Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::слав>

(с. 661)

%<Мjь'сяца тогw'же въ л~-й де'нь.%>

%<Слу'жба ст~и'телю мака'рiю, митрополi'ту моско'вскому 
и= всея` руси` чудотво'рцу.%>

%<На вели'цjьй вече'рни.%>

%<На Г%>д\си воззва'хъ, %<стiхи^ры пра'здника, и= 
ст~а'гw, гла'съ а~.%>

%<Подо'бенъ: Н%>б\сныхъ чинw'въ:

%<Б%>л~же'нства вои'стинну ст~ы'хъ, и='хже просла'вилъ 
_е=си`, _о='тче ст~и'телю мака'рiе, дости'глъ _е=си` во 
цр\ствiи нб\снjьмъ, и=дjь'же ны'нjь ра'дуяся, моли'ся w= 
сп~се'нiи ду'шъ на'шихъ.

%<Б%>л~же'нства и= ча'сти пра'ведныхъ, съ ни'миже 
сочета'лся _е=си`, _о='тче ст~и'телю мака'рiе, вкуси'лъ 
_е=си` (с. 662) во цр\ствiи нб\снjьмъ, и=дjь'же ны'нjь 
насыща'яся, моли'ся w= сп~се'нiи ду'шъ на'шихъ.

%<Б%>л~ж_е'нства _е=v\гльская, и='хже на земли` 
проповjь'далъ _е=си`, _о='тче ст~и'телю мака'рiе, w=брjь'лъ 
_е=си` вои'стинну на нб~си`, и=дjь'же ны'нjь мздо'ю 
веселя'ся, моли'ся w= сп~се'нiи ду'шъ на'шихъ.

%<Б%>л~же'нство тезоимени'тое, _е=го'же въ житiи` 
возжелjь'лъ _е=си`, _о='тче ст~и'телю мака'рiе, стяжа'лъ 
_е=си` въ жи'зни вjь'чнjьй, и=дjь'же ны'нjь поко'яся, 
моли'ся w= сп~се'нiи ду'шъ на'шихъ.

%<Сла'ва, гла'съ и~:%>

%<Б%>л~же'нный миротво'рецъ въ странjь` рwссi'йстjьй 
бы'лъ _е=си`, _о='тче ст~и'телю мака'рiе, сегw` ра'ди сн~ъ 
бж~iй досто'инъ _е=си` нарещи'ся на нб~си`, и=дjь'же ны'нjь 
во сла'вjь пребыва'еши, моли'ся при'снw w= сп~се'нiи ду'шъ 
на'шихъ.

%<И= ны'нjь, пра'здника.%>

%<Вхо'дъ. Прокi'менъ дне`. Чт_е'нiя три` ст~и'т_ельская, 
пи^сана на w=боро'тjь листа` л~_е.%>

%<На стiхо'внjь стiхи^ры, гла'съ в~.%>

%<Подо'бенъ: Д%>о'ме _е=vфра'fовъ:

%<Д%>о'ме дх~а ст~а'гw и= цр\ствiя наслjь'дниче, 
бл~же'нства дости'глъ _е=си`, ст~е мака'рiе, моли'ся w= 
при'снw сла'вящихъ тя`.

%<Стi'хъ: Б%>л~же'нъ му'жъ, боя'йся гд\са, въ 
за'повjьдехъ _е=гw` восхо'щетъ sjьлw`.

%<Б%>л~же'нне и= чу'дне, му'жу жела'нiй гд\снихъ и= 
за'повjьдей _е=гw` ревни'телю, ст~е мака'рiе, моли'ся w= 
при'снw воспjьва'ющихъ тя`. (с. 663)

%<Стi'хъ: П%>репоясу'яся _о=ру'жiемъ твои'мъ, и= 
наляцы`, и= о_у=спjьва'й, и= цр\ствуй и='стины ра'ди, 
кро'тости и= пра'вды.

%<Ж%>е'зле милосе'рдiя, па'лице бл~года'ти, о_у=го'дниче 
хр\сто'въ, па'стырю и='стиненъ. моли'ся w= при'снw 
блажа'щихъ тя`.

%<Сла'ва, гла'съ и= подо'бенъ то'йже:%>

%<С%>обо'ръ ст~ы'хъ ру'сскихъ, и='же тща'нiемъ твои'мъ, 
ст~и'телю, ди'внw просла'вленъ бы'сть, съ весе'лiемъ 
вопiе'тъ ти`: ра'дуйся, мака'рiе, бл~же'нству тезоимени'тый.

%<И= ны'нjь, пра'здника.%>

%<Тропа'рь, гла'съ д~:%>

%<Jа='%>кw вели^кимъ па'стыр_емъ _е=динонра'вна и= 
о_у=чи'тел_емъ вселе'нныя _е=диномы'сленна, бж~iя 
прему'дрости служи'теля и=зря'дна, и='же бл~же'нству 
тезоимени'ту, дне'сь вjь'рнiи вси` воспои'мъ: хр\ста` бг~а 
моли`, ст~и'телю мака'рiе. о_у=мири'ти мi'ръ и= сп~сти` 
ду'шы на'шя.



%<На о_у='трени.%>

%<На Б%>г~ъ гд\сь, %<тропа'рь пра'здника, два'жды, 
сла'ва, ст~а'гw, и= ны'нjь, пра'здника.%>

%<По а~-мъ стiхосло'вiи сjьда'ленъ, гла'съ д~. 
Подо'бенъ: В%>ознесы'йся:

%<Д%>не'сь ст~и'теля хр\сто'ва мака'рiа пречестна'я 
па'мять свjь'тлw возсiя` на'мъ. сiя'нiемъ кни'жныхъ 
списа'нiй просвjьти'лъ _е='сть вjь'рныхъ собо'ры и= ны'нjь 
мо'литъ хр\ста` бг~а дарова'ти на'мъ и='стинное вjь'дjьнiе 
_е=гw` бж\ственныхъ за'повjьдей.

%<Сла'ва, и= ны'нjь, пра'здника.%>

%<По полv"еле'и сjьда'ленъ, гла'съ и~.%>

%<Подо'бенъ: П%>овелjь'нное та'йнw: (с. 664)

%<Jа='%>кw со'лнце пресвjь'тлое, возсiя'лъ _е=си` 
ру'сстjьй земли` добродjь'тельми твои'ми и= непоро'чнымъ 
житiе'мъ, w\тгоня'я страсте'й w=мрач_е'нiя, _о='тче 
ст~и'телю хр\сто'въ. сегw` ра'ди вопiе'мъ ти`: ра'дуйся, 
бл~же'нне мака'рiе, похвало` цр~кве хр\сто'вы и= вели'кiй 
чудотво'рче.

%<Сла'ва, и= ны'нjь, бг~оро'диченъ:%>

%<Т%>ы` _е=си` бж~е'ственная сjь'нь сло'ва, _е=ди'на 
преч\стая бг~ома'ти, ч\стото'ю а='гг~лы превозше'дшая, 
w=чи'сти на'съ w\т грjьхw'въ и= вся'кiя скве'рны, 
бг~оневjь'стная.

%<Та'же степ_е'нна, а~-й а=нтiфw'нъ д~-гw гла'са. 
Прокi'менъ, гла'съ д~: Ч%>естна` пред\ъ гд\семъ сме'рть 
прп\дбныхъ _е=гw`. %<Стi'хъ: Ч%>то` возда'мъ гд\севи w= 
всjь'хъ, jа=`же воздаде' ми; %<_Е=v\глiе w\т i=wа'нна, 
зача'ло л~s.%>

%<По н~-мъ _псалмjь` стiхи'ра, гла'съ s~:%>

%<_Е=%>гда` въ нощи` моля'шеся пречу'дный мака'рiй, 
тогда` со тре'пjьтомъ зря'ше видjь'нiе стра'шное, и= 
о_у='жасомъ w=держи'мь, сле'зы и=сточа'я, вопiя'ше: _w 
гд\си, ка'кw мнjь` ви'дjьти сiе`: гряде'тъ нече'стiе, кро'ве 
проли'тiе и= раздjьле'нiе земли` ру'сскiя, но, _w i=и~се, 
молю'ся прилjь'жнw, пощади`, и= а='ще не поми'луеши, не 
да'ждь мнjь` ви'дjьти сiе`.

%<Канw'нъ ст~и'теля, гла'съ д~.%>

%<Пjь'снь а~.%>

%<I=рмо'съ: М%>о'ря чермну'ю пучи'ну невла'жными 
стопа'ми дре'внiй пjьшеше'ствовавъ i=и~ль, кр\стоwбра'зныма 
мwv"се'овыма рука'ма а=мали'кову си'лу въ пусты'ни 
побjьди'лъ _е='сть.

%<В%>ели'кiй цр~ю`, содjь'телю всjь'хъ, w=чи'сти 
бл~гоутро'бiемъ ду'шу мою` и= w\тжени` страсте'й 
w=мрач_е'нiя, да возвели'чу, сп~се, о_у=го'дника твоего`, 
ст~и'теля мака'рiа. (с. 665)

%<П%>ра'вды бж~iя взыску'я, и=змла'да хр\сту` 
послjь'дуя, _о=би'тели прп\дбнагw пафну'тiа дости'глъ 
_е=си`, ст~е мака'рiе, и=дjь'же мнw'гая лjь^та во 
о_у=ста'вjь пребы'въ, житiе` жесто'кое и= благо'е вкуси'лъ 
_е=си`.

%<Л%>jь'ствицею добродjь'телей на нб~са` возше'лъ 
_е=си`, тjь'мъ и= хр\сто'съ тя`, ст~и'телю, _е=ще` на земли` 
су'ща, въ мjь'ру во'зраста приведе` и= _о=би'тели можа'йскiя 
наста'вника поста'ви.

%<Бг~оро'диченъ:%>

%<Н%>и'во духо'вная, jа='коже и=з\ъ бразды` кла'съ, 
и=знесла` _е=си` всю` тва'рь пита'ющаго вся'чески, 
приснодв~о.

%<Катава'сiа: Х%>р\сто'съ ражда'ется:

%<Пjь'снь г~.%>

%<I=рмо'съ: В%>есели'тся w= тебjь` цр~ковь твоя`, 
хр\сте`, зову'щи: ты` моя` крjь'пость, гд\си, и= 
прибjь'жище, и= о_у=твержде'нiе.

%<_Е=%>ди'нымъ по'мысломъ къ бг~у о_у=стреми'вся, во 
_о=би'телехъ прп\дбныхъ пафну'тiа и= fерапо'нта пребы'лъ 
_е=си` во вся'цjьмъ воздержа'нiи, w\т_ону'дуже ко 
ст~и'тельству бг~омъ призва'нъ бы'въ, мака'рiе досточу'дне.

%<С%>т~ы'я цр~кве нова'града па'стырь и= о_у=чи'тель 
бы'лъ _е=си`, хра'мы о_у=краша'я и= духо'вною добро'тою 
лю'ди и=сполня'я, предjь'лы нова'града свjь'томъ хр\сто'вы 
вjь'ры просвjьща'я, бл~же'нне _о='тче мака'рiе.

%<П%>иса^нiя _о=т_е'ческая возлюби'лъ _е=си`. бл~же'нне 
ст~и'телю, и= цр~ковь прему'дрости бж~iя сщ~е'нными 
лjь'потами преукраси'лъ _е=си`, возвели'чивъ ю=` 
о_у=че'нiемъ бг~огла'снымъ.

%<Бг~оро'диченъ:%>

%<М%>е'ртвости и= тли` и=зба'вися ро'дъ человjь'чь, 
_е=стество'мъ бо жизнода'вца безсjь'меннw родила` _е=си`, 
(с. 666) дв~о всенепоро'чная, во сп~се'нiе восхваля'ющихъ 
тя` вjь'рнw.

%<Катава'сiа: П%>ре'жде вjь^къ:

%<Сjьда'ленъ, гла'съ а~:%>

%<Н%>аста'вника и='ночествующихъ, пафну'тiа прп\дбнаго, 
блажи'тъ гра'дъ бо'ровскъ, сла'витъ можа'йскъ fерапо'нта 
бл~же'ннаго, но'вградъ восхваля'етъ а=ле_кса'ндра сви'рскаго 
со i=w'ною ст~и'телемъ, славосло'витъ сла'внjьйшiй гра'дъ 
москва` первопресто'льника i=w'ну со и=ны'ми чудотво'рцы, 
ты' же w\т всjь'хъ си'хъ вку'пjь славосло'вiе прiе'млеши, 
мака'рiе чу'дне.

%<Сла'ва, и= ны'нjь:%>

%<П%>атрiа'рхъ i=а'кwвъ, jа='снw прови'дjьвъ, сп~се, 
в_ели'чiя строе'нiя твоегw`, вопiя'ше ду'хомъ ко i=у'дjь, 
глаго'ля та'йнw: w\т лjь'торасли возше'лъ _е=си`, сн~е мо'й, 
возвjьща'я тя` w\т дв~ы бг~а.

%<Пjь'снь д~.%>

%<I=рмо'съ: Л%>юбве` ра'ди, ще'дре, твоегw` _о='браза на 
кр\стjь` твое'мъ ста'лъ _е=си`, и= раста'яшася jа=зы'цы: ты' 
бо _е=си`, чл~вjьколю'бче, крjь'пость моя` и= хвале'нiе.

%<Т%>р\оцу, _о=ц~а`, сн~а и= ст~а'го дх~а, а=п\стольски 
проповjь'дати повелjь'лъ _е=си`, непросвjьще'нную ло'пь и= 
и=ны^я сjь'в_ерныя jа=зы'ки ко хр\сту` приве'лъ _е=си`, 
низверга'я бjьсw'вская тр_е'бища, и= на'съ просвjьти`, 
ст~и'телю, свjь'томъ и='стиннагw позна'нiя.

%<И='%>мя твое`, вели'кiя добродjь'тели ра'ди, всю'ду 
проповjь'дано бы'сть, jа='кw и=з\ъ са'мыя ст~ы'я земли`, 
и=дjь'же гд\сь на'шъ пло'тiю ра'спятъ бы'сть, сщ~_е'нныя 
да'ры прiя'ти сподо'бился _е=си`, на'мъ же моли`, _о='тче 
мака'рiе, нб\снагw i=ер\сли'ма дости'гнути. (с. 667)

%<А=%>рхiпа'стырски труди'вся, бж~iимъ про'мысломъ 
прее'мникъ и= наслjь'дникъ моско'вскихъ ст~и'телей бы'ти 
сподо'бился _е=си`, и=дjь'же чу'дными добродjь'тельми 
о_у=краси'лся _е=си`.

%<Бг~оро'диченъ:%>

%<А=%>да'мъ свободи'ся, и= _е='vа лику'етъ, и= вопiю'тъ 
ду'хомъ къ тебjь`, бг~оро'дице: тобо'ю и=зба'вихомся 
перворо'дныя кля'твы, jа='вльшуся хр\сту`.

%<Катава'сiа: Ж%>е'злъ и=з\ъ ко'рене i=ессе'ова:

%<Пjь'снь _е~.%>

%<I=рмо'съ: Т%>ы`, гд\си, мо'й свjь'тъ, въ мi'ръ 
прише'лъ _е=си`, свjь'тъ ст~ы'й, w=браща'яй и=з\ъ мра'чна 
невjь'дjьнiя вjь'рою воспjьва'ющыя тя`.

%<М%>оско'вскагw престо'ла о_у=краше'нiе ди'вное бы'лъ 
_е=си`, ст~и'телю, тjь'мже и= лю'дiе вси` чу'дна нареко'ша 
тя`, съ ни'миже и= мы` ны'нjь пра'зднующе па'мять твою`, 
согла'снw тя` велича'емъ.

%<И='%>же добро'тjь цр~ко'внjьй поревнова'въ, в_ели'кiя 
и= ди^вныя собо'ры созва'лъ _е=си`, и='миже нw'вымъ 
чудотво'рц_емъ земли` рwссi'йскiя пра'зднованiе 
о_у=тверди'ся, и= та'кw цр~ковь ру'сская просiя` пw'двиги 
ча^дъ свои'хъ, jа='коже пе'рлы драгоцjь'нными.

%<В%>сея` земли` ру'сскiя благоче'стiе пости'глъ _е=си`, 
_о='тче мака'рiе, мучениколю'бче преизря'дне, jа='кw пчела`, 
w\товсю'ду духо'вное сокро'вище собра'въ, и= jа='кw же'ртву 
благопрiя'тную на свjь'щницjь цр~ко'внjьй возже'глъ _е=си`.

%<Бг~оро'диченъ:%>

%<Р%>уно` w=роше'нное, дв~о, пла'мень грjьхw'въ мои'хъ 
о_у=гаси`, купино` неwпали'мая, страсте'й мои'хъ те'рнiе (с. 
668) попали`, подаю'щи ми` на водjь` о_у=покое'нiя жи'ти, и= 
гее'нскагw мя` _о=гня` свободи`.

%<Катава'сiа: Б%>г~ъ сы'й ми'ра:

%<Пjь'снь s~.%>

%<I=рмо'съ: П%>ожру' ти со гла'сомъ хвале'нiя, гд\си, 
цр~ковь вопiе'тъ ти`, w\т бjьсо'вскiя кро'ве w=чи'щшися 
ра'ди мл\сти w\т ре'бръ твои'хъ и=сте'кшею кро'вiю.

%<С%>и'мъ же _о='бразомъ, jа='кw ст~i'и ди'внw 
просла'влени бы'ша, си'це ре'вностнw потща'лся _е=си`. 
ст~и'телю, собесjь'дникъ благочести'выхъ муже'й бы'ти, 
_о='выхъ о_у='бw _о=би'т_ели стро'ити благослови'вый, 
w='вымъ потр_е'бная подава'я, и=ны'хъ же хр\ста` 
проповjь'дати посыла'я, бл~же'ннаго же васi'лiа моско'вскаго 
свои'ма рука'ма погребсти` сподо'бивыйся, съ ни'миже моли` 
сп~сти'ся душа'мъ на'шымъ.

%<В%>сjь^мъ _о='бразъ вjь'ры и= воздержа'нiя jа=ви'лся 
_е=си`, w= ста'дjь хр\сто'вjь попече'нiе нелjь'ностное 
и=мjь'я, моско'вскагw первопресто'льнагw гра'да и= всея` 
рwссi'йскiя земли` о_у=твержде'нiе, мака'рiе бг~олюби'ве, 
моли` сп~сти'ся душа'мъ на'шымъ.

%<Т%>р\оцкiя _о=би'тели настоя'теля высо'кимъ са'номъ 
почти'лъ _е=си`, поста'вивъ ю=` превы'шjь всjь'хъ, тjь'мже 
любо'вь къ се'ргiю прп\дбному показу'я и= гряду^щая ст~ы'я 
_о=би'тели предначертава'я. мы' же, ст~и'телю, дивя'щеся 
твое'й прему'дрости, взыва'емъ: моли` сп~сти'ся душа'мъ 
на'шымъ.

%<Бг~оро'диченъ:%>

%<Л%>jь'ствице нб\сная и= голуби'це неземна'я, вси` 
ро'ди вjь'рныхъ согла'снw тя` о_у=блажа'ютъ, jа='кw 
бг~оневjь'стную мт~рь хр\ста` бг~а на'шегw.

%<Катава'сiа: И=%>з\ъ о_у=тро'бы i=w'ну: (с. 669)

%<Конда'къ, гла'съ г~:%>

%<Б%>г~ому'дрымъ о_у=че'нiемъ и= кни'жнымъ списа'нiемъ 
потща'лся _е=си`. ст~и'телю мака'рiе, лю'ди рwссi^йскiя 
просвjьти'ти и= ст~ы'хъ земли` на'шея просла'вити. сегw` 
ра'ди чу'денъ пронарече'ся, прее'мниче первопресто'льникwвъ 
рwссi'йскихъ, моли` сохрани'тися на'мъ въ вjь'рjь и= 
благоче'стiи невреди'мw.

%<I='косъ:%>

%<П%>а'vлову словеси` поревнова'въ, ст~и'телю мака'рiе, 
пjь'сньми почти'лъ _е=си` рwссi'йскихъ па'стырей, 
о_у=чи'телей и= наста'вникwвъ, приснобдя'щихъ пред\ъ 
пр\сто'ломъ нб\снагw цр~я` w= на'шемъ _о=те'чествjь, съ 
ни'миже ра'дуяся ны'нjь, моли` хр\ста` бг~а сохрани'тися 
на'мъ въ вjь'рjь и= благоче'стiи невреди'мw.

%<Пjь'снь з~.%>

%<I=рмо'съ: В%>ъ пещи` а=враа'мстiи _о='троцы 
персi'дстjьй, любо'вiю бл~гоче'стiя па'че, не'жели 
пла'менемъ, w=паля'еми, взыва'ху: бл~гослове'нъ _е=си` въ 
хра'мjь сла'вы твоея`, гд\си.

%<В%>р_е'дная и= па^губная _е=ретi'ческихъ шата'нiй 
собо'рнjь w=суди'лъ _е=си`, ст~и'телю хр\сто'въ, всjь'хъ же 
правосла'вныхъ въ вjь'рjь въ тр\оцу _е=диносу'щную 
о_у=крjьпи'лъ _е=си`, пред\ъ ст~ы'ми i=кw'нами 
воспjьва'ющихъ: бл~гослове'нъ _е=си` въ хра'мjь сла'вы 
твоея`, гд\си.

%<И=%>знесе' тя, ст~и'телю, земля` ру'сская побо'рника 
вjь'ры и= благоче'стiя, ревни'теля _о=те'ческихъ преда'нiй 
и= о_у=твержде'нiй, да научи'ши на'съ взыва'ти: 
бл~гослове'нъ _е=си` въ хра'мjь сла'вы твоея`, гд\си.

%<С%>мире'нъ, кро'токъ и= ми'лостивъ бы'лъ _е=си`, 
ст~и'телю, _о=троча` нра'вомъ w=брjьта'яся и= соверше'нъ 
бы'въ ра'зумомъ. мы' же, дивя'щеся твои^мъ добродjь'тел_емъ 
(с. 670) и= по'двигwмъ, взыва'емъ: бл~гослове'нъ _е=си` въ 
хра'мjь сла'вы твоея`, гд\си.

%<Бг~оро'диченъ:%>

%<Jа='%>кw _е=ди'ну преесте'ственнw па'че человjь'ка 
бл~года'ть во твою` о_у=тро'бу прiе'мшую, без\ъ и=стлjь'нiя 
нетлjь'ннw ро'ждшую хр\ста` бг~а на'шего, при'снw тя` 
сла'вимъ.

%<Катава'сiа: _О='%>троцы, бл~гоче'стiю совоспита'ни:

%<Пjь'снь и~.%>

%<I=рмо'съ: Р%>у'цjь распросте'ръ данiи'лъ львw'въ 
зiя^нiя въ ро'вjь затче`: _о='гненную же си'лу о_у=гаси'ша, 
добродjь'телiю препоя'савшеся, бл~гоче'стiя рачи'т_ели, 
_о='троцы, взыва'юще: бл~гослови'те, вся^ дjьла` гд\сня, 
гд\са.

%<П%>jь'нiе сiе` на'ше ску'дное и= похвале'нiе 
недосто'йное прiими`, чу'дне мака'рiе, да не вотще` 
взыва'емъ къ пр\сто'лу всевы'шнягw: бл~гослови'те, вся^ 
дjьла` гд\сня, гд\са.

%<В%>_ели'кая дjья^нiя твоя^ w= прославле'нiи ст~ы'хъ и= 
просвjьще'нiи наро'да ру'сскагw подвиза'ютъ, досточу'дне 
мака'рiе, на'съ немо'лчнw пjь'ти бг~у: бл~гослови'те, вся^ 
дjьла` гд\сня, гд\са.

%<П%>охвалу` вели'кую бг~у возда'лъ _е=си`, 
всебл~же'нне, w= просвjьще'нiи невjь'рнагw гра'да каза'ни, 
_е=му'же ст~и'теля гу'рiа поста'вилъ _е=си`, тjь'мже 
ру'сстiи лю'дiе w= таковjь'й бж~iей ми'лости ра'достiю 
возопи'ша: бл~гослови'те, вся^ дjьла` гд\сня, гд\са.

%<Бг~оро'диченъ:%>

%<Ч%>у'дному бл~говjь'щенiю о_у=диви'ся преч\стая дв~а, 
неискусому'жному рж\ству` _е=я` возра'довахуся па'стырiе, 
собо'ри вjь'рныхъ дивя'тся о_у=спе'нiю _е=я` сла'вному, 
вопiю'ще: бл~гослови'те, вся^ дjьла` гд\сня, гд\са.

%<Катава'сiа: Ч%>у'да преесте'ственнагw: (с. 671)

%<Пjь'снь f~.%>

%<I=рмо'съ: К%>а'мень нерукосjь'чный w\т несjько'мыя 
горы`, теб_е`, дв~о, краеуго'льный w\тсjьче'ся, хр\сто'съ, 
совокупи'вый разстоя^щаяся _е=стества`. тjь'мъ, веселя'щеся, 
тя`, бг~оро'дице, велича'емъ.

%<М%>ака'рiа вели'кагw и='мя носи'лъ _е=си`, _е=гw` 
житiю` послjь'дуя въ постjь` и= по'двизjьхъ, воздержа'нiи и= 
кро'тости, тjь'мъ тя`, ст~и'телю, велича'емъ.

%<Два'жды.%>

%<Р%>и'зами погреба'льными w=дjь'яну и= на сме'ртнjьмъ 
_о=дрjь' ти лежа'щу, собо'ръ наро'да мнw'жества, ви'дjьвше 
тя` не jа='кw ме'ртва, но спя'ща, ли'къ же тво'й, jа='кw 
свjь'томъ, сiя'ющь, о_у=диви'шася и= сла'ву возда'ша 
всеси'льному бг~у, прославля'ющему о_у=гw'дники своя^.

%<Бг~оро'диченъ:%>

%<Ю='%>же и=ногда` i=а'кwвъ ви'дjь, чу'дную лjь'ствицу, 
w\т земли` просте'рту къ нб\снjьй высотjь`, и=сповjь'даемъ 
тя`, преч\стая бг~оро'дице: тобо'ю бо з_емна'я и= нб\сная 
w='бщницы jа=ви'шася.

%<Катава'сiа: Т%>а'инство стра'нное:

%<Свjьти'ленъ:%>

%<С%>вjь'томъ бл~года'ти просвjьще'нъ бы'лъ _е=си`, 
ст~и'телю мака'рiе, рwссi'йскихъ о_у=го'дникwвъ и= 
моли'твенникwвъ на'шихъ пjь'сньми свjь'тлw просла'вилъ 
_е=си`, съ ни'миже во свjь'тлостехъ ст~ы'хъ веселя'ся 
ны'нjь, моли` хр\ста` бг~а сп~сти'ся душа'мъ на'шымъ.

%<Сла'ва, и= ны'нjь, пра'здника.%>

%<На хвали'техъ стiхи^ры, гла'съ s~. Подо'бенъ: 
Т%>ридне'венъ:

%<Б%>л~же'нъ и= ми'лостивъ а=рхiере'й jа=ви'лся _е=си`, 
_о='тче ст~и'телю мака'рiе, предста'лъ _е=си` поми'лованъ 
пр\сто'лу бж~iю, и=дjь'же со всjь'ми ст~ы'ми бг~а въ тр\оцjь 
восхваля'еши. (с. 672)

%<Б%>л~же'нъ и= кро'токъ па'стырь _о=ве'цъ духо'вныхъ 
бы'лъ _е=си`, _о='тче ст~и'телю мака'рiе, наслjь'довалъ 
_е=си` па^жити вjь^чныя, и=дjь'же со ст~ы'ми земли` на'шея 
гд\са си'лъ прославля'еши.

%<Б%>л~же'нъ и= чи'стъ се'рдцемъ, и='мже бг~а 
о_у=зрjь'лъ _е=си`, _о='тче ст~и'телю мака'рiе, сподо'бился 
_е=си` красоты` ра'йскiя, и=дjь'же съ ли'ки а='гг~льскими 
_о=ц~а` свjь'тwвъ сла'виши.

%<Б%>л~же'нства зрjь'лый кла'съ, _е=го'же нището'ю ду'ха 
возрасти'лъ _е=си`, _о='тче ст~и'телю мака'рiе, пожа'лъ 
_е=си` во цр\ствiи нб\снjьмъ, къ сему' же бога'тству 
нетлjь'нному и= на'съ, земноро'дныхъ, призыва'еши.

%<Сла'ва, гла'съ в~:%>

%<П%>а'стырю до'брый, ст~и'телю хр\сто'въ мака'рiе 
чу'дный, бл~гоче'стiя сто'лпъ бы'лъ _е=си`, мно'гими 
добродjь'тельми о_у=краси'вся: собесjь'дниче ст~ы'хъ муже'й, 
кни'жниче прему'дрый, i=кwнопи'сче нарочи'тый, 
просвjьти'телю и=зря'дный, _е=ресе'й и=скорени'телю, 
моли'твенниче нелjь'ностный, моли` сп~сти'ся душа'мъ 
на'шымъ.

%<И= ны'нjь, пра'здника.%>

%<Славосло'вiе вели'кое и= w\тпу'стъ.%>

%<На лiтургi'и слу'жба пра'здника и= ст~и'теля.%>