Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав> 


Мjь'сяца i=у'лiа въ к~ де'нь,

[гл\ва л~в] Ст~а'гw сла'внагw пр\оро'ка и=лiи`.

На ма'лjьй вече'рни, на Гд\си воззва'хъ, стiхи^ры на д~, 
гла'съ а~:

Подо'бенъ: Нб\сныхъ чинw'въ:

Трисл~нечнымъ свjь'томъ бж~е'ственнагw сiя'нiя, о_у=ма` 
чистото'ю нечести'ваго цр~я`, jа='кw законопресту'пника, 
прв\днымъ судо'мъ w=бличи'лъ _е=си`: и= небеса` заключи'лъ 
_е=си`, и= вдови'цу съ сы'номъ препита'лъ _е=си`. моли` 
пр\оро'че, сп~сти'ся душа'мъ на'шымъ. [Два'жды.]

Бж~е'ственнымъ бг~овидjь'нiемъ досто'йнw пр\оро'ческимъ 
са'номъ, и= ра'зумомъ почте'нъ бы'въ, бж~е'ственный 
пр\оро'че, прорица'еши да^льная jа='кw бли'зъ су^щая: царя` 
jа='кw непра'ведна w=бличи'лъ _е=си`, и= сту^дныя 
свяще'нники ноже'мъ закла'лъ _е=си`. моли` хр\ста` бг~а, 
сп~сти'ся душа'мъ на'шымъ.

Нечести'вый ца'рь не терпя` твоегw` w=бличе'нiя, тебjь` 
бж~е'ственный пр\оро'че, глаго'летъ: ты' ли _е=си` томя` и= 
развраща'я i=и~ля; ты' же ре'клъ _е=си`: не а='зъ, _w царю`, 
но ты` и= до'мъ _о=тца` твоегw`: поне'же бг~а твоего` 
сотво'ршаго тя` w=ста'вилъ _е=си`, и= чужды^я вве'лъ _е=си`. 
но мл~твами, хр\сте`, твоегw` пр\оро'ка, w\т таковы'я 
пре'лести и=зба'ви на'съ, и= сп~си` ду'шы на'шя.

Сла'ва, гла'съ s~.

Бж~е'ственный пр\оро'че, и=лiе`, ты` непра'вдовавша 
царя` w= навуfе'евjь о_у=бi'йствjь, и= w= восхище'нiи 
вiногра'да w=бличи'въ, дерзнове'ннw ре'клъ _е=си`: поне'же 
без\ъ пра'вды о_у=би'лъ _е=си` му'жа i=и~льтянина, си'це и= 
са'мъ о_у=бiе'нъ бу'деши, и= пси` кро'вь твою` поли'жутъ, и= 
блудни^цы въ кро'ви твое'й и=змы'ются. но мл~твами, хр\сте`, 
твоегw` пр\оро'ка, ку'пнw и= о_у=го'дника, такова'гw 
преще'нiя и=зба'ви на'съ, и= ду'шы на'шя сп~си`, jа='кw 
чл~вjьколю'бецъ.

И= ны'нjь, бг~оро'диченъ: 

На стiхо'внjь стiхи^ры, гла'съ в~: 

Подо'бенъ: До'ме _е=vфра'fовъ:

Бж~е'ственный пр\оро'че, ты` ревну'я по гд\сjь 
вседержи'тели, мл~твою небеса` заключи'лъ _е=си`, ре'къ: 
до'ждь и= роса` да не сни'детъ на зе'млю, то'кмw глаго'ломъ 
о_у='стъ мои'хъ.

Стi'хъ: Мwv"се'й и= а=арw'нъ во i=ере'ехъ _е=гw`: и= 
саму'илъ въ призыва'ющихъ и='мя _е=гw`.

Бж~е'ственный пр\оро'че, ты` мл~твою и= ми'лованiемъ, 
па'ки небеса` w\тверза'еши, и= до'ждь жа'ждущымъ лю'демъ, 
бога'тнw да'руеши.

Стi'хъ: Ты` i=ере'й во вjь'къ по чи'ну мелхiседе'кову. 

Бж~е'ственный пр\оро'че, ты` вдови'цу съ сы'номъ 
препита'лъ _е=си`, и= мл~твою го'рсть муки` и= чва'нецъ 
ма'сла о_у=мно'живъ, по глаго'лу гд\сню, го'рсть муки`, и= 
чва'нецъ ма'сла не о_у=ма'лися. 

Сла'ва, гла'съ и~: подо'бенъ то'йже:

Бж~е'ственный пр\оро'че, ты` мл~твою твое'ю _о='гнь съ 
небесе` све'лъ _е=си`, и= царя` о_у=вjь'рилъ _е=си` 
глаго'лати: вои'стинну _е=ди'нъ бг~ъ, и='же и=лiе'ю 
проповjь'даемый.

И= ны'нjь, бг~оро'диченъ:

Вл\дчце бл~га'я, ст~i'и твои` ру'цjь, къ сн~у твоему` 
воздjьжи` душелюби'вому содjь'телю, о_у=ще'дрити рабы^ 
твоя^.

На вели'цjьй вече'рни

На Гд\си воззва'хъ, стiхи^ры на и~. Гла'съ а~.

Подо'бенъ: Нб\сныхъ чинw'въ: 

И='же fесвi'тянина и=лiю`, колесни'цею _о='гненною, w\т 
земли`, ще'дре, преложи'вый, сло'ве: сегw` мл~твами сп~си` 
на'съ вjь'рнw тя` сла'вящихъ, и= тогw` творя'щихъ ра'достнw 
бж~е'ственную па'мять и= сп~се'ную.

Въ тру'сjь и= ви'хрjь то'нцjь, ви'дjьлъ _е=си` бж~iе 
прише'ствiе, и=лiе` бг~обл~же'нне, просвjьща'ющее тя` 
дре'вле: на колесни'цjь же сjьдя` четвероко'ннjьй, нб~о 
преjьжда'лъ _е=си` страннолjь'пнw, о_у=дивля'емь 
бг~одухнове'нне.

I=ере'и сту^дныя ноже'мъ закла'лъ _е=си`, не'бо 
я=зы'комъ на зе'млю не дожди'ти о_у=держа'лъ _е=си`, 
ре'вностiю бж~е'ственною разже'гся: _е=лiссе'а же 
и=спо'лнилъ _е=си`, ми'лwти пода'нiемъ сугу'бымъ, му'дре 
и=лiе`, бж~е'ственныя бл~года'ти.

И='ны стiхи^ры, гла'съ в~, самогла'сны.

[I=wа'нна а=рхiеп\скпа:] Свjьти'льники возсiя'ша 
вселе'ннjьй два`, всесвjь'тлый и=лiа` и= _е=лiссе'й. _о='въ 
о_у='бw бж~е'ственнымъ сло'вомъ нб\сныя ка^пли затвори`, и= 
царя` w=бличи`, на колесни'цjь же _о='гненнjьй на нб~са` 
вознесе'ся: _о='въ же безча^дныя во'ды и=сцjьли` и= сугу'бу 
бл~года'ть прiя'тъ, i=_орда^нскiя струи^ раздjьли`. и= 
ны'нjь со а='гг~лы лику'юще, w= на'съ мо'лятъ, сп~сти'ся 
душа'мъ на'шымъ.

Jа='же на возду'сjь колесни'ца тя` под\ъе'мши 
_о=гнено'сна, jа='кw въ тру'сjь на нб~са`, 
_о=гнедохнове'нную бл~года'ть тебjь` чуде'съ подаде`, и=лiе` 
fесвi'тянине, нетлjь'нна тя` сотво'рши, _е='же не ви'дjьти 
сме'рти, до'ндеже о_у='бw проповjь'си вся'ч_ескимъ кончи'ну. 
тjь'мже прiиди`, подая` на'мъ твои'хъ и=справле'нiй 
наказа'нiе.

Свjьти'льниче невече'рнiй цр~квей, бж~е'ственною 
ре'вностiю разжига'емь, и=лiе` пр\оро'че, нб\сныя ка^пли 
затвори'лъ _е=си`: и= вра'номъ пита'нъ бы'въ, царя` 
w=бличи'лъ _е=си`, и= свяще'нники о_у=мори'лъ _е=си`: 
_о='гнь съ нб~се` све'лъ _е=си`: и= пятьдеся^тника два` 
о_у=мори'въ, напита'лъ _е=си` вдови'цу _е=ле'емъ, и= муки` 
ма'лою го'рстiю: и= сы'на _е=я` мл~твою воскр~си'лъ _е=си`, 
_о='гнь разже'глъ _е=си` въ водjь`: i=_орда^нскiя струи^ 
пjь'шъ преше'лъ _е=си`: колесни'цею же _о='гненною на нб~са` 
возне'слся _е=си`, _е=лiссе'ю бл~года'ть сугу'бую по'далъ 
_е=си`. моли'ся непреста'ннw бг~у, сп~сти'ся душа'мъ 
на'шымъ.

Сла'ва, гла'съ s~.

[Вv"зантi'ево:] Прiиди'те правосла'вныхъ совокупле'нiе, 
соше'дшеся дне'сь въ преч\стнjь'мъ хра'мjь бг~оглаго'ливыхъ 
пр\орw'къ, _псало'мски воспое'мъ сли'чную пjь'снь си'хъ 
просла'вльшему хр\сту` бг~у на'шему, и= весе'лiемъ и= 
ра'достiю возопiе'мъ: ра'дуйся, земны'й а='гг~ле, и= нб\сный 
человjь'че, и=лiе` великоимени'те. ра'дуйся, и='же сугу'бую 
бл~года'ть w\т бг~а прiе'мый, _е=лiссе'е всеч\стне. 
ра'дуйтеся засту^пницы те'плiи, и= предста'тели и= вра'чеве 
ду'шъ и= тjьле'съ, хр\столюби'выхъ люде'й, w\т вся'кагw 
прило'га сопроти'вна и= w=бстоя'нiя, и= вся'кихъ бjь'дъ 
и=зба'вите вjь'рнw соверша'ющыя всепра'зднственную па'мять 
ва'шу.

И= ны'нjь, бг~оро'диченъ: Кто` тебе` не о_у=бл~жи'тъ: 

Ца'рствъ тре'тiихъ чте'нiе. [Глава` з~_i.] 

Бы'сть сло'во гд\сне ко и=лiи` пр\оро'ку, и= рече` ко 
а=ха'ву: жи'въ гд\сь бг~ъ си'лъ, бг~ъ i=и~левъ, _е=му'же 
предстою` дне'сь пред\ъ ни'мъ, а='ще бу'детъ въ лjь^та сiя^ 
роса`, и=ли` до'ждь, а='ще не словесы` о_у='стъ мои'хъ. И= 
бы'сть глаго'лъ гд\снь ко и=лiи` глаго'ля: и=ди` w\тсю'ду на 
восто'къ, и= скры'йся въ пото'цjь хора'fовjь, при рjьцjь` 
i=_орда'новjь. и= бу'детъ вода` w\т пото'ка и= пiе'ши ю=`, 
и= вра'нwмъ повелю` пита'ти тя` та'мw. И= и='де и=лiа`, и= 
сотвори` по глаго'лу гд\сню, и= сjь'де при пото'цjь 
хора'fовjь, пред\ъ лице'мъ i=_орда'новымъ: и= вра'нове 
приноша'ху _е=му` хлjь'бы зау'тра, и= мяса` къ ве'черу, и= 
w\т пото'ка пiя'ше во'ду. И= бы'сть по дне'хъ и='зсше 
пото'къ, jа='кw не бjь` дождя` на зе'млю. И= бы'сть глаго'лъ 
гд\снь ко и=лiи` глаго'ля: Воста'ни и= и=ди` въ саре'фfу 
сiдw'нскую, и= пребу'ди та'мw: се' бо заповjь'дахъ женjь` 
вдови'цjь препита'ти тя`. И= воста'въ и= и='де въ саре'фfу 
сiдw'нскую, и= прiи'де во врата` гра'да, и= се` та'мw жена` 
вдова` собира'ше дрова`, и= возопи` и=лiа` во слjь'дъ _е=я`, 
и= рече` _е='й: принеси' ми о_у='бw ма'лw воды` въ сосу'дjь 
да пiю`. И= и='де взя'ти воды`. и= возопи` и=лiа` въ слjь'дъ 
_е=я`, и= . рече` _е='й: прiими` о_у='бw мнjь` и= о_у=кру'хъ 
хлjь'ба въ руцjь` твое'й, и= да jа='мъ. И= рече` жена`: 
жи'въ гд\сь бг~ъ мо'й, а='ще _е='сть о_у= мене` 
_о=прjьсно'къ, но ра'звjь _е=ли'ко го'рсть муки` въ 
водоно'сjь, и= ма'лw _е=ле'а въ чва'нцjь. и= се` а='зъ 
собира'ю два` полjь'нца, и= вни'ду и= сотворю` себjь` и= 
ча'дwмъ мои^мъ, и= снjь'мы, и= о_у='мремъ. И= рече` къ не'й 
и=лiа`: дерза'й и= вни'ди, и= не сотвори` по глаго'лу 
твоему`: но сотвори` мнjь` w\тту'ду _о=прjьсно'къ ма'лъ 
пре'жде, и= и=знесе'ши ми`: себjь' же и= ча'дwмъ твои^мъ 
сотвори'ши послjьди`. Jа='кw та'кw глаго'летъ гд\сь бг~ъ 
i=и~левъ: водоно'съ муки` не w=скудjь'етъ, и= чва'нецъ 
_е=ле'а не о_у=ма'лится, до дне`, до'ндеже да'стъ гд\сь 
до'ждь на зе'млю. И= и='де жена`, и= сотвори` по глаго'лу 
и=лiину`: и= даде` _е=му`, и= jа=дя'ше то'й, и= та`, и= 
ча^да _е=я`. И= w\т тогw` дне` водоно'съ муки` не w=скудjь`, 
и= чва'нецъ _е=ле'а не о_у=ма'лися, по глаго'лу гд\сню, 
и='же глаго'ла руко'ю и=лiино'ю. И= бы'сть по глаго'лjьхъ 
си'хъ, и= разболjь'ся сы'нъ жены`, госпожи` до'му, и= бjь` 
болjь'знь _е=гw` крjьпка` sjьлw`, до'ндеже не w=ста` въ 
не'мъ ду'хъ. И= рече` жена` ко и=лiи`: что` мнjь` и= тебjь` 
человjь'че бж~iй; вше'лъ _е=си` ко мнjь` воспомяну'ти 
грjьхи` моя^, и= о_у=мори'ти сы'на моего`. И= рече` и=лiа` 
къ женjь`: да'ждь ми` сы'на твоего`. и= взя'тъ _е=го` w\т 
ло'на _е=я`, и= вознесе` _е=го` въ го'рницу, въ не'йже са'мъ 
почива'ше, и= положи` _е=го` на _о=дрjь` свое'мъ. и= возопи` 
и=лiа` ко гд\су, и= рече`: о_у=вы` мнjь`, гд\си, свидjь'телю 
вдовы`, о_у= нея'же а='зъ пребыва'ю, ты` w=sло'билъ _е=си` 
_е='же о_у=мори'ти сы'на _е=я`. И= ду'ну на _о='трочища 
трикра'ты, и= призва` гд\са, и= рече`: Гд\си бж~е мо'й, да 
возврати'тся о_у='бw душа` _о='трочища сегw` во'нь. и= 
бы'сть та'кw. И= возопи` и=лiа`, и= о_у=слы'ша гд\сь гла'съ 
и=лiи'нъ: и= возврати'ся душа` _о='трочища и= w=живе`. И= 
поя'тъ и=лiа` _о='трочища, и= сведе` и= w\т го'рницы въ 
до'мъ, и= даде` и= ма'тере _е=гw`. И= рече` и=лiа` къ не'й: 
ви'ждь, jа='кw жи'въ _е='сть сы'нъ тво'й. И= рече` жена` ко 
и=лiи`: се` разумjь'хъ, jа='кw человjь'къ бж~iй _е=си` ты`, 
и= глаго'лъ гд\снь во о_у=стjь'хъ твои'хъ и='стиненъ.

Ца'рствъ тре'тiихъ чте'нiе. [Главы^ и~_i и~ f~_i.]

Бы'сть глаго'лъ бж~iй ко и=лiи` fесвi'тянину, въ тре'тiе 
лjь'то ца'рства а=ха'вля, глаго'ля: и=ди` и= jа=ви'ся 
а=ха'ву, да'мъ бо до'ждь на лице` земли`. И= бы'сть jа='кw 
ви'дjь а=ха'въ и=лiю`, и= рече` къ нему`: а='ще ты` _е=си` 
развраща'яй i=и~ля; И= рече` и=лiа`: не развраща'ю а='зъ 
i=и~ля, но ты`, и= до'мъ _о=тца` твоегw`, внегда` 
w=ста'висте вы` гд\са бг~а своего`, и= и=до'сте въ слjь'дъ 
ваа'ла. И= ны'нjь посли`, и= собери` ко мнjь` ве'сь i=и~ль 
на го'ру карми'льскую, и= проро'ки сту^дныя ваа'лwвы, и='хже 
три'ста и= пятьдеся'тъ, и= прорw'къ ме'рзкихъ четы'реста, 
jа=ду'щихъ трапе'зу i=езаве'лину. И= по глаго'лу и=лiину` 
посла` а=ха'въ въ ве'сь i=и~ль, и= собра` вся^ пр\оро'ки на 
го'ру карми'льскую, и= приведе` ко всjь^мъ и=`мъ и=лiю`. И= 
рече` и=`мъ и=лiа`: доко'лjь вы` хра'млете на _о='ба 
колjь^на ва'ша; а='ще _е='сть гд\сь бг~ъ, и=ди'те въ слjь'дъ 
_е=гw`: а='ще ли ваа'лъ _е='сть, то` и=ди'те за ни'мъ. и= не 
w\твjьща'ша _е=му` лю'дiе словесе`. И= рече` и=лiа` къ 
лю'демъ: а='зъ _е='смь w=ста'хъ пр\оро'къ гд\снь _е=ди'нъ, 
и= проро'цы ваа'лwвы, и='хже три'ста и= пятьдеся'тъ муже'й, 
и= проро'кwвъ ме'рзкихъ четы'реста. И= рече` и=лiа`: дади'те 
ми` два` ю=нца^, да и=зберете` себjь` _е=ди'наго, и= 
растеши'те и=` на о_у='ды, и= возложи'те и= на дрова`, да не 
приложите` _о=гня`. и= а='зъ растешу` ю=нца` друга'го, и= 
возложу` на дрова`, и= _о=гня` не возгнjьщу`. И= да 
призовете` и=мена` богw'въ ва'шихъ, и= а='зъ призову` и='мя 
гд\са бг~а моегw`: и= бу'детъ бг~ъ, и='же а='ще послу'шаетъ 
_о=гне'мъ, то'й _е='сть бг~ъ. И= w\твjьща'ша вси` лю'дiе, и= 
рjь'ша: до'бръ глаго'лъ и=лiи'нъ, и='же глаго'ла, да бу'детъ 
та'кw. И= рече` и=лiа` проро'кwмъ сту^днымъ: и=збери'те 
себjь` ю=нца` _е=ди'наго, и= сотвори'те вы` пре'жде, jа='кw 
ва'съ _е='сть мно'жество, и= призови'те и=мена` богw'въ 
ва'шихъ, и= _о=гня` не пригнjьща'йте. И= поя'ша ю=нца`, и= 
сотвори'ша та'кw. и= призыва'ху и='мя ваа'лово w\т о_у='тра 
и= до полу'дне, и= рjь'ша: послу'шай на'съ, ваа'ле, 
послу'шай на'съ. и= не бjь` гла'са ни послуша'нiя: и= 
рыска'ху _о='колw же'ртвенника, и='же сотвори'ша сi'и. И= 
бы'сть полу'дне, и= поруга'ся и=`мъ и=лiа` fесвi'тянинъ, и= 
рече`: зови'те гла'сомъ вели'кимъ, jа='кw бо'гу ва'шему 
непра'зднство _е='сть: да _е=да` что` и='ное стро'итъ, и=ли` 
о_у=сну'лъ _е='сть, да о_у=будите` _е=го`. И= зовя'ху 
гла'сомъ вели'кимъ, и= кроя'хуся по _о=бы'чаю своему` ножи`, 
и= мно'зи би'ша себе` бичьми` до проли'тiя кро'ве своея`, И= 
прорица'ху: и= бы'сть до ве'чера, jа='кw бы'ти вре'мя взы'ти 
же'ртвjь, и= не бjь` гла'са. И= глаго'ла и=лiа` къ 
проро'кwмъ сту^днымъ, глаго'ля: w\тступи'те ны'нjь, да и= 
а='зъ сотворю` же'ртву мою`. и= w\тступи'ша тi'и, и= 
о_у=мо'лкнуша. И= рече` и=лiа` къ лю'демъ: приступи'те ко 
мнjь`: и= приступи'ша къ нему` вси` лю'дiе. И= прiя'тъ 
и=лiа` двана'десять ка'менiй, по числу` колjь'нъ сынw'въ 
i=и~левыхъ, jа='коже глаго'ла _е=му` гд\сь: i=и~ль бу'детъ 
и='мя твое`. И= созда` ка'менiе во и='мя гд\сне, и= 
и=сцjьли` _о=лта'рь раско'панный. и= сотвори` мо'ре 
вмjьща'ющее двjь` мjь^рjь сjь'мене _о='крестъ _о=лтаря`: и= 
воскладе` пwлjь'на на _о=лта'рь, и='же сотвори`, и= растеса` 
на о_у='ды всесожега'емое, и= возложи` на пwлjь'на, и= 
w=бы'де _о=лта'рь. И= рече` и=лiа`: принеси'те ми` четы'ри 
водоно'сы воды`, и= возлива'йте на всесожже'нiе и= на 
пwлjь'на, и= сотвори'ша та'кw. И= рече`: о_у=дво'йте, и= 
о_у=дво'иша. и= рече`: о_у=тро'йте, и= о_у=тро'иша. и= 
прохожда'ше вода` _о='крестъ _о=лтаря`, и= мо'ре и=спо'лнися 
воды`. И= возопи` и=лiа` на нб~о, и= рече`: гд\си бж~е 
а=враа'мовъ и= i=саа'ковъ и= i=а'кwвль, послу'шай мене`, 
гд\си, послу'шай мене` дне'сь _о=гне'мъ: да разумjь'ютъ вси` 
лю'дiе сi'и, jа='кw ты` _е=си` _е=ди'нъ гд\сь бг~ъ i=и~левъ, 
и= а='зъ ра'бъ тво'й, и= тебе` ра'ди сотвори'хъ дjьла` сiя^ 
вся^: и= ты` w=брати` сердца` люде'й си'хъ въ слjь'дъ тебе`. 
И= паде` _о='гнь w\т гд\са съ нб~се`, и= пояде` 
всесожж_е'нiя и= пwлjь'на, и= ка'менiе и= пе'рсть, и= во'ду 
jа='же бjь` въ мо'ри, вся^ полиза` _о='гнь. И= падо'ша вси` 
лю'дiе на лицы` свое'мъ, и= рjь'ша: вои'стинну гд\сь бг~ъ, 
то'й _е='сть бг~ъ. И= рече` и=лiа` къ лю'демъ: поима'йте 
проро'ки ваа'лwвы, да ни _е=ди'нъ скры'ется w\т ни'хъ. и= 
jа='ша и=`хъ и= веде` я=` и=лiа` на пото'къ кi'ссовъ, и= ту` 
и=`хъ закла`. И= рече` и=лiа` посе'мъ а=ха'вови: се` гла'съ 
хожде'нiя дожде'внагw, впрязи` колесни'цу твою`, и= сни'ди, 
да не пости'гнетъ тебе` до'ждь. И= взы'де и=лiа` на 
карми'льскую го'ру, и= преклони'ся на зе'млю, и= положи` 
лице` свое` между` колjь'нома свои'ма, и= помоли'ся ко 
гд\су. И= не'бо помрачи'ся _о='блаки и= ду'хомъ, и= бы'сть 
до'ждь ве'лiй: и= пла'чяся а=ха'въ, и='де до i=езрае'ля. И= 
рука` гд\сня бы'сть на и=лiи`: и= стягну'въ чре'сла своя^, 
тече` пред\ъ а=ха'вомъ до i=езрае'ля. И= возвjьсти` а=ха'въ 
женjь` свое'й i=езаве'ли вся^, _е=ли^ка сотвори` и=лiа`: и= 
jа='кw закла` проро'ки ноже'мъ. И= посла` i=езаве'ль ко 
и=лiи` глаго'ля: о_у='трw въ се'й же ча'съ положу` ду'шу 
твою`, jа='коже ду'шу _е=ди'нагw w\т си'хъ. И= слы'ша и= 
о_у=боя'ся и=лiа`, воста'въ и='де души` ра'ди своея`, и= 
прiи'де въ вирсавi'ю зе'млю i=у'дову, и= w=ста'ви 
_о='трочища своего` та'мw, и= и='де въ пусты'ню дне` пу'ть. 
И= прише'дъ сjь'де под\ъ сме'рчiемъ, и= проси` души` свое'й 
сме'рти, и= рече`: довлjь'етъ ми`, гд\си, прiими` о_у=`бо 
ду'шу мою` w\т мене`, jа='кw нjь'смь а='зъ па'че _о=т_е'цъ 
мои'хъ. и= ля'же, и= о_у='спе под\ъ са'домъ. И= се` а='гг~лъ 
гд\снь косну'ся _е=му`, и= рече` _е=му`: воста'ни, jа='ждь 
и= пi'й. И= воззрjь'въ и=лiа`, и= се` при возгла'вiи _е=гw` 
_о=прjьсно'къ jа=чме'нный, и= корча'гъ воды`: и= воста`, и= 
jа=де` и= пи'тъ, и= w=бра'щься о_у='спе. И= w=бра'щься 
а='гг~лъ гд\снь втори'цею, и= косну'ся _е=му`, и= рече` 
_е=му`: воста'ни, jа='ждь и= пi'й, jа='кw мно'гъ w\т тебе` 
пу'ть. И= воста`, и= jа=де` и= пи'тъ: и= и='де въ крjь'пости 
jа='ди тоя` четы'редесять дне'й, и= четы'редесять ноще'й, до 
горы` хwри'вскiя. И= вни'де та'мw въ пеще'ру, и= всели'ся въ 
не'й. и= се` глаго'лъ гд\снь къ нему`, и= рече` _е=му` 
гд\сь: что' ты здjь` и=лiе`; И= рече` и=лiа`: ревну'я 
поревнова'хъ по гд\сjь бз~jь вседержи'тели, jа='кw 
w=ста'виши тя` сы'нове i=и~л_евы, и= _о=лтари` твоя^ 
раскопа'ша, и= пр\оро'ки твоя^ _о=ру'жiемъ и=зби'ша, и= 
w=ста'хъ а='зъ _е=ди'нъ, и= и='щутъ души` моея` и=з\ъя'ти 
ю=`. И= рече` а='гг~лъ: и=зы'ди о_у='трw, и= ста'ни въ 
горjь` пред\ъ гд\семъ: и= се` мимои'детъ гд\сь, и= дх~ъ 
ве'лiй и= крjь'покъ и= разоря'я го'ры, и= сокруша'я ка'менiе 
пред\ъ гд\семъ: не въ ду'сjь гд\сь. и= по ду'сjь ви'хръ, и= 
не въ ви'хрjь гд\сь. И= по ви'хрjь _о='гнь, и= не во _о=гни` 
гд\сь: и= по _о=гни` гла'съ хла'да то'нка, и= та'мw гд\сь. 
И= бы'сть jа='кw о_у=слы'ша и=лiа`, покры` лице` свое` 
ми'лwтiю свое'ю, и= и=зы'де, и= ста` при пеще'рjь. И= се` къ 
нему` бы'сть гла'съ, и= рече`: что` здjь` ты` и=лiе`; И= 
рече` и=лiа`: ревну'я поревнова'хъ по гд\сjь бз~jь 
вседержи'тели, jа='кw w=ста'виша завjь'тъ тво'й сы'нове 
i=и~л_евы, и= _о=лтари` твоя^ раскопа'ша, и= пр\оро'ки твоя^ 
и=зби'ша _о=ру'жiемъ, и= w=ста'хъ а='зъ _е=ди'нъ, и= и='щутъ 
души` моея` и=з\ъя'ти ю=`. И= рече` гд\сь къ нему`: и=ди`, 
возврати'ся путе'мъ твои'мъ, и= по'йдеши въ пу'ть пусты'ни 
дама'сковы, и= пома'жеши а=заи'ла на ца'рство во а=ссv"рi'и: 
И= i=иу'а сы'на а=мессi'ина пома'жеши въ царя` i=и~лю, и= 
_е=лiссе'а сы'на а=сафа'това пома'жеши вмjь'стw себе` 
пр\оро'ка. 

Ца'рствъ четве'ртыхъ чте'нiе. [Глава` в~.]

Бы'сть во дни^ _о='ны, w=брjь'те и=лiа` _е=лiссе'а сы'на 
а=сафа'това, и= то'й w=ра'ше вола'ми. И= и='де и=лiа` къ 
нему`: и= пове'рже и=лiа` ми'лwть свою` на не'мъ, и= 
w=ста'ви _е=лiссе'й волы`, и= тече` созади` и=лiи`, и= 
служа'ше _е=му`. И= бы'сть _е=гда` взя'ту бы'ти и=лiи` 
гд\семъ въ ви'хрjь jа='кw на нб~о: и= и=до'ста и=лiа` и= 
_е=лiссе'й въ галга'лы. Рече' же и=лiа` къ _е=лiссе'ю: 
сjьди` о_у='бw здjь`, jа='кw гд\сь посла' мя до i=_орда'на. 
и= рече` _е=лiссе'й: жи'въ гд\сь, и= жива` душа` твоя`, 
а='ще w=ста'влю тебе`. И= поидо'ста _о='ба, и= пятьдеся'тъ 
муже'й w\т сынw'въ пр\оро'ческихъ прiидо'ша, и= ста'ша 
пря'мw и=здале'ча: _о='ба же ста'ста при i=_орда'нjь. И= 
прiя'тъ и=лiа` ми'лwть свою`, и= сви'тъ ю=`, и= порази` 
_е='ю во'ды: и= раздjьли'ся вода` сю'ду и= сю'ду, и= 
преидо'ста _о='ва по су'ху. И= бы'сть jа='кw преидо'ста и= 
рече` и=лiа` _е=лiссе'ю: проси`, что` сотворю` тебjь`, 
пре'жде да'же не взя'тъ бу'ду w\т тебе`. И= рече` 
_е=лiссе'й: да бу'детъ о_у='бw дх~ъ и='же къ тебjь`, сугу'бъ 
во мнjь`. И= рече` и=лiа`: w=жесточи'лъ _е=си` проси'ти: 
_о=ба'че а='ще о_у=ви'диши мя` взе'млема w\т тебе`, бу'детъ 
ти` та'кw, а='ще ли же не о_у=ви'диши, не бу'детъ. И= бы'сть 
и=ду'щымъ и=`мъ, и= глаго'лющымъ, и= се` колесни'ца 
_о='гненна, и= ко'ни _о='гненни, и= раздjьли` между` 
_о=бjь'ма. и= взя'тся и=лiа` тру'сомъ, jа='кw на нб~о. И= 
_е=лiссе'й зря'ше, и= то'й вопiя'ше: _о='тче, _о='тче, 
колесни'ца i=и~лева, и= ко'ни _е=гw`, и= не ви'дjь _е=гw` 
ктому`. И= jа='тся _е=лiссе'й за ри'зы своя^, и= раздра` я=` 
на дво'е. и= взя'тъ ми'лwть и=лiину` _е=лiссе'й, па'дшую 
верху` _е=гw`. И= w=брати'ся _е=лiссе'й, и= ста` на бре'зjь 
i=_орда'на. И= прiя'тъ _е=лiссе'й ми'лwть и=лiину`, па'дшую 
верху` _е=гw`, и= о_у=да'ри во'ды, и= не раздjьли'шася. И= 
рече` _е=лiссе'й: гдjь` о_у='бw _е='сть бг~ъ и=лiи'нъ 
а=пфw`; и= о_у=да'ри _е=лiссе'й во'ды второ'е, и= 
раздjьли'шася во'ды, и= пре'йде по су'ху.

На лiтi'и стiхи'ра хра'ма. И= ст~а'гw самогла'сны. 
Гла'съ д~:

Нетлjь'ннагw соедине'нiя прича'стникъ, бл~же'нне 
пр\оро'че бы'лъ _е=си`: w= бз~jь сп~сjь мое'мъ, мл~твою 
i=_орда'нъ раздjьли'въ, по су'ху преше'лъ _е=си`, и= на 
_о='гненнjьй колесни'цjь, jа='кw на нб~са` восхище'нъ бы'лъ 
_е=си`, сугу'бую бл~года'ть _е=лiссе'ю w=ста'вль. тjь'мже 
мо'лимъ тя`, а='ще и= тjь'ломъ восхище'нъ бы'лъ _е=си`, но 
дх~омъ w\т на'съ не разлуча'йся, и= всегда` хр\сту` моли'ся, 
сп~сти'ся душа'мъ на'шымъ.

Свjьтоза'ренъ _о='блакъ бж~е'ственный, пр\оро'че, 
jа=ви'лся _е=си`, и=ска'пая ту'чу бг~оразу'мiя всjь^мъ 
вjь^рнымъ, напая'я бога'тнw вiно'мъ весе'лiя всjь'хъ, 
вjь'рою прити'чущихъ къ бж~е'ственнjьйшему хра'му твоему`. 
тjь'мже мо'лимъ тя` бж~е'ственный пр\оро'че, и= бг~ови'дче, 
и=лiе`, побjь'ды на враги` i=мпера'тору на'шему да'руй, и= 
душа'мъ на'шымъ ве'лiю мл\сть.

Самоде'ржцу о_у=му` пло'ть покори'лъ _е=си`, 
бж~е'ственный и=лiе` пр\оро'че, о_у=се'рднw восхожд_е'нiя 
jа='кw по ст_епе'немъ въ се'рдцы твое'мъ полага'я. тjь'мже 
и= непра'вдовавша царя` w=бличи'въ, гнjь'ва бж~iя 
запреще'нiе и=зре'къ. и= сту^дныя свяще'нники jа='кw 
непра'ведны ноже'мъ погуби'лъ _е=си`, и= всjь'хъ научи'лъ 
_е=си` jа='снw вопи'ти: вои'стинну _е=ди'нъ _е='сть бг~ъ, 
_е=го'же и=лiа` проповjь'да. 

Сла'ва, гла'съ s~.

_W нечести'ва царя` повелjь'нiя! _w поста` и=спо'лнена 
кро'ве и= беззако'нiя! заповjь'да по'стъ да о_у=бi'йство 
сотвори'тъ, и= а='бiе о_у=бiе'нъ бы'сть навуfе'й 
i=и~льтянинъ. что' же, пр\оро'че, къ си^мъ ре'клъ _е=си`; 
jа='кw та'кw глаго'летъ гд\сь: поне'же без\ъ пра'вды му'жа 
i=и~льтянина о_у=би'лъ _е=си`, та'кожде и= твоя` кро'вь 
пролiе'на бу'детъ, и= блудни^цы въ кро'ви твое'й и=змы'ются. 
но мл~твами, хр\сте`, твоегw` пр\оро'ка и= проповjь'дника, 
такова'гw безчеловjь'чества и=зба'ви ду'шы на'шя, jа='кw 
чл~вjьколю'бецъ.

И= ны'нjь, Бц\де, ты` _е=си` лоза`: 

На стiхо'внjь стiхи^ры, гла'съ и~:

Подо'бенъ: _W пресла'внагw чудесе`!

И=лiа` пр\оро'къ преди'вный, заре'ю о_у='мъ 
просвjьти'въ, ве'сь бы'сть бж~е'ственъ: и= царя` нечести'ва 
су'дъ непра'ведный зря` негоду'етъ, тjь'мже и= судо'мъ 
бж~iимъ w\трече'нiе посыла'етъ на него`: та'кожде и= цари'цу 
jа='кw неми'лостиву, и= златолюби'ву, суду` бж~iю предаде`. 
но мл~твами, хр\сте`, твоегw` пр\оро'ка и=лiи` сп~си` 
всjь'хъ на'съ, jа='кw мл\срдъ.

Стi'хъ: Мwv"се'й и= а=арw'нъ во i=ере'ехъ _е=гw`, и= 
саму'илъ въ призыва'ющихъ и='мя _е=гw`.

Доко'лjь, гд\си, пу'ть нечести'выхъ спjь'ется, пр\оро'че 
ре'клъ _е=си` ты` насади'лъ _е=си`, и= вкорени'шася, и= 
сотвори'ша пло'дъ беззако'нiя. вои'стинну и= са'ми sлjь` 
погибо'ша нече'стiемъ свои'мъ. возопiю'тъ къ тебjь`, и= не 
о_у=слы'шиши. вску'ю ми` показа'лъ _е=си` нече'стiе суде'й 
законопресту'пныхъ;

Стi'хъ: Ты` _е=си` i=ере'й во вjь'къ, но чи'ну 
мелхiседе'кову. 

И='же ч\стно'е твое` восхожде'нiе, чт\сны'й во 
пр\оро'цjьхъ, вели'кiй и=лiе`, пра'зднующихъ, твои'ми 
мл~твами, w\т бjь'дъ и=збавля'й и= скорбе'й, и= лю'тыхъ 
нахожде'нiй. да всегда` тебе`, пресла'вный пр\оро'че, 
хр\стоимени'тiи лю'дiе, почита'емъ и= о_у=бл~жа'емъ.

Сла'ва, гла'съ s~:

Пр\оро'че, проповjь'дниче хр\сто'въ, престо'ла 
вели'чествiя никогда'же w\тступа'еши, и= коему'ждо боля'щу 
при'снw предстои'ши, въ вы'шнихъ служя`, вселе'нную 
бл~гословля'еши, всю'ду прославля'емь, проси` w=чище'нiя 
душа'мъ на'шымъ. 

И= ны'нjь, бг~оро'диченъ: Творе'цъ и= и=зба'витель:

Тропа'рь, гла'съ д~: 

Во пло'ти а='гг~лъ, пр\оро'кwвъ w=снова'нiе, вторы'й 
предте'ча прише'ствiя хр\сто'ва, и=лiа` сла'вный, свы'ше 
посла'вый _е=лiссе'еви бл~года'ть, неду'ги w\тгоня'ти, и= 
прокаж_е'нныя w=чища'ти. тjь'мже и= почита'ющымъ _е=го` 
то'читъ и=сцjьл_е'нiя. 

Сла'ва, и= ны'нjь, бг~оро'диченъ: _Е='же w\т вjь'ка 
о_у=тае'ное:

На о_у='трени

на Бг~ъ гд\сь, тропа'рь два'жды. 

Сла'ва, и= ны'нjь, бг~оро'диченъ. 

По а~-мъ стiхосло'вiи сjьда'ленъ, гла'съ а~:

На _о='гненную колесни'цу. jа='кw на крилу` вjь'тренню 
возше'дъ бж~е'ственный пр\оро'че, къ нб~с_е'мъ пресла'внw 
ше'ствiе дне'сь твори'ши, свы'ше сугу'бую бл~года'ть и= 
ми'лwть _е=лiссе'еви w=ста'вль. [Два'жды.]

Сла'ва, и= ны'нjь, бг~оро'диченъ.

Мт~рь тя` бж~iю мо'лимъ вси`, дв~у вои'стинну и= по 
рж\ствjь` jа='вльшуюся, любо'вiю прибjьга'ющiи къ твое'й 
бла'гости. тебе' бо и='мамы грjь'шнiи предста'тельницу, 
тебе` стяжа'хомъ въ напа'стехъ сп~се'нiе, _е=ди'ну 
всенепоро'чную. 

По в~-мъ стiхосло'вiи сjьда'ленъ, гла'съ г~.

Хра'мъ тво'й бж~е'ственный всjь^мъ и=сцjьл_е'нiя 
незави'стнw и=сточа'етъ, пр\оро'че пречу'дне, съ 
_е=лiссе'емъ преди'внымъ, хр\сту` вку'пjь моля'щеся, 
низпосла'ти ми'ръ мi'рови, и= лю'демъ чту'щымъ ва'съ ве'лiю 
мл\сть. [Два'жды.]

Сла'ва, и= ны'нjь, бг~оро'диченъ:

Кi'йждо и=дjь'же сп~са'ется, та'мw пра'веднw и= 
притека'етъ, и= ко'е и=но'е таково'е прибjь'жище, jа='кw 
ты`, бц\де, покрыва'ющее ду'шы на'шя. 

По полv"еле'и сjьда'ленъ, гла'съ и~:

Прему'дрости jа='кw рачи'тель бы'въ, пр\оро'че 
всеч\стне, непра'ведна царя` непра'вдующа jа='вjь 
w=бличи'въ, и= о_у=вjь'рилъ _е=си` вопи'ти: вои'стинну бг~ъ 
_е=ди'нъ _е='сть, и='же и=лiе'ю проповjь'дуемый. w\тсю'ду же 
i=езаве'ль w= восхище'нiи, и= w= златолю'бiи w=бличи'лъ 
_е=си`, пр\оро'че и= предте'че прише'ствiя хр\сто'ва, и=лiе` 
великоимени'те, моли` хр\ста` бг~а, грjьхw'въ w=ставле'нiе 
дарова'ти, восхожде'нiе твое` вjь'рнw сла'вящымъ.

Сла'ва, и= ны'нjь, бг~оро'диченъ:

Jа='кw дв~у и= _е=ди'ну въ жена'хъ, тя` без\ъ сjь'мене 
ро'ждшую бг~а пло'тiю, вси` о_у=бл~жа'емъ ро'ди 
человjь'честiи: _о='гнь бо всели'ся въ тя` бж~ества`, и= 
jа='кw мл\днца млеко'мъ пита'еши зижди'теля и= гд\са. тjь'мъ 
а='гг~льскiй и= человjь'ческiй ро'дъ, досто'йнw сла'вимъ 
прест~о'е рж\ство` твое`, и= согла'снw вопiе'мъ ти`: моли` 
хр\ста` бг~а согрjьше'нiй w=ставле'нiе дарова'ти, 
покланя'ющымся вjь'рою прест~о'му рж\ству` твоему`.

Та'же степ_е'нна, а~-й а=нтiфw'нъ, д~-гw гла'са. 

Прокi'менъ, гла'съ д~: Ты` i=ере'й во вjь'къ, по чи'ну 
мелхiседе'кову. Стi'хъ: Рече` гд\сь гд\севи моему`: сjьди` 
w=десну'ю мене`, до'ндеже положу` враги` твоя^ подно'жiе 
но'гъ твои'хъ. Вся'кое дыха'нiе: _Е=v\глiе луки`, зача'ло 
д~_i. По н~-мъ _псалмjь` стiхи'ра, гла'съ д~:

На _о='гненнjьй колесни'цjь на _о='блакъ взя'лся _е=си`, 
и= во страну` свjьтови'дну преложи'лся _е=си`, _w 
fесвi'тянине и=лiе`, сту^дныя проро'ки посрами'въ: и='же 
не'бо сло'вомъ связа'вый, та'кw разрjьши` и= на^ша 
согрjьш_е'нiя, ко гд\су мл~твами твои'ми, и= сп~си` ду'шы 
на'шя. 

Канw'нъ бц\ды, со i=рмосо'мъ на s~, гла'съ и~: Во'ду 
проше'дъ:

И= пр\оро'ка два` канw'на, на и~. 

Пе'рвый канw'нъ, гла'съ в~.

Пjь'снь а~.

I=рмо'съ: Пои'мъ гд\севи, въ мо'ри дре'вле лю'ди 
наста'вльшему, и= въ не'мъ фараw'на со всево'инствомъ 
погрузи'вшему, пjь'снь побjь'дную, jа='кw просла'вися.

Ви'дjьти жела'ющiи и=лiи` чуде'съ _о=гнедохнове'нную 
си'лу, _о=гнезра'чнагw и= чт\сна'гw я=зы'ка, дх~а 
крjь'пость, по достоя'нiю собра'хомся. 

О_у=стнjь`, бг~оно'се, и= недоумjь'ннагw я=зы'ка, 
тjьсноту' же и= худогла'сiе, дjь'йствомъ _е='же въ тебjь` 
дх~а w\тве'рзи, и= о_у=ясни` къ пjь'нiю чуде'съ твои'хъ.

Дае'ши па'че _е=стества` повину'вшымся, сло'ве, 
чт\сны^мъ твои^мъ повелjь'нi_емъ, и= покаря'еши дождю` 
дв_е'ри дх~омъ, о_у=твержда'емо сло'во содjьва'я.

Бг~оро'диченъ: Пое'мъ гд\севи w\т дв~ы рожде'нному, и= 
мi'ръ w=бно'вльшему, и= тоя` ра'ди на'мъ жи'знь 
бж~е'ственную дарова'вшему, пjь'снь побjь'дную, jа='кw 
просла'вися. 

Другi'й канw'нъ, [творе'нiе i=еромона'ха пахw'мiа,] 
_е=гw'же краестро'чiе: Пою` хвалу` вели'кому и=лiи`. Гла'съ 
и~.

Пjь'снь а~.

I=рмо'съ: Во'ду проше'дъ jа='кw су'шу, и= _е=гv'петскагw 
sла` и=збjьжа'въ, i=и~льтянинъ вопiя'ше: и=зба'вителю и= 
бг~у на'шему пои'мъ.

_О=рга'нъ jа=ви'лся _е=си`, о_у=даря'емь бж~е'ственнымъ 
бряца'ломъ, пр\оро'че пречу'дный, всевjь'дца бг~а 
воспjьва'я, w\тмще'нiе пра'ведно всjь^мъ даю'ща по дjьлw'мъ 
и='хъ.

И='же не терпя` пре'лести, пр\оро'че чу'дный, царя` 
w=бличи'лъ _е=си` непра'вдующа w= беззако'нiи: тjь'мже су'дъ 
бж~iй по'лнъ гнjь'ва, тому` нане'слъ _е=си` w=сужде'нiя.

Пр\оро'че и= предте'че бл~года'ти, бж~е'ственный и=лiе`, 
а=ха'ва нечести'ваго царя`, ты` jа='кw законопресту'пника 
w=бличи'въ, сту^дныя свяще'нники jа='кw непреподо'бны 
погуби'лъ _е=си`.

Бг~оро'диченъ: Хр\сто'ву мт~рь въ пjь'снехъ воспjь'ти 
досто'йнw вjь'рнiи потщи'мся, jа='кw сп~са всjь'хъ ро'ждшую, 
живото'мъ и= сме'ртiю вл\дчествующаго. 

Катава'сiа: W\тве'рзу о_у=ста` моя^.

Пjь'снь г~.

I=рмо'съ: На ка'мени мя` вjь'ры о_у=тверди'въ разшири'лъ 
_е=си` о_у=ста` моя^ на враги^ моя^, возвесели' бо ся ду'хъ 
мо'й, внегда` пjь'ти: нjь'сть ст~ъ, jа='коже бг~ъ на'шъ и= 
нjь'сть пра'веденъ, па'че тебе`, гд\си. 

Jа='кw и=зря'денъ пр\оро'че о_у=чрежди'тель, и='же 
вра'номъ творя` тебjь` гоще'нiе, _е=ди'ный насыща'яй вся'кw 
живо'тно бл~говоле'нiя. _е=му'же вси` зове'мъ: ты` _е=си` 
бг~ъ на'шъ, и= нjь'сть ст~а па'че тебе`, гд\си.

Бл~года'ть бл~годjь'телю и= строи'телю, вдови'цу и= 
пр\оро'ка напита'вшему, неизрече'ннымъ промышле'нiемъ. 
_е=му'же вси` зове'мъ: ты` _е=си` бг~ъ на'шъ, и= нjь'сть 
ст~а па'че тебе`, гд\си.

Затвори'вый тученw'сныя _о='блаки w=дожди'ти, пи'щи 
лиша'емjь саре'фfjь, w=ста'нокъ бра'шна непреста'ннw роси'ти 
сотвори`. ты' же взыва'лъ _е=си`: нjь'сть ст~а па'че тебе`, 
гд\си.

Бг~оро'диченъ: Ты` _е=ди'на па'че всjь'хъ w\т вjь'ка, 
вели^кимъ сподо'билася _е=си`, и= па'че _е=стества`: бг~а бо 
невмjьсти'маго все'ю тва'рiю, во чре'вjь прiя'ла _е=си`, и= 
воплоти'ла _е=си`. тjь'мже бц\ду тя` вси` почита'емъ.

И='нъ.

I=рмо'съ: Нб\снагw кру'га верхотво'рче, гд\си, и= цр~кве 
зижди'телю, ты` мене` о_у=тверди` въ любви` твое'й, жела'нiй 
кра'ю, вjь'рныхъ о_у=твержде'нiе, _е=ди'не чл~вjьколю'бче.

Всjь'хъ мл\стивнw пр\оро'че наказу'еши, и= всjь'хъ 
ми'луеши, къ тебjь` вjь'рою притека'ющихъ во хра'мъ тво'й, 
и= по'мощи w\т тебе` прося'щiи, ника'коже погрjьши'ша.

А=ха'ва нечести'ваго царя`, ты`, бж~е'ственный 
пр\оро'че, w=бличи'лъ _е=си`: и= jа='кw престу'пника 
зако'на, судо'мъ бж~iимъ w=суди'лъ _е=си`.

Безсту'дная цари'ца i=езаве'ль, тебе` бж~е'ственнjьйшiй 
пр\оро'че и=ска'ше о_у=би'ти, jа='кw на тоя` несвящ_е'нныя 
свяще'нники, по достоя'нiю су'дъ сме'ртный наве'лъ _е=си`.

Бг~оро'диченъ: Мjь'сто сщ~е'нiя сла'вы, и= мы'сленную 
чт\сая трапе'зу, хлjь'бъ хр\ста` жи'знь всjь'хъ прiе'мшую, 
пое'мъ тя`, вл\дчце. 

Сjьда'ленъ, гла'съ и~: 

Подо'бенъ: Прему'дрости:

И=сто'чника чуде'съ, пр\оро'кwвъ о_у=добре'нiе, вси` 
пjь'сненнw, вjь'рнiи, восхва'лимъ, fесвi'тянина и=лiю`: съ 
пло'тiю бо _е=ще` сы'й безсме'ртенъ, jа='кw ме'ртвъ 
о_у=вjьря'етъ ме'ртвыхъ воста'нiе. тjь'мже дерзнове'нiе къ 
бг~у и=мjь'я, подава'етъ и=сцjьл_е'нiя вjь'рою прося'щымъ, 
и= мо'лится хр\сту` прилjь'жнw, согрjьше'нiй w=ставле'нiе 
пода'ти, пра'зднующымъ любо'вiю ст~у'ю па'мять _е=гw`. 
[Два'жды.]

Сла'ва, и= ны'нjь, бг~оро'диченъ:

Въ напа^сти многоплет_е'нныя впа'дъ w\т вра^гъ ви'димыхъ 
и= неви'димыхъ, бу'рею w=держи'мь безчи'сленныхъ 
согрjьше'нiй мои'хъ: и= jа='кw къ те'плому заступле'нiю и= 
покро'ву моему`, чт\сая, ко приста'нищу притека'ю твоея` 
бл~гости. тjь'мже преч\стая, и=з\ъ тебе` воплоще'нному без\ъ 
сjь'мене, моли'ся прилjь'жнw w= всjь'хъ рабjь'хъ твои'хъ, 
непреста'ннw моля'щихъ ти ся, бц\де преч\стая, моля'щи 
_е=го` при'снw, согрjьше'нiй w=ставле'нiе дарова'ти 
воспjьва'ющымъ досто'йнw сла'ву твою`.

Пjь'снь д~.

I=рмо'съ: О_у=слы'шахъ, гд\си, слу'хъ твоегw` 
смотре'нiя, и= просла'вихъ тя`, _е=ди'не чл~вjьколю'бче.

Кореносjька'тель о_у='бw jа=ви'лся _е=си` sло'бы, му'дре 
пр\оро'че, добродjь'тели же насади'тель. тjь'мже тя` 
о_у=блажа'емъ.

О_у=коря'ше тя` словесы` вдови'ца пи'щею сме'рти, 
пр\оро'че, _о='трока воста'нiе о_у=вjьря'ющи.

Назна'менова сла'ву тр\оческую jа='вjь дунове'нiемъ 
тричи'сленнымъ, ма'тери дjь'тища жи'ва дарова`.

Ко'ль разже'глся _е=си`, паля` бж~е'ственнымъ _о=гне'мъ, 
и= ре'вностiю _w пр\оро'че, царя` w=блича'я творя'ща 
беззакw'нiя.

Бг~оро'диченъ: Мо'лимъ тя`, чт\сая, бг~а без\ъ сjь'мене 
заче'ншую, при'снw моли'тися за рабы^ твоя^.

И='нъ. 

I=рмо'съ: О_у=слы'шахъ, гд\си, слу'хъ тво'й и= 
о_у=боя'хся, jа='кw неизрече'ннымъ совjь'томъ, бг~ъ сы'й 
присносу'щный, w\т дв~ы проше'лъ _е=си` вопло'щься. сла'ва 
снизхожде'нiю твоему`, хр\сте`, си'лjь твое'й.

Вjьнча' тя гд\сь пр\оро'ка прему'дре, и= бл~года'ть 
тебjь` да'руя прорица'ти бу^дущая, jа='кw настоя^щая. 
тjь'мже ны'нjь словес_е'мъ сбытiе` зря'ще, хвала'ми при'снw 
тя` jа='кw и='стиннаго пр\оро'ка о_у=бл~жа'емъ.

_Е=ли'кw по премно'гу смиреному'дрiемъ о_у=кра'шена, 
пр\оро'ка твоегw` душа`, хр\сте` бж~е: толи'кw па'че _о=гня` 
ре'вностiю распаля'ема, сту^дныя свяще'нники погуби`.

Лице'мъ, jа='кw зерца'лwмъ разрjь'шшымся, лицу` 
хр\сто'ву предстои'ши, пречу'дне пр\оро'че: w\т_ону'дуже 
на'съ ми'лостивнw посjьща'й, да вси' тя хвала'ми jа='кw 
пр\оро'ка о_у=бл~жа'емъ.

Бг~оро'диченъ: Наде'жду и= о_у=твержде'нiе, и= сп~се'нiя 
стjь'ну неруши'му, тя` стяжа'вше всепjь'тая, sло'бы вся'кiя 
и=збавля'емся.

Пjь'снь _е~.

I=рмо'съ: Свjь'та пода'телю, и= вjькw'въ тво'рче, гд\си, 
во свjь'тjь твои'хъ повелjь'нiй наста'ви на'съ: ра'звjь бо 
тебе` и=но'гw бг~а не зна'емъ.

Зако'нъ _о=те'ческiй тя`, jа='кw моли'твенника 
всеи'стинна показа`, чудодjь'йственника, w=браща'юща 
_е=стества` стiхi'й, и=лiе`, и= преподо'бну же'ртву 
попаля'юща вода'ми.

Посрами'лъ _е=си` и=зря'днw, jа='кw и='стины служи'тель, 
преподо'бне, скве'рнагw студа` пр\оро'ки, всебл~же'нне 
и=лiе`, jа='вjь начерта'въ тр\оческую си'лу. 

Сло'вомъ бл~года'ти сщ~е'нствуя, и=лiе`, закла'лъ _е=си` 
свяще'нники сту^дныя непови'нными твои'ми рука'ми, jа='коже 
_о=гне'мъ ре'вностiю w=паля'емь.

Бг~оро'диченъ: Тебjь` ро'ждшей хр\ста` всему` содjь'теля 
взыва'емъ: ра'дуйся, ч\стая, ра'дуйся свjь'тъ возсiя'вшая 
на'мъ, ра'дуйся, вмjьсти'вшая бг~а невмjьсти'маго.

И='нъ.

I=рмо'съ: Вску'ю мя` w\три'нулъ _е=си` w\т лица` 
твоегw`, свjь'те незаходи'мый, и= покры'ла мя` _е='сть 
чужда'я тьма` _о=кая'ннаго; но w=брати' мя, и= къ свjь'ту 
за'повjьдей твои'хъ пути^ моя^ напра'ви, молю'ся.

И='же бж~е'ственныя бл~года'ти jа=вле'на незаходи'мая 
заря`, и= о_у='мъ бж~е'ственнjьйшiй, пр\оро'че и=лiе`, 
и='скреннw стяжа'въ бл~гочести'выхъ къ пjь'нiю 
возставля'еши.

Кто` не о_у=диви'тся бж~е'ственнjьй ре'вности твое'й, 
пр\оро'че всеч\стне; кто' ли не воспое'тъ хр\ста`, толи'ку 
крjь'пость тебjь` дарова'вшаго;

W\т бг~а пр\оро'че о_у=краси'лся _е=си` пр\оро'чествомъ, 
и=лiе` пречу'дне, w\тню'дъ бг~у ве'сь соедини'вся, пре'лесть 
w=блича'я, i=и~льтяны къ бж~iю позна'нiю приве'лъ _е=си`.

Бг~оро'диченъ: Сл~нце ро'ждши бц\де незаходи'мое, всего' 
мя просвjьти` w=мраче'ннаго страстьми` и= и=спо'лни мя` 
бж~е'ственнагw свjь'та.

Пjь'снь s~.

I=рмо'съ: Бе'здна согрjьше'нiй w=бы'де мя` послjь'дняя, 
но jа='кw пр\оро'ка i=w'ну, гд\си, гд\си, возведи` и=з\ъ 
и=стлjь'нiя живо'тъ мо'й.

Сто'лпъ бл~гоче'стiя и= житiя` чт\сагw, сади'тель 
чистоты` бы'лъ _е=си`: а='гг~лwмъ же подо'бникъ, чу'дный 
и=лiе` бг~оно'се.

Гнjь'въ тя` пр\орокоубi'йцы жены` о_у=страши'въ, вяза'ти 
и= рjьши'ти прiи'мша дожд_е'въ тече'нiе, чу'дный и=лiе` 
бjь'гати твори'тъ. 

Возвы'силъ _е=си` кwлjь'на преклони'въ, о_у=ма` 
превознесе'нное _о='ко, мольбо'ю и=зря'дною рjьше'нiе 
творя`, и= бразды^ земны^я о_у=пои'лъ _е=си` ту'чами.

Бг~оро'диченъ: Купина' тя въ сiна'и, неwпа'льнw 
прибли'жившися _о=гню`, преднапису'етъ мт~рь приснодв~у, 
всепjь'тая бц\де мр~i'е. 

И='нъ.

I=рмо'съ: W=чи'сти мя`, сп~се, мнw'га во беззакw'нiя 
моя^, и= и=з\ъ глубины` sw'лъ возведи`, молю'ся: къ тебjь` 
во возопи'хъ, и= о_у=слы'ши мя`, бж~е сп~се'нiя моегw`.

Моле'бное пjь'нiе приноси` къ бг~у, пр\оро'че 
всеч\стны'й, w= всjь'хъ въ бж~е'ственный хра'мъ тво'й 
притека'ющихъ, да тя` всегда` jа='кw вели'ка засту'пника 
почита'емъ.

О_у='мъ человjь'чь не дости'гнетъ житiе` твое`, 
пр\оро'че, по досто'инству похвали'ти: па'че о_у='бw 
о_у='мныхъ чинw'въ возвели'чился _е=си`, зря` хр\сто'во 
преwбраже'нiе.

И='же вся'ческихъ гд\сь и= творе'цъ на'мъ jа=ви'ся, по 
твоему` пр\оро'честву, бл~же'нне и=лiе`, вся^ человjь'ки 
призыва'я къ позна'нiю своему`, jа='кw чл~вjьколю'бецъ.

Бг~оро'диченъ: Мр~i'е чт\сый дв\ства сосу'де, w=чи'сти 
мо'й о_у='мъ w\т страстна'гw w=мраче'нiя, и= и=спо'лни 
бл~года'ти и= пра'вды се'рдце мое`, всенепоро'чная.

Конда'къ, гла'съ в~: 

Пр\оро'че и= прови'дче вели'кихъ дjь'лъ бг~а на'шегw, 
и=лiе` великоимени'те, вjьща'нiемъ твои'мъ о_у=ста'вивый 
водотw'чныя _о='блаки, моли` w= на'съ _е=ди'наго 
чл~вjьколю'бца.

I='косъ: Мно'гое человjь'кwвъ беззако'нiе, бж~iе же 
мно'гое чл~вjьколю'бiе зря` пр\оро'къ смуща'шеся, и=лiа` 
jа=ря'ся, и= словеса` неми'лостивна, къ мл\стивному 
подви'же, прогнjь'вайся возопи'въ, на w\тме'щущыяся тебе`, 
судiе` пра'ведный, но о_у=тро'бу бл~га'гw ника'коже 
подви'же, _е='же му'чити тогw` w\тмета'ющыяся: при'снw бо 
покая'нiя всjь'хъ жде'тъ _е=ди'ный чл~вjьколю'бецъ. 

Пjь'снь з~.

I=рмо'съ: Купина` на горjь` _о=гнеwпа'льная, и= 
росоно'сная пе'щь халде'йская, jа='вjь предписа' тя, 
бг~оневjь'сто: бж~е'ственный бо невеще'ственный въ 
веще'ственнjьмъ чре'вjь, _о='гнь неwпа'льнw прiя'ла _е=си`. 
тjь'мже и=з\ъ тебе` ро'ждшемуся пое'мъ: бл~гослове'нъ 
_е=си`, бж~е _о=т_е'цъ на'шихъ.

Пресла'внw бж~е'ственною ты` воwбраже'нною си'лою 
w=бле'кся пи'щею четыредесятодне'вною, и=лiе` чу'дный, 
до'лгiй ше'ствовалъ _е=си` пу'ть. тjь'мже въ хwри'вjь 
глаго'лалъ _е=си`: бл~гослове'нъ бг~ъ _о=т_е'цъ на'шихъ.

Хла'дъ кро'токъ показа` и= то'нокъ гд\са тебjь`, и=лiе`, 
по бз~jь ревну'ющу вседержи'тели: не ду'хъ бу'ренъ, ни 
тру'съ, ни _о='гнь страша'яй. тjь'мже i=и~су кро'ткому 
пjь'лъ _е=си`: бл~гослове'нъ _е=си`, бж~е, _о=т_е'цъ 
на'шихъ.

Бг~оявле'нiя сподо'бился _е=си` и= пр\оро'чества, 
jа='коже вели'кiй мwv"се'й, пр\оро'ки помазу'я дх~омъ, и= 
цари`, и=лiе` чу'дный, и= сла'вы на fавw'рjь хр\сто'вы 
зри'тель бы'въ, пjь'лъ _е=си`: бл~гослове'нъ _е=си` бж~е 
_о=т_е'цъ на'шихъ.

Бг~оро'диченъ: Ражда'еши без\ъ сjь'мене безнача'льнаго 
и= превjь'чнаго гд\са, _о='ч~а сн~а, му'дрость же и= си'лу, 
напослjь'докъ, преч\стая, па'че _е=стества` пло'тiю, на 
w=бновле'нiе земны'хъ. тjь'мже и=з\ъ тебе` ро'ждшемуся 
зове'мъ: бл~гослове'нъ бг~ъ _о=т_е'цъ на'шихъ.

И='нъ.

I=рмо'съ: W\т i=уде'и доше'дше _о='троцы, въ вавv"лw'нjь 
и=ногда`, вjь'рою тр\оческою пла'мень пе'щный попра'ша 
пою'ще: _о=тц_е'въ бж~е бл~гослове'нъ _е=си`.

Лю'ди i=и~л_евы, съ пятидесятонача'льникомъ къ тебjь` 
бж~е'ственный и=лiе` прише'дшыя, _о=гне'мъ съ нб~се` jа='кw 
недостw'йныя попали'лъ _е=си`. 

И='же бг~овидjь'нiемъ w=сiя'емь, досто'йнw 
бж~е'ственнjьйшiй пр\оро'къ бы'лъ _е=си`, и=лiе` 
всеч\стны'й, и= ваа'лwвы ж_е'ртвы w\тню'дъ о_у=праздни'лъ 
_е=си`.

_Е=ли'кw дх~ъ прест~ы'й подаде` прорица'ти, всеч\стны'й 
пр\оро'че и=лiе`, проре'клъ _е=си` w= прише'ствiи сн~а 
бж~iя, и= не погрjьши'лъ всебл~же'нне. _е=му'же пое'мъ: 
бл~гослове'нъ бг~ъ _о=т_е'цъ на'шихъ.

Сту^днымъ свяще'нникwмъ трапе'зу i=езаве'лину 
непра'веднw jа=ду'щымъ, вои'стинну судо'мъ бж~iимъ, и= 
пр\оро'ка руко'ю jа='дъ сме'рти по достоя'нiю w\тры'гнуся.

Бг~оро'диченъ: Сп~си' мя, мт~и бж~iя, содержи'ма 
глубино'ю согрjьше'нiй, и= вся'кiя врагw'въ и=схити` sло'бы, 
да твое` сп~са'емь велича'ю заступле'нiе.

Пjь'снь и~.

I=рмо'съ: О_у=страши'ся _о=трокw'въ бл~гочести'выхъ 
соwбра'знагw души`, нескве'рнагw тjь'ла, и= о_у=страни'ся 
воспита'нный въ безмjь'рномъ веществjь`, неутружде'нъ 
_о='гнь, присноживу'щу же и=з\ъувя'дшу пла'меню, вjь'чнующая 
пjь'снь воспjьва'шеся: гд\са вся^ дjьла` по'йте, и= 
превозноси'те во вся^ вjь'ки.

И=зря'днw w=брjь'те а=ха'въ ро'да w\траже'нiе 
всегуби'тельное, пр\оро'ка w=бличе'нiемъ скве'рнагw 
о_у=бi'йства ме'рзкое муче'нiе. fесвi'тянинъ же w\т 
_о=гнедохнове'нна о_у=ма` жизнода'телю пjь'снь воспjьва'ше: 
гд\са вся^ дjьла` по'йте, и= превозноси'те во вся^ вjь'ки.

Дожди'тъ тебjь` _о='гнь съ нб~се`, попаля'я, и=лiе`, 
_о=держи'мыхъ пятьдеся'тъ сугу'бw, jа='кw бж~iю и=зря'дну 
служи'телю: держа'щему бо присноживо'тную жи'знь, 
бг~олjь'пнw пjь'снь взыва'лъ _е=си`: гд\са вся^ дjьла` 
по'йте, и= превозноси'те во вся^ вjь'ки.

Таи'нника тя` показа` хр\сто'съ, jа='кw чистоты` 
сади'теля, и= дjь'вства пребж~е'ственное прозябе'нiе, на 
fавw'рjь бж~е'ственнагw воплоще'нiя, бж~ества` непостижи'мый 
свjь'тъ во свое'й пло'ти показа'въ тебjь` зову'щу: гд\са 
вся^ дjьла` по'йте, и= превозноси'те во вся^ вjь'ки.

Бг~оро'диченъ: Всебога'тна бы'сть о_у=тро'ба бж~iя 
мт~ре, jа='кw прiи'мши сло'во дебельство'мъ пло'ти, w\т нея` 
смjь'шена земна'гw зра'ка по v=поста'си, jа=ви'ся гра'дъ 
бж~iй, въ не'мже вы'шнiй жи'ти бл~говоли`. _е=му'же пое'мъ: 
гд\са вся^ дjьла` по'йте, и= превозноси'те во вся^ вjь'ки.

И='нъ.

I=рмо'съ: Цр~я` нб\снаго, _е=го'же пою'тъ во'и 
а='гг~льстiи, хвали'те, и= превозноси'те во вся^ вjь'ки.

И='же вся^ вjь'дый jа='кw бг~ъ, бу'дущихъ и= бы'ти 
хотя'щихъ ра'зумъ, тебjь`, и=лiе`, jа='кw вjь'рну су'щу 
ввjьря'етъ, и= дале'че су^щая jа='кw бли'зъ показу'етъ.

Бл~гочести'вымъ дерзнове'нiемъ вжили'въ о_у='мъ тво'й, 
бл~же'нне пр\оро'че, прорица'еши разстоя^щаяся, jа='кw 
бли'зъ су^щая, всеч\стны'й пр\оро'че.

W=чи'стивъ w\т вся'кiя скве'рны, бж~е'ственный 
пр\оро'че, тво'й о_у='мъ, тjь'мъ и= ве'сь ст~ъ бы'лъ _е=си`, 
къ бж~е'ственному свjь'ту всjь'хъ наставля'я.

Бг~оро'диченъ: _Е=го'же родила` _е=си` сло'во па'че 
сло'ва, бг~ороди'тельнице ч\стая, w= на'съ моли` вjь'рнw 
чту'щихъ тя`.

Пjь'снь f~.

I=рмо'съ: Jа='же пре'жде со'лнца свjьти'льника бг~а 
возсiя'вшаго, плотски` къ на'мъ прише'дшаго, и=з\ъ боку` 
дв~чу, неизрече'ннw воплоти'вшая, бл~гослове'нная всеч\стая, 
тя`, бц\де, велича'емъ.

Нетре'нное человjь'ки ше'ствiе на земли` пожи'въ, 
ми'лwтiю струю` i=_орда'нскую fесвi'тянинъ преше'дъ, 
_о=ру'жникъ возду'шный неботе'чное соверши` стра'нное 
ше'ствiе дх~омъ.

Бл~гоче'стiя ре'вностiю fесвi'тянинъ w=паля'емь, на 
_о=гнезра'чнjьй колесни'цjь взима'ется. ми'лwть же све'рже, 
_е='юже о_у=таи'тися не возмо'же, _е=лiссе'й w=дjь'явся, 
прiе'млетъ бж~е'ственную бл~года'ть. 

W\ткрове'ннjь бг~ови'децъ fесвi'тянинъ съ мwv"се'емъ 
зри'тъ, jа=`же _о='ко не ви'дjь, и= о_у='хо не слы'ша, и= на 
се'рдце человjь^къ земноро'дныхъ не взы'де, воплоще'на 
гд\са, на fавw'рjь вседержи'теля.

Бг~оро'диченъ: Напра'снагw дре'внягw w\тя'тельницу 
w=сужде'нiя, и= прама'тере и=справле'нiе, ю='же ро'да къ 
бг~у вину` присвое'нiя, къ зижди'телю мо'стъ, тя`, бц\де, 
велича'емъ.

И='нъ.

I=рмо'съ: Вои'стинну бц\ду тя` и=сповjь'дуемъ сп~се'ннiи 
тобо'ю, дв~о чт\сая, съ безпло'тными ли'ки тя` велича'юще.

Заре'ю невеще'ственною живонача'льныя тр\оцы, пр\оро'че 
и=лiе` w=божа'емь: тjь'мъ тебе` вси` къ бг~у w= мi'рjь 
мл~твенника приво'димъ, бл~же'нне.

На земли' тя а='гг~ла позна'хомъ, бж~е'ственный 
пр\оро'че, и= на нб~си` w\тню'дъ человjь'ка бж~iя, jа='коже 
и= са'мъ гд\сь рече`: поне'же и=лiа` человjь'къ жесто'къ 
_е=си`, согрjьша'ющу i=и~лю терпjь'ти не мо'жеши, взы'ди ты` 
ко мнjь`, да а='зъ до'лjь сни'ду.

На земли`, бж~е'ственный пр\оро'че, jа='кw безпло'тенъ 
пожи'лъ _е=си`: и= ны'нjь на нб~са` возноси'мь, со 
а='гг~льскими ли'ки ликовству'еши, на'съ свы'ше назира'й, 
пою'щихъ тя` бл~же'нне.

Бг~оро'диченъ: Но'сиши на w=б\ъя'тiяхъ бг~а, нося'щаго 
вся'ч_еская, и= пита'еши пита'теля, чт\сая, на'мъ 
о_у=подо'бльшася: _е=го'же моли`, лю'демъ твои^мъ дарова'ти 
всjь'хъ лю'тыхъ и=збавле'нiе.

Свjьти'ленъ:

Подо'бенъ: Свjь'те неизмjь'нный:

Свjь'тъ на _о='гненнjьй четвероко'нной колесни'цjь, 
небоше'ственно тя` показа'вый _о=ру'жника и=лiе`, не пожре` 
вконе'цъ: _о='гнь бо я=зы'комъ _о='гненнымъ привле'клъ 
_е=си` ни'зу, и= и=зсуши'лъ _е=си` ту'чы. 

Сла'ва: На нб\сныя кру'ги _о='гненною колесни'цею 
возне'слся _е=си`, ны'нjь твою` соверша'ющыя па'мять вjь'рнw 
назира'я, jа='кw свjь'та бли'зъ сы'й, свjь'тъ мы'сленный 
на'мъ дава'й.

И= ны'нjь, бг~оро'диченъ: 

И=`же w\т бг~а мi'рови пода^ннымъ бл~ги^мъ, ты` вина` 
была` _е=си`, бц\де: но и= ны'нjь моли` w= _о='бщемъ 
сп~се'нiи бл~гопремjь'ннаго бг~а.

На хвали'техъ стiхи^ры на s~, гла'съ и~: 

Подо'бенъ: Что` ва'съ нарече'мъ: 

_Е=гда` ты` пр\оро'че чу'дный, бг~у добродjь'телiю и= 
житiе'мъ ч\стымъ, сраствори'вся съ ни'мъ, _о='бласть 
прiе'мъ, тва'рь по ра'зуму и=змjь'рилъ _е=си`, и= дв_е'ри 
дожд_е'вныя во'лею затвори'лъ _е=си`, и= свы'ше _о='гнь 
низве'лъ _е=си`, и= враги` погуби'лъ _е=си`, моли` сп~сти'ся 
душа'мъ на'шымъ.

Ре'вностiю гд\снею распаля'емь, беззакw'нныя цари` ты` 
и=з\ъwбличи'лъ _е=си` jа='вjь: сту^дныя свяще'нники ты` 
о_у=мори'лъ _е=си` те'плjь, вже'гъ _о='гнь въ водjь`, 
бл~же'нне: пи'щу же недjь'ланную и=сточи'лъ _е=си`: и= во'ды 
i=_орда^нскiя ми'лwтiю твое'ю пресjь'клъ _е=си`. моли` 
сп~сти'ся душа'мъ на'шымъ.

_Е=гда` ты`, пр\оро'че, показа'лъ _е=си`, на земли` 
jа='кw вои'стинну ю='же на нб~си` жи'знь, жи'знiю су'щею въ 
тебjь` соста'вною w=богатjь'яся, _о='трока ме'ртва твои'мъ 
вдохнове'нiемъ воскр~си'лъ _е=си`: сме'рти кромjь` на лjь'та 
лу'чша пребыва'еши, на колесни'цу _о='гненну всjь'лъ _е=си`, 
на высоту` возвыша'емь: моли` сп~сти'ся душа'мъ на'шымъ.

И='ны стiхи^ры, гла'съ а~, самогла'сны.

[Ге'рмана:] И=лiа` ревни'вый, и= страсте'й самоде'ржецъ, 
на возду'сjь носи'мь бя'ше дне'сь, всемi'рнагw таи'нникъ 
сп~се'нiя начина'тель. _w сла'вы чт\сны'я _е='йже сподо'бися 
небопа'рный пр\оро'къ, и= пр\оро'кwвъ и=зря'дное 
о_у=добре'нiе! се'й бо во пло'ти а='гг~лъ, и= безпло'тенъ 
человjь'къ показа'ся и=справле'ньми, _е=го'же хва'ляще 
рце'мъ: заступи` на'съ, му'дре, въ де'нь су'дный.

Дх~о'вными пjь'сньми пр\оро'ки хр\стw'вы вси` 
восхва'лимъ: и=лiа' бо fесвi'тянинъ нб~оше'ственникъ бы'сть, 
и= ми'лwтiю _е=лiссе'й бл~года'ть прiя'тъ сугу'бу w\т бг~а: 
и= свjьти'льницы свjь'тлiи вселе'ннjьй, jа=ви'шася, моля'ще 
непреста'ннw w= душа'хъ на'шихъ.

Дв~дски дне'сь вjь'рнiи пр\оро'ка гд\сня пjь'сньми 
почти'мъ, и=лiю` fесвi'тянина, и= ревни'теля пресвjь'тла: 
се'й бо я=зы'комъ нб~о jа='кw ко'жу затвори`, и= зе'млю 
плодови'тую непло'дну сотвори`. _w пресла'внагw чудесе`! 
зе'мленъ человjь'къ, нб~с_е'мъ w=дожди'ти дождя` не даде`. 
_w чудесе`! тлjь'ненъ человjь'къ въ нетлjь'нiе w=дjь'яся, и= 
на нб~са` востече` _о='гненною колесни'цею: ми'лwтiю же 
_е=лiссе'ю сугу'бу бл~года'ть дарова'въ, царя` _о=блича'я и= 
лю'ди непокори^выя гла'домъ растлjьва'етъ, i=ер_е'и сту^дныя 
вся^ посрами`, и= вдови'ча сы'на сло'вомъ воскр~си`. тогw` 
мольба'ми, хр\сте` бж~е на'шъ, въ ми'рjь сохрани` 
правосла'внаго i=мпера'тора на'шего, и= побjь'ды w=долjь'нiя 
на враги` тому` да'руй.

Сла'ва, гла'съ и~:

Пр\оро'кwвъ верхо'вники, и= всесвjь^тлыя свjьти'льники 
вселе'нныя, въ пjь'снехъ почти'мъ вjь'рнiи, и=лiю` и= 
_е=лiссе'а, и= хр\сту` возопiе'мъ ра'достнw: бл~гоутро'бне 
гд\си, пода'ждь лю'демъ твои^мъ, мольба'ми пр\орw'къ 
твои'хъ, w=ставле'нiе грjьхw'въ и= ве'лiю мл\сть.

И= ны'нjь, бг~оро'диченъ: Вл\дчце, прiими` мл~твы ра^бъ 
твои'хъ: Славосло'вiе вели'кое. И= w\тпу'стъ.

На лiтургi'и

Бл~ж_е'нна пе'рвагw канw'на пjь'снь г~-я, и= втора'гw 
s~-я. Прокi'менъ, гла'съ д~: Ты` i=ере'й во вjь'къ, по чи'ну 
мелхiседе'кову. Стi'хъ: Рече` гд\сь гд\сви моему`: сjьди` 
w=десну'ю мене`, до'ндеже положу` враги` твоя^ подно'жiе 
но'гъ твои'хъ. А=п\слъ, i=а'кwвля посла'нiя, зача'ло н~з. 
А=ллилу'iа, гла'съ д~: Мwv"се'й и= а=арw'нъ во i=ере'ехъ 
_е=гw`, и= саму'илъ въ призыва'ющихъ и='мя _е=гw`. _Е=v\глiе 
луки`, зача'ло д~_i. 

Прича'стенъ: Въ па'мять вjь'чную бу'детъ прв\дникъ: