Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::слав>

(с. 719)

%<Мjь'сяца тогw'же д~_i-й де'нь.%>

%<Слу'жба на па'мять о_у=спе'нiя ст~ы'я равноап\сльныя 
нi'ны, просвjьти'тельницы гру'зiи.%>

%<На вече'рни, стiхосло'вимъ: Б%>л~же'нъ му'жъ: 
%<пе'рвый а=нтiфw'нъ.%>

%<На Г%>д\си воззва'хъ, %<стiхи^ры на и~: пра'здника д~ 
и= ст~ы'я д~.%>

%<А='ще же нjь'сть w\тда'нiя бг~оявле'нiи, ст~ы'я на и~, 
гла'съ д~.%> (с. 72О)

%<Подо'бенъ: Jа='%>кw до'бля:

%<Н%>епоро'чнw возра'стшая, въ вjь'рjь крjь'пкая 
наста'внице i=ве'рiи, бл~же'нная нi'но, рабо` всjь'хъ 
и=скупи'теля хр\ста` бг~а, съ весе'лiемъ вослjь'дъ тогw` 
текла` _е=си`, и= лю'демъ проповjь'дала _е=си` и='стиннаго 
бг~а, и= научи'ла _е=си` я=` w\трещи'ся w\т i='дwлъ 
безду'шныхъ, показу'ющи пу'ть и='стины.

%<Два'жды.%>

%<В%>ъ руцjь` держа'щи чуде'съ зна'менiе, и=з\ъ ло'зъ 
вiногра'дныхъ кре'стъ честны'й, бл~же'нная ст~а'я нi'на, 
си'лою _е=гw` во гра'дjь мцхе'тjь сотвори` мнw'га чудеса`. 
тjь'мже _е=ли'цы про'повjьдь _е=я` прiя'ша, и=сцjьли'шася 
w\т не'мощи, и= бг~а просла'виша.

%<W\т%> за'пада къ восто'ку прише'дшую, и= лю'ди во 
тьмjь` сjьдя'щыя о_у=че'нiемъ хр\сто'вымъ просвjьти'вшую, и= 
вся^ i='в_ерская племена` ко хр\сту` бг~у приве'дшую, цари^ 
же и= кня^зи и=стука'нwмъ порабощ_е'нныя и=зба'вльшую си'лою 
бж~iею, сла'вимъ ст~у'ю равноап\сльную нi'ну, jа='кw 
свободи` я=` w\т ле'сти i='дwльскiя.

%<И='ны стiхи^ры, гла'съ и~.%>

%<Подо'бенъ: _W%> пресла'внагw чудесе`!

%<П%>рiиди'те дне'сь, вси` вjь'рнiи, согла'снw 
о_у=бл~жи'мъ сосу'дъ бл~года'ти, нi'ну ст~у'ю, jа='кw 
а=п\слwмъ о_у=подо'бися, и= прiи'де во страны` i='в_ерскiя, 
и= w=блиста'ся бл~года'тiю бж~iею: _w бл~же'нная, въ 
по'двизjьхъ твои'хъ, за ны` тобо'ю содjь'янныхъ, бу'ди на'мъ 
засту'пница пред\ъ гд\семъ.

%<Два'жды.%> (с. 721)

%<_W%> чудесе` ди'внагw, jа='кw сто'лпъ животво'рный и= 
сла'вный мл~твами жены` воздвиза'ется. дне'сь хр\ста` бг~а 
славосло'вятъ лю'дiе i='верстiи: си^лы же а=рма'за и= 
за'дена вспя'ть о_у=стремля'ются. _w хр\сте`, толи'кую 
мл\сть дарова'лъ _е=си` на'мъ рабо'ю твое'ю нi'ною, и= то'ю 
спа'слъ _е=си` ду'шы на'шя, jа='кw многомл\стивъ.

%<_W%> чудесе` чуде'съ, jа='кw немощно'е _е=стество` 
жены` w\т хр\ста` гд\са бж~е'ственнjь о_у=крjьпля'ется, и= 
се'ю страна` i='верская просвjьща'ется: вjь'ра бо разсjь'я 
мра'къ i='дwльскiй и= jа=ви` на'мъ сл~нце пра'вды хр\ста` 
бг~а.

%<Сла'ва, гла'съ в~:%>

%<П%>рiиди'те, вси` вjь'рнiи, восхва'лимъ цjьвни'цу дх~а 
ст~а'гw, о_у=бл~жи'мъ наста'вницу бл~гоче'стiя, врачева'нiе 
ду'шъ и= тjьле'съ на'шихъ, цвjь'ты слове'съ о_у=вязе'мъ 
равноап\сльную проповjь'дницу и= бл~говjь'стницу, 
свjьтоза'рное свjьти'ло i=ве'рiи, трубу` бг~огла'сную, нi'ну 
бг~ому'друю, преч\стыя бг~ома'тере прехва'льную о_у=чени'цу, 
и= та'кw _е='й возопiи'мъ: ра'дуйся, голуби'це непоро'чная 
и= го'рлице чи'стая: ра'дуйся, наста'внице бг~овjь'дjьнiя: 
ра'дуйся, сподви'жнице ст~ы'хъ а=п\слъ па'vла и= а=ндре'а: 
ра'дуйся, i=ве'рiйц_евъ просвjьще'нiе и= сла'во всегw` 
мi'ра.

%<И= ны'нjь, пра'здника: П%>риклони'лъ _е=си` главу` 
пр\дте'чи:

%<Вхо'дъ. Прокi'менъ дне`. Чт_е'нiя три`.%> (с. 722)

%<Собо'рнагw посла'нiя i=wа'ннова чте'нiе, главы^ г~ и= 
д~.%>

%<В%>озлю'бленнiи, а='ще се'рдце на'ше не за'зритъ 
на'мъ, дерзнове'нiе и='мамы къ бг~у. И= _е=гw'же а='ще 
про'симъ, прiе'млемъ w\т негw`: jа='кw за'пwвjьди _е=гw` 
соблюда'емъ, и= о_у=гw'дная пред\ъ ни'мъ твори'мъ. И= сiя` 
_е='сть за'повjьдь _е=гw`, да вjь'руемъ во и='мя сн~а _е=гw` 
i=и~са хр\ста`, и= лю'бимъ дру'гъ дру'га, jа='коже да'лъ 
_е='сть за'повjьдь на'мъ. И= соблюда'яй за'пwвjьди _е=гw`, 
въ не'мъ пребыва'етъ, и= то'й въ не'мъ: и= w= се'мъ 
разумjь'емъ, jа='кw пребыва'етъ въ на'съ, w\т дх~а, _е=го'же 
да'лъ _е='сть на'мъ. Возлю'бленнiи, не вся'кому ду'ху 
вjь'руйте, но и=скуша'йте, ду'хи, а='ще w\т бг~а су'ть: 
jа='кw мно'зи лжепроро'цы и=зыдо'ша въ мi'ръ. W= се'мъ 
познава'йте дх~а бж~iя и= ду'ха ле'стча. Вся'къ дх~ъ, и='же 
и=сповjь'дуетъ i=и~са хр\ста` во пло'ти прише'дша, w\т бг~а 
_е='сть. И= вся'къ ду'хъ, и='же не и=сповjь'дуетъ i=и~са 
хр\ста` во пло'ти прише'дша, w\т бг~а нjь'сть: и= се'й 
_е='сть а=нтi'хрiстовъ, _е=го'же слы'шасте, jа='кw гряде'тъ, 
и= ны'нjь въ мi'рjь _е='сть о_у=же`. Вы` w\т бг~а _е=сте`, 
ча^дца, и= побjьди'сте тjь'хъ, jа='кw бо'лiй _е='сть и='же 
въ ва'съ, не'жели и='же въ мi'рjь. _О=ни` w\т мi'ра су'ть, 
сегw` ра'ди w\т мi'ра глаго'лютъ, и= мi'ръ тjь'хъ 
послу'шаетъ. Мы` w\т бг~а _е=смы`: и='же зна'етъ бг~а, 
послу'шаетъ на'съ: и= и='же нjь'сть w\т бг~а, не послу'шаетъ 
на'съ. (с. 723)

%<Собо'рнагw посла'нiя i=wа'ннова чте'нiе, глава` д~.%>

%<В%>озлю'бленнiи, а='ще си'це возлюби'лъ _е='сть на'съ 
бг~ъ, и= мы` до'лжни _е=смы` дру'гъ дру'га люби'ти. Бг~а 
никто'же нигдjь'же ви'дjь. А='ще дру'гъ дру'га лю'бимъ, бг~ъ 
въ на'съ пребыва'етъ, и= любы` _е=гw` соверше'нна _е='сть въ 
на'съ. W= се'мъ разумjь'емъ, jа='кw въ не'мъ пребыва'емъ, и= 
то'й въ на'съ, jа='кw w\т дх~а своегw` да'лъ _е='сть на'мъ. 
И= мы` ви'дjьхомъ и= свидjь'тельствуемъ, jа='кw _о=ц~ъ 
посла` сн~а сп~си'теля мi'ру. И='же а='ще и=сповjь'сть, 
jа='кw i=и~съ _е='сть сн~ъ бж~iй, бг~ъ въ не'мъ пребыва'етъ, 
и= то'й въ бз~jь. И= мы` позна'хомъ, и= вjь'ровахомъ 
любо'вь, ю='же и='мать бг~ъ въ на'съ. Бг~ъ любы` _е='сть, и= 
пребыва'яй въ любви`, въ бз~jь пребыва'етъ, и= бг~ъ въ не'мъ 
пребыва'етъ.

%<Собо'рнагw посла'нiя i=wа'ннова чте'нiе, главы^ д~ и= 
_е~.%>

%<В%>озлю'бленнiи, а='ще кто` рече'тъ, jа='кw люблю` 
бг~а, а= бра'та своего` ненави'дитъ, ло'жь _е='сть: и='бо не 
любя'й бра'та своегw`, _е=го'же ви'дjь, бг~а, _е=гw'же не 
ви'дjь, ка'кw мо'жетъ люби'ти; И= сiю` за'повjьдь и='мамы 
w\т негw`, да любя'й бг~а лю'битъ и= бра'та своего`. Вся'къ 
вjь'руяй, jа='кw i=и~съ _е='сть хр\сто'съ, w\т бг~а рожде'нъ 
_е='сть: и= вся'къ любя'й ро'ждшаго лю'битъ и= рожде'ннаго 
w\т негw`. W= се'мъ вjь'мы, jа='кw лю'бимъ ча^да бж~iя, 
_е=гда` бг~а лю'бимъ и= за'пwвjьди _е=гw` (с. 724) 
соблюда'емъ. Сiя^ бо _е='сть любы` бж~iя, да за'пwвjьди 
_е=гw` соблюда'емъ: и= за'пwвjьди _е=гw` тя^жки не су'ть. 
Jа='кw вся'къ рожде'нный w\т бг~а побjьжда'етъ мi'ръ: и= 
сiя` _е='сть побjь'да побjь'ждшая мi'ръ, вjь'ра на'ша. Кто` 
_е='сть побjьжда'яй мi'ръ, то'кмw вjь'руяй, jа='кw i=и~съ 
_е='сть сн~ъ бж~iй;

%<А='ще твори'мъ бдjь'нiе, на лiтi'и стiхи^ры 
пра'здника.%>

%<На стiхо'внjь стiхи^ры, гла'съ а~:%>

%<Р%>ожде'ннаго w\т дв~ы хр\ста` бг~а бл~же'нная дjь'ва 
нi'на возлюби`, да ве'лiимъ гла'сомъ возвjьсти'тъ племенw'мъ 
i='в_ерскимъ ст~о'е и='мя _е=гw`. сегw' бо ра'ди нб\сный 
жени'хъ хр\сто'съ гд\сь даде` _е='й дарова^нiя ст~а'гw дх~а, 
и= содjь'ла ю=` равноап\сльну, jа='кw сосу'дъ бл~года'ти 
дх~о'вныя, и= _е='ю дарова` на'мъ сп~се'нiе, jа='кw 
чл~вjьколю'бецъ.

%<Стi'хъ: В%>о всю` зе'млю и=зы'де вjьща'нiе и='хъ, и= 
въ концы` вселе'нныя глаго'лы и='хъ.

%<И=%>дjь'же бл~гоуха'ша стwпы` твоя^, хр\сте`, женише` 
свjь'тлый, та'мw ше'ствова ст~а'я цjьлому'дренная невjь'ста 
твоя`, бл~же'нная нi'на, голуби'ца чи'стая, го'рлица 
бл~голjь'пная, ла'стовица сладкогла'сная, и= воню` мv'ра 
твоегw` w=боня'вши, гла'сомъ ве'лiимъ ст~о'е твое` и='мя 
возвjьсти`, и= си'лою крjь'пкою вся^ i='в_ерскiя и= 
картали^нскiя лю'ди вjь'ровати въ бж~ество` твое` научи`.

%<Стi'хъ: Н%>б~са` повjь'даютъ сла'ву бж~iю, творе'нiе 
же руку` _е=гw` возвjьща'етъ тве'рдь. (с. 725)

%<О_у=%>страше'нная си'ла тьмы` сjь'туетъ: дiа'волъ 
побjьжде'нъ бы'сть. а=рма'за порази` гро'мъ: за'дена 
пости'же гнjь'въ нб\сный. кре'стъ воздви'жеся, и= ст~а'я 
купjь'ль бл~года'тнагw кр~ще'нiя w\ткры'ся на'мъ о_у= 
столпа` животво'рнагw. тjь'мже и= мы` ча^да бж~iя, 
воспрiи'мше кр~ще'нiе твое'ю w= хр\стjь` про'повjьдiю, нi'но 
всехва'льная, дх~о'внjь весели'мся, и= хр\ста` бг~а 
воспjьва'емъ w=бновле'ннiи.

%<Сла'ва, гла'съ и~:%>

%<Ч%>а'шу бл~года'ти, и=злiя'ньми дх~а ст~а'гw, 
бл~же'нная нi'но, въ цр~кви бога'тнw раствори'ла _е=си`: 
сегw` ра'ди пресла'вное торжество` твое` на ве'черю 
призыва'етъ вся^ вjь^рныя, jа=`же бл~года'ть дх~а бж~iя 
возроди` въ купjь'ли ст~а'гw кр~ще'нiя. тjь'мже вси` во 
хр\ста` w=бле'кшiися да восхва'лятъ бг~а пjь'сньми, и= 
пра'зднующе дне'сь, да велича'ютъ бг~освjь'тлую тр\оцу, 
си'це глаго'люще: бж~е чудотво'рче вседержи'телю, сохрани` 
на'съ и=сповjь'дающихъ тя`.

%<И= ны'нjь, пра'здника.%>

%<Тропа'рь, гла'съ д~:%>

%<С%>ло'ва бж~iя служи'тельнице, во а=п\сльстjьй 
про'повjьди первозва'нному а=ндре'ю и= про'чымъ а=п\слwмъ 
подража'вшая, просвjьти'тельнице i=ве'рiи, и= дх~а ст~а'гw 
цjьвни'це, ст~а'я равноап\сльная нi'но, моли` хр\ста` бг~а 
сп~сти'ся душа'мъ на'шымъ.

%<Сла'ва, и= ны'нjь, пра'здника.%>

%<А='ще же твори'мъ бдjь'нiе, тропа'рь ст~ы'я, два'жды, 
и= пра'здника. _е=ди'ножды.%> (с. 726)



%<На о_у='трени,%>

%<На Б%>г~ъ гд\сь, %<тропа'рь пра'здника, два'жды. 
Сла'ва, ст~ы'я. И= ны'нjь, пра'здника.%>

%<По а~-мъ стiхосло'вiи сjьда'ленъ, гла'съ г~:%>

%<В%>сю` страну` на'шу сло'вомъ дх~о'внымъ, 
равноап\сльная нi'но, w=роси'ла _е=си`, и= та'кw плодоно'сну 
сiю` сотвори'ла _е=си`, во _е='же произрасти'ти сjь'мя 
вjь'ры: концы` вселе'нныя просвjьти'ла _е=си`, и= невjь'рiя 
пле'велы и=сто'ргла _е=си`, крести'вши i='в_ерскiя jа=зы'ки 
во и='мя тр\оцы безнача'льныя.

%<Сла'ва, гла'съ и~.%>

%<П%>рiиди'те вси`, воспои'мъ равноап\сльную нi'ну, 
бг~ому'друю просвjьти'тельницу i=ве'рiи: та' бо ле'сть 
i='дwльскую, w\тгна`, w\т тьмы` ко свjь'ту на'съ приве'дши, 
и= тр\оцу _е=диносу'щную сла'вити научи`. тjь'мже вси` 
вjь'рнiи пра'зднуимъ честну'ю па'мять _е=я` съ вjь'рою, и= 
просла'вимъ сп~са на'шего.

%<И= ны'нjь, пра'здника.%>

%<По в~-мъ стiхосло'вiи сjьда'ленъ, гла'съ и~.%>

%<М%>итропо'лiе ст~а'я, цр~кве красото`, весели'ся и= 
ра'дуйся, jа='кw свjь'тлое пра'зднество w=снова'вшiя тя` 
проповjь'дницы _е=v\глiа соверша'ется, ма'тере на'шея нi'ны 
равноап\сльныя, и= съ на'ми возопi'й: хр\сте` бж~е, тоя` 
мл~твами о_у=тверди` вjь'ру твою`.

%<Сла'ва, и= ны'нjь, пра'здника.%> (с. 727)

%<На полv"еле'и велича'нiе:%>

%<В%>елича'емъ тя`, ст~а'я равноап\сльная нi'но, всю` 
страну` i='верскую свjь'томъ _е=v\глiа просвjьти'вшую и= ко 
хр\сту` приве'дшую.

%<_Псало'мъ и=збра'нный: Н%>б~са` повjь'даютъ сла'ву 
бж~iю:

%<По полv"еле'и сjьда'ленъ, гла'съ и~:%>

%<П%>ред\ъизбра'нная w\т бг~а ма'ти, а=п\слwвъ чи'нъ 
взе'мши, свjь'томъ _е=v\глiа страну` i='верскую просвjьти'ла 
_е=си`, со а='гг~лы пjьсносло'вящи и=зба'вителя и= моля'щися 
непреста'ннw w= на'съ, jа='кw да бл~года'ть и= мл\сть 
хр\сто'съ на'мъ да'руетъ.

%<Сла'ва, и= ны'нjь, пра'здника.%>

%<Та'же, степ_е'нна, а~-й а=нтiфw'нъ д~-гw гла'са.%>

%<Прокi'менъ: В%>о всю` зе'млю и=зы'де вjьща'нiе и='хъ, 
и= въ концы` вселе'нныя глаго'лы и='хъ. %<Стi'хъ: Н%>б~са` 
повjь'даютъ сла'ву бж~iю: %<В%>ся'кое дыха'нiе: %<_Е=v\глiе 
w\т матfе'а, зача'ло л~д w\т полу`: В%>о вре'мя _о='но 
призва` i=и~съ _о=бана'десять о_у=ч~нки` своя^:

%<По н~-мъ _псалмjь` стiхи'ра, гла'съ s~: П%>рiиди'те 
вси`, воспои'мъ равноап\сльную нi'ну: %<[jа='коже 
преднаписа'ся.]%>

%<С%>п~си`, бж~е, лю'ди твоя`:

%<_О='ба канw^на пра'здника со i=рмосы` на и~: и= 
ст~jь'й нi'нjь на s~, гла'съ а~.%>

%<Пjь'снь а~.%>

%<I=рмо'съ: С%>п~се` лю'ди чудодjь'йствуяй вл\дка, 
мо'крую мо'ря во'лну w=землени'въ дре'вле: во'лею же 
ро'ждься w\т дв~ы, стезю` прохо'дну нб~се` полага'етъ на'мъ. 
_е=го'же по существу`, ра'вна же _о=ц~у` и= человjь'кwмъ 
сла'вимъ. (с. 728)

%<W\т%>ве'рзи о_у=стнjь` мои`, хр\сте` бж~е, да 
восхвалю` дjь'ву равноап\сльную и= проповjь'дницу нi'ну 
воспою`, и= просвjьти` о_у='мъ мо'й, да досто'йную цвjь^ты 
слове'съ о_у=кра'шу по достоя'нiю.

%<Р%>jь^чи чужды'хъ ти` племе'нъ о_у=разумjь'ла _е=си`, 
прехва'льная нi'но, и= w\т дх~а ст~а о_у=мудре'на бы'вши, въ 
видjь'нiи сама'го гд\са о_у=зрjь'ла _е=си`. тjь'мже въ 
земли` непло'днjьй, бг~ому'драя дjь'во, лю'ди i='в_ерскiя ко 
хр\сту` привела` _е=си`.

%<Ж%>естос_е'рдыя ва'рвары, кумi'рwмъ служа'щыя, jа='кw 
голуби'ца w\т за'пада воспари'вшая, любо'вiю твое'ю 
w=брати'ла _е=си` ко творцу`, и= бл~года'тiю w=бновл_е'нныя, 
невjь'сто хр\сто'ва непоро'чная, жениху` твоему` w=бручи'ла 
_е=си`.

%<Бг~оро'диченъ:%>

%<С%>осу'дъ бл~госты'ни твоея`, преч\стая дв~о бц\де, 
бы'сть ст~а'я дjь'ва, и= страну`, жре'бiемъ тебjь` 
свидjь'тельствовану, просвjьти`. сегw` ра'ди мо'лимъ тя`: 
сiю` прiими` съ тобо'ю въ мл~тву w= вопiю'щихъ тебjь`: 
поми'луй жре'бiй тво'й.

%<Катава'сiа: Г%>лубины` w\ткры'лъ _е='сть дно`: и= 
друга'я: Ше'ствуетъ морску'ю:

%<Пjь'снь г~.%>

%<I=рмо'съ: П%>ри'зри на пjь^нiя рабw'въ, бл~годjь'телю, 
врага` смиря'я вознесе'нную горды'ню: нося'й же, всеви'дче, 
грjьха` превы'ше непоколе'блемw, о_у=твержд_е'ныя, бл~же, 
пjьвцы`, w=снова'нiемъ вjь'ры.

%<М%>илосе'рдiя ра'ди своегw` ми'лостивнw помяну'въ 
на'съ, о_у=се'рдну бл~говjь'стницу содjь'ла тя` бг~ъ, (с. 
729) жену` су'щу, му'жескимъ смы'сломъ о_у=кра'шену. и= 
и=спо'лнену дх~а ст~а jа=ви` на'мъ, и= твое'ю про'повjьдiю 
w= хр\стjь`, чрез\ъ вjь'ру въ него`, на'съ о_у=сынови'лъ 
_е='сть.

%<П%>окрыва'ло w\т серде'цъ на'шихъ безчу'вственныхъ 
w\тпаде`, w=тягче'нный слу'хъ на'шъ w\т гла'са про'повjьди 
твоея` w\ткры'ся, w=мраче'нiе о_у=ма` на'шегw разсjь'яся 
свjь'томъ о_у=че'нiя хр\сто'ва, тобо'ю возвjьще'ннагw, _w 
ст~а'я равноап\сльная нi'но, до'блественная о_у=чени'це 
хр\сто'ва.

%<П%>окланя'вшiися и=ногда` кумi'рwмъ, и= пребыва'вшiи 
во тьмjь` нече'стiя, w\т ле'сти i='дwльскiя твои'мъ 
прише'ствiемъ, бл~же'нная нi'но, свободи'шася: а=рма'зъ же 
вострепета`, _е=гда` гро'мъ возгремjь`, и= неи'стwвства 
за'дена преста'ша.

%<Бг~оро'диченъ:%>

%<Т%>обо'ю, бц\де дв~о, w\т ро'ва нече'стiя под\ъя'ти 
бы'хомъ, _е=гда` ти` о_у=го'дно бы'сть просвjьще'нiе на'ше 
жено'ю сотвори'ти: повнегда' же и=зы'ти на'мъ w\т купjь'ли 
ст~ы'я, позна'хомъ сн~а твоего` и= бг~а на'шего бл~же'нною 
нi'ною.

%<Конда'къ и= i='косъ пра'здника. Сjьда'ленъ, гла'съ 
в~:%>

%<Jа='%>коже со'лнце незаходи'мое, сл~нца пра'вды 
хр\ста` бг~а проповjь'дница, свjьтоза'рная sвjьзда`, 
свjь'тлый вселе'нныя свjьти'льникъ, неwцjьне'нное сокро'вище 
i='верскiя страны`, дне'сь нi'на въ земли` на'шей сiя'етъ и= 
бл~гоуха'етъ, наста'вница на'ша, равноап\сльная раба` 
хр\сто'ва.

%<Два'жды.%> (с. 73О)

%<Сла'ва, и= ны'нjь, пра'здника.%>

%<Пjь'снь д~.%>

%<I=рмо'съ: Р%>о'да человjь'ча w=бновле'нiе, дре'вле 
поя`, пр\оро'къ а=вваку'мъ предвозвjьща'етъ, ви'дjьти 
неизрече'ннw сподо'бився w='бразъ: млады'й мл\днцъ бо и=з\ъ 
горы` дв~ы и=зы'де, люде'й во w=бновле'нiе, сло'во.

%<Jа='%>коже ле'въ безстра'шна пребы'вши, крjь'пцjь 
хр\ста` бг~а проповjь'дала _е=си`: па'рfянъ си'лою чуде'съ 
о_у=лови'ла _е=си`, гаiанi'ю же и= рi_псiмi'ю по'двигомъ 
до'блественнагw и='хъ му'ченичества въ да'ръ хр\сту` 
принесла` _е=си`. то'й же сохрани` тебе` саму'ю, во _е='же 
просвjьти'ти тобо'ю i='верскую страну`.

%<Jа='%>коже _о=ре'лъ, во _о='чiю тво_е'ю воз\ъwбрази'ла 
_е=си` i='верскую страну` на'шу, пресла'вная нi'но, и= 
ст~о'ю ре'вностiю по бз~jь разже'гшися, ст~ы'мъ _е=v\глiемъ 
сiю` просвjьти'ла _е=си`.

%<В%>ла'сть и=му'щи разгна'ти мглу`, му'драго царя` 
просвjьти'ла _е=си`, равноап\сльному царю` кwнстантi'ну 
о_у=подо'бльшися, наста'внице на'ша и= врачу` смы'сленный. 
сегw` ра'ди о_у=бл~жа'емъ и='мя твое`, дjь'во, 
проповjь'днице хр\ста`, вели'кая равноап\сльная нi'но.

%<Бг~оро'диченъ:%>

%<W\т%> ле'сти i='дwльскiя тобо'ю, бц\де, и=зба'влени 
бы'вше лю'дiе i='верстiи, и='хже тебjь` жре'бiй показа`, и= 
бл~говjь'стiемъ прп\дбныя ма'тере на'шея нi'ны w=заре'ни 
бы'вше, взыва'ютъ къ тебjь`: и=збавле'нiе на'ше, сп~си' ны, 
мт~и хр\ста` бг~а. (с. 731)

%<Пjь'снь _е~.%>

%<I=рмо'съ: И=%>з\ъ но'щи дjь'лъ w=мраче'нныя пре'лести, 
w=чище'нiе на'мъ, хр\сте`, бо'дреннw ны'нjь соверша'ющымъ 
пjь'снь, jа='кw бл~годjь'телю, прiиди` подава'яй о_у=до'бну 
стезю`, по не'йже востека'юще w=бря'щемъ сла'ву.

%<П%>адо'ша i='дwли во странjь` i='верстjьй и= 
созда'шася хра'мы гд\сни тобо'ю, ма'ти на'ша: мы' же, ча^да 
сiw'на, тобо'ю просвjьще'ни бы'вше, дне'сь прославля'емъ 
трiv"поста'сное бж~ество`, сла'вимъ честны'й кр\стъ хр\ста` 
и= честву'емъ цjьльбоно'сный хiтw'нъ _е=гw`.

%<С%>ы'нове тjь'хъ, и=`же w\т дне'й столпотворе'нiя 
вавv"лw'нска sлоче'стiемъ плjьне'ни бы'ша, и= пjь'снь гд\сню 
воспjьва'ти не разумjь'ша, ны'нjь и=зше'дше w\т ст~ы'я 
купjь'ли глаго'лютъ: во хр\ста` w=блеко'хомся, во хр\ста` 
крести'вшеся.

%<_Е=%>гда` ца'рствова фараw'нъ над\ъ _е=гv'птяны, тi'и, 
во тьмjь` _е=гv'петстjьй сjьдя'ще, и='стинному бг~у служи'ти 
не мого'ша: дне'сь же мы`, ча^да сiw'на, нi'ною и=зба'влени 
бы'вше, ра'достнw пои'мъ гд\севи.

%<Бг~оро'диченъ:%>

%<_Е=%>гда` приспjь` ко мнjь` вра'чь, прест~а'я бц\де, 
тогда` воста'хъ w\т _о=дра` моегw` немощству'яй, и= 
прп\дбною нi'ною и=зба'вихся w\т ле'сти i='дwлъ нечи'стыхъ: 
сiя^ ро'дъ i='верскiй взыва'етъ, глаго'ля: воспjьва'ю тя`, 
о_у=пова'нiе мое`, мт~и бж~iя.

%<Пjь'снь s~.%>

%<I=рмо'съ: W=%>бита'я i=w'на въ преиспо'днихъ 
морски'хъ, прiити` моля'щеся, и= бу'рю о_у=толи'ти: 
о_у=нзе'нъ же а='зъ му'чащагw (с. 732) стрjьло'ю, хр\сту` 
воспjьва'ю, sw'лъ губи'телю, ско'рw прiити` тебjь` къ мое'й 
лjь'ности.

%<В%>озсiя'вшу свjь'ту w\т за'пада, преста'ни, сjь'вере, 
и= повjь'й, ю='же: со'лнце бо восхо'дитъ разгна'ти мглу`, и= 
бли'зъ _е='сть дхнове'нiе теплоты`, во _е='же та'яти ле'ду: 
се` гряде'тъ проповjь'дница хр\ста`, нi'на ст~а'я.

%<W\т%> тьмы` i='дwльскiя и=зба'влени бы'вше тобо'ю, 
равноап\сльная нi'но, вси` лю'дiе картали'нстiи воспjьва'ютъ 
тя` и= о_у=миле'ннw взыва'ютъ: w\тжени` w\т на'съ sло'бу, 
дiа'вола же и= супоста'ты на'шя порази`.

%<О_у=%>гото'ванная тобо'ю при столпjь` животво'рнjьмъ 
и= мjь'стjь хране'нiя хiтw'на гд\сня купjь'ль ст~а'я не 
мертви'тъ младе'нцы, но сiя^ возражда'етъ, _е=ле'емъ ст~ы'мъ 
о_у=маща'ющи. тjь'мже вопiе'мъ ти`: ра'дуйся, дjь'во, 
равноап\сльная нi'но.

%<Бг~оро'диченъ:%>

%<Н%>аде'ждо непосты'дная надjь'ющихся на тя`, _е=ди'на 
ро'ждшая па'че _е=стества` пло'тiю хр\ста` бг~а на'шего, 
того` со бл~же'нною нi'ною моли` пода'ти i='верстjьй 
странjь` о_у=твержде'нiе и= преспjь'янiе въ вjь'рjь, и= 
всjь^мъ на'мъ пре'жде конца` житiя` и=справле'нiе.

%<Конда'къ, гла'съ в~:%>

%<П%>рiиди'те дне'сь вси`, воспои'мъ и=збра'нную w\т 
хр\ста` равноап\сльную проповjь'дницу бж~iя сло'ва, му'друю 
бл~говjь'стницу, лю'ди картали'нiи приве'дшу (с. 733) на 
пу'ть живота` и= и='стины, бг~ома'тере о_у=чени'цу, 
о_у=се'рдную засту'пницу и= неусыпа'ющую храни'тельницу 
на'шу, нi'ну прехва'льную.

%<I='косъ:%>

%<В%>ъ гу'слехъ дх~о'вныхъ да восхва'лится му'драя 
проповjь'дница, i=ве'рiи просвjьти'тельница, въ купjь'ли 
креще'нiя и=збра'нными па'стырьми w=ст~и'вшая лю'ди, 
жре'бiемъ свидjь'тельствwванныя, равноап\сльная, 
возлю'бленная раба` хр\сто'ва, jа='же де'сять за'повjьдей 
бж~iихъ прiя'тъ, jа='коже мwv"се'й бг~ови'децъ. прiиди'те 
о_у=`бо, дне'сь о_у=бл~жи'мъ пjь'сньми о_у=се'рдную 
засту'пницу и= неусыпа'ющую храни'тельницу на'шу, нi'ну 
прехва'льную.

%<Пjь'снь з~.%>

%<I=рмо'съ: В%>сецр~я` любо'вiю о_у=ловле'ннiи 
_о='троцы, о_у=кори'ша безчи'сленнw jа=ря'щася мучи'теля 
sлобо'жное я=зыковре'дiе. и=`мже повину'ся _о='гнь мно'гiи, 
вл\дцjь глаго'лющымъ: во вjь'ки бл~гослове'нъ _е=си`.

%<Ч%>ерто'зи царя` и= цари'цы jа='кw плjь'нницу и= 
стра'нницу тя` призрjь'ша: _о=ба'че и= сiя^ w\т плjь'на 
преиспо'днягw бл~года'тiю хр\сто'вою привела` _е=си` ко 
хр\сту` бг~у, нi'но равноап\сльная, бл~говjь'стнице 
сп~се'нiя.

%<В%>негда` воздви'гнути тебjь` сто'лпъ ст~ы'й и= 
воздjь'яти ру'цjь твои`, о_у=страши'шася си^лы дiа'вола и= 
со тре'петомъ бjьжа'щя возрыда'ша го'рькw. мы' же вопiе'мъ: 
бл~гослове'нъ _е=си`, хр\сте` бж~е, во вjь'ки. (с. 734)

%<В%>озвjьща'_емымъ словес_е'мъ твои^мъ, падо'ша ни'цъ 
лю'дiе, jа='кw w\т гла'са тру'бъ царе'выхъ, и= ца^рства и= 
ца'рiе вострепета'ша, глаго'люще: _w плjь'ннице и= 
плjь'нныхъ свобожде'нiе! бу'ди бл~гослове'но прише'ствiе 
твое`.

%<Бг~оро'диченъ:%>

%<Jа='%>вjь предрече'нная пр\орw'ки, мт~и бж~iя, 
пренепоро'чная дв~о мр~i'е, пребыва'нiемъ твои'мъ во 
_е=гv'птjь съ бг~омладе'нцемъ, i=и~съ хр\сто'мъ, и=стука'ны 
_е=гv'п_етскiя сокруши'ла _е=си` до w=снова'нiй, и= нi'ною 
потреби'ла _е=си` кумi'ры картали'нiи: бу'ди бл~гослове'на, 
приснодв~о.

%<Пjь'снь и~.%>

%<I=рмо'съ: О_у=%>тро'бу неwпа'льнw w=бразу'ютъ 
_о=трокови'цы, и=`же въ ве'тсjьмъ w=паля'емiи ю='нwши, 
преесте'ственнw ражда'ющую, запечатлjь'ну: _о=боя' же 
содjьва'ющи чудодjь'йство _е=ди'но, лю'ди къ пjь'нiю 
возставля'етъ бл~года'ть.

%<П%>а'мяти ст~ы'я нi'ны подоба'етъ пра'зднество. 
прiиди'те о_у=`бо, вjь'рнiи хр\сту`: просла'вимъ и= 
возбл~годари'мъ мл\стиваго бг~а. ро'ди же и= племена` и= 
ча'да сiw'на, въ дх~о'внjьй ра'дости торжеству'йте ку'пнw съ 
на'ми, глаго'люще: сла'ва проповjь'дницjь хр\ста` и= бг~а 
на'шегw.

%<Р%>а'дуйся, страно` картали'нская, w\т нi'ны вjьнце'мъ 
хр\сто'вымъ вjьнча'нная, свjьти'ся и= бл~гоукраша'йся: 
призыва'етъ бо ны` равноап\сльная ст~а'я нi'на, свjь'томъ 
гд\снимъ вся^ w=заря'ющи.

%<Т%>ы` заповjь'дала _е=си` на'мъ, равноап\сльная, 
вjь'ру свя'тw блюсти`, _е='йже новоwбращ_е'нныя (с. 735) 
лю'ди научи'ла _е=си`. сегw` ра'ди вертогра'ды, jа=`же 
насади'ла _е=си` въ дх~о'внjьй па'ствjь твое'й, посjьти` и= 
о_у=тверди`.

%<Бг~оро'диченъ:%>

%<_W%> мт~и хр\ста` бг~а, творца` су'щихъ, 
сподо'бльшiйся тобо'ю жи'зни вjь'чныя ро'дъ картали'нскiй 
храни`, мл~твами нi'ны бл~же'нныя.

%<Пjь'снь f~.%>

%<I=рмо'съ: Л%>юби'ти о_у='бw на'мъ, jа='кw безбjь'дное 
стра'хомъ, о_у=до'бjье молча'нiе: любо'вiю же, дв~о, пjь^сни 
тка'ти, спротяже'ннw слож_е'нныя, неудо'бно _е='сть. но и=, 
мт~и, си'лу, _е=ли'ко _е='сть произволе'нiе, да'ждь.

%<В%>ожделjь'нна на'мъ па'мять твоя`, ди'вно 
чудодjь'йство твое`, ст~о житiе` твое`: вся^ на'мъ быва'ютъ 
во бл~го тобо'ю, нi'но цjьлому'дренная.

%<П%>рiя'телище моще'й твои'хъ, бл~года'ть 
и=сточа'ющихъ, о_у=твержде'нiе _е='сть странjь` 
i=верi'йстjьй. сегw` ра'ди и= взыва'етъ къ тебjь`: 
бл~же'нная нi'но, w=храня'й на'съ твои'мъ заступле'нiемъ.

%<П%>роповjь'днице и= просвjьти'тельнице, при'зри на 
пjь'нiе на'ше о_у=миле'нное, и= о_у=ми'лостиви къ на'мъ 
гд\са: не попусти` на'мъ, хвалы` твоея` ревни'тел_емъ, во 
грjьсjь'хъ поги'бнути, и= предстоя'щи пр\сто'лу бж~iю, моли` 
хр\ста` бг~а сп~сти'ся душа'мъ на'шымъ.

%<Бг~оро'диченъ:%>

%<О_у=%>слы'ши мол_е'нiя на^ша, мт~и бж~iя, и= прп\дбныя 
нi'ны заступле'нiемъ w\тжени` w\т на'съ (с. 736) вся^ 
и=скуш_е'нiя, да'руй на'мъ мл\сть твою`, и= побjь'ду на 
враги`.

%<Свjьти'ленъ. Подо'бенъ: П%>осjьти'лъ ны` _е='сть 
восто'къ свы'ше:

%<Р%>авноап\сльная проповjь'днице и= бл~говjь'стнице 
хр\сто'ва, w\т навjь^тъ вра'жiихъ и=збавля'ющая ны`! а='ще 
и= въ нjь'дрjьхъ земли` сокрове'на _е=си` w\т _о='чiю 
на'ш_ею, _о=ба'че жива` пребыва'еши о_у= пр\сто'ла хр\ста` 
бг~а на'шегw: бу'ди о_у=`бо засту'пница о_у=се'рднw чту'щымъ 
тя`.

%<Два'жды.%>

%<Сла'ва, и= ны'нjь, пра'здника.%>

%<На хвали'техъ стiхи^ры на s~: пра'здника г~ и= ст~ы'я 
г~, гла'съ а~:%>

%<Р%>а'дуйся, цр~ковь бж~iя, со ча'ды твои'ми, 
бл~же'нныя нi'ны собо'ру сла'вному: ра'дуйся и= соста'ви 
дх~о'вное торжество`, въ _е='же пjь'ти проповjь'дницу на'шу, 
цр\ствiя нб\снагw равноап\сльную бл~говjь'стницу.

%<Два'жды.%>

%<З%>на'менiе дх~о'вное, ст~ы'й кр\стъ хр\сто'въ 
запечатлjь` на'съ, прiе'мшихъ про'повjьдь нi'ны бл~же'нныя. 
тjь'мже и= воскли'кнемъ глаго'люще: _w животворя'щiй кр\сте 
гд\сень! храни` вся^ ны`: во хр\ста' бо крести'хомся и= во 
хр\ста` w=блеко'хомся. ты' же, хр\сте` бж~е, сп~си` лю'ди 
твоя^.

%<Сла'ва, гла'съ в~:%>

%<Д%>не'сь си^лы нб\сныя съ земны'ми ра'дуются: дне'сь 
страна` картали'нская, кр\сто'мъ w=гражде'нная, w=блека'ется 
си'лою, и= ро'гъ цр~кве возно'сится: (с. 737) дне'сь хра'мъ 
прест~ы'я бц\ды па'мятiю ст~ы'я нi'ны бл~голjь'пнw 
о_у=краша'ется. мы' же вjь'рнiи воспои'мъ хр\ста`, бг~а же 
и= чл~вjь'ка, и= возопiи'мъ: сла'ва въ вы'шнихъ бг~у.

%<И= ны'нjь, пра'здника.%>

%<Славосло'вiе вели'кое. По трист~jь'мъ тропа'рь 
ст~jь'й. Сла'ва, и= ны'нjь, пра'здника. _Е=кт_енiи`, и= 
w\тпу'стъ.%>

%<На лiтургi'и: Бл~ж_е'нна w\т канw'на бг~оявле'нiй и= 
ст~ы'я, пjь'снь г~-я и= s~-я. Прокi'менъ, гла'съ и~: В%>о 
всю` зе'млю и=зы'де вjьща'нiе и='хъ, и= въ концы` вселе'нныя 
глаго'лы и='хъ. %<Стi'хъ: Н%>б~са` повjь'даютъ сла'ву бж~iю, 
творе'нiе же руку` _е=гw` возвjьща'етъ тве'рдь. %<А=п\слъ къ 
корi'нfянwмъ, зача'ло рл~а: Б%>ра'тiе, бг~ъ ны` посла'нники 
послjь^днiя jа=ви`: %<А=ллилу'iа, гла'съ а~. И=%>сповjь'дятъ 
нб~са` чудеса` твоя^, гд\си. %<Стi'хъ: Б%>г~ъ прославля'емь 
въ совjь'тjь ст~ы'хъ. %<_Е=v\глiе w\т матfе'а, зача'ло р~д. 
Р%>ече` гд\сь при'тчу сiю`: о_у=подо'бися цр\ствiе нб\сное 
десяти'мъ дjь'вамъ: %<Прича'стенъ: В%>о всю` зе'млю и=зы'де 
вjьща'нiе и='хъ: