Богослужебные тексты

<::рус>    электронный текст предоставлен 

<::лат>    monah German - Srbija 

<::рус> Текст подвергнут грамматической правке



<::слав> 

%<Мц/са i=аннуа'рiа, въ и~_i де'нь.%>

%<Па'мять и='же во ст~ы'хъ _о=тца` на'шегw а=рхiеп\скпа 
ма_ксi'ма но'вагw бы'вшагw де'спота се'рбwмъ.%>

%<На ма'лjьй вече'рни, стiхи^ры ма_ксi'му. Гла'съ а~:%>

%<Подо'бенъ: Н%>ебе'сныхъ чинw'въ:

%<Н%>о'въ са'дъ jа=ви'лся _е=си` на'мъ, _о='тче, 
насажде'нъ во дворjь'хъ до'му бг~а на'шегw, веселя'щъ ча^да 
твоя^ а='ки новора'сльми ма'слиннагw дре'ва: мы' же ти` 
прино'симъ _о='тче вjьнцы` многоплет_е'нныя во и='мя 
о_у=се'рдiя къ чадолюби'вому _о=тцу`. %<[Два'жды:]%>

%<Б%>лагочести'вагw ко'рене блага'я w\тра'сль. w\т нея' 
же прозябе` цвjь'тъ благоуха'нный: мw'щи бо твоя^ 
проявля'ютъ добродjь^тели, и=`хъ же мы` w=благоуха'юще, 
восхваля'емъ бг~а, тебе` просла'вльшаго, ма_ксi'ме 
достоблаже'нне.

%<В%>ъ ю=до'ли jа='кw крi'нъ процвjь'лъ _е=си`, 
святи'телю, и= jа='кw шипо'къ благоуха'еши, се'рдца 
вjь'рныхъ w=благоуха'я, и= ра'достiю и=сполня'я. и=`же во 
весе'лiи воспjьва'юще глаго'лютъ: ди'венъ бг~ъ въ святы'хъ 
свои'хъ.

%<Сла'ва, гла'съ s~.%>

%<Х%>р\сто'ва i=ера'рха воспои'мъ вси` ма_ксi'ма, 
тро'ицы бо святы'я держа'ву во свое'мъ ро'дjь jа='снw 
возвjьща'етъ, _е=ди'наго бг~а въ трiе'хъ ли'цjьхъ 
нераздjь'льна: _е=го'же и= мо'литъ w= на'съ, вjь'рою 
соверша'ющихъ па'мять _е=гw`.

%<И= нн~jь, бг~оро'диченъ.%>

%<А=%>рха'гг~льское сло'во прiя'ла _е=си`, и= 
херувi'мскiй престо'лъ показа'лся _е=си`, и= на w=б\ъя'тiяхъ 
свои'хъ носи'ла _е=си`, бц\де, наде'жду ду'шъ на'шихъ.

%<На стiхо'внjь стiхи'ры: гла'съ в~.%>

%<Подо'бенъ:%> До'ме _е=vфра'fовъ:

%<W=%>ста'вивъ до'мъ земна'гw ца'рствiя, преблаже'нне 
ма_ксi'ме, до'мъ святы'я тро'ицы бы'лъ _е=си`.

%<Стi'хъ: Ч%>естна` предъ гд\семъ сме'рть преподо'бныхъ 
_е=гw`:

%<В%>ои'стинну, _о='тче, jа=ви'лся _е=си` купе'цъ 
предо'блiй, _е='же стяжа'въ хр\ста`, би'серъ многоцjь'нный, 
и= того` положи'въ во о_у=мjь`, ду'шу просвjьти'лъ _е=си`.

%<Стi'хъ: С%>вяще'нницы твои` w=блеку'тся въ пра'вду, и= 
преподо'бнiи твои` возра'дуются.

%<С%>вjь'тлагw и= свята'гw ко'рене, цвjь'тъ соверше'нiя 
и= свjь'тлости ты` бы'лъ _е=си`, новоявле'нне ма_ксi'ме, 
преблаже'нне.

%<Сла'ва, гла'съ и= подо'бенъ то'йже.%>

%<М%>а_ксi'ма просла'вимъ, jа='кw служи'теля святы'я 
тро'ицы.

%<И= ны'нjь, бг~оро'диченъ:%>

%<Д%>в~о преблаже'нная, о_у=блажа'емъ тя` ро'ди 
человjь'честiи, jа='кw роди'ла _е=си` сп~си'теля ду'шъ 
на'шихъ.

%<Тропа'рь, гла'съ г~.%>

%<С%>тра'нное рожде'нiе и= воспита'нiе бы'лъ _е=си` 
_о='тче, но па'ки водвори'ся во вла'сти о_у= своегw` 
наро'да: небе'снагw ца'рствiя жела'я, земно'е ца'рствiе 
w=ста'вилъ _е=си` и= смире'нiемъ вы'шнее сокро'вище 
получи'лъ _е=си`, преблаже'нне ма_ксi'ме: моли`, мо'лимся, 
w\т душа'хъ на'шихъ.

%<И= нн~jь, бг~оро'диченъ, по гла'су.%>

%<На вели'цjьй вече'рни,%>

%<Пое'мъ: Б%>лаже'нъ му'жъ, %<а~-й а=нтiфw'нъ.%>

%<На Г%>д\си воззва'хъ, %<стiхи'ры на s~. гла'съ а~.%>

%<W\т%> младе'нства цjьлому'дрiе возлюби'въ _о='тче, 
возрасте` це'ркви свjьтоза'ренъ цвjь'тъ, i=w'сифу подража'я 
прекра'сне. живы'й же во и=ноплеме'нныхъ, соблю'лъ _е=си` 
вjь'ру цjь'лу jа='кw го'лубь, jа=ви'лся прему'дръ и= 
бг~оуго'денъ. тjь'мже и= о_у=дивля'емь бы'лъ _е=си` w\т 
всjь'хъ, ма_ксi'ме достоблаже'нне. %<[Два'жды:]%>

%<С%>вjь'тъ лица` твоегw` _о='тче, проявля'етъ твою` 
духо'вную благода'ть, красе'нъ бы'въ ко видjь'нiю, 
кра'снjьйшiй же душе'ю: твоя^ бо мо'щи w=благоуха'ютъ 
чу^вства и= о_у=дивля'ютъ, вся'къ ра'зумъ, и= прославля'ютъ 
бг~а просла'вльшаго тя`, _о='тче на'шъ ма_ксi'ме: 
%<[Два'жды:]%>

%<Б%>г~олюби'вое твое` ста'до и= вjь'рныхъ собо'ри, 
восхваля'емъ тя`, святи'телю, зане` прему'дрымъ свои'мъ 
о_у=че'нiемъ _о=боя` о_у=диви'лъ _е=си`, по сме'рти же 
точи'ши и=сцjьл_е'нiя. тjь'мже и=сцjьли` ду'шы и= тjьлеса` 
на^ша хр\сто'въ служи'телю, ма_ксi'ме преблаже'нне.

%<Сла'ва, гла'съ s~:%>

%<В%>о и=схо'дjь ди'внагw твоегw` представле'нiя и= 
преселе'нiя чи'стыя ду'ши твоея` честнjь'йшiй _о='тче, 
о_у=зрjь'лъ _е=си` благолjь^пна два` му^жа, сiя'юща 
красото'ю _о=де'ждъ свои'хъ, тjь'мже лице'мъ свjь'тлымъ и= 
_о=чи'ма ра'достныма глаго'лалъ _е=си` къ ма'тери и= 
о_у=ченикw'мъ свои^мъ: w\тку'ду прiидо'ша къ на'мъ кра'снiи 
сi'и му'жiе; _о=ни' же разумjь'вше, бы'вшее посjьще'нiе 
бж~iе, возра'довашася, jа='кw посла` бг~ъ а='гг~лы во 
_о='бразjь а=fана'сiа и= кv"рi'лла, ти'хw взя'ти ду'шу твоя` 
w\т чи'стагw тjь'ла твоегw`, ст~е святи'телю пребл~же'нне 
ма_ксi'ме досточу'дне.

%<И= ны'нjь, бг~оро'диченъ.%>

%<К%>то` тебе` не о_у=блажи'тъ, прест~а'я дв~о: кто' ли 
не воспое'тъ твоегw` пречи'стагw рождества`, безлjь'тнw бо 
w\т _о=ц~а` возсiя'вый сн~ъ _е=диноро'дный, то'йже w\т тебе` 
чи'стыя про'йде неизрече'ннw вопло'щся, _е=стество'мъ бг~ъ 
сы'й, и= _е=стество'мъ бы'въ, человjь'къ на'съ ра'ди, не во 
двою` лицу` раздjьля'емый, но во двою` _е=ст_еству` 
несли'тнw познава'емый. того` моли` чи'стая, всеблаже'нная, 
поми'ловатися душа'мъ на'шымъ.

%<Вхо'дъ, прокi'менъ дне`, и= чте'нiя г~. 
Святи'телемъ.%>

%<На лiтi'и стiхи'ры самогла'сны, гла'съ а~.%>

%<В%>ъ честнjь'мъ преставле'нiи твое'мъ, _о='тче на'шъ 
ма_ксi'ме собира'ется мно'жество наро'да, стека'ются и='ноцы 
и= вси` w\т церко'внагw ли'ка та'кожде и= въ мiрски'хъ 
тебjь` послужи'вши и= совоинствова'вшiи съ тобо'ю: _о='бщiй 
бо пла'чь громогла'сенъ сотвори'ша w= тебjь`, преподо'бне.

%<Т%>вои` лю'дiе преподо'бне ма_ксi'ме, сле'зы точа'ще 
надгро'бная тебjь` глаго'лаху: w\т прему'драгw твоегw` 
ра'зума, _о='тче на'шъ преблаже'нне. помина'я се'й ча'съ, 
w=ста'вилъ _е=си` на'съ, и= ни во что` вмjьни'въ сла'ву и= 
красоту` житiя` сегw` прилjьпи'лся _е=си` хр\сту` Бо'гу, и= 
тому` послjь'довавъ, w\т негw` просла'вленъ бы'лъ _е=си`.

%<Jа='%>кw луна` заше'дъ въ подз_е'мная, преподо'бне и= 
jа='кw би'серъ кры'емь въ земли` вла'жной, jа=ви'лся _е=си` 
святи'телю свjь'томъ благода'ти дх~а свята'гw просвjьще'нъ, 
и=сцjьля'я и= w=свяща'я ду'шы и= тjьлеса` на'шя, 
новоя'вленне ма_ксi'ме, достосла'вне.

%<Сла'ва, гла'съ в~.%>

%<К%>о'ль кра'сное видjь'нiе и=мjь'лъ _е=си` пре'дъ 
и=схо'домъ души` твоея`, _w преблаже'нне ма_ксi'ме, 
предста'ша бо тебjь` пресвjь'тлiи святи'тели и= богому'дрiи 
_о=тцы` а=fана'сiй и= кv"рi'ллъ, и='мже видjь'нiемъ 
о_у=жаси'лъ _е=си` ма'терь и= о_у=ченики` твоя^, лю'демъ же 
твои^мъ всенеконе'чную жа'лость w=ста'вилъ _е=си`.

%<И= ны'нjь, бг~оро'диченъ:%>

%<На стiхо'внjь стiхи'ры самогла'сны, гла'съ а~.%>

%<В%>о все'мъ подража'лъ _е=си` прароди'тел_емъ твои^мъ, 
святи'телю: сv"меw'ну преподо'бному и= са'ввjь свяще'нному. 
_о=ни` бо ца'рство w=ста'вльше, бога'тство въ ру'цjь ни'щихъ 
да'ша, и= стра'нствовати и=зво'ливше, ми'лостива бг~а себjь` 
w=брjьто'ша: тjь'мже и= w\т хр\ста` бг~а сла'ву и= вjь'чный 
поко'й получи'ша, тебе`, преподо'бне ма_ксi'ме совсе'льника 
и=му'ще, и='же съ ни'ми и= соца'рствуеши въ ца'рствiи 
небе'снjьмъ.

%<Стi'хъ: Ч%>естна` пре'дъ гд\семъ сме'рть преподо'бныхъ 
_е=гw`.

%<В%>е'сь w=свяще'нъ бг~ови, бы'лъ _е=си` _о='тче, 
трудо'мъ и= посто'мъ себе` о_у=краша'я. милосты'нями же 
вже'гъ и= о_у=ясни'въ свjьщу` предвари'лъ _е=си` жениха` 
хр\ста`: съ ни'мже въ черто'зjь веселя'ся, всехва'льне 
святи'телю ма_ксi'ме, моли` спасти'ся душа'мъ на'шымъ.

%<Стi'хъ: С%>вяще'нницы твои` w=блеку'тся въ пра'вду, и= 
преподо'бнiи твои` возра'дуются.

%<С%>вя'те святи'телю ма_ксi'ме, посjьща'й ста'до свое`, 
и= соблюда'й _е=` невреди'мо w\т волкw'въ напа'дающихъ, 
загражда'я и='хъ sлокова'рная о_у=ста`, jа='кw да въ ми'рjь 
воспjьва'емъ сла'ву твою`.

%<Сла'ва, гла'съ г~.%>

%<П%>а'ки на'мъ златоте'чный нi'лъ, лjь'тною па'мятiю 
прише'дъ, до'брыми восхожде'ньми наводня'етъ златостру'йная 
безсме'ртiя лiя'нiя, плододая` сла'дкую пи'щу высо'кимъ 
благовjьща'нiемъ, тр\оцы нераздjь'льнjьй держа'вjь о_у=чи'тъ 
покланя'тися, и=сточа'етъ бж~е'ственная о_у=че'нiя, 
вjь'рныхъ напая'етъ помышле'нiя, и= мо'лится w= душа'хъ 
на'шихъ.

%<И= ны'нjь, бг~оро'диченъ: Б%>езъ сjь'мене w\т 
боже'ственнагw.



%<На о_у='трени,%>

%<На Б%>г~ъ гд\сь, %<тропа'рь свято'му ма_ксi'му, 
два'жды:%>

%<Сла'ва, и= ны'нjь, бг~оро'диченъ гла'са.%>

%<По а~-й каfi'смjь: сjьда'ленъ, гла'съ д~.%>

%<Подо'бенъ: О_у=%>диви'ся i=w'сифъ.

%<Ц%>jьлому'дрiе i=w'сифово стяжа'лъ _е=си`, святи'телю, 
и= кро'тость дв~дову. i=w'сифъ соблю'дъ дjь'вства цвjь'тъ, 
ца'рства сподо'бися, давi'дъ же голiа'fа о_у=би'въ, 
пома'занникъ свjь'телъ jа=ви'ся. ты' же преподо'бне, во 
все'мъ и=скуше'нъ бы'въ, крjь'постiю тве'рдагw твоегw` 
ра'зума неврежде'нъ пребы'лъ _е=си`, и= потопи'въ 
мы'сленнаго фараw'на, себе` чи'ста бг~у предста'вилъ _е=си`. 
тjь'мже и= бг~ъ, ви'дjьвъ чистоту` души` твоея`, 
преблаже'нне ма_ксi'ме, на свjь'щникъ святи'тельства 
возведе` тя`, просвjьща'ти и= w=свяща'ти ду'шы на'шя.

%<Сла'ва, и= ны'нjь, бг~оро'диченъ:%>

%<О_у=%>диви'ся i=w'сифъ, _е='же па'че _е=стества` зря`, 
и= внима'ше мы'слiю и='же на руно` до'ждь, въ безсjь'менномъ 
зача'тiи твое'мъ бц\де, купину` _о=гне'мъ неwпали'мую, 
же'злъ а=арw'новъ прозя'бшiй, и= свидjь'тельствуя 
w=бру'чникъ тво'й и= храни'тель свяще'нникwмъ взыва'ше: дв~а 
ражда'етъ, и= по рождествjь` па'ки дв~ою пребыва'етъ.

%<По в~-й каfi'смjь, сjьда'ленъ, гла'съ г~.%>

%<Подо'бенъ: К%>расотjь` дjь'вства:

%<Jа='%>коже пред\ъwпредjьли` предвоззва'вый тя`, 
безсме'ртiя ты` пред\ъwбраже'нiе бы'лъ _е=си`, низложи'въ 
благоче'стiю проти^вная мудрова^нiя, _о='тче ма_ксi'ме, 
правосла'вныхъ похвало`: тjь'мже тя` до'лгу пою'ще, 
соверша'емъ боже'ственную па'мять твою`.

%<Сла'ва и= ны'нjь, бг~оро'диченъ.%>

%<К%>расотjь` дjь'вства твоегw` и= пресвjь'тлой 
чистотjь` твое'й гаврiи'лъ о_у=диви'вся, вопiя'ше ти` бц\де: 
ку'ю ти` похвалу` принесу` досто'йную; что' же воз\ъимену'ю 
тя`, недоумjьва'ю и= о_у=жаса'юся. тjь'мже jа='кw повелjь'нъ 
бы'хъ, вопiю' ти: ра'дуйся бл~года'тная.

%<По полv"еле'и сjьда'ленъ, гла'съ и~.%>

%<Подо'бенъ: П%>рему'дрости сло'ва.

%<П%>рему'дрости рачи'теля, ма_ксi'ма восхва'лимъ, 
сла'ву земну'ю w\тло'жша и= хр\сту` цр~ю` послjь'довавша, 
вы'шнихъ возжела'вша, ни^жняя же w=ста'вивша, мнw'гiя 
ско'рби и= бjь'ды под\ъя'вша, и=згна'нiя же и= 
чужестра'нствiя всегда` любо'вь ко хр\сту` соблю'дша и= 
тому` о_у=подо'бившася, во дворы' же _е=гw` все'льшася, 
мо'лимся, _о='тче преподо'бне, моли` хр\ста` бг~а, 
прегрjьше'нiй w=ставле'нiе дарова'ти пра'зднующымъ вjь'рою 
и= любо'вiю святу'ю па'мять твою`.

%<Сла'ва, и= ны'нjь, бг~оро'диченъ:%>

%<П%>омышля'ю су'дъ и= бою'ся и=стяза'нiя, трепещу` 
му'ки и= о_у=жаса'юся _о='гненныя болjь'зни, тмы' же и= 
та'ртара: о_у=вы` что` сотворю`. сту'дъ ка'кw претерплю`; 
_е=гда` кни^ги w\тве'рзутся и= дjья^нiя w=блича'тся. сегw` 
ра'ди припа'даю ти` бц\де пречи'стая, тогда` предста'ни ми`, 
ну'жды _о='ныя и=з\ъима'ющи: тебе` бо и='мамы прибjь'жище 
влады'чице.

%<Та'же степе'нна пе'рвый а=нтiфw'нъ д~ гла'са. 
Прокi'менъ, гла'съ д~: С%>вяще'нницы твои` w=блеку'тся въ 
пра'вду, и= преподо'бнiи твои` возра'дуются. %<Стi'хъ: 
О_у=%>ста` моя^ возглаго'лютъ прему'дрость, и= поуче'нiе 
се'рдца моегw` ра'зумъ. %<В%>ся'кое дыха'нiе: %<_Е=v\гелiе 
w\т i=wа'нна, зача'ло л~s.%>

%<По н~-мъ _псалмjь` стiхи'ра гла'съ s~.%>

%<Д%>не'сь весели'тся хр\сто'ва це'рковь, въ па'мяти 
блаже'ннагw _о=тца` на'шегw ма_ксi'ма. _о='нъ бо сла'ву 
w=ста'вивъ и= кре'стъ взе'мь, послjь'дова хр\сту`.

%<Канw'нъ свято'му ма_ксi'му. Гла'съ д~:%>

%<[_е=гw'же краегране'сiе сiе`: Восхва'лимъ святи'теля, 
хору'гву це'ркве.]%>

%<Пjь'снь а~:%>

%<I=рмо'съ: М%>о'ря чермну'ю пучи'ну невла'жными 
стопа'ми дре'внiй пjьшеше'ствовавъ i=и~ль крестоwбра'зныма 
мwv"се'овыма рука'ма а=мали'кову си'лу въ пусты'ни 
побjьди'лъ _е='сть.

%<В%>оспою` тебе` гд\си бж~е мо'й, jа='кw просла'вилъ 
_е=си` тебе` просла'вльшаго, ма_ксi'ма всjь'ми хвали'маго, 
са'мъ бо себе` w\т младе'нства, jа='кw ма'слинную вjь'твь 
тебjь` хр\сте` принесе`, и= тебjь` jа='кw Бо'гу: w=са'нна 
вопiе'тъ.

%<В%>оспою` тя`, блаже'нне ма_ксi'ме, jа='кw _е=ле'емъ 
ми'лостыни и= по'томъ трудw'въ свои'хъ о_у=ма'стилъ _е=си` 
себе`, _о='тче, и= свjьти'льникъ вже'гъ съ му'дрыми 
дjь'вами, въ срjь'тенiе хр\сту` жениху` во весе'лiе вjь'чное 
восте'клъ _е=си`.

%<С%>v"меw'на преподо'бнагw и= святи'теля са'ввы ты` 
jа=ви'лся _е=си`, _о='тче лоза` и='стинная, и=сточа'я вiно`, 
спасе'нiя, всjь'хъ вjь'рныхъ ду'шы веселя'ющее, святи'телю 
_о='тче на'шъ, преблаже'нне ма_ксi'ме досточу'дне.

%<Бг~оро'диченъ: С%>овjь'та превjь'чнагw хра'мъ 
воздви'глъ _е=си` святи'телю, а=рхiстрати'га гаврiи'ла 
ра'достное провjьща'нiе бц\дjь вседне'внw воспjьва'я: 
ра'дуйся невjь'сто неневjь'стная.

%<Катава'сiя: С%>у'шу глубороди'тельную зе'млю со'лнце 
наше'ствова и=ногда`, jа='кw стjьна' бо w=густjь` _о=бапо'лы 
вода`: лю'демъ пjьшемореходя'щымъ и= бг~оуго'днw пою'щымъ, 
пои'мъ гд\се'ви, сла'внw бо просла'вися.

%<Пjь'снь г~:%>

%<I=рмо'съ: В%>есели'тся w= тебjь` це'рковь твоя` 
хр\сте` зову'щи: ты` моя` крjь'пость гд\си, и= прибjь'жище 
и= о_у=твержде'нiе.

%<Х%>вала'ми да почти'мъ преблаже'ннаго _о=тца`, и='же 
небе'сная жела'я w=ста'ви земна^я. и= jа='коже _е=ле'нь 
тече'тъ жела'я водна'гw и=сто'чника: си'це о_у=се'рднw 
послjь'довалъ _е=си`, _о='тче, стопа'мъ, прароди'телей 
свои'хъ.

%<В%>е'сь о_у='мъ впери'въ къ высотjь`, земна^я ни во 
что' же вмjьни'лъ _е=си`, и= смире'нiемъ достоблаже'нне 
ма_ксi'ме, высw'кая воспрiя'лъ _е=си`.

%<А='%>ще и= и=згна'нъ бы'лъ _е=си` ма_ксi'ме 
преподо'бне, _о=би'тели твоегw` _о=те'чества: но пресла'вный 
о_у='бw ра'дулъ воево'да, любе'знw тебе` _о='тче, 
прiе'млетъ, ра'дуяся душе'ю и= крася'ся вели'чiемъ, jа='кw 
даде` _е=му` бг~ъ _о=тца` и= о_у=чи'теля, и= спаси'теля 
душе'внаго.

%<Бг~оро'диченъ: К%>а'я сiя` jа='же вои'стинну бли'зъ 
бг~а, jа='кw превозше'дши вся` а='гг~льскiя чи'ны, _е=ди'на 
добро'тою дjь'вства сiя'ющи, jа='кw мт~и вседержи'теля.

%<Катава'сiа: О_у=%>твержде'нiе на тя` надjь'ющихся, 
о_у=тверди` гд\си це'рковь, ю='же стяжа'лъ _е=си` че'стною 
твое'ю кро'вiю.

%<Сjьда'ленъ гла'съ и~: П%>рему'дрости сло'ва.

%<Р%>оди'теля и= сро'дники, сла'ву же и= и='же въ 
сла'вjь тебjь` служа'щихъ w=ста'вилъ _е=си`, же'ртву жи'ву 
бг~ови себе` предста'вивъ, и= мно'гихъ вразуми'лъ _е=си`, 
пу'ть покая'нiя показа'вый, ма_ксi'ме всеблаже'нне: моли` 
хр\ста` бг~а, согрjьше'нiй w=ставле'нiе дарова'ти чту'щымъ 
любо'вiю святу'ю па'мять твою`.

%<Сла'ва и= нн~jь, бг~оро'диченъ.%>

%<Н%>едомы'сленно и= непости'жимо _е='сть влады'чице 
бг~ора'дованная, _е='же содjь'ланное w= тебjь` стра'шное 
бж~iе та'инство, и='бо неwб\ъиме'ннаго заче'нши родила` 
_е=си` пло'тiю w=бложе'нна w\т преч\стыхъ крове'й твои'хъ 
_е=го'же всегда` ч\стая jа='кw сн~а своегw` моли` спасти'ся 
душа'мъ на'шымъ.

%<Пjь'снь д~.%>

%<I=рмо'съ: В%>ознесе'нна тя` ви'дjьвши це'рковь на 
крестjь`, со'лнце пра'ведное, ста` въ чи'нjь свое'мъ, 
досто'йнw взыва'ющи: сла'ва си'лjь твое'й, гд\си.

%<Л%>ю'ди бж~iя возмуща'етъ ненави'дяй добро` и= _о=бою` 
стратила'ту ра'дула и= бо'гдана бли'зъ бы'вшу къ сраже'нiю, 
ты` преподо'бне _о='тче ма_ксi'ме, jа='кw крила'тъ 
предста'въ _о=бои'мъ полкw'мъ ми'ръ да'лъ _е=си`. _о=ни' же 
возвраща'ются во своя^ си, сла'вяща бг~а и= о_у=го'дника 
_е=гw`.

%<И=%>дjь'же бо ду'хъ хо'щетъ ды'шетъ, jа='коже рече` 
хр\сто'съ во _е=v\глiи и= а=п\слъ: и=дjь'же любо'вь, та'мw 
побjьжда'ется мно'жество грjьхw'въ: дх~омъ _о='тче 
провозвjьсти'лъ _е=си` бж~е'ственная твоя^ словеса`.

%<М%>а_ксi'ме всехва'льне, кто` по достоя'нiю возмо'жетъ 
восхвали'ти кро'ткiй тво'й взо'ръ и= медотw'чныя твоя^ 
глаго'лы; я=зы'къ тво'й бы'сть тро'сть кни'жника, дх~омъ 
ст~ы'мъ подвиза'емь. мно'гихъ бо привлече` къ вjь'рjь, 
мно'жайшихъ же къ покая'нiю.

%<Бг~оро'диченъ: И='%>же w\т не су'щихъ вся'ческая 
божество'мъ содjьва'я, роди'ся и=зъ тебе` бг~мт~и, мi'ръ 
просвjьща'я свjь'тлыми заря'ми боже'ственными, и= 
бг~оразу'мiя свjь'тлостми.

%<Катава'сiа: П%>окры'ла _е='сть небеса` добродjь'тель 
твоя` хр\сте`, и=зъ кiвw'та бо проше'дъ святы'ни твоея` 
нетлjь'нныя ма'тере. въ хра'мjь сла'вы твоея` jа=ви'лся 
_е=си` jа='кw младе'нецъ руконоси'мь и= и=спо'лнишася вся^ 
твоегw` хвале'нiя.

%<Пjь'снь _е~:%>

%<I=рмо'съ: Т%>ы` гд\си мо'й свjь'тъ въ мi'ръ прише'лъ 
_е=си`, свjь'тъ святы'й, w=браща'я и=зъ мра'чна невjьдjь'нiя 
вjь'рою воспjьва'ющыя тя`.

%<С%>амо'вольнjь w=ста'вивъ _о='тче на'шъ ма_ксi'ме, 
вся^ сла^вная и= срw'дная, и= подру'жная, по глаго'лу 
_е=v\гльскому, хр\сту` бг~у послjь'довалъ _е=си` и= 
стра'нствовати и=зволи'лъ _е=си`.

%<Т%>лjь'нная w=ста'вль, треблаже'нне, нетлjь'нная 
воспрiя'лъ _е=си`, насыща'яся свjь'томъ боже'ственныя 
свjь'тлости, въ дворjь'хъ гд\са твоегw` ма_ксi'ме прему'дре.

%<Л%>ю'дiе твои`, _w _о='тче, и= ча'да дх~омъ ст~ы'мъ 
порожде'нна, плаче'вная w\тве'ргше, ра'дwстная тебjь` 
воспjьва'ютъ пjь^нiя, вопiю'ще: не w=ста'ви на'съ свя'те въ 
ра'дости гд\са твоегw`, моля` _е=го` w= душа'хъ на'шихъ.

%<Бг~оро'диченъ: С%>вы'ше тебjь` гла'съ ра'достенъ 
возопи` а='гг~лъ бц\де: неизрече'нное влады'ки возвjьща'я 
тебjь` зача'тiе.

%<Катава'сiа: Jа='%>кw ви'дjь и=са'iа _о=бра'знw на 
престо'лjь превознесе'нна бг~а, w\т а='гг~лъ сла'вы 
дорv"носи'ма, _w w=кая'нный, вопiя'ше а='зъ. прови'дjьхъ бо 
воплоща'ема бг~а, свjь'та невече'рня и= ми'ромъ 
влады'чествующа.

%<Пjь'снь s~:%>

%<I=рмо'съ: П%>ожру' ти со гла'сомъ хвале'нiя гд\си, 
це'рковь вопiе'тъ ти`, w\т бjьсо'вскiя кро'ве w=чи'щшися, 
ра'ди ми'лости w\т ре'бръ твои'хъ и=сте'кшею кро'вiю.

%<Jа='%>кw шипо'къ въ те'рнiи, преподо'бне ма_ксi'ме, во 
и=ноплеме'нныхъ возра'слъ _е=си`, вjь'ру же и= чистоту` 
тве'рдw соблю'лъ _е=си`: по вjь'рjь чи'стагw се'рдца твоегw` 
вседомо'внw преселя'етъ тебе` бг~ъ въ землю` люде'й твои'хъ, 
jа='коже и=ногда` а=враа'ма въ зе'млю w=бjьтова'нiя.

%<Х%>ору'гвь хр\сто'ва, хр\стiа'нwмъ похвала`, _о='тче 
на'шъ ма_ксi'ме, ю='же нося`, ничи'мже по а=по'столу 
хвали'лся _е=си`, то'чiю кресто'мъ гд\са на'шегw i=ису'са 
хр\ста`.

%<_W%> прему'драгw твоегw` ра'зума, всехва'льне 
святи'телю, _е=гда` о_у=таи'вся всjь'хъ свои'хъ си, и= 
посредjь` мяте'жа и= молвы` кре'стъ взе'мь, послjь'довалъ 
_е=си` хр\сту`.

%<Бг~оро'диченъ: Т%>я` _е=ди'ну посредjь` те'рнiя 
w=брjь'тъ, jа='кw пречестны'й крi'нъ и= о_у=до'лiя цвjь'тъ, 
_w бг~мт~и, же'нихъ сло'во и=зъ о_у=тро'бы твоея` про'йде.

%<Катава'сiа: В%>озопи` къ тебjь`, ви'дjьвъ ста'рецъ 
_о=чи'ма спасе'нiе, _е='же лю'де'мъ прiи'де w\т бг~а, 
хр\сте`, ты` бг~ъ мо'й.

%<Конда'къ, гла'съ в~. Подо'бенъ: В%>ы'шнихъ и=ща`:

%<К%>ре'стъ взе'мь мнw'гiя ско'рби и= и=згна'нiя 
под\ъя'лъ _е=си` святи'телю, ма_ксi'ме всеwсвяще'нне, 
_о=те'чества твоегw` и= бг~омъ вру'ченнагw ста'да лиша'емъ: 
вся^ бо до'блественнjь терпjь'лъ _е=си`, душе'внагw ра'ди 
твоегw` просвjьще'нiя.

%<I=ко'съ: _W,%> кто` w\т земны'хъ похвали'ти возмо'жетъ 
бг~омъ просла'вленнагw, мы' же ра'достными гла'сы а='ки 
вjь'твми сiя` тебjь` _о='тче сыно'внjь глаго'лемъ: ра'дуйся, 
благочести'вагw ко'рене w\тра'сли. ра'дуйся, благоуха'нный, 
цвjь'те, прозя'бшiй на ни'вjь чи'стагw житiя` твоегw`, 
ра'дуйся, до'блественнагw воздержа'нiя сокро'вище. ра'дуйся, 
jа='кw ца'рство земно'е w=ста'вивъ воево'да царя` хр\ста` 
бы'лъ _е=си`, ра'дуйся, jа='кw мно'гiя труды` и= бjьды` 
под\ъя'лъ _е=си`: ра'дуйся, jа='кw слеза'ми твои'ми мно'гихъ 
о_у=диви'лъ _е=си`, пу'ть покая'нiя показа'вый: ра'дуйся. 
jа='кw мнw'гая ча^да дх~омъ ст~ы'мъ породи'лъ _е=си`. 
ра'дуйся jа='кw крi'нъ въ ю=до'ли процвjь'лъ _е=си`, 
ра'дуйся ма_ксi'ме пребл~же'нне, душе'вное просвjьще'нiе.

%<Пjь'снь з~.%>

%<I=рмо'съ: В%>ъ пещи` а=враа'мстiи _о='троцы, 
персi'дстjьй, любо'вiю па'че не'же ли пла'менемъ w=паля'еми 
взыва'ху: благослове'нъ _е=си` въ хра'мjь сла'вы твоея` 
гд\си.

%<Р%>а'дулъ воево'да, благоче'стiя и=спо'лнь, ра'достнw 
бг~а похваля'ше, jа='кw прiя'тъ w\тра'сль благочести'вагw 
ко'рене, па'че же бж~iе _о=би'телище и= цвjь'тъ чистоты`. 
тjь'мже и= вопiя'ше: бл~гослове'нъ бг~ъ _о=т_е'цъ на'шихъ.

%<Г%>д\сь даде`, гд\сь w\тя'тъ, по i=w'ву бг~а 
бл~годаря`, глаго'лалъ _е=си`, свяще'нне ма_ксi'ме, 
хва'льнаго воспjьва'я бг~а и= препросла'вленнаго.

%<В%>озду'хъ о_у='бw w=святи'ся благово'нiемъ моще'й 
твои'хъ ма_ксi'ме, хр\сто'въ святи'телю: це'рковь же 
веселя'щися вопiе'тъ: благослове'нъ бг~ъ _о=т_е'цъ на'шихъ.

%<Бг~оро'диченъ: И='%>стинную бц\ду и=сповjь'дающе тя` 
jа='кw а='гг~лъ, ра'дуйся, вjь'рою вопiе'мъ ти`: _е=ди'на бо 
ра'дость родила` _е=си` w=бра'дованная и= при'снw 
благослове'нная.

%<Катава'сiя: Т%>ебе` во _о=гни` w=роси'вшаго _о='троки 
бг~осло'вившыя, и= въ дв~у нетлjь'нну все'льшагося бг~а 
сло'ва пое'мъ, благоче'стнw пою'ще: благослове'нъ бг~ъ 
_о=т_е'цъ на'шихъ.

%<Пjь'снь и~.%>

%<I=рмо'съ: Р%>у'цjь распросте'ръ данiи'лъ, львw'въ 
зiя^нiя въ ро'вjь затче`: _о='гненную же си'лу о_у=гаси'ша 
добродjь'телiю препоя'савшеся, благоче'стiя рачи'тели, 
_о='троцы взыва'юще: благослови'те вся^ дjьла` гд\сня гд\са.

%<О_у=%>се'рднw взе'мь кре'стъ и= хр\сту` послjь'довавъ 
ма_ксi'ме преблаже'нне, скw'рби мно'ги и= и=згна^нiя 
претерпjь'лъ _е=си`, вопiя`: благослови'те вся^ дjьла` 
гд\сня гд\са.

%<W\т%>рjь'шся сою'за мiрска'гw, связа'лъ _е=си` себе` 
любо'вiю бж~iею: и='го бо взе'мь, jа=ре'мъ хр\сто'въ, и= 
то'й нося` взыва'лъ _е=си`, благослови'те вся^ дjьла` гд\сня 
гд\са.

%<Бг~оро'диченъ: Н%>еисто'вства sлотворя'щихъ тя` не 
о_у=страши'лся _е=си`, бж~е'ственный ма_ксi'ме: вы'шнягw бо 
и=зъ дв~ы возсiя'вшагw все_ору'жiемъ кре'стнымъ тя` w=дjь'я, 
вопи'ти: благослови'те вся^ дjьла` гд\сня гд\са.

%<Катава'сiа: Н%>естерпи'мому _о=гню` соедини'вшеся 
благоче'стiя предстоя'ще ю='ноши. пла'менемъ же неврежде'ни 
боже'ственную пjь'снь поя'ху: благослови'те вся^ дjьла` 
гд\сня гд\са, и= превозноси'те во вся^ вjь'ки.

%<Пjь'снь f~.%>

%<I=рмо'съ: К%>а'мень нерукосjь'чный w\т несjько'мыя 
горы` тебе`, дjь'во, краеуго'льный w\тсjьче'ся, хр\сто'съ, 
совокупи'вый разстоя^щаясяся _е=стества`, тjь'мъ веселя'щеся 
тя` бц\де велича'емъ.

%<К%>ра'снw о_у=`бо це'рковь весели'тся въ па'мяти, 
твое'й, w= святи'телю преблаже'нне ма_ксi'ме. се'рбстiи же 
лю'дiе стека'ются, пра'зднств_енная тебjь` принося'ще 
восхваля'юще хр\ста`, тебе` просла'вльшаго.

%<В%>ъ печа'ли _о='тче w=ста'вилъ _е=си` бг~олюб_е'зная 
твоя^ ча^да, въ ра'дость же душе'вную претвори'лъ _е=си` 
вjь'рныхъ мнw'жества jа=вле'нiемъ благово'нныхъ моще'й 
твои'хъ. тjь'мже и= похва^льная тебjь` прино'сятъ наро'да 
твоегw` сwбра'нiя.

%<И='%>хже _о='ко не ви'дjь и= о_у='хо не слы'ша, и= 
jа=`же на се'рдце человjь'ку не взыдо'ша, такwва'я _о=тче` 
w\т бг~а получи'лъ _е=си` блага^я: си'хъ наслажда'яся, моли` 
w= ста'дjь твое'мъ, _е='же къ бг~у собра'лъ _е=си`, и= w= 
лю'дехъ твои'хъ восхваля'ющихъ тя`, грjьха` и=зба'витися и= 
сподо'битися ра'дости и= весе'лiя вjь'чнагw.

%<Бг~оро'диченъ: В%>ъ ра'дость бц\ды водрузи'лъ _е=си` 
_о=би'тель кра'сную, въ не'йже ча^да твоя^ бг~олюби^вая, 
w=бстоя'ще ра'ку твою` честну'ю, святи'телю ма_ксi'ме 
преблаже'нне, воспjьва'ютъ гд\са, дв~у о_у=блажа'юще.

%<Катава'сiа: В%>ъ зако'нjь сjь'ни, и= писа'нiй 
_о='бразъ ви'димъ вjь'рнiи, вся'къ му'жескiй по'лъ, ложесна` 
разверза'я, свя'тъ Бо'гу: тjь'мъ перворожде'нное сло'во 
_о=ц~а` безнача'льна, сн~а первородя'щася, ма'терiю 
неискусому'жнw, велича'емъ.

%<Свjьти'ленъ, Подо'бенъ: Д%>у'хомъ во святи'лищи.

%<Д%>у'хомъ просвjьща'емъ святи'телю треблаже'нне, 
w=заря'еши сердца` и= ду'ши на'съ, воспjьва'ющихъ твою` 
свjь'тлую па'мять, ма_ксi'ме досточу'дне.

%<Сла'ва.%>

%<Т%>ро'ицы проповjь'дника, па'стыря до'блественнаго, 
прему'драго ма_ксi'ма восхва'лимъ согла'снw.

%<И= ны'нjь, бг~оро'диченъ:%>

%<С%>о дерзнове'нiемъ глаго'лати бц\ду, и= се'й 
покланя'тися вои'стинну вjь'рныхъ научи'лъ _е=си`, ма_ксi'ме 
всеблаже'нне.

%<На хвали'техъ стiхи'ры самогла'сны, гла'съ а~.%>

%<С%>тефа'нъ вjьне'цъ добро'ты и= красота` це'ркве: 
преподо'бная же а=нгели'на лоза` честна'я, породи'ста 
ро'ждiе вiногра'да спасе'ннагw, ма_ксi'ма свяще'ннаго: w\т 
ни'хже и=сточа'ется на'мъ весе'лiе душе'вное. и='хже 
моли'твами бж~е, спаси` ду'шы на'шя, jа='кw милосе'рдъ 
%<[Два'жды:]%>

%<В%>озве'дъ _о='ко душе'вное къ небеси`, и= о_у='мъ 
впери'въ къ Бо'гу, пренебре'глъ _е=си` вся^ су'_етная; лице' 
же свое` слеза'ми о_у=мыва'я, преподо'бне _о='тче на'шъ 
ма_ксi'ме, ду'шу свою` чи'сту предста'вилъ _е=си` хр\сту` 
бг~у.

%<Д%>не'сь красу'ется хр\сто'ва це'рковь, въ па'мяти 
треблаже'ннагw _о=тца` ма_ксi'ма. дне'сь w=бстоя'ще ра'ку 
твою` бг~олюби^вая твоя^ ча^да, дх~омъ ст~ы'мъ порожде'нное 
твое` ста'до, и= хва'ляще тя` вопiю'тъ: ди'венъ бг~ъ во 
святы'хъ свои'хъ, въ це'рквахъ благослови'мъ тя` гд\си.

%<Сла'ва гла'съ г~.%>

%<В%>ели'кiя и='стины трубу` многострада'льнаго 
ма_ксi'ма, восхвали'ти стеце'мся вси` вjь'рнiи, 
_е=диноплеме'ннiи. _о='нъ бо на'съ созыва'етъ къ трапе'зjь 
духо'внjьй, взы'демъ о_у=`бо на сiе` свjь'тлое торжество` 
церко'вное и= почти'мъ до'браго па'стыря пjь'сньми, 
восхва'лимъ _е=гw` свяще'нныя труды`, jа='кw да моли'твами 
_е=гw` прiи'мемъ w\т хр\ста` бг~а проще'нiе грjьхw'въ и= 
ве'лiю ми'лость.

%<И= ны'нjь, бг~оро'диченъ.%>

%<Н%>евjь'стница свjьтоно'сная и= ч\стая, дв~о бы'вши 
бг~у, воспjьва'емъ тя` любо'вiю и= блажи'мъ jа='кw да 
святи'теля ма_ксi'ма моли'твами спасе'ши ду'шы на'шя.

%<Славосло'вiе вели'кое и= w\тпу'стъ.%>

%<На лiтургi'и,%>

%<Блаже'нна, w\т канw'на пjь'снь г~, и= s~-я. 
Прокi'менъ, гла'съ и~. В%>осхва'лятся преподо'бнiи во 
сла'вjь, и= возра'дуются на ло'жахъ свои'хъ. %<Стi'хъ: 
В%>оспо'йте гд\севи пjь'снь но'ву, хвале'нiе _е=гw` въ 
це'ркви преподо'бныхъ: %<А=п\слъ ко _е=вре'_емъ, зача'ло 
тл~д. А=ллилу'iа, гла'съ в~: С%>вяще'нницы твои` w=блеку'тся 
въ пра'вду, и= преподо'бнiи твои` возра'дуются. %<_Е=v\глiе 
w\т матfе'а, зача'ло а~_i. Прича'стенъ: Р%>а'дуйтеся 
пра'веднiи w= гд\сjь, пра^вымъ подоба'етъ похвала`.