Богослужебные тексты

<::лат>        OCR:

<::рус>        Библиотека святоотеческой литературы

<::лат>        http://orthlib.ru

<::слав>

(с. 423)

%<Мjь'сяца тогw'же въ к~f-й де'нь.%>

%<Ст~ы'хъ сла'вныхъ и= всехва'льныхъ и= первоверхо'вныхъ 
а=п\слъ, петра` и= па'vла.%>

%<Твори'мъ бдjь'нiе. На ма'лjьй вече'рни,%>

%<На Г%>д\си, воззва'хъ, %<стiхи^ры на д~, гла'съ д~. 
По\д: Д%>а'лъ _е=си` зна'менiе:

%<Д%>а'лъ _е=си` хвале'нiе * цр~кви твое'й, гд\си, * 
честны'я а=п\слы твоя^. * въ не'йже просiява'ютъ мы'сленнiи 
свjьти'льницы, * пе'тръ же и= па'vелъ, * jа='коже sвjь'зды 
слов_е'сныя, * вселе'нную w=заря'юще, * и='миже просвjьти'лъ 
_е=си` за'падный мра'къ, * i=и~се всеси'льне, * сп~се ду'шъ 
на'шихъ.

%<Два'жды.%>

%<Д%>а'лъ _е=си` о_у=твержде'нiе * цр~кви твое'й, гд\си, 
* петро'ву тве'рдость, * и= па'vловъ ра'зумъ, * и= свjь'тлую 
му'дрость, * и= _о=бои'хъ бг~огла'сiе и='стинное, * 
_е='ллинскую пре'лесть w\тгоня'щее: * тjь'мже тайноводи'ми 
w\т _о=бои'хъ, пое'мъ тя`, * i=и~се всеси'льне, * сп~се 
ду'шъ на'шихъ.

%<Д%>а'лъ _е=си` _о='бразъ w=браще'нiя согрjьша'ющымъ, * 
_о='ба а=п\слы твоя^, _о='ваго о_у='бw w\тве'ргшагося теб_е` 
во вре'мя стр\сти, * и= пока'явшася: * _о='ваго же 
про'повjьди твое'й сопротивля'ющася, * и= вjь'ровавша: * и= 
_о=бою` собw'ру первостоя'тельствующихъ другw'въ твои'хъ, * 
i=и~се всеси'льне, * сп~се ду'шъ на'шъ. (с. 424)

%<Сла'ва, гла'съ и~. I=wа'нна мона'ха:%>

%<Д%>осади'тель и= гони'тель цр~кве бы'лъ _е=си`, па'vле 
всебл~же'нне, съ нб~се' же зва'нъ бы'въ, защити'лъ _е=си` 
сiю` пресла'внw: _е='йже ны'нjь моли`, и=зба'витися w\т 
бjь'дъ, и= спасти'ся душа'мъ на'шымъ.

%<И= ны'нjь, бг~оро'диченъ:%>

%<П%>ро'въ тво'й, бц\де дв~о, врачевство` _е='сть 
духо'вное: въ _о='нь бо прибjьга'юще, w\т душе'вныхъ неду^гъ 
и=збавля'емся.

%<Прокi'менъ дне`.%>

%<На стiхо'внjь стiхи^ры, гла'съ в~. Подо'бенъ: 
_Е=%>гда` w\т дре'ва:

%<П%>е'тре а=п\слwвъ w=снова'нiе, ка'меню хр\сто'вы 
цр~кве, хр\стiа'нwвъ нача'ло, паси` _о='вцы твоегw` двора` 
сла'внw: а='гнцы твоя^ сохрани` w\т волкw'въ льсти'выхъ, 
и=зба'ви ста'до твое` w\т напа'стей лю'тыхъ: тя' бо 
моли'твенника къ бг~у неусы'пна стяжа'хомъ вои'стинну, и= w= 
тебjь` хва'лящеся спаса'емся вси`.

%<Стi'хъ: В%>о всю` зе'млю и=зы'де вjьща'нiе и='хъ, и= 
въ концы` вселе'нныя глаго'лы и='хъ.

%<П%>а'vле, jа=зы'кwвъ ло'вче, хр\стiа'нъ предста'телю, 
вселе'нныя свjьти'льниче, о_у=ста` немw'лчна хр\ста` жива'гw 
бг~а, w=бтекi'й jа='коже со'лнце концы` вся^, 
проповjь'данiемъ бж\ственныя вjь'ры, разрjьши` w\т о_у='зъ 
грjьхо'вныхъ вся^ восхваля'ющыя тя`, и= крася'щыяся 
моли'твами твои'ми.

%<Стi'хъ: Н%>б~са` повjь'даютъ сла'ву бж~iю, творе'нiе 
же руку` _е=гw` возвjьща'етъ тве'рдь.

%<П%>е'тре верхо'вный о_у=ч~ниче`, па'vле а=п\слwвъ 
и=сполне'нiе, пе'рвiи проповjь'дницы, ны'нjь со 
дерзнове'нiемъ моли'теся къ бг~у прилjь'жнw, и= ско'рую 
по'мощь, и= разрjьше'нiе бjь'дъ вку'пjь низпосли'те 
скорбя'щымъ на'мъ, jа='кw да похва'лимся вjь'рою, и= ны'нjь 
въ сjь'ни ва'шей, дjь'лы проявля'юще покро'въ ва'шъ. (с. 
425)

%<Сла'ва, гла'съ д~. I=wа'нна мона'ха:%>

%<Х%>р\сто'съ тя` пе'рваго и=збра'въ, пе'тре w=снова'нiе 
вjь'ры, вjьнча' тя, и='же всjь'хъ вл\дка тебjь` предрече`: 
бл~же'нъ _е=си`, сi'мwне ва'ръ i=w'на, jа='кw пло'ть и= 
кро'вь не jа=ви`, священнопроповjь'дника моего` сотвори' тя: 
но _о=ц~ъ мо'й, и='же _е='сть на нб~сjь'хъ. того` моли`, 
бг~облаже'нне а=п\сле, дарова'ти на'мъ ве'лiю ми'лость.

%<И= ны'нjь, бг~оро'диченъ: И=%>зба'ви на'съ w\т бjь'дъ:

%<Тропа'рь, гла'съ д~:%>

%<А=%>п\слwвъ первопресто'льницы, и= вселе'нныя 
о_у=чи'телiе, вл\дку всjь'хъ моли'те, ми'ръ вселе'ннjьй 
дарова'ти, и= душа'мъ на'шымъ ве'лiю ми'лость.

%<Сла'ва, и= ны'нjь, бг~оро'диченъ: _Е='%>же w\т вjь'ка 
о_у=тае'нное:

%<На вели'цjьй вече'рни, по _о=бы'чномъ _псалмjь` 
пое'мъ: Б%>л~же'нъ му'жъ, %<а~-й а=нтiфw'нъ.%>

%<На Г%>д\си, воззва'хъ, %<стiхи^ры на и~, гла'съ в~.%>

%<Самоподо'бенъ, а=ндре'а пv'рскагw:%>

%<К%>i'ими похва'льными вjьнцы^ о_у=вязе'мъ петра` и= 
па'vла, раздjьл_е'ныя тjьлесы`, и= совоку'пл_еныя ду'хомъ, 
бг~опроповjь'дникwвъ первостоя'тели; _о='ваго о_у='бw jа='кw 
а=п\слwвъ преднача'льника: _о='ваго же jа='кw па'че и=нjь'хъ 
труди'вшася. си'хъ бо вои'стинну досто'йнw безсме'ртныя 
сла'вы вjьнцы` вjьнча'етъ хр\сто'съ бг~ъ на'шъ, и=мjь'яй 
ве'лiю ми'лость.

%<Три'жды.%>

%<К%>i'ими пjь'сненными добро'тами воспое'мъ петра` и= 
па'vла; бг~оразу'мiя крилjь^, прелетjь'вшыя концы`, и= къ 
небеси` возне'сшыяся, ру'цjь _е=v\глiа бл~года'ти, но'зjь 
и='стиннагw проповjь'данiя, рjь'ки прему'дрости, кр\стныя 
ро'ги, и='миже де'мwнwвъ бро'вь хр\сто'съ низложи`, и=мjь'яй 
ве'лiю ми'лость.

%<Три'жды.%> (с. 426)

%<К%>i'ими духо'вными пjь'сньми похва'лимъ петра` и= 
па'vла; безбо'жiя закла'вшыя незатыка'_емая о_у=ста`; 
стра^шныя ду'ха мечи`, ри'ма свjь^тлая о_у=добр_е'нiя, всея` 
вселе'нныя пита'тели, но'вагw завjь'та бг~опи^санныя 
скрижа^ли мы'сл_енныя, jа=`же въ сiw'нjь хр\сто'съ 
возгласи`, и=мjь'яй ве'лiю ми'лость.

%<Два'жды.%>

%<Сла'ва, гла'съ д~. I=wа'нна мона'ха:%>

%<Т%>рикра'тнымъ вопроше'нiемъ, _е='же, пе'тре, лю'биши 
ли мя`, трикра'тное w\тверже'нiе хр\сто'съ и=спра'вилъ 
_е='сть. тjь'мже и= къ тайновjь'дцу сi'мwнъ: гд\си, вся^ 
вjь'си, вся^ зна'еши: ты` вjь'си, jа='кw люблю' тя. тjь'мже 
къ нему` сп~съ: паси` _о='вцы моя^, паси` и=збра^нныя моя^, 
паси` а='гнцы моя^, jа=`же мое'ю кро'вiю снабдjь'хъ во 
спасе'нiе. того` моли`, бг~облаже'нне а=п\сле, дарова'ти 
на'мъ ве'лiю ми'лость.

%<И= ны'нjь, бг~оро'диченъ: И='%>же теб_е` ра'ди:

%<Вхо'дъ. Прокi'менъ дне`.%>

%<Собо'рнагw посла'нiя петро'ва чте'нiе.%>

[Глава` а~] %<Б%>ра'тiе, бл~гослове'нъ бг~ъ и= _о=ц~ъ 
гд\са на'шегw i=и~са хр\ста`, и='же по мно'зjьй свое'й 
ми'лости порожде'й на'съ во о_у=пова'нiе жи'во, воскр\снiемъ 
i=и~съ хр\сто'вымъ w\т ме'ртвыхъ, Въ наслjь'дiе нетлjь'нно, 
и= нескве'рно, и= неувяда'емо, соблюде'но на нб~сjь'хъ ва'съ 
ра'ди. И=`же си'лою бж~iею соблюде'ни вjь'рою во спасе'нiе, 
гото'вое jа=ви'тися во вре'мя послjь'днее. W= не'мже 
ра'дуйтеся ма'лw ны'нjь, а='ще лjь'по _е='сть, приско'рбни 
бы'вше въ разли'чныхъ напа'стехъ: Да и=скуше'нiе ва'шея 
вjь'ры, многочестнjь'йше зла'та ги'бнуща, _о=гне'мъ же 
и=скуше'на, w=бря'щется въ похвалу` и= че'сть и= сла'ву, во 
w\ткрове'нiи i=и~съ хр\сто'вjь: то'же не ви'дjьвше лю'бите: 
и= на него'же ны'нjь не зря'ще, вjь'рующе же, ра'дуетеся 
ра'достiю неизглаго'ланною и= просла'вленною, прiе'млюще 
кончи'ну вjь'рjь ва'шей, спасе'нiе душа'мъ. (с. 427)

%<Собо'рнагw посла'нiя петро'ва чте'нiе.%>

[Глава` а~] %<В%>озлю'бленнiи, препоя'савше чр_е'сла 
помышле'нiя ва'шегw, трезвя'щеся соверше'ннjь, о_у=пова'йте 
на приноси'мую ва'мъ бл~года'ть, w\ткрове'нiемъ i=и~съ 
хр\сто'вымъ: Jа='кw ча^да послуша'нiя, не преwбразу'ющеся 
пе'рвыми невjь'дjьнiя ва'шегw похотjь^нiи: Но по зва'вшему 
вы` ст~о'му, и= са'ми свя'ти во все'мъ житiи` бу'дите. Зане` 
пи'сано _е='сть: свя'ти бу'дите, jа='кw а='зъ свя'тъ 
_е='смь. И= а='ще _о=ц~а` называ'ете нелицемjь'рнw судя'ща 
кому'ждо по дjь'лу, со стра'хомъ житiя` ва'шегw вре'мя 
жи'тельствуйте. Вjь'дяще, jа='кw не и=стлjь'ннымъ сребро'мъ, 
и=ли` зла'томъ и=зба'вистеся w\т су'етнагw ва'шегw житiя` 
_о=тцы` пре'даннагw: Но честно'ю кро'вiю, jа='кw а='гнца 
непоро'чна и= преч\ста хр\ста`.

%<Собо'рнагw посла'нiя петро'ва чте'нiе.%>

[Глава` в~] %<В%>озлю'бленнiи, молю` jа='кw прише'льцы 
и= стра'нники, w=греба'тися w\т плотски'хъ похоте'й, jа=`же 
вою'ютъ на ду'шу, житiе` ва'ше и=му'ще добро` во 
jа=зы'цjьхъ: да w= не'мже клеве'щутъ ва'съ а='ки 
sлодjь'_евъ, w\т до'брыхъ дjь'лъ ви'дjьвше, просла'вятъ бг~а 
въ де'нь посjьще'нiя. Повини'теся о_у=`бо вся'кому 
человjь'чу созда'нiю, гд\са ра'ди: а='ще царю`, jа='кw 
преwблада'ющу: А='ще ли же княз_е'мъ, jа='кw w\т негw` 
пw'сланнымъ, во w\тмще'нiе о_у='бw sлодjь'_емъ, въ похвалу' 
же благотво'рц_емъ. Jа='кw та'кw _е='сть во'ля бж~iя, 
благотворя'щымъ w=буздова'ти безу'мныхъ человjь^къ 
невjь'жество: Jа='кw свобо'дни, а= не jа='кw прикрове'нiе 
и=му'ще sло'бы свобо'ду, но jа='кw раби` бж~iи. Всjь'хъ 
почита'йте: бра'тство возлюби'те: бг~а бо'йтеся: царя` 
чти'те. Раби`, повину'йтеся во вся'комъ стра'сjь влады'камъ, 
не то'кмw благи^мъ и= крw'ткимъ, но и= стропти^вымъ. Се' бо 
_е='сть о_у=го'дно предъ бг~омъ, а='ще со'вjьсти ра'ди бж~iя 
терпи'тъ кто` скw'рби, стражда` безъ пра'вды. Ка'я бо 
похвала`, а='ще (с. 428) согрjьша'юще му'чими терпите`; но 
а='ще добро` творя'ще, и= стра'ждуще терпите`, сiе` 
о_у=го'дно предъ бг~омъ: На сiе' бо и= зва'ни бы'сте. Зане` 
и= хр\сто'съ пострада` по на'съ, на'мъ w=ста'вль _о='бразъ, 
да послjь'дуемъ стопа'мъ _е=гw`. И='же грjьха` не сотвори`, 
ни w=брjь'теся ле'сть во о_у=стjь'хъ _е=гw`: И='же 
о_у=коря'емь, проти'ву неукоря'ше: стражда`, не преща'ше: 
предая'ше же судя'щему пра'веднw: И='же грjьхи` на'шя са'мъ 
вознесе` на тjь'лjь свое'мъ на дре'во, да w\т грjь^хъ 
и=збы'вше, пра'вдою поживе'мъ.

%<На лiтi'и стiхи^ры, гла'съ в~. Самогла'сны. А=ндре'а 
i=ерусалими'ты:%>

%<Г%>ряди'те собо'ри дне'сь вjь'рныхъ, благохва'льное и= 
кра'сное собра'нiе, благода'ти и=збра'нныя хитрецы`, петра` 
и= па'vла, подо'бными хвала'ми вjьнча'емъ, jа='кw 
незави'стнw всjь^мъ сло'во всjь'явше: съ си'ми и= бл~года'ть 
дх~а w=богати'ша, и= и='стиннагw вiногра'да су'ще ло'зiе, 
гро'здъ зрjь'лъ на'мъ воздjь'лаша, веселя'щь сердца` на^ша. 
къ ни^мже w\ткрове'ннымъ лице'мъ и= чи'стою со'вjьстiю 
возопiе'мъ, глаго'люще: ра'дуйтеся, розори'тели 
безслове'сныхъ, и= служи'тели слове'сныхъ: ра'дуйтеся, 
всjь'хъ творца` и= строи'теля и=збра^нiя кра^сная: 
ра'дуйтеся, хода'таи благи'хъ, и= w\тгони'телiе ле'стныхъ, 
и=`хже да о_у=мо'лимъ, моли'тися при'снw къ зижди'телю и= 
о_у=ч~телю, ми'ръ крjьпкостоя'теленъ мi'ру дарова'ти, и= 
душа'мъ на'шымъ ве'лiю ми'лость.

%<А=рсе'нiево:%>

%<О_у=%>ч~ники` хр\стw'вы, и= w=снова^нiя цр~кве, 
и='стинныя столпи` и= стjь'ны, и= тру'бы бж\ств_енныя 
хр\сто'выхъ о_у=че'нiй и= страда'нiй, верхw'вныя петра` и= 
па'vла, jа='кw всегw` мi'ра предста'тели восхва'лимъ: сi'и 
бо w=бте'кше широту` всея` земли`, jа='коже ра'ломъ 
всjь'явше вjь'ру, и= всjь^мъ бг~оразу'мiе всади'ша, 
тр\оческое jа=вля'юще сло'во. _w пе'тре, ка'меню и= 
w=снова'нiе, и= па'vле сосу'де и=збра'нный! и=`же и= (с. 
429) сопряже'ннiи волы` хр\сто'вы, вся^ привлеко'ша къ 
бг~оразу'мiю: jа=зы'ки, гра'ды же и= _о='стровы, _е=вре'и же 
па'ки ко хр\сту` возведо'ша, и= мо'лятъ спасти'ся душа'мъ 
на'шымъ.

%<Ге'рманово:%>

%<П%>е'тре верхо'вне сла'вныхъ а=п\стwлъ, ка'меню 
вjь'ры, и= па'vле чу'дне, ст~ы'хъ цр~кве'й витi'а и= 
свjьти'льниче, бж\ственному пр\сто'лу предстоя'ще, w= на'съ 
хр\сту` моли'теся.

%<П%>а'vле, о_у=ста` гд\сня, w=снова'нiе о_у=че'нiй, 
и=ногда` о_у='бw гони'тель i=и~са сп~са, ны'нjь же и= 
первопресто'льникъ а=п\слwвъ бы'въ, блаже'нне. тjь'мже 
неизглагw'ланная ви'дjьлъ _е=си`, му'дре, да'же до тре'тiягw 
нб~се` возше'дъ, и= взыва'лъ _е=си`: прiиди'те со мно'ю, и= 
благи'хъ не лиши'мся.

%<Гла'съ г~. I=wа'нна мона'ха:%>

%<В%>ы'шнягw i=ер\сли'ма гра'ждане, ка'мень вjь'ры, 
витi'а цр~кве хр\сто'вы, тр\оческая дво'ица, мi'ра ловцы`, 
w=ста'вльше дне'сь jа=`же на земли`, w\тидо'ша страда'нiемъ 
къ бг~у, и= мо'лятся _е=му` со дерзнове'нiемъ, спасти'ся 
душа'мъ на'шымъ.

%<Сла'ва, гла'съ _е~. Вv"зантi'ево:%>

%<П%>рему'дрость бж~iя, соприсносу'щное сло'во _о='ч~ее, 
jа='коже въ _е=v\глiахъ предрече`, многоплw'дныя ло'зы вы` 
_е=сте`, всехва'льнiи а=п\сли, и=`же гро'здъ зрjь'лъ и= 
кра'сенъ во вjь'твехъ ва'шихъ нося'щи, _е=го'же вjь'рнiи 
jа=ду'ще, о_у=слажда'емъ вку'съ къ весе'лiю. пе'тре, ка'меню 
вjь'ры, и= па'vле, похвало` вселе'нныя, о_у=тверди'те 
ста'до, _е='же стяжа'сте о_у=че'ньми ва'шими.

%<И= ны'нjь, бг~оро'диченъ: Б%>лажи'мъ тя`, бц\де:

%<На стiхо'внjь стiхи^ры самогла^сны, гла'съ а~. 
А=ндре'а кри'тскагw:%>

%<Jа=`%>же по вся^ гра'ды о_у='зы и= скw'рби твоя^ кто` 
ска'жетъ, сла'вне а=п\сле па'vле; труды`, болjь^зни и= 
бдjь^нiя, jа=`же во а='лчбjь и= жа'ждjь sлостра^стiя, jа=`же 
въ зимjь` и= наготjь`, ко'шницу и= жезлобi_е'нiя, 
каменом_ета'нiя и= w=бхожд_е'нiя, глубины` и=стопл_е'нiя: 
позо'ръ бы'сть а='гг~лwвъ (с. 430) и= человjь'кwвъ. вся^ 
о_у='бw претерпjь'лъ _е=си` w= о_у=крjьпля'ющемъ тя` 
хр\стjь`, да мi'ръ приwбря'щеши, w= хр\стjь` i=и~сjь гд\сjь 
твое'мъ. тjь'мже мо'лимъ тя`, творя'щiи па'мять твою` 
вjь'рнw: непреста'ннw моли`, спасти'ся душа'мъ на'шымъ.

%<Стi'хъ: В%>о всю` зе'млю и=зы'де вjьща'нiе и='хъ, и= 
въ концы` вселе'нныя глаго'лы и='хъ.

%<Jа=`%>же по вся` гра'ды вяза^нiя и= скw'рби твоя^ кто` 
и=сповjь'сть, сла'вне а=п\сле; и=ли` кто` предста'витъ 
по'двиги и= труды` твоя^, и='миже труди'лся _е=си` во 
_е=v\глiи хр\сто'вjь, да вся^ приwбря'щеши, и= хр\сту` 
приведе'ши цр~ковь; но сiю` проси` сохрани'ти до'брое твое` 
и=сповjь'данiе, да'же до коне'чнагw и=здыха'нiя, па'vле 
а=п\сле и= о_у=чи'телю цр~квей.

%<Стi'хъ: Н%>б~са` повjь'даютъ сла'ву бж~iю, творе'нiе 
же руку` _е=гw` возвjьща'етъ тве'рдь.

%<С%>вjьти'льники вели'кiя цр~кве, петра` и= па'vла 
восхва'лимъ: па'че бо со'лнца возсiя'ша на тве'рди вjь'ры, 
и= jа=зы'ки заря'ми проповjь'данiя w\т невjь'дjьнiя 
возведо'ша. _о='въ о_у='бw на кр\стjь` пригво'ждся, къ 
нб~си` ше'ствiе творя`, и=дjь'же цр\ствiя ключи` w\т хр\ста` 
прiя'тъ: _о='въ же мече'мъ о_у=сjь'ченъ бы'въ, ко сп~су 
w\тше'дъ, по достоя'нiю о_у=блажа'ются, и= _о='ба i=и~лю 
возвjьща'ютъ jа='кw на самаго` гд\са непра'веднw ру'цjь 
просте'рша. тjь'мже моли'твами и='хъ, хр\сте` бж~е на'шъ, на 
ны` шата'ющыяся низложи`, и= правосла'вныхъ вjь'ру 
о_у=тверди`, jа='кw чл~вjьколю'бецъ.

%<Сла'ва, гла'съ s~ _Е=фре'ма карv'а:%>

%<П%>ра'здникъ ра'достенъ возсiя` конц_е'мъ дне'сь, 
всечестна'я па'мять прему'дрыхъ а=п\слъ и= верхо'вныхъ, 
петра` и= па'vла, тjь'мже и= ри'мъ сра'дуется ликовству'я въ 
пjь'снехъ и= пjь'нiихъ. пра'зднуемъ и= мы`, бра'тiе, 
всечестны'й се'й де'нь соверши'вше: ра'дуйся, пе'тре 
а=п\сле, и='скреннiй дру'же твоегw` о_у=ч~теля, хр\ста` бг~а 
на'шегw. ра'дуйся, па'vле (с. 431) вселюбе'знjьйшiй, и= 
проповjь'дниче вjь'ры, и= о_у=чи'телю вселе'нныя: jа='кw 
и=мjь'я дерзнове'нiе, супру'же святоизбра'нный, хр\ста` бг~а 
на'шего моли'те, спасти'ся душа'мъ на'шымъ.

%<И= ны'нjь, бг~оро'диченъ: Т%>воре'цъ и= и=зба'витель 
мо'й:

%<На благослове'нiи хлjь'бwвъ тропа'рь, гла'съ д~, 
два'жды, пи'санъ на ма'лjьй вече'рни. И= Б%>ц\де дв~о, 
%<_е=ди'ножды: и= чте'нiе.%>

%<На о_у='трени, на Б%>г~ъ гд\сь, %<тропа'рь а=п\слwвъ, 
два'жды.%>

%<Сла'ва, и= ны'нjь, бг~оро'диченъ: _Е='%>же w\т вjь'ка 
о_у=тае'ное:

%<По а~-й каfi'смjь сjьда'ленъ, гла'съ и~. Подо'бенъ: 
П%>рему'дрости:

%<Г%>лубину` ловле'нiя w=ста'вль, съ нб~се` прiе'мь w\т 
_о=ц~а` бж\ственное w\ткрове'нiе сло'ва воплоще'нiя, и= со 
дерзнове'нiемъ вjь'рнw вопiя'лъ _е=си` зижди'телю твоему`: 
бж~iя тя` вjь'мъ сн~а _е=диносу'щна. тjь'мже по достоя'нiю 
вои'стинну показа'лся _е=си` ка'мень вjь'ры, и= ключа'рь 
благода'ти, пе'тре а=п\сле, моли` хр\ста` бг~а, грjьхw'въ 
w=ставле'нiе дарова'ти пра'зднующымъ любо'вiю святу'ю 
па'мять твою`.

%<Сла'ва, гла'съ а~. Подо'бенъ: К%>а'мени запеча'тану:

%<Ц%>р~ко'внаго ка'меня, всехва'льнаго петра`, и= 
побо'рника па'vла, мiрску'ю мре'жу, досто'йнw восхва'лимъ 
вjь'рнiи, jа='кw и=му'ща ключи` нб\сныя: w\т ни'хъ бо 
просвjьти'ся вселе'нная вjь'рою тр\оческою. сла'ва 
просла'вльшему ва'съ: сла'ва о_у=крjь'пльшему вы`: сла'ва 
дарова'вшему ва'съ ра'ди жи'знь вjь'чную.

%<И= ны'нjь, бг~оро'диченъ:%>

%<Р%>у'цjь твои` бж\ственнiи, и='миже созда'теля 
понесла` _е=си`, дв~о прест~а'я, вопло'щшагося благосты'нею, 
просте'рши о_у=моли` _е=го`, и=зба'вити на'съ w\т 
и=скуше'нiй и= страсте'й и= бjь'дъ, хва'лящихъ тя` любо'вiю, 
и= вопiю'щихъ: сла'ва все'льшемуся въ тя`, сла'ва 
проше'дшему и=зъ теб_е`, сла'ва и=зба'вльшему на'съ 
рж\ство'мъ твои'мъ.

%<По в~-й каfi'смjь сjьда'ленъ, гла'съ и~. Подо'бенъ: 
П%>рему'дрости:

%<С%>ъ нб~се` зва'нiе w\т хр\ста` прiи'мъ, jа=ви'лся 
_е=си` (с. 432) проповjь'дникъ свjь'та, всjь'хъ бл~года'ти 
w=зари'лъ _е=си` о_у=че'ньми: зако'на бо служе'нiе пи'смене 
и=струга'въ, вjь^рнымъ w=блиста'лъ _е=си` ра'зумъ ду'ха. 
тjь'мже и= въ тре'тiе нб~о досто'йнjь взя'тся превы'спреннw, 
и= въ ра'й дости'глъ _е=си`, па'vле а=п\сле: моли` хр\ста` 
бг~а, согрjьше'нiй w=ставле'нiе дарова'ти пра'зднующымъ 
любо'вiю святу'ю па'мять твою`.

%<Сла'ва, гла'съ д~. Подо'бенъ: Jа=%>ви'лся _е=си` 
дне'сь:

%<С%>вjьтолу'чными сiя^нiи, jа='коже sвjь'зды з_емны'я 
концы` просвjьща'ете о_у=ч_е'нiи ст~ы'я про'повjьди, нб\снiи 
таи'нницы, гд\сни а=п\сли.

%<И= ны'нjь, бг~оро'диченъ:%>

%<Т%>е'плое заступле'нiе су'щымъ въ бjьда'хъ, и= 
помо'щницу на'шу, и= къ бг~у премjьне'нiе, _е='юже тли` 
и=зба'вихомся, бц\ду вjь'рнiи о_у=блажа'емъ.

%<По полv"еле'и сjьда'ленъ, гла'съ и~. Подо'бенъ: 
П%>рему'дрости:

%<В%>ерхw'вныя jа='вльшыяся w\т о_у=ч~ни^къ, в_ели'кiя 
свjьти'льники и= свjь^тлыя, петра` да восхва'лимъ и= 
прему'драго па'vла: _о=гне'мъ бо бж\ственнагw просiя'вшыя 
дх~а, мглу` пре'лести попали'ша всю`: тjь'мже и= вы'шнягw 
цр\ствiя _о=ру^жницы досто'йнjь показа'шася, и= бл~года'ти 
сопрестw'льницы. сегw` ра'ди вопiе'мъ: а=п\сли хр\ста` бг~а, 
прегрjьше'нiй w=ставле'нiе и=спроси'те пра'зднующымъ 
любо'вiю святу'ю па'мять ва'шу.

%<Два'жды.%>

%<Сла'ва, и= ны'нjь, бг~оро'диченъ:%>

%<Jа='%>кw всенепоро'чная невjь'сто творцу`, jа='кw 
неискусому'жная мт~и и=зба'вителя, прiя'телище jа='кw су'щи 
о_у=тjь'шителя, препjь'тая, беззако'нiю мя` су'ща скве'рное 
_о=би'телище, и= бjьсw'мъ и=гра'лище въ ра'зумjь бы'вша, 
потщи'ся w\т тjь'хъ sлодjь'йства мя` и=зба'вити, и= 
свjь'тлое жили'ще добродjь'телей соверши`, свjьтоно'сная, 
нетлjь'нная: w\тжени` _о='блакъ страсте'й, и= вы'шнягw 
прича'стiя сподо'би, и= свjь'та невече'рнягw, моли'твами 
твои'ми. (с. 433)

%<Степ_е'нна, а~-й а=нтiфw'нъ д~-гw гла'са. Прокi'менъ, 
гла'съ д~: В%>о всю` зе'млю и=зы'де вjьща'нiе и='хъ, и= въ 
концы` вселе'нныя глаго'лы и='хъ. %<Стi'хъ: Н%>ебеса` 
повjь'даютъ сла'ву бж~iю: %<В%>ся'кое дыха'нiе: %<Стi'хъ: 
Х%>вали'те бг~а во ст~ы'хъ _е=гw`: %<_Е=v\глiе i=wа'нна, 
зача'ло _кс~з.%>

%<По н~-мъ _псалмjь` стiхи'ра, гла'съ s~. Самогла'сна:%>

%<Б%>лагоче'стiя и='стинныя проповjь'дники, и= цр~кве 
пресвjь'тлыя sвjь'зды, пjь'сньми похва'льными почти'мъ, 
петра` ка'меня вjь'ры, и= па'vла и='стиннаго о_у=чи'теля, и= 
таи'нника хр\сто'ва. сi'и бо и='стинное сло'во всjь'явше въ 
сердца` вjь'рныхъ, всjь^мъ плодоно'сiе да'рующа, и= мо'лятъ 
хр\ста` бг~а, спасти'ся душа'мъ на'шымъ.

%<Канw'на два`. Творе'нiе i=wа'нна дамаскина`. Пе'рвый 
ст~а'гw а=п\сла петра`, гла'съ д~, со i=рмосо'мъ на и~. 
I=рмо'съ по два'жды: тропари` на s~:%>

%<Пjь'снь а~. I=рмо'съ:%>

%<Н%>jь'сть тебjь` подо'бенъ, препросла'вленный гд\си, 
руко'ю бо крjь'пкою и=зба'вилъ _е=си` лю'ди, jа=`же стяжа'лъ 
_е=си`, чл~вjьколю'бче.

%<В%>ерхо'внjьйшаго а=п\слwвъ дне'сь, jа='кw 
первозва'ннаго хр\сто'ва, бг~одохнове'нными пjь'сньми 
досто'йнw воспои'мъ.

%<Т%>я` предвjь'чный проувjь'дjьвъ пред\ъуста'ви, 
всебл~же'нне пе'тре, jа='кw предста'теля своея` цр~кве, и= 
первопресто'льника.

%<Н%>и пло'ть, ниже` кро'вь тебjь`, но _о=ц~ъ вдохну`, 
хр\ста` бг~осло'вити сн~а и='стиннаго бг~а вы'шнягw, 
а=п\сле.

%<Бг~оро'диченъ:%>

%<Г%>о'ру ст~у'ю, превы'шнее носи'ло, мт~рь бж~iю и= 
дв~у и='стинную по рж\ствjь`, воспое'мъ.

%<И='нъ канw'нъ ст~а'гw а=п\сла па'vла, тропари` на 
s~.%>

%<Гла'съ и~. Пjь'снь а~. I=рмо'съ:%>

%<П%>осjь'ченный несjько'маго пресjьче`, и= ви'дjь 
со'лнце зе'млю, ю='же не ви'дjь, лю'таго врага` вода` 
потопи`, и= непроходи'мое про'йде i=и~ль, пjь'снь же 
воспjьва'шеся: гд\севи пои'мъ, сла'внw бо просла'вися.

%<Jа='%>коже су^щая нарица'я не су^щая, хр\сто'съ 
бж\ственнымъ (с. 434) ра'зумомъ, па'vле всебл~же'нне: то'й 
и=зъ ма'терня чре'ва тя` и=збра`, понести` предъ jа=зы'ки 
бж\ственное _е=гw` и='мя, _е='же па'че вся'кагw и='мене: 
сла'внw бо просла'вися.

%<Б%>у'дущее возвjьща'я тебjь` сiя'нiе благоче'стiя, 
па'vле, и= ле'сти w=чище'нiе, хр\сто'съ jа='влься на горjь` 
молнiезра'ченъ, _о='чи о_у='бw помрача'етъ плотскi^я, 
душ_е'вныя же вразумля'етъ тр\оческимъ ра'зумомъ: сла'внw бо 
просла'вися.

%<W=%>брjь'занiе о_у='бw соверша'я _о=смодне'вное, и= 
ревни'тель _о=те'ческихъ, па'vле, преда'нiй, w\т сjь'мене 
_е=вре'йска, колjь'на венiами'нова, по зако'ну же фарiсе'й 
jа='влься, вмjьни'лъ _е=си` вся^ о_у=ме'ты, и= хр\ста` 
приwбрjь'лъ _е=си`: сла'внw бо просла'вися.

%<Бг~оро'диченъ:%>

%<Ч%>т\сая мт~и бг~а вседержи'теля, w\т ца'рскагw 
колjь'на, вл\дчце, и=зра'стши, и= _е=ди'на бг~а всjь'ми 
ца'рствующаго, ро'ждшая пло'тiю па'че _е=стества`, w\т 
бjь'дъ мя` спаси`, сн~у твоему` пою'ща: сла'внw бо 
просла'вися.

%<Катава'сiа: W\т%>ве'рзу о_у=ста` моя^:

%<Пjь'снь г~. I=рмо'съ:%>

%<Н%>е му'дростiю и= си'лою, и= бога'тствомъ хва'лимся, 
но тобо'ю, _о='ч~ею v=поста'сною му'дростiю, хр\сте`: 
нjь'сть бо свя'тъ, па'че теб_е`, чл~вjьколю'бче.

%<Т%>я` блаже'нна, сла^дкая о_у=ста` хр\ста` бг~а, и= 
сокро'вище тве'рдо цр\ствiя показа'ша. тjь'мже воспjьва'емъ 
тя`, пе'тре а=п\столе.

%<Н%>а ка'мени твоегw` бг~осло'вiя водрузи` вл\дка 
i=и~съ це'рковь непрекло'нну, въ не'йже тя`, а=п\сле пе'тре, 
сла'вимъ.

%<Jа='%>кw пребо'льши а='гг~лъ пе'тръ въ тjьлеси`: во 
свjь'тломъ бо прише'ствiи сего` хр\сто'съ бг~ъ судiю' же и= 
сосjьда'теля бы'ти рече`.

%<Бг~оро'диченъ:%>

%<Н%>еискусобра'чная бг~а пло'тiю ро'ждшая, страстны'ми 
(с. 435) прилw'ги преклоне'на мя` о_у=тверди`: нjь'сть бо, 
ч\стая, ра'звjь теб_е` помо'щницы.

%<И='нъ. I=рмо'съ:%>

%<Т%>ы` _е=си` о_у=твержде'нiе притека'ющихъ къ тебjь`, 
гд\си, ты` _е=си` свjь'тъ w=мраче'нныхъ, и= пое'тъ тя` ду'хъ 
мо'й.

%<Т%>ы` ка'мень w=снова'нiя вjь^рнымъ душа'мъ положи'лся 
_е=си` многоцjь'ненъ, краеуго'ленъ сп~са и= гд\са.

%<П%>а'vле всеблаже'нне, на w=снова'нiи твое'мъ, 
моли'ся, добродjь'телей всехва'льныхъ назда'тися 
свjь'тлости.

%<В%>сегда` ме'ртвость i=и~сову на твое'мъ тjь'лjь 
соверше'ннw, па'vле, w=бнося'й, сподо'бился _е=си` 
и='стинныя жи'зни.

%<Бг~оро'диченъ:%>

%<Т%>я` вси` стяжа'хомъ прибjь'жище, и= стjь'ну на'шу 
хр\стiа'не: тя` славосло'вимъ немо'лчнw, безневjь'стная.

%<V=пакои`, гла'съ и~:%>

%<К%>а'я темни'ца не и=мjь` тебе` ю='зника; ка'я же 
цр~ковь не и='мать тя` витi'ю; дама'скъ великому'дрствуетъ 
w= тебjь`, па'vле, вjь'дjь бо тя` запя'та свjь'томъ: ри'мъ 
твою` кро'вь прiе'мый, и= то'й хва'лится: но и= та'рсъ 
мно'жае ра'дуется, и= лю'битъ, почита'я твоя^ пел_ены`. 
пе'тре, вjь'ры ка'меню, па'vле, похвало` вселе'нныя, w\т 
ри'ма соше'дшеся о_у=тверди'те на'съ.

%<Пjь'снь д~. I=рмо'съ:%>

%<С%>е'й бг~ъ на'шъ, w\т дв~ы вопло'щся, и= _е=стество` 
w=божи'въ, _е=го'же воспjьва'юще воспои'мъ: сла'ва си'лjь 
твое'й, гд\си.

%<Ч%>еловjь'кwмъ ловца' тя, jа='коже w=бjьща` хр\сто'съ, 
содjь'ла бж\ственна своея` цр~кве, пе'рвому вручи'въ 
корми^ла.

%<Т%>обо'ю о_у=моля'емь жизнода'вецъ i=и~съ, вяза'ти же 
и= рjьши'ти да'вый тебjь` вла'сть, пе'тре, да бу'детъ ми` 
ми'лостивъ.

%<Х%>р\сто'во цр\ствiе w\тве'рсти, прилjь'жнw моли'ся, 
пе'тре, бж\ственную твою` па'мять вjь'рою несумнjь'нною 
чту'щымъ. (с. 436)

%<Бг~оро'диченъ:%>

%<Г%>п\сже` всепjь'тая бг~ороди'тельнице, моя^ 
помышл_е'нiя твои'ми моли'твами w=чи'стивши, покажи' мя 
благопло'дна, мт~и всjь'хъ бг~а.

%<И='нъ. I=рмо'съ:%>

%<В%>сjь'лъ _е=си` на ко'ни, а=п\слы твоя^, гд\си, и= 
прiя'лъ _е=си` рука'ма твои'ма о_у=зды^ и='хъ, и= спасе'нiе 
бы'сть jь=жде'нiе твое` вjь'рнw пою'щымъ: сла'ва си'лjь 
твое'й, гд\си.

%<В%>сjь'де jа='коже ле'въ, jа=рови'днw погубля'я 
хр\сто'ву цр~ковь, са'vлъ и=ногда`: jа='тъ же бы'въ 
бж\ственнымъ гла'сомъ а='гнца бж~iя, _е=го'же гоня'ше, 
ста'до jа='кw па'стырю вруча'етъ.

%<Х%>отя'й просвjьти'ти вселе'нную w=мрача'ется: 
а=на'нiа же къ сему` посла'ся, душе'вное же просвjьще'нiе 
дая'й и= тjьле'сное, w\т бж\ственнагw jа=вле'нiя, сосу'дъ 
и=збра'нъ показа'въ того`.

%<П%>а'vломъ досто'йнw дама'скъ напоя'ется: w\т сегw' бо 
jа='коже w\т рая` и=ногда` во'дъ бж\ственныхъ се'й произы'де 
вели'кiй и=сто'чникъ, и= о_у=пои` всю` бг~оразу'мiемъ 
незави'стнw зе'млю.

%<Бг~оро'диченъ:%>

%<Н%>изложи` си^льныя со престw'лъ гд\сь, дв~а и= мт~и 
jа='коже рече`, а='лчущыя же бж\ственныхъ бла^гъ и=спо'лни, 
вjь'рою зову'щыя: сла'ва си'лjь твое'й, гд\си.

%<Пjь'снь _е~. I=рмо'съ:%>

%<С%>тяжа'вый ны` и=збра^нныя лю'ди кро'вiю твое'ю, 
гд\си, тво'й ми'ръ да'ждь на'мъ, во _е=диномы'слiи сохраня'я 
ста'до твое`.

%<И='%>же w\т любве` прiи'мъ дерзнове'нiе къ бг~у, 
досто'йнw чуди'мь быва'ше, лове'цъ и= невjь'жда, 
чудодjь'йствуя пресла'внw благода'тiю.

%<Н%>е зла'то теб_е` ра'ди, ни сребро`, хр\сте`, 
бж\ственный тво'й а=п\столъ, но добродjь'тель стяжа'въ, 
чуде'съ w=богати'ся си'лою.

%<И=%>справля'хуся стwпы`, и= гле'знjь хромы'хъ, (с. 
437) дjь'йственнымъ твои'мъ глаго'ломъ: бж\ственнымъ бо 
дх~омъ соверша'хуся пресла^вныя в_е'щи.

%<Бг~оро'диченъ:%>

%<В%>оплоти'ся бг~ъ по v=поста'си, ч\стая, и=зъ теб_е` 
пло'тiю соединя'емь, пребы'въ неизмjь'ненъ, по бж\ственному 
существу` безпло'тенъ.

%<И='нъ. I=рмо'съ:%>

%<П%>росвjьти` на'съ повелjь'нiи твои'ми, гд\си, и= 
мы'шцею твое'ю высо'кою, тво'й ми'ръ пода'ждь на'мъ, 
чл~вjьколю'бче.

%<Т%>ы` и='стинную и=збра'лъ _е=си`, па'vле, похвалу`, 
кр\стъ цр~я` хр\ста` при'снw нося`, jа='коже побjь'ду, 
а=п\сле.

%<Т%>ебjь` _е='же жи'ти, хр\сто'съ, и= _е='же 
о_у=мре'ти, приwбрjь'тенiе и=зря'дно: любо'вiю бо сраспя'лся 
_е=си` распе'ншемуся на'съ ра'ди, па'vле пресла'вне.

%<Р%>а'дуешися вои'стинну w= гд\сjь, па'vле честны'й, 
и=зше'дъ и=зъ тjьлесе`, и= w\тше'дъ ко хр\сту` жизнода'вцу 
бг~у.

%<Бг~оро'диченъ:%>

%<М%>оли` при'снw сн~а твоего` и= бг~а на'шего, 
неискусобра'чная марi'е ч\стая, посла'ти на'мъ вjь^рнымъ 
ми'лость.

%<Пjь'снь s~. I=рмо'съ:%>

%<В%>ъ ки'тjь, хр\сте`, тридне'вновавъ i=w'на, прописа' 
тя безсме'ртнаго, jа='кw ме'ртва во'лею, въ се'рдцjь 
земнjь'мъ тридне'вновавша.

%<Jа='%>коже дре'вле, хр\сте`, десни'цею твое'ю по 
водjь` пjь'ша ходя'ща петра` спа'слъ _е=си`: и= мене` 
потопля'ема бу'рею лю'тыхъ напа'стей спаси`, jа='кw 
милосе'рдъ.

%<W=%>ста'вилъ _е=си`, _w пе'тре, не су^щая, и= су^щая 
дости'глъ _е=си`, jа='коже нjь'кiй купе'цъ, и= jа='вjь 
о_у=лови'лъ _е=си` би'серъ, хр\ста`, многоцjь'нный.

%<И=%>скуша'ти безу'мнw покуси'вшыяся дх~а прест~а'го, 
пе'тре, о_у=мертви'лъ _е=си`: _е=го'же бг~осло'вилъ _е=си` 
ты` пе'рвjье, jа='вjь и=сповjь'давъ бг~а, всеблаже'нне.

%<Бг~оро'диченъ:%>

%<В%>ся'кагw вы'шша существа` сло'во бж~iе родила` 
_е=си` (с. 438) воплоще'нно на'мъ: тjь'мже бц\ду тя` 
о_у=стна'ми же и= душе'ю проповjь'дуемъ.

%<И='нъ. I=рмо'съ:%>

%<М%>оли'тву пролiю` ко гд\су, и= тому` возвjьщу` 
печа^ли моя^ jа='кw sw'лъ душа` моя` и=спо'лнися, и= живо'тъ 
мо'й а='ду прибли'жися, и= молю'ся, jа='кw i=w'на: w\т тли`, 
бж~е, возведи' мя.

%<В%>ся^ пренебре'гъ кра^сная мi'ра, о_у=я'звенъ 
вл\дчнею любо'вiю и= _о='бщагw спасе'нiя жела'нiемъ, 
свидjь'тельствовати тому` и=зво'ливъ, _w па'vле блаже'нне, 
и= ны'нjь w= вселе'ннjьй моли'ся.

%<Jа='%>кw и=зря'дный вл\дцjь подо'бникъ, и= въ того` 
w=дjь'янъ, па'vле, вои'стинну всjь^мъ бы'лъ _е=си` вся'къ, 
да вся^ приwбря'щеши и= спасе'ши лю'ди: и= спа'слъ _е=си` 
jа='кw вои'стинну, хр\сту` о_у=лови'въ концы`.

%<Д%>осто'йнw тебjь` дарова` хр\сто'съ житiе`, а=п\сле 
па'vле, на нб~сjь'хъ: пребыва'ющагw бо здjь` не возжела'лъ 
_е=си` гра'да, бл~же'нне, вjь'ренъ служи'тель бы'въ, и= 
строи'тель та^инъ _е=гw`.

%<Бг~оро'диченъ:%>

%<П%>ризрjь` на тя` гд\си, мое` w=бновля'я существо` 
jа='кw си'ленъ, вели^чiя сотво'рь, бг~ороди'тельнице, 
jа='коже рекла` _е=си`, всенепоро'чная, и= спасе' мя тобо'ю 
и=зъ тли` бг~ъ мо'й, jа='кw милосе'рдъ.

%<Конда'къ, гла'съ в~:%>

%<Т%>в_е'рдыя и= бг~овjьща^нныя проповjь'датели, ве'рхъ 
а=п\столwвъ твои'хъ, гд\си, прiя'лъ _е=си` въ наслажде'нiе 
благи'хъ твои'хъ и= поко'й: болjь^зни бо _о='нjьхъ и= 
сме'рть прiя'лъ _е=си` па'че вся'кагw всепло'дiя, _е=ди'не 
свjь'дый серд_е'чная.

%<I='косъ:%>

%<О_у=%>ясни` мо'й я=зы'къ, сп~се мо'й, разшири'въ моя^ 
о_у=ста`, и= и=спо'лнивъ я=`, о_у=мили` се'рдце мое`, да 
jа=`же глаго'лю, послjь'дую, и= jа=`же о_у='бw о_у=чу`, 
сотворю` пе'рвjье: вся'къ бо творя` и= о_у=ча`, рече`, се'й 
вели'къ _е='сть. а='ще бо глаго'лю, (с. 439) и= не творю`, 
jа='кw мjь'дь звеня'щая вмjьню'ся: тjь'мже рещи' ми 
подw'бная, и= твори'ти пол_е'зная да'руй, _е=ди'не свjь'дый 
серд_е'чная.

%<Пjь'снь з~. I=рмо'съ:%>

%<В%>ъ нача'лjь безнача'льное сло'во, со _о=ц~е'мъ и= 
дх~омъ, сн~ъ _е=диноро'дный, бл~гослове'нъ _е=си` и= 
превозноси'мый, бж~е _о=т_е'цъ на'шихъ.

%<М%>и'лостивному бж\ственнымъ про'мысломъ хр\сто'вымъ 
наказу'емь, подо'битися попуще'нъ бы'лъ _е=си`, пре'жде 
стр\сти, пе'тре, w\тверже'нiя подпа'сти волне'нiю.

%<Т%>ебjь` хр\сто'съ первозва'нному, и= sjьлw` 
возлю'бленному, jа='кw предсjьда'телю благосла'вну а=п\слwвъ 
пе'рвому jа=вля'ется, воскр~съ w\т гро'ба.

%<Т%>вое` трикра'тное, _е='же пре'жде стр\сти, 
и=сцjьля'я w\тверже'нiе вл\дка, трикра'тнымъ 
бг~овjьща'ннымъ, пе'тре, вопроше'нiемъ о_у=твержда'етъ 
любо'вь.

%<_Е='%>же ко хр\сту`, пе'тре, любле'нiя предлага'лъ 
_е=си` свидjь'теля, и= всеви'дящаго jа='кw бг~а сло'ва: 
тjь'мже и= люби'мое вруча'етъ тебjь` ста'до.

%<Бг~оро'диченъ:%>

%<Jа='%>же во о_у=тро'бjь превjь'чное w\т _о=ц~а` 
возсiя'вша бг~а сло'ва, пло'тiю заче'ншую, вси` 
о_у=блажа'емъ, jа='кw мт~рь всjь'хъ бг~а.

%<И='нъ. I=рмо'съ:%>

%<Н%>а по'лjь деи'рjь и=ногда` мучи'тель пе'щь поста'ви 
на муче'нiе бг~оно'сныхъ, въ не'йже три` _о='троки 
пjьсносло'вяху _е=ди'наго бг~а, тро'ичнw воспjьва'ху 
глаго'люще: _о=т_е'цъ бж~е, благослове'нъ _е=си`.

%<Б%>ы'сть, хр\сте`, печа'ть и= вjьне'цъ а=п\слwвъ 
твои'хъ, и='же напослjь'докъ зва'нный време'нъ, тща'нiемъ же 
всjь'хъ превозше'дъ. съ ни'мже лю'дiе цр~ко'внiи пою'тъ 
тебjь`: _о=т_е'цъ на'шихъ бж~е, бл~гослове'нъ _е=си`.

%<А='%>ще и= гони'въ пе'рвjье цр~ковь твою` па'vелъ 
о_у='зникъ, но премину` дре'внюю де'рзость твое'ю ре'вностiю 
послjьди`. собра' бо, хр\сте`, jа=зы'ки зову'щыя: _о=т_е'цъ 
на'шихъ бж~е, бл~гослове'нъ _е=си`. (с. 440)

%<Т%>ы` и=зъ i=ерусали'ма проповjь'давъ всjь^мъ 
_е=v\глiе, w=б\ъя'тъ же _о='крестъ всю` зе'млю, па'vле, 
да'же до кон_е'цъ i=ллv"рi'ка о_у=чя`, взыва'лъ _е=си`: 
_о=т_е'цъ на'шихъ бж~е, бл~гослове'нъ _е=си`.

%<В%>о о_у='жасjь взя'тъ бы'въ, тре'тiе дости'глъ _е=си` 
нб~о, пребога'те, и= о_у=слы'шавъ неизглагw'ланная словеса`, 
вопiе'ши: сла'ва превы'шнему _о=ц~у`, и= сн~у: сiя'нiе же 
сопресто'льно и=спыта'ющагw jа='вjь дх~а бж~iя глубины^.

%<Бг~оро'диченъ:%>

%<Jа='%>коже на руно` до'ждь, на тя` сни'де, дв~о, 
хр\сто'съ бг~ъ, и= плотоно'сецъ и=зъ теб_е` про'йде, 
соединя'я пре'жде разстоя^щая, ми'ръ на земли` и= на нб~си` 
да'руя: _о=т_е'цъ на'шихъ бж~е, бл~гослове'нъ _е=си`.

%<Пjь'снь и~. I=рмо'съ:%>

%<В%>ся'ч_еская нося'й непристу'пною твое'ю си'лою, 
хр\сте`, преподw'бныя твоя^ _о='троки въ пла'мени w=роси'лъ 
_е=си`, зову'щыя: благослови'те вся^ дjьла` гд\сня гд\са.

%<В%>оздjь'жутъ твои` ру'цjь, и= ко кр\сту' тя 
препоя'шутъ, вл\дка предре'къ, пе'тре, повелjьва'етъ 
послjь'довати зову'щу: благослови'те, вся^ дjьла` гд\сня, 
гд\са.

%<Б%>лагода'ти сло'вомъ _е=не'а о_у='бw разсла'блена 
лю'тjь, тавi'fу же о_у=ме'ршую чудодjь'йствуя, воскреси'лъ 
_е=си`, зову'щыя: благослови'те, вся^ дjьла` гд\сня, гд\са.

%<И='%>же петру` jа=зы'ки w=чище'ны повjь'давъ, хр\сте`, 
духо'вною заре'ю и= мнjь` помышл_е'нiя w=чи'сти, зову'щу: 
бл~гослови'те, вся^ дjьла` гд\сня, гд\са.

%<Бг~оро'диченъ:%>

%<В%>сест~а'я дв~о, jа='же бг~а сло'ва ро'ждшая пло'тiю, 
души` моея` мра'къ, твои'ми моли'твами w\тгна'вши, 
просвjьти`, взыва'юща: бл~гослови'те, вся^ дjьла` гд\сня, 
гд\са.

%<И='нъ. I=рмо'съ:%>

%<Н%>а горjь` ст~jь'й просла'вльшася, и= въ купинjь` 
_о=гне'мъ (с. 441) приснодв~ы мwv"се'ови та'йну jа='вльшаго, 
гд\са по'йте, и= превозноси'те во вся^ вjь'ки.

%<С%>раствори'ся любо'вiю твое'ю па'vелъ, до'брымъ же 
и=змjьне'нiемъ и=зступи`: не себjь' бо живя'ше сла'вный, 
и=мя'ше же, ще'дре, живу'ща тя` въ себjь` во вся^ вjь'ки.

%<Т%>ы` w=бручи'лъ _е=си`, jа='коже невjь'сту 
предста'вити жениху` хр\сту` цр~ковь: невjьстово'ждь бо сея` 
показа'лся _е=си`, па'vле бг~оно'се. тjь'мже тя` сла'витъ во 
вся^ вjь'ки.

%<П%>одвиза'лся _е=си` до'брымъ по'двигомъ, и= сконча'въ 
тече'нiе твое` зако'ннw, сокро'вище вjь'ры соблю'лъ _е=си`. 
тjь'мже вjьнц_е'въ, па'vле, сподо'бился _е=си` пра'вды.

%<Бг~оро'диченъ:%>

%<Р%>а'дуйся, пр\сто'ле _о=гнезра'чный гд\сень: 
ра'дуйся, невjь'сто неневjь'стная, дв~о: ра'дуйся, _о='блаче 
сл~нца возсiя'вшая пра'вды. _е=го'же превозно'симъ во вся^ 
вjь'ки.

%<Пjь'снь f~. I=рмо'съ:%>

%<Т%>я` пресла'вную невjь'сту, и= всест~у'ю бц\ду, 
зижди'теля ро'ждшую неви'димыхъ же и= всjь'хъ ви'димыхъ, 
пjь'сньми велича'емъ.

%<Т%>воя` преизя'щная бл~года'ть сла'вится досто'йнw, 
сjь'ни бо твое'й стра^сти немощны'хъ, пе'тре, w\тгоня'ющей. 
тjь'мже тя` велича'емъ.

%<М%>ечта'нми сi'мwна волхва` бг~обо'рца взя'та къ 
возду'шнjьй высотjь` низложи'въ неизглаго'ланною бж\ственною 
си'лою, пе'тръ о_у=блажа'ется.

%<С%>огрjьше'нiй разрjьше'нiе моли'твами твои'ми 
пода'ждь, просвjьще'нiе же се'рдца, и= весе'лiе ду'ха, 
пою'щымъ па'мять твою`, а=п\сле.

%<Т%>воя^ вся^ и=спо'лн_ена сла'вы, w=свяще'нiя же и= 
чуде'съ, словеса`, мо'щи, пе'рсть, и= вjь'рою, пе'тре, 
покланя'_емымъ и= любо'вiю бж\ств_еннымъ вери'гамъ.

%<Бг~оро'диченъ:%>

%<Т%>вое` и='мя пло'дъ чре'ва, содjь'я лико'вника 
пjь'снь пjь'ти (с. 442) тебjь`, и='же ра'дость ро'ждши, 
велегла'снw ра'дуйся, провjьщава'юща.

%<И='нъ. I=рмо'съ:%>

%<О_у=%>ста'вы прешла` _е=си` _е=стества`, содjь'теля 
заче'нши и= гд\са, и= две'рь спасе'нiя мi'рови была` _е=си`: 
тjь'мъ тя`, бц\де, непреста'ннw велича'емъ.

%<Т%>вои^мъ покланя'емся вери'гамъ, jа=`же за хр\ста` 
jа='кw sлодjь'й носи'лъ _е=си`: jа='звы же, па'vле, 
w=блобыза'емъ, jа=`же на сла'внjьмъ твое'мъ и= 
побjьдоно'снjьмъ но'сиши тjьлеси`.

%<Н%>ы'нjь разрjьши'лся _е=си`, а=п\сле, ко и='же тобо'ю 
непреста'ннw жела'емому: съ ни'мже jа='кw служи'тель 
водворя'яся, непреста'нными мольба'ми твоя^ рабы^ къ себjь` 
привлецы`.

%<Н%>ы'нjь ника'коже въ гада'нiихъ, ниже` въ зерца'лjь 
хр\сто'съ тебjь` зри'мь _е='сть, лице'мъ же па'че зри'тся къ 
лицу`, соверше'ннjь тебjь` ра'зумъ w\ткрыва'я бж~ества`.

%<Бг~оро'диченъ:%>

%<Т%>ы`, прест~а'я бг~ома'ти, похвала` хр\сто'выхъ 
а=п\столwвъ была` _е=си`, му'ченикwвъ же сла'ва, и= 
пр\оро'кwвъ w=снова'нiе: тjь'мже вjь'рнiи тя` вси` 
достодо'лжнw велича'емъ.

%<Свjьти'ленъ. Подо'бенъ: Ж%>_ены` о_у=слы'шите:

%<А=%>п\слwвъ вси` ве'рхъ воспое'мъ, петра` и= па'vла 
бж\ств_енныя, вселе'нныя свjьти'льники, проповjь'дники 
вjь'ры, бг~ослw'вныя трубы^, о_у=че'нiй сказа'тели, 
цр~кw'вныя столпы` и= разори'тели ле'сти.

%<Два'жды.%>

%<Сла'ва, и= ны'нjь, бг~оро'диченъ:%>

%<В%>ели'ко и= пресла'вно рж\ства` твоегw` та'инство, 
бг~ора'дованная _о=трокови'це, и= бг~ома'ти дв~о, пр\оро'цы 
проповjь'даша, а=п\сли научи'ша, му'ч_еницы и=сповjь'даша: 
а='гг~ли же воспjьва'ютъ, и= человjь'цы покланя'ются.

%<На хвали'техъ стiхи^ры на д~, гла'съ д~. Подо'бенъ: 
З%>ва'нный свы'ше:

%<С%>ъ нб~се` бл~года'ть прiе'мь, * _е=гда` вопроше'нiе 
о_у=ч~никw'мъ сп~съ * дванадесяточи'сл_еннымъ рече` 
а=п\слwмъ: * кого' (с. 443) мя глаго'лютъ человjь'цы бы'ти; 
* тогда` о_у='бw лу'чшiй а=п\слwвъ пе'тръ, * бг~осло'вствуя 
w\твjьща`, * jа='снw возопи'въ: * ты` _е=си` хр\сто'съ, 
жива'гw бг~а сн~ъ. тjь'мже досто'йнw о_у=блажа'ется, * 
jа='кw свы'ше прiе'мь w\ткрове'нiе, * вяза'ти же и= рjьши'ти 
* пра'веднw прiе'мь.

%<И='%>же w\т _о=ц~а` jа='влься бж~iе сло'во, * кого' мя 
непщу'ете, вопроша'ющу хр\сту`; * ты` жива'гw _о=ц~а` сн~ъ, 
* jа='кw всjь^мъ о_у=ста` бг~огласу'я, * а='бiе возопи'лъ 
_е=си`: * тjь'мже и= бл~же'нъ _е=си`, сi'мwне ва'ръ i=w'на, 
* возме'здiе прiя'лъ _е=си`. * и='бо сла'витъ бг~ъ * сего` 
вjь'рнw сла'вящыя, * и= къ воспрiя'тiю бога'тнw призыва'етъ, 
* и= ка'меня тебе` непосты'дна, * цр~кви водруже'нiе и= 
w=снова'нiе положи`.

%<С%>вы'ше зва'нъ бы'въ, * а= не w\т человjь^къ, * 
_е=гда` земна'я тма` * помрачи` _о='чи тjьл_е'сныя, * 
нече'стiя w=блича'я сjь'тованiе, * тогда` нб\сный свjь'тъ 
w=блиста` * мы'сленнiи _о='чи, * благоче'стiя w\ткрыва'я 
красоту`. * тjь'мже позна'лъ _е=си` и=зводя'щаго свjь'тъ 
и=зъ тмы`, * хр\ста` бг~а на'шего: * _е=го'же моли`, * 
спасти` и= просвjьти'ти ду'шы на'шя.

%<Х%>р\стопроповjь'дникъ сы'й, * кр\стную похвалу` 
нося'й, * ты` многорачи'тельную бж~е'ственную любо'вь, * 
jа='кw зря'щихъ связу'ющую къ жела'емому * вои'стинну па'че 
всjь'хъ проразсуди'лъ _е=си`. * тjь'мже и= о_у='зникъ 
прозва'лся _е=си` хр\сто'въ, * напа'стей неудо'бство, * 
jа='кw сладча'йшее пи'щи вся'кiя и=зво'ливый, * и= честны'я 
кончи'ны разрjьше'нiя сподо'бился _е=си`, * живы'й вл\дцjь 
твоему`: * _е=го'же моли`, * спасти` и= просвjьти'ти ду'шы 
на'шя.

%<Сла'ва, гла'съ s~: К%>осмы` мона'ха:

%<В%>сечестны'й а=п\слwвъ приспjь` пра'здникъ цр~кви 
хр\сто'вjь, хода'тайствующiй спасе'нiе всjь^мъ на'мъ. Та'йнw 
о_у='бw восплеска'вше, къ си^мъ рце'мъ: ра'дуйтеся, 
свjьти'льницы су'щымъ во тмjь`, мы'сленнагw сл~нца зари^ 
w=блиста'ющiи: (с. 444) ра'дуйтеся, пе'тре и= па'vле, 
о_у=че'нiй бж\ственныхъ w=снова^нiя незы'бл_ема, дру'зи 
хр\стw'вы, сосу'ди честнi'и: прiиди'те посреди` на'съ 
неви'димw, сподобля'юще дарw'въ невеще'ственныхъ ва'шъ 
пра'здникъ восхваля'ющихъ пjь'сньми.

%<И= ны'нjь, бг~оро'диченъ: Б%>ц\де, ты` _е=си` лоза` 
и='стинная:

%<Славосло'вiе вели'кое. И= w\тпу'стъ.%>

%<На лiтургi'и: бл~ж_е'нна w\т канw'на а=п\сла петра`, 
пjь'снь г~-я, на д~: И= па'vла, пjь'снь s~, на д~. 
Прокi'менъ, гла'съ и~: В%>о всю` зе'млю и=зы'де вjьща'нiе 
и='хъ, и= въ концы` вселе'нныя глаго'лы и='хъ. %<Стi'хъ: 
Н%>б~са` повjь'даютъ сла'ву бж~iю, творе'нiе же руку` _е=гw` 
возвjьща'етъ тве'рдь. %<А=п\слъ къ корi'нfянwмъ, зача'ло 
рч~г. А=ллилу'iа, гла'съ а~: И=%>сповjь'дятъ нб~са` чудеса` 
твоя^, гд\си. %<_Е=v\глiе матfе'а, зача'ло _кс~з. 
Прича'стенъ: В%>о всю` зе'млю: %<Рядовы'й а=п\слъ, и= 
_е=v\глiе вычита'емъ пре'жде.%>

%<На трапе'зjь о_у=тjьше'нiе бра'тiи вели'кое.%>

%<А='ще случи'тся се'й пра'здникъ ст~ы'хъ а=п\слъ въ 
сре'ду, и=ли` въ пято'къ, jа='мы ры'бу, и= пiе'мъ вiно`.%>

%<Подоба'етъ вjь'дати: Jа='кw а='ще случи'тся пра'здникъ 
ст~ы'хъ а=п\слъ въ недjь'лю, предваря'ются вся^ 
воскр_е'сная.%>