Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав> 


Мjь'сяца февруа'рiа во в~-й де'нь.

[гл\ва к~в] Срjь'тенiе гд\са бг~а и= сп~са на'шегw 
i=и~са хр\ста`.

На ма'лjьй вече'рни стiхи^ры, гла'съ а~.

Подо'бенъ: Нб\сныхъ чинw'въ:

Неwпи'санное сло'во и= пресу'щное, нб\сными пр\сто'лы 
носи'мое со сла'вою, прiе'млетъ на ру'ки сv"меw'нъ, вопiя`: 
ны'нjь w\тпусти' мя, по глаго'лу твоему` сп~се, вjь'рныхъ 
сп~се'нiе и= наслажде'нiе. [Два'жды.]

Мл\днца ви'дjьвъ тя`, вопiя'ше чу'дный сv"меw'нъ: 
превjь'чнаго сло'ва, w\т _о=ц~а` рожде'нна, страшу'ся и= 
бою'ся рука'ми мои'ми w=б\ъя'ти, вл\дко: но съ ми'ромъ раба` 
твоего` и=скi'й, ны'нjь w\тпусти` jа='кw мл\срдъ.

Ны'нjь да w\тве'рзется две'рь нб\сная: и='же w\т _о=ц~а` 
без\ъ сjь'мене ро'ждься бг~ъ сло'во, роди'ся w\т дв~ы, 
пло'ть прiе'мъ человjь'чу во'лею, w=бнови'ти _е=стество` 
jа='кw бл~гъ, и= посади'ти w=десну'ю _о=ц~а`.

Сла'ва, и= ны'нjь, гла'съ д~, самогла'сенъ.

[А=ндре'а кри'тскагw:] Дне'сь сщ~е'нная мт~и, и= 
ст~и'лища вы'шши, во ст~и'лище прiи'де, jа='вльшая мi'ру 
законода'вца, и= зако'на творца`._е=го'же на ру'ки прiе'мъ 
ста'рецъ сv"меw'нъ, ра'дуяся взыва'ше: ны'нjь w\тпуща'еши 
раба` твоего`, jа='кw ви'дjьхъ тя` сп~са ду'шъ на'шихъ.

На стiхо'внjь стiхи^ры, гла'съ в~:

Подо'бенъ: До'ме _е=vфра'fовъ: 

Дне'сь сп~си'тель, jа='кw мл\днцъ принесе'нъ бы'сть въ 
цр~ковь гд\сню: и= рука'ми престарjь'лыми ста'рецъ того` 
под\ъе'млетъ. 

Стi'хъ: Ны'нjь w\тпуща'еши раба` твоего`, вл\дко, по 
глаго'лу твоему` съ ми'ромъ.

О_у='гль проявле'йся, бж~е'ственному и=са'iи хр\сто'съ, 
jа='кw клеща'ми рука'ми бц\ды, ны'нjь ста'рцу дае'тся.

Стi'хъ: Свjь'тъ во w\ткрове'нiе jа=зы'кwвъ, и= сла'ву 
люде'й твои'хъ i=и~ля.

Стра'хомъ же и= ра'достiю, на рука'хъ вл\дку, сv"меw'нъ 
держя`, живота` проша'ше разрjьше'нiя, поя` бг~омт~рь.

Сла'ва, и= ны'нjь, гла'съ и~ подо'бенъ то'йже: 

Прiими`, _w сv"меw'не! всеч\стая вопiя'ше, во w=б\ъя'тiя 
jа='кw мл\днца гд\са сла'вы, и= мi'ра сп~се'нiе. 

Тропа'рь, гла'съ а~:

Ра'дуйся бл~года'тная бц\де дв~о, и=з\ъ тебе' бо возсiя` 
сл~нце пра'вды хр\сто'съ бг~ъ на'шъ, просвjьща'яй су'щыя во 
тьмjь`: весели'ся и= ты` ста'рче прв\дный, прiе'мый во 
w=б\ъя'тiя свободи'теля ду'шъ на'шихъ, да'рующаго на'мъ 
воскр\снiе. 

Та'же, _е=ктенiа` ма'лая. И= w\тпу'стъ:

На вели'цjьй вече'рни,

Бл~же'нъ му'жъ, а~-й а=нтiфw'нъ.

На Гд\си воззва'хъ, пое'мъ стiхи^ры на и~, гла'съ а~-й 
самогла'сны: [Ге'рмана патрiа'рха.]

Глаго'ли сv"меw'не, кого` нося` на руку` въ цр~кви 
ра'дуешися; кому` зове'ши и= вопiе'ши: ны'нjь свободи'хся, 
ви'дjьхъ бо сп~са моего`: се'й _е='сть w\т дв~ы рожде'йся: 
се'й _е='сть w\т бг~а бг~ъ сло'во, воплоти'выйся на'съ 
ра'ди, и= сп~сы'й человjь'ка, тому` поклони'мся. [Три'жды.]

Прiими`, сv"меw'не, _е=го'же под\ъ мра'комъ мwv"се'й 
законополага'юща, прови'дjь въ сiна'и, мл\днца бы'вша, 
зако'ну повину'ющася: се'й _е='сть зако'номъ глаго'лавый, 
се'й _е='сть во пр\оро'цjьхъ рече'нный: воплоти'выйся на'съ 
ра'ди и= сп~сы'й человjь'ка, тому` поклони'мся. [Три'жды.]

Прiи'демъ и= мы`, пjь'сньми бж~е'ственными хр\ста` 
о_у=сря'щемъ, и= прiи'мемъ _е=го`, _е=гw'же сп~се'нiе 
сv"меw'нъ ви'дjь, се'й _е='сть, _е=го'же дв~дъ 
провозвjьсти`, се'й _е='сть во пр\оро'цjьхъ глаго'лавый, 
воплоти'выйся на'съ ра'ди, и= зако'номъ вjьща'вый, тому` 
поклони'мся. [Два'жды.] 

Сла'ва, и= ны'нjь, гла'съ s~.

[I=wа'нна мона'ха:] Да w\тве'рзется две'рь нб\сная 
дне'сь: безнача'льное бо сло'во _о='ч~ее, нача'ло прiи'мъ 
под\ъ лjь'ты, не w\тсту'пль своегw` бж~ества`, w\т дв~ы 
jа='кw мл\днцъ четыредесятодне'венъ, мт~рiю во'льнjь 
прино'сится въ цр~ковь зако'нную: и= сего` на ру'ки 
прiе'млетъ ста'рецъ, w\тпусти`, зовы'й, раба` вл\дко: и='бо 
_о='чи мои` ви'дjьста сп~се'нiе твое`. прише'дый въ мi'ръ 
сп~сти` ро'дъ человjь'чь, гд\си, сла'ва тебjь`.

Вхо'дъ. Прокi'менъ дне`: и= чт_е'нiя г~. 

И=схо'да чте'нiе. [Главы^ _i~ и= г~_i:]

Глаго'ла гд\сь къ мwv"се'ю въ де'нь _о='нъ, во'ньже 
и=зведе` сы'ны i=и~л_евы w\т земли` _е=гv'петскiя, 
глаго'ляй: W=ст~и` мнjь` вся'каго пе'рвенца 
перворожде'ннаго, разверза'ющаго ложесна` въ сынjь'хъ 
i=и~левыхъ. И= и='де мwv"се'й, и= собра` вся^ лю'ди, и= 
рече`: По'мните де'нь се'й, во'ньже и=зыдо'сте w\т земли` 
_е=гv'петскiя, и=з\ъ до'му рабо'ты. руко'ю бо крjь'пкою 
гд\сь и=зведе` на'съ w\тту'ду: И= сохрани'те зако'нъ _е=гw`. 
И= бу'детъ, jа='кw а='ще введе'тъ ва'съ бг~ъ въ зе'млю 
ханане'йску, и='мже w='бразомъ кля'тся _о=тц_е'мъ твои^мъ. 
И= w\тлучи'ши вся'каго перворо'днаго, разверза'ющаго 
ложесна`, му'жескъ по'лъ гд\су. И= бу'детъ, jа='кw а='ще 
вопро'ситъ тя` по си'хъ сы'нъ тво'й, глаго'ля: что` сiе`; и= 
рече'ши _е=му`: jа='кw руко'ю крjь'пкою и=зведе` на'съ гд\сь 
w\т земли` _е=гv'петскiя, и=з\ъ до'му рабо'ты. _Е=гда' бо 
w=жесточи` фараw'на не w\тпусти'ти на'съ, поби` гд\сь вся^ 
перворw'дныя въ земли` _е=гv'петстjьй, w\т перворо'дныхъ 
человjь'ческихъ, да'же до перворо'дныхъ ско'тскихъ. Сегw` 
ра'ди а='зъ же'ртву гд\су приношу`: вся'каго w\тверза'ющаго 
ложесна`, му'жеска по'лу, и= вся'каго перворо'днаго сынw'въ 
мои'хъ и=зба'влю. И= бу'детъ въ зна'менiе непоколеби'мо 
пред\ъ _о=чи'ма твои'ма. Jа='кw та'кw рече` гд\сь бг~ъ 
вседержи'тель: jа='кw перворожд_е'нная сынw'въ твои'хъ да'си 
мнjь`. И= бу'детъ, вся'къ и='же а='ще роди'тъ _о=троча` 
му'жескъ по'лъ, въ де'нь _о=смы'й w=брjь'жете _е=му` пло'ть 
кра'йнюю _е=гw`: И= три'десять и= три` дни` не вни'детъ во 
ст~и'лище бж~iе ко сщ~е'ннику, до'ндеже и=спо'лнятся днi'е 
w=чище'нiя. И= по си'хъ принесе'ши гд\су а='гня 
_е=динолjь'тно, непоро'чно, во всесожже'нiе, и= птенца` 
голуби'на, и=ли` го'рличищна, при две'рехъ ски'нiи 
свидjь'нiя, ко ст~и'телю. И=ли` вмjь'стw си'хъ принесе'ши 
пред\ъ гд\семъ два` птенца^ голуби^на, и=ли` два` 
гw'рличища, и= помо'лится w= не'мъ сщ~е'нникъ. Jа='кw 
воздая'нiе воздаю'щiи сi'и мнjь` су'ть, w\т всjь'хъ сынw'въ 
i=и~левыхъ, и= прiя'хъ и=`хъ, И= w=ст~и'хъ я=` мнjь`, 
вмjь'стw перворо'дныхъ _е=гv'петскихъ, во'ньже де'нь 
порази'хъ вся'каго пе'рвенца въ земли` _е=гv'петстjьй, w\т 
человjь'ка до скота`: рече` бг~ъ вы'шнiй ст~ы'й i=и~левъ. 

Пр\оро'чества и=са'iина чте'нiе. [Глава` s~.]

Бы'сть въ лjь'то, въ не'же о_у='мре _о=зi'а ца'рь, 
ви'дjьхъ гд\са сjьдя'ща на пр\сто'лjь высо'цjь, и= 
превознесе'ннjь, и= и=спо'лнь до'мъ сла'вы _е=гw`. И= 
серафi'ми стоя'ху _о='крестъ _е=гw`, ше'сть кри'лъ 
_е=ди'ному, и= ше'сть кри'лъ друго'му. и= двjьма` о_у='бw 
покрыва'ху ли'ца своя^, двjьма' же покрыва'ху но'ги своя^, 
и= двjьма` лета'ху. И= взыва'ху дру'гъ ко дру'гу, и= 
глаго'лаху: ст~ъ, ст~ъ, ст~ъ гд\сь саваw'fъ, и=спо'лнь вся` 
земля` сла'вы _е=гw`. И= взя'тся наддве'рiе w\т гла'са 
и='мже вопiя'ху, и= до'мъ и=спо'лнися ды'ма. И= рjь'хъ: _w 
_о=кая'нный а='зъ! jа='кw о_у=мили'хся, jа='кw человjь'къ 
сы'й, и= нечи'сты о_у=стнjь` и=мjь'я, посредjь` люде'й 
нечи^стая о_у=стна` и=му'щихъ а='зъ живу`: и= цр~я` гд\са 
саваw'fа ви'дjьхъ _о=чи'ма мои'ма. И= по'сланъ бы'сть ко 
мнjь` _е=ди'нъ w\т серафi'мwвъ, и= въ руцjь` свое'й и=мя'ше 
о_у='гль _о='гненный, _е=го'же клеща'ми взя'тъ w\т 
же'ртвенника. И= прикосну'ся о_у=стw'мъ мои^мъ, и= рече`: 
се` прикосну'ся сiе` о_у=стна'мъ твои^мъ, и= w\ти'метъ 
беззако'нiя твоя^, и= грjьхи` твоя^ w=чи'ститъ. И= слы'шахъ 
гла'съ гд\са глаго'лющагw: кого` послю`, и= кто` по'йдетъ къ 
лю'демъ си^мъ; и= реко'хъ: се` а='зъ _е='смь, посли' мя. И= 
рече`: и=ди`, и= рцы` лю'демъ си^мъ: слу'хомъ о_у=слы'шите, 
и= не о_у=разумjь'ете, и= ви'дяще о_у='зрите, и= не 
о_у=ви'дите. W=дебелjь' бо се'рдце люде'й си'хъ, и= 
о_у=ши'ма свои'ма тя'жкw слы'шаша, и= _о='чи своя^ 
смjьжи'ша, да не ка'кw о_у=ви'дятъ _о=чи'ма, и= о_у=ши'ма 
о_у=слы'шатъ, и= се'рдцемъ о_у=разумjь'ютъ, и= w=братя'тся, 
и= и=сцjьлю` я=`. И= реко'хъ: доко'лjь, гд\си; и= рече`: 
до'ндеже а='ще запустjь'ютъ гра'ди, w\т _е='же не пожи'ти: 
и= до'ми, w\т _е='же не бы'ти человjь'кwмъ, и= земля` 
w=ста'влена бу'детъ пуста`. И= по си'хъ продолжи'тъ бг~ъ 
человjь'ки, и= о_у=мно'жатся w=ста'вльшiися на земли`.

Пр\оро'чества и=са'iина чте'нiе. [Глава` f~_i.]

Се` гд\сь сjьди'тъ на _о='блацjь ле'гцjь, и= прiи'детъ 
во _е=гv'петъ, и= сотрясу'тся рукотвор_е'нная _е=гv'петская 
w\т лица` _е=гw`: и= се'рдце и='хъ о_у=ма'лится въ ни'хъ. И= 
смяте'тся ду'хъ и='хъ въ ни'хъ, и= совjь'тъ и='хъ разори'тъ. 
И= преда'стъ _е=гv'пта въ ру'ки господе'й, зане` сiя^ 
глаго'летъ гд\сь вл\дка ст~ы'й саваw'fъ: Пiю'тъ _е=гv'птяне 
во'ду jа='же при мо'ри, Рjька' же w=скудjь'етъ и= 
и='зсхнетъ. Сiя^ глаго'летъ гд\сь: гдjь` су'ть ны'нjь 
прему'дрiи твои`; да возвjьстя'тъ ти`, и= да реку'тъ тебjь`, 
что` совjьща` гд\сь саваw'fъ на _е=гv'пта. Въ де'нь _о='нъ 
бу'дутъ _е=гv'птяне въ стра'сjь и= тре'петjь, w\т лица` 
ру'ки гд\са саваw'fа, ю='же _о='нъ возложи'тъ на ни'хъ. И= 
бу'детъ _о=лта'рь гд\снь въ странjь` _е=гv'петстjьй, и= 
сто'лпъ въ предjь'лjьхъ _е=гw` гд\сви. И= бу'детъ въ 
зна'менiе въ вjь'ки гд\су саваw'fу, въ странjь` 
_е=гv'петстjьй: Jа='кw воззову'тъ ко гд\су, и= по'слетъ 
и=`мъ гд\сь человjь'ка, и='же спасе'тъ и=`хъ. И= вjь'домъ 
бу'детъ гд\сь _е=гv'птянwмъ, и= позна'ютъ _е=гv'птяне гд\са 
въ де'нь _о='нъ, и= сотворя'тъ же'ртву и= да'ръ, и= 
помо'лятся, и= воздадя'тъ _о=бjь'ты своя^ гд\сви.

На лiтi'и стiхи^ры самогла'сны, гла'съ а~. [А=нато'лiа:]

Ве'тхiй де'ньми, и='же зако'нъ дре'вле въ сiна'и да'лъ 
мwv"се'ю, дне'сь мл\днцъ ви'дится, и= по зако'ну, jа='кw 
зако'на творе'цъ, зако'нъ и=сполня'я, во хра'мъ прино'сится, 
и= ста'рцу дае'тся. прiе'мъ же сего` сv"меw'нъ прв\дный, и= 
w=бjьща'нiй сбытiе` ви'дjьвъ соверша'емое, ра'достнw 
вопiя'ше: ви'дjьша _о='чи мои`, _е='же w\т вjь'ка та'инство 
сокрове'нное, напослjь'докъ днi'й си'хъ jа='вльшееся, 
свjь'тъ разоря'я невjь'рныхъ jа=зы'кwвъ w=мраче'нiе, и= 
сла'ву дая` новоизбра'нну i=и~лю. тjь'мже w\тпусти` раба` 
твоего` w\т соу'зъ сея` пло'ти, къ нестарjь'емому и= 
чу'дному неконча'емому животу`, подая` мi'рови ве'лiю 
мл\сть.

[I=wа'нна мона'ха:] Дне'сь дре'вле мwv"се'ю въ сiна'и 
зако'нъ пода'вый, закw'ннымъ повину'ется велjь'нi_емъ, на'съ 
ра'ди jа='кw мл\срдъ по на'мъ бы'въ. ны'нjь чт\сый бг~ъ, 
jа='кw _о=троча` ст~о, ложесна` разве'рзъ чт\сыя, себjь` 
самому` jа='кw бг~ъ прино'сится, зако'нныя кля'твы 
свобожда'я, и= просвjьща'я ду'шы на'шя.

Гла'съ в~.

[А=ндре'а пv'рра:] _Е=му'же вы'шнiи служи'телiе съ 
тре'петомъ мо'лятся, до'лу ны'нjь сv"меw'нъ ве'щными рука'ми 
прiе'мъ, бг~а человjь'кwмъ соедини'тися проповjь'да, и= 
чл~вjь'ка нб\сна бг~а ви'дяй, w\тлуча'яся су'щихъ на земли` 
ра'достнw взыва'ше: и='же во тьмjь` су'щымъ невече'рнiй 
свjь'тъ w\ткрыва'яй, гд\си сла'ва тебjь`.

[Ге'рманово:] Дне'сь сv"меw'нъ на ру'ки гд\са сла'вы 
под\ъе'млетъ, _е=го'же под\ъ мра'комъ пе'рвjье мwv"се'й 
ви'дjь, на горjь` сiна'йстjьй скрижа^ли даю'ща _е=му`: се'й 
_е='сть, и='же во пр\оро'цjьхъ глаго'ляй, и= зако'на 
творе'цъ. се'й _е='сть, _е=го'же дв~дъ возвjьща'етъ: и='же 
всjь^мъ стра'шный, и=мjь'яй ве'лiю и= бога'тую мл\сть.

Сщ~е'ннаго сщ~е'нная дв~а принесе` во ст~и'лище 
ст~и'телю, просте'ръ же ру'цjь сv"меw'нъ прiя'тъ сего` 
ра'дуяся, и= возопи`: ны'нjь w\тпуща'еши раба` твоего`, 
вл\дко, по глаго'лу твоему`, съ ми'ромъ, гд\си.

Зижди'тель нб~се` и= земли` на рука'хъ ноша'шеся, 
ст~ы'мъ сv"меw'номъ ста'рцемъ дне'сь: то'й бо дх~омъ ст~ы'мъ 
глаго'лаше: ны'нjь свободи'хся, ви'дjьхъ бо сп~са моего`.

[А=нато'лiа:] Дне'сь сv"меw'нъ ста'рецъ во хра'мъ 
вхо'дитъ, ра'дуяся ду'хомъ, законода'вца мwv"се'ева, и= 
и=сполни'теля зако'на на ру'ки воспрiя'ти. _о='нъ о_у='бw 
мра'комъ и= гла'сомъ неявле'ннымъ бг~ови'децъ сподо'бися 
бы'ти, покрове'ннымъ лице'мъ _е=вре'_евъ невjь^рная сердца` 
и=з\ъwбличи`: се'й же первовjь'чное сло'во _о='ч~ее 
воплоще'нное понесе`, и= jа=зы'кwмъ w\ткры` свjь'тъ, кр\стъ 
и= воскр\снiе: и= а='нна пр\оро'чица показа'ся, сп~са 
и=зба'вителя i=и~лю проповjь'дающи. тому` возопiи'мъ хр\сту` 
бг~у на'шему: бц\ды ра'ди поми'луй на'съ.

Сла'ва, гла'съ _е~.

[А=ндре'а кри'тскагw:] И=спыта'йте писа^нiя, jа='коже 
рече` во _е=v\глiихъ хр\сто'съ бг~ъ на'шъ: въ ни'хъ бо 
w=брjьта'емъ того` ражда'ема, и= пелена'ми повива'ема, въ 
jа='слехъ полага'ема, и= млеко'мъ пита'ема, w=брjь'занiе 
прiе'млюща, и= сv"меw'номъ носи'ма, не мнjь'нiемъ, ни 
привидjь'нiемъ, но и='стиною мi'рови jа='вльшася. къ нему'же 
возопiи'мъ: превjь'чный бж~е, сла'ва тебjь`.

И= ны'нjь, гла'съ то'йже.

[Ге'рманово:] Ве'тхiй де'ньми младе'нствовавъ пло'тiю, 
мт~рiю дв~ою въ цр~ковь прино'сится, своегw` зако'на 
и=сполня'я w=бjьща'нiе. _е=го'же сv"меw'нъ прiи'мъ 
глаго'лаше: ны'нjь w\тпуща'еши съ ми'ромъ, по глаго'лу 
твоему`, раба` твоего`: ви'дjьша бо _о='чи мои` сп~се'нiе 
твое` ст~ы'й. 

На стiхо'внjь стiхи^ры, гла'съ з~. [Космы` мона'ха:]

О_у=краси` тво'й черто'гъ, сiw'не, и= под\ъими` цр~я` 
хр\ста`: цjьлу'й мр~i'ю нб\сную две'рь, та' бо пр\сто'лъ 
херувi'мскiй jа=ви'ся: та` но'ситъ цр~я` сла'вы. _о='блакъ 
свjь'та _е='сть дв~а, нося'щи на рука'хъ сн~а пре'жде 
денни'цы: _е=го'же прiе'мъ сv"меw'нъ на ру'ки своя^, 
проповjь'да лю'демъ, вл\дку сего` бы'ти живота` и= сме'рти, 
и= сп~са мi'ру.

Стi'хъ: Ны'нjь w\тпуща'еши раба` твоего`, вл\дко, по 
глаго'лу твоему` съ ми'ромъ.

Возсiя'вшаго пре'жде вjь^къ w\т _о=ц~а`, напослjь'докъ 
же w\т ложе'снъ дв~и'ческихъ, нося'щи въ цр~ковь, 
неискусобра'чная мт~и, въ сiна'йстjьй горjь` 
законоположи'вшаго, повелjь'нiю зако'нному повину'ющася, 
принесе` ст~и'телю ста'рцу и= прв\днику, хр\ста` гд\са 
ви'дjьти w=бjьща'нна, _е=го'же прiе'мъ сv"меw'нъ на ру'ки 
своя^, возра'довася вопiя`: бг~ъ _е='сть се'й _о=ц~у` 
соприсносу'щный, и= и=зба'витель ду'шъ на'шихъ.

Стi'хъ: Свjь'тъ во w=крове'нiе jа=зы'кwвъ, и= сла'ву 
люде'й твои'хъ i=и~ля.

Носи'маго на колесни'цjь херувi'мстjьй, и= пjьва'емаго 
въ пjь'снехъ серафi'мскихъ, нося'щи на руку` бц\да мр~i'а, 
неискусобра'чнw и=з\ъ нея` вопло'щшагося, законода'вца, 
зако'на и=сполня'юща чи'нъ, подая'ше рука'мъ ста'рца 
i=ере'а: живо'тъ же нося'й, живота` проша'ше разрjьше'нiя, 
глаго'ля: вл\дко, ны'нjь w\тпусти' мя возвjьсти'ти а=да'му, 
jа='кw ви'дjьхъ непрело'жна _о=троча`, бг~а превjь'чнаго, и= 
сп~са мi'ра.

Сла'ва, и= ны'нjь, гла'съ и~.

[А=ндре'а кри'тскагw:] И='же на херувi'мjьхъ носи'мый, 
и= пjьва'емый w\т серафi^мъ, дне'сь въ бж~е'ственное 
ст~и'лище по зако'ну приноси'мь, на ста'рческихъ jа='кw на 
пр\сто'лjь сjьди'тъ рука'хъ: и= w\т i=w'сифа прiе'млетъ 
да'ры бг~олjь'пнw, jа='кw супру^гъ го'рличищъ, нескве'рную 
цр~ковь и= w\т jа=зы^къ новоизбра^нныя лю'ди: голуби^на же 
два` птенца^, jа='кw нача'льникъ ве'тхагw же и= но'вагw. 
_е='же къ нему` w=бjьща'нiя сv"меw'нъ коне'цъ прiе'мъ, 
бл~госло'вя дв~у мр~i'ю бц\ду, страсте'й w='бразы и=`же 
и=з\ъ нея` провозгласи` и= w\т негw` проша'ше w\тпуще'нiя, 
вопiя`: ны'нjь w\тпусти' мя, вл\дко, jа='коже пре'жде 
возвjьсти' ми: jа='кw ви'дjьхъ тя` первовjь'чнаго свjь'та, 
и= сп~са гд\са хр\стоимени^тымъ лю'демъ.

Та'же, Ны'нjь w\тпуща'еши: Трист~о'е, и= по _О='ч~е 
на'шъ: 

На бл~гослове'нiи хлjь'бwвъ тропа'рь пра'здника, 
три'жды [пи'санъ на ма'лjьй вече'рни:] и= чте'нiе.

А='ще же нjь'сть бдjь'нiя: По Ны'нjь w\тпуща'еши, 
тропа'рь пра'здника: и= w\тпу'стъ. На повече'рiи по 
Досто'йно: конда'къ пра'здника. Полу'нощницу пое'мъ по 
_о=бы'чаю съ каfi'смою. По а~-мъ трист~о'мъ, вмjь'стw Се` 
жени'хъ, глаго'лемъ тропа'рь пра'здника: По в~-мъ 
трист~о'мъ, вмjь'стw Помяни` гд\си, jа='кw бл~гъ, глаго'лемъ 
конда'къ пра'здника. Та'же, Гд\си поми'луй, в~_i: и= 
w\тпу'стъ. 

Мл~твы же, Помяни` гд\си въ наде'жди, не глаго'лемъ.

На о_у='трени,

на Бг~ъ гд\сь, тропа'рь, три'жды.

По а~-мъ стiхосло'вiи сjьда'ленъ, гла'съ а~. 
Самоподо'бенъ:

Ли'къ а='гг~льскiй да о_у=диви'тся чудеси`: земнi'и же 
гла'сы возопiе'мъ пjь'нiе, зря'ще неизрече'нное бж~iе 
снизхожде'нiе: _е=гw'же бо трепе'щутъ нб\сныя си^лы, ны'нjь 
ста'рчи w=б\ъе'млютъ ру'цjь _е=ди'наго чл~вjьколю'бца.

Сла'ва, и= ны'нjь, то'йже.

По в~-мъ стiхосло'вiи сjьда'ленъ, гла'съ а~:

Подо'бенъ: Ли'къ а='гг~льскiй:

Сы'й со _о=ц~е'мъ на пр\сто'лjь ст~jь'мъ, прише'дъ на 
зе'млю w\т дв~ы роди'ся, и= мл\днцъ бы'сть лjь'ты сы'й 
неwпи'санъ, _е=го'же прiи'мъ сv"меw'нъ на ру'ки, ра'дуяся 
глаго'лаше: ны'нjь w\тпуща'еши, ще'дре, возвесели'въ раба` 
твоего`.

Сла'ва, и= ны'нjь то'йже. 

По полv"еле'и сjьда'ленъ, гла'съ д~: 

Подо'бенъ: О_у=диви'ся i=w'сифъ:

Младе'нствуеши мене` ра'ди, ве'тхiй де'ньми: чище'нi_емъ 
прiwбща'ешися, чт\сjь'йшiй бж~е, да пло'ть о_у=вjь'риши 
мнjь` ю='же w\т дв~ы. и= си^мъ сv"меw'нъ поуча'яся, позна' 
тя бг~а jа='вльшагося пло'тiю. и= jа='кw жи'знь лобза'ше, и= 
ра'дуяся ста'рчески взыва'ше: w\тпусти` мене`, тебе' бо 
ви'дjьхъ живота` вся'ческихъ. 

Сла'ва, и= ны'нjь, то'йже.

Та'же степ_е'нна, а~-й а=нтiфw'нъ д~-гw гла'са. 

Прокi'менъ, гла'съ д~: Помяну` и='мя твое` во вся'комъ 
ро'дjь и= ро'дjь. Стi'хъ: W\тры'гну се'рдце мое` сло'во 
бл~го: 

Вся'кое дыха'нiе: _Е=v\глiе луки`, зача'ло и~. 

По н~-мъ _псалмjь` стiхи'ра, гла'съ s~:

Да w\тве'рзется две'рь нб\сная дне'сь: безнача'льное бо 
сло'во _о='ч~ее, нача'ло прiи'мъ под\ъ лjь'ты, не w\тсту'пль 
своегw` бж~ества`, w\т дв~ы jа='кw мл\днцъ 
четыредесятодне'венъ, мт~рiю во'льнjь прино'сится въ цр~ковь 
зако'нную: и= сего` на ру'ки прiе'млетъ ста'рецъ, w\тпусти`, 
зовы'й раба` вл\дко: и='бо _о='чи мои` ви'дjьста сп~се'нiе 
твое`. прише'дый въ мi'ръ сп~сти` ро'дъ человjь'чь, гд\си, 
сла'ва тебjь`.

Канw'нъ, гла'съ г~: [_е=гw'же краестро'чiе:] Хр\ста` 
ра'достнjь ста'рецъ w=б\ъе'млетъ. 

[Творе'нiе господи'на космы`.] i=рмосы` по два'жды. 
тропари` на в~_i:

Пjь'снь а~.

I=рмо'съ: Су'шу глубороди'тельную зе'млю со'лнце 
наше'ствова и=ногда`, jа='кw стjьна' бо w=густjь` _о=бапо'лы 
вода`, лю'демъ пjьшомореходя'щымъ, и= бг~оуго'днw пою'щымъ: 
пои'мъ гд\сви, сла'внw бо просла'вися. 

Да ка'плютъ во'ду _о='блацы, сл~нце бо на _о='блацjь 
ле'гцjь носи'мо наста'ло _е='сть, на нетлjь'нную ру'ку, 
хр\сто'съ въ цр~кви, jа='кw мл\днцъ. тjь'мже, вjь'рнiи, 
возопiи'мъ: пои'мъ гд\сви, сла'внw бо просла'вися.

Крjьпи'тjься ру'цjь сv"меw'ни ста'ростiю w=сла'бленнiи, 
лы^ста же претружд_е'нна ста'рча, правобыстрw` движи'тася 
хр\сту` на срjь'тенiе, ли'къ со безпло'тными соста'вльше, 
пои'мъ гд\сви, сла'внw бо просла'вися.

Ра'зумомъ прост_е'ртая нб~са` весели'теся, и= ра'дуйся, 
земле`: и=з\ъ пребж~е'ственныхъ бо нjь'дръ хитре'цъ проше'дъ 
хр\сто'съ, мт~рiю дв~ою бг~у _о=ц~у` прино'сится мл\днцъ, 
и='же пре'жде всjь'хъ: сла'внw бо просла'вися. 

Катава'сiа, i=рмо'съ то'йже.

Пjь'снь г~.

I=рмо'съ: О_у=твержде'нiе на тя` надjь'ющихся, 
о_у=тверди`, гд\си, цр~ковь, ю='же стяжа'лъ _е=си` ч\стно'ю 
твое'ю кро'вiю.

Перворожде'нъ и=з\ъ _о=ц~а` пре'жде вjь^къ, 
перворожде'нъ мл\днцъ и=з\ъ дв~ы нетлjь'нныя, а=да'му ру'ку 
простира'я jа=ви'ся.

Младоу'мна бы'вша пре'лестiю первозда'ннаго, па'ки 
и=справля'яй бг~ъ сло'во, мл\днствовавъ jа=ви'ся.

Земли` и=сча'дiе, па'ки поте'кшее въ ню`, бж~ества` 
соwбра'зное _е=стество` зижди'тель, jа='кw непрело'жнjь, 
мл\днствовавъ jа=ви`.

Сjьда'ленъ, гла'съ д~. 

Подо'бенъ: О_у=диви'ся i=w'сифъ:

На горjь` сiна'йстjьй дре'вле ви'дjь мwv"се'й за^дняя 
бж~iя, и= то'нкiй бж~е'ственный гла'съ сподо'бися во мра'цjь 
же и= ви'хрjь слы'шати: ны'нjь же сv"меw'нъ воплоще'ннаго 
бг~а, непрело'жнjь на'съ ра'ди, на ру'ки прiя'тъ, и= 
ра'достнw тща'шеся и=ти` w\т су'щихъ здjь` къ животу` 
вjь'чному. тjь'мже вопiя'ше: ны'нjь w\тпуща'еши раба` 
твоего`, вл\дко.

Сла'ва, и= ны'нjь, то'йже. 

Пjь'снь д~.

I=рмо'съ: Покры'ла _е='сть нб~са` добродjь'тель твоя`, 
хр\сте`, и=з\ъ кiвw'та бо проше'дъ, ст~ы'ни твоея` 
нетлjь'нныя мт~ре, въ хра'мjь сла'вы твоея` jа=ви'лся 
_е=си`, jа='кw мл\днцъ руконоси'мь: и= и=спо'лнишася вся^ 
твоегw` хвале'нiя.

Ра'дуйся, сv"меw'не, неизрече'нныхъ таи'нниче, бц\да 
вопiя'ше, w= не'мже w\т ст~а'гw дре'вле и=звjьсти'ся тебjь` 
дх~а, мл\днствовавшаго сло'ва хр\ста` на ру'ки прiими`, 
зовы'й _е=му`: и=спо'лнишася вся^ твоегw` хвале'нiя.

На него'же о_у=пова'лъ _е=си`, сv"меw'не, во'зрастъ 
дjь'тищный ра'дуяся под\ъими` хр\ста`, i=и~ля бж~е'ственнагw 
о_у=тjьше'нiе, зако'на творца` и= вл\дку, и=сполня'ющаго 
зако'на чи'нъ, зовы'й _е=му`: и=спо'лнишася вся^ твоегw` 
хвале'нiя.

Ви'дя сv"меw'нъ сло'во безнача'льное, съ пло'тiю jа='кw 
на пр\сто'лjь херувi'мстjьмъ дв~ою носи'мо, вино'внаго 
_е='же бы'ти вся'ческихъ, jа='кw мл\днцу дивя'ся вопiя'ше 
_е=му`: и=спо'лнишася вся^ твоегw` хвале'нiя.

Пjь'снь _е~.

I=рмо'съ: Jа='кw ви'дjь и=са'iа w='бразнw на пр\сто'лjь 
превознесе'на бг~а, w\т а='гг~лъ сла'вы дорv"носи'ма, _w 
_о=кая'нный, вопiя'ше а='зъ: прови'дjьхъ бо воплоща'ема 
бг~а, свjь'та невече'рня, и= ми'ромъ влады'чествующа.

Разумjь'въ бж~е'ственный ста'рецъ проявле'нную дре'вле 
пр\оро'ку сла'ву, рука'ми сло'во зря` мт~рними держи'мо: _w 
ра'дуйся, вопiя'ше, чт\сая, jа='кw пр\сто'лъ бо держи'ши 
бг~а, свjь'та невече'рняго, и= ми'ромъ влады'чествующа.

Покло'нься ста'рецъ, и= стопа'мъ бж~е'ственнjь 
прикосну'вся неискусобра'чныя и= бг~омт~ре: _о='гнь, рече`, 
но'сиши ч\стая, мл\днца бою'ся w=б\ъя'ти бг~а, свjь'та 
невече'рняго, и= ми'ромъ влады'чествующа. 

W=чища'ется и=са'iа w\т серафi'ма о_у='гль прiе'мь, 
ста'рецъ вопiя'ше бг~омт~ри: ты` jа='коже клеща'ми рука'ми 
просвjьща'еши мя`, пода'вши _е=го'же но'сиши, свjь'та 
невече'рняго, и= ми'ромъ влады'чествующа.

Пjь'снь s~.

I=рмо'съ: Возопи` къ тебjь` ви'дjьвъ ста'рецъ _о=чи'ма 
сп~се'нiе, _е='же лю'демъ прiи'де w\т бг~а: хр\сте` ты` бг~ъ 
мо'й.

Сiw'ну ты` ка'мень возложи'лся _е=си`, непокори^вымъ 
претыка'нiе, и= собла'зна ка'мень: неруши'мое вjь'рныхъ 
сп~се'нiе.

И=звjь'стнjь нося` начерта'нiе, и='же пре'жде вjь^къ тя` 
и=зрасти'вшаго, земны'хъ за мл\срдiе ны'нjь не'мощiю 
w=бложи'ся. 

Сн~у вы'шнягw, сн~у дв~ы, бг~у _о=троча'ти бы'вшему, 
покло'ншася тебjь` ны'нjь w\тпусти` съ ми'ромъ.

Конда'къ, гла'съ а~:

О_у=тро'бу дв~и'чу w=ст~и'вый рж\ство'мъ твои'мъ, и= 
ру'цjь сv"меw'нjь бл~гослови'вый, jа='коже подоба'ше, 
предвари'въ, и= ны'нjь сп~слъ _е=си` на'съ, хр\сте` бж~е: но 
о_у=мири` во бранjь'хъ жи'тельство, и= о_у=крjьпи` 
i=мпера'тора, _е=го'же возлюби'лъ _е=си`, _е=ди'не 
чл~вjьколю'бче.

I='косъ: Къ бц\дjь притеце'мъ, хотя'щiи сн~а _е=я` 
ви'дjьти, къ сv"меw'ну носи'ма, _е=го'же съ нб~се` 
безпло'тнiи ви'дяще, дивля'хуся глаго'люще: чу^дная зри'мъ 
ны'нjь и= пресла^вная, непостижи^мая, несказа^нная. и='же бо 
а=да'ма созда'вый, но'сится jа='кw мл\днецъ: невмjьсти'мый 
вмjьща'ется на рука'хъ ста'рчихъ: и='же въ нjь'дрjьхъ 
неwпи'санныхъ сы'й _о=ц~а` своегw`, во'лею w=пису'ется 
пло'тiю, а= не бж~ество'мъ, _е=ди'нъ чл~вjьколю'бецъ.

Пjь'снь з~.

I=рмо'съ: Тебе` во _о=гни` w=роси'вшаго _о='троки 
бг~осло'вившыя, и= въ дв~у нетлjь'нну все'льшагося, бг~а 
сло'ва пои'мъ, бл~гоче'стнw пою'ще: бл~гослове'нъ бг~ъ 
_о=т_е'цъ на'шихъ. 

А=да'му и=звjьсти'ти хотя'й и=ду`, во а='дjь живу'щу, и= 
_е='vjь принести` бл~говjь'стiе, сv"меw'нъ вопiя'ше, со 
пр\оро'ки лику'я: бл~гослове'нъ бг~ъ _о=т_е'цъ на'шихъ.

Ро'да зе'мна и=збавля'яй бг~ъ, да'же до а='да прiи'детъ: 
плjь^ннымъ же пода'стъ всjь^мъ w=ставле'нiе, и= прозрjь'нiе 
слjьпы^мъ, jа='кw и= нjьмы^мъ вопи'ти: бл~гослове'нъ бг~ъ 
_о=т_е'цъ на'шихъ.

И= твое` се'рдце, нетлjь'нная, _о=ру'жiе про'йдетъ, 
сv"меw'нъ бц\дjь провозгласи`, на кр\стjь` зря'щи твоего` 
сн~а, _е=му'же вопiе'мъ: бл~гослове'нъ бг~ъ _о=т_е'цъ 
на'шихъ.

Пjь'снь и~.

I=рмо'съ: Нестерпи'мому _о=гню` соедини'вшеся, 
бг~оче'стiя предстоя'ще ю='нwши, пла'менемъ же неврежде'ни, 
бж~е'ственную пjь'снь поя'ху: бл~гослови'те, вся^ дjьла` 
гд\сня, гд\са, и= превозноси'те во вся^ вjь'ки.

Лю'дiе i=и~л_евы, твою` сла'ву _е=мману'ила, зря'ще 
_о=троча` и=з\ъ дв~ы, пред\ъ лице'мъ бж~е'ственнагw ковче'га 
ны'нjь лику'йте: бл~гослови'те, вся^ дjьла` гд\сня, гд\са, 
и= превозноси'те во вся^ вjь'ки.

Се` сv"меw'нъ вопiя'ше, прерjька'емое зна'менiе се'й 
бу'детъ, бг~ъ сы'й и= _о=троча`. сему` вjь'рнiи возопiи'мъ: 
бл~гослови'те, вся^ дjьла` гд\сня, гд\са, и= превозноси'те 
во вся^ вjь'ки.

Живо'тъ сы'й, се'й бу'детъ паде'нiе непокори^вымъ, 
младе'нствовавъ бг~ъ сло'во, jа='кw воста'нiе всjь^мъ 
вjь'рою пою'щымъ: бл~гослови'те, вся^ дjьла` гд\сня, гд\са, 
и= превозноси'те во вся^ вjь'ки. 

Припjь'вы на f~-й пjь'сни.

Бц\де дв~о, о_у=пова'нiе хр\стiа'нwмъ, покры'й, соблюди` 
и= сп~си` на тя` о_у=пова'ющихъ.

Бц\де дв~о, мi'ру бл~га'я помо'щнице, покры'й и= 
соблюди` w\т вся'кiя ну'жды и= печа'ли.

Бг~оно'се сv"меw'не, прiиди` под\ъими` хр\ста`, 
_е=го'же роди` дв~а ч\стая мр~i'а. 

W=б\ъе'млетъ рука'ми ста'рецъ сv"меw'нъ содjь'теля 
зако'на, и= вл\дку вся'ческихъ.

Не ста'рецъ мене` держи'тъ, но а='зъ держу` _е=го`: то'й 
бо w\т мене` w\тпуще'нiя про'ситъ.

Клеще` та'инственная, ка'кw о_у='гль но'сиши; ка'кw 
пита'еши пита'ющаго вся^.

_W дщи` фану'илева! прiиди` ста'ни съ на'ми, и= 
бл~годари` хр\ста` сп~са сн~а бж~iя.

А='нна цjьлому'дренная провjьща'етъ стра^шная, 
и=сповjь'дающи хр\ста`, творца` нб~у и= земли`.

Непостижи'мо _е='сть содjь'янное w= тебjь` а='гг~лwмъ и= 
человjь'кwмъ, мт~и дв~о ч\стая.

Чт\сая голуби'ца, нескве'рная а='гница, а='гнца и= 
па'стыря прино'ситъ въ цр~ковь.

_W хр\сте` всjь'хъ цр~ю`! побjь^ды на враги` вjь'рному 
твоему` рабу`, i=мпера'тору на'шему, да'руй.

_W хр\сте` всjь'хъ цр~ю`! пода'ждь ми` сле'зы те'плы, да 
пла'чу мою` ду'шу, ю='же sлjь` погуби'хъ.

Вмjь'стw Сла'ва:

Трисiя'тельное, и= трiv"поста'сное бж~ество` 
бл~гоче'стнw да похва'лимъ.

Вмjь'стw И= ны'нjь:

_W дв~и'це мр~i'е! просвjьти` мою` ду'шу, помраче'нную 
лю'тjь жите'йскими сластьми`.

Вjь'домо да бу'детъ, jа='кw два` су'щыя припjь'вы въ 
нача'лjь, припjьва'емъ ко i=рмосу`.

Та'же къ коему'ждо тропарю` припjьва'емъ по д~ 
припjь'вы.

И= по соверше'нiи д~_i припjь'вwвъ съ тропари`, къ 
катава'сiи пое'мъ _о='ба ли^ка вку'пjь, припjь'въ а~-й: 
Бц\де дв~о, о_у=пова'нiе хр\стiа'нwмъ: 

Пjь'снь f~.

I=рмо'съ: Въ зако'нjь сjь'ни и= писа'нiй w='бразъ 
ви'димъ, вjь'рнiи: вся'къ му'жескiй по'лъ, ложесна` 
разверза'я, ст~ъ бг~у. тjь'мъ перворожде'нное сло'во _о=ц~а` 
безнача'льна, сн~а первородя'щася мт~рiю неискусому'жнw, 
велича'емъ.

И='же др_е'внимъ новорожде'нныхъ го'рличищъ супру^гъ, 
дво'ица же бя'ше птенц_е'въ, въ ни'хже мjь'сто бж~е'ственный 
ста'рецъ, и= цjьлому'дренная а='нна пр\оро'чица, w\т дв~ы 
рожде'нному, и= сн~у _е=диноро'дному _о='ч~у, въ цр~ковь 
приноси'му, слу'жатъ велича'юще.

Созда'лъ _е=си` мнjь`, вопiя'ше сv"меw'нъ, сп~се'нiя 
твоегw`, хр\сте`, ра'дованiе, воспрiими` твоего` служи'теля 
сjь'нiю претру'жденнаго, но'выя бл~года'ти 
сщ~еннопроповjь'дника та'йнаго, во хвале'нiи велича'юща.

Сщ~еннолjь'пнw и=сповjь'дашеся а='нна прорица'ющи, 
цjьлому'дренная и= прп\дбная, и= ста'рица вл\дцjь, въ цр~кви 
jа='вственнw: бц\ду же проповjь'дающи всjь^мъ су'щымъ 
велича'ше. 

Свjьти'ленъ самоподо'бенъ:

Дх~омъ во святи'лищи предста'въ ста'рецъ на ру'ки 
воспрiя'тъ зако'на вл\дку, вопiя`: ны'нjь соу'зъ мя` 
плотски'хъ разрjьши`, jа='коже ре'клъ _е=си`, съ ми'ромъ: 
ви'дjьхъ бо _о=чи'ма w\ткрове'нiе jа=зы'кwвъ, и= i=и~лю 
сп~се'нiе.[Три'жды.]

На хвали'техъ стiхи^ры, на д~:

Подо'бенъ: Да'лъ _е=си` зна'менiе:

Зако'нъ и='же въ писа'нiи и=сполня'я чл~вjьколю'бецъ, въ 
цр~ковь ны'нjь прино'сится, и= сегw` прiе'млетъ ста'рыми 
рука'ми сv"меw'нъ ста'рецъ, ны'нjь w\тпуща'еши мя`, вопiя`, 
ко _о='ному бл~же'нству: ви'дjьхъ бо тя` дне'сь пло'тiю 
ме'ртвенною w=бложе'наго, живото'мъ гд\сьствующа, и= 
сме'ртiю влады'чествующа. [Два'жды.] 

Свjь'тъ во w\ткрове'нiе jа=зы'кwвъ jа=ви'лся _е=си`, 
гд\си, на _о='блацjь сjьдя` ле'гцjь, сл~нце пра'вды, зако'на 
сjьно'вное и=сполня'я, и= нача'ло и=з\ъявля'я но'выя 
бл~года'ти. тjь'мъ тя` ви'дjьвъ сv"меw'нъ взыва'ше: и=з\ъ 
и=стлjь'нiя мя` разрjьши` jа='кw ви'дjьхъ тя` дне'сь.

Нjь'дръ роди'теля не w\тлу'чься бж~ество'мъ, вопло'щься 
jа='коже и=зво'лилъ _е=си`, w=б\ъя'тiями держи'мь 
приснодв~ы: на ру'ки пода'лся _е=си` бг~опрiи'мца сv"меw'на, 
руко'ю твое'ю держа'й вся'ч_еская. тjь'мже ны'нjь 
w\тпуща'еши мя`, ра'достнw взыва'ше, въ ми'рjь раба` 
твоего`, jа='кw ви'дjьхъ тя` вл\дко. 

Сла'ва, и= ны'нjь, гла'съ s~.

[Ге'рманово:] На рука'хъ ста'рческихъ во дне'шнiй де'нь, 
jа='кw на колесни'цjь херувi'мстjьй, восклони'тися 
бл~гоизво'ливый, хр\сте` бж~е, и= на'съ пою'щихъ тя` 
страсте'й мучи'тельства призыва'емый и=зба'ви, и= сп~си` 
jа='кw чл~вjьколю'бецъ.

Славосло'вiе вели'кое. По трист~о'мъ тропа'рь 
пра'здника: _е=ктенiи` и= w\тпу'стъ. и= ча'съ а~-й. На а~-мъ 
часjь` тропа'рь пра'здника. По _О='ч~е на'шъ, конда'къ 
пра'здника, и= про'чее: и= соверше'нный w\тпу'стъ.

W= часjь' же второ'мъ дне` и=схо'димъ съ лiтi'ею внjь` 
_о=би'тели, пою'ще стiхи^ры пра'здника, и= канw'нъ, по 
_о=бы'чаю.

И= возвра'щшеся пое'мъ часы` и= лiтургi'ю.

На лiтургi'и:

Бл~ж_е'нна w\т канw'на пра'здника, пjь'снь г~-я: и= s~. 
Вхо'дное: Сказа` гд\сь сп~се'нiе свое`, пред\ъ jа=зы'ки 
w\ткры` пра'вду свою`. Та'же тропа'рь пра'здника: Сла'ва, и= 
ны'нjь, конда'къ. Прокi'менъ, пjь'снь бц\ды, гла'съ г~: 
Вели'читъ душа` моя` гд\са, и= возра'довася дх~ъ мо'й w= 
бз~jь сп~сjь мое'мъ. Стi'хъ: Jа='кw призрjь` на смире'нiе 
рабы` своея`, се' бо w\т ны'нjь о_у=бл~жа'тъ мя` вси` ро'ди. 
А=по'столъ ко _е=вре'_емъ, зача'ло тs~_i.

А=ллилу'iа, гла'съ и~: Ны'нjь w\тпуща'еши раба` твоегw`, 
вл\дко, по глаго'лу твоему`, съ ми'ромъ.Стi'хъ: Свjь'тъ во 
w\ткрове'нiе jа=зы'кwвъ и= сла'ву люде'й твои'хъ i=и~ля. 
_Е=v\глiе луки`, зача'ло з~. Прича'стенъ: Ча'шу сп~се'нiя 
прiиму`, и= и='мя гд\сне призову`.

Вjь'домо бу'ди, jа='кw а='ще случи'тся пра'здникъ 
срjь'тенiя гд\сня въ недjь'лю, пре'жде недjь'ли мытаря` и= 
фарiсе'а, зри` всея` слу'жбы ве'черъ и= о_у='тро, и= 
лiтургi'и, септе'мврiа во и~ де'нь, ли'стъ к~а на w=бор., 
то'чiю катава'сiа пра'здника.

А='ще же случи'тся пра'здникъ срjь'тенiя гд\сня въ 
кi'йлибо де'нь недjь'ли мытаря` и= фарiсе'а, и=ли` 
блу'днагw, и=ли` мясопу'стныя, и=ли` сыропу'стныя: 
о_у=ста'въ ма'рковыхъ гла'въ смотри` въ трiw'ди по'стной и= 
тv"пiко'нjь.