Богослужебные тексты

<::лат>        OCR:

<::рус>        Библиотека святоотеческой литературы

<::лат>        http://orthlib.ru

<::слав>

(с. 509)

%<Мjь'сяца тогw'же въ л~а-й де'нь.%>

%<Ст~а'гw а=п\сла _е=рмi'а: И= ст~а'гw му'ченика 
_е=рме'а.%>

%<Стiхи^ры, гла'съ а~. Подо'бенъ: Н%>б\сныхъ чинw'въ.

%<К%>ро'вными ка'плями * безбо'жiя _о='гнь, 
великому'чениче, погаси'въ, * хр\сто'ву цр~ковь напои'лъ 
_е=си` бога'тнw, * и= (с. 510) вjь'рныхъ сердца` 
о_у=ясни'лъ _е=си`, * благоче'стнw почита'ющихъ * твою` 
свяще'нную и= честну'ю па'мять.

%<Jа='%>кw неwбори'мь сто'лпъ, * прилw'ги вра^гъ не 
поколеба'лся _е=си` w\тню'дъ, * тjь'хже сердца` сте'рлъ 
_е=си`, _е=рме'е, * и= болjь'знiю до'блихъ пw'двигъ 
твои'хъ, * jа='кw преклоне'ну стjь'ну, * вся^ и='хъ 
шата^нiя низло'жь.

%<В%>о глубину` невjь'рiя попо'лзшыяся * возводя`, 
_е=рме'е, бж~iимъ сло'вомъ, * му'къ треволн_е'нiя 
под\ъя'лъ _е=си` мнw'га, * страстоте'рпче прехва'льне, * 
до'ндеже вше'лъ _е=си` съ ни'ми ра'достнw * въ 
приста'нище нб\сное.

%<Стiхи^ры бц\ды, гла'съ и= подо'бенъ то'йже:%>

%<W=%>держи'ми пад_е'нiи ненаде'жными, ч\стая, * тя` 
предста'тельницу _е=ди'ну и=му'ще, дв~о, * вопiе'мъ 
благода'рственнw: * w=чи'сти ны`, прест~а'я 
бг~оневjь'сто, * ты' бо _е=си` мi'ру прибjь'жище * и= 
заступле'нiе ро'да на'шегw.

%<Ж%>езло'мъ твоегw` предста'тельства, * 
бг~ороди'тельнице ч\стая, * sвjьри^ныя стра^сти * 
_о=кая'нныя души` моея` w\тжени` вско'рjь, * ми'рнw 
живо'тъ мо'й о_у=правля'ющи, * и= ст~о'му мя` ста'ду 
и=збра'нныхъ твои'хъ _о=ве'цъ причти`.

%<С%>огрjьше'нiй пучи'ною потопля'еми, * къ ти'хому 
приста'нищу * преч\стыя твоея` моли'твы, 
бг~ороди'тельнице, прибjь'гъ, * взыва'ю ти`: спаси' мя, * 
держа'вную твою` пода'вши десни'цу, * рабу` твоему`, 
пренепоро'чная.

%<Сла'ва, и= ны'нjь:%>

%<Н%>ра'вомъ гнилы'мъ попо'лзся, ни'цъ лежу`, * и= къ 
твое'й, дв~о, притека'ю тишинjь`, * w\т бу'ри 
сопроти'вныя, * и= и=скуше'нiй много_обра'зныхъ мя` 
и=зба'ви: * да пою` твою` бл~года'ть непреста'ннw, * 
бц\де мт~и приснодв~о.

%<Кр\стобг~оро'диченъ:%>

%<В%>оздви'жена jа='кw ви'дjь на кр\стjь` а='гнца * 
непоро'чная дв~а, пла'чущи вопiя'ше: * сла'дкое мое` 
ча'до, * что` но'вое (с. 511) и= пресла'вное видjь'нiе; * 
ка'кw содержа'й вся'ч_еская го'рстiю, * на дре'вjь 
пригвожда'ешися пло'тiю;

%<Тропа'рь, гла'съ д~:%>

%<М%>ч~никъ тво'й, гд\си, _е=рме'й, во страда'нiи 
свое'мъ вjьне'цъ прiя'тъ нетлjь'нный w\т теб_е` бг~а 
на'шегw: и=мjь'яй бо крjь'пость твою`, мучи'телей 
низложи`, сокруши` и= де'мwнwвъ немощны^я де'рзwсти, 
тогw` моли'твами спаси` ду'шы на'шя.

%<Канw'нъ, творе'нiе i=w'сифово.%>

%<Гла'съ и~. Пjь'снь а~. I=рмо'съ:%>

%<В%>о'ду проше'дъ, jа='кw су'шу, и= _е=гv'петскагw 
sла` и=збjьжа'въ, i=и~льтянинъ вопiя'ше: и=зба'вителю и= 
бг~у на'шему пои'мъ.

%<S%>вjьзда` сiя'ющая бж\ственнымъ свjь'томъ, муче'нiя 
сiя'нiемъ позна'нъ бы'лъ _е=си`, свjь'тлw вся^ w=заря'я, 
вjь'рою чи'стою тя`, _е=рме'е, чту'щыя.

%<В%>ы'ну воззрjь'нiемъ _е='же къ бг~у, вся^ 
презрjь'въ jа=`же въ житiи`, мч~ниче му'дре, въ 
му'ченич_ескiя вше'лъ _е=си` по'двиги, и= врага` 
держа'внw побjьди'лъ _е=си`.

%<К%>расе'нъ видjь'нiемъ и= душе'ю сы'й, _е=рме'е, 
вво'инился _е=си` цр~ю` нб\сному, и= сегw`, му'чениче, до 
конца` враги` смири'лъ _е=си`.

%<Н%>е поже'ръ i='дwлwмъ, бл~же'нне, твоя` и=сторго'ша 
зу'бы, ч_е'люсти мы'сленныхъ сокруши'лъ _е=си` львw'въ, 
и= побjь'ды w=дjь'яся вjьнце'мъ неувяда'ющимъ.

%<Бг~оро'диченъ:%>

%<С%>т~а'я дв~о мт~и хр\сто'ва мч~никwвъ сла'ва, и= 
а='гг~лwвъ ра'досте, съ ни'ми моли` сн~а твоего` 
о_у=ще'дрити и= спасти` рабы^ твоя^.

%<Пjь'снь г~. I=рмо'съ:%>

%<Т%>ы` _е=си` о_у=твержде'нiе притека'ющихъ къ 
тебjь`, гд\си, ты` _е=си` свjь'тъ w=мраче'нныхъ, и= 
пое'тъ тя` ду'хъ мо'й.

%<О_у=%>краше'нiе бы'лъ _е=си` страда'льц_евъ, му'дре, 
благода'тiю (с. 512) бг~осiя'нною. тjь'мже и=`же въ 
мi'рjь, благоче'стнw тя` почита'емъ.

%<Х%>валу` бг~у на'шему, че'люстемъ твои^мъ 
сокруша'_емымъ, му'чениче му'дре, въ тя` о_у=крjь'пльшему 
благода'рнw воспjьва'лъ _е=си`.

%<С%>и'лою бж\ственнагw дх~а ты` о_у=крjьпля'емь, 
прему'дре, си'льнаго ра'дуяся въ sло'бjь смири'лъ _е=си` 
sмi'я.

%<Бг~оро'диченъ:%>

%<О_у=%>сты` и= я=зы'комъ и=сповjь'даю тя` бг~а 
прест~ы'й хра'мъ, пречи'стая: сегw` ра'ди вся'кагw 
и=зба'ви мя` w=sлобле'нiя.

%<Сjьда'ленъ, гла'съ д~. Подо'бенъ: В%>ознесы'йся:

%<Н%>изло'жь врагw'въ вознош_е'нiя, jа='кw во'инъ 
си'ленъ вл\дчень, побjь'дный вjьне'цъ прiя'лъ _е=си`. 
тjь'мже восхваля'емъ тя` jа='кw до'бля страда'льца, 
вjь'рою творя'ще твою` всепра'зднственную па'мять, въ 
не'йже моли`, спасти'ся на'мъ вся'кiя ну'жды, _е=рме'е 
многострада'льне.

%<Сла'ва, и= ны'нjь, бг~оро'диченъ:%>

%<П%>о бз~jь во тво'й, бц\де, прибjьга'ю смире'нный, 
покро'въ бж\ственный, припа'дая молю'ся: поми'луй, 
преч\стая, jа='кw превзыдо'ша главу` мою` грjьси`, и= 
бою'ся, вл\дчце, му'ки, и= трепе'щу, моле'нiе сотвори`, 
ч\стая, къ сн~у твоему`, w\т си'хъ и=зба'вити мя`.

%<Кр\стобг~оро'диченъ:%>

%<W\т%> безнача'льнагw _о=ц~а` рожде'ннаго, 
напослjь'докъ тя` пло'тiю ро'ждшая, на кр\стjь` ви'сяща 
зря'щи, хр\сте`, о_у=вы` мнjь`, любе'знjьйшiй i=и~се, 
вопiя'ше: ка'кw сла'вимый jа='кw бг~ъ w\т а='гг~лъ, w\т 
беззако'нныхъ ны'нjь человjь^къ, сн~е, хотя` 
распина'ешися; пою' тя, долготерпjьли'ве.

%<Пjь'снь д~. I=рмо'съ:%>

%<О_у=%>слы'шахъ, гд\си, смотре'нiя твоегw` та'инство, 
разумjь'хъ дjьла` твоя^, и= просла'вихъ твое` бж~ество`. 
(с. 513)

%<Т%>о'ки крове'й твои'хъ многобо'жiя _о='гнь 
погаси'ша: вjь^рнымъ же роса` jа=ви'шася, страстоте'рпче 
мч~ниче досточу'дне.

%<Т%>ро'ическую бл~года'тiю, мч~ниче, w=роша'емь, 
пребыва'еши неwпали'мь, посреди` пла'мене стоя` три` 
дни`, всесла'вне.

%<Л%>и'къ нб\сныхъ си'лъ свы'ше смотря'ше до'блесть, 
и= пw'двигъ твои'хъ крjь'пости, страда'льче _е=рме'е, 
дивя'ся.

%<Бг~оро'диченъ:%>

%<П%>репjь'тая вл\дчце, во ст~ы'хъ почива'ющаго, па'че 
сло'ва родила` _е=си`: сегw` ра'ди тя` пjь'сньми 
почита'емъ.

%<Пjь'снь _е~. I=рмо'съ:%>

%<В%>ску'ю мя` w\три'нулъ _е=си` w\т лица` твоегw`, 
свjь'те незаходи'мый, и= покры'ла мя` _е='сть чужда'я 
тма` _о=кая'ннагw; но w=брати' мя, и= къ свjь'ту 
за'повjьдей твои'хъ, пути^ моя^ напра'ви, молю'ся.

%<С%>окруша'емь тjь'ломъ, мч~ниче пресла'вне, мно'гими 
му'ками сокруше'нiе содjь'лалъ _е=си` въ поги'бель 
и=стука^ннымъ, благода'тiю. сегw` ра'ди всjь'хъ 
благочести'выхъ, бл~года'тiю бж\ственною, и=сцjьля'еши 
душ_е'вная сокруш_е'нiя.

%<Г%>о'рькими w=тра'вы, му'чениче, напое'нъ, 
пребыва'еши невреди'мь, во и=звjь'стну вjь'ру призыва'я 
си'хъ пода'теля, претворя'ема твои'мъ свjь'тлымъ 
чудодjь'йствомъ къ муче'нiя красотjь` пресвjь'тлw.

%<Н%>ика'коже о_у=клони'лся _е=си` стоя'нiя лу'чшагw, 
бл~же'нне, о_у=крjьпля'ющагw тя` и= о_у=твержда'юща, и= 
и=справля'юща по'двиги вся^, _е='же къ нему` бы'вшее, 
прозря` нра'ва простото'ю.

%<Бг~оро'диченъ:%>

%<М%>ы'сленный тя` свjь'щникъ, дре'вле пр\оро'къ 
ви'дjь ду'хомъ, и=му'щь, _о=трокови'це, свjьщу` хр\ста` 
гд\са, свjь'томъ неизрече'ннымъ вся^ ны` просвjьща'юща, 
вjь'рнw тя` чту'щыя, пренепоро'чная.

%<Пjь'снь s~. I=рмо'съ:%>

%<W=%>чи'сти мя`, сп~се, мнw'га бо беззакw'нiя моя^, 
и= и=зъ (с. 514) глубины` sw'лъ возведи`, молю'ся: къ 
тебjь' бо возопи'хъ, и= о_у=слы'ши мя`, бж~е спасе'нiя 
моегw`.

%<В%>сецjь'ло къ бг~у, всебл~же'нне, и=мjь'я жела'нiе, 
болjь^зни и= терза^нiя, бж\ственнагw твоегw` тjьлесе`, 
jа='коже и=но'му стра'ждущу, терпjь'лъ _е=си` ра'дуяся, 
вjьнца` прозира'я.

%<П%>ретерпjь'лъ _е=си` крjь'пкw жи^лъ твои'хъ 
w\тя'тiе, _е=рме'е му'чениче хр\сто'въ, врага` 
многоко'зненнагw жи^лы и=стерза'я благода'тiю, и= 
му'жеству вся'кому _о='бразъ jа=вля'яся.

%<И=%>з\ъwщре'нъ _о=гне'мъ хр\сто'вы любве`, jа='кw 
_о=бою'ду _о='стръ вои'стинну бы'лъ _е=си` ме'чь, 
вw'инства безбw'жная, jа='кw тве'рдъ _о=ру'жникъ, 
посjька'я jа=вле'ннw.

%<Бг~оро'диченъ:%>

%<П%>ита'еши бг~олjь'пнw ма'нiемъ вся^ пита'ющаго, 
рука'ми держи'ши, всенепоро'чная вл\дчце, вся^ 
содержа'щаго: сегw` ра'ди тя` вjь'рнiи по до'лгу 
сла'вимъ.

%<Конда'къ, гла'съ s~. Подо'бенъ: _Е='%>же w= на'съ:

%<И='%>же по хр\стjь` о_у=се'рднw подвиза'вся, въ 
сjьди'нахъ до'блихъ му'жество стяжа`, му'чениче _е=рме'е: 
беззако'нныхъ sлоумышл_е'нiя попра'въ хр\сто'вою си'лою, 
w\т чаро'вныхъ напое'нiй невреди'мь пребы'сть, зовы'й: 
бг~ъ _е='сть со мно'ю, и= никто'же на мя`.

%<Пjь'снь з~. I=рмо'съ:%>

%<W\т%> i=уде'и доше'дше, _о='троцы въ вавv"лw'нjь 
и=ногда` вjь'рою тр\оческою пла'мень пе'щный попра'ша, 
пою'ще: _о=тц_е'въ бж~е, бл~гослове'нъ _е=си`.

%<К%>ъ бг~у зря` могу'щему спасти`, о_у=ма` 
пра'востiю, претерпjь'лъ _е=си` бwлjь'зни, _е=рме'е, 
до'блягw твоегw` тjь'ла, воспjьва'я: _о=т_е'цъ на'шихъ 
бж~е, бл~гослове'нъ _е=си`.

%<К%>ропле'нiемъ твои'хъ крове'й _о='гнь о_у=гаси'лъ 
_е=си` безбо'жiя, въ пла'мень же вше'дъ, не w=пали'лся 
_е=си` w\тню'дъ, воспjьва'я, пребога'те: _о=т_е'цъ 
на'шихъ бж~е, бл~гослове'нъ _е=си`. (с. 515)

%<Б%>лажи'тъ тя` вся'ка цр~ковь, зря'щи до'бл_ести 
твоя^, благода'ть же чуде'съ, и= побjь^дныя по'ч_ести, 
jа=`же подаде` тебjь` гд\сь, му'чениче _е=рме'е му'дре, 
свjь'тлw подвиза'вшуся.

%<Бг~оро'диченъ:%>

%<О_у=%>краси'лася _е=си`, дв~о, добро'тою, кра'снаго 
хр\ста` ро'ждши, на'мъ о_у=подо'бльшася, и= вся^ 
сокруш_е'нныя къ жи'зни возве'дша. тjь'мже вjь'рнw тя` 
всегда` сла'вимъ въ пjь'снехъ.

%<Пjь'снь и~. I=рмо'съ:%>

%<П%>обjьди'тели мучи'теля и= пла'мене благода'тiю 
твое'ю бы'вше, за'повjьдемъ твои^мъ sjьлw` прилjьжа'ще, 
_о='троцы вопiя'ху: благослови'те вся^ дjьла` гд\сня 
гд\са.

%<Б%>еззако'нныхъ велjь'нiе, зако'номъ о_у=крjьпля'емь 
и='стиннымъ, страда'льче _е=рме'е, ра'дуяся преwби'дjьлъ 
_е=си`: и= по'двиги вели'кими, блаже'нне, терпя` прiя'лъ 
_е=си`, jа=`же въ вы'шнихъ жили^ща во вjь'ки.

%<Н%>е о_у=жаса'юся вся'кагw болjь'зней велjь'нiя 
пребыва'ема, ни принесу` че'сти не су'щымъ богw'мъ, 
взыва'лъ _е=си`, всеблаже'нне: _е=ди'наго то'кмw чту` 
i=и~са гд\са, при понтi'йстjьмъ пiла'тjь распе'ншагося.

%<П%>ожре'тися ше'лъ _е=си` jа='кw _о=вча` неsло'биво, 
мч~ниче _е=рме'е, за поже'ршагося на'съ ра'ди jа='кw 
_о=вча'те, и= ж_е'ртвы м_е'рзскiя вся^ w\т земли` 
w\те'мшаго: тjь'мже во хвале'нiи досто'йнw тя` пое'мъ.

%<Бг~оро'диченъ:%>

%<Jа=%>ви'лася _е=си` ши'рши нб~съ, вмjьсти'вшая бг~а 
во о_у=тро'бjь: _е=го'же при'снw моли`, о_у=тjьсня'ющагw 
мя` ны'нjь грjьха` и=зба'вити, дв~о, jа='кw да просте'рся 
дjь'лы благоче'стiя, вjь'рнw тя` о_у=блажа'ю.

%<Пjь'снь f~. I=рмо'съ:%>

%<О_у=%>жасе'ся w= се'мъ нб~о, и= земли` о_у=диви'шася 
концы`, jа='кw бг~ъ jа=ви'ся человjь'кwмъ пло'тски, и= 
чре'во твое` бы'сть простра'ннjьйшее небе'съ. тjь'мъ тя` 
бц\ду, а='гг~лwвъ и= человjь^къ чинонача^лiя велича'ютъ. 
(с. 516)

%<В%>и'дjьти сподо'бился _е=си`, разрjьши'вся w\т 
пло'ти, страстоте'рпче прехва'льне, бл~га^я, jа=`же 
тебjь` о_у=гото'ва бг~ъ, и= съ тобо'ю пострада'вшымъ, и= 
низло'жшымъ лука'ваго. съ ни'миже на'мъ спасти'ся гд\са 
моли`, мч~ниче _е=рме'е достохва'льне.

%<К%>расе'нъ тво'й ви'дъ и= пре'жде твоегw` 
страда'нiя, краснjь'йши jа=ви'ся, му'дре, по по'двизjьхъ 
чу'дныхъ, а='гг~льскою свjь'тлостiю о_у=кра'шенъ, 
сла'вне. тjь'мже и= къ кра^снымъ восте'клъ _е=си` 
черто'гwмъ, побjь'дными вjьнцы^ о_у=добре'нъ.

%<В%>о'инство преwби'дjьлъ _е=си` земно'е, цр~ю` 
нб\сному во'инствуеши, мч~ниче му'дре. _е=гw'же си'лою 
крjь'пкою де'мwнскiя полки` вся^ потреби'лъ _е=си` 
держа'внw, и= побjь'дными вjьнцы^ зако'ннw о_у=вя'злся 
_е=си`, w= на'съ моли` всегда`.

%<П%>а'мять твоя` наста` свjьтоза'рная, на'шя мы^сли 
просвjьща'ющи луча'ми пw'двигъ твои'хъ тве'рдыхъ. въ 
не'йже мо'лимъ тя`: и=мjь'яй дерзнове'нiе ко хр\сту`, 
моли` непреста'ннw, о_у=лучи'ти на'мъ ми'лость въ де'нь 
су'дный.

%<Бг~оро'диченъ:%>

%<W=%>бо'лкся въ мя` про'йде и=зъ теб_е` бг~ъ, 
нетлjь'нiя w=блече' мя _о=де'ждою, sлы'мъ нра'вомъ 
w=бна'жшася бж~е'ственныя _о=де'жды, бг~ороди'тельнице 
вл\дчце, всjь'хъ человjь'кwвъ прибjь'жище, му'ченикwвъ 
вjьнцено'сныхъ о_у=твержде'нiе и= стjьна`, и= а='гг~лwвъ 
ра'дованiе.