Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав> 


Мjь'сяца ное'мврiа въ и~ де'нь.

[гл\ва _i~] Собо'ръ ст~а'гw а=рхiстрати'га мiхаи'ла, 
и= про'чихъ безпло'тныхъ си'лъ.

А='ще хра'мъ собо'ра ст~а'гw а=рхiстрати'га мiхаи'ла, 
и=ли` и=зво'литъ настоя'тель твори'ти бдjь'нiе:

На ма'лjьй вече'рни, на Гд\си воззва'хъ, стiхи^ры на 
д~, гла'съ а~:

Подо'бенъ: Всехва'льнiи мч~нцы:

Безпло'тнiи а='гг~ли, бж~iю пр\сто'лу предстоя'ще, и= 
w\т_ону'дными свjьтлостьми` w=блиста'еми, и= свjьтоли'тiи 
вjь'чнw сiя'юще, и= свjь'ти быва'юще вторi'и. хр\сту` 
моли'теся, дарова'ти душа'мъ на'шымъ ми'ръ и= ве'лiю 
мл\сть. [Два'жды.]

Безсме'ртнiи а='гг~ли, жи'зни и='стиннw неги'бельныя, 
w\т пе'рвыя прiе'мше жи'зни всебл~же'ннiи, присносу'щныя 
сла'вы, и= ст~i'и зри'телiе му'дрости вjь'чныя бы'сте, 
свjь'та и=сполня'еми, и= свjьщы` соwбраща^емыя, прили'чнw 
показу'емiи.

А=рха'гг~ли, а='гг~ли, нача^ла, пр\сто'ли, гд\сьствiя 
и= серафi'ми шестокрила'тiи, и= много_очи'тiи херувi'ми 
бж~е'ственнiи, му'дрости _о=рга'ни: си^лы, и= вла^сти 
бж~е'ственнjьйшiи, хр\сту` моли'теся, дарова'ти душа'мъ 
на'шымъ ми'ръ и= ве'лiю мл\сть. 

Сла'ва, гла'съ д~:

А='гг~льскихъ ликw'въ чинонача'льниче, на нб~сjь'хъ 
пр\сто'лу предстоя` трисл~нечнагw бж~ества`, и= бога'тнw 
w=сiява'емь бж~е'ственными свjьтлостьми`, и=спуща'емыми 
непреста'ннw w\тту'ду, и= на'съ су'щихъ на земли` 
трист~о'е пjь'нiе ра'достнw пою'щихъ, страсте'й мглы` 
и=зба'ви, и= просвjьще'нiемъ о_у=ясни`, мiхаи'ле 
а=рхiстрати'же, мл~твенниче w= душа'хъ на'шихъ.

И= ны'нjь, бг~оро'диченъ. 

На стiхо'внjь стiхи^ры, гла'съ s~: 

Подо'бенъ: Тридне'венъ:

А=рха^гг~льскiя си^лы хр\сте`, пр\сто'лу предстоя'ще 
твоему`, мо'лятся w= ро'дjь человjь'честjьмъ. тjь'хъ 
о_у=`бо мольба'ми, jа=зы'кwвъ де'рзость низложи`, ми'ръ 
всjь^мъ вjь^рнымъ подая`.

Стi'хъ: Творя'й а='гг~лы своя^ ду'хи, и= слуги^ своя^ 
пла'мень _о='гненный.

_О=кру'гъ пр\сто'ла всjь'хъ цр~я` при'снw лику'юще, 
а='гг~лwвъ чи'ни на'съ сохраня'йте, вjь'рою ва'съ 
призыва'ющыя, и= муче'нiя всjь'хъ и=зба'вите.

Стi'хъ: Хвали'те _е=го` вси` а='гг~ли _е=гw`, хвали'те 
_е=гw` вся^ си^лы _е=гw`. 

_О=ц~ъ и='же над\ъ всjь'ми бг~ъ, си^лы нб\сныхъ 
о_у=мw'въ без\ъwбра'зны и= невеще'ственны, пjьвцы` 
трисл~нечныя сла'вы своея`, и= _е=ди'нственное сло'во, и= 
дх~ъ приведе`.

Сла'ва, и= ны'нjь, бг~оро'диченъ, подо'бенъ то'йже: 

Ра'дуйся бц\де дв~о, съ гаврiи'ломъ согла'снw тебjь` 
вопiе'мъ: ты' бо ра'дость пе'рвую, свы'ше прiи'мши, 
ра'дости вся^ ны` и=спо'лни.

Тропа'рь, гла'съ д~:

Нб\сныхъ во'инствъ а=рхiстрати'зи, мо'лимъ ва'съ 
при'снw мы` недосто'йнiи: да ва'шими мл~твами w=гради'те 
на'съ кро'вомъ кри'лъ невеще'ственныя ва'шея сла'вы, 
сохраня'юще ны` припа'дающыя прилjь'жнw, и= вопiю'щыя: 
w\т бjь'дъ и=зба'вите ны`, jа='кw чинонача^льницы 
вы'шнихъ си'лъ.

Сла'ва и= ны'нjь, бг~оро'диченъ а~-й гла'са.

На вели'цjьй вече'рни,

на Гд\си воззва'хъ, стiхи^ры на и~. Гла'съ д~:

Подо'бенъ: Jа='кw до'бля:

Трисл~нечнагw бж~ества` предста'тель свjьтлjь'йшiй 
мiхаи'ле jа=вля'яся а=рхiстрати'же, съ го'рними си'лами 
зове'ши ра'дуяся: ст~ъ _е=си` _о='ч~е, ст~ъ _е=си` 
собезнача'льное сло'во, ст~ъ _е=си` и= ст~ы'й дш~е, 
_е=ди'на сла'ва, _е=ди'но цр\ство и= _е=стество`, 
_е=ди'но бж~ество` и= си'ла.

И= ви'дъ, тво'й _о='гненъ, и= добро'та чу'дна, 
мiхаи'ле первоа'гг~ле: невеще'ственнымъ бо _е=стество'мъ, 
прехо'диши концы`, и=сполня'я повелjь'нiя всjь'хъ 
творца`, си'ленъ въ крjь'пости твое'й познава'емь, и= 
и=сто'чникъ и=сцjьле'нiй хра'мъ тво'й содjь'ловая, 
зва'нiемъ твои'мъ ст~ы'мъ почита'емый. 

Творя'й а='гг~лы твоя^, jа='коже писа'ся, ду'хи, и= 
служа'щыя тебjь` пла'мень _о='гненный: посредjь` чинw'въ 
пе'рвенствующа, показа'лъ _е=си` гд\си, твои'хъ 
а=рха'гг~льскихъ, мiхаи'ла а=рхiстрати'га, твои'мъ 
манове'нiемъ повину'ющася сло'ве, и= пjь'снь трист~у'ю со 
стра'хомъ возглаша'юща сла'вjь твое'й.

И='ны стiхи^ры, гла'съ д~:

Подо'бенъ: Да'лъ _е=си` зна'менiе:

О_у='мъ предвjь'чный, свjь'тъ соста'ви вторы'й, 
гаврiи'ла тебе` прича'стiи бж~е'ственными просвjьща'ющаго 
всю` вселе'нную, и= ю='же w\т вjь'ка w\ткрыва'ющаго 
на'мъ, бж~е'ственную и= вели'кую и='стиннw та'йну: во 
о_у=тро'бjь воплоща'емаго дjь'вственнjьй су'ща 
безтjьле'снаго, и= бы'вша человjь'ка, во _е='же сп~сти` 
человjь'ка.

Пр\сто'лу предстоя` трисл~нечнаго бж~ества`, и= 
бога'тнw w=сiя'емь бж~е'ственными свjьтлостьми`, 
и=спуща'емыми непреста'ннw w\тту'ду, су'щыя на земли` 
ра'достнw лику'ющыя, и= бл~гохва'лящыя тя`, страсте'й 
мглы` и=зба'ви, и= просвjьще'нiемъ о_у=ясни` гаврiи'ле 
а=рхiстрати'же, мл~твенниче w= душа'хъ на'шихъ.

Сокруши` сверjь^пства а=га^рянская, на ста'до твое` 
ча'стw находя^щая: о_у=ста'ви раздо'ры цр~кве, о_у=кроти` 
бу'рю безмjь'рныхъ и=скуше'нiй: и=зба'ви бjь'дъ и= 
w=бстоя'нiй, любо'вiю чту'щыя тя`, и= под\ъ кро'въ тво'й 
прибjьга'ющыя, гаврiи'ле а=рхiстрати'же, мл~твенниче w= 
душа'хъ на'шихъ.

Сла'ва, гла'съ s~:

Вv"зантi'ево: Сра'дуйтеся на'мъ вся^ а='гг~льская 
чинонача^лiя, первостоя'тель бо ва'шъ и= на'шъ 
предста'тель, вели'кiй а=рхiстрати'гъ, въ дне'шнiй де'нь, 
въ чт\снjь'мъ _е=гw` хра'мjь, пресла'внw jа=вля'яся 
w=сщ~а'етъ. тjь'мже по до'лгу воспjьва'юще, тому` 
возопiи'мъ: покры'й на'съ кро'вомъ кри'лъ твои'хъ, 
велича'йшiй мiхаи'ле а=рха'гг~ле.

И= ны'нjь, бг~оро'диченъ:

Сра'дуйтеся на'мъ вся^ дjь'вственныхъ ликостоя^нiя, 
предста'тельница бо на'ша, и= хода'таица, и= покро'въ, и= 
вели'кое прибjь'жище, въ днjь'шнiй де'нь, въ чт\снjь'мъ 
_е=я` и= бж~е'ственнjьмъ хра'мjь, скорбя'щыя 
о_у=тjьша'етъ. тjь'мже по до'лгу воспjьва'юще сiю`, 
возопiи'мъ: покры'й ны` бж~е'ственнымъ предста'тельствомъ 
твои'мъ, преч\стая бц\де вл\дчце.

Вхо'дъ. Прокi'менъ дне`. 

I=ису'са наvи'на чте'нiе. [Глава` _е~]

Бы'сть _е=гда` бя'ше i=ису'съ о_у= i=ерiхw'на, и= 
воззрjь'въ _о=чи'ма свои'ма, ви'дjь человjь'ка стоя'ща 
пред\ъ ни'мъ, и= ме'чь _е=гw` w=бнаже'нъ въ руцjь` 
_е=гw`. И= прише'дъ i=ису'съ, рече` _е=му`: на'шъ ли 
_е=си`, и=ли` w\т сопроти'вныхъ на'шихъ; _О='нъ же рече` 
_е=му`: а='зъ а=рхiстрати'гъ си'лы гд\сни, ны'нjь 
прiидо'хъ сjь'мw. И= i=ису'съ паде` лице'мъ свои'мъ на 
зе'млю, и= рече` _е=му`: вл\дко, что` повелjьва'еши 
твоему` рабу`. И= рече` а=рхiстрати'гъ гд\снь ко 
i=ису'су: разрjьши` сапо'гъ тво'й w\т но'гъ твои'хъ, 
мjь'сто бо, на не'мже ты` стои'ши, ст~о _е='сть. и= 
сотвори` i=ису'съ та'кw. 

Суде'й i=и~левыхъ чте'нiе. [Глава` s~.]

Бы'сть во дни^ _о='ны, о_у=крjьпи'ся мадiа'мъ на сы'ны 
i=и~л_евы, и= тi'и возопи'ша ко гд\су бг~у: и= се` 
а='гг~лъ гд\снь прiи'де, и= сjь'де под\ъ ду'бомъ, и='же 
во _е=vфра'fjь, въ земли` i=wа'са, _о=тца` _е=зрi'мова, 
и= гедеw'нъ сы'нъ _е=гw` млатя'ше пшени'цу на гумнjь`, 
_е='же бjьжа'ти съ не'ю w\т лица` мадiа'мля. И= jа=ви'ся 
_е=му` а='гг~лъ гд\снь, и= рече` къ нему`: гд\сь съ 
тобо'ю си'льный крjь'постiю. И= рече` къ нему` гедеw'нъ: 
во мнjь`, гд\си мо'й, и= а='ще _е='сть гд\сь съ на'ми, и= 
чесw` ра'ди w=брjьто'ша ны` вся^ sла^я сiя^; и= гдjь` 
су'ть вся^ чудеса` _е=гw`, _е=ли^ка повjь'даша на'мъ 
_о=тцы` на'ши, глаго'люще: не и=з\ъ _е=гv'пта ли и=зведе` 
на'съ гд\сь; и= ны'нjь w\тве'рже ны` гд\сь, и= предаде` 
ны` въ ру'ку мадiа'млю. И= воззрjь` на него` а='гг~лъ 
гд\снь, и= рече` _е=му`: и=ди` въ крjь'пости твое'й се'й, 
и= сп~се'ши i=и~ля w\т ру'ки мадiа'мли: и= се` посла'хъ 
тя`. И= рече` къ нему` гедеw'нъ: во мнjь`, гд\си, въ 
чесо'мъ сп~су` i=и~ля; се` ты'сяща моя^ ху'ждша въ 
манассi'и, и= а='зъ _е='смь мнi'й въ дому` _о=тца` 
моегw`. И= рече` къ нему` гд\сь: поне'же а='зъ бу'ду съ 
тобо'ю, и= и=збiе'ши мадiа'ма jа='кw му'жа _е=ди'наго. И= 
рече` къ нему` гедеw'нъ: и= а='ще w=брjьто'хъ бл~года'ть 
пред\ъ _о=чи'ма твои'ма, и= да сотвори'ши мнjь` дне'сь 
зна'менiе, jа='кw ты` глаго'леши со мно'ю. Не w\тиди` 
w\тсю'ду, до'ндеже прiити` мнjь` къ тебjь`, и= принесу` 
же'ртву мою`, и= пожру` пред\ъ тобо'ю. и= рече` къ нему` 
а='гг~лъ гд\снь: а='зъ _е='смь, и= преме'длю, до'ндеже 
w=брати'шися ты`. Гедеw'нъ же вни'де, и= сотвори` 
ко'злище w\т ко'зъ, и= че'тверть муки` _о=прjьсно'кwвъ, 
и= вложи` съ мя'сомъ въ ко'шницу, и= ю=ху` влiя` въ 
горне'цъ и= и=знесе` къ нему` под\ъ ду'бъ, и= поклони'ся. 
И= рече` къ нему` а='гг~лъ гд\снь: возми` мяса` и= 
хлjь'бы прjь^сныя, и= положи` о_у= ка'мене _о='нагw, и= 
ю=ху` и=злi'й, и= сотвори` та'кw. И= простре` а='гг~лъ 
гд\снь коне'цъ жезла`, су'щагw въ руцjь` _е=гw`: и= 
косне'ся мясw'мъ и= хлjь'бwмъ прjь^снымъ, и= возгорjь'ся 
_о='гнь и=з\ъ ка'мене, и= пояде` мяса` и= _о=прjьсно'ки, 
и= а='гг~лъ гд\снь w\ти'де w\т _о=че'й _е=гw`. И= ви'дjь 
гедеw'нъ, jа='кw а='гг~лъ _е='сть гд\снь, и= рече` 
гедеw'нъ: о_у=вы` мнjь` гд\си, гд\си, jа='кw ви'дjьхъ 
а='гг~ла гд\сня лице'мъ къ лицу`. И= рече` _е=му` гд\сь: 
ми'ръ тебjь`, не бо'йся, не о_у='мреши. И= созда` та'мw 
гедеw'нъ же'ртвенникъ гд\су, и= назва` _е=го`, ми'ръ 
гд\снь, да'же до дне` сегw`.

Пр\оро'чества и=са'iина чте'нiе. [Глава` д~_i.]

Та'кw глаго'летъ гд\сь: вся` земля` да вопiе'тъ съ 
весе'лiемъ. И= древа` лiва^нова да возвеселя'тся w= 
тебjь`, и= ке'дри лiва^новы реку'тъ: w\тне'лjьже ты` 
о_у=сну'лъ _е=си`, не взы'де сjькi'й на'съ. А='дъ до'лjь 
w=горчи'ся срjь'тивъ тебе`, гряду'щу ти` воздви'же на тя` 
и=споли'ны вся^ нача'льствовавшыя земле'ю. а='ще воста'ли 
бы'ша w\т престw'лъ свои'хъ вси` ца'рiе jа=зы'честiи, 
вси` w\твjьща'ютъ, и= реку'тъ тебjь`: и= ты` плjьне'нъ 
_е=си` jа='коже и= мы`, съ на'ми же причта'лся _е=си`. 
Сни'де во а='дъ сла'ва твоя`, и= мно'гое твое` весе'лiе: 
под\ъ тобо'ю посте'лютъ гни'лость, и= покро'въ тво'й 
че'рви. Ка'кw спаде` съ нб~се` денни'ца, зау'тра 
возсiява'ющая; сокруши'ся на зе'млю, посыла'яй ко всjь^мъ 
jа=зы'кwмъ. Ты' бо ре'клъ _е=си` въ помышле'нiи твое'мъ: 
на нб~о взы'ду, верху` sвjь'здъ нб\сныхъ поста'влю 
престо'лъ мо'й: И= ся'ду на горjь` высо'цjьй, на гора'хъ 
высо'кихъ су'щихъ къ сjь'веру. И= взы'ду вы'шше 
_о=блакw'въ, и= бу'ду подо'бенъ вы'шнему. Ны'нjь же во 
а='дъ сни'деши, во w=снова^нiя земли`, И= ви'дjьвшiи тя` 
почудя'тся, и= реку'тъ w= тебjь`: Се'й человjь'къ 
смуща'яй зе'млю, потряса'яй цари`: положи'вый вселе'нную 
всю` пу'сту, и= гра'ды _е=я` низложи`, и= плjьне'нныхъ не 
разрjьши` въ до'мы и='хъ. Вси` ца'рiе jа=зы'честiи 
о_у=спо'ша въ чести`, человjь'къ въ дому` свое'мъ: Ты' же 
w\тве'рженъ бу'деши въ гора'хъ, jа='кw мертве'цъ 
возгнуше'нъ со мно'гими мертвецы`, и=збоде'ными мече'мъ, 
низходя'щими во а='дъ. И='мже w='бразомъ ри'за кро'вiю 
намоче'на, не бу'детъ чиста`, Си'це ниже` ты` бу'деши 
чи'стъ: зане` зе'млю мою` погуби'лъ _е=си`, и= лю'ди моя^ 
порази'лъ _е=си`, и= не пребу'деши въ вjь'чное вре'мя. 

На лiтi'и стiхи^ры, гла'съ а~. [Кv"прiа'ново:]

О_у='мныхъ си'лъ а=рхiстрати'зи, предстоя'ще 
непреста'ннw вл\дчню пр\сто'лу, моли'теся ко гд\су, ми'ръ 
мi'ру дарова'ти, и= душа'мъ на'шымъ ве'лiю мл\сть.

[А=рсе'нiево:] Чинонача'льникъ вы'шнихъ си'лъ мiхаи'лъ 
первостоя'тель бж~е'ственныхъ чинw'въ, дне'сь на'съ къ 
торжеству` созва`, и='же всегда` съ на'ми ходя'й, и= 
сохраня'яй вся^ w\т вся'кагw дiа'воля w=бстоя'нiя. 
прiиди'те о_у='бw празднолю'бцы и= хр\столю'бцы, цвjь'ты 
добродjь'телей взе'мше, чт\сыми по'мыслы, и= со'вjьстiю 
бл~гостоя'нною, а=рха'гг~лwвъ собо'ръ почти'мъ: то'й бо 
непреста'ннw бг~у предстоя`, и= трист~у'ю пjь'снь 
воспjьва'я, мо'литъ сп~сти'ся душа'мъ на'шымъ. 

Гла'съ в~:

[Студi'тово:] Невеще'ственное существо`, о_у='мныхъ 
си'лъ предста'тельствующе, и= трисл~нечныя сла'вы 
блиста'ньми, свjьтодаю'ще вселе'ннjьй а=рхiстрати'зи, 
непреста'ннымъ гла'сомъ трист~у'ю пjь'снь воспjьва'ете. 
тjь'мже моли'теся, сп~сти'ся душа'мъ на'шымъ.

Гла'съ то'йже:

[А=рсе'нiево:] Невеще'ственный пр\сто'лъ w=кружа'юще, 
о_у='мная сущ_ества`, бж~е'ственнiи безтjьле'снiи, 
трист~у'ю пjь'снь прави'телю бг~у, пла'менными 
о_у=стна'ми поете`: ст~ы'й бж~е, _о='ч~е безнача'льный. 
ст~ы'й крjь'пкiй, сн~е собезнача'льный. ст~ы'й 
безсме'ртный, _е=диносу'щный дш~е, _о=ц~у` и= сн~у 
спрославля'емый.

[А=нато'лiа:] Безтjьле'сными о_у=стна'ми, и= 
о_у='мными о_у=сты` а='гг~льстiи чи'ни непреста'нное 
пjь'нiе прино'сятъ твоему` непристу'пному бж~еству`, 
гд\си, и= о_у='ми чи'стiи и= служи'телiе твоея` сла'вы 
хва'лятъ тя`, гд\си, съ ни'миже мiхаи'лъ безтjьле'сный, 
и= гаврiи'лъ sjьлw` бл~голjь'пнjьйшiй, и= первостоя'телiе 
го'рнихъ си'лъ, а=рхiстрати'зи а='гг~льстiи, 
о_у=чреди'телiе на'ши дне'сь бы'ша: пjь^сни пjь'сней 
повелjьва'юще на'мъ пjь'ти непристу'пнjьй сла'вjь твое'й 
чл~вjьколю'бче, _е='йже мо'лятся непреста'ннw за ду'шы 
на'шя.

Сла'ва: гла'съ д~:

_О='гненными о_у=стна'ми пою'тъ тя` херувi'ми, хр\сте` 
бж~е, безтjьле'сными же о_у=сты`, немо'лчнw славосло'витъ 
тя` а=рха'гг~льскiй ли'къ: мiхаи'лъ же, а=рхiстрати'гъ 
вы'шнихъ си'лъ, побjь'дную пjь'снь непреста'ннw 
прино'ситъ сла'вjь твое'й. то'й бо на'съ дне'сь w=зари` 
къ торжеству` свjь'тлому, возбряца'ти досто'йнjь 
_псало'мски хвалу` трист~у'ю бре'нными о_у=стна'ми, 
jа='кw вся'ч_еская твоегw` хвале'нiя и=спо'лнишася, и= 
подае'ши мi'ру тjь'мъ ве'лiю мл\сть.

И= ны'нjь: гла'съ то'йже. [Геw'ргiа нiкомидi'йскагw:]

Дне'сь бг~овмjьсти'мый хра'мъ бц\да, въ хра'мъ гд\снь 
приво'дится, и= заха'рiа сiю` под\ъе'млетъ: дне'сь ст~а^я 
ст~ы'хъ ра'дуются, и= ли'къ а='гг~льскiй та'инственнw 
торжеству'етъ. съ ни'миже и= мы` пра'зднующе дне'сь, съ 
гаврiи'ломъ возопiи'мъ: ра'дуйся бл~года'тная, гд\сь съ 
тобо'ю, и=мjь'яй ве'лiю мл\сть.

На стiхо'внjь стiхи^ры, гла'съ а~: 

Подо'бенъ: Нб\сныхъ чинw'въ: 

А='гг~льски въ мi'рjь торжеству'юще, су'щему на 
пр\сто'лjь сла'вы бг~у сjьдя'щему возопiи'мъ пjь'снь: 
ст~ъ _е=си` _о='ч~е нб\сный, ст~ъ _е=си` соприсносу'щное 
сло'во, ст~ъ _е=си` и= дш~е всест~ы'й.

Стi'хъ: Творя'й а='гг~лы своя^ ду'хи, и= слуги^ своя^ 
пла'мень _о='гненный. 

Нб\снымъ пе'рвствуя въ дерзнове'нiи мно'зjьмъ, и= 
предстоя` пр\сто'лу стра'шному въ сла'вjь, самови'дче 
неизрече'нныхъ, сп~си' ны, мiхаи'ле а=рхiстрати'же, 
су'щыя въ ну'ждахъ бjь'дъ и= напа'стей, мл~твами твои'ми, 
мо'лимся. 

Стi'хъ: Хвали'те _е=го` вси` а='гг~ли _е=гw`, хвали'те 
_е=гw` вся^ си^лы _е=гw`. 

Безпло'тныхъ а='гг~лwвъ пе'рвый _е=си`, и= служи'тель 
бж~е'ственнагw свjьтозаре'нiя _о='нагw, самови'децъ же и= 
таи'нникъ, сп~си' ны, мiхаи'ле а=рхiстрати'же, лjь'тнw 
чту'щыя тя` бл~гоче'стнw, и= пою'щыя тр\оцу вjь'рнw. 

Сла'ва, и= ны'нjь: Гла'съ и~:

[I=wа'нна мона'ха:] Jа='кw чинонача'льникъ и= 
побо'рникъ, и= а='гг~лwвъ началово'ждь а=рхiстрати'же, 
вся'кiя ну'жды и= ско'рби, неду'гwвъ и= лю'тыхъ грjьхw'въ 
свободи`, вjь'рнw воспjьва'ющыя и= моля'щыя тя` сла'вне, 
jа='вjь jа='кw невеще'ственъ невеще'ственнаго зря`, и= 
непристу'пнымъ свjь'томъ вл\дчнiя сла'вы w=сiя'емь: то'й 
бо чл~вjьколю'бнw пло'ть на'съ ра'ди w\т дв~ы прiя'тъ, 
сп~сти` восхотjь'въ человjь'чество.

Тропа'рь, гла'съ д~: Нб\сныхъ во'инствъ: два'жды. И= 
Бц\де дв~о: _е=ди'ножды.

На о_у='трени,

на Бг~ъ гд\сь, тропа'рь: Нб\сныхъ во'инствъ: два'жды. 

Сла'ва, и= ны'нjь, бг~оро'диченъ: _Е='же w\т вjь'ка 
о_у=тае'ное:

По а~-мъ стiхосло'вiи сjьда'ленъ, гла'съ а~:

Подо'бенъ: Гро'бъ тво'й сп~се:

Пр\сто'лу стра'шному предстоя'ще при'снw, и= 
свjь'тлыми заря'ми трисл~нечнагw бж~ества` w=сiя'еми, 
просвjьти'те ны`, грjьхо'вный мра'къ w\тгоня'ще, ва'шъ 
собо'ръ пра'зднующыя свjь'тлw, и= прилjь'жнw моли'те 
и=зба'витися на'мъ w\т бjь'дъ, пресвjь'тлiи мл~твенницы. 

Сла'ва, гла'съ то'йже: 

Подо'бенъ: Ли'къ а='гг~льскiй:

Ли'къ а='гг~льскiй, а=рхiстрати'га и=мjь'я 
бж~е'ственнаго мiхаи'ла, съ ни'мъ ст~jь'й тр\оцjь 
приноша'етъ пjь'нiе: w\т не су'щихъ бо содjь'тель 
вся'ческихъ, вw'инства _о=гнезра'чныхъ чинw'въ сло'вомъ 
приведе`. 

И= ны'нjь, бг~оро'диченъ:

О_у=пова'нiе хр\стiа'нъ прест~а'я дв~о, _е=го'же 
родила` _е=си` бг~а, па'че о_у=ма` и= сло'ва, 
непреста'ннw моли` съ го'рними си'лами, пода'ти 
w=ставле'нiе грjьхw'въ на'шихъ всjь'хъ, и= и=справле'нiе 
житiя`, вjь'рою и= любо'вiю при'снw сла'вящымъ тя`.

По в~-мъ стiхосло'вiи сjьда'ленъ, гла'съ в~: 

Подо'бенъ: _Е=гда` снизше'лъ _е=си`:

Посредjь` полкw'въ а='гг~льскихъ старjь'йшiй jа=ви'лся 
_е=си`, мiхаи'ле а=рхiстрати'же, вы'шняго цр~я` 
непреста'ннw моли`, до'льнихъ мучи'телей горды'ню 
низложи'ти: и= jа='кw и=мjь'я дерзнове'нiе о_у= пр\сто'ла 
_о=гнезра'чнагw, моли` за ны` непреста'ннw рабы^ твоя^.

Сла'ва, гла'съ д~: 

Подо'бенъ: Ско'рw предвари`:

Херувi'ми и= серафi'ми, много_очи^тая а=рха'гг~лwвъ 
служи'телей вw'инства, со властьми` пр\сто'ли, гд\сьства, 
а='гг~ли, си^лы же и= нача^ла, мо'лятъ тя` творца` 
на'шегw и= бг~а и= вл\дку, да не пре'зриши моле'нiя 
люде'й согрjьши'вшихъ, бж~е многомл\стиве.

И= ны'нjь, бг~оро'диченъ:

Дв~о всенепоро'чная, jа='же пресу'щнаго бг~а ро'ждшая, 
со безпло'тными того` непреста'ннw моли`, w=ставле'нiе 
прегрjьше'нiй и= и=справле'нiе житiя` да'ти на'мъ пре'жде 
конца`, вjь'рою и= любо'вiю пою'щымъ тя` по до'лгу, 
_е=ди'на всепjь'тая.

По полv"еле'и сjьда'ленъ, гла'съ и~:

Подо'бенъ: Прему'дрости:

Нб\сныхъ чинw'въ наста'вникъ, служи'тель же сла'вы 
бж~е'ственныя досто'йнw бы'въ, повелjь'нiемъ зижди'теля 
твоегw`, хр\стiа'нwмъ _е=си` хода'тай сп~се'нный, 
невеще'ственною твое'ю сла'вою земны^я назира'я. тjь'мже 
по до'лгу восхваля'емъ тя` вси`, бж~е'ственное твое` 
дне'сь воспjьва'юще торжество`, мiхаи'ле а=рхiстрати'же, 
моли` хр\ста` бг~а, грjьхw'въ w=ставле'нiе дарова'ти, 
пра'зднующымъ любо'вiю свято'е твое` торжество`. 

Сла'ва, гла'съ д~:

Подо'бенъ: Ско'рw предвари`:

А='гг~льстiи чи'ни со стра'хомъ предстоя'тъ пр\сто'лу 
твоему`, вл\дко хр\сте` бж~е, и= и=`же w\тту'ду заря'ми 
при'снw просвjьща'еми, пjь'снь ти` немо'лчнw побjь'дную 
воспjьва'ютъ: и='хже сщ~е'нными мл~твами ми'ръ мi'ру 
да'руй, и= душа'мъ на'шымъ ве'лiю мл\сть.

И= ны'нjь, бг~оро'диченъ:

Чт\сая и= всенепоро'чная и= неискусому'жная, дв~о 
мт~и, jа='же _е=ди'на безлjь'тнаго сн~а и= сло'ва бж~iя 
въ лjь'то поро'ждши, сего` со безпло'тными чт\сны'ми 
нб\сными си'лами моли`, дарова'ти на'мъ w=чище'нiе 
грjьхw'въ, и= ве'лiю мл\сть.

Та'же степ_е'нна, а~-й а=нтiфw'нъ д~-гw гла'са.

Прокi'менъ: Творя'й а='гг~лы своя^ ду'хи, и= слуги^ 
своя^ пла'мень _о='гненный. Стi'хъ: Бл~гослови`, душе` 
моя`, гд\са: Вся'кое дыха'нiе: _Е=v\глiе матfе'а, зача'ло 
н~в. Сла'ва: Мл~твами а=рха'гг~лwвъ: И= ны'нjь: Мл~твами 
бц\ды:

По н~-мъ _псалмjь` стiхи'ра, гла'съ s~:

А='гг~ли твои`, хр\сте`, пр\сто'лу вели'чества во 
стра'сjь предстоя'ще, и= твои'мъ свjьтоли'тiемъ при'снw 
w=сiява'еми, въ вы'шнихъ пjьснопjь'вцы твои`, и= совjь'та 
твоегw` служи'телiе, w\т тебе` низпосыла'еми, даю'тъ 
просвjьщ_е'нiя душа'мъ на'шымъ.

Канw'нъ бц\ды, со i=рмосо'мъ на s~. Гла'съ и~.

I=рмо'съ по два'жды: Пои'мъ гд\сви, прове'дшему лю'ди 
своя^: [пи'санъ во _о=ктw'ихjь, во _о=смо'мъ гла'сjь: въ 
недjь'лю на о_у='трени тре'тiй канw'нъ.]

Та'же безпло'тныхъ два` канw^на, на и~. 

Пе'рвый канw'нъ, творе'нiе i=wа'нна мона'ха, _е=гw'же 
краестро'чiе: Да торжеству'емъ, бг~ому'дрiи, похвалу` 
собо'ру безпло'тныхъ. Гла'съ и~.

Пjь'снь а~.

I=рмо'съ: Пjь'снь возсле'мъ лю'дiе чу'дному бг~у 
на'шему, свободи'вшему i=и~ля w\т рабо'ты, пjь'снь 
побjь'дную пою'ще и= вопiю'ще: пои'мъ тебjь` _е=ди'ному 
вл\дцjь.

Вси` воспои'мъ вjь'рнiи, вся^ о_у=правля'ющую 
невеще'ств_енныя го'рнихъ ликw'въ чинонача^лiя, тр\оцу 
несозда'нную: ст~ъ, ст~ъ, ст~ъ _е=си`, вопiю'ще, бж~е 
вседержи'телю.

Положи'лъ _е=си` тва'рей нача'ло, существо` 
безпло'тное, тво'рче а='гг~лwвъ, преч\стый тво'й 
пр\сто'лъ w=кружа'ющее, зва'ти тебjь`: ст~ъ, ст~ъ, ст~ъ 
_е=си`, бж~е вседержи'телю.

Ра'дуйся гаврiи'ле, тайнови'дче бж~iя воплоще'нiя, 
мiхаи'ле же, чинw'въ невеще'ственныхъ первостоя'телю, 
непреста'ннw зову'ще: ст~ъ, ст~ъ, ст~ъ _е=си`, бж~е 
вседержи'телю.

Бг~оро'диченъ: Трепе'щу та'инства, хр\сте`, твоегw` 
снизхожде'нiя, jа='кw и='же _е=стество'мъ бг~ъ, прiя'лъ 
_е=си` w\т дв~ы роди'тися jа='кw человjь'къ, да сп~се'ши 
мi'ръ w\т рабо'ты проти'внагw. 

Другi'й канw'нъ, творе'нiе тогw'жде i=wа'нна мона'ха.

Гла'съ то'йже.

Пjь'снь а~.

I=рмо'съ: Колесницегони'теля фараw'ня погрузи`, 
чудотворя'й и=ногда` мwv"се'йскiй же'злъ кр\стоwбра'знw 
порази'въ, и= раздjьли'въ мо'ре: i=и~ля же бjьглеца` 
пjьшехо'дца сп~се`, пjь'снь бг~ови воспjьва'юща. 

О_у='мная безпло'тныхъ чинw'въ ли'ки, пjь'сньми jа='кw 
служи'тели бж~е'ств_енныя, прiиди'те восхва'лимъ ли'къ 
совоку'пльше, w= на'шемъ сп~се'нiи непреста'ннw 
моля'щыяся, и= w= покая'нiи на'шемъ сра'дующыяся.

И=`же а='гг~лwвъ началовожди`, и= пред\ъизбра'ннiи, и= 
чинонача^льницы свjь'тлiи, безплw'тныя о_у=мы` дне'сь 
воздви'жутъ къ наверше'нiю пра'здника свjь'тлыя и='хъ 
па'мяти: съ ни'миже ку'пнw ра'дуются человjь'цы, пjь'нiе 
тр\оцjь принося'ще.

Да возвесели'мъ со а='гг~лы дне'сь человjь'цы, 
духо'внjь въ ра'дости: гаврiи'лъ бо па'ки ны'нjь 
бл~говjьству'етъ цр~квей соедине'нiе, и= низложе'нiе 
вся'кiя проти'вныя _е='реси, въ па'мяти а=рхiстрати'гwвъ.

Бг~оро'диченъ: Ражда'еши су'щее па'че _е=стества`, 
преч\стая, въ тебjь` все'льшееся _о='ч~ее сло'во дх~омъ 
ст~ы'мъ, во дв~у о_у='бw _е=стества'хъ и= хотjь'нiихъ 
су'ща, во v=поста'си же непрело'жнw _е=ди'нjьй, _е=я'же 
и= зра'къ цjьлу'емъ. 

Катава'сiа: W\тве'рзу о_у=ста` моя^:

Пjь'снь г~.

I=рмо'съ: Стра'хъ тво'й, гд\си, всади` въ сердца` 
ра^бъ твои'хъ, и= бу'ди на'мъ о_у=твержде'нiе, тя` во 
и='стинjь призыва'ющымъ.

Крjь'постiю поста'вилъ _е=си`, безсме'ртне, си^льныя, 
соверша'ющыя всест~у'ю твою` во'лю, тебjь` въ вы'шнихъ 
всегда` предстоя'щыя.

Таи'нники твоегw` вочл~вjь'ченiя, и= чт\сна'гw 
воста'нiя, а='гг~льскiя чинонача'льники, хр\сте`, за ны` 
прiими` моля'щыяся.

А='гг~лы приста'вилъ _е=си` храни'тели человjь'кwмъ, 
jа='кw бл~гоутро'бенъ: служи'тели же показа'лъ _е=си`, 
хр\сте`, сп~се'нiя твои'хъ о_у=го'дникwвъ.

Бг~оро'диченъ: Неизрече'ннw зачала` _е=си` гд\са и= 
сп~са бг~оневjь'сто, и=збавля'ющаго ны` w\т лю'тыхъ, тя` 
вои'стиннjь призыва'ющыя. 

И='нъ.

I=рмо'съ: Ты` _е=си` о_у=твержде'нiе притека'ющихъ къ 
тебjь`, гд\си: ты` _е=си` свjь'тъ w=мраче'нныхъ, и= 
пое'тъ тя` ду'хъ мо'й. 

А='гг~лwвъ пе'рвjьйшiй, и= тр\оцы свjь'тъ вторы'й, 
jа=ви'лся _е=си` на'мъ, мiхаи'ле нача'льниче, вjь'рнw 
бл~гохва'лящымъ тя`.

Заре'ю бж~е'ственныя бл~года'ти гаврiи'лъ вjь'рнw 
и=спо'лни всю` зе'млю, бж~iе проповjь'давъ въ пло'ти 
прише'ствiе.

Сопру'гъ приснопjьва'емый, и= свjьтоза'рная дво'ице 
невеще'ственная, свjь'ты бж~iя вjь'рнw соверша'ющыя ва'шу 
па'мять покажи'те.

Бг~оро'диченъ: Воспjь` и=са'iа твое` _е='же па'че 
о_у=ма`, чт\сая, рж\ство`: пою` и= а='зъ, да _о='нагw 
получу` w=чище'нiя.

Сjьда'ленъ, гла'съ и~: 

Подо'бенъ: Повелjь'нное:

Нб\сныхъ нача^льницы, и= первостоя'телiе 
высокопр\сто'льныхъ и= стра'шныхъ бж~е'ственныя сла'вы, 
мiхаи'ле и= гаврiи'ле а=рхiстрати'зи, а='гг~лwвъ 
чинонача^льницы, со всjь'ми безпло'тными, _w служи'телiе 
вл\дчни! w= мi'рjь непреста'ннw моля'щеся, и=спроси'те 
w=ставле'нiе прегрjьше'нныхъ на'ми, и= мл\сть и= 
бл~года'ть w=брjьсти` въ де'нь су'дный. [Два'жды.]

Сла'ва, и= ны'нjь, бг~оро'диченъ:

Бг~обл~года'тная чт\сая бл~гослове'нная, бл~гоутро'бiя 
ра'ди щедро'тъ, и=з\ъ тебе` ро'ждшагося, съ вы'шними 
си'лами, и= а=рха'гг~лы и= всjь'ми безпло'тными моли` 
непреста'ннw, пода'ти на'мъ пре'жде конца` мл\стивнw 
проще'нiе грjьхw'въ, и= житiя` и=справле'нiе, jа='кw да 
w=бря'щемъ мл\сть.

Пjь'снь д~.

I=рмо'съ: Всjь'лъ _е=си` на ко'ни, а=п\слы твоя^, 
гд\си, и= прiя'лъ _е=си` рука'ми твои'ма о_у=зды^ и='хъ, 
и= сп~се'нiе бы'сть jь=жде'нiе твое`, вjь'рнw пою'щымъ: 
сла'ва си'лjь твое'й, гд\си.

Всjь'лъ _е=си` на а='гг~лы jа='коже на ко'ни 
чл~вjьколю'бче, и= прiя'лъ _е=си` руко'ю твое'ю брозды^ 
и='хъ, и= сп~се'нiе бы'сть jь=жде'нiе твое`, непреста'ннw 
вопiю'щымъ: сла'ва си'лjь твое'й, гд\си. 

Покрыва'етъ а='гг~лы добродjь'тель твоя`, 
чл~вjьколю'бче, и= земли` и=сполня'етъ концы` твоегw` 
сла'внагw, безнача'льне, бж~е'ственнагw хвале'нiя, съ 
ни'ми тебjь` вопiю'щыя: сла'ва си'лjь твое'й, гд\си.

И=зше'лъ _е=си`, ще'дре, на сп~се'нiе люде'й твои'хъ, 
хр\сте`, созыва'еши же дру'ги а=п\слы твоя^, и= весе'лiе 
бы'сть прише'ствiе твое`, вjь'рнw тебjь` вопiю'щымъ: 
сла'ва си'лjь твое'й, гд\си.

Бг~оро'диченъ: Дв~а и= мт~и преесте'ственнw jа=ви'лася 
_е=си` всеч\стая. jа='кw бг~а того'жде и= чл~вjь'ка 
хр\ста` ро'ждшая. _е=му'же со стра'хомъ вопiю'тъ 
а='гг~льстiи чи'ни: сла'ва си'лjь твое'й, гд\си.

И='нъ.

I=рмо'съ: Ты` моя` крjь'пость, гд\си, ты` моя` и= 
си'ла, ты` мо'й бг~ъ, ты` мое` ра'дованiе, не w=ста'вль 
нjь'дра _о='ч~а и= на'шу нищету` посjьти'въ. тjь'мъ съ 
пр\оро'комъ а=вваку'момъ зову' ти: си'лjь твое'й сла'ва, 
чл~вjьколю'бче.

Во i=ерiхw'нjь jа=ви'ся си'лы гд\сни а=рхiстрати'гъ, 
вою'ющему дре'вле i=ису'су наvи'ну, побjьдотворя` и= 
побо'рствуя мiхаи'лъ вели'кiй, безпло'тныхъ нача'льникъ 
сы'й: w\т негw'же прiе'мъ си'лу слуга` гд\снь, копiе'мъ 
плjьни'въ, jа='тъ сопоста'ты.

Нача'льникъ нjь'когда безпло'тныхъ си'лъ jа=ви'ся, 
нося` ча^да бл~говjь'щенiя, заха'рiи i=ере'ю гаврiи'лъ 
вели'кiй, и= бж~е'ственный и='стиннw а=рха'гг~лъ: тjь'мже 
гла'съ словесе` роди'выйся i=wа'ннъ, _о=тцу` своему` 
гла'съ проглаго'ланiя w\тдае'тъ.

Ра'дуются ра'достiю вси` концы` земнi'и дне'сь, 
чт\сну'ю па'мять пра'зднующе а=рха'гг~лwвъ твои'хъ, бж~е, 
мiхаи'ла бж~е'ственнагw, и= гаврiи'ла бг~ому'драгw: 
сра'дуется же ку'пнw и= ве'сь а='гг~льскiй чи'нъ, jа='кw 
сохраня'ется мi'ръ покро'вомъ и='хъ.

Бг~оро'диченъ: _Е=ди'на ч\стая пребыла` _е=си` и= по 
рж\ствjь`, _е=ди'на то'кмw jа=ви'лася _е=си` безму'жная, 
млеко'мъ пита'ющая сло'во _о='ч~ее и='стинное, дх~омъ 
ст~ы'мъ прiе'мшее ра'бiй зра'къ по на'мъ, дв~о бц\де, 
_е=гw'же бж~е'ственное чту'ще зра'ка подо'бiе почита'емъ.

Пjь'снь _е~.

I=рмо'съ: W\т но'щи невjь'дjьнiя, по душелови'тельному 
пути` при'снw блудя'щаго, свjь'томъ ра'зума твоегw`, 
гд\си, преднаставля'я мя`, на стезю` за'повjьдей твои'хъ 
напра'ви.

Невозвра'тнымъ жела'нiемъ при'снw къ высотjь`, къ 
тебjь`, хр\сте`, носи'ми, кра'йнjьйшему всjь'хъ жела'нiй, 
а='гг~льскiя си^лы непреста'ннw тя` сла'вятъ.

Ты` о_у='мныя по существу`, нетлjь^нныя бл~года'тiю 
твое'ю, хр\сте`, о_у=стро'илъ _е=си` пjьснопjь'вцы 
твоегw` вели'чества, а='гг~лы твоя^, по w='бразу 
содjь'лавъ, непостижи'ме.

Ты` непрекло'нны на го'ршее, къ тебjь` приближе'нiемъ, 
хр\сте`, сохрани'лъ _е=си` твоя^ слуги^: и=сто'чникъ бо 
бл~гости ты` _е=си`, бл~готвори'ши досто'йнw тебjь` 
служа'щыя.

Бг~оро'диченъ: О_у=мерщвле'нную мою` ду'шу страстьми` 
ме'рзкими, всенепоро'чная w=живи`, жи'зни храни'теля 
ро'ждшая: и= къ стези` вjь'чнjьй, и= бл~же'ннjьй жи'зни 
о_у=пра'ви.

И='нъ.

I=рмо'съ: Вску'ю мя` w\три'нулъ _е=си` w\т лица` 
твоегw` свjь'те незаходи'мый, и= покры'ла мя` _е='сть 
чужда'я тьма` _о=кая'ннаго; но w=брати' мя, и= къ свjь'ту 
за'повjьдей твои'хъ пути^ моя^ напра'ви, молю'ся.

Непокаря'ющуся дре'вле бж~iимъ неизреч_е'ннымъ и= 
бж~е'ств_еннымъ чудес_е'мъ, валаа'му волхву`, на 
распу'тiи а='гг~лъ _о=слу` jа=ви'вся, стра'шнw w=бличи`, 
и= слове'сно живо'тное показа'въ, _е=стества` премjьни` 
позна'нiе.

Jа='ту бы'вшу петру`, и= въ темни'цjь пребыва'ющу, 
а='гг~лъ jа=ви'ся бж~iй, w\т ру'къ и='рwдовыхъ, и= 
о_у='зъ и= сме'рти и=збавля'я. тjь'мже прiиди'те вси`, 
jа='кw ду'шъ храни'телю бж~е'ств_енныя, му^дрыя 
а=рха'гг~лы да почти'мъ. 

Бра'ней крамолы^, а='гг~ли, а=рха'гг~ли, 
бж~е'ств_енныя си^лы бж~iя, и= цр~кw'вныя _е='р_еси, и= 
вся^ собла'зны ва'шими разрjьши'те къ бг~у при'сными 
мольба'ми, и= на'съ въ ми'рjь соблюди'те.

Бг~оро'диченъ: Во дву` существа'хъ _е=ди'наго тя` 
вjь'мы бг~а тва'ри, дjь'йствы _о=бjь'ма и= хотjь'нiи, 
су'ща несли'тна, сн~а бж~iя, w\т жены` пло'ть прiи'мша, 
_е=я'же w='бразъ почита'емъ на дщи'цахъ.

Пjь'снь s~.

I=рмо'съ: I=w'ну въ ки'тjь, гд\си, _е=ди'наго всели'лъ 
_е=си`, мене' же свя'заннаго мре'жами вра'жiями, jа='кw 
w\т тли` _о='наго сп~си`.

Бг~олjь'пнjь w\т не су'щихъ гд\си, сло'вомъ твои'мъ 
приве'лъ _е=си` сущ_ества` нб\сныхъ безсме'ртныхъ 
во'инствъ, свjьтови'дны ты^я содjь'ловая.

Таи^нницы чт\снi'и бж~iя хвале'нiя бы'сте безпло'тнiи, 
гра'ждане нб\сныя и= бж~е'ственныя и='стиннw ски'нiи, 
творцу` досто'йнw служа'ще.

Безпло'тныхъ чи'ни о_у='мнiи, тя` сн~е бж~iй 
пребезнача'льный, хва'лятъ непреста'ннw, и= 
славосло'вятъ, jа='кw творца` и= созда'теля вся'ческихъ.

Бг~оро'диченъ: Со _о=ц~е'мъ въ вы'шнихъ, пречт\сая, 
безнача'льнjь сjьдя'щаго, на w=б\ъя'тiихъ твои'хъ 
восклони'ти сподо'билася _е=си`: _е=го'же на'мъ пода'ждь 
ч\стая, рабw'мъ твои^мъ мл\стива.

И='нъ.

I=рмо'съ: W=чи'сти мя`, сп~се, мнw'га бо беззакw'нiя 
моя^, и= и=з\ъ глубины` sw'лъ возведи`, моли'ся: къ 
тебjь' бо возопи'хъ, и= о_у=слы'ши мя`, бж~е сп~се'нiя 
моегw`.

Jа='кw _о='гнь, и= пла'мень, и= свjь'тъ, безплw'тныя 
су'щыя, w\т веще'ственныя тли` о_у=мо'мъ восперя'еми, 
бре'нными о_у=стна'ми, невеще'ств_енныя со стра'хомъ 
пjь'сньми да почти'мъ. 

О_у=мертви'те страсте'й бу^ри а=рха'гг~ли, и= 
о_у=тиши'те съ ни'ми возмущ_е'нiя вся^ на вjь'ру, ст~i'и 
тр\оцы су'ще _о=гнезра'чнiи а=рхiстрати'зи.

А=рха'гг~ли бж~iи, безпло'тныхъ нача^льницы, 
предста'тельствомъ ва'шимъ w\т вся'кiя _е='реси на'съ 
сохрани'те, мiхаи'ле нача'льниче, и= гаврiи'ле, 
а=рхiстрати'зи.

Бг~оро'диченъ: И=з\ъ о_у=тро'бы jа=ви'лся _е=си` 
во'лею, w\т неискусому'жныя воплоща'емь, безпло'тенъ сы'й 
jа='кw бг~ъ, хр\сте`, плотоно'сецъ же, jа='кw чл~вjь'къ 
бы'лъ _е=си`. _е=гw'же подо'бiя вjь'рнiи, ви'дъ 
почита'емъ. 

Конда'къ, гла'съ в~:

А=рхiстрати'зи бж~iи, служи'телiе бж~е'ственныя 
сла'вы, а='гг~лwвъ нача^льницы и= человjь'кwвъ 
наста^вницы, поле'зное на'мъ проси'те, и= ве'лiю мл\сть, 
jа='кw безпло'тныхъ а=рхiстрати'зи.

I='косъ: Ре'клъ _е=си`, чл~вjьколю'бче, въ писа'нiихъ 
твои'хъ, мно'жеству ра'доватися а='гг~лwвъ на нб~си` w= 
человjь'цjь _е=ди'номъ ка'ющемся, безсме'ртне. тjь'мже 
мы` и=`же въ беззако'нiихъ, безгрjь'шне _е=ди'не 
сердцевjь'дче, тя` моли'ти всегда` дерза'емъ jа='кw 
бл~гоутро'бнаго, о_у=ще'дрити, и= низпосла'ти 
недостw'йнымъ о_у=миле'нiе, вл\дко, подая'й на'мъ 
проще'нiе: w= всjь'хъ бо на'съ мо'лятся тебjь` 
безпло'тныхъ а=рхiстрати'зи.

Пjь'снь з~.

I=рмо'съ: _О='троцы _е=вре'йстiи въ пещи` попра'ша 
пла'мень дерзнове'ннw, и= на ро'су _о='гнь преложи'ша, 
вопiю'ще: бл~гослове'нъ _е=си`, гд\си бж~е, во вjь'ки.

Свjь'ты jа=ви'лъ _е=си`, ще'дре, а='гг~лwвъ твои'хъ 
невеще'ственное существо`, неизрече'ннагw свjь'та 
и=сполня'еми непреста'ннw, бл~гослове'нъ _е=си`, 
зову'щыя, бж~е во вjь'ки.

_Е=му'же предстоя'тъ непреста'ннw, служа'ще тьмы^ 
а='гг~лwвъ, лица' же зрjь'ти не терпя'тъ зрjь'нiя, 
бл~гослове'нъ _е=си`, зову'ще, гд\си бж~е, во вjь'ки. 

Сло'вомъ твои'мъ v=поста'снымъ а='гг~льское 
_е=стество` содjь'лалъ _е=си`: w=святи'въ же 
бж~е'ственнымъ дх~омъ, тр\оцу бг~осло'вити научи'лъ 
_е=си`, бж~е, во вjь'ки.

Тр\оченъ: Три` о_у='бw о_у='мствующе v=поста'си, 
неwпи'санное сла'вимъ существо`, _о=ц~а`, сло'ва со 
дх~омъ, вопiю'ще: бл~гослове'нъ _е=си`, гд\си бж~е, во 
вjь'ки.

И='нъ.

I=рмо'съ: W\т i=уде'и доше'дше _о='троцы, въ 
вавv"лw'нjь и=ногда`, вjь'рою тр\оческою пла'мень пе'щный 
попра'ша, пою'ще: _о=тц_е'въ бж~е бл~гослове'нъ _е=си`.

Съ ли'ки безпло'тныхъ, и= человjь'ческiй ро'дъ, 
прiиди'те поклони'мся въ бл~гознамени'тый де'нь се'й, 
па'мять соверша'юще му'дрыхъ а=рха'гг~лwвъ хр\сто'выхъ, 
ст~ъ, ст~ъ, ст~ъ пою'ще, бж~е _о=т_е'цъ на'шихъ.

Jа='кw страннолюби'вiи дре'вле, а=враа'мъ бг~ови'децъ, 
и= лw'тъ сла'вный, о_у=чреди'ша а='гг~лы, и= w=брjьто'ша 
_о=бще'нiе со а='гг~лы, зову'ще: ст~ъ, ст~ъ, ст~ъ _е=си` 
бж~е _о=т_е'цъ на'шихъ.

Манw'ю до'блественному, и= тwвi'ту прему'дрому 
jа=ви'шася а='гг~ли, воздаю'ще натрижн_е'нiя житiя` по 
досто'инству: и= _о=трокw'въ а='гг~лъ о_у=гаси` пла'мень 
и=ногда` въ пещи` _о='гненнjьй су'щихъ.

Бг~оро'диченъ: Все` на'ше по существу` w\т дв~ы 
поне'слъ _е=си`, кромjь` и=змjьне'нiя i=и~се _е=стествы` 
сугу'ба, но _е=ди'наго v=поста'сiю, _о=ч~ески тя` 
проповjь'дуемъ: _е=гw'же и= ви'дъ вjь'рнw почита'емъ 
и=з\ъwбразу'юще.

Пjь'снь и~.

I=рмо'съ: На горjь` ст~jь'й просла'вльшася, и= въ 
купинjь` _о=гне'мъ приснодв~ы мwv"се'ови та'йну 
jа='вльшаго, гд\са по'йте, и= превозноси'те во вся^ 
вjь'ки.

А='гг~льскому поревну'емъ житiю`, и= мы'сли впери'мъ 
къ высотjь`: и= съ ни'ми невеще'ственнw воспои'мъ гд\са, 
пою'ще и= превознося'ще во вся^ вjь'ки. 

Лико'вств_енницы ликова'нiя нб\снiи, престо'лъ 
w=бстоя'ще сла'вы, _о='крестъ бг~а же всегда` 
w=браща'ющеся, а='гг~ли пою'тъ, и= превозно'сятъ _е=го` 
во вся^ вjь'ки.

Невеще'ственнагw _о=гня` творя'щей пла'мень, на 
высотjь` непреста'ннw служа'щыя и= а='гг~лы дх~и 
jа=вля'ющей тр\оцjь покланя'емся, и= славосло'вимъ во 
вся^ вjь'ки.

Бг~оро'диченъ: _Е=му'же на нб~си` предстоя'тъ съ 
тре'петомъ тьмы^ а='гг~лъ и= а=рха^гг~лъ, того` на 
w=б\ъя'тiихъ носи'ти сподо'билася _е=си` бц\де: моли` 
сп~сти'ся славосло'вящымъ _е=го` во вся^ вjь'ки. 

И='нъ.

I=рмо'съ: Седмери'цею пе'щь халде'йскiй мучи'тель 
бг~очести^вымъ неи'стовнw разжже`, си'лою же лу'чшею 
сп~се'ны сiя^ ви'дjьвъ, творцу` и= и=зба'вителю вопiя'ше: 
_о='троцы бл~гослови'те, сщ~е'нницы воспо'йте, лю'дiе 
превозноси'те во вся^ вjь'ки.

Нача'льникъ а='гг~лwвъ бы'сть мiхаи'лъ а=рха'гг~лъ: но 
сла'вится съ ни'мъ свjьтлjь'е таи'нникъ бл~года'ти, и= 
дв~ы w=бручи'тель чт\сны'й воево'да безпло'тныхъ, 
досто'йнw ра'дость предвозвjьща'я гаврiи'лъ вопiю'щымъ: 
лю'дiе превозноси'те хр\ста` во вся^ вjь'ки.

А='гг~льскiя чи'ны въ разли'чномъ зра'цjь о_у=ви'дjьвъ 
i=езекi'иль, предсказу'я проповjь'данiе: въ ни'хже 
шестокри'льнiи серафi'ми предстоя'ху, и= херувi'ми 
много_очи'тiи w=кружа'ху, съ ни'миже а=рха'гг~лы 
пресвjь'тлыя зря'ше, хр\ста` славосло'вящыя во вся^ 
вjь'ки.

Jа='кw стра'шно прише'ствiе втора'гw сjьда'лища 
твоегw` jа=вленнотворя` данiи'лъ, предглаго'лаше: jа='кw 
пр\сто'ли поста'вишася, и= ве'тхiй сjьдя'ше, и= тьмы^ 
а='гг~лwвъ ввожда'ше, со стра'хомъ предстоя'щыя, и= 
гла'сы немо'лчными вопiю'щыя тр\оцjь, во вся^ вjь'ки.

Бг~оро'диченъ: _О=ц~у` и= дх~у _е=диносу'щное сло'во, 
во'лею jа=ви'ся, и= на'мъ и=з\ъ дв~ы соwбра'зенъ, не 
смjьси'въ въ дру'гъ дру'га, jа=`же стра'шнагw 
соедине'нiя: _е=ди'нъ бо и= то'йжде во _о=бои'хъ 
показу'ется, въ дву` существа'хъ, и= _е=ди'ной 
v=поста'си: _е=гw'же ны'нjь подо'бiя w='бразу 
покланя'емся.

Пjь'снь f~.

I=рмо'съ: О_у=ста'вы прешла` _е=си` _е=стества`, 
содjь'теля заче'нши и= гд\са, и= две'рь сп~се'нiя мi'рови 
была` _е=си`. тjь'мъ тя` бц\де, непреста'ннw велича'емъ.

Тя` неизрече'ннw соедини'вшаго нб\снымъ, хр\сте`, 
земна^я, и= _е=ди'ну цр~ковь соверши'вша а='гг~лwвъ и= 
человjь'кwвъ, непреста'ннw велича'емъ.

А='гг~ли же и= а=рха'гг~ли, пр\сто'ли, вла^сти и= 
гд\сьства, нача^ла же и= си^лы, херувi'ми и= серафi'ми, 
съ бц\дею w= мi'рjь моли'теся. 

Всjь'хъ предста'телiе показу'ющiися, мiхаи'лъ съ 
гаврiи'ломъ, посjьти'те w\т любве` чту'щыя 
всепра'зднственную па'мять ва'шу, и= вjь'рнw 
воспjьва'ющыя: сп~са'йте w\т вся'кагw w=бстоя'нiя.

Бг~оро'диченъ: Ра'дуйся, ст~а'я бг~оневjь'сто: 
ра'дуйся, свjь'тъ мi'ру ро'ждшая вjь^рнымъ. ра'дуйся, 
стjьно` и= покро'ве всjь'хъ на'съ: бг~а jа='кw 
бл~годjь'теля за ны` непреста'ннw моли`.

И='нъ.

I=рмо'съ: Вои'стинну бц\ду тя` и=сповjь'дуемъ, 
сп~се'ннiи тобо'ю, дв~о ч\стая, съ безпло'тными ли'ки тя` 
велича'юще.

Неду'гующихъ и= пла'вающихъ, и= су'щихъ въ ну'ждахъ, 
ко сп~се'нiю побw'рницы jа=ви'стеся, безпло'тныхъ пе'рвiи 
мiхаи'ле и= гаврiи'ле.

Си'лъ и= пр\сто'лwвъ бж~е'ственныхъ слико'вственникъ, 
jа='кw воево'да а='гг~льскiй, и= таи'нникъ бж~iй, w= 
на'съ сп~су гаврiи'ле, моли'ся.

Jа='кw храни'телiе мi'ра и= цр~кве, и= чинонача^льницы 
вы'шнихъ си'лъ, w= на'съ сп~са о_у=моли'те.

Бг~оро'диченъ: Согла'снw бц\де, тя` славосло'вимъ, 
jа='кw w\т страсте'й и= бjь'дъ сп~са'еши ны`, и= на^ша 
мол_е'нiя во бл~ги'хъ и=сполня'еши. 

Свjьти'ленъ:

Подо'бенъ: Дх~омъ во святи'лищи:

_О='гненныхъ а=рхiстрати'же слу'гъ, предста'тельство 
w\т _о=ц~а` прiя'лъ _е=си` мiхаи'ле свjь'тwвъ: тjь'мъ и= 
сiя'нiе тогw` сла'вы сiя'ющее и='маши, _о=кру'гъ 
преч\стагw пр\сто'ла ты` предстоя`, jа='кw пе'рвый 
невеще'ственныхъ чинw'въ.

Сла'ва:

Подо'бенъ: Со о_у=ч~нки`:

Невеще'ственныхъ си'лъ, а=рха^гг~лъ, и= а='гг~лъ, 
гд\сьствъ и= пр\стw'лъ, и= нача^лъ предста'тель пред\ъ 
бг~омъ постоя'нный а=рхiстрати'же бж~е'ственне, мiхаи'ле 
пресла'вне: нестерпи'мому бо пр\сто'лу предстоя'й, 
покры'й, соблюди`, сохрани` и= сп~си` вся^ вjь'рою тя` 
почита'ющыя, мiрска'го предста'теля.

И= ны'нjь, бг~оро'диченъ:

Ч\стнjь'йшая _е=си` херувi^мъ сла'вныхъ, и= серафi^мъ, 
всепjь'тая, стра'шныхъ без\ъ сравне'нiя сла'внjьйшая, и= 
всjь'хъ ст~ы'хъ а='гг~лъ ст~jь'йшая преч\стая: зижди'теля 
бо всjь'хъ пло'тски неизрече'ннw родила` _е=си` бц\де. 
_е=го'же моли`, рабw'мъ твои^мъ разрjьше'нiе дарова'ти 
прегрjьше'нiй. 

На хвали'техъ стiхи^ры на д~, гла'съ а~:

Подо'бенъ: Нб\сныхъ чинw'въ:

Нб\сныхъ чинw'въ jа='кw преднача'льника, и= су'щихъ на 
земли` человjь'кwвъ крjь'пкаго тя` предста'теля, 
храни'теля же и= и=зба'вителя воспjьва'емъ вjь'рнw, 
мiхаи'ле а=рхiстрати'же, моля'щеся вся'кiя тлетво'рныя 
болjь'зни на'съ и=зба'вити.

Чинонача'льникъ сы'й го'рнихъ бж~е'ственныхъ си'лъ, 
дне'сь созыва'етъ человjь^ческiя ли'ки, _е=ди'нъ со 
а='гг~лы свjь'тлый пра'здникъ соста'вити, собо'ра и='хъ 
бж~е'ственнагw, и= ку'пнw пjь'снь бг~у воспjь'ти 
трист~у'ю.

Под\ъ кро'въ бж~е'ственныхъ ны` кри'лъ твои'хъ 
прибjьга'ющыя вjь'рою, мiхаи'ле бж~е'ственный о_у='ме, 
соблюда'й и= покрыва'й чрез\ъ все` житiе`: и= въ ча'съ 
а=рха'гг~ле, сме'ртный стра'шный, ты` предста'ни 
помо'щникъ всjь^мъ на'мъ бл~гопрiе'мнjьйшiй. 

Гла'съ д~:

[_Е=фре'ма карi'йскагw:] Трисо'лнечныя лучи` 
бж~е'ственнымъ свjь'томъ w=сiява'еми а=рхiстрати'зи, 
невеще'ственныхъ w=заря'ете чинонача^лiя: jа='коже 
свjь'тъ бjьлоwбра'знjь показу'ющеся въ вы'шнихъ, _о='гнь 
w=блиста'ете въ мi'рjь непристу'пнагw бж~ества`. тjь'мъ 
и= трист~у'ю пjь'снь пла'менными о_у=стна'ми непреста'ннw 
пое'те: ст~ъ, ст~ъ, ст~ъ _е=си` бж~е на'шъ, сла'ва 
тебjь`. 

Сла'ва, гла'съ _е~:

И=дjь'же w=сjьня'етъ бл~года'ть твоя` а=рха'гг~ле, 
w\тту'ду дiа'воля прого'нится си'ла: не терпи'тъ бо 
свjь'та твоегw` ви'дjьти спады'й денни'ца. тjь'мъ мо'лимъ 
тя`, _о=гненw'сныя _е=гw` стрjь'лы, jа=`же на ны` 
дви^жимыя, о_у=гаси` хода'тайствомъ твои'мъ, и=збавля'я 
на'съ w\т собла'знwвъ _е=гw`, достохва'льный мiхаи'ле 
а=рхiстрати'же. 

И= ны'нjь, бг~оро'диченъ:

Бл~жи'мъ тя`, бц\де дв~о, и= сла'вимъ тя` вjь'рнiи по 
до'лгу, гра'дъ непоколеби'мый, стjь'ну неwбори'мую, 
тве'рдую предста'тельницу, и= прибjь'жище ду'шъ на'шихъ. 

Славосло'вiе вели'кое, и= w\тпу'стъ.

На лiтургi'и:

Бл~ж_е'нна а~-гw канw'на, пjь'снь г~-я: и= в~-гw, 
пjь'снь s~-я. Прокi'менъ, гла'съ д~: Творя'й а='гг~лы 
своя^ ду'хи, и= слуги^ своя^ пла'мень _о='гненный. 
Стi'хъ: Бл~гослови` душе` моя` гд\са: А=по'столъ ко 
_е=вре'_емъ, зача'ло т~_е. А=ллилу'iа, гла'съ в~: 
Хвали'те гд\са вси` а='гг~ли _е=гw`. _Е=v\глiе луки`, 
зача'ло н~а. Прича'стенъ: Творя'й а='гг~лы своя^ ду'хи: