Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::слав>

(с. 246)

%<Мjь'сяца тогw'же въ в~_i-й де'нь.%>

%<И='же во ст~ы'хъ _о=ц~а` на'шегw меле'тiа, 
а=рхiеп\скпа а=нтiохi'и вели'кiя:%>

%<И= и='же во ст~ы'хъ _о=ц~а` на'шегw а=ле_ксi'а 
митрополi'та, всея` рwссi'и чудотво'рца.%>

%<С%>лу'жба _е=гw` пи'сана по се'й слу'жбjь.

%<На Г%>д\си, воззва'хъ, %<стiхи^ры _о=ктw'иха г~: и= 
меле'тiа г~.%>

%<Гла'съ д~. Подо'бенъ: Jа='%>кw до'бля:

%<П%>ло'ти по v=поста'си соедини'вшася безпло'тнаго, и= 
_о=ц~у` собезнача'льнаго сло'ва, всему'дре, * кромjь` 
преложе'нiя, и= слiя'нiя, * му'дрjь научи'лъ _е=си`: * 
дjь'йствующа же сугу'бw * _о=бои'ми _е=стествы`, * и=зъ 
ни'хже слежи'тъ, и= въ ни'хже (с. 247) зри'тся, * _е=ди'нъ 
сы'й нераздjь'ленъ существо'мъ, * въ се'мъ и= _о='номъ 
разумjьва'емый.

%<П%>оучи'вся, бл~же'нне, * ст~и'телю меле'тiе, въ 
зако'нjь гд\сни, * jа='коже писа'ся, * дре'во jа=ви'лся 
_е=си` на вода'хъ поще'нiя стоя'щее, * и= плоды` 
добродjь'телей предлага'ющее бл~года'тiю, * просвjьти'вшагw 
ст~у'ю ду'шу твою`, * и= вся'ческихъ прiя'тельну * 
содjь'лавша дх~о'вныхъ w=сiя'нiй.

%<О_у=%>краси'шася, всему'дре, * писа'тельнjь лани^ты 
твоя^, * jа='кw гw'рлицы, лю'бящыя воздержа'нiе, * и= пи'щу 
w=плева'ющыя жела'нiемъ, меле'тiе, * пи'щи разу'мныя, ю='же 
тебjь` хр\сто'съ да'руетъ, * прiе'мъ мнw'гiя твоя^ труды`, * 
и= ре'вность разжже'нную, * ю='же и=мjь'лъ _е=си`, 
предбjь'дствуя вjь'ры ра'ди.

%<Сла'ва, и= ны'нjь, бг~оро'диченъ:%>

%<Jа='%>кw моли'тву неусыпа'ющу * и= мольбу` 
пребыва'ющу, * и=му'щи, преч\стая, ко гд\су, * напа^сти 
о_у=спи`, * во'лны о_у=кроти` _о=кая'нныя моея` души`, * и= 
въ ско'рби су'щее се'рдце мое` о_у=тjь'ши, * _о=трокови'це, 
молю' тя, * и= w=благодати` о_у='мъ мо'й, * jа='кw да 
досто'йнw тя` просла'влю.

%<Кр\стобг~оро'диченъ, гла'съ и= подо'бенъ то'йже:%>

%<А='%>гнца и= па'стыря тя` * на дре'вjь jа='кw ви'дjь, 
* а='гница ро'ждшая рыда'ше, * и= мт~рски тебjь` вjьща'ше: * 
сн~е возжелjь'нне, * ка'кw на дре'вjь кр\стнjьмъ повjь'шенъ 
_е=си`, долготерпjьли'ве; * ка'кw ру'цjь и= но'зjь твои`, 
сло'ве, * пригвозди'шася w\т беззако'нныхъ, * и= кро'вь 
твою` и=злiя'лъ _е=си`, вл\дко.

%<Тропа'рь, гла'съ д~:%>

%<П%>ра'вило вjь'ры, и= _о='бразъ кро'тости, 
воздержа'нiя о_у=чи'теля jа=ви' тя ста'ду твоему`, jа='же 
веще'й и='стина: сегw` ра'ди стяжа'лъ _е=си` смире'нiемъ 
высw'кая, нището'ю бога^тая, _о='ч~е меле'тiе, моли` хр\ста` 
бг~а, спасти'ся душа'мъ на'шымъ. (с. 248)



%<Канw'нъ, _е=гw'же краегране'сiе: Т%>воя^ похвалы^ 
и=з\ъявля'ю, всебл~же'нне.

%<Гла'съ и~. Пjь'снь а~. I=рмо'съ:%>

%<К%>олесницегони'теля фараw'ня погрузи` чудотворя'й 
и=ногда` мwv"се'йскiй же'злъ, кр\сто_обра'знw порази'въ и= 
раздjьли'въ мо'ре: i=и~ля же бjьглеца`, пjьшехо'дца спасе`, 
пjь'снь бг~ови воспjьва'юща.

%<С%>вjьтода'вцу предстоя` ве'сь свjь'телъ, свjь'томъ 
ра'зума w=мраче'нное _о='ко души` моея` просвjьти`, и= мглу` 
w\тжени` страсте'й твои'ми моли'твами: jа='кw ст~и'тель бо, 
прп\дбне, и='маши дерзнове'нiе, меле'тiе.

%<В%>ъ нjь'дрjьхъ _о=ц~а` сjьдя'й, сопр\сносу'щное и= 
соесте'ственное сло'во ро'ждшему, проповjь'дника своегw` 
бж~ества` поставля'етъ _е=ди'нъ, jа='кw а=п\слwмъ 
_е=динонра'вна тя` ны'нjь, _w бг~оявле'нне меле'тiе!

%<Б%>ж\ственнымъ просвjьти'вся сiя'нiемъ, w\т 
безнача'льнагw _о=ц~а`, _е=диноро'дна сло'ва, несозда'нна, 
вjь'чна, бг~осло'вилъ _е=си`, прп\дбне: а='рi_евы же 
побо'рники _е=диномы'сл_енныя разгна'лъ _е=си`, бж\ственнымъ 
все_ору'жiемъ w=гражда'емь.

%<Бг~оро'диченъ:%>

%<В%>оплоще'ннаго, прест~а'я, родила` _е=си`, пре'жде 
безпло'тнаго, бг~онача'льнаго сло'ва: _е=ди'на бо w\т вjь'ка 
луча'ми чистоты`, дв\ства же добро'тою, и= всенепоро'чными 
дарова^нiи, была` _е=си` досто'йна, всенепоро'чная.

%<Пjь'снь г~. I=рмо'съ:%>

%<О_у=%>твержде'й въ нача'лjь нб~са` ра'зумомъ, и= 
зе'млю на вода'хъ w=снова'вый, на ка'мени мя`, хр\сте`, 
за'повjьдей твои'хъ о_у=тверди`: jа='кw нjь'сть свя'тъ па'че 
теб_е`, _е=ди'не чл~вjьколю'бче.

%<Т%>вердjь'йшу ду'шу а=дама'нта и=мjь'я, гнило'е 
_е=ресе'й мнjь'нiе, ты` о_у=че'ньми благоче'стiя 
просвjь'щся, всеблаже'нне, w=плева'лъ _е=си`. тjь'мже 
вjь'рнiи тя` вси` пjь'сньми, бг~ому'дре, почита'емъ.

%<О_у=%>подо'бився добродjь'тельми хр\стw'вымъ 
а=п\слwмъ, _о='нjьхъ (с. 249) вла'сть и= престо'лъ 
наслjь'довалъ _е=си` jа='вственнw, меле'тiе всесла'вне, 
правосла'вiя сто'лпъ, и= бл~гоче'стiя побо'рниче бы'въ.

%<В%>сыновле'нъ бг~у, и='же w\т бг~а, бг~а сло'ва, не 
низве'лъ _е=си` въ тва'рь безу'мнw: но просла'вилъ _е=си` 
_о=ц~у` собезнача'льна и= сопр\сто'льна, содjь'теля и= 
зижди'теля всjь'хъ вjькw'въ, бг~опрiя'тне.

%<Бг~оро'диченъ:%>

%<В%>ъ твою` ст~у'ю бг~ъ о_у=тро'бу всели'вся, 
воплоти'ся, jа='коже вjь'сть, бг~ома'ти, и= спасе` на'съ 
живоно'сными свои'ми стр\стьми`: тjь'мже тя` спасе'нiя 
две'рь, дв~о, зна'емъ.

%<Сjьда'ленъ, гла'съ и~. Подо'бенъ: П%>рему'дрости:

%<П%>оучи'вся де'нь же и= но'щь въ зако'нjь гд\сни, 
_о='ч~е му'дре, jа='кw дре'во плодови'то на вода'хъ 
дх~о'вныхъ насажде'но jа=ви'лся _е=си`: тjь'мже 
сщ~е'нствовавъ бг~у непоро'чнw, а='рiева хуле'нiя и= 
саве'ллiева sлосла'внагw нра'ва jа='вjь возгнуша'вся, 
правосла'вною мы'слiю, ст~и'телю меле'тiе: моли` хр\ста` 
бг~а, грjьхw'въ w=ставле'нiе дарова'ти пра'зднующымъ 
любо'вiю святу'ю па'мять твою`.

%<Сла'ва, и= ны'нjь, бг~оро'диченъ:%>

%<П%>лотски^мъ неду'гwмъ многови^днымъ и= душ_е'внымъ 
страст_е'мъ много_обра^знымъ, и=сцjьле'нiе w=брjь'тъ тобо'ю, 
пренепоро'чная, печа'л_емъ же разрjьше'нiе, бjьда'мъ и= 
ско'рбемъ премjьне'нiе гото'во, и= ско'ро и=збавле'нiе 
вjь'рою несомнjь'нною и= те'плымъ се'рдцемъ и=сповjь'даю 
твоя^ ми'лwсти, вл\дчце, сынw'мъ же человjь'ч_ескимъ мнw'гая 
твоя^ чудеса`: и= молю'ся, кро'вомъ кри'лъ твои'хъ при'снw 
соблюсти`, и= сохрани'ти мя` всегда`.

%<Кр\стобг~оро'диченъ:%>

%<А='%>гнца и= па'стыря и= и=зба'вителя а='гница зря'щи 
на кр\стjь`, восклица'ше пла'чущи, и= го'рькw рыда'ющи 
вопiя'ше: мi'ръ о_у='бw ра'дуется, прiе'мля тобо'ю 
и=збавле'нiе, о_у=тро'ба же моя` гори'тъ, зря'щи твое` 
распя'тiе, _е='же терпи'ши за (с. 250) милосе'рдiе ми'лости. 
долготерпjьли'ве гд\си, ми'лости бе'здно, и= и=сто'чниче 
неисчерпа'емый, о_у=милосе'рдися, и= да'руй согрjьше'нiй 
w=ставле'нiе вjь'рою пою'щымъ бж~е'ств_енныя стра^сти твоя^.

%<Пjь'снь д~. I=рмо'съ:%>

%<Т%>ы` моя` крjь'пость, гд\си, ты` моя` и= си'ла, ты` 
мо'й бг~ъ, ты` мое` ра'дованiе, не w=ста'вль нjь'дра 
_о='ч~а, и= на'шу нищету` посjьти'въ. тjь'мъ съ пр\оро'комъ 
а=вваку'момъ зову' ти: си'лjь твое'й сла'ва, чл~вjьколю'бче.

%<Jа='%>вственнw, сщ~еннотаи'нниче, преизя'ществовавъ, 
петра` пр\сто'лъ наслjь'довалъ _е=си` верхо'внагw, w\т 
хр\ста` рукоположе'ннагw, _е=гw'же и= нра'ву поревнова'въ, 
сн~а бг~а жива'гw сп~са просла'вилъ _е=си`, о_у=че'нi_емъ 
_о='нагw послjь'дуя.

%<В%>серазли'чными о_у=кра'шенъ дарова'ньми, 
_е=динонача'лiя проповjь'дникъ бы'лъ _е=си`, во _о=ц~jь` и= 
_е=диноро'днjьмъ сло'вjь познава'емагw, и= бж\ственнjьмъ 
дс~jь, всему'дре: _е=ди'ницу о_у='бw существо'мъ, въ тре'хъ 
ли'цjьхъ су'щу, научи'лъ _е=си`, преподо'бне.

%<В%>оспита'вся добро'тами, бг~оуче'нне, и= заре'ю тоя` 
воwбража'емь, и= просвjьти'вся бж\ственными блиста'ньми по 
прича'стiю, цр~кви свjь'тъ вторы'й бы'лъ _е=си`, 
бг~оявле'нне, просвjьще'нiе бл~гоче'стiя jа=вля'я вjь'рою 
притека'ющымъ.

%<Бг~оро'диченъ:%>

%<Д%>а _о='бразъ погребе'нный страстьми` взы'щеши 
бога'тствомъ бла'гости, въ дв~и'ческую всели'лся _е=си` 
о_у=тро'бу, и=зъ нея'же ты` прему'дрость бж~iя хра'мъ 
созда'лъ _е=си`, и='мже по'жилъ _е=си` съ человjь'ки, 
ще'дре, и= спа'слъ _е=си` мi'ра концы`.

%<Пjь'снь _е~. I=рмо'съ:%>

%<В%>ску'ю мя` w\три'нулъ _е=си` w\т лица` твоегw`, 
свjь'те незаходи'мый, и= покры'ла мя` _е='сть чужда'я тма` 
_о=кая'ннаго, но w=брати' мя, и= къ свjь'ту за'повjьдей 
твои'хъ пути^ моя^ напра'ви, молю'ся.

%<Ж%>иру'ющей безмjь'стнw вся'кой _е='реси 
sлоде'мwнстjьй, (с. 251) превше'лъ _е=си`, _о='ч~е, 
бл~горо'дiемъ души`, и= свjь'тлостiю, и= всест~ы'мъ 
нра'вомъ, и= тве'рдымъ бл~гоче'стiемъ, бг~оявле'нне 
пребл~же'нне меле'тiе.

%<В%>ся'кимъ о_у=се'рдiемъ а='рi_евы _е=диному'дренники 
w\твраща'я, правосла'вною вjь'рою, бг~оно'се, держа'ву 
о_у=тверди'лъ _е=си`, въ тр\оцjь _е=ди'наго бг~а на'мъ 
проповjь'дуя, всебл~же'нне _о='ч~е меле'тiе.

%<П%>ребж\ственныя тр\оцы таи'нникъ бы'лъ _е=си` 
всеи'стиннjьйшiй, _о=ц~у` сло'во _е=диносу'щно честву'я и= 
сопр\сто'льно, и= бж\ственный дх~ъ _е=диноесте'ственъ 
_о=ц~у` и= сло'ву, всечестны'й _о='ч~е меле'тiе.

%<Бг~оро'диченъ:%>

%<В%>w'инства вы'шнихъ, всеч\стая, си'лъ тя` 
о_у=блажа'ютъ, ро'дове же вси` человjь'честiи досто'йнw 
сла'вятъ: теб_е' бо ра'ди _е=ди'ныя су'щи на земли` съ 
нб\сными совоку'пльшеся, пою'тъ, дв~о, рж\ство` твое`.

%<Пjь'снь s~. I=рмо'съ:%>

%<W=%>чи'сти мя`, сп~се, мнw'га бо беззакw'нiя моя^, и= 
и=зъ глубины` sw'лъ возведи`, молю'ся: къ тебjь' бо 
возопи'хъ, и= о_у=слы'ши мя`, бж~е спасе'нiя моегw`.

%<И=%>зсуши'лъ _е=си` пото'ки, бг~ому'дре, 
_е=ретi'ч_ескiя, w\тве'рзлъ же _е=си` и=сто'чники догма'тwвъ 
пра'вости, непобjьди'мь побо'рникъ правосла'вiя бы'въ, 
бг~облаже'нне.

%<И=%>зсуши'въ му'тный а='рiевъ то'къ и= безбо'жный, 
напои'лъ _е=си` бога'тнw бл~года'тными вода'ми вjь'рныхъ 
собо'ры, и= цр~ко'вное бл~голjь'пiе о_у=краси'лъ _е=си`.

%<Ж%>ивы'й подо'бнw бж\ственными начина'ньми, бы'лъ 
_е=си` пресвjь'телъ, _о='ч~е, дjь'латель, неукло'нно 
забра'ло бг~оче'стiя, и= па'стырей наста'вникъ.

%<Бг~оро'диченъ:%>

%<П%>росвjьща'ютъ ду'шы правосла'внw пою'щихъ тя` 
реч_е'нiя пр\оро'ч_еская, твое` провозвjьща'юще преч\стое 
зача'тiе, и= _е='же вы'ше сло'ва, бг~оневjь'сто, твое` 
рж\ство`. (с. 252)

%<Конда'къ, гла'съ s~:%>

%<Д%>х~о'внагw твоегw` дерзнове'нiя о_у=боя'вся, 
w\тсту'пникъ бjь'гаетъ македо'нiй, моли'твенное же служе'нiе 
соверша'юще твои` раби`, любо'вiю притека'емъ, а='гг~лwмъ 
собесjь'дниче меле'тiе, _о='гненный мечу` хр\ста` бг~а 
на'шегw, вся^ безбw'жныя закала'яй: воспjьва'емъ тя` 
свjьти'льника, просвjьти'вшаго вся^.

%<Пjь'снь з~. I=рмо'съ:%>

%<Б%>ж~iя снизхожде'нiя _о='гнь о_у=стыдjь'ся въ 
вавv"лw'нjь и=ногда`, сегw` ра'ди _о='троцы въ пещи` 
ра'дованною ного'ю, jа='кw во цвjь'тницjь лику'юще, поя'ху: 
благослове'нъ _е=си`, бж~е _о=т_е'цъ на'шихъ.

%<С%>т~ы'й тя` собо'ръ, первостоя'теля и=мя'ше, 
бг~опрiя'тное, _е=го'же ст~ы'й дх~ъ w\т кон_е'цъ во _е=ди'но 
собра`, пjьсносло'вящыя тогw` бж~ество`: бл~гослове'нъ 
_е=си`, бж~е _о=т_е'цъ на'шихъ.

%<Р%>авноче'стно получи'лъ _е=си` предсjьда'тельство 
а=п\слwвъ хр\сто'выхъ, и= бж\ственное си'хъ о_у=че'нiе 
наслjь'довалъ _е=си`, и= житiю` подо'бяся, пjь'лъ _е=си`: 
бл~гослове'нъ _е=си`, бж~е _о=т_е'цъ на'шихъ.

%<О_у='%>мъ и=мjь'я _о=стрjь'йшъ, къ бг~овидjь'нiю 
просте'ртъ, _е=ретi'чествующихъ тупозрjь'нiю поруга'лся 
_е=си`, бл~гочести^выя же о_у=чя` взыва'лъ _е=си`: 
бл~гослове'нъ _е=си`, бж~е _о=т_е'цъ на'шихъ.

%<Бг~оро'диченъ:%>

%<Jа='%>кw зерца'ло чи'сто твоея` чистоты` блиста'ющася 
бл~года'тiю, свjьтороди'тельница, дв~о, и= бц\да всеч\стая 
была` _е=си`. тjь'мже согла'снw рж\ству` твоему` пое'мъ: 
бл~гослове'нъ _е=си`, бж~е _о=т_е'цъ на'шихъ.

%<Пjь'снь и~. I=рмо'съ:%>

%<С%>едмери'цею пе'щь халде'йскiй мучи'тель 
бг~очести^вымъ неи'стовнw разжже`, си'лою же лу'чшею 
спас_е'ны сiя^ ви'дjьвъ, творцу` и= и=зба'вителю вопiя'ше: 
_о='троцы, бл~гослови'те, свяще'нницы, воспо'йте, лю'дiе, 
превозноси'те во вся^ вjь'ки.

%<П%>ресвjь'тлw научи'лъ _е=си`, _е=ди'но чти'ти 
бж\ство`, _е='же (с. 253) во _о=ц~jь`, и= сн~jь, и= дс~jь: 
и= си'лу безмjь'рну, и= цр\ство _е=ди'но jа='вjь, 
сво'йствwмъ крjь'пкw соблюда'_емымъ, ко'ейждо v=поста'си. 
_е=му'же и= поя` вопiя'лъ _е=си`: лю'дiе, превозноси'те во 
вся^ вjь'ки.

%<С%>вяты'ни хра'мъ, святи'телю, бы'въ, вся^ 
w=свяща'еши, твое` и='мя нарица'ти тща'щыяся, и= _о='бразъ, 
_о='тче, тво'й любо'вiю, jа=`же къ тебjь`, напису'ющыя, 
блаже'нне, и= вjь'рою пою'щыя: благослови'те, вся^ дjьла` 
гд\сня, гд\са, по'йте и= превозноси'те _е=го` во вjь'ки.

%<Т%>айнонаставле'ньми и=зря'днjьйшее твое` ста'до 
просвjьти'лъ _е=си`: ны'нjь же перворо'дныхъ це'рковь 
возрасти'лъ _е=си`, приложе'нiе бы'въ w\т вjь'ка 
просiя'вшымъ, святи'тельскими и= та'йными слу'жбами. съ 
ни'миже вопiе'ши непреста'ннw: сщ~е'ннiи, по'йте, лю'дiе, 
превозноси'те гд\са во вjь'ки.

%<Бг~оро'диченъ:%>

%<Н%>ауча'еми, всеч\стая, _е='же на тебjь` та'инствомъ, 
и= бы'вшее тобо'ю пожина'юще душа'мъ и=збавле'нiе и= 
спасе'нiе, зове'мъ со а=рха'гг~ломъ гаврiи'ломъ тебjь`, 
ра'дуйся, вопiю'ще, бц\де, и= вjь'рнw пjьснопою'ще тя`, и= 
превознося'ще, ч\стая, во вjь'ки.

%<Пjь'снь f~. I=рмо'съ:%>

%<О_у=%>жасе'ся w= се'мъ нб~о, и= земли` о_у=диви'шася 
концы`, jа='кw бг~ъ jа=ви'ся человjь'кwмъ пло'тски, и= 
чре'во твое` бы'сть простра'ннjьйшее нб~съ. тjь'мъ тя` 
бц\ду, а='гг~лwвъ и= человjь^къ чинонача^лiя велича'ютъ.

%<Н%>евеще'ственнw невеще'ственному предстоя`, _е=го'же 
и= зижди'теля всjь'хъ и= гд\са, и= _о='ч~ее сло'во, и= 
му'дрость, су'щественнjь и= соесте'ственнjь су'ща ты` 
бг~осло'вилъ _е=си` свjь'тлw, моля` не преста'й спасти`, 
и=`же вjь'рою тя`, бг~оглаго'ливе, хва'лящыя.

%<Т%>руды` потя'щася духо'вными, и= о_у=се'рднw _е=ще` 
борю'щася за него` съ духобо'рцы, тя` зря` благi'й и= ст~ы'й 
(с. 254) дх~ъ вjьнча'въ, jа='кw побjьди'теля прiя'тъ 
досто'йнw и= съ вы'шними, всеблаже'нне, ликостоя^нiи счисли' 
тя.

%<П%>о'двигъ соверши'въ благочести'вый, и= тече'нiе 
сконча'въ, добрjь'йшее, и= пра'вjьй вjь'рjь научи'въ 
всеблагоче'стнw, пра'ведный вjьне'цъ w\т всjь'хъ содjь'теля 
прiя'лъ _е=си`, бг~оглаго'ливе, собо'ра о_у=чи'телей пjь'снь 
w\т пjь'сней предпосыла'я.

%<Бг~оро'диченъ:%>

%<О_у=%>до'бнw, бц\де, преити` житiя` пода'ждь ми` 
бу'рю, напа'стей настоя^нiя и= страсте'й, jа='кw бл~га 
о_у=кротя'щи, и= наставля'ющи къ добродjь'тели и= стези` 
пра'вости, да jа='кw бл~годjь'тельницу непреста'ннw велича'ю 
тя`.



%<Слу'жба и='же во ст~ы'хъ _о=ц~а` на'шегw а=ле_ксi'а 
митрополi'та, всея` рwссi'и чудотво'рца.%>

%<А='ще хо'щетъ настоя'тель, соверша'емъ бдjь'нiе.%>

%<И= пра'зднованiе прест~jь'й бц\де, въ че'сть i=кw'ны 
_е=я` i='верскiя.%>

%<С%>лу'жба сiя` пи'сана _о=ктw'брiя г~_i дни`.

%<На ма'лjьй вече'рни, стiхи^ры пое'мъ на д~. Гла'съ 
и~.%>

%<Подо'бенъ: _W%> пресла'внагw чудесе`!

%<Б%>л~же'нне ст~и'телю а=ле_ксi'е, * ты` сло'ва гла'съ 
воспрiе'мъ, * w= тjьле'сныхъ небре'глъ _е=си`, * о_у=гw'дiя 
и= свw'йства w=ста'вивъ житiя`, * и= мы'сленное преше'дъ 
мо'ре, * и= бл~гоче'стiя о_у=че'нiемъ, * и= гремjь^нiи 
премi'рными, * хр\сту` послужи'лъ _е=си`, * бг~облаже'нне.

%<Два'жды.%>

%<_W%> чудотво'рче а=ле_ксi'е прему'дре, * ты` 
мона'шескимъ житiе'мъ бг~у о_у=годи'лъ _е=си`, * тя' бо бг~ъ 
пре'жде и=збра` w\т ю='ности, _о='ч~е, * па'стыря _о=вца'мъ 
слов_е'снымъ и= о_у=чи'теля вели'ка. * ты` свяще'нникwмъ 
наказа'тель jа=ви'лся _е=си`, * и= все'й странjь` 
рwссi'йстjьй sвjьзда` пресвjь'тлая, * (с. 255) w=сiява'ющи 
чудесы` всjь'хъ, * вjь'рою припа'дающихъ къ ра'цjь моще'й 
твои'хъ. * тjь'мже мо'лимся: * проси` ста'ду твоему` 
грjьхw'въ w=ставле'нiя, * _о='ч~е бг~облаже'нне.

%<П%>рп\дбне _о='ч~е ст~и'телю а=ле_ксi'е, * ты` 
со'ннымъ jа=вле'нiемъ разсла'бленнаго здра'ва сотвори'лъ 
_е=си`, * ру'цjь и= но'зjь о_у=крjьпи'въ, * w=би'дящему 
глаго'ля: * а='ще вско'рjь не w\тда'си сокро'вища 
и='скреннягw, * не и='маши со _о=дра` воста'ти. * _о='нъ же 
вско'рjь съ покая'нiемъ и= со слеза'ми * къ честнjь'й твое'й 
ра'цjь прише'дъ, * и=сцjьле'нiе получи`, * _о='ч~е 
бг~облаже'нне.

%<Сла'ва, гла'съ то'йже. Самогла'сенъ:%>

%<П%>рiиди'те, рwссi'йстiи собо'ри, въ честну'ю па'мять 
чудотво'рца а=ле_ксi'а, во хра'мъ бж\ственный, въ не'мже 
лежи'тъ честна'я _е=гw` ра'ка, jа='же и='мать въ себjь` 
и=сцjьле'нiй благода'ть, честно'е тjь'ло _е=гw`. къ нему'же 
возопiи'мъ: вели'кiй святи'телю а=ле_ксi'е чудотво'рче, ты` 
похвала` земли` рwссi'йстjьй, ты` и= защище'нiе, ты` 
сокро'вище неиждива'емое дарова'нiй духо'вныхъ, и= 
и=сто'чникъ и=сцjьле'нiй неизчерпа'емый. тjь'мъ воспjьва'юще 
глаго'лемъ: ра'дуйся, сто'лпе и= о_у=твержде'нiе цр~кве: 
ра'дуйся, съ первосвяти'тели предстоя'й пр\сто'лу хр\сто'ву: 
ра'дуйся, свjьти'льниче всесвjь'тлый, вjь^рныя w=сiява'яй 
чудесы`: но о_у=`бо, честны'й на'шъ святи'телю, моли'ся 
хр\сту` бг~у всjь'хъ, спасти'ся душа'мъ на'шымъ.

%<И= ны'нjь, бг~оро'диченъ.%>

%<На стiхо'внjь стiхи^ры, гла'съ в~. Подо'бенъ: Д%>о'ме 
_е=vфра'fовъ:

%<С%>т~и'телю бг~оно'се, * ты` jа=ви'лся _е=си`, * w\т 
млады'хъ ногте'й, * сосу'дъ w=свяще'нъ, а=ле_ксi'е, * и= 
жили'ще прест~а'гw дх~а.

%<Стi'хъ: С%>щ~е'нницы твои` w=блеку'тся въ пра'вду, и= 
преподо'бнiи твои` возра'дуются.

%<С%>вяти'телей похвало`, * свяще'нникwвъ сла'во, * 
мона'шествующихъ пра'вило, * блаже'нне а=ле_ксi'е, * 
ра'дуйся, цр~кве о_у=твержде'нiе. (с. 256)

%<Стi'хъ: Б%>лаже'нъ му'жъ, боя'йся гд\са, въ 
за'повjьдехъ _е=гw` восхо'щетъ sjьлw`.

%<О_у=%>слы'ши моле'нiе твои'хъ ча^дъ, * _о='ч~е 
ст~и'телю а=ле_ксi'е, * и= сле'зъ не пре'зри, * и= 
серд_е'чная прош_е'нiя * подава'й лю'бящымъ тя`.

%<Сла'ва, и= ны'нjь, бг~оро'диченъ:%>

%<W=%>бра'дованная, ра'дуйся, * jа='же ра'дость мi'ру 
ро'ждшая, * хр\ста` жизнода'вца, * и= прама'тернюю, дв~о, * 
печа'ль w\те'мшая.

%<Тропа'рь, гла'съ и~:%>

%<Jа='%>кw а=п\слwмъ сопр\сто'льна, и= врача` предо'бра, 
и= служи'теля благопрiя'тна, къ ра'цjь твое'й честнjь'й 
притека'юще, святи'телю а=ле_ксi'е, бг~ому'дре чудотво'рче, 
соше'дшеся любо'вiю въ па'мять твою` свjь'тлw пра'зднуемъ, 
въ пjь'снехъ и= пjь'нiихъ ра'дующеся, и= хр\ста` сла'вяще, 
такову'ю благода'ть тебjь` дарова'вшаго и=сцjьле'нiй, и= 
гра'ду твоему` вели'кое о_у=твержде'нiе.

%<И='нъ. гла'съ д~:%>

%<А=%>п\сльскихъ догма^тъ _о=па'сна храни'теля, цр~кве 
рwссi'йскiя па'стыря и= о_у=чи'теля, преблаже'ннагw 
а=ле_ксi'а ст~и'теля па'мять пра'зднующе, славосло'вимъ 
хр\ста` бг~а на'шего пjь'сньми достодо'лжными, дарова'вшаго 
на'мъ о_у=го'дника своего`, jа='кw _о=би'льный и=сто'чникъ 
точа'щъ врачева^нiя, гра'ду же москвjь` похвалу` и= 
о_у=твержде'нiе.

%<Сла'ва, и= ны'нjь, бг~оро'диченъ.%>



%<На вели'цjьй вече'рни: Б%>л~же'нъ му'жъ: %<а~-й 
а=нтiфw'нъ.%>

%<На Г%>д\си, воззва'хъ, %<стiхи^ры, на и~. Гла'съ в~. 
Подо'бенъ: Р%>а'дуйся:

%<Р%>а'дуйся, преч\стны'й а=рхiере'ю вели'кiй, 
а=ле_ксi'е пребл~же'нне, цр~ко'вный краси'телю, ст~и'телей 
честно'е о_у=добре'нiе, наро'ду правосла'вному моли'твою 
помога'я, земли` рwссi'йскiя вели'кое о_у=твержде'нiе, 
честны'й о_у=чи'телю на'шъ, безпомw'щнымъ по'моще, 
печа^льнымъ о_у=тjьше'нiе ра'достное, (с. 257) моле'бниче 
те'плый всjь^мъ скорбя'щымъ, тму` неразу'мiя w\тгоня'я, и= 
ко хр\сту` въ приста^нища ти^хая прите'клъ _е=си`, въ ли'цjь 
безпло'тныхъ предстоя`, и= кра'сныя добро'ты вл\дчни 
наслажда'ешися, и= сердца` благочести'выхъ на пjь'нiе 
воздви'глъ _е=си`. хр\сту` помоли'ся, дарова'ти душа'мъ 
на'шымъ ми'ръ, и= ве'лiю ми'лость.

%<Р%>а'дуйся, свjьти'ло всея` рwссi'йскiя митропо'лiи: 
ты' бо добродjь'телiю свjь'тлw процвjь'лъ _е=си`, jа='кw 
ма'слина плодови'та въ дому` бж~iи, и= разли^чныя плоды` 
и=знося`, бога'тнw раздава'еши ста'ду твоему` слове'сному, 
и= на па'житехъ дх~о'вныхъ ту'чами твои'хъ моли'твъ 
напоя'еши, и=сцjьл_е'нiя незави'стнw и=сточа'еши вjь'рою 
притека'ющымъ къ ра'цjь моще'й твои'хъ, ст~и'телю 
а=ле_ксi'е. свjьщу` свjьтлу` себе` о_у=гото'валъ _е=си`, и= 
во _о=би'телехъ нб\сныхъ всели'вся, и= трудw'въ твои'хъ 
воздая'нiя вjьнцы` прiя'лъ _е=си`: не да'лъ бо _е=си` сна` 
_о=чи'ма твои'ма, и= вjь'ждома дрема'нiя, до'ндеже сно'мъ 
_о='бщимъ о_у=сну'лъ _е=си`, прп\дбне ст~и'телю. хр\сту` 
помоли'ся, дарова'ти душа'мъ на'шымъ ми'ръ и= ве'лiю 
ми'лость.

%<Р%>а'дуйся и= весели'ся, а=ле_ксi'е пресщ~е'нный, 
бл~года'тный проповjь'дниче, тве'рдый о_у='ме, вiногра'да 
живо'тнагw ст~опрозя'бшiй гро'здъ, вiно` и=ска'пающiй, 
вjь'рныхъ сердца` веселя'щее о_у=ч_е'нiи медото'чными, 
ст~опома'занная главо`, честны'й на'шъ о_у=чи'телю: прiиди`, 
посjьти` на'съ w=sло'бленныхъ грjьхо'вными страстьми`, 
пога'ныхъ де'рзость низложи`, проти'вныхъ прожени`, 
о_у=сw'бныя бра^ни о_у=кроти`, и= болjь^зни и= неду'ги 
вся^кiя w=блегчи`, хр\сту` моля'ся, дарова'ти душа'мъ 
на'шымъ ми'ръ и= ве'лiю ми'лость.

%<Р%>а'дуйся, пресла'вный гра'де москва`, красу'йся и= 
весели'ся, сицева'го и=мjь'я бл~года'ти и=сто'чника 
неисчерпа'емаго, пребл~же'ннаго и= чудоноси'ваго а=ле_ксi'а 
ст~и'теля вели'каго, (с. 258) и='же му'дростiю ст~а'гw дх~а 
о_у=кра'шшася, и= w\т ю='ности добродjь'тельнагw ра'ди 
_е=гw` житiя`, сосу'дъ ст~о'му дх~у бы'въ пощ_е'нiи и= 
моли'твами, сщ~е'нства ма'стiю пома'зася, и=сцjьле'нiя да'ръ 
прiе'мша w\т всjь'хъ цр~я` хр\ста` бг~а, и= по ст~jь'мъ 
_е=гw` преставле'нiи, _о='трока, _е='ле жи'ва су'ща, 
ма'терiю принесе'на къ честнjь'й _е=гw` ра'цjь, здра'ва 
сотвори`. и= до ны'нjь и=сточа'етъ и=сцjьле'нiе неwску'днw 
съ вjь'рою приходя'щымъ, и= хр\сту` мо'лится, дарова'ти 
душа'мъ на'шымъ ми'ръ и= ве'лiю ми'лость.

%<И='ны стiхи^ры, гла'съ в~. Подо'бенъ: К%>i'ими 
похва'льными:

%<К%>i'ими пjь'сненными добро'тами воспое'мъ ст~и'теля, 
хр\стw'ва о_у=ста` ти^хая, и= _е=v\глiа _е=гw` 
проповjь'дника свjь'тла, церко'внаго храни'теля, и= 
засту'пника земли` рwссi'йстjьй, вjь'рному во'инству на'шему 
побо'рника; _е=гw'же мл~твами шата^нiя врагw'въ хр\сто'съ 
низложи`, и=мjь'яй ве'лiю ми'лость.

%<К%>i'ими бо'дренными о_у=стна'ми похва'лимъ ст~и'теля, 
хр\сто'вы це'ркве краси'теля, петру` верхо'вному ревни'теля, 
и= па'vлу наслjь'дника, нра^вы подо'бящася кр\сти'телю, 
петра` чудотво'рца, рwссi'йскагw сопресто'льника, и= лучы` 
чуде'съ и=спуща'юща _о=би'льнw, и=сцjьл_е'нiя подава'юща 
незави'стнw всjь^мъ приходя'щымъ съ вjь'рою, и= па'мять 
_е=гw` свjь'тлw пра'зднующымъ, вели'каго засту'пника земли` 
рwссi'йстjьй и= о_у=чи'теля, а=ле_ксi'а ди'внаго 
чудотво'рца, и= правосла^внымъ лю'демъ на'шымъ те'плаго 
посо'бника; _е=гw'же ра'ди враги` хр\сто'съ низложи`, 
и=мjь'яй ве'лiю ми'лость.

%<К%>i'ими о_у=краше'нными глагw'лы воспое'мъ 
святи'теля, ди'внаго въ чудесjь'хъ а=ле_ксi'а, безплw'тнымъ 
сожи'теля, w=свяще'ннаго w\т пеле'нъ, столпа` це'ркве 
неподви'жима, весе'лiе земли` рwссi'йстjьй, пра'вды 
пра'вило, w=би^димымъ засту'пника, немощны^мъ врача` 
безме'здна; _е=гw'же ра'ди дарова` хр\сто'съ цр~квамъ 
соедине'нiе, и=мjь'яй ве'лiю ми'лость. (с. 259)

%<Сла'ва, гла'съ s~:%>

%<С%>вяти'телей о_у=добре'нiе, и= _о=ц~_е'въ красоту`, 
и=сто'чника чуде'съ, земли` рwссi'йстjьй засту'пника 
вели'ка, соше'дшеся, _w празднолю'бцы, пjь'сненными 
похвала'ми воспое'мъ, глаго'люще: ра'дуйся, а=ле_ксi'е, 
тве'рдый о_у='ме, бл~года'тiю и='стинною w=кропле'нъ. 
w\тню'дуже и= прiя'телище бы'въ прест~а'гw дх~а, чуде'съ 
да'ръ воспрiя'лъ _е=си`: и= ны'нjь съ первост~и'т_ели 
предстоя` престо'лу хр\сто'ву, моли'ся w= рабjь'хъ твои'хъ.

%<И= ны'нjь, бг~оро'диченъ: К%>то` тебе` не 
о_у=бл~жи'тъ:

%<Та'же Вхо'дъ. Прокi'менъ дне`. Чт_е'нiя г~.%>

%<При'тчей чте'нiе.%>

[Гла\в _i~] %<П%>а'мять пра'веднагw съ похвала'ми, и= 
бл~гослове'нiе гд\сне на главjь` _е=гw`. [г~] Блаже'нъ 
человjь'къ и='же w=брjь'те прему'дрость: и= сме'ртенъ, и='же 
о_у=вjь'дjь ра'зумъ. Лу'чше бо сiю` купова'ти, не'жели 
зла'та и= сребра` сокрw'вища. Честнjь'йшая же _е='сть 
ка'менiй многоцjь'нныхъ: все' же честно'е недосто'йно _е=я` 
_е='сть. Долгота' бо дне'й, и= лjь^та живота` въ десни'цjь 
_е=я`: въ шу'йцjь же _е=я` бога'тство и= сла'ва: w\т 
о_у='стъ _е=я` и=схо'дитъ пра'вда, зако'нъ же и= ми'лость на 
я=зы'цjь но'ситъ. [и~] Послу'шайте о_у=`бо мен_е`, _w ча^да, 
честна^я бо реку`. И= блаже'нъ человjь'къ, и='же пути^ моя^ 
сохрани'тъ: и=схо'ди бо мои`, и=схо'ди живота`, и= 
о_у=готовля'ется хотjь'нiе w\т гд\са. Сегw` ра'ди молю` 
ва'съ, и= предлага'ю мо'й гла'съ сыновw'мъ человjь'ч_ескимъ: 
jа='кw а='зъ прему'дрость о_у=стро'ихъ, совjь'тъ и= ра'зумъ 
и= смы'слъ а='зъ призва'хъ. Мо'й совjь'тъ и= 
о_у=твержде'нiе, мо'й ра'зумъ, моя' же крjь'пость. А='зъ 
мене` лю'бящыя люблю`, и='щущiи же мен_е` w=бря'щутъ 
бл~года'ть. Разумjь'йте о_у=`бо, неsло'бивiи, кова'рство, 
ненака'заннiи же, прилага'йте сердца`. Послу'шайте мен_е` и= 
па'ки, честна^я бо реку`: и= w\тве'рзу w\т о_у=сте'нъ 
пра^вая, jа='кw и='стинjь поучи'тся горта'нь мо'й, (с. 260) 
ме'рзски же предо мно'ю о_у=стны` лжи^выя. Съ пра'вдою вси` 
глаго'ли о_у='стъ мои'хъ: ничто'же въ ни'хъ стро'потно, 
ниже` развраще'нно. Вся^ пра^ва су'ть разумjьва'ющымъ, и= 
прw'ста w=брjьта'ющымъ ра'зумъ. Науча'ю бо ва'съ и='стинjь, 
да бу'детъ w= гд\сjь наде'жда ва'ша, и= и=спо'лнитеся дх~а.

%<При'тчей чте'нiе.%>

[Глава` _i~] %<О_у=%>ста` прв\днагw ка'плютъ 
прему'дрость, я=зы'къ же непрв\днагw поги'бнетъ. О_у=стнjь` 
муже'й прв\дныхъ ка'плютъ бл~года^ти, о_у=ста' же 
нечести'выхъ развраща'ются. [Глава` а~_i] Мjь^рила 
льсти^вая, ме'рзость предъ гд\семъ, вjь'съ же пра'ведный 
прiя'тенъ _е=му`. И=дjь'же а='ще вни'детъ досажде'нiе, та'мw 
и= безче'стiе: О_у=ста' же смире'нныхъ поуча'ются 
прему'дрости. Соверше'нiе пра'выхъ наста'витъ и=`хъ, и= 
поползнове'нiе w\трица'ющихся о_у=пасе'тъ и=`хъ. не 
по'льзуютъ и=мjь^нiя въ де'нь jа='рости, пра'вда же 
и=зба'витъ w\т сме'рти. О_у='меръ прв\дный, w=ста'ви 
раска'янiе: нару'чна же быва'етъ и= посмjья'тельна 
нечести'выхъ па'губа. Пра'вда непоро'чнагw и=справля'етъ 
пути^, въ нече'стiе же па'даетъ непра'вда. Пра'вда муже'й 
пра'выхъ и=зба'витъ и=`хъ: безсовjь'тiемъ же плjьня'ются 
беззако'ннiи. Сконча'вшуся му'жу пра'ведну, не поги'бнетъ 
наде'жда: похвала' же нечести'выхъ поги'бнетъ. Пра'ведникъ 
w\т ло'ва о_у=бjь'гнетъ, въ негw'же мjь'сто предае'тся 
нечести'вый. Во о_у=стjь'хъ нечести'выхъ сjь'ть гра'жданwмъ, 
чу'вство же пра'ведныхъ бл~госпjь'шное. Во благи'хъ 
пра'ведныхъ и=спра'вится гра'дъ, и= въ поги'бели 
нечести'выхъ ра'дованiе. Во бл~гослове'нiи пра'выхъ 
возвы'сится гра'дъ, о_у=сты' же нечести'выхъ раскопа'ется. 
Руга'ется гра'жданwмъ лише'нный ра'зума, му'жъ же му'дрый 
безмо'лвiе во'дитъ.

%<Прему'дрости соломw'ни чте'нiе.%>

[Глава` д~] %<П%>ра'ведникъ, а='ще пости'гнетъ 
сконча'тися, въ поко'и бу'детъ. Ста'рость бо честна` не 
многолjь'тна, ниже` (с. 261) въ числjь` лjь'тъ и=счита'ется: 
сjьди'на же _е='сть му'дрость человjь'кwмъ, и= во'зрастъ 
ста'рости житiе` нескве'рное. Бл~гоуго'денъ бг~ови бы'въ, 
возлю'бленъ бы'сть, и= живы'й посредjь` грjь^шникъ, 
преста'вленъ бы'сть: восхище'нъ бы'сть, да не sло'ба 
и=змjьни'тъ ра'зума _е=гw`, и=ли` ле'сть прельсти'тъ ду'шу 
_е=гw`. Раче'нiемъ бо sло'бы помрача'етъ дw'брая, и= 
паре'нiе по'хоти премjьня'етъ о_у='мъ неsло'бивъ. Сконча'вся 
вма'лjь, и=спо'лни лjь^та дw'лга: о_у=го'дна бо бjь` гд\севи 
душа` _е=гw`: сегw` ра'ди потща'ся w\т среды` лука'вствiя. 
Лю'дiе же ви'дjьвше, и= не разумjь'вше, ниже` поло'жше въ 
помышле'нiи таково'е: jа='кw бл~года'ть и= ми'лость въ 
преподо'бныхъ _е=гw`, и= посjьще'нiе во и=збра'нныхъ _е=гw`.

%<На лiтi'и стiхи'ра хра'ма: и= ст~а'гw самогла'сны. 
Гла'съ и~:%>

%<П%>рп\дбне _о='ч~е ст~и'телю а=ле_ксi'е, а='ще ка'я 
страна` и=ли` кi'й гра'дъ молчи'тъ: но вси` и='же тобо'ю 
просвjьще'ннiи, чуде'съ твои'хъ мно'жество слы'шаще и= 
ви'дяще, и= мы` съ ни'ми похва'льными пjь'сньми вопiе'мъ, и= 
глаго'лемъ: бл~года'тiю прест~а'гw дх~а, хр\стw'вымъ 
а=п\слwмъ подо'бникъ бы'лъ _е=си`, и= вселе'нную всю` 
просвjьща'еши: тjь'мже и= до царя` доидо'ша словеса` чуде'съ 
твои'хъ, jа='кw луча`, и= да^льнимъ jа='кw бли'зъ сiя'юща, 
и= на'съ w\т бjь'дъ и= находя'щихъ лю^тъ свободи` твои'ми 
моли'твами.

%<К%>то` дово'ленъ _е='сть до'блестей твои'хъ и=счести`, 
прп\дбне _о='ч~е, труды`; кто' бо слы'шя безмjь'рное твое` 
смире'нiе, и= терпjь'нiе и= чадолю'бiе, не о_у=диви'тся; 
ка'кw о_у='бw не о_у=сумнjь'вся ни ма'лw, _е=гда` слы'ша 
проше'нiе царя` беззако'нна, да ми` по'слеши, рече`, 
_о='наго, больны^мъ здра'вiе подава'ющаго, и= слjьпы^мъ 
прозрjь'нiе, и= хромы^мъ тече'нiе, и= бjьсовw'мъ 
прогони'теля; да ми` сего` по'слеши, да о_у=мо'литъ своего` 
бг~а, и= и=сцjьли'тъ мою` цари'цу, w\тжене'тъ бjь'са, и= 
_о='чи просвjьти'тъ. _wле проше'нiя, превосходя'ща (с. 262) 
человjь'ч_ескiя ра'зумы! _w ди'вство, бра'тiе! кто` не 
о_у=диви'тся; и=ли` кто` не похва'литъ крjь'пкаго сего` 
хра'бреника, не то'кмw бо не о_у=сумнjь'ся, но и= су'щихъ съ 
ни'мъ подкрjьпля'я, глаго'лаше: пожди'те, не скорби'те, но 
о_у=пова'нiе возложи'те на бг~а, и= на преч\стую _е=гw` 
мт~рь, и= о_у='зрите сла'ву бж~iю.

%<Б%>л~га'гw о_у=чи'теля хр\ста` благi'й о_у=чени'къ, 
ст~и'телю хр\сто'въ а=ле_ксi'е, до'брому па'стырю хр\сту` 
поревнова'лъ _е=си`, ду'шу твою` полага'я за _о='вцы, и= 
царе'во свирjь'пство, jа='кw льво'во зiя'нiе во _о='вчую 
кро'тость премjьни'лъ _е=си`, и= цари'цу и=сцjьли'лъ _е=си`, 
и= ста'ду твоему` ско'рбь на ра'дость преложи'лъ _е=си`, и= 
цр~кви ми'ръ о_у=стро'илъ _е=си`, вели'каго же кня'зя 
возвесели'лъ _е=си`. тjь'мъ мо'лимся тебjь`: моли` w= на'съ 
чл~вjьколю'бца вл\дку хр\ста`, да спасе'тъ ду'шы на'шя.

%<Сла'ва, гла'съ s~:%>

%<_Е=%>гда` прише'лъ _е=си` w\т царя`, ми'ръ церко'вный, 
_о='ч~е, нося`, тогда` святи'телiе и= церко'внiи собо'ри и= 
наро'ди ра'достнw срjьта'ху тя`, свободи'теля бл~года'рнw 
нарица'ху. _о='вiи же jа='кw побjьди'телю да'ры нося'ще, 
ра'достiю покланя'хуся. кня'зь же вели'кiй дими'трiй со 
слеза'ми вопiя'ше ти`: _w вл\дко! что' ти возда'мы проти'ву 
труду` твоему`, и='мже на'мъ ми'ръ дарова'лъ _е=си`; но 
о_у=`бо, святи'телю а=ле_ксi'е, моли'ся прилjь'жнw хр\сту` 
бг~у на'шему, jа='кw спасти'ся гра'ду твоему` невоева'ну.

%<И= ны'нjь, бг~оро'диченъ:%>

%<П%>о'сланъ бы'сть съ нб~се` гаврiи'лъ а=рха'гг~лъ, 
бл~говjьсти'ти дв~jь зача'тiе: и= прише'дъ въ назаре'тъ, 
помышля'ше въ себjь`, чудеси` о_у=дивля'яся: _w ка'кw, въ 
вы'шнихъ непостижи'мь сы'й, w\т дв~ы ражда'ется; и=мjь'яй 
пр\сто'лъ нб~о, и= подно'жiе зе'млю, во о_у=тро'бу 
вмjьща'ется дв~и'чу; на него'же шестокрила'тiи и= 
много_очи'тiи зрjь'ти не мо'гутъ, сло'вомъ _е=ди'нjьмъ w\т 
сея` воплоти'тися бл~гоизво'ли. бж~iе (с. 263) _е='сть 
сло'во настоя'щее, что` о_у=`бо стою`, и= не гл~го'лю дв~jь: 
ра'дуйся, бл~года'тная, гд\сь съ тобо'ю, ра'дуйся, ч\стая 
дв~о, ра'дуйся, невjь'сто неневjь'стная: ра'дуйся, мт~и 
живота`, бл~гослове'нъ пло'дъ чре'ва твоегw`.

%<На стiхо'внjь стiхи^ры гла'съ в~. Подо'бенъ: Д%>о'ме 
_Е=vфра'fовъ:

%<Д%>о'мъ ст~а'гw дх~а, * и= вселе'нiе бл~года'ти, * 
а=ле_ксi'е, jа=ви'ся. * и= ны'нjь въ па'мять _е=гw` 
соше'дшеся, * того` воспое'мъ.

%<Стi'хъ: В%>осхва'лятся преподо'бнiи во сла'вjь, и= 
возра'дуются на ло'жахъ свои'хъ.

%<Т%>ы` _е=си` ст~и'тел_емъ похвала`, * сщ~е'нникwмъ 
о_у=добре'нiе, * мона'хwмъ пра'вило. * и= мы` ти` вопiе'мъ, 
ст~и'телю а=ле_ксi'е: * ра'дуйся, цр~кве о_у=твержде'нiе.

%<Стi'хъ: С%>вяще'нницы твои` w=блеку'тся въ пра'вду, и= 
прп\дбнiи твои` возра'дуются.

%<П%>рiими` ны'нjь пjь'нiе * ча^дъ твои'хъ, _о='ч~е, * 
вjь'рою пра'зднующихъ, * и= лю'бящымъ тя` подава'й * jа=`же 
на по'льзу прош_е'нiя.

%<С%>ла'ва, гла'съ s~. Самогла'сенъ:

%<Б%>лагi'й ра'бе, вjь'рный дjь'лателю вiногра'да 
хр\сто'ва, ты` и= тяготу` дневну'ю поне'слъ _е=си`, ты` и= 
да'нный ти` тала'нтъ возрасти'лъ _е=си`, и= по тебjь` 
прише'дшымъ не зави'дjьлъ _е=си`. тjь'мже врата` нб\сная 
w\тверзо'шася тебjь`: вни'ди въ ра'дость гд\са твоегw`, и= 
моли` w= на'съ, свя'те а=ле_ксi'е.

%<И= ны'нjь, бг~оро'диченъ: Т%>воре'цъ и= и=зба'витель:

%<На бл~гослове'нiи хлjь'бwвъ тропа'рь, гла'съ и~:%>

%<Jа='%>кw а=п\слwмъ сопр\сто'льна: %<Два'жды.%>

%<Пи'санъ на ма'лjьй вече'рни. И= Б%>ц\де дв~о: 
%<_е=ди'ножды.%>



%<На о_у='трени, на Б%>г~ъ гд\сь: %<тропа'рь ст~а'гw, 
два'жды.%>

%<Сла'ва, и= ны'нjь, бг~оро'диченъ:%>

%<По а~-й стiхоло'гiи сjьда'ленъ, гла'съ и~:%>

%<Н%>аста` свjьтоно'сный де'нь чудотво'рца а=рхiеп\скпа 
а=ле_ксi'а (с. 264) па'мять. прiиди'те, соше'дшеся 
пра'зднуемъ свjь'тлw, и= соста'вимъ ли'ки, похвала'ми 
почте'мъ _е=го`, и= рце'мъ _е=му`: ра'дуйся, честны'й 
свjьти'льниче рwссi'йскiя земли`: и=сточа'еши бо чудеса`, и= 
и=злива'еши и=сцjьл_е'нiя, и= мо'лишися w= душа'хъ на'шихъ.

%<Два'жды.%>

%<Сла'ва, и= ны'нjь, бг~оро'диченъ:%>

%<Д%>а тво'й па'ки сози'ждеши _о='бразъ, и=стлjь'вшiй 
страстьми`, сп~се, нб\сныхъ о_у=таи'вся суще'ствъ, 
воплоти'лся _е=си` w\т дв~ы. _е='йже согла'снw возопiе'мъ: 
ра'дуйся, бл~года'тная, гд\сь съ тобо'ю.

%<По в~-й стiхоло'гiи сjьда'ленъ, гла'съ д~:%>

%<П%>рiиди'те, торжеству'емъ свjь'тлw, пра'зднующiи 
па'мять i=ера'рха а=ле_ксi'а чудотво'рца: преста'вися бо w\т 
земли` къ невеще'ств_еннымъ _о=би'телемъ, и=дjь'же зри'тъ 
добро'ту неизрече'нную, а='гг~льскимъ во'инствwмъ 
собесjь'дникъ jа='влься. тjь'мже со а=п\слы и= му'ч_еники 
лику'я, _о='ч~е на'шъ а=ле_ксi'е преподо'бне, прилjь'жнw 
моли'ся вл\дцjь хр\сту` w= чту'щихъ вjь'рою па'мять твою`.

%<Два'жды.%>

%<Сла'ва, и= ны'нjь, бг~оро'диченъ:%>

%<С%>тjьна` неwбори'мая на'мъ хр\стiа'нwмъ _е=си`, бц\де 
дв~о: къ тебjь' бо прибjьга'юще, невреди'ми пребыва'емъ, и= 
па'ки согрjьша'юще, и='мамы тя` моли'твенницу, тjь'мъ 
благодаря'ще вопiе'мъ ти`: ра'дуйся, бл~года'тная, гд\сь съ 
тобо'ю.

%<По полv"еле'и сjьда'ленъ, гла'съ и~. Подо'бенъ: 
П%>рему'дрости:

%<П%>роповjь'дуетъ, _о='ч~е, твоя^ чудеса` ны'нjь 
рwссi'йская митропо'лiа, и= вся^ _о=те'ч_ествiя и= страны^ 
чудодjь^йствiя, и='миже вся^ w\т болjь'зней ско'рбныхъ 
и=збавля'еши, бг~облаже'нне а=ле_ксi'е: пита'телю вдw'въ, и= 
сиро'тъ _о=те'цъ, помо'щникъ су'щымъ въ ско'рби 
всеизря'денъ, пла'чущымъ о_у=тjьше'нiе, па'стырь и= 
наста'вникъ всjь^мъ заблужда'ющымъ, а=ле_ксi'е преподо'бне. 
и= на'съ твои'ми моли'твами w\т бjь'дъ и=зба'ви, (с. 265) и= 
моли'ся хр\сту` бг~у, да грjьхw'въ w=ставле'нiе пода'стъ 
вjь'рою и= любо'вiю чту'щымъ ст~у'ю па'мять твою`.

%<Два'жды.%>

%<Сла'ва, и= ны'нjь, бг~оро'диченъ:%>

%<Р%>а'дуйся, а='гг~ломъ ра'дость мi'ра прiе'мшая: 
ра'дуйся, ро'ждшая творца` твоего` и= гд\са. ра'дуйся, 
сподо'бльшаяся бы'ти мт~и бж~iя.

%<Та'же, степ_е'нна, а~-й а=нтiфw'нъ д~-гw гла'са. 
Прокi'менъ, гла'съ то'йже: Ч%>естна` предъ гд\семъ сме'рть 
преподо'бныхъ _е=гw`. %<Стi'хъ: Ч%>то` возда'мъ гд\севи w= 
всjь'хъ, jа=`же воздаде' ми; %<В%>ся'кое дыха'нiе: 
%<_Е=v\глiе i=wа'нна, зача'ло л~s. Та'же _псало'мъ н~.%>

%<По н~-мъ _псалмjь` стiхи'ра, гла'съ s~:%>

%<Н%>еиздае'ма _е='сть бл~года'ть ст~и'теля а=ле_ксi'а, 
ю='же прiя'тъ w\т всjь'хъ хр\ста` бг~а. тjь'мъ и= честны^я 
_е=гw` мо'щи бж~iею си'лою вы'ну содjьва'ютъ чудеса`, и= 
всjь'хъ вjь'рою призыва'ющихъ и='мя _е=гw` w\т 
неисцjь'льныхъ неду^гъ и=змjьня'ютъ. _е=гw'же моли'твами, 
гд\си, хр\столюби^вымъ лю'демъ посо'бствуй на враги`, и= 
належа'щихъ скорбе'й душе'вныхъ и= тjьле'сныхъ свободи`, 
jа='кw чл~вjьколю'бецъ.

%<Канw'нъ бц\ды со i=рмосо'мъ на s~: и= ст~а'гw на и~.%>

%<Гла'съ и~. Пjь'снь а~. I=рмо'съ:%>

%<К%>олесницегони'теля фараw'ня погрузи`, чудотворя'й 
и=ногда`, мwv"се'йскiй же'злъ, кр\сто_обра'знw порази'въ и= 
раздjьли'въ мо'ре, i=и~ля же бjьглеца`, пjьшехо'дца спасе`, 
пjь'снь бг~ови воспjьва'юща.

%<К%>олесни'цею бл~года'ти твоея`, гд\си, возвы'си на'шя 
по'мыслы w\т до'льнихъ на гw'рняя, и= сподо'би восхвали'ти 
о_у=го'дника твоего` ст~и'теля а=ле_ксi'а, пjь'снь тебjь` 
бг~у воспjьва'юща.

%<К%>олесни'цею хода'тайствъ твои'хъ, о_у='мъ на'шъ 
w=тягче'нный жите'йскими печа'льми возвы'си w\т земны'хъ къ 
нб\снымъ, и= наста'ви восхвали'ти тя` досто'йнw, _о='ч~е 
а=ле_ксi'е, пjь'снь побjь'дную бг~у воспjьва'юща. (с. 266)

%<К%>олесни'цу го'рдости мi'ра сегw` превозше'лъ _е=си` 
смире'нiемъ, и= взе'мъ кр\стъ тво'й. послjь'довалъ _е=си` 
хр\сту` добро'тами, и= во приста'нище го'рнягw селе'нiя 
дости'гъ, пjь'снь бг~у побjь'дную воспjьва'еши.

%<К%>олесни'цею добродjь'телей, jа='кw и=лiа` 
_о='гненною возше'лъ _е=си` на нб~о: w\т_ону'дуже моли` 
бг~а, низпосла'ти, jа='кw ми'лwть, бл~года'ть дх~а, 
о_у=ча'щую ны` пjь'снь побjь'дную бг~у воспjьва'ти.

%<Бг~оро'диченъ:%>

%<К%>олесни'це _о=гне_обра'зная, носи'вшая бг~а сло'ва 
во чре'вjь твое'мъ воплоще'ннаго, моли` _е=го` прилjь'жнw, 
спасти'ся рабw'мъ твои^мъ, къ тебjь` притека'ющымъ, и= 
побjь'дную пjь'снь бг~у воспjьва'ющымъ.

%<И='нъ канw'нъ, творе'нiе i=еромона'ха _е=пiфа'нiа 
славiнi'цкагw, fеоло'га, жи'вша во _о=би'тели _е=гw`.%>

%<Гла'съ д~. Пjь'снь а~. I=рмо'съ:%>

%<П%>ои'мъ лю'дiе ди'внw чудодjь'йствовавшему въ 
чермнjь'мъ мо'ри, хр\сту` бг~у: jа='кw дре'вле i=и~ля 
всевоwруже'на стопа'ми, пjьшеше'ствовати непрохо'дную 
сотвори`, и= sло'бы дjьлода'теля фараw'на во глубинjь` 
потопи`.

%<Б%>г~осiя'тельными трiv"поста'снагw свjь'та заря'ми 
бг~ови'днw w=заре'нный, златоза'рный свjьти'льниче 
церко'вный, бг~ому'дре а=ле_ксi'е, мо'лимъ тя`: 
свjьтоно'сными твои'хъ моли'твъ луча'ми, въ достолjь'пую 
твою` похвалу`, просвjьти` о_у='мъ тя` хва'лящихъ.

%<Х%>р\стоподража'тельный а='гг~ле земны'й, 
бг~омы'сленный нб\снымъ а='гг~лwмъ собесjь'дниче, 
бг~овjьнча'нный а='дскихъ а='гг_елъ побjьди'телю, 
о_у=досто'ивыйся зрjь'ти вели'каго совjь'та а='гг~ла бг~а 
воплоще'нна, треблаже'нне а=ле_ксi'е, мо'лимъ тя`: твои'ми 
бг~овнуша'емыми мольба'ми и=зба'ви ны` w\т душевре'дныхъ 
прилw'гъ а='дскихъ.

%<Г%>орьково'дною душетлjь'нныхъ прегрjьше'нiй бу'рею 
(с. 267) потопля'еми, къ тебjь`, jа='кw досточу'дну 
вла'ющагwся мо'ря о_у=тиши'телю прибjьга'юще вопiе'мъ: 
свя'те а=ле_ксi'е, твои'ми бг~оуго'дными моли'твами 
о_у=ти'ши волну'ющееся страсте'й на'шихъ мо'ре.

%<Бг~оро'диченъ:%>

%<С%>вjьтоно'сный _о='блаче, w=дожди'вый на'мъ до'ждь 
нб\сный, воплоще'нное сло'во бж~iе, бг~ороди'тельнице дв~о, 
небото'чною твоегw` бл~гоутро'бiя водо'ю погаси` 
_о=гнепа'льный вредоно'сныхъ страсте'й на'шихъ пла'мень.

%<Пjь'снь г~. I=рмо'съ:%>

%<Н%>б\снагw кру'га верхотво'рче гд\си, и= цр~кве 
зижди'телю, ты` мене` о_у=тверди` въ любви` твое'й, жела'нiй 
кра'ю, вjь'рныхъ о_у=твержде'нiе, _е=ди'не чл~вjьколю'бче.

%<Н%>б\снагw кру'га и= всея` тва'ри гд\сь предвjь'дый 
тя`, _о='ч~е а=ле_ксi'е, бу'дуща па'стыря добра`, ввjь'ри 
тебjь` па'ству слове'сную, jа='кw _е=ди'нъ чл~вjьколю'бецъ.

%<Н%>б\снагw кру'га возлюби'въ творца`, посто'мъ 
w=блегче'нъ, страсте'й мо'ре преше'лъ _е=си`, и= на 
безстра'стiя ве'рхъ добродjь'тельми возше'дъ, бг~а 
о_у=зрjь'лъ _е=си`, _е=ди'наго чл~вjьколю'бца.

%<Н%>б\снагw кру'га на высоту` возше'дъ бг~оразу'мiемъ, 
о_у=ви'дjьлъ _е=си` о_у='мнw та'мw неизреч_е'нная, и= 
прiя'лъ _е=си` да'ръ чудотворе'нiя w\т бг~а чл~вjьколю'бца.

%<Бг~оро'диченъ:%>

%<Н%>б\снагw кру'га верхотво'рца, хотя'ща роди'тися и=зъ 
теб_е`, преч\стая, возвjьсти` тебjь` гаврiи'лъ: ра'дуйся, 
дв~о, гд\сь съ тобо'ю, _е=ди'нъ чл~вjьколю'бецъ.

%<И='нъ. I=рмо'съ:%>

%<Д%>а не хва'лится му'дръ хваля'йся, но w= се'мъ, 
_е='же разумjьва'ти, jа='кw нjь'сть свя'тъ, jа='кw бг~ъ 
на'шъ, вознося'й ро'гъ на'шъ, дая'й крjь'пость цар_е'мъ 
на'шымъ.

%<Т%>я` бг~ому'дра ко'рмчiя, нб\снымъ сло'ва бж~iягw 
корми'ломъ бг~охрани'мый кора'бль рwссi'йскiя цр~кве, къ 
благоти'шному вjь'чныя жи'зни приста'нищу пра'вjь (с. 268) 
корми'льствовавша, блажа'ще мо'лимъ: всече'стне а=ле_ксi'е, 
къ благове'дрой покая'нiя тишинjь` корми'льствуй ду'шы 
на'шя.

%<Д%>ушеспаси'тельну всемо'щнагw мо'ря творца` 
за'повjьдь благопоспjь'шнw сохра'нша, и= бу'рная вла'ющагwся 
мо'ря треволн_е'нiя моли'твою о_у=тиши'вша, твои'мъ 
чудодjьйстви'тельнымъ предста'тельствомъ о_у=тиши` 
волну'ющуюся скорбе'й на'шихъ бу'рю.

%<З%>латото'чная рjько` бж~iя, нб\сными _е=v\гльскагw 
о_у=че'нiя вода'ми бг~осажде'нный цр~кве рwссi'йскiя ра'й 
наводни'вшая _о=би'льнw, досточу'дне а=ле_ксi'е, небото'чною 
духо'вныя ра'дости струе'ю напая'й скорбя'щыя ду'шы на'шя.

%<Бг~оро'диченъ:%>

%<В%>ъ бг~озда'нномъ бг~осло'вяще цр~кве а=п\сльскiя 
не'бjь, къ тебjь` свjьтоно'сному незаходи'магw сл~нца нб~у 
прибjьга'емъ, вопiю'ще: всепjь'тая дв~о, твое'ю нб\сною 
по'мощiю помози` на'мъ, тя` блажа'щымъ, въ нб\сная 
всели'тися жили^ща.

%<Сjьда'ленъ, гла'съ д~:%>

%<Б%>лагово'нною сло'ва бж~iягw па'житiю, слове'сную 
па'ству хр\сто'ву бг~оуго'днw воспита'нную, па'стырскимъ 
бг~одухо'внымъ и=справле'нiя жезло'мъ, на пра'вую спасе'нiя 
стезю` путево'дствивъ jа='кw до'брый па'стырь, 
о_у=досто'ился _е=си` нетлjь'нну вjь'чныя жи'зни мзду` 
воспрiя'ти въ го'рнjьмъ сiw'нjь w\т пастыренача'льника 
хр\ста` бг~а. _е=го'же моли`, досточу'дне а=ле_ксi'е, на'мъ 
твои^мъ _о=вца'мъ слов_е'снымъ сохрани'тися w\т неви'димыхъ 
волкw'въ хи'щныхъ.

%<Сла'ва, гла'съ и~. Подо'бенъ: П%>рему'дрости:

%<Д%>х~омъ бж\ственнымъ пома'зася ве'рхъ тво'й 
свяще'нный, а=рхiере'е а=ле_ксi'е, и= сни'де на тя` 
бл~года'ть бога'тнw, и= пребы'сть jа='кw мv'ро на главjь`, 
сходя'щее на браду`, браду` а=арw'ню, и=сходя'щая jа='кw 
роса` а=ермw'нская, и= w=роша'ющая ка'плями благодjья'нiй 
твои'хъ притека'ющыя къ ра'цjь (с. 269) моще'й твои'хъ, и= 
зову'щыя тебjь` о_у=се'рднw: _о='ч~е преподо'бне, моли` 
хр\ста` бг~а, грjьхw'въ w=ставле'нiе дарова'ти, чту'щымъ 
досто'йнw святу'ю па'мять твою`.

%<И= ны'нjь, бг~оро'диченъ:%>

%<П%>овелjь'нное та'йнw прiе'мъ въ ра'зумjь, въ кро'вjь 
i=w'сифовjь, тща'нiемъ предста` безпло'тный, глаго'ля 
неискусобра'чнjьй: приклони'вый схожде'нiемъ нб~са` 
вмjьща'ется неизмjь'ннw ве'сь въ тя`. _е=го'же и= ви'дя въ 
ложесна'хъ твои'хъ, прiе'мша ра'бiй зра'къ, о_у=жаса'юся 
зва'ти тебjь`: ра'дуйся, невjь'сто неневjь'стная.

%<Пjь'снь д~. I=рмо'съ:%>

%<Т%>ы` моя` крjь'пость, гд\си, ты` моя` и= си'ла, ты` 
мо'й бг~ъ, ты` мое` ра'дованiе, не w=ста'вль нjь'дра 
_о='ч~а, и= на'шу нищету` посjьти'въ, тjь'мъ съ пр\оро'комъ 
а=вваку'момъ зову' ти: си'лjь твое'й сла'ва, чл~вjьколю'бче.

%<Т%>ы` моя` крjь'пость, гд\си, ты` моя` и= си'ла, 
вопiя`, _о='ч~е а=ле_ксi'е, прiя'лъ _е=си` да'ръ, 
тjьл_е'сныя неду'ги цjьли'ти, и= лука^выя ду'хи w\тгоня'ти 
w\т зову'щихъ хр\сту`: си'лjь твое'й сла'ва, чл~вjьколю'бче.

%<Т%>ы` _е=си` свjьти'ло рwссi'йскiя земли`, и= гра'ду 
москвjь` стjьна` неруши'ма, на враги' же побjьди'тель, и= 
хр\стоимени^тымъ лю'демъ во бранjь'хъ посо'бникъ, зову'щымъ 
хр\сту`: си'лjь твое'й сла'ва, чл~вjьколю'бче.

%<Т%>ы` бг~осло'вилъ _е=си` _е=ди'ницу несозда'нную, въ 
трiе'хъ ли'цjьхъ су'щую, неслива'ему же и= нераздjь'льну, 
воумля'я па'ству твою`, _о='ч~е а=ле_ксi'е, непреста'ннw 
зва'ти: си'лjь твое'й сла'ва, чл~вjьколю'бче.

%<Бг~оро'диченъ:%>

%<Т%>ы` моя` крjь'пость _е=си` вои'стинну и= спасе'нiе, 
бц\де, и= на тя` наде'жду мою` возложи'хъ, спаси' мя, дв~о 
ч\стая, и= о_у=крjьпи` ро'ждшемуся и=зъ теб_е` зва'ти: 
си'лjь твое'й сла'ва, чл~вjьколю'бче.

%<И='нъ. I=рмо'съ:%>

%<Г%>ла'сомъ благоглаго'ливымъ предразумjь'въ, 
а=вваку'мъ зря'ше (с. 270) сло'ва воплоще'нiе, и= взыва'ше 
jа='вjь: слу'хъ о_у=слы'шахъ бж~iя совjь'та, бг~ъ бо 
непрело'жнw человjь'кwмъ возбесjь'дуетъ, и=зъ горы` гряды'й 
дjь'вственнагw чре'ва, и= мi'ръ и=збавля'я началоро'дныя 
кля'твы.

%<Б%>г~осодjь'янною смиреному'драгw и=справле'нiя 
мре'жею неисче'тное ры'бъ слове'сныхъ мно'жество 
бг~опоспjь'шнw о_у=ловле'й, бг~ому'дрый ло'вче, досточу'дный 
а=ле_ксi'е, бг~окова'нною предста'тельства твоегw` 
о_у='дицею и=звлецы' ны и=зъ глубо'кiя sw'лъ мно'гихъ 
пучи'ны.

%<Н%>б\снымъ сло'ва бж~iя врачевство'мъ, душетлjь^нныя 
о_у=врачевствова'вый людски'хъ грjьхопаде'нiй jа='зи, и= 
бг~оустро'еннымъ кро'ткагw наказа'нiя пла'стыремъ, 
о_у=мовр_е'дныя и=сцjьли'вый ра^ны, безме'здный цjьли'телю, 
досточу'дный а=ле_ксi'е, мо'лимъ тя`: и=сцjьли` 
душевр_е'дныя грjьхw'въ на'шихъ стру'пы.

%<Б%>лагоплодови'тое бг~онасажде'ннагw са'да дре'во, 
благовw'нныя прозя'бшее достохва'льныхъ и=справле'нiй 
плоды`, и= плодонw'сныя просте'ршее къ нб~у бг~овнуши'мыхъ 
моле'нiй вjь^тви, всечу'дне а=ле_ксi'е, мо'лимъ тя`: 
бг~ора'сленымъ твоегw` покро'ва ли'ствiемъ w=сjьни' ны w\т 
вредоно'снагw лю'тыхъ бjь'дъ же'га.

%<Бг~оро'диченъ:%>

%<К%>ъ тебjь` златоза'рная свjь'та невече'рнягw заре`, 
бг~ороди'тельнице дв~о, прибjьга'емъ вопiю'ще: 
свjьтоза'рнымъ твоегw` защище'нiя сiя'нiемъ, разрjьши` 
темнозра'ченъ _о='блакъ печа'лей на'шихъ.

%<Пjь'снь _е~. I=рмо'съ:%>

%<В%>ску'ю мя` w\три'нулъ _е=си` w\т лица` твоегw`, 
свjь'те незаходи'мый, и= покры'ла мя` _е='сть чужда'я тма` 
_о=кая'ннаго, но w=брати' мя, и= къ свjь'ту за'повjьдей 
твои'хъ пути^ моя^ напра'ви, молю'ся.

%<В%>ску'ю проти'внiи w=полча'ются на ны`, и=му'щыя тя` 
крjь'пка побо'рника; ты`, _о='ч~е а=ле_ксi'е, де'рзость 
и='хъ низложи`, и= во'инство на'ше моли'твою твое'ю стра'шно 
и=`мъ покажи`. (с. 271)

%<В%>ску'ю о_у=ныва'емъ согнjьта'емiи мно'жествомъ 
печа'лей, и=му'ще ско'рбныхъ о_у=тjь'шителя ст~и'теля 
а=ле_ксi'а, и=збавля'юща ны` w\т бjь'дъ и= скорбе'й на'шихъ, 
и= w\т вра^гъ ви'димыхъ же и= неви'димыхъ;

%<В%>ску'ю, _о='ч~е а=ле_ксi'е, тjьл_е'сныя не'мwщи 
нахо'дятъ на ны`, и= бjьды^ w=кружа'ютъ ны`, врача' тя 
и=му'щыя въ болjь'знехъ, и= о_у=тjь'шителя въ ско'рбехъ; 
и=зми` о_у='бw ны` w\т си'хъ моли'твами твои'ми.

%<Бг~оро'диченъ:%>

%<В%>ску'ю w=бурева'ютъ мя` во'лны страсте'й, ко'рмчiя 
хр\ста` ро'ждшая, дв~о всенепоро'чная; ты` _е=го` моли` 
си'хъ и=схи'тити мя`, и= къ стези` за'повjьдей _е=гw` пути^ 
моя^ о_у=пра'вити, молю'ся.

%<И='нъ. I=рмо'съ:%>

%<Н%>ощебори'мыхъ страсте'й тимjь'нiемъ, къ тебjь` 
о_у='тренюю _е=ди'ному бл~гоутро'бному, души` моея` мглу` 
просвjьти`, и= о_у='зы пресjьки` долгw'въ мои'хъ, jа='кw да 
твои'мъ соприсносу'щнымъ дх~омъ просвjьща'емь, пра'вды пу'ть 
нетлjь'нный w=бря'щу повелjь'нiй твои'хъ.

%<С%>лове'сную па'ству хр\сто'ву бл~гово'ннымъ 
_е=v\гльскагw о_у=че'нiя sла'комъ бг~оуго'днw воспита'вый, 
и= на пра'вый хр\стоподража'тельнагw житiя` пу'ть 
бг~олjь'пнw наставле'й, па'стырю до'брый, всебл~же'нне 
а=ле_ксi'е, мо'лимъ тя`, твои'ми моли'твами наста'ви ны` на 
пра'вую за'повjьдей бж~iихъ стезю`.

%<Б%>г~озда'нный дх~а ст~а'гw сосу'де, чи'стымъ любве` 
бж~iя зла'томъ бг~олjь'пнw позлаще'нный, бг~ому'дре _о='ч~е 
а=ле_ксi'е, раждеже'нымъ сло'ва бж~iя сребро'мъ ча^да твоя^ 
w=богаще'й _о=би'льнw, мо'лимъ тя`, твои'ми моли'твами 
пода'ждь на'мъ нб\сное бж~iя бл~года'ти бога'тство.

%<Б%>г~онача'льному премi'рныхъ о_у=мw'въ ли'ку 
со_обще'нный, и= бг~осiя'тельными трiv"поста'снагw свjь'та 
заря'ми бг~ови'днw w=заре'нный, о_у='ме бг~ому'дрый, 
священнонача'льниче а=ле_ксi'е, нб\сною бг~оw\ткрове'нныя 
ти` му'дрости луче'ю, просвjьща'й свы'ше мра^чныя о_у=мы` 
на'шя. (с. 272)

%<Бг~оро'диченъ:%>

%<Б%>г~ора'сленный гро'здъ, воплоще'нное сло'во бж~iе 
прозя'бшая, бг~осажде'нная лозо`, всенепоро'чная дв~о, 
мо'лимъ тя`, бл~гово'ннымъ бж~iя бл~года'ти вiно'мъ напая'й 
жа'ждущыя ду'шы на'шя.

%<Пjь'снь s~. I=рмо'съ:%>

%<W=%>чи'сти мя`, сп~се, мнw'га бо беззакw'нiя моя^, и= 
и=зъ глубины` sw'лъ возведи`, молю'ся: къ тебjь' бо 
возопи'хъ, и= о_у=слы'ши мя`, бж~е спасе'нiя моегw`.

%<W=%>чи'сти ны`, сп~се, w\т мно'гихъ грjьхw'въ на'шихъ, 
и= болjь^зни w\тжени` моли'твами ст~и'теля твоегw` 
а=ле_ксi'а, и= ми'ръ цр~квамъ твои^мъ пода'ждь и= 
соедине'нiе.

%<W=%>чи'сти сердца` на^ша и= мы^сли хода'тайствы 
твои'ми, _о='ч~е: и= прiи'мъ w\т на'съ приноси^мыя тебjь` 
моли^твы, и=спроси` о_у= хр\ста` w=брjьсти` на'мъ ве'лiю 
ми'лость.

%<W=%>чи'стивъ се'рдце твое`, _о='ч~е а=ле_ксi'е, и= 
тро'сть я=зы'ка твоегw` и=з\ъwстри'въ дх~омъ, написа'лъ 
_е=си` въ сердца'хъ вjь'рныхъ сло'во бг~оразу'мiя, 
о_у=че'ньми твои'ми.

%<Бг~оро'диченъ:%>

%<W=%>чище'нну тя` дх~омъ, всенепоро'чная, а=рха'гг~лъ 
гаврiи'лъ позна'въ, зовя'ше тебjь`: ра'дуйся, дв~о мр~i'е, 
па'дшихъ воззва'нiе, и= кля'твы разрjьше'нiе.

%<И='нъ. I=рмо'съ:%>

%<И=%>зъ чре'ва а='дова во'пля моегw` о_у=слы'шалъ 
_е=си` гла'съ мо'й, возве'лъ _е=си` w\т тли` бу'ри 
прегрjьше'нiй, w=бдержи'тъ бо, сп~се, и= погружа'ти 
и=скуша'етъ, бл~же: но jа='коже пре'жде i=w'ну возве'лъ 
_е=си` w\т тли`, и= мене`, молю'ся, гд\си, предвари'въ, 
спаси`.

%<З%>латоза'рная рwссi'йская sвjьздо`, свjьтоно'сными 
равноап\сльскихъ и=справле'нiй заря'ми, бг~озда'нное цр~кве 
бж~iя не'бо w=зари'вшая свjь'тлw, и= темномра'чну 
ва'рварскихъ навjь'тwвъ мглу` разрjь'шшая бг~опоспjь'шнw, 
всебл~же'нне а=ле_ксi'е, разрjьши` те'менъ напа'стей 
вра'жiихъ _о='блакъ.

%<В%>ъ бг~олjь'пную невеще'ственнагw бг~а сла'ву, (с. 
273) веще'ств_енныя хра'мы бж~iя бг~отща'тельнw созда'вый, 
мы'сленный хра'ме бж~iй, бг~оно'се а=ле_ксi'е, мо'лимъ тя`: 
бг~оуго'дными твои'ми мольба'ми, бг~опрiе'мный хра'мъ бж~iй 
сози'жди сердца` на^ша.

%<П%>агуборо'дное го'рдагw киче'нiя те'рнiе 
и=сто'ргнувый, и= доброра'сл_еныя смиреному'драгw 
бг~омы'слiя лjь'тwрасли бг~опоспjь'шнw возрасти'вый, 
бл~гоплодови'тый нб\снагw са'да ко'реню, всечу'дне 
а=ле_ксi'е, насади` въ сердца'хъ на'шихъ бг~орасти'тельный 
бг~оуго'днагw смире'нiя ко'рень.

%<Бг~оро'диченъ:%>

%<В%>семо'щнаго морски'хъ треволне'нiй о_у=тиши'теля, 
воплоще'нное сло'во бж~iе, ро'ждшая, бц\де дв~о, нб\сною 
твоегw` засту'пничества тишино'ю, многобу'рную о_у=тиши` 
скорбе'й на'шихъ молву`.

%<Конда'къ, гла'съ и~. Подо'бенъ: В%>збра'нной:

%<Б%>ж\ственнаго и= пречестна'го ст~и'теля хр\сто'ва, 
но'ваго чудотво'рца а=ле_ксi'а, вjь'рнw вси` пою'ще лю'дiе, 
любо'вiю да о_у=блажи'мъ, jа='кw па'стыря вели'каго, 
служи'теля же и= о_у=чи'теля прему'дра земли` рwссi'йстjьй. 
Дне'сь въ па'мять _е=гw` прите'кше, ра'достнw возопiе'мъ 
пjь'снь бг~оно'сному: jа='кw и=мjь'я дерзнове'нiе къ бг~у, 
много_обра'зныхъ на'съ и=зба'ви w=бстоя'нiй, да зове'мъ ти`: 
ра'дуйся, о_у=твержде'нiе гра'ду на'шему.

%<I='косъ:%>

%<Д%>и'внагw и= пречестна'гw чудотво'рца ви'дяще 
чудеса`, и=сцjьл_е'нiя подава'юща всjь^мъ w\т души` съ 
вjь'рою притека'ющымъ, и= хр\стw'вы лю'ди неви'димw 
посjьща'юща, и= зе'млю рwссi'йскую просвjьща'юща, ра'достнw 
w\т души` вси` вку'пjь соше'дшеся къ ра'цjь моще'й _е=гw`, 
слы'шаще же и= ви'дяще чуде'съ мно'жество, и= и=сто'чникъ 
и=сцjьле'нiй неисчерпа'емь, чи'стыми сердцы` и= 
просвjьще'нными ра'зумы, jа='кw бл~гоуха'нно кади'ло, плоды` 
добродjь'т_ельны w\т души` (с. 274) принося'ще, и= 
ра'дующеся воззове'мъ _е=му`, глаго'люще: ра'дуйся, _о='ч~е 
честны'й, на'шъ о_у=чи'телю, jа='кw прiя'лъ _е=си` трудw'въ 
твои'хъ воздая'нiе, и= въ вы'шнихъ водворя'ешися, w= на'съ 
моля` чл~вjьколю'бца бг~а: чуде'съ да'ръ прiя'лъ _е=си`, 
земли` рwссi'йстjьй _о=ц~ъ и= о_у=чи'тель, и= ст~и'тел_емъ 
и=зря'дная похвала` и= бл~говjь'рному во'инству на'шему во 
бранjь'хъ посо'бникъ крjь'покъ. Ра'дуйся, ст~и'телю 
а=ле_ксi'е, гра'ду на'шему о_у=твержде'нiе.

%<Пjь'снь з~. I=рмо'съ:%>

%<W\т%> i=уде'и доше'дше, _о='троцы въ вавv"лw'нjь 
и=ногда` вjь'рою тр\оческою пла'мень пе'щный попра'ша, 
пою'ще: _о=тц_е'въ бж~е, бл~гослове'нъ _е=си`.

%<W\т%> i=уде'и _о=трокw'мъ поревнова'въ, _о=гнепа^льныя 
стра^сти о_у=гаси'лъ _е=си`, хр\сту` при'снw поя`, бл~же'нне 
а=ле_ксi'е: _о=ц~_е'въ бж~е, бл~гослове'нъ _е=си`.

%<W\т%> i=уде'и _о='троки подража'лъ _е=си`, живу'щею бо 
въ тебjь` дх~а бл~года'тiю просвjь'щся, воспjь'лъ _е=си` 
хр\сту`: _о=ц~_е'въ бж~е, бл~гослове'нъ _е=си`.

%<W\т%> i=уде'и _о=трокw'мъ ревну'емъ, ви'дяще мо'щи 
твоя^ чудоточа'щыя, любо'вiю распаля'еми хр\сту` зове'мъ: 
_о=ц~_е'въ бж~е, бл~гослове'нъ _е=си`.

%<Бг~оро'диченъ:%>

%<W\т%> i=уде'и _о='троцы твое` проwбрази'ша рж\ство`, 
дв~о всеч\стая, _о='гнь бо въ пещи` не w=пали` и='хъ 
пою'щихъ: _о=ц~_е'въ бж~е, бл~гослове'нъ _е=си`.

%<И='нъ. I=рмо'съ:%>

%<Т%>я` живопису'ющiй а=ссv"рi'йскiй пла'мень, ю='ношы 
три` спасе`, гд\си, jа='коже и= дв~у не w=пали` 
_о=трокови'цу, въ бж\ственномъ рж\ствjь` твое'мъ бж\ственная 
и='скра: препjь'тый _о=ц~_е'въ бж~е, бл~гослове'нъ _е=си`.

%<Т%>я` jа='кw w\т нб\снагw врача`, да'ръ и=сцjьле'нiя 
ту'не прiе'мша, та'кw вредонw'сныя къ тебjь` прибjьга'ющихъ 
jа='зи ту'не и=сцjьли'вша, о_у=се'рднw мо'лимъ, врачу` 
безме'здный, а=рхiере'е а=ле_ксi'е, нб\сною твои'хъ мо'льбъ 
цjьльбо'ю, и=сцjьли` лю^тыя неду'ги ду'шъ и= тjьле'съ 
на'шихъ. (с. 275)

%<Б%>г~отка'нная правосла'внагw благоче'стiя ри'зо, 
многоцjь'нными превели'кихъ добродjь'телей би'серми, 
бг~олjь'пнw о_у=добре'ная, всехва'льне а=ле_ксi'е, моли` 
свjь'томъ w=дjья'ющася бг~а, въ свjь'тлую вjь'чныя жи'зни 
ри'зу w=дjь'ятися душа'мъ на'шымъ.

%<Т%>рудолю'бный бг~осажде'ннагw са'да дjь'лателю, 
бл~гово'нную досточу'дныхъ и=справле'нiй кассi'ю насади'вый, 
и= бг~ора'сленную по'стническагw воздержа'нiя смv'рну, въ 
бг~олюби'вомъ се'рдцjь твое'мъ вкорени'вый, свя'те 
а=ле_ксi'е, нб~ото'чную защище'нiя твоегw` ста'кту и=зле'й 
на лю^бящая тя` сердца` на^ша.

%<Бг~оро'диченъ:%>

%<W\т%> бг~осiя'тельнагw пра'вды сл~нца, 
бг~оw\ткрове'ннw па'че о_у=мw'въ премi'рныхъ w=заря'ема, 
свjьтоза'рная луно`, всенепоро'чная дв~о, свjьтоно'сною 
твоея` бл~года'ти луче'ю мра^чная просвjьти` сердца` на^ша.

%<Пjь'снь и~. I=рмо'съ:%>

%<Ц%>р~я` нб\снаго, _е=го'же пою'тъ вw'и а='гг~льстiи, 
хвали'те и= превозноси'те во вся^ вjь'ки.

%<Ц%>р~я` нб\снаго хвали'ти о_у=чи'лъ _е=си` па'ству 
твою`, зовы'й: по'йте и= превозноси'те хр\ста` во вjь'ки.

%<Ц%>р~я` нб\снаго о_у=моли` w= на'съ ча'дjьхъ твои'хъ, 
ра'достнw пою'щихъ, и= превознося'щихъ _е=го` во вjь'ки.

%<Ц%>р~ю` нб\сному предстоя`, па'ству твою` назира'й, 
пою'щую и= превознося'щую хр\ста` во вjь'ки.

%<Бг~оро'диченъ:%>

%<Ц%>р~я` нб\снаго родила` _е=си`, дв~о, _е=го'же 
а='гг~ли пою'тъ, и= превозно'сятъ во вся^ вjь'ки.

%<И='нъ. I=рмо'съ:%>

%<Н%>аходя'щыяся въ пла'мени, беззако'ннагw мучи'теля 
велjь'нiемъ, _о='троки подража'юще, немо'лчными о_у=стна'ми 
въ вы'шнихъ похва'льнw возопiи'мъ: бл~же преесте'ственнw 
сы'й прест~ы'й, пою'щыя тя` свjь'томъ о_у='мнымъ твои'мъ 
w=зари`.

%<Н%>б\сною бг~опрiя'тныя моли'твы цjьльбо'ю, тjьле'сную 
ва'рварскiя цари'цы слjьпоту` преесте'ственнw и=сцjьли'вый, 
(с. 276) бг~ому'дрый душе'вныхъ и= тjьле'сныхъ неду^гъ 
цjьли'телю, всеблаже'нне а=ле_ксi'е, мо'лимъ тя`: душе'вную 
и=сцjьли` слjьпоту` вредоно'сныхъ прегрjьше'нiй на'шихъ.

%<Ц%>р~ко'вная красото`, преwсвяще'нная главо`, 
непоколе'бленный благоче'стiя сто'лпе, бг~озда'нный вjь'ры 
степе'ню, неисчерпа'емая бж\ственныхъ чуде'съ пучи'но, 
всече'стне а=ле_ксi'е, златото'чными твои'хъ мо'льбъ вода'ми 
вредоно'сенъ погаси` _о='гнь печа'лей на'шихъ.

%<П%>агубоно'сное грjьхопаде'нiй ство'лiе, бж\ственнымъ 
любве` бж~iя _о=гне'мъ бг~оуго'днw соже'гъ, и= бг~озда'ннымъ 
вjь'ры степе'немъ, къ невеще'ственну _о=гню`, 
преесте'ственну, въ живонача'льной тр\оцjь бг~у приступи'въ 
бл~гоговjь'йнw, прп\дбне _о='ч~е а=ле_ксi'е, w\т гее'нскагw 
_о=гня` и=зба'ви ду'шы ча^дъ твои'хъ тя` блажа'щихъ.

%<Бг~оро'диченъ:%>

%<П%>рисносу'щную жи'знь, воплоще'нное сло'во бж~iе, 
па'че сло'ва человjь'ча, и='стиннw ро'ждшая, всепjь'тая 
бц\де дв~о, мо'лимъ тя`: и=зба'ви ны` рабы^ твоя^ w\т 
вjь'чныя сме'рти.

%<Пjь'снь f~. I=рмо'съ:%>

%<В%>ои'стинну бц\ду тя` и=сповjь'дуемъ, спасе'ннiи 
тобо'ю, дв~о ч\стая, съ безпло'тными ли'ки тя` велича'юще.

%<В%>ои'стинну свjь'тъ мi'ру jа=ви'лся _е=си` свjьтя'щъ 
добродjь'тельми, и= па'стырь и=зря'денъ твоегw` ста'да бы'лъ 
_е=си`, хр\ста` велича'юща.

%<В%>ои'стинну вjь'мы тя`, _о='ч~е, чудотво'рца вели'ка, 
точа'ща мнw'га чудеса`, вjь'рнw къ тебjь` приходя'щымъ, и= 
хр\ста` велича'ющымъ.

%<В%>ои'стинну свjь'тлw па'мять пра'зднуютъ ст~и'теля 
а=ле_ксi'а, ца'рiе, и= а=рхiере'и, и= вси` лю'дiе, хр\ста` 
бг~а велича'юще.

%<Бг~оро'диченъ:%>

%<В%>ои'стинну ты` _е=си` хр\стiа'нwмъ спасе'нiе: 
хр\ста' бо родила` _е=си` спаса'ющаго ны`, дв~у чи'сту тя` 
велича'ющыя. (с. 277)

%<И='нъ. I=рмо'съ:%>

%<В%>ъ тебjь`, бц\де, на'ше о_у=мале'нiе преста`, 
неви'димое бо сло'во во о_у=тро'бjь твое'й прiе'мшая, 
сугу'ба того` родила` _е=си`, бг~а вку'пjь и= чл~вjь'ка, на 
него'же херувi'ми воззрjь'ти не дерза'ютъ: тjь'мже тя` 
велича'емъ, преч\стая.

%<Б%>лагови'дною а=рхiере'йскихъ и=справле'нiй 
красото'ю, бг~опоста'вленный престо'лъ тво'й бг~олjь'пнw 
о_у=краси'вый, первопресто'льный i=ера'рше, всече'стне 
а=ле_ксi'е, моли` сjьдя'щаго на премi'рныхъ пр\сто'лjьхъ 
бг~а, о_у=досто'итися на'мъ тя` блажа'щымъ, въ цр\ствiи 
нб\сномъ, предста'ти бж~iю пр\сто'лу.

%<К%>ъ чудотвw'рнымъ твои^мъ моще'мъ притека'юще 
о_у=се'рднw, мо'лимъ тя`, чудото'чный и=сто'чниче, 
досточу'дне а=ле_ксi'е: бг~ото'чною бж\ственныхъ чуде'съ 
твои'хъ струе'ю о_у=гаси` раздеже'нное бjь'дъ и= печа'лей 
на'шихъ горни'ло.

%<С%>ъ ца'рствуемымъ мi'ромъ правосла^вныя лю'ди на'ша 
w\т вся'кихъ бjь'дъ защити`, бг~озда'нный правосла'вiя 
щи'те: и= це'ркви ру'сскiя, первопресто'льный i=ера'рше, 
всебл~же'нне а=ле_ксi'е, въ бг~олjь'пое церкве'й бж~iихъ 
бл~гострое'нiе, да'ждь свы'ше нб\сную по'мощь.

%<Бг~оро'диченъ:%>

%<Б%>г~ови'дцемъ мwv"се'емъ ви'дjьнная въ сiна'и купино` 
неwпа'льная, _о='гнь бж\ственный, воплоще'нное сло'во бж~iе 
ро'ждшая, всест~а'я дв~о, нб\снымъ любве` бж~iя _о=гне'мъ 
разжзи` w=ледjь^вшая сердца` на^ша.

%<Свjьти'ленъ:%>

%<Б%>л~года'ть ст~а'гw дх~а, все'льшаяся въ тя`, 
ст~и'теля тя` показа`: хр\сто'съ же ти` вручи` па'ству 
свою`, па'ствити на па'житехъ дх~о'вныхъ, _е=гw'же ра'ди 
потща'лся _е=си` наставля'ти лю'ди. и= ны'нjь на нб~сjь'хъ 
ра'дуяся, живе'ши.

%<Два'жды.%>

%<Сла'ва, и= ны'нjь, бг~оро'диченъ:%>

%<П%>о бз~jь о_у=пова'нiе и=му'ще на тя`, преч\стая 
бц\де, (с. 278) мо'лимтися, ко и='же и=зъ теб_е` ро'ждшемуся 
мольба'ми невреди^мы на'съ до конца` сохрани`.

%<На хвали'техъ стiхи^ры, на д~, гла'съ и~.%>

%<Подо'бенъ: Ч%>то` вы` нарече'мъ:

%<Ч%>то' тя нарече'мъ, ст~и'телю а=ле_ксi'е; * sвjьзду`, 
w=заря'ющу поднб\сная, * мi'ра красова'нiе всечестно'е, * 
сего` луча'ми w=заря'юща велjь^нiи бл~говjь'рiя, * и= 
_е='реси тму` w\тгоня'юща, * моли`, преподо'бне, * w\т тли` 
и= бjь'дъ и=зба'витися, * вjь'рою творя'щымъ па'мять твою`.

%<Два'жды.%>

%<Ч%>то' тя нарече'мъ, прп\дбне ст~и'телю а=ле_ксi'е; * 
рjьку`, и=злива'ющу и=сцjьл_е'нiя незави'стнw * всjь^мъ 
вjь'рою приходя'щымъ: * и=сто'чникъ и=сточа'ющь о_у=че'нiй 
медото'чныхъ, * во вся^ концы` простира'ющь, * и= вjь^рныя 
просвjьща'ющь: * моли'ся, прп\дбне, * спасти'ся душа'мъ 
на'шымъ.

%<Ч%>то' тя ны'нjь нарече'мъ, * ст~и'телю а=ле_ксi'е, * 
преди'вный чудотво'рче; * врача` разу'мна и= безме'здна, * 
и=сцjьлjьва'юща вся'ку jа='зю душе'вную и= тjьле'сную, * 
безплw'тнымъ равноче'стна: * моли'ся, прп\дбне, * спасти'ся 
душа'мъ на'шымъ.

%<Сла'ва, гла'съ s~:%>

%<Ч%>еловjь'че бж~iй, и= вjь'рный ра'бе, слуго` гд\сень, 
му'жу жела'нiй, сосу'де и=збра'нный, сто'лпе и= 
о_у=тверже'нiе цр~кве, цр\ствiя наслjь'дниче, не премолчи` 
вопiя` за ны` ко гд\су.

%<И= ны'нjь, бг~оро'диченъ: Б%>ц\де, ты` _е=си` лоза`:

%<Славосло'вiе вели'кое, и= w\тпу'стъ.%>

%<На лiтургi'и: блаж_е'нна w\т канw'на, пjь'снь г~-я и= 
s~-я. Прокi'менъ, гла'съ з~: Ч%>естна` предъ гд\семъ сме'рть 
прп\дбныхъ _е=гw`. %<Стi'хъ: Ч%>то` возда'мъ гд\севи w= 
всjь'хъ, jа=`же воздаде' ми; %<А=п\слъ ко _е=вре'_емъ, 
зача'ло тл~_е. А=ллилу'iа: В%>оззва'ша пра'веднiи: %<Стi'хъ: 
М%>нw'ги скw'рби пра'в_еднымъ: %<_Е=v\глiе w\т луки`, 
зача'ло к~д. Прича'стенъ: В%>ъ па'мять вjь'чную бу'детъ 
пра'ведникъ: