Богослужебные тексты

<::лат>        OCR:

<::рус>        Библиотека святоотеческой литературы

<::лат>        http://orthlib.ru

<::слав>

(с. 217)

%<Мjь'сяца тогw'же въ к~в-й де'нь.%>

%<Свята'гw священному'ченика васi'лiа, пресвv'тера 
а=гкv'рскiя це'ркве.%>

%<Стiхи^ры, гла'съ д~. Подо'бенъ: З%>ва'нный свы'ше:

%<С%>вяще'нства _о=де'ждею о_у=кра'шенъ, * бг~у служи'лъ 
_е=си` jа='коже а='гг~лъ, * ве'щною на'съ ра'ди пло'тiю 
jа='вльшемуся * жря'й, васi'лiе великоимени'те. * W\тню'дуже 
jа='кw _о=вча` соверше'нное закла'лся _е=си`, * и= чи'стая 
же'ртва бы'лъ _е=си`, * и= прине'слся _е=си` ны'нjь * въ 
го'рнiй же'ртвенникъ. * Тjь'мже тя` ра'достными гла'сы * 
при'снw о_у=блажа'емъ, вопiю'ще ти`: * моли` непреста'ннw, * 
спасти'ся душа'мъ на'шымъ.

%<W\т%>я'тjьй бы'вши ко'жи, * судо'мъ непра'веднымъ, * 
болjь^зни претерпjь'лъ _е=си`, * взира'я къ кончи'нjь 
неболjь'зненнjьй, сла'вне, * и= къ по'честемъ страда'вшымъ 
о_у=готw'ваннымъ, * _о=гне'мъ же w=бостря'емь jа='кw 
желjь'зо, небокова'ненъ бы'лъ _е=си`, всеблаже'нне, ме'чь, * 
вся^ посjька'я вра^жiя полки`. * Тjь'мже тя` почита'етъ 
дне'сь * вся'къ благочести'выхъ jа=зы'къ ра'дующися, * 
страда'льче доблему'дренне, * достосла'вне васi'лiе.

%<О_у=%>кра'шенъ ра'нами бж\ственными, * w\т гра'да во 
гра'дъ свя'занъ те'клъ _е=си`, * связу'яй мучи'теля, * и= 
твои'хъ сто'пъ ше'ствiе и=справля'я: * и= а='бiе въ 
кесарi'йскiй гра'дъ вше'дъ, * въ то'мъ коне'цъ блаже'нный 
прiя'лъ _е=си`, * и= ко гра'ду нб~сному * вjьнцено'сецъ 
возше'лъ _е=си`, * и= бг~у цр~ю` * ны'нjь предстои'ши. * 
_Е=го'же моли` * спасти` и= просвjьти'ти ду'шы на'шя. (с. 
218)

%<Сла'ва, и= ны'нjь, бг~оро'диченъ, гла'съ и= подо'бенъ 
то'йже:%>

%<Jа='%>кw во глубины^ мно'гихъ паде'нiй * _о=кая'ннw 
снидо'хъ, * о_у=ны'нiемъ мои'мъ и= лjь'ностiю _о=кая'нный, * 
и= недоумjь'нiемъ и= w\тча'янiемъ ны'нjь w=держи'мь _е='смь. 
* Бу'ди ми` по'мощь и= w=чище'нiе, * и= спасе'нiе, 
преч\стая, * о_у=тjьше'нiе благосе'рднjьйше подаю'щи ми`. * 
Тя` молю`, * и= тебjь` ми'лъ дjь'юся, * и= припа'даю, и= 
вjь'рою зову' ти: * да не бу'ду до конца` * льсти'вому 
ра'дость.

%<Кр\стобг~оро'диченъ. Подо'бенъ то'йже:%>

%<Н%>е рыда'й мен_е`, мт~и, * зря'щи на дре'вjь 
повjь'шена * твоего` сн~а и= бг~а, * на вода'хъ 
повjь'сившаго зе'млю неwдержи'мw, * и= всю` тва'рь 
созда'вшаго: * и='бо воскресну`, и= просла'влюся, * и= 
а='дwва ца^рствiя сокрушу` крjь'постiю, * и= погублю` тогw` 
си'лу, * и= ю='зники и=зба'влю w\т sлодjь'йства _е=гw`, * 
jа='кw благоутро'бенъ, * и= _о=ц~у` моему` приведу`, * 
jа='кw чл~вjьколю'бецъ.



%<Канw'нъ, _е=гw'же краегране'сiе:%>

%<Т%>воя^, великому'чениче, восхвалю` болjь^зни. 
%<I=w'сифъ.%>

%<Гла'съ s~. Пjь'снь а~. I=рмо'съ:%>

%<Jа='%>кw по су'ху, пjьшеше'ствовавъ i=и~ль по бе'зднjь 
стопа'ми, гони'теля фараw'на ви'дя потопля'ема, бг~у 
побjь'дную пjь'снь, пои'мъ, вопiя'ше.

%<Т%>воегw` цр\ствiя сла'ву, всецр~ю`, сла'вный васi'лiй 
возлюби'въ крjь'пкw, на земли` пострада`: и='мже цр\ства 
нб\снагw на'съ сподо'би.

%<Д%>остохва'льное житiе`, и= ч\стое жи'тельство, 
сла'вне, по'двигwвъ стезя`, наслjь'дника показа'ша бг~у, и= 
граждани'на нб~сна тя` содjь'лаша.

%<П%>овину'вся гд\су, благи'мъ житiе'мъ, прему'дре, 
повину'лъ _е=си` врага`, и= нога'ми попра'лъ _е=си` сего`, 
свjь'тлw воева'въ на него`, му'чениче васi'лiе. (с. 219)

%<К%>рове'й тече'ньми, мы'сленнагw фараw'на погрузи'лъ 
_е=си` всево'инство jа='кw вои'стинну: и= къ земли` 
восте'клъ _е=си`, му'дре, и=дjь'же _о='блакъ страда'льц_евъ 
при'снw весели'тся.

%<Бг~оро'диченъ:%>

%<_О=%>ц~у` сы'й _е=диноро'денъ, восхотjь'въ всели'ся во 
твою` преч\стую о_у=тро'бу: и= чл~вjь'къ бы'сть, ч\стая, за 
бла'гость спасти` хотя` человjь'ки.

%<Пjь'снь г~. I=рмо'съ:%>

%<Н%>jь'сть свя'тъ, jа='коже ты`, гд\си бж~е мо'й, 
вознесы'й ро'гъ вjь'рныхъ твои'хъ, бл~же, и= о_у=тверди'вый 
на'съ на ка'мени и=сповjь'данiя твоегw`.

%<В%>озвы'сився jа='коже а='гня на дре'вjь, 
всеблаже'нне, строга^нiя терпя` мы'слiю тве'рдою, и= 
низлага'я врага` вознош_е'нiя си'лою бж\ственнагw дх~а.

%<Jа='%>звъ, му'чениче, добро'тами, краснjь'йшiй 
jа=ви'лся _е=си` душе'ю и= тjь'ломъ, мы'слiю чи'стою 
благода'рств_енныя гла'сы воспуща'я, подвигополо'жнику 
твоему`.

%<В%>ели'ко зва'нiе и=щя`, велему'дреннымъ нра'вомъ, 
вели^кiя по'двиги претерпjь'лъ _е=си`, му'дре, и= вельми` 
при'снw взима'ющагося, му'чениче, смири'лъ _е=си`.

%<Б%>ж\ственный храни'тель бы'въ повелjь'нiй, 
бг~ому'дре, въ темни'цjь затворя'емь, вjь^рнымъ w\тверза'я 
о_у=че'нiя пу'ть, въ широту` ра'зума вводя'щiй.

%<Бг~оро'диченъ:%>

%<Р%>азумjь'въ и=здале'че твое` зача'тiе и=са'iа дх~омъ, 
_о=трокови'це, о_у=ясни` сiе` вопiя`: се` во о_у=тро'бjь 
дв~а бг~а зачне'тъ.

%<Сjьда'ленъ, гла'съ г~. Подо'бенъ: Б%>ж\ственныя 
вjь'ры:

%<К%>расота` бы'лъ _е=си` цр~кве, и= держа'ва 
бл~гоче'стiя, и= потреби'тель нече'стiя, васi'лiе: и= 
претерпjь'въ му^ки jа='кw безпло'тенъ, со безпло'тными 
совокупи'лся _е=си` ра'дуяся, му'чениче сла'вне. хр\ста` 
бг~а моли`, дарова'ти душа'мъ на'шымъ ве'лiю ми'лость. (с. 
220)

%<Сла'ва, и= ны'нjь, бг~оро'диченъ:%>

%<Б%>ж\ственнагw _е=стества` не w\тлу'чся, пло'ть бы'въ 
во чре'вjь твое'мъ, но бг~ъ вочл~вjь'чся и= пребы'сть, и='же 
по рж\ствjь` мт~рь тя` дв~у, jа='кw пре'жде рж\ства` 
сохрани'въ всенепоро'чну, _е=ди'нъ гд\сь: того` прилjь'жнw 
моли`, дарова'ти на'мъ ве'лiю ми'лость.

%<Кр\стобг~оро'диченъ:%>

%<Н%>ескве'рная а='гница, сло'ва, нетлjь'нная дв~а мт~и, 
на кр\стjь` зря'щи повjь'шена, и=зъ нея` безъ болjь'зни 
прозя'бшаго, мт~ерски подо'бнw рыда'ющи, вопiя'ше: о_у=вы` 
мнjь`, ча'до мое`, ка'кw стра'ждеши во'лею, хотя` и=зба'вити 
w\т стр\сте'й безче'стiя человjь'ка;

%<Пjь'снь д~. I=рмо'съ:%>

%<Х%>р\сто'съ моя` си'ла, бг~ъ и= гд\сь, честна'я 
цр~ковь бг~олjь'пнw пое'тъ, взыва'ющи w\т смы'сла чи'ста, w= 
гд\сjь пра'зднующи.

%<В%>и'дjьвъ w=блиста'емо твое` бж\ственное лице` заре'ю 
духо'вною sлочести'вый, му'чениче, дивля'шеся: и= jа='кw 
тмы` служи'тель, нечу'вственнw w=б\ъюродjьва'ше.

%<П%>рему'дростiю лу'чшею о_у=добря'емь, мудрецы` 
_е='ллинскiя бг~онача'льною си'лою w=буи'лъ _е=си`: и= 
пострада'въ терпjьли'внw, побjь'ды вjьне'цъ воспрiя'лъ 
_е=си`.

%<П%>росте'рта и= всю'ду и=зчленя'ема, о_у=крjьпля'ше 
тя` сло'во, и='же на кр\стjь` простре'ся, васi'лiе, и= 
стра'стiю вjь^рнымъ дарова'въ безстра'стiе.

%<Н%>е жру` де'мwнwмъ, ни о_у=страша'юся сме'рти, ни 
му'къ ви'да, свяще'нный взыва'ше васi'лiй, _е=ди'наго бг~а 
и=сповjь'дую въ тр\оцjь познава'емаго.

%<Бг~оро'диченъ:%>

%<П%>ою' тя, вл\дчце, многопjь'тую, благословлю' тя, 
дв~о, _е=я'же ра'ди человjь'цы вси` благослови'хомся, и= 
кля'твы дре'внiя вои'стинну и=зба'вихомся.

%<Пjь'снь _е~. I=рмо'съ:%>

%<Б%>ж~iимъ свjь'томъ твои'мъ, бл~же, о_у='тренюющихъ 
ти` ду'шы (с. 221) любо'вiю w=зари`, молю'ся, тя` вjь'дjьти, 
сло'ве бж~iй, и='стиннаго бг~а, w\т мра'ка грjьхо'внагw 
взыва'юща.

%<Ж%>елjь'за тя'жестiю сля'ченъ бы'въ, jа='коже 
легча'йшее и='го гд\сне носи'ти и=зво'ливъ, на творца` вы'ю, 
свирjь'пствовавшаго врага` го'рдаго, му'чениче, смири'лъ 
_е=си`.

%<С%>ъ весе'лiемъ желjь'зными, му'чениче, w=бложе'нъ 
о_у='зами, мjь'ста w\т мjь'стъ прете'клъ _е=си`, си'ми 
jа='коже мони'сты красу'яся, васi'лiе, и= веселя` 
подвигополо'жника твоего`.

%<К%>ро'вными теч_е'нiи са'мъ себе`, му'чениче, 
w=багри'лъ _е=си` вои'стинну, ца'рскую _о=де'жду, сла'вне: 
побjь'ды же вjьнце'мъ w=бложе'нъ, хр\сту` сца'рствуеши 
ра'дуяся, васi'лiе.

%<О_у=%>тве'рждся благода'тiю кр\ста`, претерпjь'лъ 
_е=си` дале'кiй и= лю'тый пу'ть, бjь'днw гони'мь, поя`: на 
ст_ези` свидjь'тельствъ твои'хъ, красу'яся и= ра'дуяся, 
сло'ве, пойду`.

%<Бг~оро'диченъ:%>

%<П%>ревы'шшую херувi^мъ, высоча'йшу нб~съ, лу'чшую 
тва'ри, му'дрыхъ му'ченикwвъ w=гражде'нiе, _е=ди'ну бц\ду 
пjь'сньми почти'мъ:

%<Пjь'снь s~. I=рмо'съ:%>

%<Ж%>ите'йское мо'ре воздвиза'емое зря` напа'стей 
бу'рею, къ ти'хому приста'нищу твоему` прите'къ, вопiю' ти: 
возведи` w\т тли` живо'тъ мо'й, многоми'лостиве.

%<В%>озвы'сився страстьми` твои'ми, и= низве'рглъ _е=си` 
врага`, великому'чениче сла'вне: и= къ бг~у преста'вился 
_е=си`, побjьди'тельнымъ вjьнча'вся вjьнце'мъ, при концjь` 
страда'нiй, достохва'льне.

%<Н%>а кр\стjь` просте'ршему дла^ни теб_е` ра'ди, 
му'чениче му'дре, подо'бяся, воздви'женъ бы'въ на дре'во, 
терпjьли'внw строга^нiя претерпjь'лъ _е=си`, о_у=язвля'я 
льсти'ваго твои'ми jа='звами.

%<С%>вяза'лъ _е=си` безплw'тныя враги`, вя'жемь за 
хр\ста`, (с. 222) васi'лiе: w\трjьши'вся же, сла'вне, w\т 
пло'ти, до конца` разруши'лъ _е=си` тjь'хъ sлодjь^йства 
бж\ственною благода'тiю.

%<Бг~оро'диченъ:%>

%<П%>ою' тя, всепjь'тая, ю='же пою'тъ вw'инства нб~сныхъ 
чинw'въ, и= молю` тя`: стра^сти души` моея` и=сцjьли`, 
ч\стая, и= _о=гня` вjь'чнагw свободи`.

%<Конда'къ, гла'съ и~. Подо'бенъ: В%>збра'нной:

%<З%>ако'ннw тече'нiе соверши'въ, и= вjь'ру соблю'лъ 
_е=си`, сщ~енному'чениче васi'лiе: сегw` ра'ди муче'нiя 
вjьнц_е'въ сподо'бился _е=си`, и= цр~кве сто'лпъ 
непоколеби'мь jа=ви'лся _е=си`, сн~а _о=ц~у` собезнача'льна, 
и= дх~у, и=сповjь'давъ тр\оцу нераздjь'льную, ю='же моли`, 
и=зба'витися w\т бjь'дъ чту'щымъ тя`, да зове'мъ ти`: 
ра'дуйся, васi'лiе бг~ому'дре.

%<Пjь'снь з~. I=рмо'съ:%>

%<Р%>осода'тельну о_у='бw пе'щь содjь'ла а='гг~лъ 
преподw'бнымъ _о=трокw'мъ, халд_е'и же w=паля'ющее велjь'нiе 
бж~iе мучи'теля о_у=вjьща` вопи'ти: бл~гослове'нъ _е=си`, 
бж~е _о=т_е'цъ на'шихъ.

%<П%>росвjьще'нiемъ бж\ственныя благода'ти сiя'я, тму` 
му'къ проше'лъ _е=си`, дне` прича'стникъ бы'въ, му'дре, 
невече'рнягw, и= вопiя`: благослове'нъ _е=си`, бж~е 
_о=т_е'цъ на'шихъ.

%<В%>одруже'нно на ка'мени бж\ственнагw ра'зума, му'дре, 
се'рдце твое`, не поколеба'ся напа'стей вjь'трами, 
страда'льче, вопiю'щее всjь'хъ и=зба'вителю: благослове'нъ 
_е=си`, бж~е _о=т_е'цъ на'шихъ.

%<Б%>у'йствуя мучи'тель, повелjьва'етъ на реме'нiе 
рjь'зати тя`, сла'вне, и= jа='кw безпло'тна терпя'ща тя` 
зря`, ника'коже разумjь` вопи'ти: благослове'нъ _е=си`, бж~е 
_о=т_е'цъ на'шихъ.

%<Jа='%>кw зла'то въ пещи` му'къ, просiя'лъ _е=си` 
жго'мь, и= и=з\ъwбраже'нiе страсте'й бж\ственныхъ бы'въ, 
вопiя'лъ _е=си`, васi'лiе му'дре: бл~гослове'нъ _е=си`, бж~е 
_о=т_е'цъ на'шихъ. (с. 223)

%<Бг~оро'диченъ:%>

%<Д%>jь'вство по рождествjь` нетлjь'нно, дв~о, 
пребы'вшее познава'ющи, и=зъ теб_е` ро'ждшемуся па'че 
о_у=ма`, вопiя'ла _е=си` сп~су и= бг~у: бл~гослове'нъ 
_е=си`, бж~е _о=т_е'цъ на'шихъ.

%<Пjь'снь и~. I=рмо'съ:%>

%<И=%>зъ пла'мене преподw'бнымъ ро'су и=сточи'лъ _е=си`, 
и= пра'веднагw же'ртву водо'ю попали'лъ _е=си`: вся^ бо 
твори'ши, хр\сте`, то'кмw _е='же хотjь'ти. Тя` превозно'симъ 
во вся^ вjь'ки.

%<В%>есьма` къ бг~у простира'емь, тjьл_е'сныя болjь^зни 
со'нъ вмjьни'лъ _е=си`: w\тню'дуже къ жи'зни бл~же'ннjьй и= 
неболjь'зненнjьй, му'чениче страстоте'рпче, ра'дуяся 
преше'лъ _е=си`.

%<В%>жили'вся любо'вiю вседержи'теля, растерза^нiя 
пло'ти претерпjь'лъ _е=си` крjь'пкw, и= си'льнаго въ sло'бjь 
о_у=давля'еши врага` струя'ми крове'й твои'хъ, васi'лiе 
требл~же'нне.

%<Ц%>р\ское о_у=краше'нiе цр~кве хр\сто'вы, стр\сте'й 
сп~совыхъ и=з\ъwбраже'нiе мч~никъ тве'рдый, вjь'рныхъ 
о_у=тверже'нiе, пjь'сньми да восхва'лится васi'лiй вели'кiй.

%<П%>ремi'рную сла'ву и= свjь'тъ невече'рнiй, нб\сное 
цр\ство, вjьне'цъ неувяда'емый, безпеча'льную жи'знь и= 
ра'дость неизглаго'ланную, му'чениче, по кончи'нjь 
w=брjьсти` сподо'бился _е=си`.

%<Бг~оро'диченъ:%>

%<С%>пасе'нiя человjь'ческiй ро'дъ сподо'бися тобо'ю, 
преч\стая бг~ора'дованная: _е=ди'на бо на'мъ сп~са родила` 
_е=си`, _е=го'же превозно'симъ во вся^ вjь'ки.

%<Пjь'снь f~. I=рмо'съ:%>

%<Б%>г~а человjь'кwмъ не возмо'жно ви'дjьти, на него'же 
не смjь'ютъ чи'ни а='гг~льстiи взира'ти: тобо'ю бо, 
всеч\стая, jа=ви'ся человjь'кwмъ сло'во воплоще'нно: 
_е=го'же велича'юще, съ нб\сными вw'и, тя` о_у=бл~жа'емъ.

%<В%>и'дjьти ст~ы'хъ кра^сныя свjь'тлwсти, разрjьши'вся 
w\т пло'ти, сподо'бился _е=си`, пребога'те: и= со 
а='гг~льскими (с. 224) совокупи'лся _е=си` во'инствы, поя` 
при'снw съ ни'ми: ст~ъ, ст~ъ, ст~ъ, тр\оце вседjь'тельная и= 
всеси'льная.

%<Jа='%>кw свjь'тъ, всеблаже'нне, jа='кw вели'кое сл~нце 
на нб~си`, хр\сто'вы цр~кве ви'димь, страда'льческими 
свjьтолу'чными сiя^нiи, и= чудотворе'нiй бж\ственными 
свjьтлостьми`, всjь'хъ w=заря'еши ду'шы восхваля'ющихъ тя`.

%<С%>а'мся страда'нiй красота'ми всеблагосла'внw, 
бг~ому'дре страстоте'рпче, о_у=краси'лъ _е=си`, и= хр\сту` 
кра'сному предстои'ши, вjьнце'мъ пра'вды ны'нjь w=бложе'нъ: 
тjь'мже тя` чти'мъ вjь'рнiи, ра'дующеся.

%<З%>емля` бж\ственнымъ погребе'нiемъ w=святи'ся, 
свяще'ннагw и= бж\ственнагw твоегw`, васi'лiе, тjьлесе`: 
пра'ведныхъ взыгра'шася ду'си, посреди` себе` дх~ъ тво'й, 
бл~же'нне, и=му'ще: съ ни'миже вся^ ны` помяни` помина'ющыя 
тя`.

%<Бг~оро'диченъ:%>

%<С%>тра'шенъ _о='бразъ рж\ства` твоегw`, бг~ъ бо бjь`, 
дв~о, вопло'щся ражда'емый: _е=го'же моли`, стра'шныя му'ки 
вся^ ны` и=зба'вити, вjь'рою несомнjь'нною чту'щыя тя`, мт~и 
ч\стая и= неискусобра'чная.