Богослужебные тексты

<::лат>        OCR:

<::рус>        Библиотека святоотеческой литературы

<::лат>        http://orthlib.ru

<::слав>

(с. 524)

%<Мjь'сяца тогw'же въ л~а-й де'нь.%>

%<Предпра'зднство происхожде'нiя честна'гw и= 
животворя'щагw кр\ста` гд\сня.%>

%<И= ст~а'гw и= пра'веднагw _е=vдокi'ма.%>

%<Стiхи^ры, кр\ста`, гла'съ а~. Подо'бенъ: Н%>б\сныхъ 
чинw'въ:

%<В%>ся'кое _е=стество` человjь'ческое * ны'нjь 
предпра'зднуя, ра'достнw да и=гра'етъ: * кр\стное бо 
дре'во хо'щетъ предположи'тися, * всjь^мъ вjь^рнымъ 
врачевство` неиждива'емое, * (с. 525) и= неду'гwвъ 
рjьши'тельно и= страсте'й, * и= вся'кагw w=sлобле'нiя.

%<П%>рiиди'те, ви'димъ вjь'рнiи стра'нное чу'до, * 
ка'кw кр\стное дре'во * о_у=ставля'етъ w=пале'нiе 
вся'кагw неду'га, * и= страсте'й зно'й о_у=гаша'етъ, * 
предпра'зднующихъ вjь'рою, * и= тогw` почита'ющихъ 
торжество`.

%<Ж%>иву'щiи вку'пjь, * и= о_у=ме'ршiи 
предпра'зднуйте: * жи'зни бо дре'во _е='же а='да 
о_у=мори'вшее, * храни'тель человjь'кwвъ, * ме'ртвыхъ 
воскресе'нiе * гряде'тъ всjь^мъ незави'стную бл~года'ть * 
ны'нjь пода'ти, * человjь'кwмъ и=сцjьл_е'нiя.

%<И='ны стiхи^ры ст~а'гw, гла'съ и~. Подо'бенъ: _W%> 
пресла'внагw чудесе`:

%<Б%>л~же'нне бг~ому'дре _е=vдокi'ме, * чи'стая твоя` 
душа`, * правовjь'рнымъ смы'сломъ сiя'ющи, * w=блиста'я 
добродjь'телей свjь'тлостiю, * и= w=заря'етъ вjь'рныхъ 
и=сполне'нiе, * бjьсw'въ тму` w\тгоня'ющи. * тjь'мже, 
jа='кw прича'стника невече'рнiя благода'ти, * тя` 
благоче'стнw вси` * почита'емъ, досточу'дне.

%<И=%>мjь'я ду'шу ми'лостиву, и= чи'стъ по'мыслъ, * и= 
се'рдце бо'дрое, * вjь'ру небла'зненную, * и= любо'вь 
вои'стинну нелицемjь'рную, * w\т земли` преста'вился 
_е=си` къ нб\снымъ, * и= съ ли'ки пра'ведныхъ 
водворя'ешися. * тjь'мже чти'мъ тя` свяще'нными 
пjь'сньми, * и= благочести'внw вси` о_у=блажа'емъ, * 
блаже'нне _е=vдокi'ме.

%<Б%>ж\ственными о_у=че'нiи о_у=крjьпля'яся, * 
стра^сти плотскi'я w\т души` w\тгна'лъ _е=си`, * и= 
ст~ы'я тр\оцы селе'нiе чи'сто бы'лъ _е=си`. * тjь'мже къ 
бж\ственному наслажде'нiю w\тше'лъ _е=си`, * бг~у 
соблюда'ющу ны'нjь неруши'мо * твое`, бл~же'нне, тjь'ло, 
* бж\ственными судьба'ми, * и='миже са'мъ вjь'сть, * 
прославля'яй тя` jа='вjь, _е=vдокi'ме.

%<Сла'ва, гла'съ а~.%>

%<К%>а'кw не диви'мся благоу'мiю твоему`; и=ли` не 
похва'лимъ, прп\дбне _е=vдокi'ме, житiе` твое` 
равноа'гг~льное; по'мысла цjьлому'дрiю, кро'тости твое'й, 
и= смире'нiю, и= безмо'лвiю, и= ми'лостыни 
непреста'ннjьй; всjь'ми бо (с. 526) добродjь'тельми 
о_у=краси'лся _е=си`, бл~же'нне: тjь'мже жде'тъ тебе` 
неизглаго'ланная ра'дость, и= нб\сное цр\ствiе.

%<И= ны'нjь, гла'съ то'йже:%>

%<Д%>не'сь jа='кw вои'стинну святовjьща'нный глаго'лъ 
дв~довъ коне'цъ прiя'тъ: се' бо jа='вjь преч\стыхъ но'гъ 
твои'хъ покланя'емся подно'жiю, и= на сjь'нь крилу` 
тво_е'ю надjь'ющеся, всеще'дрый, вопiе'мъ ти`: да 
зна'менается на на'съ свjь'тъ лица` твоегw`. 
правосла'вныхъ люде'й твои'хъ ро'гъ вознеси` честна'гw 
кр\ста` твоегw` воздви'женiемъ, хр\сте` многоми'лостиве.

