Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::слав>

(с. 653)

%<Мjь'сяца тогw'же въ f~-й де'нь.%>

%<Пра'зднество прест~jь'й вл\дчцjь на'шей бг~оро'дицjь 
ра'ди а=fw'нскiя чудотво'рныя _е=я` i=кw'ны, нарица'емыя 
скоропослу'шница.%>

%<На вече'рни. Б%>л~же'нъ му'жъ: %<а~-й а=нтiфw'нъ.%>

%<На Г%>д\си воззва'хъ: %<стiхи^ры, гла'съ а~.%>

%<Д%>не'сь любо'вiю пра'зднующе бг~оро'дицjь, честно'му 
_о='бразу _е=я` поклони'мся и= те'плjь возопiи'мъ: мт~рнее 
дерзнове'нiе къ сн~у твоему` и= бг~у, дв~о, и=му'щи, 
и=спроси` на'мъ о_у= негw` проще'нiе грjьхw'въ, ми'ръ и= 
ве'лiю ми'лость.

%<Х%>ра'мъ бж\ства` су'щая, вмjьсти'лище простра'нное 
бл~года'ти и= милосе'рдiя jа=ви'лася _е=си`, бг~оневjь'сто. 
о_у=слы'ши о_у=`бо ско'рw рабw'въ твои'хъ, всебл~га'я 
скоропослу'шнице, и= пода'ждь скорбя'щымъ о_у=тjьше'нiе, 
бjь'дствующымъ w\т бjь'дъ и=збавле'нiе, боля'щымъ здра'вiе 
и= всjь^мъ вjь^рнымъ ве'лiю ми'лость.

%<П%>ри'зри съ нб~се`, бг~оро'дице, на предстоя'щыя 
пред\ъ ст~о'ю i=кw'ною твое'ю и= тебе` съ вjь'рою 
призыва'ющыя, и= бл~года'ть твою` низпосли` на'мъ, да 
бг~оуго'днw по'прище жи'зни на'шея пре'йдемъ и= да 
сподо'бимся твои'мъ хода'тайствомъ w\т сн~а твоегw` прiя'ти 
ве'лiю ми'лость. (с. 654)

%<И='ны стiхи^ры, гла'съ д~:%>

%<В%>есели'ся, дохiа'рская _о=би'тель а=рха'гг~лwвъ, 
ра'дуйтеся, су'щiи во а=fw'нjь и= повсю'ду, вjь'рнiи: 
_о='бщая бо всjь'хъ засту'пница восхотjь` бы'ти ско'рая 
моля'щихся о_у=слы'шательница вели'кiя ра'ди своея` 
ми'лости.

%<П%>рите'кше под\ъ кро'въ кри'лъ нб\сныхъ во'инствъ 
а=рхiстрати'гwвъ, притеце'мъ и= под\ъ кро'въ нб~се` и= 
земли` вл\дчцы, бл~гоутро'бнw бо прiе'млетъ и= ско'рw 
вне'млетъ проше'нi_емъ, jа='кw всебл~га'я скоропослу'шница, 
къ _о='бразу _е=я` со благоговjь'нiемъ прибjьга'ющихъ 
вели'кiя ра'ди своея` ми'лости.

%<Б%>г~оизбра'нная дв~о всецр~и'це, и='нокwвъ 
неwбори'мый покро'ве и= всjь'хъ хр\стiа'нъ непосты'дное 
прибjь'жище, храни` жре'бiй тво'й, рwссi'ю и= вся^ гра'ды, 
в_е'си и= w=би'тели правwсла'вныя невреди^мы w\т вра^гъ 
ви'димыхъ и= неви'димыхъ, и= всjь'хъ на'съ заступи` и= 
сп~си` вели'кiя ра'ди твоея` ми'лости.

%<Сла'ва, и= ны'нjь, гла'съ з~:%>

%<_Е=%>гда` трапеза'рь дохiа'рскiй нi'лъ лиши'ся 
зрjь'нiя за _е='же не вня'ти гла'су твоему`, преч\стая, и= 
принесе` тебjь` покая'нiе пред\ъ ст~о'ю i=кw'ною твое'ю, 
благоволи'ла _е=си` рещи` _е=му`: _w и='ноче, о_у=слы'шася 
моле'нiе твое` ко мнjь`, бу'ди проще'нъ и= зря'й, jа='кw и= 
пре'жде, возвjьсти' же и= про'чымъ подвиза'ющымся _о=тц_е'мъ 
и= собра'тiямъ твои^мъ, jа='кw а='зъ _е='смь мт~рь бг~а 
сло'ва и= сщ~е'нныя _о=би'тели а=рха'гг~лwвъ по бз~jь 
покро'въ, и= по'мощь, и= держа'вное предста'тельство, 
промышля'ющая w= не'й, jа='кw взбра'нная прави'тельница. и= 
впре'дь и='ноцы да (с. 655) прибjьга'ютъ ко мнjь` во вся'кой 
и='хъ ну'ждjь, и= ско'рw и='мамъ слу'шати и=`хъ и= всjь'хъ, 
со благоговjь'нiемъ прибjьга'ющихъ ко мнjь` правосла'вныхъ 
хр\стiа'нъ, се' бо скоропослу'шница нарица'юся.

%<Вхо'дъ. Прокi'менъ дне` и= чт_е'нiя.%>

%<Бытiя` чте'нiе.%>

[Глава` к~и] %<И=%>зы'де i=а'кwвъ w\т студенца` 
кля'твеннагw, и= и='де въ харра'нъ. И= w=брjь'те мjь'сто, и= 
спа` та'мw: за'йде бо со'лнце. И= взя'тъ w\т ка'менiя 
мjь'ста тогw`, и= положи` возгла'вiе себjь`, и= спа` на 
мjь'стjь _о='номъ. И= со'нъ ви'дjь: се` лjь'ствица 
о_у=твержде'на на земли`, _е=я'же глава` досяза'ше до 
небе'съ, и= а='гг~ли бж~iи восхожда'ху и= низхожда'ху по 
не'й. Гд\сь же о_у=твержда'шеся на не'й, и= рече`: а='зъ 
бг~ъ а=враа'мовъ, _о=тца` твоегw`, и= бг~ъ i=саа'ковъ, не 
бо'йся: земля`, и=дjь'же ты` спи'ши на не'й, тебjь` да'мъ 
ю=`, и= сjь'мени твоему` И= бу'детъ сjь'мя твое` jа='кw 
песо'къ земны'й, и= распространи'тся на мо'ре, и= лi'ву, и= 
сjь'веръ, и= на восто'ки: и= возбл~гословя'тся w= тебjь` 
вся^ колjь^на земна^я, и= w= сjь'мени твое'мъ. И= се` а='зъ 
съ тобо'ю сохраня'яй тя` на вся'комъ пути`, а='може а='ще 
по'йдеши, и= возвращу' тя въ зе'млю сiю`: jа='кw не и='мамъ 
тебе` w=ста'вити, до'ндеже сотвори'ти ми` вся^, _е=ли^ка 
глаго'лахъ тебjь`. И= воста` i=а'кwвъ w\т сна` своегw`, и= 
рече`: jа='кw _е='сть гд\сь на мjь'стjь се'мъ, а='зъ же не 
вjь'дjьхъ. И= о_у=боя'ся, и= рече`: jа='кw стра'шно мjь'сто 
сiе`: нjь'сть сiе`, но до'мъ бж~iй, и= сiя^ врата` нб\сная.

%<Пр\оро'чества i=езекi'илева чте'нiе.%>

[Главы^ м~г и= м~д] %<Т%>а'кw глаго'летъ гд\сь: бу'детъ 
w\т дне` _о=сма'гw и= про'чее, сотворя'тъ i=ер_е'и на 
_о=лтари` всесожже'нiя ва'шегw и= jа=`же сп~се'нiя ва'шегw: 
и= прiиму' вы (с. 656) глаго'летъ а=дwнаi` гд\сь. И= 
w=брати' мя на пу'ть вра'тъ ст~ы'хъ внjь'шнихъ, зря'щихъ на 
восто'ки: и= сiя^ бя'ху затвор_е'на. И= рече` гд\сь ко 
мнjь`: врата` сiя^ затвор_е'на бу'дутъ, и= не w\тве'рзутся, 
и= никто'же про'йдетъ сквозjь` и='хъ: jа='кw гд\сь бг~ъ 
i=и~левъ про'йдетъ и='ми, и= бу'дутъ затвор_е'на. Jа='кw 
и=гу'менъ ся'детъ въ ни'хъ снjь'сти хлjь'бъ: по пути` 
_е=ла'мскихъ вра'тъ вни'детъ, и= по пути` _е=гw` и=зы'детъ. 
И= введе' мя по пути` вра'тъ ст~ы'хъ су'щихъ къ сjь'веру, 
пря'мw хра'му: и= ви'дjьхъ, и= се` и=спо'лнь сла'вы хра'мъ 
гд\сень.

%<При'тчей чте'нiе.%>

[Глава` f~] %<П%>рему'дрость созда` себjь` до'мъ, и= 
о_у=тверди` столпw'въ се'дмь: закла` своя^ же'ртв_енная, и= 
раствори` въ ча'ши свое'й вiно`, и= о_у=гото'ва свою` 
трапе'зу. Посла` своя^ рабы`, созыва'ющи съ высо'кимъ 
проповjь'данiемъ на ча'шу, глаго'лющи: и='же _е='сть 
безу'менъ, да о_у=клони'тся ко мнjь`. И= тре'бующымъ о_у=ма` 
рече`: прiиди'те, jа=ди'те мо'й хлjь'бъ, и= пi'йте вiно`, 
_е='же раствори'хъ ва'мъ. W=ста'вите безу'мiе, и= жи'ви 
бу'дете: и= взыщи'те ра'зума, да поживете`: и= и=спра'вите 
ра'зумъ въ вjь'дjьнiи. Наказу'яй sлы'я прiи'метъ себjь` 
безче'стiе, w=блича'яй же нечести'ваго w=поро'читъ себе`: 
w=бличе'нiе бо нечести'вому ра^ны _е=му`. Не w=блича'й 
sлы'хъ, да не возненави'дятъ тебе`: w=блича'й прему'дра, и= 
возлю'битъ тя`. Да'ждь прему'дрому вину`, и= прему'дршiй 
бу'детъ: сказу'й прв\дному, и= приложи'тъ прiима'ти. Нача'ло 
прему'дрости, стра'хъ гд\сень, и= совjь'тъ ст~ы'хъ, ра'зумъ: 
разумjь'ти бо зако'нъ, по'мысла _е='сть бл~га'гw. (с. 657) 
Си'мъ бо _о='бразомъ мно'гое поживе'ши вре'мя, и= 
приложа'тся тебjь` лjь'та живота`.

%<А='ще и=зво'литъ настоя'тель пjь'ти лiтi'ю, на _о='ной 
стiхи^ры:%>

%<Гла'съ а~:%>

%<С%>обра'вшеся дне'сь, бра'тiе, на моле'бное 
пjьснопjь'нiе пред\ъ _о='бразомъ бг~омт~ре скоропослу'шницы, 
духо'вное торжество` соста'вимъ и= бл~года'ть незави'стную 
почерпе'мъ w\т неистощи'магw и=сто'чника дарова'нiй. бл~га'я 
бо мт~рь су'щи всебл~га'гw бг~а на'шегw бг~оподо'бными 
сiя'етъ чудесы`, стра^сти и= болjь^зни и=сцjьля'етъ, въ 
мо'ри и= на су'ши сп~са'етъ съ вjь'рою къ не'й 
прибjьга'ющыя.

%<Гла'съ в~:%>

%<Jа='%>же всjь'мъ о_у=до'бь послу'шная въ ско'рби и= въ 
печа'ли ско'рw помога'ющая призыва'ющымъ тя` w\т души` 
нело'жнw, о_у=милосе'рдитися потщи'ся, вл\дчце, и= заступи` 
рабы^ твоя^, и=збавля'ющи на'съ w\т бjь'дъ моли'твами 
твои'ми.

%<Гла'съ г~:%>

%<Б%>г~оизбра'нная приснодв~о, бж~е'ственныхъ дарw'въ 
сокро'вище, мi'ра предста'тельнице, ско'рая моля'щихся 
послу'шательнице, не лиши` на'съ щедро'тъ твои'хъ и= 
прош_е'нiя на^ша о_у=скори` и=спо'лнити во сп~се'нiе ду'шъ 
на'шихъ.

%<Сла'ва, и= ны'нjь, гла'съ з~:%>

%<М%>л\стива, бл~гопребы'тна и= скоропослу'шна на'мъ, 
гп\сже`, jа=ви'ся, призыва'ющымъ бж~е'ственную твою` 
бл~года'ть во всjь'хъ, случа'ющихся на'мъ: всю' бо наде'жду 
ду'шъ на'шихъ возложи'хомъ къ тебjь`, бл~госе'рдой, и= (с. 
658) во всjь'хъ о_у=пова'емъ на про'мыслъ тво'й, ты` и= 
бу'дущiя на'съ сла'вы, и= живота` бж~е'ственнагw сподо'би.

%<На стiхо'внjь стiхи^ры, гла'съ _е~:%>

%<П%>рiиди'те, вjь'рнiи, восхва'лимъ приснодв~у 
бг~оро'дицу: ра'дуйся, глаго'люще, кiвw'те прест~ы'й и= 
всесвjь'тлая ски'нiя цр~я` цр~е'й, хр\ста`, бг~а на'шегw: 
ра'дуйся, а='гг~лwвъ о_у=дивле'нiе и= сла'во: ра'дуйся, 
земноро'дныхъ похвало` и= весе'лiе, сп~са'ющая въ ми'рjь 
ду'шы на'шя.

%<Стi'хъ: П%>омяну` и='мя твое` во вся'комъ ро'дjь и= 
ро'дjь.

%<Р%>а'дуйся, бл~гослове'нная въ жена'хъ, 
прароди'тельскiя кля'твы разрjьше'нiе и= w= всjь'мъ мi'рjь 
о_у=милостивле'нiе: ра'дуйся, хр\стiа'нъ те'плое 
предста'тельство и= о_у=слы'шательнице ско'рая моля'щихся къ 
тебjь` съ вjь'рою: ра'дуйся, покро'ве и= сп~се'нiе ду'шъ 
на'шихъ.

%<Стi'хъ: С%>лы'ши, дщи`, и= ви'ждь, и= приклони` 
о_у='хо твое`.

%<Р%>а'дуйся, гп\сже` всеми'лостивая, живоно'сный 
и=сто'чниче, струи` щедро'тъ точа'щiй вjь^рнымъ: ра'дуйся, 
а=fw'на тве'рдое w=гражде'нiе, и='нокwвъ наста'внице и= 
промышле'нiе: ра'дуйся, всjь'хъ по'моще, ра'досте и= 
сп~се'нiе ду'шъ на'шихъ.

%<Сла'ва. и= ны'нjь, гла'съ и~:%>

%<_W,%> мно'гихъ твои'хъ чуде'съ, бг~облагода'тная, 
содjь'ланныхъ _о='бразомъ твои'мъ, скоропослу'шнице! вся'къ 
бо, прите'кшiй къ тебjь` съ вjь'рою, не w\ти'де w\т ли'ка 
твоегw` то'щъ и= не о_у=слы'шанъ: слjьпi'и о_у= ст~ы'я 
твоея` i=кw'ны прозрjь'ша, хромi'и, разсла'бленнiи и= 
глусi'и и=сцjьли'шася, безча'дiя, плjь'на, пру'жiя, 
треволне'нiя морска'гw и= и=ны'хъ бjь'дъ и= неду'гwвъ 
и=зба'вила _е=си` призыва'ющихъ тя`, мт~рь всеще'драгw бг~а 
на'шегw, подаю'щагw на'мъ тобо'ю ве'лiю ми'лость. (с. 659)

%<Тропа'рь, гла'съ д~:%>

%<К%>ъ бг~оро'дицjь притеце'мъ, су'щiи въ бjьда'хъ, и= 
ст~jь'й i=кw'нjь _е=я` ны'нjь припаде'мъ, съ вjь'рою зову'ще 
и=зъ глубины` души`: ско'рw на'ше о_у=слы'ши моле'нiе, дв~о, 
jа='кw скоропослу'шница наре'кшаяся. тебе' бо раби` твои` въ 
ну'ждахъ гото'вую помо'щницу и='мамы.



%<На о_у='трени.%>

%<По а~-й каfi'смjь сjьда'ленъ, гла'съ в~:%>

%<В%>чера` воспjь` ст~а'я цр~ковь собо'ръ нб\сныхъ 
си'лъ, бл~ги'хъ покрови'телей на'шихъ: дне'сь пое'мъ пjь'снь 
тебjь`, всепjь'той бг~оро'дицjь, мi'ра держа'вному покро'ву, 
и= прославля'емъ ра'достнw бл~гость твою`. со безпло'тными 
о_у=`бо моли'ся во _е='же сп~сти'ся на'мъ.

%<Сла'ва, и= ны'нjь, то'йже.%>

%<По в~-й каfi'смjь сjьда'ленъ, гла'съ г~:%>

%<Jа='%>кw многосвjь'тлая луна`, показа'ся въ ч\стнjь'й 
_о=би'тели а=рха'гг~лwвъ ст~а'я i=кw'на твоя`, дв~о 
скоропослу'шнице: свjьти'ши бо бл~года'тiю чуде'съ въ но'щи 
бjь'дъ су'щымъ и= ско'рую по'мощь подае'ши во сп~се'нiе 
ду'шъ на'шихъ.

%<Сла'ва, и= ны'нjь, то'йже.%>

%<На полv"еле'и велича'нiе:%>

%<В%>елича'емъ тя`, прест~а'я дв~о, и= чти'мъ _о='бразъ 
тво'й ст~ы'й, и='мже то'чиши и=сцjьл_е'нiя всjь^мъ съ 
вjь'рою притека'ющымъ.

%<_Псало'мъ и=збра'нный: П%>омяни`, гд\си, давi'да.

%<По полv"еле'и сjьда'ленъ, гла'съ и~:%>

%<Б%>лагоговjь'йнw w=бстоя'ще ч\стны'й _о='бразъ мт~ре 
свjь'та, мwли'твы _е='й jа='кw всебл~го'й скоропослу'шницjь 
(с. 660) о_у=се'рднw принесе'мъ. сiю' бо нб~о w=душевле'нное 
чл~вjьколю'бiемъ гд\сь содjь'ла, и=злива'я то'ю, jа='кw 
до'ждь, да'ры своя^ во сп~се'нiе ду'шъ на'шихъ.

%<Сла'ва, и= ны'нjь, то'йже.%>

%<По н~-мъ _псалмjь` стiхи'ра, гла'съ з~:%>

%<П%>рош_е'нiя и=спо'лни рабw'въ твои'хъ, тебе`, 
прест~а'я дв~о, съ вjь'рою призыва'ющихъ. w\т вся^кiя 
ско'рби, неду'гwвъ и= w=sлобле'нiя всjь'хъ на'съ свободи`, 
да благода'рственнw воспjьва'емъ тя`, ско'рую моля'щихся 
о_у=слы'шательницу, подаю'щую вjь^рнымъ ве'лiю ми'лость.

%<Канw^на два`.%>

%<Канw'нъ а~-й, творе'нiе прп\дбнагw нiкоди'ма 
святого'рца.%>

%<Гла'съ и~.%>

%<Пjь'снь а~.%>

%<I=рмо'съ: В%>о'ду проше'дъ, jа='кw су'шу, и= 
_е=гv'петскагw sла` и=збjьжа'въ, i=и~льтянинъ вопiя'ше: 
и=зба'вителю и= бг~у на'шему пои'мъ.

%<Ч%>уде'съ твои'хъ бж\ственныхъ мно'жество 
благохвали'ти предпринима'я, тя` молю`, дв~о, w\т се'рдца, 
скоропослу'шнице, бл~года'ть пода'ждь ми`.

%<К%>то` не и=зуми'тся твоегw` _о='браза чудес_е'мъ, 
дв~о, w\т негw' бо служи'телю трапе'зы возгласи'ла _е=си` 
три'жды, скоропослу'шница наре'кшися.

%<К%>а'кw чудодjья'нiе твое` и=зрещи` возмогу`, 
_о=трокови'це, ты' бо пре'жде непоко'рнаго и='нока 
без\ъ_о'чна содjь'лала _е=си` и= па'ки сего` о_у=стро'ила 
_е=си` ви'дяща.

%<Р%>а'дуйся, сщ~е'нная _о=би'тель дохiа'рская: ты' бо 
и='маши всjь'хъ гп\сжу` предста'тельницу и= покро'въ, 
jа='коже сама` _о=на` jа='снw возвjьсти`. (с. 661)

%<Другi'й. канw'нъ, гла'съ д~.%>

%<Пjь'снь а~.%>

%<I=рмо'съ: W\т%>ве'рзу о_у=ста` моя^, и= напо'лнятся 
дх~а, и= сло'во w\тры'гну цр~и'цjь мт~ри, и= jа=влю'ся 
свjь'тлw торжеству'я, и= воспою` ра'дуяся тоя` чудеса`.

%<М%>т~и присносу'щнагw свjь'та и= _о='ч~iя 
прему'дрости, о_у=мудри` неразу'мiе мое` и= просвjьти' мя на 
пjь'нiе и= моли'тву пред\ъ ст~о'ю i=кw'ною твое'ю, 
скоропослу'шнице

%<W=%>брjь'тшiи сокро'вище ра'дуются, тjь'мже и= мы`, 
и=му'ще тя`, всецр~и'це, милосе'рдiя сокро'вище нб\сное и= 
неиждива'емое, воспjьва'емъ, ра'дующеся, твоя^ чудеса`.

%<Л%>ицу` твоему`, предрече` давi'дъ, помо'лятся 
бога'тiи лю'дстiи: и=сполня'ющуся сему`, вку'пjь съ 
бога'тыми и= мы`, добродjь'тельми о_у=бо'зiи, мо'лимся 
тебjь`, дв~о, пред\ъ ли'комъ твои'мъ.

%<Jа='%>коже _о='чи ра^бъ въ руку` госпо'дiй свои'хъ, 
та'кw _о='чи на'ши о_у=стрjьмле'ни су'ть къ тебjь` и= къ 
_о='бразу твоему`, всебл~га'я вл\дчце, до'ндеже о_у=ще'дриши 
рабы^ твоя^.

%<Катава'сiа: W\т%>ве'рзу о_у=ста` моя^, и= напо'лнятся 
дх~а, и= сло'во w\тры'гну цр~и'цjь мт~ри, и= jа=влю'ся 
свjь'тлw торжеству'я, и= воспою` ра'дуяся тоя` чудеса`.

%<Пjь'снь г~.%>

%<I=рмо'съ: Н%>б\снагw кру'га верхотво'рче, гд\си, и= 
цр~кве зижди'телю, ты` мене` о_у=тверди` въ любви` твое'й, 
жела'нiй кра'ю, вjь'рныхъ о_у=твержде'нiе, _е=ди'не 
чл~вjьколю'бче.

%<Б%>езча'дныхъ бл~гоча'дныхъ ты`, марi'е, показа'ла 
_е=си` и= непло'дныхъ же'нъ содjь'лала _е=си`, 
скоропослу'шнице, веселя'щихся w= ча'дjьхъ. кто` о_у='бw не 
и=зуми'тся, дв~о, вели'чiю твоему`; (с. 662)

%<Б%>улга'рiя проповjь'дуетъ твоегw` _о='браза чудеса`, 
_w скоропослу'шнице, восто'къ же и= за'падъ. и=сто'чникъ бо 
содjь'лалася _е=си`, точа'щiй бл~года'ти всjь'мъ 
призыва'ющымъ и='мя твое`.

%<Р%>а'ка болjь'знь w\т руки` и=счеза'етъ честны'я 
жены`, дв~о, посjьще'нiемъ твои'мъ, тjь'мже стра'ждущая, w\т 
неду'га свободи'вшися, ра'дующися, проповjь'да 
благода'рств_енная.

%<Ч%>у'днw о_у=краси'ся i=кw'на твоя`, скоропослу'шнице, 
и= па'че луче'й со'лнечныхъ w=свjьща'етъ всjь'хъ бл~года'тiю 
твое'ю, преч\стая. кто` о_у=`бо восхва'литъ тя`, на нб~си` 
и= на земли` сла'вимую!

%<И='нъ.%>

%<I=рмо'съ: Т%>воя^ пjьсносло'вцы, бц\де, живы'й и= 
незави'стный и=сто'чниче, ли'къ себе` совоку'пльшыя, 
духо'внw о_у=тверди`, въ бж~е'ственнjьй твое'й сла'вjь 
вjьнц_е'въ сла'вы сподо'би.

%<В%>оззри` твои'ми _о=чесы`, мр~i'е, и= ви'ждь 
бл~гоутро'бнw пред\ъ i=кw'ною твое'ю предстоя'щихъ и= тя` съ 
вjь'рою призыва'ющихъ, и= о_у=слы'ши си'хъ, 
скоропослу'шнице.

