Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::слав>

(с. 354)

%<Мjь'сяца тогw'же въ к~а-й де'нь.%>

%<Предпра'зднство рж\ства` хр\сто'ва:%>

%<И= ст~ы'я мч~ницы i=улiанi'и, jа='же въ нiкомидi'и:%>

%<И= преставле'нiе и='же во ст~ы'хъ _о=тца` на'шегw 
петра` митрополi'та всея` рwссi'и.%>

%<С%>лу'жба _е=гw` пи'сана по се'й слу'жбjь.

%<На Г%>д\си, воззва'хъ, %<стiхи^ры предпра'зднства, 
гла'съ д~.%>

%<Подо'бенъ: Д%>а'лъ _е=си` зна'менiе:

%<С%>е'й бг~ъ на'шъ, * не вмjьни'тся и='нъ къ нему`, * 
восклица'ше пр\оро'къ дх~омъ, * и= пу'ть и=з\ъwбрjь'те 
вся'кагw (с. 355) худо'жества. * по си'хъ же человjь'кwмъ 
о_у=подо'бится, въ пло'ть w=бле'кся: * w\т дв~ы бо 
бг~о_отрокови'цы роди'тися гряде'тъ, * присту'пенъ мнjь` 
бы'въ, * и='же _е=стество'мъ непристу'пный.

%<С%>то'гъ гуме'нный * твое` чре'во, всенепоро'чная 
бц\де, показу'ется, * кла'съ невоздjь'ланный, * па'че 
о_у=ма` и= сло'ва нося'що неизрече'ннw. * _е=го'же въ 
верте'пjь виfлее'мстjьмъ роди'ши, * тва'рь всю` бж\ственными 
ра'зумы * хотя'щагw пита'ти бл~года'тiю, * и= w\т гла'да 
человjь'чество * душетлjь'ннагw и=зба'вити.

%<Ю='%>ница непоро'чная, * о_у=пита'ннаго ю=нца` нося'щи 
во чре'вjь, * гряде'тъ во ст~ы'й верте'пъ * пресла'внымъ 
сло'вомъ сего` породи'ти, * и= пелена'ми пови'ти, jа='кw 
человjь'ка, * и= положи'ти въ jа='слехъ, jа='кw мл\днца. * 
тва'рь предпра'зднствуй, * ра'достнw велича'ющи, * такwва'я 
пресла^вная на земли` содjь'лавшаго.

%<И= ст~ы'я, гла'съ то'йже. Подо'бенъ: Jа='%>кw до'бля:

%<Б%>агр_е'нiи кро'вными * спасе'нiя _о=де'жду себjь`, * 
всехва'льная, w=багри'вши, * и= просвjьти'вшися дх~омъ, * 
гд\су w=бручи'лася _е=си` безсме'ртному цр~ю`, * 
соблюда'ющему тя` непоро'чну, * нерастлjь'нну во вjь'къ 
вjь'ка * въ черто'зjьхъ нб\сныхъ jа='кw дв~у преудо'бренну 
и= нетлjь'нну.

%<Р%>а'намъ приwбщи'вшися, * и= со _о=гне'мъ бра'вшися, 
* и= пло'ти терза^нiя претерпjь'вши, * и= конw'бная врjь^нiя 
до'блественнjь поне'сши, * не побjьди'лася _е=си` 
по'мысломъ, * и=стука^ннымъ не поже'рла _е=си`: * но 
прекло'нши бг~у вы'ю, * ме'чнымъ муче'нiемъ вjьнцено'сица, * 
на нб~са` возшла` _е=си`. (с. 356)

%<К%>а'плями кро'ве о_у=ясни'вшися, * возсiя'ла _е=си` 
проявле'ннw, jа='кw со'лнце, * и= w\тгна'ла _е=си`, 
всехва'льная, безбо'жiя тму` бл~года'тiю, * мч~нице 
i=улiанi'е, и= вjь^рныя просвjьти'ла _е=си`, * чту'щыя твоя^ 
до'блеств_енныя по'двиги, * и= па'мять свjь'тлую и= 
свjьтоно'сную, * и= по всему` спаси'тельную.

%<Сла'ва, и= ны'нjь: предпра'зднства, гла'съ s~.%>

%<С%>iw'не, торжеству'й, i=ерусали'ме, весели'ся: гра'де 
хр\ста` бг~а, под\ъими` зижди'теля въ верте'пjь и= jа='слехъ 
вмjьща'емаго. w\тве'рзите ми` врата`, и= вше'дъ въ ня` 
о_у=зрю`, jа='кw мл\днца пелена'ми повива'емаго, дла'нiю же 
содержа'щаго тва'рь, _е=го'же пою'тъ а='гг~ли непреста'ннымъ 
гла'сомъ, жизнода'вца, гд\са спаса'ющаго ро'дъ на'шъ.

%<На стiхо'внjь стiхи^ры предпра'зднства, гла'съ в~. 
Подо'бенъ: Д%>о'ме _е=vфра'fовъ:

%<В%>сjь'хъ пр\оро'кwвъ * прореч_е'нiя и=сполня'ются: 
хр\сто'съ бо ражда'ется * въ виfлее'мjь гра'дjь, и=зъ ч\стыя 
бг~о_отрокови'цы.

%<Стi'хъ: Б%>г~ъ w\т ю='га прiи'детъ, и= ст~ы'й и=зъ 
горы` приwсjьне'нныя ча'щи.

%<С%>ла'ва земноро'дныхъ, * и= ра'дованiе и= хвала`, * 
виfлее'ме честны'й, *. митропо'лiя бж\ственная, * под\ъими` 
зижди'теля твоего`.

%<Стi'хъ: Г%>д\си, о_у=слы'шахъ слу'хъ тво'й, и= 
о_у=боя'хся: гд\си, разумjь'хъ дjьла` твоя^, и= 
о_у=жасо'хся.

%<С%>ло'во _о='ч~ее, * и='мже вся^ бы'ша, * безстра'стнw 
и= нете'чнw, * v=поста'сь зри'тся _е=ди'на * во двою` 
_е=ст_еству`.

%<Сла'ва, и= ны'нjь, гла'съ s~. Вv"зантi'ево:%>

%<Б%>езневjь'стная дв~о, w\тку'ду пришла` _е=си`; кто` 
роди'вый тя`; кто` и= ма'ти твоя`; ка'кw зижди'теля но'сиши 
на руку`; ка'кw не растли'лася _е=си` о_у=тро'бою; _w 
вели'кихъ пресла'вныхъ на тебjь` стра'шныхъ та'инствъ, на 
земли` (с. 357) соверша'емыхъ, зри'мъ, всест~а'я! и= 
пред\ъуготовля'емъ досто'йный тебjь` до'лгъ, на земли` 
верте'пъ: и= w\т нб~съ про'симъ пода'ти sвjьзду`. и= волсви' 
же прихо'дятъ w\т восто'кwвъ земли` къ за'падwмъ, ви'дjьти 
человjь'ческое спасе'нiе, въ jа='слехъ пелена'ми 
повива'емое.

%<Тропа'рь ст~ы'я, гла'съ д~:%>

%<А='%>гница твоя`, i=и~се, i=улiанi'а, зове'тъ ве'лiимъ 
гла'сомъ: тебе`, женише` мо'й, люблю`, и= тебе` и='щущи 
страда'льчествую, и= сраспина'юся, и= спогреба'юся креще'нiю 
твоему`, и= стражду` теб_е` ра'ди, jа='кw да цр\ствую въ 
тебjь`, и= о_у=мира'ю за тя`, да и= живу` съ тобо'ю: но, 
jа='кw же'ртву непоро'чную, прiими' мя съ любо'вiю 
поже'ршуюся тебjь`. тоя` моли'твами, jа='кw ми'лостивъ, 
спаси` ду'шы на'шя.

%<Сла'ва, и= ны'нjь, гла'съ то'йже:%>

%<Г%>ото'вися виfлее'ме, w\тве'рзися всjь^мъ, _е=де'ме, 
красу'йся, _е=vфра'fо, jа='кw дре'во живота` въ верте'пjь 
процвjьте` w\т дв~ы: ра'й бо _о='ноя чре'во jа=ви'ся 
мы'сленный, въ не'мже бж\ственный са'дъ, w\т негw'же 
jа='дше, жи'ви бу'демъ, не jа='коже а=да'мъ о_у='мремъ. 
хр\сто'съ ражда'ется, пре'жде па'дшiй возста'вити _о='бразъ.

%<Вjь'домо бу'ди, и=дjь'же пра'зднуется ст~а'гw петра` 
митрополi'та пра'здникъ, пое'мъ канw'нъ ст~ы'я i=улiанi'и на 
повече'рiи, вку'пjь съ трипjь'снцемъ, и= послjьди` стiхи^ры 
_е=я`.%>



%<На повече'рiи трипjь'снецъ, i=рмо'съ по два'жды, 
тропари` на s~: и= па'ки послjьди` i=рмо'съ _о='ба ли^ка 
вку'пjь, _е=гw'же краегране'сiе:%>

%<Ч%>етве'ртому пою`.

%<Гла'съ в~. Пjь'снь г~. I=рмо'съ:%>

%<Н%>а ка'мени мя` вjь'ры о_у=тверди'въ, разшири'лъ 
_е=си` о_у=ста` моя^ на враги` моя^, возвесели'бося ду'хъ 
мо'й, внегда` пjь'ти: нjь'сть свя'тъ, jа='коже бг~ъ на'шъ, 
и= нjь'сть пра'веденъ, па'че теб_е`, гд\си. (с. 358)

%<В%>отще` со'нмище и='рwдово, и= во'лею собира'ется, 
скверноубi'йственное, ражда'ющагося гд\са о_у=би'ти хр\ста`. 
_е=му'же пое'мъ: ты` _е=си` бг~ъ на'шъ, и= нjь'сть 
пра'веденъ па'че теб_е` гд\си.

%<Л%>ю'тый совjь'тъ и='рwдовъ покрыва'ется, бг~обо'рныя 
души` сы'й, со млад_е'нцы вл\дку о_у=би'ти хр\ста`, _е=му'же 
пое'мъ: ты` _е=си` бг~ъ на'шъ, и= нjь'сть пра'веденъ па'че 
теб_е`, гд\си.

%<Пjь'снь и~. I=рмо'съ:%>

%<Г%>лаго'лъ мучи'телевъ поне'же превозмо'же, 
седмери'цею пе'щь разжже'на бы'сть и=ногда`: въ не'йже 
_о='троцы не w=пали'шася, царе'во попра'вше велjь'нiе, но 
вопiя'ху: вся^ дjьла` гд\сня, гд\са по'йте и= превозноси'те 
во вся^ вjь'ки.

%<И=%>злива'юще jа='кw мv^ра сле'зы на'съ ра'ди хр\сту` 
ражда'ющемуся пло'тiю, и='миже скв_е'рны w=чи'стимъ, 
преч\стому чи'стjь приходя'ще, и= вопiю'ще: вся^ дjьла` 
гд\сня, гд\са по'йте и= превозноси'те во вся^ вjь'ки.

%<С%>леза'ми о_у=миле'нiя сле'зъ да о_у=бjьжи'мъ, 
грjь'шнiи, му'ки бу'дущiя стра'шныя, хр\стw'вы стwпы` 
прiе'мше, полага'ему въ пелена'хъ, jа='кw мл\днцу, вопiю'ще: 
вся^ дjьла` гд\сня, гд\са по'йте и= превозноси'те во вся^ 
вjь'ки.

%<С%>вященнодjь'йствоватися и=збавле'нiю вjь'дяще, w\т 
свои'хъ о_у=тро'бъ же и= сле'зъ и=сто'чника, хр\сту` 
и=сповjь'данiемъ пред\ъизмы'вшеся, вjь'рнiи, да присту'пимъ 
пло'тiю къ ро'ждшемуся въ верте'пjь, вопiю'ще: вся^ дjьла` 
гд\сня, гд\са по'йте и= превозноси'те во вся^ вjь'ки.

%<Пjь'снь f~. I=рмо'съ:%>

%<Д%>уша'ми чи'стыми и= нескве'рными о_у=стна'ми, 
прiиди'те, возвели'чимъ нескве'рную и= преч\стую мт~рь 
_е=мману'илеву: _е='юже, и=зъ нея` къ рожде'нному принося'ще 
моли'тву, пощади` ду'шы на'шя, хр\сте` бж~е, и= спаси` 
на'съ.

%<Н%>еразу'менъ никто'же, ни лука'въ завистно_обра'зникъ 
(с. 359) да бу'детъ, w\т принося'щихъ ны'нjь да'ры бг~у 
прiя'тны, вмjь'стw смv'рны, и= зла'та, и= лiва'на, 
добродjь'телей мv"роуха'нiе, пою'щихъ хр\сту` ражда'ющемуся: 
пощади` ду'шы на'шя, хр\сте` бж~е, и= спаси` на'съ.

%<Г%>лаго'лаше ко прише'дшымъ и='рwдъ волхвw'мъ 
му^дрымъ: ше'дше поищи'те ро'ждшагося ны'нjь цр~я`, и= 
w=брjь'тше возвjьсти'те мнjь`, поучи'вся лю'тый w= 
о_у=бi'йствjь скверноубi'йственнымъ се'рдцемъ. пощади` ду'шы 
на'шя, хр\сте` бж~е, и= спаси` на'съ.

%<_W%> слjьпо'тнагw скверноубi'йства, вседе'рзостне! 
и='мже забве'нiе получи'лъ _е=си`, jа='кw бг~а никто'же 
_е='мь рука'ми о_у=бiе'тъ: преразже'гся же jа='ростiю, 
свирjь'пw младе'нцы закала'еши, и='рwде, пощади` ду'шы 
на'шя, хр\сте` бж~е, и= спаси` на'съ.



%<На о_у='трени по а~-й каfi'смjь сjьда'ленъ 
предпра'зднства.%>

%<Гла'съ в~. Подо'бенъ: Б%>лаго_обра'зный:

%<Н%>епристу'пный бг~ъ, за бл~гоутро'бiе присту'пенъ 
мнjь` бы'въ во'лею, прихо'дитъ пло'тiю роди'тися, jа='кw 
человjь'къ, во гра'дjь виfлее'мjь и=зъ дв~ы _о=трокови'цы. 
_е=го'же прiя'ти о_у=се'рднw потщи'мся, вопiю'ще со 
стра'хомъ: гд\си, сла'ва тебjь`.

%<Сла'ва, и= ны'нjь, гла'съ а~. Подо'бенъ: Г%>ро'бъ 
тво'й:

%<П%>риклони'вый нб~са`, и= въ дв~у всели'выйся, 
предгряде'тъ пло'тiю въ виfлее'мстjьмъ верте'пjь роди'тися, 
jа='коже пи'шется, jа=ви'тися же мл\днцъ, младе'нцы 
w=живля'яй во о_у=тро'бjь: сего` ра'дующеся ны'нjь сря'щимъ 
вси` се'рдца пра'востiю.

%<По в~-й каfi'смjь сjьда'ленъ, гла'съ _е~. Подо'бенъ: 
С%>обезнача'льное:

%<В%>иfлее'ме, гото'вися на срjь'тенiе дв~ы марi'и и= 
бг~ома'тере: се' бо гряде'тъ къ тебjь` мл\днца нося'щи 
хр\ста`, собезнача'льнаго _о=ц~у` и= дх~у при'снw: _е=го'же 
въ верте'пjь роди'тъ, и= по рж\ствjь` дв~а па'ки jа=ви'тся. 
(с. 360)

%<Сла'ва, и= ны'нjь, гла'съ г~. Подо'бенъ: К%>расотjь`:

%<Ч%>у'до пресла'вно зри'тся дне'сь: сп~си'тель бо на'шъ 
въ верте'пjь пло'тiю w\т дв~ы на'съ ра'ди роди'тися ны'нjь 
тщи'тся. волсви' же съ да^ры jа='кw цр~ю` покло'нятся, и= 
па'стырiе со а='гг~лы славосло'вятъ _е=го`: съ ни'миже и= 
мы` вопiе'мъ: сла'ва на'съ ра'ди вочл~вjь'чшемуся.

%<Канw'нъ предпра'зднства, со i=рмосо'мъ на и~: и= 
ст~ы'я на д~.%>

%<Канw'нъ предпра'зднства, _е=гw'же краегране'сiе, по 
а=лфави'ту. I=w'сифъ.%>

%<Гла'съ д~. Пjь'снь а~. I=рмо'съ:%>

%<Т%>рiста'ты крjь^пкiя, рожде'йся w\т дв~ы, 
безстра'стiя во глубинjь` души` трича'стное потопи`, 
молю'ся: да тебjь`, jа='кw въ тv"мпа'нjь, во о_у=мерщвле'нiи 
тjьлесе`, побjь'дное воспою` пjь'нiе.

%<Р%>а'дуйся, нб~о, и= земле`, весели'ся: бг~ъ бо на'шъ 
бы'въ пло'тiю w\т дв~ы _о=трокови'цы ражда'ется, и= 
пелена'ми повива'ется: плени^цы же разрjьша'етъ мои'хъ 
прегрjьше'нiй, jа='кw бл~гоутро'бенъ.

%<Ц%>р~и'ца ч\стая цр~я` всjь'хъ ражда'етъ па'че 
о_у=ма`, вы'шнее вjь^рнымъ цр\ство w\тверза'ющаго, и= и='же 
въ на'съ _о=кая'ннw ца'рствующiй всегда` грjь'хъ, коне'чнw 
w\те'млющаго.

%<П%>иса^нiя пр\оро'ч_еская коне'цъ прiе'млютъ: се' бо, 
_е=го'же провозвjьсти'ша хр\ста`, во гра'дjь виfлее'мjь 
jа=вля'ется воплоща'емь: сегw` ны'нjь предпра'здновати 
рж\ство` потщи'мся пра'востiю мы'сли дне'сь.

%<И='нъ канw'нъ ст~ы'я, _е=гw'же краегране'сiе:%>

%<П%>jь'ти тя`, мч~нице, да приложи'тъ бг~ъ бл~года'ть.

%<I=w'сифъ.%>

%<Гла'съ то'йже. Пjь'снь а~. I=рмо'съ:%>

%<М%>о'ря чермну'ю пучи'ну, невла'жными стопа'ми, 
дре'внiй пjьшеше'ствовавъ i=и~ль, кресто_обра'зными 
мwv"се'овыма рука'ма, а=мали'кову си'лу въ пусты'ни 
побjьди'лъ _е='сть.

%<М%>ч~ническою jа='вjь свjь'тлостiю w=блиста'ющи w= 
бз~jь (с. 361) лику'еши, свяще'ннw w=божа'ема, всехва'льная, 
и= просвjьще'нiе моли'твами твои'ми подава'еши пою'щымъ тя`.

%<О_у=%>язви'лася _е=си` сладча'йшимъ раче'нiемъ 
хр\сто'вымъ, всехва'льная, и= плwтскi'я w=ста'вльши сла^сти, 
и= w=бру'чника тлjь'ннаго, w=бручи'лася _е=си`, непоро'чная 
чи'стая дjь'во, сотво'ршему.

%<W=%>сiя'въ свjьтлоявле'нными добро'тами твою` мы'сль 
созда'тель всjь'хъ и= бг~ъ, нб\сныхъ тя` черто'гwвъ 
дjь'вственнw лику'ющую, му'ченице бг~ому'драя, о_у=досто'и.

%<Бг~оро'диченъ:%>

%<Д%>в~а созда'теля _е=стества` роди'ти и='детъ въ 
верте'пjь, пло'ть и=зъ нея` по v=поста'си несказа'ннw 
преесте'ственнjь поне'сшаго, jа='кw да w=божи'тъ 
человjь'чество.

%<Пjь'снь г~. I=рмо'съ:%>

%<Jа='%>кw непло'ды роди` w\т jа=зы^къ цр~ковь, и= 
мно'гое въ ча'дjьхъ и=знемо'же со'нмище, чу'дному бг~у 
на'шему возопiи'мъ: ст~ъ _е=си`, гд\си.

%<Д%>анiи'лъ тя` w\т горы` дjь'вственныя ка'мень, 
сло'ве, w\тсjь'ченъ зри'тъ, и= и=стнjьва'ющь хра'мы 
i='дwльскiя держа'вою твое'ю: сегw` ра'ди тя` стра'хомъ 
сла'вимъ.

%<W\т%> восто'ка волсви` тебjь`, цр~ю` всjь'хъ, 
наста'влени бы'вше sвjьздо'ю, да'ры прино'сятъ, хр\сте`, 
смv'рну, зла'то и= лiва'нъ, о_у=ди'вльшеся твоему` 
снисхожде'нiю.

%<Ж%>ивоно'сный кла'съ ни'ва неwра'нная но'ситъ, роди'ти 
во гра'дjь виfлее'мjь марiа'мъ, всjь'хъ ду'шы пита'ющаго, 
зову'щихъ: ст~ъ _е=си`, гд\си.

%<И='нъ. I=рмо'съ:%>

%<В%>есели'тся w= тебjь` цр~ковь твоя`, хр\сте`, 
зову'щи: ты` моя` крjь'пость, гд\си, и= прибjь'жище и= 
о_у=твержде'нiе.

%<С%>оверши'ла _е=си` ду'шу, хра'мъ бж~iй пресвя'тъ, 
сла'вная, бж\ств_еннымъ храмw'мъ вы'ну пjь'сньми и= 
моли'твами присjьдя'щи.

%<В%>елича'йшихъ о_у=лучи'ти жела'ющи дарова'нiй, 
всечестна'я, (с. 362) болjь^зни плотскi^я терпjь'ла _е=си` 
jа='кw въ чужде'мъ тjьлеси`.

%<К%>рове'й твои'хъ ка'плями, безбо'жiя _о='гнь 
погаси'ла _е=си`, и= вjь'рныхъ напои'ла _е=си`, i=улiанi'е, 
ра'зумы.

%<Бг~оро'диченъ:%>

%<И=%>збавля'яй человjь'ки и=зба'витель, w\т ч\стыя 
ражда'ется въ виfлее'мjь, пел_ены` jа='коже мл\днцъ прiе'мъ.

%<Конда'къ ст~ы'я, гла'съ г~. Подо'бенъ: Д%>в~а дне'сь:

%<Д%>jь'вства добро'тами преwчище'на, дjьви'це, и= 
муче'нiя вjьнцы^, i=улiанi'е, ны'нjь вjьнча'вшися, дае'ши 
су'щымъ въ ну'ждахъ и= неду'зjьхъ и=сцjьле'нiе и= спасе'нiе, 
приступа'ющымъ къ ра'цjь твое'й: бж\ственную бо благода'ть 
хр\сто'съ и=сточа'етъ и= жи'знь вjь'чную.

%<Сjьда'ленъ, гла'съ д~. Подо'бенъ: С%>ко'рw предвари`:

%<Ж%>ениха` возлюби'вши творца` и= бг~а, жениха` 
тлjь'ннаго w=ста'вила _е=си`, му'ченице честна'я, и= 
ра'дующися претерпjь'ла _е=си` му^ки и= терза^нiя, и= 
_о='гненное томле'нiе. тjь'мже вjьнцено'сица къ бж\ственному 
черто'гу возшла` _е=си`, и=спроша'ющи всjь^мъ прегрjьше'нiй 
проще'нiе.

%<Сла'ва, и= ны'нjь, предпра'зднства, гла'съ г~. По\д: 
К%>расотjь` дjь'вства:

%<Р%>а'дости и=спо'лнитеся вся^ концы`: бц\да бо роди'ти 
приближа'ется цр~я` вся'ческихъ. _w чудесе` неизрече'ннагw! 
безнача'льный начина'ется, и= безпло'тный воплоща'ется: 
верте'пъ прiе'млетъ содержа'щаго вся'ч_еская. виfлее'ме, 
ра'дуйся, и= лику'й тва'рь де'нь предпра'зднственный.

%<Пjь'снь д~. I=рмо'съ:%>

%<С%>jьдя'й въ сла'вjь на пр\сто'лjь бж\ства`, во 
_о='блацjь ле'гцjь прiи'де i=и~съ пребж\ственный, 
нетлjь'нною дла'нiю, и= спасе` зову'щыя: сла'ва, хр\сте`, 
си'лjь твое'й.

%<С%>т~а'я мv"рополо'жница честна'гw свяще'нiя, въ 
виfлее'мjь гра'дjь сiе` и=злiя'ти прихо'дитъ, свяще'нiе 
на'мъ всjь^мъ подаю'щаго, вопiю'щымъ: сла'ва, хр\сте`, 
си'лjь твое'й. (с. 363)

%<Б%>г~оглаго'ливе и=са'iе, честна^я твоя^ 
проповjь^данiя бы^вшая ви'дя вещми`, ра'дуйся и= лику'й: 
дв~а бо безсjь'меннw роди` въ верте'пjь пло'тiю 
виfлее'мстjьмъ невмjьсти'маго.

%<I=%>и~съ пло'тiю ражда'ется, и= въ лjь'тjь безлjь'тный 
ви'димь _е='сть мл\днецъ, разрjьша'я моя^ лjь^тная 
прегрjьш_е'нiя, и= неизрече'нною нището'ю ны'нjь 
w=богаща'етъ мя`, w=бнища'вшаго тлетво'рными 
преступле'нiями.

%<И='нъ. I=рмо'съ:%>

%<В%>ознесе'на тя` ви'дjьвши цр~ковь на кр\стjь`, сл~нце 
пра'ведное, ста` въ чи'нjь свое'мъ, досто'йнw взыва'ющи: 
сла'ва си'лjь твое'й, гд\си.

%<П%>росте'рту мы'сль стяжа'вши ко всjь'хъ гд\су, 
пло'тiю просте'рта, и= о_у=раня'ема лю'тw, ника'коже брегла` 
_е=си`, i=улiанi'е до'брая дв~о.

%<П%>ревозмого'ша рач_е'нiя вл\дчняя пло'ти, 
всехва'льная мч~нице, w=мрачи'ти: тjь'мже пренебрегла` 
_е=си` и= бога'тство, и= w=бру'чника, и= много_обра^зныя 
му^ки.

%<Т%>я` нескве'рную а='гницу, jа='коже во'лцы, 
мучи'телiе терза'юще, мч~нице, ра'нами, непоро'чное цjь'лое 
бж~iе соверши'ша бж\ственное _о=вча` и= заколе'нiе.

%<Бг~оро'диченъ:%>

%<Д%>jь'вство по рж\ствjь` запеча'тано, бц\де, ви'дящи, 
о_у='жасомъ w=держи'ма бы'вши. ча'до, взыва'ше: ка'кw ны'нjь 
повiю' тя, песко'мъ повива'ющаго мо'ре;

%<Пjь'снь _е~. I=рмо'съ:%>

%<Н%>ечести'вiи не о_у='зрятъ сла'вы твоея`, хр\сте`: но 
мы` тя`, _е=диноро'дне, _о=ч~ескiя сла'вы сiя'нiе бж\ства`, 
w\т но'щи о_у='тренююще, воспjьва'емъ тя`, чл~вjьколю'бче.

%<W\т%> дв~ы ражда'ется бг~ъ _е=мману'илъ, и= въ 
jа='слехъ возле'гъ, на'ше воззва'нiе во'лею содjь'ловаетъ: 
сегw` рж\ство` благоче'стнw предпра'зднуимъ.

%<С%>ло'во сы'й пребезнача'льное _о='ч~ее и= 
соесте'ственное, въ (с. 364) jа='слехъ возле'гъ 
безслове'сныхъ, разрjьши'лъ _е=си` безслове'сiя ны`, 
предпра'зднствующыя благоче'стнw твое` рж\ство`.

%<Б%>л~же'нъ бы'сть ко'рень i=ессе'евъ, прозябы'й 
ч\стую, цвjь'тъ бж\ственный нося'щую хр\ста` гд\са. _е=го'же 
предпра'зднуимъ рж\ство` ра'дующеся.

%<И='нъ. I=рмо'съ:%>

%<Т%>ы`, гд\си мо'й, свjь'тъ въ мi'ръ прише'лъ _е=си`, 
свjь'тъ ст~ы'й, w=браща'яй и=зъ мра'чна невjь'дjьнiя вjь'рою 
воспjьва'ющыя тя`.

%<С%>трую`, му'ченице, sлочести'вагw безбо'жiя 
и=зсуши'ла _е=си` тече'ньми крове'й, непра'веднw 
пролива'емыми, и= _о='гнь пре'лести погаси'ла _е=си`.

%<В%>сецjь'лу тебе` саму'ю бг~у принесла` _е=си`, 
че'рвлень дjь'вства багр_е'нiи крове'й твои'хъ, свjьтлjь'йшу 
соверши'вши.

%<Т%>вое'ю добро'тою ду'шу о_у=язви'вши, претече`, _w 
вл\дко, дв~а ви^димыя добрw'ты, страда'нiемъ сiя'ющи.

%<Бг~оро'диченъ:%>

%<Ч%>у'до новолjь'пно, дв~а и='детъ преч\стая въ 
верте'пъ виfлее'мскiй роди'ти бг~а вочеловjь'чшася.

%<Пjь'снь s~. I=рмо'съ:%>

%<П%>рiидо'хъ во глубины^ морскi^я, и= потопи'ла мя` 
_е='сть бу'ря мно'гихъ грjьхw'въ: но, jа='кw бг~ъ, и=зъ 
глубины` возведи` живо'тъ мо'й, многоми'лостиве.

%<Н%>о'въ на земли` на'мъ _о='трочищъ ро'ждся, и='же 
пре'жде вjькw'въ w\т _о=ц~а` неизрече'ннw возсiя'въ, 
дре'внягw вся^ свободи` преступле'нiя, jа='кw 
бл~гоутро'бенъ.

%<С%>тра^нна и= пресла'вна слы^шана бы'ша въ виfлее'мjь 
гра'дjь, роди'вшуся тебjь`, безнача'льне сло'ве: па'стырiе 
бо со а='гг~лы пjь'снь тебjь` jа='кw вл\дцjь приноша'ху.

%<S%>вjьзда` пра'вды возвjьща'етъ волхвw'мъ неизрече'ннw 
сл~нца ро'ждшася: _е=гw'же честно'е ны'нjь предпра'зднуимъ 
ра'дующеся рж\ство`.

%<И='нъ. I=рмо'съ:%>

%<П%>ожру' ти со гла'сомъ хвале'нiя, гд\си, цр~ковь 
вопiе'тъ ти`, w\т (с. 365) бjьсо'вскiя кро'ве w=чи'щшися, 
ра'ди ми'лости w\т ре'бръ твои'хъ и=сте'кшею кро'вiю.

%<Ж%>ела'нiемъ о_у=я'звлена бы'вши бж\ственнымъ, 
взыва'ла _е=си`: хр\ста` и=ду` дости'гнути кра'снаго 
добро'тою: тjь'мже му^ки терплю`, неукло'ннымъ ра'дующися 
ра'зумомъ.

%<П%>ротяза'ти неми'лостивнw, и= же'злiемъ сокруша'ти 
гд\сню а='гницу лука'вый гони'тель повелjьва'ше, просте'рту 
ко хр\сту` мы'сль и=му'щую.

%<О_у='%>треневала _е=си` ко хр\сту`, невече'рнему 
сл~нцу, и= тогw` свjьтлостьми` ду'шу, бг~ому'драя, и= 
се'рдце w=зари'ла _е=си`, и= къ свjь'ту преложи'лася _е=си` 
присносу'щному.

%<Бг~оро'диченъ:%>

%<М%>о'ре пови'вый мгло'ю, во'лею ражда'ется зижди'тель 
и=зъ дв~ы _о=трокови'цы, и= пел_ены`, jа='кw мл\днцъ, 
прiе'млетъ, мi'ръ и=збавля'яй.

%<Конда'къ, гла'съ в~. Подо'бенъ: В%>ы'шнихъ и=щя`:

%<В%>ъ виfлее'мjь зря'ще пелена'ми повива'емаго, всю` 
зе'млю держа'ща руко'ю свое'ю, предпра'зднств_енныя пjь^сни 
ро'ждшей сего` прино'симъ: мт~рски бо весели'тся, держа'щи 
въ нjь'дрjьхъ сн~а бж~iя.

%<I='косъ:%>

%<С%>н~а бж~iя дв~а держа'щи во w=б\ъя'тiихъ, мт~рскими 
w=блобыза'ньми цjьлу'ющи, вjьща'ше: сjь'мене не позна'хъ въ 
зача'тiи, и= тлjь'нiя не под\ъя'хъ въ рожде'нiи: ны'нjь же 
чиста` _е='смь, jа='коже пре'жде, ку'пнw и= по рж\ствjь`. 
тjь'мъ твое` проповjь'дую, ча'до, мно'гое благоутро'бiе, и= 
непостижи'мое вели'чество, _е='же показа'лъ _е=си` на мнjь`: 
w\т_ону'дуже и= ра'дуюся, держа'щи въ нjь'дрjьхъ сн~а бж~iя.

%<Пjь'снь з~. I=рмо'съ:%>

%<Ю='%>ношы три` въ вавv"лw'нjь, велjь'нiе мучи'телево 
на бу'йство прело'жши, посредjь` пла'мене вопiя'ху: 
бл~гослове'нъ _е=си`, гд\си, бж~е _о=т_е'цъ на'шихъ. (с. 
366)

%<К%>а'кw тя` верте'пъ вмjьсти'тъ, гряду'ща на'съ ра'ди 
роди'тися, невмjьсти'маго; ка'кw тя` воздои'тъ дв~а, 
пита'теля всjь'хъ, бл~гоутро'бне i=и~се, су'ща.

%<Г%>лаго'лwмъ послjь'дующе волхва` валаа'ма, волсви` 
тща'тся хр\сту` поклони'тися съ да^ры, разумjь'юще сего` 
вся'кимъ дыха'нiемъ ца'рствующа.

