Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав> 


Мjь'сяца i=у'нiа въ к~д-й де'нь.

[гл\ва к~и] Рж\ство` чт\сна'гw сла'внагw пр\оро'ка, 
пр\дте'чи и= кр\сти'теля i=wа'нна.

На ма'лjьй вече'рни стiхи^ры на д~, гла'съ д~: 

Подо'бенъ: Зва'нный свы'ше: 

И=з\ъ непло'дныя роди'лся _е=си` о_у=тро'бы, 
разрjьши'вый непло'дiе серде'цъ на'шихъ, и= бл~гоча'дiе въ 
вjь'рjь же и= и='стинjь душа'мъ неплw'днымъ сло'во да'руя, 
сла'вный пр\дте'че прише'ствiя хр\сто'ва: гла'съ сло'ва 
бл~гознамени'тый, покая'нiя прознамена'тель велегла'сный: 
ве'тхагw же и= но'вагw бж~е'ственный хода'тай, jа='вjь 
познава'емь: _е=гw'же рж\ство` любо'вiю пра'зднуемъ 
веселя'щеся. [Два'жды.]

О_у=пита'нный ны'нjь воздержа'нiя теле'цъ, w\т 
непло'дныя роди'ся, показу'я на'мъ w\т дв~ы _о=трокови'цы 
а='гнца рожде'на, и= мi'ра взе'млющаго согрjьш_е'нiя, 
го'рлица пустынелю'бная jа='вjь возсiя`, бж~е'ственную 
ве'сну возвjьща'ющая, и='мже преста` безбо'жiя зима` лю'тая, 
и= жениха` дру'гъ и='скреннiй свjь'тлw прiи'де, i=wа'ннъ, 
моля` сп~сти'ся душа'мъ на'шымъ.

И='же по бж~е'ственному ро'ждься w=бjьтова'нiю: _е=гда` 
пречу'дный и= вели'кiй а=рха'гг~лъ, въ цр~кви роди'телю 
твоему` моля'щуся, бл~говjьствова` твое` рожде'нiе, тогда` 
невjь'рующу, и= прекосло'вящу сщ~е'ннику, jа='коже пи'шетъ, 
безгла'сiе гаврiи'лъ наведе` и= w=глохнове'нiе, да'же до 
рж\ства`, ты' же пр\дте'че, w\т _о=тца` ро'ждься, соу'зъ 
я=зы'ка свободи'лъ _е=си` бл~же'нне, и= мо'лишися w= всjь'хъ 
на'съ.

Сла'ва, гла'съ и~, самогла'сенъ:

Подоба'етъ i=wа'нну бл~гово'нiе, подоба'етъ кр\сти'телю 
пjь'сней красота`: се'й бо проповjь'да нача'токъ на'шегw 
сп~се'нiя, взыгра'выйся во чре'вjь, и= вопiя` въ пусты'ни: 
пока'йтеся, цр~е'въ во'инъ, пр\дте'ча бл~года'ти, а='гнца 
провозвjьща'я, и= сп~са моля` w= душа'хъ на'шихъ. 

И= ны'нjь, бг~оро'диченъ: Вл\дчце прiими`: 

На стiхо'внjь стiхи^ры, гла'съ в~:

Подо'бенъ: До'ме _е=vфра'fовъ: 

О_у=ясни` тво'й я=зы'къ свjь'тлw заха'рiе, пр\оро'къ 
_о=троча` бж~iй бу'детъ возопи'въ, и= сло'ва бж~е'ственнагw 
пр\дте'ча.

Стi'хъ: Бл~гослове'нъ гд\сь бг~ъ i=и~левъ, jа='кw 
посjьти` и= сотвори` и=збавле'нiе лю'демъ свои^мъ.

Jа=ви'лся _е=си`, w\т ма'тернихъ ложе'снъ i=wа'нне, бг~у 
w=сщ~е'нъ: не воста' бо бо'лiй въ человjь'цjьхъ, никто'же 
па'че тебе` нигдjь'же.

Стi'хъ: И= ты` _о=троча` пр\оро'къ вы'шнягw нарече'шися. 

Разрjьши'лъ _е=си` _о='тчее пребл~же'нне безгла'сiе: 
jа='коже безча'дства ключи` разрjьши'лъ _е=си` ро'ждшiя, 
роди'вся w\т бж~е'ственныя бл~года'ти.

Сла'ва, и= ны'нjь, гла'съ и~:

Ви'ждь _е=лiсаве'тъ, къ дв~jьй мр~i'и глаго'лющу: что` 
пришла` _е=си` ко мнjь` мт~и гд\са моегw`; ты` цр~я` 
но'сиши, и= а='зъ во'ина: ты` законода'вца, и= а='зъ 
законоположи'теля: ты` сло'ва, и= а='зъ гла'съ, 
проповjь'дающъ цр\ство нб\сное.

Тропа'рь, гла'съ д~:

Пр\оро'че и= пр\дте'че прише'ствiя хр\сто'ва, досто'йнw 
восхвали'ти тя` недоумjь'емъ мы`, любо'вiю чту'щiи тя`: 
непло'дство бо ро'ждшiя и= _о='тчее безгла'сiе разрjьши'ся, 
сла'внымъ и= чт\сны'мъ твои'мъ рж\ство'мъ, и= воплоще'нiе 
сн~а бж~iя мi'рови проповjь'дуется. 

Сла'ва, и= ны'нjь, бг~оро'диченъ: _Е='же w\т вjь'ка 
о_у=тае'ное:

На вели'цjьй вече'рни по _о=бы'чномъ _псалмjь` пое'мъ:

Бл~же'нъ му'жъ, а~-й а=нтiфw'нъ.

На Гд\си воззва'хъ, стiхи^ры, на и~, гла'съ д~: 
Самогла'сны. [I=wа'нна мона'ха:]

Разрjьша'етъ заха'рiино молча'нiе рожде'йся i=wа'ннъ, 
и='бо не подоба'ше _о=тцу` молча'ти, прише'дшу гла'су: но 
jа='коже невjь'ровавшу пе'рвjье, я=зы'къ связа`: си'це 
jа='вльшуся да'ти _о=тцу` свобожде'нiе. _е=му'же и= 
бл~говjьсти'ся, и= роди'ся гла'съ сло'ва, и= свjь'та 
пр\дте'ча, моля` w= душа'хъ на'шихъ. [Два'жды.]

Дне'сь гла'съ сло'ва, гла'съ за невjь'рiе держи'мый 
разрjьша'етъ _о=те'чь, и= цр~кви jа=вля'етъ бл~гоча'дiе, 
соу'зы непло'дствiя разрjьша'я ма'терни: свjьти'льникъ 
свjь'та предгряде'тъ. заря` сл~нца пра'вды возвjьща'етъ 
прише'ствiе, въ созда'нiе всjь'хъ, и= сп~се'нiе ду'шъ 
на'шихъ.

[А=нато'лiа:] Бж~iю сло'ву хотя'щу w\т дв~ы роди'тися, 
а='гг~лъ w\т ста'рческихъ чре'слъ происхо'дитъ, вели'кiй въ 
рожде'нныхъ жена'ми, и= пр\оро'кwвъ превы'шшiй: подоба'ше бо 
бж~е'ственныхъ веще'й пресла^внымъ бы'ти нача'лwмъ, кромjь` 
во'зраста и=сча'дiе, и= без\ъ сjь'мене зача'тiе. творя'й 
чудеса` во сп~се'нiе на'ше, сла'ва тебjь`.

[А=ндре'а кри'тскагw:] Jа=ви'ся дне'сь вели'кiй 
пр\дте'ча, w\т непло'дныхъ ложе'снъ _е=лiсаве'ти произше'дъ, 
бо'лiй всjь'хъ пр\оро'кwвъ пр\оро'къ, и= и='нъ нjь'сть, 
ниже` воста`, jа='кw пр\дте'чи свjьти'льнику, свjь'тъ 
послjь'дова пресвjь'тлый, и= гла'су сло'во, и= 
невjьстово'дцу жени'хъ. гото'вящему гд\севи лю'ди и=зря^дныя 
и= пред\ъwчища'ющу при дс~jь водо'ю: заха'рiино прозябе'нiе, 
и= пусты'ни до'брое воспита'нiе, покая'нiя проповjь'дникъ, 
w=чище'нiе согрjьше'нiй, су'щымъ во а='дjь бл~говjьству'яй 
и=з\ъ ме'ртвыхъ воста'нiе, и= моля` w= душа'хъ на'шихъ.

Пр\оро'къ и= пр\дте'ча и=з\ъ о_у=тро'бы jа=ви'лся 
_е=си`, хр\сто'въ кр\сти'телю i=wа'нне, и=гра'я и= ра'дуяся 
во чре'вjь мт~рни, зря` цр~и'цу прише'дшу къ рабjь`, 
нося'щую безлjь'тнаго, и= w\т _о=тца` без\ъ ма'тере, къ 
тебjь` w\т непло'дныя и= ста'рца по w=бjьтова'нiю 
возсiя'вшему. того` моли` поми'ловати ду'шы на'шя.

_W пресла'внагw чудесе`! и='же сло'ву а='гг~ла 
невjь'ровавый глаго'лющу, jа='кw зачне'тъ _е=лiсаве'тъ, и= 
роди'тъ сн~а, глаго'ля: ка'кw та'я роди'тъ; зане` а='зъ 
заматерjь'хъ, и= _о='ныя о_у=деса` о_у=мертви'шася: 
w=суди'выйся молча'ти за невjь'рiе, дне'сь зри'тъ ражда'емо 
w=бjьща'нное, и= молча'нiя разрjь'шся, въ весе'лiе вхо'дитъ, 
бл~гослове'нъ, вопiя`, гд\сь бг~ъ i=и~левъ, jа='кw посjьти` 
и= сотвори` и=збавле'нiе лю'демъ свои^мъ, подая'й мi'рови 
ве'лiю мл\сть.

I=wа'нне прехва'льне, и= вселе'нскiй а=п\сле, 
гаврiи'лово бл~говjьствова'нiе, и= непло'дныя прозябе'нiе, 
и= пусты'ни до'брое воспита'нiе, и= и='скреннiй дру'же 
жениха` хр\ста` того` моли` поми'ловатися душа'мъ на'шымъ.

Сла'ва, гла'съ s~.

[Вv"зантi'ево:] Дне'сь свjь'та свjьти'льникъ предпу'тiе 
твори'тъ прише'ствiю бж~iя сло'ва, jа='кw sвjьзда` 
свjь'тлая. дне'сь заха'рiинъ я=зы'къ о_у=ясни`, молча'нiе 
держа'въ а='гг~лу повелjь'вшу. подоба'ше бо си'це _о=тцу`, 
гла'съ не молча'нiемъ храни'ти, произше'дшу и=з\ъ о_у=тро'бы 
непло'дныя, и= всегw` мi'ра и=збавле'нiе бл~говjьству'ющу со 
дерзнове'нiемъ мно'гимъ.

И= ны'нjь, гла'съ то'йже:

_Е=лiсаве'тъ зача'тъ пр\дте'чу бл~года'ти, дв~а же гд\са 
сла'вы. цjьлова'стjься _о='бjь мт~ри, и= младе'нецъ 
взыгра'ся, вну'трь бо ра'бъ хваля'ше вл\дку. о_у=диви'вшися 
же мт~и предте'чева нача'тъ вопи'ти: w\тку'ду мнjь` се`, да 
мт~и гд\са моегw` прiи'де ко мнjь`; да сп~се'тъ лю'ди 
w\тча^янныя, и=мjь'яй ве'лiю мл\сть. 

Вхо'дъ. Прокi'менъ дне`. 

Бытiя` чте'нiе. [Глава` з~_i.]

Рече` бг~ъ а=враа'му: са'ра жена` твоя` не нарече'тся 
и='мя _е='й са'ра, но са'рра бу'детъ и='мя _е='й. 
Бл~гословлю' же ю=`, и= да'мъ тебjь` w\т нея` ча'до и= 
бл~гословлю` _е=`, и= бу'детъ во jа=зы^ки, и= ца'рiе 
jа=зы^къ w\т негw` и=зы'дутъ. И= паде` а=враа'мъ на лицjь` 
свое'мъ, и= рече` въ мы'сли свое'й: а='ще столjь'тну 
роди'тся сы'нъ; и= са'рра де'вятьдесятъ лjь'тъ су'щи, 
роди'тъ; Рече' же бг~ъ а=враа'му: _е='й, се` са'рра жена` 
твоя` роди'тъ тебjь` сы'на, и= нарече'ши и='мя _е=му` 
i=саа'къ. И= положу` завjь'тъ мо'й къ нему`, въ завjь'тъ 
вjь'ченъ. А=враа'мъ же и= са'рра престарjь'вшася во дне'хъ. 
Возсмjья' же ся са'рра въ себjь` глаго'лющи: не о_у=` ми` 
бы'сть да'же до ны'нjь, господи'нъ же мо'й ста'ръ. И= рече` 
гд\сь бг~ъ а=враа'му: что` jа='кw возсмjья'ся са'рра въ 
себjь`, глаго'лющи, о_у='бw вои'стинну ли рожду`; а='зъ же 
состарjь'хся; _е=да` не возмо'жетъ w\т бг~а вся'къ глаго'лъ; 
И= гд\сь бг~ъ посjьти` са'рру, jа='коже глаго'ла: И= заче'нши 
роди` а=враа'му сы'на въ ста'рости, jа='коже глаго'ла _е=му` 
гд\сь бг~ъ. w=брjь'за же _е=го` въ де'нь _о=смы'й, jа='коже 
заповjь'да _е=му` гд\сь бг~ъ. И= а=враа'мъ бя'ше лjь'тъ 
ста`, _е=гда` бы'сть _е=му` i=саа'къ сы'нъ _е=гw`. Рече' же 
са'рра: смjь'хъ ми` сотвори` гд\сь бг~ъ. И='же бо а='ще 
о_у=слы'шитъ, сра'дуется мнjь`. И= рече`: кто` возвjьсти'тъ 
а=враа'му, jа='кw сосца'ми пита'етъ _о=троча` са'рра, jа='кw 
роди'хъ _о=троча` въ ста'рости мое'й, И= возрасте` 
_о=троча`, и= преста` сосца'ми пита'тися. И= сотвори` 
а=враа'мъ о_у=чрежде'нiе ве'лiе, во'ньже де'нь w\тдои'ся 
i=саа'къ сы'нъ _е=гw`.

Суде'й чте'нiе. [Глава` г~_i.]

Во дни^ _о='ны, бы'сть му'жъ w\т колjь'на да'нова, и= 
и='мя _е=му` манw'е, и= жена` _е=гw` непло'ды, и= не 
ражда'ше. И= jа=ви'ся а='гг~лъ гд\сень къ женjь`, и= рече` 
къ не'й: се` ты` непло'ды, и= во чре'вjь прiи'меши, и= 
роди'ши сы'на. И= ны'нjь сохрани'ся, не пi'й вiна` и= 
сiке'ра, и= не jа='ждь вся'ко нечи'сто: зане` се` ты` во 
чре'вjь прiи'меши, и= роди'ши сы'на: и= желjь'зо не взы'детъ 
на главу` _е=гw`, jа='кw w=сщ~е'нно бг~у бу'детъ _о=троча` 
и=з\ъ чре'ва. И= прiи'де жена`, и= рече` му'жу своему`, 
глаго'лющи: jа='кw человjь'къ бж~iй прiи'де ко мнjь` и= 
видjь'нiе _е=гw`, jа='кw видjь'нiе а='гг~ла бж~iя свjь'тло 
sjьлw`. И= рече`: се` во чре'вjь прiи'меши, и= роди'ши 
сы'на: и= ны'нjь не пi'й вiна` и= сiке'ра, и= не jа='ждь 
вся'ко нечи'сто: jа='кw w=сщ~е'нно бг~у бу'детъ _о=троча` 
и=з\ъ чре'ва, да'же до дне` сме'рти _е=гw`. И= помоли'ся 
манw'е бг~у, и= рече`: ко мнjь` гд\си, чл~вjь'къ бж~iй, 
_е=го'же посла'лъ _е=си` къ на'мъ, да прiи'детъ о_у='бw, и= 
просвjьти'тъ на'съ, что` сотвори'мъ _о=троча'ти 
ражда'ющемуся; Прiи'де же а='гг~лъ къ манw'ю, и= рече`: w\т 
всjь'хъ и=`хже реко'хъ женjь` твое'й да сохрани'тся, 
_е=ли^ка и=схо'дятъ w\т вiногра'да, да не jа='стъ: и= вiна` 
и= сiке'ра да не пiе'тъ. И= рече` манw'е ко а='гг~лу гд\сню: 
что` и='мя твое`; да _е=гда` прiи'детъ глаго'лъ тво'й, 
просла'вимъ тя`. И= рече` _е=му` а='гг~лъ гд\сень: вску'ю 
ты` вопроша'еши и='мене моегw`; и= то` _е='сть чу'дно. И= не 
приложи` ктому` а='гг~лъ гд\сень jа=ви'тися къ манw'ю и= 
женjь` _е=гw`.

Пр\оро'чества и=са'iина чте'нiе:

[Главы^ м~, м~а, м~_е, м~и, н~д.]

Jа='кw глаго'летъ гд\сь: о_у=тjьша'йте, о_у=тjьша'йте 
лю'ди моя^, глаго'летъ бг~ъ, Сщ~е'нницы глаго'лите въ 
се'рдцы i=ер\сли'му, о_у=моли'те _е=го`, jа='кw о_у=мно'жися 
смире'нiе _е=гw`: разрjьши'ся бо грjь'хъ _е=гw`, jа='кw 
прiя'тъ и=з\ъ руки` гд\сни сугу^ба согрjьш_е'нiя своя^. 
Гла'съ вопiю'щагw въ пусты'ни: о_у=гото'вайте пу'ть гд\сень, 
пра'вы твори'те стези` бг~у на'шему. На го'ру высоку` 
взы'ди, бл~говjьству'яй сiw'ну, возвыша'й крjь'постiю гла'съ 
сво'й, бл~говjьству'яй i=ер\сли'му. Вознеси'те, не бо'йтеся: 
а='зъ гд\сь бг~ъ, а='зъ о_у=слы'шу о_у=бо'гихъ i=и~л_евъ, и= 
не w=ста'влю тjь'хъ. Но w\тве'рзу w\т го'ръ рjь'ки, и= 
посредjь` по'ля и=сто'чники, сотворю` пусты'ню въ лу'гъ, и= 
жа'ждущую зе'млю во и=сто'чники вwдны'я. Да возвесели'тся 
нб~о свы'ше, и= _о='блацы да кропя'тъ пра'вду: да возсiя'етъ 
земля`, и= да прозя'бнетъ мл\сть, и= пра'вда да возсiя'етъ 
вку'пjь. Гла'съ весе'лiя возвjьсти'те, и= о_у=слы'шано да 
бу'детъ, возвjьсти'те да'же до кон_е'цъ земли`. глаго'лите, 
jа='кw и=зба'ви гд\сь раба` своего` i=а'кwва: и= а='ще 
вжа'ждутъ въ пусты'ни, и=сточи'тъ и=`мъ во'ду и=з\ъ ка'мене. 
Возвесели'ся непло'ды не ражда'ющая, расто'ргни и= возопi'й 
не болjь'вшая, jа='кw мнw'га ча^да пусты'я па'че, не'жели 
и=му'щiя му'жа. 

На лiтi'и стiхи^ры самогла'сны, гла'съ а~:

И=ска'пайте, го'ры, сла'дость, и=, хо'лми, jа='кw 
а='гнцы взыгра'йте: jа='кw роди'ся w\т _е=лiсаве'ти, хотя'й 
съ на'ми водвори'тися гд\снь пр\дте'ча, разрjьши'вый въ 
рж\ствjь` _о='тчее безгла'сiе. тjь'мъ и= мы` вопiе'мъ 
_е=му`: кр\сти'телю хр\сто'въ, моли` сп~сти'ся душа'мъ 
на'шымъ.

Бг~ознамени'тый гла'съ, свjь'та свjьти'льникъ, гд\снь 
пр\дте'ча, хр\сто'мъ свидjь'тельствованный, пе'рвый во 
пр\оро'цjьхъ, w= мi'рjь мл~тву творя'й, и=зря'днw ста'до 
твое` помина'й, сп~сти` невреди'мо.

Проповjь'дникъ бы'лъ _е=си` а='гнца бж~iя и= сло'ва, 
i=wа'нне пр\оро'че и= пр\дте'че, прорица'еши бу^дущая, и= 
предглаго'леши конц_е'мъ: се` а='гнецъ бж~iй взе'мляй мi'ра 
грjьхи`, и= подая'й всjь^мъ ве'лiю мл\сть. 

Сла'ва, гла'съ _е~:

[А=ндре'а кри'тскагw.] Пр\оро'кwвъ предjь'лъ, и= нача'ло 
а='гг~лwвъ, земна'го а='гг~ла, и= нб\снаго человjь'ка, 
гла'съ сло'ва, во'ина и= пр\дте'чу хр\сто'ва, w\т 
w=бjьща'нiя предвзыгра'вшася, и= проповjь'давша пре'жде 
рж\ства` сл~нца пра'вды, дне'сь _е=лiсаве'тъ ражда'етъ, и= 
ра'дуется: и= чуди'тся заха'рiа въ ста'рости, молча'нiе 
а='ки о_у='зу w=бложе'ну w\тложи'въ, и= jа='кw роди'тель 
гла'са пр\оро'чествуетъ jа=вле'ннjьйше: ты' бо, _о=троча`, 
пр\оро'къ вы'шнягw нарече'шися, и= пред\ъи'деши пути^ 
гото'вити _е=му`. тjь'мже, а='гг~ле, пр\оро'че, а=п\сле, 
во'ине, предте'че, кр\сти'телю, и= проповjь'дниче покая'нiя, 
и= наста'вниче, jа='кw гла'съ свjь'та, сло'ва, непреста'ннw 
моли'ся w= на'съ, вjь'рою творя'щихъ твою` па'мять. 

И= ны'нjь, гла'съ то'йже: Хра'мъ и= две'рь _е=си`: 

На стiхо'внjь стiхи^ры самогла'сны, гла'съ в~. 

И='же w\т пр\оро'ка пр\оро'ка, и= непло'дныя 
прозябе'нiе, въ рожде'нныхъ жена'ми превы'шша всjь'хъ, 
пусты'ннаго граждани'на, i=wа'нна сла'внаго, _псалмы` и= 
пjь'ньми и= пjь'сньми дх~о'вными восхва'лимъ, вопiю'ще къ 
нему`: кр\сти'телю сп~совъ, и= пр\дте'че: jа='кw и=мjь'я 
дерзнове'нiе, въ чт\снjь'мъ твое'мъ рж\ствjь`, о_у=моли` 
хр\ста`, дарова'ти ми'ръ мi'ру, и= душа'мъ на'шымъ ве'лiю 
мл\сть.

Стi'хъ: Бл~гослове'нъ гд\сь бг~ъ i=и~левъ, jа='кw 
посjьти` и= сотвори` и=збавле'нiе лю'демъ свои^мъ.

Прiи'де гла'съ бл~года'ти сло'ва, сл~нца проповjь'дникъ, 
роди'выйся дне'сь w\т непло'дове безча'дныя, w\т 
w=бjьтова'нiя i=wа'ннъ пр\дте'ча: лю'дiе, ра'дуйтеся, 
прiи'де о_у=гото'вати пу'ть на'мъ сп~се'нiя, _е=му'же и= 
взыгра'въ поклони'ся, во чре'вjь су'щу ма'терни, а='гнцу 
взе'млющему грjьхи` мi'ра, и= подаю'щему на'мъ ве'лiю 
мл\сть. 

Стi'хъ: И= ты`, _о=троча`, пр\оро'къ вы'шнягw 
нарече'шися. 

И='же и=з\ъ чре'ва ма'терня w=свя'щься, и= пр\оро'чества 
прiе'мъ и=сполне'нiе, дне'сь w\т непло'дныя ражда'ется, 
гд\сне прише'ствiе проповjь'дая jа='снw: пока'йтеся, 
прибли'жися бо цр\ство нб\сное. 

Сла'ва, гла'съ и~.

[Кассi'и мона'хини:] И=са'iи ны'нjь пр\оро'ка гла'съ, 
дне'сь въ бо'льшаго w\т пр\орw'къ рожде'нiи i=wа'нна 
и=спо'лнися: се' бо, рече`, послю` а='гг~ла моего` пред\ъ 
лице'мъ твои'мъ, и='же о_у=гото'витъ пу'ть тво'й пред\ъ 
тобо'ю. се'й о_у='бw нб~е'снагw цр~я` во'инъ предте'къ. 
jа='кw вои'стинну пра'вы творя'ше ст_ези` бг~у на'шему, 
человjь'къ о_у='бw _е=стество'мъ, а='гг~лъ же житiе'мъ сы'й: 
чт\соту' бо коне'чнw и= цjьлому'дрiе цjьлова'въ, и=мя'ше 
о_у='бw по _е=стеству`, бjьжа' же jа='же чрез\ъ _е=стество`, 
па'че _е=стества` подвиза'вся. тому` вси` вjь'рнiи 
добродjь'тельми подо'бящеся, моли'те w= на'съ мо'лимся, во 
_е='же сп~сти` ду'шы на'шя.

И= ны'нjь, гла'съ то'йже:

Ви'ждь _е=лiсаве'тъ къ дв~jь мр~i'и глаго'лющу: что` 
пришла` _е=си` ко мнjь` мт~и гд\са моегw`; ты` цр~я` 
но'сиши, и= а='зъ во'ина: ты` законода'вца, и= а='зъ 
законоположи'теля: ты` сло'ва, и= а='зъ гла'съ, 
проповjь'дающъ цр\ство нб\сное.

На бл~гослове'нiи хлjь'бwвъ, тропа'рь, гла'съ д~, 
два'жды. [пи'санъ на ма'лjьй вече'рни:] и= Бц\де дв~о: 
_е=ди'ножды.

На о_у='трени,

на Бг~ъ гд\сь, тропа'рь пр\дте'чи два'жды. 

Сла'ва, и= ны'нjь: _Е='же w\т вjь'ка о_у=тае'ное:

По а~-й каfi'смjь сjьда'ленъ, гла'съ д~.

Подо'бенъ: О_у=диви'ся i=w'сифъ:

Ны'нjь прозябе` на'мъ заха'рiинъ пло'дъ, и= весели'тъ 
разу'мнw мы^сли вjь'рныхъ, пусты'нное о_у=краше'нiе, и= 
проро'кwвъ степе'нь: тjь'мже хр\сто'въ jа=ви'ся пр\дте'ча, 
и= свидjь'тель нело'женъ прише'ствiя _е=гw`. дх~о'вными 
о_у='бw пjь'сньми согла'снw кр\сти'телю возопiе'мъ: 
пр\оро'че и= проповjь'дниче и='стины, моли` сп~сти'ся на'мъ. 
[Два'жды.] 

Сла'ва, и= ны'нjь, бг~оро'диченъ:

О_у=диви'ся i=w'сифъ, _е='же па'че _е=стества` зря`, и= 
внима'ше мы'слiю и='же на руно` до'ждь, въ безсjь'менномъ 
зача'тiи твое'мъ, бц\де, купину` _о=гне'мъ неwпали'мую, 
же'злъ а=арw'новъ прозя'бшiй, и= свидjь'тельствуя 
w=бру'чникъ тво'й и= храни'тель сщ~е'нникwмъ взыва'ше: дв~а 
ражда'етъ, и= по рж\ствjь` па'ки дв~ою пребыва'етъ. 

По в~-й каfi'смjь сjьда'ленъ, гла'съ и~. 

Подо'бенъ: Прему'дрости:

Хр\сто'ва прише'ствiя нача'токъ, пресла'внw роди'лся 
_е=си` jа='кw вои'стинну, i=wа'нне всехва'льне, пр\оро'кwвъ 
глави'зна, и= jа='кw гла'съ сло'ва сы'й, взыва'лъ _е=си`: 
пока'йтеся, прибли'жися цр\ство нб\сное. тjь'мже 
о_у=гото'вавый пу'ть гд\снь, бл~года'ти пр\дте'ча jа=ви'лся 
_е=си` конц_е'мъ, кр\сти'телю и= а=п\сле: моли` хр\ста` бг~а 
прегрjьше'нiй w=ставле'нiе дарова'ти, пра'зднующымъ любо'вiю 
ст~у'ю па'мять твою`. [Два'жды.]

Сла'ва, и= ны'нjь, бг~оро'диченъ:

Прест~а'я дв~о мт~и хр\сто'ва, души` моея` стра^сти 
лю^тыя и=сцjьли`, молю'ся: и= проще'нiе да'руй мои^мъ 
прегрjьше'нiямъ, и=`хже безу'мнjь содjь'яхъ, ду'шу и= тjь'ло 
w=скверни'въ _о=кая'нный. о_у=вы` мнjь`, что` сотворю` въ 
ча'съ _о='нъ, внегда` а='гг~ли ду'шу мою` разлуча'тъ w\т 
стра'стнагw моегw` тjьлесе`; тогда` помо'щница ми` бу'ди и= 
предста'тельница теплjь'йшая: тя' бо и='мамъ наде'жду ра'бъ 
тво'й.

По полv"еле'и сjьда'ленъ, гла'съ и~.

Подо'бенъ: Повелjь'нное:

Да ра'дуется _о=те'цъ, ма'ти, возвесели'ся, jа='кw 
пр\оро'ка на земли` родила` _е=си` дне'сь, бг~озва'ннаго 
пр\дте'чу w\т w=бjьща'нiя: непло'ды младе'нца пита'етъ 
кр\сти'теля, и= ра'дуется заха'рiа рожде'нному, глаго'ля: 
разрjьши'ся я=зы'къ мо'й твои'мъ прише'ствiемъ на зе'млю, 
свjьти'льниче вели'кагw свjь'та: вои'стинну чу'до 
пресла'вно.[Два'жды.]

Сла'ва, и= ны'нjь, бг~оро'диченъ:

Бл~годари'мъ тя` при'снw, бц\де, и= велича'емъ, ч\стая, 
и= покланя'емся, воспjьва'юще рж\ство` твое`, бл~года'тная, 
вопiю'ще непреста'ннw: сп~си` на'съ, дв~о всемл\стивая, 
jа='кw бл~га'я, и= де'мwнwвъ и=схити` словоположе'нiя 
стра'шнагw въ ча'съ и=спыта'нiя, да не посрами'мся раби` 
твои`. 

Та'же степ_е'нна, а~-й а=нтiфw'нъ д~-гw гла'са. 

Прокi'менъ, гла'съ д~: И= ты`, _о=троча`, пр\оро'къ 
вы'шнягw нарече'шися. Стi'хъ: Бл~гослове'нъ гд\сь бг~ъ 
i=и~левъ, jа='кw посjьти` и= сотвори` и=збавле'нiе лю'демъ 
свои^мъ. Вся'кое дыха'нiе: _Е=v\глiе луки`, зача'ло г~: 
Зача'тъ _е=лiсаве'тъ жена` заха'рiина: Коне'цъ: До дне` 
jа=вле'нiя своегw` ко i=и~лю.

По н~-мъ _псалмjь` стiхи'ра, гла'съ в~:

И='же и=з\ъ чре'ва мт~рня w=свя'щься: [пи'сана на 
стiхо'внjь ли'стъ тк~f на w=бор.]

Канw'на два`:

Канw'нъ пе'рвый, творе'нiе i=wа'нна мона'ха, со 
i=рмосо'мъ на и~, гла'съ д~.

Пjь'снь а~.

I=рмо'съ: Трiста'ты крjь^пкiя, рожде'йся w\т дв~ы, 
безстра'стiя во глубинjь` души` трича'стное потопи`, 
молю'ся: да тебjь` jа='кw въ тv"мпа'нjь, во о_у=мерщвле'нiи 
тjьлесе` побjь'дное воспою` пjь'нiе.

Jа='кw о_у='тро бл~голjь'пно, сл~нца предтекi'й, 
непло'дныя прозябе'нiе проповjь'даетъ jа='вjь дв~ы рж\ство`, 
все'й ны'нjь вселе'ннjьй, сiя'етъ конц_е'мъ просвjьще'нiе 
бл~гоче'стiя и= бл~года'ти.

Пр\оро'къ вы'шнягw и='стиннw нарече'шися: пред\ъи'деши 
бо пред\ъ лице'мъ хр\ста`, вопiе'тъ тебjь` сн~у, i=wа'нне 
прехва'льне, дх~омъ заха'рiа прест~ы'мъ носи'мь, пу'ть 
о_у=гото'вати зижди'телю.

Глаго'лы гаврiи'ла заха'рiа слы'шавъ, вjьща'нiя 
бж~е'ственнагw, jа=ви'ся непокори'въ: и= молча'нiемъ 
w=сужда'ется, рjьши'тся же внеза'пу w\т сегw`: гла'съ бо 
роди'ся сло'ва i=wа'ннъ пр\дте'ча.

Бг~оро'диченъ: Гра'дъ бж~iй, всецр~я` бг~опрiя'тное 
селе'нiе, сокро'вище чт\сно'е, бц\де пренепоро'чная, 
сохрани` достоя'нiе твое` при'снw восхваля'ющее тя`, и= 
чту'щее вjь'рою рж\ство` твое`. 

Другi'й канw'нъ, творе'нiе а=ндре'ево, на s~. Гла'съ 
то'йже.

Пjь'снь а~.

I=рмо'съ: Наста'вльшему дре'вле i=и~ля, бjьжа'щаго w\т 
рабо'ты фараw'новы, и= въ пусты'ни пита'вшему, пои'мъ 
и=зба'вителю бг~у на'шему: jа='кw просла'вися.

Молча'нiе ста'рчо, зако'ннагw писа'нiя w='бразъ но'ситъ 
та^инъ. и='бо прише'дши бл~года'ти, мwv"се'й о_у=молча`: 
подоба'ше бо прему'дрости сокро'вищу jа='вльшуся, всjь^мъ 
молча'ти.

Въ цр~кви кадя'щу сщ~е'ннику, а='гг~лъ предста` свы'ше, 
вопiя`: стра'нна рж\ства` бл~говjь'стiе, прiидо'хъ тебjь` 
нося`, ста'рче: прiи'меши бо w\т непло'дове рожде'нiя 
пло'дъ, кр\сти'теля хр\сто'ва.

Что` о_у=диви'лся _е=си`, ста'рче; что` не вjь'руя 
стои'ши, глаго'лющему тебjь` сiя^; а='гг~лъ бо _е='сть 
вjьща'яй, а='ще и= w='бразъ но'ситъ человjь'чь: бу'ди нjь'мъ 
о_у=`бо на вре'мя, да'же до рж\ства` сло'ва гла'са.

И='же молча'нiе заха'рiино, молча'нiю положи'въ 
w='бразъ, зако'ну напи'санному, и= тjь'мъ показа'въ ми` 
покая'нiя проповjь'дника, зову'ща: гла'са вопiю'щагw 
подава'етъ непло'дствующей сы'на.

_W пресла'вныхъ веще'й хр\сто'ва пр\дте'чи! и='же 
пре'жде пеле'нъ позна'въ, плени^цы на'шя разрjь'шшаго, и= 
наро'ды w=свя'щша, дне'сь w\т _е=лiсаве'ти роди'вся, 
разрjьша'етъ _о=тцу` гла'съ.

Бг~оро'диченъ: Тя`, бж~iе вмjьсти'лище, и= мы'сленную 
лjь'ствицу, _е='юже сни'де бг~ъ, и= воwбра'жься, на'ше 
о_у='бw существо` на нб~са` возведе`, вси` jа='кw сп~се'нiю 
хода'таицу восхваля'емъ. 

Катава'сiа: W\тве'рзу о_у=ста` моя^:

Пjь'снь г~.

I=рмо'съ: Не му'дростiю, и= си'лою, и= бога'тствомъ 
хва'лимся, но тобо'ю _о='ч~ею v=поста'сною му'дростiю, 
хр\сте`: нjь'сть бо ст~ъ па'че тебе`, чл~вjьколю'бче. 

Вл\дчне о_у='бw w\т дв~ы соверша'ется рожде'нiе: но 
раба` любе'зна, w\т ста'рицы и= непло'дныя мт~ре: въ 
лjь'поту предти'четъ о_у='бw чу'до чудеси`.

Ста'рица и= непло'ды дв~у мт~рь лобза'етъ, позна'вши 
нело'жнw сея` рж\ство`: jа='кw разрjьши'ся соу'зъ 
непло'дства, бж~е'ственнымъ хотjь'нiемъ.

Бг~оро'диченъ: Неискусобра'чнw бг~а воплоще'нна ро'ждши, 
страсте'й прило'ги w=бурева'емаго мя` о_у=тверди`: нjь'сть 
бо преч\стая, ра'звjь тебе` помо'щницы.

И='нъ.

I=рмо'съ: О_у=твержда'яй гро'мъ, и= созида'яй дх~ъ, 
о_у=тверди` мене`, гд\си, да тя` пою` и='стиннw, и= творю` 
во'лю твою`, jа='кw нjь'сть ст~ъ, jа='кw ты`, бж~е на'шъ.

_Е=лiсаве'тъ пре'жде непло'ды су'щи, хр\сте`, цр~ковь 
твою` проwбража'ше jа='же w\т jа=зы^къ, и= ро'ждши 
пресла'внw, па'ки показу'етъ многоча'дну, непло'ды 
jа='вльшуся и=ногда`.

Пути^ о_у='бw и=спра'вль гд\сни, стезю` проугото'вавъ, 
покая'нiя же плоды` показа'лъ _е=си` человjь'кwмъ: и= 
жи'зненному научи'лъ _е=си` пути`, пр\оро'че и= 
проповjь'дниче хр\сто'въ.

_Е=лiсаве'тъ дне'сь и=гра'ющи но'ситъ тя`, пр\дте'че, на 
w=б\ъя'тiяхъ состарjь'вшихся, и= вопiе'тъ хва'лящися: 
нjь'сть ст~ъ, jа='коже ты`, гд\си бж~е на'шъ.

Бг~оро'диченъ: Пра'_отц_евъ разрjьши'ла _е=си` печа'ль, 
ра'дость на'мъ ро'ждшая, животода'вца и= и=зба'вителя, 
_е=го'же, преч\стая бц\де, прилjь'жнw моли`, сп~сти'ся 
ста'ду твоему`.

Сjьда'ленъ, гла'съ и~. 

Подо'бенъ: Повелjь'нное:

Заха'рiинъ гла'съ свjь'тлw разрjьши`, словесе` гла'съ 
ро'ждься пр\дте'ча, и= зако'на непло'дiе всjь^мъ показа`, 
зовы'й: пока'йтеся су'щiи на земли`, се' бо прiи'де и= 
jа=ви'ся i=и~съ, вся^ хотя` и=зба'вити w\т пе'рвыя кля'твы, 
просвjьща'я кр~ще'нiемъ, вои'стинну чу'до пресла'вно!

Сла'ва, гла'съ д~: 

Подо'бенъ: О_у=диви'ся:

Jа='коже со'лнце свjь'тло и=з\ъ чре'ва _е=лiсаве'ти 
возсiя` на'мъ заха'рiинъ сы'нъ, и= _о='тчее разрjьши` 
безгла'сiе: и= всjь^мъ лю'демъ въ дерзнове'нiи мно'зjь, 
и=спра'вите, вопiя`, пу'ть гд\снь: и='бо то'й свободи'тъ, и= 
сп~се'тъ къ нему` притека'ющыя. _е=го'же проповjь'далъ 
_е=си`, i=wа'нне, моли` сп~сти'ся душа'мъ на'шымъ.

И= ны'нjь, бг~оро'диченъ:

W=бнови'ла _е=си`, чт\сая, бж~е'ственнымъ рж\ство'мъ 
твои'мъ, и=стлjь'вшее во страсте'хъ земноро'дныхъ 
ме'ртвенное существо`: и= воздви'гла _е=си` вся^ w\т сме'рти 
къ животу` нетлjь'нiя. тjь'мже тя` по до'лгу бл~жи'мъ вси` 
дв~о, препросла'вленная, jа='коже прорекла` _е=си`.

Пjь'снь д~.

I=рмо'съ: Сjьдя'й въ сла'вjь, на пр\сто'лjь бж~ества`, 
во _о='блацjь ле'гцjь, прiи'де i=и~съ пребж~е'ственный, 
нетлjь'нною дла'нiю, и= сп~се` зову'щыя: сла'ва, хр\сте`, 
си'лjь твое'й.

Та^инъ неизрече'нныхъ предхо'дитъ та'инство, 
новосjьче'нiемъ законоположе'нiя _е=сте'ственнагw, болjь'зни 
разрjьше'нiе провозвjьща'юще, и=справле'нiе сея`, хр\сте`, 
и= w=боже'нiе.

И=са'iа w\т _о=ц~а` сн~у пр\оро'чествова, воплоти'тися 
хотя'щему, а='гг~ла земноро'дна равноа'гг~льна: се` а='зъ 
посыла'ю пред\ъ лице'мъ твои'мъ, зову'ща: сла'ва, хр\сте`, 
си'лjь твое'й.

Служи'ти jа='кw ра'бъ вл\дцjь роди'хся: на се' бо 
прiидо'хъ, сегw` возвjьсти'ти прише'ствiе: jа='кw да дв~ы 
рж\ство` пред\ъувjь'ритъ пресла'внw непло'дствующая ста'рица 
прозя'бши.

Бг~оро'диченъ: Ст~а'я бц\да, въ ню'же всели'тися 
бл~гоизво'ли, jа='кw во бл~гово'ненъ до'мъ, сло'во _о='ч~ее 
пребж~е'ственное, не растлjь'ся о_у=тро'бою, ни поболjь`: 
и='бо роди` _е=мману'ила, бг~а и= чл~вjь'ка. 

И='нъ

I=рмо'съ: О_у=слы'шахъ сла'вное смотре'нiе твое`, 
хр\сте` бж~е, jа='кw роди'лся _е=си` w\т дв~ы, да w\т ле'сти 
и=зба'виши зову'щыя: сла'ва си'лjь твое'й, гд\си.

Покая'нiе w\тве'рзеся твои'мъ рж\ство'мъ, пр\дте'че и= 
проповjь'дниче. ты' бо _е=ди'нъ проповjь'далъ _е=си`, 
взыва'я: пока'йтеся, цр\ство нб\сное прибли'жися.

Дjь'вство о_у=твержда'ется, и= цjьлому'дрiе 
торжеству'етъ, пусты'ня весели'тся, и= мi'ръ пра'зднуетъ, 
рождество'мъ твои'мъ, пр\дте'че.

_Е=лiсаве'тъ ра'дуется, и= заха'рiа вjьща'етъ па'ки: 
_о='ба о_у='бw w=бновля'ются по ста'рости, i=wа'нновымъ 
а='бiе гла'сомъ, и= просвjьща'ются.

Бг~оро'диченъ: Неwпали'мую купину` тя` законополо'жникъ 
зря'ше дре'вле: данiи'лъ же го'ру ст~у'ю смотря'ше, _е=ди'на 
мт~и дв~о вл\дчце.

Пjь'снь _е~.

I=рмо'съ: Ны'нjь воста'ну, пр\оро'чески рече` бг~ъ, 
ны'нjь просла'влюся. ны'нjь вознесу'ся, па'дшаго прiе'мъ w\т 
дв~ы, и= къ свjь'ту о_у='мному вознося'й моегw` бж~ества`.

Земля` и=зрасти` всеи'стинна проповjь'дника, гла'са 
всjь^мъ проповjь'дающа, я=зы'комъ дх~а, дв~ы сн~а, пра'вду 
съ нб~се` на на'съ прини'чущую ве'щiю тjьле'сною.

Положи` гд\сь всеи'стинна свjьти'льника тя` хр\сто'ва, 
вся^ просвjьща'ющаго, _е=ди'ны w=дjьва'юща вражду'ющыя 
_е=му`, jа='кw ри'зою въ сту'дъ, нело'жнw бж~iя сло'ва сн~а 
проповjь'дающа.

Весели'тся вся` тва'рь, твои'мъ рж\ство'мъ 
бж~е'ственнjь: ты' бо зе'мленъ а='гг~лъ пр\дте'че, и= 
небе'сный человjь'къ показа'лся _е=си`, нб\снаго бг~а 
провозвjьща'я на'мъ воплоще'нна. 

Бг~оро'диченъ: W\т тебе` ражда'ется, w\т _о=ц~а` сы'й, 
съ тобо'ю при'снw, сло'во присносу'щное и= нераздjь'льное, 
jа='кw сн~ъ _е=диноро'дный: и= напослjь'докъ w\т дв~ы, 
то'йже w\т ст~а'гw воплоща'ется дх~а. 

И='нъ.

I=рмо'съ: Возсiя'й ми`, гд\си, свjь'тъ повелjь'нiй 
твои'хъ, jа='кw къ тебjь` дх~ъ мо'й о_у='тренюетъ, и= пое'тъ 
тя`: ты' бо _е=си` бг~ъ на'шъ, и= къ тебjь` прибjьга'ю, 
цр~ю` ми'ра.

Sвjьзду` проугото'валъ _е=си`, пра'вды сл~нце, 
кр\сти'теля твоего` i=wа'нна, w\т w=бjьща'нiя рожде'ннаго 
дне'сь, и= ро'ждшагw разрjь'шша гла'съ.

Не вjьща'й, не сопроти'въ глаго'ли, ста'рче w=сщ~е'нне: 
гаврiи'лъ бо глаго'летъ ти`, пе'рвый во а=рха'гг~лjьхъ, 
бж~iя та^инства, и= _е='же къ на'мъ тогw` сни'тiе сказу'я.

Ста'рче не невjь'руй, бг~ъ бо w=бjьщава'етъ, jа='кw въ 
ста'рости роди'ши сн~а, _е=гw'же w= рж\ствjь` мно'зи 
возра'дуются: то'й бо прiи'детъ си'лою и=лiино'ю.

Пр\оро'че, проповjь'дниче, пр\дте'че, _е='же w\т 
непло'ды прозябе'нiе, возвjьсти'телю покая'нiя, пусты'нное 
_о=вча`, свjь'та свjьти'льниче, w= всjь'хъ моли` чту'щихъ 
тя` вjь'рнw.

Бг~оро'диченъ: Jа='кw две'рь непроходи'му, и= купину` 
неwпали'му, и= несjько'му го'ру, w\т нея'же ка'мень 
о_у=сjьче'ся, и='же и=з\ъ тебе` воплоща'емый: воспjьва'емъ 
вл\дчце, мт~и всjь'хъ творца`.

Пjь'снь s~.

I=рмо'съ: Прiидо'хъ во глубины^ мwрскi'я, и= потопи'ла 
мя` _е='сть бу'ря мно'гихъ грjьхw'въ: но jа='кw бг~ъ и=з\ъ 
глубины` возведи` живо'тъ мо'й, многомл\стиве.

Бг~а сло'ва позна'лъ _е=си` jа='кw пр\оро'къ, въ 
ма'терней о_у=тро'бjь, и= сея` я=зы'ка о_у=потреби'въ, 
бг~осло'виши въ те'мнjь черто'зjь, w=божа'емь свjь'томъ 
непристу'пнымъ.

Немо'лчнw, jа='кw гла'съ вопiю'щагw, и=зба'вителя мi'ра 
кр\сти'телю моля` не преста'й, душе'вное разрjьши'ти 
непло'дiе, пою'щихъ твое` рж\ство`.

Бг~оро'диченъ: Непристу'пнагw бж~ества` селе'нiе, 
чт\сая твоя` о_у=тро'ба jа=ви'ся, _w бц\де: на ню'же без\ъ 
боя'зни нб\снiи чи'нове взира'ти не мо'гутъ. 

И='нъ.

I=рмо'съ: Бу'ря мя` помышле'нiй пости'гши, во глубину` 
низвлачи'тъ мя` безмjь'рныхъ грjьхw'въ: но ты`, 
о_у=пра'вителю бл~гi'й, предвари'въ о_у=пра'ви jа='кw 
пр\оро'ка, и= сп~си' мя.

Дне'сь пусты'нный граждани'нъ i=wа'ннъ ражда'ется, 
покая'нiя проповjь'дникъ, и= бл~года'ти свидjь'тель 
и='стиненъ, пр\дте'ча сло'ва, и= свjь'ту предсiя'ющая 
sвjьзда`.

Дне'сь сjьки'ра и=скова'вшися, посjьче'нiе предлага'етъ 
душа'мъ непло'дiя, и= насажда'етъ плоды` добродjь'т_ельныя: 
пред\ъи'детъ тве'рдw, въ рж\ствjь` твое'мъ, пр\дте'че.

Возра'довася i=_орда'нъ пресла'внw, и= и=гра'етъ 
науча'яся, i=wа'нна слы'шя w\т непло'дна рожде'на чре'ва, 
мо'ре же лику'етъ водны'ми и=гра'нiи.

Свjьти'льникъ свjь'та прише'ствiе предте'къ, проповjь'да 
а='гнца бж~iя сп~са, свjь'тъ возсiя'вшаго земли`, 
_е=стества' же всегw` дх~о'внjь преджре'на.

Бг~оро'диченъ: Бе'здну мл\сти ро'ждшая, страсте'й мои'хъ 
бе'здну пучи'ною щедро'тъ твои'хъ потопи'вши, ту'чу w\т 
души` пода'ждь ми` сле'зъ, бг~ороди'тельнице всенепоро'чная.

Конда'къ, гла'съ г~:

Подо'бенъ: Дв~а дне'сь:

Пре'жде непло'ды, дне'сь хр\сто'ва пр\дте'чу ражда'етъ 
и= то'й _е='сть и=сполне'нiе вся'кагw пр\оро'чества: 
_е=го'же бо пр\оро'цы проповjь'даша, на сего` во i=_орда'нjь 
ру'ку положи'въ, jа=ви'ся бж~iя сло'ва пр\оро'къ, 
проповjь'дникъ, вку'пjь и= пр\дте'ча. 

I='косъ: Восхва'лимъ ны'нjь гд\сня пр\дте'чу, _е=го'же 
сщ~е'ннику _е=лiсаве'тъ роди`, и=з\ъ ложе'снъ непло'дныхъ, 
но не без\ъ сjь'мене: хр\сто'съ бо _е=ди'нъ вмjьсти'лище 
про'йде непроходи'мо без\ъ сjь'мене. i=wа'нна непло'ды 
роди`, без\ъ му'жа же сего` не роди`: i=и~са же, 
w=сjьне'нiемъ _о=ц~а` и= дх~а бж~iя, дв~а роди` чт\сая. но 
безсjь'менному jа=ви'ся w\т непло'дныя, пр\оро'къ и= 
проповjь'дникъ, вку'пjь и= пр\дте'ча.

Пjь'снь з~.

I=рмо'съ: Ю='нwши три` въ вавv"лw'нjь, велjь'нiе 
мучи'телево на бу'йство прело'жше, посредjь` пла'мене 
вопiя'ху: бл~гослове'нъ _е=си`, гд\си бж~е _о=т_е'цъ 
на'шихъ.

Бя'ше пе'рвjье во мра'цjь вся'ко земноро'дныхъ 
_е=стество`, _w пр\дте'че! но о_у='тро вопiя` jа=ви'лся 
_е=си`: бл~гослове'нъ _е=си`, гд\си бж~е _о=т_е'цъ на'шихъ.

Неду'говавшее и=сцjьли` _е=стество` все`, сла'вное w\т 
непло'дныя твое` рж\ство`, научи'вшее пр\дте'че, пjь'ти: 
бл~гослове'нъ _е=си`, гд\си бж~е _о=т_е'цъ на'шихъ.

Роди'лся _е=си`, пр\дте'че, w\т непло'дныя, прiи'де бо 
всеи'стиннw, зако'ну непло'дствующу бл~года'ть, хр\сту` 
пою'щи: бл~гослове'нъ _е=си`, гд\си бж~е _о=т_е'цъ на'шихъ.

Бг~оро'диченъ: Дв~о бл~гослове'нная, моли` w= на'съ 
моля'щихъ тя`: на тя' бо о_у=пова'емъ вси`, и= тебjь` 
вопiе'мъ: вл\дчце, не пре'зри рабw'въ твои'хъ.

И='нъ.

I=рмо'съ: Въ пещи` а=враа'мстiи _о='троцы персi'дстjьй, 
любо'вiю бл~гоче'стiя па'че, не'жели пла'менемъ w=паля'еми, 
взыва'ху: бл~гослове'нъ _е=си` въ хра'мjь сла'вы твоея`, 
гд\си.

Заха'рiа о_у=молча'въ на вре'мя, возвjьсти` молча'нiе 
писа'нiемъ: и= па'ки провjьща'въ рж\ство'мъ твои'мъ, 
пр\дте'че, дх~а бл~года'ть возвjьща'етъ пресла'внw.

Цр~кви подо'бится непло'ды безча'дная, _е=лiсаве'тъ 
всеч\стна'я, jа='же пе'рвjье о_у='бw су'щи тре'бами и= 
сква'рами w=черне'на, ны'нjь же хва'лящися и= добро'тою и= 
рожде'нiемъ.

Пр\дте'чи рж\ство'мъ w=стри'тся дне'сь сjьки'ра 
дх~о'вная, _е='юже вся^ посjька'ются страсте'й взыгра^нiя, 
та'йнw же процвjьта'ютъ плоды` покая'нiя. 

Jа='кw ве'тхаго и= но'ваго хода'тая тя`, пр\дте'че, и= 
ст_ези` и=справля'юща хр\сто'вы, w=чища'ющаго согрjьше'нiй 
гумно` духо'вною лопа'тою, почита'емъ, i=wа'нне.

И='же пред\ъ со'лнцемъ те'кшаго, хр\сто'мъ бг~омъ 
на'шимъ, i=wа'нна сла'внаго, jа='кw sвjьзду`, пр\дте'чу и= 
покая'нiя проповjь'дника, воспое'мъ вси` w\т непло'дныя 
проше'дшаго.

Бг~оро'диченъ: Во чре'во твое` дв~о безсjь'меннw 
все'льшася, и= ро'ждшася за неизрече'нное и= коне'чное 
смире'нiе, и= на'съ ра'ди w=бнища'вша, w= всjь'хъ моли'ти не 
преста'й, бц\де.

Пjь'снь и~.

I=рмо'съ: И=зба'вителю всjь'хъ, всеси'льне, посредjь` 
пла'мене бл~гоче'ствовавшыя, снизше'дъ w=роси'лъ _е=си`, и= 
научи'лъ _е=си` пjь'ти: вся^ дjьла`, бл~гослови'те, по'йте 
гд\са.

Законополо'жникъ ра'бъ бя'ше мwv"се'й, i=и~съ же бг~ъ 
завjь'та но'вагw. ны'нjь же _о=бои'хъ пр\дте'ча пое'тъ, 
jа='кw хода'тай: вся^ дjьла`, бл~гослови'те гд\сня гд\са.

W\т пу'ста чре'ва го'рлица прiи'де, jа='кw 
бг~осажде'нная дубра'ва ны'нjь принесе` цр~кви, пр\дте'чу 
хр\сто'ва, и= воспjьва'етъ: вся^ дjьла`, бл~гослови'те 
гд\сня гд\са.

Бг~оно'снiи лю'дiе, jа=зы'къ ст~ъ, го'рлицjь хр\сто'вjьй 
о_у=подо'битеся, и= медото'чнw воспо'йте, въ цjьлому'дрiи 
живу'ще: вся^ дjьла`, бл~гослови'те гд\сня гд\са.

Тр\оченъ: Тричи'сленнымъ свjь'томъ w=заря'еми, 
несозда'нное _е=ди'ное бж~ество`, немо'лчными о_у=сты` 
правосла'внw вопiю'ще почти'мъ: вся^ дjьла`, бл~гослови'те 
гд\сня гд\са.

И='нъ.

I=рмо'съ: Вся'ч_еская, вл\дко, прему'дростiю твое'ю 
соста'вилъ _е=си`, земли' же па'ки о_у=тверди'лъ _е=си`, 
jа='коже вjь'си, дно`, w=снова'нiемъ водрузи'вый на вода'хъ 
безмjь'рныхъ. тjь'мъ вси` вопiе'мъ, воспjьва'юще: 
бл~гослови'те дjьла` гд\сня непреста'ннw гд\са.

Позна'лъ _е=си`, пр\дте'че, _е=му'же поклони'лся _е=си` 
пре'жде рж\ства`, и= пре'жде пеле'нъ твои'хъ, хр\ста` 
жизнода'вца, и= взыгра'ньми показа'лъ _е=си` сего`, гд\са 
твоего` наре'къ, взаи'мъ взе'мъ мт~рнiй я=зы'къ, къ пjь'нiю 
хр\ста` бг~а на'шегw.

Концы` дне'сь вселе'нстiи предпра'зднуютъ: ра'дуются 
а='гг~ли и= ду'си прв\дныхъ, живу'щiи веселя'тся: 
о_у=ме'ршiи же па'ки i=wа'нну ро'ждшуся, прiе'мше и='мъ 
про'повjьдь всjь'хъ сп~са гд\са.

Подо'бяся дне'сь i=wа'нну i=_орда'нъ мо'крыми 
быстрина'ми и=гра'ше пресла'внw: слы'ша ражда'ема 
равноа'гг~льнаго житiе'мъ, w\т ста'рицы непло'дны: 
и=справля'ющаго пути^ и= ст_ези` гд\сни, и= мi'ръ 
кр\сти'вшаго.

Начерта` дне'сь заха'рiа на досцjь` и='мя 
бг~онарече'нное пр\оро'ка и= пр\дте'чи, молча' же воззва`: 
i=wа'ннъ да нарече'тся рожде'йся мнjь` на ста'рость. 
подо'бно _е='сть w\т w=бjьща'нiя ро'ждшемуся, стра'нное 
зва'нiе.

Бг~оро'диченъ: Крjь'пко о_у=тjьше'нiе, и= непосты'дну 
наде'жду, стjь'ну неwбори'му, и= бж~е'ственно 
предста'тельство, лю'дiе твои` и='мутъ тя`, и=`же тя` 
сла'вятъ, дв~о, и= сп~са'еми зову'тъ прилjь'жнw: 
бл~гослови'те, вся^ дjьла` гд\сня, непреста'ннw гд\са. 

Пjь'снь f~.

I=рмо'съ: Сокрове'нное бж~iе неизрече'нное въ тебjь` 
соверша'ется jа='вственное та'инство, дв~о преч\стая: и='бо 
бг~ъ и=з\ъ тебе` воплоти'ся за мл\срдiе: тjь'мже тя` jа='кw 
бц\ду велича'емъ.

Се` гла'съ пр\дте'чи, неплw'днымъ и= пусты^мъ предста` 
сердца'мъ вопiю'щь: пу'ть хр\сто'въ ны'нjь о_у=гото'вите, 
jа='кw во сла'вjь гряде'тъ, _е=му'же повину'ющеся 
велича'емъ.

Jа='коже дре'вле дх~омъ прест~ы'мъ, jа='вjь 
проповjь'далъ _е=си` сн~а, пр\дте'ча, а='гнца бж~iя, мi'ра 
взе'млющаго грjьхи`, ста'ду твоему` согрjьше'нiй 
разрjьше'нiе и=спроси`.

Тр\оченъ: _Е=ди'ницу тричи'сленную, тр\оцу 
_е=диносу'щную, правосла'внw пою'ще вjь'рнiи просла'вимъ, 
бг~одjь'тельнjь на'съ w=заря'ющую, и= свjьтлостьми` 
незаходи'магw свjь'та и=сполня'ющую ду'шы на'шя.

Бг~оро'диченъ: Всjь'ми вл\дчествующая творе'нiи, лю'демъ 
твои^мъ да'руй побjь'ду w=долjь'нiя, непокори'ваго подложи` 
под\ъ но'зjь во'инству: да тя` jа='кw бц\ду велича'емъ.

И='нъ.

I=рмо'съ: jа='кw сотвори` мнjь` вели^чiя си'льный, и= 
ст~о и='мя _е=гw`, мл\сть _е=гw` въ ро'дъ и= ро'дъ боя'щымся 
_е=гw`.

Въ тебjь` вели'кое се` и= пресла'вное бг~ъ сотвори` 
зна'менiе, сщ~е'нниче: по ста'рости бо сн~а, и= по 
о_у=мерщвле'нiи о_у=дw'въ, ражда'еши пр\дте'чу.

Да слы'шатъ неплw'ды, и= да воспою'тъ бг~а, се' бо 
_е=лiсаве'тъ вопiе'тъ: по ста'рости сы'на, и= по 
о_у=мерщвле'нiи о_у=дw'въ, ражда'ю пр\дте'чу.

Весели'ся заха'рiа, и= ра'дуйся ны'нjь w= бз~jь: се' бо 
_е=лiсаве'тъ сосцы` пита'етъ, по ста'рости сы'на, и= по 
о_у=мерщвле'нiи о_у=дw'въ, ражда'етъ пр\дте'чу.

Сла'ва да'вшему непло'днjьй по ста'рости пло'дъ, ста'рцу 
и= пр\оро'ку сы'на, гото'вяща _е=му` лю'ди соверше'нны, 
бж~е'ственнаго пр\дте'чу.

Бг~оро'диченъ: Въ тя` всели'вся, и='же въ нjь'дрjьхъ 
сы'й _о=те'ческихъ, роди'ся без\ъ стра'сти и= тли`, и= 
приведе` на'съ за мл\срдiе _о=ц~у` и= бж~е'ственному дх~у.

Свjьти'ленъ: 

Подо'бенъ: Ж_ены` о_у=слы'шите:

Пр\дте'чево дне'сь радостотво'рное рожде'нiе, 
сjь'тованiе рjьши'тъ _о='тча безгла'сiя, и= ро'ждшiя 
непло'дство: возвjьща'етъ же настоя'щую ра'дость и= 
весе'лiе. тjь'мже и= вся^ тва'рь свjь'тлw то'е 
пра'зднуетъ.[Два'жды.] 

Бг~оро'диченъ: Подо'бенъ:

Пр\оро'цы проповjь'даша, а=п\сли научи'ша, и= мч~нцы 
бг~ому'дреннw твоего` сн~а, бц\де, jа='снw и=сповjь'даша, 
бг~а всjь'хъ, преч\стая. съ ни'миже тя` велича'емъ, тобо'ю 
и=зба'вльшеся дре'внягw w=сужде'нiя. 

На хвали'техъ стiхи^ры на д~, гла'съ и~.

Подо'бенъ: _W пресла'внагw чудесе`!

_W пресла'внагw чудесе`! и=з\ъ престарjь'лыя мт~ре, 
бж~iя сло'ва провозвjь'стникъ, i=wа'ннъ дне'сь произы'ти, 
тщи'тся, свя'занный я=зы'къ jа=снjь'йше рождество'мъ 
глаго'лати jа=вля'етъ. _w неизглаго'ланнагw твоегw` 
смотре'нiя вл\дко! и='мже, хр\сте`, сп~си` ду'шы на'шя, 
jа='кw _е=ди'нъ мл\срдъ.

_W пресла'внагw чудесе`! въ рожде'нныхъ жена'ми, 
пр\орw'къ же превы'шшiй, мт~рнягw непло'дства разрjьша'етъ 
w=сужде'нiе, и='же дх~омъ и= си'лою прише'дъ и=лiино'ю, 
пу'ть гд\снь и=спра'вити. _w неизглаго'ланнагw твоегw` 
бл~гоутро'бiя, вл\дко! и='мже, хр\сте`, сп~си` ду'шы на'шя, 
jа='кw _е=ди'нъ мл\срдъ.

_W пресла'внагw чудесе`! проповjь'давый хр\сто'во къ 
человjь'кwмъ и=стоща'нiе, превы'ше показу'етъ всjь'хъ того` 
гла'сомъ, и= ро'ждшiя разрjьша'етъ непло'дiе си'лою 
бж~е'ственною, и= заха'рiинъ я=зы'къ. _w вели'кихъ твои'хъ 
чуде'съ, вл\дко! и='миже, хр\сте`, сп~си` чту'щыя твоего` 
вели'каго пр\дте'чу.

_W пресла'внагw чудесе`! въ рожде'нныхъ жена'ми 
пр\оро'къ и= пр\дте'ча превы'ше jа=вля'ется: пр\оро'кwвъ же 
превы'шшiй, и= прише'ствiя хр\сто'ва предвозвjь'стникъ, 
предвзыгра'вый во о_у=тро'бjь ма'терни. _W sjьлw` вели'кихъ 
твои'хъ дарова'нiй чл~вjьколю'бче и='миже, хр\сте`, сп~си` 
ду'шы на'шя, jа='кw всеси'ленъ.

Сла'ва, гла'съ s~.

[А=нато'лiево:] Sвjьзда` sвjь'здъ пр\дте'ча w\т 
непло'дныя о_у=тро'бы на земли` ражда'ется дне'сь, i=wа'ннъ 
бг~овожделjь'нный, и= хр\сто'ву jа=вля'етъ зарю`, восто'къ 
свы'ше, въ пра'вое вjь'рныхъ прехожде'нiе. 

И= ны'нjь: Бц\де, ты` _е=си` лоза`: 

Славосло'вiе вели'кое. И= w\тпу'стъ.

На лiтургi'и

Бл~же'нна, пр\дте'чи пе'рвагw канw'на, пjь'снь г~-я, на 
д~: и= втора'гw, пjь'снь s~-я, на д~. По вхо'дjь тропа'рь 
хра'ма хр\сто'ва, и= бц\ды, а='ще _е='сть, та'же тропа'рь 
пр\дте'чи. Посе'мъ конда'къ хра'ма хр\сто'ва: Сла'ва, 
пр\дте'чи: И= ны'нjь, хра'ма бц\ды. А='ще нjь'сть хра'ма 
бц\ды: И= ны'нjь, конда'къ хра'ма хр\сто'ва. А='ще нjь'сть 
хра'ма хр\сто'ва, глаго'лемъ тропа'рь пре'жде пр\дте'чи. 
Сла'ва, конда'къ _е=гw`: И= ны'нjь, Предста'тельство 
хр\стiа'нъ: Прокi'менъ, а=п\слъ, и= _е=v\глiе чте'мъ 
пр\дте'чи _е=ди'нъ: та'кожде и= прича'стенъ. Прокi'менъ, 
гла'съ з~: Возвесели'тся прв\дникъ w= гд\сjь и= о_у=пова'етъ 
на него`. Стi'хъ: О_у=слы'ши, бж~е, гла'съ мо'й, внегда` 
моли'ти ми ся къ тебjь`. А=п\слъ къ ри'млянwмъ, зача'ло 
рв~_i. А=ллилу'iа, гла'съ а~: Бл~гослове'нъ гд\сь бг~ъ 
i=и~левъ, jа='кw посjьти` и= сотвори` и=збавле'нiе лю'демъ 
свои^мъ. Стi'хъ: И= ты`, _о=троча`, пр\оро'къ вы'шнягw 
нарече'шися. _Е=v\глiе луки`, зача'ло л~: Поне'же о_у='бw 
мно'зи нача'ша чини'ти: Коне'цъ въ зача'лjь д~: До дне` 
jа=вле'нiя своегw` ко i=и~лю. 

Прича'стенъ: Въ па'мять вjь'чную: Ря'дъ же, а=п\слъ и= 
_е=v\глiе, вычита'емъ напреди`.

Подоба'етъ вjь'дати, jа='кw а='ще случи'тся пра'здникъ 
i=wа'нна пр\дте'чи въ недjь'лю, предваря'ются вся^ 
воскр\сная.