Богослужебные тексты

<::рус>    электронный текст предоставлен 

<::лат>    monah German - Srbija 

<::рус> Текст подвергнут грамматической правке



<::слав> 


%<Мц\са деке'мврiа въ к~ де'нь%>

%<Па'мять и='же бо святы'хъ _о=тца` на'шегw данiи'ла, 
а=рхiепi'скопа се'рбскагw.%>

%<На ма'лjьй вече'рни, стiхи^ры свято'му, гла'съ а~.%>

%<Н%>ебе'снымъ чинw'мъ поревнова'лъ _е=си` святи'телю 
данiи'ле, на земли` же бг~оно'се, w=свяще'нъ сосу'дъ 
jа=ви'лся _е=си` и= жили'ще ст~а'гw дх~а: тjь'мже тя` 
о_у=блажа'емъ и= свято'е твое` дне'сь че'стнw ра'дующеся 
пра'зднуемъ о_у=спе'нiе.

%<Н%>ебе'сныхъ чинw'въ ра'дованiе и= на земли` 
а=рхiере'_емъ похвала`, свяще'нникwмъ сла'ва, данiи'ле 
прему'дре, мона'шествующымъ пра'вило и= це'ркве 
о_у=твержде'нiе. тjь'мъ тя` мо'лимъ, не w=скудjь'й 
спомоществу'я на'мъ притека'ющымъ и= w=блобыза'ющымъ ра'ку 
моще'й твои'хъ.

%<Н%>а небесjь'хъ водворя'яся, прiими` ны'нjь хвалу` 
ча^дъ твои'хъ, _о='тче, пра'зднующихъ че'стнw па'мять 
о_у=спе'нiя твоегw`, и= да'ждь и='хъ проше'нiямъ, моля'ся 
прилjь'жнw преч\стjьй мт~ри бж~iей, спасти'ся w\т бjь'дъ 
душа'мъ на'шымъ.

%<Сла'ва, гла'съ s~, самогла'сенъ.%>

%<Б%>ж~е'ственная благода'ть въ па'мяти о_у=спе'нiя 
твоегw`, w=сjьня'ющи притека'ющыя къ ра'цjь моще'й твои'хъ, 
неду'гwвъ и=сцjьле'нiе подоба'етъ, святи'телю _о='тче 
данiи'ле, мо'лися w= душа'хъ на'шихъ.

%<И= ны'нjь, предпра'зднства.%>

%<На стiхо'внjь, стiхи^ры, гла'съ в~.%>

%<Д%>о'мъ духо'вный jа=ви'ся данiи'лъ, поспjьше'нiемъ 
благода'ти свята'гw ду'ха: тjь'мже ны'нjь соше'дшеся того` 
воспое'мъ.

%<Стi'хъ: С%>вяще'нницы твои` w=блеку'тся въ пра'вду, и= 
преподо'бнiи твои` возра'дуются.

%<Р%>а'дуйся, данiи'ле святи'телей похвало`, 
свяще'нникwмъ сла'во, мона'хwмъ пра'вило, це'ркве 
о_у=твержде'нiе.

%<Стi'хъ: В%>осхва'лятся преподо'бнiи во сла'вjь, и= 
возра'дуются на ло'жахъ свои'хъ.

%<П%>рiими` ны'нjь пjь'нiе ча^дъ твои'хъ, _о='тче, и= 
подава'й лю'бящымъ тя` _о=бы^чная проше'нiя.

%<Сла'ва и= ны'нjь, предпра'зднству, гла'съ то'йже.%>

%<Д%>о'ме _е=vфра'fовъ, гра'де святы'й, о_у=краси` 
до'мъ, въ не'мже бж~е'ственный ражда'ется.

%<Тропа'рь, гла'съ г~.%>

%<Ч%>у'до jа=ви'вся и=звjьще'нiя, дjь'лми добродjь'телей 
бж~iихъ возсiя'лъ _е=си`, мона'шествующихъ ли'ки о_у=па'слъ 
_е=си`, а=рхiере'йская сjьда'лища о_у=тверди'лъ _е=си`, 
_е=ретi'ческагw нападе'нiя не о_у=сумнjь'вся, це'рковiю 
хр\сто'вою о_у=правля'я, преподо'бне _о='тче, данiи'ле 
прему'дре, о_у=сну'въ jа='кw спя`, тjь'ло же твое` цjь'ло и= 
нетлjь'ннw соблюде'но бы'сть, и= подае'тъ цjьльбы` боля'щымъ 
w\т разли'чныхъ неду'гwвъ, и= де'мwны прогоня'етъ: сегw` 
ра'ди мо'лимъ тя`, мо'ли спасти'ся душа'мъ на'шимъ.



%<На вели'цjьй вече'рни%>

%<Б%>лаже'нъ му'жъ, %<а=нтiфw'нъ а~.%>

%<На Г%>д\си воззва'хъ: %<стiхи^ры на и~. 
предпра'зднству г~, и= свято'му _е~.%>

%<Стiхи^ры свято'му данiи'лу, гла'съ в~.%>

%<К%>i'ими похва'льными вjьнцы` о_у=вязе'мъ святи'теля, 
свяще'нства вjьне'цъ, благоче'стiя о_у=правле'нiе, свjь'тлое 
це'ркве се'рбскiя о_у=краше'нiе, и=сто'чникъ бж~е'ственныхъ 
и=сцjьле'нiй неисчерпа'емый, проли'тiе дарw'въ духо'вныхъ, 
рjь'ку мно'гихъ чуде'съ, веселя'щую се'рбскую землю` 
тече'нми, данiи'ла те'плаго предста'теля на'шегw и= 
храни'теля.

%<К%>i'ими смире'нными о_у=стна'ми воспои'мъ святи'теля, 
ди'внагw въ чудесjь'хъ и= безпло'тныхъ сожи'теля, 
w=свяще'ннаго столпа` це'ркве се'рбскiя неподви'жима. _е=я` 
побо'рника и= весе'лiе земли` на'шея, пра'вды пра'вило, 
сирота'мъ пода'теля, w=би'димыхъ засту'пника и= бо'льнымъ 
врача` безме'здна.

%<К%>i'ими всехва'льными вjьнцы` воспои'мъ и= соста'вимъ 
ликова'нiе въ честнjь'мъ пра'здницjь твоегw` о_у=спе'нiя, 
i=ера'рше. _о=ба'че духо'внw пра'зднующе, мо'лимся ти`: 
моли` влады'ку всjь'хъ, дарова'ти побjь'ду правосла^внымъ на 
сопроти^вныя: тебе' бо те'пла моли'твенника къ влады'цjь 
стяжа'хомъ, подаю'щему мi'ру ве'лiю ми'лость.

%<К%>i'ими похва'льными добро'тами воспои'мъ во 
а=рхiере'ехъ, сла'внагw, во вjь'рjь вели'каго и= пелена'хъ 
доброразсу'днаго, во о_у=че'нiи я=зы'ка сла'дкагw, 
о_у=че'нiемъ се'рбскую це'рковь w=богаща'юща струя'ми 
слове'съ свои'хъ. тjь'мъ мо'лимъ тя`, святи'телю хр\сто'въ 
данiи'ле, моли'ся хр\сту` бг~у и= прест~jь'й бц\дjь, да 
и=зба'вимся w\т бjь'дъ моли'твами твои'ми.

%<К%>i'ими духо'вными пjь'снми, воспои'мъ а=рхiере'а, 
о_у=че'нiемъ къ бг~оразу'мiю всjь'хъ наста'вльшаго, 
и=сто'чника чуде'съ пречу'дна и= о_у=чи'теля прему'дра, 
столпа` непоколеби'ма патрiа'ршескiя ла'vры, и= всея` 
се'рбскiя земли` о_у=добре'нiе, и= тве'рдое защище'нiе, и= 
моли'твенника w= душа'хъ на'шихъ.

%<Сла'ва, гла'съ s~.%>

%<А=%>рхiере'_евъ похвалу`, свяще'нникwмъ о_у=краше'нiе, 
къ бг~у моли'твенника непреста'ннаго, и=сто'чника чуде'съ 
преиз\ъwби'льна, дне'сь любо'вiю соше'дшеся, се'рбскiй 
наро'де, i=ера'рха данiи'ла похва'лимъ и= честны^я мо'щи 
_е=гw` w=бстоя'ще лобже'мъ и= рце'мъ: ра'дуйся а=рхiере'е 
данiи'ле, свjьти'льниче свjь'тлый, w=зари` и=зря'дное 
достоя'нiе, лю'ди и= ста'до твое`, w= ни'хже непреста'ннw 
хр\сту` моли'ся, дарова'ти и='мъ ми'рное житiе`, да вси` 
че'стное твое` о_у=спе'нiе любо'вiю почита'емъ.

%<Вхо'дъ. Прокi'менъ дне`, чте'нiя г~.%>

%<На лiтi'и стiхи^ры:%>

%<Свято'му, гла'съ д~, самогла'сенъ.%>

%<С%>вjь'тлw дне'сь це'рковь се'рбская о_у=краша'ется, 
и= ра'дуется зову'щи: о_у=ясни'ся моя` добро'та па'че 
всjь'хъ: святи'телемъ бо красота` сла'вный данiи'лъ взы'де 
на небеса` къ цр~ю` всjь'ми ца'рствующему.

%<П%>рiиди'те о_у=`бо празднолю'бцы, правосла'вныхъ 
собо'ри, и= принесе'мъ _е=му` пjь^нiя и= похвалы`, зову'ще: 
_w святи'телей добро'то и= се'рбская хва'ло, моли'ся хр\сту` 
бг~у и=зба'вити хр\стоимени^тыя лю'ди w\т вся'кiя ско'рби, 
и= спасти` ду'шы на'шя.

%<Д%>у'ха бж~е'ственная благода'ть святи'теля тя` 
показа` и= о_у=чи'теля и=зря'дна jа=ви`. тjь'мже мра'къ 
нече'стiя w=бличи'лъ _е=си` лю'ди бг~ора'зумiя о_у=че'нми 
просвjьти'лъ _е=си`, святи'телю богому'дре данiи'ле, 
а=рхiере'_емъ сла'ва и= красота`, ро'ду же се'рбскому и= 
всjь'мъ бы'лъ _е=си` и=звjь'стенъ _о='бразъ о_у=че'нiя, 
дерзнове'нiе и=мjь'я ко хр\сту` бг~у, того` при'снw моли` 
спасти'ся душа'мъ на'шимъ.

%<Д%>о'блестей твои'хъ, свяще'нне _о='тче данiи'ле, 
пло'дъ о_у=ясни` вjь'рныхъ сердца`. кто' бо слы'ша 
безмjь'рное твое` смире'нiе и= терпjь'нiю не о_у=диви'тся; 
и= _е='же къ ни'щымъ ти'хость и= скорбя'щымъ ми'лованiе. 
вся' бо боголjь'пнw научи'лъ _е=си`, святи'телю, _о='тче 
данiи'ле, и= ны'нjь на небесjь'хъ неувяда'емымъ вjьнча'вся 
вjьнце'мъ, мо'ли хр\ста` бг~а и= пресвяту'ю бц\ду w= душа'хъ 
на'шихъ.

%<Сла'ва, гла'съ s~.%>

%<Т%>ы` _е=си` па'стырь до'брый и= о_у=чи'тель те'плый 
святи'телю _о='тче данiи'ле, тя` всегда` хва'ляще вопiе'мъ 
ти`: тобо'ю о_у=краси` бг~ъ це'рковь, и= ма'тере своея`, 
чудотво'рный _о='бразъ въ хра'мjь предстои'тъ, и= 
неисчерпа'емую благода'ть ро'ду се'рбскому подае'тъ, 
и=дjь'же, и= твоя^ нетлjь^нныя мо'щи покрове'нны лежа'тъ w\т 
толи'кихъ лjь'тъ. тjь'мже тя` мо'лимъ и= вопiе'мъ: _w 
святите'лю хр\сто'въ данiи'ле, мо'лися непреста'ннw w= 
хва'лящихъ и= чту'щихъ святу'ю па'мять твою`, грjьхw'въ 
w=ставле'нiе получи'ти во спасе'нiе ду'шъ на'шихъ.

%<И= ны'нjь, предпра'зднства, гла'съ а~.%>

%<П%>рiими'те jа='сли, _е=го'же въ купинjь` мwv"се'й 
законополо'жникъ прови'дjь въ хори'вjь, ны'нjь ражда'ема w\т 
дв~ы дх~омъ бж~е'ственнымъ. та` _е='сть jа='же въ зако'нjь 
рече'нная: та` _е='сть проро'ческая печа'ть, jа='же бг~а 
пло'тiю тлjь^ннымъ jа=вля'ющи _е=му'же поклони'мся.

%<На стiхо'внjь, стiхи^ры предпра'зднству, гла'съ в~,%> 
%<самогла'сны.%>

%<С%>е' вре'мя прибли'жися спасе'нiя на'шегw, гото'вися 
верте'пе, дв~а приближа'ется _е='же роди'ти, виfлее'ме 
земле` i=у'дова, красу'йся и= весели'ся, jа='кw и=зъ тебе` 
возсiя` гд\сь на'шъ. о_у=слы'шите го'ры и= хо'лмы, и= 
_о=кре'стныя стра'ны i=уд_е'йскiя, jа='кw гряде'тъ 
хр\сто'съ, да спасе'тъ _е=го'же созда` человjь'ка, jа='кw 
человjьколю'бецъ.

%<Стi'хъ: Б%>г~ъ w\т ю='га прiи'детъ, и= святы'й и=зъ 
горы` приwсjьне'нныя ча'щи.

%<В%>иfлее'ме земле` i=у'дова, _е='же по пло'ти 
жи'тельство, свjь'тлw о_у=гото'ви бж~е'ственный верте'пъ: въ 
не'мже бг~ъ пло'тiю ражда'ется w\т неискусому'жныя ст~ы'я 
дв~ы, во _е='же спасти` ро'дъ на'шъ.

%<Стi'хъ: Г%>д\си о_у=слы'шахъ слу'хъ тво'й, и= 
о_у=боя'хся: гд\си разумjь'хъ дjьла` твоя^, и= о_у=жасо'хся.

%<П%>рiиди'те вси` хр\сто'во рождество` вjь'рнw 
предпра'зднуимъ, и= мы'сленнjь пjь'нiе jа='кw sвjьзду` 
предлага'юще, волхвw'въ славослw'вiя съ па'стырьми 
возопiи'мъ: прiи'де спасе'нiе человjь'кwвъ и=зъ дв\ственныхъ 
ложе'снъ, вjь^рныя воззыва'я.

%<Сла'ва, свято'му, гла'съ д~.%>

%<Jа='%>кw со'лнце пресвjь'тлое просвjьща'еши страну` 
всю` се'рбскую, тебе' бо показа` бг~ъ w\т ю='ности 
святи'телю блаже'нне данiи'ле, па'стыря слове'сному своему` 
ста'ду и= _о=те'честву твоему`. ты` о_у=краси'лъ _е=си` 
всечу'днw це'рковь бж~iя ма'тере, въ не'йже и= до ны'нjь 
лежа'тъ честны^я мо'щи твоя^, и=му'щи въ себjь` да'ръ 
и=сцjьле'нiя благода'тiю. сегw` ра'ди не забу'ди въ 
моли'твахъ и=спроси'ти благовjь'рному и= хр\столюби'вому 
наро'ду се'рбскому побjь'ды на сопроти^вныя враги`. тебе' бо 
хр\сто'съ показа` свjьти'ло вели'кое патрiа'ршеской 
собо'рной це'ркви, ты` _е=си` похвала` земли` на'шей и= 
крjь'пкое заступле'нiе, тjь'мже пра'зднующе дне'сь свjь'тлw 
па'мять твою`, мо'лимъ тя`, святи'телю хр\сто'въ данiи'ле, 
ми'ръ мi'ру и=спроси'ти и= душа'мъ на'шимъ ве'лiю ми'лость.

%<И= ны'нjь, предпра'зднства, гла'съ _е~.%>

%<В%>иfлее'ме гото'вися на срjь'тенiе дв~jь мр~i'и и= 
бго~ма'тере: се' бо гряде'тъ къ тебjь` младе'нца нося'щи 
хр\ста`, собезнача'льнаго _о=ц~у` и= дх~у при'снw: _е=го'же 
во верте'пjь роди'тъ, и= по рождествjь` дв~а па'ки 
jа=ви'тся.

%<Н%>ы'нjь w\тпуща'еши, %<Т%>рист~о'е, %<тропа'рь, 
гла'съ г~.%>

%<Ч%>у'до jа=ви'вся и=звjьще'нiя, дjь'лми добродjь'телей 
бж~iихъ возсiя'лъ _е=си`, мона'шествующихъ ли'ки о_у=па'слъ 
_е=си`, а=рхiере'йская сjьда'лища о_у=тверди'лъ _е=си`, 
_е=ретi'ческагw нападе'нiя не о_у=сумнjь'вся, це'рковiю 
хр\сто'вою о_у=правля'я, преподо'бне _о='тче, данiи'ле 
прему'дре, о_у=сну'въ jа='кw спя`, тjь'ло же твое` цjь'ло и= 
нетлjь'ннw соблюде'но бы'сть, и= подае'тъ цjьльбы` боля'щымъ 
w\т разли'чныхъ неду'гwвъ, и= де'мwны прогоня'етъ: сегw` 
ра'ди мо'лимъ тя`, мо'ли спасти'ся душа'мъ на'шимъ.

%<Сла'ва и= ны'нjь, предпра'зднству:%>



%<На о_у='трени,%>

%<На Б%>г~ъ гд\сь, %<тропа'рь предпра'зднству 
[Два'жды.]%>

%<Сла'ва свято'му, и= ны'нjь предпра'зднству.%>

%<По а~-мъ стiхосло'вiи сjьда'ленъ, гла'съ а~.%>

%<С%>лужи'тель бы'въ хр\сту` вся'ческихъ влады'цjь, 
просвjьти'лъ и= научи'лъ _е=си` лю'ди бж~е'ственнымъ 
поуче'нiемъ, къ разумjь'нiю наставля'я святи'телю данiи'ле. 
тjь'мже тя` вси` и=мену'емъ проповjь'дника и='стины, 
о_у=чи'теля и= о_у=го'дника хр\сто'ва.

%<Сла'ва и= ны'нjь, предпра'зднства, гла'съ то'йже.%>

%<В%>есели'ся виfлее'ме, _е=vфра'fо гото'вися, се' бо 
а='гница па'стыря вели'каго въ ложесна'хъ нося'щи, роди'ти 
гряде'тъ: и= предви'дяще бж~е'ственную sвjьзду` волсви` 
ра'дуются, съ па'стырьми пою'ще се'рдца пра'востiю.

%<По в~-й каfi'смjь, сjьда'ленъ, гла'съ д~.%>

%<W\т%> ю='ности взе'мь кре'стъ сво'й, благоче'стнw 
послjь'довалъ _е=си` хр\сту`, о_у=сjькну'въ плотско'е 
мудрова'нiе воздержа'нiемъ: тjь'мже на святи'тельстjьмъ 
сjьда'лищи сjь'дъ, святи'телю, непреста'ннw о_у=краша'еши 
це'рковь хр\сто'ву, во сла'ву влады'ки твоегw` и= пречи'стыя 
ма'тере _е=гw`. тогw` ра'ди и= хр\сто'съ разли'чными 
дарова'нми о_у=краси` твою` ра'ку, данiи'ле всеблаже'нне.

%<Сла'ва и= ны'нjь, предпра'зднству, гла'съ то'йже.%>

%<Д%>jь^вы предначни'те дjьви'ческую ра'дость: ма'т_ери 
восхвали'те провожде'нiе ма'тере хр\ста`, бг~а на'шегw: 
волсви` со а='гг~лы, съ на'ми па'стырiе: гряде'тъ бо дв~а, 
во гра'дjь виfлее'мjь, роди'ти сн~а превjь'чнагw бг~а, 
спаса'ющаго мi'ръ w\т тлjь'нiя.

%<По полv"еле'и, сjьда'ленъ, гла'съ и~.%>

%<С%>вяти'теля вели'каго данiи'ла ка'кw досто'йнw 
воспое'мъ; му'жа чи'стагw о_у=ма`, бг~оза'рнагw свjь'та, 
w=свjьща'ющагw на'съ и= бж~е'ственный ра'зумъ подаю'щагw, 
та'инъ глуби'нныхъ повjьда'теля, _е=му'же согла'снw вси` 
рце'мъ: ра'дуйся _о='тче _о=тц_е'въ, данiи'ле.

%<Сла'ва и= ны'нjь, предпра'зднству, гла'съ _е~.%>

%<В%>иfлее'ме гото'вися на срjь'тенiе дв~ы мр~i'и и= 
бг~ома'тере: се' бо гряде'тъ къ тебjь` младе'нца нося'щи 
хр\ста`, собезнача'льнаго _о=ц~у` и= дх~у при'снw: _е=го'же 
во верте'пjь роди'тъ, и= по рождествjь` па'ки jа=ви'тся 
дв~а.

%<Та'же, степе'нна, а~ а=нтiфw'нъ д~-гw гла'са. 
Прокi'менъ гла'съ д~: О_у=%>ста` моя^ возглаго'лютъ 
прему'дрость и= поуче'нiе се'рдца моегw` ра'зумъ. %<Стi'хъ: 
О_у=%>слы'шите сiя^ вси` jа=зы'цы внуши'те вси` живу'щiи по 
вселе'ннjьй. %<В%>ся'кое дыха'нiе: %<_Е=v\глiе w\т i=wа'нна, 
зача'ло л~_е, w\т полу`.%>

%<По н~-мъ _псалмjь`, стiхи'ра, гла'съ s~.%>

%<_Е=%>гда` преставле'нiе честна'гw твоегw` тjь'ла 
_о='тче приспjь`, тогда` мно'жество вjь'рныхъ, w=бступи'вше 
_о='дръ тво'й, о_у=ми'льнw провожда'ху тя`, и= зря'ще тя` 
благословля'ща, лю'ди о_у=дивля'хуся. ца'рь же душа'нъ со 
слеза'ми вопiя'ше: _w влады'ко, что' ти возда'мъ за 
бг~овjь'дjьнiе _е='же на'мъ дарова'лъ _е=си`, прiе'мь 
благода'ть w\т бг~а. тjь'мже святи'телю данiи'ле моли'ся 
прилjь'жнw хр\сту` бг~у и= пресвятjь'й бц\дjь, да 
призыра'етъ на на'съ неw\тсту'пнw пречи'стымъ свои'мъ 
чудотво'рнымъ _о='бразомъ, и='мже ты` хра'мъ о_у=краси'лъ 
_е=си`, _о=те'честву и= ста'ду своему` непоколеби'мый 
сто'лпъ w=ставля'я. твои'ми моли'твами да спасе'мся.

%<Канw'нъ свято'му данiи'лу, на s~.%>

%<Пjь'снь а~.%>

%<I=рмо'съ предпра'зднства.%>

%<_О='%>тче богому'дре, святи'телю данiи'ле, w\тве'рзи 
моя^ недосто'йная о_у=ста`, воспjьва'ти тя`, и= прiими` 
jа='кw благово'нное кади'ло w\т о_у=бо'жества моегw`, _е='же 
тебjь` принесо'хъ недосто'йный а='зъ. %<[Два'жды.]%>

%<В%>оспои'мъ вси` вели'каго святи'теля данiи'ла, 
почти'мъ засту'пника и= о_у=твержде'нiе земли` се'рбскiя, 
_е=го'же дарова` гд\сь _о=би'тели собо'рной храни'теля 
бо'дра.

%<С%>паси'тельнымъ хр\сто'вымъ за'повjьдемъ 
послjь'довалъ _е=си`, прему'дре святи'телю данiи'ле, вдо'въ 
и= сиро'тъ бы'лъ _е=си` предста'тель, и= земли` се'рбстjьй 
вели'кое защище'нiе.

%<В%>ели'кiй ны'нjь данiи'лъ, па'стырь це'ркве 
собо'рныя, па'стыри вку'пjь и= пасw'мыя, и= всю` це'рковь въ 
па'мять призыва'етъ. тjь'мже собра'вшеся, торжеству'имъ 
свjь'тлw въ де'нь па'мяти _е=гw`.

%<Б%>лагода'ть ду'ха прiе'мъ _о='тче, во свое` се'рдце, 
хр\сто'въ святи'телю, о_у=ясни` jа=зы'къ и= се'рдце 
просвjьти` твои'хъ пjьвце'въ _е='же святу'ю твою` па'мять 
воспjь'ти свjь'тлw, данiи'ле преподо'бне.

%<А='%>ще и= побjьжда'ютъ твоя` и=справле'нiя словеса` 
на'ша и= помышле'нiя, _о='тче данiи'ле, _о=ба'че душе'вное 
на'ше предложе'нiе, по си'лjь приноси'мое тебjь`, прiими` съ 
любо'вiю досточу'дне, _е='же бо по досто'инству пjь'сни 
тебjь` соплести`, невозмо'жнw _е='сть на'мъ.

%<Бг~оро'диченъ: П%>речи'стая бц\де содjь'теля и= сп~са 
ро'ждши, спаси` w\т бjь'дъ гра'дъ тво'й непреста'ннw, 
моля'щи сн~а твоего` и= бг~а на'шего за ны`.

%<Пjь'снь г~.%>

%<I=рмо'съ, jа='коже пре'жде.%>

%<Т%>ы` прояви'лъ _е=си` влады'ко въ послjь'днемъ ро'дjь 
на'шемъ святи'теля вели'каго са'вву, и='же просвjьти` свое` 
_о=те'чество со святи'тели и= а=рхiере'йми, _е=му` же 
послjь'дуетъ данiи'лъ цвjь'тъ пречу'дный. %<[Два'жды.]%>

%<Т%>ебjь` прикосну'выйся свя'те, су'щему въ честнjь'мъ 
гро'бjь твое'мъ и=сцjьле'нiе получи'ти сподо'бися: рука'мъ 
бо тогw` къ пе'рсемъ со'гбеннымъ бж~iею благода'тiю дае'ши 
простира'тися.

%<С%>окруши` а=га'ряны и= вся` сопоста'ты безбо'жныя, 
преподо'бне данiи'ле, моле'нiемъ твои'мъ къ творцу` и= бг~у 
на'шему, и= си'лу и='хъ борю'ющую на ны` немощну` покажи`, 
и= покори` и=`хъ благовjь'рному наро'ду на'шему.

%<С%>мире'нъ jа=ви'лся _е=си`, кро'токъ же и= ти'хъ 
данiи'ле, w\т_ону'дуже ду'ха благода'ть _о=би'льнjь 
и=злiя'вшися на тя`, вели'ка показа` тя`, чуде'съ луча'ми 
зе'млю на'шу w=сiява'юща. %<[Два'жды.]%>

%<Ж%>езло'мъ воздержа'нiя страсте'й мо'ре раздjьли'въ 
блаже'нне, jа='кw мwv"се'й на безстра'стiя го'ру возше'лъ 
_е=си`, и= прiе'мъ мы'сл_енныя скрижа^ли, па'ству твою` 
научи'лъ _е=си` зако'ну хр\сто'ву.

%<Бг~оро'диченъ: Б%>у'ди ми` дв~о прибjь'жище и= 
приста'нище, стjьна` неwбори'мая и= засту'пница, бг~а 
пло'тiю ро'ждшая, пречи'стая и=зба'вителя всеще'драго и= 
сп~са пою'щихъ тя`, бг~оневjь'стная.

%<Сjьда'ленъ свято'му, гла'съ д~.%>

%<С%>вjьти'льникъ свjьтосiя'ненъ jа=ви'лся _е=си` земли` 
се'рбстjьй, просвjьща'яй блиста'ньми бж~е'ственныхъ твои'хъ 
слове'съ вjь'рныхъ помышле'нiя святи'телю _о='тче данiи'ле. 
тjь'мъ вси` свяще'нную твою` и= бж~е'ственную па'мять дне'съ 
ра'достнw соверша'емъ.

%<Сла'ва, и= ны'нjь, предпра'зднства, гла'съ то'йже.%>

%<Д%>jь^вы предначни'те дjьви'ческую ра'дость: ма'т_ери 
восхвали'те предпровожде'нiе ма'тере хр\ста` бг~а на'шегw, 
волсви` со а='гг~лми, съ на'ми па'стырiе лику'йте: гряде'тъ 
во дв~а во гра'дjь виfлее'мстjьмъ роди'ти сн~а, превjь'чнаго 
бг~а, спаса'ющаго мi'ръ w\т и=стлjь'нiя.

%<Пjь'снь д~.%>

%<I=рмо'съ.%>

%<Б%>лагода'тiю ду'ха пома'зался _е=си` а=рхiере'е 
всеизря'дне данiи'ле. во хр\ста' бо w=дjь'яся житiя` ра'ди 
чи'стагw. тjь'мъ научи'лъ _е=си` сла'вити въ тр\оцjь 
_е=ди'наго бг~а.

%<И=%>зба'ви твое` ста'до w\т бу'рей грjьха`, 
преподо'бне святи'телю данiи'ле, бjь'дъ же и= скорбе'й, 
приводя' ны въ приста^нища ти^хая бж~е'ственныя во'ли 
хр\сто'вы.

%<Х%>р\сто'въ jа=ви'лся _е=си` о_у=го'дникъ, _о='тче 
преподо'бне данiи'ле, преwсвяще'нне а=рхiере'е. тjь'мъ 
моля'ся не преста'й ко гд\су, w\т напа'стей, бjь'дъ и= 
скорбе'й и=зба'вити ста'до твое` w\т и=скуше'нiй.

%<О_у=%>мертви` мудрова'нiе прему'дре, пло'ти моея` 
неисцjь'льное, и= къ бж~е'ственнымъ стезя'мъ наста'ви ны`, 
jа='кw крjь'покъ и= си'ленъ, зако'нwмъ же благи^мъ повини' 
мя, блаже'нне, и= раба` покажи' мя хр\сто'ва, порабоще'нна 
лю'тыми страстми`.

%<С%>на` _о=чесе'мъ твои^мъ и= дрема'нiя вjь'ждома не 
да'лъ _е=си`, до'ндеже w=брjь'те мjь'сто поко'йно се'рдце 
твое`, _о='тче. тjь'мъ w=чи'стившеся досто'йнjь, о_у=зрjь` 
жили'ще сла'вы всjь'хъ содjь'теля, цр~я` и= бг~а вjь'чнагw. 
%<[Два'жды.]%>

%<В%>е'сь о_у='бw о_у='мъ впери'въ къ высотjь`, и= 
земна^я ни во что` же вмjьни'въ, смире'нiемъ, достоблаже'нне 
данiи'ле, высw'кая прiя'лъ _е=си`.

%<Бг~оро'диченъ: К%>а'я вои'стинну jа='кw сiя` бли'зъ 
бг~а, jа='кw превозше'дшая вся^ а='гг~льскiя чи'ны _е=ди'на 
добро'тою дjь'вства сiя'ющи, jа='кw мт~и вседержи'теля.

%<Пjь'снь _е~.%>

%<I=рмо'съ.%>

%<_О='%>крестъ стоя'ще ра'ки твоея`, святи'телю 
преподо'бне данiи'ле, и=мjь'емъ тя` хода'тая къ бг~у и= 
заступле'нiе земли` се'рбстjьй, о_у=твержде'нiе же 
незы'блемое.

%<М%>и'лостивъ бы'въ о_у=бw'гимъ ми'лость душе'вную 
и=спроси` прехва'льне, ми'лостынею бо стяжа'лъ _е=си` 
_о='тче данiи'ле свjьщу`, и= ту'ю свjь'тлw о_у=краси'лъ 
_е=си`.

%<Ж%>или'ще бы'лъ _е=си` свята'гw ду'ха вои'стинну 
блаже'нне данiи'ле, и= тогw` jа=вле'нми разбогатjь'лъ _е=си` 
до'брjь бж~е'ственными да'рми.

%<К%>ро'токъ jа=ви'лся _е=си` ку'пнw и= смире'нъ 
дjь'ломъ и= сло'вомъ, и= си'мъ вся^ къ себjь` привле'клъ 
_е=си`, любо'вiю же и= до'брыми дjьлми` вся^ о_у=кроти'лъ 
_е=си` и= сердца` возвесели'лъ _е=си` твои'ми чудеса'ми. 
%<[Два'жды.]%>

%<В%>ели'кiй па'стырь всjь'хъ хр\сто'съ, _о=ве'цъ 
свои'хъ па'стыря тя` блаже'нне показа` и= о_у=чи'теля 
слове'сныхъ. тjь'мже заблужда'ющаго мя` на гора'хъ 
поги'бели, jа='кw па'стырь твоегw` _о=вча'те взыщи`.

%<Jа='%>кw вели'кое бога'тство твои'хъ щедро'тъ jа=ви'ся 
въ земли` на'шей безчи'сленное проли'тiе ми'лости твоея`, 
слуго` хр\сто'въ, ты' бо прося'щымъ су'щая подае'ши и= ты^я 
насы'тити тщи'шися твои'мъ предложе'нiемъ блаже'нне.

%<Бг~оро'диченъ: М%>v'ро тя` и=мену'емъ пречи'стая, 
jа='кw ро'ждшую бг~а пло'тiю, и= благода'тное мv'ро точа'щую 
всjь^мъ притека'ющымъ подъ кро'въ тво'й.

%<Пjь'снь s~.%>

%<I=рмо'съ.%>

%<Ж%>итiе` твое` цjьлому'дреннw соверши'лъ _е=си` 
священноявле'нне, пра'вдою о_у=краси'вся и= му'жествомъ 
смы'сла добродjь'тели сочета'въ себjь`, преблаже'нне 
святи'телю данiи'ле.

%<Х%>рани` гра'дъ тво'й святи'телю данiи'ле 
преблаже'нне, w\т безбо'жныхъ и= чужевjь'рныхъ нахожде'нiй 
и= w\т междоусо'бныя бра'ни. моли'ся же непреста'ннw 
влады'цjь хр\сту` и= пресвятjь'й бц\дjь, _е='же ми'ръ 
дарова'ти па'ствjь свое'й.

%<Т%>ы` о_у='бw и= по сме'рти сла'вимь, jа='кw жи'въ 
чудодjь'йствуеши. немwщны'мъ бо сляч_е'ннымъ дае'ши 
и=сцjьле'нiе бж~е'ственною благода'тiю, зане` глаго'летъ 
гд\сь: прославля'ющаго мя` просла'влю.

%<И=%>спо'лнился _е=си` свjьтоявле'нiя данiи'ле му'дре, 
jа='кw храни'тель за'повjьдей хр\сто'выхъ, w=чище'нъ же w\т 
страсте'й, бы'лъ _е=си` вои'стинну жили'ще пребж~е'ственныя 
тр\оцы.

%<М%>у'жiе свяще'ннiи ра'достнw съ наро'домъ дне'сь 
твою` _о='тче па'мять пра'зднующе, торжеству'ютъ, и='мже 
согла'снw и='стиннiи безмо'лвницы и= про'стiи вси` _о='бще 
тя` воспjьва'ютъ предста'теля вку'пjь и= о_у=чи'теля. 
%<[Два'жды.]%>

%<Т%>и'ну страсте'й w\т души` w\ттря'слъ _е=си` 
данiи'ле, низложи'въ вся'кое по'мыслwвъ возноше'нiе на 
хр\ста` превознося'щееся.

%<Бг~оро'диченъ: С%>овjь'та превjь'чнагw хра'мъ 
воздви'глъ _е=си` святи'телю, а=рхiстрати'га гаврiи'ла 
ра'достное провjьща'нiе бц\дjь вседне'внw воспjьва'я: 
ра'дуйся невjь'сто неневjь'стная.

%<Конда'къ, гла'съ и~.%>

%<В%>озбра'нному и= ди'вному на'шея земли` свjьти'льнику 
дне'сь любо'вiю притека'емъ, и= пjь'снь тебjь` бг~оно'се, 
плете'мъ, jа='кw и=му'щему дерзнове'нiе ко гд\су, и=зба'ви 
на'съ w\т много_обра'зныхъ w=бстоя'нiй, да зове'мъ ти`: 
ра'дуйся о_у=твержде'нiе _о=те'честву на'шему и= вели'кiй 
покрови'телю _о=би'тели своея`.

%<I='косъ: В%>ели'кiй свjьти'льникъ jа=ви'лся _е=си` 
ро'ду се'рбскому, струя'ми слове'съ твои'хъ вjь^рныя 
просвjьща'я, и= всеусе'рднw приходя'щымъ къ тебjь` 
и=сцjьле'нiя подава'я. хр\сто'вы бо лю'ди бг~оно'се, 
неви'димw посjьща'еши и= тjь'мъ зе'млю на'шу просвjьща'еши, 
сегw` ра'ди согла'снw зове'мъ ти` си'це: ра'дуйся, свjь'та 
безстра'стнагw до'ме. ра'дуйся, страсте'й те'мныхъ 
прогони'телю. ра'дуйся, де'мwнскiя разруши'вый ко'зни. 
ра'дуйся, а='гг~льскiя возвесели'вый чи'ны. ра'дуйся, 
высото` бг~овидjь'нiя чи'стагw. ра'дуйся, глубино` смире'нiя 
болjь'зни w=мыва'ющая. ра'дуйся, jа='кw бы'лъ _е=си` 
зри'тель неви'димыхъ. ра'дуйся, jа='кw соwбщи'лся _е=си` 
ли'ку святи'телей. ра'дуйся, земли` се'рбскiя па'стырю и= 
о_у=чи'телю. ра'дуйся, святи'телемъ и=зря'дная похвало`. 
ра'дуйся, jа='кw тебе` ра'ди посла` бг~ъ въ _о=би'тель твою` 
чудотво'рный _о='бразъ ма'тере своея`. ра'дуйся, jа='кw 
тебе` ра'ди пресвята'я чудотво'рная i=кw'на ма'тере бж~iя 
сла'вится. ра'дуйся, jа='кw о_у=краша'еши престо'лъ 
первосвяти'телей се'рбскихъ. ра'дуйся, о_у=твержде'нiе ро'ду 
се'рбскому.

%<Пjь'снь з~.%>

%<I=рмо'съ.%>

%<W\т%>ве'рзи ми` две'ри покая'нiя, преблаже'нне 
а=рхiере'е данiи'ле, да w=мыю` скве'рну w=кая'нныя моея` 
ду'ши, мое` тjь'ло и= вся^ чу^вства и= со'вjьсть во _е='же 
пjь'ти бг~у: _о=тц_е'въ бж~е благослове'нъ _е=си`.

%<И='%>мамы тя` засту'пника те'пла, твои` раби`, и= 
стjь'ну неwбори'му це'ркве твоея`, и= о_у=твержде'нiе ро'ду 
се'рбскому, не бои'мся врагw'въ и= сопоста'тwвъ, но 
побjьжда'емъ ты^я си'лою чудотво'рныя i=кw'ны, пою'ще: 
хр\сте` бц\дею благослове'нъ _е=си`.

%<О_у=%>ста'вы _о=те'ческiя о_у=тверди'лъ _е=си` му'дре, 
и= це'рковь пресвяты'я бж~iя ма'тере чудотво'рнымъ 
_о='бразомъ о_у=краси'лъ _е=си`, и= свяще'нства лjьпото'ю 
прекра'сну о_у=стро'илъ _е=си`, о_у=че'нми же твои'ми лю'ди 
наказа'лъ _е=си` пjь'ти: бо'же бц\дею благослове'нъ _е=си`. 
%<[Два'жды.]%>

%<З%>емля` на'ша и= страна` согла'снw _о='тче поуч_е'нiя 
твоя^ возвjьща'етъ, науче'нна тобо'ю пjь'ти всю'ду хр\ста`: 
_о=тц_е'въ на'шихъ бо'же, благослове'нъ _е=си`.

%<Ж%>ени'хъ красе'нъ добро'тою па'че всjь'хъ сынw'въ 
человjь'ческихъ, jа='коже пи'сано _е='сть, невjь'стjь, 
блаже'нне, свое'й це'ркви, краснjь'йша тя` показа` жениха`, 
тогw` нося'ща _о='бразъ и= подо'бiе.

%<О_у=%>краси'въ свое` житiе` ми'лостынею и= кро'тостiю, 
любо'вiю же и= и='стиною, подража'тель показа'лся _е=си` 
и=зря'дный па'стыря до'брагw, и=збра'въ тогw` добродjь'тели 
до'брjь.

%<Бг~оро'диченъ: П%>рихо'дитъ влады'ка во верте'пъ 
роди'тися jа='кw человjь'къ: пред\ъусря'щимъ вjь'рнiи дв~у 
чи'стую, воспjьва'юще _е='й ра'достнw: ра'дуйся мi'ру 
ра'досте, ра'дуйся дв~о, мт~и хр\сто'ва.

%<Пjь'снь и~.%>

%<I=рмо'съ.%>

%<П%>обjьжде'нъ бы'въ w\т врага` прегрjьше'нми мно'гими 
и= w\т мо'лвъ жите'йскихъ, прихожду` съ вjь'рою, и= jа='кw 
манассi'а въ покая'нiи вопiю' ти хр\сте`: гд\са по'йте 
дjьла` и= превозноси'те _е=го` во вjь'ки.

%<М%>оли^твы преблаже'нне и= мол_е'нiя твори` прилjь'жнw 
къ бг~у при'снw за рабы^` твоя^, въ печа'лехъ засту'пника бо 
и= побо'рника тя` и=му'ще спаса'емся w\т бjь'дъ, гд\са 
пою'ще и= превознося'ще во вся^ вjь'ки. %<[Два'жды.]%>

%<В%>оwружа'ются на лю'ди твоя^ смир_е'нныя, святи'телю 
пречестны'й _о='тче данiи'ле, сы'нове а=га'рянстiи: сокруши` 
и=`хъ неви'димою си'лою моли'твъ твои'хъ ко влады'цjь и= 
бц\дjь, на'съ ра'ди гд\са пою'щихъ и= превознося'щихъ во 
вся^ вjь'ки.

%<W=%>корми` моли'твою твое'ю па'ству сiю` 
многочеловjь'чную твою` и= о_у=ста'ви бу'рю вjь'трwвъ 
проти'вныхъ, чу'вственныхъ и= мы'сленныхъ, моли'твами 
твои'ми, и=зба'ви же вся'кихъ и=скуше'нiй и= смуще'нiй, и= 
да'же до конца` неврежде'нну сохрани`.

%<Н%>еизрече'нное твое` чадолю'бiе _о='тче, 
превосходя'щее _о=те'ческую любо'вь, посjьща'етъ, на'съ 
всегда` твои'ми моли'твами, и=спроша'я на'мъ спасе'нiе и= 
подава'я на'мъ съ ти'хостiю данiи'ле ра'доватися.

%<В%>озду'хъ о_у='бw w=святи'ся благово'нiемъ моще'й 
твои'хъ данiи'ле, прему'дре хр\сто'въ святи'телю: це'рковь 
же веселя'щися вопiе'тъ: благослове'нъ бг~ъ _о=те'цъ 
на'шихъ.

%<Бг~оро'диченъ: S%>вjьзда` возсiя` хр\сто'съ w\т 
i=а'кwва, и= волсви` стека'ются во гра'дъ виfлее'мъ, пjь'ти, 
че'ствовати и= поклони'тися _е=му`, рожде'нному и=зъ 
ложе'снъ чи'стыя бц\ды.

%<Пjь'снь f~.%>

%<I=рмо'съ.%>

%<Jа='%>кw блудни'ца, и= разбо'йникъ и= мыта'рь вопiю' 
ти w\т се'рдца хр\сте`: согрjьши'хъ, прости` мнjь` влады'ко, 
мнw'гая моя^ согрjьше'нiя, и= и=зба'ви мя` w\т вся'кагw 
гнjь'ва, твоегw` святи'теля моли'твами, jа='кw да тя` 
непреста'ннw велича'ю.

%<П%>рiиди'те собери'теся вси` се'рби ко блаже'ннагw 
святи'теля данiи'ла гро'бу, и= со слеза'ми возопi'йте къ 
бг~у: и=зба'ви гд\си w\т бjь'дъ лю'ди твоя^ и= сохрани` 
ро'дъ на'шъ во благоче'стiи, покори' же десни'цjь _е=гw` 
вся^ навjь'тующыя _е=му`, да тя` велича'емъ во вjь'ки.

%<В%>елми` ра'дуется w= тебjь` пречестны'й _о='тче 
святи'телю данiи'ле, ро'дъ тво'й, помо'щника и= засту'пника 
тя` и=мjь'я: и= ны'нjь влады'ко, не w\тходи` ду'хомъ w\т 
на'съ, моли'тву творя` за ны` ко гд\су бг~у и= пресвятjь'й 
бц\дjь, jа='кw да и=зба'витъ на'съ w\т наси'лiя безбо'жныхъ 
а=га'рянwвъ врагw'въ на'шихъ, да тя` всегда` велича'емъ.

%<С%>ла'ву твою` воспjь'ти по досто'инству невозмо'жнw, 
чудеса' бо премно'га и= и=сцjьл_е'нiя _о=би'лнw подае'ши, съ 
те'плою вjь'рою приходя'щымъ къ тебjь`, данiи'ле святи'телю, 
похвало` земли` на'шея.

%<П%>оложи` тебе` це'ркве своея` w=снова'нiе хр\сто'съ, 
и= столпа` крjь'пка и= незы'блема во вjь'къ, соблюда'юща 
_о=би'тель твою` до конца` w\т врагw'въ. %<[Два'жды.]%>

%<С%>вяти'телiе о_у='бw, ца'рiе и= кня'зи, сано'вницы и= 
вси` лю'дiе, му'жiе и= ж_е'ны, ста'рцы съ младе'нцами, и= 
вся'къ во'зрастъ, и= вся'кое досто'инство, святи'теля 
на'шегw па'мять свjь'тлw да пра'зднуимъ.

%<Бг~оро'диченъ: О_у=%>краси'ся виfлее'ме, гото'вися 
_е=vфра'fо без\ъ ма'тере бо w\т _о=тца` и= без\ъ _о=тца` 
ма'терiю чревоно'сится и= ражда'ется спаса'я на'съ.

%<Свjьти'ленъ предпра'зднства.%>

%<П%>редпра'зднств_енныя вjь'рнiи рождества` пjь^сни 
прiиди'те принесе'мъ вси`: гряде'тъ о_у=же` хр\сто'съ въ 
виfлее'мъ роди'тися, спасти` вселе'нную, jа='кw _е=ди'нъ 
человjьколю'бецъ.

%<Сла'ва, свято'му:%>

%<Д%>у'хъ святы'й пома'за тя` святи'телю данiи'ле 
блаже'нне, хр\сто'ву па'ству па'сти на па'житехъ 
спаси'тельныхъ. тjь'мъ и= потща'лся _е=си` наставля'ти лю'ди 
пра'выми стезя'ми: тогw` ра'ди ны'нjь сугу'быя вjьнцы` w\т 
вjьнцеда'вца прiя'лъ _е=си`.

%<И= ны'нjь, предпра'зднства:%>

%<Г%>ото'вися виfлее'ме, о_у=краси` домы` твоя^: къ 
тебjь' бо гряде'тъ дв~а, младе'нца нося'щи хр\ста` _о=тцу` 
собезнача'льнаго: прiи'де бо да спасе'тъ ро'дъ 
человjь'ческiй.

%<На хвали'техъ, стiхи^ры предпра'зднству г~,%>

%<и= свято'му г~, гла'съ и~.%>

%<Ч%>то' тя нарече'мъ святи'телю, а='гг~ла, jа='кw 
безпло'тенъ на земли` пожи'лъ _е=си`; а=по'стола ли, jа='кw 
благовjь'рiю научи'лъ _е=си` се'рбскую зе'млю; му'ченика ли, 
jа='кw хр\ста` ра'ди подвиза'лся _е=си` до сме'рти; 
w=браща'я лю'ди w\т тмы` нече'стiя и= приводя` и=`хъ па'жить 
бг~оразу'мiя. моли` спасти'ся душа'мъ на'шимъ.

%<Ч%>то' тя и=мену'емъ бг~облаже'нне данiи'ле, рjьку` 
духо'вныхъ во'дъ наполня'ему и= проходя'щу се'рбскiя концы`, 
жа'ждущая се'рдца напая'ющу твои'мъ о_у=че'нiемъ. ча'шу 
бж~е'ственнагw ду'ха наполня'ему. свjьщу` це'рковь 
w=заря'ющую. свjьти'льника, jа='кw па'ству свою` 
просвjьща'еши. мнw'га ти` и=мена` и= бw'льшая дарова^нiя. 
моли` спасти'ся душа'мъ на'шымъ.

%<С%>вяти'телю хр\сто'въ, бж~е'ственныхъ преда'нiй 
о_у=чи'телю, вои'стинну тебе` jа='кw и='стиннаго па'стыря 
хр\сто'съ показа'лъ _е='сть новоизбра'нному своему` 
слове'сному ста'ду, се'рбскимъ лю'демъ, и=`хже и= w\т 
собла'знwвъ спа'слъ _е=си` и= о_у=крjьпи'лъ _е=си` и=`хъ 
бы'ти въ правосла'вiи, тjь'мже ны'нjь мо'лимъ тя`, данiи'ле 
досточу'дне, моли'ся бг~у спа'су w= и=`же вjь'рою 
пра'зднующихъ пречестну'ю па'мять твою`.

%<Сла'ва, гла'съ s~.%>

%<С%>е` прибли'жися весе'лое торжество` и= пресвjь'тлая 
па'мять бг~оно'снагw _о=тца`. ра'дуйся и= красу'йся 
патрiа'рхiе се'рбская, весели'ся пе'кская митропо'лiе, 
глаго'лющи: ра'дуйся, це'ркве се'рбскiя храни'телю. 
ра'дуйся, царе'й се'рбскихъ вjьнча'телю. ра'дуйся, 
помаза'вый царя` душа'на на ца'рство. ра'дуйся, ро'ду 
се'рбскому честны'й наста'вниче и= сто'лпе неподвижи'мый, 
ра'дуйся, це'рквамъ вели'кое пра'вило. ра'дуйся, 
сопресто'льниче престо'ла се'рбскагw. ра'дуйся, о_у=чи'телю 
царе'й благочести'выхъ. ра'дуйся, свjьти'льниче 
всесвjь'тлый, просвjьща'ющь се'рбскiя концы` о_у=че'нми 
свои'ми. ра'дуйся, скорбя'щихъ бж~е'ственное о_у=тjьше'нiе 
и= w=би'димыхъ те'плый побо'рниче. тjь'мъ непреста'й моля'ся 
хр\сту` бг~у и= пресвятjь'й бц\дjь, спасти'ся душа'мъ 
на'шымъ.

%<И= ны'нjь, предпра'зднству, гла'съ s~.%>

%<П%>риближа'ется хр\сто'съ, виfлее'ме пред\ъугото'вися, 
о_у=же` спасе'нiе jа=зы'кwвъ, w=заря'етъ. благоукраси` 
jа='сли, па'стыри собери`, призови` волхвы` w\т персi'ды. 
вw'инства безпло'тныхъ о_у=мw'въ воззови'те: цр~ь небе'съ на 
зе'млю прихо'дитъ.

%<Славосло'вiе, вели'кое и= w\тпу'стъ.%>

%<На лiтургi'и, Блаже'нна w\т канw'на предпра'зднству и= 
свято'му. По вхо'дjь, тропа'рь предпра'зднству, 
чудотво'рнjьй i=кw'нjь и= свято'му, конда'къ i=кw'нjь, 
сла'ва свято'му, и= ны'нjь предпра'зднству. Прокi'менъ, 
гла'съ а~. О_у=%>ста` моя^ возглаго'лютъ прему'дрость и= 
поуче'нiе се'рдца моегw` ра'зумъ. %<Стi'хъ: О_у=%>слы'шите 
сiя^ вси` jа=зы'цы, внуши'те вси` живу'щiи по вселе'ннjьй. 
%<А=п\слъ ко _е=вре'_емъ, зача'ло ти~_i, w\т полу`. 
А=ллилу'iа. О_у=%>ста` пра'веднагw поуча'тся въ 
прему'дрости, и= я=зы'къ _е=гw` возглаго'летъ су'дъ. 
%<_Е=vа'нгелiе w\т матfе'а, зача'ло а~_i. Прича'стенъ: В%>ъ 
па'мять вjь'чную бу'детъ пра'ведникъ.