%<Н%>епло'дствующее человjь'ческое _е=стество` вся'кiя 
добродjь'тели ра'дуйся и= лику'й: гряде'тъ бо хр\сто'съ w\т 
дв~ы пло'тiю роди'тися, jа='кw да пока'жетъ тя` дw'брымъ 
благоча'дно.

%<И='нъ. I=рмо'съ:%>

%<В%>ъ пещи` а=враа'мстiи _о='троцы персi'дстjьй, 
любо'вiю благоче'стiя па'че, не'жели пла'менемъ w=паля'еми, 
взыва'ху: бл~гослове'нъ _е=си` въ хра'мjь сла'вы твоея`, 
гд\си.

%<Б%>езу'мiемъ въ ражже'нный коно'бъ, му'ченице, судiя' 
тя вмета'етъ неми'лостивнw: а='гг~ломъ же тя` гд\сь 
невре'дну спасе`, сего` почита'ющу.

%<Н%>е о_у=жаса'ющися мужему'дреннw, па'че же, 
всечестна'я му'ченице, ко _о=гню` гряде'ши, восхлажде'нiе 
чу'вствующи, и= вопiю'щи: бл~гослове'нъ _е=си` въ хра'мjь 
сла'вы твоея`, гд\си.

%<Т%>ы` жениху`, jа='коже вjь'но, принесла` _е=си`, 
наро'дъ и= лю'ди вjь'ровавшiи въ того`, и= ле'сти 
w=мраче'нiе свjьтоно'сными твои'ми чудотворе'ньми w\трази'ла 
_е=си`.

%<Бг~оро'диченъ:%>

%<Р%>а'дуйся, село` невмjьсти'магw, мт~и дв~о: сего' бо 
плотоно'сца хотя'щи на'съ ра'ди въ верте'пjь роди'ти, 
преч\стая, и=справля'юща свои'хъ ру'къ созда'нiе.

%<Пjь'снь и~. I=рмо'съ:%>

%<И=%>зба'вителю всjь'хъ всеси'льне, посредjь` пла'мене 
благоче'ствовавшыя, снизше'дъ, w=роси'лъ _е=си`, и= научи'лъ 
_е=си` пjь'ти: вся^ дjьла` благослови'те, по'йте гд\са.

%<М%>но'гими мя`, хр\сте`, преступле'ньми разбо'йникwвъ 
бы'вшаго верте'пъ, за благоутро'бiе неизрече'нное спаса'я, 
роди'тися въ верте'пjь w\т дв~ы ч\стыя и=зво'лилъ _е=си`. 
(с. 367)

%<П%>одпису'я соверше'нное мнjь` w=ставле'нiе, 
написа'лся _е=си` ке'саревымъ повелjь'нiемъ творе'цъ тва'ри 
съ рабы^: пою` твоегw` бл~гоутро'бiя безмjь'рную, вл\дко, 
пучи'ну.

%<С%>вjь'тлая вл\дчня пала'то, ка'кw возшла` _е=си` въ 
малjь'йшiй верте'пъ, цр~я` гд\са на'съ ра'ди вопло'щшася 
роди'ти, всест~а'я дв~о бг~оневjь'сто.

%<И='нъ. I=рмо'съ:%>

%<Р%>у'цjь распросте'ръ данiи'лъ, львw'въ зiя^нiя въ 
ро'вjь затче`: _о='гненную же си'лу о_у=гаси'ша, 
добродjь'телiю препоя'савшеся, благоче'стiя рачи'тели 
_о='троцы, взыва'юще: благослови'те, вся^ дjьла` гд\сня, 
гд\са.

%<Г%>орjь` твое` _о='ко и= о_у='мъ къ могу'щему спасти` 
и=му'щи бг~у, конw'бная врjь^нiя благода'тiю бж\ственнагw 
дх~а о_у=гаси'ла _е=си`, воспjьва'ющи пjь'снь _о='троческую, 
му'ченице, вjь'рою: благослови'те, вся^ дjьла` гд\сня, 
гд\са.

%<Г%>лаго'лу мучи'теля sлочести'вагw служа'ше, _о=гня` 
досто'йнiи суему'дреннiи, жи'ву тя`, му'ченице, во _о='гнь 
вложи'ша: но неwпале'на была` _е=си` _о=гне'мъ, женихо'вою 
любо'вiю, бг~оно'сная, w=роша'ема, сего` почита'ющи.

%<С%>тоя'ла _е=си` предъ суди'щемъ, хр\ста` 
проповjь'дающи бг~а безсме'ртнаго, претерпjь'вшаго 
распя'тiе, и= пре'лесть о_у=мертви'вшаго, и= безсме'ртную 
жи'знь вjь^рнымъ подаю'щаго вопiю'щымъ: вся^ дjьла`, по'йте 
гд\са.

%<Бг~оро'диченъ:%>

%<_О='%>блаки восхожде'нiе свое` полага'я гд\сь, 
_о='блакомъ на'мъ дв~ою роди'тися гряде'тъ, jа='кw да 
разори'тъ ду'шъ на'шихъ грjьха` мра'чный _о='блакъ, 
вопiю'щихъ _е=му`: благослови'те, вся^ дjьла` гд\сня, гд\са.

%<Пjь'снь f~. I=рмо'съ:%>

%<_Е='%>vа о_у='бw неду'гомъ преслуша'нiя кля'тву 
всели'ла _е='сть: ты' же, дв~о бц\де, прозябе'нiемъ 
чревоноше'нiя, мi'рови благослове'нiе процвjьла` _е=си`. 
тjь'мъ тя` вси` велича'емъ. (с. 368)

%<Л%>ику'имъ вси` вjь'рнiи, взыгра'имъ и= согла'снw 
воскли'кнемъ: гряде'тъ всjь'хъ спасе'нiе, приближа'ется 
роди'тися гд\си, спасти` _е=гw` рождество` бг~ому'дреннw 
пра'зднующыя.

%<_Пс%>алти'рь, ст~ы'й дв~де, воспрiими` и= гу'сли, и= 
пjьсновоспо'й: до'ме _е=vфра'fовъ, весели'ся: _о=ц~ъ бо и=зъ 
чре'ва _е=го'же роди`, въ тебjь` пресвjь'тло ражда'ется, w\т 
дв~ы воплоща'яся.

%<Jа='%>кw ту'ча, jа='кw вели'кiй до'ждь, во о_у=тро'бу 
твою` вл\дка сни'де, и= мра^чная безбw'жiя, земли` 
w=ляденjь'вшая напои`, и= пре'лести моря` и=зсуши`, 
бг~ороди'тельнице мт~и дв~о.

%<И='нъ. I=рмо'съ:%>

%<К%>а'мень нерукосjь'чный w\т несjько'мыя горы` теб_е`, 
дв~о, краеуго'льный w\тсjьче'ся, хр\сто'съ, совокупи'вый 
разстоя^щаяся _е=ст_ества`. тjь'мъ веселя'щеся, тя`, бц\де, 
велича'емъ.

%<I=%>улiанi'и бг~оно'сныя су'щымъ w= вjь'рjь подвигw'мъ 
а='гг~ли о_у=диви'шася: ка'кw же'нскимъ _е=стество'мъ 
посрами` тоя` прама'терь въ раи` о_у=мори'вшаго.

%<Jа='%>кw преудобре'нная страстоно'сица, и= 
преизря'дная дjь'ва, вjьне'цъ воспрiя'ла _е=си` зако'ннw 
пра'вды, попра'вши съ пло'тiю безпло'тнаго, и= 
побjьдоно'сица бы'вши.

%<Т%>я` разу'мную ла'стовицу, и= нерастлjь'нную го'рлицу 
и= голуби'цу, свидjь'тельствомъ позлаще'нна и=му'щу кри'ла, 
и= къ бг~у полетjь'вшую и= почи'вшую, почита'емъ.

%<П%>роцвjьла` _е=си` во о_у=до'лjьхъ мч~ническихъ, 
jа='кw крi'нъ, страстоно'сице i=улiанi'е, и= jа='кw ши'покъ 
благово'ненъ дjь'вствомъ была` _е=си`, и= кра'сному жениху` 
твоему` бж\ственное w=боня'нiе бы'вши.

%<Бг~оро'диченъ:%>

%<Н%>ося'щи нося'щаго вся^, къ виfлее'му гряде'тъ дв~а, 
того` и= роди'ти, и= во jа='слехъ восклони'ти, jа='кw 
мл\днца, человjь'кwвъ воззва'нiе и=зря'днw содjь'ловающаго.

%<Свjьти'ленъ предпра'зднства. Подо'бенъ: П%>осjьти'лъ 
ны` _е='сть:

%<П%>редпра'зднств_енныя, вjь'рнiи, рж\ства` пjь^сни 
прiиди'те (с. 369) принесе'мъ вси`: гряде'тъ о_у=же` 
хр\сто'съ въ виfлее'мъ роди'тися, спасти` вселе'нную, jа='кw 
_е=ди'нъ чл~вjьколю'бецъ.

%<Сла'ва, и= ны'нjь:%>

%<В%>иfлее'ме, земле` i=у'дова, о_у=краси` вхо'ды: въ 
тебjь' бо дв~а и= бц\да о_у=же` прихо'дитъ роди'ти, въ 
верте'пjь и= jа='слехъ, бг~а моего` и= гд\са.

%<На хвали'техъ стiхи^ры на д~, гла'съ s~. По\д: 
А='%>гг~льскiя пред\ъиди'те:

%<С%>одjь'тельная ны'нjь предгряде'тъ прему'дрость: * 
пр\оро'честiи w\тверза'ются _о='блацы, * бл~года'ть 
процвjьта'етъ, * и='стина возсiя`: * престаю'тъ гада^нiя 
сjьнw'вная: * _е=де'ма w\тве'рзеся две'рь: * а=да'ме, 
лику'й, * созда'тель бг~ъ на'шъ * во'льнw созда'ся.

%<Р%>еч_е'нiя и=сполня'я пр\оро'ч_еская и= видjь^нiя, * 
ражда'ется пло'тiю, * и= w=дебелjьва'етъ сло'во, * и= въ 
jа='слехъ безслове'сныхъ роди'вся возлега'етъ. * сiе` 
кра'йнее снизхожде'нiе, * сiе` стра'шное смотре'нiе, * 
_е=гw'же ра'ди пое'мъ: * цр~ь i=и~левъ * хр\сто'съ 
прихо'дитъ.

%<С%>е` ч\стая па'че о_у=ма` и= сло'ва * ражда'етъ сн~а 
бж~iя, * _е=го'же пр\оро'цы проповjь'даша дре'вле, * 
прови'дяще дх~омъ ст~ы'мъ, * нескве'рну тя` сохраня'юща, * 
и= разрjьша'ющаго а=да'ма w\т грjьха` * лю'дiе, рце'мъ: цр~ь 
на'шъ хр\сто'съ * пло'тiю прихо'дитъ.

%<Н%>jь'дръ _о=ч~ескихъ не w\тсту'пль, * человjь'къ 
jа=ви'лся _е=си`, * и= дjь'вственными держи'мь рука'ми, * 
волхвы` w\т персi'ды sвjьздо'ю призва'лъ _е=си`, * цр~ю` 
тебjь` и= бг~у покланя'ющыяся. * дх~омъ о_у=сте'нъ 
нече'ствующыя кня'зи jа=зы'ч_ескiя погуби'ши, * и= 
о_у=пасе'ши * лю'ди w=существ_е'нныя.

%<Сла'ва, гла'съ и= подо'бенъ то'йже:%>

%<С%>ло'во и='же _о=ц~у` _е=диносу'щенъ сы'й, * w\т 
дв\ственныхъ растворе'нiе прiе'мъ ч\стыхъ крове'й, * и= 
зи'ждется, * и= расте'тъ вре'меннымъ разстоя'нiемъ, * па'ки 
и= ражда'ется въ (с. 370) верте'пjь: * о_у='жасъ ве'лiй! * 
а='гг~ли воспjьва'ютъ, * человjь'цы же рука'ми пле'щутъ: * 
цр~ь i=и~левъ хр\сто'съ прихо'дитъ.

%<И= ны'нjь, гла'съ и= подо'бенъ то'йже:%>

%<В%>олхва` валаа'ма прореч_е'нiя * и=сполне'нiе 
прiе'млютъ: * персi'дскими бо чудесы` w=блiя'ни бы'вше, * 
sвjьзды` не_обы'чныя w=сiя'нiемъ, * незаходи'магw сл~нца 
хр\ста` w=сiя'ни бы'вше, * въ виfлее'мjь воплоще'ннаго * 
бг~а цр~я`, * и= во'льнаго мертвеца` дарми` назна'менаютъ.

%<На стiхо'внjь стiхи'ры, гла'съ в~. Подо'бенъ: Д%>о'ме 
_е=vфра'fовъ:

%<П%>росiява'етъ sвjьзда`, * о_у=же` ражда'емаго * въ 
верте'пjь прозна'менуя: * па'стырiе со а='гг~лы, волсви` съ 
да^ры; * предвари'ти потщи'теся.

%<Стi'хъ: Б%>г~ъ w\т ю='га прiи'детъ, и= ст~ы'й и=зъ 
горы` приwсjьне'нныя ча'щи.

%<Д%>а пр\оро'ч_еская и=спо'лнитъ прореч_е'нiя, * въ 
виfлее'мjь ражда'ется, * и= _е=де'мъ w\тверза'етъ * су'щымъ 
и=зъ а=да'ма гд\сь.

%<Стi'хъ: Г%>д\си, о_у=слы'шахъ слу'хъ тво'й, и= 
о_у=боя'хся: гд\си, разумjь'хъ дjьла` твоя^, и= 
о_у=жасо'хся.

%<П%>ома'жи мv'ромъ, виfлее'ме, * jа='сли ст~i'и: * въ 
тебjь' бо вл\дка * простре'ти и='мать * лучи` своегw` 
бж\ства`.

%<Сла'ва, и= ны'нjь: Подо'бенъ то'йже:%>

%<П%>рiиди'те, земноро'днiи, * согла'снw дв~у * бц\ду 
марi'ю * да воспое'мъ непреста'ннw, * и=зъ нея'же хр\сто'съ 
ражда'ется. (с. 371)



%<Въ то'йже де'нь, и='же во ст~ы'хъ, _о=тца` на'шегw 
петра` митрополi'та кi'евскагw и= всея` рwссi'и.%>

%<А='ще хра'мъ, и=ли` настоя'тель и=зво'литъ, твори'мъ 
бдjь'нiе.%>

%<На ма'лjьй вече'рни стiхи^ры ст~а'гw, гла'съ а~. По\д: 
Н%>б\сныхъ чинw'въ:

%<Н%>б\снымъ чинw'мъ поревнова'лъ _е=си`, * ст~и'телю 
хр\сто'въ пе'тре, * и= на земли`, бг~оно'се, w=свяще'нъ 
сосу'дъ jа=ви'лся _е=си` * и= жили'ще ст~а'гw дх~а. * 
тjь'мже тя` о_у=блажа'емъ, * и= ст~о'е твое` дне'сь че'стнw 
ра'дующеся пра'зднуемъ о_у=спе'нiе.

%<Н%>б\сныхъ чинw'въ ра'дованiе, * и= на земли` 
а=рхiере'_евъ похвала`, * свяще'нникwвъ сла'ва, пе'тре 
му'дре, * мона'шествующихъ пра'вило, и= цр~кве 
о_у=твержде'нiе. * тjь'мже тя` мо'лимъ: * не w=скудjь'й 
помоществу'я на'мъ, * притека'ющымъ къ тебjь` рабw'мъ 
твои^мъ.

%<Н%>а нб~сjь'хъ водворя'яся, * прiими` ны'нjь хвалу` 
ча^дъ твои'хъ, _о='тче, * пра'зднующихъ че'стнw па'мять 
о_у=спе'нiя твоегw`, * и= пода'ждь серд_е'чная прош_е'нiя, * 
о_у=го'дниче хр\сто'въ пе'тре, * и= преч\стjьй ма'тери 
прилjь'жнw моли'ся, * спасти` w\т бjь'дъ ду'шы на'шя.

%<Сла'ва, гла'съ s~. Самогла'сенъ:%>

%<Б%>ж\ственная бл~года'ть, въ па'мяти о_у=спе'нiя 
твоегw`, w=сjьня'ющи притека'ющыя къ ра'цjь моще'й твои'хъ, 
неду'гwвъ и=сцjьле'нiе подава'етъ: ст~и'телю _о='тче пе'тре, 
моли'ся w= душа'хъ на'шихъ.

%<И= ны'нjь, предпра'зднства, гла'съ то'йже:%>

%<П%>о'йте гд\су ро'ждшемуся w\т дв~ы: воспо'йте пjь'снь 
вw'инства нб\сная, земнi'и, восплещи'те рука'ми: бг~ъ бо въ 
(с. 372) человjь'цjьхъ, чл~вjь'къ бг~ъ воздая'нiемъ. се` 
та'инство соверша'ется на'мъ дне'сь, цр~ь i=и~левъ хр\сто'съ 
прихо'дитъ.

%<На стiхо'внjь стiхи^ры, гла'съ в~. Подо'бенъ: Д%>о'ме 
_е=vфра'fовъ:

%<Д%>о'мъ духо'вный, * пе'тръ jа=ви'ся * поспjьше'нiемъ 
бл~года'ти ст~а'гw дх~а: * и='мже ны'нjь соше'дшеся, * того` 
воспое'мъ.

%<Стi'хъ: С%>вяще'нницы твои` w=блеку'тся въ пра'вду, и= 
прп\дбнiи твои` возра'дуются.

%<Р%>а'дуйся, ст~и'телей * пе'тре похвало`, * 
свяще'нникwвъ сла'во, * пра'вило мона'хwвъ, * цр~кве 
о_у=твержде'нiе.

%<Стi'хъ: В%>осхва'лятся прп\дбнiи во сла'вjь, и= 
возра'дуются на ло'жахъ свои'хъ.

%<П%>рiими` ны'нjь пjь'нiе * ча^дъ твои'хъ, _о='ч~е, * 
и= лю'бящымъ тя` * подава'й _о=бы^чная прош_е'нiя.

%<Сла'ва, и= ны'нjь, гла'съ то'йже:%>

%<Д%>о'ме _е=vфра'fовъ, * гра'де ст~ы'й, * пр\оро'кwвъ 
сла'во, * о_у=краси` до'мъ, * въ не'мже бж\ственный 
ражда'ется.

%<Тропа'рь, гла'съ д~:%>

%<Jа='%>же пре'жде безпло'дная земле`, ны'нjь весели'ся: 
се' бо хр\сто'съ свjьти'льника въ тебjь` показа` jа='вjь 
сiя'юща въ мi'рjь, и= и=сцjьлjьва'юща неду'ги и= бwлjь'зни 
на'шя. сегw` ра'ди лику'й и= весели'ся со дерзнове'нiемъ: 
ст~и'тель бо _е='сть вы'шнягw сiя^ содjь'ловаяй.

%<И='нъ тропа'рь, гла'съ и~:%>

%<Л%>ику'й свjь'тлw, благосла'внjьйшiй гра'де москва`, 
и=мjь'яй въ себjь` а=рхiере'а петра`, jа='кw зарю` сл~нца, 
всю` рwссi'ю чудодjья^нiи w=заря'юща: то'й бо не'мwщи 
врачу'етъ, и= неду'ги, jа='кw тму`, прого'нитъ w\т 
вопiю'щихъ _е=му`: ра'дуйся, i=ера'рше бг~а вы'шнягw, тобо'ю 
сiя^ па'ствjь твое'й содjь'ловающагw.

%<Сла'ва, и= ны'нjь, предпра'зднства, гла'съ д~:%>

%<Г%>ото'вися, виfлее'ме, w\тве'рзися всjь^мъ, _е=де'ме, 
красу'йся, _е=vфра'fо, jа='кw дре'во живота` въ верте'пjь 
процвjьте` (с. 373) w\т дв~ы: ра'й бо _о='ноя чре'во 
мы'сленный, въ не'мже бж\ственный са'дъ, w\т негw'же 
jа='дше, жи'ви бу'демъ, не jа='коже а=да'мъ о_у='мремъ. 
хр\сто'съ ражда'ется, пре'жде па'дшiй возста'вити _о='бразъ.

%<И= w\тпу'стъ.%>



%<На вели'цjьй вече'рни пое'мъ: Б%>лаже'нъ му'жъ: %<На 
Г%>д\си, воззва'хъ, %<стiхи^ры, на и~. Предпра'зднства г~: 
и= ст~а'гw _е~.%>

%<Предпра'зднства стiхи^ры, гла'съ д~. Подо'бенъ: 
Jа='%>кw до'бля:

%<П%>редпра'зднств_енныя пjь^сни, * мы'сли пра'востiю, * 
хр\сто'ва рж\ства` предвозгласи'мъ: * _о=ц~у' бо и= дх~у, * 
сы'й равноче'стенъ, * за милосе'рдiе въ на'ше w=бо'лкся 
смjьше'нiе, * хо'щетъ роди'тися въ виfлее'мjь: * _е=го'же 
рж\ство` несказа'нное * па'стырiе со а='гг~лы воспjь'ша.

%<В%>ъ кv"мва'лjьхъ возгласи'мъ, * въ пjь'снехъ 
воскли'кнемъ: хр\сто'во jа=вле'нiе показа'ся, * 
пр\оро'ч_еская проповjь^данiя коне'цъ прiя'ша. * _е=го'же бо 
прореко'ша, * пло'тiю человjь'кwмъ jа=ви'тися, * ражда'ется 
во ст~jь'мъ верте'пjь, * и= въ jа='слехъ возлега'етъ jа='кw 
_о=троча`, * и= пелена'ми повива'ется jа='кw младе'нецъ.

%<В%>иfлее'ме, о_у=гото'вися, * _е=де'ме, ны'нjь 
w\тве'рзися: * роди'ти всест~а'я и='детъ. * нб~са` да 
веселя'тся, * да и=гра'ютъ человjь'цы, * въ jа='слехъ 
жи'знь, въ верте'пjь бога'тый, * прихо'дитъ мно'жества ра'ди 
ми'лости, * нищету` а=да'мову воспрiи'мъ, * кромjь` 
преложе'нiя и= смjьше'нiя.

%<Стiхи^ры чудотво'рца петра`, гла'съ в~. По\д: К%>i'ими 
похва'льными:

%<К%>i'ими похва'льными вjьнцы^ о_у=вязе'мъ ст~и'теля: 
свяще'нства вjьне'цъ, благоче'стiя о_у=правле'нiе, свjь'тлое 
цр~кве о_у=краше'нiе, и=сто'чникъ бж\ственныхъ и=сцjьле'нiй 
неисчерпа'емый: проли'тiе дарова'нiй дх~о'вныхъ, рjьку` 
мно'гихъ чуде'съ, зе'млю рwссi'йскую веселя'ща тече'ньми, 
петра`, те'плаго предста'теля на'шего и= храни'теля;

%<Два'жды.%> (с. 374)

%<К%>i'ими смире'нными о_у=стна'ми воспои'мъ ст~и'теля: 
ди'внаго въ чудесjь'хъ и= безпло'тныхъ сожи'теля, 
w=свяще'ннаго w\т пеле'нъ, столпа` цр~кве неподви'жима, 
весе'лiе земли` на'шея, пра'вды пра'вило, сирота'мъ 
пита'теля, w=би'димыхъ засту'пника и= больны'хъ врача` 
безме'здна;

%<Два'жды.%>

%<П%>рiиди'те вjь'рныхъ собо'ри, _псало'мски воспле'щимъ 
рука'ми: печа'льныхъ о_у=тjьше'нiе и= w\тча'янныхъ 
засту'пника, бж\ственнаго петра` воспjьва'юще, похвалу` 
земли` рwссi'йскiя и= всегw` свяще'нства о_у=краше'нiе, 
рjьку` ми'лости, вои'стинну бж\ственнагw хр\сто'ва смире'нiя 
ревни'теля, подаю'щаго мi'рови ве'лiю ми'лость.

%<_Е=ди'ножды.%>

%<Сла'ва, гла'съ а~. Самогла'сенъ:%>

%<Б%>ж\ственнагw свы'ше jа=вле'нiя свjь'тлостiю 
просвjьти'вся, пе'тре, тве'рдый о_у=мо'мъ, зако'нwвъ 
и=збjь'глъ _е=си` _е=сте'ственныхъ, jа='коже сjь'ни, 
бл~года'тiю и='стинною, всему'дре w=кропле'нъ: w\т_ону'дуже 
прiя'телище прест~а'гw дх~а бы'въ, чуде'съ да'ръ воспрiя'лъ 
_е=си`, и= w=богаща'еши си'ми ча^да твоя^. и= ны'нjь съ 
первост~и'т_ели предстоя` хр\сту`, моли'ся w= душа'хъ 
на'шихъ.

%<И= ны'нjь, предпра'зднства, гла'съ то'йже. По\д: 
П%>рiими`, сv"меw'не:

%<П%>рiими'те, jа='сли, _е=го'же въ купинjь` мwv"се'й 
законополо'жникъ прови'дjь въ хори'вjь, ны'нjь ражда'ема w\т 
дв~ы дх~омъ бж\ственнымъ. та` _е='сть, jа='же въ зако'нjь 
рече'нная: та` _е='сть пр\оро'ческая печа'ть, jа='же бг~а 
пло'тiю тлjь^ннымъ jа=вля'ющи, _е=му'же поклони'мся.

%<Вхо'дъ. Прокi'менъ дне`. Чт_е'нiя г~.%>

%<При'тчей чте'нiе.%>

[Глава` _i~] %<П%>а'мять пра'веднагw съ похвала'ми, 
и= благослове'нiе гд\сне на главjь` _е=гw`. Блаже'нъ 
человjь'къ, и='же w=брjь'те прему'дрость: и= сме'ртенъ, 
и='же о_у=вjь'дjь ра'зумъ. [г~] Лу'чше бо сiю` купова'ти, 
не'жели зла'та и= сребра` сокрw'вища. (с. 375) Честнjь'йшая 
же _е='сть ка'менiй многоцjь'нныхъ: все' же честно'е 
недосто'йно _е=я` _е='сть. Долгота' бо дне'й, и= лjь^та 
живота` въ десни'цjь _е=я`: въ шу'ицjь же _е=я` бога'тство 
и= сла'ва: w\т о_у='стъ _е=я` и=схо'дитъ пра'вда, зако'нъ же 
и= ми'лость на я=зы'цjь но'ситъ. Послу'шайте о_у=`бо мен_е`, 
_w ча^да! честна^я бо реку`: и= бл~же'нъ человjь'къ, и='же 
пути^ моя^ сохрани'тъ: и=схо'ди бо мои`, и=схо'ди живота`, 
и= о_у=готовля'ется хотjь'нiе w\т гд\са. Сегw` ра'ди молю` 
ва'съ, и= предлага'ю мо'й гла'съ сыновw'мъ человjь'ч_ескимъ: 
jа='кw а='зъ прему'дрость о_у=стро'ихъ, совjь'тъ и= ра'зумъ 
и= смы'слъ а='зъ призва'хъ. Мо'й совjь'тъ и= 
о_у=твержде'нiе, мо'й ра'зумъ, моя' же крjь'пость. А='зъ 
мене` лю'бящыя люблю`, и='щущiи же мене` w=бря'щутъ 
бл~года'ть. Разумjь'йте о_у='бw, неsло'бивiи, кова'рство, 
ненака'заннiи же, прилага'йте сердца`. Послу'шайте мен_е` и= 
па'ки, честна^я бо реку`: и= w\тве'рзу w\т о_у=сте'нъ 
пра^вая, jа='кw и='стинjь поучи'тся горта'нь мо'й, м_е'рзски 
же предо мно'ю о_у=стны` лжи^выя. Съ пра'вдою вси` глаго'лы 
о_у='стъ мои'хъ: ничто'же въ ни'хъ стро'потно, ниже` 
развраще'нно. Вся^ пра^ва су'ть разумjьва'ющымъ, и= прw'ста 
w=брjьта'ющымъ ра'зумъ. Науча'ю бо ва'съ и='стинjь, да 
бу'детъ w= гд\сjь наде'жда ва'ша, и= и=спо'лнитеся дх~а.

%<Прему'дрости соломw'ни чте'нiе.%>

[Глава` д~] %<П%>ра'ведникъ, а='ще пости'гнетъ 
сконча'тися, въ поко'и бу'детъ. W=су'дитъ же прв\дникъ 
о_у=мира'яй живу'щыя нечести^выя. О_у='зрятъ бо кончи'ну 
пра'веднагw, и= не разумjь'ютъ, что` совjьща'ша w= не'мъ: 
jа='кw пове'ржетъ гд\сь нечести^выя безгла'сны ни'цъ, и= 
поколе'блетъ и=`хъ w\т w=снова'нiй, и= до послjь'днягw 
и=сче'знутъ въ болjь'зни, и= па'мять и='хъ поги'бнетъ. 
Прiи'дутъ бо въ помышле'нiе согрjьше'нiй свои'хъ о_у=жа'сни, 
и= w=бличи'тъ и=`хъ сопроти'въ беззако'нiя и='хъ. [_е~] 
Тогда` ста'нетъ въ дерзнове'нiи мно'зjь (с. 376) прв\дникъ 
предъ лице'мъ w=скорби'вшихъ _е=го`, и= w\тмета'ющихъ труды` 
_е=гw`. Ви'дjьвше же _е=го`, смяту'тся стра'хомъ мно'гимъ, 
и= о_у=жа'снутся w= пресла'вномъ спасе'нiи _е=гw`. Реку'тъ 
бо въ себjь` ка'ющеся, и= въ тjьснотjь` ду'ха воздо'хнутъ, 
и= реку'тъ: се'й бjь`, _е=го'же и=мjь'хомъ нjь'когда въ 
посмjь'хъ и= въ при'тчу поноше'нiя безу'мнiи. Житiе` _е=гw` 
вмjьни'хомъ неи'стово, и= кончи'ну _е=гw` безче'стну. Ка'кw 
вмjьни'ся въ сынjь'хъ бж~iихъ, и= во ст~ы'хъ жре'бiй _е=гw` 
_е='сть; О_у=`бо заблуди'хомъ w\т пути` и='стиннагw, и= 
пра'вды свjь'тъ не w=блиста` на'мъ, и= со'лнце не возсiя` 
на'мъ. Беззако'нныхъ и=спо'лнихомся ст_е'зь, и= поги'бели, 
и= ходи'хомъ ст_ези` непрохо'дны, пути' же гд\сня не 
разумjь'хомъ.

%<Прему'дрости соломw'ни чте'нiе:%>

[Глава` _i~] %<О_у=%>ста` прв\днагw ка'плютъ 
прему'дрость: о_у=стнjь' же муже'й му'дрыхъ вjь'дятъ 
бл~года'ть. О_у=ста` му'дрыхъ поуча'тся прему'дрости, 
пра'вда же и=збавля'етъ и=`хъ w\т сме'рти. Сконча'вшуся 
му'жу пра'ведну, не поги'бнетъ наде'жда. Сы'нъ бо пра'веденъ 
ражда'ется въ живо'тъ, и= во бл~ги'хъ свои'хъ пло'дъ пра'вды 
w=б\ъи'метъ. Свjь'тъ пра'в_еднымъ всегда`, и= w\т гд\са 
w=бря'щутъ бл~года'ть и= сла'ву. Я=зы'къ му'дрыхъ дw'брая 
свjь'сть, и= въ се'рдцjь и='хъ почi'етъ му'дрость. Лю'битъ 
гд\сь прп\дбныя сердца`, прiя'тни же _е=му` вси` непоро'чнiи 
въ пути`. Му'дрость гд\сня просвjьща'етъ лице` разу'мнагw. 
Постига'етъ бо жела'ющыя ю=`, пре'жде да'же разумjь'ти ю=`: 
и= о_у=до'бь о_у='зрится w\т лю'бящихъ ю=`. [s~] 
О_у='треневавый къ не'й, не о_у=труди'тся. и= бдя'й _е=я` 
ра'ди, вско'рjь безъ печа'ли бу'детъ. Jа='кw досто'йныхъ 
_е=я` сама` w=бхо'дитъ и='щущи, и= во стезя'хъ _е=я` 
jа=вля'ется и=`мъ благопрiе'мнjь. Му'дрости никогда'же 
w=долjь'етъ sло'ба. [и~] Си'хъ ра'ди и= рачи'тель бы'хъ 
добро'ты _е=я`: и= возлюби'хъ (с. 377) ю=`, и= поиска'хъ w\т 
ю='ности моея`: и= взыска'хъ невjь'сту привести` себjь`, 
jа='кw всjь'хъ вл\дка возлюби` ю=`: таи'нница бо _е='сть 
бж~iя хи'трости, и= w=брjьта'тельница дjь'лъ _е=гw`. Труды` 
_е=я` су'ть добродjь'т_ели: цjьлому'дрiю же и= ра'зуму та` 
о_у=чи'тъ, пра'вдjь и= му'жеству, и='хже потре'бнjье 
ничто'же _е='сть въ житiи` человjь'кwмъ. А='ще же и= 
мно'гагw и=ску'сства жела'етъ кто`, вjь'сть др_е'вняя, и= 
бы'ти хотя^щая разсмо'тритъ: свjь'сть и=зви^тiя слове'съ, и= 
разрjьш_е'нiя гада'нiй: зна'м_енiя и= чудеса` 
проразумjь'етъ, и= сбытiя^ време'нъ и= лjь'тъ: и= всjь^мъ 
совjь'тникъ _е='сть бла'гъ, jа='кw безсме'ртiе _е='сть въ 
не'й, и= бл~госла'вiе во _о=бще'нiи слове'съ _е=я`. [д~] 
Сегw` ра'ди бесjь'довахъ ко гд\су, и= помоли'хся _е=му`, и= 
рjь'хъ w\т всегw` се'рдца моегw`: бж~е _о=тц_е'въ и= гд\си 
ми'лости, сотвори'вый вся^ сло'вомъ твои'мъ, и= му'дростiю 
твое'ю о_у=стро'ивый человjь'ка, да владjь'етъ бы'вшими w\т 
теб_е` тварьми`, и= да о_у=правля'етъ мi'ръ въ прп\дбiи и= 
пра'вдjь, да'ждь ми` твои'хъ престо'лwвъ присjьдя'щую 
прему'дрость, и= не w\тлучи` мен_е` w\т _о='трwкъ твои'хъ, 
jа='кw а='зъ ра'бъ тво'й, и= сы'нъ рабы'ни твоея`. Посли` 
ю=` съ нб~съ w\т ст~а'гw жили'ща твоегw`, и= w\т престо'ла 
сла'вы твоея`, да су'щи со мно'ю научи'тъ мя`, что` 
бл~гоуго'дно _е='сть предъ тобо'ю: и= наста'витъ мя` въ 
ра'зумъ, и= сохрани'тъ мя` въ сла'вjь свое'й. Помышл_е'нiя 
бо сме'ртныхъ вся^ боязли^ва, и= погрjьши'т_ельна 
о_у=мышл_е'нiя и='хъ.

%<На лiтi'и стiхи'ра хра'ма: и= ст~а'гw, гла'съ д~.%>

%<С%>вjь'тлw дне'сь цр~ковь о_у=краша'ется, и= ра'дуется 
зову'щи, о_у=ясни'ся моя` добро'та па'че всjь'хъ: 
ст~и'тел_емъ бо красота` сла'вный пе'тръ, взы'де на нб~са` 
къ цр~ю` всjь'хъ ца'рствующему. прiиди'те же, празднолю'бцы, 
правосла'вныхъ собо'ри, пjь^нiя и= похвалы^ тому` 
принесе'мъ, зову'ще: _w (с. 378) ст~и'телей добро'то! 
моли'ся хр\сту` бг~у, и=зба'вити хр\стоимени^тыя лю'ди w\т 
вся'кiя ско'рби, и= спасти` ду'шы на'шя.

%<Гла'съ s~:%>

%<Д%>х~а бж\ственная бл~года'ть ст~и'теля тя` показа`, 
и= о_у=чи'теля и=зря'дна jа=ви`: тjь'мъ мра'къ нече'стiя 
w=бличи'въ, лю'ди бг~оразу'мiя о_у=че'ньми просвjьти'лъ 
_е=си`, ст~лю бг~ому'дре пе'тре, а=рхiере'_евъ сла'ва _е=си` 
и= красота`, и= всjь^мъ бы'лъ _е=си` и=звjь'стенъ _о='бразъ 
о_у=че'нiй. дерзнове'нiе и=мjь'я ко хр\сту` бг~у, того` 
при'снw моли` спасти'ся душа'мъ на'шымъ.

%<Д%>о'блестей твои'хъ, свяще'нне _о='ч~е, пло'дъ 
о_у=ясни` вjь'рныхъ сердца`, кто' бо слы'ша безмjь'рное 
твое` смире'нiе, и= терпjь'нiю не о_у=диви'тся; и= _е='же къ 
ни'щымъ ти'хость, и= къ скорбя'щымъ ми'лованiе. вся^ 
бг~олjь'пнw научи'лъ _е=си`, ст~и'телю пе'тре: и= ны'нjь на 
нб~сjь'хъ неувяда'емымъ вjьнча'вся вjьнце'мъ, моли` w= 
душа'хъ на'шихъ.

%<Сла'ва, гла'съ s~. Самогла'сенъ:%>

%<П%>рп\дбне требл~же'нне свяще'нный _о='ч~е, па'стырю 
до'брый, jа='кw пастыренача'льника хр\ста` о_у=чениче`, 
положи'вый ду'шу твою` за _о='вцы: са'мъ и= ны'нjь, 
прехва'льне ст~и'телю пе'тре, и=спроси` моли'твами твои'ми, 
дарова'ти на'мъ ве'лiю ми'лость.

%<И= ны'нjь, предпра'зднства, гла'съ то'йже:%>

%<С%>iw'не, торжеству'й, i=ерусали'ме, весели'ся, гра'де 
хр\ста` бг~а, под\ъими` зижди'теля въ верте'пjь и= 
jа='слjьхъ вмjьща'емаго. w\тве'рзите ми` врата`, и= вше'дъ 
въ ня`, о_у=зрю` jа='кw мл\днца пелена'ми повива'емаго, 
дла'нiю же содержа'щаго тва'рь: _е=го'же пою'тъ а='гг~ли 
непреста'ннымъ гла'сомъ, жизнода'вца гд\са, спаса'ющаго 
ро'дъ на'шъ.

%<На стiхо'внjь стiхи^ры предпра'зднства, гла'съ а~. 
Подо'бенъ: В%>сехва'льнiи му'ч_еницы:

%<В%>и'дящи держи'ма * рука'ми свои'ми всеч\стая 
творца`, * вjьща'ше: ча'до сла'дкое, * ка'кw тя` мл\днца 
зрю`, * и= (с. 379) разумjь'ти не могу` непостижи'магw * 
твоегw` ны'нjь снизхожде'нiя; * пою` держа'ву твою`, * 
покланя'юся милосе'рдiю твоему`, * _е=гw'же ра'ди спасти` 
мi'ръ прише'лъ _е=си`.

%<Стi'хъ: Б%>г~ъ w\т ю='га прiи'детъ, и= ст~ы'й и=зъ 
горы` приwсjьне'нныя ча'щи.

%<Jа=%>ви'ся воплоща'емь * и=зъ теб_е`, мт~и 
неискусобра'чная, * и= въ верте'пjь ражда'емь, * и= ви'димь 
бж\ственными * го'рними чи'нми неви'димый: * человjь'ка бо 
прiи'де и=зба'вити * w\т ле'сти sмi'иныя. * не 
о_у=дивля'йся, всенепоро'чная, w= рж\ствjь`, * _е=стество` 
превосходя'щемъ.

%<Стi'хъ: Г%>д\си, о_у=слы'шахъ слу'хъ тво'й, и= 
о_у=боя'хся: гд\си, разумjь'хъ дjьла` твоя^, и= 
о_у=жасо'хся.

%<Т%>я` мл\днца пресоверше'нна зрю`, * въ jа='слехъ 
возлежа'ща: * не вjь'мъ же та'йны * глубину` несказа'нну: * 
ка'кw и= по рж\ствjь` * нетлjь'нна пребы'хъ, * зако'ны 
преше'дши _е=стества`; * ку'ю о_у='бw хвалу` тебjь` 
принесу`; * ка'кw просла'влю тя`; * дв~а _о=трокови'ца 
вjьща'ше. 

%<Сла'ва, гла'съ и~:%>

%<П%>рiиди'те вси` вjь'рнiи, согла'снw воспои'мъ петра` 
всеблаже'ннаго, благоче'стiя свjьти'ло, воздержа'нiя 
пра'вило, терпjь'нiя сто'лпъ, простоты` сокро'вище, 
смире'нiя рjьку` _о=би'льную, ни'щихъ о_у=тjьше'нiе, 
стра'нныхъ страннопрiе'мника, и= и='стинныя любве` хр\сто'вы 
дjь'лателя вои'стинну блаже'ннаго. се'й о_у='бw жи'въ и= 
прише'дъ, человjь'кwмъ засту'пникъ, и= спаси'тель показа'ся, 
болjь'зней и= страсте'й неисцjь'льныхъ вра'чь, и= w\т 
вся'ческихъ напа'стей свободи'тель, и= хр\ста` мо'литъ 
спасти'ся душа'мъ на'шымъ.

%<И= ны'нjь, гла'съ то'йже:%>

%<В%>оспрiими`, виfлее'ме, бж~iю митропо'лiю: свjь'тъ бо 
незаходи'мый въ тебjь` роди'тися прихо'дитъ. а='гг~ли, 
о_у=диви'теся на нб~си`, человjь'цы, просла'вите на земли`, 
волсви`, w\т персi'ды пресла'вный да'ръ принеси'те, 
па'стырiе, (с. 380) свиря'юще, тр\сто'е пjь'нiе сла'дцjь 
воспо'йте: вся'кое дыха'нiе да хва'литъ вседjь'теля.

%<Тропа'рь ст~а'гw, гла'съ д~: Jа='%>же пре'жде 
безпло'дная: %<пи'санъ на ма'лjьй вече'рни. Сла'ва, и= 
ны'нjь, предпра'зднства: Г%>ото'вися, виfлее'ме:



%<На о_у='трени, на Б%>г~ъ гд\сь, %<тропа'рь 
предпра'зднства: Г%>ото'вися, виfлее'ме: %<Два'жды. Сла'ва, 
ст~а'гw: И= ны'нjь, предпра'зднства.%>

%<По а~-й стiхоло'гiи сjьда'ленъ, гла'съ а~. Подо'бенъ: 
Г%>ро'бъ тво'й:

%<В%>ели'кiй хр\сто'въ ст~и'тель да воспое'тся, сто'лпъ 
свjь'тлый, просвjьща'ющiй ны` чуде'съ свjьтлостьми`, 
_о='блакъ ро'сный пла'мень страсте'й погаша'ющiй, и= 
w=роша'ющiй вjь'рныхъ мы^сли, бж\ственный пе'тръ.

%<Два'жды.%>

%<Сла'ва, и= ны'нjь, предпра'зднства, гла'съ то'йже:%>

%<П%>реклони'вый нб~са`, и= въ дв~у всели'выйся, 
происхо'дитъ пло'тiю въ виfлее'мстjьмъ верте'пjь роди'тися, 
jа='коже пи'шется, jа=ви'тися же мл\днецъ, младе'нцы 
w=живля'яй во о_у=тро'бjь. сего` ра'дующеся ны'нjь сря'щемъ 
вси` се'рдца пра'востiю.

%<По в~-й стiхоло'гiи сjьда'ленъ, гла'съ г~. По\д: 
К%>расотjь` дjь'вства:

%<М%>и'лостивому хр\сто'ву о_у=го'днику, неsло'бивому и= 
кро'ткому, вси` тебjь` любо'вiю зове'мъ, прилjь'жнw 
моля'щеся: разрjьши` междоусо'бную страсте'й на'шихъ бра'нь, 
разруши` sлочести^вая а=га'рянъ кова^рствiя, и= покори` ты'я 
правовjь^рнымъ, присноблаже'нне, и= вся'ческихъ и=зба'ви 
и=скуше'нiй, любо'вiю воспjьва'ющихъ тя`.

%<Два'жды.%>

%<Сла'ва, и= ны'нjь, предпра'зднства, гла'съ а~:%>

%<В%>есели'ся, виfлее'ме, _е=vфра'fо, гото'вися: се' бо 
а='гница, па'стыря вели'каго въ ложесна'хъ нося'щи, роди'ти 
гряде'тъ: и= предви'дяще бж\ственную sвjьзду`, волсви` 
ра'дуются, съ па^стыри пою'ще, пра'востiю серде'чною. (с. 
381)

%<По полv"еле'и сjьда'ленъ, гла'съ _е~. Подо'бенъ: 
С%>обезнача'льное сло'во:

%<П%>равосла'вными сiя^нiи, jа='кw во тмjь` лежа'щыя 
ны`, w=тягч_е'нныя во грjьсjь'хъ просвjьти'лъ _е=си`, и= 
вся^ кова^рства лука'выхъ духw'въ w\тгна'лъ _е=си`: чуде'съ 
самодjь'теленъ jа=ви'вся, _о='ч~е, сла'вимь про'мысломъ 
вы'шнягw бы'лъ _е=си`. тjь'мъ тя` вjь'рою почита'емъ, 
ст~и'телю пе'тре, а=п\столwвъ и= патрiа'рхwвъ 
_е=динокро'вниче.

%<Два'жды.%>

%<Сла'ва, и= ны'нjь, предпра'зднства, гла'съ и= 
подо'бенъ то'йже:%>

%<В%>иfлее'ме, гото'вися на срjь'тенiе дв~ы марi'и и= 
бг~ома'тере: се' бо гряде'тъ къ тебjь` мл\днца нося'щи 
хр\ста`, собезнача'льнаго _о=ц~у` и= дх~у при'снw. _е=го'же 
въ верте'пjь роди'тъ, и= по рж\ствjь` дв~а па'ки jа=ви'тся.

%<Та'же степ_е'нна, а~-й а=нтiфw'нъ д~-гw гла'са. 
Прокi'менъ, гла'съ д~. О_у=%>ста` моя^ возглаго'лютъ 
прему'дрость, и= поуче'нiе се'рдца моегw` ра'зумъ. %<Стi'хъ: 
О_у=%>слы'шите сiя^ вси` jа=зы'цы, внуши'те вси` живу'щiи по 
вселе'ннjьй. %<В%>ся'кое дыха'нiе: %<_Е=v\глiе w\т i=wа'нна, 
зача'ло л~_е w\т полу`.%>

%<По н~-мъ _псалмjь` стiхи'ра, гла'съ s~:%>

%<_Е=%>гда` преставле'нiе честна'гw твоегw` тjь'ла, 
_о='ч~е, приспjь`, тогда` мно'жество вjь'рныхъ w=бступи'вше 
_о='дръ, о_у=ми'льнw провожда'ху тя`. и= _о='въ бо зря' тя 
благословля'юща лю'ди, о_у=дивля'шеся, кня'зь же i=wа'ннъ со 
слеза'ми вопiя'ше: _w вл\дко, что' ти возда'мъ проти'ву 
твоегw` бл~годjья'нiя, _е='же на'мъ дарова'лъ _е=си`, 
прiе'мъ w\т бг~а благода'ть; тjь'мже, ст~и'телю пе'тре, 
моли'ся прилjь'жнw хр\сту` бг~у на'шему, спасти'ся 
невоева'ну гра'ду твоему`.

%<Канw'нъ предпра'зднства со i=рмосо'мъ на s~, и= 
ст~а'гw два` на и~.%>

%<Канw'нъ предпра'зднства, пи'санъ вы'ше сегw'же 
числа`.%>

%<Канw'нъ ст~а'гw петра`.%>

%<Гла'съ и~. Пjь'снь а~. I=рмо'съ:%>

%<В%>о'ду проше'дъ jа='кw су'шу, и= _е=гv'петскагw sла` 
и=збjьжа'въ, i=и~льтянинъ вопiя'ше: и=зба'вителю и= бг~у 
на'шему пои'мъ. (с. 382)

%<_О='%>ч~е бг~ому'дре святи'телю пе'тре, w\тве'рзи моя^ 
недостw'йная о_у=стна` воспjь'ти тя`, и= прiими` jа='кw 
благово'нное кади'ло w\т о_у=бо'жества моегw`, _е='же тебjь` 
принесо'хъ недосто'йный.

%<В%>оспои'мъ вси` вели'каго ст~и'теля петра`, почти'мъ 
засту'пника и= о_у=твержде'нiе земли` рwссi'йскiя, _е=го'же 
дарова` гд\сь гра'ду москвjь` храни'теля бо'дра.

%<С%>паси'т_ельнымъ хр\стw'вымъ за'повjьдемъ 
послjь'довалъ _е=си`, прему'дре ст~и'телю пе'тре, вдw'въ и= 
сирw'тъ бы'лъ _е=си` предста'тель, и= земли` рwссi'йскiя 
вели'кое защище'нiе.

%<Бг~оро'диченъ:%>

%<П%>реч\стая бц\де, содjь'теля и= сп~са ро'ждшая 
всjь'хъ пою'щихъ тя`, спаси` w\т бjь'дъ гра'дъ тво'й, 
непреста'ннw моля'щи сн~а твоего` и= бг~а на'шего за ны`.

%<Другi'й канw'нъ чудотво'рца петра`.%>

%<Гла'съ а~. Пjь'снь а~. I=рмо'съ:%>

%<Х%>р\сто'съ ражда'ется, сла'вите. хр\сто'съ съ нб~съ, 
сря'щите. хр\сто'съ на земли`, возноси'теся. по'йте гд\севи 
вся` земля`, и= весе'лiемъ воспо'йте лю'дiе, jа='кw 
просла'вися.

%<Б%>л~года'ть дх~а прiе'мъ, _о='ч~е, во твое` се'рдце, 
хр\сто'въ святи'телю, о_у=ясни` я=зы'къ, и= се'рдце 
просвjьти` твои'хъ пjьв_е'цъ, _е='же твою` па'мять воспjь'ти 
свjь'тлw, пе'тре прп\дбне.

%<В%>ели'кiй ны'нjь пе'тръ па'стырь цр~кве держа'вный, 
па'стыря вку'пjь и= пасw'мыя, и= всю` цр~ковь въ па'мять 
свою` призыва'етъ: тjь'мже собра'вшися jа='кw _о='бщему 
_о=ц~у` свjь'тлw торжеству'емъ.

%<А='%>ще и= побjьжда'ютъ твоя^ и=справл_е'нiя словеса` 
на^ша и= помышл_е'нiя, _о='ч~е пе'тре, _о=ба'че душе'вное 
на'ше предложе'нiе, по си'лjь приноси'мое тебjь`, прiими` съ 
любо'вiю, досточу'дне: _е='же бо по досто'инству пjь^сни 
тебjь` соплести`, не возмо'жно _е='сть и= всjь^мъ на'мъ. (с. 
383)

%<Бг~оро'диченъ:%>

%<С%>вjь'тлое прихо'дитъ сл~нце, w\т вра'тъ 
заключе'нныхъ jа=вля'ющееся: но'щь бо jа=вле'ннjь 
о_у=праздни'ся, де'нь же прибли'жися. тjь'мже _е=стество` 
на'ше тлjь'нное прiе'мли вл\дку w\т дв~ы, теб_е` ра'ди 
тлjь'нна быва'ема.

%<Катава'сiа: Х%>р\сто'съ ражда'ется:

%<Пjь'снь г~. I=рмо'съ:%>

%<Н%>б\снагw кру'га верхотво'рче, гд\си, и= цр~кве 
зижди'телю, ты` мене` о_у=тверди` въ любви` твое'й, жела'нiй 
кра'ю, вjь'рныхъ о_у=твержде'нiе, _е=ди'не чл~вjьколю'бче.

%<С%>окруши` а=га'ряны, и= вся^ сопоста'ты безбw'жныя, 
преподо'бне пе'тре, моле'нiемъ твои'мъ къ творцу` и= бг~у 
на'шему, и= си'лу и='хъ борю'щую ны` не'мощну покажи`, и= 
свирjь^пства sлолю^тая покори`.

%<Т%>ы` прояви'лъ _е=си`, вл\дко, въ послjь'днемъ ро'дjь 
на'шемъ чудотво'рца ст~и'теля петра`, земли` рwссi'йскiя 
о_у=твержде'нiе, цр~кве твоея` пра'вое пра'вило, и= 
i=ере'йскагw чи'на чинонача'льника.

%<Т%>ебjь` прикосну'выйся, ст~е, су'щему въ честно'мъ 
гро'бjь твое'мъ, и=сцjьле'нiе получи'ти сподо'бися: рука'мъ 
бо тогw` къ пе'рсемъ прико'рчившымся, бж~iею бл~года'тiю 
дае'ши простира'тися.

%<Бг~оро'диченъ:%>

%<Б%>у'ди ми`, дв~о, прибjь'жище и= приста'нище, стjьна` 
неwбори'мая и= засту'пница, бг~а пло'тiю ро'ждшая преч\стая, 
и=зба'вителя всеще'драго и= сп~са пою'щихъ тя`, 
бг~оневjь'стная.

%<И='нъ. I=рмо'съ:%>

%<П%>ре'жде вjь^къ w\т _о=ц~а` рожде'нному нетлjь'ннw 
сн~у, и= въ послjь^дняя w\т дв~ы воплоще'нному безсjь'меннw 
хр\сту` бг~у возопiи'мъ: вознесы'й ро'гъ на'шъ, ст~ъ _е=си`, 
гд\си.

%<П%>озна' тя, бг~оно'се, всевjь'децъ бг~ъ, пре'жде 
_е='же зача'тися тебjь` во о_у=тро'бjь, и= роди'вшася 
w=свяща'етъ тя`, (с. 384) и= па'стыря _о=ве'цъ свои'хъ 
вели'ка о_у=строя'етъ: jа='кw бо а=п\слу петру` ввjьря'етъ 
тебjь` своя^ а='гнцы.

%<Ж%>езло'мъ воздержа'нiя страсте'й мо'ре раздjьли'въ, 
бл~же'нне, jа='кw мwv"се'й, на безстра'стiя го'ру возше'лъ 
_е=си`, и= прiе'мъ мы'сл_енныя скрижа^ли, па'ству твою` 
научи'лъ _е=си` хр\сто'ву зако'ну.

%<С%>мире'нъ jа=ви'лся _е=си`, кро'токъ же и= ти'хъ, 
пе'тре, w\т_ону'дуже дх~а бл~года'ть _о=би'льнjь 
и=злiя'вшеся на тя`, вели'ка показа' тя, чуде'съ луча'ми 
зе'млю на'шу w=сiява'юща.

%<Бг~оро'диченъ:%>

%<К%>рjь'пкiй держа'вный воплоти'выйся ны'нjь бг~ъ 
jа=ви'ся су'щымъ во тмjь` сjь'ни сме'ртныя. свjь'тъ 
о_у=ви'дите, вjь'рнiи, вели'къ, хр\ста` въ пеще'рjь, и=му'ща 
w\т дв~ы роди'тися стра'шнw, ю='же вjь'рнw воспои'мъ.

%<Катава'сiа: П%>ре'жде вjь^къ:

%<Конда'къ предпра'зднства, гла'съ г~. Подо'бенъ: Д%>в~а 
дне'сь:

%<Д%>в~а дне'сь превjь'чное сло'во въ верте'пjь гряде'тъ 
роди'ти неизрече'ннw: лику'й вселе'нная, о_у=слы'шавши, 
просла'ви со а='гг~лы и= па'стырьми хотя'щаго jа=ви'тися 
_о=троча` мла'до, превjь'чнаго бг~а.

%<I='косъ:%>

%<_W%> о_у=жа'снагw вои'стинну и= па'че сло'ва чудесе`! 
_е='же бы'ти дая'й всjь^мъ, ра'ди бл~гости, во чре'во ст~ы'я 
дв~ы вни'де, и= въ верте'пjь роди'тися гряде'тъ, и= въ 
jа='слехъ положи'тися. sвjьзда' же сего` проповjь'дуетъ 
свы'ше волхвw'мъ, и=ду'щымъ на поклоне'нiе _е=гw` съ да^ры, 
и=здале'ча привлача'щи со тща'нiемъ послjь'дующыя валаа'ма 
прорече'нiю, ре'кшагw: sвjьзда` хо'щетъ провозвjьсти'ти 
_о=троча` мла'до, превjь'чнаго бг~а.

%<Сjьда'ленъ, гла'съ д~. Подо'бенъ: С%>ко'рw предвари`:

%<С%>вjьти'льникъ свjьтосiя'ненъ jа=ви'лся _е=си` мi'ру, 
просвjьща'яй блиста'ньми бж\ственныхъ твои'хъ слове'съ 
вjь'рныхъ (с. 385) помышл_е'нiя, ст~и'телю _о='ч~е пе'тре. 
тjь'мже вси` свяще'нную твою` и= бж\ственную па'мять дне'сь 
ра'достнw соверша'емъ.

%<Два'жды.%>

%<Сла'ва, и= ны'нjь, предпра'зднства. Подо'бенъ: 
то'йже:%>

%<Д%>в~ы, предначни'те дjьви'ческую ра'дость, ма'т_ери, 
восхвали'те провожде'нiе мт~ре хр\ста` бг~а на'шегw: волсви` 
со а='гг~лы, съ на'ми па'стырiе: гряде'тъ бо дв~а, во 
гра'дjь виfлее'мjь роди'ти, сн~а превjь'чнаго бг~а, 
спаса'ющаго мi'ръ w\т тлjь'нiя.

%<Пjь'снь д~. I=рмо'съ:%>

%<О_у=%>слы'шахъ, гд\си, смотре'нiя твоегw` та'инства, 
разумjь'хъ дjьла` твоя^, и= просла'вихъ твое` бж\ство`.

%<Б%>л~года'тiю дх~а пома'зался _е=си`, а=рхiере'й 
всеизря'дне пе'тре: во хр\ста' бо w=дjь'явся, житiя` ра'ди 
чи'стагw. тjь'мъ научи'лъ _е=си` сла'вити въ тр\оцjь 
_е=ди'наго бг~а.

%<И=%>зба'ви твое` ста'до w\т бу'ри грjьха`, прп\дбне 
ст~и'телю пе'тре, бjь'дъ же и= скорбе'й, приводя' ны въ 
приста^нища ти^хая бж\ственныя во'ли хр\сто'вы.

%<Х%>р\сто'въ jа=ви'лся _е=си` о_у=го'дникъ, _о='ч~е 
пресвяще'нне пе'тре: тjь'мъ моля'ся не преста'й ко гд\су, 
w\т напа'стей и= бjь'дъ и= скорбе'й и=зба'вити ста'до твое`, 
и= w\т ну'ждныхъ и=скуше'нiй.

%<Бг~оро'диченъ:%>

%<С%>вяще'ннw тя` сла'вятъ ст~и'тельстiи собо'ри и= вси` 
преподо'бныхъ ли'цы: зижди'теля бо всjь'хъ, сн~а сло'во 
бж~iе, jа='кw мл\днца на руку` тво_е'ю понесла` _е=си`.

%<И='нъ. I=рмо'съ:%>

%<Ж%>е'злъ и=зъ ко'рене i=ессе'ева и= цвjь'тъ w\т негw`, 
хр\сте`, w\т дв~ы прозя'блъ _е=си`, и=зъ горы`, хва'льный, 
приwсjьне'нныя ча'щи, прише'лъ _е=си` вопло'щся w\т 
неискусому'жныя, невеще'ственный и= бж~е, сла'ва си'лjь 
твое'й, гд\си.

%<З%>ако'нwмъ w\т сос_е'цъ ма'тернихъ подклони'вся 
дх~w'внымъ, зако'ны плотскi^я превше'лъ _е=си`, преподо'бне, 
jа=`же (с. 386) въ жи'зни твое'й о_у=мертви'лъ _е=си` 
воздержа'нiемъ крjь'пкимъ. _е=гw'же ра'ди да'нъ _е=си` 
вjь^рнымъ чудотво'рецъ вели'къ, пе'тре блаже'нне.

%<С%>на` _о=чес_е'мъ твои^мъ, и= дрема'нiя вjь'ждwмъ не 
да'лъ _е=си`, до'ндеже w=брjь'те мjь'сто поко'йно всjь'хъ 
содjь'тель, _о='ч~е, ср\дце твое`: _е='же w=чи'стившееся 
досто'йнjь показа` свое` жили'ще сла'вы цр~ь и= бг~ъ 
вjь'чный.

%<О_у=%>мертви` мудрова'нiе, прему'дре, пло'ти моея` 
неисцjь'льное, и= къ бж~е'ств_еннымъ стезя'мъ наста'ви мя`, 
jа='кw крjь'покъ и= си'ленъ, и= зако'нwмъ благи^мъ мя` 
повини`, блаже'нне, и= раба` покажи' мя хр\сто'ва, 
порабоще'ннаго страстьми` лю'тыми.

%<Бг~оро'диченъ:%>

%<И=%>збавле'нiе посла` гд\сь, jа='коже пи'сано _е='сть, 
лю'демъ и= племен_е'мъ и= jа=зы'кwмъ ны'нjь. лю'ди бо себjь` 
вся^ содjьва'етъ _е=ди'ному, вjь'рою покланя'ющыяся, 
воплоще'нiю сыно'вню, и= тебе` бц\ду и=сповjь'дающыя.

%<Катава'сiа: Ж%>е'злъ и=зъ ко'рене:

%<Пjь'снь _е~. I=рмо'съ:%>

%<В%>ску'ю мя` w\три'нулъ _е=си` w\т лица` твоегw`, 
свjь'те незаходи'мый, и= покры'ла мя` _е='сть чужда'я тма` 
_о=кая'ннаго, но w=брати' мя, и= къ свjь'ту за'повjьдей 
твои'хъ пути^ моя^ напра'ви, молю'ся.

%<_О=%>кре'стъ стоя'ще ра'ки твоея`, ст~и'телю прп\дбне 
пе'тре, и=мjь'емъ тя` хода'тая къ бг~у, и= заступле'нiе 
земли` рwссi'йскiя, и= о_у=твержде'нiе незы'бленное.

%<М%>и'лостивъ бы'въ о_у=бw'гимъ, мл\сть душе'вную 
и=спроси`, прехва'льне: ми'лостыню бо стяжа'въ, _о='ч~е 
ст~ы'й пе'тре, свjьщу` свjь'тлу о_у=стро'илъ _е=си`.

%<Ж%>или'ще бы'лъ _е=си` ст~а'гw дх~а, вои'стинну, 
блаже'нне пе'тре, и= тогw` jа=вле'нными бж\ственными да^ры 
до'брjь разбогати'лся _е=си`.

%<Бг~оро'диченъ:%>

%<М%>v'ро тя` и=мену'емъ, преч\стая, jа='кw ро'ждшую 
бг~а (с. 387) пло'тiю, и=стоще'нное благода'тное мv'ро 
всjь^мъ притека'ющымъ подъ кро'въ тво'й.

%<И='нъ. I=рмо'съ:%>

%<Б%>г~ъ сы'й ми'ра, _о=ц~ъ щедро'тъ, вели'кагw совjь'та 
твоегw` а='гг~ла, ми'ръ подава'юща, посла'лъ _е=си` на'мъ. 
тjь'мъ бг~оразу'мiя къ свjь'ту наста'вльшеся, w\т но'щи 
о_у='тренююще, славосло'вимъ тя`, чл~вjьколю'бче.

%<Jа='%>кw вели'кое бога'тство твои'хъ щедро'тъ, 
jа=ви'ся въ земли` на'шей, безчи'сленное проли'тiе ми'лости 
твоея`, слуго` хр\сто'въ: ты' бо прося'щымъ су'щая подае'ши, 
и= ты^я насы'тити тщи'шися твои'мъ предложе'нiемъ, 
блаже'нне.

%<К%>ро'токъ jа=ви'лся _е=си` ку'пнw и= смире'нъ, 
дjь'ломъ и= сло'вомъ: и= си'мъ вся^ къ себjь` привле'клъ 
_е=си`. любо'вiю и= до'брыми дjь'лы вся^ о_у=кроти'лъ 
_е=си`, и= сердца` возвесели'лъ _е=си` о_у=крjьпля'емыхъ 
твои'ми чудесы`.

%<В%>ели'кiй па'стырь всjь'хъ хр\сто'съ, _о=ве'цъ тя`, 
блаже'нне, показа` свои'хъ па'стыря и= о_у=чи'теля 
слове'сныхъ. тjь'мже заблужда'ющаго мя` на гора'хъ 
поги'бели, jа='кw па'стырь сострада'теленъ, твое` ны'нjь 
_о=вча` взыщи`.

%<Бг~оро'диченъ:%>

%<В%>ели'кiй человjь'кwвъ па'стырь и= ст~и'тель, w\т 
дв~ы jа='кw человjь'къ прихо'дитъ, пучи'ною неизрече'нныхъ 
щедро'тъ: виfлее'ме, о_у=гото'вися, па'стырiе, воспjьва'йте, 
_о='бщее возведе'нiе возвjьща'юще конц_е'мъ.

%<Катава'сiа: Б%>г~ъ сы'й ми'ра:

%<Пjь'снь s~. I=рмо'съ:%>

%<W=%>чи'сти мя`, сп~се, мнw'га бо беззакw'нiя моя^, и= 
и=зъ глубины` sw'лъ возведи`, молю'ся: къ тебjь' бо 
возопи'хъ, и= о_у=слы'ши мя`, бж~е спасе'нiя моегw`.

%<Ж%>итiе` твое` цjьлому'дреннw, священноявле'нне, 
соверши'лъ _е=си`, пра'вдою о_у=краси'вся, и= му'жествомъ 
смы'сла добродjь'тели сочета'въ себjь`, преблаже'нне 
ст~и'телю пе'тре. (с. 388)

%<Х%>рани` гра'дъ тво'й, ст~и'телю пе'тре преблаже'нне, 
w\т безбо'жныхъ и= чужевjь'рныхъ нахожде'нiй, и= w\т 
междоусо'бныя ра'ти, моля'ся непреста'ннw вл\дцjь хр\сту`, 
_е='же ми'ръ па'ствjь твое'й дарова'ти.

%<Т%>ы` о_у='бw и= по сме'рти сла'вимь jа='кw жи'въ, 
чудодjь'йствуеши немwщны'мъ, и= сля'ч_еннымъ дае'ши 
и=сцjьле'нiе бж\ственною благода'тiю, гл~го'летъ бо гд\сь: 
прославля'ющаго мя` просла'влю.

%<Бг~оро'диченъ:%>

%<П%>ревы'шши была` _е=си` нб\сныхъ си'лъ, заче'нши 
сло'во бж~iе неизрече'нное, и='же вся'ч_еская сло'вомъ 
соверши'въ, и= w\т _о=ц~а` пре'жде вjь^къ роди'ся: того`, 
ч\стая, моля'щи не преста'й.

%<И='нъ. I=рмо'съ:%>

%<И=%>зъ о_у=тро'бы i=w'ну младе'нца и=зблева` морскi'й 
sвjь'рь, jа=кова` прiя'тъ: въ дв~у же все'льшееся сло'во, и= 
пло'ть прiе'мшее, про'йде сохра'ншее нетлjь'нну. _е=гw'же бо 
не пострада` и=стлjь'нiя, ро'ждшую сохрани` неврежде'нну.

%<Т%>ы` сирw'тъ вои'стинну бы'лъ _е=си` _о=ц~ъ, и= 
вдw'въ засту'пникъ, сла'вне: печа'льныхъ же и= су'щихъ въ 
ско'рбехъ сла'дкое о_у=тjьше'нiе, вра'чь душе'вныхъ 
страсте'й ку'пнw и= тjьле'сныхъ. тjь'мже вси` призыва'емъ 
тя`, _е='же бы'ти тебjь` на'мъ предста'телю во w=бстоя'нiихъ 
на'шихъ.

%<М%>у'жiе свяще'ннiи ра'достнw съ наро'домъ дне'сь, 
твою`, _о='ч~е, па'мять пра'зднующе, торжеству'ютъ, и=`мже 
согла'снw, и='стиннiи безмо'лвницы, и= простi'и вси` _о='бще 
тя` воспjьва'ютъ, предста'теля же вку'пjь и= о_у=чи'теля.

%<Ч%>а'до поро'чное а='зъ _е=ди'нъ бы'хъ, _о='ч~е, 
страстьми` скве'рными, и= тогw` ра'ди недосто'инъ до'брагw 
твоегw`, сла'вне, и= кра'снагw пра'зднованiя: но ты` 
w=чи'стивъ мою` скве'рну, преподо'бне, душе'вную и= 
тjьле'сную, покажи' мя торжества` твоегw` бы'ти досто'йна. 
(с. 389)

%<Бг~оро'диченъ:%>

%<Ч%>у'до настоя'щее, чу'до превосходя'щее, и= сло'ва и= 
о_у=ма` всегw` вы'шше: и='бо дв~а та'яжде и= мт~и 
познава'ется, и= ро'ждшееся ку'пнw бг~ъ и= чл~вjь'къ. сегw` 
свjь'тлое рожде'нiе предпра'зднующе, воспjьва'емъ 
ра'дwстная.

%<Катава'сiа: И=%>зъ о_у=тро'бы i=w'ну:

%<Конда'къ, гла'съ в~. Подо'бенъ: В%>збра'нной:

%<В%>збра'нному и= ди'вному на'шея земли` чудотво'рцу, 
дне'сь любо'вiю тебjь` притека'емъ, пjь'снь, бг~оно'се, 
плету'ще, jа='кw и=мjь'я дерзнове'нiе ко гд\су, 
много_обра'зныхъ и=зба'ви на'съ w=бстоя'нiй, да зове'мъ ти`: 
ра'дуйся, о_у=твержде'нiе гра'ду на'шему.

%<I='косъ:%>

%<Н%>о'вый чудотво'рецъ jа=ви'лся _е=си`, и=сцjьл_е'нiя 
подава'я всjь^мъ, о_у=се'рднw w\т души` приходя'щымъ: и= 
хр\стw'вы лю'ди, бг~оно'се, неви'димw посjьща'я, зе'млю 
на'шу просвjьща'еши, jа='кw да согла'снw зове'мъ ти` си'це: 
ра'дуйся, свjь'та безстра'стнагw до'ме: ра'дуйся, страсте'й 
те'мныхъ прогони'телю: ра'дуйся, де'мwнскiя разруши'вый 
кw'зни: ра'дуйся, а='гг~льскiя возвесели'вый чи'ны: 
ра'дуйся, высото` бг~овидjь'нiя чи'стагw: ра'дуйся, глубино` 
смире'нiя, болjь^зни w=мыва'ющая: ра'дуйся, jа='кw бы'лъ 
_е=си` зри'тель неви'димыхъ: ра'дуйся, jа='кw соwбщи'лся 
_е=си` ликw'мъ ст~и'телей: ра'дуйся, земли` рwссi'йскiя 
па'стырю и= о_у=чи'телю: ра'дуйся, ст~и'тел_емъ и=зря'дная 
похвало`: ра'дуйся, _е=гw'же ра'ди показа` бг~ъ 
чудодjь^йствiя в_е'лiя: ра'дуйся, _е=гw'же ра'ди бг~ъ 
сла'вится: ра'дуйся, о_у=твержде'нiе гра'ду на'шему.

%<Пjь'снь з~. I=рмо'съ:%>

%<W\т%> i=уде'и доше'дше, _о='троцы въ вавv"лw'нjь 
и=ногда`, вjь'рою тр\оческою пла'мень пе'щный попра'ша, 
пою'ще: _о=тц_е'въ бж~е, бл~гослове'нъ _е=си`.

%<W\т%>ве'рзи ми` дв_е'ри покая'нiя, преблаже'нне, 
а=рхiере'ю (с. 390) пе'тре, да w=мы'ю скве'рну _о=кая'нныя 
моея` души` и= тjь'ла, вся^ чу^вствiя и= со'вjьсть 
направля'я бг~у пjь'ти: _о=тц_е'въ на'шихъ бж~е, 
бл~гослове'нъ _е=си`.

%<И='%>мамы тя` засту'пника те'пла твои` раби`, и= 
стjь'ну неwбори'му гра'да твоегw` москвы`, и= 
о_у=твержде'нiе, и= не о_у=бои'мся сопоста'тныхъ врагw'въ, 
но побjьжда'емъ ты^я си'лою хр\сто'вою, пою'ще: _о=т_е'цъ 
на'шихъ бж~е, бл~гослове'нъ _е=си`.

%<О_у=%>ста'вы _о=ч~_ескiя о_у=тверди'лъ _е=си`, му'дре, 
и= цр~ковь прест~ы'я бж~iя мт~ре свяще'нства лjь'потою 
прекра'сну о_у=стро'илъ _е=си`, и= о_у=ч_е'нiи твои'ми лю'ди 
наказа'лъ _е=си` пjь'ти: _о=т_е'цъ на'шихъ бж~е, 
бл~гослове'нъ _е=си`.

%<Бг~оро'диченъ:%>

%<С%>паси'тельное приста'нище, бц\де дв~о, тя` и=му'ще 
ны'нjь, жите'йскихъ бjь'дъ и= бу'ри и=збjьга'емъ, къ 
приста'нищу тишины` твоея` прибjьга'юще, сн~у твоему` 
зове'мъ: _о=т_е'цъ на'шихъ бж~е, бл~гослове'нъ _е=си`.

%<И='нъ. I=рмо'съ:%>

%<_О='%>троцы, благоче'стiю совоспита'ни, sлочести'вагw 
велjь'нiя небре'гше, _о='гненнагw преще'нiя не о_у=боя'шася, 
но посредjь` пла'мене стоя'ще, поя'ху: _о=тц_е'въ бж~е, 
бл~гослове'нъ _е=си`.

%<З%>емля` на'ша и= страны` согла'снw, _о='ч~е, чудеса` 
твоя^ возвjьща'ютъ, jа=`же повсю'ду о_у=ча'ще пjь'ти хр\сту` 
прера'достнw: _о=ц~_е'въ на'шихъ бж~е, бл~гослове'нъ _е=си`.

%<Ж%>ени'хъ кра'сный добро'тою па'че всjь'хъ сынw'въ 
человjь'ческихъ, jа='коже пи'сано _е='сть, невjь'стjь, 
блаже'нне, свое'й, цр~кви, краснjь'йша тя` показа` жениха`, 
тогw` нося'ща _о='бразы подо'бiя.

%<О_у=%>краси'въ твое` житiе` ми'лостынею и= кро'тостiю 
и= любо'вiю и='стинною, подража'тель показа'лся _е=си` 
и=зря'дный па'стыря до'брагw, и=збра'въ тогw` добродjь'т_ели 
до'брjь.

%<Бг~оро'диченъ:%>

%<П%>рихо'дитъ вл\дка въ верте'пъ роди'тися jа='кw 
человjь'къ, (с. 391) пред\ъусря'щимъ, вjь'рнiи, дв~у ч\стую, 
воспjьва'юще _е='й ра'достнw: ра'дуйся, мi'ра ра'досте, 
ра'дуйся, дв~о мт~и хр\сто'ва.

%<Пjь'снь и~. I=рмо'съ:%>

%<Н%>а горjь` ст~jь'й просла'вльшася, и= въ купинjь` 
_о=гне'мъ приснодв~ы мwv"се'ови та'йну jа='вльшаго, гд\са 
по'йте, и= превозноси'те во вся^ вjь'ки.

%<П%>обjьжде'нъ бы'въ w\т врага`, прегрjьш_е'нiи 
мно'гими мо'лвъ жите'йскихъ, вjь'рою прихожду`, и= jа='кw 
манассi'а въ покая'нiи вопiю' ти, хр\сте`: гд\са по'йте 
дjьла` и= превозноси'те _е=го` во вjь'ки.

%<М%>оли^твы, преблаже'нне, и= мол_е'нiя твори` 
прилjь'жнw къ бг~у, при'снw за рабы^ твоя^, въ печа'лехъ 
засту'пника и= побо'рника тя` и=му'щыя, w\т бjь'дъ 
спаса'емся, гд\са пою'ще и= превознося'ще _е=го` во вjь'ки.

%<В%>оwружа'ются на лю'ди твоя^ смир_е'нныя, ст~и'телю 
пречестны'й _о='ч~е пе'тре, сы'нове а=га'рини: сокруши` ты^я 
неви'димою си'лою моли'твъ твои'хъ, ко вл\дцjь за ны`, 
при^сныя рабы^ твоя^, гд\са пою'щыя и= превознося'щыя _е=го` 
во вjь'ки.

%<Бг~оро'диченъ:%>

%<В%>л\дчце дв~о преч\стая и= пресла'вная, со 
ст~и'телемъ петро'мъ твоему` сн~у и= цр~ю` моли'ся 
прилjь'жнw, w\т вся'кiя ну'жды и= бjь'дъ и=зба'вити гра'дъ 
тво'й и='скреннiй москву`, тебе` вjь'рою блажа'щiй, гп\сже`, 
и= пою'щiй и= превознося'щiй во вся^ вjь'ки.

%<И='нъ. I=рмо'съ:%>

%<Ч%>у'да преесте'ственнагw, росода'тельная и=з\ъwбрази` 
пе'щь _о='бразъ: не бо`, jа=`же прiя'тъ, пали'тъ ю='ныя, 
jа='кw ниже` _о='гнь бж\ства` дв~ы, въ ню'же вни'де 
о_у=тро'бу. тjь'мъ, воспjьва'юще, воспое'мъ: да 
бл~гослови'тъ тва'рь вся` гд\са, и= превозно'ситъ во вся^ 
вjь'ки.

%<W=%>корми` моли'твою твое'ю па'ству сiю` 
многочеловjь'чную твою`, и= бу'ри вjь^тръ проти'вныхъ, 
чу'вственныхъ и= (с. 392) мы'сленныхъ о_у=ста'ви твои'ми 
моли'твами: и= и=зба'ви вся'кихъ и=скуше'нiй и= смуще'нiй, 
и= да'же до конца` неврежде'ну соблюда'й.

%<П%>адо'ша востаю'щiи на ны`, _о='ч~е, твои'ми 
моли'твами побjьжда'еми а=га'рини вну'цы, хотя'щiи 
наслjь'дiе твое` w=sло'бити, и= смjь'хъ бы'ша и= поруга'нiе, 
паде'нiя своегw` пла'чуще: мы' же воспjьва'емъ ра'достнw 
твою` свяще'нную па'мять.

%<Н%>еизрече'нно твое` чадолю'бiе, _о='ч~е, 
превосходя'ще _о=те'ческую любо'вь: всегда` о_у='бw 
неви'димw на'съ посjьща'еши непреста'нными твои'ми 
моли'твами, спасе'нiе на'мъ и=спроша'я, и= подава'я на'мъ съ 
ти'хостiю, пе'тре, ра'дwстная.

%<Бг~оро'диченъ:%>

%<В%>сего' мя па'дша, бц\де дв~о, и= погуби'вша _е='же 
по _о='бразу, ч\стая, бг~ъ своегw` созда'нiя не презрjь'въ, 
тобо'ю всего' мя w=бнови`. _е=гw'же ра'ди, тебе`, вину` 
спасе'нiя на'шегw вся` тва'рь воспjьва'етъ, зову'щи: 
бл~гослове'нна ты` въ жена'хъ _е=си`, всенепоро'чная 
вл\дчце.

%<Катава'сiа: Ч%>у'да преесте'ственнагw:

%<Пjь'снь f~. I=рмо'съ:%>

%<О_у=%>жасе'ся w= се'мъ нб~о, и= земли` о_у=диви'шася 
концы`, jа='кw бг~ъ jа=ви'ся человjь'кwмъ пло'тски, и= 
чре'во твое` бы'сть простра'ннjьйшее небе'съ. тjь'мъ тя` 
бц\ду, а='гг~лwвъ и= человjь^къ чинонача^лiя велича'ютъ.

%<Jа='%>кw блудни'ца и= разбо'йникъ и= мыта'рь вопiю' ти 
w\т се'рдца, хр\сте`: согрjьши'хъ, прости` мнjь`, вл\дко, 
мнw'гая моя^ согрjьш_е'нiя, и= и=зба'ви мя` w\т вся'кагw 
гнjь'ва, твоегw` ст~и'теля петра` моле'нiемъ, jа='кw да 
непреста'ннw тя` велича'ю.

%<П%>рiиди'те собери'теся вси` моско'встiи наро'ди къ 
блаже'ннагw ст~и'теля петра` гро'бу, и= со слеза'ми 
возопi'йте къ бг~у: и=зба'ви, гд\си, w\т бjь'дъ лю'ди твоя^, 
глаго'люще, (с. 393) да тя` велича'емъ во вjь'ки.

%<В%>ельми` ра'дуется w= тебjь`, пречестны'й _о='ч~е 
ст~и'телю пе'тре, со'бственный гра'дъ тво'й москва`, 
помо'щника, и= засту'пника и=мjь'я тя`: и= ны'нjь, вл\дко, 
не w\тходи` дх~омъ w\т на'съ, моли'тву творя` за ны` къ 
бг~у, jа='кw да и=зба'витъ ны` w\т наси'лiя безбо'жныхъ 
а=га'рянъ, врагw'въ на'шихъ, да тя` всегда` велича'емъ.

%<Бг~оро'диченъ:%>

%<М%>р~i'е, преч\стая вл\дчце, w=скверне'нное се'рдце 
мое` и= ду'шу мольба'ми твои'ми w=чи'сти, и= жи'зни вjь'чныя 
наслjь'дника мя`, гп\сже`, сотвори`, не помина'ющи мои'хъ 
безчи'сленныхъ sw'лъ, сн~а твоего` и= бг~а о_у=моли` за мя` 
_о=кая'ннаго: и= пjьвцы` твоя^ сохрани`, всест~а'я.

%<И='нъ. I=рмо'съ:%>

%<Т%>а'инство стра'нное ви'жу и= пресла'вное: не'бо, 
верте'пъ: престо'лъ херувi'мскiй, дв~у: jа='сли, 
вмjьсти'лище, въ ни'хже возлеже` невмjьсти'мый хр\сто'съ 
бг~ъ: _е=го'же, воспjьва'юще, велича'емъ.

%<С%>ла'ву твою` воспjь'ти по досто'инству невозмо'жно, 
чудеса' бо премнw'га и= и=сцjьл_е'нiя безчи'сл_енная 
_о=би'льнw подае'ши съ те'плою вjь'рою приходя'щымъ къ 
тебjь`, пе'тре ст~и'телю, похвало` земли` на'шея.

%<П%>оложи` тебе` цр~кве своея` w=снова'нiе хр\сто'съ, 
и= столпа` крjь'пка, и= непозы'бленна во вjь'къ, соблюда'юща 
и= подтвержда'юща гра'дъ тво'й пребы'ти непоколеби'мъ до 
конца`, и= w\т врагw'въ ненавjь'туемь.

%<С%>т~и'телiе о_у='бw сщ~е'нницы и= мона'си, и= вси` 
лю'дiе, му'жiе, и= ж_ены`, ста'рцы со млад_е'нцы, и= вся'къ 
во'зрастъ, и= вся'кое досто'инство, ст~и'теля на'шегw 
свjь'тлw па'мять да пра'зднуемъ.

%<Бг~оро'диченъ:%>

%<П%>ритеце'мъ чу'до превели'кое ви'дjьти, дв~а бо 
гряде'тъ, (с. 394) мл\днца нося'щи во о_у=тро'бjь, младе'нцы 
w=живля'ющаго: па'стырiе со а='гг~лы _о='бщую пjь'снь 
воспjьва'ютъ, въ пеще'рjь спасе'нiе возвjьща'юще.

%<Катава'сiа: Т%>а'инство стра'нное:

%<Свjьти'ленъ предпра'зднства. Подо'бенъ: П%>осjьти'лъ 
ны` _е='сть:

%<П%>редпра'зднств_енныя, вjь'рнiи, рж\ства` пjь^сни 
прiиди'те принесе'мъ вси`: гряде'тъ о_у=же` хр\сто'съ въ 
виfлее'мъ роди'тися, спасти` вселе'нную, jа='кw _е=ди'нъ 
чл~вjьколю'бецъ.

%<Сла'ва, ст~а'гw. Подо'бенъ: Ж%>_ены` о_у=слы'шите:

%<Д%>х~ъ ст~ы'й ст~и'теля тя` пома'за, пе'тре 
пребл~же'нне, хр\сто'ву па'ству па'ствити на па'житехъ 
спаси'тельныхъ. тjь'мъ и= потща'лся _е=си` наставля'ти лю'ди 
пра'выми стезя'ми: тогw` ра'ди ны'нjь сугу^быя вjьнцы` w\т 
вjьнцеда'вца прiя'лъ _е=си`.

%<И= ны'нjь:%>

%<Г%>ото'вися, виfлее'ме, о_у=краси` до'мы твоя^: къ 
тебjь' бо гряде'тъ дв~а, мл\днца нося'щи хр\ста`, _о=ц~у` 
собезнача'льнаго: прiи'де бо да спасе'тъ ро'дъ 
человjь'ческiй.

%<На хвали'техъ стiхи^ры, на и~. Предпра'зднства д~. 
гла'съ s~:%>

%<Подо'бенъ: А='%>гг~льскiя:

%<С%>одjь'тельная ны'нjь предгряде'тъ прему'дрость, * 
пр\оро'честiи w\тверза'ются _о='блацы, * благода'ть 
процвjьта'етъ, * и='стина возсiя`: * престаю'тъ гада^нiя 
сjьнw'вная, * _е=де'мова w\тве'рзеся две'рь: * а=да'ме 
лику'й, * созда'тель бг~ъ на'шъ * во'лею созда'ся.

%<Р%>еч_е'нiя и=сполня'я пр\оро'ч_еская и= видjь^нiя, * 
ражда'ется пло'тiю * и= w=дебелjьва'етъ сло'во, * и= въ 
jа='слехъ безслове'сныхъ ро'ждся возлега'етъ. * сiе` 
кра'йнее схожде'нiе, * сiе` стра'шное смотре'нiе, * _е=гw'же 
ра'ди пое'мъ: цр~ь i=и~левъ * хр\сто'съ прихо'дитъ.

%<С%>е` ч\стая па'че о_у=ма` и= сло'ва * ражда'етъ сн~а 
бж~iя, * _е=го'же пр\оро'цы проповjь'даша дре'вле, * 
прови'дяще дх~омъ ст~ы'мъ, * (с. 395) нескве'рну тя` 
сохраня'юща * и= разрjьша'ющаго а=да'ма w\т грjьха`. * 
лю'дiе рце'мъ: * цр~ь на'шъ хр\сто'съ * пло'тiю прихо'дитъ.

%<Н%>jь'дръ _о=ч~ескихъ не w\тсту'пль, * человjь'къ 
jа=ви'лся _е=си`: * и= дв~и'ческими держи'мь рука'ми, * 
волхвы` w\т персi'ды sвjьздо'ю призва'лъ _е=си`, * цр~ю` 
тебjь` и= бг~у покланя'ющыяся. * ду'хомъ о_у=сте'нъ * 
нече'ствующыя кня'зи jа=зы'ч_ескiя погуби'ши, * и= 
о_у=пасе'ши лю'ди * w=существ_е'нныя.

%<И='ны стiхи^ры ст~а'гw петра`, гла'съ и~.%>

%<Подо'бенъ: _W%> пресла'внагw чудесе`!

%<П%>рп\дбне _о='ч~е пе'тре, * ты` _е=ще` во о_у=тро'бjь 
мт~рни * ст~льства прозва'нiе прiя'лъ _е=си`, * нарече'нное 
w\т бг~а. * ты` и=змла'да хр\ста` возлюби'лъ _е=си`, * 
прiе'мъ w\т негw` па'ству слове'сныхъ _о=ве'цъ, * до'брjь 
па'слъ _е=си` цр~ковь бж~iю. * тjь'мъ твое` пра'зднуемъ 
о_у=спе'нiе, * ра'дующеся хр\ста` велича'емъ.

%<Два'жды.%>

%<Стi'хъ: О_у=%>ста` моя^ возглаго'лютъ прему'дрость, и= 
поуче'нiе се'рдца моегw` ра'зумъ.

%<П%>рп\дбне ст~лю пе'тре, * и=спроси` къ бг~у 
моли'твами твои'ми цр~кви о_у=твержде'нiе, а=рхiере'ю 
па'ствы попече'нiе и= о_у=правле'нiе, * странjь` побjь'ду на 
а=га'ряны, * и= на вся^ враги` w=долjь'нiе, * неподви'жимо 
и= не побори'мо пребыва'нiе гра'да твоегw`, * и= вjь^рнымъ 
лю'демъ грjьхw'въ w=ставле'нiе, * всjь^мъ притека'ющымъ къ 
ра'цjь моще'й твои'хъ, * за ны`, ст~и'телю, моля'ся.

%<Стi'хъ: О_у=%>ста` пра'веднагw поуча'тся прему'дрости, 
и= я=зы'къ _е=гw` возглаго'летъ су'дъ.

%<П%>рп\дбне _о='ч~е бг~ому'дре, * ты` и='стиннw 
jа=ви'лся _е=си` * прельщ_е'нная сердца` наставля'я * на 
пу'ть и='стинный. * ты` бы'лъ _е=си` о_у=бо'гихъ и= вдw'въ 
защи'тникъ, * вельмw'жъ тве'рдое наказа'нiе: * и= всjь^мъ 
вjь^рнымъ, * притека'ющымъ ко преч\стjьй бж~iи мт~ри, 
и=спроси`, ст~е, грjьхw'въ w=ставле'нiе. (с. 396)

%<Сла'ва, гла'съ s~:%>

%<В%>ся'къ гра'дъ и= страна`, сла'вному гра'ду на'шему 
москвjь` ра'дуйтеся, спра'зднующе дне'сь: ди'вный бо вра'чь 
и= спаси'тель на'шъ вели'кiй пе'тръ, нб\снагw врачевства` 
лjьчбы^ предлага'етъ на'мъ, къ безм_е'зднымъ лjьчба'мъ 
свои^мъ вся^ любе'знw созва`, не хитростьми` 
человjь'ческими, ни w=бвяза'ньми, но дjь'йствомъ ст~а'гw 
дх~а душе'вное и= тjьле'сное и=сцjьле'нiе преесте'ственное 
подава'я. _е='же прiе'млюще _о=би'льнjь, ро'дъ вся'къ и= 
во'зрастъ сла'вимъ хр\ста` бг~а, подаю'щаго, ра'ди 
о_у=го'дника своегw`, того` воспjьва'ющымъ ве'лiю ми'лость.

%<И= ны'нjь, гла'съ то'йже:%>

%<В%>олхва` валаа'ма прореч_е'нiя и=сполне'нiе 
прiе'млютъ: пе'рсскими бо зна'м_енiи w=блiя'ни бы'вше, 
sвjьзды` не_обы'чныя сiя'нiемъ, незаходи'магw сл~нца 
хр\ста`, w=сiя'ни бы'вше, въ виfлее'мjь воплоще'ннаго бг~а 
цр~я`, и= во'льнаго мертвеца` дарми` назна'менуютъ.

%<С%>лавосло'вiе вели'кое. %<П%>о трист~о'мъ тропа'рь 
ст~а'гw. Сла'ва, и= ны'нjь, предпра'зднства. _Е=кт_енiи`, и= 
w\тпу'стъ, и= ча'съ а~. %<Н%>а часjь'хъ тропа'рь 
предпра'зднства, и= ст~а'гw. %<П%>о трист~о'мъ конда'къ 
предпра'зднства, и= ст~а'гw, глаго'лемъ премjьня'юще.

%<Н%>а лiтургi'и бл~ж_е'нна, w\т канw'на 
предпра'зднства, пjь'снь г~: и= ст~а'гw пjь'снь s~. %<П%>о 
вхо'дjь тропа'рь предпра'зднства, и= ст~а'гw: Сла'ва, 
конда'къ ст~а'гw: И= ны'нjь, предпра'зднства. 
%<П%>рокi'менъ, гла'съ а~: %<О_у=%>ста` моя^ возглаго'лютъ 
прему'дрость, и= поуче'нiе се'рдца моегw` ра'зумъ. %<Стi'хъ: 
О_у=%>слы'шите сiя^ вси` jа=зы'цы: %<А=%>п\слъ ко 
_е=вре'_емъ, зача'ло ти~_i. %<А=%>ллилу'iа, гла'съ в~: 
%<О_у=%>ста` пра'веднагw поуча'тся прему'дрости, и= я=зы'къ 
_е=гw` возглаго'летъ су'дъ. %<Стi'хъ: З%>ако'нъ бг~а _е=гw`: 
%<_Е=%>v\глiе w\т луки`, зача'ло к~д. %<П%>рича'стенъ: 
%<В%>ъ па'мять вjь'чную: (с. 397)

[Зри`] %<Подоба'етъ вjь'дати: а='ще случи'тся петра` 
митрополi'та въ недjь'лю предъ рж\ство'мъ хр\сто'вымъ 
ст~ы'хъ _о=ц~ъ:%>

%<Н%>а ма'лjьй вече'рни на %<Г%>д\си, воззва'хъ: 
стiхи^ры воскр\сны на д~. Сла'ва, петру`, гла'съ s~, 
самогла'сенъ: %<Б%>ж\ственная бл~года'ть: И= ны'нjь, 
предпра'зднства, гла'съ то'йже: %<П%>о'йте гд\севи: %<Н%>а 
стiхо'внjь стiхи'ра воскр\сна _е=ди'на: и= ст~а'гw стiхо'вна 
вели'кiя вече'рни, со стiхи^ _е=я`. Сла'ва, ст~а'гw, гла'съ 
и~: %<П%>рiиди'те вси` вjь'рнiи: пи'санъ на вели'цjьй 
вече'рни, на стiхо'внjь. И= ны'нjь, предпра'зднства, гла'съ 
то'йже: %<В%>оспрiими`, виfлее'ме, бж~iю митропо'лiю: %<П%>о 
трист~о'мъ тропа'рь воскр\снъ, и= _о=ц~_е'въ. Сла'ва, 
ст~а'гw: И= ны'нjь, предпра'зднства. Та'же _е=ктенiа` 
ма'лая, и= w\тпу'стъ.

%<Н%>а вели'цjьй вече'рни на %<Г%>д\си, воззва'хъ: 
стiхи^ры воскр\сны г~, и= _о=ц~_е'въ г~. Подо'бенъ: %<В%>се` 
w\тло'жше: %<С%>тi'хъ а~: %<Jа=%>ви'ся мi'ра конц_е'мъ: 
%<С%>тi'хъ в~: %<С%>ла'вою о_у=краша'ются: %<С%>тi'хъ г~: 
%<W=%>блиста` ве'селw. И= петру` со Сла'внымъ д~, гла'съ в~, 
подо'бенъ: %<К%>i'ими похва'льными: Сла'ва, _о=ц~_е'въ, 
гла'съ s~: %<Д%>анiи'лъ, му'жъ жела'нiй: И= ны'нjь, 
предпра'зднства, гла'съ то'йже: %<В%>ерте'пе, 
благоукраси'ся: %<Т%>а'же вхо'дъ. Прокi'менъ дне`. И= 
чт_е'нiя _о=ц~_е'въ г~: ст~а'гw г~. %<Н%>а лiтi'и стiхи^ры 
предпра'зднства, _о=те'ческiя недjь'ли рядовы^я, гла'съ s~, 
подо'бенъ: %<В%>се` w\тло'жше: %<С%>тi'хъ а~: 
%<Н%>езаходи'мое со'лнце И= ст~а'гw самогла'сны: И= 
_о=ц~_е'въ гла'съ а~: %<Л%>уча'ми w=блиста'вшеся. Сла'ва, 
_о=ц~_е'въ, гла'съ г~: %<П%>ра^_оц~ъ собо'ръ: И= ны'нjь, 
предпра'зднства, гла'съ то'йже: %<Б%>лагоукраси'ся, 
виfлее'ме: %<Н%>а стiхо'внjь стiхи^ры воскр\сны: Сла'ва, 
_о=ц~_е'въ, гла'съ в~. %<Р%>а'дуйтеся пр\оро'цы: И= ны'нjь, 
предпра'зднства, гла'съ то'йже: %<С%>е` вре'мя прибли'жися: 
%<Н%>а благослове'нiи хлjь'бwвъ тропа'рь, %<Б%>ц\де дв~о: 
_е=ди'ножды: и= _о=ц~_е'въ тропа'рь _е=ди'ножды, и= ст~а'гw 
тропа'рь _е=ди'ножды. И= чте'нiе.

%<Н%>а о_у='трени, на %<Б%>г~ъ гд\сь: тропа'рь 
воскре'сенъ _е=ди'ножды, и= _о=ц~_е'въ, _е=ди'ножды, Сла'ва, 
ст~а'гw: И= ны'нjь, предпра'зднства. %<П%>о каfi'смахъ 
сjьда'льны воскр\сны, и= бг~оро'дичны и='хъ. И= чте'нiе во 
_е=v\глiи толково'мъ: %<К%>ни'га родства` i=и~са хр\ста`: 
%<П%>олv"еле'й, и= (с. 398) тропари`, %<А='%>гг~льскiй 
собо'ръ: и= сjьда'льны ст~а'гw вси` по _е=ди'нощи, Сла'ва, 
и= ны'нjь, предпра'зднства, и= чте'нiе. %<С%>теп_е'нна 
гла'са. %<П%>рокi'менъ, и= %<В%>ся'кое дыха'нiе: 
%<_Е=%>v\глiе воскре'сно. И= %<В%>оскр\снiе хр\сто'во: По 
н~-мъ _псалмjь` стiхи'ра воскр\сна. %<К%>анw'нъ воскр\снъ со 
i=рмосо'мъ на д~: и= петру` на д~: и= _о=ц~_е'въ на s~. 
%<К%>атава'сiа: %<Х%>р\сто'съ ражда'ется: %<П%>о г~-й 
пjь'сни конда'къ ст~о'му и= i='косъ: v=пакои` _о=ц~_е'въ, и= 
сjьда'ленъ ст~а'гw два'жды: Сла'ва, и= ны'нjь, 
предпра'зднства. %<П%>о s~-й пjь'сни конда'къ _о=ц~_е'въ, и= 
i='косъ: и= чте'нiе. %<Н%>а f~-й пjь'сни пое'мъ 
%<Ч%>естнjь'йшую: %<С%>вjьти'ленъ воскр\снъ, и= _о=ц~_е'въ: 
Сла'ва, ст~а'гw, И= ны'нjь, предпра'зднства. %<Н%>а 
хвали'техъ стiхи^ры воскр\сны г~, и= _о=ц~_е'въ в~, и= 
ст~а'гw со Сла'внымъ г~, со стiхи^ _е=гw`: %<И=%>ли` 
w=ставля'ются стiхи^ры воскр\сны, и= пое'мъ _о=ц~_е'въ на 
д~, и= ст~а'гw на д~, Сла'ва, _о=ц~_е'въ, И= ны'нjь, 
бг~оро'диченъ: %<П%>ребл~гослове'нна _е=си`, бц\де: 
%<С%>лавосло'вiе вели'кое. %<Т%>ропа'рь воскр\снъ то'чiю, и= 
_е=кт_енiи`, и= w\тпу'стъ. Посе'мъ, Сла'ва, и= ны'нjь, 
стiхи'ра _е=v\гльская, и= ча'съ а~, и= коне'чный w\тпу'стъ. 
%<Н%>а а~-мъ часjь` тропа'рь воскр\снъ, Сла'ва, _о=ц~_е'въ, 
И= ны'нjь, бг~оро'диченъ часw'въ. %<П%>о трист~о'мъ, 
конда'къ _о=ц~_е'въ. %<Н%>а г~-мъ часjь` тропа'рь воскр\снъ, 
Сла'ва, ст~а'гw, И= ны'нjь, бг~оро'диченъ часw'въ. %<П%>о 
трист~о'мъ, конда'къ ст~а'гw. %<Н%>а про'чихъ же часjь'хъ 
тропари` и= кондаки` _о=ц~_е'въ, и= ст~а'гw премjьня'юще 
глаго'лемъ: воскр\снъ же тропа'рь на всjь'хъ часjь'хъ 
глаго'лемъ въ нача'лjь непремjь'ннw.

%<Н%>а лiтургi'и: бл~ж_е'нна гла'са на д~, и= 
_о=ц~_е'въ, пjь'снь г~-я на д~, и= ст~а'гw пjь'снь s~-я на 
д~. %<П%>о вхо'дjь тропа'рь воскр\снъ, и= _о=ц~_е'въ, и= 
предпра'зднства, и= ст~а'гw. Та'же конда'къ _о=ц~_е'въ, 
%<С%>ла'ва, ст~а'гw: %<И=%> ны'нjь, предпра'зднства. 
%<П%>рокi'менъ, %<А=%>п\слъ, %<А=%>ллилу'iа и= %<_Е=%>v\глiе 
_о=ц~_е'въ, и= ст~а'гw. %<П%>рича'стенъ: %<Х%>вали'те: 
%<Д%>ругi'й: %<Р%>а'дуйтеся, пра'веднiи: