Богослужебные тексты

<::лат>        OCR:

<::рус>        Библиотека святоотеческой литературы

<::лат>        http://orthlib.ru

<::слав>

(с. 551)

%<Мjь'сяца тогw'же въ к~г-й де'нь.%>

%<Прп\дбныя ма'тере на'шея _е=vфросv'нiи по'лотскiя.%>

%<На вели'цjьй вече'рни.%>

%<На Г%>д\си воззва'хъ: %<стiхи^ры, гла'съ s~:%>

%<А='%>гг~лwмъ чт\сну'ю и= вселюбе'зную ч\стоту` 
возлюби'вши, прп\дбная ма'ти _е=vфросv'нiе, хр\сту` w\т 
ю='ности своея` себе` о_у=невjь'стила _е=си`. _е=му'же 
ны'нjь со а='гг~лы предстоя'щи, моли` w= чту'щихъ 
бл~гоче'стнw па'мять твою`.

%<А='%>гг~льскому житiю` подража'ющи, посто'мъ и= 
мл~твами хр\сту`, jа='кw безпло'тна, послужи'ла _е=си`. 
ны'нjь со а='гг~льскими чи'нми водворя'ющися въ черто'зjь 
безсме'ртнагw жениха` твоегw`, моли`, _е=го'же возлюби'ла 
_е=си`, w= чту'щихъ ра'достнw всеч\стну'ю па'мять твою`.

%<А=%>гг~лоподо'бное житiе` воспрiе'мши, сла'ву 
вре'менную, и= бога'тство, и= до'мъ _о='тчiй, и= 
w=бру'чника земна'го w=ста'вила _е=си` и= си'хъ ра'ди 
воздая'нiе вjь'чное на нб~си` воспрiя'ла _е=си`, и=дjь'же 
со а='гг~лы ра'дующися, моли` w= чту'щихъ любо'вiю 
па'мять твою`.

%<И='ны стiхи^ры, гла'съ то'йже.%>

%<Подо'бенъ: Т%>ридне'венъ:

%<И=%>з\ъ ко'рене бл~горо'дна бл~горо'дствомъ и= 
мно'гими добро'тами пло'дъ процвjьла` _е=си`, возра'стши 
лоза` по все'й (с. 552) земли` ру'сской и= въ по'лотстjь 
гра'дjь, w=сjьня'ющи и= вiно'мъ весе'лiя напоя'ющи, 
_е=vфросv'нiе, при'снw моля'щихъ ти ся.

%<Jа='%>кw вiногра'дъ ру'сскiя земли`, по'лотску 
гра'ду насади'въ бг~ъ пре'жде, тебе` ны'нjь же принесе` 
и= преложи'въ въ зе'млю _о=бjьтова'нную, прп\дбная 
_е=vфросv'нiе, мона'хwвъ о_у=добре'нiе.

%<О_у=%>мертви'вши тjь'ло, душе'ю w=жила` _е=си`, 
и=з\ъ земли` _о=те'ческiя, по'лотска гра'да, 
воздви'гшися, въ сiw'нъ прiи'де, и= все` свое` бога'тство 
раздала` _е=си` та'мw, и= прiе'млеши нб\сная.

%<Д%>авi'да и= рwма'на въ мч~ницjьхъ и= въ прп\дбныхъ 
бл~же'ннаго fеодо'сiа, _е=vфросv'нiе, вjьнча'нныхъ 
ви'дjьвши, себе` jа='кw же'ртву да'вши бг~ови, w\т 
князе'й ру'сскихъ по'лотскiя земли` потща'лася _е=си` 
бра'тiи _е=диномы'слити, бл~же'нная, и= княги'нинскагw 
ли'ка нача'токъ само_обjьща'нъ прино'сится бг~ови, да съ 
тjь'ми воспрiя'ти w_о=бjь^щанная бл~га^я, _е=гw'же ра'ди 
труди'вшися.

%<Сла'ва, гла'съ то'йже:%>

%<М%>она'шескагw чи'на о_у=добре'нiе и= чернори'зицъ 
похвалу` ра'достнw воспои'мъ дне'сь, цр~я` хр\ста` бг~а 
на'шего восхваля'юще: се'й бо, jа='кw w=ст~и'тель ст~ы'хъ 
и= похвала` прп\дбныхъ, просла'ви нетлjь'нiемъ мо'щи 
прп\дбныя _е=vфросv'нiи, и=`мже бл~говjь'рнiи лю'дiе 
бл~гоговjь'йнw предстоя'ще и= съ любо'вiю лобыза'юще я=`, 
и=сцjьл_е'нiя въ болjь'знjьхъ прiе'млютъ и= въ ско'рбехъ 
о_у=тjьше'нiе и= ра'достнw со о_у=миле'нiемъ глаго'лютъ: 
ра'дуйся, _е=vфросv'нiе, невjь'сто хр\сто'ва всеч\стна'я. 
(с. 553)

%<И= ны'нjь, бг~оро'диченъ: К%>то` тебе` не 
о_у=блажи'тъ:

%<Вхо'дъ. Прокi'менъ дне`. И= чт_е'нiя.%>

%<Прему'дрости соломw'ни чте'нiе (глава` г~):%>

%<П%>рв\дныхъ ду'шы въ руцjь` бж~iей, и= не 
прико'снется и=`хъ му'ка. Непщева'ни бы'ша во _о=чесjь'хъ 
безу'мныхъ о_у=мре'ти, и= вмjьни'ся w=sлобле'нiе и=схо'дъ 
и='хъ, и= _е='же w\т на'съ ше'ствiе сокруше'нiе: _о=ни' 
же су'ть въ ми'рjь. И='бо пред\ъ лице'мъ чл~вjь'ческимъ 
а='ще и= му'ку прiи'мутъ, о_у=пова'нiе и='хъ безсме'ртiя 
и=спо'лнено. И= вма'лjь нака'зани бы'вше, вели'кими 
благодjь'тельствовани бу'дутъ, jа='кw бг~ъ и=скуси` я=` 
и= w=брjь'те и=`хъ достw'йны себjь`. jа='кw зла'то въ 
горни'лjь, и=скуси` и=`хъ и=, jа='кw всепло'дiе 
же'ртвенное прiя'тъ я=`. И= во вре'мя посjьще'нiя и='хъ 
возсiя'ютъ и=, jа='кw и='скры по сте'блiю, потеку'тъ: 
су'дятъ jа=зы'кwмъ и= w=блада'ютъ людьми`, и= воцр~и'тся 
гд\сь въ ни'хъ во вjь'ки. Надjь'ющiися на'нь 
о_у=разумjь'ютъ и='стину, и= вjь'рнiи въ любви` 
пребу'дутъ _е=му`, jа='кw блг\дть и= мл\сть въ прп\дбныхъ 
_е=гw` и= посjьще'нiе во и=збра'нныхъ _е=гw`.

%<Прему'дрости соломw'ни чте'нiе (главы^ _е~ и= s~):%>

%<П%>рв\дницы во вjь'ки живу'тъ, и= въ гд\сjь мзда` 
и='хъ, и= попече'нiе и='хъ о_у= вы'шнягw. Сегw` ра'ди 
прiи'мутъ цр\ствiе благолjь'пiя и= вjьне'цъ добро'ты w\т 
руки` гд\сни, зане` десни'цею покры'етъ я=` и= мы'шцею 
защити'тъ и=`хъ. Прiи'метъ все_ору'жiе рве'нiе свое` и= 
во_оружи'тъ тва'рь въ ме'сть врагw'мъ. W=блече'тся въ 
брwня` пра'вды и= возложи'тъ шле'мъ су'дъ нелицемjь'ренъ. 
Прiи'метъ щи'тъ непобjьди'мый прп\дбiе, поwстри'тъ же 
напра'сный гнjь'въ во _о=ру'жiе, (с. 554) спобо'ретъ же 
съ ни'мъ мi'ръ на безу^мныя. По'йдутъ праволу^чныя 
стрjь^лы мw'лнiины и=, jа='кw w\т благокру'гла лу'ка 
_о=блакw'въ, на намjь'ренiе полетя'тъ. И= w\т 
каменоме'тныя jа='рости и=спо'лнь паду'тъ гра'ды, 
вознегоду'етъ на ни'хъ вода` морска'я, рjь'ки же 
потопя'тъ я=` на'глw. Сопроти'въ ста'нетъ и=`мъ ду'хъ 
си'лы, и= jа='кw ви'хоръ развjь'етъ и=`хъ: и= 
w=пустоши'тъ всю` зе'млю беззако'нiе, и= sлодjь'йство 
преврати'тъ пр\сто'лы си'льныхъ. Слы'шите о_у=`бо, 
ца'рiе, и= разумjь'йте: навы'кните, судiи^ конц_е'въ 
земли`: внуши'те держа'щiи мнw'жества и= гордя'щiися w= 
наро'дjьхъ jа=зы^къ, jа='кw дана` _е='сть w\т гд\са 
держа'ва ва'мъ и= си'ла w\т вы'шнягw.

%<Прему'дрости соломw'ни чте'нiе (глава` д~):%>

%<П%>рв\дникъ, а='ще пости'гнетъ сконча'тися, въ 
поко'и бу'детъ. Ста'рость бо чт\сна` не многолjь'тна, 
ниже` въ числjь` лjь'тъ и=счита'ется. Сjьди'на же _е='сть 
му'дрость чл~вjь'кwмъ и= во'зрастъ ста'рости житiе` 
нескве'рное. Бл~гоуго'денъ бг~ови бы'въ, возлю'бленъ 
бы'сть и= живы'й посредjь` грjь^шникъ, преста'вленъ 
бы'сть. Восхище'нъ бы'сть, да не sло'ба и=змjьни'тъ 
ра'зума _е=гw`, и=ли` ле'сть прельсти'тъ ду'шу _е=гw`. 
Раче'нiе бо sло'бы помрача'етъ дw'брая, и= паре'нiе 
по'хоти премjьня'етъ о_у='мъ неsло'бивъ. Сконча'вся 
вма'лjь и=спо'лни лjь^та дw'лга: о_у=го'дна бо бjь` 
гд\севи душа` _е=гw`, сегw` ра'ди потща'ся w\т среды` 
лука'вствiя. Лю'дiе же, ви'дjьвше и= не разумjь'вше, 
ниже` поло'жше въ помышле'нiи таково'е, jа='кw блг\дть и= 
мл\сть въ прп\дбныхъ _е=гw` и= посjьще'нiе во 
и=збра'нныхъ _е=гw`. (с. 555)

%<На лiтi'и стiхи^ры, гла'съ з~:%>

%<П%>рп\дбная ма'ти _е=vфросv'нiе, житiе` твое` на 
земли` бг~оуго'днw соверши'ла _е=си`, прв\дна и= во 
всjь'хъ w=правда'нiихъ гд\снихъ безпоро'чна. прiиди'те 
о_у=`бо, мона'шествующихъ собо'ри, пjь'сньми и= пjь^нiи 
дх~о'вными свjь'тлw ликовству'емъ дне'сь, си'це зову'ще: 
ра'дуйся а=п\сльскихъ и= _о=те'ческихъ преда'нiй 
ревни'тельнице: ра'дуйся по'лотскагw гра'да похвало`: 
ра'дуйся, _е=vфросv'нiе всеч\стна'я, ты' бо смире'нiемъ 
и= ч\стото'ю цр\ствiе нб\сное въ чи'нjь а='гг~льскомъ 
наслjь'довала _е=си`. И= ны'нjь гд\су предстоя`, моли` 
_е=гw` дарова'ти на'мъ ве'лiю и= бога'тую мл\сть.

%<П%>о до'лгу о_у=бл~жа'емъ тя`, jа='кw на'шу похвалу` 
и= а='гг~ла во пло'ти, житiе' бо твое`, _е=vфросv'нiе, 
ч\стно и= о_у=спе'нiе со ст~ы'ми: просiя'ла бо _е=си` 
дjь'лы бл~ги'ми и= мно'гихъ ко хр\сту` привела` _е=си`: 
и= кр\стъ ч\стнjь'й твое'й _о=би'тели завjьща'ла _е=си`: 
по да'ру блг\дти бж~iя, _о=бита'вшiя въ тебjь`, 
пр\оро'чески прови'дящи по разруше'нiи _е=я` па'ки чрез\ъ 
кр\стъ воз\ъwбновле'нiе, _е='же ны'нjь и= соверши'ся. 
Тjь'мже мы`, съ ра'достiю о_у=бл~жа'юще тя`, припа'даемъ 
ти`, со о_у=миле'нiемъ моля'щеся: моли'ся за ны`, ма'ти 
прп\дбная, ко гд\су, да пода'стъ душа'мъ на'шымъ ве'лiю 
и= бога'тую мл\сть.

%<И='ны стiхи^ры, гла'съ д~. Подо'бенъ: Jа='%>кw 
до'бля:

%<И='%>же _е='vу прельсти'вшаго sмi'евымъ _о='бразомъ, 
свои'ма нога'ма сегw` попра'ла _е=си`: сла'сть бо 
преложи'ша же'нскую душе'ю му'жескою, соверше'ннjь 
му'жества во'зраста и=спо'лнjьна (с. 556) i=и~са хр\ста`, 
и= до'блjь о_у=крjь'пльшися, _е=vфросv'нiе, врага` 
преwби'дjьла _е=си` въ же'нстjьмъ тjьлеси`.

%<Д%>рема'нiя _о=чи'ма свои'ма, _е=vфросv'нiе, не 
дала` _е=си`, ни па'ки о_у=`бо поко'я свои'ма бровмя`, 
приснохва'льная, зако'ну своегw` зижди'теля поуча'ющися 
и= _псало'мски подвиза'ющися, дх~омъ воспрi'емлющи 
сiя'нiе, неw\тсту'пнw тр\оческагw прича'стiя зря'щи и= 
па'че о_у=ма` ч\стоты`.

%<W\т%> пеле'нъ возжелjь'вши прекра'снагw 
о_у=добре'нiя и= жениха` нетлjь'нна душе'внагw i=и~са, 
сему` о_у=язви'лася _е=си` любо'вiю, и= ра'дующися 
притекла` _е=си` въ срjь'тенiе _е=гw`, возжига'ющи 
душе'вный свjьти'льникъ дв~ственнагw _е=ле'а, и= возшла` 
_е=си` съ ни'мъ въ черто'гъ нб\сный, пресла'вная.

%<Сла'ва, гла'съ з~:%>

%<Д%>не'сь свjь'тлw красу'ется дре'внiй гра'дъ 
по'лотскъ бж~е'ственнымъ сокро'вищемъ кр\ста` гд\сня, 
_е=го'же о_у=се'рдiемъ твои'мъ о_у=стро'ила _е=си`, 
прп\дбная _е=vфросv'нiе, и= _о=би'тель твоя` ра'дуется w= 
возвраще'нiи _е='й ч\стна'гw и= животворя'щагw кр\ста`, 
и='же чрез\ъ мнw'гая лjь^та сохране'нъ бы'сть про'мысломъ 
гд\снимъ: _е=му'же покланя'ющеся съ вjь'рою и= любе'знw 
_е=го` лобыза'юще, и=сцjьл_е'нiя душ_е'вная и= 
тjьл_е'сная прiе'млемъ, хр\ста` непреста'ннw велича'юще.

%<И= ны'нjь, бг~оро'диченъ:%>

%<Б%>ц\де дв~о, о_у=пова'нiе хр\стiа'нwмъ, покры'й и= 
соблюди' ны твои'ми къ сн~у твоему` и= бг~у мл~твами w\т 
вся'кiя ну'жды и= печа'ли. (с. 557)

%<На стiхо'внjь стiхи'ры, гла'съ и~:%>

%<П%>рп\дбная ма'ти _е=vфросv'нiе, ты` хр\сту` гд\су 
во смире'нiи и= кро'тости послужи'ла _е=си`, и= мно'гихъ 
ко сп~се'нiю наста'вила _е=си`, и= сегw` ра'ди w\т гд\са 
воздая'нiе воспрiя'ла _е=си`, _е=го'же моли` сп~сти'ся 
душа'мъ на'шымъ.

%<Стi'хъ: Д%>и'венъ бг~ъ во ст~ы'хъ свои'хъ, бг~ъ 
i=и~левъ.

%<П%>рп\дбная ма'ти _е=vфросv'нiе, съ любо'вiю 
о_у=бл~жа'емъ тя`, _е=v\глiя и='стинную и=сповjь'дницу, 
правосла'вiя ревни'тельницу, воздержа'нiя 
о_у=чи'тельницу, а='гг~лwмъ собесjь'дницу, ни'щихъ и= 
сиро'тъ пита'тельницу, ю='же вjьнча` хр\сто'съ вjьнце'мъ 
нб\снымъ, _е=го'же моли` сп~сти'ся душа'мъ на'шымъ.

%<Стi'хъ: Ч%>т\сна` пред\ъ гд\семъ сме'рть прп\дбныхъ 
_е=гw`.

%<П%>рп\дбная ма'ти _е=vфросv'нiе, ра'достнw 
соверша'юще па'мять твою`, прославля'емъ по'двиги твоя^: 
во трудjь'хъ бо w\т ю='ности хр\сту` послужи'ла _е=си`, 
а='гг~льскiя чи^ны о_у=диви'вши: на земли`, jа='кw 
безпло'тна, въ постjь'хъ и= мл~твахъ, и= всено'щныхъ 
стоя'нiихъ, и= въ бг~омы'слiи пребыва'ла _е=си`. Тjь'мже 
и= дх~а ст~а'го въ ду'шу твою` прiя'ла _е=си`.

%<Сла'ва, гла'съ то'йже:%>

%<С%>вjь'тлw о_у=краси'вши свjьти'льникъ тво'й 
_е=ле'емъ ч\стоты` и= мл\сти, въ нб\сный черто'гъ съ 
му'дрыми дв~ами ко хр\сту` возшла` _е=си`, къ жениху` 
твоему` безсме'ртному. _е=му'же приле'жнw моли'ся w= 
соверша'ющихъ любо'вiю па'мять твою`. (с. 558)

%<И= ны'нjь, бг~оро'диченъ: Б%>езневjь'стная дв~о:

%<Тропа'рь, гла'съ д~:%>

%<П%>одража'ющи дванадесятолjь'тна дванадесятолjь'тну 
хр\сту`, о_у=чи'вшему во ст~и'лищи бж~iю сло'ву, 
послjь'довала _е=си`, _е=vфросv'нiе. сла'ву вре'менную и= 
земна'го w=бру'чника w=ста'вльши и= вся^ мiрска^я 
презрjь'вши, краснjь'йшему па'че всjь'хъ хр\сту` себе` 
о_у=невjь'стила _е=си`, кре'стъ взе'мши, путе'мъ 
а='гг~льскагw житiя` ше'ствующи и= мнw'гiя къ нему` 
наставля'ющи, во бл~гоуха'нiи мv'ра въ нб\сный черто'гъ 
востекла` _е=си`, и=дjь'же моли`, _е=го'же возлюби'ла 
_е=си`, w= чту'щихъ бл~гоче'стнw па'мять твою`.

%<И='нъ тропа'рь, гла'съ то'йже:%>

%<Б%>ога'тство свое` ни'щымъ расточи'вши и= сла'ву 
кня'жескую нивочто'же вмjьни'вши, w=бру'чника 
вре'меннаго, кра'сная дjь'во, возгнуша'лася _е=си` и=, 
о_у=невjь'стившися жениху` хр\сту`, тому`, jа='коже 
вjь'но, ч\стоту` душе'вную и= тjьле'сную принесла` 
_е=си`, _е=vфросv'нiе. _е=му'же ны'нjь въ весе'лiи 
предстоя`, помина'й на'съ, чту'щихъ па'мять твою`.

%<На о_у='трени.%> 

%<На Б%>г~ъ гд\сь: %<тропа'рь, два'жды. Сла'ва, и= 
ны'нjь: _Е='%>же w\т вjь'ка о_у=тае'ное:

%<По а~-мъ стiхосло'вiи сjьда'ленъ, гла'съ а~:%>

%<З%>а'пwвjьди гд\сни возлюби'вши, w\т ю='ности 
твоея`, прп\дбная ма'ти, мнw'гимъ была` _е=си` 
наста'вница мона'шескагw житiя`, мнw'гiя ко хр\сту` 
привела` _е=си`: тjь'мже дне'сь пра'зднующе всеч\стну'ю 
па'мять твою`, прославля'емъ бг~а, прославля'ющаго ст~ы^я 
своя^. (с. 559)

%<Сла'ва:%>

%<В%>нуши'вши давi'да бряца'юща, приведу'тся цр~е'ви 
дjь^вы по тебjь`, преч\стна'я _е=vфросv'нiа притече`, 
jа='кw добра` и= бли^жняя во слjь'дъ тебе`, возже'гши 
дв~ственную свjьщу`.

%<И= ны'нjь, бг~оро'диченъ:%>

%<О_у=%>ста'ми и= се'рдцемъ велича'емъ тя`, мт~рь 
бж~iю: ты' же, ро'ждшая бг~а, не w\три'ни на'съ w\т 
твоегw` заступле'нiя.

%<По в~-мъ стiхосло'вiи сjьда'ленъ, гла'съ а~:%>

%<Д%>в~ства ч\стото'ю о_у=краси'вши твою` ду'шу, 
прп\дбная _е=vфросv'нiе, со свjьти'льникомъ горя'щимъ 
возшла` _е=си` во дворы` гд\са твоегw`, _е=го'же моли` 
непреста'ннw, да и= мы` сподо'бимся причте'ни бы'ти къ 
ли'ку и=збра'нныхъ.

%<Сла'ва:%>

%<П%>ою'щу давi'ду, забу'ди лю'ди твоя^ въ дому` 
_о=ц~а` твоегw`, преклони'ла _е=си` о_у='хо твое`, jа='кw 
дщи` цр~е'ва во дс~jь, возлюби' бо всекра'снаго и= 
всемогу'щаго цр~я`, хр\ста` бг~а на'шего.

%<И= ны'нjь, бг~оро'диченъ:%>

%<С%>ко'рая въ бjьда'хъ засту'пнице, гото'вое 
w=бурева'емыхъ приста'нище, сохрани' мя, мт~и бж~iя, w\т 
потопле'нiя жите'йскагw и= не да'ждь ми` сокруши'тися w= 
ка'мень па'губы душе'вныя.

%<По полv"еле'и сjьда'ленъ, гла'съ и~:%>

%<П%>росiя'ла _е=си` а='гг~льскимъ житiе'мъ твои'мъ, 
прп\дбная _е=vфросv'нiе, о_у=краша'ющися красото'ю 
нра'ва, воздержа'нiемъ и= милосе'рдiемъ, поуча'ющи 
дх~w'вныя се'стры твоя^ словесы` (с. 560) 
душеспаси'тельными, и= примjь'ромъ сло'во 
о_у=твержда'ющи, мно'гихъ ко сп~се'нiю привела` _е=си`: 
тjь'мже, приснопа'мятная _е=vфросv'нiе, предстоя'щи 
пр\сто'лу вседержи'теля, моли` дарова'ти грjьхw'въ 
w=ставле'нiе чту'щымъ любо'вiю па'мять твою`.

%<Сла'ва, и= ны'нjь, бг~оро'диченъ:%>

%<П%>р\оро'цы тя` предвозвjьсти'ша, а=п\сли 
проповjь'даша, мч~ницы просла'виша, ст~и'телiе 
о_у=бл~жи'ша, тjь'мже и= мы` съ ни'ми бц\ду тя` 
и=сповjь'дующе, бл~гоче'стнw велича'емъ.

%<Степ_е'нна, а~-й а=нтiфw'нъ д~ гла'са. Прокi'менъ, 
гла'съ д~: Ч%>естна` пред\ъ гд\семъ сме'рть прп\дбныхъ 
_е=гw`. %<Стi'хъ: Ч%>то` возда'мъ гд\севи w= всjь'хъ, 
jа=`же воздаде' ми; %<_Е=v\глiе w\т матfе'а, зача'ло 
р~д.%>

%<По н~-мъ _псалмjь` стiхи'ра, гла'съ з~:%>

%<Б%>л~га'я и= вjь'рная рабо` гд\сня, и='го хр\сто'во 
бл~го'е на себе` воспрiе'мши, и= бре'мя _е=гw` ле'гкое на 
себе` о_у=се'рднw поне'сши, и= ны'нjь въ нб\снjьмъ 
цр\ствiи водворя'ющися, w= на'съ помоли'ся, да 
сподо'бимся ве'лiя и= бога'тыя мл\сти.

%<И='на стiхи'ра, гла'съ s~:%>

%<П%>рiиди'те, любому'дренiи, пjь'снми бг~окра'сными 
воспои'мъ достохва'льную и= смире'нную _е=vфросv'нiю 
всеч\стну'ю, и= и=сто'чники сле'зъ w=мы'емся, рыда'юще и= 
пла'чуще: не'гли гд\сь и= бг~ъ рыда'нiе и= пла'чъ 
воспрiи'метъ, и= а='ще тjь'ло и= ду'шу _е=я` прiя`, 
поне'же _е=гw` смире'нiя сама` и=зво'лила _е=си`, на'мъ 
мо'жетъ да'ти съ ду'хомъ _е=я` совокупи'тися, 
притека'ющымъ, jа='кw достохва'льную и= доброкра'сную 
мл~тву _е=я` воспрiи'метъ, мно'гw бо мо'жетъ (с. 561) 
мл~тва прв\днагw поспjьшеству'ема. молю' же вы`, бра'тiе, 
не лjьни'ви бу'демъ, въ но'щь и= въ де'нь моля'щеся къ 
нб\сному и= земно'му творцу`, jа='кw дх~ъ ст~ы'й по'слетъ 
въ стяжа'нiе, и= мл~твами бл~же'нныя _е=vфросv'нiи на'съ 
и=зба'витъ w\т сjь'ти вра'жiя и= сп~се'тъ ду'шы на'шя.

%<Канw'нъ, гла'съ s~.%>

%<Пjь'снь а~. I=рмо'съ:%>

%<Jа='%>кw по су'ху пjьшеше'ствовавъ i=и~ль по 
бе'зднjь стопа'ми, гони'теля фараw'на ви'дя потопля'ема, 
бг~у побjь'дную пjь'снь пои'мъ, вопiя'ше.

%<W\т%> ю='ности поуча'ющися сщ~_е'ннымъ за'повjьдемъ 
гд\снимъ и= жела'ющи _е=му` _е=ди'ному послужи'ти, 
презрjь'ла _е=си` сла'ву и= бога'тство мi'ра сегw`.

%<Х%>р\ста` возлюби'вши, роди'телей и= сро'дникwвъ 
твои'хъ и= w=бру'чника земна'го w=ста'вила _е=си`, 
прп\дбная, и= мона'шеское житiе` воспрiя'ла _е=си`.

%<С%>ко'рби и=спо'лнися се'рдце _о=тца` и= ма'тере 
твоея`, _е=гда` во и='ноческомъ _о='бразjь о_у=зрjь'ша 
тя`, возлю'бленную дще'рь свою`, ты' же словесы` 
бл~ги'ми, вразумля'ющу тя` ст~о'му дх~у, о_у=тjь'шила 
_е=си` и=`хъ.

%<Jа='%>же въ ма'слjь добродjь'телей свjьщу` 
о_у=ма'сленну на срjь'тенiе, ма'ти, жениха` твоегw` 
возжже`, просвjьти` _о='чи се'рдца моегw`, но'щiю 
жите'йскою w=мрач_е'нная, да досто'йнw тя` похвалю`.

%<О_у='%>мъ ста'рый въ мла'дjь лjь'тъ, ма'ти, 
добы'вши, дерза'емо тjь'ло душjь` покори'ла _е=си`, w\т 
ю='ности впря'гши под\ъ и='го хр\сто'во и= блг\дтное 
бре'мя ле'гкое прiе'мши. (с. 562)

%<Бг~оро'диченъ:%>

%<С%>ко'рбныхъ нав_едjь'нiя w=бурева'ютъ смире'нную 
мою` ду'шу, и= напа'стей _о='блацы мое` покрыва'ютъ 
се'рдце, бг~оневjь'стная, но свjь'тъ ро'ждшая 
бж~е'ственный и= превjь'чный, возсiя'й ми` свjь'тъ 
ра'достный.

%<Пjь'снь г~. I=рмо'съ:%>

%<Н%>jь'сть ст~ъ, jа='коже ты`, гд\си бж~е мо'й, 
вознесы'й ро'гъ вjь'рныхъ твои'хъ, бл~же, и= 
о_у=тверди'вый на'съ на ка'мени и=сповjь'данiя твоегw`.

%<В%>ъ безмо'лвiи со _е=ди'нымъ гд\семъ мл~твою 
жела'ющи соедини'тися, при ст~jь'й це'ркви ст~ы'я софi'и 
въ тjь'снjьй ке'ллiи водвори'лася _е=си`, прп\дбная.

%<W\т%> труда` ру'къ твои'хъ, прп\дбная, послужи'ла 
_е=си` хр\сту`, сп~си'телю на'шему, бг~оуго'днw 
о_у=пражня'ющеся въ преписа'нiи кни'гъ ст~ы'хъ, и= 
цjьно'ю, взе'млемою за ни'хъ, о_у=тjьша'ла _е=си` ни'щую 
бра'тiю хр\сто'ву.

%<В%>ъ кро'тости и= смире'нiи, въ постjь'хъ и= 
мл~твахъ, въ трудjь'хъ, и= нощны'хъ бдjь'нiихъ, и= 
мл~твенныхъ колjьнопреклоне'нiихъ о_у=се'рднw послужи'ла 
_е=си` гд\су твоему`, всеч\стна'я.

%<С%>на` не дала` _е=си` _о=чи'ма, ни вjь'ждома 
дрема'нiя, _е=vфросv'нiе, до'ндеже w=брjьла` _е=си` во 
твое'мъ се'рдцjь мjь'сто досто'йнагw _о=би'тельства.

%<П%>устынелю'бица го'рлица бы'вши, _е=vфросv'нiе, и= 
о_у=единя'ющася пти'ца на зда'нiи, гнездо` дх~о'вное 
птенц_е'мъ твои^мъ создала` _е=си` и= пожила` _е=си` w\т 
ю='ности житiе'мъ а='гг~льскимъ, въ тjьлеси` бу'дучи. (с. 
563)

%<Бг~оро'диченъ:%>

%<О_у=%>диви'ла _е=си` вои'стинну ны'нjь на мнjь`, 
вл\дчце, бл~годjья^нiя твоя^, бг~о_отрокови'це, и= мл\сти 
твоя`, тjь'мже сла'влю тя`, и= воспjьва'ю, и= почита'ю 
мно'гое и= безмjь'рное _е='же w= на'съ смотре'нiе твое`.

%<И='нъ конда'къ, гла'съ и~:%>

%<Ч%>т\сое свое` дв~ство и= ч\стно'е ми'лостынею, 
jа='кw свjьти'льникъ _е=ле'емъ, о_у=краси'вшую и= съ 
му'дрыми дjь'вами въ пресвjь'тлый черто'гъ хр\сто'въ 
вше'дшую, _е=vфросv'нiю сла'вную о_у=бл~жи'мъ и= 
припа'дше къ ч\стны^мъ _е=я` мощ_е'мъ, наслади'мся _е=я` 
бл~гоуха'нiя и= о_у=ми'льнjь къ не'й возопiе'мъ: jа='кw 
и=мjь'я дерзнове'нiе ко хр\сту` бг~у, моли` и=зба'витися 
sлово'нiя страсте'й и= сп~сти'ся душа'мъ на'шымъ.

%<И='нъ конда'къ, гла'съ д~.%>

%<Подо'бенъ: В%>ознесы'йся:

%<П%>ревита'вши w\т земли` по'лотскiя, _о=те'чество 
свое`, jа='кw а=враа'мъ, наслjь'довавши, _е=vфросv'нiе, 
зе'млю высо'ку со_обра'зну, го'рнiй сiw'нъ, тjь'мже 
тjь'ло твое` душе'внымъ бл~гому'жествiемъ, страда'нiемъ 
по'стнымъ jа='кw же'ртву приноси'ла _е=си` милосе'рдiемъ 
свои'мъ, да'вшему себе` за чл~вjь'ки же'ртву 
бл~гопрiя'тну.

%<И='нъ i='косъ:%>

%<П%>рему'дрость соломw'нъ прiи'мъ w\т бг~а, хва'литъ 
бо въ при'тчахъ мужелюби'ву жену`, jа='кw своему` му'жеви 
двое` ри^зы сотворя'ющу, а='зъ же ны'нjь въ пjь'снjьхъ 
хвалю` бг~олю'бицу _е=vфросv'нiю, въ но'щь и= въ де'нь 
подыма'ющу прп\дбнiи дла^ни къ бг~у, да _о=гня` 
и=зба'витъ (с. 564) негаси'магw, зубна'гw же скре'жета и= 
всея` му'ки на'съ ра'ди, вjь'рующихъ, да'вшему себе` 
же'ртву _о=ц~у` бл~гопрiя'тну.

%<Сjьда'ленъ, гла'съ д~:%>

%<А='%>гг~льскагw видjь'нiя сподо'билася _е=си`, 
прп\дбная ма'ти _е=vфросv'нiе, трикра'тнw бо посjьти' тя 
а='гг~лъ, возвjьща'я ти` во'лю гд\сню, да и='деши на 
мjь'сто, нарица'емое сельце`, и= о_у=стро'иши та'мw 
_о=би'тель дjь'въ, бг~у w=сщ~е'нныхъ.

%<Сла'ва, ны'нjь, бг~оро'диченъ:%>

%<_Е=%>ди'на и='стинная хр\стiа'нъ покрови'тельнице, 
вся'кихъ лю'тыхъ w=бстоя'нiй, бjь'дъ и= скорбе'й на'съ 
и=зба'ви и= мл~твами твои'ми сп~си` ду'шы на'шя.

%<Пjь'снь д~. I=рмо'съ:%>

%<Х%>р\сто'съ моя` си'ла, бг~ъ и= гд\сь, ч\стна'я 
цр~ковь бг~олjь'пнw пое'тъ взыва'ющи, w\т смы'сла ч\ста 
w= гд\сjь пра'зднующи.

%<А='%>гг~лъ возвjьсти` бы'вшему во дни^ твоя^ 
ст~и'телю и=лiи` w= тебjь`, прп\дбная, да'ти мjь'сто, во 
_е='же _о=би'тель о_у=стро'ити.

%<Jа='%>коже возлежи'тъ на главjь` цр\стjьй вjьне'цъ, 
та'кw почива'етъ дх~ъ ст~ы'й на тебjь`, прп\дбная, си'це 
возвjьсти` а='гг~лъ ст~и'телю.

%<И=%> jа='кw мv'ро восхо'дитъ къ бг~у, та'кw 
восхо'дитъ мл~тва прп\дбныя, и= jа='кw со'лнце сiя'етъ на 
тве'рди нб\снjьй, та'кw просiя` житiе` _е=vфросv'нiи 
пред\ъ а='гг~лы бж~iими, глаго'ла а='гг~лъ въ видjь'нiи 
ст~и'телю.

%<_О=%>де'жда наги^мъ и= бога'тство ни'щымъ, 
корми'тельница а='лчущымъ была` _е=си` и= си^рымъ ма'ти, 
лю'тыхъ и=збавля'ющи (с. 565) къ тебjь` прибjьга'ющыя, 
тjь'мже твоя^ во вjь'ки па'мять пребыва'етъ, 
_е=vфросv'нiе, по'лотскому гра'ду похвало`.

%<Н%>евjь'ста хр\сто'ва, ма'ти jа=ви'ся, ма'сло 
многоблагоуха'нно совокупи'вши въ дв~ствjь и= _о=бою'ду 
возвели'чивши _е=го`. и= ны'нjь ра'дуешися вjь'чнw, въ 
_о=би'тель нб\сную водворя'ющися и= бж~е'ственную 
свjь'тлость прiима'ющи.

%<Бг~оро'диченъ:%>

%<И=%> гдjь` про'чее и=но'е w=бря'щу заступле'нiе, 
ка'мw прибjь'гну; гдjь' же и= сп~су'ся; ку'ю те'плую 
воз\ъи'мамъ помо'щницу, скорбми` жите'йскими и= бу'рями, 
о_у=вы` мнjь` коле'блему; на тя` _е=ди'ну о_у=пова'ю, и= 
дерза'ю, и= хвалю'ся, и= притека'ю къ покро'ву твоему`: 
сп~си' мя.

%<Пjь'снь _е~. I=рмо'съ:%>

%<Б%>ж~iимъ свjь'томъ твои'мъ, бл~же, о_у='тренюющихъ 
ти` ду'шы любо'вiю w=зари`, молю'ся, тя` вjь'дjьти, 
сло'ве бж~iй, и='стиннаго бг~а, мра'ка грjьхо'внагw 
взыва'юща.

%<Р%>а'дости и= о_у=дивле'нiя w= видjь'нiи 
а='гг~льскомъ и=спо'лнися а=рхiере'й гд\сень и= призва'ше 
тя`, прп\дбная, возвjьсти'ти ти` чу'дное jа=вле'нiе.

%<В%>о'лю гд\са твоегw` со о_у=се'рдiемъ и=спо'лнила 
_е=си`, прп\дбная, и= пришла` _е=си` на мjь'сто, 
пока'занное ти` а='гг~ломъ, и= та'мw водвори'лася _е=си`.

%<Н%>а _е=ди'наго гд\са возложи'вши тве'рдое 
о_у=пова'нiе, ничто'же стяжа'ла _е=си` w\т и=мjь'нiй, но 
въ нищетjь` _е=v\гльстjьй пребыва'ла _е=си`.

%<Н%>а разу'мнjьмъ ка'мени хра'мину неподви'жиму 
создала` _е=си`, сла'вная, и= треволн_е'нiя страсте'й 
w\тбjь'гла _е=си`, (с. 566) бл~гоутjь'шнымъ дх~омъ 
паракли'товымъ под\ъе'млема въ вы'шнюю и= бж~е'ственную 
_о=би'тель.

%<Н%>ебре'гши _о='тчiя сла'вы и= горде'нiя, но 
_о=дино'кое житiе` и= неимjь'нiе, _е=vфросv'нiе, 
возлюби'ла _е=си`, и= кре'стъ хр\сто'въ на ра'мо взе'мши, 
послjь'довала _е=си` _е=му`, зову'щему тя`.

%<Бг~оро'диченъ:%>

%<К%>i'й тебjь` да'ръ принесу` бл~годаре'нiя за, 
и=`хже наслади'хся, твои'хъ дарова'нiй и= твоея` 
безмjь'рныя бл~госты'ни; тjь'мже сла'влю, пjьсносло'влю 
и= велича'ю твою` неизрече'нную ко мнjь` мл\сть.

%<Пjь'снь s~. I=рмо'съ:%>

%<Ж%>ите'йское мо'ре, воздвиза'емое зря` напа'стей 
бу'рею, къ ти'хому приста'нищу твоему` прите'къ, вопiю' 
ти: возведи` w\т тли` живо'тъ мо'й, многоми'лостиве.

%<В%>и'дjьвше а=гг~лоподо'бное твое` житiе`, мнw'гiя 
дjь^вы восхотjь'ша w=бручи'тися хр\сту` и= въ ч\стомъ 
дв~ствjь _е=му` _е=ди'ному послужи'ти.

%<С%>естра` твоя^, княжна` звенисла'ва, подража'ющи 
тебjь`, w\тве'ржеся сла'вы и= наслажде'нiй мi'ра сегw` и= 
къ тебjь` притече`, и='го хр\сто'во бл~го'е на себе` 
воспрiя'ти.

%<В%>и'дя о_у=множа'ющыяся с_естры` твоя^ дх~w'вныя, 
_е=vфросv'нiе всеч\стна'я, возжела'ла _е=си` со_ору'дити 
хра'мъ гд\су вседержи'телю, ч\стна'гw и= сла'внагw _е=гw` 
преwбраже'нiя.

%<В%>ъ ча'ши свое'й вiно` все'ю душе'ю черпа'вши и= 
сто'лпъ дово'ленъ поста'вивши, восхотjь'ла _е=си`: 
хлjь'бъ мо'й jа='ждьте и= вiно` вси` пi'йте, жа'ждающiи. 
(с. 567)

%<О_у='%>треневавши къ бг~у, голуби'це, была` _е=си` 
посре'брена свjь'тлw крило'ма, сла'вная, зла'томъ же 
блеща'щи междура^мiя разли^чнымъ дjья'нi_емъ.

%<Бг~оро'диченъ:%>

%<О_у=%>тjьше'нiе въ ско'рбехъ вjь'мъ, и= неду'гwвъ 
и=сцjьле'нiе тя` зна'ю, бг~ома'ти, и= всесоверше'нное 
сокруше'нiе сме'рти, и= рjьку` живота` неисчерпа'емую, и= 
всjь'хъ, су'щихъ въ напа'стехъ, ско'рое и= бы'строе 
заступле'нiе.

%<Конда'къ, гла'съ и~:%>

%<И=%>збра'ннjьй бг~омъ w\т самагw` рожде'нiя и= 
призва'ннjьй на служе'нiе _е=му`, въ чи'нjь 
а='гг~льстjьмъ гд\севи послужи'вшей ст~w, и= прп\дбнw 
пожи'вшей, и= ны'нjь съ нб\сными си'лами гд\са 
восхваля'ющей, w= на'съ же грjь'шныхъ пред\ъ гд\семъ 
хода'тайствующей, съ ра'достiю и= любо'вiю воззове'мъ: 
ра'дуйся, _е=vфросv'нiе, невjь'сто хр\сто'ва всеч\стна'я.

%<I='косъ:%>

%<А='%>гг~льски на земли` житiе` соверши'ла _е=си`, 
ч\стото'ю и= смире'нiемъ, кро'тостiю и= терпjь'нiемъ, 
милосе'рдiемъ и= воздержа'нiемъ гд\севи о_у=годи'ла 
_е=си`, и= ны'нjь во свjь'тлостехъ ст~ы'хъ почива'ющи 
послjьди` трудw'въ свои'хъ, прiими` w= на'съ пjь'нiе 
сiе`: ра'дуйся, дjь'вственнице душе'ю и= тjь'ломъ: 
ра'дуйся, наста'внице преди'вная и='нокинемъ: ра'дуйся, 
_е=ще` на земли` сподо'бльшаяся а='гг~льскагw видjь'нiя: 
ра'дуйся, w\т гд\са чрез\ъ а='гг~ла о_у=стро'ити 
_о=би'тель повелjь'нiе прiе'мшая: ра'дуйся, со 
о_у=се'рдiемъ во'лю гд\сню и=спо'лньшая: ра'дуйся, вся` 
з_емна'я наслажд_е'нiя мi'ра сегw` хр\ста` ра'ди 
w\тве'ргшая: ра'дуйся, нб\сному жениху`, i=и~су 
сладча'йшему, себе` (с. 568) w=бручи'вшая: ра'дуйся, въ 
ч\стотjь`, постjь'хъ и= мл~твахъ тому` послужи'вшая: 
ра'дуйся, безцjь'нное сокро'вище преч\стны'й кр\стъ 
_о=би'тели свое'й въ w=сщ~е'нiе и= о_у=твержде'нiе 
стяжа'вшая: ра'дуйся, въ невече'рнемъ дни` цр\ствiя бж~iя 
ны'нjь пребыва'ющая: ра'дуйся, _е=vфросv'нiе, невjь'сто 
хр\сто'ва всеч\стна'я.

%<Пjь'снь з~. I=рмо'съ:%>

%<Р%>осода'тельну о_у='бw пе'щь содjь'ла а='гг~лъ 
прп\дбнымъ _о=трокw'мъ, халд_е'и же w=паля'ющее велjь'нiе 
бж~iе, мучи'теля о_у=вjьща` вопи'ти: бл~гослове'нъ 
_е=си`, бж~е _о=т_е'цъ на'шихъ.

%<Н%>е w= свое'мъ то'чiю сп~се'нiи прилежа'ше ти` по 
пече'нiе, прп\дбная ма'ти, но w= всjь'хъ, и=`хже ти` 
ввjь'рилъ гд\сь, и=`хже поуча'ла _е=си` въ зако'нjь 
гд\сни, твори'ти во'лю _е=гw`.

%<_О='%>бразъ была` _е=си` слове'сному твоему` ста'ду, 
всеч\стна'я _е=vфросv'нiе, дjь'лы бл~ги'ми, смире'нiемъ 
возвыша'яся, и= кро'тостiю привлека'я, и= терпjь'нiемъ 
о_у=твержда'я пребыва'ти непрекло'нными въ любви` ко 
гд\су.

%<_Е=%>гда` соверша'шеся созида'нiе хра'ма гд\сня, 
а='гг~лъ возбужда'ше строи'теля, глаго'ля: i=wа'нне, 
и=ди` на дру'ги дерза'ющымъ под\ъя'ти ме'чъ, возбрани'ла 
_е=си`, jа='кw _о=ру'жiемъ _о=боюдо_о'стрымъ, 
пресjька'ющымъ, сло'вомъ бж~iимъ о_у=страша'ющимъ. (с. 
569)

%<И=%>здале'ча собира'ющи бж~е'ственное бога'тство, 
jа='кw дале'че ходя'й кора'бль, борзопи'счими персты` 
до'брjь писа'ла _е=си`, бг~одухнове'нная, пое'млющи 
w='тай и= даю'щи ни'щымъ.

%<Бг~оро'диченъ:%>

%<В%>се'ю душе'ю, и= мы'слiю, и= се'рдцемъ, и= 
о_у=стна'ми тя` сла'влю, наслади'вся твои'хъ вели'кихъ 
дарова'нiй, и= твоея` бл~госты'ни, и= безмjь'рныхъ 
твои'хъ чуде'съ.

%<Пjь'снь и~. I=рмо'съ:%>

%<И=%>з\ъ пла'мене прп\дбнымъ ро'су и=сточи'лъ _е=си` 
и= прв\днагw же'ртву водо'ю попали'лъ _е=си`: вся^ бо 
твори'ши, хр\сте`, то'кмw _е='же хотjь'ти, тя` 
превозно'симъ во вся^ вjь'ки.

%<С%>ъ вjь'рою и= тве'рдымъ о_у=пова'нiемъ помоли'лася 
_е=си`, прп\дбная, ко гд\су, и= о_у=слы'ша гд\сь моле'нiе 
вjь'рныя рабы` своея`, и= чу'днjь соверши'ся созда'нiе 
хра'ма _е=гw`.

%<Р%>а'дости и= весе'лiя и=спо'лнилася _е=си`, 
прп\дбная _е=vфросv'нiе, _е=гда` соверши'ся созда'нiе 
хра'ма, въ не'мже w= _е='же проше'нi_емъ на'шымъ 
о_у=слы^шаннымъ бы'ти w\т гд\са со слеза'ми моли'лася 
_е=си`.

%<М%>о'щна бjь` пред\ъ гд\семъ мл~тва твоя`, зане` 
хра'мъ, воздви'гнутый тобо'ю, чрез\ъ мнw'гая лjь^та 
цjь'лъ и= невреди'мь сохрани'ся.

%<И=%>збавле'нiе w=брjь'тши, гд\си, го'рькагw 
w=сужде'нiя, _е='же вкуше'нiя ра'ди дре'ва разу'мнагw 
твои'мъ распя'тiемъ, _е=vфросv'нiа постя'щеся бы'сть во 
вся^ ср_еды` и= пятки`, тjь'ло о_у=мервщля'ющи, а= ду'шу 
w=живля'ющи потща'нiемъ, бж~еству'ющимъ въ 
безвеще'ственнjьмъ тjь'лjь. (с. 570)

%<П%>лодолjь'тными ве'рбами тjьле'сное дjья'нiе, 
jа='кw на вавv"лw'нстjьй рjьцjь`, повjь'сивши, въ бу'ри 
жите'йстjьй возопи'ла _е=си`: а='ще забу'ду тя`, 
i=ерусали'ме, не предложи'вши въ нача'лjь весе'лiя, 
забве'на бу'ди десни'ца моя` и= я=зы'къ мо'й прильпни` 
горта'ни моему` по пра'вдjь.

%<Бг~оро'диченъ:%>

%<W=%>бстоя^нiя, и= скw'рби, и= ну^жды w=брjьто'ша 
мя`, ч\стая, и= напа^сти жит_е'йскiя, и= и=скуш_е'нiя 
w\твсю'ду мя` w=быдо'ша, но предста'ни ми` и= покры'й мя` 
ст~ы'мъ твои'мъ покро'вомъ.

%<Пjь'снь f~. I=рмо'съ:%>

%<Б%>г~а чл~вjь'кwмъ невозмо'жнw ви'дjьти, на него'же 
не смjь'ютъ чи'ни а='гг~льстiи взира'ти: тобо'ю же 
всеч\стая, jа=ви'ся чл~вjь'кwмъ сло'во воплоще'нно, 
_е=го'же велича'юще, съ нб\сными вw'и тя` о_у=блажа'емъ.

%<В%>озжела'ла _е=си` и=мjь'ти во _о=би'тели твое'й 
i=кw'ну преч\стыя бг~ома'тере, ю='же и= получи'ла _е=си`, 
и= ра'достнw ту'ю прiе'мши, мнw'гая бл~годар_е'нiя гд\су 
и= преч\стjьй мт~ри _е=гw` воздала` _е=си`.

%<К%>р\стъ ч\стны'й о_у=стро'ила _е=си` о_у=се'рдiемъ 
твои'мъ, прп\дбная, и= ка'плю бж~е'ственныя кро'ве 
хр\ста` сп~си'теля и= ча'сть животворя'щагw дре'ва въ 
не'мъ положи'ла _е=си` на w=сщ~е'нiе и= сп~се'нiе 
всjь^мъ, покланя'ющымся _е=му` и= цjьлу'ющымъ _е=го` съ 
любо'вiю и= стра'хомъ. (с. 571)

%<М%>нw'гая лjь^та въ тjь'сной ке'ллiи, при хра'мjь 
гд\снемъ, въ мл~твахъ и= колjьнопреклоне'нiихъ 
препроводи'ла _е=си`, прп\дбная _е=vфросv'нiе, jа='кw 
безпло'тна, на земли` пребыва'ющи.

%<Т%>екла` _е=си`, jа='коже цари'ца не ю='жская, но съ 
тре'петомъ ви'дjьвше рукотво'рную цр~ковь и= гро'бъ, въ 
не'йже тридне'венъ всетворе'цъ, бж~iя му'дрость всели'ся, 
и= та'мw бл~гослови` бг~ъ прiя'ти тя`, до'брая дjь'во.

%<Л%>iва'нъ и= смv'рну, и= зла'то волсви` творцу` 
тебjь` принесо'ша, _е=vфросv'нiа же ду'шу и= тjь'ло, и= 
житiе` непоро'чно, сраспе'ншися тебjь`, хр\сте`, и= 
совоскре'сши тебjь` и= въ безконе'чномъ цр\ствiи съ 
тобо'ю цр\ствующи.

%<Бг~оро'диченъ:%>

%<Р%>а'дость w\т а='гг~ла прiе'мшей и= мы`, по 
прорече'нiю твоему`, прест~а'я дв~о, о_у=бл~жа'юще тя` со 
всjь'ми рw'ды, _е=v\гльски вопiе'мъ: ра'дуйся 
бл~года'тная, гд\сь съ тобо'ю.

%<Свjьти'ленъ, гла'съ и~:%>

%<П%>рп\дбная _е=vфросv'нiе, сла'вна па'мять твоя`, 
вои'стинну бо на тебjь` и=спо'лнися сло'во дх~а ст~а'гw: 
въ па'мять вjь'чную бу'детъ прв\дникъ. тjь'мже и= на'съ, 
соверша'ющихъ па'мять твою` съ любо'вiю. сп~са'й w\т 
вся'кiя бjьды` и= напа'сти.

%<Сла'ва:%>

%<И=`%>же дре'вле проповjь'даша, ра'дуется вjь'чнw 
_е=vфросv'нiа w= гд\сjь, о_у='зы плотскi^я w\треши'вши и= 
тебе`, зижди'теля, лице'мъ къ лицу` ви'дящи, ви'дима 
тобо'ю, и= моля'щи и=зба'витися w\т вся'кiя лю'тости въ 
пjь'снехъ при'снw ю=` похваля'ющымъ. (с. 572)

%<И= ны'нjь, бг~оро'диченъ:%>

%<Р%>а'дуйся, пр\сто'ле _о=гнезра'чный гд\сень: 
ра'дуйся, бж~е'ственная и= маннопрiе'мная ру'чко: 
ра'дуйся, златы'й свjьти'льниче: ра'дуйся, свjьще` 
неугаси'мая: ра'дуйся, дjь'вамъ сла'во и= ма'теремъ 
о_у=краше'нiе и= похвало`, бг~ороди'тельнице.

%<На хвали'техъ стiхи^ры, гла'съ и~:%>

%<З%>емны'я пи'щи наслажде'нiе, бога'тство и= сла'ву 
мi'ра сегw` презрjь'вши, нб\снаго жениха` возлюби'ла 
_е=си`, _е=vфросv'нiе всеч\стна'я: до'брjь по'двигъ тво'й 
на земли` во и='ночестjьмъ чи'нjь соверши'ла _е=си`, съ 
му'дрыми дjь'вами возшла` _е=си` къ жениху` хр\сту`, 
_е=му'же въ ра'дости ны'нjь предстоя`, непреста'ннw 
моли'ся w= душа'хъ на'шихъ.

%<Х%>р\сту` w\т ч\стыя дв~ы вопло'щшемуся 
послjь'довала _е=си`, _е=vфросv'нiе, въ дв~ствjь тому` 
w\т ю='ности твоея` послужи'ла _е=си` и= мнw'гимъ ко 
сп~се'нiю пу'ть показа'ла _е=си`. с_естры` моя^ 
возлю'бл_енныя, глаго'лала _е=си`, тjь'сенъ и= 
приско'рбенъ пу'ть, вводя'й въ живо'тъ, но вjь'чно 
воздая'нiе: тjь'мже подвиза'йтеся нелjь'ностнw, и='мате 
бо помога'ющаго, сама'го подвигополо'жника хр\ста`, 
подаю'щаго живо'тъ нетлjь'нный.

%<Б%>г~омъ и=збра'нная _е=vфросv'нiе, jа='кw sвjьзда` 
пресвjь'тлая, w\т ро'да своегw` возсiя'вшая, страну` сiю` 
просвjьща'ющая, w= всjь'хъ, къ тебjь` о_у=се'рднw 
притека'ющихъ, и= мл~твъ твои'хъ ко гд\су прося'щихъ, и= 
любо'вiю цjьлу'ющихъ ч\стны'й тво'й _о='бразъ, бу'ди 
мл~твенница и= и=зба'ви на'съ w\т вся'кiя ско'рби, w\т 
вся'кiя болjь'зни, душе'вныя же и= тjьле'сныя, вjь'рою и= 
любо'вiю соверша'ющихъ па'мять ч\стна'гw преставле'нiя 
твоегw`. (с. 573)

%<Т%>оржество` дне'сь прп\дбныя _е=vфросv'нiи 
пра'зднующе, прiиди'те, вjь'рнiи, воспое'мъ по'двиги и= 
труды` _е=я`, восхва'лимъ серафi'мскою любо'вiю i=и~са 
сладча'йшаго возлюби'вшую и= _е=му` о_у=се'рднw 
послужи'вшую, и= съ вjь'рою и= любо'вiю воззове'мъ къ 
не'й: ра'дуйся, _е=vфросv'нiе всеч\стна'я, красото` и= 
похвале'нiе мона'шескагw чи'на, невjь'сто хр\сто'ва 
и=збра'нная, со а='гг~лы и= всjь'ми ст~ы'ми въ 
невече'рнемъ дни` цр\ствiя бж~iя водвори'вшаяся: моли'ся 
же сп~сти'ся гра'ду твоему`, земли` на'шей и= всjь^мъ 
правосла^внымъ лю'демъ.

%<Сла'ва, гла'съ то'йже:%>

%<В%>о ст~ы'й гра'дъ i=ерусали'мъ поклони'тися гро'бу 
гд\сню возжела'вши и= дости'гши земна'гw i=ерусали'ма, въ 
ра'дости ст~ы^мъ мjьстw'мъ гро'бу бл~гоговjь'йное 
поклоне'нiе воздала` _е=си`, _е=vфросv'нiе, прося` о_у= 
гд\са блг\дти, да прiи'метъ ду'хъ тво'й на мjь'стjь 
ст~jь'мъ: и= о_у=слы'ша гд\сь мл~тву твою`, и= посла` 
а='гг~ла, и='же возвjьсти' ти w= преше'ствiи твое'мъ w\т 
земна'гw i=ерусали'ма въ го'рнiй i=ерусали'мъ нб\сный, 
и=дjь'же ра'достнw лику'ющи со дв~ственными ли'ками, 
помина'й на'съ, съ любо'вiю пра'зднующихъ ст~у'ю па'мять 
твою`.

%<И= ны'нjь, бг~оро'диченъ:%>

%<В%>л\дчце, прiими` мл~твы ра^бъ твои'хъ и= и=зба'ви 
на'съ w\т вся'кiя ну'жды и= печа'ли.

%<Славосло'вiе вели'кое и= w\тпу'стъ.%>

%<На лiтургi'и слу'жба вся` прп\дбнjьй женjь`.%>

%<Мл~тва.%>

%<_W%> прп\дбная и= приснопа'мятная, всехва'льная 
ма'ти _е=vфросv'нiе, а='гг~ле во пло'ти, бг~оизбра'нный 
сосу'де (с. 574) ст~а'гw дх~а, цр~кве хр\сто'вы похвало` 
и= о_у=краше'нiе, мона'шествующихъ сла'во и= 
о_у=твержде'нiе, _о=те'честву, _о=би'тели твое'й и= все'й 
странjь` по'моще, покро'ве и= защи'тнице! Ты` _е=си`, 
jа='кw дре'во, насажде'нное при и=схо'дищихъ во'дъ, 
плоды` добродjь'телей твои'хъ и= бл~года'тными дарова^нiи 
ст~а'гw дх~а о_у=кра'шенная, наста'внице дjь'ломъ и= 
сло'вомъ, и=збра'нная, непоро'чная и= до'брая. О_у=слы'ши 
ны`, моля'щыяся тебjь` и= призыва'ющыя и='мя твое`, 
и='маши бо дерзнове'нiе о_у= гд\са. И=спроси` на'мъ 
преспjь'янiе въ жи'зни добродjь'тельнjьй, w=гради` 
сердца` на^ша вjь'рою, наде'ждою и= любо'вiю и= стра'хомъ 
бж~iимъ. Пода'й на'мъ по'мощь въ трудjь'хъ и= ско'рбехъ 
на'шихъ, и= jа='коже попече'нiе и=мjь'ла _е=си` въ житiи` 
твое'мъ w= _о=би'тели твое'й и= и='ночествующихъ, та'кw 
и= ны'нjь потщи'ся w= на'съ, бл~гопоспjьши'ти на'мъ во 
все'мъ: и= _о=би'тель твою` w=гради` ми'ромъ и= защити` 
w\т вра^гъ ви'димыхъ и= неви'димыхъ, да преуспjьва'етъ и= 
процвjьта'етъ въ добродjь'телехъ. И=зми' ны w\т вся'кiя 
ну'жды и= тjьсноты`, w\т лю'тыхъ болjь'зней и= w\т 
неча'янныя сме'рти и= приведи' ны ко и='стинному 
покая'нiю при и=схо'дjь и=з\ъ жи'зни сея`: и=спроси` 
на'мъ о_у= гд\са бг~а кончи'ну ми'рну, безболjь'зненну, 
непосты'дну, ст~ы'хъ та^инъ прича'стну и= преведи' ны 
чрез\ъ мыта^рства возду^шная, да не похи'тятъ на'съ 
и=стяза'телiе гро'знiи по грjьхw'мъ на'шымъ, но да 
твои'мъ заступле'нiемъ и= по'мощiю возмо'жемъ безбjь'днw 
проити` и=стяза'нiе возду'шное и= мл\сть получи'ти, и= 
предста'ти неwсужде'ннw стра'шному (с. 575) пр\сто'лу, и= 
на стра'шнjьмъ суди'щи сподо'битися w=десну'ю ста'ти 
прв\днагw судiи`, и= наслjь'довати прв\дныхъ ча'сть. 
_е='й, госпоже`, всеч\стна'я ма'ти, прп\дбная 
_е=vфросv'нiе, помози` на'мъ мл~твами твои'ми, w=гради` 
на'съ и= заступи` w\т вся'кихъ ко'зней вра'жiихъ, да 
сподо'бимся прейти` вре'мя жи'зни се'й непреткнове'ннw и= 
сп~се'нiе получи'ти мл~твами твои'ми о_у= хр\ста` гд\са, 
_е=го'же и= сподо'бимся пjь'ти и= славосло'вити со 
безнача'льнымъ _о=ц~е'мъ и= со ст~ы'мъ дх~омъ во вjь'ки 
вjькw'въ. %<а=ми'нь.%>