Богослужебные тексты

<::лат>        OCR:

<::рус>        Библиотека святоотеческой литературы

<::лат>        http://orthlib.ru

<::слав>

(с. 539)

%<Мjь'сяца тогw'же въ в~_i-й де'нь.%>

%<Пра'зднованiе прест~jь'й вл\дцjь на'шей бц\дjь и= 
приснодв~jь мр~i'и ра'ди i=кw'ны _е=я`, нарица'емыя 
троеру'чица, jа='же на ст~jь'й горjь` а=fw'нстjьй.%>

%<На ма'лjьй вече'рни:%>

%<На Г%>д\си воззва'хъ: %<стiхи^ры самогла'сны, гла'съ 
s~:%>

%<Р%>а'дуйся, а=fw'не ст~ы'й, и=му'ще въ себjь` 
многоцjьле'бенъ да'ръ преч\стыя дв~ы бц\ды i=кw'ны 
чуде'сное jа=вле'нiе, _е='юже въ тр\оцjь сла'витъ бг~а 
вы'шняго.

%<Р%>а'дуйся, а=fw'не ст~ы'й и= вся^ вселе'нная, 
ликовству'й, jа='кw ты` и='маши во _о=гра'дjь свое'й 
зало'гъ бл~года'ти бж~iя пречу'дную i=кw'ну вл\дчцы 
бц\ды, _е=я'же троеру'чное jа=вле'нiе сла'вимъ.

%<Р%>а'дуйся и= весели'ся, а=fw'не ст~ы'й, ты' бо 
безцjь'нное сокро'вище въ себjь` храни'ши цjьльбоно'сную 
i=кw'ну преч\стыя дв~ы и= вл\дчцы, jа='же тре'тiю и= 
преч\стую ру'ку на i=кw'нjь и=з\ъ_образи` всjь^мъ на 
заступле'нiе.

%<Сла'ва, и= ны'нjь, гла'съ и~:%>

%<И=%>скопа'йте, лю'дiе, и=сто'чникъ въ высотjь` 
а=fw'нскiя горы`, потече'тъ бо сла'дость во ве'сь мi'ръ 
неизрече'нная, напая'ющи и=сцjьле'нiи душе'вными и= 
тjьле'сными w\т ст~ы'я и= чудотво'рныя i=кw'ны вл\дчцы 
на'шея приснодв~ы бц\ды, та' бо вjь^рнымъ и=сточа'етъ 
да'ры цjьл_е'бныя и= созыва'етъ ви'дjьти, ка'кw двjьма` 
рука'ма де'ржитъ во w=б\ъя'тiихъ держа'щаго всю` тва'рь, 
тре'тiею и=збавля'етъ на'съ w\т всjь'хъ бjь'дъ. (с. 540)

%<На стiхо'внjь стiхи^ры, гла'съ з~:%>

%<В%>осхваля'юще чу'до w\т ст~ы'я твоея` i=кw'ны, 
толи'кw невjь'домое, вси` вопiе'мъ тебjь`, дв~о 
преч\стая: мл~твами твои'ми сп~си` ду'шы на'шя.

%<Стi'хъ: С%>лы'ши, дщи`, и= ви'ждь и= приклони` 
о_у='хо твое`.

%<Л%>ику'юще, да пра'зднуетъ ве'сь мi'ръ пречу'дное 
бг~оро'ждшiя дв~ы jа=вле'нiе, сплета'юще _е='й пjь'сни 
дх~w'вныя, потщи'мся воспjь'ти сщ~е'нный _о='бразъ _е=я`, 
любо'вiю и= чудесы` просла'вльшейся, и= пред\ъ ни'мъ 
вопiю'ще: пода'ждь мл\сть на'мъ, вл\дчце, и= сп~си` ду'шы 
на'шя.

%<Стi'хъ: Л%>ицу` твоему` помо'лятся бога'тiи 
лю'дстiи.

%<Л%>ику'йте, вси` лю'дiе и= торжеству'йте, _о='бразъ 
бо прест~ы'я тр\оцы, всеч\стны'ми рука'ми свои'ми 
преч\стая дв~а на i=кw'нjь и=з\ъ_обража'етъ на'мъ, 
прiиди'те празднолю'бцы вси`, о_у=бл~жи'мъ чу'дное 
jа=вле'нiе бг~ома'тере, да сп~се'тъ ду'шы на'шя.

%<Сла'ва, и= ны'нjь, гла'съ и~:%>

%<В%>л\дчце, прiими` мл~твы ра^бъ твои'хъ и= и=зба'ви 
на'съ w\т вся'кiя ну'жды и= печа'ли.

%<Тропа'рь пи'санъ на вели'цjьй вече'рни.%>

%<На вели'цjьй вече'рни:%>

%<На Г%>д\си воззва'хъ: %<стiхи^ры, гла'съ а~:%>

%<Подо'бенъ: _W,%> ди'вное чу'до.

%<_W%> ди'вное чу'до! и=сто'чникъ приснотеку'щiй, 
преч\стый _о='бразъ тво'й, вл\дчце бц\де, дарова'ся 
ст~оимени'той горjь`, о_у=дивля'етъ же премi^рная и= 
о_у=жаса'етъ з_емна'я чудесы` свои'ми, зря'ще бо 
_о='бразъ ст~ы'я тр\оцы, треми` рука'ми твои'ми 
и=з\ъ_ображе'нный: двjьма` де'ржиши сн~а своего`, хр\ста` 
бг~а на'шегw, тре'тiею же w\т напа'стей и= бjь'дъ вjь'рнw 
(с. 541) прибjьга'ющихъ и=збавля'еши, тjь'мже бл~года'рнw 
тебjь` вопiе'мъ: w=бра'дованная, ра'дуйся, съ тобо'ю 
гд\сь, подая'й мi'рови тобо'ю ве'лiю мл\сть.

%<_W%> ве'лiе чу'до и= неизрече'нное! jа=ви` на'мъ на 
i=кw'нjь ст~jь'й три` ру'ки своя^, _w дв~о 
пребл~гослове'нная! сiе` бы'сть чу'до чудесе'мъ и= во 
все'мъ мi'рjь ра'дость ве'лiя, неизрече'нное бога'тство 
возсiя` на'мъ бл~года'ти бж~iя, да вси`, припа'дающе къ 
тебjь`, мо'лимся: w\тврати`, бц\де, вся^кiя напа'сти w\т 
ра^бъ твои'хъ и= покажи` си'лу и= бл~года'ть 
цjьльбоно'сныя ст~ы'я i=кw'ны твоея`, да вjь'рнw тебjь` 
вопiе'мъ: w=бра'дованная, ра'дуйся, съ тобо'ю гд\сь, 
подая'й мi'рови тобо'ю ве'лiю мл\сть.

%<_W,%> стра'нное чу'до и= пресла'вное! да вси`, 
притека'юще, о_у='зримъ, ка'кw тре'тiю и= преч\стую ру'ку 
на i=кw'нjь и=з\ъяви`, _w дв~о пребл~гослове'нная, на 
по'мощь вjь^рнымъ и= въ заступле'нiе w\т бjь'дъ на'шихъ 
и= напа'стей, тебjь` _е=ди'ной досто'йнw _е='сть 
показа'ти сто'ль в_е'лiя чудеса`, прiиди'те, вjь'рнiи, 
приспjь' бо де'нь свjь'тлагw _е=я` торжества`, 
припа'дающе, мо'лимся и= о_у=ми'льнw вопiе'мъ: 
w=бра'дованная, ра'дуйся, съ тобо'ю гд\сь, подая'й 
мi'рови тобо'ю ве'лiю мл\сть.

%<Сла'ва, и= ны'нjь, гла'съ в~.%>

%<_W,%> пресла'внагw чудесе`! воспjь'ти досто'йнw 
недоумjьва'етъ вся'къ о_у='мъ, ка'кw во а=fw'нъ вхо'дитъ 
цр~и'ца, цр~я` хр\ста` ро'ждшая, и= прп\дбному мiхаи'лу 
малеину` jа=ви'ся чу'днымъ _о='бразомъ, w\ткры` 
бл~года'ть w= горjь`, и= w= се'мъ а=fw'нъ ликовству'етъ, 
jа='кw и=мjь'юще многобога'тый да'ръ во w=гра'дjь свое'й, 
цjьльбоно'сную, вл\дчце, твою` i=кw'ну, къ не'йже мы` 
возопiе'мъ: _w пребл~гослове'нная, къ тебjь` и=мjь'ютъ 
вjь'рнiи сердца`, любо'вiю распал_е'нная, 
бл~года'рственную пjь'снь пою'ще, (с. 542) jа='кw 
всенаде'жнjьй засту'пницjь ро'да на'шегw, jа='же 
бл~гоизво'ли дарова'ти на'мъ на прибjь'жище преч\стый 
зра'къ сво'й, въ не'мъ бо зри'мъ прославля'емый въ тебjь` 
_о='бразъ трiеди'нагw бж\ства`, просла'ви и= въ на'съ, 
чту'щихъ тя`, вл\дчце, и='мя твое`, и= сподо'би мл\сть 
о_у=лучи'ти сн~а твоегw`, хр\ста` бг~а на'шегw, того` 
моля'щи, jа='кw милосе'рдъ.

%<Вхо'дъ. Прокi'менъ дне`. И= чт_е'нiя бц\дjь три`.%>

%<Бытiя` чте'нiе. (Глава` к~и.)%>

%<И=%>зы'де i=а'кwвъ w\т студенца` кля'твеннагw, и= 
и='де въ харра'нъ. и= w=брjь'те мjь'сто, и= спа` та'мw: 
за'йде бо со'лнце. и= взя'тъ w\т ка'менiя мjь'ста тогw`, 
и= положи` возгла'вiе себjь`, и= спа` на мjь'стjь 
_о='номъ. и= со'нъ ви'дjь: и= се` лjь'ствица 
о_у=твержде'на на земли`, _е=я'же глава` досяза'ше до 
небе'съ, и= а='гг~ли бж~iи восхожда'ху и= низхожда'ху по 
не'й. гд\сь же о_у=твержда'шеся на не'й, и= рече`: а='зъ 
бг~ъ а=враа'мовъ _о=тца` твоегw` и= бг~ъ i=саа'ковъ, не 
бо'йся: земля`, и=дjь'же ты` спи'ши на не'й, тебjь` да'мъ 
ю=`, и= сjь'мени твоему` и= бу'детъ сjь'мя твое` jа='кw 
песо'къ земны'й, и= распространи'тся на мо'ре, и= лi'ву, 
и= сjь'веръ, и= на восто'ки: и= возбл~гословя'тся w= 
тебjь` вся^ колjь^на з_емна'я, и= w= сjь'мени твое'мъ. и= 
се` а='зъ съ тобо'ю сохраня'яй тя` на вся'комъ пути`, 
а='може а='ще по'йдеши, и= возвращу' тя въ зе'млю сiю`: 
jа='кw не и='мамъ тебе` w=ста'вити, до'ндеже сотвори'ти 
ми` вся^, _е=ли^ка глаго'лахъ тебjь`. и= воста` i=а'кwвъ 
w\т сна` своегw`, и= рече`: jа='кw _е='сть гд\сь на 
мjь'стjь се'мъ, а='зъ же не вjь'дjьхъ. и= о_у=боя'ся, и= 
рече`: jа='кw стра'шно мjь'сто сiе`: нjь'сть сiе`, но 
до'мъ бж~iй, и= сiя^ врата` нб\сная. (с. 543)

%<Проро'чества i=езекi'илева чте'нiе. (Главы^ м~г и= 
м~д).%>

%<Та'кw глаго'летъ гд\сь: б%>у'детъ w\т дне` _о=сма'гw 
и= про'чее сотворя'тъ i=ере'и не _о=лтари` всесожже'нiя 
ва'шегw и= jа=`же сп~се'нiя ва'шегw: и= прiиму' вы, 
глаго'летъ а=дwнаi` гд\сь. и= w=брати' мя на пу'ть вра'тъ 
ст~ы'хъ внjь'шнихъ, зря'щихъ на восто'ки: и= сiя^ бя'ху 
затвор_е'на. и= рече` гд\сь ко мнjь`: врата` сiя^ 
затвор_е'на бу'дутъ, и= не w\тве'рзутся, и= никто'же 
про'йдетъ сквозjь` и='хъ: jа='кw гд\сь бг~ъ i=и~левъ 
про'йдетъ и='ми, и= бу'дутъ затвор_е'на. jа='кw и=гу'менъ 
ся'детъ въ ни'хъ снjь'сти хлjь'бъ: по пути` _е=ла'мскихъ 
вра'тъ вни'детъ, и= по пути` _е=гw` и=зы'детъ. и= введе' 
мя по пути` вра'тъ ст~ы'хъ су'щихъ къ сjь'веру, пря'мw 
хра'му: и= ви'дjьхъ, и= се` и=спо'лнь сла'вы хра'мъ 
гд\сень.

%<При'тчей чте'нiе (глава` f~):%>

%<П%>рему'дрость созда` себjь` до'мъ и= о_у=тверди` 
столпw'въ се'дмь. закла` своя^ же'ртв_енная, и= раствори` 
въ ча'шjь свое'й вiно`, и= о_у=гото'ва свою` трапе'зу. 
посла` своя^ рабы`, созыва'ющи съ высо'кимъ 
проповjь'данiемъ на ча'шу, глаго'лющи: и='же _е='сть 
безу'менъ, да о_у=клони'тся ко мнjь`. и= тре'бующымъ 
о_у=ма` рече`: прiиди'те, jа=ди'те мо'й хлjь'бъ и= пi'йте 
вiно`, _е='же раствори'хъ ва'мъ. w=ста'вите безу'мiе и= 
жи'ви бу'дете. и= взыщи'те ра'зума, да поживе'те и= 
и=спра'вите ра'зумъ въ вjь'дjьнiи. наказу'яй sлы^я 
прiи'метъ себjь` безче'стiе, w=блича'яй нечести'ваго 
w=поро'читъ себе`, w=бличе'нiе бо нечести'вому ра^ны 
_е=му`. не w=блича'й sлы'хъ, да не возненави'дятъ тебе`, 
w=блича'й прему'дра, и= возлю'битъ тя`. да'ждь 
прему'дрому вину`, и= прему'дршiй бу'детъ. сказу'й 
пра'ведному, и= приложи'тъ прiима'ти. нача'ло 
прему'дрости (с. 544) стра'хъ гд\сень, и= совjь'тъ 
ст~ы'хъ ра'зумъ. разумjь'ти бо зако'нъ по'мысла _е='сть 
бл~га'гw: си'мъ бо _о='бразомъ мно'гое поживе'ши вре'мя, 
и= приложа'тся тебjь` лjь^та живота`.

%<На лiтi'и стiхи^ры, гла'съ _е~:%>

%<Т%>ы` _е=си` мл~твенница нело'жная о_у=пова'ющихъ 
хр\стiа'нъ, ты` _е=си` предста'тельница вjь'рная всjь^мъ 
прибjьга'ющымъ, показа'ла бо _е=си` на'мъ во сп~се'нiе 
троеру'чный _о='бразъ тво'й, прiими` мwльбы` w\т на'съ, 
прилjь'жнw призыва'ющихъ тя`, и= пода'ждь ве'лiю и= 
бога'тую мл\сть.

%<Т%>ы` _е=си` о_у=пова'нiе и= покро'въ вjь'рнымъ, _w 
пребл~гослове'нная вл\дчне, да'руй на'мъ мл\сть сн~а 
твоегw` и= гд\са, ты' бо _е=си` хода'таица къ нему` 
си'льная, _е=ли'ко восхо'щеши, вся^ о_у= негw` 
и=спроси'ти мо'жеши, того` моли` пода'ти ми'ръ и= ве'лiю 
мл\сть.

%<Т%>ы` _е=си` прибjь'жище на'ше, ты` _е=си` 
и=збавле'нiе w\т напа'стей и= бjь'дъ, о_у=милосе'рдися, 
_w дв~о преч\стая, низпосли` на'мъ щедрw'ты мл\срдiя w\т 
ст~ы'я твоея` i=кw'ны, на ню'же ра'достнw взира'юще, 
про'симъ о_у=мире'нiя душа'мъ на'шымъ и= ве'лiю мл\сть.

%<Сла'ва, и= ны'нjь: гла'съ и~:%>

%<_W,%> чу'дное о_у=краше'нiе хра'ма твоегw`, гп\сже` 
цр~и'це бц\де, i=кw'ною твое'ю, _е='йже предстоя'тъ 
вjь'рнiи, моля'щеся, со слеза'ми вопiю'тъ: _w дв~о 
всебл~га'я бц\де! ты` _е=си` нб\сныхъ сла'ва, земны'хъ 
о_у=пова'нiе, _о=би'димыхъ засту'пница, печа'льныхъ 
о_у=тjьше'нiе. дне'сь пра'зднуемъ jа=вле'нiе ч\стна'гw 
_о='браза твоегw`, преиспо'лненнагw си'лы и= чуде'съ 
трiеди'нагw бж\ства`, jа='кw три` ру'ки на не'мъ ви'димы 
_е='сть: двjьма` де'ржиши держа'щаго вся^, тре'тiею же 
защища'еши w\т бjь'дъ (с. 545) чту'щихъ тя`, да вси` 
боля'щiи, притека'юще, неwску'днw прiе'млютъ 
и=сцjьле'нiе, стра'ждущiи w\т бjь'дъ и=збавле'нiе, ты' бо 
_е=си` всjь^мъ нело'жная на'мъ предста'тельница и= 
моле'бница ко хр\сту` бг~у на'шему, того` моли` сп~сти'ся 
душа'мъ на'шымъ.

%<На стiхо'внjь стiхи^ры самогла'сны, гла'съ д~:%>

%<Jа='%>кw пресвjь'тлjье со'лнца дне'сь возсiя` на'мъ 
свjьти'ло во хра'мjь се'мъ, предстоя'щая i=кw'на вл\дчцы 
на'шея бц\ды, w=свjьща'етъ бо прибjьга'ющихъ къ не'й 
вjь'рою и= позна'нiе подае'тъ w= чуде'сномъ jа=вле'нiи 
свое'мъ, jа='кw тричи'сл_енныя ру'ки _е=я` прославля'ютъ 
ст~у'ю тр\оцу, и= бли'з\ъ пр\сто'ла тр\очнагw сама` 
сjьди'тъ, моля'щи w= на'съ, и=зба'витися душа'мъ на'шымъ 
w\т всjь'хъ бjь'дъ, sw'лъ и= w=бстоя'нiй.

%<Гла'съ _е~:%>

%<Стi'хъ:%> Слы'ши, дщи`, и= ви'ждь, и= приклони` 
о_у='хо твое`.

%<Jа='%>кw свjьтоза'рная заря`, w=зари` въ сердца'хъ 
на'шихъ i=кw'на твоя`, _w дв~о, ра'дость ве'лiю, 
показу'етъ бо чу'до пресла'вное, ка'кw ты`, вл\дчце 
всепjь'тая, двjьма` рука'ма сн~а и= гд\са w=б\ъе'млеши, 
тре'тiею же ди'вный покро'въ и= заступле'нiе рабw'мъ 
твои^мъ jа=вля'еши, сп~си`, вл\дчце, ду'шы на'шя w= 
всjь'хъ бjь'дъ, sw'лъ и= w=бстоя'нiй.

%<Стi'хъ: Л%>ицу` твоему` помо'лятся бога'тiи 
лю'дстiи.

%<Jа='%>же ненаде'жныхъ о_у=пова'нiе и=звjь'стное и= 
согрjьша'ющихъ сп~се'нiе, мр~i'е всепjь'тая, ч\стая 
бц\де, прiими` w\т на'съ моле'нiе сiе`, зря'щихъ на 
преч\стну'ю i=кw'ну твою`, jа='кw w\т нея` вjь^рнымъ 
и=сточа'еши чудеса`, скорбя'щымъ скw'рби w=блегча'еши, 
немощны'хъ и=сцjьля'еши, w=жида'емъ и= мы` милосе'рдiя 
твоегw`: пода'ждь бога'тую твою` мл\сть и= сп~си` ду'шы 
на'шя w\т всjь'хъ бjь'дъ, sw'лъ и= w=бстоя'нiй. (с. 546)

%<Сла'ва, и= ны'нjь, гла'съ s~:%>

%<Н%>аде'жда безмjь'рная и= во все'мъ помо'щница и= 
засту'пница гото'вая ты` _е=си`, дв~о преч\стая, 
прiиди'те, вjь'рнiи, соше'дшеся въ хра'мъ, пjь'сньми 
дх~о'вными ра'достнw _е=я` почти'мъ, зря'ще чудотво'рную 
i=кw'ну _е=я`, и= со дерзнове'нiемъ моле'нiе принесе'мъ 
и= о_у=ми'льнw возопiе'мъ: ра'дуйся, вл\дчце мi'ра и= 
ду'шъ на'шихъ сп~се'нiе: ра'дуйся, защи'тнице 
бjь'дствующихъ, подаю'щая свою` неwску'дную мл\сть: 
ра'дуйся, о_у=толе'нiе печа'льныхъ: не преста'й, вл\дчце, 
w= на'съ моли'ти хр\ста` бг~а на'шего, поми'ловатися 
душа'мъ на'шымъ.

%<На бл~гослове'нiи хлjь'бwвъ тропа'рь, гла'съ д~:%>

%<Д%>не'сь всемi'рная ра'дость возсiя` на'мъ ве'лiя: 
дарова'ся ст~jь'й горjь` а=fw'нстjьй цjьльбоно'сная 
твоя`, вл\дчце бц\де, i=кw'на, со и=з\ъ_ображе'нiемъ 
тричи'сленнw и= нераздjь'льнw преч\стыхъ ру'къ тво'ихъ въ 
прославле'нiе ст~ы'я тр\оцы, созыва'еши бо вjь'рныхъ и= 
моля'щихся тебjь` w= се'мъ позна'ти, jа='кw двjьма` сн~а 
и= гд\са де'ржиши, тре'тiю же jа=ви` на прибjь'жище и= 
покро'въ чту'щымъ тя`, w\т вся'кихъ напа'стей и= бjь'дъ 
и=збавля'ти, да вси`, притека'ющiи къ тебjь`, вjь'рою 
прiе'млютъ неwску'днw w\т всjь'хъ sw'лъ свобожде'нiе, w\т 
врагw'въ защище'нiе, сегw` ра'ди и= мы` вку'пjь со 
а=fw'номъ вопiе'мъ: ра'дуйся, бл~года'тная, гд\сь съ 
тобо'ю.

%<Три'жды.%>



%<На о_у='трени:%>

%<На Б%>г~ъ гд\сь: %<тропа'рь бц\ды, три'жды.%>

%<По а~-мъ стiхосло'вiи сjьда'ленъ, гла'съ д~.%>

%<Подо'бенъ: О_у=%>диви'ся i=w'сифъ:

%<Ч%>у'до пресла'вное зри'тся дне'сь, весели'теся, 
лю'дiе, почита'юще jа=вле'нiе i=кw'ны всенепоро'чныя дв~ы 
бц\ды, се' бо (с. 547) возсiя` на'мъ бж\ственная заря`, 
бл~гоче'стнw w\т всjь'хъ родw'въ пою'щымъ, и= ны'нjь мы` 
_е='й, взыва'юще, прино'симъ бл~года'рственную пjь'снь, 
jа='кw показу'етъ на'мъ познава'ти _е=ди'наго въ тр\оцjь 
бг~а на'шего.

%<Сла'ва, и= ны'нjь, то'йже.%>

%<По в~-мъ стiхосло'вiи сjьда'ленъ, гла'съ д~.%>

%<Подо'бенъ: О_у=%>диви'ся i=w'сифъ:

%<Ч%>у'до чудес_е'мъ jа=ви'ся на'мъ i=кw'на твоя`, 
вл\дчце бц\де, на не'йже преч\стыми твои'ми рука'ми 
ст~у'ю тр\оцу нераздjь'льнw въ трiе'хъ v=поста'сjьхъ 
прославля'еши, сегw` ра'ди взира'юще на i=кw'ну, съ 
вjь'рою мо'лимся: прiими`, _w мт~и и= дв~о, на'съ въ 
сво'й покро'въ и= и=зба'ви всjь'хъ бjь'дъ, 
пребл~гослове'нная.

%<Велича'нiе со сладкопjь'нiемъ, ли'къ а~:%>

%<В%>елича'емъ тя`, пренепоро'чная дв~о, и= чти'мъ 
чудеса` _о='браза ст~а'гw твоегw`, тре'хъ преч\стыхъ 
ру'къ твои'хъ jа=вле'нiе въ сла'ву бж\ства`, въ тр\оцjь 
бг~а на'шего.

%<Ли'къ в~: В%>елича'емъ тя`, прест~а'я дв~о, и= 
чти'мъ тричи'сленное и=з\ъ_ображе'нiе преч\стыхъ ру'къ 
твои'хъ, ты' бо двjьма` сн~а и= гд\са держи'ши, тре'тiею 
w\т напа'стей и= бjь'дъ на'съ и=збавля'еши.

%<_Псало'мъ и=збра'нный: П%>омяни`, гд\си, дв~да:

%<По полv"еле'и сjьда'ленъ, гла'съ и~. Подо'бенъ: 
П%>овелjь'нное та'йнw:

%<В%>е'лiе чу'до и= пресла'вное, а=fw'нъ велегла'снw 
вопiе'тъ, и=му'ще _о='бразъ въ себjь` преч\стыя дв~ы 
бц\ды, jа='кw стра'жа наде'жнаго проти'ву врагw'въ 
ви'димыхъ и= неви'димыхъ, и= мы` вси` о_у=ми'льнw 
вопiе'мъ: предвари`, вл\дчце, мл~твами твои'ми ко хр\сту` 
бг~у на'шему, да сп~се'тъ ду'шы на'шя. (с. 548)

%<Сла'ва, и= ны'нjь, то'йже.%>

%<Та'же степе'нна, а~-й а=нтiфw'нъ д~-гw` гла'са. 
Прокi'менъ, гла'съ д~: С%>лы'ши, дщи`, и= ви'ждь, и= 
приклони` о_у='хо твое`. %<Стi'хъ: Л%>ицу` твоему` 
помо'лятся бога'тiи лю'дстiи. %<В%>ся'кое дыха'нiе: 
%<_Е=v\глiе w\т лу'ки, зача'ло д~.%>

%<По н~-мъ _псалмjь` стiхи'ра, гла'съ s~:%>

%<Д%>не'сь ра'дуйтеся, лю'дiе, прине'сше достодо'лжную 
пjь'снь вл\дчцjь на'шей приснодв~jь бц\дjь, и= почерпи'те 
бл~года'ть неwску'дную w\т неистощи'магw и=сто'чника 
i=кw'ны _е=я`, свjьтлоблиста'_емыя чудесы`, jа='кw 
тричи'сленнw и=з\ъ_образи` преч\стыя ру'ки своя^ во 
_о='бразъ тр\очнагw бж\ства`, и= прп\дбному мiхаи'лу 
малеину` возвjьща'ющи бл~года'ть, го'ру а=fw'нскую 
и=збра` себjь` jа='кw мjь'сто о_у=го'дное, сп~са'ти въ 
не'й тве'рдw w=бита'ющихъ и= прибjьга'ющихъ къ _е=я` 
покро'ву и= заступле'нiю и= разсjь'янный о_у='мъ собра'ти 
во _е=ди'но ста'до, _е='же прославля'ти хр\ста` бг~а 
на'шего, того` моли` сп~сти'ся душа'мъ на'шымъ.

%<Канw'нъ, гла'съ а~, _е=го'же краегране'сiе: 
П%>ресвята'я дjь'ва въ рука'хъ свои'хъ сла'витъ святу'ю 
тр\оцу.

%<Пjь'снь а~. I=рмо'съ:%>

%<Т%>воя` побjьди'тельная десни'ца бг~олjь'пнw въ 
крjь'пости просла'вися: та' бо, безсме'ртнjь, jа='кw 
всемогу'щая, проти^вныя сотре`, i=и~льтянwмъ пу'ть 
глубины` новосодjь'лавшая.

%<Д%>и'вны твоя^ чудеса`, вл\дчце бц\де, jа=`же 
и=сцjьли` о_у=сjь'ченную ру'ку десну'ю прп\дбному 
i=wа'нну дамаски'ну, _е='юже по и=сцjьле'нiи 
пjьснотворе'нiе написа` въ прославле'нiе и='мене твоегw`, 
и= вси`, таково'му чудеси` дивя'щеся, вопiю'тъ: ра'дуйся, 
пребл~гослове'нная, въ болjь'знехъ на'шихъ и=сцjьле'нiе. 
(с. 549)

%<В%>л\дчце бц\де, и=звлеки' мя и=з\ъ глубины` 
напа'стей и= бjь'дъ, прибjьга'ю и= а='зъ под\ъ кро'въ 
тво'й и= заступле'нiе, да не и=зы'ду посра'мленъ и= 
лише'нъ мл\сти твоея`, слезя'щiй пред\ъ чудотво'рною 
i=кw'ною твое'ю, на не'йже три` руки` и=з\ъ_ображе'ны въ 
сла'ву бг~а вы'шнягw.

%<_W%> бг~облаже'нная и= многоимени'тая дв~о мт~и, 
и=сто'чникъ милосе'рдiя и= щедро'тъ, а='зъ и=мjь'ю къ 
тебjь` вjь'ру ве'лiю, наде'жду и=звjь'стную и= любо'вь 
серде'чную, w\тврати` вся^кiя напа^сти w\т ра^бъ твои'хъ, 
сла'вимъ бо тричи'сленное и= нераздjь'льное на i=кw'нjь 
преч\стыхъ ру'къ твои'хъ jа=вле'нiе, и='миже ты` ст~у'ю 
тр\оцу во _е=ди'нствjь прославля'еши.

%<В%>л\дчце дв~о, кто` не о_у=диви'тся всеч\стны'я 
твоея` i=кw'ны троеру'чному jа=вле'нiю, сла'достнw бо 
зрjь'ти, ка'кw ты` прему'дро трiv"поста'сное бж\ство` 
прославля'еши, ско'рw о_у=слы'ши, преч\стая, моле'нiе 
на'ше и= защити` руко'ю твое'ю, ю='же тре'тiю jа=ви` 
на'мъ на заступле'нiе.

%<Катава'сiа, гла'съ и~: С%>окруши'вшему бра^ни:

%<Пjь'снь г~. I=рмо'съ:%>

%<_Е=%>ди'не, вjь'дый человjь'ческагw существа` 
не'мощь и= мл\стивнw въ не` во_обра'жся, препоя'ши мя` съ 
высоты` си'лою, _е='же вопи'ти тебjь`, ст~ы'й, 
w=душевле'нный хра'ме неизрече'нныя сла'вы твоея`, 
чл~вjьколю'бче.

%<С%>ъ высоты` а=fw'нскiя горы` повсю'ду блиста'етъ 
бога'тство милосе'рдiя твоегw`, вл\дчце бц\де, w\т ст~ы'я 
i=кw'ны, ю='же троеру'чнw jа=ви` на прибjь'жище 
вjь^рнымъ, мы' же къ тебjь` воззове'мъ: _w мт~и и= дв~о! 
и=зба'ви на'съ w\т _о=гня`, и= меча`, и= всjь'хъ бjь'дъ, 
пребл~гослове'нная.

%<Б%>езмjь'рную твою` мл\сть на мнjь` славосло'влю и= 
велича'ю въ пjь'снехъ бл~года'рныхъ ч\стымъ се'рдцемъ и= 
о_у=сты`, jа='кw и=зба'вила (с. 550) _е=си` мене` всjь'хъ 
напа'стей и= бjь'дъ и= не допусти'ла _е=си` поги'бнути до 
конца`. и= а='зъ тебе`, вл\дчцу бц\ду, и= чудеса` 
_о='браза твоегw` велича'ти и= прославля'ти не преста'ну 
во вjь'ки.

%<В%>ысота` вели'ка а=fw'нскiя горы`, но jа=вле'нiе и= 
чудеса` i=кw'ны твоея` неизрече'ннw превы'ше горы`, и= 
бл~года'ть бж~iя въ не'й, jа='кw мо'ре неисчерпа'емое, 
приходя'щымъ вjь'рою: прiе'млютъ бо о_у=тjьше'нiе и= въ 
напа'стехъ и=збавле'нiе: пода'ждь, _w пребл~гослове'нная 
дв~о, и= мнjь`, бjь'дствующему, защище'нiе ско'рое.

%<Т%>ы` _е=си` всjь'хъ скорбя'щихъ прибjь'жище, и= 
_о=би'димыхъ засту'пница, и= неруши'мый покро'въ въ 
бjьда'хъ стра'ждущихъ. тjь'мже, припа'дая, вопiе'мъ 
тебjь`, дв~о преч\стая: прiими` моле'нiе на'ше, w\т всея` 
души` ч\стну'ю и= преиспо'лненную чуде'съ i=кw'ну твою` 
почита'ющихъ.

%<Сjьда'ленъ, гла'съ _е~. Подо'бенъ: С%>обезнача'льное 
сло'во:

%<Jа='%>кw возлюби'ла _е=си` па'ству твою`, 
бг~оро'ждшая мт~и, бл~говоли` дарова'ти _е='й ст~у'ю 
преч\стну'ю свою` i=кw'ну, на не'йже прему'дрость 
триv"поста'сную въ преч\стыхъ рука'хъ свои'хъ 
прославля'еши, и= подае'ши познава'ти въ тр\оцjь 
_е=ди'наго бг~а, и= мнw'гая чудеса` w\т i=кw'ны твоея` 
вjь'рою и= любо'вiю тя` призыва'ющымъ jа=вля'еши, и= 
па'ству свою` w=гражда'еши, и= подае'ши всему` мi'ру, 
сп~се'нiе и= о_у=твержде'нiе.

%<Сла'ва, и= ны'нjь, то'йже.%>

%<Пjь'снь д~. I=рмо'съ:%>

%<Г%>о'ру тя`, бл~года'тiю бж~iею приwсjьне'нную, 
прозорли'выма а=вваку'мъ о_у=смотри'въ _о=чи'ма, и=з\ъ 
тебе` и=зы'ти i=и~леву провозглаша'ше ст~о'му во 
сп~се'нiе на'ше и= w=бновле'нiе. (с. 551)

%<W=%>бнови'мъ сердца` вjь'рою, зря'ще во а=fw'нстjьй 
горjь` но'вое вл\дчцы бц\ды троеру'чное jа=вле'нiе. 
вся'къ, недоумjьва'юще w= се'мъ, то'кмw моля'щеся, тебjь` 
вопiе'тъ: _w мт~и и= дв~о, прiими` моле'нiе на'ше и= 
пода'ждь мл\сть и= защище'нiе, и= и=спо'лни я=зы'къ и= 
сердца` вjь'рныхъ досто'йнагw ти` хвале'нiя.

%<Р%>а'достною трубо'ю а=fw'нъ во вся^ концы` земли` 
гласи'тъ: прiиди'те и= ви'дите дjьла` бж~iя, ка'кw 
преч\стая дв~а на i=кw'нjь въ рука'хъ свои'хъ jа=вля'етъ 
тр\очный ви'дъ бж\ства`, и='миже держи'тъ любо'вь и= 
мл\срдiе, воспису'емъ сугу'бо въ сердца'хъ на'шихъ 
ра'достную пjь'снь досто'йнагw _е=я` хвале'нiя.

%<Jа='%>кw сподо'бися прп\дбный мiхаи'лъ малеи'нъ 
бл~года'ть jа='внw w\т тебе`, вл\дчце бц\де, о_у=лучи'ти, 
сподо'би и= мене`, всепреч\стая, зрjь'ти и= разумjь'ти, 
ка'кw ты` ст~у'ю тр\оцу на i=кw'нjь въ рука'хъ свои'хъ 
прославля'еши, да воспису'ю въ се'рдцjь мое'мъ тво'й 
_о='бразъ и= молю' тя: w\тве'рзи я=зы'къ мо'й и= 
и=спо'лни _е=го` досто'йнагw тебе` хвале'нiя.

%<Г%>ряди'те, лю'дiе, ко а=fw'ну дне'сь, _е='же 
принести` моле'нiе приснодв~jь ч\стjьй бц\дjь пред\ъ 
чу'дною _е=я` i=кw'ною, тричи'сленнw и= нераздjь'льнw 
преч\стыми рука'ми и=з\ъ_обража'ющую _е=ди'ную си'лу 
бж\ства`, на сiю' же враги` на'шя зрjь'ти не мо'гутъ, мы' 
же, вjь'рнiи, взира'юще на _о='ную, вопiе'мъ: w\тве'рзи 
на'мъ о_у=ста` пjь'ти пjь'снь досто'йнагw тебе` 
хвале'нiя.

%<Пjь'снь _е~. I=рмо'съ:%>

%<П%>росвjьти'вый сiя'нiемъ прише'ствiя твоегw` 
хр\сте`, и= w=свjьти'вый кресто'мъ твои'мъ мi'ра концы`, 
сердца` просвjьти` свjь'томъ твоегw` бг~оразу'мiя 
правосла'внw пою'щихъ тя`.

%<А=%>fw'нская гора` преиспо'лнися ст~ы'нь, на не'йже 
jа=ви'ся и= просла'вися ст~а'я твоя^, вл\дчце бц\де, 
i=кw'на, кра'сящаяся (с. 552) и=злiя'нiемъ w\т нея` 
бл~года'ти во и=сцjьле'нiе скорбя'щихъ, и= вси` таково'му 
чудеси` дивя'тся, jа='кw три` преч\стыя твоя^ ру'ки на'мъ 
jа=ви`.

%<С%>iя'етъ добро'та, блиста'ютъ, jа='кw сw'лнечныя 
лучи`, w\т твоея` ст~ы'я i=кw'ны разли^чная чудеса`, 
низпосли` мнjь`, _w пребл~гослове'нная, покро'въ и= 
заступле'нiе твое` w\т врагw'въ, гу'бящихъ мя`, тi'и бо 
w\т руки` твоея` поги'бнутъ, jа='кw тре'тiю на i=кw'нjь 
и=з\ъяви` на'мъ на заступле'нiе.

%<П%>ресла'вное чу'до зри'тся, всенепоро'чная дв~о, на 
i=кw'нjь твое'й: во _о='бразъ ст~ы'я тр\оцы ру'ки своя^ 
jа=ви` и= позна'нiе подае'ши рабw'мъ твои^мъ, jа='кw 
двjьма` держи'ши держа'щаго вся^, тре'тiею же защища'еши 
во всjь'хъ напа'стехъ вjь'рнw прибjьга'ющихъ къ тебjь`, 
мы' же, вjь'рнiи, вопiе'мъ: ра'дуйся, засту'пнице на'ша 
всенаде'жная.

%<_W,%> неизмjьри'мая глубина` рж\ства` твоегw`! _w, 
неизрече'нное бога'тство милосе'рдiя твоегw`! jа='кw 
безмjь^рныя п_еча'ли и= напа'сти въ ра'дость на'мъ 
твори'ши, призыва'ющымъ тя` въ ну'ждjь и= w=бстоя'нiи, 
пода'ждь же мл\сть твою` въ стра'шный де'нь суда` и= 
и=спыта'нiя дjь'лъ чл~вjь'ческихъ.

%<Пjь'снь s~. I=рмо'съ:%>

%<W=%>бы'де на'съ послjь'дняя бе'здна, нjь'сть 
и=збавля'яй, вмjьни'хомся, jа='кw _о='вцы заколе'нiя, 
сп~си` лю'ди твоя^, бж~е на'шъ, ты' бо крjь'пость 
немощству'ющихъ и= и=справле'нiе.

%<В%>о а=fw'нъ ра'достнw вси` притеце'мъ зрjь'ти 
jа=вле'нiе i=кw'ны вл\дчцы бц\ды, jа='кw сла'витъ 
нб\снаго творца` въ тр\оцjь трисо'лнечное _е=стество` и= 
на'съ тро'йческому покланя'тися (с. 553) о_у='читъ 
бж\ству`, _е='йже припа'дая, со слеза'ми вопiе'мъ: _w 
дв~о преч\стая, w\тве'рзи на'ша о_у=ста` и= и=спо'лни 
се'рдце вопи'ти тебjь` пjь'снь досто'йнагw хвале'нiя.

%<О_у=%>тjьше'нiе ве'лiе w=брjьто'хъ души` мое'й въ 
бjьда'хъ и= напа'стехъ прибjьга'ти къ тебjь`, 
бг~ороди'тельницjь, и= а='зъ къ цjьльбоно'снjьй твое'й 
i=кw'нjь со слеза'ми вопiю`: не пре'зри, бц\де, сле'зъ и= 
воздыха'нiя моегw` и= возведи` w\т печа'лей въ ра'дость, 
jа='кw и= а=fw'нъ ра'достнw ликовству'етъ, и=му'ще 
ч\стны'й _о='бразъ тво'й троеру'чнагw jа=вле'нiя.

%<В%>л\дчце, мi'ра сп~се'нiе, вjь'рныхъ наде'жда, 
покро'въ и= заступле'нiе, всеусе'рднw припа'дая къ 
тебjь`, вопiе'мъ: покажи` на на'съ, погиба'ющихъ, си'лу 
и= бл~года'ть цjьльбоно'сныя ст~ы'я i=кw'ны твоея`, 
и=зба'ви на'съ всjь'хъ напа'стей, да не преста'немъ 
велича'ти тебе`, засту'пницу въ печа'лехъ вjь'рную.

%<_W%> всенепоро'чная дв~о! бж\ственное прорече'нiе 
о_у='стъ твои'хъ и=спо'лнися, _е='же w= рожде'нiи 
прп\дбнагw мiхаи'ла малеина` пре'жде предрекла` _е=си`, 
ра'дуется вся` земля` w= бж\ственнjьй си'лjь твое'й, 
весели'тся гла'съ пра'зднующихъ непреста'ннw, зря'ще 
твоегw` лица` добро'ту неизрече'нную, ве'селw 
воспjьва'юще: ра'дуйся, дв~о, хр\стiа'нъ похвало`.

%<Конда'къ, гла'съ и~. Подо'бенъ: В%>збра'нной 
воево'дjь:

%<Д%>не'сь весе'лое наста` ны'нjь твое` торжество` 
бг~ома'ти преч\стая, вси` вjь'рнiи и=спо'лнишася ра'дости 
и= весе'лiя, jа='кw сподо'бльшеся и=зря'днw воспjь'ти 
преди'вное jа=вле'нiе ч\стна'гw _о='браза твоегw` и= 
ро'ждшагося и=з\ъ тебе` мл\днца, и='стинна же бг~а, 
_е=го'же двjьма` рука'ма w=б\ъе'млеши, и= тре'тiею w\т 
(с. 554) напа'стей и= бjь'дъ на'съ и=зыма'еши и= 
и=збавля'еши w\т всjь'хъ sw'лъ и= w=бстоя'нiй.

%<I='косъ:%>

%<А='%>гг~лwвъ творца`, и='стиннагw свjь'та хр\ста`, 
неизрече'ннw и=з\ъ тебе`, бг~ома'ти, возсiя'вшагw, на 
i=кw'нjь чуде'снjь jа=ви` и= тричи'сленнымъ свои'мъ 
и=з\ъ_ображе'нiемъ преч\стыхъ ру'къ твои'хъ вся^ концы` 
земли` о_у=диви`, тjь'мже бл~года'рственнw дерза'емъ 
вопи'ти тебjь` си'це: ра'дуйся, по чл~вjь'честву двjьма` 
рука'ма сн~а и= бг~а w=б\ъе'млющая: ра'дуйся, по бж\ству` 
тре'тiею руко'ю w\т напа'стей и= бjь'дъ на'съ 
и=збавля'ющая: ра'дуйся, стра'ждущымъ въ печа'лехъ 
помога'ющая: ра'дуйся, бwлjь'зни вско'рjь и=сцjьля'ющая: 
ра'дуйся, jа='кw тобо'ю защища'емся w\т врагw'въ 
си'льныхъ, помышля'ющихъ на ны` sла^я: ра'дуйся, 
сохраня'ющая w\т всjь'хъ sw'лъ и= w=бстоя'нiй.

%<Пjь'снь з~. I=рмо'съ:%>

%<Т%>ебе`, о_у='мную, бц\де, пе'щь, разсмотря'емъ, 
вjь'рнiи, jа='коже бо _о='троки сп~се` три` 
превозноси'мый, мi'ръ w=бнови`, во чре'вjь твое'мъ 
всецjь'лъ, хва'льный _о=тц_е'въ бг~ъ и= препросла'вленъ.

%<_W%> мт~и бг~а вы'шнягw, при'зри на моле'нiе вjь'рою 
къ тебjь` прибjьга'ющихъ: врази` на мя` w=полчи'шася, 
и=з\ъwстри'ша ме'чь сво'й, о_у=язви'ти мя` хотя'ще. ты' 
же, jа='кw защи'тница на'ша, w\тыми` поноше'нiя 
чл~вjь'ч_ескiя и= напра^сныя клев_еты`, на тебе` 
надjь'юся, ты' бо моя` крjь'пость и= защище'нiе.

%<Н%>енави'дящiи мя`, творя'ще w=би'ды, низпуска'ютъ 
стрjь'лы лука'вствiя, хотя'ще мя` sjьлw` о_у=язви'ти, 
а='зъ же, преч\стая вл\дчце, взира'я на i=кw'ну твоегw` 
троеру'чнагw jа=вле'нiя, ю='же дарова` на'мъ jа='кw 
стра'жа на враги`, приношу` (с. 555) тебjь` моле'нiе: 
защити`, всепjь'тая, руко'ю твое'ю мене`, погиба'ющаго.

%<В%>л\дчце бц\де, сокруши` sлы^я врагw'въ на мя` 
пw'мыслы и= клев_еты` о_у=ста'ви, и=збавля'ющи 
непови^нныя w\т ско'рби, и='мамы бо, преч\стая дв~о, 
твою` i=кw'ну, бл~года'ти преиспо'лненную, врагw'въ 
о_у=страша'ющую и= вjь'рнw прибjьга'ющихъ къ тебjь` 
о_у=веселя'ющую.

%<_W%> дв~о преч\стая! смири` сердца` sлы'хъ 
чл~вjь^къ, w=би'дящихъ и= ненави'дящихъ мя`, и= 
вражде'бнw кляну'щихъ загради` о_у=ста`, да посрамя'тся 
врази` и= о_у='зрятъ твою` сопроти'въ борю'щую си'лу, се` 
мл\стивнw ты` на'съ посjьща'еши и= зало'гъ бл~года'ти 
i=кw'ну твою` jа='кw стра'жа на враги` да'руеши.

%<Пjь'снь и~. I=рмо'съ:%>

%<В%>ъ пещи` _о='троцы i=и~л_евы, jа='коже въ 
горни'лjь, добро'тою благоче'стiя чи'стjье зла'та 
блеща'хуся, гл~го'люще: бл~гослови'те, вся^ дjьла` 
гд\сня, гд\са, по'йте и= превозноси'те во вся^ вjь'ки.

%<О_у=%>слы'ши моле'нiе мое`, вл\дчце всепjь'тая, 
w=бле'гчи бре'мя бjь'дъ мои'хъ и= напа'стей, jа='кw да 
возмогу` возда'ти тебjь` _о=бjь'ты, jа=`же въ печа'ли 
гл~го'лаша о_у=ста` моя^, сла'влю бо толи'кw чуде'сное 
jа=вле'нiе i=кw'ны твоея`, возведи' мя руко'ю твое'ю 
и=з\ъ глубины` бjь'дъ въ ра'дость, воспjьва'юща и= 
превознося'ща тя` во вjь'ки.

%<_W%> пребл~гослове'нная дв~о! _е=гда` приспjь` де'нь 
свjь'тлагw торжества` jа=вле'нiя пречу'днагw _о='браза 
твоегw`, тогда` а=fw'нская гора` кра'сится, jа='кw 
прiе'млетъ многобога'тный да'ръ во w=гра'ду свою` зари` 
бж\ственныя. _w дв~о, w=зари` сердца` на^ша свjь'томъ 
бж\ства`, _е=го'же въ рука'хъ твои'хъ на (с. 556) 
i=кw'нjь прославля'еши, пою'щихъ и= превознося'щихъ тя` 
во вjь'ки.

%<О_у='%>жасомъ w=б\ъя'ти бы'ша и= недоумjьва'ша w= 
се'мъ, ка'кw три` руки` на i=кw'нjь на'мъ jа=ви`, но 
то'кмw ра'достнw вопiе'мъ: _w вл\дчце дв~о, _е=ди'ной 
тебjь` сiе` досто'йно _е='сть двjьма` рука'ма сн~а и= 
гд\са держа'ти, а= тре'тiею вjь^рныя w\т бjь'дъ 
и=збавля'ти, пою'щихъ и= превознося'щихъ тя` во вся^ 
вjь'ки.

%<П%>ою'тъ тя` вси` земноро'днiи и= славосло'вятъ 
си^лы нб\сныя, jа='кw мт~рь хр\ста` бг~а на'шегw, ты' бо, 
сjьдя'щи на ч\стнjь'мъ пр\сто'лjь бли'з\ъ прест~ы'я 
тр\оцы, во _о='бразъ _е=я` и= три` руки` на i=кw'нjь 
jа=ви`, моли` ю=` w= на'съ, преч\стая, и=зба'витися на'мъ 
му'къ, да возра'дуются вси`, пою'щiи и= превознося'щiи 
тя` во вjь'ки.

%<Пjь'снь f~. I=рмо'съ:%>

%<_О='%>бразъ ч\стагw рж\ства` твоегw` _о=гнепали'мая 
купина` показа` неwпали'мая: и= ны'нjь на на'съ напа'стей 
свирjь'пjьющую о_у=гаси'ти, мо'лимся, пе'щь, да тя`, 
бц\де, непреста'ннw велича'емъ.

%<Б%>езмjь'рнw наслади'хся щедро'тъ и= бл~годjья'нiй 
твои'хъ а='зъ, дв~о преч\стая, и= воспjьва'ю тя` 
бл~года'рственными пjь'сньми пред\ъ i=кw'ною твое'ю, на 
не'йже зри'тся чу'до чудес_е'мъ: тре'тiя преч\стая рука` 
твоя`, на по'мощь и= защище'нiе тя` призыва'ющымъ.

%<В%>ъ пjь'снехъ бл~года'рныхъ не преста'ну велича'ти 
тя`, всепреч\стая дв~о бц\де, jа='кw неисч_е'тныя 
щедрw'ты низпосла'ла _е=си`, проповjь'дуеши всjь^мъ 
чудеса` цjьльбонw'сныя твоея` i=кw'ны, jа='кw подае'ши въ 
болjь'знехъ и=сцjьле'нiе, въ напа'стехъ и=збавле'нiе, ты' 
бо _е=си` покро'въ всjь^мъ прибjьга'ющымъ. (с. 557)

%<О_у=%>диви'ла _е=си` всjь'хъ вои'стинну, 
пренепоро'чная дв~о, заступле'нiемъ и= покро'вомъ 
твои'мъ, врази` мои` w\тступи'ша w\т мене`, вмjь'сто 
печа'ли ра'дость ми` дарова`, и= а='зъ ра'достнw вопiю`, 
jа='кw цjьльбоно'сная твоя` i=кw'на ди^вная чудеса` 
показа`, да вси` вjь'дуще, jа='кw ты` _е=си` засту'пница 
всjь^мъ прибjьга'ющымъ.

%<В%>и'ждь, вл\дчце бц\де, неможе'нiе мое`, 
недоумjьва'ю бо воспjь'ти мл\срдiе твое` на мнjь`, 
пода'ждь w=бновле'нiе се'рдцу моему` досто'йнw воспjь'ти 
тебjь` пjь'снь, толи'кw чу'дному на i=кw'нjь преч\стыхъ 
тре'хъ ру'къ твои'хъ и=з\ъ_ображе'нiю, ты' бо _е=си` 
нело'жная засту'пница хр\стiа'нъ.

%<Свjьти'ленъ. Подо'бенъ: Н%>б~о sвjьзда'ми:

%<Г%>ора` а=fw'нская вопiе'тъ: гряди'те, лю'дiе, къ 
неистощи'мому и=сто'чнику цjьльбоно'снjьй i=кw'нjь 
вл\дчцы на'шея бц\ды прiя'ти щедро'тъ мно'жество, вси' бо 
прибjьга'ющiи получа'ютъ неисче'тнw да'ры цjьл_е'бныя и= 
вопiю'тъ: вои'стинну ты` _е=си`, дв~о бл~гослове'нная, 
всjь^мъ крjь'пость, держа'ва и= заступле'нiе.

%<Сла'ва, и= ны'нjь, то'йже.%>

%<На хвали'техъ стiхи^ры самогла'сны, гла'съ _е~:%>

%<Т%>ебjь` воспои'мъ свjь'тлw дв~довскую пjь'снь, 
jа='кw цр~и'цjь и= бц\дjь, лицу` твоему` помо'лятся 
бога'тiи лю'дстiи, и= а=fw'нская гора` ра'достiю 
и=сполня'ется, jа='кw въ па'ствjь твое'й сохраня'ется, 
прп\дбному мiхаи'лу малеину` бл~года'ть w\ткры'ла _е=си`, 
сегw` ра'ди и= мы`, любо'вiю созыва'еми ви'дjьти ст~у'ю 
и= пречу'дную твою`, бц\де, i=кw'ну, въ не'йже 
бг~онача'лiе въ тр\оцjь jа=вля'еши и=з\ъ_ображе'нiемъ 
преч\стыхъ ру'къ твои'хъ, (с. 558) тjь'мже къ тебjь` 
вопiе'мъ: вл\дчце, моли` хр\ста` бг~а на'шего сп~сти'ся 
душа'мъ на'шымъ.

%<Т%>ебjь` припа'даемъ, гп\сже`, и= мо'лимся, зря'ще 
прч\стну'ю i=кw'ну твою`, сiю' бо и= а=fw'нъ 
ликовству'етъ, и=мjь'я во w=гра'дjь свое'й зало'гъ 
бл~года'ти бж~iя, да вси` притека'ющiи прiе'млютъ 
неwску'днw бл~гопотре'бнагw проше'нiя своегw` 
и=сполне'нiе, прiими`, вл\дчце всепjь'тая, вjь'рныхъ 
твои'хъ ра^бъ мwльбы`, честву'ющихъ пра'здникъ jа=вле'нiя 
твоегw`, ты' бо на'мъ на i=кw'нjь свое'й три` руки` 
jа=ви'ла _е=си`, въ сла'ву бг~а на'шегw, того` моли` 
сп~сти'ся душа'мъ на'шымъ.

%<Т%>ебjь` припа'дая, мо'лимся, _w дв~о ч\стая бц\де, 
мт~и бг~а на'шегw, ви'дяще i=кw'ну ст~у'ю твою`, сiя'ющую 
па'че со'лнечныхъ лу^чъ, подае'ши бо мл\сти прося'щымъ, 
скорбя'щымъ скw'рби w=блегча'еши, немwщны'мъ здра'вiе 
да'руеши, jа='кw получи` и=сцjьле'нiе десны'я своея` 
руки` ст~ы'й i=wа'ннъ дамаски'нъ, _е='йже и= мы` ны'нjь 
со о_у=миле'нiемъ предстоя'ще, мо'лимся, и= любе'знw 
w=блобыза'въ, глаго'лемъ: сп~си` на'съ, гп\сже`, w\т 
гла'да, _о=гня`, меча` и= всjь'хъ бjь'дъ, почита'ющихъ 
вjь'рнw твое` jа=вле'нiе, и= пода'ждь по'мощь сп~сти'ся 
душа'мъ на'шымъ.

%<Сла'ва, и= ны'нjь, гла'съ s~:%>

%<Д%>не'сь, собо'ри вjь'рныхъ, соше'дшеся, восплещи'те 
рука'ми весе'лiя, дх~о'внjь торжеству'юще де'нь 
пресла'внагw jа=вле'нiя цjьльбоно'сныя i=кw'ны приснодв~ы 
ч\стыя бц\ды, _е='йже мы` предстои'мъ и= _е=диногла'снw 
возопiи'мъ: ра'дуйся, пребл~гослове'нная, jа='кw 
и=з\ъ_ображе'нiемъ на i=кw'нjь преч\стыхъ ру'къ твои'хъ 
въ тр\оцjь бг~а сла'виши: ра'дуйся, jа='кw _е=ди'ну си'лу 
и= бл~года'ть въ ни'хъ и=мjь'еши: ра'дуйся, jа='кw 
двjьма` (с. 559) рука'ма сн~а и= гд\са де'ржиши, тре'тiею 
же w\т всjь'хъ напа'стей и= бjь'дъ на'съ и=збавля'еши: 
ра'дуйся, засту'пнице на'ша всенаде'жная ко хр\сту` бг~у 
на'шему, того` моли` сп~сти'ся душа'мъ на'шымъ.

%<Славосло'вiе и= w\тпу'стъ.%>

%<На лiтургi'и: Бл~ж_е'нны w\т канw'на, пjь^сни г~-я 
и= s~-я, на и~. Прокi'менъ, гла'съ г~, пjь'снь бц\ды: 
В%>ели'читъ душа` моя` гд\са, и= возра'довася ду'хъ мо'й 
w= бз~jь сп~сjь мое'мъ. %<Стi'хъ: Jа='%>кw призрjь` на 
смире'нiе рабы` своея`, се' бо w\тны'нjь о_у=блажа'тъ мя` 
вси` ро'ди. %<А=по'столъ къ фiлiпписi'_емъ, зача'ло с~м. 
А=ллилу'iа, гла'съ и~: С%>лы'ши дщи` и= ви'ждь, и= 
приклони` о_у='хо твое`. %<Стi'хъ: Л%>ицу` твоему` 
помо'лятся бога'тiи лю'дстiи. %<_Е=v\глiе w\т луки`, 
зача'ло н~д. Прича'стенъ: Ч%>а'шу сп~се'нiя прiиму`:

%<Моли'тва.%>

%<_W%> прест~а'я гп\сже` вл\дчце бц\де, ве'лiе чу'до 
ст~о'му i=wа'нну дамаски'ну jа=ви'вшая, jа='кw вjь'ру 
и='стинную, наде'жду несумнjь'нную показа'вшему! 
о_у=слы'ши на'съ, грjь'шныхъ, пред\ъ чудотво'рною твое'ю 
i=кw'ною о_у=се'рднw моля'щихся и= прося'щихъ твоея` 
по'мощи: не w\три'ни моле'нiя сегw` мно'гихъ ра'ди 
прегрjьше'нiй на'шихъ, но jа='кw мт~и мл\срдiя и= 
щедро'тъ, и=зба'ви на'съ w\т болjь'зней, скорбе'й и= 
печа'лей, прости` содjь^янныя на'ми грjьхи`, и=спо'лни 
ра'дости и= весе'лiя всjь'хъ, чту'щихъ ст~у'ю i=кw'ну 
твою`, да ра'достнw воспое'мъ и= любо'вiю просла'вимъ 
и='мя твое`, jа='кw ты` _е=си` w\т всjь'хъ родw'въ 
и=збра'нная и= бл~гослове'нная во вjь'ки вjькw'въ. 
а=ми'нь.

%<И='на моли'тва.%>

%<_W%> прест~а'я и= пребл~гослове'нная дв~о бц\де 
мр~i'е! припа'даемъ и= покланя'емся ти` пред\ъ ст~о'ю 
троеру'чною i=кw'ною (с. 560) твое'ю, воспомина'я 
пресла'вное чу'до твое`, и=сцjьле'нiемъ о_у=сjьче'нныя 
десни'цы пра'веднагw i=wа'нна дамаски'на w\т i=кw'ны сея` 
jа=вле'нное, _е=го'же зна'менiе доны'нjь ви'димо _е='сть 
на не'й, во _о='бразjь тре'тiя руки`, къ и=з\ъ_ображе'нiю 
твоему` приложе'нныя. мо'лимся ти` и= про'симъ тя`, 
всебл~гу'ю и= всеще'друю ро'да на'шегw засту'пницу: 
о_у=слы'ши на'съ, моля'щихъ ти ся, и= jа='коже 
бл~же'ннаго i=wа'нна, въ ско'рби и= болjь'зни къ тебjь` 
возопи'вшаго, о_у=слы'шала _е=си`, та'кw и= на'съ не 
пре'зри, скорбя'щихъ и= болjь'знующихъ ра'нами страсте'й 
многоразли'чныхъ и= къ тебjь` w\т души` сокруше'нныя и= 
смире'нныя о_у=се'рднw прибjьга'ющихъ. ты` зри'ши, 
гп\сже` всемл\стивая, не'мwщи на'шя, w=sлобле'нiе на'ше, 
ну'жду, потре'бу на'шу въ твое'й по'мощи и= заступле'нiи, 
jа='кw w\твсю'ду врага'ми w=круже'ни _е=смы`, и= нjь'сть 
помога'ющагw, ниже` заступа'ющагw, а='ще не ты` 
о_у=милосе'рдишися w= на'съ, вл\дчце. _е='й, мо'лимъ ти 
ся, вонми` гла'су болjь'зненному на'шему и= помози` на'мъ 
ст~о_оте'ческую правосла'вную вjь'ру до конца` дне'й 
на'шихъ непоро'чнw сохрани'ти, во всjь'хъ за'повjьдехъ 
гд\снихъ неукло'ннw ходи'ти, покая'нiе и='стинное w= 
грjьсjь'хъ на'шихъ всегда` бг~у приноси'ти и= 
сподо'битися ми'рныя хр\стiа'нскiя кончи'ны и= до'брагw 
w\твjь'та на стра'шнемъ судjь` сн~а твоегw` и= бг~а 
на'шегw, _е=го'же о_у=моли` за на'съ ма'тернею мл~твою 
твое'ю, да не w=су'дитъ на'съ по беззако'нi_емъ на'шымъ, 
но да поми'луетъ на'съ по вели'цjьй и= неизрече'ннjьй 
мл\сти свое'й. _w всебл~га'я! о_у=слы'ши на'съ и= не 
лиши` на'съ по'мощи твоея` держа'вныя, да тобо'ю 
сп~се'нiе получи'вше, воспое'мъ и= просла'вимъ тя` на 
земли` живы'хъ и= ро'ждшагося w\т теб_е` и=скупи'теля 
на'шего гд\са (с. 561) i=и~са хр\ста`, _е=му'же 
подоба'етъ сла'ва и= держа'ва, че'сть и= поклоне'нiе, 
ку'пнw со _о=ц~е'мъ и= ст~ы'мъ дх~омъ, всегда`, ны'нjь, 
и= при'снw, и= во вjь'ки вjькw'въ. а=ми'нь.

%<Канw'нъ моле'бный ко прест~jь'й вл\дчцjь бц\дjь, 
ра'ди i=кw'ны _е=я` и=мену'емыя троеру'чица.%>

%<Тропа'рь, гла'съ д~:%>

%<Д%>не'сь свjь'тлw красу'ется ца'рствующiй гра'дъ 
москва`, и=мjь'ющи въ себjь`, _w всемл\стивjьйшая, всея` 
тва'ри ч\стнjь'йшая, засту'пнице на'ша дв~о бц\де, 
ч\стны'й _о='бразъ тво'й, и='мже подсw'лнечныя концы` 
земли` о_у=дивля'еши и= ми'ръ мi'рови да'руеши, во 
_о='бразъ бо ст~ы'я тр\оцы jа=вля'еши трiе` руцjь`: 
двjьма` о_у='бw сн~а своего`, хр\ста` бг~а на'шего, 
но'сиши, тре'тiею w\т напа'стей и= бjь'дъ вjь'рнw къ 
тебjь` прибjьга'ющихъ и=збавля'еши, w\т потопле'нiя 
и=зыма'еши, и= всjь^мъ пол_е'зная да'руеши, и= прп\дбному 
мiхаи'лу малео'нскую го'ру показа`, и= всjь'хъ всегда` 
ми'луеши, ч\стно'ю ри'зою свое'ю покрыва'еши жи'тельство 
сiе` и= вся^ гра'ды и= страны` на^ша, да зове'мъ ти`: 
ра'дуйся, w=бра'дованная.

%<Канw'нъ, гла'съ д~.%>

%<Пjь'снь а~. I=рмо'съ:%>

%<W\т%>ве'рзу о_у=ста` моя^, и= напо'лнятся дх~а, и= 
сло'во w\тры'гну цр~и'цjь мт~ри, и= jа=влю'ся свjь'тлw 
торжеству'я, и= воспою` ра'дуяся тоя` чудеса`.

%<Припjь'въ _о=со'бый: П%>рест~а'я гп\сже` бц\де, 
о_у=слы'ши мл~тву ра^бъ свои'хъ, моля'щихся тебjь`.

%<О_у=%>милосе'рдися w= мнjь`, грjь'шнjьмъ, 
погиба'ющемъ, прест~а'я бц\де, и= въ мjь'сто печа'ли 
да'руй ми` ра'дость, ра'дуйся, воспjьва'ти, всест~а'я 
вл\дчце. (с. 562)

%<О_у=%>тиши` души` моея` свирjь'пство, поне'же 
мнw'гiя скw'рби и= п_еча'ли нападо'ша, и= w\т си'хъ, 
вл\дчце, сп~си' мя, грjь'шнаго, да не поги'бну, sлjь` 
стра'ждущи.

%<Т%>ы` моя` крjь'пость, и= о_у=твержде'нiе, и= w\т 
врагw'въ защище'нiе. сегw` ра'ди не бою'ся вра'жiя 
преще'нiя, но при'снw пою' тя и= сла'влю, всесла'вная.

%<Н%>апа^сти, и= бjь'ды, и= скw'рби мнw'гiя прiидо'ша 
на'мъ и= w=тяготи'ша, и=зба'ви, бг~ороди'тельнице, и= w\т 
си'хъ w=бдержа'щихъ мя` sw'лъ и= весе'лiя и=спо'лни.

%<Пjь'снь г~. I=рмо'съ:%>

%<Т%>воя^ пjьсносло'вцы бц\де, живы'й и= незави'стный 
и=сто'чниче, ли'къ себе` совоку'пльшыя, дх~о'внw 
о_у=тверди`: въ бж~е'ственнjьй твое'й сла'вjь вjьнц_е'въ 
сла'вы сподо'би.

%<Т%>ы` _е=си` те'плая предста'тельница и= милосе'рдая 
засту'пница, и=зба'ви мя`, всепjь'тая, w\т наше'дшихъ на 
мя` напа'стей, ты' бо _е=си`, вл\дчце, па'дшихъ 
и=збавле'нiе.

%<И=%>зба'ви мя`, преч\стая, w\т си'хъ напа'стей, и= 
бjь'дъ, и= преще'нiя дiа'вольскагw, и= о_у=ны'нiя, и= 
вся^ стра^сти w\тжени` w\т мен_е`, преч\стая, да при'снw 
сла'влю тя`.

%<С%>е` къ тебjь`, преч\стая, притека'ю, не пре'зри 
моея` болjь'зни и= воздыха'нiя, но при'зри на мя` въ 
ско'рби су'щаго, и= сiю` мою` печа'ль на ра'дость 
преложи`, бг~оневjь'стная.

%<В%>и'ждь, вл\дчце, бjьду` мою` и= ско'рбь, jа='кw 
лука'вый вра'гъ поглоти'ти мя` хо'щетъ, преч\стая бц\де, 
прожени` тогw` sлохи'трое кова'рство, да и=зба'влюся и= 
сла'влю тя`.

%<Катава'сiа: С%>п~си` w\т бjь'дъ рабы^ твоя^, бц\де, 
jа='кw вси` по бз~jь къ тебjь` прибjьга'емъ, jа='кw 
неруши'мjьй стjьнjь` и= предста'тельству. (с. 563)

%<Сjьда'ленъ, гла'съ в~:%>

%<М%>оле'нiе те'плое и= стjьна` неwбори'мая, мл\сти 
и=сто'чниче, мi'рови прибjь'жище, прилjь'жнw вопiе'мъ 
ти`: бц\де вл\дчце, предвари` и= w\т бjь'дъ и=зба'ви 
на'съ, _е=ди'на вско'рjь предста'тельствующая.

%<Пjь'снь д~. I=рмо'съ:%>

%<С%>jьдя'й въ сла'вjь, на пр\сто'лjь бж~ества`, 
_о='блацjь ле'гцjь прiи'де i=и~съ пребж~е'ственный, 
нетлjь'нною дла'нiю, и= спасе` зову'щыя: сла'ва хр\сте`, 
си'лjь твое'й.

%<Т%>ы` _е=си`, преч\стая вл\дчце, наде'жда и= 
о_у=твержде'нiе мое`, и= w\т лю'тыхъ ми` бjь'дъ 
свобожде'нiе, и= въ печа'ли о_у=тjьше'нiе, души` мое'й 
просвjьще'нiе и= во о_у=пова'нiи мое'мъ непобjьди'мая 
помо'щница.

%<Т%>ы` во всjь'хъ печа'лехъ бу'ди ми` сла'дкое 
о_у=тjьше'нiе, и= въ бjьда'хъ ско'рая помо'щница, и= въ 
мл~твахъ предста'тельница, ты' бо _е=си` мт~и бж~iя, 
стяжа'вшая w\т вся'кихъ бjь'дъ и=збавле'нiе.

%<П%>реклони'ся къ мольба'мъ раба` своегw`, вл\дчце, 
и= не закосни` и=зба'вити мя` w\т си'хъ всjь'хъ скорбе'й, 
ю='же w=держа'тъ мя`, ви'димыхъ и= неви'димыхъ врагw'въ 
w\тжени` w\т мене`, да не sлjь` поги'бну, w=кая'нный.

%<Пjь'снь _е~. I=рмо'съ:%>

%<О_у=%>жасо'шася вся'ч_еская w= бж~е'ственнjьй 
сла'вjь твое'й: ты' бо неискусобра'чная дв~о, и=мjь'ла 
_е=си` во о_у=тро'бjь надъ всjь'ми бг~а, и= родила` 
_е=си` безлjь'тнаго сн~а, всjь^мъ воспjьва'ющымъ тя` 
ми'ръ подава'ющая.

%<_О=%>ру'жiя супоста'та и= w\т напра'снагw 
w=скорбле'нiя и=зба'ви мя`, w=сужде'ннаго, jа='кw ты` 
_е=си` всенепоро'чная мт~и, и='же бу'детъ суди'ти 
кому'ждо по дjьлw'мъ. (с. 564)

%<Т%>ы` въ напа'стехъ и= ско'рбехъ ми'лостивнw 
защища'еши, и='же под\ъ кро'въ тво'й прибjьга'емъ, 
прiими` всест~а'я, сiе` моле'нiе w\т о_у=ны'нiя се'рдца 
моегw`, да sлjь` во w\тча'янiи не поги'бну.

%<М%>л\стивнымъ и= кро'ткимъ _о='комъ, 
бг~ороди'тельнице, воззри` на мя`, недосто'йнаго, 
милосе'рдiемъ свои'мъ при'зри на мя`, и= w=бстоя'нiя, и= 
бjьды`, и= напа'сти свободи` призыва'юща тя`, всест~а'я.

%<П%>ервозда'нный а=да'мъ и= _е='vа тобо'ю, преч\стая, 
и=зба'вльшеся w\т sлы'хъ, съ ни'миже и= а='зъ припа'даю 
ти` и= молю`: мл\стiю свое'ю w\трjьши` моя^ болjь^зненныя 
сле'зы и= да'ждь ми` поле'зное о_у=тjьше'нiе.

%<Пjь'снь s~. I=рмо'съ:%>

%<Б%>ж~е'ственное сiе` и= всечестно'е соверша'юще 
пра'зднество, бг~ому'дрiи, бг~ома'тере, прiиди'те рука'ми 
воспле'щимъ, w\т нея` ро'ждшагося бг~а сла'вимъ.

%<В%>нуши` печа'льный во'пль раба` твоегw`, 
тре'бующагw по'мощи твоея`, бг~ома'ти, ты` _е=си` 
о_у=пова'нiе мое`, потщи'ся печа'ль мою` на ра'дость 
преложи'ти.

%<И=%>зба'ви мя` w\т льсти` вра'жiя, w\т я=зы'ка 
льсти'ва и= w\т чл~вjь'ка непра'веднагw и=зба'ви мя` 
без\ъ па'кости, вся^ бо мо'жеши, jа='кw мт~и зижди'теля 
су'щи.

%<В%>jь'мъ тя`, бг~облагода'тная, многотру'дныхъ 
цjьле'бницу, и= а='зъ немощны'мъ ду'хомъ и= о_у=сты` 
зову`: w\т напа'сти сея` и= печа'ли свободи` и= сп~си' 
мя, вл\дчце, прибjьга'ющаго.

%<И=%>зба'ви мя` w\т ле'сти сея` и= бjьды`, 
бг~оневjь'сто, тя` о_у=стро'и бг~ъ хода'таицу на 
сп~се'нiе и= заступле'нiе на'ше, сегw` ра'ди и= мнjь`, 
недосто'йному, и=схода'тайствуй w\т всея` печа'ли 
свобожде'нiе. (с. 565)

%<Конда'къ, гла'съ и~:%>

%<В%>збра'нной воево'дjь побjьди'т_ельная, jа='кw 
и=зба'вльшеся w\т sлы'хъ, бл~года'рств_енная воспису'емъ 
ти`, раби` твои`, бц\де: но jа='кw и=му'щая держа'ву 
непобjьди'мую, w\т вся'кихъ на'съ бjь'дъ свободи`, да 
зове'мъ ти`: ра'дуйся, невjь'сто неневjь'стная.

%<I='косъ:%>

%<А='%>гг~лъ предста'тель съ нб~се` по'сланъ бы'сть 
рещи` бц\дjь: ра'дуйся, и= со безпло'тнымъ гла'сомъ 
воплоща'ема тя` зря`, гд\си, о_у=жаса'шеся и= стоя'ще, 
зовы'й къ не'й такwва'я: ра'дуйся, _е='юже ра'дость 
возсiя'етъ: ра'дуйся, _е='юже кля'тва и=сче'знетъ. 
ра'дуйся, па'дшагw а=да'ма воззва'нiе: ра'дуйся, сле'зъ 
_е='vиныхъ и=збавле'нiе. ра'дуйся, высото` 
неудобовосходи'мая чл~вjь'ческими пw'мыслы: ра'дуйся, 
глубино` неудобозри'мая и= а='гг~льскима _о=чи'ма. 
ра'дуйся, jа='кw _е=си` цр~е'во сjьда'лище: ра'дуйся, 
jа='кw но'сиши нося'щаго вся^. ра'дуйся, sвjьздо`, 
jа=вля'ющая со'лнце: ра'дуйся, о_у=тро'бо бж\ственнагw 
воплоще'нiя. ра'дуйся, _е='юже w=бновля'ется тва'рь: 
ра'дуйся, _е='юже поклоня'емся творцу`. ра'дуйся, 
невjь'сто неневjь'стная.

%<Пjь'снь з~. I=рмо'съ:%>

%<Н%>е послужи'ша тва'ри бг~ому'дрiи па'че 
созда'вшагw, но _о='гненное преще'нiе му'жески попра'вше, 
ра'довахуся пою'ще: препjь'тый _о=тц_е'въ гд\сь и= бг~ъ 
бл~гослове'нъ _е=си`.

%<Т%>ы` _е=си`, преч\стая дв~о, покрови'тельница моя` 
и= непреста'нное о_у=пова'нiе души` мое'й, _w вл\дчце, 
прiими' мя, w=держи'ма лю'тою бjьдо'ю, и= о_у=тjь'ши мою` 
печа'ль.

%<Т%>ы` _е=си` крjь'пость моя`, преч\стая вл\дчце, и= 
наше'дшихъ на мя` си'хъ скорбе'й о_у=тjьше'нiе. сегw` 
ра'ди и= а='зъ, недосто'йный ра'бъ тво'й, всенаде'жнw 
вопiю' ти: поми'луй мя`, па'дшаго. (с. 566)

%<И=%>сцjьли` души` моея` jа='звы, вл\дчце, и= 
заступи' мя, раба` твоего`, и= и=зба'ви мя` w\т вся'кагw 
w=бава'нiя непра'веднагw и= w\т сопроти'внагw навjь'та и= 
развраще'нiя и=зми' мя, всебл~гослове'нная.

%<Пjь'снь и~. I=рмо'съ:%>

%<_О='%>троки бл~гочести'выя въ пещи` рождество` 
бг~оро'дичо сп~сло` _е='сть: тогда` о_у='бw 
_о=бразу'емое, ны'нjь же дjь'йствуемое, вселе'нную. всю` 
воздвиза'етъ пjь'ти тебjь`: гд\са по'йте дjьла`, и= 
превозноси'те _е=го` во вся^ вjь'ки.

%<С%>окруши` совjь'ты непра'в_едныя, jа=`же на мя` 
и=зощр_е'ны су'ть, а='зъ бо и=ны'я по'мощи не и='мамъ, 
ра'звjь тебе`, ч\стая, къ тебjь` прибjьга'ю, не попусти' 
ми: вся^ бо тебjь` возмw'жна су'ть.

%<Д%>у'шу мою` сохрани` кро'вомъ крилу` твое'ю, 
пребл~гослове'нная бц\де, w\т разли'чныхъ належа'щихъ 
бjь'дъ и= скорбе'й и=зба'ви мя`, да не пора'дуется вра'гъ 
мо'й w= мое'й не'мощи, но да сла'вится бж~iя мт~рь во 
вjь'ки.

%<А='%>зъ о_у=`бо по'мощи чл~вjь'ческiя и=ска'ти не 
прибjьго'хъ, но къ тебjь`, пренепоро'чная: ты` _е=си` 
всенаде'жная храни'тельница хр\стiа'нwмъ.

%<Т%>ы` _е=си`, бц\де, просвjьще'нiе и= и=збавле'нiе, 
ты` _е=си` побо'рница моя` прера'дованная. ты` _е=си` 
наде'жда неруши'мая, стjьна` и= сла'ва хвали'мая, 
пренепоро'чная дв~о. тебjь` всеусе'рднw поклоня'юся и= 
вопiю`: сп~си' мя w\т печа'ли сея` и= напа'сти.

%<Пjь'снь f~. I=рмо'съ:%>

%<В%>ся'къ земноро'дный да взыгра'ется дх~омъ 
просвjьща'емь, да торжеству'етъ же безпло'тныхъ о_у=мw'въ 
_е=стество`, почита'ющее сщ~е'нное торжество` 
бг~ома'тере, и= да вопiе'тъ, ра'дуйся всебл~же'нная 
бц\де, ч\стая приснодв~о. (с. 567)

%<И='%>зсше, jа='кw скуде'ль, крjь'пость моя`, и= ко 
а='ду приложи'хся душепа'губныхъ sw'лъ. предвари' мя, 
мт~и бж~iя, заступле'нiемъ свои'мъ, и=схи'ти мя` w\т 
w=держа'щихъ скорбе'й руко'ю мл\сти твоея`.

%<С%>jь'ти лука'выхъ и= sлочести'выхъ сокруши`, ч\стая 
бг~ороди'тельнице, и=схи'ти мя` неврежде'на, тво'й бо 
_е='смь ра'бъ: _w, ра'дуйся w=бра'дованная.

%<В%>сенепоро'чная _о=трокови'це, всjь^мъ вjь^рнымъ 
хр\стiа'нwмъ по'мощь, бу'ди и= мнjь` неwску'дная 
помо'щница къ сн~у своему` и= бг~у, сла'вимому въ 
тр\оцjь, и= свободи' мя w\т сея` наше'дшiя ско'рби.

%<Т%>ы` _е=си` крjь'пость моя`, преч\стая, и= 
прибjь'жище, и= стjьна` неwбори'мая, ты` _е=си` къ бг~у 
мл~твенница, вся'кихъ мя` напа'стей и= бjь'дъ свободи`, 
_е=ди'на бл~гослове'нная.