Богослужебные тексты

<::лат>        OCR:

<::рус>        Библиотека святоотеческой литературы

<::лат>        http://orthlib.ru

<::слав>

(с. 115)

%<Мjь'сяца тогw'же въ з~-й де'нь.%>

%<Прп\дбныхъ _о=т_е'цъ на'шихъ, fwмы`, и='же въ 
мале'и, и= а=ка'кiа, и='же въ лjь'ствицjь.%>

%<Стiхи^ры, гла'съ а~. Подо'бенъ: Н%>б\сныхъ чинw'въ:

%<Б%>г~осiя'нна тя` свjьти'льника, _о='ч~е, 
позна'хомъ, * мы'сленными заря'ми w=заря'юща мi'ръ, * и= 
тму` w\тгоня'ща лука'вагw * де'мwнwвъ смуще'нiя. * 
тjь'мже свjьтоно'сную твою` па'мять * вjь'рнw 
пра'зднуемъ, бл~же'нне.

%<С%>вjь'телъ въ житiи` дре'вле бы'въ, бога'тствомъ и= 
си'лою, * мона'шескимъ _о='бразомъ, * преподо'бне, 
w=дjь'ялся (с. 116) _е=си`, _о='ч~е fwмо`, * нищетjь` 
подо'бяся на'съ ра'ди вопло'щшагwся: * тjь'мже мно'гими 
тя` дарова^нiи w=богати'лъ _е='сть.

%<С%>толпо'мъ _о='гненнымъ зри'тельнw тя` * бг~ъ 
наста'ви ко спасе'нiю, * _о='ч~е, * къ ти'хому 
приста'нищу, * и= къ горjь` безстра'стiя: * во'ду же 
твое'ю моли'твою и=сточи'лъ _е=си`, * и= неви'дящымъ 
_е='же ви'дjьти, * и= хромы^мъ благотече'нiе дарова'лъ 
_е=си`.

%<И='ны стiхи^ры ст~а'гw а=ка'кiа, гла'съ д~. 
Подо'бенъ: Jа='%>кw до'бля:

%<В%>оздержа'нiемъ му'дрость плотску'ю о_у=мертви'лъ 
_е=си`, * и= ду'шу w=живи'лъ _е=си` посто'мъ, * и= 
добродjь'телей соверше'нiемъ. * w\тсю'дуже и= jа=ви'лся 
_е=си` * jа='кw жи'въ по кончи'нjь вои'стинну: jа='коже 
бо со'нъ вмjьни'ся тебjь` сме'рть, * къ бг~у 
преста'вльшуся, * и= въ ру'цjь ду'шу прело'жшу _е=му`, * 
а=ка'кiе сла'вне.

%<С%>трасте'й о_у=спи'лъ _е=си` * жела^нiя, а=ка'кiе, 
* бдjь'нiе всено'щное jа='кw стяжа'въ, * послуша'нiе и= 
смире'нiе, * поуче'нiе же бж\ственныхъ писа'нiй, * и= 
се'рдце чи'сто, * и= о_у='мъ несмуще'нъ. * тjь'мже бы'лъ 
_е=си` и= прiя'телище дх~а ст~а'гw, * зари^ чуде'съ 
возсiя'въ конц_е'мъ.

%<М%>iрска'гw пристра'стiя * до конца` возгнуша'вся, * 
безстра'стiя сосу'дъ бы'лъ _е=си`: * въ любому'дрiи же, 
сла'вне, * дjь'тельнымъ восхожде'нiемъ * возвы'сился 
_е=си` къ самому` жела'нiю коне'чному, * и= о_у=зрjь'лъ 
_е=си` та'йнымъ видjь'нiемъ * неви'димыхъ недомы'сл_енныя 
и= бж\ств_енныя добрw'ты, * а=ка'кiе всему'дре и= 
блаже'нне.

%<Сла'ва, и= ны'нjь, бг~оро'диченъ:%>

%<Jа='%>же бг~а невмjьсти'маго * во чре'вjь твое'мъ 
вмjьсти'вшая, * чл~вjьколю'бнw чл~вjь'ка бы'вша, * и= 
на'ше смjьше'нiе и=зъ теб_е` прiи'мша, * и= w=божи'вша 
jа='вjь, * не пре'зри мене`, всечи'стая, ны'нjь 
скорбя'ща: * но о_у=ще'дри ско'рw, * и= разли'чныя 
вражды' же * и= вре'да лука'вагw свободи`. (с. 117)

%<Кр\стобг~оро'диченъ:%>

%<А='%>гнца и= па'стыря тя` * на дре'вjь jа='кw 
ви'дjь, * а='гница ро'ждшая рыда'ше, * и= мт~рски ти` 
вjьща'ше: * сн~е возжелjь'нне, * ка'кw на дре'вjь 
кр\стнjьмъ повjь'шенъ _е=си`, долготерпjьли'ве; * ка'кw 
ру'цjь и= но'зjь твои`, сло'ве, * пригвозди'шася w\т 
беззако'нныхъ, * и= кро'вь твою` и=злiя'лъ _е=си`, 
вл\дко;

%<Тропа'рь, гла'съ д~:%>

%<Б%>ж~е _о=т_е'цъ на'шихъ, творя'й при'снw съ на'ми 
по твое'й кро'тости, не w\тста'ви ми'лость твою` w\т 
на'съ, но моли'твами и='хъ въ ми'рjь о_у=пра'ви живо'тъ 
на'шъ.

%<Канw'нъ прп\дбнагw fwмы`.%>

%<Гла'съ в~. Пjь'снь а~. I=рмо'съ:%>

%<Г%>ряди'те, лю'дiе, пои'мъ пjь'снь хр\сту` бг~у, 
раздjь'льшему мо'ре, и= наста'вльшему лю'ди, jа=`же 
и=зведе` и=з\ъ рабо'ты _е=гv'петскiя, jа='кw просла'вися.

%<П%>росвjьще'нiе бж\ственныя благода'ти, сла'вне, въ 
души` прiи'мъ, jа='кw другi'й _е=гv'петъ страсте'й мглу` 
w=ста'вилъ _е=си`, и= житiе` прiя'лъ _е=си` нб\сное.

%<С%>вjь'телъ, _о='ч~е, въ житiи` бы'въ, на 
и=ноплеме'нники воздви'глъ _е=си` неисч_е'тны побjь^ды, 
и= мона'шествовавъ прп\дбнw, полки` де'мwнwвъ побjьди'лъ 
_е=си`.

%<В%>оздержа'тельнw врагу` спле'тся, посо'бiемъ, 
прп\дбне, бж\ственнагw дх~а смири'лъ _е=си` сего`, и= 
побjь'ды съ небесе` вjьне'цъ прiя'лъ _е=си`.

%<Бг~оро'диченъ:%>

%<_Е=%>ди'на бг~а всjь'хъ су'щаго невмjьсти'ма, тебjь` 
вмjь'стна бы'вша за бла'гость, породила` _е=си`, 
_о=трокови'це. _е=го'же моли`, спасти` пою'щыя тя`.

%<И='нъ канw'нъ прп\дбнагw а=ка'кiа, _е=гw'же 
краегране'сiе:%>

%<А=%>ка'кiа, и=зря'днаго послу'шника, пjь'сньми пою`.

%<Гла'съ д~. Пjь'снь а~. I=рмо'съ:%>

%<М%>о'ря чермну'ю пучи'ну, невла'жными стопа'ми, 
дре'внiй (с. 118) пjьшеше'ствовавъ i=и~ль, 
кр\сто_обра'зными мwv"се'овыма рука'ма а=мали'кову си'лу 
въ пусты'ни побjьди'лъ _е='сть.

%<Н%>еsло'бнымъ нра'вомъ w=бложи'вся, благо_обра'зную 
добродjь'телей стяжа'лъ _е=си` добро'ту, хр\сто'ву 
во'льному послуша'нiю подо'бяся да'же до сме'рти, 
всеблаже'нне.

%<S%>ло'бы w=брjьта'теля посрами'лъ _е=си` 
безsло'бiемъ твои'мъ, терпjь'нiемъ же, _о='ч~е, 
и=скуше'нiй тогw` го'рдую и= вознесе'нную вражду` къ 
земли`, всеблаже'нне, смири'лъ _е=си`.

%<В%>оздержа'нiемъ терпjьли'внымъ, прп\дбне, 
пред\ъwбуча'яся, и= страсте'й w\тсjька'я нача^ла, 
безстра'стiя _о=де'ждею о_у=краси'лся _е=си` по'слjьжде, 
бл~года'тiю бж\ственною покрыва'емь.

%<О_у=%>крjь'пль душе'вное о_у=строе'нiе терпjь'нiемъ 
тве'рдымъ, и= до'блимъ, всеблаже'нне, по'мысломъ по вся^ 
дни^ терпjь'въ му'ченическiй по'двигъ, и= вjьне'чникъ 
показа'лся _е=си`.

%<Бг~оро'диченъ:%>

%<К%>рjь'пость твори'тельная и= пjь'нiе, бг~ъ и= 
гд\сь, и='же на'съ ра'ди и=з\ъ теб_е` воплоще'йся и= 
рожде'йся, пр\оро'чески jа='коже и=са'iа, преч\стая, 
благовjьсти`.

%<Пjь'снь г~. I=рмо'съ:%>

%<О_у=%>тверди` на'съ въ тебjь`, гд\си, дре'вомъ 
о_у=мерщве'й грjь'хъ, и= стра'хъ тво'й всади` въ сердца` 
на'съ пою'щихъ тя`.

%<Т%>вои'ми прекло'нься бг~ъ мольба'ми, руко'ю тя` 
пр\оро'ка о_у='зъ и=зба'ви, и= ше'ствовати благоизво'ли 
къ болjь'зненному труду` воздержа'нiя.

%<Ж%>итiя` го'рькое w=ста'вивъ треволне'нiе, ко 
приста'нищу приступи'лъ _е=си` воздержа'нiя и= тишинjь` 
бж\ственнjьй, _о='ч~е fwмо`, и=спо'лнився дх~а 
благода'тiю.

%<С%>толпо'мъ i=и~ля, и=ногда` пусты'ню, всеблаже'нне, 
проходи'ти наста'вивый, столпо'мъ тя` _о='гненнымъ 
наставля'ше, прови'дяй души` твоея` благоро'дiе.

%<Бг~оро'диченъ:%>

%<З%>лату'ю jа='кw и='стиннw кади'льницу, и= ста'мну 
ма'нны, (с. 119) и= бж\ственную го'ру, и= пала'ту красну` 
бж~iю, тя`, дв~о, и=мену'емъ.

%<И='нъ. I=рмо'съ:%>

%<В%>есели'тся w= тебjь` цр~ковь твоя`, хр\сте`, 
зову'щи: ты` моя` крjь'пость, гд\си, и= прибjь'жище и= 
о_у=твержде'нiе.

%<В%>сего` тебе` сама'го творцу` твоему` и= бг~у, 
прп\дбне, возложи'въ, терпjь'лъ _е=си` томи'тельное 
о_у=ничиже'нiе.

%<З%>ако'ннw страда'льческое терпjь'нiе, возде'ржниче, 
показа'лъ _е=си` на земли`. тjь'мже тебjь` небе'сное 
весе'лiе даде'ся.

%<С%>мире'нiе и='стинно, долготерпjь'нiе _о=па'сно 
держа'лъ _е=си`, терпjь'нiе, воздержа'нiемъ съ 
послуша'нiемъ, пребл~же'нне.

%<Бг~оро'диченъ:%>

%<В%>сjь'хъ содjь'тель зи'ждется, на'съ ра'ди, 
преч\стая, пло'ть прiе'мъ w=душевле'ну, и=зъ теб_е`, 
прест~а'я бг~оневjь'сто.

%<Конда'къ а=ка'кiа, гла'съ в~. Подо'бенъ: В%>ы'шнихъ 
и=щя`:

%<М%>i'ръ w=ста'вль, хр\сту` послjь'довалъ _е=си` w\т 
младе'нства, прему'дре а=ка'кiе прп\дбне, тогw` подража'я 
во'льное смире'нiе, низве'рглъ _е=си` го'рдостнаго 
мучи'теля: моли` непреста'ннw w= всjь'хъ на'съ.

%<Сjьда'ленъ, гла'съ д~. Подо'бенъ: Jа=%>ви'лся _е=си` 
дне'сь:

%<Jа=%>ви'лся _е=си`, преподо'бне, благоугоди'въ 
бж\ственными дjья^нiи, и= житiе'мъ чи'стымъ, наслjь'дiя 
сподо'бился _е=си` безпло'тныхъ, моли` спасти'ся на'мъ.

%<Сла'ва, а=ка'кiа, гла'съ то'йже. Подо'бенъ: С%>ко'рw 
предвари`:

%<С%>вjь'тлостiю вjь'ры, и= дjь'тельнымъ свjь'томъ, 
jа=ви'лся _е=си` равноа'гг~ленъ на земли` вои'стинну, 
а=ка'кiе всему'дре, показа'лъ _е=си` му'жески крjь'пкое 
о_у=ма` твоегw`, сокруши'лъ _е=си` напа^данiя страсте'й 
посто'мъ. тjь'мже и= по кончи'нjь, jа='кw жи'въ jа=ви'лся 
_е=си`, непобjьди'ме.

%<И= ны'нjь, бг~оро'диченъ:%>

%<W=%>бнови'ла _е=си`, ч\стая, бж\ственнымъ рж\ство'мъ 
твои'мъ, и=стлjь'вшее во страсте'хъ земноро'дныхъ 
ме'ртвенное (с. 120) существо`: и= воздви'гла _е=си` вся^ 
w\т сме'рти къ животу` нетлjь'нiя. тjь'мже тя` по до'лгу 
блажи'мъ вси`, дв~о препросла'вленная, jа='коже прорекла` 
_е=си`.

%<Кр\стобг~оро'диченъ:%>

%<Н%>а кр\стjь' тя возвы'шена jа='кw о_у=зрjь` 
преч\стая мт~и твоя`, сло'ве бж~iй, мт~рски рыда'ющи 
вjьща'ше: что` но'вое и= стра'нное сiе` чу'до, сн~е мо'й, 
ка'кw жи'знь всjь'хъ вкуша'еши сме'рти, w=живи'ти 
м_е'ртвыя хотя`, jа='кw милосе'рдъ;

%<Пjь'снь д~. I=рмо'съ:%>

%<О_у=%>слы'шахъ, гд\си, слу'хъ твоегw` смотре'нiя, и= 
просла'вихъ тя`, _е=ди'не чл~вjьколю'бче.

%<В%>оздержа'нiя поже'глъ _е=си` _о=гне'мъ 
бж\ственнымъ те'рнiе грjьхо'вное, и= чуде'съ заре'ю, 
_о='ч~е, w=блиста'лъ _е=си`.

%<Д%>уши` твоея` _о='чи w\т страстны'я ти'ны 
w=чи'стивъ, незря'щыя зjь^ницы, _о='ч~е, w\тве'рзлъ 
_е=си`.

%<С%>а'мъ w\тчужди'лся _е=си` мiрски'хъ мяте'жей, 
бг~оно'се, и= премi'рную тишину` получи'лъ _е=си`.

%<Бг~оро'диченъ:%>

%<Н%>еискусобра'чная вл\дчце, jа='же бг~а безъ 
сjь'мене заче'ншая, напа'стей и= печа'лей всjь'хъ 
и=зба'ви.

%<И='нъ. I=рмо'съ:%>

%<В%>ознесе'на тя` ви'дjьвши цр~ковь на кр\стjь`, 
сл~нце пра'ведное, ста` въ чи'нjь свое'мъ, досто'йнw 
взыва'ющи: сла'ва си'лjь твое'й, гд\си.

%<О_у=%>мертви'въ, _о='ч~е, му'дрость пло'ти твоея`, 
твою` ду'шу w=живи'лъ _е=си`, и= пра'вды вjьне'цъ прiя'лъ 
_е=си`, зовы'й, а=ка'кiе: сла'ва си'лjь твое'й, гд\си.

%<П%>о'двиги дw'лги прiе'мля, и='же по вся^ дни^ 
терпjьли'вное пока'зовалъ _е=си` сопротивле'нiе, _о='ч~е. 
тjь'мже по сме'рти jа='кw жи'въ возопи'лъ _е=си`: сла'ва 
си'лjь твое'й, гд\си.

%<Т%>ве'рдымъ о_у=мо'мъ томл_е'нiя за хр\ста` 
претерпjь'лъ _е=си`, а=ка'кiе блаже'нне, сего` помышля'я 
на кр\стjь` пригвожде'нна за спасе'нiе ро'да на'шегw. (с. 
121)

%<Бг~оро'диченъ:%>

%<Ч%>истjь'йши _е=си` нб~съ, и= мы'сленныхъ си'лъ, 
jа='кw си'хъ зижди'теля, преч\стая, ро'ждши. тjь'мже ти` 
зове'мъ: ра'дуйся, бц\де всепjь'тая.

%<Пjь'снь _е~. I=рмо'съ:%>

%<С%>вjь'та пода'телю и= вjькw'въ тво'рче, гд\си, во 
свjь'тjь твои'хъ повелjь'нiй наста'ви на'съ: ра'звjь бо 
теб_е` и=но'гw бо'га не зна'емъ.

%<Р%>уководя'щаго тя` къ пусты'нямъ благоче'стнw 
и=мjь'лъ _е=си` и=лiю`, _о='ч~е, fесвi'тянина, 
jа=вля'ющася но'щiю и= тайноуча'ща бж\ств_еннымъ тя`, 
прп\дбне.

%<Jа='%>кw въ другi'й карми'лъ, въ мале'йскую го'ру, 
му'дре, всели'лся _е=си`, видjь'нiй бж\ственныхъ 
наслажда'яся, и= чудотворе'нiй бл~года'ть пресла'внw, 
блаже'нне, прiе'мля.

%<П%>ростра'ннагw пути` тjь'сный предпочита'я, 
дости'глъ _е=си` ра'достнw широту` рая`: и= дре'ву 
жи'зненному, _о='ч~е, невозбра'ннw причаща'ешися 
веселя'ся.

%<Бг~оро'диченъ:%>

%<О_у=%>язви'вшееся прилw'ги вра'жiими, ч\стая, jа='кw 
ми'лостива, и=сцjьли` се'рдце мое`, на кр\стjь` пло'тiю 
пригвозди'вшагося неизрече'ннw ро'ждшая.

%<И='нъ. I=рмо'съ:%>

%<Т%>ы`, гд\си мо'й, свjь'тъ въ мi'ръ прише'лъ _е=си`, 
свjь'тъ ст~ы'й, w=браща'яй и=зъ мра'чна невjь'дjьнiя, 
вjь'рою воспjьва'ющыя тя`.

%<Т%>ы` прп\дбне, jа='звами му'жески о_у=раня'емь, и= 
бi_е'нiи по вся^ дни^, терпя` крjь'пкw, прп\дбнw почи'лъ 
_е=си`.

%<Т%>ече'нiе до'брое сконча'въ, а=ка'кiе неsло'бный, 
трудw'въ свобо'дный и= болjь'зней воспрiя'лъ _е=си` 
поко'й.

%<О_у='%>мъ тво'й чи'стымъ по'мысломъ w=кормля'емь, 
а=ка'кiе бг~оно'се, къ вино'вному всjь'хъ благополу'чнw 
о_у=стреми'ся.

%<Бг~оро'диченъ:%>

%<Н%>и а='гг~льскiй о_у='мъ, ни человjь'чь мо'жетъ 
рж\ства` твоегw` сказа'ти: превосхо'дитъ бо вся'ко 
постиже'нiе ра'зума. (с. 122)

%<Пjь'снь s~. I=рмо'съ:%>

%<В%>ъ бе'зднjь грjьхо'внjьй валя'яся, неизслjь'дную 
милосе'рдiя твоегw` призыва'ю бе'здну: w\т тли`, бж~е, 
мя` возведи`.

%<В%>ъ пусты'ни безво'днjьй всели'лся _е=си`, и= 
моли'твъ w=дожде'нiемъ твои'хъ, прп\дбне, во'ду 
всебога'тну, вл\дку и=сточи'ти о_у=моли'лъ _е=си`.

%<Jа='%>коже а=враа'мъ дре'вле пра'ведный, во и='ну 
страну` себе` о_у=дали'лъ _е=си`, и= бг~у прибли'жился, 
и= въ зе'млю кро'ткихъ всели'лся _е=си`.

%<М%>она'хъ и='стиненъ бы'лъ _е=си`, и= по погребе'нiи 
и=сцjьле'нiй дарова^нiя, _о='ч~е fwмо`, тре'бующымъ 
и=сточа'еши си'лою духо'вною.

%<Бг~оро'диченъ:%>

%<В%>о'лею вся^ содjь'лавый, въ ложесна` восхотjь'въ 
неискусобра'чныя всели'ся, тлjь'нiемъ неду'говавшыя 
нетлjь'нiемъ почести` хотя`, jа='кw благосе'рдъ.

%<И='нъ. I=рмо'съ:%>

%<П%>ожру' ти со гла'сомъ хвале'нiя, гд\си, цр~ковь 
вопiе'тъ ти`, w\т бjьсо'вскiя кро'ве w=чи'щшися, ра'ди 
ми'лости, w\т ре'бръ твои'хъ и=сте'кшею кро'вiю.

%<О_у=%>сну'лъ _е=си` бл~же'ннымъ сно'мъ, блаже'нне, 
и= по сме'рти jа=ви'лся _е=си` послу'шая, _о='ч~е, 
вопроша'ющихъ, jа='кw не о_у=мира'етъ послуша'нiе 
и=мjь'яй.

%<С%>конча'въ дw'брыя по'двиги, тезоимени'те, 
нетлjь'ннагw, бг~ому'дре, сподо'бился _е=си` вои'стинну 
безсме'ртiя, и=дjь'же ра'дуяся вjьнцы` побjь'ды 
воспрiя'лъ _е=си`.

%<Б%>ж\ственное и= до'брое и= бг~оуго'дное 
воздержа'нiе житiя` твоегw`, блаже'нне, мнw'гiя 
о_у=твержда'етъ бж\ственнымъ стра'хомъ, и= жела'нiемъ 
бл~гъ бу'дущихъ, а=ка'кiе.

%<Бг~оро'диченъ:%>

%<В%>ои'стинну бц\ду тя` вjь'рою сла'вимъ, jа='кw бг~а 
заче'ншую, и= ро'ждшую сего` неискусобра'чнw, соеди'ншася 
и=зъ теб_е` прiя'тныя ст~ы'мъ хра'момъ. (с. 123)

%<Конда'къ fwмы`, гла'съ д~. Подо'бенъ: В%>ознесы'йся:

%<В%>е'лiю побjь'ду му'жески показа'лъ _е=си`, 
w\т_ону'дуже бж~е'ственною любо'вiю разгорjь'вся, царя` 
тлjь'ннаго и= вся^ кра^сная преwби'дjьлъ _е=си`, на 
горjь` мале'йстjьй вселе'нiе соверши'въ, w\т нея'же въ 
нб\сная возше'лъ _е=си` къ цр~ю` царе'й, fwмо`: моли` 
непреста'ннw w= всjь'хъ на'съ.

%<Пjь'снь з~. I=рмо'съ:%>

%<_О='%>бразу злато'му, на по'лjь деи'рjь служи'му, 
трiе` твои` _о='троцы небрего'ша безбо'жнагw велjь'нiя, 
посредjь' же _о=гня` вве'ржени, w=роша'еми поя'ху: 
бл~гослове'нъ _е=си`, бж~е _о=ц~ъ на'шихъ.

%<_О='%>гнь страсте'й воздержа'нiя росо'ю, _о='ч~е, 
погаси'лъ _е=си`, и= просiя'въ jа='коже со'лнце 
добродjь'телей свjь'тлостiю, всjь'хъ вопiю'щихъ 
просвjьща'еши сердца`, блаже'нне: бл~гослове'нъ _е=си`, 
бж~е _о=т_е'цъ на'шихъ.

%<С%>лjьпы^мъ _е='же зрjь'ти, и= хромы^мъ, _о='ч~е 
fwмо`, благотече'нiе, скw'рбнымъ и=збавле'нiе, и= 
боля'щымъ и=сцjьле'нiе подая` си'лою хр\сто'вою, взыва'лъ 
_е=си`: бл~гослове'нъ _е=си`, бж~е _о=т_е'цъ на'шихъ.

%<Б%>езмо'лвнw твою` соверши'лъ _е=си` жи'знь, _о='ч~е 
блаже'нне, нестяжа'нiемъ просвjьща'яся, и= воздержа'нiемъ 
о_у=краша'яся, поя` о_у=миле'нiемъ се'рдца вл\дцjь, 
пребога'те: бл~гослове'нъ _е=си`, бж~е _о=т_е'цъ на'шихъ.

%<Бг~оро'диченъ:%>

%<Д%>в~о ч\стая, неискусобра'чная, бл~гослове'нная, 
па'дающихъ и=справле'нiе, согрjьша'ющихъ и=збавле'нiе, 
спаси' мя блу'днаго, спаси` сн~у твоему` зову'ща: 
бл~гослове'нъ _е=си`, бж~е _о=т_е'цъ на'шихъ.

%<И='нъ. I=рмо'съ:%>

%<В%>ъ пещи` а=враа'мстiи _о='троцы персi'дстjьй, 
любо'вiю благоче'стiя па'че, не'жели пла'менемъ 
w=паля'еми, взыва'ху: бл~гослове'нъ _е=си` въ хра'мjь 
сла'вы твоея`, гд\си.

%<В%>сjь'мъ жела'нiемъ ко вл\дцjь и=ды'й, доса^ды и= 
безч_е'стiя, (с. 124) прп\дбне, и= jа='звы терпя`, 
взыва'лъ _е=си`: бл~гослове'нъ _е=си` въ хра'мjь сла'вы 
твоея`, гд\си.

%<П%>о'мыслъ тво'й вл\дчнiя помышля'я стр\сти и= 
распя'тiе, и= сме'рти поуча'яся, о_у=раня'емь поя'ше: 
бл~гослове'нъ _е=си` въ хра'мjь сла'вы твоея`, гд\си.

%<М%>е'ртвъ во гро'бjь по зако'ну о_у=мира'ющихъ лежя` 
безъ дыха'нiя, глаго'лющему вjьща'еши па'че _е=стества`, 
jа='кw не о_у='мерлъ _е='смь, и= взыва'еши: бл~гослове'нъ 
_е=си` въ хра'мjь сла'вы твоея`, гд\си.

%<Бг~оро'диченъ:%>

%<О_у=%>ме'ршыя, и='мже, дв~о, держи'ми бjь'хомъ 
зако'номъ, жи'знь ро'ждши и='стинную, возста'вила _е=си` 
зову'щыя: бл~гослове'на ты` въ жена'хъ, пренепоро'чная 
вл\дчце.

%<Пjь'снь и~. I=рмо'съ:%>

%<В%>ъ пе'щь _о='гненную ко _о=трокw'мъ _е=вр_е'йскимъ 
снизше'дшаго, и= пла'мень въ ро'су прело'жшаго бг~а, 
по'йте, дjьла`, jа='кw гд\са, и= превозноси'те во вся^ 
вjь'ки.

%<С%>тра^сти неудержи^мыя души` воздержа'нiя о_у=здо'ю 
покори'въ, невеще'ств_еннымъ а='гг~лwмъ о_у=подо'бился 
_е=си`, вопiя`: по'йте дjьла` jа='кw гд\са, и= 
превозноси'те во вся^ вjь'ки.

%<F%>есвi'тянина и=лiи` послjь'дуя, преблаже'нне, 
свяще'нному житiю`, на го'ру возше'лъ _е=си` бесjь'довати 
къ бг~у, посто'мъ о_у='мъ w=чища'я, поя`: благослови'те, 
вся^ дjьла` гд\сня, гд\са.

%<К%>ро'токъ и= неsло'бивъ jа='влься, на земли` 
кро'ткихъ живе'ши, бг~ому'дре, со всjь'ми преподо'бными 
и= и=збра'нными поя`: бл~гослови'те, вся^ дjьла` гд\сня, 
гд\са.

%<Бг~оро'диченъ:%>

%<Ж%>ивы'й су'щiй и=сто'чникъ, jа='кw во'ду жи'зни 
ро'ждшая, ду'шу мою` и=ста'явшую грjьхо'внымъ пла'менемъ, 
дв~о бц\де, напо'й, да тя` сла'влю во вся^ вjь'ки. (с. 
125)

%<И='нъ. I=рмо'съ:%>

%<Р%>у'цjь распросте'ръ, данiи'лъ львw'въ зiя^нiя въ 
ро'вjь затче`: _о='гненную же си'лу о_у=гаси'ша, 
добродjь'телiю препоя'савшеся, благоче'стiя рачи'тели 
_о='троцы, взыва'юще: благослови'те, вся^ дjьла` гд\сня, 
гд\са.

%<К%>рjь'пкимъ воздержа'нiемъ бг~у тебjь` бы'сть 
смjьси'тися, преподо'бне: о_у='зъ тjь'ла разрjь'шшуся, и= 
пло'ть и=знури'вшу, и= видjь'нiемъ дjь'тельнымъ, _о='ч~е, 
зовы'й: бл~гослови'те, вся^ дjьла` гд\сня, гд\са.

%<С%>ъ му'ч_еники хр\стw'вы сочета'емь и= вчиня'емь, 
непреста'ннw, прп\дбне, поя` чл~вjьколю'бца, и= моля'ся 
w= на'съ восхваля'ющихъ тя` и= вопiю'щихъ: благослови'те, 
вся^ дjьла` гд\сня, гд\са.

%<П%>острада'въ зако'ннw на земли`, небе'сный 
w=брjь'лъ _е=си` поко'й, ра'дуяся, преподо'бне, со 
ст~ы'ми, и= соприча'стникъ весе'лiю и= ра'дости и='хъ 
бы'въ, и= взыва'я: благослови'те, вся^ дjьла` гд\сня, 
гд\са.

%<Бг~оро'диченъ:%>

%<В%>оплоща'ется безпло'тный пре'жде, содjь'тель 
зи'ждется и=зъ теб_е`, всенепоро'чная: и='бо въ преч\стая 
ложесна` твоя^ заше'дъ непостижи'мый, w=писа'нiемъ 
плотски'мъ хотя` w=б\ъя'тся. тjь'мже вси' тя 
благослови'мъ, марi'е бг~оневjь'сто.

%<Пjь'снь f~. I=рмо'съ:%>

%<W\т%> бг~а бг~а сло'ва, неизрече'нною му'дростiю 
прише'дшаго w=бнови'ти а=да'ма, jа='дiю въ тлjь'нiе 
па'дшаго лю'тjь, w\т ст~ы'я дв~ы неизрече'ннw 
воплоти'вшагося на'съ ра'ди, вjь'рнiи _е=диному'дреннw 
пjь'сньми велича'емъ.

%<Д%>х~омъ, _о='ч~е, w=бнища'въ, нб\сное цр\ство 
воспрiя'лъ _е=си` со всjь'ми и=збра'нными, сла'вы 
неизрече'нныя и=сполня'емь, и= болjь'зней по'честь 
прiе'мля, fwмо`, возда'нiя. сегw` ра'ди тя` вjь'рою и= 
любо'вiю о_у=блажа'емъ.

%<М%>още'й твои'хъ ра'ка вjь'рнw приступа'ющымъ (с. 
126) и=сточа'етъ и=сцjьле'нiй рjь'ки, стра^сти ду'шъ 
потопля'ющая, и= тjьле'съ болjь^зни w\те'млющая, 
блаже'нне fwмо`, моли'твенниче вjь'рою при'снw блажа'щымъ 
тя`.

%<С%>овокупля'яся съ прп\дбныхъ свjь'тлыми ли^ки, и= 
сiя'нiемъ невече'рнимъ мы'сленнw, _о='ч~е fwмо`, 
w=заря'емь, бж~е'ственную твою` па'мять творя'щыя 
просвjьти` вjь'рнw, и= о_у=лучи'ти спасе'нiе моли'твами 
твои'ми сподо'би.

%<Бг~оро'диченъ:%>

%<W=%>блиста'ющая всjь'хъ чуде'съ заря` твои'хъ, 
бг~облагода'тная ч\стая, страсте'й и= скорбе'й w\те'млетъ 
мглу`, и= свjь'тъ весе'лiя мы'сленный простира'етъ, мт~рь 
бж~iю тя` велича'ющымъ.

%<И='нъ. I=рмо'съ:%>

%<К%>а'мень нерукосjь'чный w\т несjько'мыя горы` 
теб_е`, дв~о, краеуго'льный w\тсjьче'ся, хр\сто'съ, 
совокупи'вый разстоя^щаяся _е=ст_ества`. тjь'мъ 
веселя'щеся, тя`, бц\де, велича'емъ.

%<М%>и'лостивнw вмjьсти'лся _е=си`, _о='ч~е, ко 
вся'ческихъ благода'телю, неsло'бiя добро'тою 
о_у=краша'емь, и= красото'ю добродjь'телей сiя'я: тjь'мже 
тя` вси` о_у=блажа'емъ.

%<З%>ако'ну повину'яся вл\дчню, твою` преклони'лъ 
_е=си` вы'ю мона'шествующихъ боре'нiю, и= побjьдоно'сецъ, 
_о='ч~е, бы'въ, къ неsло'бiю дости'глъ _е=си` 
соверше'нному, всеблаже'нне.

%<П%>jь'нiе бг~у возсыла'ти со безпло'тными 
сподо'бился _е=си` jа='кw соблю'дъ _о='нjьхъ житiе` и= 
чистоту`: терпjь'нiемъ же дjь'лъ му'ч_еникъ сла'ву 
прiя'лъ _е=си`.

%<П%>рiими` w\т на'съ, бг~оно'се, приноси'мое тебjь` 
пjь'нiе w\т чи'ста се'рдца, и= возда'ждь мольба'ми 
твои'ми согрjьше'нiй w=ставле'нiе и= спасе'нiе, 
всече'стне.

%<Бг~оро'диченъ:%>

%<Jа='%>кw ко'рень су'щую вои'стинну нетлjь'нiя, тя`, 
дв~о, вси` вjь'рнiи и= о_у=твержде'нiя хвала'ми 
почита'емъ: ты' бо v=поста'сное безсме'ртiе на'мъ родила` 
_е=си`.