Богослужебные тексты

<::лат>        OCR:

<::рус>        Библиотека святоотеческой литературы

<::лат>        http://orthlib.ru

<::слав>

(с. 353)

%<ПРИЛОЖЕ'НIЕ%>

%<Мjь'сяца тогw'же во в~-й де'нь.%>

%<Пра'зднованiе прест~jь'й бц\дjь, въ че'сть 
чудотво'рныя _е=я` i=кw'ны, нарица'емыя держа'вныя.%>

%<На ма'лjьй вече'рни, на Г%>д\си воззва'хъ, %<стiхи^ры, 
гла'съ s~:%>

%<Н%>еwбори'мую стjь'ну стяжа'вше, не jа='кw мiролю'бцы, 
но jа='кw вjь'рнiи, припа'даемъ къ вл\дчцjь дв~jь и= 
воспое'мъ, бра'тiе, предста'тельство тоя`.

%<Jа='%>кw раби` тебjь` преч\стая взыва'емъ: не 
w\тве'ржи ны`, моля'щихся ти`, но w=гради` на'съ покро'вомъ 
твои'мъ.

%<П%>отщи'ся цр~и'це бл~года'тная, о_у=слы'ши моли'тву 
мою`, и= пjь'снь хвале'нiя моегw` да прiи'детъ пред\ъ тя`.

%<К%>то` возглаго'летъ си^лы твоя^, преч\стая; и='мамы 
тя` вл\дчцу на'шу, и= николи'же о_у=страши'мся непокори'выхъ 
сынw'въ.

%<Сла'ва, и= ны'нjь, гла'съ _е~:%>

%<С%>т~jь'йшая херувi^мъ и= вы'сшая серафi^мъ, 
вои'стинну бц\де ты` _е=си`. вjь'мы тя` засту'пницу на'шу, 
ты' же не преста'й w= на'съ моля'щи, держа'во и= прибjь'жище 
душа'мъ на'шымъ.

%<Прокi'менъ дне`.%>

%<На стiхо'внjь стiхи^ры, гла'съ и~:%>

%<Д%>и'вное i=кw'ны твоея` jа=вле'нiе, бц\де 
пренепоро'чная, славосло'вимъ (с. 354) дне'сь, и= твое` 
заступле'нiе на'мъ пра'зднуемъ. ма'ти бо су'щи живота`, 
мо'лиши w= на'съ хр\ста` бг~а на'шего, на тя` _е=ди'ную 
наде'жду возложи'вшихъ, путеводи'тельнице нело'жная на'шегw 
сп~се'нiя.

%<Стi'хъ: П%>омяну` и='мя твое` во вся'комъ ро'дjь и= 
ро'дjь.

%<W\т%>ложи'мъ вjь'рнiи печа'ль: се' бо втора'я 
неwпали'мая купина`, i=кw'на бг~ома'тере, людьми` 
правосла'вными зри'мая, на сп~се'нiе грjь'шныхъ jа=вля'ется.

%<Стi'хъ: С%>лы'ши дщи` и= ви'ждь, и= приклони` о_у='хо 
твое`.

%<С%>вjьти'ся, свjьти'ся, но'вый i=ер\сли'ме, и= 
ра'дуйтеся о_у=бо'зiи, jа='кw неруши'мъ _е='сть сiw'нъ и= 
мт~и бг~а на'шегw посредjь` людi'й свои'хъ.

%<Сла'ва, и= ны'нjь, гла'съ s~:%>

%<С%>вjь'тлое дне'сь засту'пницы на'шея наста` 
торжество`: да взыгра'ется тва'рь, да ликовству'ютъ 
человjь'честiи собо'ри, созыва'етъ бо на'съ ст~а'я бц\да 
ви'дjьти i=кw'ну свою`, луча'ми мл\сти вся^ правосла^вныя 
w=свjьща'ющую. тjь'мже, ра'дующеся, вопiе'мъ: сп~си` и= 
на'съ, пренепоро'чная, вjь'рныхъ ча'дъ земли` твоея`.

%<Тропа'рь пи'санъ на вели'цjьй вече'рни.%>

%<На Г%>д\си воззва'хъ: %<стiхи^ры, гла'съ д~:%>

%<И=%> рыда'хъ, и= взыва'хъ къ тебjь`, вл\дчце, но не 
возмо'глъ _е='сть гла'съ мо'й, и= заглуши'ся во'пль мо'й w\т 
пото'ка грjь^хъ мои'хъ, и= ка'кw о_у=молю' тя; сама` о_у=`бо 
да'ждь ми` мл~тву и= сохрани` раба` твоего`. И='зсше се'рдце 
мое` и= стру^пiемъ и=спещри'ся глава` моя`, и=знемого'стjь 
w\т мра'ка _о='чи мои`, и= о_у=я'звенъ _е='смь въ глежню` 
мою`, но ты`, jа='кw держа'вная, спаси' мя и= пода'ждь ми` 
ве'лiю мл\сть.

%<И='ны стiхи^ры, гла'съ то'йже:%>

%<Н%>епра'вда, jа='кw мо'ре, скры` зе'млю твою`, и= 
ны'нjь лю'тjь потопля'еми _е=смы`, но ты` простри` десни'цу 
твою`, и= jа='кw всехва'льная, поста'ви (с. 355) ны` на 
ка'мене вjь'ры, и= сп~си' ны вл\дчце, сп~си' ны и= 
о_у=тверди` посредjь` на'съ держа'ву твою`.

%<S%>мiенра'вно дне'сь показу'ется ста'до твое`, jа='кw 
вjь'тромъ w=бурева'еми _е=смы`, и= не мо'жемъ терпjь'ти, но 
ты` jа='кw бл~га'я, о_у=ти'ши во'ды прерjька'нiя и= не 
w\тве'ржи ра^бъ свои'хъ, сохраня'я на'мъ и= при'снw мл\сть 
твою`. а='ще не ты`, бг~ороди'тельнице, па'че всjь'хъ 
превознесе'нная, а='ще не ты`, _w стjьно` неруши'мая и= 
мi'рове ра'досте, кто` о_у=`бо о_у=мо'литъ за ны` сн~а 
твоего` хр\ста` бг~а на'шего, да поми'луетъ сокруше'нныхъ 
се'рдцемъ и= ско'рбныхъ люде'й свои'хъ. пред\ъ тjь'мъ же и= 
бу'ди хода'таица неусы'пная и= спаси` на'съ.

%<П%>рiиди'те, вси` вjь'рнiи, и= ку'пнw собо'ры 
сотво'рше, возопiи'мъ держа'внjьй вл\дчцjь, и= та'кw къ не'й 
возглаго'лемъ: вси` неключи'ми _е=смы`, и= тогw` ра'ди 
припа'даемъ къ ти`, и= мо'лимъ тя` со дерзнове'нiемъ и= 
вjь'рою, зову'ще: не пре'зри на'съ, _о=кая'нныхъ, потщи'ся 
на о_у=моле'нiе и= сп~си` вся^ правосла^вныя.

%<Сла'ва, и= ны'нjь, гла'съ то'йже:%>

%<Н%>е надjь'йтеся на кня'зи преходя'щыя: ничесо' бо 
возмо'гутъ и= сыны` человjь'честiи су'ть, и=зы'дутъ, jа='кw 
бы'лiе, и= никто'же и=`хъ помя'нетъ, но моли'теся, бра'тiе, 
моли'теся, и= прiи'метъ вы` под\ъ кро'въ сво'й мт~ерь бг~а 
на'шегw и= о_у=поко'имся, лю'дiе, под\ъ ри'зой тоя`.

%<Вхо'дъ. Прокi'менъ дне`.%>

%<Чт_е'нiя три`, пи'саны сегw` м\сца ли'стъ рк~в.%>

%<На лiтi'и стiхи^ры, гла'съ а~:%>

%<С%>тра'шенъ _е='сть гнjь'въ гд\сень, на вся^ 
см_е'ртныя належа'щь, но тогw` ра'ди показу'ется дне'сь и= 
заступле'нiе вjь^рнымъ: се' бо прiи'де бл~года'тная во 
сп~се'нiе лю'демъ свои^мъ, и= нjь'сть возмогi'й сокруши'ти 
ста'до тоя`, зане` всему` мi'рови вл\дчца _е='сть. (с. 356)

%<Сла'ва, и= ны'нjь, гла'съ то'йже:%>

%<П%>ра'вды вы'шнiя ча'юще, не w= се'мъ рыда'йте, jа='кw 
и=стязу'еми _е=сте`, И= воскли'кните та'кw: вjь'мы, jа='кw 
_о=кая'нни _е=смы`, но не до конца` прогнjь'вайся на ны`, 
мл~твами же бц\ды сп~си` и= вся^ правосла^вныя.

%<На стiхо'внjь стiхи^ры, гла'съ s~:%>

%<Д%>в~а была` _е=си` _о=трокови'ца смире'нна, дне'сь же 
показу'ешися на'мъ jа='кw цр~и'ца и= мт~рь вся'ческихъ, и= 
тому` дивя'щеся, восклица'емъ ти`: ка'кw стра'шна _е='сть 
та'йна сiя`, ка'кw досто'йнw восхва'лимъ тя`, пребл~гу'ю, 
но, jа='кw нб~са` къ землjь` прикло'ньшая и= зе'млю до нб~съ 
возве'дшая, сп~си`, бц\де, лю'ди твоя^ и= сама` сохрани` 
ста'до твое`.

%<Стi'хъ: П%>ресла^вная глаго'лашася w= тебjь`, гра'де 
бж~iй.

%<И=%>спо'лнися, бл~года'тная, ми'лости и= о_у=слы'ши 
ны`, моля'щыяся ти`, и= та'кw ти` глаго'лющыя: возра'дуйся, 
хр\ста` бг~а ро'ждшая, зане` о_у=блажа'тъ тя` вси` ро'ди и= 
восхва'лятъ тя` вся'ч_еская, вои'стинну бо несокруши'ма 
_е='сть держа'ва твоя^.

%<Стi'хъ: Jа='%>кw и=збра` гд\сь сiw'на и=зво'ли и= въ 
жили'ще себjь`.

%<С%>т~ъ _е=си`, гд\си, и= мт~рь твоя`, jа='кw _о=вча`, 
бы'сть смире'нна и= тогw` ра'ди краснw` дне'сь преукра'сися, 
па'че всjь'хъ безпло'тныхъ _е='сть сла'ва твоя^, не 
подви'жится о_у=`бо и= сохрани'тъ ны`, jа='кw всеси'льна.

%<Сла'ва, и= ны'нjь, гла'съ то'йже:%>

%<К%>а'кw воспое'мъ тя`, вл\дчцу дв~у, и= ка'кw 
нарече'мъ тя`, мт~рь свjь'та неизрече'нна и= непристу'пна, 
но вои'стинну бц\да ты` _е=си`, и= хва'льно и= просла'влено 
и='мя твое` и= ны'нjь, и= во вjь'къ вjькw'въ, и= по 
сконча'нiи вjь'ка.

%<Тропа'рь, гла'съ д~.%>

%<Г%>ра'да сiw'нска взыску'юще, под\ъ тво'й покро'въ, 
дв~о ч\стая, дне'сь притека'емъ, и= никто'же возмо'жетъ на 
ны`, jа='кw нjь'сть гра'дъ си'ленъ, (с. 357) а='ще не 
су'щагw бг~а, и= нjь'сть и='на крjь'пость, а='ще не ми'лость 
вл\дчцы дв~ы.



%<На о_у='трени:%>

%<По а~-мъ стiхосло'вiи сjьда'ленъ, гла'съ в~:%>

%<Г%>ла'съ пла'ча слы'шенъ _е='сть на сiw'нjь, и= 
рыда'нiе ве'лiе воздвиза'емо _е='сть во сто'гнахъ ст~ы'хъ. 
_w вл\дчце дв~о, о_у=слы'ши я=`, твои'ми бо лю'ди 
и=злива'емы су'ть, и= сп~си` гра'дъ w=пустоше'нный.

%<Сла'ва, и= ны'нjь, гла'съ то'йже:%>

%<В%>ъ поноше'нiи о_у=сте'нъ и= во w=бдержа'нiи 
jа=зы'кwмъ _е=смы`, вси' бо преwгорчи'хомъ цр~я`, сн~а 
твоего`, и= то'й посjьти' ны преще'нiемъ свои'мъ, но 
о_у=моли`, дв~о преч\стая, w\т тя` ро'ждшагося, и=, а='ще не 
до конца` прогнjь'вался _е='сть, процвjьте'тъ гра'дъ 
w=пустоше'нный.

%<По в~-мъ стiхосло'вiи сjьда'ленъ, гла'съ з~:%>

%<В%>оста'ни, вл\дчце, воста'ни, и= w=блече'тся сiw'нъ 
въ крjь'пость свою`, и= вода` же'лчная бу'детъ на'мъ, jа='кw 
ме'дъ, напита'емся лю'дiе тjьсно'тами, и=`же w\т зижди'теля 
су'ть, и= восхва'лимъ, пою'ще, держа'ву твою`, jа='кw 
несконча'ема _е='сть.

%<Велича'нiе:%>

%<В%>елича'емъ тя`, прест~а'я дв~о, бг~оизбра'нная 
_о=трокови'це, и= чти'мъ держа'вный _о='бразъ ст~ы'ни 
твоея`, и='мже подае'ши ве'лiю мл\сть всjь^мъ съ вjь'рою къ 
нему` притека'ющымъ.

%<По полv"еле'и сjьда'ленъ, гла'съ д~:%>

%<А='%>ще и= _е=ди'ну ка'плю мл\сти твоея` w=дожди'ши 
ми`, всеч\стая, не возмо'жетъ я=зы'къ мо'й досто'йнw тя` 
возвели'чити, но па'че мjь'ры и= неизрече'нна _е='сть 
бла'гость твоя`, и= пою` сла'ву твою`, jа='кw вои'стинну 
мт~и бж~iя ты` _е=си`. (с. 358)

%<Степе'нна, а~-й а=нтiфw'нъ д~-гw гла'са. Прокi'менъ, 
гла'съ д~: П%>омяну` и='мя твое` во вся'комъ ро'дjь и= 
ро'дjь. %<Стi'хъ: W\т%>ры'гну се'рдце мое` сло'во бл~го, 
гл~го'ли а='зъ дjьла` моя` цр~е'ви. %<В%>ся'кое дыха'нiе: 
%<_Е=v\глiе w\т луки`, зача'ло д~.%>

%<По н~-мъ _псалмjь`, стiхи'ра, гла'съ s~:%>

%<Н%>е и='мамы и=ны'я по'мощи, не и='мамы и=ны'я 
наде'жды, ра'звjь теб_е`, вл\дчце, ты` на'мъ помози`, на 
тебе` надjь'емся и= тобо'ю хва'лимся, твои' бо _е=смы` 
раби`, да не постыди'мся.

%<Канw'нъ, _е=гw'же краестро'чiе: С%>п~си`, бц\де, 
правосла'вную зе'млю и= сохрани` лю'ди твоя^. %<Гла'съ д~.%>

%<Пjь'снь а~. I=рмо'съ:%>

%<W\т%>ве'рзу о_у=ста` моя`, и= напо'лнятся дх~а, и= 
сло'во w\тры'гну цр~и'цjь мт~ри, и= jа=влю'ся свjь'тлw 
торжеству'я, и= воспою` ра'дуяся тоя` чудеса`.

%<С%>амоизмышле'нная па'губа покры'ла _е='сть всю` 
зе'млю твою`, и= мра'къ ве'лiй воцари'ся дне'сь въ 
вертогра'дjь твое'мъ. тя'жко ми` _е='сть, и= рыда'ю тебе`, 
мт~и преч\стая, и= а='ще о_у=слы'шиши, ничесw'же 
о_у=страшу'ся, и= воспою` и='мя твое`, сла'внw бо 
просла'вися.

%<П%>окая'нiю научи' мя, вл\дчце, да де'нь и= но'щь 
и=злiю` сл_е'зы моя^ и= да смире'нъ w\т вра^гъ мои'хъ 
воскли'кну тебjь`: никто'же ч\стъ, ра'звjь теб_е`, 
_о=трокови'це ч\стая, и= сохрани'тъ мя` держа'ва твоя`, 
сла'внw бо просла'вися.

%<А='%>зъ и=з\ъ глубины` sw'лъ мои'хъ вопiю' ти, и= не 
премолчи'тъ сто'нъ мо'й пред\ъ тобо'ю: ви'ждь, _w, ви'ждь, 
вл\дчце дв~о, и= не w\тве'ржи мене`, о_у=слы'ши о_у=`бо 
во'пль гла'са моегw` и= покры'й мя` ри'зою смиренному'дрiя 
твоегw`, сла'внw бо просла'вися.

%<С%>у'дъ гнjь'венъ прiи'де на ны`, и= разсы'пася 
ра'дость люде'й твои'хъ, вси' бо пла'чемъ и= рыда'емъ и= 
та'кw гл~го'лемъ: _w мечу` бж~iй, доко'лjь (с. 359) не 
о_у=поко'ишися; преста'ни о_у=`бо, пощади' ны, и= воспое'мъ 
держа'ву вл\дчцы на'шея, сла'внw бо просла'вися.

%<И=%>з\ъ но'щи дjь'лъ пре'л_ести погуби'ша ны`, па'лъ 
_е='сть сiw'нъ, и= заключе'ни _е=смы`. i=ер\сли'ме, 
i=ер\сли'ме, почто` та'кw w=мрачи'лся _е=си`; тогw' же ра'ди 
и= возопiи'мъ вл\дчце си'це: то'кмо твоя` держа'ва 
сохрани'тъ ны`, сла'внw бо просла'вися.

%<Катава'сiя по о_у=ста'ву.%>

%<Пjь'снь г~. I=рмо'съ:%>

%<Т%>воя^ пjьсносло'вцы бц\де, живы'й и= незави'стный 
и=сто'чниче, ли'къ себjь` совоку'пльшыя, дх~о'внw 
о_у=тверди`: въ бж~е'ственнjьй твое'й сла'вjь вjьнц_е'въ 
сла'вы сподо'би.

%<W=%>больсти' мя sмi'й, клеветни'къ бо _е='сть, и=, 
душевре'дное въ себjь` насажда'я, смути'лось се'рдце мое`. 
jа='кw ме'ртвъ пребыва'ю и= кi'ими словесы` w= себjь` 
возрыда'ю; но тя` молю`, вл\дчце, молю` и= глаго'лю: 
w=блада'й над\ъ ни'мъ и= w\т грjьха` моегw` w=чи'сти мя`.

%<Г%>о'рькимъ пла'чемъ мои'мъ, jа='кw во'ду, и=злiю` 
се'рдце мое`, сокруше'нiе мое` jа='кw же'ртва тебjь`, и= 
молю' тя, преч\стая: _е='й, не w\тврати` мене`, раба` 
твоего`, сохрани` о_у=`бо и= до послjь'днягw дне`.

%<_О='%>чи мои` поме'ркнустjь w\т jа='звы моея`, и= 
о_у=труди' мя бре'мя мое`. и=дjь'же _е='сть сла'ва моя`; и= 
заключи` мене` неду'гъ и= вра'гъ, а='зъ же, jа='кw мл\сть, 
прiе'млю о_у='зы моя^ и= пою`, веселя'ся: никто` о_у='бw, 
jа='кw бг~ъ, вознесе'тъ сы'й хр\ста` своего` и= мт~рь 
_е=гw`, вл\дчцу на'шу.

%<Р%>уковожде'нiе пода'ждь ми`, нищепита'тельнице, и= 
w=зари' мя свjь'томъ, _е='же w\т тебе` во и=стоща'нiи 
просiя'вшимъ. _w бц\де и= мт~и бг~а моегw`, бу'ди же и= 
мнjь` заступле'нiемъ вjь'рнымъ.

%<Д%>ушетлjь'нными по'мыслы лю'тjь стужа'емь _е='смь, и= 
тя'жко ми` _е='сть. не ли пре'зриши раба` твоего`; молю` 
о_у=`бо тя`, прч\стая: и=зведи' (с. 360) мя w\т гно'ища 
моегw`, и=сцjьли` ра^ны моя^ и= сп~си' мя, вл\дчце, сп~си' 
мя.

%<Сjьда'ленъ, гла'съ г~.%>

%<_W%> лjь'ствице неизрече'нна и= преизря'дна, jа='коже 
и= лjь'ствица, ю='же ви'дjь пра'_отецъ, съ нб~си` 
низходя'щу, та'кw и= ты`, бг~оневjь'сто, нб~о и= зе'млю 
сочета'вшая, восхожде'нiе ты` _е=си`, и='мже и= о_у=пасе'мся 
w\т бjь'дъ.

%<Сла'ва, и= ны'нjь, гла'съ то'йже:%>

%<Х%>р\ста` бг~а и= сн~а твоего`, между` двою` 
разбw'йнику на кр\стjь` ви'сима, зря'ще, го'рькw рыда'ла 
_е=си`, мт~и, и= жа'ло вни'де въ се'рдце твое`. _w вл\дчце 
дв~о, болjь'знующи о_у=`бо сама`, сп~си` дне'сь вся^ 
о_у=друч_е'нныя, и=стязу'_емыя лю'ди твоя^.

%<Пjь'снь д~. I=рмо'съ:%>

%<С%>jьдя'й въ сла'вjь, на пр\сто'лjь бж~ества`, во 
_о='блацjь ле'гцjь прiи'де i=и~съ пребж~е'ственный, 
нетлjь'нною дла'нiю, и= спасе` зову'щыя: сла'ва хр\сте`, 
си'лjь твое'й.

%<И=%>стоща'нiе прiи'де на рабы^ твоя^, и= до'мъ на'шъ 
w=ста'вися пра'зденъ и= пу'стъ. хожду` и= взыва'ю, но 
нjь'сть ми` спаса'юща, _е=ди'на о_у=`бо сме'рть 
w\твjьщава'етъ на гла'съ мо'й, и= рыда'я, молю' тя и= 
глаго'лю: не w\тве'ржи мене` и= ты` дв~о ч\стая, да сп~се'нъ 
бу'ду.

%<Ц%>вjьтоно'сную простри`, вл\дчце, ру'ку твою`, и= 
w=живе'тъ вертогра'дъ тво'й, и= ни'щiи w=бря'щутъ хлjь'бы 
своя^, и= о_у=бо'зiи ри^зы своя^, вси` восхва'лятъ и='мя 
твое`, jа='кw вои'стинну неизрече'нна _е='сть мл\сть твоя`.

%<_Е=%>гда` восхо'щеши, никто'же сокруши'тъ ны`, jа='кw 
вели'кое дерзнове'нiе w=брjьла` _е=си` о_у= хр\ста` бг~а, 
сн~а твоегw`, и=, сiе` зря'ще, вопiе'мъ ти`, вл\дчце, да 
сохрани'ши и= ны` под\ъ кро'вомъ твои'мъ.

%<П%>равосла'внiи хр\стiа'ны, под\ъ твою` мл\сть дне'сь 
притека'емъ и=, jа=вле'нiе (с. 361) ч\стны'я i=кw'ны твоея` 
свjь'тлw пра'зднующе, си'це глаго'лемъ тебjь`: простира'еши 
и= на'мъ, бл~года'тная, неwбори'мую ри'зу свою`.

%<Р%>азумjь'йте, непокори'вiи jа=зы'цы, и= не хвали'теся 
w= мы'шцjь свое'й, зане` _е=ди'нъ _е='сть гра'дъ 
несокруши'мъ, и= сiя` твоя`, приснодв~о вл\дчце, держа'ва и= 
ца'рство, _е='же и= стои'тъ до сконча'нiя вjь'ка.

%<А='%>зъ _е=гда` и= во о_у='зехъ, но тобо'ю, 
_о=трокови'це ч\стая, вы'ну свобо'дь _е='смь, и= не въ 
стра'хъ ми` о_у=мале'нiе мое` _е='сть, но jа='кw зла'ту 
горни'ло и= _о='гнь, сiе' бо разумjь'я, сла'влю о_у='зы моя^ 
и= велича'ю тя`, непоро'чную дв~у.

%<Пjь'снь _е~. I=рмо'съ:%>

%<О_у=%>жасо'шася вся'ч_еская w= бж~е'ственнjьй сла'вjь 
твое'й: ты' бо неискусобра'чная дв~о, и=мjь'ла _е=си` во 
о_у=тро'бjь надъ всjь'ми бг~а, и= родила` _е=си` 
безлjь'тнаго сн~а, всjь^мъ воспjьва'ющымъ тя` ми'ръ 
подава'ющая.

%<В%>одворя'етъ ны` sмi'й во ю=до'ль пла'ча и= ча'янiй 
sлы'хъ. не мо'жемъ о_у=`бо терпjь'ти скw'рби своя^, но ты`, 
бг~ороди'тельнице, простира'еши на'мъ покро'въ сво'й, и= 
спасе'ни бу'демъ w\т sw'лъ.

%<_О=%>трокови'це дв~о, спасла` _е=си` на'съ w\т рабо'ты 
вра'жiя, и= тjь'мъ краснw` написа'ся и='мя твое`: цр~и'ца 
мi'рови ты` _е=си`, и= держа'ва твоя^ да'же до послjь'днягw 
дне`.

%<С%>вjь'та непристу'пна мт~и ты` _е=си`, и= всу'е 
дне'сь подви'жися тьма` супроти'вная, никто'же возмо'жетъ на 
ны`, jа='кw съ на'ми вл\дчца на'ша, и= сла'ва твоя^ 
несконча'ема _е='сть.

%<Л%>ю'дiе бж~iи, дру'зи моя^, о_у=вjь'руйте во хр\ста` 
бг~а на'шего, и= въ преди'внw _е=го` ро'ждшую, храня'ще 
о_у=`бо за'пwвjьди бг~а вы'шняго, и= w=бря'щете душа'мъ 
ва'шымъ ми'ръ и= ве'лiю мл\сть.

%<А='%>гг~ли, и= тi'и просла'виша тя`, вл\дчцу 
вся'ческихъ и= па'че нб~а (с. 362) превознесе'нную, пою'тъ 
бо хр\сту` сн~у твоему`: и=скупи'лъ _е=си` лю'ди твоя^ и= въ 
человjь'цjьхъ бл~говоле'нiе.

%<В%>ели'чiе твое` кто` и=сповjь'сть, бц\де, jа='кw 
па'че смы'сла родила` _е=си` бг~а сло'ва, и= не мо'жетъ 
я=зы'къ человjь'чь досто'йнw тя` пjь'ти, но прiими` 
мл\стивнw мл~тву мою` и= сохрани` раба` твоего`.

%<Пjь'снь s~. I=рмо'съ:%>

%<Б%>ж~е'ственное сiе` и= всечестно'е соверша'юще 
пра'зднество, бг~ому'дрiи, бг~ома'тере, прiиди'те рука'ми 
воспле'щемъ, w\т нея` ро'ждшагося бг~а сла'вимъ.

%<Н%>о'щь, и= мра'къ, и= во'ды прерjька'нiя лю'тjь 
и=стязу'ютъ зе'млю твою`, се` о_у=`бо преще'нiе бж~iе и= 
гнjь'въ тогw` _е='сть, но молю' тя, преч\стая, молю` и= 
глаго'лю: а='ще хо'щеши мо'жеши, и= вjь'мъ, jа='кw 
о_у=моли'тъ _о=трокови'ца за держа'ву свою`.

%<О_у=%>язви'хомся w\т sмi'я, лю'ди твоя^, и=, jа='кw 
и=з\ъ а='дова чре'ва, вопiе'мъ ти`, бл~года'тная дв~о: не 
на'мъ, но ра'ди w\т тебе` и=збра'нныхъ и= а='гг~льское 
житiе` возлюби'вшихъ, сп~си`, бц\де, и= вся^ правосла^вныя.

%<Ю='%>зники _о=кwва'нныя, что`, _w цр~и'це, без\ъ тебе` 
возмо'жемъ и= ка'кw w\т грjь^хъ свои'хъ о_у=пасе'мся; но 
ты`, jа='кw бл~га'я, о_у=тверди` въ на'съ ст~ы'ню свою` и= 
не w\тве'ржи моля'щихся ти`.

%<З%>атми'ся со'лнце мое` и= ду'хъ мо'й и=зы'де въ 
непотре'бiе земли`, но тjь'мже и= вознепщева'хъ w= свjь'тjь 
со'лнца пра'вды и= смири'хъ горды'ню мою`, тебjь` взыва'ю, 
дв~о ч\стая, да сп~се'ши раба` твоего`.

%<_Е=%>диному'дренни да пребу'демъ, лю'дiе, и= да 
возра'дуемся w= ра'нахъ, и=`же w\т сотво'ршагw су'ть, 
jа='кw, наказу'я, наказа' ны гд\сь, не сме'рти о_у=`бо 
предаде` и= научи` разумjь'ти во'лю свою`.

%<М%>е'ртвiи возста'нутъ, и= и=зве'ржетъ земля` кw'сти 
своя^, зане` всjь'хъ совоскреси'тъ на'съ и=стоща'нiе 
претерпjь'вый, и= се'й _е='сть цр~ь мi'рови, и= ма'терь 
_е=гw` вл\дчица на'ша. (с. 363)

%<Конда'къ, гла'съ и~:%>

%<В%>збра'нной воево'дjь побjьди'т_ельныя пjь^сни 
прино'симъ, jа='кw дарова'ся на'мъ держа'ва твоя`, и= 
ничесw'же о_у=страши'мся, не w\т мi'ра бо спасе'нiе на'ше, 
но превознесе'нныя вл\дчцы милосе'рдiемъ w=гражда'емся и= 
тому` дне'сь ра'дуемся, jа='кw прiи'де засту'пница на 
стра'жу земли` своея`.

%<I='косъ:%>

%<З%>ря'ще i=кw'ну твою`, во _о='блацjьхъ <-> бг~а и= 
_о=ц~а` и= на ру'цjьхъ твои'хъ <-> хр\ста` бг~а, сн~а 
твоего` и= сп~са мi'рови, покланя'емся ко хра'му твоему` и=, 
лобыза'я ч\стны^я но'зи твоя^, взыва'емъ ти` си'це: 
вои'стинну дарова'ся на'мъ сп~се'нiе ве'лiе и= наде'жда 
на'ша вы'ну пред\ъ на'ми, jа='кw прiи'де вл\дчца на стра'жу 
земли` своея`.

%<Пjь'снь з~. I=рмо'съ:%>

%<Н%>е послужи'ша тва'ри бг~ому'дрiи па'че созда'вшагw, 
но _о='гненное преще'нiе му'жески попра'вше, ра'довахуся 
пою'ще: препjь'тый _о=тц_е'въ гд\сь и= бг~ъ бл~гослове'нъ 
_е=си`.

%<Л%>иковству'йте, вjь'рнихъ собо'ри, и= по'йте цр~е'ви, 
и='же на го'рнихъ сjьдя'щу, jа='кw бл~гослове'нъ и= ди'венъ 
_е='сть бг~ъ на'шъ, ве'лiй ревни'тель, и= стра'шенъ го'рнiй 
сiw'нъ и= просла'вленъ во вjь'ки.

%<Ю=%>до'лiю пла'ча земля` показа'ся твоя`, _о='гнь 
паля'щь прiи'де и= w=б\ъя'тъ ю=`, но не рыда'йте, бра'тiе, 
и='бо, jа='кw купина` неwпали'ма, хра'мъ w\т сiw'на и= 
просла'вленъ во вjь'ки.

%<И='%>мамы тя`, росода'тельну, и= николи'же 
о_у=страши'мся вjь'трwвъ, w\т пусты'нь воздвиза'емыхъ, тя' 
бо, преч\стую, мо'лимъ и= та'кw зове'мъ ти`: w=живи` 
вертогра'дъ тво'й, и= бу'детъ просла'вленъ во вjь'ки.

%<С%>ло'во ле'стче положи'ша на мнjь` врази` моя`, и= 
сокруша'етъ мя` ро'гъ непокори'выхъ. дру'зи мои`, и= тi'и 
w=ста'виша мя`. но не w=ста'ви (с. 364) мене` и= ты`, 
вл\дчце, и= сп~си' мя, jа='кw мт~и бг~а моегw` ты` _е=си`, 
и= хра'мъ тво'й просла'вленъ во вjь'ки.

%<W=%>бручи' мя, _w приснодв~о, ст~ы'нjь свое'й, и= не 
о_у=бою'ся w\т т_е'мъ вра^гъ мои'хъ, лю'тjь напа'дшихъ на 
мя`, и= та'кw возопiю' ти: i=ер\сли'ме, i=ер\сли'ме, ст~ы'й 
_е=си` гра'дъ и= просла'вленъ во вjь'ки.

%<Х%>ерувi'ми и= серафi'ми, и= вся^ нб~сныя во'и пою'тъ 
тя`, пребл~гослове'нную, и= вопiю'ще, гл~го'лютъ: нjь'сть 
хра'мъ и=ны'й, ра'звjь тебе`, и= се'й препросла'вленъ во 
вjь'ки.

%<Пjь'снь и~. I=рмо'съ:%>

%<_О='%>троки бл~гоч_ести'выя въ пещи` рождество` 
бг~оро'дичо сп~сло` _е='сть: тогда` о_у='бw _о=бразу'емое, 
ны'нjь же дjь'йствуемое, вселе'нную вси` воздвиза'етъ пjь'ти 
тебjь`: гд\са по'йте дjьла`, и= превозноси'те _е=го` во вся^ 
вjь'ки.

%<Р%>ыда'нiе мое` прiими`, вл\дчце моя`, и= о_у=гаси` 
_о='гнь, _е='же w\т супwста'тъ разжже'нъ _е='сть, да позна'ю 
бг~а моего` и= со тща'нiемъ воскли'кну _е=му`: по'йте и= 
превозноси'те _е=го` во вся^ вjь'ки.

%<А='%>лчущь _е='смь и= взыва'ю ти`, вл\дчне, и= молю' 
тя, да не и=стлjь'нiе бу'детъ ми` въ че'сть, но мл\сть 
твоя`, та'кw w= не'й возглаго'лю: бл~гослови'те, вся^ дjьла` 
гд\сня, гд\са, по'йте и= превозноси'те во вjь'ки.

%<Н%>епрестаю'щу горды'ню w\тжени` w\т мене`, 
бл~года'тная, и= о_у=гаси` _о='гнь jа='звы моея`, и= не 
jа='кw ды'мъ, но jа='кw бл~гоуха'нiе гд\севи, воспою` 
бра'тi_емъ мои^мъ: _о='троцы, бл~гослови'те, сщ~е'нницы, 
по'йте, лю'дiе, превозноси'те гд\са во вjь'ки.

%<И=%>з\ъ пещи` разжже'нiя моегw`, jа='кw и=з\ъ а='дова 
пла'мени, вопiю' ти: _w вл\дчце дв~о, w=кропи' мя росо'ю 
сле'зъ твои'хъ, о_у= кр\ста` сн~а твоегw` и=злiя'нныхъ, и= 
воскли'кну, взыва'я: бл~гослови'те ма'терь бг~а вы'шнягw, 
гд\са по'йте и= превозноси'те во вjь'ки.

%<Л%>юбомра'чное _о='ко мое` просвjьти` свjь'томъ 
смиренному'дрiя твоегw`, (с. 365) и= позна'ю во'лю 
сотвори'вшагw мя`, и= не w\т мудрова'нiя моегw`, но 
се'рдцемъ мои'мъ воскли'кну w= не'мъ: _е=го` по'йте и= 
превозноси'те во вjь'ки.

%<Ю='%>дуже грjь'хъ, та'мw и= скре'жетъ зубw'мъ, но не 
премолчи`, дв~о ч\стая, и= да'ждь ми` глаго'лъ разумjь'нiя, 
да потерплю` бре'мя мое` и= воскли'кну w= бз~jь сп~сjь 
мое'мъ: бл~гослови'те, вся^ дjьла` гд\сня, гд\са, по'йте и= 
превозноси'те во вjь'ки.

%<Пjь'снь f~. I=рмо'съ:%>

%<В%>ся'къ земноро'дный да взыгра'ется дх~омъ 
просвjьща'емь, да торжеству'етъ же безпло'тныхъ о_у=мw'въ 
_е=стество`, почита'ющее сщ~е'нное торжество` бг~ома'тере, 
и= да вопiе'тъ, ра'дуйся всебл~же'нная бц\де, ч\стая 
приснодв~о.

%<Д%>ыха'нiе бу'рное не сокруши'тъ и= _е=ди'наго w\т 
забра'лъ стjьны` твоея`. хра'мъ тво'й о_у=твержде'нъ _е='сть 
и= не подви'жится вы'ну, и= тому` ра'дующеся, пое'мъ ти`: 
сла'ва держа'вjь твое'й.

%<Т%>а^йная вся^ w=бнаж_е'нни показу'ются дне'сь. ст~ъ 
_е='сть су'дъ тво'й, _w гд\си, и= ст~о и='мя твое`. но 
ви'ждь, бж~е, jа='кw среди` бра'тiй мои'хъ ма'терь твоя`, и= 
преложи` гнjь'въ тво'й.

%<В%>се_оружiе'мъ вjь'ры w=поя'ши мене`, бл~года'тная, 
и= смиренному'дрiемъ о_у=крjьпи` десни'цу мою`, да, jа='кw 
стра'жъ, пребу'ду, воспjьва'я и='мя твое`, и= а='ще 
помо'жеши ми`, не подви'жуся да'же до сме'рти.

%<_О=%>гнезра'чный же'злъ тво'й, jа='кw пла'мень чи'стъ, 
и= си'мъ вjь'дjьши, путеводи'тельнице, лю'ди твоя^, да 
соблюду'тся w\т бjь'дъ хр\стiа'ны.

%<Jа='%>рость а='дова и= та` не возмо'жетъ на ны`, зане` 
ст~ъ _е='сть хра'мъ тво'й и= w= сjь'мени твое'мъ кля'тся 
давi'дъ, непрестаю'ща хвала` твоя^ и= держа'ва твоя^ до 
сконча'нiя вjь'ка. (с. 366)

%<Свjьти'ленъ:%>

%<О_у=%>блажа'тъ тя`, бг~ороди'тельнице, вси` ро'ди, 
jа='кw смире'нiе твое` па'че всjь'хъ пред\ъукраси'ся, и= 
о_у=вjьнча'ся и='мя твое`, и= просла'ви тя` бг~ъ, jа='кw 
ма'терь свою`.

%<На хвали'техъ, стiхи^ры, гла'съ _е~:%>

%<С%>jьдя'щаго на херувi'мjьхъ носи'ла _е=си`, 
ма'терними w=б\ъя'тiи, и= то'й сотвори` держа'ву твою`, и= 
сему` ра'дующеся, пое'мъ ти`: w=са'нна, мт~и хр\ста`.

%<П%>риснодjь'вство твое`, jа='кw сто'лпъ недви'жимъ, и= 
глава` _е=гw` превы'ше нб~съ, и= сотвори' ти велича'нiе 
си'льный, дне'сь мi'рови вл\дчца ты` _е=си`, и= пое'мъ ти`: 
w=са'нна, мт~и хр\ста`.

%<Сла'ва, и= ны'нjь, гла'съ то'йже:%>

%<В%>ои'стинну бц\да ты` _е=си`, неизрече'нна _е='сть 
сла'ва твоя`, и= тогw` ра'ди велича'емъ тя`, со херувi'мы и= 
серафi'мы зову'ще: w=са'нна, мт~и хр\ста`.

%<Славосло'вiе вели'кое. И= w\тпу'стъ.%>

%<На лiтургi'и: Бл~ж_е'нны w\т канw'на, пjь'сни г~-я и= 
s~-я, на _о='смь. Прокi'менъ, гла'съ г~, пjь'снь бц\ды: 
В%>ели'читъ душа` моя` гд\са, и= возра'довася ду'хъ мо'й w= 
бз~jь сп~сjь мое'мъ. %<Стi'хъ: Jа='%>кw призрjь` на 
смире'нiе рабы` своея`, се' бо w\тны'нjь о_у=блажа'тъ мя` 
вси` ро'ди. %<А=п\слъ къ фiлiпписi'wмъ, зача'ло с~м. 
А=ллилу'iа, гла'съ и~: С%>лы'ши дщи`, и= ви'ждь, и= 
приклони` о_у='хо твое`. %<Стi'хъ: Л%>ицу` твоему` 
помо'лятся бога'тiи лю'дстiи. %<_Е=v\глiе w\т луки`, зача'ло 
н~д. Прича'стенъ: Ч%>а'шу сп~се'нiя прiиму` и= и='мя гд\сне 
призову`.

%<Мл~тва.%> (с. 367)

%<_W%> держа'вная вл\дчце прест~а'я бц\де, на 
w=б\ъя'тiихъ свои'хъ держа'щая содержа'щаго дла'нiю всю` 
вселе'нную, цр~я` нб~снаго. благодари'мъ тя` за 
неизрече'нное мл\срдiе твое`, jа='кw бл~говоли'ла _е=си` 
jа=ви'ти на'мъ грjь^шнымъ сiю` ст~у'ю чудотво'рную i=кw'ну 
твою` во дни` сiи^. бл~годари'мъ тя`, jа='кw призрjь'ла 
_е=си` съ высоты` ст~ы'я своея` на ча^дъ правосла'вныхъ, и= 
jа='кw со'лнце свjь'тлое, о_у=веселя'еши ны'нjь и=знемо'гшыя 
w\т печа'ли _о=чеса` на^ша пресла'достнымъ зрjь'нiемъ 
держа'внагw _о='браза твоегw`! _w пребл~гослове'нная мт~и 
бж~iя, держа'вная помо'щнице, крjь'пкая засту'пнице, 
бл~годаря'ще тя` со стра'хомъ и= тре'петомъ, jа='кw раби` 
непотре'бнiи, мы` припа'даемъ, со о_у=миле'нiемъ, съ 
сокруше'нiемъ серде'чнымъ, со слеза'ми мо'лимъ тя`: вкорени` 
въ сердца'хъ всjь'хъ на'съ пра'вду, ми'ръ и= ра'дость w= 
дс~jь ст~jь, водвори` въ странjь` на'шей тишину`, 
бл~годе'нствiе, безмяте'жiе, любо'вь дру'гъ къ дру'гу 
нелицемjь'рную! держа'вою твое'ю всеси'льною поддержи` 
на'съ, сла'быхъ, малоду'шныхъ, немощны'хъ, о_у=ны'лыхъ, 
подкрjьпи`, возста'ви. jа='кw да под\ъ держа'вою твое'ю 
всегда` храни'ми, пое'мъ и= велича'емъ и= сла'вимъ тя`, 
держа'вную засту'пницу ро'да хр\стiа'нскагw во вjь'ки 
вjькw'въ. а=ми'нь.

%<И='на мл~тва.%>

%<_W%> мi'ра засту'пнице, мт~и всепjь'тая, со стра'хомъ, 
вjь'рою и= любо'вiю припа'дающе предъ ч\стно'ю i=кw'ною 
твое'ю держа'вною, о_у=се'рднw мо'лимъ тя`: не w\тврати` 
лица` твоегw` w\т прибjьга'ющихъ къ тебjь`, о_у=моли`, 
мл\срдная мт~и свjь'та, сн~а твоего` и= бг~а на'шего, 
сладча'йшаго гд\са i=и~са хр\ста`, да сохрани'тъ въ ми'рjь 
страну` на'шу, да о_у=тверди'тъ держа'ву на'шу въ 
бл~годе'нствiи, да и=зба'витъ на'съ w\т междоусо'бныя бра'ни 
и= о_у=крjьпи'тъ ст~у'ю цр~ковь на'шу правосла'вную, да 
непозы'блему соблюде'тъ ю=` w\т невjь'рiя, раско'ла и= 
_е=ресе'й. не и='мамы бо и=ны'я по'мощи, не (с. 368) и='мамы 
и=ны'я наде'жды, ра'звjь теб_е`, преч\стая дв~о: ты` _е=си` 
всеси'льная хр\стiа'нъ засту'пница предъ бг~омъ, пра'ведный 
гнjь'въ _е=гw` о_у=мягча'ющая. и=зба'ви всjь'хъ, съ вjь'рою 
тебjь` моля'щихся, w\т паде'нiй грjьхо'вныхъ, w\т навjь'та 
sлы'хъ человjь^къ, w\т гла'да, скорбе'й и= болjь'зней. 
да'руй на'мъ ду'хъ сокруше'нiя, смире'нiе се'рдца, ч\стоту` 
помышле'нiй, и=справле'нiе грjьхо'вныя жи'зни и= 
w=ставле'нiе согрjьше'нiй на'шихъ, да вси`, бл~года'рнjь 
воспjьва'юще вели^чiя твоя^, сподо'бимся небе'снагw 
ца'рствiя, и= та'мw со всjь'ми ст~ы'ми просла'вимъ 
преч\стно'е и= великолjь'пое и='мя въ тр\оцjь сла'вимагw 
бг~а: _о=ц~а`, сн~а и= ст~а'го дх~а. а=ми'нь.