Богослужебные тексты

<::рус>    электронный текст предоставлен 

<::лат>    monah German - Srbija 

<::рус> Текст подвергнут грамматической правке



<::слав> 


%<Мц\са i=ануа'рiа s~_i де'нь.%>

%<Па'мять прп\дбнагw и= бг~оно'снагw _о=тца` на'шегw 
рwмv'ла раваничкагw сiнаи'та.%>

%<На вели'цjьй вече'рни, Б%>л~же'нъ му'жъ, %<а~-й 
а=нтiфw'нъ.%>

%<На Г%>д\си воззва'хъ, %<стiхи^ры на s~, повторя'юще 
я=`, гла'съ в~.%>

%<Подо'бенъ: _Е=%>гда` w\т дре'ва:

%<_Е=%>гда` возложи'лся _е=си` w\т ю='ности твоея` 
jа='коже самуи'лъ гд\севи, прему'дре, тогда` jа='кw 
фi'нi_ксъ процвjь'лъ _е=си` и= jа='кw ке'дръ лiва'нскiй 
о_у=мно'жился _е=си`, и=спо'лнився зна'менiй и= просiя'въ 
чудесы` и= си'лами, jа='же jа='кw пр\снотеку'щiй 
и=сто'чникъ и=сточа'етъ бога'тнw ра'ка твоя`, рwмv'ле, 
притека'ющымъ къ тебjь` вjь'рою.

%<_Е=%>гда` вои'стинну не w\т хотjь'нiя плотска'гw, 
ниже` w\т хотjь'нiя му'жескагw, сы'нъ бж~iй по прича'стiю 
бы'лъ _е=си`, тогда` бж\ственный даде'ся ти` да'ръ ко 
сп~се'нiю тебjь` и= душа'мъ во грjьсjь'хъ су'щымъ. 
тjь'мже мо'лимъ тя`, jа='кw дерзнове'нiе мно'гое ко 
хр\сту` и=му'ща, _е=го'же возлюби'лъ _е=си` соверша'ющихъ 
па'мять твою` вся'кагw sла'гw w=бстоя'нiя и=зба'ви.

%<_Е=%>гда` по стезя'мъ гд\са твоегw` ше'ствовалъ 
_е=си` и= зако'нъ _е=гw` ре'вностiю взыска'лъ _е=си`, 
тогда` себе` w=чи'стилъ _е=си` w\т вся'кагw земна'гw 
пристра'стiя, и= пло'ти внjь` бы'лъ _е=си`, рwмv'ле 
бг~ому'дре, въ примра'къ же вше'дъ непристу'пнагw 
свjь'та, бж~е'ств_еннымъ та'йнамъ научи'лся _е=си` и= 
свjь'та прича'стiемъ ве'сь свjь'тъ бы'лъ _е=си` 
бг~оглаго'ливе.

%<Сла'ва, гла'съ и~.%>

%<М%>она'хwвъ мно'ж_ества наста'вника тя` почита'емъ 
_о='ч~е на'шъ, рwмv'ле, твое'ю бо стезе'ю вои'стинну 
пра'вw ходи'ти позна'хомъ: бл~же'нъ _е=си` хр\сту` 
рабо'тавъ, и= вра'жiю w=бличи'лъ _е=си` си'лу, а='гг~лwвъ 
собесjь'дниче, прп\дбныхъ соприча'стниче и= прв\дныхъ: съ 
ни'миже моли'ся гд\севи, поми'ловатися душа'мъ на'шымъ.

%<И= нн~jь, бг~оро'диченъ пе'рвый, гла'съ то'йже.%>

%<Ц%>а'рь нб~е'сный за человjьколю'бiе на земли` 
jа=ви'ся и= съ человjь'ки поживе`: w\т дв~ы бо ч\стыя 
пло'ть прiе'мый, и= и=зъ нея` проше'дый съ воспрiя'тiемъ, 
_е=ди'нъ _е='сть сн~ъ, сугу'бъ _е=стество'мъ, но не 
v=поста'сiю. тjь'мже соверше'нна того` бг~а, и= 
соверше'нна чл~вjь'ка вои'стинну проповjь'дающе, 
и=сповjь'дуемъ хр\ста` бг~а на'шего: _е=го'же моли`, мт~и 
безневjь'стная, поми'ловатися душа'мъ на'шымъ.

%<Вхо'дъ, прокi'менъ дне`. Чт_е'нiя г~, 
прп\дбнич_еская.%>

%<На лiтi'и стiхи^ры самогла'сны, гла'съ в~:%>

%<П%>о'стническое w=буче'нiе собра'въ на земли`, 
прп\дбне рwмv'ле, страсте'й прило'ги тече'нiемъ сле'зъ 
твои'хъ вся^ потопи'лъ _е=си`. лjь'ствица бж~е'ственная 
и= честна'я, на нб~о возводя'щая, всjь^мъ позна'ся 
бг~опрiя'тное житiе` твое`, бл~гоче'стiя бо плоды` въ 
не'мъ показа'въ, и=сцjьля'еши тjь'ми не'мощи страсте'й 
вjь'рнw вопiю'щихъ тебjь`: ра'дуйся, правосла'вiя 
sвjьздо` златоза'рная, мона'шествующихъ свjьти'льниче и= 
па'стырю. ра'дуйся, приснопа'мятне пусты'ни добрjь'йшее 
воспита'нiе и= цр~кве непоколеби'мое о_у=твержде'нiе. 
ра'дуйся, заблу'ждшихъ вели'кiй наста'вниче. ра'дуйся, 
на'ша похвало` и= всjь^мъ правосла^внымъ свjь'тлое 
ра'дованiе.

%<Б%>ж~е'ственнымъ ра'зумомъ о_у='мъ сво'й 
о_у=крjьпи'въ, _о='тче рwмv'ле, предте'клъ _е=си` 
мимогряду^щая вся^, ника'коже о_у=ди'влься земны^мъ: въ 
ско'рбехъ о_у='бw ты` jа=вля'шеся велему'дръ и= 
до'блественъ, въ постjь'хъ и= благоду'шiи смире'нъ и= 
кро'токъ, и= та'кw настоя'щагw житiя` нестоя'тельную 
пучи'ну jа='вjь преше'лъ _е=си` и= до'брое приста'нище 
дости'глъ _е=си`. хр\ста` о_у='бw моли` поми'ловати ду'шы 
на'шя.

%<В%>ся^ и=мjь^нiя w\три'нулъ _е=си`, _о='тче рwмv'ле, 
jа='кw вы'шняго житiя` жела'яй: бога'тство 
возненави'дjьлъ _е=си`, w=дjь'явся въ смире'нiе, пи'щи 
w\тврати'лся _е=си`, w=блобыза'въ воздержа'нiе, непра'вду 
презрjь'лъ _е=си`, пра'вду возлюби'въ, и='ноки въ 
пусты'ни посели'лъ _е=си`, и= сiя^ гра'ды сотвори'лъ 
_е=си`, и=дjь'же и=скуше'нiй мно'жество претерпjь'въ, 
бjьсw'вскiя полки` посрами'лъ _е=си`. тjь'мже, прп\дбне, 
помяни` на'съ въ моли'твахъ свои'хъ ко гд\су.

%<Сла'ва, гла'съ д~.%>

%<П%>росiя` житiе` твое` jа='кw со'лнце на земли` и= 
на нб\си`, хр\сто'въ о_у=го'дниче бл~же'нне рwмv'ле, 
правосла'внw бо проповjь'далъ _е=си` и='стинную и= 
непоро'чную вjь'ру хр\сто'ву. тjь'мже моли'ся, прп\дбне, 
па'мять твою` соверша'ющымъ дарова'тися ве'лiей ми'лости.

%<И= нн~jь, бг~оро'диченъ, гла'съ то'йже.%>

%<П%>ри'зри на мол_е'нiя твои'хъ ра^бъ всенепоро'чная, 
о_у=толя'ющи лю^тая на ны` воста^нiя, вся'кiя ско'рби 
на'съ и=змjьня'ющи. тя' бо _е=ди'ну, тве'рдое и= 
и=звjь'стное о_у=твержде'нiе и='мамы, и= твое` 
предста'тельство стяжа'хомъ, да не постыди'мся вл\дчце, 
тя` призыва'ющiи. потщи'ся на о_у=моле'нiе, тебjь` 
вjь'рнw вопiю'щихъ. ра'дуйся вл\дчце, всjь'хъ по'моще, 
ра'досте и= покро'ве, и= сп~се'нiе ду'шъ на'шихъ.

%<На стiхо'внjь стiхи^ры, гла'съ _е~.%>

%<Подо'бенъ: Р%>а'дуйся:

%<Р%>а'дуйся, рwмv'ле прп\дбне, мона'шествующихъ 
свjь'тлое о_у=добре'нiе, разсужде'нiя до'брое пра'вило, 
смире'нiя w='бразе, церко'вное о_у=твержде'нiе, 
правосла^внымъ спобо'рниче, житiе' бо твое` на земли` 
вои'стинну благоче'стнw пожи'лъ _е=си`, до'ндеже къ 
а='гг~льскимъ ликw'мъ преложи'лся _е=си`, съ ни'миже 
моли'ся хр\сту` дарова'ти душа'мъ на'шымъ ми'ръ и= ве'лiю 
ми'лость.

%<Стi'хъ: Ч%>е'стна пред\ъ гд\семъ сме'рть прп\дбныхъ 
_е=гw`.

%<Р%>а'дуйся, рwмv'ле прп\дбне, воздержа^нiя 
о_у=чите'лю, по'стникwвъ похвало`, бж~е'ственныхъ 
повелjь'нiй и=сполни'телю, бг~освjь'тлый свjьти'льниче, 
и='же въ мра'къ невjь'дjьнiя серде'цъ человjь'ческихъ 
входя`, бг~огла'сными словесы` просвjьща'лъ _е=си` и= 
наставля'лъ _е=си` къ ра'зуму и='стины хр\ста` бг~а 
на'шегw. _е=го'же моли` дарова'ти душа'мъ на'шымъ ми'ръ 
и= ве'лiю ми'лость.

%<Стi'хъ: Б%>л~же'нъ му'жъ боя'йся гд\са, въ 
за'повjьдехъ _е=гw` восхо'щетъ sjьлw`.

%<Р%>а'дуйся, рwмv'ле прп\дбне, чи'стое жили'ще 
ст~а'гw дх~а, дарова'нiй бж~е'ственныхъ и=спо'лненное, 
твое` о_у='бw житiе` равноа'гг~льное, пра'вило 
добродjь'телей jа=ви'ся и= w='бразъ и=звjь'стный 
хотя'щымъ гд\севи служи'ти, сло'во же твое` бг~ому'дрое 
пре'лесть вся'кую и=зъ ко'рене востерза'етъ и= 
душелjьни^выя возбужда'етъ къ славосло'вiю хр\ста` бг~а 
на'шегw, _е=го'же моли` дарова'ти душа'мъ на'шымъ ми'ръ 
и= ве'лiю ми'лость.

%<Сла'ва, гла'съ s~.%>

%<W\т%> ю='ности w=блиста` житiе` твое` добродjь'телей 
луча'ми, прп\дбне _о='тче рwмv'ле, кр\стъ бо хр\сто'въ на 
ра'мо взе'мъ, невозвра'тнw тому` послjь'довалъ _е=си`, 
потща'вся ху'ждшее покори'ти лу'чшему, и= пло'ть 
порабо'тити ду'ху, и= о_у='мъ вл\дку надъ страстьми` 
воцари'ти. тjь'мже и= себе` о_у=гото'валъ _е=си` 
w=би'тель ст~ы'я тр\оцы, _е='йже предстоя` со 
дерзнове'нiемъ, моли'ся w= и=`же вjь'рою творя'щихъ 
честну'ю па'мять твою`.

%<И= нн~jь, бг~оро'диченъ, гла'съ то'йже.%>

%<Т%>воре'цъ и= и=зба'витель мо'й, преч\стая, 
хр\сто'съ гд\сь, и=зъ твои'хъ ложе'снъ, проше'дъ, въ мя` 
w=болкi'йся, пе'рвыя кля'твы а=да'ма свободи`. тjь'мже 
ти` всечи'стая, jа='кw бж~iи ма'тери же и= дв~jь 
вои'стинну, вопiе'мъ немо'лчнw: ра'дуйся, а='гг~льски, 
ра'дуйся, вл\дчце, предста'тельство и= покро'ве, и= 
сп~се'нiе ду'шъ на'шихъ.

%<На бл~гослове'нiи хлjь'бwвъ, тропа'рь прп\дбнаго, 
гла'съ и~.%>

%<С%>ле'зъ твои'хъ тече'ньми пусты'ни безпло'дное 
воздjь'лалъ _е=си`, и= и=`же и=зъ глубины` воздыха'ньми, 
во сто` трудw'въ о_у=плодоноси'лъ _е=си`, и= бы'лъ _е=си` 
свjьти'льникъ вселе'ннjьй, сiя'я чудесы` рwмv'ле _о='ч~е 
на'шъ, моли` хр\ста` бг~а спасти'ся душа'мъ на'шымъ. 
%<[Два'жды.]%>

%<И= Б%>ц\де дв~о: %<[_е=ди'ножды.]%>

%<На о_у='трени,%>

%<На Б%>г~ъ гд\сь, %<тропа'рь прп\дбнагw два'жды. 
Сла'ва, и= нн~jь, бг~оро'диченъ.%>

%<По а~ стiхосло'вiи, сjьда'ленъ, гла'съ а~.%>

%<Р%>wмv'ла ч\стна'го пjь'сньми восхва'лимъ, вся^ 
си^лы вра^жiя по'стническими труды` низложи'вшаго, и= къ 
бж~е'ственному поко'ю преше'дшаго, и= со а='гг~лы нн~jь 
пребыва'ющаго, и= моля'щагося w= на'съ гд\севи, jа='кw да 
w=бря'щемъ ми'лость.

%<Сла'ва, и= нн~jь, бг~оро'диченъ, гла'съ то'йже.%>

%<М%>а'терь тя` бж~iю мо'лимъ вси`, дв~у вои'стинну и= 
по рж\ствjь` jа='вльшуюся, любо'вiю прибjьга'ющiи къ 
твое'й бла'гости: тебе' бо и='мамы грjь'шнiи 
предста'тельницу, тебе` стяжа'хомъ въ напа'стехъ 
сп~се'нiе, _е=ди'ну всенепоро'чную.

%<По в~ стiхосло'вiи, сjьда'ленъ, гла'съ д~.%>

%<З%>аря'ми дх~а просвjьти'въ твое` ср\дце, 
просвjьща'лъ _е=си` ду'шы притека'ющихъ къ тебjь` съ 
вjь'рою. нн~jь же со а='гг~лы престо'лу бж~е'ственному 
предстоя` и= зря` jа='же ви'дjьти жела'ше, ча'дwмъ 
твои^мъ согрjьше'нiй проще'нiя и=спроси`, jа='кw да 
при'снw тя` почита'емъ, рwмv'ле преблаже'нне, прп\дбныхъ 
похвало` и= а='гг~лwвъ _е=динокро'вниче.

%<Сла'ва, и= нн~jь, бг~оро'диченъ, гла'съ то'йже.%>

%<О_у=%>диви'ся i=w'сифъ, _е='же па'че _е=стества` 
зря`, и= внима'ше мы'слiю и='же на руно` до'ждь, въ 
безсjь'менномъ зача'тiи твое'мъ, бц\де, купину` _о=гне'мъ 
неwпали'мую, же'злъ а=арw'новъ прозя'бшiй, и= 
свидjь'тельствуя w=бру'чникъ тво'й и= храни'тель, 
сщ~е'нникwмъ взыва'ше: дв~а ражда'етъ и= по рж\ствjь` 
па'ки дв~ою пребыва'етъ.

%<Полv"еле'й. Велича'нiе и= _псало'мъ и=збра'нный 
прп\дбному.%>

%<По полv"еле'и, сjьда'ленъ, гла'съ и~.%>

%<П%>а'стырскую хи'трость воспрiи'мъ, мона'шествующихъ 
сто'лпе и= w=снова'нiе, разу'мнw о_у=па'слъ _е=си` 
разу'мное ста'до твое`, хр\стw'ва бо возжелjь'въ 
бж~е'ств_енная о_у=ч_е'нiя, въ ни'хъ сло'во посjь'ялъ 
_е=си`, прп\дбне, и= къ ре'вности а='гг~льскагw 
жи'тельства воздви'глъ _е=си` вся^ _е=диному'дреннw 
сла'вити бг~а, бг~оно'се рwмv'ле, моли` хр\ста` бг~а 
прегрjьше'нiй w=ставле'нiе дарова'ти чту'щымъ любо'вiю 
ст~у'ю па'мять твою`.

%<Сла'ва, и= нн~jь, бг~оро'диченъ, гла'съ то'йже.%>

%<Н%>б\сную две'рь, и= кiвw'тъ всесвяту'ю го'ру, 
свjьтоза'рный w='блакъ воспои'мъ нб\сную лjь'ствицу, 
слове'сный ра'й _е='vино и=збавле'нiе, вселе'нныя всея` 
вели'кое сокро'вище, jа='кw сп~се'нiе въ не'й содjь'лася 
мi'рови, и= w=ставле'нiе дре'внихъ согрjьше'нiй, сегw` 
ра'ди вопiе'мъ ти`: моли` сн~а твоего` и= бг~а, 
прегрjьше'нiй w=ставле'нiе дарова'ти, благоче'стнw 
покланя'ющымся прест~о'му рж\ству` твоему`.

%<Прокi'менъ, гла'съ д~: Ч%>е'стна пред\ъ гд\семъ 
сме'рть прп\дбныхъ _е=гw`. %<Стi'хъ: Ч%>то` возда'мъ 
гд\севи w= всjь'хъ jа=`же воздаде' ми; %<_Е=v\глiе w\т 
матfе'а, зача'ло _i~.%>

%<По н~ _псалмjь` стiхи'ра, гла'съ s~.%>

%<П%>рп\дбнjь _о='тче рwмv'ле, во всю` зе'млю и=зы'де 
вjьща'нiе и=справле'нiй твои'хъ: тjь'мъ на нб\сjь'хъ 
w=брjь'лъ _е=си` мзду` трудw'въ твои'хъ, де'мwнскiя 
погуби'лъ _е=си` полки`, и= а='гг~льскiя дости'глъ _е=си` 
чи'ны, и='хже житiю` безъ поро'ка поревнова'лъ _е=си`, 
дерзнове'нiе и=мjь'я ко хр\сту` бг~у, ми'ръ и=спроси` 
душа'мъ на'шымъ.

%<Канw'нъ прп\дбнаго, гла'съ и~, [_е=го'же 
краегране'сiе:%>

%<Б%>ж~е'ственнаго пою` рwмv'ла любо'вiю, %<въ 
пе'рвыхъ же бг~оро'дичнахъ.] I=wаса'фъ.%>

%<Пjь'снь а~.%>

%<I=рмо'съ: К%>олесницегони'теля фараw'ня погрузи`, 
чудотворя'й и=ногда` мwv"се'йскiй же'злъ, кресто_обра'знw 
порази'въ, и= раздjьли'въ мо'ре, i=сра'иля же бjьглеца`, 
пjьшехо'дца спасе`, пjь'снь бг~ови воспjьва'юща.

%<Б%>ж~iй сло'ве, всеси'льную да'руй ми` и= свjь'тлую 
ду'ха бл~года'ть ко w\тверзе'нiю о_у='стъ мои'хъ, jа='кw 
да по'двиги твоегw` о_у=го'дника воспою` и= 
болjь'зн_енная страда^нiя, и='миже на земли' тя 
просла'ви.

%<_О='%>тче бл~же'нне, ты` кр\стъ хр\сто'въ на ра'мо 
взе'мъ, и= земна'гw вся'кагw пристра'стiя внjь` бы'въ, 
хр\сту` послjь'довалъ _е=си` взыва'я: вслjь'дъ тебjь` 
теко'хъ въ воню` мv'ра, вл\дко.

%<Ж%>ела'я получи'ти и=`хже нн~jь наслажда'ешися 
преизря'днw, и= тогw` ра'ди _е=ще` въ жи'зни се'й па'че 
чл~вjь'ка подвиза'лся _е=си`, jа=`же получи'ти и= на'мъ 
моли` хр\ста`, почита'ющымъ честну'ю па'мять твою`, 
досточу'дне.

%<Бг~оро'диченъ: I=%>и~съ преднарече'нный, бж~iе 
сло'во, съ нб\се` сни'де, jа='кw да w\т го'рькаго 
мучи'тельства на'съ и=зба'витъ, и= пло'тiю w=дjь'яся w\т 
пречи'стыя дв~ы, ю='же соблюде` нетлjь'нну по рж\ствjь` 
и= непоро'чну.

%<Пjь'снь г~.%>

%<I=рмо'съ: О_у=%>твержде'й въ нача'лjь нб\са` 
ра'зумомъ, и= зе'млю на вода'хъ w=снова'вый, на ка'мени 
мя`, хр\сте`, за'повjьдей твои'хъ о_у=тверди`, jа='кw 
нjь'сть ст~ъ, па'че тебе`, _е=ди'не чл~вjьколю'бче.

%<_Е=%>ще` на земли` пребыва'я, бг~а просла'вилъ 
_е=си` _о='тче, чудесы` вся'кими и= разли'чными си'лами, 
и=`же тя` свjьтлjь'йше возвели'чи нн~jь на нб\сjь'хъ.

%<С%>амуи'ла w=святи'вый пре'жде рж\ства`, и= тя` 
w=святи`, прп\дбнjь рwмv'ле, и= показа' тя во i=ере'ехъ 
jа='коже мwv"се'а и= а=арw'на, призыва'ющихъ _е=гw` 
бж~е'ственное и='мя.

%<Т%>ы`, jа='кw да прiwбря'щеши бж\ственный и= 
многоцjь'нный би'серъ хр\ста`, w=полчи'лся _е=си` къ 
нача'лwмъ и= ко власт_е'мъ, къ духовw'мъ лука'вствiя 
поднеб_е'снымъ.

%<Бг~оро'диченъ: _W,%> кто` w\т земноро'дныхъ 
и=зрече'тъ, бц\де мр~i'е, и=ли` кi'й я=зы'къ послужи'ти 
возмо'жетъ _е='же въ тебjь` та'инству; стра'шнw _е='сть 
вои'стинну, всепjь'тая дв~о, jа='же пре'жде вjь^къ 
су'щагw подъ лjь'ты родила` _е=си`.

%<Сjьда'ленъ, гла'съ и~.%>

%<З%>ако'ну гд\сню ты` научи'вся, jа='кw фi'нi_ксъ 
процвjь'лъ _е=си`, _о='тче прп\дбне, вjь'рныхъ ду'шы 
ра'дости неизрече'нныя и=сполня'я и= ли'ца и='хъ 
о_у=ясня'я. тjь'мже соше'дшеся дне'сь воспjьва'емъ тя` и= 
вjь'рою мо'лимся, бг~оно'се рwмv'ле, моли` хр\ста` бг~а, 
грjьхw'въ w=ставле'нiе дарова'ти чту'щымъ любо'вiю ст~у'ю 
па'мять твою`.

%<Сла'ва, и= нн~jь, бг~оро'диченъ, гла'съ то'йже.%>

%<В%>ъ напа^сти многоплет_е'нныя впа'дъ w\т вра^гъ 
ви'димыхъ и= неви'димыхъ, бу'рею w=держи'мъ 
безчи'сленныхъ прегрjьше'нiй мои'хъ къ те'плому 
заступле'нiю и= покро'ву моему`, чи'стая, ко приста'нищу 
притека'ю твоея` бла'гости. тjь'мже, всечи'стая, моли'ся 
приле'жнw и=зъ тебе` воплоще'нному безсjь'меннw w= 
всjь'хъ рабjь'хъ твои'хъ, непреста'ннw моля'щихъ ти` ся`, 
бц\де преч\стая, моля'щи _е=го` при'снw, прегрjьше'нiй 
w=ставле'нiе дарова'ти воспjьва'ющымъ досто'йнw сла'ву 
твою`.

%<Пjь'снь д~.%>

%<I=рмо'съ: Т%>ы` моя` крjь'пость, гд\си, ты` моя` и= 
си'ла, ты` мо'й бг~ъ, ты` мое` ра'дованiе, не w=ста'вль 
нjь'дра _о='ч~а, и= на'шу нищету` посjьти'въ. тjь'мъ съ 
пр\оро'комъ а=вваку'момъ зову' ти: си'лjь твое'й сла'ва 
чл~вjьколю'бче.

%<В%>се` мо'ре и=ногда` потреби'ти хваля'йся сатана` 
вселука'вый, твои'ми нога'ми сокруше'нъ бы'ти паде'нiемъ 
зри'тся. на тве'рдомъ бо ка'мени хр\ста` ты` 
о_у=тверди'вся, бг~оглаго'ливе, кумi'ры вавv"лw^нскiя 
сокруши'лъ _е=си`.

%<_Е=%>ди'нственному существу` пресу'щественному и= 
трисвjь'тлому преда'лся _е=си` раче'нiемъ, превзя'вся w\т 
земны'хъ бж~е'ственнымъ жела'нiемъ, и= свjь'тъ вторы'й 
показа'лся _е=си`, пожи'въ па'че _е=стества` и= су'щихъ 
въ мi'рjь провjьща'я.

%<Н%>н~jь вои'стинну не въ гада'нiи но чи'стjь лице'мъ 
къ лицу` бг~осiя'ннw зри'ши сла'ву трисо'лнечнагw 
бж~ества`, _е=го'же мл\стива на'мъ сотвори` въ де'нь 
су'дный, небрего'мо житiе` и=жди'вшымъ.

%<Бг~оро'диченъ: С%>ъ нб\се` сни'де на зе'млю 
зижди'тель мо'й и= пло'ть мою` воспрiя` кромjь` грjьха`, 
и= понош_е'нiя вся^кiя, и= коне'чнw сме'рть претерпjь` 
мене` ра'ди, _е=го'же благопремjь'нна сотвори' ми 
вл\дчце.

%<Пjь'снь _е~.%>

%<I=рмо'съ: В%>ску'ю мя` w\три'нулъ _е=си` w\т лица` 
твоегw` свjь'те незаходи'мый, и= покры'ла мя` _е='сть 
чужда'я тма` _о=кая'ннагw; но w=брати` мя`, и= къ свjь'ту 
за'повjьдей твои'хъ пути^ моя^ напра'ви, молю'ся.

%<Н%>о'вый мwv"се'й показа'лся _е=си`, досточу'дне, 
_е=гv'пта о_у=язви'вый, мо'ре лю'тагw мяте'жа земна'гw 
раздjьли'вый, и= лю'ди w\т ка'ла плiнfотворе'нiя 
и=сто'ргнувый, и= къ бж~е'ственному весе'лiю возведы'й.

%<А=%>п\слwвъ двоенадеся'тицjь счи'слился _е=си` 
бг~обл~же'нне, а='ще и= лjь'ты w\тстои'ши по'слjьжде, но 
не и= житiе'мъ и=зря'днымъ, и= бг~ому'дрiемъ, и= 
ре'вностiю jа='же по вjь'рjь.

%<Г%>ро'бъ тво'й jа='кw и=сто'чникъ пр\снотеку'щiй 
и=сточа'етъ и=сцjьл_е'нiя, прему'дре, и= неду^гъ 
вся'ческихъ свобо'дни бы'вшiи съ ра'достiю пjьсносло'вятъ 
си'це просла'вльшаго тя` гд\са.

%<Бг~оро'диченъ: С%>п~се'нiе и= покро'въ и= 
приста'нище ти'хое вjь'мы тя` преч\стая, и= призыва'емъ 
твое` ско'рое заступле'нiе. тjь'мже предста'ни ми`, и= во 
вре'мя и=схо'да моегw` возду'шныхъ мя` духw'въ и=схити` 
лука'вствiя.

%<Пjь'снь з~.%>

%<I=рмо'съ: W=%>чи'сти мя` спасе`, мнw'га бо 
беззакw'нiя моя^, и= и=зъ глубины` sw'лъ возведи`, 
молю'ся. къ тебjь' бо возопи'хъ и= о_у=слы'ши мя`, бж~е 
сп~се'нiя моегw`.

%<_О=%>строто'ю по'мысла и= до'блестiю о_у=ма` w\т 
бг~а прiя'лъ _е=си` тезоиме'ннw, прп\дбне _о='тче, 
sлjь'йшымъ бjьсw'мъ сплести'ся, и= до конца` си'хъ 
побjьди'ти.

%<П%>росте'ртiемъ ру'къ, jа='коже а=мали'ка мwv"се'й, 
неви^димыя враги` ты` побjьди'въ до конца`, jа='коже 
и='нъ i=ису'съ наvи'нъ лю'ди наста'вилъ _е=си` къ 
вы'шнему наслjь'дiю, прему'дре.

%<_О='%>тче бг~ому'дре рwмv'ле, ты` вои'стинну 
бл~же'нъ показа'лся _е=си`, ника'коже на пути` грjь'шныхъ 
ста'въ, но въ зако'нjь гд\са твоегw` поуча'лся _е=си` 
де'нь и= но'щь.

%<Бг~оро'диченъ: А='%>гнице преч\стая, рж\ство` 
безсjь'менное никто'же ви'дjь w\т вjь'ка когда`, дjьви'цу 
доя'щую никто'же слы'ша нигдjь'же, на тебjь' же _о=боя` 
о_у=зрjь'шася. _w стра'ннагw чудесе`!

%<Конда'къ, гла'съ г~. Подо'бенъ: Д%>в~а дне'сь:

%<С%>вы'ше си'лу ты` прiе'мъ, бг~оно'се, бjьсw'вская 
w=полч_е'нiя посрами'лъ _е=си`, воспрiе'мъ же w\т бг~а 
чуде'съ бл~года'ть, подае'ши _о=би'льнw притека'ющымъ къ 
тебjь` вjь'рою. сегw` ра'ди почита'емъ, рwмv'ле 
бл~же'нне, бж~е'ственную па'мять твою`.

%<I='косъ: W\т%>ве'рзи о_у=стнjь` мои`, требл~же'нне, 
бг~опрiя'тными твои'ми къ бг~у моли'твами, jа='кw да 
возмогу` пjь'ти бж~е'ственное твое` житiе` и= досто'йнw 
возглаго'лати добродjь'т_ели твоя^, jа=`же хр\ста` ра'ди 
на земли` соверши'лъ _е=си`. сто'лпъ бо jа=ви'лся _е=си` 
и= пра'вило и='нокwвъ свjь'тлое, стяжа'въ житiе` 
равноа'гг~льное и= въ незаходи^мая вои'стинну всели'вся. 
сегw` ра'ди почита'емъ, рwмv'ле бл~же'нне, бж~е'ственную 
па'мять твою`.

%<Пjь'снь з~.%>

%<I=рмо'съ: Б%>ж~iя снисхожде'нiя _о='гнь 
о_у=стыдjь'ся въ вавv"лw'нjь и=ногда`, сегw` ра'ди 
_о='троцы въ пещи` ра'дованною ного'ю, jа='кw во 
цвjь'тницjь лику'юще поя'ху: блг\све'нъ _е=си`, бж~е 
_о=т_е'цъ на'шихъ.

%<Ю='%>нъ сы'й _е=ще`, о_у='мъ и= помышле'нiе къ 
бж~е'ственнымъ возвы'силъ _е=си` и= всегда` вся'кагw 
земна'гw жела'нiя внjь` бы'лъ _е=си`, вопiя` зижди'телю 
твоему`: блг\све'нъ _е=си`, бж~е _о=т_е'цъ на'шихъ.

%<Р%>ы'бъ лови'твjь на вели'цjьй рjьцjь` въ ю='ности 
навы'къ, ры'бами пита'лъ _е=си` больны'хъ въ вели'цjьмъ 
смире'нiи и= а=п\слwмъ о_у=подо'бился _е=си`, вопiя` съ 
ни'ми: блг\све'нъ _е=си`, бж~е _о=т_е'цъ на'шихъ.

%<_О=%>те'ческими бг~опрiя'тными моли'твами твои'ми, 
бл~же'нне, тя^жкiя приста'вники и=змjьни'тися къ на'мъ 
вско'рjь сотвори`, jа='кw да почита'юще борьбы^ твоя^ и= 
до'бл_ести взыва'емъ: блг\све'нъ _е=си`, бж~е _о=т_е'цъ 
на'шихъ.

%<М%>у'дрое сло'во твое` живо'тною со'лiю растворе'нно 
бы'сть, вjь'рныхъ о_у=слажда'ющее, па'ки житiе` твое` 
и=зря'дно и= па'че _е=стества`. тjь'мже чу'до бы'сть 
земны^мъ вопiю'щымъ: блг\све'нъ _е=си`, бж~е _о=т_е'цъ 
на'шихъ.

%<Бг~оро'диченъ: Ф%>wсфо'рнагw пла'мене бу'дущагw и= 
w=сужде'нiя и=зба'ви мя` вл\дчце, мно'гw согрjьши'вшаго, 
блг\све'нная, преч\стая и= бг~ора'дованная.

%<Пjь'снь и~.%>

%<I=рмо'съ: С%>едмери'цею пе'щь халде'йскiй мучи'тель, 
бг~очести^вымъ неи'стовнw разжже`, си'лою же лу'чшею, 
спасе'ны, сiя^ ви'дjьвъ, творцу` и= и=зба'вителю 
вопiя'ше: _о='троцы бл~гослови'те, свяще'нницы воспо'йте, 
лю'дiе превозноси'те во вся^ вjь'ки.

%<И='%>же хра'мъ бж~iй бы'въ ч\стjь'йшiй, 
чу'вственныхъ превы'ше показа'лся _е=си`, и= 
бж~е'ственную дх~а зарю` воспрiя'лъ _е=си`, и= нн~jь съ 
ли'ки а='гг~льскими и= пр\оро'ческими собо'ры 
ликовству'еши свjь'тлw пред\ъ бж~е'ственнымъ престо'ломъ.

%<Л%>а^янiя и= страхова^нiя, мечта^нiя и= прещ_е'нiя 
неви'димыхъ врагw'въ, о_у=страша'ющихъ души` твоея` 
тве'рдость поколеба'ти, jа='кw стрjьлы` младе'нч_ескiя 
вмjьни'лъ _е=си`. на го'ру же возше'дъ высо'кагw житiя`, 
w\тту'ду воспрiя'лъ _е=си` скрижа^ли бг~опи^санныя.

%<А='%>ще и= бjь'си тя` и=скуша'ху, но ты` 
протяже'ннымъ дjь'йствомъ поста` и= мл~твы вещество` 
страсте'й попали'лъ _е=си` и= восте'клъ _е=си` къ 
бг~овидjь'нiю. нн~jь же ко хр\сту` преше'дъ, _е=го'же 
возлюби`, мо'лишися непреста'ннw w= почита'ющихъ ст~у'ю 
па'мять твою`.

%<Л%>юб_е'зная и= медотw'чная словеса` твоя^, хр\ста` 
и=мjь'я гл~го'люща во о_у=стjь'хъ твои'хъ, всjь'хъ 
jа='коже желjь'зо магни'тъ, привлеко'ша къ тебjь`, и=`же 
мiрски'хъ w=ста'вльше веще'й пристра'стiе, хр\сту` тобо'ю 
послjь'доваху пре'лести и=зба'вльшеся.

%<Бг~оро'диченъ: Ю='%>же бг~ъ и=збра` въ невjь'сту 
себjь`, та` jа=ви'ся носи'ло незаходи'магw со'лнца, 
мiрскi'й соста'въ w\т несу'щихъ во _е='же бы'ти 
приве'дшаго. того` моли`, преч\стая, w= и='же въ дjья^нiя 
безмjь^стная и= помышл_е'нiя скв_е'рная впа'дшихъ на'съ.

%<Пjь'снь f~.%>

%<I=рмо'съ: О_у=%>жасе'ся w= се'мъ нб~о, и= земли` 
о_у=диви'шася концы`, jа='кw бг~ъ jа=ви'ся человjь'кwмъ 
пло'тски, и= чре'во твое` бы'сть простра'ннjьйшее нб\съ. 
тjь'мъ бц\ду а='гг~лwвъ и= чл~вjь^къ чинонача^лiя 
велича'ютъ.

%<Б%>езчи^сленныя ка^пли дожд_е'вныя и= песо'къ 
морскi'й невозмо'жнw и=зчести`. ниже` о_у='мъ 
чл~вjь'ческiй твоя^, _о='тче и=справл_е'нiя возмо'жетъ 
и=зрещи`, jа=`же ты` живы'й на земли` содjь'лалъ _е=си`. 
тjь'мже прiими` пjь'снь, ю='же любо'вiю ти` прино'симъ.

%<_О='%>тче бг~ому'дре, w\т вся'ческихъ напа'стей и= 
скорбе'й и=схити`, и=`же твою` па'мять ра'достiю 
соверша'ющихъ, и= бл~же'нства на'съ сподо'би, _е=гw'же 
са'мъ при'снw наслажда'ешися, а='ще и= проси'мое sjьлw` 
вели'ко _е='сть.

%<В%>сечу'дне _о='тче, пjь'снь принести` твоему` 
досто'инству, sjьлw` скудна` _е='сть си'ла души` моея`. 
но ты` произволе'нiю бл~года'ть воздава'й, грjьхw'въ 
свобо'дну ми` бы'ти, хр\ста` о_у=моли`, на земли' тя 
возвели'чившаго.

%<Тр\оченъ: И='%>стину и=сповjь'дую бж~е'ственную, въ 
трiе'хъ ли'цахъ: _о=ц~а` и= сн~а и= ст~а'гw дх~а, тр\оцу 
всемогу'щую и= вседjь'тельную и= непристу'пную, _е=я'же 
ми'лость да о_у=лучу`, рwмv'ле прп\дбне, въ де'нь су'дный 
моли'твами твои'ми.

%<Бг~оро'диченъ: Ю='%>нице бж~е'ственная, на тебjь` 
ве'лiе и= чу'дное содjь'яся та'инство, бг~а во прiя'ла 
_е=си` во о_у=тро'бу твою`, и= сего` родила` _е=си`, и= 
по рж\ствjь` па'ки дв~а пребыла` _е=си`.

%<Свjьти'ленъ.%>

%<Jа='%>коже со'лнце просвjьща'ющее чуде'съ заря'ми 
вселе'нную, показа'лся _е=си` прп\дбне _о='тче рwмv'ле. 
тjь'мже души` моея` зjь^ницы просвjьти`, молю'ся.

%<Бг~оро'диченъ: Х%>ерувi'мwвъ вы'шшая и= серафi'мwвъ 
сла'внjьйшая jа=ви'лася _е=си` дв~о, jа='кw бг~а 
поро'ждши. тjь'мже вопiю` ти`: о_у=ще'дри ду'шу мою`, 
преч\стая.

%<На хвали'техъ стiхи^ры, гла'съ д~.%>

%<Подо'бенъ: Jа='%>кw до'бля:

%<А='%>гг~лwвъ соприча'стника и= прп\дбныхъ 
_е=динокро'вника рwмv'ла вси` да восхва'лимъ, и='же въ 
по'стницjьхъ просiя'вшаго, и= дх~а заря'ми всjь'хъ 
просвjьти'вшаго, и= сокруши'вшаго врага` до конца` 
чуде'съ струя'ми, и= сегw` си'лу низложи'вшаго вы'шнимъ 
посо'бiемъ. %<[Два'жды.]%>

%<Jа='%>кw sвjьзда` свjьтлjь'йшая возсiя'лъ _е=си`, 
прп\дбне, свjь'тлостiю вся^ концы` просвjьти'вшая, и= 
тму` невjь'дjьнiя чудесы` w\тгна'вшая, и= всjь'хъ къ 
ра'зуму и='стины приве'дшая. но моли'ся гд\севи w= 
всjь'хъ соверша'ющихъ ст~у'ю па'мять твою`.

%<А=%>враа'мово бг~олю'бiе, i=w'сифово 
бл~гоговjь'инство, i=а'кwвлю простоту` и=мjь'лъ _е=си` 
ст~е, и= кро'тость давi'дову, w\т_ону'дуже показа'лся 
_е=си` селе'нiе ч\стно'е, и= получи'лъ _е=си` дарова'нiе 
ду'ха. тjь'мже соше'дшеся дне'сь всепра'зднственную твою` 
па'мять соверша'емъ, здра'вiе душа'мъ почерпа'юще.

%<Сла'ва, гла'съ s~.%>

%<П%>рп\дбне _о='тче, во всю` зе'млю и=зы'де вjьща'нiе 
и=справле'нiй твои'хъ, тjь'мъ на нб\сjь'хъ w=брjь'лъ 
_е=си` мзду` трудw'въ твои'хъ, д_е'мwнскiя погуби'лъ 
_е=си` полки`, и= а='гг~льскiя дости'глъ _е=си` чи'ны, 
и='хже житiю` непоро'чнw поревнова'лъ _е=си`: 
дерзнове'нiе и=мjь'я ко хр\сту` бг~у, ми'ръ и=спроси` 
душа'мъ на'шымъ.

%<И= нн~jь, бг~оро'диченъ, гла'съ то'йже.%>

%<Б%>ц\де ты` _е=си` лоза` и='стинная, возрасти'вшая 
на'мъ пло'дъ живота`, тебjь` мо'лимся, моли'ся вл\дчце, 
со святы'ми а=п\слы поми'ловати ду'шы на'шя.

%<Славосло'вiе вели'кое. Тропа'рь прп\дбнагw, Сла'ва, 
и= нн~jь, бг~оро'диченъ: И='%>же на'съ ра'ди: 
%<_Е=кт_енiи`, и= w\тпу'стъ.%>

%<На лiтургi'и:%>

%<Бл~же'нна, w\т канw'на прп\дбнагw, пjь'снь г~-я, и= 
s~-я. Прокi'менъ, гла'съ з~: Ч%>естна` пред\ъ гд\се'мъ 
сме'рть прп\дбныхъ _е=гw`. %<Стi'хъ: Ч%>то` возда'мъ 
гд\севи w= всjь'хъ jа=`же воздаде' ми; %<А=п\слъ ко 
гала'тwмъ, зача'ло сг~_i: П%>ло'дъ дх~о'вный _е='сть... 
и= та'кw и=спо'лните зако'нъ хр\сто'въ. %<А=ллилу'iа, 
гла'съ s~: Б%>л~же'нъ му'жъ боя'йся гд\са, въ 
за'повjьдехъ _е=гw` восхо'щетъ sjьлw`. %<ы%>и'льно на 
земли` бу'детъ сjь'мя _е=гw`. %<_Е=v\глiе w\т луки`, 
зача'ло к~д: С%>та` i=и~съ на мjь'сте ра'внjь... Се' бо, 
мзда` ва'ша мно'га на нб\сjь'хъ. %<Прича'стенъ: В%>ъ 
па'мять вjь'чную бу'детъ прв\дникъ, %<А=ллилу'iа.%>