%<На стiхо'внjь _о=ктw'иха. Сла'ва, и= ны'нjь, гла'съ 
в~: Самогла'сенъ:%>

%<Т%>ы' ми покро'въ держа'венъ _е=си`, трича'стный 
кр\сте хр\сто'въ: w=святи' мя си'лою твое'ю, jа='кw да 
вjь'рою и= любо'вiю покланя'юся и= сла'влю тя`.

%<Тропа'рь ст~а'гw, гла'съ д~:%>

%<W\т%> земли` воззва'вый тя` къ нб\снымъ селе'нi_емъ, 
соблюда'етъ и= по сме'рти невреди'мо тjь'ло твое`, свя'те 
_е=vдокi'ме: ты' бо въ цjьлому'дрiи, и= чи'стомъ 
жи'тельствjь, блаже'нне, жи'тельствовалъ _е=си`, не 
w=скверни'въ пло'ти. тjь'мже со дерзнове'нiемъ моли` 
хр\ста` бг~а, спасти'ся на'мъ.

%<Сла'ва, и= ны'нjь, тропа'рь креста`, гла'съ а~:%>

%<С%>паси`, гд\си, лю'ди твоя^, и= благослови` 
достоя'нiе твое`, побjь^ды на сопроти^вныя да'руя, и= 
твое` сохраня'я кресто'мъ твои'мъ жи'тельство.

%<На о_у='трени на Б%>г~ъ гд\сь т%<ропа'рь креста` 
два'жды: Сла'ва, ст~а'гw: И= ны'нjь, креста`. Канw'нъ 
_о=ктw'иха _е=ди'нъ: и= креста` на д~ и= ст~а'гw на д~ 
Канw'нъ кр\ста`.%>

%<Гла'съ а~. Пjь'снь а~. I=рмо'съ:%>

%<П%>jь'снь побjь'дную пои'мъ вси` бг~у, сотво'ршему 
ди^вная чудеса` мы'шцею высо'кою, и= спа'сшему i=и~ля, 
jа='кw просла'вися. (с. 527)

%<К%>р\стъ предгряды'й бж\ственный, и=спуща'етъ зарю` 
бл~года'ти, и= просвjьща'етъ вся^ покланя'ющыяся _е=му`, 
и= воспjьва'ющыя благоче'стнw распе'ншагося хр\ста`.

%<К%>р\ста` покланя'нiе возвыша'етъ любо'вiю и= 
вjь'рою сла'вящыя, jа='кw бг~а и= гд\са пострада'вшаго 
пло'тiю, и= назда'вшаго на'съ бж\ственными страда'нiи.

%<К%>р\ста` покланя'нiе и=сточа'етъ благово'нiе 
дарова'нiй, и= вся^ jа=`же хр\ста` сла'вящыя w=б\ъюха'етъ 
при'снw, и= смра'дъ ду'шъ w\те'млетъ ве'сь.

%<Бг~оро'диченъ:%>

%<П%>озна'вше гд\си, вопло'щшагося и=зъ теб_е`, 
бг~оневjь'сто, и= кр\стъ и= сме'рть прiе'мша, пое'мъ 
_е=го` и=зба'вителя, тя` о_у=блажа'юще.

%<Канw'нъ ст~а'гw.%>

%<Гла'съ в~. Пjь'снь а~. I=рмо'съ:%>

%<В%>о глубинjь` посла` и=ногда` фараwни'тское 
всево'инство преwруже'нная си'ла, вопло'щшееся же сло'во 
всеsло'бный грjь'хъ потреби'ло _е='сть: препросла'вленный 
гд\сь, сла'внw бо просла'вися.

%<В%>ысоко` житiе` и=мjь'я, и= восхожде'нiи 
бж\ственными ве'сь свjь'телъ бы'въ, просвjьще'нiе ми` 
и=спроси`, восхваля'ющему честны'я твоя^ по'двиги: 
и='миже до'брjь пожи'въ, получи'лъ _е=си`, _е=vдокi'ме, 
и='хже надjь'ялся _е=си`.

%<М%>v"ровw'нная любя` о_у=ч_е'нiя, и= во чте'нiи 
свяще'нныхъ писа'нiй о_у=пражня'яся, сласте'й 
о_у=клони'лся _е=си`, всебл~же'нне, смра'дныхъ и= 
безче'стныхъ, и= w=благово'нился _е=си`, бж\ственными 
дарова^нiи о_у=краша'емь.

%<Д%>рема'нiе _о='чiю w\т души`, блаже'нне, w\тгна'лъ 
_е=си`, бдя` и= бг~у приединя'яся, всено'щными стоя^нiи, 
непрекло'ненъ ну'ждами _е=стества`: тjь'мже ко дню` 
невече'рнему дости'глъ _е=си`.

%<Бг~оро'диченъ:%>

%<Jа='%>кw черто'гъ w=душевле'нъ бж~iй, и= кади'льницу 
мы'сленнагw и= свjьтоно'снагw о_у='гля, при'снw 
благода'тную (с. 528) о_у=блажа'емъ бц\ду, зову'ще: 
ра'дуйся, хода'таице спаси'тельнагw воскресе'нiя.

%<Пjь'снь г~. I=рмо'съ:%>

%<Д%>а о_у=тверди'тся се'рдце мое`, въ во'ли твое'й, 
хр\сте` бж~е, и='же надъ вода'ми не'бо о_у=твержде'й 
второ'е, и= w=снова'вый на вода'хъ зе'млю, всеси'льне.

%<И='%>же во _о='бразjьхъ проначерта'емый соверша'я 
пресла'вная чудеса`, ны'нjь покланя'емый кр\стъ, 
дjь'йствуетъ чу^днjьйшая, w=свяща'я и= просвjьща'я, 
зижди'теля сла'вящыя.

%<И='%>же во бране'хъ бж\ственная побjь'да, кр\стъ 
хр\сто'въ покланя'емь, w=полч_е'нiя врагw'въ побjьжда'яй, 
подава'етъ лю'демъ правосла^внымъ крjь^пкiя побjь^ды.

%<Ж%>е'злъ гд\сень предположе'нный кр\стъ во хра'мjьхъ 
и= жили'щахъ, w=снова^нiя незы'бл_ема си'хъ соблюда'етъ, 
и= вся'къ прило'гъ и= кова'рство сопроти'вныхъ 
побjьжда'етъ.

%<И='%>же гд\сень покланя'емый кр\стъ благоче'стнw, 
бж\ственныя бл~года'ти, и= каже'нiя мы'сленна 
и=сполня'етъ покланя'ющыяся _е=му`, и= _о='блаки 
напа'стей w\те'млетъ и= скорбе'й.

%<Бг~оро'диченъ:%>

%<W\т%> глубины` ле'стныя и=звлече` человjь'чество, 
и=зъ теб_е` рожде'йся, дре'вомъ кр\стнымъ, бц\де, и= 
возвы'си къ разумjь'нiю своему`, благоче'стнw тя` 
сла'вящыя.

%<И='нъ. I=рмо'съ:%>

%<Н%>а ка'мени мя` вjь'ры о_у=тверди'въ, разшири'лъ 
_е=си` о_у=ста` моя^ на враги` моя^, возвесели'бося ду'хъ 
мо'й, внегда` пjь'ти: нjь'сть свя'тъ, jа='коже бг~ъ 
на'шъ, и= нjь'сть пра'веденъ, па'че теб_е`, гд\си.

%<Г%>лаго'лwмъ животw'чнымъ внима'я, и=спи'лъ _е=си` 
во'ду спасе'нiя, возгнуша'вся го'рькагw грjьха`, и= поя` 
глаго'лалъ _е=си` бг~у, _е=vдокi'ме: jа='кw нjь'сть 
свя'тъ па'че теб_е`, гд\си.

%<М%>и'лованiе стяжа'лъ _е=си` хр\стоподража'тельное, 
разда'лъ _е=си` бога'тство тре'бующымъ, небе'сное же 
бога'тство (с. 529) хода'тайствующее тебjь` получи'лъ 
_е=си`, вопiя`, _е=vдокi'ме: jа='кw нjь'сть свя'тъ па'че 
теб_е`, гд\си.

%<П%>рисво'ився зижди'телю любо'вiю бж\ственною, 
прiя'лъ _е=си` нб\сное наслjь'дiе, и= дре'ва живо'тнагw 
прича'стникъ _е=си`, _о=бще'нiемъ w=божа'емь, и= поя`, 
сла'вне, глаго'лалъ _е=си`: jа='кw нjь'сть свя'тъ па'че 
теб_е`, гд\си.

%<Бг~оро'диченъ:%>

%<С%>у'щи а='гг~лъ честнjь'йши, зижди'теля а='гг~лwвъ 
во о_у=тро'бjь носи'ла _е=си`, и= родила` _е=си` 
неизрече'ннw. _е=му'же вси` пое'мъ: ты` _е=си` бг~ъ 
на'шъ, и= нjь'сть свя'тъ па'че теб_е`, гд\си.

%<Сjьда'ленъ ст~а'гw, гла'съ д~:%>

%<Б%>лаговоли'въ благи'ми дjья'нiи и=скуси'лся _е=си` 
jа='кw зла'то въ пещи`, напа'стьми, _е=vдокi'ме сла'вне. 
тjь'мже и= по сме'рти и=сточа'еши бога'тнw чудеса` jа='кw 
во'ды, и= неду'ги о_у=ставля'еши, w= на'съ при'снw 
моля'ся, jа='кw да согрjьше'нiй проще'нiе прiи'мемъ.

%<Сла'ва, и= ны'нjь, кр\ста`, гла'съ д~: Подо'бенъ: 
В%>ознесы'йся:

%<С%>вjь'тло нб~о показу'ется па'че со'лнца, свjь'томъ 
кре'стнымъ просвjьща'етъ вся'ч_еская заре'ю свое'ю: 
тjь'мже ты`, чл~вjьколю'бче, сп~се вся'ческихъ, 
просвjьти` о_у='мъ на'шъ _е=гw` ра'ди и= чу^вства: мы' бо 
и='мамы того`, _о=ру'жiе мi'ру, непобjьди'мую побjь'ду.

%<Пjь'снь д~. I=рмо'съ:%>

%<Д%>х~омъ прови'дя, пр\оро'че а=вваку'ме, словесе` 
воплоще'нiе, проповjь'далъ _е=си`, вопiя`: внегда` 
прибли'житися лjь'тwмъ, позна'ешися, внегда` прiити` 
вре'мени, пока'жешися. сла'ва си'лjь твое'й, гд\си.

%<В%>оwбража'емь бж\ственный и= честны'й кр\стъ, тмы` 
нача'льника w\тгоня'етъ тве'рдw w\т возду'ха, и= 
благода'ти лучы` воwбража'ющымъ простира'етъ, и= 
w=заря'етъ си'хъ пою'щыя хр\ста` бг~а.

%<В%>оwбража'емь бж\ственный и= пречестны'й кр\стъ въ 
сердца'хъ, мо'ре о_у=тиша'етъ страсте'й, и= 
о_у=ставля'етъ бjь'дъ (с. 530) треволн_е'нiя, и= въ 
тишину` прево'дитъ пра'вости, вся^ любо'вiю воwбража'ющыя 
того`.

%<Jа='%>коже о_у='глiе и=спуща'я ч\стны'й кр\стъ, 
дjь^йствiя вся` попаля'етъ вра^жiя, и= w\тго'нитъ си'лу, 
и= w=блегча'етъ мнw'гiя въ вjь'рjь, хва'лящыя и= пою'щыя 
любо'вiю, на не'мъ пригво'ждшагося хр\ста`.

%<В%>сечестны'й и= бж\ственный кр\стъ вjь'рою 
покланя'емь, и=сточа'етъ струи^ мы'сл_енныя дарова'нiй и= 
во'ды и=сцjьле'нiй, и= напая'етъ непреста'ннw сему` 
покланя'ющыяся и= чту'щыя.

%<Бг~оро'диченъ:%>

%<Jа='%>кw всjь'хъ цр~и'цу и= вл\дчцу на'шу, тя` 
любо'вiю сла'вимъ, прест~а'я ч\стая, просвjь'щшiися 
стр\стьми` сн~а твоегw`, и= позна'вшiи сего` всjь^мъ 
бл~годjь'теля: сла'ва бл~года'ти _е=гw`.

%<И='нъ. I=рмо'съ:%>

%<П%>рише'лъ _е=си` w\т дв~ы, не хода'тай, ни 
а='гг~лъ, но са'мъ, гд\си, вопло'щся, и= спа'слъ _е=си` 
всего' мя человjь'ка. тjь'мъ зову' ти: сла'ва си'лjь 
твое'й, гд\си.

%<О_у=%>ч_е'нiя _о=те'ч_еская храня` невреди'мw 
правосла'внымъ мудрова'нiемъ, ты` w\т младе'нства 
и=мjь'лъ _е=си` житiе` нескве'рное, и= ми'лостивенъ 
нра'въ, досточу'дне.

%<Н%>и молва` мiрска'я, ни вла'сти держа'нiе, ни 
сла'ва вре'менная, твоегw` къ бг~у жела'нiя преврати`, 
_е=vдокi'ме: но благоволи'лъ _е=си` вои'стинну 
бж\ственнымъ дjья'нiемъ.

%<В%>озвыша'емь бж\ственными поуче'нiи всегда`, врага` 
смири'лъ _е=си`, и=сцjьле'нiй дjь'йство прiя'лъ _е=си`, 
_е=vдокi'ме, судо'мъ прв\днымъ вся^ о_у=правля'ющагw.

%<И=%>ска'пающи сла'дость ра'ка моще'й твои'хъ 
бога'тыхъ и=сцjьле'нiй, стра^сти w\тгоня'етъ, 
_е=vдокi'ме, вjь'рою чту'щихъ тя`, и= попаля'етъ бjьсw'въ 
вся^ полки`.

%<Бг~оро'диченъ:%>

%<В%>сепjь'тая, во'инствы го'рними пjьва'емаго, бг~а 
родила` (с. 531) _е=си`, чл~вjь'ка вои'стинну бы'вша: 
_е=го'же w= рабjь'хъ твои'хъ моля'щи не преста'й, 
приснодв~о.

%<Пjь'снь _е~. I=рмо'съ:%>

%<С%>вjь'тлый на'мъ возсiя'й свjь'тъ присносу'щный, 
о_у='тренюющымъ w= судьба'хъ за'повjьдей твои'хъ, вл\дко 
чл~вjьколю'бче, хр\сте` бж~е на'шъ.

%<Д%>ержа'вному на'шему, и= недви'жимому _о=ру'жiю 
предлежа'щу, ны'нjь покланя'ющеся, пресвято'му кр\сту` 
вjь'рою, си'лу непобjьди'му на враги` прiе'млемъ.

%<В%>оwбража'емаго и= несjько'маго ка'мене, сотво'рша 
во'ду и=сточи'ти, ны'нjь держа'ще, и= покланя'ющеся 
честно'му кр\сту`, и=сто'чникъ дарова'нiй прiе'млемъ.

%<З%>латосiя'ненъ на'мъ кр\стъ хр\сто'въ jа=вля'яся, 
дарова^нiя душа'мъ подава'етъ благода'тiю, покланя'ющымся 
_е=му`, и= гд\са и= бг~а пою'щымъ при'снw.

%<Бг~оро'диченъ:%>

%<Ж%>е'злъ си'лы, бг~оневjь'сто, вjь'рою держа'ще, 
сн~а твоегw` и= бг~а на'шегw кр\стъ, пое'мъ тя` цр~и'цу 
всjь'хъ о_у=блажа'юще.

%<И='нъ. I=рмо'съ:%>

%<П%>росвjьще'нiе во тмjь` лежа'щихъ, спасе'нiе 
w\тча'янныхъ, хр\сте` сп~се мо'й: къ тебjь` о_у='тренюю, 
цр~ю` ми'ра, просвjьти' мя сiя'нiемъ твои'мъ: и=но'гw бо 
ра'звjь теб_е` бг~а не зна'ю.

%<З%>аре'ю чи'стw ст~ы'я тр\оцы просвjьще'нъ, 
зако'номъ же сея` w=гражде'нъ, но'щь житiя` 
непреткнове'ннw премину'лъ _е=си`, видjь'нiи бж\ственными 
w=криля'емь, блаже'нне, и= въ бж\ственную жи'знь 
всели'лся _е=си`.

%<Н%>ы'нjь на тебjь` чу'до ве'лiе зри'тся, и= 
о_у='жаса и=спо'лнено, ка'кw по погребе'нiи вои'стинну 
мно'гw лjь'тъ соблюде'ся, неруши'мо, бл~же'нне, твое` 
тjь'ло во гро'бjь лежа'щее, судьба'ми, и='миже вjь'сть 
са'мъ прославля'яй тя`.

%<Б%>ла'гоже твоему` къ бг~у дерзнове'нiю, бла'гоже 
жела'нiю, _е='же въ се'рдцы къ нему` и=мjь'лъ _е=си`, 
бла'гw пожи'въ (с. 532) тезоиме'ннw, просiя'лъ _е=си` 
пресла'внw бж\ственными свjьтлостьми`, и= о_у=ясни'лъ 
_е=си` вjь'рныхъ совокупл_е'нiя.

%<Бг~оро'диченъ:%>

%<W=%> на'съ и=зъ теб_е` воплоще'ннаго, дв~о мт~и, 
всегда` моли`, благоче'стнw тя` блажа'щихъ, и=зба'витися 
бjь'дъ, и= душетлjь'нныхъ страсте'й и= печа'лей, и= 
вjь'чнующагw пла'мене муче'нiя.

%<Пjь'снь s~. I=рмо'съ:%>

%<П%>р\оро'ка i=w'ну подража'я, вопiю`: живо'тъ мо'й, 
бл~же, свободи` и=зъ тли`, и= спаси' мя, сп~се мi'ра, 
зову'ща: сла'ва тебjь`.

%<П%>речестны'й кр\стъ покланя'емый ны'нjь, 
воскресе'нiя ра'дость провозвjьща'етъ хр\сто'ва, и= 
сме'рть sлонача'льника благовjьству'ется.

%<В%>одрузи'лъ _е=си` на земли` честны'й кр\стъ, 
лjь'ствица быва'етъ вjь^рнымъ мы'сленна къ небеси`, и= 
возше'ствiе покланя'ющымся _е=му` и= чту'щымъ.

%<И='%>же посредjь` земли` насади'выйся честны'й 
кр\стъ, и= ны'нjь вjь^тви простира'етъ дарова'нiй въ 
себjь`, и= вся^ w=сjьня'етъ покланя'ющыяся _е=му`.

%<П%>ресjькi'й чермно'е пропису'емь кр\стъ, 
покланя'емь ны'нjь, бjь'дъ и= страсте'й мо'ре 
пресjька'етъ, и= спаса'етъ покланя'ющыяся _е=му`.

%<Бг~оро'диченъ:%>

%<W\т%> земли` привлече` на'съ сн~ъ тво'й и= бг~ъ къ 
нб\снjьй жи'зни, возше'дъ на кр\стъ, любо'вiю тя` мт~рь 
сегw` вои'стинну чту'щихъ.

%<И='нъ. I=рмо'съ:%>

%<В%>ъ бе'зднjь грjьхо'внjьй валя'яся, неизслjь'дную 
милосе'рдiя твоегw` призыва'ю бе'здну: w\т тли`, бж~е, 
мя` возведи`.

%<Т%>еч_е'нiя сла^дкая и=ска'паху, блаже'нне, по'тове 
твои` и= ра'дwванiя, и=сцjьле'нiй сiя'нiе, во хвалу` 
хр\ста` бг~а на'шегw.

%<В%>о дво'рjьхъ бж~iихъ процвjь'лъ _е=си`, вiногра'дъ 
многопло'денъ прозябы'й, и= добродjь'телей гро'здiе, 
дjь'лателю душа'мъ _о=би'льнw пода'въ. (с. 533)

%<Ц%>р\ства бж~iя возжелjь'лъ _е=си`, и= надъ 
страстьми` ца'рствовавъ, _е=vдокi'ме, по благоволе'нiю 
лу'чшему, ра'дость пра'ведныхъ получи'лъ _е=си`.

%<Бг~оро'диченъ:%>

%<И=%>збра'нна бг~у бы'вши, jа='кw кра'сное село` и= 
простра'нное, сему`, дв~о, была` _е=си`, и= черто'гъ и= 
свjь'щникъ и= трапе'за.

%<Конда'къ, гла'съ в~:%>

%<В%>ы'шнихъ жела'я, съ вы'шними совокупля'яся, и= 
колесни'цу _о='гненную, бж\ственными восхожде'ньми 
добродjь'телей, соверши'лъ _е=си` ду'шу, преблаже'нне 
_е=vдокi'ме: на земли` пожи'въ jа='кw безпло'тенъ, 
зижди'телю всjь'хъ благоугоди'лъ _е=си`.

%<I='косъ:%>

%<Ж%>итiе` сугу'бо показа'лъ _е=си` пра'вою, 
бл~же'нне, вjь'рою, во _о=бое'мъ бг~у бл~гоугоди'въ, 
_е=vдокi'ме. тjь'мже w=брjь'лъ _е=си` нб\снагw цр\ствiя 
наслjь'дiе, и= со ст~ы'ми ны'нjь живы'й, вл\дцjь всjь'хъ 
предстои'ши, твое' же тjь'ло скве'рны соблю'лъ _е=си` 
кромjь`, и= неруши'мое любо'вiю чту'щымъ тя` w=ста'вилъ 
_е=си`. чи'стw бо пожи'въ, сла'вне, зижди'телю, всjь'хъ 
благоугоди'лъ _е=си`.

%<Пjь'снь з~. I=рмо'съ:%>

%<С%>у'щымъ въ пещи` _о=трокw'мъ твои^мъ, сп~се, не 
прикосну'ся, ниже` стужи` _о='гнь. тогда` трiе`, jа='кw 
_е=ди'нjьми о_у=сты^, поя'ху и= благословля'ху, 
глаго'люще: бл~гослове'нъ бг~ъ _о=т_е'цъ на'шихъ.

%<И='%>же честно'ю кро'вiю хр\сто'вою, кр\стъ _е=гw` 
напои'вся, и=сточа'етъ рjь'ки сiя'нiи мы'сленныхъ 
дарова'нiй, и= напая'етъ вся^ покланя'ющыяся и= 
воспjьва'ющыя _е=го` вjь'рнw.

%<И='%>же сме'рть, и= врага` низло'жь кр\стъ 
хр\сто'въ, и= вер_еи` сокруши` мы'сл_енныя. и= ны'нjь 
тому` чи'стою вjь'рою и= любо'вiю покланя'ющымся, всjь^мъ 
дв_е'ри w\тверза'етъ жи'зни и= нетлjь'нныя пи'щи.

%<И='%>же покланя'ющеся любо'вiю кр\сту`, 
w=гражда'ются си'лою сегw`, и= враги` мы'сл_енныя и= 
ви^димыя w\тго'нятъ, и= невреди'мы соблюда'ются, 
пjьсносло'вящiи хр\ста`. (с. 534)

%<Бг~оро'диченъ:%>

%<К%>рjь'пость на'мъ и= держа'ва, на враги` дарова'ся 
кр\стъ хр\ста` сн~а твоегw`, прiя'тнымъ и= мт~рнимъ 
твои'мъ дерзнове'нiемъ, и='мже, бг~оневjь'сто, прило'ги 
вра'жiя побjьжда'емъ.

%<И='нъ. I=рмо'съ:%>

%<Б%>г~опроти'вное велjь'нiе беззако'ннующагw 
мучи'теля высо'къ пла'мень вознесло` _е='сть: хр\сто'съ 
же простре` бг~очести^вымъ _о=трокw'мъ ро'су дх~о'вную, 
сы'й бл~гослове'нъ и= препросла'вленъ.

%<К%>рjь'постiю вжили'вся живода'вца, пло'ти 
о_у=держа'лъ _е=си` жела^нiя, пребога'те, и= о_у='мъ 
впери'лъ _е=си` къ нб\снымъ, поя` крjь'пкw: сы'й 
бл~гослове'нъ бг~ъ и= препросла'вленъ.

%<С%>а'мъ ся` неблагоро'денъ сотво'рь, благоро'дны 
нра'вы стяжа'въ о_у=ма` цjь'лостiю, поуче'нiемъ же 
о_у=пражня'яся бг~одохнове'нныхъ писа'нiй, все` твое` 
жела'нiе на бг~а всеви'дца, бл~же'нне, возложи'лъ _е=си`.

%<В%>ы'шнягw цр\ства, вы'шнягw же гра'да, бж~iя рая`, 
пра'ведныхъ наслажде'нiя, пи'щи нетлjь'нныя, и= 
бога'тства некра'домагw, свjь'та невече'рнягw сподо'бился 
_е=си`, бл~же'нне _е=vдокi'ме.

%<Бг~оро'диченъ:%>

%<_Е=%>го'же родила` _е=си`, вл\дчце, при'снw моли`, 
w\т рабо'ты и=зба'вити мя` страсте'й и= w=сужде'нiя, и= 
стужа'ющагw ми` лю'тагw w\тча'янiя, и= w\т 
w=скорбля'ющихъ мя`, ч\стая, w=держа'нiя, 
бг~ора'дованная.

%<Пjь'снь и~. I=рмо'съ:%>

%<_Е=%>гw'же о_у=жаса'ются а='гг~ли и= вся^ вw'инства, 
jа='кw творца` и= гд\са, по'йте свяще'нницы, просла'вите 
_о='троцы, благослови'те лю'дiе, и= превозноси'те во вся^ 
вjь'ки.

%<_Е=%>го'же водрузи` сме'рть, поста'вленный кр\стъ, 
ны'нjь покланя'ема зря'ще, мы'сл_енная вра^жiя 
w=полч_е'нiя скрыва'ются подъ земле'ю, и= покланя'ющiися 
_е=му` w=бновля'ются.

%<_Е=%>го'же дре'вле проwбразу'ема, на высотjь` 
нб\снjьй хр\сто'съ (с. 535) показа`, пресвjь'тлаго 
кр\ста`. ны'нjь покланя'ющеся благоче'стнw вjь'рнiи 
возвыша'ются, и= сегw` о_у=ясня'ются заре'ю.

%<_Е=%>го'же дре'вле проповjь'даша пр\оро'цы нело'жнw, 
_е='же хр\сто'ву подно'жiю jа=ви'тися кр\ста`. _е=му'же 
ны'нjь мы` и='стиннw покланя'ющеся вjь'рнw, тогw` 
бога'тыхъ дарw'въ наслажда'емся.

%<Бг~оро'диченъ:%>

%<И='%>же стра'стiю безстра'стiе и=сточи'въ земны^мъ, 
сн~ъ тво'й и= гд\сь, дв~о, тобо'ю на'съ тя` любо'вiю 
пою'щыя при'снw w=бновля'етъ, jа='кw бл~годjь'тель.

%<И='нъ. I=рмо'съ:%>

%<В%>ъ пещи` _о='трочестjьй проwбрази'лъ _е=си` 
и=ногда` твою` мт~рь, гд\си, _о='бразъ же сiя` и=зъ 
_о=гня` и=з\ъима'ше, неwпа'льнw входя'щыя: ю='же пое'мъ 
jа='вльшуюся тобо'ю конц_е'мъ дне'сь, и= превозно'симъ во 
вся^ вjь'ки.

%<_О='%>гнь помышля'я стра'шный, предъ пр\сто'ломъ 
хр\сто'вымъ, хотя'щъ и=зы'ти, о_у=миле'нiемъ се'рдца 
те'плы и=злива'еши ка^пли сле'зъ, погаша'ющыя тебjь` 
страсте'й пе'щи, _е=vдокi'ме бг~ому'дре.

%<В%>се` приложи'лъ _е=си` къ бг~у му'дре, душе'вное 
_о='ко, и= тому` прилjьпи'лся _е=си`, вопiя` _псало'мски: 
хр\сте` мо'й, ка'ла мя` и=зба'ви, и= смертоно'сныхъ 
страсте'й во вjь'ки.

%<Т%>ерпjь'нiемъ пожда'тель, и= се'рдцемъ смире'нъ ты` 
бы'лъ _е=си`, ми'лостивъ тре'бующымъ, и= _о=бы'чай 
принося` бла'гъ, и= нра'вы добродjь'тельны, всече'стне, 
въ ни'хже до'брjь пожи'въ, чуде'съ то'чиши благода'ть.

%<Р%>а'зумъ и=мjь'я бж\ственъ, и=спо'лнитель вл\дчнихъ 
jа=ви'лся _е=си` слове'съ, десны'я любя` ст_ези`, 
лjь'выхъ jа='вjь о_у=клоня'яся jа='кw бл~гоу'менъ и= 
му'дръ. тjь'мже тя` почита'емъ бг~ому'дре во вjь'ки.

%<Бг~оро'диченъ:%>

%<А=%>да'мовъ содjь'тель w\т крове'й твои'хъ ч\стыхъ 
(с. 536) зи'ждется, и= млеко'мъ пита'ется, пита'яй 
вся'кое дыха'нiе, дв~о бц\де. тjь'мже jа='кw бж~iю тя` 
сла'вимъ мт~рь.

%<Пjь'снь f~. I=рмо'съ:%>

%<С%>вjьтоно'сный _о='блакъ, въ _о='ньже всjь'хъ 
вл\дка, jа='кw до'ждь съ нб~се` на руно` сни'де, и= 
воплоти'ся на'съ ра'ди, бы'въ чл~вjь'къ, безнача'льный: 
велича'емъ вси` jа='кw мт~рь бг~а на'шегw ч\стую.

%<Б%>езсме'ртiя то'читъ, и= нетлjь'нiя незави'стны 
ка^пли, честны'й кр\стъ кла'няющымся _е=му`: w=живля'етъ, 
w=чища'етъ, и= w=бновля'етъ, и= сла'вы лу'чшiя и= 
благода'ти сподобля'етъ воспjьва'ющыя на то'мъ 
пригво'ждшагося i=и~са.

%<Д%>jь^йства и=спуща'я, jа='коже пресвjь'тлы зари^, 
всечестны'й кр\стъ, тому` покланя'ющыяся любо'вiю и= 
вjь'рою чи'стою, къ свjь'ту непристу'пному и= 
невеще'ственному, w=заря'я направля'етъ, воспjьва'ющыя 
всjь'хъ творца`.

%<W=%>ст~и'вый дре'во прест~а'гw кр\ста` твоегw`, 
честно'ю кро'вiю твое'ю, пребл~гi'й сло'ве, дjь'йствомъ 
_е=гw` на'съ просвjьти`, и= w=ст~и` тому` кла'няющыяся, 
и= воспjьва'ющыя вл\дку вся'ческихъ.

%<Бг~оро'диченъ:%>

%<П%>а'че сл~нца всjь^мъ просiя'вшая бл~года'ть, 
_о='блаки бjь'дъ и= страсте'й w\тго'нитъ, дв~о, и= 
бг~оразу'мiя свjь'томъ просвjьща'етъ, любо'вiю тя` 
сла'вящыя, и= пою'щыя непреста'ннw сн~а твоего`, jа='кw 
вл\дку всjь'хъ.

%<И='нъ. I=рмо'съ:%>

%<Б%>езнача'льна роди'теля сн~ъ, бг~ъ и= гд\сь, 
вопло'щся w\т дв~ы на'мъ jа=ви'ся, w=мрач_е'нная 
просвjьти'ти, собра'ти расточ_е'нная. тjь'мъ всепjь'тую 
бц\ду велича'емъ.

%<В%>и'дjьти жела'я сла'ву бг~а на'шегw, 
добродjь'тельми бг~оразу'мiя тебе` о_у=добри'лъ _е=си`: 
и= свjьщено'сецъ во свjь'тлый черто'гъ вше'лъ _е=си`, со 
а='гг~лы живы'й, и= jа=снjь'е наслажда'ешися 
бг~овидjь'нiя. (с. 537)

%<Jа='%>кw о_у='тро, jа='кw со'лнце возсiя` па'мять 
твоя`, су'щая во мра'цjь сердца` просвjьща'ющи: ты' бо и= 
свjь'та и= дне` вои'стинну сы'нъ jа=ви'лся _е=си`, 
бг~ому'дре _е=vдокi'ме. сегw` ра'ди тя` почита'емъ.

%<М%>у'дростiю о_у=краша'емь, и= ра'зумомъ 
просвjьще'нъ, смире'нiемъ се'рдца о_у=добре'нъ, высото'ю 
житiя` сiя'я, къ мы'сл_еннымъ преше'лъ _е=си` дворw'мъ: 
и=дjь'же на'съ помяни` почита'ющихъ тя`, _е=vдокi'ме.

%<Д%>е'нь пра'зднественный и= по'льзы хода'тайственный 
честны'й тво'й соверша'емъ, w\т земли` преставле'нiя: ты' 
бо гд\сень о_у=го'дникъ, и= тогw` за'повjьдей дjь'латель 
jа=ви'лся _е=си` непосты'денъ, досточу'дне _е=vдокi'ме.

%<Бг~оро'диченъ:%>

%<С%>вjь'та прiя'телище о_у=тро'ба твоя` бы'сть, 
просвjь'щшагw мi'ръ, бг~ора'дованная: тjь'мже молю' тя 
_о=кая'нный, свjь'тлы зари^ ми` пода'ждь, мольба'ми, 
бг~оневjь'сто, _е=vдокi'ма бг~ому'драгw.

%<Свjьти'ленъ _о=ктw'иха. Сла'ва, ст~а'гw:%>

%<Jа='%>коже со'лнце блиста'я, зари^ и=спуща'еши 
чуде'съ, просвjьща'я всjь'хъ сердца`, твою` сла'вную 
па'мять творя'щихъ вjь'рнw, треблаже'нне, и= спаса'еши, 
_е=vдокi'ме.

%<И= ны'нjь кр\ста`. Подо'бенъ: Ж%>_ены` о_у=слы'шите:

%<К%>р\стъ предпра'зднуется, и= мi'ръ w=свяща'ется, 
чи'ни а='гг~льстiю пою'тъ на'съ ра'ди распе'ншагося, и= 
торжеству'ютъ съ на'ми и= сра'дуются, дв~дски зову'ще: 
содjь'ла спасе'нiе посредjь` земли`, вл\дко.

%<На стiхо'внjь _о=ктw'иха. Сла'ва, гла'съ а~:%>

%<К%>а'кw не диви'мся благоу'мiю твоему`; и=ли` не 
похва'лимъ, прп\дбне _е=vдокi'ме, житiе` твое` 
равноа'гг~льное, по'мысла цjьлому'дрiю, кро'тости твое'й, 
и= смире'нiю, и= безмо'лвiю, и= ми'лостыни 
непреста'ннjьй; всjь'ми бо (с. 538) добродjь'тельми 
о_у=краси'лся _е=си`, блаже'нне: тjь'мже жде'тъ тебе` 
неизглаго'ланная ра'дость, нб\сное цр\ствiе.

%<И= ны'нjь, кр\ста`, гла'съ s~:%>

%<П%>р\оро'честiи гла'си дре'во ст~о'е 
провозвjьсти'ша, и='мже дре'внiя кля'твы сме'ртныя 
свободи'ся а=да'мъ: тва'рь же дне'сь возноси'му тому` 
совозвыша'етъ гла'съ, jа='же w\т бг~а прося'щи бога'тыя 
ми'лости. но _е=ди'ный въ благоутро'бiи безмjь'рный 
вл\дко, w=чище'нiе бу'ди на'мъ, и= спаси` ду'шы на'шя.

%<На лiтургi'и, Прокi'менъ, гла'съ з~: Ч%>естна` предъ 
гд\семъ сме'рть преподо'бныхъ _е=гw`. %<Стi'хъ: Ч%>то` 
возда'мъ гд\севи: %<А=п\слъ къ гала'тwмъ, зача'ло сг~_i. 
А=ллилу'iа, гла'съ s~: Б%>лаже'нъ му'жъ боя'йся гд\са. 
%<Стi'хъ: С%>и'льно на земли` бу'детъ сjь'мя _е=гw`. 
%<_Е=v\глiе матfе'а, зача'ло м~г. Прича'стенъ: В%>ъ 
па'мять вjь'чную: