Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав> 


Мjь'сяца i=у'нiа въ к~f де'нь.

[гл\ва к~f] Ст~ы'хъ сла'вныхъ и= всехва'льныхъ и= 
первоверхо'вныхъ а=п\слъ, петра` и= па'vла. 

Твори'мъ бдjь'нiе.

На ма'лjьй вече'рни на Гд\си воззва'хъ стiхи^ры, на д~. 
Гла'съ д~:

Подо'бенъ: Да'лъ _е=си` зна'менiе:

Да'лъ _е=си` хвале'нiе цр~кви твое'й, гд\си, ч\стны^я 
а=п\слы твоя^, въ не'йже просiява'ютъ мы'сленнiи 
свjьти'льницы, пе'тръ же и= па'vелъ, jа='коже sвjь'зды 
слов_е'сныя, вселе'нную w=заря'юще: и='миже просвjьти'лъ 
_е=си` за'падный мра'къ, i=и~се всеси'льне, сп~се ду'шъ 
на'шихъ. [Два'жды.]

Да'лъ _е=си` о_у=твержде'нiе, цр~кви твое'й, гд\си, 
петро'ву тве'рдость, и= па'vловъ ра'зумъ, и= свjь'тлую 
му'дрость, и= _о=бои'хъ бг~огла'сiе и='стинное, _е='ллинскую 
пре'лесть w\тгоня'щее. тjь'мже тайноводи'ми w\т _о=бои'хъ, 
пое'мъ тя`, i=и~се всеси'льне, сп~се ду'шъ на'шихъ.

Да'лъ _е=си` w='бразъ w=браще'нiя согрjьша'ющымъ, _о='ба 
а=п\слы твоя^, _о='ваго о_у='бw w\тве'ргшася тебе` во вре'мя 
стр\сти, и= пока'явшася: _о='ваго же про'повjьди твое'й 
сопротивля'ющася и= вjь'ровавша, и= _о=бою` собо'ру 
первостоя'тельствующихъ другw'въ твои'хъ, i=и~се всеси'льне, 
сп~се ду'шъ на'шихъ. 

Сла'ва, гла'съ и~.

[I=wа'нна мона'ха:] Досади'тель и= гони'тель цр~кве 
бы'лъ _е=си`, па'vле всебл~же'нне, съ нб~се' же зва'нъ 
бы'въ, защити'лъ _е=си` сiю` пресла'внw: _е='йже ны'нjь 
моли` и=зба'витися w\т бjь'дъ, и= сп~сти'ся душа'мъ на'шымъ. 

И= ны'нjь, бг~оро'диченъ.

Кро'въ тво'й, бц\де дв~о, врачевство` _е='сть дх~о'вное: 
во'нь бо прибjьга'юще w\т душе'вныхъ неду^гъ и=збавля'емся.

Прокi'менъ дне`.

На стiхо'внjь стiхи^ры, гла'съ в~: 

Подо'бенъ: _Е=гда` w\т дре'ва:

Пе'тре а=п\слwвъ w=снова'нiе, ка'меню хр\сто'вы цр~кве, 
хр\стiа'нwвъ нача'ло, паси` _о='вцы твоегw` двора` сла'внw: 
а='гнцы твоя^ сохрани` w\т волкw'въ льсти'выхъ, и=зба'ви 
ста'до твое` w\т напа'стей лю'тыхъ. тя' бо мл~твенника къ 
бг~у неусы'пна стяжа'хомъ вои'стинну, и= w= тебjь` 
хва'лящеся сп~са'емся вси`.

Стi'хъ: Во всю` зе'млю и=зы'де вjьща'нiе и='хъ, и= въ 
концы` вселе'нныя глаго'лы и='хъ.

Па'vле jа=зы'кwвъ ло'вче, хр\стiа'нъ предста'телю, 
вселе'нныя свjьти'льниче, о_у=ста` немw'лчна хр\ста` жива'гw 
бг~а, w=бтекi'й jа='коже со'лнце концы` вся^ 
проповjь'данiемъ бж~е'ственныя вjь'ры, разрjьши` w\т о_у='зъ 
грjьхо'вныхъ вся^ восхваля'ющыя тя`, и= крася'щыяся мл~твами 
твои'ми.

Стi'хъ: Нб~са` повjь'даютъ сла'ву бж~iю, творе'нiе же 
руку` _е=гw` возвjьща'етъ тве'рдь.

Пе'тре верхо'вный о_у=ч~ниче`, па'vле а=п\слwвъ 
и=сполне'нiе, пе'рвiи проповjь^дницы, ны'нjь со 
дерзнове'нiемъ моли'теся къ бг~у прилjь'жнw: и= ско'рую 
по'мощь, и= разрjьше'нiе бjь'дъ, вку'пjь низпосли'те 
скорбя'щымъ на'мъ, jа='кw да похва'лимся вjь'рою и= ны'нjь 
въ сjь'ни ва'шей, дjь'лы проявля'юще покро'въ ва'шъ. 

Сла'ва, гла'съ д~:

[I=wа'нна мона'ха:] Хр\сто'съ тя` пе'рваго и=збра'въ, 
пе'тре, w=снова'нiе вjь'ры вjьнча' тя, и='же всjь'хъ вл\дка 
тебе` предрече`: бл~же'нъ _е=си`, сi'мwне ва'ръ i=w'на, 
jа='кw пло'ть и= кро'вь не jа=ви`, сщ~еннопроповjь'дника 
моего` сотвори' тя, но _о=ц~ъ мо'й, и='же _е='сть на 
нб\сjь'хъ: того` моли`, бг~обл~же'нне а=п\сле, дарова'ти 
на'мъ ве'лiю мл\сть. 

И= ны'нjь, бг~оро'диченъ:

И=зба'ви на'съ w\т ну'ждъ на'шихъ, мт~и хр\ста` бг~а, 
ро'ждшая всjь'хъ творца`, да вси` зове'мъ ти`: ра'дуйся, 
_е=ди'но предста'тельство ду'шъ на'шихъ. 

Тропа'рь, гла'съ д~:

А=п\слwвъ первопрестw'льницы, и= вселе'нныя 
о_у=чи'телiе, вл\дку всjь'хъ моли'те, ми'ръ вселе'ннjьй 
дарова'ти, и= душа'мъ на'шымъ ве'лiю мл\сть.

Сла'ва, и= ны'нjь, бг~оро'диченъ:

_Е='же w\т вjь'ка о_у=тае'нное, и= а='гг~лwмъ 
несвjь'домое та'инство, тобо'ю, бц\де, су'щымъ на земли` 
jа=ви'ся бг~ъ, в несли'тномъ соедине'нiи воплоща'емь, и= 
кр\стъ во'лею на'съ ра'ди воспрiи'мъ: и='мже воскреси'въ 
первозда'ннаго, спасе` w\т сме'рти ду'шы на'шя. 

На вели'цjьй вече'рни, по _о=бы'чномъ _псалмjь` пое'мъ:

Бл~же'нъ му'жъ, а~-й а=нтiфw'нъ. 

На Гд\си воззва'хъ, стiхи^ры на и~, гла'съ в~: 
Самоподо'бенъ. [А=ндре'а пv'рскагw:]

Кi'ими похва'льными вjьнцы` о_у=вязе'мъ петра` и= 
па'vла, раздjьл_е'нныя тjьлесы^, и= совоку'пл_енныя дх~омъ, 
бг~опроповjь'дникwвъ первостоя'т_ели; _о='ваго о_у='бw, 
jа='кw а=п\слwвъ преднача'льника: _о='ваго же, jа='кw па'че 
и=нjь'хъ труди'вшася. си'хъ бо вои'стинну досто'йнw 
безсме'ртныя сла'вы вjьнцы` вjьнча'етъ хр\сто'съ бг~ъ на'шъ, 
и=мjь'яй ве'лiю мл\сть. [Три'жды.]

Кi'ими пjь'сненными добро'тами воспое'мъ петра` и= 
па'vла, бг~оразу'мiя крилjь^, прелете'вшыя концы`, и= къ 
нб~си` возне'сшыяся; ру'цjь _е=v\глiа бл~года'ти. но'зjь 
и='стиннагw проповjь'данiя, рjь'ки прему'дрости: кр\стныя 
ро'ги, и='миже де'монwвъ бро'вь хр\сто'съ низложи`, и=мjь'яй 
ве'лiю мл\сть. [Три'жды.]

Кi'ими дх~о'вными пjь'сньми похва'лимъ петра` и= па'vла, 
безбо'жiя закла'вшыя незатыка'_емая о_у=ста`, стра^шныя 
ду'ха мечи`, ри'ма свjь^тлая о_у=добр_е'нiя, всея` 
вселе'нныя пита'тели, но'вагw завjь'та бг~опи^санныя 
скрижа^ли мы'сл_енныя, jа=`же въ сiw'нjь хр\сто'съ 
возгласи`, и=мjь'яй ве'лiю мл\сть; [Два'жды.]

Сла'ва, гла'съ д~:

[I=wа'нна мона'ха:] Трикра'тнымъ вопроше'нiемъ, _е='же 
пе'тре лю'биши ли мя`, трикра'тное w\тверже'нiе хр\сто'съ 
и=спра'вилъ _е='сть. тjь'мже и= къ тайновjь'дцу сi'мwнъ: 
гд\си, вся^ вjь'си, вся^ зна'еши: ты` вjь'си, jа='кw люблю' 
тя. тjь'мже къ нему` сп~съ: паси` _о='вцы моя^, паси` 
и=збра^нныя моя^, паси` а='гнцы моя^, jа=`же мое'ю кро'вiю 
снабдjь'хъ во сп~се'нiе. того` моли` бг~облаже'нне а=п\сле, 
дарова'ти на'мъ ве'лiю мл\сть.

И= ны'нjь, бг~оро'диченъ. 

И='же тебе` ра'ди бг~о_оте'цъ пр\оро'къ дв~дъ пjь'сненнw 
w= тебjь` провозгласи`, вели^чiя тебjь` сотво'ршему: 
предста` цр~и'ца w=десну'ю тебе`, тя' бо мт~рь, хода'таицу 
живота` показа`, без\ъ _о=ц~а` и=з\ъ тебе` вочеловjь'читися 
бл~говоли'вый бг~ъ, да сво'й па'ки w=бнови'тъ w='бразъ, 
и=стлjь'вшiй страстьми`, и= заблу'ждшее горохи'щное 
w=брjь'тъ _о=вча`, на ра'мо воспрiи'мъ, ко _о=ц~у` 
принесе'тъ, и= своему` хотjь'нiю, съ нб\сными совокупи'тъ 
си'лами, и= сп~се'тъ бц\де, мi'ръ, хр\сто'съ и=мjь'яй ве'лiю 
и= бога'тую мл\сть. 

Вхо'дъ. Прокi'менъ дне`.

Собо'рнагw посла'нiя петро'ва чте'нiе.

Бра'тiе, бл~гослове'нъ бг~ъ и= _о=ц~ъ гд\са на'шегw 
i=и~са хр\ста`, и='же по мно'зей свое'й мл\сти порожде'й 
на'съ во о_у=пова'нiе жи'во воскр\снiемъ i=и~съ хр\сто'вымъ 
w\т ме'ртвыхъ, въ наслjь'дiе нетлjь'нно и= нескве'рно и= 
неувяда'емо, соблюде'но на нб~сjь'хъ ва'съ ра'ди, и=`же 
си'лою бж~iею соблюде'ни вjь'рою, во сп~се'нiе гото'вое 
jа=ви'тися во вре'мя послjь'днее. W= не'мже ра'дуйтеся, 
ма'лw ны'нjь, а='ще лjь'по _е='сть, приско'рбни бы'вше въ 
разли'чныхъ напа'стехъ: Да и=скуше'нiе ва'шея вjь'ры 
многочестнjь'йше зла'та ги'бнуща, _о=гне'мъ же и=скуше'на, 
w=бря'щется въ похвалу` и= че'сть и= сла'ву, во w\ткрове'нiи 
i=и~съ хр\сто'вjь, _е=го'же не ви'дjьвше лю'бите, и= на 
него'же ны'нjь не зря'ще, вjь'рующе же, ра'дуетеся ра'достiю 
неизглаго'ланною и= просла'вленною, прiе'млюще кончи'ну 
вjь'рjь ва'шей, сп~се'нiе душа'мъ.

Собо'рнагw посла'нiя петро'ва чте'нiе. 

 Возлю'бленнiи, препоя'савше чре'сла помышле'нiя 
ва'шегw, трезвя'щеся, соверше'ннjь о_у=пова'йте на 
приноси'мую ва'мъ бл~года'ть w\ткрове'нiемъ i=и~съ 
хр\сто'вымъ. Jа='кw ча^да послуша'нiя, не преwбразу'ющеся 
пе'рвыми невjь'дjьнiя ва'шего похотjь^нiи, но по зва'вшему 
вы` ст~о'му, и= са'ми ст~и во все'мъ житiи` бу'дите. Зане` 
пи'сано _е='сть: ст~и бу'дите, jа='кw а='зъ ст~ъ _е='смь. И= 
а='ще _о=ц~а` называ'ете нелицемjь'рнw судя'ща кому'ждо по 
дjь'лу, со стра'хомъ житiя` ва'шегw вре'мя жи'тельствуйте, 
вjь'дяще, jа='кw не и=стлjь'ннымъ сребро'мъ и=ли` зла'томъ 
и=зба'вистеся w\т су'етнагw ва'шегw житiя` _о=тцы` 
пре'даннагw, но ч\стно'ю кро'вiю jа='кw а='гнца непоро'чна 
и= преч\ста хр\ста`.

Собо'рнагw посла'нiя петро'ва чте'нiе. 

Возлю'бленнiи, молю` jа='кw прише'льцы и= стра'нники, 
w=греба'тися w\т плотски'хъ похоте'й, jа=`же вою'ютъ на 
ду'шу, житiе` ва'ше и=му'ще добро` во jа=зы'цjьхъ, да w= 
не'мже клеве'щутъ ва'съ а='ки sлодjь'_евъ, w\т до'брыхъ 
дjь'лъ ви'дjьвше, просла'вятъ бг~а въ де'нь посjьще'нiя. 
Повини'теся о_у=`бо вся'кому человjь'чу созда'нiю гд\са 
ра'ди: а='ще царю`, jа='кw преwблада'ющу: а='ще ли же 
княз_е'мъ, jа='кw w\т негw` пw'сланнымъ, во w\тмще'нiе 
о_у='бw sлодjь'_емъ, въ похвалу' же бл~готво'рц_емъ. Jа='кw 
та'кw _е='сть во'ля бж~iя, благотворя'щымъ w=буздова'ти 
безу'мныхъ человjь^къ невjь'жество: jа='кw свобо'дни, а= не 
jа='кw прикрове'нiе и=му'ще sло'бы свобо'ду, но jа='кw раби` 
бж~iи. Всjь'хъ почита'йте, бра'тство возлюби'те, бг~а 
бо'йтеся, царя` чти'те. Раби`, повину'йтеся во вся'цjьмъ 
стра'сjь влады'камъ, не то'кмw благи^мъ и= крw'ткимъ, но и= 
стропти^вымъ. Се' бо _е='сть о_у=го'дно пред\ъ бг~омъ, а='ще 
со'вjьсти ра'ди бж~iя терпи'тъ кто` скw'рби, стражда` без\ъ 
пра'вды. Ка'я бо похвала`, а='ще согрjьша'юще му'чими 
терпите`; Но а='ще добро` творя'ще и= стра'ждуще терпите`, 
сiе` о_у=го'дно пред\ъ бг~омъ, на сiе' бо и= зва'ни бы'сте: 
зане` и= хр\сто'съ пострада` по на'съ, на'мъ w=ста'вль 
w='бразъ, да послjь'дуемъ стопа'мъ _е=гw`: и='же грjьха` не 
сотвори`, ни w=брjь'теся ле'сть во о_у=стjь'хъ _е=гw`: и='же 
о_у=каря'емь проти'ву не о_у=каря'ше, стражда` не преща'ше, 
предая'ше же судя'щему прв\днw: и='же грjьхи` на'шя са'мъ 
вознесе` на тjь'лjь свое'мъ на дре'во, да w\т грjь^хъ 
и=збы'вше, пра'вдою поживе'мъ.

На лiтi'и стiхи^ры, гла'съ в~, самогла'сны. 

[А=ндре'а i=ерусалимi'ты:]

Гряди'те собо'ри дне'сь вjь'рныхъ, бл~гохва'льное и= 
кра'сное собра'нiе, бл~года'ти и=збра^нныя хитрецы`, петра` 
и= па'vла, подо'бными хвала'ми вjьнча'емъ, jа='кw 
незави'стнw всjь^мъ сло'во всjь'явше, съ си'ми и= бл~года'ть 
дх~а w=богати'ша, и= и='стиннагw вiногра'да су'ще ло'зiе, 
гро'здъ зрjь'лъ на'мъ воздjь'лаша, веселя'щь сердца` на^ша. 
къ ни^мъ же w\ткрове'ннымъ лице'мъ, и= чи'стою со'вjьстiю 
возопiе'мъ, глаго'люще: ра'дуйтеся, разори'тели 
безслове'сныхъ, и= служи'телiе слове'сныхъ. ра'дуйтеся, 
всjь'хъ творца` и= строи'теля, и=збра^нiя кра^сная: 
ра'дуйтеся, хода'таи бл~ги'хъ, и= w\тгони'телiе ле'стныхъ, 
и=`хже да о_у=мо'лимъ, моли'тися при'снw, къ зижди'телю и= 
о_у=чи'телю, ми'ръ крjьпкостоя'теленъ мi'ру дарова'ти, и= 
душа'мъ на'шымъ ве'лiю мл\сть. 

[А=рсе'нiево:] О_у=ч~нки` хр\сто'вы, и= w=снова^нiя 
цр~кве, и='стинныя столпы` и= стjь'ны, и= трубы^ 
бж~е'ств_енныя хр\сто'выхъ о_у=че'нiй и= страда'нiй, 
верхw'вныя петра` и= па'vла, jа='кw всегw` мi'ра 
предста'тели восхва'лимъ: сi'и бо w=бте'кше широту` всея` 
земли`, jа='коже ра'ломъ всjь'яша вjь'ру, и= всjь^мъ 
бг~оразу'мiе всади'ша, тр\оческое jа=вля'юще сло'во. _W 
пе'тре, ка'меню и= w=снова'нiе, и= па'vле, сосу'де 
и=збра'нный, и='же и= сопряже'ннiи волы` хр\стw'вы, вся^ 
привлеко'ша въ бг~оразу'мiю jа=зы'ки, гра'ды же и= 
_о='стровы, _е=вре'и же па'ки ко хр\сту` возведо'ша, и= 
мо'лятъ сп~сти'ся душа'мъ на'шымъ.

[Ге'рманово:] Пе'тре верхо'вне сла'вныхъ а=п\слъ, 
ка'меню вjь'ры, и= па'vле чу'дне, ст~ы'хъ цр~квей витi'я и= 
свjьти'льниче, бж~е'ственному пр\сто'лу предстоя'ще, w= 
на'съ хр\сту` моли'теся.

Па'vле о_у=ста` гд\сня, w=снова'нiе о_у=че'нiй, и=ногда` 
о_у='бw гони'тель i=и~са сп~са, ны'нjь же и= 
первопр\сто'льникъ а=п\слwвъ бы'въ бл~же'нне. тjь'мже 
неизглагw'ланная ви'дjьлъ _е=си` му'дре, да'же до тре'тiягw 
нб~се` возше'дъ, и= взыва'лъ _е=си`: прiиди'те со мно'ю, и= 
бл~ги'хъ не лиши'мся. 

Гла'съ г~.

[I=wа'нна мона'ха:] Вы'шнягw i=ер\сли'ма, гра'ждане, 
ка'мень вjь'ры, витi^я цр~кве хр\сто'вы, тр\оческая дво'ица, 
мi'ра ловцы`, w=ста'вльше дне'сь jа=`же на земли` w\тидо'ша 
страда'нiемъ къ бг~у, и= мо'лятся _е=му` со дерзнове'нiемъ, 
сп~сти'ся душа'мъ на'шымъ.

Сла'ва, гла'съ _е~:

[Вv"зантi'ево:] Прему'дрость бж~iя, соприсносу'щное 
сло'во _о='ч~ее, jа='коже въ _е=v\глiахъ предрече`, 
многоплw'дныя ло'зы, вы` _е=сте` всехва'льнiи а=п\сли: и=`же 
гро'здъ зрjь'лъ и= кра'сенъ, во вjь'твехъ ва'шихъ нося'щiи, 
_е=го'же вjь'рнiи jа=ду'ще, о_у=слажда'емъ вку'съ къ 
весе'лiю. пе'тре ка'меню вjь'ры, и= па'vле похвало` 
вселе'нныя, о_у=тверди'те ста'до, _е='же стяжа'сте 
о_у=че'ньми ва'шими. 

И= ны'нjь, бг~оро'диченъ:

Бл~жи'мъ тя` бц\де дв~о, и= сла'вимъ тя` вjь'рнiи по 
до'лгу, гра'дъ непоколеби'мый, стjь'ну неwбори'мую, тве'рдую 
предста'тельницу, и= прибjь'жище ду'шъ на'шихъ. 

На стiхо'внjь стiхи^ры самогла'сны, гла'съ а~: 

[А=ндре'а кри'тскагw:] 

Jа=`же по вся^ гра'ды о_у='зы и= скw'рби твоя^, кто` 
ска'жетъ сла'вне а=п\сле па'vле; труды`, болjь^зни и= 
бдjь^нiя, jа=`же во а='лчбjь и= жа'ждjь sлостра^стiя, jа=`же 
въ зимjь` и= наготjь`, ко'шницу, и= жезлобi_е'нiя, 
каменом_ета'нiя, и= w=бхожд_е'нiя, глубины` и=стопл_е'нiя: 
позо'ръ бы'сть а='гг~лwвъ и= человjь'кwвъ. вся^ о_у='бw 
претерпjь'лъ _е=си`, w= о_у=крjьпля'ющемъ тя` хр\стjь`: да 
мi'ръ прiwбря'щеши w= хр\стjь` i=и~сjь гд\сjь твое'мъ. 
тjь'мже мо'лимъ тя`, творя'щiи па'мять твою` вjь'рнw, 
непреста'ннw моли`, сп~сти'ся душа'мъ на'шымъ. 

Стi'хъ: Во всю` зе'млю и=зы'де вjьща'нiе и='хъ, и= въ 
концы` вселе'нныя глаго'лы и='хъ.

Jа=`же по вся^ гра'ды вяза^нiя и= скw'рби твоя^, кто` 
и=сповjь'сть сла'вне а=п\сле; и=ли` кто` предста'витъ 
по'двиги и= труды` твоя^, и='миже труди'лся _е=си` во 
_е=v\глiи хр\сто'вjь, да вся^ прiwбря'щеши, и= хр\сту` 
приведе'ши цр~ковь; но сiю` проси` сохрани'ти до'брое твое` 
и=сповjь'данiе, да'же до коне'чнагw и=здыха'нiя, па'vле 
а=п\сле, и= о_у=чи'телю цр~кве'й. 

Стi'хъ: Нб~са` повjь'даютъ сла'ву бж~iю, творе'нiе же 
руку` _е=гw` возвjьща'етъ тве'рдь.

Свjьти'льники вели^кiя цр~кве, петра` и= па'vла 
восхва'лимъ: па'че бо со'лнца возсiя'ша на тве'рди вjь'ры, 
и= jа=зы'ки заря'ми проповjь'данiя, w\т невjь'дjьнiя 
возведо'ша. _о='въ о_у='бw на кр\стjь` пригво'ждься, къ 
нб~си` ше'ствiе творя`, и=дjь'же цр\ствiя ключи` w\т хр\ста` 
прiя'тъ: _о='въ же мече'мъ о_у=сjь'ченъ бы'въ ко сп~су 
w\тше'дъ, по достоя'нiю о_у=бл~жа'ются, и= _о='ба i=и~лю 
возвjьща'ютъ, jа='кw на сама'го гд\са непра'вjьднw ру'цjь 
просте'рша. тjь'мже мл~твами и='хъ хр\сте` бж~е на'шъ, на 
ны` шата'ющыяся низложи`, и= правосла'вныхъ вjь'ру 
о_у=тверди`, jа='кw чл~вjьколю'бецъ. 

Сла'ва, гла'съ s~:

[_Е=фре'ма карv'а:] Пра'здникъ ра'достенъ возсiя` 
конц_е'мъ дне'сь, всеч\стна'я па'мять прему'дрыхъ а=п\слъ, 
и= верхо'вныхъ петра` и= па'vла. тjь'мже и= ри'мъ сра'дуется 
ликовству'я, въ пjь'снехъ и= пjь'нiихъ. пра'зднуемъ и= мы`, 
бра'тiе, всеч\стны'й сi'й де'нь соверши'вше. ра'дуйся пе'тре 
а=п\сле, и='скреннiй дру'же твоегw` о_у=ч~тля, хр\ста` бг~а 
на'шегw: ра'дуйся па'vле вселюбе'знjьйшiй, и= проповjь'дниче 
вjь'ры, и= о_у=чи'телю вселе'нныя: jа='кw и=мjь'я 
дерзнове'нiе, супру'же ст~оизбра'нный, хр\ста` бг~а на'шего 
моли'те сп~сти'ся душа'мъ на'шымъ. 

И= ны'нjь, бг~оро'диченъ:

Творе'цъ и= и=зба'витель мо'й преч\стая, хр\сто'съ бг~ъ 
и=з\ъ твои'хъ ложе'снъ проше'дъ, въ мя` w=болкi'йся, пе'рвыя 
кля'твы а=да'ма свободи`. тjь'мже ти` всеч\стая, jа='кw 
бж~iи мт~ри же и= дв~jь, вои'стинну вопiе'мъ немо'лчнw: 
ра'дуйся а='гг~льски, ра'дуйся вл\дчце, предста'тельство и= 
покро'ве, и= сп~се'нiе ду'шъ на'шихъ.

На бл~гослове'нiи хлjь'бwвъ тропа'рь, гла'съ д~, 
два'жды: [пи'санъ на ма'лjьй вече'рни.] и= Бц\де дв~о: 
_е=ди'ножды. и= чте'нiе.

На о_у='трени,

на Бг~ъ гд\сь, тропа'рь а=п\слwвъ, два'жды. Сла'ва, и= 
ны'нjь, бг~оро'диченъ: _Е='же w\т вjь'ка о_у=тае'ное: По а~-
й каfi'смjь сjьда'ленъ, гла'съ и~: 

Подо'бенъ: Прему'дрости:

Глубину` ловле'нiя w=ста'вль, съ нб~се` прiе'мъ w\т 
_о=ц~а` бж~е'ственное w\ткрове'нiе, сло'ва воплоще'нiя: и= 
со дерзнове'нiемъ вjь'рнw вопiя'лъ _е=си` зижди'телю 
твоему`: бж~iя тя` вjь'мъ сн~а _е=диносу'щна. тjь'мже по 
достоя'нiю вои'стинну показа'лся _е=си` ка'мень вjь'ры, и= 
ключа'рь благода'ти, пе'тре а=п\сле, моли` хр\ста` бг~а, 
грjьхw'въ w=ставле'нiе дарова'ти, пра'зднующымъ любо'вiю 
ст~у'ю па'мять твою`. 

Сла'ва, гла'съ а~: 

Подо'бенъ: Ка'мени запеча'тану:

Цр~ко'внаго ка'меня, всехва'льнаго петра`, и= побо'рника 
па'vла, мiрску'ю мре'жу, досто'йнw восхва'лимъ, вjь'рнiи, 
jа='кw и=му'ща ключи` нб\сныя: w\т ни'хъ бо просвjьти'ся 
вселе'нная, вjь'рою тр\оческою. сла'ва просла'вльшему ва'съ: 
сла'ва о_у=крjь'пльшему вы`: сла'ва дарова'вшему ва'съ ра'ди 
жи'знь вjь'чную.

И= ны'нjь, бг~оро'диченъ:

Ру'цjь твои` бж~е'ственнiи, и='миже созда'теля понесла` 
_е=си`, дв~о прест~а'я, вопло'щшагося бл~госты'нею, 
просте'рши о_у=моли` _е=го`, и=зба'вити на'съ w\т 
и=скуше'нiй, и= страсте'й и= бjь'дъ, хва'лящихъ тя` 
любо'вiю, и= вопiю'щихъ: сла'ва все'льшемуся въ тя`, сла'ва 
проше'дшему и=з\ъ тебе`, сла'ва и=зба'вльшему на'съ 
рж\ство'мъ твои'мъ.

По в~-й каfi'смjь сjьда'ленъ, гла'съ и~: 

Подо'бенъ: Прему'дрости:

Съ нб~се` зва'нiе w\т хр\ста` прiи'мъ, jа=ви'лся _е=си` 
проповjь'дникъ свjь'та, всjь'хъ бл~года'ти w=зари'лъ _е=си` 
о_у=че'ньми, зако'на бо служе'нiе пи'смене и=зструга'въ, 
вjь^рнымъ w=блиста'лъ _е=си` ра'зумъ дх~а. тjь'мже и= въ 
тре'тiе нб~о досто'йнjь взя'тся превы'спреннw, и= въ ра'й 
дости'глъ _е=си`, па'vле а=п\сле, моли` хр\ста` бг~а 
согрjьше'нiй w=ставле'нiе дарова'ти, пра'зднующымъ любо'вiю 
ст~у'ю па'мять твою`.

Сла'ва, гла'съ д~:

Подо'бенъ: Jа=ви'лся _е=си` дне'сь:

Свjьтолу'чными сiя'нiи, jа='коже sвjь'зды, земны^я 
концы` просвjьща'ете о_у=че'нiи ст~ы'я про'повjьди, нб\снiи 
таи'нницы гд\сни а=п\сли.

И= ны'нjь, бг~оро'диченъ:

Те'плое заступле'нiе су'щымъ въ бjьда'хъ, и= помо'щницу 
на'шу, и= къ бг~у премjьне'нiе, _е='юже тли` и=зба'вихомся, 
бц\ду вjь'рнiи о_у=бл~жа'емъ.

По полv"еле'и сjьда'ленъ, гла'съ и~: Подо'бенъ: 
Прему'дрости:

Верхw'вныя jа='вльшыяся w\т о_у=чени^къ, вели^кiя 
свjьти'льники и= свjь^тлыя, петра` да восхва'лимъ и= 
прему'драго па'vла: _о=гне'мъ бо бж~е'ственнагw просiя'вшыя 
дх~а, мглу` пре'лести попали'ша всю`. тjь'мже и= вы'шнягw 
цр\ствiя _о=ру'жницы досто'йнjь показа'шася и= бл~года'ти 
сопресто'льницы. сегw` ра'ди вопiе'мъ: а=п\сли хр\ста` бг~а, 
прегрjьше'нiй w=ставле'нiе и=спроси'те, пра'зднующымъ 
любо'вiю ст~у'ю па'мять ва'шу. [Два'жды.] 

Сла'ва, и= ны'нjь, бг~оро'диченъ:

Jа='кw всенепоро'чная невjь'сто творцу`, jа='кw 
неискусому'жная мт~и и=зба'вителя, прiя'телище jа='кw су'щи 
о_у=тjь'шителя препjь'тая, беззако'нiю мя` су'ще скве'рное 
_о=би'телище, и= бjьсw'мъ и=гра'лище въ ра'зумjь бы'вша, 
потщи'ся w= тjь'хъ sлодjь'йства мя` и=зба'вити, и= свjь'тлое 
жили'ще добродjь'телей соверши`, свjьтоно'сная нетлjь'нная: 
w\тжени` _о='блакъ страсте'й, и= вы'шнягw прича'стiя 
сподо'би, и= свjь'та невече'рнягw мл~твами твои'ми. 

Степ_е'нна, а~-й а=нтiфw'нъ д~-гw гла'са.

Прокi'менъ, гла'съ д~: Во всю` зе'млю и=зы'де вjьща'нiе 
и='хъ, и= въ концы` вселе'нныя глаго'лы и='хъ. Стi'хъ: 
Нб~са` повjь'даютъ сла'ву бж~iю, творе'нiе же руку` _е=гw` 
возвjьща'етъ тве'рдь. Вся'кое дыха'нiе: Стi'хъ: Хвали'те 
бг~а во ст~ы'хъ _е=гw`: _Е=v\глiе i=wа'нна, зача'ло _кс~з.

По н~-мъ _псалмjь` стiхи'ра, гла'съ s~. Самогла'сна: 

Бл~гоче'стiя и='стинныя проповjь'дники, и= цр~кве 
пресвjь^тлыя sвjь'зды, пjь'сньми похва'льными почти'мъ, 
петра` ка'меня вjь'ры, и= па'vла и='стиннаго о_у=чи'теля, и= 
таи'нника хр\сто'ва: сi'и бо и='стинное сло'во всjь'явше въ 
сердца` вjь'рныхъ, всjь^мъ плодоно'сiе да'рующа, и= мо'лятъ 
хр\ста` бг~а, сп~сти'ся душа'мъ на'шымъ.

Канw'на два`. Творе'нiе i=wа'нна дамаски'на.

Пе'рвый ст~а'гw а=п\сла петра`, гла'съ д~, со i=рмосо'мъ 
на и~: i=рмо'съ по два'жды, тропари` на s~.

Пjь'снь а~.

I=рмо'съ: Нjь'сть тебjь` подо'бенъ, препросла'вленный 
гд\си, руко'ю бо крjь'пкою и=зба'вилъ _е=си` лю'ди, jа=`же 
стяжа'лъ _е=си`, чл~вjьколю'бче.

Верхо'внjьйшаго а=п\слwвъ дне'сь, jа='кw первозва'ннаго 
хр\сто'ва, бг~одохнове'нными пjь'сньми досто'йнw воспои'мъ.

Тя` предвjь'чный проувjь'дjьвъ пред\ъуста'ви, 
всебл~же'нне пе'тре, jа='кw предста'теля своея` цр~кве, и= 
первопресто'льника.

Ни пло'ть, ниже` кро'вь тебjь`, но _о=ц~ъ вдохну`, 
хр\ста` бг~осло'вити сн~а и='стиннаго бг~а вы'шнягw, 
а=п\сле.

Бг~оро'диченъ: Го'ру ст~у'ю, превы'шнее носи'ло, мт~рь 
бж~iю, и= дв~у и='стинную по рождествjь` воспое'мъ. 

И='нъ канw'нъ ст~а'гw а=п\сла па'vла, тропари` на s~. 
Гла'съ и~:

Пjь'снь а~.

I=рмо'съ: Посjь'ченый несjько'маго пресjьче`, и= ви'дjь 
со'лнце зе'млю, ю='же не ви'дjь: лю'таго врага` вода` 
потопи`, и= непроходи'мое про'йде i=и~ль. пjь'снь же 
воспjьва'шеся: гд\сви пои'мъ, сла'внw бо просла'вися.

Jа='коже су^щая нарица'я не су^щая, хр\сто'съ 
бж~е'ственнымъ ра'зумомъ, па'vле всебл~же'нне, то'й и=з\ъ 
мт~рня чре'ва тя` и=збра`, понести` пред\ъ jа=зы'ки 
бж~е'ственное _е=гw` и='мя, _е='же па'че вся'кагw и='мене: 
сла'внw во просла'вися.

Бу'дущее возвjьща'я тебjь` сiя'нiе, бл~гоче'стiя па'vле, 
и= ле'сти w=чище'нiе, хр\сто'съ jа='влься на горjь` 
молнiезра'ченъ, _о='чи о_у='бw помрача'етъ плотскi^я, 
душ_е'вныя же вразумля'етъ тр\оческимъ ра'зумомъ: сла'внw бо 
просла'вися. 

W=брjь'занiе о_у='бw соверша'я _о=смодне'вное, и= 
ревни'тель _о=те'ческихъ, па'vле, преда'нiй, w\т сjь'мене 
_е=вре'йска, колjь'на венiамi'нова, по зако'ну же фарiсе'й 
jа='влься, вмjьни'лъ _е=си` вся^ о_у=ме'ты, и= хр\ста` 
прiwбрjь'лъ _е=си`: сла'внw бо просла'вися.

Бг~оро'диченъ: Ч\стая мт~и бг~а вседержи'теля, w\т 
цр\скагw колjь'на, вл\дчце, и=зра'стши, и= _е=ди'на бг~а 
всjь'ми цр\ствующаго ро'ждшая пло'тiю па'че _е=стества`, w\т 
бjь'дъ мя` сп~си`, сн~у твоему` пою'ща: сла'внw бо 
просла'вися. 

Катава'сiя: W\тве'рзу о_у=ста` моя^:

Пjь'снь г~.

I=рмо'съ: Не му'дростiю и= си'лою, и= бога'тствомъ 
хва'лимся, но тобо'ю, _о='ч~е, v=поста'сною му'дростiю, 
хр\сте`: нjь'сть бо ст~ъ, па'че тебе`, чл~вjьколю'бче.

Тя` бл~же'нна, сла^дкая о_у=ста` хр\ста` бг~а, и= 
сокро'вище тве'рдо цр\ствiя показа'ша: тjь'мже воспjьва'емъ 
тя`, пе'тре а=п\сле.

На ка'мени твоегw` бг~осло'вiя, водрузи` вл\дка i=и~съ 
цр~ковь непрекло'нну: въ не'йже тя`, а=п\сле пе'тре, 
сла'вимъ.

Jа='кw пребо'льши а='гг~лъ, пе'тръ въ тjьлеси`: во 
свjь'тломъ бо прише'ствiи сего` хр\сто'съ бг~ъ, судiю' же и= 
сосjьда'теля бы'ти рече`.

Бг~оро'диченъ: Неискусобра'чная бг~а пло'тiю ро'ждшая, 
страстны'ми прилw'ги преклоне'на мя` о_у=тверди`: нjь'сть бо 
ч\стая, ра'звjь тебе` помо'щницы. 

И='нъ.

I=рмо'съ: Ты` _е=си` о_у=твержде'нiе притека'ющихъ къ 
тебjь`, гд\си, ты` _е=си` свjь'тъ w=мраче'нныхъ, и= пое'тъ 
тя` ду'хъ мо'й.

Ты` ка'мень w=снова'нiя вjь^рнымъ душа'мъ положи'лся 
_е=си`, многоцjь'ненъ, краеуго'ленъ, сп~са и= гд\са.

Па'vле всебл~же'нне, на w=снова'нiи твое'мъ, моли'ся, 
добродjь'телей всехва'льныхъ назида'тися свjь'тлости. 

Всегда` ме'ртвость i=и~сову, на твое'мъ тjь'лjь 
соверше'ннw, па'vле, w=бнося'й, сподо'бился _е=си` 
и='стинныя жи'зни.

Бг~оро'диченъ: Тя` вси` стяжа'хомъ прибjь'жище, и= 
стjь'ну на'шу хр\стiа'не: тя` славосло'вимъ немо'лчнw, 
безневjь'стная. 

V=пакои`, гла'съ и~:

Ка'я темни'ца не и=мjь` тебе` ю='зника; ка'я же цр~ковь 
не и='мать тя` витi'ю; дама'скъ великому'дрствуетъ w= 
тебjь`, па'vле: вjь'дjь бо тя` запя'та свjь'томъ: ри'мъ 
твою` кро'вь прiе'мый, и= то'й хва'лится: но и= та'рсъ 
мно'жае ра'дуется, и= лю'битъ почита'я твои` пел_ены`. 
пе'тре вjь'ры ка'меню, па'vле похвало` вселе'нныя, w\т ри'ма 
соше'дшеся о_у=тверди'те на'съ.

Пjь'снь д~.

I=рмо'съ: Се'й бг~ъ на'шъ, w\т дв~ы вопло'щься, и= 
_е=стество` w=божи'въ, _е=го'же воспjьва'юще вопiе'мъ: 
сла'ва си'лjь твое'й, гд\си.

Человjь'кwмъ ловца` тя`, jа='коже w=бjьща` хр\сто'съ, 
содjь'ла бж~е'ственна, своея` цр~кве, пе'рвому вручи'въ 
корми'ла.

Тобо'ю о_у=моля'емь жизнода'вецъ i=и~съ, вяза'ти же и= 
рjьши'ти да'вый тебjь` вла'сть, пе'тре, да бу'детъ ми` 
мл\стивъ.

Хр\сто'во цр\ствiе w\тве'рсти, прилjь'жнw моли'ся, 
пе'тре, бж~е'ственную твою` па'мять, вjь'рою несумнjь'нною 
чту'щымъ.

Бг~оро'диченъ: Гп\сже` всепjь'тая бг~ороди'тельнице, моя^ 
помышл_е'нiя твои'ми мл~твами w=чи'стивши, покажи' мя 
бл~гопло'дна, мт~и всjь'хъ бг~а. 

И='нъ.

I=рмо'съ: Всjь'лъ _е=си` на кони`, а=п\слы твоя^ гд\си, 
и= прiя'лъ _е=си` рука'ма твои'ма о_у=зды^ и='хъ, и= 
сп~се'нiе бы'сть jь=жде'нiе твое` вjь'рнw пою'щымъ: сла'ва 
си'ле твое'й, гд\си.

Всjь'де jа='коже ле'въ, jа=рови'днw погубля'я хр\сто'ву 
цр~ковь, са'vлъ и=ногда`, jа='тъ же бы'въ бж~е'ственнымъ 
гла'сомъ а='гнца бж~iя, _е=го'же гоня'ше, ста'до jа='кw 
па'стырю вруча'етъ. 

Хотя'й просвjьти'ти вселе'нную w=мрача'ется: а=на'нiа же 
къ сему` посла'ся, душе'вное же просвjьще'нiе дая'й и= 
тjьле'сное, w\т бж~е'ственнагw jа=вле'нiя, сосу'дъ и=збра'нъ 
показа'въ того`.

Па'vломъ досто'йнw дама'скъ напоя'ется: w\т сегw' бо 
jа='коже w\т рая` и=ногда`, во'дъ бж~е'ственныхъ се'й 
произы'де вели'кiй и=сто'чникъ, и= о_у=пои` всю` 
бг~оразу'мiемъ незави'стнw зе'млю.

Бг~оро'диченъ: Низложи` си^льныя со пр\стw'лъ гд\сь, 
дв~а и= мт~и jа='коже рече`: а='лчущыя же бж~е'ственныхъ 
бл~гъ и=спо'лни, вjь'рою зову'щыя: сла'ва си'лjь твое'й, 
гд\си.

Пjь'снь _е~.

I=рмо'съ: Стяжа'вый ны` и=збра^нныя лю'ди, кро'вiю 
твое'ю, гд\си, тво'й ми'ръ да'ждь на'мъ, во _е=диномы'слiи 
сохраня'я ста'до твое`.

И='же w\т любве` прiи'мъ дерзнове'нiе къ бг~у, досто'йнw 
чуди'мь быва'ше, лове'цъ и= невjь'жда, чудодjь'йствуя 
пресла'внw бл~года'тiю. 

Не зла'то тебе` ра'ди, ни сребро`, хр\сте`, 
бж~е'ственный тво'й а=п\слъ, но добродjь'тель стяжа'въ, 
чуде'съ w=богати'ся си'лою.

И=справля'хуся стwпы` и= гле'знjь хромы'хъ, 
дjь'йственнымъ твои'мъ глаго'ломъ: бж~е'ственнымъ бо дх~омъ 
соверша'хуся пресла^вныя в_е'щи.

Бг~оро'диченъ: Воплоти'ся бг~ъ по v=поста'си, ч\стая, 
и=з\ъ тебе` пло'тiю соединя'емь, пребы'въ неизмjь'ненъ, по 
бж~е'ственному существу` безпло'тенъ.

И='нъ.

I=рмо'съ: Просвjьти` на'съ повелjь'нiи твои'ми, гд\си, 
и= мы'шцею твое'ю высо'кою, тво'й ми'ръ пода'ждь на'мъ, 
чл~вjьколю'бче.

Ты` и='стинную и=збра'лъ _е=си`, па'vле, похвалу`, 
кр\стъ цр~я` хр\ста` при'снw нося`, jа='коже побjь'ду, 
а=п\сле. 

Тебjь` _е='же жи'ти, хр\сто'съ, и= _е='же о_у=мре'ти, 
прiwбрjь'тенiе и=зря'дно: любо'вiю бо сраспя'лся _е=си` 
распе'ншемуся на'съ ра'ди, па'vле пресла'вне.

Ра'дуешися вои'стинну w= гд\сjь, па'vле ч\стны'й, 
и=зше'дъ и=з\ъ тjьлесе`, и= w\тше'дъ ко хр\сту` жизнода'вцу 
бг~у.

Бг~оро'диченъ: Моли` при'снw сн~а твоего` и= бг~а 
на'шего, неискусобра'чная, мр~i'е ч\стая, посла'ти на'мъ 
вjь'рнымъ мл\сть.

Пjь'снь s~.

I=рмо'съ: Въ ки'тjь, хр\сте`, тридне'вновавъ i=w'на, 
прописа` тя` безсме'ртнаго, jа='кw ме'ртва во'лею, въ 
се'рдцjь земнjь'мъ тридне'вновавша.

Jа='коже дре'вле, хр\сте`, десни'цею твое'ю по водjь` 
пjь'ша ходя'ща, петра` спа'слъ _е=си`: и= мене` потопля'ема 
бу'рею лю'тыхъ напа'стей сп~си`, jа='кw мл\срдъ.

W=ста'вилъ _е=си`, _w пе'тре! не су^щая, и= су^щая 
дости'глъ _е=си`, jа='коже нjь'кiй купе'цъ: и= jа='вjь 
о_у=лови'лъ _е=си` би'серъ, хр\ста`, многоцjь'нный.

И=скуша'ти безу'мнw покуси'вшыяся дх~а прест~а'го, 
пе'тре, о_у=мертви'лъ _е=си`: _е=го'же бг~осло'вилъ _е=си` 
ты` пе'рвjье, jа='вjь и=сповjь'давъ бг~а, всебл~же'нне.

Бг~оро'диченъ: Вся'кагw вы'шша существа`, сло'во бж~iе 
родила` _е=си`, воплоще'нно на'мъ: тjь'мже бц\ду тя` 
о_у=стна'ми же и= душе'ю проповjь'дуемъ.

И='нъ.

I=рмо'съ: Мл~тву пролiю` ко гд\су, и= тому` возвjьщу` 
печа^ли моя^, jа='кw sw'лъ душа` моя` и=спо'лнися, и= 
живо'тъ мо'й а='ду прибли'жися, и= молю'ся jа='кw i=w'на: 
w\т тли` бж~е, возведи' мя.

Вся^ пренебре'гъ кра'сная мi'ра, о_у=я'звенъ вл\дчнею 
любо'вiю, и= _о='бщагw сп~се'нiя жела'нiемъ, 
свидjь'тельствовати тому` и=зво'ливъ, _w па'vле бл~же'нне! 
и= ны'нjь w= вселе'ннjьй моли'ся. 

Jа='кw и=зря'дный вл\дцjь подо'бникъ, и= въ тогw` 
w=дjь'янъ па'vле, вои'стинну всjь^мъ бы'лъ _е=си` вся'къ, да 
вся^ прiwбря'щеши, и= сп~се'ши лю'ди: и= сп~слъ _е=си`, 
jа='кw вои'стинну хр\сту` о_у=лови'въ концы`.

Досто'йнw тебjь` дарова` хр\сто'съ житiе` а=п\сле па'vле 
на нб~сjь'хъ: пребыва'ющагw бо здjь` не возжела'лъ _е=си` 
гра'да, бл~же'нне, вjь'ренъ служи'тель бы'въ, и= строи'тель 
та^инъ _е=гw`.

Бг~оро'диченъ: Призрjь` на тя` гд\сь, мое` w=бновля'я 
существо`, jа='кw си'ленъ, вели^чiя сотво'рь, 
бг~ороди'тельнице, jа='коже рекла` _е=си` всенепоро'чная: и= 
сп~се' мя тобо'ю и=з\ъ тли` бг~ъ мо'й, jа='кw мл\срдъ.

Конда'къ, гла'съ в~:

Тв_е'рдыя и= бг~овjьща^нныя проповjь'датели, ве'рхъ 
а=п\слwвъ твои'хъ, гд\си, прiя'лъ _е=си`, въ наслажде'нiе 
бл~ги'хъ твои'хъ и= поко'й: болjь^зни бо _о='нjьхъ и= 
сме'рть прiя'лъ _е=си`, па'че вся'кагw всепло'дiя, _е=ди'не 
свjь'дый серд_е'чная.

I='косъ: О_у=ясни` мо'й я=зы'къ, сп~се мо'й, разшири'въ 
моя^ о_у=ста`, и= и=спо'лнивъ я=`, о_у=мили` се'рдце мое`, 
да jа=`же глаго'лю, послjь'дую, и= jа=`же о_у='бw о_у=чу`, 
сотворю` пе'рвjье: вся'къ бо творя` и= о_у=чя`, рече`, се'й 
вели'къ _е='сть. а='ще бо глаго'лю, и= не творю`, jа='кw 
мjь'дь звеня'щая вмjьню'ся: тjь'мже рещи' ми подw'бная, и= 
твори'ти пол_е'зная да'руй, _е=ди'не свjь'дый серд_е'чная.

Пjь'снь з~.

I=рмо'съ: Въ нача'лjь безнача'льное сло'во, со _о=ц~е'мъ 
и= дх~омъ, сн~ъ _е=диноро'дный, бл~гослове'нъ _е=си` и= 
превозноси'мый, бж~е _о=т_е'цъ на'шихъ.

Мл\стивному, бж~е'ственнымъ про'мысломъ хр\сто'вымъ 
наказу'емь подо'битися, попуще'нъ бы'лъ _е=си` пре'жде 
стр\сти, пе'тре, w\тверже'нiя подпа'сти волне'нiю. 

Тебjь` хр\сто'съ, первозва'нному и= sjьлw` 
возлю'бленному, jа='кw предсjьда'телю бл~госла'вну а=п\слwвъ 
пе'рвому jа=вля'ется, воскре'съ w\т гро'ба.

Твое` трикра'тное, _е='же пре'жде стр\сти, и=сцjьля'я 
w\тверже'нiе вл\дка, трикра'тнымъ бг~овjьща'ннымъ, пе'тре, 
вопроше'нiемъ о_у=твержда'етъ любо'вь.

_Е='же ко хр\сту`, пе'тре, любле'нiя предлага'лъ _е=си` 
свидjь'теля, и= всеви'дящаго jа='кw бг~а сло'ва: тjь'мже и= 
люби'мое вруча'етъ тебjь` ста'до.

Бг~оро'диченъ: Jа='же во о_у=тро'бjь превjь'чнаго, w\т 
_о=ц~а` возсiя'вша, бг~а сло'ва пло'тiю заче'ншую, вси` 
о_у=бл~жа'емъ, jа='кw мт~рь всjь'хъ бг~а.

И='нъ.

I=рмо'съ: На по'лjь деи'рjь и=ногда` мучи'тель пе'щь 
поста'ви на муче'нiе бг~оно'сныхъ, въ не'йже три` _о='троки 
пjьсносло'вяху _е=ди'наго бг~а, тр\очнw воспjьва'ху 
глаго'люще: _о=т_е'цъ бж~е бл~гослове'нъ _е=си`.

Бы'сть, хр\сте`, печа'ть и= вjьне'цъ а=п\слwвъ твои'хъ, 
и='же на послjь'докъ зва'нный време'нъ, тща'нiемъ же всjь'хъ 
превозше'дъ. съ ни'мже лю'дiе цр~ко'внiи пою'тъ тебjь`: 
_о=т_е'цъ на'шихъ, бж~е, бл~гослове'нъ _е=си`.

А='ще и= гони'въ пе'рвjье цр~ковь твою` па'vелъ 
о_у='зникъ, но премину` дре'внюю де'рзость твое'ю ре'вностiю 
послjьди`. собра' бо, хр\сте`, jа=зы'ки зову'щыя: _о=т_е'цъ 
на'шихъ бж~е, бл~гослове'нъ _е=си`.

Ты` и=з\ъ i=ер\сли'ма проповjь'давъ всjь^мъ _е=v\глiе, 
w=б\ъя'тъ же _о='крестъ всю` зе'млю па'vле, да'же до 
кон_е'цъ i=ллv"рi'ка о_у=чя`, взыва'лъ _е=си`: _о=т_е'цъ 
на'шихъ бж~е бл~гослове'нъ _е=си`.

Во о_у='жасjь взя'тъ бы'въ, тре'тiе дости'глъ _е=си` 
нб~о пребога'те, и= о_у=слы'шавъ неизглагw'ланная словеса`, 
вопiе'ши: сла'ва превы'шнему _о=ц~у`, и= сн~у, сiя'нiе же 
сопресто'льно и=спыта'ющагw jа='вjь дх~а бж~iя глубины^.

Бг~оро'диченъ: Jа='коже на руно` до'ждь на тя` сни'де 
дв~о хр\сто'съ бг~ъ, и= плотоно'сецъ и=з\ъ тебе` про'йде, 
соединя'я пре'жде разстоя^щая, ми'ръ на земли` и= на нб~си` 
да'руя: _о=т_е'цъ на'шихъ бж~е бл~гослове'нъ _е=си`.

Пjь'снь и~.

I=рмо'съ: Вся'ч_еская нося'й непристу'пною твое'ю 
си'лою, хр\сте`, прп\дбныя твоя^ _о='троки въ пла'мени 
w=роси'лъ _е=си`, зову'щыя: бл~гослови'те вся^ дjьла` гд\сня 
гд\са.

Воздjь'жутъ твои` ру'цjь, и= ко кр\сту' тя препоя'шутъ, 
вл\дка предре'къ, пе'тре, повелjьва'етъ послjь'довати 
зову'щу: бл~гослови'те вся^ дjьла` гд\сня гд\са.

Бл~года'ти сло'вомъ, _е=не'а о_у='бw разсла'бленна 
лю'тjь, тавi'fу же о_у=ме'ршую, чудодjь'йствуя воскреси'лъ 
_е=си` зову'щыя: бл~гослови'те вся^ дjьла` гд\сня, гд\са.

И='же петру` jа=зы'ки w=чище'ны повjь'давъ, хр\сте`, 
дх~о'вною заре'ю, и= мнjь` помышл_е'нiя w=чи'сти, зову'щу: 
бл~гослови'те вся^ дjьла` гд\сня гд\са.

Бг~оро'диченъ: Всест~а'я дв~о, jа='же бг~а сло'ва 
ро'ждшая пло'тiю, души` моея` мра'къ твои'ми мл~твами 
w\тгна'вши, просвjьти` взыва'юща: бл~гослови'те вся^ дjьла` 
гд\сня гд\са.

И='нъ.

I=рмо'съ: На горjь` ст~jь'й просла'вльшася, и= въ 
купинjь` _о=гне'мъ приснодв~ы мwv"се'ови та'йну jа='вльшаго, 
гд\са по'йте и= превозноси'те во вся^ вjь'ки.

Сраствори'ся любо'вiю твое'ю, па'vелъ, до'брымъ же 
и=змjьне'нiемъ и=зступи`: не себjь' бо живя'ше сла'вный, 
и=мя'ше же, ще'дре, живу'ща тя` въ себjь` во вся^ вjь'ки.

Ты` w=бручи'лъ _е=си` jа='коже невjь'сту предста'вити, 
жениху` хр\сту` цр~ковь: невjьстово'ждь бо сея` показа'лся 
_е=си`, па'vле бг~оно'се. тjь'мже тя` сла'витъ во вся^ 
вjь'ки.

Подвиза'лся _е=си` до'брымъ по'двигомъ, и= сконча'въ 
тече'нiе твое` зако'ннw, сокро'вище вjь'ры соблю'лъ _е=си`: 
тjь'мже вjьнц_е'въ, па'vле, сподо'бился _е=си` пра'вды.

Бг~оро'диченъ: Ра'дуйся престо'ле _о=гнезра'чный гд\снь: 
ра'дуйся невjь'сто неневjь'стная, дв~о. ра'дуйся, _о='блаче, 
сл~нца возсiя'вшая пра'вды: _е=го'же превозно'симъ во вся^ 
вjь'ки.

Пjь'снь f~.

I=рмо'съ: Тя` пресла'вную невjь'сту, и= всест~у'ю бц\ду, 
зижди'теля ро'ждшую неви'димыхъ же и= всjь'хъ ви'димыхъ, 
пjь'сньми велича'емъ.

Твоя` преизя'щная бл~года'ть сла'вится досто'йнw, сjь'ни 
бо твое'й стра^сти немощны'хъ, пе'тре, w\тгоня'ющей: тjь'мже 
тя` велича'емъ.

Мечта'ньми сi'мwна волхва` бг~обо'рца, взя'та къ 
возду'шнjьй высотjь`, низложи'въ неизглаго'ланною 
бж~е'ственною си'лою, пе'тръ о_у=бл~жа'ется.

Согрjьше'нiй разрjьше'нiе, мл~твами твои'ми пода'ждь, 
просвjьще'нiе же се'рдца, и= весе'лiе дх~а, пою'щымъ па'мять 
твою`, а=п\сле. 

Твоя^ вся^ и=спо'лнена сла'вы, w=свяще'нiя же и= 
чуде'съ: словеса`, мо'щи, пе'рсть, и= вjь'рою, пе'тре, 
покланя'емыя и= любо'вiю бж~_е'ственныя вери^ги.

Бг~оро'диченъ: Твое` и='мя пло'дъ чре'ва, содjь'я 
лико'вника пjь'снь пjь'ти тебjь`. jа='же ра'дость ро'ждши, 
велегла'снw ра'дуйся провjьщава'юща. 

И='нъ.

I=рмо'съ: О_у=ста'вы прешла` _е=си` _е=стества`, 
содjь'теля заче'нши и= гд\са, и= две'рь сп~се'нiя мi'рови 
была` _е=си`. тjь'мъ тя` бц\де, непреста'ннw велича'емъ. 

Твои^мъ покланя'емся вери'гамъ, jа=`же за хр\ста` jа='кw 
sлодjь'й носи'лъ _е=си`: jа='звы же па'vле w=блобыза'емъ, 
jа=`же на сла'внjьмъ твое'мъ и= побjьдоно'снjьмъ но'сиши 
тjьлеси`. 

Ны'нjь разрjьши'лся _е=си`, а=п\сле, ко и='же тобо'ю 
непреста'ннw жела'емому: съ ни'мже jа='кw служи'тель 
водворя'яся, непреста'нными мольба'ми, твоя^ рабы^ къ себjь` 
привлецы`.

Ны'нjь ника'коже въ гада'нiихъ, ниже` въ зерца'лjь 
хр\сто'съ тебjь` зри'мь _е='сть: лице'мъ же па'че зри'тся къ 
лицу` соверше'ннjь тебjь` ра'зумъ w\ткрыва'я бж~ества`.

Бг~оро'диченъ: Ты`, прест~а'я бг~омт~и, похвала` 
хр\сто'выхъ а=п\слwвъ была` _е=си`, мч~нкwвъ же сла'ва, и= 
пр\оро'кwвъ w=снова'нiе: тjь'мже вjь'рнiи тя` вси` 
достодо'лжнw велича'емъ.

Свjьти'ленъ: 

Подо'бенъ: Ж_ены` о_у=слы'шите:

А=п\слwвъ вси` ве'рхъ воспое'мъ, петра` и= па'vла 
бж~е'ств_енныя, вселе'нныя свjьти'льники, проповjь'дники 
вjь'ры, бг~ослw'вныя трубы^, о_у=че'нiй сказа'тели, 
цр~кw'вныя столпы`, и= разори'тели ле'сти. [Два'жды.]

Сла'ва, и= ны'нjь, бг~оро'диченъ:

Вели'ко и= пресла'вно рж\ства` твоегw` та'инство, 
бг~ора'дованная _о=трокови'це, и= бг~омт~и дв~о, пр\оро'цы 
проповjь'даша, а=п\сли научи'ша, мч~нцы и=сповjь'даша: 
а='гг~ли же воспjьва'ютъ, и= человjь'цы покланя'ются.

На хвали'техъ стiхи^ры, на д~, гла'съ д~:

Подо'бенъ: Зва'нный свы'ше:

Съ нб~се` бл~года'ть прiе'мъ, _е=гда` вопроше'нiе 
о_у=ч~нкw'мъ сп~съ, дванадесяточи^сленнымъ рече` а=п\слwмъ: 
кого' мя глаго'лютъ человjь'цы бы'ти; тогда` о_у='бw лу'чшiй 
а=п\слwвъ пе'тръ, бг~осло'вствуя w\твjьща`, jа='снw 
возопи'въ: ты` _е=си` хр\сто'съ жива'гw бг~а сн~ъ. тjь'мже 
досто'йнw о_у=бл~жа'ется, jа='кw свы'ше прiе'мъ 
w\ткрове'нiе, вяза'ти же и= рjьши'ти пра'веднw прiе'мъ.

И='же w\т _о=ц~а` jа='влься бж~iе сло'во, кого' мя 
непщу'ете вопроша'ющу хр\сту`, ты` жива'гw _о=ц~а` сн~ъ, 
jа='кw всjь^мъ о_у=ста` бг~огласу'я, а='бiе возопи'лъ 
_е=си`: тjь'мже и= бл~же'нъ _е=си` сi'мwне ва'ръ i=w'на, 
возме'здiе прiя'лъ _е=си`. и='бо сла'витъ бг~ъ сегw` вjь'рнw 
сла'вящыя, и= къ воспрiя'тiю бога'тнw призыва'етъ, и= 
ка'меня тебе` непосты'дна цр~кви водруже'нiе и= w=снова'нiе 
положи`.

Свы'ше зва'нъ бы'въ, а= не w\т человjь'къ, _е=гда` 
земна'я тьма` помрачи` _о='чи тjьл_е'сныя, нече'стiя 
w=блича'я сjь'тованiе: тогда` нб\сный свjь'тъ w=блиста` 
мы'сленнiи _о='чи, бл~гоче'стiя w\ткрыва'я красоту`. тjь'мже 
позна'лъ _е=си` и=зводя'щаго свjь'тъ и=з\ъ тьмы`, хр\ста` 
бг~а на'шего: _е=го'же моли`, сп~сти` и= просвjьти'ти ду'шы 
на'шя.

Хр\стопроповjь'дникъ сы'й, кр\стную похвалу` нося'й, 
ты`, многорачи'тельную бж~е'ственную любо'вь, jа='кw 
зря'щихъ связу'ющую къ жела'емому, вои'стинну па'че всjь'хъ 
проразсуди'лъ _е=си`. тjь'мже и= о_у='зникъ прозва'лся 
_е=си` хр\сто'въ, напа'стей неудо'бство, jа='кw сладча'йшее 
пи'щи вся'кiя и=зво'ливый, и= ч\стны'я кончи'ны разрjьше'нiя 
сподо'бился _е=си`, живы'й вл\дцjь твоему`: _е=го'же моли`, 
сп~сти` и= просвjьти'ти ду'шы на'шя. 

Сла'ва, гла'съ s~.

[Космы` мона'ха:] Всеч\стны'й а=п\слwвъ приспjь` 
пра'здникъ цр~кви хр\сто'вjь, хода'тайствующiй сп~се'нiе 
всjь^мъ на'мъ. та'йнw о_у='бw восплеска'вше, къ си^мъ 
рце'мъ: ра'дуйтеся свjьти'льницы, су'щымъ во тьмjь` 
мы'сленнагw со'лнца зари` w=блиста'ющiи. ра'дуйтеся, пе'тре 
и= па'vле, о_у=че'нiй бж~е'ственныхъ w=снова'нiя 
незы'бл_ема, дру'зи хр\сто'вы, сосу'ди ч\стнi'и: прiиди'те 
посреди` на'съ неви'димw, сподобля'юще дарw'въ 
невеще'ственныхъ, ва'шъ пра'здникъ восхваля'ющихъ пjь'сньми.

И= ны'нjь: Бц\де, ты` _е=си` лоза` и='стинная, 
возрасти'вшая на'мъ пло'дъ живота`, тебjь` мо'лимся, 
моли'ся, вл\дчце, со ст~ы'ми а=п\слы, поми'ловати ду'шы 
на'шя. 

Славосло'вiе вели'кое. И= w\тпу'стъ.



На лiтургi'и:

Бл~ж_е'нна, w\т канw'на а=п\сла петра`, пjь'снь г~-я, на 
д~. И= па'vла, пjь'снь s~ на д~. Прокi'менъ, гла'съ и~: Во 
всю` зе'млю и=зы'де вjьща'нiе и='хъ, и= въ концы` вселе'нныя 
глаго'лы и='хъ.Стi'хъ: Нб~са` повjь'даютъ сла'ву бж~iю, 
творе'нiе же руку` _е=гw` возвjьща'етъ тве'рдь. А=п\слъ къ 
корi'нfянwмъ, зача'ло рч~г. А=ллилу'iа. гла'съ а~: 
И=сповjь'дятъ нб~са` чудеса` твоя^, гд\си: _Е=v\глiе 
матfе'а, зача'ло _кс~з. 

Прича'стенъ: Во всю` зе'млю. 

Рядовы'й а=п\слъ, и= _е=v\глiе вычита'емъ пре'жде. 

На трапе'зjь о_у=тjьше'нiе бра'тiи вели'кое.

А='ще случи'тся се'й пра'здникъ ст~ы'хъ а=п\слъ въ 
сре'ду и=ли` въ пято'къ, jа='мы ры'бу, и= пiе'мъ вiно`:

Подоба'етъ вjь'дати: jа='кw а='ще случи'тся пра'здникъ 
ст~ы'хъ а=п\слъ въ недjь'лю: предваря'ются вся^ воскр\сная.