. По\д: Н%>б\сныхъ чинw'въ:

%<В%>л\дчества престо'лъ о_у=краша'я добродjь'тельми, * 
w\т вдохнове'нiя бж\ственна * священнонача'лiе подо'бнjь 
прiя'лъ _е=си`: * тjь'мже вjь'ренъ строи'тель благода'ти * 
во _о=бои'хъ, а=мвро'сiе, бы'въ, * сугу'бъ вjьне'цъ 
наслjь'довалъ _е=си`.

%<В%>ъ воздержа'нiи и= болjь'знехъ, и= во бдjь'нiихъ 
мно'зjьхъ, * и= моли'твахъ спротяже'нныхъ, * ду'шу и= тjь'ло 
w=чи'стилъ _е=си`, бг~ому'дре: * сосу'дъ про'чее и=збра'нъ 
jа=ви'вся хр\сту` бг~у, * а=п\слwмъ ра'венъ jа='влься, * 
воспрiя'лъ _е=си` дарова^нiя.

%<Б%>лагочести'ваго царя`, согрjьши'вша и=ногда`, * 
jа='кw дв~да наfа'нъ, дерзнове'нiемъ w=бличи'лъ _е=си`, * 
а=мвро'сiе всеблаже'нне, * сего` jа='вjь w\тлуче'нiю 
подложи'лъ _е=си`, * и= покая'нiемъ наказа'въ бг~олjь'пнw, * 
сочи'слилъ _е=си` па'ствjь твое'й. (с. 98)

%<И='ны стiхи^ры бц\ды, гла'съ и= подо'бенъ то'йже:%>

%<(А='ще А=ллилу'iа, сi'и стiхи^ры пою'тся пре'жде.)%>

%<Ж%>езло'мъ твоегw` предста'тельства, * 
бг~ороди'тельнице ч\стая, * sвjьри^ныя стра^сти _о=кая'нныя 
души` моея` w\тжени`: * и= w\твсю'ду ми'рнw къ жи'зни мя` 
о_у=правля'ющи: * ст~о'му ста'ду * и=збра'нныхъ твои'хъ 
_о=ве'цъ причти`.

%<Jа='%>кw помо'щница ты` _е=си` безпомо'щныхъ 
человjь'кwвъ, * jа='кw наде'жда _е=си` всjь'хъ ненаде'жныхъ, 
* рjьше'нiе, бц\де, въ лю'тыхъ, * и= по'мощь мнjь` бу'ди, * 
грjьхw'въ и= бjь'дъ, jа='кw ми'лостива, * и=збавля'ющи мя`, 
преч\стая.

%<В%>сегуби'тельныхъ страсте'й мои'хъ _о=гнепа^льная 
стремл_е'нiя, росо'ю бж\ственною, * во'льнымъ w=дожде'нiемъ 
твои'мъ о_у=гаси`, дв~о: * да и= а='зъ, jа='коже _о='троцы, 
* бг~а, и=зъ теб_е` рожде'ннаго, благодарю`, * и= сла'влю и= 
благословлю` бл~года'ть твою`, вл\дчце.

%<Сла'ва, и= ны'нjь, бг~оро'диченъ, гла'съ и= подо'бенъ 
то'йже:%>

%<Н%>ра'вомъ гнилы'мъ попо'лзся, ни'цъ лежу`, * и= къ 
твое'й, дв~о, притека'ю тишинjь`, * w\т бу'ри сопроти'вныя * 
и= и=скуше'нiй много_обра'зныхъ мя` и=зба'ви: * да пою` 
твою` бл~года'ть непреста'ннw, * бц\де мт~и, приснодв~о.

%<Кр\стобг~оро'диченъ. Подо'бенъ: то'йже.%>

%<О_у=%> кр\ста` предстоя'щи сн~а и= бг~а твоегw`, * и= 
долготерпjь'нiе тогw` смотря'ющи, * глаго'лаше: пла'чущи, 
мт~и ч\стая: * о_у=вы` мнjь`, ча'до сладча'йшее, * что` сiя^ 
стра'ждеши непра'веднw, сло'ве бж~iй, * да спасе'ши 
человjь'чество;

%<На стiхо'внjь, _о=ктw'иха. Тропа'рь, гла'съ д~:%>

%<П%>ра'вило вjь'ры и= _о='бразъ кро'тости, воздержа'нiя 
о_у=чи'теля jа=ви' тя ста'ду твоему` jа='же веще'й и='стина. 
сегw` ра'ди стяжа'лъ _е=си` смире'нiемъ высw'кая, нището'ю 
бога^тая: _о='ч~е а=мвро'сiе, моли` хр\ста` бг~а, спасти'ся 
душа'мъ на'шымъ. (с. 99)



%<На о_у='трени _о='ба канw'на _о=ктw'иха: И= ст~а'гw 
канw'нъ на д~, _е=гw'же краегране'сiе: В%>севели'каго 
а=мвро'сiа восхвалю`.

%<Творе'нiе i=w'сифово.%>

%<Гла'съ д~. Пjь'снь а~. I=рмо'съ:%>

%<М%>о'ря чермну'ю пучи'ну, невла'жными стопа'ми, 
дре'внiй пjьшеше'ствовавъ i=и~ль, кресто_обра'зными 
мwv"се'овыма рука'ма, а=мали'кову си'лу въ пусты'ни 
побjьди'лъ _е='сть.

%<Б%>ж\ственными свjьтоли^тiи, прп\дбне, w=блиста'емь, 
свjь'тлое и= свjьтоно'сное и= ст~о'е твое` о_у=спе'нiе 
благоче'стнw чту'щыя твои'ми моли'твами просвjьти`.

%<С%>ло'во бж~iе прему'дрости тебjь` сло'во дарова`, 
о_у=кра'шенное зна'нiемъ и='стиннымъ, i=ера'рше а=мвро'сiе, 
_е=ретi'чествующихъ безслове'сное w\тража'я sломы'слiе.

%<О_у=%>ма` твоегw` зри'тельное, пребога'те, 
пред\ъwчи'стивъ w\т стра'стныя мглы`, прiя'тно чи'стыхъ 
блиста'нiй всест~а'гw дх~а содjь'лалъ _е=си`, всеблаже'нне.

%<В%>сему'дрыми и= свяще'нными твои'ми догма^ты 
а=рiему'дрственную w\тгна'въ па'губу, jа='кw па'стырь, на 
sла'цjь о_у=па'слъ _е=си` правосла'вiя, всему'дре, 
слов_е'сныя твоя^ вjь'рою _о='вцы.

%<Бг~оро'диченъ:%>

%<Б%>езсjь'меннw _о='ч~ею во'лею, w\т бж\ственнагw дх~а 
бж~iя зачала` _е=си` сн~а, и= пло'тiю родила` _е=си` и=зъ 
_о=ц~а` безма'терня, и= на'съ ра'ди и=зъ теб_е` без\ъ_о'тча.

%<Пjь'снь г~. I=рмо'съ:%>

%<Н%>е му'дростiю, и= си'лою, и= бога'тствомъ хва'лимся, 
но тобо'ю, _о='ч~ею v=поста'сною му'дростiю, хр\сте`: 
нjь'сть бо свя'тъ, па'че теб_е`, чл~вjьколю'бче.

%<В%>елича'йшу бл~года'ть w\т бг~а прiе'мъ и= си'лу, 
твои'мъ чу'вственнымъ прикоснове'нiемъ разли^чныя стра^сти, 
_о='ч~е а=мвро'сiе, и=сцjьля'лъ _е=си` приходя'щихъ къ 
тебjь`. (с. 100)

%<Н%>ауче'нъ, jа='кw i=ера'рхъ бж\ственный, прп\дбне, 
вся'кое разумjь'нiе писа'нiя, невjь'дущымъ, _о='ч~е 
а=мвро'сiе, неудобопости^жная jа='вjь о_у=ясни'лъ _е=си`.

%<Т%>ебjь`, му'дростiю духо'вною сiя'ющу, несмы'сленнw 
прибли'житися де'рзостнw сквернjь'йшую о_у=стре'мльшуюся 
скорjь'йше о_у=мертви'лъ _е=си` бж\ственнымъ 
приглаго'ланiемъ.

%<Бг~оро'диченъ:%>

%<Р%>о'дъ человjь'ческiй w=бнови'ла _е=си` _е=ди'на, 
ро'ждши _е=стества` на'шегw содjь'теля же и= гд\са: тjь'мже 
тя` сла'вимъ, бг~ора'дованная.

%<Сjьда'ленъ, гла'съ и~. Подо'бенъ: П%>рему'дрости:

%<П%>р\оро'ка и=лiю` ревноwбразу'я, и= i=wа'нна та'кожде 
кр\сти'теля, му'жески w=бличи'лъ _е=си` царя` 
беззако'нновавша, i=ера'рше: пр\сто'лъ бж\ственнjь 
о_у=краси'лъ _е=си`, и= чуде'съ мно'жествомъ мi'ръ 
w=богати'лъ _е=си`. тjь'мже и= бж\ственными писа^нiи 
науче'нъ, вjь^рныя о_у=тверди'лъ _е=си`, и= невjь^рныя 
w=брати'лъ _е=си`, i=ера'рше а=мвро'сiе, моли` хр\ста` бг~а, 
прегрjьше'нiй w=ставле'нiе дарова'ти пра'зднующымъ любо'вiю 
ст~у'ю па'мять твою`.

%<Сла'ва, и= ны'нjь, бг~оро'диченъ:%>

%<П%>омышле'ньми поползо'хся лука'выми, во глубину` 
впадо'хъ грjьхо'вную, и= стеня` взыва'ю ти` w\т се'рдца, 
преч\стая: на мнjь` о_у=диви` бога'тую ми'лость, и= твоегw` 
милосе'рдiя неизмjь'рную пучи'ну, и= щедро'тъ твои'хъ 
неизче'тное бога'тство: и= да'ждь ми` покая'нiе, и= 
прегрjьше'нiй проще'нiе, да любо'вiю взыва'ю тебjь`: моли` 
хр\ста` бг~а, прегрjьше'нiй w=ставле'нiе дарова'ти ми`: тя' 
бо наде'жду и=мjь'ю ра'бъ тво'й.

%<Кр\стобг~оро'диченъ:%>

%<А='%>гнца и= па'стыря и= и=зба'вителя а='гница зря'щи 
на кр\стjь`, восклица'ше пла'чущи, и= го'рькw рыда'ющи 
вопiя'ше: мi'ръ о_у='бw ра'дуется, прiе'мляй тобо'ю 
и=збавле'нiе, (с. 101) о_у=тро'ба же моя` гори'тъ, зря'щи 
твое` распя'тiе, _е='же терпи'ши за милосе'рдiе ми'лости. 
долготерпjьли'ве, гд\си, ми'лости бе'здно и= и=сто'чниче 
неисчерпа'емый, о_у=милосе'рдися и= да'руй согрjьше'нiй 
w=ставле'нiе вjь'рою пою'щымъ бж\ств_енныя стра^сти твоя^.

%<Пjь'снь д~. I=рмо'съ:%>

%<Л%>юбве` ра'ди, ще'дре, твоегw` _о='браза, на кр\стjь` 
твое'мъ ста'лъ _е=си`, и= раста'яшася jа=зы'цы: ты' бо 
_е=си`, чл~вjьколю'бче, крjь'пость моя` и= хвале'нiе.

%<I=%>ера'рхъ показа'лся _е=си`, пома'зався мv'ромъ 
свяще'нства, соверша'я свяще'нники, всjь^мъ спаси'тельное 
да'руя w=чище'нiе.

%<С%>облю'лъ _е=си` па'ству твою` w\т вся'кагw вре'да 
проти'вныхъ, бл~же'нне, и= а='рiеву ле'сть всю` w=мрачи'лъ 
_е=си` сiя'нiемъ слове'съ твои'хъ.

%<Д%>х~а си'лою w=гражде'нъ, лука'выя w\тгоня'еши 
sло'бы, всебл~же'нне, ду'хи, не терпя'щыя твоегw` 
запреще'нiя.

%<Бг~оро'диченъ:%>

%<В%>ся^ во'лею содjь'тельствовавый содjь'тельствуется 
хотя` w\т ч\стыхъ твои'хъ крове'й, спаса'я вjь'дущыя тя`, 
ч\стую бг~ома'терь.

%<Пjь'снь _е~. I=рмо'съ:%>

%<Т%>ы`, гд\си мо'й, свjь'тъ въ мi'ръ прише'лъ _е=си`, 
свjь'тъ ст~ы'й w=браща'яй и=зъ мра'чна невjь'дjьнiя, вjь'рою 
воспjьва'ющыя тя`.

%<О_у='%>мъ, сiя'ющъ свjь'томъ невеще'ственнымъ, 
стяжа'въ w=блиста'лъ _е=си` врачева'нiй и= чуде'съ зари^, 
а=мвро'сiе бл~же'нне.

%<В%>оздви'глъ _е=си` тебе` сама'го, сщ~е'нное жили'ще 
дх~а, разори'лъ _е=си` хра'мы i='дwльскiя, а=мвро'сiе 
бг~одохнове'нне.

%<В%>елича'йшихъ добродjь'телей свjьтозаре'нiемъ 
сiя'юща, постыдjь'шася ца'рiе теб_е`, и= предjь'ла я=зы'ка 
твоегw` не поколеба'ша.

%<Бг~оро'диченъ:%>

%<Х%>отjь'нiемъ все` му'дрjь содjь'ловая, хотя` 
w=бнови'ти человjь'ки, дв~о, въ твою` о_у=тро'бу всели'ся. 
(с. 102)

%<Пjь'снь s~. I=рмо'съ:%>

%<П%>ожру' ти со гла'сомъ хвале'нiя, гд\си, цр~ковь 
вопiе'тъ ти`, w\т бjьсо'вскiя кро'ве w=чи'щшися, ра'ди 
ми'лости w\т ре'бръ твои'хъ и=сте'кшею кро'вiю.

%<Р%>и'мъ твоя^ честна^я благохва'литъ и=справл_е'нiя: 
jа='кw бо sвjьзда` свjьтови'дна, всю'ду лучы` чуде'съ 
твои'хъ, i=ера'рше, и=спусти'лъ _е=си`, вjь'рнw 
о_у=дивля'емь.

%<О_у='%>треневавъ ко хр\сту`, та'мw су'щими 
свjьтлостьми` w=зари'лся _е=си` бога'тнw, и= свjь'та 
напо'лнился _е=си` бж\ственнjьйшагw, и= просвjьща'еши 
вjь'рнw чту'щыя тя` всегда`.

%<Т%>jь'ло и= ду'шу твою` бг~у w=святи'въ, и= прiя'тнw 
содjь'лалъ _е=си` дарова'нiй, _о='ч~е, твое` се'рдце, 
непреста'ннw вне'млющее сла'дкому жела'нiю.

%<Бг~оро'диченъ:%>

%<И=%>сцjьли` души` моея`, дв~о, jа='звы, w=сjьне'нiемъ 
твои'мъ бж\ственнымъ, и= о_у='мъ мо'й просвjьти`, 
w=мраче'нный лjь'ностiю и= sло'бою врага` борца`.

%<Конда'къ, гла'съ г~. Подо'бенъ: Б%>ж\ственныя вjь'ры:

%<Б%>ж\ственными догма^ты w=блиста'я, помрачи'лъ _е=си` 
а='рiеву пре'лесть, священнотаи'нниче и= па'стырю 
а=мвро'сiе: чудодjь'йствуя же си'лою дх~а, стра^сти 
разли^чныя jа='вjь и=сцjьли'лъ _е=си`, _о='ч~е прп\дбне, 
хр\ста` бг~а моли`, спасти'ся душа'мъ на'шымъ.

%<Пjь'снь з~. I=рмо'съ:%>

%<В%>ъ пещи` а=враа'мстiи _о='троцы персi'дстjьй, 
любо'вiю благоче'стiя па'че, не'жели пла'менемъ w=паля'еми, 
взыва'ху: бл~гослове'нъ _е=си` въ хра'мjь сла'вы твоея`, 
гд\си.

%<Б%>ж\ственное вjьща'нiе твои'хъ догма'тwвъ, _о='ч~е 
всему'дре, jа='коже мо'лнiя, про'йде всю` зе'млю: и= чуде'съ 
показа'ньми, jа='кw свjь'тъ w=блиста`, jа=`же во мра'цjь 
сердца` просвjьща'ющее.

%<З%>аконоположе'нi_емъ сп~са ты` послjь'дуя, _о='ч~е, 
да'нный (с. 103) тебjь` тала'нтъ, jа='кw ра'бъ блажа'йшiй, 
тща'тельнw о_у=многосугу'билъ _е=си`, вл\дчнiя сподобля'емь 
ра'дости.

%<И=%>з\ъwстри'въ бг~осло'вный тво'й о_у='мъ, струи^ 
свяще'нныхъ догма'тwвъ, jа='кw рjьку`, и=спусти'лъ _е=си` 
напоя'я вjь'рныхъ и=сполне'нiе, священнотаи'нниче _о='ч~е 
а=мвро'сiе.

%<Бг~оро'диченъ:%>

%<С%>е`, дв~о, во о_у=тро'бjь твое'й зачала` _е=си` 
сло'во, _о=ц~у` собезнача'льно: и= пло'тiю породила` _е=си` 
да'рующее всjь^мъ воззва'нiе, су'щымъ и=зъ а=да'ма па'дшымъ, 
всенепоро'чная.

%<Пjь'снь и~. I=рмо'съ:%>

%<Р%>у'цjь распросте'ръ данiи'лъ, львw'въ зiя^нiя въ 
ро'вjь затче`: _о='гненную же си'лу о_у=гаси'ша, 
добродjь'телiю препоя'савшеся, благоче'стiя рачи'тели 
_о='троцы, взыва'юще: бл~гослови'те, вся^ дjьла` гд\сня, 
гд\са.

%<О_у=%>мертви'въ о_у='ды и= ме'ртво плотско'е 
мудрова'нiе содjь'лавъ, ду'шу w=живи'лъ _е=си`, прп\дбне, и= 
и=сто'чникъ чуде'съ и=сточи'лъ _е=си` о_у=мерщвл_е'ннымъ w\т 
страсте'й, жи'знь подаю'щи вопiю'щымъ: благослови'те, вся^ 
дjьла` гд\сня, гд\са.

%<О_у=%>вjь'дjьлъ _е=си` преставле'нiе, му'дре, _е='же 
w\т тjьлесе`, бж\ственнымъ дх~омъ: пр\оро'чески бо сiе` 
су'щымъ съ тобо'ю сказа'лъ _е=си`, и= ра'достнw на нб~са` 
вопiя` восте'клъ _е=си`: благослови'те, вся^ дjьла` гд\сня, 
гд\са.

%<Т%>jь'ло, и= се'рдце, и= о_у='мъ пред\ъwчи'стивъ w\т 
страсте'й смjьше'нiя, _о=гнено'сну лучу` свы'ше прiя'лъ 
_е=си` дх~а, jа='коже бж\ственнiи о_у=ч~ницы` вопiя`, 
а=мвро'сiе: благослови'те, вся^ дjьла` гд\сня, гд\са.

%<Бг~оро'диченъ:%>

%<Jа=%>ви'лася _е=си` превы'шши нб~съ, бг~а нб\снаго 
поро'ждши, земна^я, преч\стая, нб\снымъ совоку'пльшаго, и= 
позна'нiе свое` всjь^мъ подаю'щаго, вопiю'щымъ: 
благослови'те, вся^ дjьла` гд\сня, гд\са.

%<Пjь'снь f~. I=рмо'съ:%>

%<К%>а'мень нерукосjь'чный w\т несjько'мыя горы`, 
теб_е`, дв~о, (с. 104) краеуго'льный w\тсjьче'ся, хр\сто'съ, 
совокупи'вый разстоя^щаяся _е=ст_ества`: тjь'мъ, 
веселя'щеся, тя`, бц\де, велича'емъ.

%<В%>и'дjьлъ _е=си`, во и=зступле'нiи бы'въ, вjь^чныя 
ст~ы^мъ, _о='ч~е, лежа'щыя по'ч_ести: къ ни'мже преше'лъ 
_е=си`, воспрiе'мъ твои'хъ трудw'въ, сла'вне, воздая^нiя, 
веселя'ся.

%<Jа='%>кw гро'здъ зрjь'лъ, бг~ому'дре, въ точи'лjьхъ 
го'рнихъ досто'йнw сокро'вищствовался _е=си`, и=сточа'я 
безсме'ртiя вiно`, а=мвро'сiе, и= врачева'нiй дарова^нiя 
благоче'стнw къ тебjь` притека'ющымъ.

%<Т%>я`, златоза'рный, _о='ч~е, бж\ственнагw дх~а 
свjьти'льникъ, свjь'тъ благочести'выхъ о_у=че'нiй, и= 
врачева'нiй лучу` и=спуща'ющъ, и= вjь^рныя просвjьща'ющъ, 
велегла'снw о_у=блажа'емъ.

%<Д%>несвjь'тлую тя` sвjьзду` цр~ковь стяжа'вши, тмы` 
и=збjьга'етъ вся'кiя, всеблаже'нне, льсти`, и= свjь'тлостьми 
сщ~е'нныхъ твои'хъ догма'тwвъ w=заря'ема, блажи'тъ тя`.

%<Бг~оро'диченъ:%>

%<Г%>ла'съ тебjь` вопiе'мъ, дв~о, ра'достнjь 
а=рха'гг~ловъ: ра'дуйся, прокля'тства разрjьше'нiе, лю'тыхъ 
всjь'хъ, ра'дуйся, и=збавле'нiе, земны^я w=божи'вшая па'че 
о_у=ма` рождество'мъ твои'мъ.



%<Слу'жба прп\дбнагw а=нтw'нiа сi'йскагw.%>

%<На ма'лjьй вече'рни стiхи^ры, гла'съ а~. По\д: 
В%>сехва'льнiи му'ч_еницы:

%<Ж%>ела'я о_у=лучи'ти, а=нтw'нiе блаже'нне, нб\сную 
добро'ту, * земна^я вся^ премину'лъ _е=си`, * и= jа='кw 
безпло'тенъ подвиза'вся въ маловре'меннjьй жи'зни се'й, * 
мы'сл_енныя враги` крjь'пкw побjьди'лъ _е=си` и= му'жески, * 
и=мjь'я посо'бiе (с. 105) _о=ру'жiе непобjьди'мое, * 
ра'дуяся восте'клъ _е=си` къ присножела'емому тебjь` 
блаже'нству. * тjь'мже моли'ся, * дарова'ти душа'мъ на'шымъ 
* ми'ръ и= ве'лiю ми'лость.

%<М%>iрска'гw пристра'стiя возгнуша'вся, * су^щая мi'ра, 
jа='кw не су^щая, вмjьни'лъ _е=си`, * и= сегw` ра'ди w\т 
всjь'хъ о_у=праздни'вся, * безмо'лвнw жи'ти и=збра'лъ 
_е=си`, * несму'тнымъ о_у=мо'мъ и= немяте'жнымъ се'рдцемъ 
вы'ну служа` бг~у: * w\т_ону'дуже и= сосу'дъ ст~а'гw дх~а 
w=брjь'лся _е=си`, * чистоты` ра'ди души` твоея`, * _е=му'же 
моли'ся, * поми'ловати ду'шы на'шя.

%<Б%>ж\ственныя ра'дости и= весе'лiя духо'внагw * 
и=спо'лнена jа=ви'ся свjьтоно'сная твоя` па'мять, _о='ч~е 
а=нтw'нiе: * w\т_ону'дуже духw'вная твоя^ ча^да, * 
ра'достнjь соше'дшеся, свjь'тлw пра'зднуемъ, * бг~олjь'пну 
сла'ву воздаю'ще * прославля'ющему тя` бг~у, * вjь'дущему 
прославля'ти ст~ы^я своя^ о_у=го'дники, * _е=му'же моли'ся, 
* спасти` ду'шы на'шя.

%<Сла'ва, гла'съ и~:%>

%<П%>рiиди'те, _о=тцы` и= бра'тiя, честно'е мона'шеское 
собра'нiе, дне'сь w=бстоя'ще всечестну'ю ра'ку любе'знагw 
_о=тца`, благоче'стнjь лобза'емъ: и= ра'достнw пою'ще 
_псалw'мская пjь^нiя, во о_у=стjь'хъ и=му'ще духw'вная 
словеса`, любо'вiю принесе'мъ _е=му`, jа='кw вои'стинну 
мона'шескому о_у=добре'нiю и= прп\дбныхъ сожи'телю. и= 
свjь'тлw всепра'зднств_енная сотворя'юще, си'це рце'мъ: 
ра'дуйся, свjьти'льниче многосвjь'тлый, возводя` ко хр\сту` 
мона'хwвъ мно'жество: ра'дуйся, похвало` на'ша и= 
о_у=твержде'нiе, и= всjь^мъ вjь^рнымъ благоути'шное 
приста'нище спасе'нiя, боля'щихъ цjьли'телю, а=нтw'нiе, 
всечестны'й _о='ч~е на'шъ, не w=ста'ви на'съ си'рыхъ, но 
пребу'ди съ на'ми ча^ды твои'ми, jа='коже w=бjьща'лся 
_е=си`: и= не преста'й моля'ся прест~jь'й тр\оцjь, jа='кw да 
ми'лостива бу'детъ на'мъ w= грjьсjь'хъ на'шихъ, и= спасе'тъ 
ду'шы на'шя. (с. 106)

%<И= ны'нjь, бг~оро'диченъ: В%>л\дчце, прiими` моли^твы 
ра^бъ твои'хъ:

%<На стiхо'внjь стiхи^ры, гла'съ в~. Подо'бенъ: Д%>о'ме 
_е=vфра'fовъ:

%<П%>и'щи ра'йскiя наслади'тися возжелjь'лъ _е=си`, * 
гла'домъ и= жа'ждею и=ста'илъ _е=си` пло'ть твою`, * и= 
сла'вою w\т бг~а вjьнча'нъ бы'ти восхотjь'въ, * земну'ю 
сла'ву преwби'дjьлъ _е=си`: * w\т негw'же и= просла'вился 
_е=си`, всебл~же'нне.

%<Стi'хъ: Б%>лаже'нъ му'жъ, боя'йся гд\са, въ 
за'повjьдехъ _е=гw` восхо'щетъ sjьлw`.

%<Л%>юбо'вiю бж~iею о_у=крjь'плься, бл~же'нне а=нтw'нiе, 
жела'нiе пло'ти о_у=мертви'лъ _е=си`: * душе'вное же _о='ко 
w\т помы'сленныхъ прилw'гъ * свобо'днw къ бг~у возве'лъ 
_е=си`, * и= всего` себе` чи'ста * предста'вилъ _е=си` бг~у.

%<Стi'хъ: Ч%>естна` предъ гд\семъ сме'рть прп\дбныхъ 
_е=гw`.

%<С%>вjьти'ло вели'кое jа=ви'ся на'мъ дне'сь, * ст~а'я 
твоя` па'мять, прп\дбне а=нтw'нiе, * мi'ръ ве'сь 
просвjьща'ющи заря'ми * и=зря'дныхъ чуде'съ твои'хъ, * 
любо'вiю пра'зднующымъ и=сцjьл_е'нiя неwску'днw подава'ющи.

%<Сла'ва, и= ны'нjь, бг~оро'диченъ, гла'съ и= подо'бенъ 
то'йже:%>

%<Г%>о'рнiи тя` ли'цы, * бц\де дв~о, * пою'тъ съ 
до'льными, * славосло'вяще непреста'ннw * рж\ство` твое` 
преч\стое.

%<Тропа'рь, гла'съ а~:%>

%<Ж%>ела'нiемъ духо'внымъ распали'вся, и= мяте'жи 
мiрскi^я w\три'нувъ, ко _е=ди'ному же бг~у любо'вiю 
прилjьпи'лся _е=си`, и= тогw` вседу'шнjь взыску'я, во 
вну'треннюю пусты'ню w\тше'лъ _е=си`, при вода'хъ всели'вся. 
и=дjь'же во слеза'хъ и= трудjь'хъ пребыва'я многолjь'тное 
вре'мя, въ терпjь'нiи мно'зjьмъ житiе` а='гг~льское 
проходи'лъ _е=си`, въ наставле'нiи бж\ственнагw ра'зума: и= 
мно'жество мона'хwвъ собра'лъ _е=си`, му'дре, и=`хже 
посjьща'я не w=ста'ви, а=нтw'нiе прп\дбне, _о='ч~е на'шъ, 
прест~jь'й тр\оцjь моля'ся w\т sw'лъ вся'ческихъ и=зба'вити 
и= спасти` ду'шы на'шя. (с. 107)

%<Сла'ва, и= ны'нjь, бг~оро'диченъ: Г%>аврiи'лу 
вjьща'вшу:



%<На вели'цjьй вече'рни пое'мъ: Б%>л~же'нъ му'жъ, %<а~-й 
а=нтiфw'нъ.%>

%<На Гд\си, воззва'хъ, стiхи^ры, гла'съ s~. Подо'бенъ: 
В%>се` w\тло'жше:

%<В%>ся^ w=ста'вилъ _е=си`, * къ нб\снымъ возложи'въ 
о_у='мъ тво'й, * хр\ста` _е=ди'нагw въ слjь'дъ ходи'ти 
возлюби'лъ _е=си`. * сегw` ра'ди безмо'лвнw жи'ти взыска'лъ 
_е=си`, * о_у=клони'вся въ пусты'ню, * въ не'йже 
подвиза'вся, * житiе` а='гг~льское притяжа'лъ _е=си`, * къ 
боре'нiю льсти'вагw посто'мъ и= моли'твами воwружи'въ себе`, 
* и=скуш_е'нiя мнw'га претерпjь'лъ _е=си`, * и= вjьнцы^ 
нетлjь'нными w=богати'лся _е=си`. * бл~года'ть прiе'мъ w\т 
бг~а, * и=сцjьля'еши неду'ги разли^чныя: * тjь'мъ прест~о'му 
дх~у, а=нтw'нiе прп\дбне, моли'ся, * поми'ловатися душа'мъ 
на'шымъ.

%<В%>е'сь w=свяще'нъ, * бг~оно'сецъ показа'лся _е=си`, * 
дре'внягw человjь'ка совле'кся съ похотьми`, * и= во хр\ста` 
вои'стинну w=бле'къ себе`, * духо'вную хра'мину 
нерукотворе'нную назда'лъ _е=си`, * положи'въ w=снова'нiе 
добродjь'телей: * къ высотjь` безстра'стiя дости'глъ _е=си`, 
* о_у=ма` высо'кое смире'нiемъ возве'лъ _е=си` бг~у, * w\т 
негw'же зна'нiя глубо'кое воспрiя'лъ _е=си`, * 
проразумjьва'ти бу^дущая, jа='кw настоя^щая, * и= о_у=ма` 
сокров_е'нная человjь'кwмъ пред\ъглаго'лати. * и= ны'нjь 
прест~jь'й тр\оцjь, бл~же'нне, моли'ся * w= душа'хъ на'шихъ.

%<З%>рjь'ти жела'я мы'сленную добро'ту, * чу'вств_енная 
вся^ премину'лъ _е=си`, * въ слеза'хъ и= воздыха'нiихъ живя` 
дни^ своя^, * w=горчева'лъ _е=си` пло'ть твою` всено'щными 
бдjь^нiи и= ча'стыми колjьнопреклон_е'нiи. * и= сегw` ра'ди 
вся'къ ви'дъ добродjь'телей проходи'лъ _е=си`, * немощна^я 
w=полч_е'нiя вра^жiя w=бличи'въ, * крjьпкоду'шнымъ 
терпjь'нiемъ, * многоболjь'зненнымъ страда'нiемъ къ 
неболjь'зн_еннымъ дости'глъ _е=си`, * и=дjь'же свjь'тъ 
невече'рнiй и= а='гг~лъ ликостоя'нiе. * (с. 108) съ ни'миже, 
прп\дбне, хр\сту` со дерзнове'нiемъ моли'ся * w= спасе'нiи 
ду'шъ на'шихъ.

%<И='ны стiхи^ры, гла'съ д~. Подо'бенъ: З%>ва'нный 
свы'ше:

%<_Е=%>гда` бж\ственное раче'нiе * на'йде на тя`, 
пребога'те, * тогда` тя'жесть мi'ра w\т души` твоея` 
w\три'нувъ, * вjь'трило о_у=ма` jа='кw легко` къ бг~у 
впери'лъ _е=си`, * кора'бль тво'й направля'я въ ти'хое 
приста'нище, * и=дjь'же и= сподо'бился _е=си` ст~а'гw 
_о='браза мона'шескагw благоукраше'нiя, * и= та'мw 
о_у=чи'телемъ твои'мъ наставля'емь, * _о='бразы благоче'стiя 
сiя'я, * благи'ми нра^вы о_у=краша'яся, * свяще'нства, 
jа='кw сосу'дъ и=збра'нъ, сподо'бился _е=си`. * тjь'мъ 
хр\сту` бг~у моли'ся, * спасти` и= просвjьти'ти ду'шы на'шя.

%<_Е=%>гда` любо'вь бж~iя * двиза'шеся въ се'рдцы 
твое'мъ, преблаже'нне, * тогда` мi'ра сегw` суету` * и= 
преле'стное мудрова'нiе въ ничто'же вмjьни'лъ _е=си`: * въ 
пусты'ню пресели'вся, * и= въ не'й, jа='кw безпло'тенъ, * 
до'брымъ по'двигомъ подвиза'вся, * неви'димыхъ врагw'въ 
w=полч_е'нiя * терпjь'нiемъ твои'мъ вся^ побjьди'лъ _е=си`. 
* но _е=му'же w\т ю='ности твоея` послужи'лъ _е=си`, * 
хр\сту` бг~у моли'ся, * спасти` и= просвjьти'ти ду'шы на'шя.

%<_Е=%>гда` бж\ственнымъ манове'нiемъ * пока'заннаго 
тебjь` въ видjь'нiи о_у=зрjь'въ, * кр\стнымъ зна'менiемъ 
воwружа'юща тебе`, * тогда`, прп\дбне а=нтw'нiе, * и= ты`, 
кр\сто'мъ воwружи'въ себе`, * вседу'шнw хр\сту` 
послjь'довалъ _е=си`, * и= тогw` любо'вiю простира'яся, * 
кро'тость и= неsло'бiе стяжа'лъ _е=си`. * тjь'мъ и= 
кро'ткихъ зе'млю наслjь'довалъ _е=си`, * w\т_ону'дуже 
и=сто'чникъ цjьле'нiй пролива'еши приходя'щымъ ти` съ 
вjь'рою, * прест~jь'й тр\оцjь моля'ся, * ю='же моли` * 
спасти` и= просвjьти'ти ду'шы на'шя.

%<Сла'ва, гла'съ и~:%>

%<П%>рп\дбне _о='ч~е бг~облаже'нне а=нтw'нiе, жесто'кое 
твое` (с. 109) житiе` и= труды`, jа=`же по бг~у, въ 
безмо'лвнjьмъ се'мъ о_у=едине'нiи, jа='кw прiя'то бы'сть 
бг~у: тогда` вседjь'йствiемъ прест~а'гw дх~а стезя'ми 
пра'выми и=справля'лъ _е=си` жи'знь твою`, и='миже дости'глъ 
_е=си` w=брjьсти` бг~ода'ненъ да'ръ свjьтолjь'пный, 
свяще'нную мзду` трудw'въ твои'хъ прему'дрое сниска'нiе, 
пречу'дный _о='бразъ _е=диносу'щныя тр\оцы: къ не'йже 
хода'тайствы твои'ми моли'твенными, душе'внымъ _о='комъ 
взира'я къ бж\ству` трисвjь'тлому, заря'ми чуде'съ, па'че 
со'лнца, ве'сь мi'ръ w=зари'лъ _е=си`, тму` де'мwнwвъ 
дале'че прогоня'я. дне'сь же, и= по твое'мъ преставле'нiи 
бг~у хотя'щу наипа'че просла'вити тя`, _о=би'льна 
и=сцjьл_е'нiя и=сточа'етъ съ вjь'рою приходя'щымъ къ 
цjьльбоно'сному твоему` гро'бу, благоуха'нiе подая` 
прест~а'гw дх~а. тjь'мже, jа='кw и=мjь'я дерзнове'нiе, 
прилjь'жнw моли'ся прест~jь'й тр\оцjь, цр~квамъ 
_е=диномышле'нiе и= правосла'вному наро'ду на'шему здра'вiе 
неwску'дное дарова'ти, и= на враги` крjь'пкое w=долjь'нiе и= 
спасе'нiе и=спроси'ти душа'мъ на'шымъ.

%<И= ны'нjь, бг~оро'диченъ: Ц%>р~ь нб\сный за 
чл~вjьколю'бiе:

%<Вхо'дъ, прокi'менъ дне`, чт_е'нiя г~, пи'саны сегw` 
мjь'сяца въ _е~ де'нь.%>

%<На лiтi'и стiхи^ры самогла'сны, гла'съ в~:%>

%<С%>тезе'ю присноживо'тною при'снw ходи'ти возжелjь'лъ 
_е=си` бу'дущiя ра'ди _о='ныя присноблаже'нныя сла'вы: тогw` 
ра'ди, въ пусты'няхъ пребыва'я, служи'лъ _е=си` бг~у, 
подо'бяся свjьти'лу _о='ному, вели'кому а=нтw'нiю: jа='коже 
бо _о='нъ вели'кiй въ пусты'няхъ _е=гv'петскихъ безмо'лвiя 
ра'ди всели'ся, та'коже и= ты`, всеблаже'нне, душе'внагw 
ра'ди безмо'лвiя, тjьл_е'сная чу^вства во вну'треннихъ 
пусты'няхъ си'хъ неисхо'днjь затвори'лъ _е=си`. но _о='нъ 
о_у='бw дре'внихъ ст~ы'хъ _о=тц_е'въ, въ постjь` 
просiя'вшихъ, _о=т_е'цъ и= нача'льникъ бы'сть: ты' же, 
прп\дбне, въ послjь^днiя ро'ды сiя^ (с. 110) возсiя'лъ 
_е=си` бг~оуго'днымъ житiе'мъ твои'мъ, _о=те'цъ, и= 
нача'льникъ бы'въ мона'хwмъ. _е=му'же бо въ житiи` се'мъ 
наслjь'дникъ и= ревни'тель бы'лъ _е=си`, си'це тогw` и= 
и=менова'нiе w\т дjь'лъ прiе'мъ, съ ни'мже прест~jь'й 
тр\оцjь моли'ся, спасти'ся душа'мъ на'шымъ.

%<П%>рiиди'те, бг~олюбе'зное ста'до, мона'шеское 
собра'нiе, съ празднолюбе'зными чи'нми хр\стiа'нскагw 
мно'жества бг~оимени'тыхъ люде'й бж~iихъ, дне'сь восхва'лимъ 
хр\сто'ва рачи'теля, граждани'на пусты'ннаго, мона'хwмъ 
прему'драго наста'вника, пусты'нникwвъ похвалу` 
святолjь'пную, бж\ств_енныя пjь^сни принесе'мъ _е=му`. се'й 
бо ре'вность бж\ственную въ се'рдцы прiе'мъ, мiрску'ю 
пре'лесть всю` w=ста'вивъ, хр\сту` послjь'дова, труды^ 
по'стническими простира'яся, де'мwнскiя па^губы побjьди` 
му'жески, дх~а ст~а'гw _о=ру'жiи непобjьди'мыми. тjь'мже, 
возше'дъ на лjь'ствицу добродjь'телей, дости'же кругw'въ 
_о='ныхъ нб\сныхъ, и=дjь'же бг~онача'льнымъ свjь'томъ со 
а='гг~льскими ли^ки просвjьща'яся, моли'твенникъ 
непреста'ненъ быва'етъ за ду'шы на'шя.

%<В%>ъ ти'хое и= небу'рное приста'нище безмо'лвiя 
вше'дъ, во w\тхо'дную пусты'ню бг~олюбе'зную, и=дjь'же съ 
бг~омъ _е=ди'нъ безмо'лвствовалъ _е=си`, тjь'снымъ путе'мъ 
и= приско'рбнымъ присноше'ствовавъ, та'мw житiе` а='гг~льско 
проходи'лъ _е=си`, неудобопокори'вое пло'ти возрази'въ 
воздержа'нiемъ, научи'въ сего` повинова'тися благо'му 
по'мыслу въ хотjь^нiя бж~iя. тjь'мже свjь'тъ безстра'стiя 
возсiя` тебjь`, въ не'мже о_у=зрjь'лъ _е=си` присносу'щнаго 
свjь'та, хр\ста`, бг~а на'шего. _е=го'же непреста'ннw 
моли'ти мо'лимся, w\т вся'кихъ sw'лъ на'съ и=зба'вити, 
всечестно'е твое` о_у=спе'нiе пра'зднующыя, и= спасти` ду'шы 
на'шя.

%<Сла'ва, гла'съ s~:%>

%<Р%>а'дуйтеся и= весели'теся w= гд\сjь, бг~оизбра'нное 
ста'до (с. 111) бл~же'нное, духw'вная ча^да преподо'бнагw, 
jа='кw такова'го свjьти'льника _о=тца` себjь` и=му'ще, и= 
ча^да нареко'стеся, пресвjь'тлымъ житiе'мъ свои'мъ ве'сь 
мi'ръ w=зари'вшаго: _е=го'же просла'ви бг~ъ зна'м_енiи же и= 
чудесы` свои'ми пресла'вными, _о=би^льна и=сцjьл_е'нiя 
неwску'днw да'рующа приходя'щымъ къ нему` съ вjь'рою. 
тjь'мже, w=бстоя'ще всечестну'ю ра'ку _е=гw`, мо'лимся 
_е=му`, глаго'люще: _w всебл~же'нне а=нтw'нiе, _о='ч~е 
на'шъ, непреста'ннw моли` всест~у'ю тр\оцу, ста'до твое` 
спасти` и= вjь'рнw чту'щихъ пресвяту'ю па'мять твою`, и= 
труды` твоя^ и= терпjь^нiя любоче'стнjь и=мjь'ющихъ, jа=`же 
за хр\ста` под\ъя'лъ _е=си`, jа='кw да то'й ми'лостивъ 
бу'детъ на'мъ w= грjьсjь'хъ на'шихъ въ де'нь су'дный, и= 
спасе'тъ ду'шы на'шя.

%<И= ны'нjь, бг~оро'диченъ: Т%>воре'цъ и= и=зба'витель:

%<На стiхо'внjь стiхи^ры, гла'съ _е~. Подо'бенъ: 
Р%>а'дуйся.

%<Р%>а'дуйся, всесвяще'нная главо`, прп\дбне _о='ч~е 
на'шъ а=нтw'нiе, о_у=го'дниче хр\сто'въ присножела'нный, 
вы'шнихъ си'лъ ревни'телю и= собесjь'дниче а='гг~лwвъ. на 
земли' бо, въ пло'ти сы'й, безпло'тныхъ житiе` проходи'лъ 
_е=си`, подо'бяся тjь'хъ житiю' же и= нра'ву: съ ни'миже 
ны'нjь въ присноблаже'ннjьмъ свjь'тjь пребыва'я, 
наслажда'яся зрjь'нiй бж\ственныхъ, хр\сту` бг~у моли'ся, 
ми'ръ вселе'ннjьй дарова'ти, и= душа'мъ на'шымъ ве'лiю 
ми'лость.

%<Стi'хъ: Ч%>естна` предъ гд\семъ сме'рть прп\дбныхъ 
_е=гw`.

%<Р%>а'дуйся, свяще'нный ве'рше предо'брый, прп\дбнымъ 
и= пра'в_еднымъ совсе'льниче _е=динонра'вный. тjь'хъ бо 
житiю` послjь'дствовавъ, страсте'й и=гра^нiя, jа='кw 
сjь'чивомъ, кр\ста` зна'менiемъ посjь'клъ _е=си`, свjь'томъ 
пресвjь'тлымъ, дх~омъ ст~ы'мъ w=заря'емь, на свjь'щницjь 
добродjь'телей вся^ w=свjьща'еши, бл~гоче'стiя ве'рше 
преизя'щный, о_у=кра'шенный (с. 112) дарова^нiи 
бж\ственными. тjь'мже хр\сту` бг~у моли'ся, дарова'ти 
душа'мъ на'шымъ ми'ръ и= ве'лiю ми'лость.

%<Стi'хъ: Б%>лаже'нъ му'жъ, боя'йся гд\са, въ 
за'повjьдехъ _е=гw` восхо'щетъ sjьлw`.

%<Р%>а'дуйся, свяще'нный на'шъ наста'вниче, главо` 
предо'брая, о_у=ч~ни^къ твои'хъ ста'до и=збра'нное, и=`хже 
бг~олю'бнjь въ пусты'ни се'й собра'лъ _е=си` му'дрjь, w= 
ни'хже труды` и= по'ты простира'я, ду'шу твою` положи'лъ 
_е=си`: не w=ста'ви посjьща'я, и= w= и=`же вjь'рою 
соверша'ющихъ па'мять твою` святу'ю, и= любоче'стнjь 
почита'ющихъ всечестны^я твоя^ мо'щи ст~ы^я, хр\сту` 
моли'ся, и=зба'вити всjь'хъ на'съ вся'кагw гнjь'ва и= 
томле'нiя, и= спасе'нiе дарова'ти душа'мъ на'шымъ.

%<Сла'ва, гла'съ и~:%>

%<П%>усты'ня, пре'жде непло'дствующи, ны'нjь же 
весели'тся, зря'щи въ себjь` ста'до мона'хwвъ, w=бстоя'щихъ 
всечестны'й гро'бъ пречу'днагw _о=тца` сегw` и= духо'внw 
веселя'щихся, и=`же пра'зднств_енная торжеству'ютъ, 
глаго'лющи: ра'дуйся, свjьти'льниче пресвjь'тлый, и='же, 
чудесы` сiя'я, w=заря'еши ду'шы вjь'рныхъ. ра'дуйся, _о='ч~е 
всеблагi'й, о_у=мно'живый ча^да въ пусты'ни духо'вныхъ 
жела'нiй, w= ни'хже, труды` и= по'ты полага'я, ду'шу твою` 
пре'далъ _е=си` бг~у, _е=му'же моли'ся, свя'те а=нтw'нiе, w= 
на'съ, ча'дахъ твои'хъ, бл~гоче'стнjь па'мять твою` 
пра'зднующихъ, и=зба'вити w\т навjь^тъ вра'жiихъ: jа='кw да, 
до'брjь сконча'вше жи'знь свою`, дерзнове'нiе получи'мъ въ 
де'нь стра'шнагw и=спыта'нiя.

%<И= ны'нjь: Б%>езневjь'стная дв~о:

%<Тропа'рь, и= бг~оро'диченъ, пи'саны на ма'лjьй 
вече'рни.%> (с. 113)



%<На о_у='трени, на Б%>г~ъ гд\сь, %<тропа'рь ст~а'гw, 
два'жды. Сла'ва, и= ны'нjь, бг~оро'диченъ:%>

%<По а~-мъ стiхосло'вiи, сjьда'ленъ, гла'съ и~:%>

%<М%>но'гимъ воздержа'нiемъ, прп\дбне, жи'знь твою` 
о_у=краси'въ, пу'ть показа'лъ _е=си`, веду'щiй въ жи'знь 
добродjь'тели смире'нiемъ: мi'ра бо w\тве'ргся, и= вся^, 
jа=`же въ мi'рjь кра^сная, преwби'дjьвъ, _е=v\гльскимъ 
о_у=че'нi_емъ послjь'довалъ _е=си`: жесто'кимъ же житiе'мъ 
пло'ть твою` и=знуря'я, го'рдаго sмi'я воздержа'нiемъ 
о_у=би'лъ _е=си`. тjь'мже, на нб~сjь'хъ водворя'яся, 
трисо'лнечному бж\ству` предстои'ши, прп\дбне а=нтw'нiе, 
моли` хр\ста` бг~а, согрjьше'нiй w=ставле'нiе дарова'ти 
чту'щымъ любо'вiю святу'ю па'мять твою`.

%<Два'жды.%>

%<Сла'ва, и= ны'нjь, бг~оро'диченъ:%>

%<Н%>б\сную две'рь и= кiвw'тъ, прест~у'ю го'ру, 
свjь'тлый _о='блакъ воспои'мъ, неwпали'мую купину`, 
слове'сный ра'й, _е='vы воззва'нiе, вселе'нныя всея` 
вели'кое сокро'вище, jа='кw спасе'нiе въ не'й содjь'лася 
мi'ру и= w=ставле'нiе дре'внихъ согрjьше'нiй. сегw` ра'ди 
вопiе'мъ _е='й: моли'ся сн~у твоему`, прегрjьше'нiй 
w=ставле'нiе дарова'ти бл~гоче'стнw покланя'ющымся 
всест~о'му рж\ству` твоему`.

%<По в~-мъ стiхосло'вiи, сjьда'ленъ, гла'съ д~:%>

%<W\т%> ю='ности взе'мъ тво'й кр\стъ, бл~гоче'стнw 
хр\сту` послjь'довалъ _е=си`, о_у=вяди'въ плотско'е 
мудрова'нiе воздержа'нiемъ и= побjь'ду взе'мъ на дiа'вола, 
надъ страстьми` тjьле'сными воцари'лся _е=си`. тjь'мже и= по 
кончи'нjь и=сточа'еши и=сцjьл_е'нiя вjь'рою приходя'щымъ къ 
чудотво'рному _о='бразу всест~ы'я тр\оцы и= къ твоему` 
цjьльбоно'сному гро'бу: а=нтw'нiе всече'стне, и=спроси` 
на'мъ ве'лiю ми'лость.

%<Два'жды.%> (с. 114)

%<Сла'ва, и= ны'нjь, бг~оро'диченъ:%>

%<Б%>езневjь'стная, ч\стая бц\де дв~о, _е=ди'на 
предста'тельнице вjь'рныхъ и= покро'въ, бjь'дъ и= скорбе'й 
и= лю'тыхъ w=бстоя'нiй вся^ и=зба'ви, и=`же на тя` 
о_у=пова'нiе и=му'щыя, _о=трокови'це, и= ду'шы на'шя спаси` 
бж\ственными мольба'ми твои'ми.

%<По полv"еле'и сjьда'ленъ, гла'съ и~:%>

%<В%>ъ пусты'ню, пребл~же'нне, всели'лся _е=си`, и= въ 
не'й проходя` жесто'кое жи'тельство, jа='коже безпло'тенъ, 
жи'знь и=справля'я, пло'ть твою` о_у=мертви'лъ _е=си`, и= 
поревнова'въ а=нтw'нiа вели'кагw и=зря'дному жи'тельству, 
тр\оцы служи'тель показа'лся _е=си` преизя'щный. тjь'мже къ 
ре'вности тоя` бж\ственнjьй ли'къ мона'шествующихъ, сла'вне, 
совокупи'лъ _е=си`, бг~оно'се _о='ч~е на'шъ а=нтw'нiе: моли` 
хр\ста` бг~а, согрjьше'нiй w=ставле'нiе дарова'ти чту'щымъ 
любо'вiю святу'ю па'мять твою`.

%<Два'жды.%>

%<Сла'ва, и= ны'нjь, бг~оро'диченъ:%>

%<Jа='%>кw дв~у и= _е=ди'ну въ жена'хъ, тя`, безъ 
сjь'мене ро'ждшую бг~а пло'тiю, вси` о_у=блажа'емъ, ро'ди 
человjь'честiи: _о='гнь бо всели'ся въ тя` бж\ства`, и= 
jа='кw младе'нца, дои'ши зижди'теля и= гд\са. тjь'мъ 
а='гг~льскiй и= человjь'ческiй ро'дъ досто'йнw сла'вимъ 
прест~о'е рождество` твое`, и= согла'снw вопiе'мъ ти`: моли` 
хр\ста` бг~а, согрjьше'нiй w=ставле'нiе дарова'ти 
покланя'ющымся вjь'рою прест~о'му рж\ству` твоему`.

%<Степ_е'нна, а~-й а=нтiфw'нъ д~-гw гла'са. Прокi'менъ: 
Ч%>естна` пред\ъ гд\семъ сме'рть прп\дбныхъ _е=гw`. 
%<В%>ся'кое дыха'нiе: %<Стi'хъ: Х%>вали'те бг~а во ст~ы'хъ 
_е=гw`. %<_Е=v\глiе матfе'а, зача'ло м~г.%>

%<По н~-мъ _псалмjь` стiхи'ра, гла'съ s~:%>

%<П%>ребл~же'нне _о='ч~е на'шъ а=нтw'нiе, _е=гда` къ 
бг~у во w\тше'ствiи твое'мъ w\тсю'ду бг~олюбе'зное собра'нiе 
о_у=чени^къ твои'хъ нака'зовалъ _е=си`, jа='кw _о=ц~ъ 
чадолюби'въ, вели'кую глави'зну соблюда'ти и= и=спо'лнити 
бж\ственныхъ пр\орw'къ и= (с. 115) зако'на, глаго'ля: 
пребыва'йте, ча^да, въ соверше'нiи дх~о'внагw ва'шегw 
и=сполне'нiя, любо'вь и=мjь'ти и=`мъ къ бг~у и= бли'жнему, 
и= _е=ли'ка си'ла, подвиза'тися на _о='бщаго врага`, 
внима'ющымъ своему` спасе'нiю, да получа'тъ бу'дущее 
присноблаже'нствiе. но о_у='бw, всеблаже'нне, не преста'й 
моля'ся прест~jь'й тр\оцjь, и= на'съ, чту'щихъ тя`, 
сохрани'ти въ любви` тоя`, jа='кw да получи'мъ w\т нея` 
вели'кую ми'лость.

%<Канw'нъ бц\дjь со i=рмосо'мъ на s~. И= ст~а'гw два` 
канw'на на и~.%>

%<Пе'рвый канw'нъ:%>

%<Гла'съ в~. Пjь'снь а~. I=рмо'съ:%>

%<Г%>ряди'те, лю'дiе, пои'мъ пjь'снь хр\сту` бг~у, 
раздjь'льшему мо'ре, и= наста'вльшему лю'ди, jа=`же и=зведе` 
и=зъ рабо'ты _е=гv'петскiя, jа='кw просла'вися.

%<_W%> тр\оце всемилосе'рдая, бж~е пребл~гi'й, _о='ч~е, 
и= сн~е, и= ст~ы'й дш~е, трист~о'е _е=стество`, нему'дрыхъ 
наказа'телю! пода'ждь просвjьще'нiе моему` неразу'мiю, 
пjь'снь воспjь'ти твоему` служи'телю, въ наставле'нiи 
бж\ственнагw твоегw` просвjьще'нiя.

%<W\т%> ма'терня чре'ва прилjьпи'лся _е=си` къ бг~у, 
прп\дбне, сегw` ра'ди жи'знь сiю` въ ничто'же вмjьни'въ, 
кр\стъ гд\сень и=зъ ю='ности твоея` возжелjь'лъ _е=си` 
носи'ти, и= вся^ земна^я возненави'дjьвъ, въ нб\сная 
приснwблаж_е'нствiя взира'лъ _е=си`.

%<Д%>и'внw житiе` твое`, бл~же'нне, ку'пнw же и= 
смире'нiе, _е='же w\т ю='ности стяжа'лъ _е=си`. и= сегw` 
ра'ди w\т всегw` мi'ра w\тлучи'въ себе`, и= а='гг~льскимъ 
_о='бразомъ w=бле'кся, бы'лъ _е=си` мона'хъ преди'венъ, 
цвjьтя` въ добродjь'телехъ.

%<Бг~оро'диченъ:%>

%<В%>опло'щся и=зъ преч\стыхъ ложе'снъ твои'хъ, дв~о 
всеч\стая, бж~iе сло'во, всjь^мъ и=з\ъясни` бг~оразу'мiя 
любо'вь: человjь'ческое торжество` ли'ку а='гг~льскому 
совокупи'въ, въ нб\сная возведе`. (с. 116)

%<Другi'й канw'нъ прп\дбному.%>

%<Гла'съ и~. I=рмо'съ:%>

%<К%>олесницегони'теля фараw'ня погрузи`, чудотворя'й 
и=ногда` мwv"се'йскiй же'злъ, кр\сто_обра'знw порази'въ, и= 
раздjьли'въ мо'ре, i=и~ля же бjьглеца`, пjьшехо'дца спасе`, 
пjь'снь бг~ови воспjьва'юща.

%<В%>е'сь вседержи'телю бг~у возложи'въ себе`, 
бг~ому'дре, и= къ тому` жела'нiемъ и= любо'вiю о_у='мъ тво'й 
впери'въ: тогw` ра'ди безмw'лвная и= о_у=един_е'нная мjь^ста 
возлюби'лъ _е=си`, да со хр\сто'мъ пребыва'я, жи'знь 
вjь'чную наслjь'диши.

%<О_у=%>пова'нiемъ на бг~а всебл~га'го о_у=крjьпля'емь, 
блаже'нне а=нтw'нiе, къ бу'дущымъ благи^мъ простира'лся 
_е=си`, и= твое'й пло'ти неми'лостивъ, _о='ч~е, бы'лъ 
_е=си`.

%<Л%>ука'вый вра'гъ, _о=па'снw вjь'дый jа='кw хо'щетъ 
тобо'ю и=згна'нъ бы'ти w\т мjь'ста сегw` ст~а'гw, сегw` 
ра'ди непра'в_едныя человjь'ки воздвиза'етъ на тя`: но сi'и 
о_у='бw, ничто'же сотво'рше, вспя'ть бjьжа'ша, лука'вый же 
побjьжде'нъ бы'сть _о=ру'жiемъ моли'твъ твои'хъ: бг~ъ бо 
снабдjьва'ше тя`.

%<Бг~оро'диченъ:%>

%<Н%>еискусому'жнw хр\ста` родила` _е=си`, су'ща по 
на'мъ на'съ ра'ди, непремjь'нна _е=стество'мъ, преч\стая, и= 
невра'щна во _о=бои'хъ пребы'вша. _е=го'же моли` 
непреста'ннw, грjьхw'въ мои'хъ дарова'ти и= напа'стей 
и=збавле'нiе.

%<Катава'сiа: Х%>р\сто'съ ражда'ется:

%<Пjь'снь г~. I=рмо'съ:%>

%<П%>роцвjьла` _е='сть пусты'ня, jа='кw крi'нъ, гд\си, 
jа=зы'ческая неплодя'щая цр~ковь, прише'ствiемъ твои'мъ, въ 
не'йже о_у=тверди'ся мое` се'рдце.

%<В%>ели'ко къ бг~у дерзнове'нiе стяжа'лъ _е=си`, 
преподо'бне, присносу'щныя тр\оцы ст~о'му _о='бразу, 
стяжа^нiи трудw'въ твои'хъ, бл~года'ть и=спроси` прест~а'гw 
дх~а: _е=го'же и=зъ пла'мене пресла'внw и=зы'ти сотвори'лъ 
_е=си` моли'твами твои'ми. (с. 117)

%<В%>ъ нача'лjь w=снова'нiе добродjь'телей, блаже'нне, 
положи'лъ _е=си` въ души` твое'й стра'хъ бж~iй, и= на се'мъ 
w=снова'нiи назда'лъ _е=си` чи^стыя добродjь'т_ели 
сохране'нiемъ бж~iихъ за'повjьдей. и= сегw` ра'ди всели'лся 
_е=си` въ вjь^чная блага^я, jа=`же о_у=гото'ва бг~ъ 
боя'щымся _е=гw`.

%<В%>ре'менныхъ и= до'льныхъ возгнуша'вся, высw'кая 
при'снw пребыва^ющая возлюби'лъ _е=си`, бж\ственнымъ 
раче'нiемъ распала'я благолюби'вую твою` ду'шу, и= тогw` 
сотвори'въ живу'щагw бг~а во'лю, воспрiя'лъ _е=си` блага^я 
нб\сная.

%<Бг~оро'диченъ:%>

%<С%>казу'я и=ногда` сокрове'нное та'инство, 
_о=трокови'це, тебjь` дре'вле гаврiи'лъ, зовя'ше: ра'дуйся, 
бж~iя пала'то, въ ню'же всели'вся, w=божи` вся^ человjь'ки, 
jа='кw милосе'рдъ.

%<И='нъ. I=рмо'съ:%>

%<Т%>ы` _е=си` о_у=твержде'нiе притека'ющихъ къ тебjь`, 
гд\си, ты` _е=си` свjь'тъ w=мраче'нныхъ, и= пое'тъ тя` ду'хъ 
мо'й.

%<О_у=%>тверди'въ твоя^ помышл_е'нiя, блаже'нне, 
о_у=пова'нiемъ на бг~а, вра'жiихъ навjь'тwвъ ника'коже 
о_у=боя'ся, но мы'сленныхъ рjь'къ стремл_е'нiя, къ 
душе'внjьй твое'й хра'минjь приража^ющаяся, возрази'лъ 
_е=си` w= ка'мень терпjь'нiя.

%<Ж%>ела'я, прп\дбне, насыща'тися приснопребыва'ющiя 
сла'дости, бы^лiи самора'сленными трилjь'тное вре'мя 
проводи'лъ _е=си` жи'зни твоея`: тjь'мже и= ны'нjь получи'лъ 
_е=си` трапе'зу _о='ну неги'бнущiя jа='ди, но при'снw 
пребыва'ющiя въ жи'зни вjь'чнjьй.

%<В%>о о_у='мъ прiе'мъ цр\ствiя нб\снагw вjь'чное 
наслажде'нiе, земна^я вся^ пренебре'глъ _е=си`: и= сегw` 
ра'ди скw'рбная наш_е'ствiя мнw'га, и= и=згна^нiя въ жи'зни 
се'й претерпjь'лъ _е=си`, но w\т всjь'хъ си'хъ свободи' тя 
тебjь` жи'знь вjь'чную дарова'вый.

%<Бг~оро'диченъ:%>

%<Т%>вою` по'мощь пода'ждь ми`, рабу` твоему` (с. 118) 
недосто'йному, дв~о вл\дчце, и= вразуми'вши бж\ственное сiе` 
начина'нiе, сотвори` w\т недосто'йнагw достw'йная, и= 
и=зба'ви бjь'дъ и= скорбе'й и= прегрjьше'нiй мно'гихъ, 
jа='кw ро'ждши всjь'хъ и=збавле'нiе.

%<Сjьда'ленъ, гла'съ г~:%>

%<М%>ногомяте'жiе мi'ра и= непостоя'нную суету`, jа='кw 
пра'хъ, вмjьни'въ, къ премi^рнымъ возве'лъ _е=си` о_у='мъ 
тво'й, затво'ромъ безмо'лвiя воздержа'въ тjьл_е'сная 
чу^вства, и= стяжа'въ жи'знь а='гг~льску, бг~у о_у=годи'лъ 
_е=си`, де'мwнwвъ па'губникъ, страсте'й и=скорени'тель, 
человjь'кwвъ спаси'тель нело'женъ бы'лъ _е=си`. тjь'мже и= 
на'съ w\т тлетво'рныхъ страсте'й и=зба'ви, мо'лимся, твою` 
па'мять при'снw въ пjь'снехъ почита'ющихъ, блаже'нне 
а=нтw'нiе, _о='ч~е на'шъ.

%<Два'жды.%>

%<Сла'ва, и= ны'нjь, бг~оро'диченъ:%>

%<Jа='%>кw невоздjь'ланная, дв~о, лоза`, краснjь'йшiй 
гро'здъ прозябла` _е=си`, и=сточа'ющъ на'мъ вiно` спасе'нiя, 
всjь'хъ веселя'щее ду'шы же и= тjьлеса`. тjь'мже jа='кw 
вину' тя до'брыхъ блажа'ще, при'снw со а='гг~ломъ вопiе'мъ 
ти`: ра'дуйся, w=бра'дованная.

%<Пjь'снь д~. I=рмо'съ:%>

%<П%>ою' тя, слу'хомъ бо, гд\си, о_у=слы'шахъ и= 
о_у=жасо'хся: до мен_е' бо и='деши, мене` и=щя` 
заблу'ждшаго. тjь'мъ мно'гое твое` снизхожде'нiе, _е='же на 
мя`, прославля'ю, многоми'лостиве.

%<К%>о'ль бла'гw положи'лъ _е=си` во о_у=мjь` твое'мъ, 
_е='же прилjьпля'тися бг~у на'шему: сегw` ра'ди w=ста'вивъ 
вся^, на земли` су^щая, о_у='мъ тво'й вседу'шнw возложи'лъ 
_е=си` къ нб\снымъ w=би'телемъ, въ безмо'лвiи мно'зjь 
препровожда'лъ жи'знь твою`: да никогда'же w\тто'ргнешися 
сладча'йшагw твоегw` i=и~са.

%<С%>ме'рть, па'че всегw` житiя` сегw`, и=збра'лъ 
_е=си`, да хр\сту` жи'ти бу'деши, сегw` ра'ди въ ме'ртвость 
повседне'вную вдая'лся _е=си`, труды^ по'стническими 
о_у=мерщвля'лъ _е=си` вся^ о_у='ды своя^, и=стни'въ пло'ть 
свою` посты^ мно'гими. (с. 119)

%<П%>омина'яй, прп\дбне, послjь'днiй де'нь жи'зни сея`, 
прише'льца вмjьня'лъ _е=си` себе` въ мi'рjь се'мъ бы'ти, на 
вся'къ де'нь гото'вился _е=си` ко и=схожде'нiю, благи'ми 
дjь'лы о_у=краша'я ду'шу твою`, w=жида'я прише'ствiя вл\дки 
твоегw`.

%<Бг~оро'диченъ:%>

%<Б%>г~овидjь'нiемъ просвjь'щся пр\оро'къ, jа=вле'ннw 
зри'тъ го'ру бж~iю бл~гослове'нную, земны^мъ о_у=краше'нiе, 
нб\снымъ славосло'вiе бг~олjь'пное, _е=ди'ну всепjь'тую.

%<И='нъ. I=рмо'съ:%>

%<О_у=%>слы'шахъ, гд\си, смотре'нiя твоегw` та'инство, 
разумjь'хъ дjьла` твоя^, и= просла'вихъ твое` бж~ество`.

%<П%>отw'ки сле'зными пусты^ни напои'лъ _е=си`, 
блаже'нне, сjь'мя трудw'въ твои'хъ сjь'я въ ни'хъ. тjь'мже 
и= стори'чный пло'дъ ра'достнjь пожа'лъ _е=си`, вопiя`: 
сла'ва си'лjь твое'й, гд\си.

%<С%>тена'нiемъ се'рдца и= о_у=миле'нiемъ мно'зjьмъ 
житiя` по'прище преше'дъ, му'дре, и= въ страну` безстра'стiя 
пресели` себе`, въ не'йже свjь'тъ прiе'мъ въ се'рдцы 
твое'мъ, непреста'ннw весели'шися, неизрече'ннагw свjь'та 
хр\ста` наслажда'яся.

%<М%>оля'ся не преста'й, _о='ч~е, w= ста'дjь твое'мъ, 
_е=го'же мно'гими труды^ и= пw'ты стяжа'лъ _е=си`, 
и=збавле'нiя прося` sлы'хъ w=бстоя'нiй и= скорбе'й 
вся'ческихъ: да тя` вси`, jа='кw _о=ц~а` чадолюби'ва, 
непреста'ннw воспjьва'емъ.

%<Бг~оро'диченъ:%>

%<К%>о'рень и=зъ чре'слъ ца'рскихъ, цр~ь всjь'хъ, jа='кw 
су'щу возлюби'въ, и= вы'шшу херувi^мъ и= серафi^мъ показа`, 
ве'сь, бц\де, всели'ся въ тя`.

%<Пjь'снь _е~. I=рмо'съ:%>

%<Х%>ода'тай бг~у и= человjь'кwмъ бы'лъ _е=си`, хр\сте` 
бж~е: тобо'ю бо, вл\дко, къ свjьтонача'льнику _о=ц~у` 
твоему`, w\т но'щи невjь'дjьнiя приведе'нiе и='мамы.

%<Jа='%>кw дре'во благора'сленно, при и=схо'дищахъ 
мно'гихъ (с. 120) во'дъ насажде'нъ бы'въ, _о='ч~е, вjь^тви 
добродjь'телей мнw'ги и=зрасти'лъ _е=си`, подъ сjь'нь твою` 
вся^ прiе'мля, хотя'щыя спасе'нiя.

%<П%>учи'ною сле'зъ твои'хъ мо'ре грjьхо'вное потопи'лъ 
_е=си`, погружа'я о_у='мъ сво'й во глубину` видjь'нiй 
бж\ственныхъ, и=дjь'же сокрове'нныхъ та^инъ jа='снw зри'тель 
бы'въ, проре'клъ _е=си` кому'ждо напослjь'докъ хотя^щая 
бы'ти и=`мъ.

%<М%>оли'твенникъ jа='кw те'плъ въ жи'зни се'й 
прест~jь'й тр\оцjь бы'лъ _е=си`, бл~же'нне, хода^тайствы 
твои'ми здра'вiе всjь^мъ подава'я неску'дное. тjь'мъ и= 
ны'нjь па'че въ моли'тву предлага'емъ тя`, прося'ще тобо'ю 
прiя'ти ми'лwсти и= грjьхw'въ w=ставл_е'нiя.

%<Бг~оро'диченъ:%>

%<М%>ои'хъ прегрjьше'нiй плени'цу, вл\дчце, расто'ргни, 
твоего` сн~а и= бг~а моля'щи, и= томя'щiй грjь'хъ, 
приснодв~о, низложи`: jа='кw да пою' тя всегда`, 
всенепоро'чная, тобо'ю спаса'емь.

%<И='нъ. I=рмо'съ:%>

%<В%>ску'ю мя` w\три'нулъ _е=си` w\т лица` твоегw`, 
свjь'те незаходи'мый, и= покры'ла мя` _е='сть чужда'я тма` 
_о=кая'ннаго. но w=брати' мя, и= къ свjь'ту за'повjьдей 
твои'хъ пути^ моя^ напра'ви, молю'ся.

%<П%>и'щи малопрiя'тiемъ ску'днымъ sjьлw` жела'нiе 
пло'ти w=бузда'лъ _е=си`, во всено'щныхъ же славосло'вiихъ 
бж\ственныхъ слове'съ дш~и` слове'сное непоро'чнw бг~у 
соблю'лъ _е=си`.

%<Ц%>р\ство нб\сное стяжа'въ нището'ю самово'льною, 
w\т_ону'дуже и=сточа'еши w=би^льная дарова^нiя духо'вныхъ 
и=сцjьле'нiй вjь'рнw почита'ющымъ всест~у'ю твою` па'мять.

%<С%>вjьщу` твою` дх~о'вную, чистоты` свjьти'ло вже'глъ 
_е=си`, бл~же'нне, _е=ле'емъ ми'лости напоя'я непреста'ннw. 
тjь'мъ дости'глъ _е=си` черто'га нб\снагw, и=дjь'же _е='сть 
жени'хъ _о='нъ, _е=го'же и=змла'да возжелjь'лъ _е=си`.

%<Бг~оро'диченъ:%>

%<Х%>ра'мъ jа=ви'лася _е=си` че'стенъ, дв~о мт~и мр~i'е, 
(с. 121) вся'ч_еская всеси'льнw и= прему'дрw соста'вльшагw 
хр\ста`, и= w=чи'стивша и= нося'ща: _е=го'же на'мъ 
ми'лостива сотвори` ма'терними твои'ми мольба'ми.

%<Пjь'снь s~. I=рмо'съ:%>

%<В%>ъ бе'зднjь грjьхо'внjьй валя'яся, неизслjь'дную 
милосе'рдiя твоегw` призыва'ю бе'здну: w\т тли`, бж~е, мя` 
возведи`.

%<Ч%>естно'е тjь'ло твое`, прп\дбне, мнw'га 
и=сцjьл_е'нiя, jа='кw и=сто'чникъ при'снw кипя'щь, 
и=сточа'етъ вjь'рою приходя'щымъ къ чудотво'рному _о='бразу 
всест~ы'я тр\оцы и= къ цjьльбоно'сному твоему` гро'бу.

%<Н%>епреста'нными твои'ми къ бг~у, _о='ч~е, моли'твами, 
кругw'въ нб\сныхъ дости'глъ _е=си`, и=дjь'же _е='сть свjь'тъ 
неизрече'нный и= наслажде'нiе прв\дныхъ, съ ни'миже 
предстои'ши тр\оцjь всjь'хъ бг~у, w\т_ону'дными 
свjьтлостьми` просвjьща'яся.

%<А=%>нтw'нiе прп\дбне, а='ще и= напослjь'докъ лjь'тъ 
w\т земли`, jа='кw сл~нце, возсiя'лъ _е=си`, но дре'внихъ 
_о=т_е'цъ, пре'жде теб_е` бы'вшихъ, че'сти и= да'ра w\т бг~а 
сподо'бился _е=си`: бу'дутъ бо, рече` гд\сь, послjь'дни 
пе'рвiи.

%<Бг~оро'диченъ:%>

%<В%>озсiя` и=зъ теб_е` мы'сленное сл~нце, и= свjь^тлыя 
лучи` своегw` бж~ества` всjь^мъ простре`, бц\де вл\дчце: 
тjь'мъ тя` вси` непреста'нными пjь^нiи велича'емъ.

%<И='нъ. I=рмо'съ:%>

%<М%>оли'тву пролiю` ко гд\су, и= тому` возвjьщу` 
печа^ли моя^, jа='кw sw'лъ душа` моя` и=спо'лнися, и= 
живо'тъ мо'й а='ду прибли'жися, и= молю'ся, jа='кw i=w'на: 
w\т тли`, бж~е, возведи' мя.

%<В%>ъ пусты'няхъ, jа='кw пти'чищь, возгнjьзди'лся 
_е=си`, прп\дбне, w\т всjь'хъ хотя` _е=ди'ному бг~у 
_е=ди'нствовати: но, jа='кw на свjь'щницjь, jа='вjь бы'ша 
всjь^мъ твоя^ и=справл_е'нiя, бг~у тя` прославля'ющу.

%<Н%>о'щь тебjь`, jа='кw де'нь, бл~же'нне, вмjьня'шеся, 
и= де'нь, (с. 122) jа='кw но'щь. не да'лъ _е=си` поко'я 
тjьлеси` твоему`, ни сна` _о=чес_е'мъ, ни вjь'ждwмъ 
дрема'нiя, до'ндеже дости'глъ _е=си` поко'я нб\снагw.

%<С%>о'нъ и= сjь'нь житiе` сiе`, прп\дбне вмjьни'лъ 
_е=си`, тjь'мъ, и= на ничто'же w=браща'лся _е=си` су'щихъ въ 
не'мъ: но все` твое` помышле'нiе и= ду'шу къ бу'дущымъ 
просте'рлъ _е=си`, и=дjь'же съ преподо'бными всjь'ми ны'нjь 
весели'шися.

%<Бг~оро'диченъ:%>

%<Р%>асто'ргни мои'хъ прегрjьше'нiй рукописа'нiе, 
w=держа'щихъ мя` печа'лей и= страсте'й разрjьше'нiе 
да'рующи, и= соблюда'ющи вы'ну неврежде'на, вл\дчце.

%<Конда'къ, гла'съ и~. Подо'бенъ: В%>збра'нной:

%<W\т%> ю='ности, прп\дбне, пло'ть твою` въ постjь'хъ и= 
моли'твахъ и=стончи'лъ _е=си`, и= кр\стъ тво'й взе'мъ, 
хр\сту` послjь'довалъ _е=си`. тjь'мже и= къ вы^шнимъ 
тече'нiе ра'достнw соверши'лъ _е=си`, и=дjь'же со всjь'ми 
ст~ы'ми ст~jь'й тр\оцjь предстои'ши: и= ны'нjь ста'до твое` 
посjьща'я, помина'й чту'щихъ прест~у'ю па'мять твою`, да 
вси` благода'рнjь вопiе'мъ ти`: ра'дуйся, бг~ому'дре 
а=нтw'нiе, наста'вниче пусты'нный.

%<I='косъ:%>

%<_Е=%>v\гльскагw гла'са ревни'тель блаже'нне, 
w=брjь'лся _е=си`, вся^ бо земна^я вмjьни'въ о_у=ме'ты, 
хр\сто'въ вослjь'дователь въ жи'зни се'й и=зя'щенъ бы'лъ 
_е=си`, w\т негw'же и= ра'зумомъ w=богати'вся дарова'нiй 
бж\ственныхъ, вразуми' ны вjьща'ти тебjь` сицева^я: 
ра'дуйся, бг~оно'се, нб\сный чл~вjь'че, земны'й а='гг~ле: 
ра'дуйся, чи'стый до'ме прест~а'гw дх~а: ра'дуйся, jа='кw въ 
жи'зни се'й служи'тель прест~ы'я тр\оцы бы'лъ _е=си`: 
ра'дуйся, jа='кw моли'твами твои'ми _о=би'тель твою` 
и=зба'вилъ _е=си` невре'дну w\т _о='гненнагw возгорjь'нiя: 
ра'дуйся, jа='кw пусты'ню слеза'ми напои'въ, многопло'дну 
сотвори'лъ _е=си`: ра'дуйся, jа='кw всено'щными бж\ственными 
пjьснопjь^нiи сiю` (с. 123) просвjьти'лъ _е=си`: ра'дуйся, 
jа='кw въ не'й сjь'мя бж\ственное многотру'днw всjь'ялъ 
_е=си`, _е=гw'же о_у=плоди` бг~ъ во мно'го: ра'дуйся, jа='кw 
въ то'й о_у=чени^къ стада` собра'въ, стра'ху бж~iю наказа'лъ 
_е=си`: ра'дуйся, jа='кw моли'твами твои'ми нечи'стiи ду'си 
w\т чл~вjь^къ w\тгони'ми быва'ютъ: ра'дуйся, jа='кw 
непреста'ннw мо'лишися прест~jь'й тр\оцjь w= соверша'ющихъ 
благоче'стнw па'мять твою`, _е='же соблюсти'ся w\т вра^гъ 
ненавjь^тнымъ, да зове'мъ ти`: ра'дуйся, бг~ому'дре 
а=нтw'нiе, пусты'нный наста'вниче.

%<Пjь'снь з~. I=рмо'съ:%>

%<Б%>г~опроти'вное велjь'нiе беззако'ннующагw мучи'теля 
высо'къ пла'мень вознесло` _е='сть. хр\сто'съ же простре` 
бг~очести^вымъ _о=трокw'мъ ро'су духо'вную, сы'й 
бл~гослове'нъ и= препросла'вленъ.

%<С%>мире'нъ нра'въ и= _о=бы'чай кро'токъ и=мjь'въ, 
блаже'нне, кро'ткому па'стырю хр\сту`, jа='кw _о=вча` 
неsло'биво, о_у=се'рднw послjь'довалъ _е=си`. _е=му'же 
непреста'ннw пое'ши со и=збра'нными всjь'ми: _о=ц~ъ на'шихъ 
бж~е, бл~гослове'нъ _е=си`.

%<Ж%>ела'я наслади'тися нб\снагw хлjь'ба, хр\ста`, 
_е=го'же jа=ды'й никогда'же о_у='мретъ, а='лчбою и= жа'ждею 
томи'лъ _е=си` пло'ть твою`: _е=гw'же ны'нjь, _о='ч~е 
а=нтw'нiе, насыща'яся, и= на'мъ прича'стникwмъ бы'ти 
_о='нагw моли'ся.

%<С%>вjьти'ло мi'ра въ послjь'днемъ ро'дjь се'мъ гд\сь 
сотвори` тя`, _о='ч~е, чу'вств_еннымъ _о=чес_е'мъ и= 
душ_е'внымъ тобо'ю да'руетъ прозрjь'нiе. того` моли` 
просвjьти'ти ны` свjь'томъ за'повjьдей бж\ственныхъ, 
пою'щыя: _о=ц~ъ на'шихъ бж~е, бл~гослове'нъ _е=си`.

%<Бг~оро'диченъ:%>

%<W=%>бветша'вшыя ны` го'рькимъ дре'вле дре'ва 
вкуше'нiемъ, и= па'дшыя преступле'нiемъ, пречи'стая, 
w=бнови'ла _е=си`, зижди'теля, ро'ждши, сло'во v=поста'сное, 
дв~о мт~и, вл\дчце.

%<И='нъ. I=рмо'съ:%>

%<W\т%> i=уде'и доше'дше, _о='троцы въ вавv"лw'нjь 
и=ногда`, вjь'рою (с. 124) тр\оческою пла'мень пе'щный 
попра'ша, пою'ще: _о=тц_е'въ бж~е, бл~гослове'нъ _е=си`.

%<Jа='%>кw высо'къ о_у='мъ, прп\дбне, w\т земны'хъ 
всjь'хъ къ бг~у и=мjь'я, высо'къ въ добродjь'телехъ 
w=брjь'лся _е=си`, и= къ вы^шнимъ тече'нiе твое` 
и=спра'вивъ, сла'виши съ ни'ми непреста'нными гла'сы 
прест~у'ю тр\оцу: _о=ц~ъ на'шихъ бж~е, благослове'нъ _е=си`.

%<Н%>и'щыя ми'луя, а='лчущыя пита'лъ _е=си`, жа'ждущыя 
напая'лъ _е=си`. тjь'мъ прiя` тебе` въ вjь^чныя кро'вы, 
теб_е` ра'ди въ ни'щихъ бы'вый. _е=му'же пое'ши: _о=ц~ъ 
на'шихъ бж~е, бл~гослове'нъ _е=си`.

%<Н%>е о_у=страши` теб_е`, блаже'нне, долгота` лjь'тняя, 
ни пусты'нное w=sлобле'нiе, ни въ потре'бныхъ ску'дость, ни 
разбw'йникъ наше'ствiе: но _е=ди'но предъ _о=чи'ма и=мjь'я, 
_е='же хр\ста` ра'ди сме'рть прiя'ти въ пусты'ни се'й, да 
хр\сту` жи'ти бу'деши.

%<Бг~оро'диченъ:%>

%<О_у=%>краси'лася _е=си` дjь'вства добро'тами, и= 
_е='vы покры'ла _е=си` сту'дъ sло_обра'зный, хр\ста` 
ро'ждшая, w=дjья'нiе безсме'ртiя да'рующаго тебе` чту'щымъ.

%<Пjь'снь и~. I=рмо'съ:%>

%<В%>ъ пе'щь _о='гненную ко _о=трокw'мъ _е=вр_е'йскимъ 
снизше'дшаго, и= пла'мень въ ро'су прело'жшаго бг~а, по'йте 
дjьла`, jа='кw гд\са, и= превозноси'те во вся^ вjь'ки.

%<С%>вjьтоно'сная бл~года'ть и= и=сцjьле'нiй дарова^нiя 
да'шася w\т бг~а все'й странjь` на'шей, прп\дбне, 
чудотво'рный _о='бразъ _е=диносу'щныя тр\оцы и= твоя^ мо'щи 
ст~ы^я. _е=му'же покланя'ющеся, тя` почита'емъ.

%<Jа='%>кw шипо'къ сладкоуха'нный, _о='ч~е а=нтw'нiе, 
гро'бъ тво'й мi'ру w=брjь'теся. къ нему'же вси` приходя'щiи 
дх~о'вное благово'нiе въ сердца'хъ свои'хъ w\т негw` 
w=б\ъе'млютъ благопотре'бное sjьлw`. (с. 125)

%<В%>сjь^мъ вся'къ, бл~же'нне, благоче'стнjь предложи'лъ 
_е=си` себе`: _о='вjьмъ о_у='бw и=збавле'нiе подая` w\т 
вся'кихъ sлы'хъ w=бстоя'нiй, _о='вjьмъ же w\т неду^гъ 
здра'вiе неwску'дное, _о='вjьмъ же спасе'нiе предлага'я, 
хотя'щымъ мона'шеское пребыва'нiе.

%<Бг~оро'диченъ:%>

%<О_у=%>мертви`, бц\де, многоко'зненнаго врага`, всю` 
тва'рь пре'жде тле'ю о_у=мертви'вшаго: ны'нjь же тобо'ю 
ме'ртвiи на жи'знь взыдо'хомъ: родила' бо _е=си` вои'стинну 
жи'знь бг~а всjь'хъ.

%<И='нъ. I=рмо'съ:%>

%<Ц%>р~я` нб\снаго, _е=го'же пою'тъ вw'и а='гг~льстiи, 
хвали'те и= превозноси'те во вся^ вjь'ки.

%<А='%>ще и= за'йде подъ зе'млю тjь'ло твое`, но, jа='кw 
со'лнце, дне'сь возсiя`, вся^ w=свjьща'ющее, хва'лящыя 
хр\ста` во вjь'ки.

%<М%>ногосвjь'тлое житiя` твоегw`, бг~облаже'нне 
а=нтw'нiе, просвjьща'етъ душ_е'вныя _о='чи, и= и=справля'етъ 
стопы^ къ добродjь'тели хва'лящихъ хр\ста` во вjь'ки.

%<П%>о сме'рти jа=вле'нiемъ твои'мъ jа='кw прокаже'ннаго 
w=чи'стилъ _е=си`, та'кw, блаже'нне, и= мене`, о_у=я'звленна 
грjьхо'мъ, моли'твъ твои'хъ v=ссw'помъ w=чи'сти, пою'ща 
хр\ста` во вjь'ки.

%<Бг~оро'диченъ:%>

%<Н%>а тя` наде'жду возложи'хъ, мт~и приснодв~о, 
спасе'нiя моегw`, и= тя` предста'тельницу и=мjь'ю жи'зни 
моея`, поя` хр\ста` во вjь'ки.

%<Пjь'снь f~. I=рмо'съ:%>

%<Б%>езнача'льна роди'теля сн~ъ, бг~ъ и= гд\сь, 
вопло'щся w\т дв~ы, на'мъ jа=ви'ся, w=мрач_е'нная 
просвjьти'ти, собра'ти расточ_е'нная. тjь'мъ всепjь'тую 
бц\ду велича'емъ.

%<Т%>jь'снымъ и= приско'рбнымъ на земли` ше'ствовавъ 
путе'мъ, простра'нства нб\снагw ра'достнjь дости'глъ _е=си`: 
и=дjь'же зри'ши jа='снjь прест~у'ю тр\оцу со а='гг~льскими 
ли^ки.

%<Jа='%>кw зла'то, и=скуше'но въ горни'лjь терпjь'нiя, 
jа=ви'лся _е=си`, блаже'нне, безъ вся'кагw sло'бы примjь'са: 
и= тогw` (с. 126) ра'ди высоту` дости'гъ добродjь'телей, 
воспрiя'лъ _е=си` прест~а'гw дх~а w=заре'нiе.

%<Ч%>естна` вои'стинну сме'рть твоя`, прп\дбне: а='ще бо 
и= преста'вился _е=си` w\т на'съ, но ду'хомъ неw\тсту'пнw съ 
на'ми пребыва'еши, вjь'рнw почита'ющими тя`.

%<Бг~оро'диченъ:%>

%<В%>ся^ сотво'ршаго матеролjь'пнw въ твои'хъ нjь'дрjьхъ 
носи'вши, марi'е дв~о, w\т руки' мя и=зба'ви борца`, jа='кw, 
да спаса'емь тобо'ю, твоя^ хвалю` вели^чiя.

%<И='нъ. I=рмо'съ:%>

%<В%>ои'стинну бц\ду тя` и=сповjь'дуемъ, спасе'ннiи 
тобо'ю, дв~о ч\стая, съ безпло'тными ли^ки тя` велича'юще.

%<_Е=%>ди'нагw лjь'та ко _о=сми'десятимъ въ тече'нiи 
твое'мъ не досконча'въ, блаже'нне, вы'шнее цр\ствiе 
воспрiя'лъ _е=си`, со хр\сто'мъ цр\ствуя во вjь'ки.

%<W=%>ста'вивъ земну'ю сла'ву, къ нб\снjьй взя'лся 
_е=си` любо'вiю, и= jа='кw а='гг~лъ, въ жи'зни се'й бг~у 
послужи'въ, къ премi^рнымъ духовw'мъ преста'вился _е=си`, 
бж\ственнымъ та'мw свjь'томъ просвjьща'яся.

%<Р%>у'ки, а=нтw'нiе свя'те, къ прест~jь'й тр\оцjь на 
мольбу` простри`, ми'лостивное прося`, и=`же съ любо'вiю 
пjь'нiе ти` сiе` прине'сшымъ: и= и=зба'ви всjь'хъ напа'стей 
и= бjь'дъ вjь'рою соверша'ющихъ па'мять твою` ст~у'ю.

%<Бг~оро'диченъ:%>

%<П%>jь'нiе съ пjь'снiю и= хвале'нiе, и=сплете'нное w\т 
болjь'зненны души`, принесо'хъ со стра'хомъ тебjь`, ро'ждшей 
хр\ста`, _е=стество'мъ су'ща бг~а: _е=го'же моля'щи, бц\де, 
благопрiя^тна сотвори` мол_е'нiя на^ша, и= моли'твами 
твои'ми соблюди` лю'ди твоя^.

%<Свjьти'ленъ.%>

%<Т%>вое` о_у=спе'нiе въ пjь'снехъ пра'зднующихъ 
посjьща'й (с. 127) моли'твами твои'ми, w=ставле'нiе прося` 
грjьхо'вныхъ собла^знъ и= и=зба'вити всjь'хъ w\т разли'чныхъ 
напа'стей: да вси' тя прославля'емъ, бл~же'нне а=нтw'нiе.

%<Два'жды.%>

%<Сла'ва, и= ны'нjь, бг~оро'диченъ:%>

%<С%>ъ бг~омъ о_у=пова'нiе на тя`, преч\стая, 
возложи'хомъ, и=зъ теб_е` проше'дшему распя'тому хр\сту`, 
твои'ми къ нему` мольба'ми невр_е'дны да'же до конца` 
сохрани' ны.

%<На хвали'техъ стiхи^ры на д~, гла'съ и~. По\д: _W%> 
пресла'внагw чудесе`!

%<П%>рп\дбне _о='ч~е а=нтw'нiе, * ты` w\т ю='ности 
хр\сту` послjь'довати возлюби'въ, * вся^, jа=`же на земли`, 
мудрова^нiя w\три'нувъ, * по'стническими труды^ бг~у 
о_у=годи'лъ _е=си`, * сла'бое по'мысла повину'я ду'ху. * и= 
ны'нjь на нб~сjь'хъ со ст~ы'ми всjь'ми тр\оцjь предстои'ши, 
* бж\ств_енныя да'ры w\т нея` прiе'мля: * ю='же моли`, 
бл~же'нне, * w= и=`же вjь'рою пресвяту'ю твою` па'мять 
почита'ющихъ.

%<Два'жды.%>

%<П%>рп\дбне _о='ч~е а=нтw'нiе, * ты` струя'ми сле'зъ 
твои'хъ пусты'ню безпло'дную напои'лъ _е=си`, * и= въ не'й 
плоды` преподо'бiя и= пра'вды и=зрасти'лъ _е=си`: * и= сегw` 
ра'ди всыновле'нiя да'ръ прiя'ти w\т бг~а сподо'бился 
_е=си`, * ст~ы'мъ дх~омъ просвjьща'емь, * сокрове'нныхъ 
та^инъ jа='снw зри'тель w=брjь'лся _е=си`, сбытiя` 
послjь'днихъ време'нъ * сказа'тель нело'женъ бы'въ. * 
тjь'мже моли'ся, спасти` ду'шы на'шя.

%<П%>рп\дбне _о='ч~е, блаже'нне а=нтw'нiе, * и='го 
хр\сто'во на ра'мо твое` взе'мъ, * добродjь'тели ве'рхъ 
о_у=се'рднw дости'глъ _е=си`, * на не'мже о_у=твержде'на 
любо'вiю гд\са о_у=зрjь'лъ _е=си`, * восхо'дъ тебjь` къ 
нб\снымъ _о=би'телемъ и=справля'юща. * _е=му'же предстои'ши 
съ преподо'бными всjь'ми, * моля'ся спасти` благоче'стнjь 
вjь'рующыя въ прест~у'ю тр\оцу, * и= любоче'стнjь 
почита'ющыя * честны^я мо'щи твоя^ трудолюб_е'зныя.

%<Сла'ва, гла'съ s~:%>

%<Р%>а'дуйся, пусты'не ст~а'я и= бг~олюбе'зная, 
и=зрасти'вшая (с. 128) _о=ц~а` сего` досточу'днаго, и= 
воспита'вшая самора'сленными свои'ми бы^лiи, _е=гw'же 
житiе'мъ w=святи'вши ложесна` своя^, небу'рное приста'нище 
всjь^мъ вjь^рнымъ w=брjь'теся: то'й бо просла'ви бг~а 
добродjь'тельнымъ житiе'мъ свои'мъ, въ жи'зни се'й вjь'рнw 
послужи'въ _е=му`. сегw` ра'ди и= бг~ъ просла'ви тогw` 
чудесы` свои'ми бг~одарова'нными, _о=би^льна и=сцjьл_е'нiя 
подава'етъ приходя'щымъ съ вjь'рою къ цjьльбоно'сному 
ст~о'му _е=гw` гро'бу. тjь'мже и= мы`, w=бстоя'ще 
всечестну'ю ра'ку _е=гw`, со стра'хомъ покланя'ющеся, 
благоче'стнjь цjьлу'емъ ст~ы'й _о='бразъ священнолjь'пнагw 
_е=гw` подо'бiя, и= любе'знw вопiе'мъ къ нему`: _w 
всебл~же'нне _о='ч~е на'шъ а=нтw'нiе! моли'ся неw\тсту'пнw 
прест~jь'й тр\оцjь, во'инству дарова'ти на враги` посо'бiе 
и= крjь'пкое w=долjь'нiе и= хр\стоимени^тыя лю'ди w\т sw'лъ 
спасти` вся'ческихъ, и= душа'мъ на'шымъ и=спроси` ми'ръ и= 
ве'лiю ми'лость.

%<И= ны'нjь: Б%>ц\де, ты` _е=си` лоза`:

%<Славосло'вiе вели'кое, и= w\тпу'стъ. На лiтургi'и, 
Бл~ж_е'нна, пjь'снь г~-я и= s~-я. Прокi'менъ: Ч%>естна` 
пред\ъ гд\семъ сме'рть прп\дбныхъ _е=гw`. %<А=п\слъ къ 
гала'тwмъ, зача'ло сг~_i. _Е=v\глiе матfе'а зача'ло _i~. 
Прича'стенъ: В%>ъ па'мять вjь'чную.



%<Слу'жба прп\дбнагw _о=ц~а` на'шегw нi'ла, и='же на 
_е='зерjь селиге'рjь, на _о='стровjь зово'момъ столобно'е, 
но'вагw чудотво'рца.%>

%<На ма'лjьй вече'рни стiхи^ры, гла'съ а~. Подо'бенъ: 
Н%>б\сныхъ чинw'въ:

%<Н%>аста`, бг~оно'се, сл~нца свjьтлjь'йшiй тво'й 
пра'здникъ, w=заря'етъ приходя'щыя къ тебjь` вjь'рою, и= 
безсме'ртiемъ (с. 129) w=бл~гоуха'етъ, и= душа'мъ 
и=сточа'етъ и=сцjьле'нiе, нi'ле прп\дбне, мл~твенниче w= 
душа'хъ на'шихъ.

%<Два'жды.%>

%<Ч%>у'вств_енныя стра^сти тjьл_е'сныя о_у=кроти'въ 
воздержа'нiя брозда'ми, чудодjь'йственниче нi'ле, и= 
ре'вность безпло'тныхъ во пло'ти показа'въ, вся^ плwтска'я 
жела^нiя дх~ови повину'лъ _е=си`. тjь'мъ ны'нjь въ нб\сныхъ 
селе'нiихъ водворя'яся, моли` w= душа'хъ на'шихъ.

%<Б%>л~же'нне нi'ле, w=снова'нiе положи'въ 
добродjь'телей, и= ве'тхагw человjь'ка совле'кся съ 
похотьми`, во хр\ста` w=бле'клся _е=си` вои'стинну. тjь'мъ 
и= побjьди'лъ _е=си`, прп\дбне, мнw'гая врагw'въ 
w=полч_е'нiя, наста'вникъ мона'хwмъ бы'въ, моли` спасти'ся 
душа'мъ на'шымъ.

%<Сла'ва, гла'съ и~:%>

%<П%>рп\дбне и= бг~оно'се _о='ч~е на'шъ нi'ле, ты` 
о_у=се'рднw въ пусты'ни подвиза'лся _е=си`, любве` ра'ди 
гд\са своегw`, и= воздая'нiя ра'ди, _е='же со всjь'ми 
ст~ы'ми бу'дущихъ _е=гw` бла^гъ, и= житiе'мъ свои'мъ 
по'стническимъ, jа='кw а='гг~лъ на земли`, человjь'ки 
о_у=диви'лъ _е=си`: бjь'сы же и= всю` си'лу и='хъ 
о_у=страши'лъ _е=си`, и= востаю'щыя на тя` sлотво'рцы, 
неми'лwстивыя разбо'йники по'мощiю бж~iею посрами'лъ _е=си`. 
и= ны'нjь, прп\дбне о_у=го'дниче хр\сто'въ, _о='ч~е на'шъ 
нi'ле, моли` w= на'съ всеми'лостиваго бг~а, пода'ти ми'ръ 
мi'рови, и= душа'мъ на'шымъ ве'лiю ми'лость.

%<И= ны'нjь, бг~оро'диченъ:%>

%<На стiхо'внjь стiхи^ры, гла'съ в~. Подо'бенъ: Д%>о'ме 
_е=vфра'fовъ:

%<Д%>о'мъ и= селе'нiе _о=ц~у` безнача'льному бы'лъ 
_е=си`, прп\дбне нi'ле, _о='ч~е на'шъ, того` моли` пода'ти 
ми'ръ цр~кви _е=гw`, и= душа'мъ на'шымъ ве'лiю ми'лость.

%<Стi'хъ: Ч%>естна` предъ гд\семъ сме'рть прп\дбныхъ 
_е=гw`.

%<Д%>о'мъ и= _о=би'тель безнача'льнагw _о=ц~а` 
_е=диноро'дному сн~у бы'лъ _е=си`, прп\дбне нi'ле, _о='ч~е 
на'шъ. того` моли` душа'мъ на'шымъ пода'ти ве'лiю ми'лость. 
(с. 130)

%<Стi'хъ: Б%>лаже'нъ му'жъ, боя'йся гд\са, въ 
за'повjьдехъ _е=гw` восхо'щетъ sjьлw`.

%<Д%>о'мъ и= жили'ще дх~у прест~о'му бы'лъ _е=си`, 
прп\дбне нi'ле, _о='ч~е на'шъ. того` моли`, пода'ти ми'ръ 
всему` правосла'вiю и= душа'мъ на'шымъ ве'лiю ми'лость.

%<Сла'ва, подо'бенъ то'йже:%>

%<Д%>о'мъ и= пребыва'нiе прест~jь'й и= безнача'льнjьй 
тр\оцjь бы'лъ _е=си`, прп\дбне нi'ле, _о='ч~е на'шъ. ю='же 
моли`, ми'ръ _о=би'тели твое'й пода'ти, и= душа'мъ на'шымъ 
ве'лiю ми'лость.

%<И= ны'нjь, бг~оро'диченъ. Подо'бенъ: то'йже.%>

%<Д%>о'мъ и= хра'мъ прекра'сенъ воздви'женъ во 
_о=би'тели твое'й, прп\дбне, въ похвалу` и= сла'ву 
прест~jь'й бц\дjь мр~i'и. ю='же моли`, прп\дбне _о='ч~е 
на'шъ нi'ле, пода'ти душа'мъ на'шымъ ве'лiю ми'лость.

%<Тропа'рь, гла'съ д~:%>

%<Jа='%>кw свjьти'льникъ всесвjь'телъ, jа=ви'лся _е=си` 
во _о='стровjь селиге'ра _е='зера, прп\дбне _о='ч~е нi'ле: 
ты' бо кр\стъ хр\сто'въ w\т ю='ности своея` на ра'мо взе'мъ, 
о_у=се'рднw тому` послjь'довалъ _е=си`, чистото'ю бг~ови 
прибли'жився, w\т_ону'дуже и= чуде'съ дарова'нiемъ 
w=богати'лся _е=си`. тjь'мъ и= мы`, притека'юще къ ра'цjь 
моще'й твои'хъ, о_у=ми'льнw глаго'лемъ: _о='ч~е прп\дбне, 
моли` хр\ста` бг~а, спасти'ся душа'мъ на'шымъ.

%<Сла'ва, и= ны'нjь, бг~оро'диченъ: _Е='%>же w\т вjь'ка 
о_у=тае'нное:



%<На вели'цjьй вече'рни пое'мъ, Б%>лаже'нъ му'жъ: %<а~-й 
а=нтiфw'нъ.%>

%<На Г%>д\си, воззва'хъ, %<стiхи^ры, на и~, гла'съ д~. 
По\д: Jа='%>кw до'бля:

%<В%>ъ пусты'ню дости'глъ _е=си`, пребл~ги'мъ бг~омъ 
наставля'емь, прп\дбне _о='ч~е нi'ле, jа='кw дре'во при 
вода'хъ насажде'нъ, де'нь и= но'щь поуча'яся въ зако'нjь 
гд\сни, плоды` воздержа'нiя прине'слъ _е=си` всест~jь'й 
тр\оцjь: ю='же, прп\дбне, моли` вjь'рою притека'ющымъ къ 
ра'цjь моще'й твои'хъ (с. 131) бл~года'ть и=сцjьле'нiя 
дарова'ти, и= спасти` и= просвjьти'ти ду'шы на'шя.

%<В%>ъ пусты'ню всели'вся, пребл~ги'мъ хр\сто'мъ бг~омъ 
наста'вляемь, прп\дбне _о='ч~е нi'ле, въ не'йже jа='кw 
дре'во при вода'хъ насади'вся, и= въ зако'нjь гд\сни 
поучи'вся де'нь и= но'щь, плоды` дх~w'вныя прине'слъ _е=си` 
хр\сту` бг~у. _е=го'же моли` w= притека'ющихъ съ вjь'рою къ 
ра'цjь моще'й твои'хъ, бл~года'ть и=сцjьле'нiй дарова'ти, и= 
спасти` и= просвjьти'ти ду'шы на'шя.

%<В%>ъ пусты'ню водвори'лся _е=си` бл~года'тiю хр\ста` 
бг~а, преблаже'нне _о='ч~е нi'ле, въ не'йже jа='кw лоза` 
благопло'дная при вода'хъ насажде'нъ _е=си`, плоды` хр\сту` 
бг~у принося`, и= къ жи'зни вjь'чнjьй наставля'я вjь'рою 
пра'зднующихъ честну'ю па'мять твою`: моли` хр\ста` бг~а w\т 
тли` и= бjь'дъ и=зба'витися на'мъ, и= спасти` и= 
просвjьти'ти ду'шы на'шя.

%<Сла'ва, гла'съ и~:%>

%<П%>рп\дбне _о='ч~е нi'ле, ты` въ зако'нjь гд\сни де'нь 
и= но'щь поучи'вся, досто'инъ бы'въ дре'ва живо'тнагw 
вjь'твь бы'ти, и= пло'дъ тво'й страда'ньми и= вjьнцы^ 
процвjьте`, дерзнове'нiе и=мjь'я къ подвигополо'жнику 
хр\сту` бг~у, проси` и= на'мъ w=чище'нiя грjьхw'въ и= ве'лiя 
ми'лости.

%<И= ны'нjь, бг~оро'диченъ: Ц%>р~ь нб\сный:

%<Вхо'дъ, прокi'менъ дне`, и= чт_е'нiя г~ 
прп\дбнич_еская, пи'саны сегw` мц\са въ _е~ де'нь. На лiтi'и 
стiхи^ры, гла'съ и~:%>

%<Р%>а'дуйся, свjьти'льниче пресвjь'тлый, прп\дбне и= 
бг~оно'се _о='ч~е на'шъ нi'ле: ты` на земли`, jа='кw 
безпло'тенъ, пожи'лъ _е=си`, посто'мъ и= моли'твою бг~а 
себjь` ми'лостива сотвори'лъ _е=си`, и= да'ръ w\т негw` 
прозрjь'нiя и= пр\оро'чества прiя'лъ _е=си`, и= по 
преставле'нiи чудеса` w\т ст~ы'хъ моще'й твои'хъ, jа='кw w\т 
и=сто'чника, преиз\ъ_оби'льнw и=сточа'ются, и= съ вjь'рою 
приходя'щiи, разли'чными неду'ги w=держи'мiи, 
и=сцjьлева'ются. (с. 132) и= ны'нjь, прп\дбне _о='ч~е на'шъ 
нi'ле, моли` w= на'съ хр\ста` бг~а, пода'ти ми'ръ мi'рови и= 
душа'мъ на'шымъ ве'лiю ми'лость.

%<Р%>а'дуйся, рwссi'йскiя земли` свjьти'ло незаходи'мое, 
прп\дбне _о='ч~е на'шъ нi'ле: ты` въ пусты'ни трина'десять 
лjь'тъ, гд\са ра'ди своегw`, терпjьли'вw подвиза'лся _е=си`, 
и= плотскi^я стра^сти воздержа'нiемъ свои'мъ о_у=мертви'лъ 
_е=си`, и= въ не'й, мно'гw пострада'въ w\т нача'льника 
sло'бы, губи'теля врага`, съ ни'мъ му'жественнw бра'лся 
_е=си`, и= по'мощiю бж~iею, и= свое'ю къ бг~у те'плою 
вjь'рою, все` _е=гw` sлоко'знство, jа='кw паучи'ну, до 
конца` расто'ргнулъ _е=си`, и= посрами'лъ _е=си` всеси'льною 
по'мощiю преч\стыя бц\ды прише'дшыя на тя` sлы^я 
разбо'йники: и= ны'нjь, прп\дбне _о='ч~е на'шъ нi'ле, не 
преста'й w= на'съ моля` хр\ста` бг~а, дарова'ти ми'ръ мi'ру, 
и= душа'мъ на'шымъ ве'лiю ми'лость.

%<Р%>а'дуйся, прп\дбне _о='ч~е на'шъ нi'ле, ты` на 
_о='стровъ столобно'е, jа='кw на _о='блакъ, ра'дуяся 
возше'лъ _е=си`, и= на не'мъ моли'твою и= посто'мъ, 
чистото'ю и= бл~гоговjь'нiемъ, смире'нiемъ и= безsло'бiемъ, 
и= всjь'ми добродjь'тельми, jа='кw а='гг~лъ, подвиза'лся 
_е=си` во вре'меннjьй се'й жи'зни: два'десять бо и= се'дмь 
лjь'тъ препроводи'лъ _е=си`, соверша'я за'пwвjьди гд\сни, и= 
о_у=строя'я себjь` на нб~сjь'хъ пала^ты нерукотвор_е'ны и= 
вjь^чны, w= ни'хже рече'но бы'сть: и='хже _о='ко не ви'дjь, 
и= о_у='хо не слы'ша, и= на се'рдце человjь'ку не взыдо'ша, 
jа=`же о_у=гото'ва бг~ъ лю'бящымъ _е=го`: а='може и= 
пресели'лся _е=си` къ вjь^чнымъ _о=би'тел_емъ _о='нjьмъ, и= 
прiя'тъ тя` гд\сь съ прв\дными, и='хже житiю` послjь'довалъ 
_е=си`. ра'ка же и= ст~ы^я мо'щи твоя^, jа='кw мо'ре, съ 
вjь'рою приходя'щымъ неwску'днw и=сцjьл_е'нiя и=злива'ютъ, 
и= мно'зи мнw'гiя и= разли^чныя цjьльбы^ прiе'млютъ: 
слjьпi'и прозира'ютъ, глусi'и слы'шатъ, слукi^я 
и=справля'ются, прокаже'ннiи w=чища'ются, нjьмi'и 
бл~гоглаго'ливи быва'ютъ, бjь'си же w\т (с. 133) человjь^къ 
моли'твами твои'ми w\тбjьга'ютъ. и= ны'нjь, прп\дбне _о='ч~е 
на'шъ нi'ле, не преста'й моля'ся хр\сту` бг~у w= ста'дjь и= 
w= _о=би'тели свое'й, и= душа'мъ на'шымъ пода'ти ми'ръ и= 
ве'лiю ми'лость.

%<Сла'ва, гла'съ и~:%>

%<Ч%>то' ти принесе'мъ, прп\дбне, jа='кw неwску'днw 
и=злива'еши тре'бующымъ благода'ть; и='бо тjь'ло твое`, 
_о='ч~е, чистоты` жили'ще показа'ся. тjь'мъ и=, 
посjьще'нiемъ ст~а'гw дх~а w=зари'вшеся, нетлjь'нно въ на'ше 
благослове'нiе соблюда'ется, бл~года'тныхъ лу^чь сiя'нiй 
и=спо'лнено, и='хже бjь'сове не терпя'тъ зрjь'ти, дале'че 
w\тбjьга'ютъ, да'нныя ти` бл~года'ти трепе'щутъ: и=`хже w\т 
ду'шъ на'шихъ и= тjьле'съ w\тжени`, мо'лимся, и= ненавjь'тны 
на'съ при'снw соблюди` w\т тjь'хъ ла'янiя твои'ми 
моли'твами.

%<И= ны'нjь, бг~оро'диченъ: Р%>а'дуйся, вселе'нныя 
похвало`:

%<На стiхо'внjь стiхи^ры, гла'съ и~. Подо'бенъ: _W%> 
пресла'внагw чудесе`!

%<П%>рп\дбне и= бг~оно'се, _о='ч~е на'шъ нi'ле, ты` w\т 
ю='ности w\тве'рглся _е=си` мi'ра и= срw'дникъ свои'хъ, и= 
прiя'лъ _е=си` _о='бразъ а='гг~льскiй и='ноческагw житiя` во 
_о=би'тели ст~а'гw а=п\сла и= _е=v\глi'ста i=wа'нна 
бг~осло'ва, и= прп\дбнагw _о=ц~а` на'шегw са'ввы, и='же въ 
кри'пцахъ, и= въ не'й подвиза'вся смире'нiемъ и= 
послуша'нiемъ, jа='кw до'брый во'инъ хр\сто'въ: того` w= 
на'съ моли`, прп\дбне, со ст~ы'ми си'ми, пода'ти грjьхw'въ 
w=ставле'нiе и= душа'мъ на'шымъ ве'лiю ми'лость.

%<Стi'хъ: Ч%>естна` предъ гд\семъ сме'рть прп\дбныхъ 
_е=гw`.

%<П%>рп\дбне и= равноа'гг~льне _о='ч~е на'шъ нi'ле, ты` 
w\т ю='ности хр\ста` возлюби'въ, и= ле'гкое и='го _е=гw` на 
ся` воспрiя'лъ _е=си`, и= невозвра'тнымъ по'мысломъ 
послjь'довалъ _е=си` стопа'мъ вл\дки своегw`, и= прiя'лъ 
_е=си` w\т негw` трудw'мъ свои^мъ воздая^нiя, _е='же съ 
ни'мъ пребыва'нiе, и= со а='гг~лы ликова'нiе, и= со всjь'ми 
ст~ы'ми ра'дованiе: того` моли` w= (с. 134) на'съ, прп\дбне, 
пода'ти грjьхw'въ проще'нiе, и= душа'мъ на'шымъ ве'лiю 
ми'лость.

%<Стi'хъ: Б%>лаже'нъ му'жъ, боя'йся гд\са, въ 
за'повjьдехъ _е=гw` восхо'щетъ sjьлw`.

%<П%>рп\дбне и= бг~ому'дре _о='ч~е на'шъ нi'ле, ты` 
хр\ста` ра'ди w\т ю='ности въ пусты'ню всели'лся _е=си`, и= 
въ не'й, jа='кw безпло'тенъ, на стра^сти плотскi^я 
подвиза'лся _е=си` посто'мъ и= моли'твою, и= ст~ы'мъ 
смире'нiемъ, и= нача'льника sло'бы врага` съ кова^рствы 
_е=гw` до конца` низложи'лъ _е=си`, и= ны'нjь, прп\дбне, 
предстоя` о_у= пр\сто'ла всjь'хъ цр~я`, моли'ся w= 
почита'ющихъ свяще'нную и= многора'достную па'мять твою`, 
пода'ти грjьхw'въ w=ставле'нiе и= душа'мъ на'шымъ ве'лiю 
ми'лость.

%<Сла'ва, гла'съ то'йже:%>

%<М%>она'хwвъ мно'жества наста'вника тя` почита'емъ, 
_о='ч~е на'шъ нi'ле: твое'ю бо стезе'ю вои'стинну пра'вw 
ходи'ти позна'хомъ. блаже'нъ _е=си`, хр\сту` рабо'тавъ, и= 
вра'жiю w=бличи'лъ _е=си` си'лу, а='гг~лwвъ собесjь'дниче, 
прп\дбныхъ соприча'стниче и= пра'ведныхъ: съ ни'миже моли'ся 
гд\су, поми'ловатися душа'мъ на'шымъ.

%<И= ны'нjь, бг~оро'диченъ: Б%>езневjь'стная дв~о:

%<На благослове'нiи хлjь'бwвъ, тропа'рь ст~а'гw, 
два'жды.%>

%<Пи'санъ на ма'лjьй вече'рни, и= Б%>ц\де дв~о: 
%<_е=ди'ножды.%>



%<На о_у='трени, на Б%>г~ъ гд\сь, %<тропа'рь прп\дбному, 
два'жды. Сла'ва, и= ны'нjь, бг~оро'диченъ:%>

%<По а~-мъ стiхосло'вiи, сjьда'ленъ, гла'съ д~. По\д: 
С%>ко'рw предвари`:

%<З%>ва'нiю гд\са своегw` послjь'довалъ _е=си`, мi'ръ 
w=ста'вивъ, и= вся^, jа=`же въ мi'рjь, красова^нiя, 
преблаже'нне нi'ле, претерпjь'лъ _е=си` о_у=се'рднw 
пусты'нное w=sлобле'нiе, полки' же бjьсw'вскiя побjьди'лъ 
_е=си` му'жески: тjь'мже па'мять твою` при'снw восхваля'емъ 
пjь'сньми вjь'рнw.

%<Два'жды.%> (с. 135)

%<Сла'ва, и= ны'нjь, бг~оро'диченъ:%>

%<W=%>бнови'ла _е=си`, ч\стая, бж\ственнымъ рж\ство'мъ 
твои'мъ и=стлjь'вшее страстьми` земноро'дныхъ существо`, и= 
возста'вила _е=си` w\т сме'рти къ жи'зни нетлjь'нiя. тjь'мже 
тя` по до'лгу блажи'мъ вси`, дв~о препросла'вленная, 
jа='коже прорекла` _е=си`.

%<По в~-мъ стiхосло'вiи, сjьда'ленъ, гла'съ _е~. По\д: 
С%>обезнача'льное сло'во:

%<П%>о'стника гд\сня пjь'сньми почти'мъ, jа='кw 
о_у=мертви'вша вся^ прило'ги страсте'й воздержа'нiемъ 
тве'рдымъ и= крjь'пкимъ терпjь'нiемъ вои'стинну, и= 
посрами'вша sjьлw` сопроти'внагw всю` горды'ню, и= ны'нjь 
моля'щася гд\севи поми'ловатися душа'мъ на'шымъ.

%<Два'жды.%>

%<Сла'ва, и= ны'нjь, бг~оро'диченъ:%>

%<С%>тра'шно чу'до зача'тiя, и= несказа'ненъ _о='бразъ 
рж\ства` въ тебjь` позна'ся, ч\стая приснодв~о, о_у=жаса'етъ 
ми` о_у='мъ, и= о_у=дивля'етъ помышл_е'нiя: сла'ва твоя`, 
бц\де, всjь^мъ простре'ся на спасе'нiе ду'шъ на'шихъ.

%<По полv"еле'и сjьда'ленъ, гла'съ а~. Подо'бенъ: 
Г%>ро'бъ тво'й, сп~се:

%<П%>огре'блъ _е=си` страсте'й все` воста'нiе 
о_у=мерщвле'нiемъ пло'ти, свяще'нный _о='ч~е, жи'знь 
безконе'чную по сме'рти прiя'лъ _е=си`: тjь'мже дне'сь 
хр\сто'ва цр~ковь пра'зднуетъ твою` досточу'дную па'мять, 
прп\дбнымъ о_у=краше'нiе.

%<Два'жды.%>

%<Сла'ва, и= ны'нjь, бг~оро'диченъ:%>

%<Н%>аста'ви на'съ на пу'ть покая'нiя, о_у=клоня'ющихся 
при'снw къ безпу'тiямъ sw'лъ, и= преблага'го бг~а 
прогнjь'вающихъ, неискусобра'чная бл~гослове'нная мр~i'е, 
прибjь'жище w\тча'янныхъ человjь'кwвъ, бж~iе селе'нiе.

%<Степ_е'нна, а~-й а=нтiфw'нъ д~-гw гла'са. Прокi'менъ, 
гла'съ д~. Ч%>естна` предъ гд\семъ: %<Стi'хъ: Ч%>то` 
возда'мъ гд\севи w= всjь'хъ: %<В%>ся'кое дыха'нiе. 
%<_Е=v\глiе w\т матfе'а, зача'ло м~г.%> (с. 136)

%<По н~-мъ _псалмjь`, стiхи'ра, гла'съ и~:%>

%<П%>рп\дбне _о='ч~е нi'ле, мi'ра красоты^ и= пи^щи 
сла'дwстныя возненави'дjьвъ, и='ноческое житiе` па'че 
возлюби'лъ _е=си`, и= а='гг~лwмъ собесjь'дникъ бы'въ, 
свjьти'льникъ многосвjь'тлый jа=ви'лся _е=си` чудесми`, 
jа='кw со'лнце сiя'я. тjь'мъ всjь'хъ на'съ помина'й, 
соверша'ющихъ свяще'нную па'мять твою`: мы' бо ча^да твоя^ 
и= _о='вцы слове'сныхъ ти` о_у=че'нiй, и= тя` на по'мощь 
призыва'емъ, прося'ще тобо'ю прiя'ти ми'ръ и= ве'лiю 
ми'лость.

%<Канw'нъ бц\ды, со i=рмосо'мъ, на s~, и= ст~о'му 
_е=ди'нъ канw'нъ, на и~.%>

%<Гла'съ д~. Пjь'снь а~. I=рмо'съ:%>

%<W\т%>ве'рзу о_у=ста` моя^, и= напо'лнятся дх~а, и= 
сло'во w\тры'гну цр~и'цjь мт~ри, и= jа=влю'ся свjь'тлw 
торжеству'я? и= воспою` ра'дуяся тоя` чудеса`.

%<С%>мири'лся _е=си` хр\ста` ра'ди, _о='ч~е нi'ле, и= 
кр\стъ взе'мъ, _о=те'чества и= срw'дникъ бjь'глъ _е=си`: 
w\тню'дуже въ пусты'ню вше'дъ, и= въ не'й трудолю'бнw 
подвиза'лся _е=си`, прп\дбне.

%<W\т%> ю='ности своея`, _о='ч~е нi'ле, о_у='мъ къ бг~у 
впери'въ, и= тлjь'нными нетлjь^нная, jа='кw до'брый купе'цъ, 
и=скупи'лъ _е=си`: тjь'мже, ны'нjь соше'дшеся, па'мять твою` 
почита'емъ.

%<Х%>р\сто'вымъ раче'нiемъ, _о='ч~е нi'ле, па'че _о=гня` 
распала'емь, настоя^щая, jа='кw ничто'же су'щи, презрjь'лъ 
_е=си`: и= тогw` ра'ди въ поко'ище всели'ся, и=дjь'же 
пра'ведныхъ ду'шы веселя'тся.

%<Бг~оро'диченъ:%>

%<Б%>оля'ща и=сцjьли` душе'ю же и= тjь'ломъ, вл\дчце, 
раба` твоего`, бл~же'ннагw нi'ла моле'нiемъ: тебе' бо 
предста'тельницу вси` су'щiи въ печа'лjьхъ стяжа'хомъ, 
jа='кw ро'ждшую спасе'нiе на'ше.

%<Катава'сiа: Х%>р\сто'съ ражда'ется:

%<Пjь'снь г~. I=рмо'съ:%>

%<Т%>воя^ пjьсносло'вцы, бц\де, живы'й и= незави'стный 
и=сто'чниче, ли'къ (с. 137) себjь` совоку'пльшыя, духо'внw 
о_у=тверди`, въ бж\ственнjьй твое'й сла'вjь, вjьнц_е'въ 
сла'вы сподо'би.

%<С%>на` твои^мъ _о=чес_е'мъ не да'лъ _е=си`, бл~же'нне 
нi'ле, ни вjь'ждwмъ дрема'нiя, до'ндеже сподо'бился _е=си` 
пра'ведныхъ селе'нiя, jа=`же о_у=гото'ва бг~ъ лю'бящымъ 
_е=го`.

%<Б%>о'дренными твои'ми моли'твами, _о='ч~е нi'ле, и= 
жесто'кимъ воздержа'нiемъ бг~у на земли` до'брjь о_у=годи'лъ 
_е=си`: и= сегw` ра'ди бы'въ стра'шенъ врагw'мъ и= сла'венъ 
человjь'кwмъ.

%<Р%>а'йскую жи'знь, и= та'мw ст~ы^мъ весе'лiе, всегда` 
во о_у=мjь` свое'мъ помышля'я, прп\дбне, тjь'мже во слеза'хъ 
и= въ воздыха'нiи всю` жи'знь свою`, _о='ч~е нi'ле, проше'лъ 
_е=си`: и= сегw` ра'ди по сме'рти w\т хр\ста` чудесы` 
просла'вися.

%<Бг~оро'диченъ:%>

%<И=%>сточа'еши и=сцjьле'нiемъ струи^ боля'щымъ, дв~о, 
всю'ду: тя' бо и=сто'чникъ показа` и=сцjьле'нiй, вл\дчце, 
и='же ми'лости гд\сь, и=зъ теб_е` рожде'йся па'че о_у=ма`.

%<Сjьда'ленъ, гла'съ д~. Подо'бенъ: С%>ко'рw предвари`:

%<С%>тра'стное покори'лъ _е=си` плотско'е мудрова'нiе, 
и= ху'ждшее порабо'тилъ _е=си` лу'чшему, _о='ч~е нi'ле 
пресла'вне, сокруши'лъ _е=си` бjьсw'вскiя кw'зни посто'мъ, 
и= возсiя'лъ _е=си` въ мi'рjь, jа='кw луча` со'лнечная, 
сiя^нiи твои'хъ добродjь'телей: сегw` ра'ди тя` 
воспjьва'емъ.

%<Два'жды.%>

%<Сла'ва, и= ны'нjь, бг~оро'диченъ:%>

%<С%>тjьна` непобjьди'мая на'мъ хр\стiа'нwмъ _е=си`, 
бц\де дв~о, къ тебjь` прибjьга'юще невреди'ми пребыва'емъ, 
и= па'ки согрjьша'юще, и='мамы тя` моли'твенницу. тjь'мъ 
благодаря'ще вопiе'мъ ти`: ра'дуйся, бл~года'тная, гд\сь съ 
тобо'ю.

%<Пjь'снь д~. I=рмо'съ:%>

%<С%>jьдя'й въ сла'вjь на пр\сто'лjь бж\ства`, во 
_о='блацjь ле'гцjь прiи'де i=и~съ пребж\ственный, 
нетлjь'нною дла'нiю, и= спасе` зову'щыя: сла'ва, хр\сте`, 
си'лjь твое'й. (с. 138)

%<Ж%>итiе` свое`, _о='ч~е нi'ле, чу'дно на земли` 
показа'лъ _е=си`, вели'ко поще'нiе и= смире'нiе: и= сегw` 
ра'ди на нб~сjь'хъ жи'знь вjь'чную наслjь'довалъ _е=си`, 
моли` спасти'ся w\т бjь'дъ пою'щымъ тя`.

%<С%>v"меw'на вели'кагw, на столпjь` жи'вшагw, житiю` 
послjь'дуя, прп\дбне: тjь'мже тогw`, _е=ли'кw мо'щно, 
и=менова'нiе w\т житiя` стяжа'лъ _е=си`, нi'ле пребога'те.

%<П%>осто'мъ и= моли'твами тjь'ло твое`, _о='ч~е нi'ле, 
и=знури'лъ _е=си`, и= сегw` ра'ди сподо'бился _е=си` 
ви'дjьти неизреч_е'нная блага^я, jа=`же ст~ы^мъ 
о_у=готw'вана: съ ни'миже, _о='ч~е нi'ле, w= на'съ моли'ся.

%<Бг~оро'диченъ:%>

%<П%>окро'въ и= заступле'нiе и= прибjь'жище бу'ди ми`, 
дв~о, рабу` твоему`, и=сцjьли' мя w\т безмjь'рныхъ sw'лъ, 
воспjьва'ти, преч\стая: сла'ва рж\ству` твоему`.

%<Пjь'снь _е~. I=рмо'съ:%>

%<О_у=%>жасо'шася вся'ч_еская w= бж\ственнjьй сла'вjь 
твое'й: ты' бо, неискусобра'чная дв~о, и=мjь'ла _е=си` во 
о_у=тро'бjь надъ всjь'ми бг~а, и= родила` _е=си` 
безлjь'тнаго сн~а, всjь^мъ воспjьва'ющымъ тя`, ми'ръ 
подава'ющая.

%<Ч%>и'сто житiе` твое` w\т ю='ности потща'лся _е=си`, 
прп\дбне, сохрани'ти: тjь'мже, чистоту` твою` ви'дjьвъ, 
прест~ы'й дх~ъ въ тя` всели'ся.

%<Jа='%>кw преwби'дjьвъ тлjь^нная, вjь^чныя, _о='ч~е, 
сподо'бился _е=си` прiя'ти, по нело'жному словеси`: 
проси'те, и= прiи'мете. тjь'мже jа='кw проси'лъ, сiя^ по 
досто'инству прiя'лъ _е=си`.

%<М%>jь'сто w=святи'ся, на не'мже честны^я мо'щи твоя^ 
положи'шася, прп\дбне, и= по мнw'гимъ страна'мъ 
прославля'емо _е='сть, jа='кw въ себjь` мо'щи твоя^ 
и=му'щее.

%<Бг~оро'диченъ:%>

%<Н%>е преста'й моля'щи, _е=го'же родила` _е=си`, 
бг~оневjь'сто, jа='кw сп~са и= вл\дку, разрjьше'нiе ми` 
пода'ти скорбе'й, и= (с. 139) болjь'зней w=блегче'нiе: 
jа='кw да прiиму` проще'нiе, пjьсносло'вя тя` во вjь'ки.

%<Пjь'снь s~. I=рмо'съ:%>

%<Б%>ж\ственное сiе` и= всечестно'е соверша'юще 
пра'зднество, бг~ому'дрiи, бг~ома'тере, прiиди'те, рука'ми 
воспле'щимъ, w\т нея` ро'ждшагося бг~а сла'вимъ.

%<Т%>вое` вели'кое житiе` и= чистоту`, къ си^мъ же 
безмjь'рное смире'нiе прови'дjьвъ прест~ы'й дх~ъ, сла'вна 
тя`, _о='ч~е, показа`: тjь'мже, w\т сегw` житiя` ко _о='ному 
преше'дъ, получи'лъ _е=си` съ пра'ведными та'мw весе'лiе.

%<Д%>не'сь наста'вши свяще'нная па'мять твоя`, прп\дбне 
нi'ле, весели'тъ о_у=ченики` твоя^, воспjьва'ющыя любо'вiю 
по'двиги твоя^, и=`же, честно'е твое` о_у=спе'нiе сла'вяще, 
торжеству'ютъ, и=`хже моли'твами твои'ми, _о='ч~е, соблюди`.

%<Р%>азбо'йницы и=ногда` прiидо'ша тебе` w=скорби'ти, 
прп\дбне, но ты`, тjь'хъ лука'вство разумjь'въ, превjь'чнагw 
хр\ста` бг~а си'лою, и= преч\стыя _е=гw` мт~ре по'мощiю, 
си'хъ не'мwщны сотвори'лъ _е=си`, и=`же, не могу'ще тебjь` 
проти'витися, стра'хомъ w\тбjьго'ша, побjьжде'ни па'че 
бы'вше, не'жели побjьди'ша.

%<Бг~оро'диченъ:%>

%<Т%>вою` по'мощь да'ждь ми`, и= и=зба'ви мя` w\т 
бjь'дъ, и= скорбе'й, и= прегрjьше'нiй мои'хъ, jа='же всjь'хъ 
ро'ждши и=збавле'нiе.

%<Конда'къ, гла'съ и~:%>

%<_О=%>те'чества, прп\дбне, о_у=дали'вся, въ пусты'ню 
всели'лся _е=си`, и= на _о='стровъ селиге'ра _е='зера 
возше'дъ, жесто'ко житiе` показа'лъ _е=си`, и= мно'гихъ 
добродjь'тельми о_у=диви'въ, дарова^нiя чуде'съ w\т хр\ста` 
прiя'лъ _е=си`. помина'й на'съ, чту'щихъ па'мять твою`, да 
зове'мъ ти`: ра'дуйся, нi'ле, _о='ч~е на'шъ.

%<I='косъ:%>

%<В%>озлюби'въ, прп\дбне, хр\стw'вы бж\ств_енныя 
за'пwвjьди, и= возненави'дjьвъ мi'ра сегw` наслажде'нiе, 
прите'клъ _е=си` о_у=се'рднw къ тому`, и= бы'лъ _е=си` 
свjьти'льникъ, просвjьща'яй (с. 140) концы` блиста'нiемъ 
духо'внымъ. тjь'мъ, припа'дая, молю` тя`: просвjьти' ми 
_о='чи серд_е'чныя, воспjь'ти твоя^ по'двиги, поще'нiе, 
бдjь'нiе, сле'зы, болjь^зни, и=знуре'нiе тjь'ла, блаже'нныя 
ра'ди бу'дущiя жи'зни, _е=я'же ны'нjь наслажда'яся, моли` 
непреста'ннw w= всjь'хъ на'съ.

%<Пjь'снь з~. I=рмо'съ:%>

%<Н%>е послужи'ша тва'ри бг~ому'дрiи па'че созда'вшагw, 
но _о='гненное преще'нiе му'жески попра'вше, ра'довахуся 
пою'ще: препjь'тый _о=ц~_е'въ гд\сь и= бг~ъ, благослове'нъ 
_е=си`.

%<И=%>сточа'етъ чудеса` честна'я ра'ка твоя`, прп\дбне, 
преиз\ъwби'лующи благода'тiю, вjь'рою приходя'щымъ здра'вiе 
да'руетъ, хр\сту` w\т души` вопiю'щымъ: бл~гослове'нъ бг~ъ 
_о=тц_е'въ на'шихъ.

%<Д%>ре'внихъ _о='нjьхъ и= вели'кихъ _о=тц_е'въ, въ 
постjь` просiя'вшихъ, житiю` подо'бяся, прп\дбне, въ 
пусты'ню всели'лся _е=си`, и= та'мw въ поще'нiихъ мнw'га 
лjь^та пребы'лъ _е=си`, нi'ле, _о='ч~е на'шъ.

%<Jа='%>кw и='стиннагw и= кро'ткагw пастыренача'льника 
хр\ста` неsло'бивое _о=вча`, _о='ч~е нi'ле, бы'лъ _е=си`. 
тjь'мже неsло'бивъ хотя'щымъ тебе` w=sло'бити jа=ви'лся 
_е=си`, хр\сту` вопiя`: бл~гослове'нъ бг~ъ _о=тц_е'въ 
на'шихъ.

%<Бг~оро'диченъ:%>

%<W=%>бощр_е'ны болjь^зни ра'намъ мои^мъ w\т 
безмjь'рныхъ мои'хъ прегрjьше'нiй, вл\дчце, веду'тъ въ 
сме'рть душе'вную и= тjьле'сную: но и=схи'ти, jа='кw 
си'льна, вся'кихъ скорбе'й и= неду^гъ.

%<Пjь'снь и~. I=рмо'съ:%>

%<_О='%>троки благочести^выя въ пещи` рж\ство` 
бг~оро'дичо спасло` _е='сть: тогда` о_у='бw w=бразу'емое, 
ны'нjь же дjь'йствуемое, вселе'нную всю` воздвиза'етъ пjь'ти 
тебjь`: гд\са по'йте дjьла`, и= превозноси'те _е=го` во вся^ 
вjь'ки.

%<И=%>здjь'тска, прп\дбне _о='ч~е, потща'лся _е=си` 
свою` со'вjьсть (с. 141) и= се'рдце съ душе'ю чи'сто гд\су 
предста'вити. тjь'мъ и= хр\сто'съ чудесы` тебе` 
прославля'етъ, тому` вопiю'ща: гд\са воспjьва'йте дjьла`, и= 
превозноси'те _е=го` во вjь'ки.

%<Н%>ы'нjь пусты'ня весе'лiемъ красу'ется, _о='ч~е, 
и=му'щи мо'щи твоя^ въ себjь`, нi'ле прп\дбне: о_у=ченицы' 
же твои`, твоему` житiю` ревну'юще, w= твое'й па'мяти 
ра'дующеся, творцу` вопiю'тъ: гд\са воспjьва'йте дjьла`, и= 
превозноси'те _е=го` во вjь'ки.

%<В%>ъ пусты'ню, прп\дбне, и=дjь'же селе'нiе и=мjь'лъ 
_е=си`, прече'стенъ хра'мъ во сла'ву бг~оявле'нiя гд\сня 
воздви'глъ _е=си`, въ не'мже прославля'ется преч\стое тогw` 
и='мя, и= вси` вопiю'тъ: гд\са воспjьва'йте дjьла`, и= 
превозноси'сте _е=го` во вjь'ки.

%<Бг~оро'диченъ:%>

%<С%>вjьти'льникъ свjь'та трисо'лнечнагw су'щи, заре'ю 
бл~гоутро'бiя твоегw`, тму` w\тими` прегрjьше'нiй мои'хъ, 
бг~ороди'тельнице, и=збавле'нiе ну'ждныхъ болjь'зней 
подаю'щи, вjь'рою превознося'щему преч\стое твое` рж\ство`.

%<Пjь'снь f~. I=рмо'съ:%>

%<В%>ся'къ земноро'дный да взыгра'ется, дх~омъ 
просвjьща'емь, да торжеству'етъ же безпло'тныхъ о_у=мw'въ 
_е=стество`, почита'ющее свяще'нное торжество` бг~ома'тере, 
и= да вопiе'тъ: ра'дуйся, всеблаже'нная бц\де, ч\стая 
приснодв~о.

%<Б%>ога'тство и= пи'ща, похвала` и= ра'дость прп\дбнымъ 
_е=си`, хр\сте` бж~е, _е=го'же возлюби'въ прп\дбный нi'лъ, 
вся^, jа=`же въ мi'рjь кра^сная, нивочто'же вмjьни`: тjь'мже 
наслажда'ется твоея` красоты` во бл~же'нномъ свjь'тjь.

%<С%>трастьми` коле'блющихся, и= бу'рею грjьхо'вною 
погружа'емыхъ, jа='кw дерзнове'нiе и=мjь'яй ко гд\су, 
всегда` сохраня'й благоче'стнw тя` воспjьва'ющихъ и= 
прославля'ющихъ.

%<W=%>блиста'въ заре'ю, просiя'лъ _е=си` духо'внw, и= 
jа=ви'лся _е=си` вы'шнему ликостоя'нiю свjь'телъ: w=зари' ми 
о_у='мъ, (с. 142) бл~же'нне, трисiя'ннымъ свjь'томъ 
бж~ества`, и= w\т страсте'й мя` и=зба'ви моли'твами твои'ми.

%<Бг~оро'диченъ:%>

%<Т%>ы` _е=си` вjь^рнымъ похвала`, безневjь'стная, ты` 
заступле'нiе и= свяще'нное прибjь'жище хр\стiа'нwмъ: къ сн~у 
бо своему` и= бг~у мольбы^ но'сиши, всенепоро'чная, и= w\т 
бjь'дъ спаса'еши, вjь'рою и= любо'вiю бц\ду ч\стую тя` 
воспjьва'ющихъ и= велича'ющихъ.

%<Свjьти'ленъ. Подо'бенъ: Н%>е'бо sвjьзда'ми:

%<П%>осто'мъ тече'нiе твое` соверши'въ, на нб~са` 
возше'лъ _е=си`, и= хр\сту` бг~у предстои'ши: нi'ле _о='ч~е 
прп\дбне, за ны` моли'ся, те'плjь пою'щихъ тя`.

%<Два'жды.%>

%<Сла'ва, и= ны'нjь, бг~оро'диченъ:%>

%<Р%>а'дость неизрече'нную ро'ждши гд\са, ра'дости 
нб\сныя прича'стникwвъ всjь'хъ на'съ сотвори`, тебе` 
почита'ющихъ, преч\стая, и= w\т души` вопiю'щихъ ти`: не 
забу'ди твоя^ рабы^, бл~гослове'нная мр~i'е.

%<На хвали'техъ стiхи^ры, гла'съ д~. Подо'бенъ: Д%>а'лъ 
_е=си` зна'менiе:

%<С%>вjьтлjь'йшiй со'лнца просiя` всепра'зднственная 
па'мять твоя`, преподо'бне, луча'ми блиста'ющи твои'хъ 
добродjь'тельныхъ дjья'нiй, и= w=заря'ющи вjь'рныхъ чу^вства 
свjь'томъ чуде'съ твои'хъ: сiю` о_у='бw пра'зднующе, 
ра'достнw тя` восхваля'емъ и= вjь'рнw о_у=блажа'емъ.

%<Два'жды.%>

%<Jа='%>коже а='гг~лъ на земли` пожи'лъ _е=си`, 
воздержа'нiемъ тjь'ло твое` о_у=вяди'въ, сла'вне, бдjь'нiемъ 
же и= па'мятiю сме'ртною къ верхо'вному бг~омы'слiю возше'лъ 
_е=си`: тjь'мъ и= прибли'жился _е=си` къ самому` 
краеуго'льному ка'меню хр\сту`, бг~у на'шему.

%<С%>тра^сти тjьл_е'сныя прилjь'жнымъ моле'нiемъ къ бг~у 
и= воздержа'нiемъ о_у=кроти'лъ _е=си`, sмi'я льсти'ваго 
сле'зными потw'ки о_у=мертви'лъ _е=си`, _о='ч~е прп\дбне, и= 
о_у=годи'лъ _е=си` (с. 143) бг~у па'че и=нjь'хъ, 
досточу'дне: тjь'мъ тя` о_у=краси` нб\сными дарова'ньми 
i=и~съ чл~вjьколю'бецъ и= сп~съ ду'шъ на'шихъ.

%<Сла'ва, гла'съ _е~:%>

%<П%>рп\дбне _о='ч~е нi'ле, гла'съ _е=v\гльскiй гд\сень 
о_у=слы'шавъ, мi'ра w=ста'вилъ _е=си` красоту`, бога'тство 
и= сла'ву нивочто'же вмjьни'лъ _е=си`, всjь^мъ вопiя`, 
глаго'ля: возлюби'те бг~а, и= w=бря'щете благода'ть 
вjь'чную, и= ничто'же предпочти'те па'че любве` _е=гw`: да 
_е=гда` прiи'детъ во сла'вjь свое'й, w=бря'щете поко'й со 
всjь'ми ст~ы'ми, и='хже моли'твами, хр\сте`, сохрани` и= 
спаси` ду'шы на'шя.

%<И= ны'нjь, бг~оро'диченъ:%>

%<Б%>лажи'мъ тя`, бц\де дв~о, и= сла'вимъ тя` вjь'рнiи 
по до'лгу, гра'дъ непоколеби'мый, стjь'ну неwбори'му, 
тве'рду предста'тельницу и= прибjь'жище душа'мъ на'шымъ.

%<Славосло'вiе вели'кое. И= w\тпу'стъ. На лiтургi'и 
Бл~ж_е'нна, w\т канw'на ст~а'гw, пjь'снь г~ и= s~. 
Прокi'менъ гла'съ з~: Ч%>естна` предъ гд\семъ сме'рть 
прп\дбныхъ _е=гw`. %<Стi'хъ: Ч%>то` возда'мъ гд\севи w= 
всjь'хъ: %<А=п\слъ къ корi'нfянwмъ, зача'ло р_о~s. 
А=ллилу'iа, гла'съ s~: Б%>лаже'нъ му'жъ, боя'йся гд\са: 
%<_Е=v\глiе луки`, зача'ло к~д. Прича'стный: В%>ъ па'мять 
вjь'чную: