Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав> 


Мjь'сяца i=аннуа'рiа въ _е~ де'нь.

Предпра'зднство просвjьще'нiя: и= ст~ы'хъ мч~нкъ, 
fеопе'мпта и= fеw'ны: И= прп\дбныя сv"гклитiкi'и.

На Гд\си воззва'хъ, стiхи^ры мч~нкwвъ, г~: И= 
прп\дбныя, г~:

[И= вся` слу'жба мч~нкwвъ и= прп\дбныя пи'сана въ 
мине'и.]

Сла'ва, и= ны'нjь, предпра'зднства, гла'съ s~:

Гото'вися i=_орда'не рjько`, се' бо прихо'дитъ 
хр\сто'съ бг~ъ кр\сти'тися w\т i=wа'нна, да sмi_е'въ 
неви^димыя главы^ сокруши'тъ бж~ество'мъ въ вода'хъ 
твои'хъ. ра'дуйся пусты'не i=_орда'нская, го'ры и=гра'йте 
съ весе'лiемъ: прихо'дитъ бо вjь'чный живо'тъ воззва'ти 
а=да'ма. гла'съ вопiю'щагw возопi'й, _w i=wа'нне 
пр\дте'че, о_у=гото'вайте пути^ гд\сни, и= ст_ези` _е=гw` 
пра'вы содjь'лайте.

На стiхо'внjь стiхи^ры, гла'съ s~:

Подо'бенъ: Тридне'венъ:

Земля` и= наз_е'мная, и=гра'йте и= ра'дуйтеся, пото'къ 
сла'дости въ рjьцjь` кр~ща'ется, и=злiя'нiе и=зсуша'я 
sло'бы, и= и=сточа'етъ бж~е'ственное w=ставле'нiе.

Стi'хъ: Сегw` ра'ди помяну'хъ тя` w\т земли` 
i=_орда'нски и= _е=рмwнiи'мски.

Свjь'та сы'й пода'тель i=и~съ, не тре'буя кр\сти'тися, 
пло'тiю восхо'дитъ на i=_орда^нскiя струи^, просвjьти'ти 
су'щыя во тьмjь` хотя`. вjь'рою сего` о_у=се'рднw 
сря'щемъ.

Стi'хъ: Ви'дjьша тя` во'ды, бж~е, ви'дjьша тя` во'ды, 
и= о_у=боя'шася.

Поне'съ раба` зра'къ, предгряде'ши кр\сти'тися, 
хр\сте`, w\т раба`, во i=_орда'нскихъ струя'хъ, 
и=збавля'я w\т рабо'ты ве'тхагw грjьха`, и= w=сщ~а'я и= 
просвjьща'я на'съ.

Сла'ва, и= ны'нjь, гла'съ s~:

Да возра'дуется пусты'ня i=_орда'нова, и= да 
процвjьте'тъ jа='кw крi'нъ: гла'съ бо вопiю'щагw 
о_у=слы'шанъ бы'сть въ не'й, о_у=гото'вайте пу'ть 
гд\сень: го'ры бо поста'вивый ста'виломъ, и= о_у=дw'лiя 
мjь'риломъ, вся^ и=сполня'яй jа='кw бг~ъ, кр~ща'ется w\т 
раба`. w=бнищава'ти нача'тъ бога^тныя да'ры да'руяй. 
о_у=слы'ша _е='vа, въ печа'лjьхъ роди'ши ча'да: ны'нjь же 
о_у=слы'ша дв~а: ра'дуйся w=бра'дованная, гд\сь съ 
тобо'ю, и=мjь'яй ве'лiю мл\сть.

Тропа'рь, гла'съ д~:

Возвраща'шеся и=ногда` i=_орда'нъ рjька` ми'лwтiю 
_е=лiссе'евою, возне'сшуся и=лiи`, и= раздjьля'хуся во'ды 
сю'ду и= сю'ду, и= бы'сть _е=му` су'хъ пу'ть, и='же 
мо'крый, во w='бразъ вои'стинну кр~ще'нiя, и='мже мы` 
теку'щее житiя` прехо'димъ ше'ствiе: хр\сто'съ jа=ви'ся 
во i=_орда'нjь w=ст~и'ти во'ды. [_Е=ди'ножды.]

На повече'рiи канw'нъ, _е=гw'же краестро'чiе: И= 
дне'сь же суббw'ту пою` вели'кую. I=рмо'съ по два'жды: 
тропари' же на s~. Послjьди` i=рмо'съ _о='ба ли^ка 
вку'пjь. Гла'съ s~.

Пjь'снь а~.

I=рмо'съ: Волно'ю морско'ю покры'вшаго дре'вле, 
гони'теля мучи'теля i=_орда^нскiя струи^ спря'товаетъ и= 
кры'етъ, мое` ны'нjь w=чища'я человjь'ческимъ 
w=чище'нiемъ, сла'внw бо просла'вися.

Гд\си бж~е мо'й, свjьтоиме'нное пjь'нiе, и= 
предпра'зднственную пjь'снь тебjь` пое'мъ, бж~е'ственнымъ 
jа=вле'нiемъ та'инственнw w=бно'вльшему на'съ, и= къ 
свjь'тлости бж~е'ственнjьй возводя'щему.

Горjь` превjь'чна, и= до'лjь но'вw jа='вльшася тя`, 
премi^рная и= з_емна'я, сп~се, о_у=жаса'хуся зря'ще, и= 
_е='же па'че сло'ва твое` воспjьва'ху снизше'ствiе.

Да твоея` сла'вы вся'ч_еская и=спо'лниши, тебе` 
самого` и=стощи'лъ _е=си` да'же и= до ра'бiя w='браза: 
ны'нjь же дла^ни раба` подклоня'еши главу` ра'бски, мое` 
назда'нiе бл~гоутро'бнw w=чища'я.

Пjь'снь г~.

I=рмо'съ: Тебе` на вода'хъ w=снова'вшаго всю` зе'млю 
неwдержи'мw, тва'рь ви'дjьвши пло'тiю кры'емаго въ 
вода'хъ, о_у='жасомъ мно'гимъ содержа'шеся: нjь'сть ст~ъ 
па'че тебе` гд\си, взыва'ющи.

W='бразы пе'рвjье пр\оро'ками показа'лъ _е=си`, 
твоегw` бг~оявле'нiя, ны'нjь же сокров_е'нная дjь'йствами 
сказа'лъ _е=си`, jа='вль та^йны человjь'кwмъ дне'сь, 
подая` но'вое возрожде'нiе.

Простре` i=_орда'нъ во'ды jа='кw плещи`, съ тре'петомъ 
прiя'ти зижди'теля тjьле'снw кр~ща'емаго, и= вся^ 
w=сщ~а'ющаго, нjь'сть ст~ъ па'че тебе` гд\си, взыва'ющыя.

Ве'лiе ко сп~се'нiю напу'тiе кр~ще'нiемъ подае'тъ 
хр\сто'съ, чу'вствующымъ _е=гw` бж~е'ственное w=сiя'нiе, 
съ весе'лiемъ пою'щымъ: нjь'сть ст~ъ, па'че тебе` гд\си 
чл~вjьколю'бче.

Пjь'снь д~.

I=рмо'съ: _Е='же ко кр~ще'нiю твое` прише'ствiе 
прови'дя а=вваку'мъ, о_у=жа'сся вопiя'ше: на мо'ре ко'ни 
твоя^, во'ды мно'ги наве'лъ _е=си`, сп~се, смуща'ющыя.

Jа='вльшуся тебjь` тjь'ломъ, w=ст~и'ся земля`, во'ды 
бл~гослови'шася, нб~о просвjьти'ся, ро'дъ же человjь'кwвъ 
го'рькагw мучи'тельства вра'жiя и=зба'вися.

Глаго'ломъ бж~е'ственнымъ ны'нjь пр\дте'ча и=з\ъ 
пусты'ни гряде'тъ ко i=_орда'ну, глаго'ля: пока'йтеся, 
прибли'жися бо нб\сное цр\ство, призыва'я вся^ къ сла'вjь 
бж~iей.

Превраще'й пе'рвjье мо'ре въ су'шу, и= и=сто'чники w\т 
несjько'магw и=сточи'въ, прегрjьше'нiй w=чище'нiе ны'нjь 
содjьва'етъ во i=_орда'нскихъ струя'хъ _о=гне'мъ дх~а.

Пjь'снь _е~.

I=рмо'съ: Бг~оявле'нiя твоегw`, хр\сте`, къ на'мъ 
мл\стивнw бы'вшагw, и=са'iа свjь'тъ ви'дjьвъ невече'рнiй, 
и=з\ъ но'щи о_у='треневавъ взыва'ше: просвjьще'ннiи 
прiиди'те, w=мы'йтеся водо'ю бж~е'ственною, и= дх~омъ 
jа='вjь и= ду'шу и= тjь'ло w=чи'стите.

Новотвори'ши земнорw'дныя, но'въ а=да'мъ бы'въ 
содjь'тель, _о=гне'мъ и= дх~омъ и= водо'ю стра'нное 
соверша'я возрожде'нiе, и= w=бновле'нiе чу'дное, кромjь` 
сокруше'нiя и= горни'лъ кр~ще'нiемъ бг~одjь'тельнымъ 
новотворя`.

Дх~омъ ду'шы новотвори'ши, водо'ю же w=сщ~а'еши тjь'ло 
сложе'ное, живо'тна назида'я человjь'ка: сугу'бому бо 
срw'дная, потр_е'бны лjьчбы^ му'дрымъ про'мысломъ 
прино'сиши, jа='кw вра'чь тjьле'съ и= ду'шъ.

W\т чт\сыя проше'дъ рожде'йся и=з\ъ _о=ц~а` пре'жде 
вjькw'въ, къ су'щему и=з\ъ непло'дныя прише'лъ _е=си`, 
прося` jа='кw человjь'къ кр~ще'нiя: но w\т воды` 
та'инственнw дх~омъ содjь'лалъ _е=си`, сп~се, многоча'дну 
цр~ковь, пе'рвjье безча'дную.

Пjь'снь s~.

I=рмо'съ: Jа='тъ бы'сть, но не о_у=держа'нъ стра'хомъ 
бж~е'ственный кр\сти'тель: а='ще бо и= спря'товается 
прибли'житися _о=гню` сjь'но, но слы'шавъ, w=ста'ви 
ны'нjь, тече` повелjь'нiе и=сполня'я jа='кw ра'бъ, 
бж~е'ственному же свы'ше свидjь'тельствующему гла'су, 
о_у=слы'ша сн~а превjь'чнаго.

Написа'лся, но не порабо'тился _е=си`, ке'сар_евымъ 
повелjь'нi_емъ повину'яся: а='ще бо и= w\т рабо'ты 
о_у=тjьше'нiе на'мъ подая`, во'льнw повину'ешися, и= 
да'ньствуеши дiдра'хму: но зако'номъ грjьха` пе'рвjье 
прода^нныя ны` свободи'лъ _е=си` ны'нjь, и= 
сыноположе'нiя о_у=досто'илъ _е=си`.

Цр\ствуеши, но не мi'рски, _е=стество'мъ сы'й цр~ь, 
а='ще бо и= по пло'ти w\т пле'мене дв~дова роди'вся, 
пр\сто'лъ цр\ствiя, сп~се, сегw` прiя'лъ _е=си`, но 
сво'йственну и='маши держа'ву, цр\ствуя со _о=ц~е'мъ 
пре'жде вjькw'въ при'снw, и= во вjь'ки съ дх~омъ.

Ца'рь о_у='бw, мi'ра нача'льникъ, и= су'щихъ въ 
вода'хъ, дре'вле пронарече'ся: но о_у=давля'ется твои'мъ 
w=чище'нiемъ, и= низлага'ется jа='кw _е=зе'рскiй пе'рвjье 
легеw'нъ, ру'къ же твои'хъ, сп~се, созда'нiе 
порабоще'нное w\т негw`, держа'вною твое'ю руко'ю 
свобожде'нiя сподо'билъ _е=си`.

Пjь'снь з~.

I=рмо'съ: Неизрече'нное чу'до! въ пещи` и=зба'вивый 
прп\дбныя _о='троки и=з\ъ пла'мене, преклоня'етъ ве'рхъ, 
и= про'ситъ кр~ще'нiя w\т раба`, w=чища'я вопiю'щыя: 
и=зба'вителю, бж~е, бл~гослове'нъ _е=си`.

Сjьче'тся струя` пе'рвjье ми'лwтiю i=_орда'нская, 
проwбразу'ющи кр~ще'нiе твое`: и='мже и= страсте'й 
растерза'ется хiтw'нъ: и= нетлjь'нiя _о=де'жда 
самотвори'тся вопiю'щымъ бг~у: бл~гослове'нъ _е=си`.

Бога'тна струя`, въ себjь' бо прiе'мше кр~ща'ема 
содjь'теля, показа'ся и=сто'чникъ живо'тныя воды`, на 
сп~се'нiе на'съ пjьснопою'щихъ: и=зба'вителю, бж~е, 
бл~гослове'нъ _е=си`.

Ме'ртвость бж~е'ственную знамени'тельнjь w=бразу'юще, 
погруже'нiемъ въ водjь` трикра'тнымъ въ кр~ще'нiи хр\сту` 
совостае'мъ, тридне'вному воста'нiю прiwбща'ющеся, и= 
вопiю'ще хр\сту`: бл~гослове'нъ _е=си` во вjь'ки.

_Е=ди'на бл~года'ть _о=ц~а`, сн~а же, и= дх~а, 
соверша'ющая да'ромъ жела'ющыя вjь'рнw бж~е'ственнагw 
кр~ще'нiя, сн~оположе'нiя воспрiе'мшыя вла'сть, _е='же 
вопи'ти: бж~е, бл~гослове'нъ _е=си`.

Пjь'снь и~.

I=рмо'съ: О_у=жасни'ся боя'йся нб~о, и= да подви'жатся 
w=снова'нiя земли`: се' бо водо'ю w=блачи'тся, w=пали'вый 
водо'ю пре'жде прв\днагw же'ртву пресла'внw. _е=го'же 
_о='троцы бл~гослови'те, сщ~е'нницы воспо'йте, лю'дiе 
превозноси'те во вся^ вjь'ки.

И=збавле'нiе гряде'тъ хр\сто'съ кр~ще'нiемъ пода'ти 
всjь'мъ вjь^рнымъ: си'мъ бо а=да'ма w=чища'етъ, па'дшаго 
возвыша'етъ, низло'жшаго мучи'теля посрамля'етъ, нб~са` 
w\тверза'етъ, дх~а бж~е'ственнаго низво'дитъ, и= 
нетлjь'нiя прича'стiе да'руетъ.

Преста` ле'сть вра'жiя, гла'съ бо вопiю'щагw въ 
пусты'ни, пу'ть гд\снь, зове'тъ, о_у=гото'вайте, и= вся^ 
ст_ези` _е=гw` пра'вы твори'те, повелjьва'етъ: де'брь бо 
смиря'ется, _е=стество` земны'хъ возвыша'ется, гора` и= 
хо'лмъ же врагw'въ понижа'ется.

_W пресла'вныхъ дарw'въ! w\т бж~е'ственныя бл~года'ти, 
и= несказа'нныя любве`! се' бо водо'ю w=чища'етъ мя`, 
_о=гне'мъ просвjьща'етъ мя`, и= дх~омъ бж~е'ственнымъ 
соверша'етъ мя`, содjь'тель и= вл\дка, ны'нjь во 
i=_орда'нjь въ мое` w=бле'кся _е=стество` безгрjь'шный.

Пjь'снь f~.

I=рмо'съ: Не рыда'йте всу'е w\тча'янiя тенета'ми 
о_у=давля'еми человjь'цы пови'ннiи sлы'хъ: но во 
о_у=миле'нiи души` присту'пимъ, w=чища'ющему вся^, jа='кw 
_е=ди'ному чт\сому, и= даю'щему проще'нiе кр~ще'нiемъ.

Во стра'ннjьмъ твое'мъ рж\ствjь`, пе'рвjье и=з\ъ дв~ы 
преесте'ственнw о_у=диви'лъ _е=си`, сло'ве бж~iй: ны'нjь 
же велича'емъ, ве'лiе та'инство соверша'я пресла'внw 
прича'стiемъ чт\сны'мъ, купjь'ль многоча'дну 
бж~е'ственнымъ дх~омъ.

Земля` w=ст~и'ся рж\ство'мъ твои'мъ ст~ы'мъ, сло'ве, 
повjь'дающымъ нб~с_е'мъ sвjьздо'ю сла'ву твою`: ны'нjь же 
водно'е _е=стество` бл~гослови'ся, тебjь` пло'тiю 
кре'щшуся: и= ро'дъ земноро'дныхъ къ пе'рвому взы'де 
па'ки бл~горо'дiю.

Да ра'дуется земля` вся`, нб~о да весели'тся, мi'ръ да 
и=гра'етъ, рjь'ки да пле'щутъ руко'ю: и=сто'чницы, и= 
_е=зе'ра, б_е'здны, моря` да сра'дуются: прихо'дитъ бо 
хр\сто'съ а=да'ма w=чи'стити, и= сп~сти` бж~е'ственнымъ 
кр~ще'нiемъ.

И= па'ки i=рмо'съ. И= покло'нъ.



На о_у='трени,

на Бг~ъ гд\сь, тропа'рь предпра'зднства, три'жды.

По а~-мъ стiхосло'вiи сjьда'ленъ, гла'съ а~:

Подо'бенъ: Ли'къ а='гг~льскiй:

Весели'ся рjько` i=_орда'не, въ тебjь' бо всjь'хъ 
творе'цъ прихо'дитъ во'лею кр~ще'нiе прiя'ти w\т раба`, 
jа='кw бл~гоутро'бенъ: красу'йся, лику'й а=да'ме, и= 
_е='vо прама'ти, прiи'де и=збавле'нiе всjь'хъ бг~ъ 
пребл~гi'й.

Сла'ва, и= ны'нjь, гла'съ и= подо'бенъ то'йже:

Пото'къ сла'дости вл\дка сы'й, предгряде'тъ во 
струя'хъ рjьчны'хъ кр\сти'тися, напои'ти мя` хотя` 
w=чище'нiя вода'ми. _е=го'же зря` i=wа'ннъ вопiя'ше: 
ка'кw ру'ку мою` на ве'рхъ тво'й простру`, _е=го'же 
трепе'щутъ вся'ч_еская;

По в~-мъ стiхосло'вiи сjьда'ленъ, гла'съ г~:

Подо'бенъ: Красотjь` дв\ства:

А=да'мову наготу` w=дjьва'я, бл~гоутро'бне, во 
_о=де'жду сла'вы, хо'щеши w=бнажи'тися пло'тiю во 
i=_орда'нjь рjьцjь`. _w чудесе` пресла'внагw! ка'кw тя` 
под\ъи'метъ вода`, вл\дко гд\си, вода'ми покрыва'ющаго 
превы'спр_енняя, jа='коже пи'шетъ: пое'мъ, i=и~се 
бл~годjь'телю, вси` твое` jа=вле'нiе.

Сла'ва, и= ны'нjь, гла'съ то'йже:

Подо'бенъ: Бж~е'ственныя вjь'ры:

Ве'лiе сл~нце во i=_орда'нjь просiя'ти гряде'тъ, 
_е='же и=з\ъ дв~ы и=з\ъ _о='блака возсiя'вшее хр\сто'съ 
бг~ъ на'шъ, грjьхо'вный w\тгоня` мра'къ, и= мi'ра 
просвjьща'я концы`. _е=гw'же w=сiя'нiя получи'ти 
бл~гоче'стнw помо'лимся, прося'ще прiя'ти ве'лiю мл\сть.

Канw'ны три`: предпра'зднства со i=рмосо'мъ на s~: 
i=рмо'съ по два'жды: мч~нкwвъ и= прп\дбныя два` канw^на 
на и~: пи'саны въ мине'и. Канw'нъ предпра'зднства, гла'съ 
а~.

Пjь'снь а~.

I=рмо'съ: Го'рькiя рабо'ты и=зба'влься i=и~ль, 
непроходи'мое про'йде jа='кw су'шу: врага` зря` 
потопля'ема, пjь'снь jа='кw бл~годjь'телю пое'тъ бг~у, 
чудодjь'ющему мы'шцею высо'кою, jа='кw просла'вися.

Хр\сто'съ гряде'тъ ко кр~ще'нiю, хр\сто'съ ко 
i=_орда'ну прихо'дитъ, хр\сто'съ на'шя въ водjь` 
погреба'етъ ны'нjь грjьхи` jа='кw бл~гъ: съ весе'лiемъ 
воспои'мъ _е=му`, jа='кw просла'вися.

Да кропя'тъ веселя'щеся _о='блацы весе'лiе вjь'чное, 
хр\сто'съ i=и~съ предгряде'тъ вода'ми i=_орда'нскими, 
пото'ки грjьхw'вныя потопи'ти, просвjьще'нiе всjь^мъ 
да'руя.

Се` свjь'тъ jа=вля'ется, се` w=чище'нiе показу'ется, 
се` сп~съ предстои'тъ просiя'ти су'щымъ во тьмjь` 
бж~е'ств_енныя зари`. сего` помышле'ньми чт\сыми 
ра'достнw под\ъи'мемъ.

Пjь'снь г~.

I=рмо'съ: Не му'дростiю и= бога'тствомъ да хва'лится 
сме'ртный свои'мъ, но вjь'рою гд\снею правосла'внw 
взыва'я хр\сту` бг~у, и= поя` при'снw: на ка'мени твои'хъ 
за'повjьдей о_у=тверди' мя, вл\дко.

Пре'жде вjькw'въ сjьдя'й со _о=ц~е'мъ и= дх~омъ, 
ны'нjь въ послjь^дняя и=з\ъ дв~ы вопло'щься jа='коже 
вjь'сть, хр\сто'съ гряде'тъ ко кр~ще'нiю, безсме'ртiе 
бж~е'ственною ба'нею всjь^мъ подая`.

Водо'ю погребсти` на'шя грjьхи` хотя` во 
i=_орда'нскихъ струя'хъ, за мл\срдiе мл\сти, хр\сто'съ 
бг~ъ предгряде'тъ, и= назида'етъ и=стлjь'вшыя ны`, 
кр~ще'нiемъ.

W=бнаже'нiе сту'дное покрыва'я а=да'ма пра'_отца, 
w=бнажа'ешися во'льнw: и= струя'ми i=_орда'нскими тебе` 
сама'го покрыва'еши, вода'ми превы'спр_енняя покрыва'я, 
хр\сте`, _е=ди'не многомл\стиве.

Конда'къ предпра'зднства, гла'съ в~:

Подо'бенъ: Вы'шнихъ и=щя`:

Всjь'хъ, хр\сте`, бл~гоутро'бнjь w\те'мляй 
прегрjьше'нiй мно'жество, мл\сти ра'ди безмjь'рныя, 
i=_орда'нскими вода'ми крести'тися гряде'ши jа='кw 
человjь'къ. _о=де'ждею мя` w=дjьва'я, сла'вы дре'внiя 
w=бнаже'нна лю'тjь.

Сjьда'льны ст~ы'хъ, въ мине'и:

Сла'ва, и= ны'нjь, предпра'зднства, гла'съ а~.

Подо'бенъ: Гро'бъ тво'й, сп~се:

Вели'кiй до'ждь къ рjьчны^мъ струя'мъ предгряде'тъ, 
пло'тiю кр\сти'тися восхотjь'въ. къ нему'же бж~е'ственный 
пр\дте'ча о_у=жаса'яся глаго'лаше: ка'кw крещу' тя 
скве'рны не и=му'ща весьма`; ка'кw простру` мою` десни'цу 
на главу`, _е=я'же трепе'щутъ вся'ч_еская;

Пjь'снь д~.

I=рмо'съ: Слы'ша дре'вле а=вваку'мъ, хр\сте`, чу'дный 
тво'й слу'хъ, и= стра'хомъ взыва'ше: w\т ю='га бг~ъ 
прiи'детъ, и= ст~ы'й w\т горы` прiwсjьне'нныя ча'щи, 
сп~сти` пома^занныя: сла'ва си'лjь твое'й, гд\си.

Во'ду почерпи'те жи'зни, се` ны'нjь прiи'де ми'ра 
рjька` и='стиннw, и=зсуши'ти му^тныя невjь'рiя во'ды, и= 
просвjьще'нiе и=сточи'ти пою'щымъ _е=му`: сла'ва си'лjь 
твое'й, гд\си.

Весели'ся, пусты'не, jа='же пре'жде жа'ждущая, 
_е=стество` все` человjь'ческое: ны'нjь jа=ви'ся пото'къ 
сла'дости, i=_орда'нскими вода'ми рjьша'я зно'й грjьха`. 
_е=му'же пое'мъ вjь'рнw: сла'ва си'лjь твое'й, гд\си.

Вопiю'щагw гла'съ пр\оро'чески пусты^мъ возшумjь` 
помышле'нiямъ, о_у=гото'вайте пути^ пра^выя хр\сту` 
гряду'щему, глаго'лющъ: jа='кw да кр~ще'нiемъ w=чи'ститъ 
w=бветша'вшыя ны`, разрjьша'я пе'рвое w=сужде'нiе.

Пjь'снь _е~.

I=рмо'съ: Свjь'тъ тво'й незаходи'мый возсiя'й, 
хр\сте`, въ сердца` вjь'рнw пою'щихъ тя`, ми'ръ подава'яй 
на'мъ, па'че о_у=ма`. тjь'мъ w\т но'щи невjь'дjьнiя ко 
дню` свjь'томъ твои'мъ теку'ще, славосло'вимъ тя`, 
чл~вjьколю'бче.

Ми'ра, хр\сте`, сы'й цр~ь, вражды` средостjь'нiе 
разори'лъ _е=си`, пло'ти подо'бiемъ jа=ви'вся су'щымъ на 
земли`: тjь'мже прише'ствiе твое` ви'дjьвъ i=wа'ннъ, 
дивля'шеся со стра'хомъ, рукоположи'ти тя` повелjьва'емь.

Sмi_е'въ главы^ сокруши'ти хр\сто'съ спjьшя` ны'нjь 
гряде'тъ вода'ми, и= трепе'щущему вопiе'тъ кр\сти'телю: 
простри` твою` ру'ку, и= прикосни'ся верху` моему`, и= 
о_у='жасъ w\ттряси`, соверша'я повелjь'нное.

Сказа'ше пр\оро'къ бл~года'ть и=ногда` кр~ще'нiя 
бж~е'ственнымъ дх~омъ, порази'въ i=_орда^нскiя струи^ 
ми'лwтiю, jа=`же раздjьли'шася, на'мъ путетворя'щыя 
возрожде'нiе бж~е'ственное, въ ни'хъ jа='вльшагwся 
хр\ста`.

Пjь'снь s~.

I=рмо'съ: Ве'сь w\т страсте'й безмjь'рныхъ содержу'ся, 
и= ки'томъ sw'лъ снизпадо'хъ, но возведи` и=з\ъ 
и=стлjь'нiя мя`, бж~е, jа='коже пре'жде i=w'ну, и= 
вjь'рою безстра'стiе ми` да'руй, jа='кw да во гла'сjь 
хвале'нiя, и= сп~се'нiя дх~омъ пожру' ти.

Мл\срдiе щедро'тъ хр\сто'съ показу'я, въ ра'бiи 
зра'цjь непремjь'нный прихо'дитъ къ рабу` прося` 
кр~ще'нiя, w\т рабо'ты восхища'я человjь'чество: _е=гw'же 
о_у=ди'влься прише'ствiю о_у=жаса'ется, и= стра'хомъ 
w=держи'мь быва'етъ.

Ка'кw тя` рjь^чныя струи^ прiи'мутъ, нестерпи'маго 
_о=гня`, ны'нjь и=ду'ща; ка'кw w=бнаже'нiе нб\снiи 
ви'дятъ а='гг~ли; ка'кw ру'ку i=wа'ннъ простре'тъ на тя`, 
сло'ве бж~iй пребезнача'льне, того` w\т земли` 
созда'вшаго;

Мо'ре раздjьля'ется бjьжа'ще, показа` нw'вымъ лю'демъ 
бж~е'ственное прехожде'нiе, _е='же содjь'ла въ рjьцjь` 
пло'тiю прише'дъ, и='же и=з\ъ ка'мене пресла'внw 
и=сто'чникъ во'ду. сего` jа='кw бг~а просла'вимъ, на'ше 
сокруше'нiе назда'вшаго.

Конда'къ предпра'зднства, гла'съ д~:

Подо'бенъ: Jа=ви'лся _е=си` дне'сь:

Во струя'хъ дне'сь i=_орда'нскихъ бы'въ гд\сь, 
i=wа'нну вопiе'тъ: не о_у=бо'йся кр\сти'ти мя`, сп~сти' 
бо прiидо'хъ а=да'ма первозда'ннаго.

I='косъ: Не и=стязу'ю тя` кр\сти'теля предjь'лы 
преходи'ти: не глаго'лю тебjь`, рцы' ми, jа=`же 
глаго'леши беззакw'ннымъ, и= о_у=чи'ши грjь'шники: то'чiю 
кр\сти' мя молчя`, и= ча'я jа=`же w\т кр~ще'нiя: прiи'мши 
бо сегw` ра'ди досто'инство, _е='же не бы'сть а='гг~лwмъ: 
и='бо всjь'хъ пр\оро'кwвъ бw'льша тя` сотворю`, w\т 
_о='ныхъ о_у='бw ни _е=ди'нъ jа='вjь мя` ви'дjь, но во 
w='бразjьхъ и= сjь'нехъ, и= гада'нiихъ. ты' же пред\ъ 
тобо'ю стоя'ща ви'дjьлъ _е=си`: сп~сти' бо прiидо'хъ 
а=да'ма первозда'ннаго.

Пjь'снь з~.

I=рмо'съ: Проидо'ша jа='кw черто'гъ, пе'щный пла'мень 
нестерпи'мый, и=`же за бл~гоче'стiе и=ногда`, _о='троцы 
ст~i'и показа'вшеся jа='вjь, и= согла'снw воспjьва'юще, 
пjь'снь поя'ху: _о=тц_е'въ бж~е, бл~гослове'нъ _е=си`.

Хр\сто'съ сп~се'нiе jа=ви'ся, просвjьще'нiе да'руя: да 
ра'дуется нб~о, _о='блацы же да кропя'тъ и='стиннw 
пра'вду, взыва'ющымъ: _о=тц_е'въ бж~е, бл~гослове'нъ 
_е=си`.

Руно' же _е='же прови'дjь гедеw'нъ, полна` ча'ша воды` 
и=ска'павшiя, jа='вjь твое` кр~ще'нiе ска'зоваше, 
хр\сте`, _е='же подае'ши кр\сти'вся воспjьва'ющымъ: 
_о=тц_е'въ бж~е, бл~гослове'нъ _е=си`.

Сла^вныя безча'дствующыя _е=лiссе'й и=сцjьля'я во'ды, 
бл~гоча'дiе чт\сны'я купjь'ли проwбрази`, хотя'щее бы'ти 
та'инственнw, воспjьва'ющымъ: _о=тц_е'въ бж~е, 
бл~гослове'нъ _е=си`.

Пjь'снь и~.

I=рмо'съ: Чу'да преесте'ственнагw показа` w='бразъ, 
_о=гнеро'сная пе'щь дре'вле: _о='гнь бо не w=пали` ю='ныя 
дjь'ти, хр\сто'во jа=вля'я безсjь'менное w\т дв~ы 
бж~е'ственное рж\ство`. тjь'мъ воспjьва'юще воспои'мъ: да 
бл~гослови'тъ тва'рь вся` гд\са, и= превозно'ситъ во вся^ 
вjь'ки.

Хвалу` велегла'снw вл\дцjь возсле'мъ: прiи'де, 
jа=ви'ся, восхо'дитъ на во'ды, и= w=бнажа'ется, нб~о 
_о='блаки w=дjьва'яй, и= кр~ща'ется, w=чища'я ны` 
воспjьва'ющыя: да бл~гослови'тъ тва'рь вся` гд\са, и= 
превозно'ситъ во вся^ вjь'ки.

Прiиди'те мы'сленнw, ко i=_орда'ну и='демъ, видjь'нiе 
ве'лiе въ не'мъ о_у='зримъ: i=и~съ бо просвjьще'нiе 
прихо'дитъ, и= раба` преклоня'ется дла'ни, съ тре'петомъ 
вопiю'ща: да бл~гослови'тъ тва'рь вся` гд\са, и= 
превозно'ситъ во вся^ вjь'ки.

О_у='гль, _е=го'же прови'дjь и=са'iа, въ вода'хъ 
i=_орда'нскихъ разогрjь'вся, попали` ве'щь всю` 
грjьхw'въ, и= подаде` сокруш_е'ннымъ назда'нiе. тjь'мже 
воспjьва'юще воспое'мъ: да бл~гослови'тъ тва'рь вся` 
гд\са, и= превозно'ситъ во вся^ вjь'ки.

Пjь'снь f~.

I=рмо'съ: Неизглаго'ланное дв~ы та'инство: нб~о бо 
сiя`, и= пр\сто'лъ херувi'мскiй, и= свjьтоно'сный 
черто'гъ показа'ся хр\ста` бг~а вседержи'теля. сiю` 
бл~гоче'стнw jа='кw бц\ду велича'емъ.

Та'инство стра'нное зрю` и= пресла'вное, i=и~съ 
гряде'тъ во'лею къ рjьцjь` i=_орда'ну, вопiя` i=wа'нну: 
твою` десни'цу ми`, дру'же, взаи'мствуй, стра^шная 
соверша'ющему лю'демъ мои^мъ въ снабдjь'нiе.

Пусты^нная i=_орда^нская да процвjьту'тъ: и=`же во 
тьмjь` лежа'щiи, вели'къ jа=ви'ся ва'мъ свjь'тъ, 
ви'дjьвше взыгра'йте: хр\сто'съ w\т галiле'и приходя'й, 
пло'тiю кр\сти'тися w\т раба` хо'щетъ.

Возвесели'ся ны'нjь, i=_орда'не, и= лику'й, i=wа'нне 
взыгра'й, вся` вселе'нная ра'дуйся: се` jа=ви'ся 
хр\сто'съ, и= w=бнажа'ется и= кр~ща'ется, во _о=де'жду 
w=блача'я нетлjь'нiя человjь'чество.

Свjьти'ленъ:

Подо'бенъ: Дх~омъ во ст~и'лищи:

Jа='кw ви'дjь тя` w=бнаже'на i=_орда'нъ, съ тре'петомъ 
къ су'щему w\т непло'дове рече`: w=ста'ви, _w i=wа'нне, 
кр\сти'тися гд\са, _о=гне'мъ и= дх~омъ w=чища'ющаго всю` 
тва'рь: на сiе' бо прiи'де, w=ст~и'ти земны^я, и= водно'е 
_е=стество`.

Сла'ва, и= ны'нjь:

И=з\ъ дв~ы возсiя'вый въ виfлее'мjь пло'тiю, ко 
i=_орда'ну ны'нjь тщи'тся, скве'рну w\тмы'ти 
земноро'дныхъ, къ свjь'ту приводя` во тьмjь` су'щыя, 
кр~ще'нiемъ бж~е'ственнымъ.

На хвали'техъ стiхи^ры, на д~, гла'съ s~:

Подо'бенъ: А='гг~льскiя пред\ъиди'те си^лы:

Что` не домышля'ешися, кр\сти'телю, смотре'нiя, _е='же 
соверша'ю за всjь'хъ сп~се'нiе; др_е'вняя w=ста'ви 
ны'нjь, и= помышля'й пол_е'зная, вjь'руй бг~у соше'дшему, 
и= приступи'въ, мнjь` послужи`: бг~ъ бо прiидо'хъ за 
бл~гоутро'бiе а=да'ма w=чи'стити w\т паде'нiя.

Взе'мляй на'шя грjьхи` на ра'мена, прише'лъ _е=си`, 
i=и~се, къ струя'мъ i=_орда^нскимъ: а='зъ же о_у=жасо'хся 
твоегw` стра'шнагw прише'ствiя, ка'кw о_у='бw ми` вели'ши 
кр\сти'ти тя`; са'мъ мя` w=чи'стити прише'лъ _е=си`, и= 
ка'кw кр~ще'нiя w\т мене` про'сиши, всjь'хъ w=чище'нiе;

_Е=стества` моегw` непости'жное сло'во, въ ра'бiй же 
зра'къ w=дjь'явся прiидо'хъ на i=_орда'нъ, ника'коже 
мене` w\трецы'ся: гряди`, не бо'йся, прибли'жися ко 
мнjь`. десни'цу на ве'рхъ мо'й положи'въ, возопi'й: 
бл~гослове'нъ jа=вле'йся, бж~е на'шъ, сла'ва тебjь`.

_W па'че о_у=ма` безмjь'рныя твоея` нищеты`, сло'ве 
бж~iй! мене` ра'ди па'дшагw, позна'хъ тя` за мл\срдiе во 
а=да'ма w=бле'кшася, и= су'щыя w\т а=да'ма w=бновля'юща, 
и= повину'яйся твоему` велjь'нiю, вjь'рнw зову` тебjь`: 
бл~гослове'нъ jа=вле'йся, бж~е на'шъ, сла'ва тебjь`.

Сла'ва, гла'съ и= подо'бенъ то'йже:

Съ тре'петомъ служя` i=wа'ннъ вл\дцjь, ра'дуется 
душе'ю, и= вопiе'тъ съ весе'лiемъ: сра'дуйтеся мнjь` вси` 
ро'ди пра'_отца, прiи'де бо ча'янiе на'ше, прiи'де на 
i=_орда'нъ хр\сто'съ, вся^ w\т грjьха` а=да'мова 
w=чи'стити, jа='кw бл~гоутро'бенъ.

И= ны'нjь, гла'съ и= подо'бенъ то'йже:

Воспои'мъ, лю'дiе, рожде'нному w\т дв~ы, и= въ рjьцjь` 
кре'щшемуся i=_орда'нjь, и= къ нему` возопiи'мъ: цр~ю` 
вся'кiя тва'ри, да'руй на'мъ неwсужде'ннw чт\сою 
со'вjьстiю, вjь'рнw дости'гнути твое` ст~о'е и=з\ъ 
ме'ртвыхъ тридне'вное воста'нiе.

На стiхо'внjь стiхи^ры, гла'съ в~:

Подо'бенъ: До'ме _е=vфра'fовъ:

Се` цр~ь, се` ча'янiе i=и~лево прiи'де: лю'дiе 
ра'дуйтеся, свjь'тъ бо jа=вля'ется.

Стi'хъ: Сегw` ра'ди помяну'хъ тя` w\т земли` 
i=_орда'нски и= _е=рмwнiи'мски.

О_у=зрjь'ся су'щымъ на земли` съ пло'тiю, 
бж~е'ственный ны'нjь свjь'тъ, су'щымъ во тьмjь` jа=ви'ся, 
и= всjь^мъ бл~года'ть возсiя`.

Стi'хъ: Ви'дjьша тя` во'ды, бж~е, ви'дjьша тя` во'ды, 
и= о_у=боя'шася.

Свjьти'льниче свjь'ту, заре` сл~нцу, пр\дте'че сло'ву, 
дру'же жениху` пр\оро'че послужи`.

Сла'ва, и= ны'нjь, гла'съ и~.

[ А=нато'лiево:] I=wа'нне кр\сти'телю, во о_у=тро'бjь 
позна'вый мя` а='гнца, на рjьцjь` ми` послужи`, со 
а='гг~лы ми` слу'жбу принеси`, просте'ръ косни'ся руко'ю 
твое'ю верху` моему` преч\стому. и= _е=гда` о_у='зриши 
го'ры трепе'щущыя, и= i=_орда'нъ возвраща'ющься, съ си'ми 
возопi'й: воплоти'выйся w\т дв~ы въ на'ше сп~се'нiе, 
гд\си, сла'ва тебjь`.

По Бл~го _е='сть: Трист~о'е. По _О='ч~е на'шъ, 
тропа'рь.

Та'же _е=кт_енiи`: И= w\тпу'стъ.

W= часjь'хъ въ на'вечерiи ст~ы'хъ бг~оявле'нiй, 
о_у=ка'зъ пи'санъ въ часjь'хъ рж\ства` хр\сто'ва.





`