Богослужебные тексты

<::лат>        OCR:

<::рус>        Библиотека святоотеческой литературы

<::лат>        http://orthlib.ru

<::слав>

(с. 461)

%<Мjь'сяца тогw'же въ к~з-й де'нь.%>

%<Ст~а'гw священному'ченика fерапо'нта:%>

%<И= w=брjь'тенiе моще'й прп\дбнагw _о=тца` на'шегw 
нi'ла, и='же на _е='зерjь селиге'рjь, на _о='стровjь 
зово'момъ столобно'е, но'вагw чудотво'рца.%>

[зри`] %<С%>лу'жба _е=гw` напеча'тася деке'мврiа въ з~ 
де'нь.

%<Стiхи^ры священному'ченика fерапо'нта, гла'съ и~. 
Подо'бенъ: М%>у'ченицы твои`, гд\си:

%<F%>ерапо'нтъ всесла'вный, бж\ственными дjья^нiи 
просвjь'щся, серде'чными _о=чесы` ви'дjьти добро'ту 
сподо'бися хр\сто'ву, сему` о_у=годи'въ страда'нiемъ: 
тjь'мже цjьли'тъ стра^сти всегда` ду'шъ же и= тjьле'съ 
бл~года'тiю, вjь'рою притека'ющихъ къ нему`.

%<F%>ерапо'нтъ пребога'тый, живы'я воды` и=сто'чникъ 
сы'й, струи^ и=сцjьле'нiй и=сточа'етъ, и= w\тмыва'етъ до 
конца` скве'рну неду'гwвъ тя'жкихъ, всjь'хъ притека'ющихъ 
съ вjь'рою. тогw` мольба'ми, гд\си, всjь^мъ пода'ждь 
ве'лiю ми'лость.

%<F%>ерапо'нтъ чу'дный, w=багр_е'нiи кро'вными 
w=кропле'нъ, _о=де'жду содjь'лавъ свjьтлjь'йшу, свяще'нiя 
вои'стинну, въ ню'же бг~олjь'пнw w=дjь'явся, вну'трь 
ст~ы'хъ вни'де. тогw` моли'твами, гд\си, всjь^мъ пода'ждь 
ве'лiю ми'лость.

%<Стiхи^ры бц\ды, гла'съ и= подо'бенъ то'йже:%>

%<И=%>схити' мя, вл\дчце, и=зъ руки` sмi'я 
человjькоубi'йцы, борю'щагw мя` ле'стiю пожре'ти до 
конца`: сокруши` ч_е'люсти сегw`, молю'ся, и= кова^рствiя 
разори`, jа='кw да и=зба'влься сегw` ногте'й, велича'ю 
си'лу твою`. (с. 462)

%<А='%>зъ _е='смь дре'во непло'дное, всенепоро'чная, 
неплодя'щее плода` спасе'ннаго: тjь'мже и= трепе'щу 
посjьче'нiя, да не ка'кw вве'рженъ бу'ду въ _о='гнь 
негаси'мый, _о=кая'нный. тjь'мже ти` припа'даю, сегw` 
и=зба'ви мя`, и= плодоно'сна покажи`, ч\стая, сн~у 
твоему`, хода'тайствомъ твои'мъ.

%<О_у=%>язви` се'рдце мое` стрjьла` жела'нiя 
смертоно'сная, и= о_у=язви'хся w\т неразу'мiя, и= 
неисцjь'льнw болю`. мт~и бж~iя, не пре'зри мен_е` 
w\тча'яннагw, но и=сцjьле'нiе да'ждь ми`, jа='кw ро'ждши 
гд\са и= сп~са, _е=ди'наго милосе'рда.

%<Сла'ва, и= ны'нjь, бг~оро'диченъ:%>

%<П%>омышл_е'нiя нечи^ста, и= о_у=сты` льсти^вы, 
дjьла' же моя^ вся^ w=скверн_е'на, и= что` сотворю`; 
ка'кw о_у=сря'щу судiю`; вл\дчце дв~о, моли` сн~а твоего` 
и= зижди'теля и= гд\са, jа='кw да въ покая'нiи прiи'метъ 
дх~ъ мо'й, jа='кw _е=ди'нъ бл~гоутро'бенъ.

%<Кр\стобг~оро'диченъ:%>

%<Н%>е терплю`, ча'до, ви'дящи тя` на дре'вjь 
о_у=сну'вша, бо'дрость всjь^мъ подаю'щаго, jа='кw да 
и=`же дре'вле преступле'нiя плодо'мъ, сно'мъ 
поги'бельнымъ о_у=сну'вшымъ, бж~е'ственную и= 
спаси'тельную бо'дрость пода'си, дв~а гл~го'лаше 
пла'чущися, ю='же велича'емъ.

%<Канw'нъ, творе'нiе I=w'сифово.%>

%<Гла'съ s~. Пjь'снь а~. I=рмо'съ:%>

%<Jа='%>кw по су'ху пjьшеше'ствовавъ i=и~ль, по 
бе'зднjь стопа'ми, гони'теля фараw'на ви'дя потопля'ема, 
бг~у побjь'дную пjь'снь, пои'мъ, вопiя'ше.

%<С%>о свяще'нными ли'ки на нб~сjь'хъ лику'я всегда` 
чту'щыя на земли` святу'ю па'мять твою` страсте'й и= 
бjь'дъ лю'тыхъ, fерапо'нте, и=зба'ви.

%<П%>ростира'емо въ мi'рjь свяще'нное и= честно'е 
твое` (с. 463) страда'нiе, возставля'етъ вjь^рныя въ то`, 
сла'вити тя` свjь'тлw до'блествовавша, му'дре fерапо'нте, 
благода'тiю.

%<Б%>г~осiя'нну тя` sвjьзду`, мы'сленное сл~нце 
показа'въ, пw'двигъ твои'хъ свjь'томъ, и= чуде'съ 
сiя'нiемъ вjь^рныя w=заря'етъ, свяще'ннw восхваля'ющыя 
тя`.

%<Бг~оро'диченъ:%>

%<С%>вяще'нный ли'къ пр\оро'ческiй предсказа'ше 
и=здале'ча, хотя'щу тя` бы'ти бж~iю роди'тельницу, 
ч\стая, вы'шшу херувi^мъ и= вся'кiя тва'ри.

%<Пjь'снь г~. I=рмо'съ:%>

%<Н%>jь'сть свя'тъ, jа='коже ты`, гд\си бж~е мо'й, 
вознесы'й ро'гъ вjь'рныхъ твои'хъ, бл~же, и= 
о_у=тверди'вый на'съ на ка'мени и=сповjь'данiя твоегw`.

%<О_у=%>го'дникъ бы'лъ _е=си` хр\сто'въ, и='стинно 
нося` и= подо'бно, му'чениче, твое` зва'нiе вои'стинну, 
и= цjьли'ши ду'шъ и= тjьле'съ всегда` неду'ги.

%<К%>ро'вь съ ма'стiю смjь'шшися, твое` свяще'нство 
свjьтлjь'йше твори'тъ, ст~и'телю и= па'стырю, му'чениче 
и= врачу` боля'щихъ: тjь'мже восхваля'емъ тя`.

%<Ц%>jьли'ши стра^сти лю^тыя вjь'рнw приступа'ющихъ, 
и= неду'ги о_у=ставля'еши, и= духw'въ лука'выхъ 
w=чища'еши вре'дъ хр\сто'вымъ призыва'нiемъ бж\ственнымъ, 
всебл~же'нне.

%<Бг~оро'диченъ:%>

%<Р%>азумjь'ти рж\ства` твоегw`, ч\стая, 
неизглаго'ланную глубину` недоумjь'етъ о_у='мъ 
человjь'чь: бг~ъ бо и=злiя'въ себе` за милосе'рдiе, во 
о_у=тро'бjь твое'й, всего' мя w=бнови`.

%<Сjьда'ленъ, гла'съ а~. Подо'бенъ: Г%>ро'бъ тво'й:

%<О_у=%>го'дниче хр\сто'въ, пострада'въ зако'ннw, 
jа=ви'лся _е=си` и='стиненъ ст~и'тель, и= му'ченикъ, 
тjь'мже, мо'лимъ тя`: ду'шъ на'шихъ, свя'те, ны'нjь 
о_у=врачу'й неудобьисцjь^льныя стра^сти, чл~вjьколю'бца, 
и= воли'теля ми'лости хр\ста` о_у=моли`. (с. 464)

%<Сла'ва, и= ны'нjь, бг~оро'диченъ:%>

%<Н%>аста'ви на'съ на пу'ть покая'нiя, о_у=кло'ншыяся 
при'снw къ безпу'тi_емъ sw'лъ, и= преблага'го 
прогнjь'вавшыя гд\са, неискусобра'чная бл~гослове'нная 
марi'е, прибjь'жище w\тча'янныхъ человjь'кwвъ, бж~iе 
жили'ще.

%<Кр\стобг~оро'диченъ:%>

%<З%>ря'щи тя`, хр\сте`, всенепоро'чная мт~и, ме'ртва 
на кр\стjь` просте'рта, вопiя'ше: сн~е мо'й, 
собезнача'льне _о=ц~у`, и= дх~у, что` неизрече'нное твое` 
сiе` смотре'нiе, и='мже спа'слъ _е=си` преч\стыхъ ру'къ 
твои'хъ, ще'дре, созда'нiе;

%<Пjь'снь д~. I=рмо'съ:%>

%<Х%>р\сто'съ, моя` си'ла, бг~ъ и= гд\сь, честна'я 
цр~ковь бг~олjь'пнw пое'тъ, взыва'ющи w\т смы'сла чи'ста, 
w= гд\сjь пра'зднующи.

%<W=%>чи'стивъ пе'рвjье w\т страстны'я молвы` ду'шу, 
прiя'лъ _е=си`, священнодjь'йственне, пома'занiе 
бж\ственно свя'то, и= при кончи'нjь страда'льческимъ 
о_у=краси'лся _е=си` вjьнце'мъ.

%<З%>на'м_енiи всегда` и= бж\ственными чудесы` сiя'я 
ви'дишися, и= w=блиста'еши всю` подсо'лнечную, благода'ть 
w\т бг~а прiе'мъ, ст~и'телю досточу'дне.

%<О_у=%>па'слъ пе'рвjье лю'ди благода'тiю, 
безкро'вными же'ртвами, jа='кw ст~и'тель свяще'ннw 
w=свя'щь, и= jа='кw а='гнецъ закла'нъ бы'въ, гд\севи 
приведе'ся.

%<Бг~оро'диченъ:%>

%<Jа='%>кw две'рь веду'щую къ бж\ственному вхо'ду, 
jа='кw ра'й бж\ственный, jа='кw разу'мно мjь'сто 
w=свяще'нiя, jа='кw добро'ту i=а'кwвлю, дв~у 
о_у=блажи'мъ.

%<Пjь'снь _е~. I=рмо'съ:%>

%<Б%>ж~iимъ свjь'томъ твои'мъ, бл~же, о_у='тренюющихъ 
ти` ду'шы любо'вiю w=зари`, молю'ся, тя` вjь'дjьти, 
сло'ве бж~iй, и='стиннаго бг~а, w\т мра'ка грjьхо'внагw 
взыва'юща.

%<Б%>ж\ственнымъ сiя'нiемъ w=зари'вся, jа=ви'лся 
_е=си` пресвjь'тлая sвjьзда`, просвjьща'я подсо'лнечную 
бж\ственными зна'м_енiи бж~iимъ дх~омъ, fерапо'нте 
ст~и'телю бг~облаже'нне. (с. 465)

%<Jа='%>кw всесожже'нiе свяще'нно, jа='кw приноше'нiе, 
_о='ч~е, прiя'тно, и= же'ртва соверше'нна, пло'тiю 
пострада'вшему сло'ву прине'слся _е=си`, fерапо'нте 
ст~и'телю, му'ченикъ бы'въ.

%<Ч%>а'шу налiя'въ всекраснw` и=сповjь'данiя 
вои'стинну, крjь'пкимъ твои'мъ страда'нiемъ всjь'хъ 
напоя'еши, fерапо'нте прп\дбне, съ высо'кимъ 
проповjь'данiемъ призыва'я.

%<Бг~оро'диченъ:%>

%<П%>о рожде'нiи стра'шнjьмъ пребыла` _е=си` дв~ою, 
jа='коже пре'жде: бг~ъ бо бjь` рожде'йся, о_у=строя'яй 
вся^ во'лею, безневjь'стная марi'е, бг~облагода'тная.

%<Пjь'снь s~. I=рмо'съ:%>

%<Ж%>ите'йское мо'ре воздвиза'емое зря` напа'стей 
бу'рею, къ ти'хому приста'нищу твоему` прите'къ, вопiю' 
ти: возведи` w\т тли` живо'тъ мо'й, многоми'лостиве.

%<Ж%>итiе` твое` бж\ственно, жи'знь бг~олjь'пна, и= 
сла'вна сме'рть, му'ченическими сiя'я добро'тами, чуде'съ 
свjьтлостьми` w=заря'я сердца` пою'щихъ тя`.

%<П%>лодови'ту ло'зу тя` вiногра'да и='стиннагw 
разу'мнагw позна'хомъ, и=сповjь'данiя гро'здiе и='стинно 
принося`, и=сточа'ющее терпjь'нiя, бг~ому'дре, вiно` 
и=зря'дно.

%<Х%>ра'мъ тво'й показа'ся врачевство` свяще'нно, 
w=блегча'я благода'тiю вся^кiя болjь^зни немощны'хъ, и= 
рjьша` неду'ги, ст~и'телю бг~ому'дре досточу'дне.

%<Бг~оро'диченъ:%>

%<С%>ло'во во о_у=тро'бjь твое'й w=дебелjь` безъ 
сjь'мене, и= чл~вjь'къ jа=ви'ся соверше'нъ, w=бновля'я 
_е=стество` бг~оподо'бнw, jа='коже _е=ди'нъ вjь'сть, 
бг~овмjьсти'мая две'ре, всенепоро'чная.

%<Пjь'снь з~. I=рмо'съ:%>

%<Р%>осода'тельну о_у='бw пе'щь содjь'ла а='гг~лъ 
прп\дбнымъ _о=трокw'мъ, халд_е'и же w=паля'ющее велjь'нiе 
бж~iе мучи'теля о_у=вjьща` вопи'ти: бл~гослове'нъ _е=си`, 
бж~е _о=т_е'цъ на'шихъ. (с. 466)

%<С%>трасте'й треволне'нiе о_у=кроти'въ 
воздержа'нiемъ, прп\дбне, пострада'въ же, наводне'нiемъ 
погаси'лъ _е=си` твои'хъ крове'й, пре'лести запале'нiе, 
священному'чениче хр\сто'въ, fерапо'нте прп\дбне.

%<С%>оверши'лся _е=си` мv'ромъ пома'занiя, 
священнотаи'нниче прп\дбне, и= соверши'въ свяще'нники, и= 
наро'дъ, jа='кw па'стырь, соверши'лъ _е=си` тече'нiе 
до'брое, закла'нъ бы'въ за хр\ста`, fерапо'нте му'чениче 
му'дре.

%<Т%>ече'нiемъ крове'й твои'хъ погрузи'лъ _е=си` 
вра^жiя полки`: чуде'съ же сiя'нiемъ мра'къ страсте'й 
разоря'еши, fерапо'нте, вои'стинну чудодjь'йственникъ 
jа='влься, и= вра'чь немощны'хъ.

%<Бг~оро'диченъ:%>

%<С%>jьдя'й въ нjь'дрjьхъ роди'теля неwпи'саннw, 
ч\стая, въ нjь'дрjьхъ твои'хъ ны'нjь сjьди'тъ w=пи'санъ, 
твои'мъ w=бложе'нъ зра'комъ: за _е='же спасти` а=да'ма, 
но'въ а=да'мъ бы'въ.

%<Пjь'снь и~. I=рмо'съ:%>

%<И=%>зъ пла'мене преподw'бнымъ ро'су и=сточи'лъ 
_е=си`, и= пра'веднагw же'ртву водо'ю попали'лъ _е=си`: 
вся^ бо твори'ши, хр\сте`, то'кмw _е='же хотjь'ти. Тя` 
превозно'симъ во вся^ вjь'ки.

%<Б%>езкрw'вны ж_е'ртвы бг~у прине'слъ _е=си`, и= 
поже'рлся _е=си` jа='кw а='гнецъ чи'стъ непоро'ченъ: 
де'мwнскiя ж_е'ртвы потреби'лъ _е=си`, красота` 
страда'льц_евъ, fерапо'нте ст~и'телю.

%<Р%>ая` жи'тель бж\ственъ бы'въ, и= ст~ы'хъ 
а='гг~лwвъ jа=ви'лся _е=си` соприча'стникъ, му'ченическою 
сiя'я свjь'тлостiю, му'чениче страстоно'сче, и= 
служи'телю сп~совъ.

%<Г%>о'рдаго sмi'я ты` смири'лъ _е=си` смире'нiемъ 
се'рдца, сопроти'влься сему` му'жески, и= мч~ническою 
кро'вiю w=багри'въ, ст~и'телю, свяще'нную _о=де'жду 
твою`.

%<Бг~оро'диченъ:%>

%<И=%>зба'вльшеся пе'рвыя кля'твы рж\ство'мъ твои'мъ, 
всебл~гослове'нная _о=трокови'це бг~ора'дованная, 
гаврiи'ловъ тебjь` гла'съ возсыла'емъ: ра'дуйся, вино'вна 
всjь'хъ спасе'нiю. (с. 467)

%<Пjь'снь f~. I=рмо'съ:%>

%<Б%>г~а человjь'кwмъ не возмо'жно ви'дjьти, на 
него'же не смjь'ютъ чи'ни а='гг~льстiи взира'ти. тобо'ю 
бо, всеч\стая, jа=ви'ся человjь'кwмъ сло'во воплоще'нно. 
_е=го'же велича'юще, съ нб\сными вw'и, тя` о_у=блажа'емъ.

%<В%>и'дjьти сла'ву вседержи'теля жела'я, непра'ведную 
претерпjь'лъ _е=си` сме'рть, и= твое'ю возше'лъ _е=си` 
кро'вiю, ст~и'телю сла'вне, jа='коже на колесни'цjь, и= 
къ нб~с_е'мъ восте'клъ, ра'дуяся почи'лъ _е=си`.

%<Jа='%>кw свjь'тъ, jа='кw о_у='тро на'мъ возсiя'лъ 
_е=си`, свjь'тлыми заря'ми w=заря'я концы`, ст~и'телю и= 
па'стырю бг~одохнове'нне, и= страсте'й рjьши'ши 
w=мраче'нiе. тjь'мже тя` почита'емъ, и= благоче'стнw 
о_у=блажа'емъ.

%<С%>ы'й съ ли'ки, бг~облаже'нне, патрiа'рхъ и= 
му'ч_еникъ, а=п\слъ и= пра'в_едникъ, и= прп\дбныхъ, съ 
ни'ми моли'ся, разрjьше'нiе согрjьше'нiй всjь^мъ 
дарова'ти, творя'щымъ благоче'стнw бж\ственную па'мять 
твою`.

%<Т%>воегw` хра'ма, му'чениче, благолjь'пiе блиста'нiи 
чуде'съ всегда` просвjьща'емо, вjь'рою приступа'ющымъ въ 
ду'сjь, разрjьша'етъ страсте'й мра'къ, о_у=ставля'етъ 
неду'ги, му'чениче ст~и'телю, и= па'стырю досточу'дне.

%<Бг~оро'диченъ:%>

%<С%>вjь'томъ твои'мъ, бг~облагода'тная въ жена'хъ 
дв~о, просвjьти' мя, молю'ся, и= _о=гня` вjь'чнагw мя` 
и=зба'ви: jа='кw да велича'ю тя`, jа='кw да тя` сла'влю, 
jа='кw да по до'лгу воспою` вели^чiя твоя^.