Богослужебные тексты

<::лат>        OCR:

<::рус>        Библиотека святоотеческой литературы

<::лат>        http://orthlib.ru

<::слав>

(с. 12)

%<Мjь'сяца тогw'же во в~-й де'нь.%>

%<Ст~а'гw сщ~енному'ченика fеодо'та, _е=п\скпа 
кv"ринi'йскагw:%>

%<И= преставле'нiе, и='же во ст~ы'хъ, _о=ц~а` на'шегw 
а=рсе'нiа, тферска'гw.%>

%<С%>лу'жба _е=гw` пи'сана по се'й слу'жбjь. 
%<А=%>ллилу'iа, и=ли` тропа'рь.

%<И= пра'зднованiе прест~jь'й бц\дjь, въ че'сть _е=я` 
i=кw'ны держа'вныя.%>

%<С%>лу'жба сiя` пи'сана въ приложе'нiи.

%<На Г%>д\си, воззва'хъ, %<стiхи^ры, гла'съ д~. 
Подо'бенъ: Jа='%>кw до'бля:

%<С%>щ~е'нникъ свяще'ннjьйшiй, * цр~кве w=снова'нiе, * 
сто'лпъ непоколеби'мь jа=ви'лся _е=си`, всесла'вне, * 
чудотво'рецъ и='стиннjьйшiй, * бг~ода'ненъ, сла'вне: * и= 
свjьти'льникъ всесвjь'телъ свяще'нный бы'лъ _е=си`, * и= 
ра'й жи'зни дре'во, * посреди` стяжа'въ i=и~са жизнода'вца, 
* сщ~енному'чениче fеодо'те. (с. 13)

%<В%>оло'выми жи'лами бiе'мь, и= на дре'вjь протяза'емь, 
* и= го'рькw стру'жемь, досточу'дне, * и= въ темни'цjь 
заключа'емь, * и= гвоздьми` но'ги твоя^ пригвожд_е'ны 
лю'тjь, * на _о='дръ разжже'нъ полага'емь, * непрело'женъ 
jа=ви'лся _е=си`, * во всjь'хъ о_у=крjьпля'ющаго тя` сла'вя, 
* священному'чениче fеодо'те.

%<Ж%>и'лами твои'хъ по'двигwвъ * врага` придави'въ, * и= 
тогw` си'лу побори'лъ _е=си`, * и= му'жествовавъ 
свjьтлjь'йше, * въ вы'шнемъ цр\ствiи вjьнцено'сецъ живе'ши, 
* просвjьще'нiя сподо'бився, * и= красоты` пра'зднующихъ, * 
и= мо'лишися чту'щыя тя` спасти`, * сла'ва му'ченикwвъ 
fеодо'те.

%<Сла'ва, и= ны'нjь, бг~оро'диченъ, гла'съ и= подо'бенъ 
то'йже:%>

%<W=%>сужде'нiя и=зба'ви, прест~а'я бг~оневjь'сто, * и= 
лю'тыхъ прегрjьше'нiй, * смире'нную мою` ду'шу, * и= сме'рти 
и=змjьни` моли'твами твои'ми: * и= да'руй w=правда'нiе 
получи'ти * въ де'нь и=спыта'нiя, * _е='же получи'ша ст~ы'хъ 
собо'ри: * покая'нiемъ w=чище'на мя` пре'жде конца` покажи`, 
* и= сле'зными и=злiя^нiи.

%<Кр\стобг~оро'диченъ, подо'бенъ то'йже:%>

%<Н%>а кр\стjь' тя jа='кw о_у=зрjь` * пригвожде'на, 
гд\си, * а='гница и= мт~и твоя` дивля'шеся, * и= что` 
видjь'нiе сiе`, взыва'ше: * сн~е вожделjь'нне, * сiя^ тебjь` 
невjь'рный собо'ръ воздаде` беззако'нный, * и='же мно'гихъ 
твои'хъ чуде'съ наслади'выйся; * но сла'ва неизглаго'ланному 
* соше'ствiю твоему`, вл\дко.



%<Канw'нъ, _е=гw'же краегране'сiе: Б%>ж~iе да'нiе бы'лъ 
_е=си` лjь'потнw, блаже'нне.

%<Гла'съ д~. Пjь'снь а~. I=рмо'съ:%>

%<М%>о'ря чермну'ю пучи'ну невла'жными стопа'ми дре'внiй 
пjьшеше'ствовавъ i=и~ль, кресто_обра'зными мwv"се'овыма 
рука'ма а=мали'кову си'лу въ пусты'ни побjьди'лъ _е='сть.

%<Б%>г~ъ твоя^ къ нему` движ_е'нiя, му'чениче, напра'ви, 
(с. 14) _е=гw'же честны^я соблю'дъ за'пwвjьди, i=ера'рхъ 
бы'лъ _е=си`, и= муче'нiя кро'вiю w=зари'лся _е=си`, 
jа=вле'ннjьйше.

%<Б%>ж\ственнjь и= благоче'стнjь пожи'въ, пло'ти 
движ_е'нiя по'стническими о_у=мертви'въ по'двиги, и= живо'тъ 
прiе'мъ, i=ера'рхwвъ о_у=добре'нiе, му'ченикwвъ 
и=сполне'нiе.

%<В%>сели'вся въ прему'дрое се'рдце твое` дх~ъ ст~ы'й, 
w\т пеле'нъ, преподо'бне, пра'ва, сострада'тельна тя` и= 
ти'ха, и= i=ера'рха бж\ственна, му'чениче, показа`, 
fеодо'те.

%<Бг~оро'диченъ:%>

%<Б%>я'ше порабоще'нно пе'рвjье пре'лестiю, ч\стая, 
человjь'ческое _е=стество` лука'внjь: хр\ста' же ро'ждши 
ты`, свобо'ду о_у=лучи`, велему'дреннw тя` сла'вящее.

%<Пjь'снь г~. I=рмо'съ:%>

%<В%>есели'тся w= тебjь` цр~ковь твоя`, хр\сте`, 
зову'щи: ты` моя` крjь'пость, гд\си, и= прибjь'жище, и= 
о_у=твержде'нiе.

%<С%>ле'зъ твои'хъ стена'ньми, и= крове'й пото'ки, 
о_у=гаси'лъ _е=си` пре'лести лю'тое о_у='глiе, му'чениче 
ст~и'телю fеодо'те.

%<Ж%>итiе` твое` чи'стое показа'въ, священнодjь'теля 
бж\ственна и= и='стинна свидjь'теля тя` стр\сте'й 
хр\сто'выхъ содjь'ла.

%<С%>реди` суди'ща стоя`, и= о_у=язвля'емь лю'тыми 
ра'нами, хр\сто'ва и='мене, му'чениче, не w\тве'рглся 
_е=си`, fеодо'те.

%<Бг~оро'диченъ:%>

%<О_у=%>врачу'й мо'й о_у='мъ, и=знемо'гшiй прило'ги, 
преч\стая, лука'вагw sмi'я, и= грjьху` рабо'тающiй.

%<Сjьда'ленъ, гла'съ д~. Подо'бенъ: В%>ознесы'йся:

%<С%>вященнонача'льства _о=де'жду свjьтлjь'йшу, крове'й 
твои'хъ w=моче'ньми содjь'лалъ _е=си`, на нб~са` всели'вся, 
fеодо'те, ви'дя _е=гw'же возжелjь'лъ _е=си` чи'стою мы'слiю. 
Тjь'мже твою` сла'вимъ всесщ~е'нную па'мять, и= взыва'емъ: 
помяни` на'съ, со дерзнове'нiемъ къ бг~у предстоя'й.

%<Сла'ва, и= ны'нjь, бг~оро'диченъ:%>

%<Н%>ечи'стыхъ помыслw'въ мои'хъ мно'жество, и= (с. 15) 
безмjь'стныхъ мы'слей w=бурева^нiя, кто` и=зрещи` мо'жетъ, 
всенепоро'чная; настоя^нiя же безпло'тныхъ вра^гъ мои'хъ 
кто` и=сповjь'сть, и= си'хъ sло'бу; но твое'ю мольбо'ю, 
блага'я, си'хъ мнjь` всjь'хъ и=збавле'нiе да'руй.

%<Кр\стобг~оро'диченъ:%>

%<И='%>же w\т безнача'льнагw _о=ц~а` рожде'ннаго 
напослjь'докъ тя` пло'тiю ро'ждшая, на кр\стjь` ви'сяща 
зря'щи, хр\сте`, о_у=вы` мнjь`, любе'знjьйшiй i=и~се, 
вопiя'ше: ка'кw сла'вимый jа='кw бг~ъ w\т а='гг~лъ, w\т 
беззако'нныхъ ны'нjь человjь^къ, сн~е, хотя` распина'ешися; 
пою` тя`, долготерпjьли'ве.

%<Пjь'снь д~. I=рмо'съ:%>

%<В%>ознесе'на тя` ви'дjьвши цр~ковь на кр\стjь`, сл~нце 
пра'ведное, ста` въ чи'нjь свое'мъ, досто'йнw взыва'ющи: 
сла'ва си'лjь твое'й, гд\си.

%<С%>окруша'емо тjь'ло твое` ра'нами, по'мыслъ 
твердjь'йшiй, и= вои'стинну, му'чениче, крjьпча'йшь 
содjь'ловаше, пою'ща: сла'ва си'лjь твое'й, гд\си.

%<Р%>аспаля'емь любо'вiю вл\дчнею, jа=`же w\т ра'нъ 
терпjь'лъ _е=си` болjь^зни лютjь'йшыя, jа='коже и=но'му 
стра'ждущу, са'мъ пребыва'лъ _е=си`, велича'йшiй въ 
му'ченицjьхъ fеодо'те.

%<П%>ретерпjь'лъ _е=си` му^ки, бг~ому'дре _о='ч~е, 
прибли'жившыяся тjь'лу: воздая^нiя бо пребыва^ющая ви'дjьлъ 
_е=си` о_у=ма` чистото'ю, w=блегча^ющая болjь^зни твоя^.

%<Бг~оро'диченъ:%>

%<С%>вjьтлjь'йшая пала'то вл\дки, прест~а'я бц\де, 
хра'мы на'съ покажи` ст~а'гw дх~а, въ хра'мjь твое'мъ 
ст~jь'мъ хвалу` гд\севи принося'щыя.

%<Пjь'снь _е~. I=рмо'съ:%>

%<Т%>ы`, гд\си мо'й, свjь'тъ въ мi'ръ прише'лъ _е=си`, 
свjь'тъ ст~ы'й, w=браща'яй и=з\ъ мра'чна невjь'дjьнiя 
вjь'рою воспjьва'ющыя тя`.

%<В%>озвыша'емь, му'дре, на дре'во, fеодо'те, 
претерпjьва'лъ _е=си` твердjь'йше терза^нiя пло'ти твоея`, 
вельми` о_у=дивля'емь. (с. 16)

%<В%>и'симь, строга^нiя терпjь'лъ _е=си` тjьл_е'сная, 
fеодо'те, вл\дку о_у=крjьпля'ющаго и=мjь'яй, и= вjь'рою тя` 
о_у=твержда'юща.

%<К%>ро'вными w=моче'ньми w=багри'въ, fеодо'те 
блаже'нне, _о=де'жду твою` сщ~е'нную, свjьтлjь'йшу показа'лъ 
_е=си`.

%<Бг~оро'диченъ:%>

%<З%>ачала` _е=си` бг~а, бы'вша чл~вjь'ка, _w вл\дчце! 
сегw` ра'ди ро'ди родw'въ тя` непреста'ннw о_у=блажа'емъ.

%<Пjь'снь s~. I=рмо'съ:%>

%<П%>ожру' ти со гла'сомъ хвале'нiя, гд\си, цр~ковь 
вопiе'тъ ти`, w\т бjьсо'вскiя кро'ве w=чи'щшися, ра'ди 
ми'лости w\т ре'бръ твои'хъ и=сте'кшею кро'вiю.

%<В%>сажде'нъ бы'лъ _е=си` въ темни'цу, jа='кw sлодjь'й, 
fеодо'те, храни'тель сы'й бж\ственныхъ вл\дки, сла'вне, 
повелjь'нiй, бж~е'ственное твое` пра'зднество вельми` 
о_у=ясни'вшагw.

%<С%>тоя'лъ _е=си` предъ суди'щемъ непра'ведныхъ 
суди'мь, и= w=сужда'я человjь'ки беззако'ннующыя всу'е, и= 
предпочита'ющыя непра'вду, святи'телю бг~ому'дре, па'че 
пра'вды.

%<В%>о'лны свирjь'пыхъ му'къ разруши'лъ _е=си`, jа='коже 
нjь'кiй ка'мень, всеблаже'нне, возше'дъ восхожде'нiемъ 
твоегw` се'рдца къ ка'меню краеуго'льному хр\сту` бг~у.

%<Бг~оро'диченъ:%>

%<В%>сели'вся во чре'во твое` хр\сто'съ бг~ъ на'шъ, въ 
человjь'цjьхъ живу'щiй грjь'хъ, преч\стая, и=згоня'етъ, и= 
сво'йственный себjь` чл~вjьколюбе'знw содjь'ловаетъ.

%<Конда'къ, гла'съ г~:%>

%<М%>о'ря sловjь'рiе w=бличи'лъ _е=си`, и= i='дwльскагw 
безбо'жiя ле'сть вjь'рою правовjь'рiя о_у=язви'лъ _е=си`, и= 
всесожже'нiе бж\ственное бы'въ, чудодjь'йствiемъ w=роша'еши 
концы`: _о='ч~е ст~и'телю fеодо'те, хр\ста` бг~а моли`, 
дарова'ти на'мъ ве'лiю ми'лость. (с. 17)

%<Пjь'снь з~. I=рмо'съ:%>

%<В%>ъ пещи` а=враа'мстiи _о='троцы персi'дстjьй, 
любо'вiю благоче'стiя па'че, не'жели пла'менемъ w=паля'еми, 
взыва'ху: благослове'нъ _е=си` въ хра'мjь сла'вы твоея`, 
гд\си.

%<Б%>ж\ственною, _о='ч~е, распаля'емь любо'вiю дх~а, на 
_о='дръ разжже'нъ весьма` возложе'нъ, не w=пали'мъ пребы'лъ 
_е=си`, благослове'нъ _е=си`, бж~е мо'й, зовы'й, и= гд\си.

%<Jа='%>коже и=но'му са'мъ пребыва'я стра'ждущу, ве'сь 
бо о_у=мо'мъ, блаже'нне, къ бг~у прише'дъ, сjьче'нiя же и= 
жже'нiя ты` небре'глъ _е=си`, не чу'вствуя хр\сто'вымъ 
манове'нiемъ.

%<П%>рему'дростiю слове'съ безслове'сiя су'щыя, 
блаже'нне, и=спо'лн_ены, посреди` суди'ща w=бличи'лъ _е=си`, 
проявле'ннw sлоче'стiемъ неду'говавшыя, и= па'че сотво'ршагw 
д_е'мwнскiя и=зво'лившыя кумi'ры.

%<Бг~оро'диченъ:%>

%<С%>ъ вы'шнимъ ликостоя'нiемъ, вси`, мт~и бж~iя, 
ра'дуйся, тебjь` зове'мъ, w=душевле'нное нб~о, и= 
пресла'вная пала'то, и= пр\сто'ле _о='гненный, на не'мже 
хр\сто'съ пло'тiю почи`.

%<Пjь'снь и~. I=рмо'съ:%>

%<Р%>у'цjь распросте'ръ данiи'лъ, львw'въ зiя^нiя въ 
ро'вjь затче`, _о='гненную же си'лу о_у=гаси'ша, 
добродjь'телiю препоя'савшеся, благоче'стiя рачи'тели 
_о='троцы, взыва'юще: благослови'те, вся^ дjьла` гд\сня, 
гд\са.

%<П%>о'двиги твои'ми врагу` противля'яся, му'чениче 
fеодо'те, гвоздьми' бо, сла'вне, въ но'ги пронзе'нъ, 
w\тводя'щею къ цр\ству нб\сному стезе'ю ше'ствовалъ _е=си`, 
благослови'те, поя`, дjьла` гд\сня, гд\са.

%<П%>роповjь'дая бг~а на зе'млю прише'дша, и= 
бж\ственными страстьми` стра'сть всепа'губную разру'шшаго, 
стра'сть бж\ственную и= блаже'нную под\ъя'лъ _е=си` пло'тiю, 
вопiя`, fеодо'те: благослови'те, вся^ дjьла` гд\сня, гд\са.

%<К%>рове'й ка'плями, и= сщ~е'нныхъ о_у=че'нiй 
тече'нiемъ, (с. 18) вjь'рныхъ напои'лъ _е=си` сердца` 
благода'тiю, всему'дре: и= прозяба'ти о_у=стро'илъ _е=си`, 
земледjь'лателю благи'хъ, бж~е'ств_енная разумjь^нiя. 
_е=му'же вопiе'мъ: бл~гослови'те, вся^ дjьла` гд\сня, гд\са.

%<Бг~оро'диченъ:%>

%<С%>кве'рны w=чи'стила _е=си` вся'кiя _е=стество` 
человjь'ческое, преч\стая, нб\сный ро'ждши до'ждь, чл~вjь'ка 
бы'вша, и= новосодjь'лала _е=си` ны` w=бветша'вшыя, ч\стая, 
вопiю'щыя: вся^ дjьла`, благослови'те, гд\сня, гд\са.

%<Пjь'снь f~. I=рмо'съ:%>

%<К%>а'мень нерукосjь'чный w\т несjько'мыя горы` теб_е`, 
дв~о, краеуго'льный w\тсjьче'ся, хр\сто'съ, совокупи'вый 
разстоя^щаяся _е=ст_ества`: тjь'мъ, веселя'щеся, тя`, бц\де, 
велича'емъ.

%<И=%>сцjьл_е'нiя и=сточа'етъ вся'ч_еская моще'й 
бж\ственная ра'ка свяще'ннjьйшагw па'стыря, и= стра^сти 
о_у=ставля'етъ, и= рjьши'тъ лjь^тныя jа='кw вои'стинну 
болjь^зни, сп~са бж\ственною благода'тiю.

%<Jа='%>кw сщ~енному'ченикъ, вяза'ти же и= рjьши'ти 
и=мjь'я вла'сть, разрjьши` sw'лъ мои'хъ о_у='зы, и= ду'шу 
мою` жего'му _о=гне'мъ грjьха` w=роси`, моля` всеще'драго.

%<Д%>не'сь вjь'рнw пра'зднуетъ цр~ковь, бг~оно'се, 
всесвяще'нную твою` па'мять, и= w\тше'ствiе къ 
чл~вjьколю'бцу, и= ра'дуяся плете'тъ тебjь` пjь'сней 
бж\ств_енныя дiади^мы.

%<Jа='%>коже днесвjь'тлую sвjьзду`, тя` стяжа'вше, 
бг~оглаго'ливе, твои'ми свjьтолу'чными заря'ми, бж\ственныхъ 
болjь'зней, и= чуде'съ твои'хъ, чи'стыми свjьтлостьми` 
w=заря'емся, fеодо'те.

%<Бг~оро'диченъ:%>

%<С%>вjь'тъ на'мъ ро'ждши, дв~о, w\т _о=ц~а` пре'жде 
денни'цы возсiя'вшiй неизрече'ннw, неразу'мiя тму` 
разруши'ла _е=си`, и= въ сjь'ни спя'щыя грjьхо'внjьй 
просвjьти'ла _е=си`. (с. 19)



%<Слу'жба, и='же во ст~ы'хъ _о=ц~а` на'шегw а=рсе'нiя, 
_е=пi'скопа тферска'гw.%>

%<Стiхи^ры, гла'съ s~. Подо'бенъ: В%>се` w\тло'жше:

%<В%>е'сь w=свяще'нъ, * бг~оно'сецъ показа'лся _е=си`, * 
ма'стiю бж\ственною ст~о'ю, * ст~ы'мъ дх~омъ пома'занъ, * и= 
свjь'тлw всегда` лику'я, ст~и'телю, * во ст~а^я ст~ы'хъ 
входя`, * и= лю'ди твоя^, * jа='кw священнотаи'нникъ, * 
нб\снымъ та'йнамъ научи'лъ _е=си`, * jа='кw вои'стинну 
о_у=чи'тель и=збра'ненъ, * _о='ч~е а=рсе'нiе бг~оно'се, * со 
дерзнове'нiемъ моля'ся * w= душа'хъ на'шихъ.

%<В%>е'сь w\т ю='ности w=блиста'лъ _е=си`, * житiя` 
добродjь'телей луче'ю, * всеблаже'нне святи'телю, * и= лю'ди 
твоя^ просвjьти'лъ _е=си`, * и= хра'мъ преч\стыя воздви'глъ 
_е=си` пречу'денъ. * И= ны'нjь всели'лся _е=си`, и=дjь'же 
свjь'тъ невече'рнiй, * и=дjь'же ликостоя^нiя а='гг~лъ: * съ 
ни'миже предстоя`, преподо'бне, * помина'й на'съ, святи'телю 
а=рсе'нiе, * твою` па'мять соверша'ющихъ, * со 
дерзнове'нiемъ моля'ся * w= душа'хъ на'шихъ.

%<С%>вяти'тель бг~опрiя'тенъ, * и= па'стырь и='стиненъ, 
* сто'лпъ непревра'тенъ, * w=снова'нiе вjь'ры недви'жимо, * 
благоче'стiя степе'нь непоколеби'мый, * забра'ло цр~кве 
неруши'мое, * ст~и'телей добро'та, * и= чуде'съ и=сто'чникъ, 
* а=рсе'нiе бы'лъ _е=си`. * тjь'мъ тя` о_у=блажа'емъ 
благочести'внw * пjь'ньми и= пjь'сньми духо'вными, * и= 
всесвяще'нную соверша'емъ па'мять твою`.

%<С%>о'лнца свjьтлjь'йши * просiя` на'мъ па'мять твоя`, 
* (с. 20) ст~и'телю а=рсе'нiе, * вседо'блiи _о='ч~е 
свяще'нне: * сегw` ра'ди тя` о_у=блажа'емъ, бг~ому'дре, * и= 
моле'бнw воспjьва'емъ, * jа='кw показа'лся _е=си` земли` 
на'шей чудотво'рецъ, * и= моле'бникъ, и= предста'тель 
теплjь'йшiй. * Тjь'мъ моли'ся хр\сту` бг~у, * и=зба'витися 
ста'ду твоему` w\т навjь'та вра'жiя, * _е='же стяжа'лъ 
_е=си`, му'дре, * моли'твами твои'ми.

%<Сла'ва, гла'съ s~. Самогла'сенъ:%>

%<П%>рiиди'те, вси` рwссi^йскiя митропw'лiи, вся'ко 
_о=ч~ество, гра'дове и= страны^, а=рхiере'_е, i=ере'_е и= 
мона'си, и= вси` лю'дiе, и= вся'къ jа=зы'къ стеце'мся къ 
честнjь'й па'мяти ст~и'теля пресла'внw на'шея земли`, дне'сь 
въ пjь'снехъ и= пjь'нiихъ восхва'лимъ вели'каго па'стыря и= 
о_у=чи'теля, а=рсе'нiа бг~ому'драго: се'й бо и=змла'да 
жела'нiе бж\ственно прiи'мъ въ се'рдцы свое'мъ, и= 
возлюби'въ хр\ста`, и= преч\стую _е=гw` мт~рь, _е='йже и= 
_о=би'тель сотвори`, и= хра'мъ че'стенъ созда`, и= вельми` 
о_у=краси`, и= мно'ж_ества мона'хwвъ собра`. Тjь'мже твое` 
пра'зднуемъ о_у=спе'нiе вси` вjь'рнiи, _о='крестъ стоя'ще 
твоея` ра'ки, моле'бнw къ тебjь` ру'цjь простира'емъ, 
святи'телю а=рсе'нiе: моли'ся хр\сту` бг~у w= ча'дjьхъ 
твои'хъ, и= w= всjь'хъ любо'вiю пра'зднующихъ честну'ю 
па'мять твою`.

%<И= ны'нjь, бг~оро'диченъ: К%>то` теб_е` не 
о_у=блажи'тъ:

%<Вхо'дъ. Прокi'менъ дне`. И= чт_е'нiя.%>

%<При'тчей чте'нiе.%>

[Глава` _i~] %<П%>а'мять пра'веднагw съ похвала'ми, 
и= бл~гослове'нiе гд\сне на главjь` _е=гw`. Блаже'нъ 
человjь'къ, и='же w=брjь'те прему'дрость: и= сме'ртенъ, 
и='же о_у=вjь'дjь ра'зумъ. Лу'чше бо сiю` купова'ти, не'жели 
зла'та и= сребра` сокрw'вища. Честнjь'йша же _е='сть 
ка'менiй многоцjь'нныхъ: все' же честно'е недосто'йно _е=я` 
_е='сть. Долгота' бо дне'й, и= лjь^та живота` въ десни'цjь 
_е=я`: въ шу'йцjь же _е=я` бога'тство и= сла'ва. (с. 21) W\т 
о_у='стъ _е=я` и=схо'дитъ пра'вда, зако'нъ же и= ми'лость на 
я=зы'цjь но'ситъ. [а~] Послу'шайте о_у=`бо мен_е`, _w ча^да! 
честна^я бо реку`: и= бл~же'нъ человjь'къ и='же пути^ моя^ 
сохрани'тъ: и=схо'ди бо мои`, и=схо'ди живота`, и= 
о_у=готовля'ется хотjь'нiе w\т гд\са. Сегw` ра'ди молю` 
ва'съ, и= предлага'ю мо'й гла'съ сыновw'мъ человjь'ч_ескимъ: 
jа='кw а='зъ прему'дрость о_у=стро'ихъ, совjь'тъ и= ра'зумъ, 
и= смы'слъ а='зъ призва'хъ. Мо'й совjь'тъ и= 
о_у=твержде'нiе, мо'й ра'зумъ, моя' же крjь'пость. А='зъ 
мене` лю'бящыя люблю`, и='щущiи же мене` w=бря'щутъ 
бл~года'ть. Разумjь'йте о_у=`бо, неsло'бивiи, кова'рство, 
ненака'заннiи же, прилага'йте сердца`. Послу'шайте мен_е` и= 
па'ки, честна^я бо реку`: и= w\тве'рзу w\т о_у=сте'нъ 
пра^вая, jа='кw и='стинjь поучи'тся горта'нь мо'й, м_е'рзски 
же предо мно'ю о_у=стны` лжи^выя. Съ пра'вдою вси` глаго'лы 
о_у='стъ мои'хъ, ничто'же въ ни'хъ стро'потно, ниже` 
развраще'нно. Вся^ пра^ва су'ть разумjьва'ющымъ, и= прw'ста 
w=брjьта'ющымъ ра'зумъ. Науча'ю бо ва'съ и='стинjь, да 
бу'детъ w= гд\сjь наде'жда ва'ша, и= и=спо'лнитеся дх~а.

%<При'тчей чте'нiе.%>

[Глава` _i~] %<О_у=%>ста` пра'веднагw ка'плютъ 
прему'дрость, я=зы'къ же непра'веднагw поги'бнетъ. 
О_у=стнjь` муже'й пра'ведныхъ ка'плютъ бл~года^ти, о_у=ста' 
же нечести'выхъ развраща'ются. [а~_i] Мjь^рила льсти^вая 
ме'рзость предъ гд\семъ: вjь'съ же пра'ведный прiя'тенъ 
_е=му`. И=дjь'же а='ще вни'детъ досажде'нiе, та'мw и= 
безче'стiе: о_у=ста' же смире'нныхъ поуча'ются прему'дрости. 
Соверше'нiе пра'выхъ наста'витъ и=`хъ, и= поползнове'нiе 
w\трица'ющихся о_у=пасе'тъ и=`хъ. Не по'льзуютъ и=мjь^нiя въ 
де'нь jа='рости, пра'вда же и=зба'витъ w\т сме'рти. 
О_у='меръ пра'ведный, w=ста'ви раска'янiе: нару'чна же 
быва'етъ и= посмjья'тельна нечести'выхъ па'губа. Пра'вда 
непоро'чнагw и=справля'етъ пути^: въ нече'стiе же па'даетъ 
непра'вда. (с. 22) Пра'вда муже'й пра'выхъ и=зба'витъ и=`хъ: 
безсовjь'тiемъ же плjьня'ются беззако'ннiи. Сконча'вшуся 
му'жу пра'ведну, не поги'бнетъ наде'жда: похвала' же 
нечести'выхъ поги'бнетъ. Пра'ведникъ w\т ло'ва 
о_у=бjь'гнетъ, въ негw'же мjь'стw предае'тся нечести'вый. Во 
о_у=стjь'хъ нечести'выхъ сjь'ть гра'жданwмъ, чу'вство же 
пра'ведныхъ бл~госпjь'шное. Во благи'хъ пра'ведныхъ 
и=спра'вится гра'дъ, и= въ поги'бели нечести'выхъ 
ра'дованiе. Во благослове'нiи пра'выхъ возвы'сится гра'дъ, 
о_у=сты' же нечести'выхъ раскопа'ется. Руга'ется гра'жданwмъ 
лише'нный ра'зума, му'жъ же му'дрый безмо'лвiе во'дитъ.

%<Прему'дрости соломw'ни чте'нiе.%>

%<П%>ра'ведникъ, а='ще пости'гнетъ сконча'тися, въ 
поко'и бу'детъ. Ста'рость бо честна` не многолjь'тна: ниже` 
въ числjь` лjь'тъ и=счита'ется. Сjьди'на же _е='сть 
му'дрость человjь'кwмъ, и= во'зрастъ ста'рости житiе` 
нескве'рное. Бл~гоуго'денъ бг~ови бы'въ, возлю'бленъ бы'сть, 
и= живы'й посредjь` грjь^шникъ, преста'вленъ бы'сть. 
Восхище'нъ бы'сть, да не sло'ба и=змjьни'тъ ра'зума _е=гw`, 
и=ли` ле'сть прельсти'тъ ду'шу _е=гw`. Раче'нiе бо sло'бы 
помрача'етъ дw'брая, и= паре'нiе по'хоти премjьня'етъ 
о_у='мъ неsло'бивъ. Сконча'вся вма'лjь, и=спо'лни лjь^та 
дw'лга: о_у=го'дна бо бjь` гд\севи душа` _е=гw`: сегw` ра'ди 
потща'ся w\т среды` лука'вствiя. Лю'дiе же ви'дjьвше и= не 
разумjь'вше, ниже` поло'жше въ помышле'нiи таково'е: jа='кw 
благода'ть и= ми'лость въ преподо'бныхъ _е=гw`, и= 
посjьще'нiе во и=збра'нныхъ _е=гw`.

%<На лiтi'и стiхи^ры, гла'съ в~, самогла'сны:%>

%<О_у='%>мъ преподо'бенъ, jа='кw при'снw къ бг~у 
внима'ющь, свобо'денъ же и= самоизво'ленъ, jа='кw страстьми` 
непорабоще'нъ, ду'шу чи'сту и=мjь'я, се'рдце ми'лостивно и= 
слеза'ми о_у=миле'нно, тjь'ло же моли'твами къ бг~у 
служе'бно (с. 23) притяжа'лъ _е=си`, а=рсе'нiе святи'телю, 
сло'во му'дростно и= смире'нно. Ве'сь w\т ю='ности 
благонра'вiемъ хр\сту` о_у=сво'ися, w\т негw'же 
святи'тельства досто'инство прiя'лъ _е=си`, и= лю'ди твоя^ 
о_у=па'слъ _е=си`, и= правосла'вiемъ w=богати'лъ _е=си`. 
Ны'нjь jа='кw предстоя` хр\сту` бг~у, w\т вся'кихъ на'съ 
бjь'дъ и=зба'ви, и= спаси` ду'шы на'шя.

%<Гла'съ д~:%>

%<_Е=%>v\гльскихъ и=стw'чникъ словесы` твои'ми, 
святи'телю, люде'й твои'хъ сердца` напои'лъ _е=си`, и= 
сjь'мя бл~гоче'стiя въ ни'хъ моли'твами твои'ми возрасти'лъ 
_е=си`, и= си'хъ прине'слъ _е=си` хр\сту` пло'дъ и=зря'денъ. 
И= ны'нjь jа='кw предстоя` о_у= негw` съ ли'ки а=п\стwлъ и= 
ст~и'т_ель, помина'й на'съ къ нему` моли'твами твои'ми, и= 
сохрани` на'съ w\т вся'кагw w=sлобле'нiя, соверша'ющихъ 
вjь'рою па'мять твою`.

%<А=%>п\сльскагw престо'ла сподо'бился _е=си`, 
ст~и'тельство прiи'мъ, святи'телю а=рсе'нiе: ты' бо 
о_у=краси'лъ _е=си` це'рковь мт~ре гд\сни, и= о_у=го'дникwвъ 
_е=я`, а=нтw'нiа и= fеодо'сiа. Въ ню'же мы` ны'нjь, ча^да 
твоя^, притека'юще, и= ли'ки составля'юще, тебе` 
восхваля'емъ, jа='кw _о=ц~а` чадолюби'ва, и= моле'бнjь къ 
тебjь` ру'цjь простира'емъ: моли'ся w= на'съ хр\сту` бг~у, 
и= преч\стjьй _е=гw` мт~ри, w= и=`же вjь'рою и= любо'вiю 
тебе` почита'ющихъ.

%<Сла'ва, гла'съ и~:%>

%<В%>ся'къ я=зы'къ да почуди'тся ны'нjь w= пресла'вныхъ 
вели'чiихъ бг~а на'шегw, и= вся^ка о_у=ста` да подви'жутся 
на похвале'нiе, и= да воспою'тъ хр\ста` бг~а: jа='кw въ 
послjь^дняя времена` и= ро'ды такова` на'мъ произведе` 
свjьти'льника вели'каго, святи'теля приснобл~же'ннаго 
а=рсе'нiа. тjь'мже вопiе'мъ _е=му`: ра'дуйся, о_у=пасы'й 
це'рковь хр\сто'ву и= лю'ди твоя^, сегw` ра'ди ны'нjь на 
нб~сjь'хъ въ весе'лiи водворя'ешися: ра'дуйся, и= ты` 
бг~охрани'мый гра'де тфе'рь, jа='кw такова` и=мjь'я въ 
себjь` пожи'вша святи'теля: (с. 24) весели'теся и= вы`, 
лю'дiе сегw` гра'да, jа='кw такова` ст~и'теля и= о_у=чи'теля 
сподо'бистеся прiя'ти: ра'дуйся и= весели'ся, бж~iя мт~ре 
це'рковь, jа='кw люби'мый тобо'ю въ тебjь` почи'лъ _е='сть, 
бг~ому'дрый а=рсе'нiй. Но, _w бг~обл~же'нный _о='ч~е! не 
преста'й моля'ся w= и=`же вjь'рою чту'щихъ всечестно'е твое` 
преставле'нiе.

%<И= ны'нjь, бг~оро'диченъ: В%>л\дчце, прiими` моли'тву 
ра^бъ твои'хъ:

%<На стiхо'внjь стiхи^ры, гла'съ и~. Подо'бенъ: _W%> 
пресла'внагw чудесе`!

%<_О='%>ч~е святи'телю а=рсе'нiе, * w=крили'въ о_у='мъ 
къ бг~у вjь'рою, * мiрска'гw смjьше'нiя * возгнуша'лся 
_е=си` неуста'внагw: * и= кре'стъ тво'й взе'мъ, * всеви'дцу 
послjь'довалъ _е=си`, * и= люби'тель мона'хwвъ бы'лъ _е=си` 
и=зря'денъ. * Сегw` ра'ди святи'тельскагw престо'ла прiя'ти 
сподо'бился _е=си`, * тjь'мъ не преста'й моля'ся w= душа'хъ 
на'шихъ.

%<Стi'хъ: Ч%>естна` предъ гд\семъ сме'рть, преподо'бныхъ 
_е=гw`.

%<_О='%>ч~е святи'телю а=рсе'нiе, * ты` w\т о_у=тро'бы 
къ бг~у * прибли'жилъ _е=си` тво'й о_у='мъ: и= весьма` 
прилjьжа'лъ _е=си` цр~ю` вседержи'телю, * плоды` достw'йны 
принося` _е=му` * w\т твои'хъ пw'двигъ, святи'телю, * 
сокруша'емь добродjь'тельными вjьнцы`. * тjь'мъ благи'хъ 
w=брjь'лъ _е=си` * воспрiя'тiе, досточу'дне.

%<Стi'хъ: Б%>лаже'нъ му'жъ, боя'йся гд\са, въ 
за'повjьдехъ _е=гw` восхо'щетъ sjьлw`.

%<_О='%>ч~е святи'телю а=рсе'нiе, * ты` мона'хwмъ 
наказа'тель, * и= рwссi'йстjьй земли` sвjьзда` пресвjь'тлая, 
* w=сiява'я чудесы` всю` сiю` страну`: * тя' бо и=збра` бг~ъ 
w\т ю='ности, _о='ч~е, * па'стыря _о=вца'мъ слов_е'снымъ и= 
о_у=чи'теля. * тjь'мъ моли'ся w= на'съ * съ ли'ки 
святи'телей, * и= проси` ста'ду твоему` грjьхw'въ 
w=ставле'нiя.

%<Сла'ва, гла'съ s~:%>

%<Jа='%>кw всечестны'й коне'цъ о_у=спе'нiя твоегw`, и= 
_е='же w\тше'ствiе твое` ко гд\су, о_у=вjь'дjьвше 
благочести'вiи кня'зи, и= (с. 25) священномона'си, и= вси` 
лю'дiе, взе'мше ч\стно'е тjь'ло твое`, принесо'ша тобо'ю въ 
бг~озда'нную це'рковь преч\стыя бж~iя мт~ре. Сiя^ ви'дjьвше 
мона'си твоея` _о=би'тели, люби^мая тобо'ю ча^да, прите'кше, 
и= о_у=зрjь'вше тебе` ме'ртва на _о=дрjь`, пла'чущеся 
го'рькw, и= _о='дръ слеза'ми w=блива'юще, велегла'снw тебjь` 
вопiя'ху: о_у=вы` на'мъ, па'стырю на'шъ до'брый. къ кому` 
о_у=же` прибjь'гнемъ; кто` на'съ посjьти'тъ; кто` на'шу 
нищету` о_у=довли'тъ; кто' бо тако'въ бы'сть, jа='коже ты` 
любе'зенъ мона'хwмъ; кому` на'съ w=ставля'еши, люби'мый 
на'шъ _о='ч~е а=рсе'нiе; а='ще и= тjь'ломъ w\тше'лъ _е=си` 
w\т на'съ, по ду'хомъ пребыва'й съ на'ми, посjьща'я на'съ, 
и= моли'ся за ны` ко гд\су, и= преч\стjьй _е=гw` мт~ри, 
вjь'рою и= любо'вiю па'мять твою` почита'ющыя.

%<И= ны'нjь, бг~оро'диченъ: Б%>ц\де, ты` _е=си` лоза` 
и='стинная:

%<Тропа'рь, гла'съ и~:%>

%<Б%>лагоче'стнw пожи'въ во святи'тельствjь, лю'ди 
просвjьти'лъ _е=си` о_у=че'нiемъ твои'мъ: и= w= хра'мjь 
преч\стыя вельми` подвиза'вся, и= люби'тель мона'хwвъ бы'въ, 
сегw` ра'ди w\т хр\ста` па'ствы твоея` вjьне'цъ прiя'лъ 
_е=си`. тjь'мже jа='кw а=п\сльскагw престо'ла намjь'стника, 
и= святи'теля вели'каго чту'ще тя`, мо'лимъ, ча^да твоя^, 
блаже'нне: w\т всjь'хъ бjь'дъ и=зба'ви на'съ, jа=`же ко 
хр\сту` моли'твами твои'ми, ст~и'телю хр\сто'въ а=рсе'нiе, 
_о='ч~е на'шъ.

%<Сла'ва, и= ны'нjь. бг~оро'диченъ: И='%>же на'съ ра'ди 
рожде'йся w\т дв~ы:



%<На о_у='трени, на Б%>г~ъ гд\сь, %<тропа'рь ст~а'гw 
два'жды: Сла'ва, и= ны'нjь, бг~оро'диченъ:%>

%<По а~-й стiхоло'гiи сjьда'ленъ, гла'съ и~:%>

%<Л%>е'сть мi'ра и= бога'тства свjь'тлость, и= высо'кую 
любо'вь роди'телей преwби'дjьвъ, смире'нiемъ же къ нищетjь` 
(с. 26) о_у=ча'щему вл\дцjь хр\сту` послjь'довалъ _е=си`, 
w\т негw'же поще'нiемъ и= моли'твами и='стинное бога'тство 
и= су'щую свjь'тлость, и= ца'рство недви'жимо, святи'телю 
а=рсе'нiе, наслjь'довалъ _е=си`: къ нему'же ны'нjь моли'ся, 
грjьхw'въ w=ставле'нiе пода'ти чту'щымъ любо'вiю святу'ю 
па'мять твою`.

%<Два'жды.%>

%<Сла'ва, и= ны'нjь, бг~оро'диченъ:%>

%<Д%>а сво'й па'ки сози'ждеши _о='бразъ, сп~се, 
и=стлjь'вшiй страстьми`, нб\сныхъ о_у=таи'вся суще'ствъ, 
воплоти'лся _е=си` w\т дв~ы, _е='йже со стра'хомъ вопiе'мъ: 
ра'дуйся, w=бра'дованная, гд\сь съ тобо'ю.

%<По в~-й стiхоло'гiи сjьда'ленъ, гла'съ г~.%>

%<Д%>обродjь'телей дjь'ланiемъ цр~кви возсiя'лъ _е=си` 
вели'кое сл~нце, и= о_у=че'нiемъ слове'съ твои'хъ просвjьти` 
лю'ди твоя^. тjь'мже и= по о_у=спе'нiи несконча'ему 
благода'ть прiя'лъ _е=си`, святи'телю а=рсе'нiе, моли` 
хр\ста` бг~а, дарова'ти на'мъ ве'лiю ми'лость.

%<Два'жды.%>

%<Сла'ва, и= ны'нjь, бг~оро'диченъ:%>

%<Jа='%>кw невоздjь'ланная, дв~о, лоза`, краснjь'йшiй 
гро'здъ прозябла` _е=си`, и=сточа'ющъ на'мъ вiно` спасе'нiя, 
всjь'хъ веселя'щее ду'шы же и= тjьлеса`. Тjь'мже jа='кw 
вину' тя до'брыхъ блажа'ще при'снw, со а='гг~ломъ вопiе'мъ 
ти`: ра'дуйся, благода'тная.

%<По полv"еле'и сjьда'ленъ, гла'съ и~:%>

%<М%>и'лостивому хр\сто'ву о_у=го'днику, неsло'бивому и= 
кро'ткому, вси` тебjь` прилjь'жнw мо'лимся, и= любо'вiю 
зове'мъ: ра'дуйся, святи'телю а=рсе'нiе, о_у=краси'вый 
хра'мъ бж~iя мт~ре, и= о_у=го'дникwвъ _е=я`, а=нтw'нiа и= 
fеодо'сiа. Съ ни'миже моли` хр\ста` бг~а, грjьхw'въ 
w=ставле'нiе дарова'ти чту'щымъ любо'вiю ст~у'ю па'мять 
твою`.

%<Два'жды.%>

%<Сла'ва, и= ны'нjь, бг~оро'диченъ:%>

%<_Е=%>гда` прiи'детъ суди'ти все'й земли` всjь'хъ 
вл\дка и= (с. 27) творе'цъ, _о=вца'мъ мя` причти` десны^мъ 
w=сужде'ннаго, и= кромjь'шнiя тмы`, и= вся'кагw муче'нiя, 
твоего` непотре'бнаго раба` и=схити`, молю'ся: да 
благода'рнw велича'ю бога'тство твоея` бла'гости, бц\де 
всенепоро'чная, и= вопiю' ти ра'дуяся: моли'ся хр\сту` бг~у, 
прегрjьше'нiй w=ставле'нiе да'ти мнjь`, тебе' бо и='мамъ 
наде'жду, ра'бъ тво'й.

%<Степ_е'нна, а~-й а=нтiфw'нъ д~-гw гла'са: Прокi'менъ, 
гла'съ д~: С%>вяще'нницы твои` w=блеку'тся въ пра'вду, и= 
преподо'бнiи твои` возра'дуются. %<Стi'хъ: П%>омяни`, гд\си, 
дв~да, и= всю` кро'тость _е=гw`. %<В%>ся'кое дыха'нiе да 
хва'литъ гд\са: %<_Е=v\глiе i=wа'нна, зача'ло л~s.%>

%<По н~-мъ _псалмjь` стiхи'ра, гла'съ s~:%>

%<Д%>х~а ст~а'гw благода'ть въ твои'хъ о_у=стна'хъ 
и=злiя'ся, _о='ч~е, и= бы'лъ _е=си` па'стырь хр\сто'вы 
цр~кве, о_у=чя` слов_е'сныя _о='вцы, вjь'ровати въ тр\оцу 
_е=диносу'щную, во _е=ди'но бж~ество`.

%<Канw'нъ ст~и'теля а=рсе'нiа, _е=гw'же краегране'сiе: 
С%>т~а'гw хр\сто'ва святи'теля а=рсе'нiа похвали'ти, 
ра'зумъ, бж~е мо'й, да'руй ми`.

%<Гла'съ в~. Пjь'снь а~. I=рмо'съ:%>

%<Г%>ряди'те, лю'дiе, пои'мъ пjь'снь хр\сту` бг~у, 
раздjь'льшему мо'ре, и= наста'вльшему лю'ди, jа=`же и=зведе` 
и=зъ рабо'ты _е=гv'петскiя, jа='кw просла'вися.

%<С%>вjь'те w\т свjь'та хр\сте` бж~е, w\т _о=ц~а` 
пре'жде вjь^къ рожде'йся, и= и=скони` сы'й со _о=ц~е'мъ и= 
дх~омъ, мра'къ души` моея` w\тгна'въ, w=зари` о_у='мъ мо'й, 
молю'ся, jа='кw да возмогу` пjь'ти твоего` о_у=го'дника 
а=рсе'нiа свяще'ннаго.

%<А='%>ще и= человjь'къ _е=си` _е=стество'мъ, _о='ч~е, 
но а='гг~льски на земли` пожи'лъ _е=си`, десна'гw пути` w\т 
ю='ности _е='мься, цjьлому'дрiя рачи'тель бы'въ, дх~а 
ст~а'гw честно'е _о=би'телище, а=рсе'нiе всесвяще'нне, 
jа=ви'лся _е=си`.

%<М%>у'дрости глави'зну, стра'хъ бж~iй возлюби'въ, и= 
(с. 28) за'повjьдемъ _е=гw` при'снw поуча'яся, дре'во 
насади'ся при и=схо'дищахъ во'дъ дх~о'вныхъ: w\т ни'хже, 
_о='ч~е, напоя'емь, пло'дъ хр\сту`, а=рсе'нiе, прине'слся 
_е=си`.

%<Бг~оро'диченъ:%>

%<О_у=%>слы'ша _е='vа прама'ти, ч\стая: въ печа'лjьхъ 
роди'ши ча^да. ты' же, дв~о, о_у=слы'шала _е=си`: гд\сь съ 
тобо'ю, ра'дуйся, и= ра'дованнымъ гла'сомъ, бг~оневjь'сто, 
печа'ль прама'тере потре'бльши.

%<Пjь'снь г~. I=рмо'съ:%>

%<Н%>а ка'мени мя` вjь'ры о_у=тверди'въ, разшири'лъ 
_е=си` о_у=ста` моя^ на враги` моя^, возвесели'бося ду'хъ 
мо'й, внегда` пjь'ти: нjь'сть свя'тъ, jа='коже бг~ъ на'шъ, 
и= нjь'сть пра'веденъ, па'че теб_е`, гд\си.

%<П%>резрjь'въ ни^жняя, jа='кw попира'_ема, и= любо'вь 
роди'телей преwби'дjьвъ, хр\ста` взыска'лъ _е=си`: _е=гw'же 
любо'вiю ду'шу твою` о_у=язви'лъ _е=си`, того` любя`, и= 
тогw` и=щя` красоты`.

%<С%>вjьти'льникъ сы'й, твою` ду'шу о_у=краша'я 
слеза'ми, ра'нw ко хр\сту` о_у='тренюя, руку' же 
просте'ртiемъ въ моли'твахъ, а=мали'ка тjь'ло о_у=мертви'лъ 
_е=си`, и= на го'ру безстра'стiя возше'лъ _е=си`.

%<Б%>лагоро'дiемъ высо'къ, и= благоду'шiемъ и=зя'щенъ, 
ра'зума му'дростiю о_у=дивле'нъ бы'лъ _е=си`, цвjь'тъ jа='кw 
прекра'сный чистото'ю сiя'я, и= свjь'тлымъ смире'нiемъ, 
а=рсе'нiе _о='ч~е, о_у=краси'лся _е=си`.

%<Бг~оро'диченъ:%>

%<М%>а'ти бж~iя преч\стая, благослове'нная и= 
пренепоро'чная, души` моея` стру'пы и=сцjьли`, и= стра^сти 
плотскi^я о_у=мертви`, о_у=мири` о_у='мъ мо'й, w\т вся'кагw 
вре'да, и= вра'жiя напа'сти и=зми' мя, вл\дчце.

%<Сjьда'ленъ, гла'съ д~:%>

%<В%>ели'кiй хр\сто'въ святи'тель да воспое'тся, сто'лпъ 
свjь'тлый, просвjьща'яй на'съ чуде'съ свjьтлостьми`, 
бг~оно'сный _о='ч~е на'шъ а=рсе'нiе, па'стырю и= о_у=чи'телю 
земли` на'шея, (с. 29) хр\ста` моли` w= ста'дjь твое'мъ, и= 
w= всjь'хъ вjь'рою и= любо'вiю чту'щихъ ст~у'ю па'мять 
твою`.

%<Два'жды.%>

%<Сла'ва, и= ны'нjь, бг~оро'диченъ:%>

%<П%>ое'мъ тя`, бг~оневjь'сто, мт~и хр\ста` бг~а, 
сла'вяще рождество` твое` непостижи'мое, и='мже 
и=зба'вихомся w\т ле'сти дiа'воли, и= вся'кiя бjьды`, бц\де 
вл\дчце, и= вjь'рнw вопiе'мъ: поми'луй ста'до твое`, 
_е=ди'на всепjь'тая.

%<Пjь'снь д~. I=рмо'съ:%>

%<П%>ою' тя, слу'хомъ бо, гд\си, о_у=слы'шахъ, и= 
о_у=жасо'хся, до мен_е' бо и='деши, мене` и=щя` 
заблу'ждшаго. тjь'мъ мно'гое твое` снизхожде'нiе, _е='же на 
мя`, прославля'ю, многоми'лостиве.

%<В%>ельми` о_у=краси'лъ _е=си` престо'лъ тво'й, 
святи'телю а=рсе'нiе, вели'кими бо чудесы` преспjь'лъ 
_е=си`, и= житiе'мъ свjь'тлымъ: сегw` ра'ди превели'кiй бг~ъ 
на'шъ вельми' тя просла'ви.

%<М%>и'лости пода'теля гд\са вjь'дый, блаже'нне, те'плjь 
_е=го` о_у=моли'лъ _е=си`, на и=сцjьле'нiе и= спасе'нiе 
мнw'гимъ, съ вjь'рою къ тебjь` притека'ющымъ, и= въ по'мощь 
тя` призыва'ющымъ.

%<В%>рача` и=зря'дна разли'чнw неду'гующымъ, и= 
наставле'нiе всjь^мъ прельщ_е'нымъ sлы'мъ совjь'томъ, 
хр\сто'съ тя` дарова` чудотво'рца земли` на'шей, святи'теля 
а=рсе'нiа: тjь'мже тя` о_у=блажа'емъ.

%<Бг~оро'диченъ:%>

%<И=%>сцjьли'ла _е=си` сокруше'нiе, всенепоро'чная, 
дре'внягw _о=кая'нства землены'хъ, поро'ждшая гд\са и= цр~я` 
хр\ста`, поне'сшаго неду'ги на'шя, за благосе'рдiе 
неизглаго'ланное, дв~о мт~и.

%<Пjь'снь _е~. I=рмо'съ:%>

%<П%>росвjьще'нiе во тмjь` лежа'щихъ, спасе'нiе 
w\тча'янныхъ, хр\сте`, сп~се мо'й, къ тебjь` о_у='тренюю, 
цр~ю` ми'ра, просвjьти' мя сiя'нiемъ твои'мъ: и=но'гw бо, 
ра'звjь теб_е`, бо'га не зна'ю.

%<С%>ла'вный па'стырь, неистощи'мый и=сто'чникъ (с. 30) 
и=сцjьле'нiя, церко'вный сто'лпъ, вjь'рныхъ о_у=твержде'нiе, 
вели'кiй свjьти'льникъ многосвjь'тлый, святи'телю а=рсе'нiе.

%<Jа='%>кw свjьтоза'рно житiе`, jа='кw sjьлw` чу'дно, 
jа='кw красни` тру'дове твои`, jа='кw вели'ка благода'ть 
свы'ше дана` ти`, му'дре: сегw` ра'ди вjь'рою почита'емъ 
тя`, святи'телю а=рсе'нiе.

%<П%>ресвjь'тлая твоя` па'мять простира'ется въ мi'рjь, 
и= просвjьща'етъ человjь'ч_ескiя ду'шы свjь'томъ благода'ти: 
ю='же соверша'ющихъ любо'вiю, w\т бjь'дъ на'съ и=зба'ви, 
мо'лимся, святи'телю а=рсе'нiе.

%<Бг~оро'диченъ:%>

%<С%>е` _о='дръ соломw'новъ, _е=го'же w=бстоя'тъ 
си'льнiи, бг~одухнове'нныхъ списа'нiй ны'нjь прорица^нiя: на 
не'мже хр\сто'съ бг~ъ воплоще'нiемъ почи'лъ _е='сть, 
благослове'нная и= w=бра'дованная.

%<Пjь'снь s~. I=рмо'съ:%>

%<В%>ъ бе'зднjь грjьхо'внjьй валя'яся, неизслjь'дную 
милосе'рдiя твоегw` призыва'ю бе'здну: w\т тли`, бж~е, мя` 
возведи`.

%<С%>вjьти'льника тя` су'щiи во тмjь` пре'лести, 
неле'стнw наставля'юща, w=брjь'тше, къ пут_е'мъ живота`, 
бг~облаже'нне а=рсе'нiе. И= ны'нjь по сме'рти вра'чь 
jа=ви'лся _е=си` боля'щымъ, дх~а бж\ственною благода'тiю.

%<З%>ако'нwмъ повину'яся вл\дчнимъ, заблу'ждшыя 
взыска'лъ _е=си`, и= во w=гра'ду покая'нiя приве'лъ _е=си`, 
jа='кw па'стырь и='стиненъ показа'вся ста'ду твоему`, 
_о='ч~е святи'телю а=рсе'нiе.

%<С%>вяще'нiя хра'мъ, _о='ч~е, бж\ственнагw дх~а вjь'рою 
бы'въ, созда'лъ _е=си` хра'мъ преч\стыя мт~ре бж~iя, и= 
_е=я` о_у=го'дникwвъ, а=нтw'нiа и= fеодо'сiа: и= _о=би'тель 
пречу'дну сотвори'лъ и= о_у=краси'лъ _е=си`, въ не'йже 
тjь'ло твое` положено` бы'сть.

%<Бг~оро'диченъ:%>

%<З%>ако'ни w= тебjь` пресла'внw, дв~о, w=бновля'ются: 
ражда'еши бо безъ сjь'мене бг~а сп~са, и= пребыва'еши (с. 
31) дjь'вствующи па'ки, стра'нно чу'до. тjь'мъ тя` мт~рь 
_е=мману'илеву благоче'стнw и=сповjь'дуемъ.

%<Конда'къ, гла'съ и~.%>

%<В%>оспрiе'мши ра'достнw честны^я твоя^ мо'щи, 
преч\стая це'рковь, въ ню'же че'стнw вноси^мы мно'жествомъ 
сщ~енномона'хwвъ, и= кня'зи благовjь'рными, и= jа=`же 
прiе'мши, jа='кw сокро'вище многоцjь'нное. тjь'мже и= мы` 
ны'нjь твоея` _о=гра'ды слов_е'сныя _о='вцы, _о='крестъ 
ра'ки твоея` предстоя'ще, любе'знw вопiе'мъ ти`: не забу'ди 
ча^дъ твои'хъ, _о='ч~е, и=`хже му'дрjь собра'лъ и= 
возлюби'лъ _е=си`, jа='кw да зове'мъ ти`: ра'дуйся, 
ст~и'телю а=рсе'нiе, па'стырю и= о_у=чи'телю на'шъ.

%<I='косъ:%>

%<W\т%> скве'рныхъ о_у=сте'нъ, w\т нечи'ста се'рдца, 
ка'кw ти` принесу` хвал_е'нiя, _о=кая'нный; о_у=жаса'юся и= 
трепе'щу: по надjь'яся на тво'й благосе'рдный нра'въ, 
_о='ч~е, хвалу' ти прино'симъ, глаго'люще: ра'дуйся, 
па'стырю на'шъ до'брый святи'телю а=рсе'нiе, о_у=пасы'й 
ста'до хр\сто'во: ра'дуйся, ди'вный чудотво'рче, 
предтека'ющымъ къ тебjь` съ вjь'рою, неwску'дно и=сцjьле'нiе 
подава'я: ра'дуйся, це'рквамъ воздви'женiе, и= и='нокwвъ 
люби'телю, си^рымъ и= ни'щымъ пода'телю: ра'дуйся, и= ты` 
бг~охрани'мый гра'де тфе'рь, jа='кw такова` и=мjь` въ себjь` 
пожи'вша святи'теля: ра'дуйся и= весели'ся, бж~iя мт~ере 
це'рковь, jа='кw люби'мый тобо'ю въ тебjь` почи'лъ _е='сть 
бг~ому'дрый а=рсе'нiй. Но, _w бг~облаже'нне _о='ч~е! а='ще 
и= тjь'ломъ преше'лъ _е=си` w\т на'съ, но ду'хомъ пребыва'я 
съ на'ми: и= моли'ся за ны` хр\сту`, и= преч\стjьй _е=гw` 
мт~ери, съ _е=я` о_у=го'дники, а=нтw'нiемъ и= fеодо'сiемъ, 
и= спаса'й пою'щихъ тя`, да зове'мъ ти`: ра'дуйся, 
святи'телю а=рсе'нiе, па'стырю и= о_у=чи'телю на'шъ.

%<Пjь'снь з~. I=рмо'съ:%>

%<Б%>г~опроти'вное велjь'нiе беззако'ннующагw мучи'теля, 
высо'къ (с. 32) пла'мень вознесло` _е='сть: хр\сто'съ же 
простре` бг~очести^вымъ _о=трокw'мъ ро'су дх~о'вную, сы'й 
благослове'нъ и= препросла'вленъ.

%<В%>ы'шнiй цр~ю` и= вседержи'телю, моли'твами твоегw` 
о_у=го'дника жи'знь о_у=мири` всjь^мъ, сло'ве, хр\стiа'нwмъ, 
посо'бствуя на ва'рвары благовjь^рнымъ, да тебjь`, хр\сте`, 
зове'мъ: благослове'нъ бг~ъ _о=т_е'цъ на'шихъ.

%<П%>р\сто'лу предстоя` бж~iю, святи'телю хр\сто'въ 
а=рсе'нiе, моли'ти прилjь'жнw не преста'й w= на'съ твои'хъ 
рабjь'хъ, да _о=гня` вjь'чнагw и=зба'вимся и= вся'кагw 
w=sлобле'нiя, w\т вра^гъ находя'щагw, твои'ми моли'твами.

%<И=%>сцjьл_е'нiя подава'еши, всю'ду вjь'рою къ тебjь` 
притека'ющымъ, святи'телю а=рсе'нiе. Тjь'мже мо'лимъ тя`, 
твои` раби`: печа'ль на'шу въ ра'дость преложи`, и= w\т 
вся'кiя и=зба'ви ско'рби твои'ми моли'твами.

%<Бг~оро'диченъ:%>

%<С%>тра^сти моегw` се'рдца и=сцjьли` ми'лостiю твое'ю, 
всепjь'тая, о_у='мъ мо'й о_у=мири`, и= ду'шу мою` 
просвjьти`, и= ходи'ти мя` напра'ви на стезю` спаси'тельную, 
jа='кw да пою' тя, препjь'тая.

%<Пjь'снь и~. I=рмо'съ:%>

%<В%>ъ пе'щь _о='гненную ко _о=трокw'мъ _е=вр_е'йскимъ 
снизше'дшаго, и= пла'мень въ ро'су прело'жшаго бг~а, по'йте, 
дjьла`, jа='кw гд\са, и= превозноси'те во вся^ вjь'ки.

%<О_у=%>стро'ивъ твою` жи'знь бг~олjь'пнw, святи'телю 
а=рсе'нiе, строи'тель и=зря'денъ показа'лся _е=си` твое'й 
_о=би'тели, и= свjь'тло прiя'телище бж~iе.

%<Ч%>уде'съ глубина` и= и=сцjьле'нiй рjька`, и=сто'чникъ 
непреста'ненъ, струя` ника'коже w=скудjьва'ема, твоя` ра'ка 
показа'ся, _о='ч~е.

%<И='%>же къ бг~у моли'твами твои'ми те'плыми, w=чи'сти 
на'съ w\т вся'кiя скве'рны, и= скорбе'й, и= болjь'зней, и= 
вся'кiя ну'жды, ст~и'телю а=рсе'нiе, и=зба'ви. (с. 33)

%<Бг~оро'диченъ:%>

%<П%>рест~а'я дв~о, ты' мя спаси`, и= не'мощи мое'й 
бу'ди по'мощь: скорбе'й мно'гихъ и= лю'тыхъ мя` и=зба'ви, да 
тя` сла'влю _е=ди'ну бц\ду.

%<Пjь'снь f~. I=рмо'съ:%>

%<Б%>езнача'льна роди'теля сн~ъ, бг~ъ и= гд\сь, 
вопло'щся w\т дв~ы, на'мъ jа=ви'ся, w=мрач_е'нная 
просвjьти'ти, собра'ти расточ_е'нная: тjь'мъ всепjь'тую 
бц\ду велича'емъ.

%<Ч%>удеса' бо твоя^ мнw'га и= и=сцjьл_е'нiя 
безчи'сл_енна, незави'стнw подава'еши съ те'плою вjь'рою 
приходя'щымъ, а=рсе'нiе ст~и'телю, похвала` земли` на'шей.

%<П%>оста'ви тебе` хр\сто'съ, мт~ре своея` це'ркве, 
столпа` крjь'пка и= неподви'жима, соблюда'юща и= назира'юща 
гра'дъ тво'й неподви'жимь, и= ст~у'ю _о=би'тель свою`.

%<С%>вяти'тели о_у='бw и= кня'зи благочести'вiи, 
свяще'нницы и= и='ноцы, и= вси` лю'дiе, му'жи и= ж_ены`, и= 
ста'рцы со млад_е'нцы, и= вся'къ во'зрастъ, и= вся'ко 
состоя'нiе, ст~и'телю на'шему а=рсе'нiю свjь'тлw 
пра'зднуемъ.

%<Бг~оро'диченъ:%>

%<М%>оли` твоего` сн~а, гп\сже` преч\стая бц\де, 
и=зба'вити мя` въ де'нь лю'тъ стра'шнагw w=сужде'нiя, да 
ра'дуяся пjь'сньми велича'ю тя`.

%<Свjьти'ленъ:%>

%<В%>осхва'лимъ дне'сь пjь'сньми вели'каго па'стыря и= 
о_у=чи'теля, а=рсе'нiя бг~ому'драго: се'й бо и=змла'да 
возлюби` хр\ста`, и= преч\стую _е=гw` мт~рь. съ не'юже 
ны'нjь мо'литъ хр\ста` бг~а, поми'ловати ду'шы на'шя.

%<Два'жды.%>

%<Бг~оро'диченъ:%>

%<И='%>же w\т бг~а мi'ру пw'даннымъ благи^мъ, ты` вина` 
была` _е=си`, бц\де: но и= ны'нjь ми'лостива сотвори` w= 
_о='бщемъ спасе'нiи благопремjь'ннаго бг~а.

%<На хвали'техъ стiхи^ры, гла'съ в~. Подо'бенъ: К%>i'ими 
похва'льными:

%<К%>i'ими похва'льными вjьнцы` * о_у=вязе'мъ 
святи'теля, * благоче'стiя о_у=правле'нiе, * цjьлому'дрiя 
рачи'теля, * свjь'тлое (с. 34) цр~кве о_у=краше'нiе, * 
и=сто'чника бж\ственныхъ и=сцjьле'нiй, * проли'тiе 
дарова'нiй духо'вныхъ, * рjьку` мно'гихъ чуде'съ, * зе'млю 
на'шу веселя'щу, * ди'внаго чудотво'рца а=рсе'нiа, * 
предста'теля на'шего и= храни'теля.

%<Два'жды.%>

%<К%>i'ими духо'вными пjь'сньми * похва'лимъ а=рсе'нiа 
свяще'ннаго, * ди'внаго въ чудесjь'хъ, * и= безплw'тнымъ 
сожи'теля, * w=сщ~е'ннаго w\т пеле'нъ, * столпа` цр~кви 
неподви'жима, * весе'лiе земли` на'шей, * и='нокwмъ 
люби'теля, * jа='кw вои'стинну _о=ц~а` чадолюби'ва, * и= 
больны^мъ врача` безме'здна;

%<К%>i'ими пjь'сненными добро'тами * о_у=блажи'мъ 
а=рсе'нiа досточу'днаго, * печа^льнымъ о_у=тjьше'нiе, * 
w\тча^яннымъ засту'пника, * и='нокwмъ о_у=твержде'нiе, * 
похвалу` земли` на'шей, * ст~и'тел_емъ о_у=краше'нiе, * 
рjьку` ми'лости вои'стинну, * бж\ственнагw хр\сто'ва 
смире'нiя ревни'теля, * подаю'щаго мi'рови ве'лiю ми'лость;

%<Сла'ва, гла'съ и~. Самогла'сенъ.%>

%<П%>рiиди'те, стеце'мся вси` къ бж\ственной па'мяти 
_о=ц~а` на'шегw, и=зря'днагw чудотво'рца а=рсе'нiа: се'й бо 
w\т ю='ности жела'нiе бж\ственное въ се'рдцы свое'мъ 
прiи'мъ, и= возлюби'въ хр\ста` и= преч\стую _е=гw` мт~рь, 
_е='йже и= _о=би'тель сотвори` и= вельми` о_у=краси`, и= 
мно'жество мона'хwвъ собра`. тjь'мъ бы'въ хр\столюби^вымъ 
кня'з_емъ о_у=чи'тель пра'выя вjь'ры, вельмw'жамъ тве'рдое 
защище'нiе, си^рымъ jа='кw _о=те'цъ милосе'рдъ, вдови'цамъ 
те'плое заступле'нiе, скорбя'щымъ о_у=тjьше'нiе, боля'щымъ 
и=сцjьле'нiе: ра'дуйся и= весели'ся, бж~iя мт~ере це'рковь, 
jа='кw люби'мый тобо'ю въ тебjь` почи'лъ _е='сть бг~ому'дрый 
а=рсе'нiй. Но, _w бг~облаже'нный _о='ч~е! не преста'й 
моля'ся w= ста'дjь твое'мъ, и= w= всjь'хъ вjь'рою чту'щихъ 
всечестно'е о_у=спе'нiе твое`.

%<И= ны'нjь, бг~оро'диченъ: В%>л\дчце, прiими` моли'тву 
ра^бъ твои'хъ: (с. 35)

%<Славосло'вiе вели'кое. _Е=кт_енiи`. И= w\тпу'стъ. 
Ча'съ пе'рвый.%>

%<На лiтургi'и Блаж_е'нна, w\т канw'на ст~а'гw пjь'снь 
г~, и= s~-я. Прокi'менъ, гла'съ з~: Ч%>естна` предъ гд\семъ 
сме'рть преподо'бныхъ _е=гw`. %<Стi'хъ: Ч%>то` возда'мъ 
гд\севи w= всjь'хъ, jа=`же воздаде' ми; %<А=п\слъ, ко 
_е=вре'wмъ, зача'ло та~_i w\т полу`. А=ллилу'iа, гла'съ в~: 
С%>вяще'нницы твои` w=блеку'тся въ пра'вду, и= преподо'бнiи 
твои` возра'дуются. %<Стi'хъ: Б%>лаже'нъ му'жъ боя'йся 
гд\са, въ за'повjьдехъ _е=гw` восхо'щетъ sjьлw`. %<_Е=v\глiе 
матfе'а, зача'ло а~_i. Прича'стенъ: В%>ъ па'мять вjь'чную 
бу'детъ пра'ведникъ: