Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::слав>

(с. 290)

%<Мjь'сяца тогw'же въ и~_i-й де'нь.%>

%<Ст~а'гw му'ченика севастiа'на, и= дружи'ны _е=гw`.%>

%<И= пра'веднагw сv"меw'на верхоту'рскагw.%>

%<С%>лу'жба _е=гw` пи'сана септе'мврiа, в~_i дне`.

%<Подоба'етъ вjь'дати: jа='кw недjь'ля предъ рж\ство'мъ 
хр\сто'вымъ ст~ы'хъ _о=т_е'цъ пjь'ти начина'ется w\т и~_i-гw 
мjь'сяца сегw`, и= восхо'дитъ до к~д-гw дне`.%>

%<На Г%>д\си, воззва'хъ, %<стiхи^ры, гла'съ а~. По\д: 
В%>сехва'льнiи мч~ницы:

%<К%>рове'й твои'хъ честны'хъ _о=багре'ньми, му'чениче, 
* о_у=стро'илъ _е=си` тебjь` самому` порфv'ру многоцjь'нну, 
* въ ню'же w=дjь'явся, * живе'ши вои'стинну * въ вы'шнjьмъ 
цр\ствiи, * бг~у всецр~ю` предстоя`. * того` моли`, * 
дарова'ти душа'мъ на'шымъ * ми'ръ и= ве'лiю ми'лость.

%<С%>ъ севастiа'номъ стра'ждетъ зwи`, * ма'ркъ и= 
маркеллi'нъ, * и= бг~ому'дрый тiву'ртiй, * претерпjь'вше 
треволн_е'нiя болjь'зней: * и= ны'нjь всели'шася къ 
неболjь'зненному * и= бж\ственному о_у=покое'нiю, * въ 
не'мже мо'лятся, * дарова'ти душа'мъ на'шымъ * ми'ръ и= 
ве'лiю ми'лость.

%<Н%>епобjьди'мiи му'ч_еницы, * земли` земна^я 
w=ста'вльше, * къ нб~с_е'мъ востеко'сте, * ва'шими ра'нами 
о_у=кра'шени, * и= честны'ми страда^нiи * свjь'тлw 
о_у=пещре'ни, блаже'ннiи. * тjь'мже моли'теся, * дарова'ти 
душа'мъ на'шымъ * ми'ръ и= ве'лiю ми'лость.

%<Стiхи^ры бц\ды, гла'съ и= подо'бенъ то'йже:%>

%<Н%>етлjь'ннw родила` _е=си` бг~а, * тлю` 
потреби'вшаго, и= нетлjь'нiе и=сточи'вшаго, * нетлjь'нная 
непоро'чная. * тjь'мже молю` тя`: * лю'тыми и=стлjь'вшаго 
мя`, * моли'твами твои'ми, ч\стая, w=бнови`: * да сла'влю 
тя`, да любо'вiю велича'ю тя`, * ро'дъ на'шъ возвели'чившую. 
(с. 291)

%<В%>сепjь'тая вл\дчце, * наде'жде вjь'рныхъ и= 
о_у=твержде'нiе, * прибjь'жище и= по'мощь, тя` мо'лимъ: * 
w\т вся'кихъ бjь'дъ рабы^ твоя^ сохрани`, * вjь'рою 
покланя'ющыяся рж\ству` твоему`. * хр\сту` моли'ся, 
дарова'ти, * душа'мъ на'шымъ * ми'ръ и= ве'лiю ми'лость.

%<О_у=%>вы` мнjь`, что` бу'ду, * о_у='мъ и= ду'шу и= 
тjь'ло w=скверни'въ прегрjьше'ньми; * что` сотворю`; * ка'кw 
же и=збjь'гну пла'мене негаси'магw, * нерjьши'мыхъ о_у='зъ 
и= вjь'чныхъ; * но, _w всенепоро'чная! пре'жде конца` 
о_у=моли` сн~а твоего`, * пода'ти ми` w=ставле'нiе.

%<Сла'ва, и= ны'нjь, бг~оро'диченъ:%>

%<_О='%>гнь бж\ства`, * хр\ста` во о_у=тро'бjь носи'ла 
_е=си`, * _е=го'же ны'нjь моли`, всеч\стая, * 
о_у=добозапали'мую ве'щь * страсте'й мои'хъ о_у=гаси'ти 
всю`, * и= и=зба'вити мя` _о=гня` вjь'чнующагw, * и= 
свjь'тлости пра'ведныхъ сподо'бити мя`, * _е=гда` прiи'детъ 
суди'ти вся'ч_еская.

%<Кр\стобг~оро'диченъ:%>

%<Д%>в~а нескве'рная * и=ногда` на дре'вjь ви'дjьвши, * 
_е=го'же роди` и=зъ безсjь'менныя о_у=тро'бы, * не терпя'щи 
о_у=тро'бнагw о_у=язвле'нiя, * власы` терза'ющи глаго'лаше: 
* ма'нiемъ содержа'й тва'рь всю`, * ка'кw jа='кw 
w=сужде'нный * на кр\стъ вознесе'нъ _е=си`, * вся'кw хотя'й 
спасти` человjь'чество;

%<Тропа'рь, гла'съ д~:%>

%<М%>у'ч_еницы твои`, гд\си, во страда'нiихъ свои'хъ 
вjьнцы` прiя'ша нетлjь^нныя w\т теб_е` бг~а на'шегw: и=му'ще 
бо крjь'пость твою`, мучи'телей низложи'ша, сокруши'ша и= 
де'мwнwвъ немwщны'я де'рзwсти: тjь'хъ моли'твами спаси` 
ду'шы на'шя. (с. 292)

%<На о_у='трени _о='ба канw'на _о=ктw'иха: И= ст~ы'хъ 
канw'нъ, на д~. _Е=гw'же краегране'сiе: Б%>ж\ственную че'сть 
тебjь`, мч~ниче, му'дреннw даю`.

%<Творе'нiе i=w'сифово.%>

%<Гла'съ а~. Пjь'снь а~. I=рмо'съ:%>

%<Т%>воя` побjьди'тельная десни'ца бг~олjь'пнw въ 
крjь'пости просла'вися: та' бо, безсме'ртне, jа='кw 
всемогу'щая, проти^вныя сотре`, i=и~льтянwмъ пу'ть глубины` 
новосодjь'лавшая.

%<Б%>ж\ственными о_у=ясня'емь заря'ми честны'я тр\оцы, 
приснопа'мятне, вjь'рою чту'щыя твое` свjьтоза'рное и= 
свяще'нное торжество`, твои'ми моли'твами свjь'та 
прича'стники покажи`.

%<И=%>мjь'я по'мыслъ свjьтови'денъ, и= прiя'тенъ 
честны'хъ w=сiя'нiй, _е=ди'наго возжелjь'лъ _е=си` 
вои'стинну су'щаго, jа='кw смы'сленъ и= му'дръ, му'чениче 
страстоте'рпче, и= сего` вjь'рою получи'лъ _е=си`.

%<П%>w'ты бж\ственными и='стиннw плотска^я мудрова^нiя 
w=черни'лъ _е=си`, кровьми` страда'нiя му^тныя пото'ки 
и=зсуши'лъ _е=си` многобо'жiя, бг~ому'дре му'чениче 
пребога'те.

%<П%>о'лкъ приве'лъ _е=си` страда'льц_евъ о_у=ч_е'нiи 
твои'ми бж\ственными зижди'телю, вся'кое sлоче'стiе 
гони'телей низложи'въ бл~года'тiю ст~а'гw дх~а, съ ни'миже 
мо'лишися спасти'ся на'мъ.

%<Бг~оро'диченъ:%>

%<М%>ла'да породила` _е=си` сн~а, пре'жде вjь^къ со 
_о=ц~е'мъ су'щаго, _е=стества` w=бно'вльшая зако'ны, ч\стая 
дв~о мт~и преч\стая, преесте'ственнымъ честны'мъ и= 
бж\ственнымъ рж\ство'мъ твои'мъ.

%<Пjь'снь г~. I=рмо'съ:%>

%<_Е=%>ди'не вjь'дый человjь'ческагw существа` не'мощь, 
и= ми'лостивнw въ не` воwбра'жся, препоя'ши мя` съ высоты` 
си'лою, _е='же вопи'ти тебjь`, ст~ы'й, w=душевле'нный 
хра'ме, неизрече'нныя сла'вы твоея`, чл~вjьколю'бче. (с. 
293)

%<В%>о'инство веды'й честно'е, бж\ственными _о=ру^жiи 
вjь'ры о_у=твержде'нно, му'чениче непобjьди'ме, w=полч_е'нiя 
борца` и= кова^рствiя мучи'телей вся^ низложи'сте си'лою 
дх~а.

%<О_у=%>тверди'въ на ка'мени о_у='мнjьмъ восхожд_е'нiя 
се'рдца твоегw` благочестному'дреннw, му'чениче 
многострада'льне, не преврати'лся _е=си` кова^рствы 
льсти'вагw sмi'я: но всjь^мъ о_у=твержде'нiе благоче'стiя въ 
ду'сjь бы'лъ _е=си`.

%<Ч%>ленw'въ бод_е'нiя лю^тая претерпjь'лъ _е=си` 
свя'занъ, и= на дре'вjь, му'чениче, протяза'емь: бг~а же 
бж\ственною си'лою, сла'вне, неврежде'нъ, всецjь'лъ а='бiе 
показа'лся _е=си`, посрамля'я вра^жiя кова^рствiя.

%<Бг~оро'диченъ:%>

%<С%>вяще'нiе jа=ви'лся _е=си` мы'сленное, вся^ 
w=свяща'ющагw и= чи'сто, всенепоро'чная, селе'нiе: и=зъ 
теб_е' бо jа=ви'ся бг~ъ воплоща'емь, и= сугу'бъ 
_е=стество'мъ мi'ру познава'емь, во _е=ди'ной v=поста'си, 
бг~оневjь'сто.

%<Сjьда'ленъ, гла'съ д~. Подо'бенъ: В%>ознесы'йся на 
кр\стъ:

%<К%>рове'й твои'хъ w=багр_е'нiи w=мочи'лъ _е=си` 
страда'нiя _о=де'жду, w=дjь'ялся _е=си`, jа='коже 
багряни'цею честно'ю, севастiа'не. тjь'мже и= всели'лся 
_е=си` со хр\сто'мъ въ вы'шнее безконе'чное цр\ство, съ 
страда'вшими съ тобо'ю, и= вjьнцы` прiя'лъ _е=си`, му'дре, 
съ ни'миже лику'я, на'съ при'снw помина'й.

%<Сла'ва, и= ны'нjь, бг~оро'диченъ:%>

%<И='%>же на пр\сто'лjь херувi'мстjьмъ сjьдя'й, и= въ 
нjь'дрjьхъ _о='ч~ихъ водворя'яся, jа='кw на пр\сто'лjь 
ст~jь'мъ сjьди'тъ свое'мъ, вл\дчце, въ нjь'дрjьхъ твои'хъ: 
вопло'щся бо бг~ъ вои'стинну, воцр~и'ся надъ всjь'ми 
jа=зы^ки, и= разу'мнw ны'нjь пои'мъ _е=му`: _е=го'же 
о_у=моли` спасти'ся рабw'мъ твои^мъ.

%<Кр\стобг~оро'диченъ:%>

%<И=%>зъ безнача'льнагw _о=ц~а` рожде'ннаго, 
напослjь'докъ тя` пло'тiю ро'ждшая, на кр\стjь` ви'сяща 
зря'щи, хр\сте`, о_у=вы` мнjь`, любе'знjьйшiй i=и~се, 
вопiя'ше: ка'кw сла'вимый jа='кw (с. 294) бг~ъ w\т а='гг~лъ, 
w\т беззако'нныхъ ны'нjь человjь^къ, сн~е, хотя` 
распина'ешися; пою' тя, долготерпjьли'ве.

%<Пjь'снь д~. I=рмо'съ:%>

%<Г%>о'ру тя`, бл~года'тiю бж~iею приwсjьне'нную, 
прозорли'выма а=вваку'мъ о_у=смотри'въ _о=чи'ма, и=зъ теб_е` 
и=зы'ти i=и~леву провозглаша'ше ст~о'му, во спасе'нiе на'ше 
и= w=бновле'нiе.

%<М%>о'щь тебjь`, тiву'ртiе, да'руетъ гд\сь не'мощiю 
плотско'ю побори'ти врага`: _о=гню' бо распаля'ему, 
ю='ношески вше'лъ _е=си`, му'чениче крjьпча'йше, и= нб\сную 
ро'су воспрiя'лъ _е=си`.

%<С%>овокупи'лся _е=си` съ го'рними служи'т_ели, _w 
тiву'ртiе! jа='кw послужи'въ хр\сту`, и= возне'слъ _е=си` 
чи^сты ж_е'ртвы въ ду'сjь, священнодjь'телю, му'ченикwвъ 
сла'ва и= хвала`: сегw` ра'ди ра'достнw тя` почита'емъ.

%<П%>ра'вjь повjь'шенъ, и= _о=стны` стру'жемь, и= 
sjь'льными ра^нъ w=кружа'емь стремле'ньми, и= въ ро'вjь 
засыпа'емь, и= въ не'мъ бж\ственную кончи'ну прiе'мъ, 
доблему'дренный ра'довашеся касту'лъ.

%<В%>рач_ева'нiя въ дс~jь ст~jь'мъ, бл~же'нне, 
соверша'я, ко просвjьще'нiю зря'щымъ благоче'стнw лю'демъ, 
спасе'нiе благолjь'пнw, севастiа'не, возвjьсти'лъ _е=си`, 
му'ченически же тече'нiе соверши'лъ _е=си`.

%<Бг~оро'диченъ:%>

%<_Е=%>ди'ну тя` w\т всjь'хъ родw'въ и=збра` 
пресу'щественный бг~ъ и= w=существова'ся ра'ди на'съ бы'въ 
чл~вjь'къ, зижди'тель человjь'ческагw существа`, 
бг~ороди'тельнице пренепоро'чная вл\дчце.

%<Пjь'снь _е~. I=рмо'съ:%>

%<П%>росвjьти'вый сiя'нiемъ прише'ствiя твоегw`, 
хр\сте`, и= w=свjьти'вый кр\сто'мъ твои'мъ мi'ра концы`, 
сердца` просвjьти`, свjь'томъ твоегw` бг~оразу'мiя, 
правосла'внw пою'щихъ тя`.

%<С%>тези^ твоя^ и= ш_е'ствiя, къ _е=ди'ному веду'щыя 
гд\су безпу^тiя врагw'въ о_у=клони'ша, и= мнw'гимъ бы'ша 
пу'ть пра'въ и= тве'рдъ, му'чениче хр\сто'въ всече'стне. (с. 
295)

%<В%>итi'йствуетъ маркеллi'нъ и= ма'рко мудрjь^йшая 
предъ суди'щемъ, хр\сто'во спаси'тельное прише'ствiе: 
привя^зана же бы'ша вку'пjь, _о=стна'ми въ но'зjь 
пригвожда'ются, му'ченически о_у=краша'_ема.

%<С%>трада'нiе, стра^сти на'шя о_у=мертви'вшагw, 
маркеллi'нъ и= ма'рко крjь'пкw w=бразу'юще, копiе'мъ 
пробода'ются, и= вjьнцено'сцы съ ли^ки страда'л_ецъ 
совокупля'ются.

%<Бг~оро'диченъ:%>

%<П%>ресвjь'тлый со'лнца _о='блаче, всенепоро'чная, 
w\тжени` души` моея` _о='блаки моли'твами твои'ми, и= 
о_у='мъ мо'й просвjьти`, нерадjь'нiемъ w=мрачи'вшiйся, 
jа='кw да пою' тя, всепjь'тая.

%<Пjь'снь s~. I=рмо'съ:%>

%<W=%>бы'де на'съ послjь'дняя бе'здна, нjь'сть 
и=збавля'яй, вмjьни'хомся jа='кw _о='вцы заколе'нiя, спаси` 
лю'ди твоя^, бж~е на'шъ: ты' бо крjь'пость немощству'ющихъ 
и= и=справле'нiе.

%<Т%>ве'рдостiю о_у=ма` честнjь'йше показа'лся _е=си` 
неутомле'нъ, _е=гда` бiя'ху тя` па'лицами неща'днw, и= 
стреца'ху мно'гими стрjьла'ми. тjь'мже къ свjь'ту преше'лъ 
_е=си` ра'дуяся, му'чениче, невече'рнему.

%<В%>жиля'ше тя` хр\сто'съ подвиза'ющася, и= де'мwны 
ра'тующа, и= ра'намъ приwбща'ющася лю^тымъ, севастiа'не 
му'чениче непобjьди'ме, и= къ нему` смотря'юща серде'чными 
_о=чесы`.

%<З%>аво'рами{<::рус>Словарь Дьяченко: завора - запор, засов, 
задвижка, а также стенобитное орудие. В данном случае - последнее значение. 
Прим. <::лат>orthlib<::слав>} тве'рдыми прему'дрыхъ слове'съ твои'хъ 
пре'лесть сокруши'лъ _е=си`, и= чти^лища разори'лъ _е=си` 
врагw'въ, и= i='дwльскiя хра'мы потреби'лъ _е=си`, и= тебе` 
сама'го хра'мъ бж\ственнагw дх~а воздви'глъ _е=си`.

%<Бг~оро'диченъ:%>

%<И=%>стлjь'вшее на'ше w\т преступле'нiя существо` 
w=бнови'ла _е=си`, w=бновля'ющаго вся` бж\ственною во'лею 
ро'ждши, _е=ди'на въ жена'хъ бл~гослове'нная 
бг~ора'дованная.

%<Пjь'снь з~. I=рмо'съ:%>

%<Т%>ебе` о_у='мную, бц\де, пе'щь, разсмотря'емъ, 
вjь'рнiи, jа='коже бо (с. 296) _о='троки спасе` три` 
превозноси'мый, мi'ръ w=бнови`, во чре'вjь твое'мъ 
всецjь'лъ, хва'льный _о=тц_е'въ бг~ъ и= препросла'вленъ.

%<С%>и'лою твое'ю держа'вною о_у=крjьпля'еми 
страстоте'рпцы твои`, хр\сте`, побjьди'ша врага`, ле'сть 
попра'ша, тjьлеса` преда'ша ра'намъ, воспjьва'юще: хва'льный 
_о=тц_е'въ бг~ъ и= препросла'вленъ.

%<Б%>г~оза'рнiи страстонw'сцы му'ч_еницы, подви'гшеся 
до'брjь, маркеллi'нъ, и= сла'вный ма'ркъ, и= тiву'ртiй и= 
касту'лъ всему'дрый, къ нб~си` преста'вишася, хва'льнаго 
воспjьва'юще бг~а и= препросла'вленнаго.

%<Ю='%>ношески, страда'льче тiву'ртiе, jа='коже 
_о='троцы на пла'мень наступи'лъ _е=си` мы'сленнw, ро'су 
дх~а свы'ше прiе'мъ, и= пjьснопоя` о_у=се'рднw: хва'льный 
_о=тц_е'въ бг~ъ и= препросла'вленъ.

%<Jа='%>коже а='гница повjь'шена, сла'вная, о_у=дави'ла 
_е=си` врага` жи'лами терпjьли'вныхъ болjь'зней твои'хъ, 
всехва'льная, живе'ши же по сме'рти, му'ченице зwи`, 
воспjьва'ющи: хва'льный _о=тц_е'въ бг~ъ и= препросла'вленъ.

%<Бг~оро'диченъ:%>

%<С%>та'мну злату'ю всест~у'ю трапе'зу бж\ственнагw 
хлjь'ба жи'зни, и=мену'емъ тя`, ч\стая, мjь'сто свяще'нiя, 
престо'лъ высоча'йшiй, на не'мже бг~ъ почи`, хва'льный 
_о=тц_е'въ бг~ъ и= препросла'вленъ.

%<Пjь'снь и~. I=рмо'съ:%>

%<В%>ъ пещи` _о='троцы i=и~левы, jа='коже въ горни'лjь, 
добро'тою бл~гоче'стiя чистjь'е зла'та блеща'хуся, 
гл~го'люще: бл~гослови'те, вся^ дjьла` гд\сня, гд\са, по'йте 
и= превозноси'те во вся^ вjь'ки.

%<О_у=%>мертви'тися мi'ру восхотjь'въ, и= су'щымъ въ 
мi'рjь всjь^мъ, су'щiя сподо'бился _е=си`, всече'стне, 
жи'зни, вопiя` о_у=се'рднjьйше: благослови'те, вся^ дjьла` 
гд\сня, гд\са, по'йте и= превозноси'те во вся^ вjь'ки. (с. 
297)

%<П%>оложи'ша тя` беззако'ннiи лю'тjь, въ ро'вjь 
преиспо'днjьйшемъ, посыпа'юще и= о_у=мерщвля'юще, 
воспjьва'юща те'плjь, приснопа'мятне касту'ле: 
благослови'те, вся^ дjьла` гд\сня, гд\са, по'йте и= 
превозноси'те во вся^ вjь'ки.

%<Б%>л~же'нныя о_у=лучи'ла _е=си` жи'зни, jа='кw 
тезоимени'та сея`: о_у=давле'нiемъ бо ну'жднjьйшимъ 
тлjь'нную жи'знь w=ста'вила _е=си`, пою'щи: благослови'те, 
вся^ дjьла` гд\сня, гд\са, по'йте и= превозноси'те во вся^ 
вjь'ки.

%<Бг~оро'диченъ:%>

%<О_у=%>краси'лася _е=си`, ро'ждши бг~а кра'снаго и= 
вл\дку, бж\ственными о_у=ясня'ющаго ро'дъ человjь'ческiй, 
ч\стая, красота'ми, _е=му'же вопiе'мъ: благослови'те вся^ 
дjьла` гд\сня, гд\са, по'йте и= превозноси'те во вся^ 
вjь'ки.

%<Пjь'снь f~. I=рмо'съ:%>

%<_О='%>бразъ чи'стагw рождества` твоегw` _о=гнепали'мая 
купина` показа` неwпа'льная: и= ны'нjь на на'съ напа'стей 
свирjь'пjьющую о_у=гаси'ти, мо'лимся, пе'щь, да тя`, бц\де, 
непреста'ннw велича'емъ.

%<Д%>а бж\ственныя свjь'тлости, и= вjь'чныя сла'вы и= 
красоты`, севастiа'не, сподо'бишися, всеблаже'нне, 
муч_е'нiя, болjь^зни, и= сме'рть претерпjь'лъ _е=си` 
му'жественнjь: тjь'мже тя` вси` велича'емъ.

%<Jа=%>ви'лся _е=си` среди` sвjь'здъ со'лнце, 
стра'ждущихъ съ тобо'ю, мч~ниче: и= ны'нjь просвjьща'ете 
страда^нiи сщ~е'нными, чи'стыми свjьтлостьми`, цр~кве 
бж\ственное о_у=твержде'нiе, и= все` дiа'воле разоря'ете 
киче'нiе.

%<Л%>ю'бяще хр\ста` тiву'ртiй, и= маркеллi'нъ и= ма'ркъ, 
зwи` и= касту'лъ, съ севастiа'номъ наста'вникомъ и= 
бг~ому'дрымъ стра'ждутъ, и= ра^вныя прiе'млютъ побjь'ды 
вjьнцы`, w= на'съ при'снw моля'щеся.

%<В%>зя'тся ко _о=би'тел_емъ вселя'емь свjьтови^днымъ, 
мч~никwвъ ли'къ бж\ственный, и= нб~са` w=бхо'дитъ ра'дуяся, 
w= (с. 298) всjь'хъ на'съ чл~вjьколю'бца при'снw 
о_у=моля'юще блажа'щихъ и=`хъ всегда`.

%<Бг~оро'диченъ:%>

%<О_у=%>жаса'ются мы'сл_енная вw'инства, _о='ч~ее зря'щя 
бж\ственное w=заре'нiе, на твои'хъ рука'хъ несказа'ннw 
держи'мо, и= твое` и=му'щее подо'бiе, да земны^я w=божи'тъ, 
дв~о мт~и всенепоро'чная.



%<Суббw'та предъ рж\ство'мъ хр\сто'вымъ.%>

[Зри`] %<Н%>а лiтургi'и прокi'менъ, а=ллилу'iа, и= 
прича'стенъ дне`. %<А='%>ще ли случи'тся пра'зднуемагw 
ст~а'гw, пое'мъ и= другi'й прокi'менъ. Та'кожде чти` два` 
а=п\сла: пре'жде суббw'тjь предъ рж\ство'мъ хр\сто'вымъ: и= 
ря'дъ подъ зача'ло, и= пото'мъ ст~а'гw, а='ще и='мать. 
Та'кожде и= _е=v\глiа два`. %<А=%>п\слъ къ гала'тwмъ, 
зача'ло с~_е. %<_Е=%>v\глiе луки`, зача'ло _о~в. 
%<П%>рича'стенъ: %<Р%>а'дуйтеся, прв\днiи, w= гд\сjь: Та'же 
ст~а'гw.



%<Недjь'ля предъ рж\ство'мъ хр\сто'вымъ ст~ы'хъ 
_о=т_е'цъ.%>

%<<М\р> Подоба'етъ вjь'дати:%> а='ще случи'тся внjь` 
к~-гw деке'мврiа сегw` мjь'сяца, си'рjьчь въ и~_i, и=ли` въ 
f~_i де'нь: пое'тся воскре'сна слу'жба, и= ст~ы'хъ 
_о=тц_е'въ, си'це:

%<В%>ъ суббw'ту ве'чера на ма'лjьй вече'рни стiхи^ры 
воскре'сны, и= бц\ды по _о=бы'чаю.

%<Н%>а вели'цjьй вече'рни, на %<Г%>д\си, воззва'хъ, 
стiхи^ры воскре'сны г~, и= @восто'чны@{@А=натw'лiевы@} г~: 
и= ст~ы'хъ _о=ц~_е'въ д~, гла'съ д~. Подо'бенъ: %<В%>се` 
w\тло'жше: Сла'ва, _о=ц~_е'въ, гла'съ s~: %<Д%>анiи'лъ, 
му'жъ жела'нiй: И= ны'нjь, бг~оро'диченъ пе'рвый гла'са, и= 
чт_е'нiя г~: а~-е, %<Б%>ытiя`: %<С%>лы'шавъ а=вра'мъ: в~-е, 
%<В%>тора'гw зако'на: %<Р%>ече` мwv"се'й къ сынw'мъ 
i=и~л_евымъ: г~, %<В%>тора'гw зако'на: %<Р%>ече` мwv"се'й къ 
сынw'мъ i=и~л_евымъ: Се` гд\са бг~а твоегw` нб~о: %<Н%>а 
лiтi'и стiхи'ра хра'ма: и= _о=ц~_е'въ, гла'съ а~: 
%<Л%>уча'ми w=блиста'вшеся: Сла'ва, гла'съ г~: 
%<П%>ра'_оц~_евъ собо'ръ: И= ны'нjь, бг~оро'диченъ: %<Б%>езъ 
сjь'мене w\т бж\ственнагw дх~а: %<Н%>а стiхо'внjь стiхи^ры 
воскре'сны по а=лфави'ту. Сла'ва, ст~ы'хъ: гла'съ в~: 
%<Р%>а'дуйтеся, пр\оро'цы честнi'и: И= ны'нjь: %<_W%> 
чудесе` (с. 299) но'вагw: %<Н%>а благослове'нiи хлjь'бwвъ 
тропа'рь: %<Б%>ц\де дв~о, два'жды. и= _о=ц~_е'въ, гла'съ в~: 
%<В%>_е'лiя вjь'ры и=справл_е'нiя. _е=ди'ножды. и=, 
%<Б%>у'ди и='мя гд\сне: три'жды. _псало'мъ л~г: 
%<Б%>лагословлю` гд\са. до %<Н%>е лиша'тся вся'кагw бла'га. 
И= чте'нiе въ толкова'нiи посла'нiй а=п\сльскихъ.

%<Н%>а о_у='трени, на %<Б%>г~ъ гд\сь, тропа'рь 
воскре'сенъ два'жды. Сла'ва, _о=ц~_е'въ: %<В%>_е'лiя вjь'ры: 
И= ны'нjь, бг~оро'диченъ: %<В%>ся^ па'че смы'сла: %<П%>о 
каfi'смахъ сjьда'льны воскре'сны, съ бг~орw'дичны и='хъ, и= 
чте'нiе во _е=v\глiи толково'мъ, недjь'ля предъ рж\ство'мъ 
хр\сто'вымъ, _е='же w\т матfе'а: %<К%>ни'га родства` i=и~са 
хр\ста`: %<П%>олv"еле'й, и= тропари`, %<А='%>гг~льскiй 
собо'ръ: _Е=ктенiа`, и= сjьда'ленъ _о=ц~_е'въ, гла'съ и~: 
%<А=%>враа'ма, i=саа'ка же и= i=а'кwва: Сла'ва, и= ны'нjь, 
бг~оро'диченъ. %<Б%>л~года'рственное: и= чте'мъ _е=v\глiе 
воскре'сно, ря'дъ. %<С%>теп_е'нна, и= прокi'менъ гла'са. 
%<В%>ся'кое дыха'нiе: %<_Е=%>v\глiе воскре'сное. и= 
%<В%>оскресе'нiе хр\сто'во: %<П%>о н~-мъ _псалмjь` стiхи'ра 
воскре'сна. %<К%>анw'нъ воскре'сенъ со i=рмосо'мъ: на д~: и= 
кр\стовоскр\снъ на в~: и= бц\ды на в~: и= _о=ц~_е'въ на s~, 
гла'съ s~. %<К%>атава'сiа: %<Х%>р\сто'съ ражда'ется: %<П%>о 
г~-й пjь'сни v=пакои`, гла'съ и~: и= чте'нiе. %<П%>о s~-й 
пjь'сни конда'къ, гла'съ s~: %<Р%>укопи'саннагw _о='браза. 
%<П%>о f~-й пjь'сни свjьти'ленъ воскр\снъ: Сла'ва, 
_о=ц~_е'въ: И= ны'нjь, бг~оро'диченъ. %<Н%>а хвали'техъ 
стiхи^ры воскр\сны г~: и= @восто'ченъ@{@А=нато'лiевъ@} а~: 
и= _о=ц~_е'въ на д~, гла'съ _е~. Подо'бенъ: Ра'дуйся: съ 
припjь^вы и='хъ: а~-й: %<Б%>л~гослове'нъ _е=си`, гд\си бж~е 
_о=ц~ъ на'шихъ: в~-й: %<Jа='%>кw пра'веденъ _е=си`: Сла'ва, 
_о=ц~_е'въ, гла'съ и~: %<З%>ако'нныхъ о_у=че'нiй сосло'вiе: 
И= ны'нjь, %<П%>ребл~гослове'нна _е=си`: %<С%>лавосло'вiе 
вели'кое. По трист~о'мъ тропа'рь воскр\снъ. _Е=кт_енiи`, и= 
w\тпу'стъ. %<С%>тiхи'ру же _е=v\гльскую пое'мъ въ 
притво'рjь, и= ча'съ пе'рвый: и= соверше'нный w\тпу'стъ.

%<Н%>а лiтургi'и бл~ж_е'нна, гла'са на s~: и= _о=ц~_е'въ 
пjь'снь г~, на д~. %<П%>о вхо'дjь тропа'рь воскр\снъ, и= 
_о=ц~_е'въ: Сла'ва, и= ны'нjь, конда'къ _о=ц~_е'въ. 
%<П%>рокi'менъ, гла'съ д~, пjь'снь _о=ц~_е'въ: 
%<Б%>л~гослове'нъ _е=си`, гд\си бж~е _о=ц~ъ на'шихъ: 
%<А=%>п\слъ ко _е=вре'_емъ, зача'ло тк~и: %<_Е=%>v\глiе 
матfе'а, зача'ло пе'рвое: %<Р%>я'дъ же недjь'ли 
w=ставля'ется. %<П%>рича'стенъ: %<Х%>вали'те гд\са съ 
небе'съ. %<Д%>ругi'й: %<Р%>а'дуйтеся, пра'веднiи, w= гд\сjь: 
(с. 300)



%<Недjь'ля предъ рж\ство'мъ хр\сто'вымъ ст~ы'хъ 
_о=ц~ъ.%>

%<На ма'лjьй вече'рни стiхи^ры воскр\сны, и= бц\ды по 
_о=бы'чаю. На вели'цjьй вече'рни, по предначина'тельномъ 
_псалмjь` пое'мъ, Б%>лаже'нъ му'жъ: %<каfi'сму всю`.%>

%<На Г%>д\си, воззва'хъ, %<стiхи^ры воскр\сны г~: и= 
@восто'чны@%>{@А=натw'лiевы@} %<г~: и= _о=ц~_е'въ д~. А='ще 
же вну'трь к~-гw числа`, пое'мъ стiхи^ры воскр\сны г~ и= 
@восто'ченъ@%>{@А=нато'лiевъ@} %<а~: и= предпра'зднства 
три`. и= ст~ы'хъ _о=ц~_е'въ три`.%>

%<Стiхи^ры предпра'зднства, гла'съ s~. Подо'бенъ: В%>се` 
w\тло'жше:

%<Н%>езаходи'мое сл~нце, * и=зъ дjь'вственныхъ ложе'снъ 
* возсiя'ти и='детъ, * просвjьти'ти всю` подсо'лнечную, * 
чи'стыми _о=чесы`, * и= чи'стыми дjья'ньми * срjь'сти сего` 
потщи'мся, * и= под\ъя'ти ны'нjь о_у=гото'вимся дх~омъ, * 
гряду'щаго во своя^ стра'ннымъ рж\ство'мъ, jа='коже 
благоволи`: * jа='кw да о_у=стра'ншыяся ны` _е=де'мскагw 
житiя`, * возведе'тъ jа='кw бл~гоутро'бенъ, * въ виfлее'мjь 
ражда'ется.

%<Н%>а плеща'хъ носи'мый херувi'мскихъ * бг~ъ сло'во, 
пло'ти по v=поста'си соедини'вся, * во всенепоро'чное чре'во 
всели'ся, и= бы'сть чл~вjь'къ, * и= на зе'млю гряде'тъ w\т 
i=у'дова пле'мене роди'тися: * верте'пъ свя'тъ всецр~ю` 
благоукраси'ся, * jа='кw велича'йшая пала'та: * jа='сли же, 
jа='кw престо'лъ _о=гнезра'ченъ, * въ ни'хже jа='кw мл\днца, 
* дв~а, * марi'а полага'етъ, * во w=бновле'нiе созда'нiя, * 
неwпредjьле'ннаго.

%<В%>ъ безслове'сныхъ jа='слехъ тя` полага'етъ дв~а, * 
бж~iе сло'во безнача'льное, * нача'ло прiе'мшее па'че 
о_у=ма`: * мое' бо разрjьши'ти безслове'сiе гряде'ши, * 
_е='же под\ъя'хъ за'вистiю sмiи'ною, * пелена'ми же 
пови'тися, * jа='кw да расто'ргнеши ру'бы, и= плени^цы 
прегрjьше'нiй мои'хъ, * _е=ди'не бл~же и= чл~вjьколю'бче. 
тjь'мже тя` сла'влю, * пою` и= покланя'юся (с. 301) 
прера'достнw, во пло'ти прише'ствiю твоему`, * и='мже 
свободи'хся.

%<Стiхи^ры ст~ы'хъ _о=ц~_е'въ, подо'бенъ то'йже:%>

%<Jа=%>ви'ся мi'ра конц_е'мъ пра'_оц~_евъ па'мять, * 
свjь'та и='стиннw и=спо'лнена, и= заря'ми бл~года'ти 
сiя'ющи: * хр\сто'съ бо сл~нце свjь'тлое * свы'ше просiя'въ 
и=здале'ча, * sвjь'здъ собо'ръ веде'тъ, съ ни'мъ 
возсiя'вшiй, * и= рж\ство` бг~очеловjь'чное * jа=вля'ется 
вну'трь виfлее'ма бы'ти. * вси` о_у=`бо вjь'рою сегw` 
рж\ство` * бл~гоче'стнw пле'щуще, лику'имъ * хвалу` 
предпра'зднственную.

%<Два'жды.%>

%<С%>ла'вою о_у=краша'ются * бж~е'ственнагw прича'стiя * 
а=да'мъ ра'дуяся дне'сь, * jа='кw w=снова'нiе и= 
о_у=твержде'нiе пра'_оц~_евъ му'дрыхъ: * совзыгра'етъ же 
а='вель, и= _е=нw'хъ весели'тся, * и= лику'етъ си'fъ, и= 
нw'е ку'пнw: * съ патрiа^рхи же пое'тъ а=враа'мъ 
всехва'льный, * и= рожде'нiе безъ _о=тца` ны'нjь 
мелхiседе'къ ви'дитъ свы'ше. * тjь'мже бж\ственную па'мять 
хр\сто'выхъ пра'_оц~_евъ * и= мы` соверша'юще мо'лимъ *, 
спасти'ся душа'мъ на'шымъ.

%<W=%>блиста` ве'село * и='же въ пещи` дjьте'й 
бг~ому'дрыхъ собо'ръ, * и= хр\сто'во рж\ство` проповjь'дуетъ 
на земли`: * jа='кw бо честна'я роса` низше'дъ гд\сь, * 
ро'ждшую спаса'етъ неwпа'льну, * соблюда'етъ непоро'чну *, 
и= w=богаща'етъ бж\ственными дарова^нiи. * тjь'мже и= 
бг~опрiя'тный * ра'дуется данiи'лъ веселя'ся, * ка'мень бо 
и=зъ горы` несjь'ченъ прови'дя jа='вjь, * со дерзнове'нiемъ 
мо'лится * ны'нjь w= душа'хъ на'шихъ.

%<Сла'ва, _о=ц~_е'въ, гла'съ s~.%>

%<Д%>анiи'лъ, му'жъ жела'нiй, ка'мень без\ъ руки` 
w\тсjь'ченъ (с. 302) ви'дjьвъ тя`, гд\си, мл\днца безъ 
сjь'мене рожде'на пронарече` тя`, и=зъ дв~ы воплоще'нна 
сло'ва, непремjь'ннагw бг~а, и= сп~са ду'шъ на'шихъ.

%<И= ны'нjь, предпра'зднства гла'съ то'йже. 
Вv"зантi'ево:%>

%<В%>ерте'пе, благоукраси'ся, а='гница бо гряде'тъ, 
чревонося'щи хр\ста`: jа='сли же под\ъими'те сло'вомъ 
разрjьши'вшаго w\т безслове'снагw дjья'нiя на'съ 
земноро'дныхъ. па'стырiе свиря'юще, свидjь'тельствуйте 
чудеси` стра'шному: и= волсви` w\т персi'ды, зла'то и= 
лiва'нъ и= смv'рну цр~ю` принеси'те: jа='кw jа=ви'ся гд\сь 
и=зъ дв~ы мт~ре. _е=му'же и= прини'кше ра'бски мт~и 
поклони'ся, и= привjьща'ше къ держи'мому на w=б\ъя'тiихъ 
_е=я`. ка'кw всjь'ялся _е=си` мнjь`; и=ли` ка'кw прозя'блъ 
_е=си` во мнjь`, и=зба'вителю мо'й и= бж~е;

%<А='ще внjь` к~-гw числа`: И= ны'нjь, бг~оро'диченъ 
настоя'щагw гла'са.%>

%<Вхо'дъ. Прокi'менъ дне`. Чт_е'нiя три`.%>

%<Бытiя` чте'нiе.%>

[Глава` д~_i] %<С%>лы'шавъ а=вра'мъ, jа='кw 
плjьне'нъ бы'сть лw'тъ, брата'ничь _е=гw`, сочте` свои'хъ 
си` домоча'д_ецъ три'ста и= _о=смна'десять, и= погна` во 
слjь'дъ и='хъ да'же до да'на. И= нападе` на ня` но'щiю 
са'мъ, и= _о='троцы _е=гw` съ ни'мъ: и= порази` и=`хъ, и= 
гони` и=`хъ до хова'ла, _е='же _е='сть w=шу'юю дама'ска. И= 
возврати` вся'каго коня` содо'мскаго, и= лw'та брата'нича 
своего` возврати`, и= вся^ и=мjь^нiя _е=гw`, и= ж_ены`, и= 
лю'ди. И=зы'де же ца'рь содо'мскiй въ срjь'тенiе _е=му`, 
повнегда` возврати'тися _е=му` w\т сjь'ча 
ходоллогомо'рскагw, и= съ царьми`, и=`же съ ни'мъ, во 
о_у=до'ль сави'ну: сiе' же бя'ше по'ле царе'во. И= 
мелхiседе'къ, ца'рь сали'мскiй и=знесе` хлjь'бы и= вiно`, 
бя'ше же свяще'нникъ бг~а вы'шнягw. И= благослови` а=вра'ма, 
и= рече`: благослове'нъ а=вра'мъ бг~у вы'шнему, и='же созда` 
нб~о и= зе'млю, бл~гослове'нъ бг~ъ вы'шнiй, и='же предаде` 
враги` твоя^ подъ ру'ки тебjь`. (с. 303)

%<Втора'гw зако'на чте'нiе.%>

[Глава` а~] %<В%>о дне'хъ _о='нjьхъ, рече` мwv"се'й къ 
сынw'мъ i=и~л_евымъ: ви'дите, преда'хъ предъ лице'мъ ва'шимъ 
зе'млю, вше'дше наслjь'дуйте ю=`, ю='же кля'тся гд\сь 
_о=тц_е'мъ ва'шымъ, а=враа'му и= i=саа'ку и= i=а'кwву да'ти 
и=`мъ, и= сjь'мени и='хъ по ни'хъ. И= реко'хъ къ ва'мъ во 
вре'мя _о='но, глаго'ля: не возмогу` _е=ди'нъ води'ти ва'съ. 
гд\сь бг~ъ ва'шъ о_у=мно'жилъ вы` _е='сть, и= се` _е=сте` 
дне'сь, jа='кw sвjь'зды нб\сныя, мно'жествомъ. Гд\сь бг~ъ 
_о=т_е'цъ на'шихъ да приложи'тъ ва'мъ, jа='кw да бу'дете 
ты'сящами сугу'бw, и= да благослови'тъ ва'съ, jа='коже 
глаго'ла ва'мъ. И= взя'хъ w\т ва'съ му'жи му'дры, и= 
свjь'домы, и= смы'сленны, и= поста'вихъ и=`хъ владjь'ти 
на'дъ ва'ми, тысященача'льники, и= стонача'льники, и= 
пятьдесятонача'льники, и= десятонача'льники, и= 
письмоводи'тели судiя'мъ ва'шымъ. И= заповjь'дахъ судiя'мъ 
ва'шымъ, во вре'мя _о='но, глаго'ля: разслу'шайте посредjь` 
бра'тiй ва'шихъ, и= суди'те пра'веднw, посредjь` му'жа, и= 
посредjь` бра'та _е=гw`, и= посредjь` прише'льца _е=гw`. Да 
не позна'ете лица` въ судjь`, ма'лому и= вели'кому су'диши, 
и= не о_у=стыди'шися лица` человjь'ческа, jа='кw су'дъ бж~iй 
_е='сть.

%<Втора'гw зако'на чте'нiе.%>

[Глава` _i~] %<В%>о дне'хъ _о='нjьхъ, рече` мwv"се'й къ 
сынw'мъ i=и~л_евымъ: се` гд\са бг~а твоегw` не'бо, и= не'бо 
нб~се`, земля` и= вся^, _е=ли^ка су'ть на не'й. _О=ба'че 
_о=тцы` ва'шя произво'ли гд\сь люби'ти и=`хъ: и= и=збра` 
сjь'мя и='хъ по ни'хъ, ва'съ, па'че всjь'хъ jа=зы^къ, въ 
де'нь се'й. И= w=брjь'жите жестокосе'рдiе ва'ше, и= вы^я 
ва'шя не w=жесточи'те ктому`. И='бо гд\сь бг~ъ ва'шъ, се'й 
бг~ъ богw'въ, и= гд\сь господе'й: бг~ъ вели'кiй, и= 
крjь'пкiй, и= стра'шный, и='же не диви'тся лицу`, ниже` 
взе'млетъ да'ръ. Творя'й су'дъ прише'льцу, и= си'ру, и= 
вдови'цjь, и= лю'битъ прише'льца, да'ти _е=му` хлjь'бъ и= 
ри'зу. И= (с. 304) возлюби'те прише'льца, прише'льцы бо 
бjь'сте въ земли` _е=гv'петстjьй. гд\са бг~а твоегw` да 
о_у=бои'шися, и= тому` _е=ди'ному послу'жиши, и= къ нему` 
прилjьпи'шися, и= и='менемъ _е=гw` клене'шися. то'й хвала` 
твоя`, и= то'й бг~ъ тво'й, и='же сотвори'лъ ти` _е='сть 
вели^кая и= сла^вная сiя^, jа=`же ви'дjьстjь _о='чи твои`.

%<На лiтi'и стiхи'ра хра'ма. И= _о=ц~_е'въ, гла'съ а~:%>

%<Л%>уча'ми w=блиста'вшеся бг~оглаго'ланiя, 
великоимени'тiи пр\оро'цы, при'снw о_у=блажа'ются, и= 
рач_е'нiя дх~а плодонося'ще, неизрече'нное рж\ство` хр\ста` 
бг~а всjь^мъ проповjь'даша, зако'ннw же кончи'ну прiя'ша, 
пожи'вше жи'знь пречу'дную.

%<Сла'ва, гла'съ г~. Ге'рманово:%>

%<П%>ра'_оц~_евъ собо'ръ, празднолю'бцы, прiиди'те 
_псало'мски да восхва'лимъ: а=да'ма пра'_оц~а, _е=нw'ха, 
нw'а, мелхiседе'ка, а=враа'ма, i=саа'ка и= i=а'кwва: по 
зако'нjь мwv"се'а, и= а=арw'на, и= i=ису'са, самуи'ла и= 
дв~да: съ ни'миже и=са'iю, i=еремi'ю, i=езекi'иля, и= 
данiи'ла, и= двана'десять вку'пjь и=лiю`, _е=лiссе'а, и= 
всjь'хъ: заха'рiю, и= кр\сти'теля, и= проповjь'давшыя 
хр\ста` жи'знь и= воскресе'нiе ро'да на'шегw.

%<И= ны'нjь, предпра'зднства, гла'съ то'йже:%>

%<Б%>лагоукраси'ся, виfлее'ме, w\тве'рзеся бо _е=де'мъ: 
гото'вися, _е=vфра'fо, w=бновля'ется бо а=да'мъ, и= _е='vа 
съ ни'мъ: кля'тва бо разори'ся, спасе'нiе мi'ру процвjьте`, 
и= ду'шы пра'ведныхъ о_у=краша'ются: jа='кw да'ръ 
дароно'сiя, вмjь'стw мv'ра пjь'нiе принося'ще, спасе'нiе 
душе'вное, и= нетлjь'нiе прiе'млюще. се' бо въ jа='слехъ 
возлежа'й, предповелjьва'етъ пjь'нiе духо'вное соверша'ти 
вопiю'щымъ непреста'ннw: гд\си, сла'ва тебjь`.

%<А='ще внjь` к~-гw деке'мврiа,%>

%<И= ны'нjь, бг~оро'диченъ: Б%>езъ сjь'мене w\т 
бж\ственнагw дх~а: (с. 305)

%<На стiхо'внjь стiхи'ра воскр\сна, и= по а=лфави'ту.%>

%<А='ще же въ к~д-й де'нь, предпра'зднства, 
самоподо'бенъ гла'съ в~:%>

%<Д%>о'ме _е=vфра'fовъ, * гра'де ст~ы'й, * пр\оро'кwвъ 
сла'во, * о_у=краси` до'мъ, * въ не'мже бж\ственный 
ражда'ется.

%<Стi'хъ: Б%>г~ъ w\т ю='га прiи'детъ, и= ст~ы'й и=зъ 
горы` приwсjьне'нныя ча'щи.

%<Самогла'сны:%>

%<В%>иfлее'ме, земле` i=у'дова, су'щему по пло'ти 
жи'тельство свjь'тло, о_у=гото'ви бж\ственный верте'пъ, въ 
не'мже бг~ъ пло'тiю ражда'ется, и=зъ неискусому'жныя ст~ы'я 
дв~ы, во _е='же спасти` ро'дъ на'шъ.

%<Стi'хъ: Г%>д\си, о_у=слы'шахъ слу'хъ тво'й, и= 
о_у=боя'хся: гд\си, разумjь'хъ дjьла` твоя^, и= 
о_у=жасо'хся.

%<П%>рiиди'те, вси` хр\сто'во рж\ство` вjь'рнw 
предпра'зднуимъ, и= мы'сленнjь пjь'нiе, jа='кw sвjьзду` 
предлага'емъ, волхвw'въ славослw'вiя съ па'стырьми 
возопiе'мъ: прiи'де спасе'нiе человjь'кwмъ, и=зъ 
дjь'вственныхъ ложе'снъ, вjь^рныя призыва'я.

%<Сла'ва, гла'съ то'йже: самогла'сенъ. Кv"прiа'ново:%>

%<Р%>а'дуйтеся, пр\оро'цы честнi'и, и=`же зако'нъ 
гд\сень до'брjь о_у=чини'вше, и= вjь'рою jа='вльшеся 
непобjьди'мiи столпи`, и= непрекло'ннiи: вы' бо и= хода'таи 
jа=ви'стеся но'вагw завjь'та хр\сто'ва, и= преста'вльшеся къ 
нб~си`, того` моли'те о_у=мири'ти мi'ръ, и= спасти` ду'шы 
на'шя.

%<И= ны'нjь, предпра'зднства, гла'съ то'йже: 
Кv"прiа'ново:%>

%<С%>е` вре'мя прибли'жися спасе'нiя на'шегw, гото'вися 
верте'пе, дв~а приближа'ется роди'ти: виfлее'ме, земле` 
i=у'дова, красу'йся и= весели'ся, jа='кw и=зъ теб_е` возсiя` 
гд\сь на'шъ. о_у=слы'шите го'ры и= хо'лми, и= _о=кр_е'стныя 
страны^ i=уд_е'йскiя, jа='кw гряде'тъ хр\сто'съ, да 
спасе'тъ, _е=го'же созда`, человjь'ка, jа='кw 
человjьколю'бецъ.

%<А='ще внjь` к~-гw, И= ны'нjь, бг~оро'диченъ: _W%> 
чудесе` но'вагw!

%<На благослове'нiи хлjь'бwвъ тропа'рь: Б%>ц\де дв~о, 
ра'дуйся: %<Два'жды.%> (с. 306)

%<И= _о=ц~_е'въ тропа'рь, гла'съ в~:%>

%<В%>_е'лiя вjь'ры и=справл_е'нiя, во и=сто'чницjь 
пла'мене jа='кw на водjь` о_у=покое'нiя, ст~i'и трiе` 
_о='троцы ра'довахуся: и= пр\оро'къ данiи'лъ львw'мъ 
па'стырь jа='кw _о=вца'мъ jа=вля'шеся. тjь'хъ моли'твами, 
хр\сте` бж~е, спаси` ду'шы на'шя.

%<_Е=ди'ножды.%>

%<А='ще же случи'тся въ к~д-й де'нь. На благослове'нiи 
хлjь'бwвъ тропари`: _о=ц~_е'въ, В%>_е'лiя вjь'ры, %<два'жды: 
и= предпра'зднства, Н%>аписова'шеся и=ногда`: %<_е=ди'ножды: 
и= чте'нiе.%>



%<На о_у='трени, на Б%>г~ъ гд\сь, %<тропа'рь воскр\снъ 
два'жды. Сла'ва, _о=ц~_е'въ: И= ны'нjь, бг~оро'диченъ, и=ли` 
предпра'зднства, и= _о=бы^чныя каfi^смы, и= сjьда'льны 
воскре'сны, и= бг~оро'дичны и='хъ, и= чте'нiе во _е=v\глiи 
толково'мъ.%>

%<А='ще же въ к~д-й де'нь, пое'мъ настоя'щыя 
сjьда'льны.%>

%<По а~-мъ стiхосло'вiи сjьда'ленъ, гла'съ д~.%>

%<Подо'бенъ: О_у=%>диви'ся i=w'сифъ:

%<В%>о _о=тцjь'хъ, бж~е, предвозгласи'лъ _е=си` 
та'инственнw, хотя'щее бы'ти на земли` бг~оявле'нiе 
та'инственнjь, превjь'чнагw сн~а твоегw` w\т дв~ы, во 
а=враа'мjь, i=саа'кjь, и= i=а'кwвjь, i=у'дjь и= про'чихъ, 
i=ессе'и, и= дв~дjь, и= пр\оро'цjьхъ всjь'хъ, дх~омъ 
предвозвjьща'я въ виfлее'мjь хр\ста` jа='вльшася, су'щыя въ 
мi'рjь вся^ взыва'юща.

%<Сла'ва, и= ны'нjь, то'йже.%>

%<По в~-й стiхоло'гiи сjьда'ленъ, гла'съ и~. По\д: 
П%>рему'дрости:

%<П%>ра'здникъ пра'зднуимъ, вjь'рнiи, _о=тц_е'въ 
бж\ственныхъ ра'достнw, а=да'ма, а='веля чту'ще, си'fа, 
_е=нw'са блажа'ще, _е=нw'ха, нw'а, си'ма же i=а'феfа 
воспои'мъ. а=враа'ма пре'жде зако'на, вjь'рою просiя'вша, и= 
бж\ственнаго i=саа'ка, i=а'кwва, и= i=у'ду, леvi'ю, и= 
цjьлому'дреннаго i=w'сифа восхва'лимъ, и= вjь'рнw 
возопiи'мъ: бг~оно'снiи пра'_оц~ы, моли'те (с. 307) хр\ста` 
бг~а грjьхw'въ w=ставле'нiе дарова'ти пра'зднующымъ любо'вiю 
святу'ю па'мять ва'шу.

%<Сла'ва, и= ны'нjь, то'йже. По непоро'чныхъ тропари` 
и='хъ:%>

%<И= сjьда'льны _о=ц~_е'въ, гла'съ и~. Подо'бенъ: 
П%>рему'дрости:

%<А=%>враа'ма, i=саа'ка же и= i=а'кwва восхва'лимъ вси` 
пjь'сненнw, дв~да кро'ткаго, i=ису'са, и= двана'десять 
патрiа'рхи, вку'пjь съ треми` ю='ношами, о_у=гаси'вшими 
_о='гненный пла'мень си'лою духо'вною: ра'дуйтеся, вопiю'ще 
къ ни^мъ, пре'лесть до'блественнjь w=бличи'вше царя` 
безу'мнагw: и= хр\сту` моли'теся, согрjьше'нiй w=ставле'нiе 
дарова'ти пра'зднующымъ любо'вiю святу'ю па'мять ва'шу.

%<Сла'ва, и= ны'нjь, другi'й, подо'бенъ то'йже:%>

%<И=%>зъ нjь'дръ _о=ч~ескихъ низше'лъ _е=си`, и= 
несказа'ннымъ и=стоща'нiемъ ю='же по на'мъ нищету` 
воспрiя'лъ _е=си`, па'че _е=стества`, чл~вjьколю'бче, въ 
верте'пъ всели'тися благоволи'лъ _е=си`, гд\си, и= jа='кw 
мл\днцъ сwсцы` пита'ешися, зижди'тель и= гд\сь. тjь'мже 
sвjьздо'ю наставля'еми волсви`, да'ры тебjь` прино'сятъ, 
jа='кw вл\дцjь тва'ри: па'стырiе и= а='гг~ли дивля'хуся, 
зову'ще: сла'ва въ вы'шнихъ бг~у, на зе'млю гряду'щему 
роди'тися, jа='кw чл~вjь'ку.

%<А='ще же внjь` предпра'зднства, бг~оро'диченъ глаго'ли 
се'й:%>

%<Б%>лагода'рственное похвале'нiе до'лжнjь, jа='коже 
вдови'ца _о='ная два` ле'пта, приношу` тебjь`, вл\дчце, w= 
всjь'хъ дарова'нiихъ твои'хъ: ты' бо jа=ви'лася _е=си` 
покро'въ ку'пнw и= по'мощь, напа'стей и= скорбе'й при'снw 
мя` и=з\ъима'ющи. тjь'мже jа='кw w\т среды` горя'щiя пе'щи 
и=зба'влься w=скорбля'ющихъ мя`, w\т се'рдца взыва'ю тебjь`: 
бц\де, помози' ми, моля'щи хр\ста` бг~а, прегрjьше'нiй 
w=ставле'нiе да'ти мнjь`: тя' бо и=мjь'ю наде'жду ра'бъ 
тво'й.

%<Степ_е'нна, и= прокi'менъ гла'са.%>

%<Канw'на два`, _о=ц~_е'въ на и~. I=рмосы` по два'жды. 
Тропари` на s~.%> (с. 308) %<Въ ни'хже предваря'ютъ 
воскр\сны тропаря` два`, сегw` ра'ди, а='ще въ к~д де'нь, во 
_о=ктw'ихjь не пое'тся: и= предпра'зднства на s~.%>

%<Канw'нъ воскре'сенъ.%>

%<Гла'съ s~. Пjь'снь а~. I=рмо'съ:%>

%<В%>олно'ю морско'ю скры'вшаго дре'вле, гони'теля, 
мучи'теля, подъ земле'ю скры'ша спасе'нныхъ _о='троцы: но 
мы`, jа='кw _о=трокови^цы, гд\севи пои'мъ: сла'внw бо 
просла'вися.

%<С%>тра'хомъ тебjь` см_е'ртная w\тверза'ются врата`, и= 
сокруша'ются вер_еи` вjь^чныя: честны'мъ бо твои'мъ 
схожде'нiемъ воста'ша дре'внiи мертвецы`, весе'лiемъ пою'ще, 
хр\сте`, воскр\снiе твое`.

%<С%>уди'щу пiла'тову предстои'тъ хотя'й, беззако'нному 
суду` jа='кw w=су'жденникъ судiя`, и= w\т руки` непра'ведныя 
въ лице` о_у=даря'ется бг~ъ, _е=гw'же трепе'щутъ земна^я и= 
нб\сная.

%<Канw'нъ _о=ц~_е'въ.%>

%<А='%>ще внjь` к~-гw случи'тся недjь'ля ст~ы'хъ _о=ц~ъ, 
канw'нъ _о=ктw'иха воскр\снъ со i=рмосо'мъ на д~: и= 
кр\стовоскр\снъ на в~: и= бц\ды в~: и= _о=ц~_е'мъ w\т здjь` 
чте'тся на s~. Та'кожде и= во про'чихъ пjь'снехъ _о=ц~_е'мъ.

%<Д%>не'сь собо'ръ бж\ственныхъ _о=ц~ъ хр\сто'во 
рж\ство` предпра'зднуетъ свjь'тлw, и= пропису'етъ сiе` 
пресла'вная бл~года'ть: а=враа'мъ бо _о='бразъ зако'на, и= 
_о='троцы су'ть.

%<Д%>ре'вле прiе'млетъ бж\ство` _е=ди'но трiv"поста'сное 
свяще'нный а=враа'мъ, ны'нjь же сопресто'льное сло'во 
_о='ч~ее, бж\ственнымъ дх~омъ къ дjь'темъ прихо'дитъ, 
сла'внw восхваля'емое.

%<Ч%>исло'мъ и= вjь'рою бж\ственныя тр\оцы безбо'жiе 
низве'ргше, въ пещи` дjь'ти _о='бразы чу'вственными, 
сокров_е'нныя бж~iя та^йны мi'ру прояви'ша.

%<А=%>враа'мъ и=зба'вися w\т руки` непра'ведныя, 
пла'мене же пе'щнагw бж\ственнiи _о='троцы и=ногда`, и= 
данiи'лъ пр\оро'къ (с. 309) w\т sвjьре'й и= ро'ва спасе'ся. 
тjь'мже ны'нjь рж\ство` хр\сто'во предпра'зднуемъ.

%<Бг~оро'диченъ:%>

%<W=%>бра'дованная безневjь'стная мт~и, дв~о 
нетлjь'нная, блажи'мъ тя`: и='бо w\т ро'да а=враа'мля, и= 
пле'мене дв~дова процвjьла` _е=си`: хр\ста' же родила` 
_е=си`, пр\орw'ки проповjь'даннаго пре'жде.

%<Канw'нъ предпра'зднства. [А='ще внjь` к~-гw числа` 
w=ставля'ется.]%>

%<Гла'съ а~. Пjь'снь а~. I=рмо'съ:%>

%<Х%>р\сто'съ ражда'ется, сла'вите. хр\сто'съ съ нб~съ, 
сря'щите. хр\сто'съ на земли`, возноси'теся. по'йте гд\севи 
вся` земля`., и= весе'лiемъ воспо'йте, лю'дiе, jа='кw 
просла'вися.

%<Х%>р\ста` пло'тiю младе'нствовавшаго, хр\ста` во'лею 
w=бнища'вшаго, хр\ста` ви'дима бы'вша гряде'тъ дв~а въ 
виfлее'мjь ны'нjь роди'ти: нб~о же и= земля` да ра'дуются.

%<Г%>о'ры и= хо'лми взыгра'йте, пр\оро'цы бг~огла'снiи 
лику'йте, лю'дiе и= jа=зы'цы восплещи'те: всjь'хъ спасе'нiе 
и= просвjьще'нiе бли'зъ наста`, во гра'дjь виfлее'мстjь 
ражда'емое.

%<Бг~оро'диченъ:%>

%<Н%>и'щъ бога'тый быва'етъ, w=богаща'я и=`же sло'бою 
w=бнища'вшыя, чл~вjь'къ бг~ъ познава'ется w\т дв~ы 
неискусобра'чныя, кромjь` преложе'нiя: вси` хвала'ми 
воспое'мъ _е=го`, jа='кw просла'вися.

%<Катава'сiа: Х%>р\сто'съ ражда'ется:

%<Пjь'снь г~. I=рмо'съ:%>

%<Т%>ебе` на вода'хъ повjь'сившаго всю` зе'млю 
неwдержи'мw, тва'рь ви'дjьвши на ло'бнjьмъ ви'сима, 
о_у='жасомъ мно'гимъ содрога'шеся, нjь'сть свя'тъ, ра'звjь 
теб_е`, гд\си, взыва'ющи.

%<В%>о гро'бjь тридне'вствовавый, воскреси'лъ _е=си` 
животво'рнымъ воста'нiемъ о_у=ме'ршыя w\т вjь'ка, и= 
w=сужде'нiя разрjь'шшеся, ве'селw ра'довахуся: се` 
и=збавле'нiе прише'лъ _е=си`, гд\си, взыва'юще. (с. 310)

%<С%>ла'ва твоему` воста'нiю, сп~се, на'шъ, jа='кw на'съ 
w\т а='да, тли` и= сме'рти и=зба'вилъ _е=си`, jа='кw 
всеси'ленъ, и= воспjьва'юще, глаго'лемъ: нjь'сть свя'тъ 
ра'звjь теб_е`, гд\си чл~вjьколю'бче.

%<_О=ц~_е'мъ:%>

%<Ю='%>же по _о='бразу сла'ву, и= по подо'бiю бж~iю 
вjь'рнw соблюда'юще, злата'гw _о='браза пла'мень _о=гне'мъ 
дх~о'внымъ страда'льчески о_у=гаси'ша _о='троцы, пою'ще: 
_е=ди'наго гд\са зна'емъ.

%<М%>у'дростiю w=бложе'ни и= дх~а си'лою _о='троцы, 
мудрецы` вавv"лw'нскiя плjьне'ннiи посрами'ша, и= 
де'рзостнjь взыва'ху: нjь'сть свя'тъ, ра'звjь теб_е`, гд\си 
чл~вjьколю'бче.

%<Р%>а'дуется и= сликовству'етъ съ дjьтьми` и= пр\орw'ки 
зако'нъ и= пред\ъигра'етъ гд\сню бж\ственному прише'ствiю 
дне'сь: и= а=враа'мъ ра'дуется, jа='кw w\т сjь'мене _е=гw` 
ви'дjь гд\са воплоща'ема.

%<Бг~оро'диченъ:%>

%<З%>ача'тiе безъ стра'сти, прiя'тiе па'че сло'ва 
про'йде, рж\ства` твоегw`, бц\де: пр\орw'ки бо 
проповjь'данное, па'че _е=стества` та'инство, на'мъ 
jа=ви'ся, сло'во бж~iе, сы'й бг~ъ.

%<И='нъ. I=рмо'съ:%>

%<П%>ре'жде вjь^къ w\т _о=ц~а` рожде'нному нетлjь'ннw 
сн~у, и= въ послjь^дняя w\т дв~ы воплоще'нному безсjь'меннw 
хр\сту` бг~у возопiи'мъ: вознесы'й ро'гъ на'шъ, ст~ъ _е=си`, 
гд\си.

%<И='%>же пре'жде вjь^къ и=зъ _о=ц~а` ро'ждся па'че 
мы'сли, и=зъ дв~ы напослjь'докъ воплоти'ся, jа='коже вjь'сть 
са'мъ, хотя` человjь'чество w=бнови'ти и=стлjь'вшее 
лука'вагw sмi'я совjь'томъ.

%<И='%>же въ вы'шнихъ сосjьдя'й _о=ц~у` и= дх~у, 
смири'вшееся _е=стество` человjь'ческое ви'дjьвъ, сн~ъ бж~iй 
безнача'льный нача'ло прiе'млетъ, и= хо'щетъ пло'тiю 
роди'тися, jа='кw чл~вjь'къ.

%<Бг~оро'диченъ:%>

%<С%>т~jь'йши а='гг~лъ, и= всея` тва'ри, совjь'та 
вели'кагw (с. 311) ны'нjь а='гг~ла безъ сjь'мене ражда'етъ 
пло'тiю, на воззва'нiе всjь^мъ пою'щымъ непреста'ннw _е=му`: 
ст~ъ _е=си`, гд\си.

%<Катава'сiа: П%>ре'жде вjь^къ: %<V=пакои`, гла'съ и~:%>

%<А='%>гг~лъ _о=трокw'въ w=роси` пе'щь, ны'нjь же же'нъ 
пла'чь разрjьши`, глаго'ля: что` прино'сите мv^ра; когw` 
и='щете во гро'бjь; воста` хр\сто'съ и= бг~ъ: _е='сть бо 
жи'знь и= спасе'нiе ро'да человjь'ческагw.

%<Пjь'снь д~. I=рмо'съ:%>

%<Н%>а кр\стjь` твое` бж\ственное и=стоща'нiе прови'дя 
а=вваку'мъ, о_у=жа'сся вопiя'ше: ты` си'льныхъ пресjь'клъ 
_е=си` держа'ву, бл~же, приwбща'яся су'щымъ во а='дjь, 
jа='кw всеси'ленъ.

%<В%>о а='дъ бж\ственное низше'ствiе твое`, хр\сте` 
бж~е, м_е'ртвымъ жи'знь jа=ви'ся: ты' бо врага` связа'лъ 
_е=си` держа'ву до'лjь, бл~гi'й, и= нб\сную стезю` 
человjь'кwмъ w\тве'рзлъ _е=си`.

%<Н%>е и=стлjь` во гро'бjь пречи'стое тjь'ло 
и=зба'вителя лежа'що, но jа='кw си'ленъ сокруши` а='дwвы 
вер_еи`, и= воскре'се во сла'вjь, хр\сте`, тридне'внw.

%<_О=ц~_е'мъ:%>

%<_О=%>ц~_е'въ нача'токъ а=враа'ма, i=саа'ка и= i=а'кwва 
почти'мъ, jа='кw и=зъ тjь'хъ сjь'мене возсiя` хр\сто'съ, 
вопло'щся и=зъ дв~ы, jа='кw всеси'ленъ.

%<П%>ропису'яй бу^дущая соше'ствiю хр\сто'ву данiи'лъ, 
sвjь'ри jа='кw _о='вцы показа` всjь^мъ jа='вjь: прови'дjь бо 
бу'дущее, jа='кw пр\оро'къ бж~iй.

%<Г%>рjьхо'внымъ не привлече'ни jа='домъ, w\т пла'мене 
и=зба'вистеся, дjь'ти: зла'та бо чистjь'йше су'ще му'дрiи, 
въ пещи` пре'лести не слiя'шася.

%<Бг~оро'диченъ:%>

%<В%>елегла'снw проповjь'дуется w=жида'нiе jа=зы'кwвъ, 
и= спасе'нiе мi'ра, па'че _е=стества` рж\ство` твое`, 
преч\стая, честна'я: _е=го'же пое'тъ _о=те'ческая па'мять 
дне'сь.

%<И='нъ. I=рмо'съ:%>

%<Ж%>е'злъ и=зъ ко'рене i=ессе'ова, и= цвjь'тъ w\т 
негw`, хр\сте`, w\т дв~ы прозя'блъ _е=си`, и=зъ горы` 
хва'льный, приwсjьне'нныя ча'щи, (с. 312) прише'лъ _е=си` 
вопло'щся w\т неискусому'жныя, невеще'ственный и= бж~е, 
сла'ва си'лjь твое'й, гд\си.

%<Ж%>е'злъ и=зъ ко'рене i=ессе'ева, дв~о, прозябла` 
_е=си`, цвjь'тъ процвjь'тшая неувяда'емый всjь'хъ 
содjь'теля, зе'млю цвjьта'ми всю` jа='кw бг~а 
о_у=краша'ющаго, вопiю'щую _е=му`: сла'ва си'лjь твое'й, 
гд\си.

%<С%>нjь'дiю мя` w=кра'дена лука'вою, и= ра'зумомъ 
попо'лзшася и= о_у=подо'бльшася безслов_е'снымъ, сло'ве 
бж~iй, прише'лъ _е=си` назида'я, мл\днцъ бы'въ, и= во 
jа='слехъ безслове'сныхъ возле'гъ: сла'ва си'лjь твое'й, 
гд\си.

%<Бг~оро'диченъ:%>

%<И=%>зъ горы` приwсjьне'нныя, i=и~се, дв~ы, тя` 
воплоще'ннаго а=вваку'мъ прови'дjь, го'ры sлы^я и= хо'лмы 
сокруша'ющаго, и= и=счезнове'нiю предаю'ща вознош_е'нiя 
лука'вагw и= де'мwнская возвыш_е'нiя.

%<Катава'сiа: Ж%>е'злъ и=зъ ко'рене:

%<Пjь'снь _е~. I=рмо'съ:%>

%<Б%>г~оявле'нiя твоегw`, хр\сте`, къ на'мъ ми'лостивнw 
бы'вшагw, и=са'iа свjь'тъ ви'дjьвъ невече'рнiй, и=зъ но'щи 
о_у='треневавъ взыва'ше: воскре'снутъ ме'ртвiи, и= 
воста'нутъ су'щiи во гробjь'хъ, и= вси` земноро'днiи 
возра'дуются.

%<Б%>листа'яйся ра'дость воwбража'я jа='вственнjь 
а='гг~лъ, во гро'бjь свjьтлоно'сецъ показу'ется, жена'мъ 
проповjь'дая воста'нiе: и= w=ста'вльше пла'чь ра'довахуся, 
хр\сту` воскре'сшу, w\т негw'же и= непреста'нну ра'дость 
прiя'ша.

%<З%>а милосе'рдiе благi'й, и='же по на'мъ прiе'мъ 
зра'къ, во'лею на кр\стjь` пригвозди'лся _е=си` мен_е` 
ра'ди, пе'рвjье w\тве'ргша ст~у'ю твою` за'повjьдь снjь'ди 
ра'ди въ раи`, и= о_у=мира'еши человjьколjь'пнw, живо'тъ 
подая` мнjь`.

%<_О=ц~_е'мъ:%>

%<_О=%>ц~_е'въ нача'токъ, jа='кw началовожда` зако'на и= 
(с. 313) благода'ти, w\т ро'да а=враа'мля дне'сь данiи'ла 
бж\ственнаго почти'мъ: jа='кw пр\оро'къ бо бж~iй 
предвозвjьсти` хр\ста` w\т дв~ы, и= сегw` пред\ъусрjьта'етъ 
бж\ственное рожде'нiе.

%<П%>рописа'вше jа='снw къ на'мъ гд\сне прише'ствiе 
а='гг~ловымъ соше'ствiемъ, о_у=гаси'ша а=враа'мстiи 
_о='троцы пе'щь: и= тучеро'сенъ _о='гнь содjь'лавше, въ 
се'мъ вjь'рою _о='браза злата'гw сла'ву и=знури'ша.

%<З%>агради` о_у=ста` sвjьре'й данiи'лъ въ ро'вjь 
дх~омъ: _о='гненную же крjь'пость о_у=гаси'ша а=враа'мстiи 
_о='троцы бл~года'тiю, и= спа'сшеся сi'и w\т тли`, 
предвозвjьща'ютъ хр\ста` и=зъ дв~ы, моля'ще jа='кw 
и=зба'вителя спасе'нiя на'шегw.

%<Бг~оро'диченъ:%>

%<Б%>ж\ственнымъ дх~омъ jа=вля'я, w= на'съ безстра'стнw 
твое` прiя'тiе, и=са'iа вопiя'ше, гд\си, бо'дрствуя 
зако'номъ благода'ти w\т ро'да о_у='бw а=враа'мля, w\т 
пле'мене же i=у'дова по пло'ти дв~а безъ сjь'мене гряде'тъ 
ражда'ющи.

%<И='нъ. I=рмо'съ:%>

%<Б%>г~ъ сы'й мi'ра, _о=ц~ъ щедро'тъ, вели'кагw совjь'та 
твоегw` а='гг~ла, ми'ръ подава'юща, посла'лъ _е=си` на'мъ. 
тjь'мъ бг~оразу'мiя къ свjь'ту наста'вльшеся, w\т но'щи 
о_у='тренююще, славосло'вимъ тя`, чл~вjьколю'бче.

%<_Е=%>стество'мъ вл\дка, въ рабjь'хъ соверше'ннjь, сн~ъ 
бж~iй всесоверше'нный, благоволи'лъ за милосе'рдiе зва'тися 
и= сн~ъ человjь'ческiй всеще'дрый. тjь'мже въ верте'пjь 
во'лею w=бнища'въ, гряде'ши роди'тися, пребл~же.

%<Н%>евмjьсти'мый _е=стество'мъ, хр\сте` цр~ю`, ка'кw 
ма'лый тя` прiи'метъ верте'пъ; ка'кw jа='сли возмо'гутъ тя` 
вмjьсти'ти, на'съ ра'ди w\т мт~ре неискусому'жныя пло'тiю 
приходя'ща во своя^; jа='кw да о_у=стра'ншыяся спасе'ши, 
гд\си.

%<Бг~оро'диченъ:%>

%<А='%>гница па'стыря прiи'де роди'ти, гото'вися, ст~ы'й 
верте'пе, па'стырiе, спjьши'те, па'стыря и= а='гнца 
ро'ждшагося (с. 314) ви'дjьти: волсви`, съ да^ры 
о_у=гото'витеся: сему` jа='кw цр~ю` поклони'тися пло'тiю.

%<Катава'сiа: Б%>г~ъ сы'й ми'ра:

%<Пjь'снь s~. I=рмо'съ:%>

%<Ж%>ите'йское мо'ре, воздвиза'емое зря` напа'стей 
бу'рею, къ ти'хому приста'нищу твоему` прите'къ, вопiю' ти: 
возведи` w\т тли` живо'тъ мо'й, многоми'лостиве.

%<С%>ме'рти о_у=мерщвле'нiе, и= а='да, бл~же, содjь'лалъ 
_е=си` разруше'нiе тридне'внымъ погребе'нiемъ твои'мъ: 
жи'знь же и=сточи'лъ _е=си` бг~олjь'пнw воскре'съ, су'щымъ 
въ мi'рjь, i=и~се благi'й.

%<Два'жды.%>

%<_О=ц~_е'мъ:%>

%<Н%>ра'въ страннолюби'въ, вjь'ра же высока` а=враа'ма 
су'ща пра'_оц~а: тjь'мже бж\ственное та'инство _о=бра'знjь 
прiе'мъ ра'довашеся, предъ хр\сто'мъ же текi'й ны'нjь 
весели'тся.

%<Т%>ва'рь повину` ны'нjь вjь'ра _о=трокw'мъ, да'ромъ 
зижди'теля: _о='гнь бо всея'децъ и= безсту'дный 
о_у=стыдjь'ся чту'щихъ _о=гня` дjь'лателя i=и~са хр\ста`.

%<М%>i'ра свирjь'пство прише'ствiемъ хр\сто'вымъ 
сочисля'тися и=з\ъяви`, къ ми'ру глубо'кому бг~олjь'пнw, 
загради'въ о_у=ста` львw'въ данiи'лъ пр\оро'къ въ ро'вjь 
и=ногда`.

%<Бг~оро'диченъ:%>

%<И=%>зъ ложе'снъ родила` _е=си` дjь'вственныхъ хр\ста`, 
марi'е мт~и безму'жная, _е=го'же пр\оро'цы ви'дjьвше 
духо'внjь, тогw` предликовству'ютъ ны'нjь _о=ц~ы` 
рожде'ств_енная.

%<И='нъ. I=рмо'съ:%>

%<И=%>зъ о_у=тро'бы i=w'ну младе'нца и=зблева` морскi'й 
sвjь'рь, jа=кова` прiя'тъ: въ дв~у же все'льшееся сло'во, и= 
пло'ть прiе'мшее про'йде сохра'ншее нетлjь'нну. _е=гw'же бо 
не пострада` и=стлjь'нiя, ро'ждшую сохрани` неврежде'нну.

%<Н%>о'вое нб~о су'щи, вл\дчце, и=зъ о_у=тро'бы твоея`, 
jа='кw и=зъ _о='блака, хр\ста` сла'вы сл~нца, возсiя'ти 
гряде'ши въ (с. 315) верте'пjь пло'тiю, jа='кw хотя'ща 
сiя'ньми свои'ми свjь'тлw вся^ земна^я и=сполн_е'нiя 
w=зари'ти за милосе'рдiе безмjь'рное.

%<В%>и'дjьлъ _е=си` на'шу болjь'знь и= w=sлобле'нiе, 
ще'дрый хр\сте`, и= не пре'зрилъ _е=си` на'съ, но и=стощи'лъ 
_е=си` тебе` сама'го, не w\тступи'въ роди'теля, и= всели'лся 
_е=си` во о_у=тро'бу неискусобра'чную, jа='же неболjь'зненнw 
роди'ти тя` пло'тiю въ верте'пjь предгряде'тъ.

%<Бг~оро'диченъ:%>

%<Г%>о'ры и= хо'лми, поля` и= де'бри, лю'дiе и= 
колjь^на, jа=зы'цы и= вся'кое дыха'нiе воскли'кните, 
весе'лiя бж\ственнагw и=сполня'еми: прiи'де и= приспjь` 
всjь'хъ и=збавле'нiе сло'во бж~iе безлjь'тное подъ лjь'томъ 
за милосе'рдiе бы'вшее.

%<Катава'сiа: И=%>зъ о_у=тро'бы i=w'ну:А='ще внjь` к~-гw 
числа`,

%<Конда'къ _о=ц~_е'въ, гла'съ s~:%>

%<Р%>укопи'саннагw _о='браза не поче'тше, но 
неwпи'саннымъ существо'мъ защити'вшеся, требл~же'ннiи, въ 
по'двизjь _о=гня` просла'вистеся: средjь' же пла'мене 
нестерпи'магw стоя'ще, бг~а призва'сте: о_у=скори`, _w 
ще'дрый! и= потщи'ся, jа='кw ми'лостивъ, въ по'мощь на'шу, 
jа='кw мо'жеши хотя'й.

%<I='косъ:%>

%<П%>ростри` твою` ру'ку, _е='юже дре'вле прiя'ша 
и=скуше'нiе _е=гv'птяне борю'щiи и= _е=вре'и бори'мiи, не 
w=ста'ви на'съ, да не пожре'тъ на'съ сме'рть жа'ждущая 
на'съ, и= сатана` ненави'дяй на'съ: но прибли'жися на'мъ, и= 
пощади` ду'шы на'шя, jа='коже пощади'лъ _е=си` и=ногда` 
_о='троки твоя^, су'щыя въ вавv"лw'нjь, непреста'ннw 
сла'вящыя тя`, и= вве'рж_енныя теб_е` ра'ди въ пе'щь, и= w\т 
сея` вопiю'щыя ти`: о_у=скори`, ще'дрый, и= потщи'ся, jа='кw 
ми'лостивъ, на по'мощь на'шу, jа='кw мо'жеши хотя'й.

%<А='ще же вну'трь предпра'зднства, Конда'къ, гла'съ 
а~.%>

%<Подо'бенъ: Л%>и'къ а='гг~льскiй:

%<В%>есели'ся, виfлее'ме, _е=vфра'fо, гото'вися: се' бо 
а='гница (с. 316) па'стыря вели'каго во о_у=тро'бjь нося'щи, 
_е='же роди'ти тщи'тся, _е=го'же зря'ще бг~оно'снiи _о=ц~ы` 
веселя'тся, съ па'стырьми пою'ще дв~у доя'щую.

%<I='косъ:%>

%<Т%>воегw` рж\ства`, дв~о, свjь'тлость зря'ще сiя'ющую, 
а=враа'мъ бг~олюби'вый, i=саа'къ приснопа'мятный, i=а'кwвъ, 
и= ве'сь бг~осо'бранный ли'къ святы'хъ ра'дуется, и= тва'рь 
приведо'ша къ твоему` срjь'тенiю ра'достными реч_е'нiи: 
ра'дости бо хода'таица всjь^мъ jа=ви'лася _е=си`, во 
о_у=тро'бjь заче'ншая и=ногда` въ вавv"лw'нjь ви'дjьннаго, 
и= _о='троки, въ пе'щь непра'веднjь вве'рж_енныя, неwпа'льны 
соблю'дшаго, и= тя` показа'вшаго па'че вся'кагw ра'зума. 
тjь'мъ и= воспjьва'ютъ зри'маго въ рука'хъ ю='ницы, пою'ще 
дв~у доя'щую.

%<Пjь'снь з~. I=рмо'съ:%>

%<Н%>еизрече'нное чу'до, въ пещи` и=зба'вивый прп\дбныя 
_о='троки и=зъ пла'мене, во гро'бjь ме'ртвъ бездыха'ненъ 
полага'ется, во спасе'нiе на'съ пою'щихъ: и=зба'вителю бж~е, 
бл~гослове'нъ _е=си`.

%<_W%> стра'ннагw чудесе`! въ вы'шнихъ сjьдя'й на 
пр\сто'лjь гд\сь, то'йже прiя'тiемъ пло'ти сме'рть 
претерпjь`: но воскр~се бж\ства` крjь'постiю, совоскреси'въ 
м_е'ртвыя су'щыя w\т вjь'ка.

%<Т%>ы` сме'ртную крjь'пость сотрясе`, и= воскре'се, 
воста'нiе дая` тебе` вои'стинну гд\са сла'вящымъ, и= 
правосла'вною вjь'рою тебjь` вопiю'щымъ: и=зба'вителю бж~е, 
бл~гослове'нъ _е=си`.

%<_О=ц~_е'мъ:%>

%<Х%>р\ста` роди'въ по пло'ти, вjь'рою, родонача'льниче 
_о='ч~е а=враа'ме, jа=ви'лся _е=си` jа=зы'кwвъ ду'хомъ 
_о=ц~ъ jа='вjь, во спасе'нiе на'съ пою'щихъ: и=зба'вителю 
бж~е, бл~гослове'нъ _е=си`.

%<Б%>езду'шнаго шу'ма вотще` восклица'ющаго, 
w=душевле'нныхъ посрами` пjь'снь: пе'щь бо _о=гне'мъ 
горя'щую тjьлесы` попира'юще _о='троцы невре'днw, 
и=зба'вителю пою'тъ: бж~е, бл~гослове'нъ _е=си`.

%<В%>идjь'нiемъ воззрjь'въ духо'внымъ пр\оро'къ дре'вле 
данiи'лъ, (с. 317) хр\сто'во jа=ви` второ'е прише'ствiе, и= 
jа=`же въ не'мъ стра^шная предвозвjьща'етъ, вопiя`: 
и=зба'вителю бж~е, бл~гослове'нъ _е=си`.

%<Бг~оро'диченъ:%>

%<С%>тра'нное чу'до во пр\оро'цjьхъ повjьству'емое, и= 
_о=ц~_е'мъ дре'вле jа=вле'нно, дв~а ч\стая роди'ти хотя'щи 
прiи'де, на спасе'нiе на'съ пjьснопою'щихъ: и=зба'вителю 
бж~е, бл~гослове'нъ _е=си`.

%<И='нъ. I=рмо'съ:%>

%<_О='%>троцы благоче'стiю совоспита'ни, sлочести'вагw 
велjь'нiя небре'гше, _о='гненнагw преще'нiя не о_у=боя'шася, 
но посредjь` пла'мене стоя'ще поя'ху: _о=тц_е'въ бж~е, 
бл~гослове'нъ _е=си`.

%<Л%>оза` бж\ственная, нетлjь'нный гро'здъ 
о_у=зрjь'ливши, ближа'щися и='детъ роди'ти, весе'лiя вiно` 
точа'щаго, и= напоя'ющаго на'съ, _е=му` вопiю'щихъ. 
_о=тц_е'въ на'шихъ бж~е, бл~гослове'нъ _е=си`.

%<Б%>ж\ственная мv"рополо'жница благово'нное мv'ро 
вну'трь нося'щи, въ верте'пjь виfлее'мли и=стощи'ти сiе` 
гряде'тъ, благово'нiя та'инственнагw и=сполня'ющее пою'щыя: 
_о=тц_е'въ бж~е, бл~гослове'нъ _е=си`.

%<Бг~оро'диченъ:%>

%<К%>леща`, ю='же и=са'iа пр\оро'къ дре'вле ви'дjь, 
бж\ственный о_у='гль, хр\ста` во чре'вjь прихо'дитъ и=му'щи, 
вся'ку ве'щь грjьхо'вную попаля'ющiй, вjь'рныхъ же ду'шы 
просвjьща'ющiи.

%<Катава'сiа: _О='%>троцы, благоче'стiю:

%<Пjь'снь и~. I=рмо'съ:%>

%<О_у=%>жасни'ся боя'йся нб~о, и= да подви'жатся 
w=снова^нiя земли`: се' бо въ мертвецjь'хъ вмjьня'ется въ 
вы'шнихъ живы'й, и= во гро'бъ ма'лъ страннопрiе'млется. 
_е=го'же _о='троцы благослови'те, свяще'нницы, воспо'йте, 
лю'дiе, превозноси'те во вся^ вjь'ки.

%<_W%> неизрече'ннагw твоегw`, хр\сте`, снизхожде'нiя 
на'съ ра'ди смире'нныхъ! се' бо сме'рти вкуси'въ, бг~ъ 
безсме'ртенъ сы'й, во гро'бjь jа='кw чл~вjь'къ положи'лся 
_е=си`: но воскре'слъ (с. 318) _е=си`, сло'ве, совоскреси'въ 
дw'льняя, тебе` превознося'щыя во вся^ вjь'ки.

%<О_у=%>жасе'ся вся'къ слу'хъ, ка'кw вы'шнiй во'лею 
прiи'де на зе'млю, а='дову крjь'пость разори'ти кр\сто'мъ и= 
погребе'нiемъ, и= вся^ совозста'ви взыва'ти: _о='троцы, 
благослови'те, свяще'нницы, воспо'йте, лю'дiе превозноси'те 
во вся^ вjь'ки.

%<_О=ц~_е'мъ:%>

%<Т%>вое` заколе'нiе пред\ъиз\ъwбразу'я а=враа'мъ, 
хр\сте`, _е=го'же роди` сы'на, на горjь` повину'яся тебjь`, 
вл\дко, jа='коже _о=вча`, взы'де пожре'ти хотя'й вjь'рою: но 
возврати'ся ра'дуяся съ ни'мъ, и= сла'вя и= превознося' тя 
и=зба'вителя мi'ра.

%<П%>ла'менемъ неутружде'ннымъ, хр\сте`, w=блече'ну ти` 
jа='кw ри'зою бж\ственною, _о='гнь ст~ы'хъ _о='трwкъ твои'хъ 
о_у=гаси` sjьлw`, и= роса` твои'мъ низхожде'нiемъ пою'щымъ 
шумя'ше. свяще'нницы по'йте, и= превозноси'те _е=го` во 
вjь'ки.

%<Д%>ае'тся львw'мъ въ снjь'дь судо'мъ непра'веднымъ 
пр\оро'къ данiи'лъ, но и=мя'ше, повелjь'нiемъ воздержа'нiя, 
спо'стники благоче'стнw sвjь'ри бо глубинjь` ро'вища: тогw` 
моли'твами, а=враа'ма же и= _о=трокw'въ, спаси` въ ми'рjь, 
хр\сте`, пою'щыя тя`.

%<Бг~оро'диченъ:%>

%<_Е=%>го'же провозвjьсти'ша вjь'рнw пр\оро'честiи 
гла'си, i=и~са _е=мману'ила, въ человjь'честjь _о='бразjь 
гряду'ща, бж~iя и= _о='ч~а, сн~а же и= собезнача'льное 
сло'во, w\т дх~а ст~а'гw дв~а марi'а ражда'етъ 
неискусому'жнw въ виfлее'мjь гра'дjь.

%<И='нъ. I=рмо'съ:%>

%<Ч%>у'да преесте'ственнагw росода'тельная и=з\ъwбрази` 
пе'щь _о='бразъ: не бо`, jа=`же прiя'тъ, пали'тъ ю='ныя, 
jа='кw ниже` _о='гнь бж\ства` дв~ы, въ ню'же вни'де 
о_у=тро'бу. тjь'мъ, воспjьва'юще, воспое'мъ: да 
благослови'тъ тва'рь вся` гд\са, и= превозно'ситъ во вся^ 
вjь'ки.

%<С%>ла'ва въ вы'шнихъ бг~у, со а='гг~лы возопiи'мъ въ 
весе'лiи: сп~съ ражда'ется, вл\дка прихо'дитъ, _е=го'же 
sвjьзда` (с. 319) показу'етъ, волсви` тща'тся _е=го` въ 
jа='слехъ ви'дjьти: да благослови'тъ тва'рь вся` гд\са, и= 
превозно'ситъ во вся^ вjь'ки.

%<С%>ъ рабы^ написа'лся _е=си` во'льнw, вл\дко, 
ке'сареву повину'яся зако'ну: jа='кw да человjь'чество w\т 
рабо'ты лука'вагw, бж~е, свободи'ши, многоми'лостиве. 
тjь'мже ра'дующеся воспjьва'емъ: да бл~гослови'тъ тва'рь 
вся^ гд\са и= превозно'ситъ во вся^ вjь'ки.

%<Бг~оро'диченъ:%>

%<М%>л\днца но'ва ношу' тя, безнача'льне сло'ве, 
и=ску'са же му'жеска w\тню'дъ не позна'хъ, дв~а глаго'лаше 
недоумjьва'ющися. кого` на земли` воз\ъимену'ю твоего` 
_о=ц~а`; не вjь'мъ. тjь'мже со всjь'ми воспjьва'ю ти`: да 
благослови'тъ тва'рь вся` гд\са и= превозно'ситъ во вся^ 
вjь'ки.

%<Катава'сiа: Ч%>у'да преесте'ственнагw:

%<Пjь'снь f~. I=рмо'съ:%>

%<Н%>е рыда'й мен_е`, мт~и, зря'щи во гро'бjь, _е=го'же 
во чре'вjь безъ сjь'мене зачала` _е=си` сн~а: воста'ну бо и= 
просла'влюся, и= вознесу` со сла'вою непреста'ннw, jа='кw 
бг~ъ, вjь'рою и= любо'вiю тя` велича'ющыя.

%<Ч%>то` рыда'еши, тва'ре, на кр\стjь` ви'дящи и= во 
гро'бjь, жи'зни да'теля jа='кw зе'млена; воста'нетъ бо 
w=бновля'яй тя` свjь'тлw, тридне'внымъ воскресе'нiемъ а='дъ 
низложи`, и= м_е'ртвыя совоздви'гъ восхваля'ющыя _е=го`.

%<А='%>ще и= во гро'бъ низше'лъ _е=си` jа='кw ме'ртвъ, 
жизнода'вче, но а='дову крjь'пость разори'лъ _е=си`, 
хр\сте`. совоздви'гнувъ м_е'ртвыя, jа=`же пре'жде пожре`, и= 
воскресе'нiе по'далъ _е=си`, jа='кw бг~ъ, вjь'рою и= 
любо'вiю тя` велича'ющымъ.

%<_О=ц~_е'мъ:%>

%<С%>у'щихъ пре'жде зако'на _о=ц~_е'въ пра'здникъ 
соверша'юще, w\т ни'хъ бг~олjь'пнw почти'мъ хр\ста`: 
а=враа'мъ бо, ку'пнw и= i=саа'къ и= i=а'кwвъ, пр\оро'кwвъ и= 
зако'на jа=ви'шася w=снова'нiе, и= благода'ти вjь'рою дх~а 
проповjь'дницы.

%<_О=%>гне'мъ показа'вый мwv"се'ю въ купинjь`, па'че 
о_у=ма` (с. 320) бг~ови'днjь та'инство бг~ъ: во _о='гнь къ 
дjь'т_емъ низше'дъ то'йже, _о=гне'мъ _е=сте'ственнымъ 
бж\ства` _е=гw`, пе'щный пла'мень ро'су показа`.

%<С%>о а=враа'момъ соше'дшеся прест~i'и дjь'ти, и= 
данiи'лъ ди'вный пр\оро'къ бж~iй, i=саа'къ и= i=а'кwвъ, съ 
мwv"се'емъ и= а=арw'нъ, хр\сто'ва пре'жде рж\ства` 
ликовству'ютъ вjь'рнw, моля'щеся непреста'ннw во _е='же 
спасти'ся на'мъ.

%<Бг~оро'диченъ:%>

%<С%>ра'дуется вся` тва'рь твоему` рж\ству`, дв~о: 
_е=де'ма бо виfлее'мъ w\тве'рзе на'мъ. и= се` дре'ва жи'зни 
вси` наслажда'ющеся вjь'рнw, вопiе'мъ прилjь'жнw, моли^твы 
на'шя, вл\дчце, и=спо'лни.

%<И='нъ. I=рмо'съ:%>

%<Т%>а'инство стра'нное ви'жу и= пресла'вное: нб~о, 
верте'пъ: престо'лъ херувi'мскiй, дв~у: jа='сли, 
вмjьсти'лище, въ ни'хже возлеже` невмjьсти'мый хр\сто'съ 
бг~ъ, _е=го'же воспjьва'юще, велича'емъ.

%<Т%>а^инства стра^нная, стра^шная и= пресла^вная: 
сла'вы гд\сь прiи'де на зе'млю, и= въ верте'пъ w=бнища'въ 
вни'де пло'тiю, а=да'ма воззва'ти и=щя`, и= _е='vу 
болjь'зней и=зба'вити.

%<П%>елена'ми твои'ми рjьши'ши пл_ени'цы грjьхопаде'нiй: 
мно'гою же нището'ю вся^ w=богаща'еши, ще'дре, безслове'сныя 
sло'бы, поло'жся въ jа='сли безслове'сныхъ, человjь'ки 
и=змjьня'еши, бж~iй сло'ве пребезнача'льне.

%<Бг~оро'диченъ:%>

%<П%>ро'пwвjьди пр\оро'ч_ескiя коне'цъ прiя'ша: _е=го'же 
бо прореко'ша преити` въ сконча'нiе лjь'тъ, прiи'де и= 
jа=ви'ся и=зъ чи'стыя дв~ы воплоща'емь, того` мы'слiю 
чи'стою прiи'мемъ.

%<Катава'сiа: Т%>а'инство стра'нное:

%<Свjьти'ленъ воскр\снъ, Сла'ва, _о=ц~_е'въ. Подо'бенъ: 
О_у=%>ченикw'мъ:

%<П%>атрiа'рхwвъ и=збра'ннiи, и= пре'жде зако'на _о=ц~ы` 
вjь'рою предвозсiя'ша, а=враа'мъ, i=саа'къ же и= i=а'кwвъ, 
jа='кw свjьти'льницы: вси' бо пр\оро'цы и= пра'в_едницы 
возсiя'вша w\т (с. 321) ни'хъ, jа='кw свjьщы` свjьтови^дныя, 
и= тва'рь всю` луча'ми просвjьти'ша честна'гw проро'чества, 
и= прилjь'жнw мо'лятся къ бг~у w= ми'рjь.

%<И= ны'нjь:%>

%<А='%>гница нескве'рная, а='гнца ро'ждшая сло'ва 
пребезнача'льнаго въ послjь^дняя времена`, бя'ше сiе` 
чу'дно, а=да'мова вну'ка и= дв~дова по достоя'нiю: _е=я'же 
несказа'нное рождество` _о=ц~_е'въ мно'жество 
предпра'зднствуетъ досто'йнw.

%<А='ще же въ к~д-й де'нь: воскр\снъ свjьти'ленъ не 
глаго'лется, но _о=ц~_е'въ:%>

%<W\т%> сjь'мене вво'дится а=враа'мля, и= бж\ственнагw 
дв~да бг~о_отца`, пребезнача'льное сло'во, и='же _о='троки 
равночи'сл_енныя пе'рвjье тр\оцjь, чу'днw а='гг~ла 
сше'ствiемъ и=зъ пла'мене спасы'й, и= рыда'нiе въ ра'дость 
преложи'вый же'нъ.

%<Сла'ва: П%>атрiа'рхwвъ и=збра'ннiи: %<Пи'санъ предъ 
си'мъ.%>

%<И= ны'нjь:%>

%<В%>есели'ся, виfлее'ме, и= ты`, _е=vфра'fо, гото'вися: 
бц\да бо прихо'дитъ въ верте'пjь и= jа='слехъ роди'ти бг~а 
неизрече'ннw: _w стра'шнагw та'инства! _е=гw'же ны'нjь 
бж\ственное рж\ство` а=враа'мъ, i=саа'къ же и= i=а'кwвъ, 
патрiа'рси вси` и= пр\оро'цы свjь'тлw предпра'зднуютъ, и= 
человjь'цы со а='гг~лы.

%<На хвали'техъ стiхи^ры воскр\сны, д~: и= _о=ц~_е'въ, 
д~:%>

%<Стiхи^ры _о=ц~_е'въ, гла'съ _е~. Подо'бенъ: 
Р%>а'дуйся, по'стникwвъ:

%<В%>озвы'си тво'й гла'съ и='стиннw, сiw'не, бж\ственный 
гра'де, и= проповjь'ждь _о=ц~_е'въ бж\ственную па'мять, со 
а=враа'момъ i=саа'ка и= i=а'кwва почита'юще присносла'внаго, 
се` со i=у'дою и= леvi'емъ велича'емъ мwv"се'а вели'каго, и= 
а=арw'на чу'днаго, и= почита'емъ съ дв~домъ i=ису'са, и= 
самуи'ла вси`. предпра'зднеству хр\сто'ву бж\ственную 
похвалу` пjь'сньми бж\ственными пле'щуще, jа='же w\т негw` 
благода'ть о_у=лучи'ти про'симъ, и= мi'ру дарова'ти ве'лiю 
ми'лость.

%<Два'жды.%>

%<Стi'хъ:%> Бл~гослове'нъ _е=си`, гд\си бж~е _о=ц~ъ 
на'шихъ, и= хва'льно и= просла'влено и='мя твое` во вjь'ки. 
(с. 322)

%<Г%>ряди`, на _о='гненную и=ногда` возсjь'дый, и=лiе`, 
бж\ственную колесни'цу, и= бг~ому'дре _е=лiссе'е, со 
_е=зекi'ею во _е=ди'но, w=сi'е, ку'пнw сра'дуйтеся: честна'я 
же двоенадеся'тице пр\оро'кwвъ бг~одохнове'нная, рождеству` 
хр\сто'ву сликовству'йте, и= въ пjь'снехъ вси` пра'веднiи 
воспо'йте, _о='троцы всеблаже'ннiи, росо'ю дх~а 
о_у=гаси'вшiи пла'мень пе'щный, w= на'съ моли'те хр\ста`, 
низпосла'ти душа'мъ на'шымъ ве'лiю ми'лость.

%<Стi'хъ: Jа='%>кw прв\днъ _е=си` w= всjь'хъ, jа=`же 
сотвори'лъ _е=си` на'мъ.

%<Jа=%>ви'ся, jа='же w\т вjь'ка на земли` 
проповjь'даемая пр\орw'ки въ вjьща'нiихъ, дв~а бц\да: ю='же 
патрiа'рси му'дрiи, и= пра'ведныхъ собо'ри возвjьща'ютъ, съ 
ни'ми же сликовству'етъ и= же'нъ благолjь'пiе: са'рра, 
реве'кка, рахи'ль, и= а='нна же, и= сла'вная марiа'мъ 
мwv"се'ева ку'пнw. съ си'ми сра'дуются и= мi'ра концы`, вся` 
тва'рь почита'етъ, jа='кw зижди'тель всjь'хъ и= бг~ъ 
прихо'дитъ пло'тiю роди'тися, и= дарова'ти на'мъ ве'лiю 
ми'лость.

%<Сла'ва: З%>ако'нныхъ о_у=че'нiй:

%<И='ны стiхи^ры, _е=гда` не пое'тся воскр\сно. Гла'съ 
д~:%>

%<Подо'бенъ: З%>ва'нный свы'ше:

%<И=%>са'iи гла'съ и=сполня'ется: * се' бо дв~а 
неwб\ъя'тнаго, * w=пису'емаго пло'тiю * во о_у=тро'бjь 
но'ситъ, * и= пресла'внw роди'ти прихо'дитъ. * бг~опрiя'тный 
верте'пе, о_у=краси'ся, * виfлее'ме, о_у=гото'вися: * цр~ь 
бо тя` и=зво'ли во _о=би'телище. * прiими'те jа='сли * 
повива'ема мл\днца хр\ста`, * хотя'ща рjьши'ти плени^цы 
согрjьше'нiй человjь'кwвъ бла'гостiю.

%<Н%>аписа'вся съ рабы^ вл\дка, * прегрjьше'нiй 
рукописа'нiе раздра'ти хотя`, * и= написа'ти вся^ въ кни'зjь 
живу'щихъ, * о_у=мерщвл_е'нныя о_у=краде'нiемъ sмi'я. * дв~а 
же но'ситъ тя` вся^ нося'щаго, * пло'тiю ме'ртвенною 
w=бложе'на, * и= всели'тися въ ма'лый верте'пъ 
благоволи'вшаго. * _е=го'же ро'ждшася * чи'ни го'рнiи 
а='гг~льстiи восхвали'ша, съ бж\ственными па^стыри, * 
дивя'щеся держа'вjь твое'й. (с. 323)

%<С%>вjь'тлый же и= w=душевле'нный _о='блакъ, * до'ждь 
нося'щи нб\сный, * се'й на зе'млю ны'нjь предгряде'тъ 
пролiя'ти, * jа='кw да напои'тъ земли` лице`. * весна` 
бл~года'ти, * мы'сленная ла'стовица, * вну'трь во 
о_у=тро'бjь держа'щи, * неизглаго'ланнымъ сло'вомъ 
ражда'етъ, * зи'му безбо'жную разоря'ющи: * пала'та чи'стая 
и= нескве'рная, * цр~я` въ верте'пъ * привноша'етъ 
воплоща'емаго.

%<Сла'ва, гла'съ и~:%>

%<З%>ако'нныхъ о_у=че'нiй сосло'вiе во пло'ти jа=вля'етъ 
хр\сто'во бж\ственное рж\ство`, пре'жде зако'на бл~года'ть 
благовjьству'ющыя, jа='кw па'че зако'на въ вjь'рjь су'щыя: 
тjь'мже тлjь'нiя и=змjьне'нiю су'щу хода'тайственно, во 
а='дjь держи^мымъ душа'мъ предпроповjь'даху воскресе'нiя 
ра'ди: гд\си, сла'ва тебjь`.

%<И= ны'нjь: П%>ребл~гослове'нна _е=си`:

%<Славосло'вiе вели'кое. По трист~о'мъ: тропа'рь 
воскр\снъ:%>

%<_Е=кт_енiи`: и= w\тпу'стъ. Стiхи'ру же _е=v\гльскую 
пое'мъ въ притво'рjь, и= ча'съ а~, и= соверше'нный 
w\тпу'стъ.%>

%<На лiтургi'и блаж_е'нна гла'са на s~: и= _о=ц~_е'въ 
пjь'снь г~, на д~. По вхо'дjь тропа'рь воскр\снъ, и= 
_о=ц~_е'въ: Сла'ва, и= ны'нjь, конда'къ _о=ц~_е'въ. 
Прокi'менъ, гла'съ д~, пjь'снь _о=ц~_е'въ: Б%>л~гослове'нъ 
_е=си`, гд\си бж~е _о=ц~ъ на'шихъ, и= хва'льно и= 
просла'влено и='мя твое` во вjь'ки. %<Стi'хъ: Jа='%>кw 
прв\днъ _е=си` w= всjь'хъ, jа=`же сотвори'лъ _е=си` на'мъ. 
%<А=п\слъ къ _е=вре'_емъ, зача'ло тк~и. А=ллилу'iа, гла'съ 
д~: Б%>ж~е, о_у=ши'ма на'шима: %<_Е=v\глiе матfе'а, зача'ло 
а~. Прича'стенъ: Х%>вали'те гд\са съ нб~съ: %<Другi'й: 
Р%>а'дуйтеся, пра'веднiи, w= гд\сjь.