%<К%>рjь'пость да'руй на'мъ, ч\стая, да твори'мъ во'лю 
сн~а твоегw` со стра'хомъ и= любо'вiю, о_у=крjьпля'еши бо 
рабы^ твоя^ jа='кw мт~рь всеси'льнагw бг~а на'шегw.

%<С%>трастьми` бори'мiи и= неви'димыми сjь'ятелями 
sw'лъ, при'снw нужда'емся въ твое'й, вл\дчце, неwбори'мой 
по'мощи, _е=я'же не лиши` на'съ, бг~облагода'тная.

%<С%>п~си'тельный щи'тъ пода'ждь на'мъ, гп\сже`, твое` 
держа'вное заступле'нiе, и='мже началоsло'бнагw побjьжда'юще 
кwва'рства, вjьнц_е'въ сла'вы сподо'бимся. (с. 663)

%<Катава'сiа: Т%>воя^ пjьсносло'вцы, бц\де, живы'й и= 
незави'стный и=сто'чниче, ли'къ себе` совоку'пльшыя, 
духо'внw о_у=тверди`, въ бж~е'ственнjьй твое'й сла'вjь 
вjьнц_е'въ сла'вы сподо'би.

%<По г~-й пjь'сни сjьда'ленъ:%>

%<В%>л\дчцу тя` мi'ра вjь'мы, мр~i'е всепjь'тая, jа='кw 
родила` _е=си` на'мъ всjь'хъ творца`, сп~си'теля мi'ра, 
и='же и= просла'ви тебе`, преч\стую мт~рь свою`, подая` 
тобо'ю бл~года'ть и= ми'лость чту'щымъ тя` и= моля'щымся 
тебjь`, бг~оро'дице.

%<Сла'ва. и= ны'нjь, то'йже.%>

%<Пjь'снь д~.%>

%<I=рмо'съ: О_у=%>слы'шахъ, гд\си, смотре'нiя твоегw` 
та'инство, разумjь'хъ дjьла` твоя^ и= просла'вихъ твое` 
бж~ество`.

%<В%>о всjь'хъ концjь'хъ чудотво'рный тво'й _о='бразъ 
просла'вися, и= ны'нjь вси` о_у=ста'ми скоропослу'шницу 
произно'сятъ.

%<И=%> во снjь`, всецр~и'це, и= jа='вjь, 
скоропослу'шнице, jа=вля'яся, чудеса` соверша'еши въ мi'рjь 
пресла^вная.

%<К%>то` твое`, дв~о, и='мя въ ну'ждjь вся'кой 
призыва'ше, и= ско'рw тогw` не о_у=слы'шала _е=си`, jа='кw 
скоропослу'шница су'щая;

%<Б%>л~же'нна _е=си` дохiа'рская _о=би'тель сла'вная, 
i=кw'ною бо w=богати'лася _е=си` скоропослу'шницы 
всечестно'ю.

%<И='нъ.%>

%<I=рмо'съ: С%>jьдя'й въ сла'вjь на пр\сто'лjь бж\ства`, 
во _о='блацjь ле'гцjь прiи'де i=и~съ пребж~е'ственный, 
нетлjь'нною дла'нiю и= сп~се` зову'щыя: сла'ва, хр\сте`, 
си'лjь твое'й.

%<П%>рипа'дая ко ст~jь'й i=кw'нjь твое'й, дв~о, вопiю' 
ти w\т се'рдца сокруше'нна: не попусти' ми поги'бнути, 
всемл\стивая гп\сже`, житiе` мое` во грjьсjь'хъ и=жди'вшему. 
(с. 664)

%<Г%>рjьхолюби'въ сы'й, о_у=дали'хся, вл\дчце, сн~а 
твоегw`, и= лише'нъ _е='смь дерзнове'нiя къ нему`. тjь'мже 
къ покая'нiю мя` напра'вивъ, сподо'би получи'ти, _е='же 
погуби'хъ.

%<Б%>г~оизбра'нная _о=трокови'це, въ рунjь` w=роше'нномъ 
предви'дjьнная, w=кропи` росо'ю бл~года'ти и=зсо'хшую зе'млю 
се'рдца моегw` и= благопло'дну содjь'лай ду'шу мою`.

%<Р%>а'дуйся, бг~оневjь'сто, добродjь'тельми, jа='кw 
ря^сны златы'ми, преукра'шенная: ра'дуйся, сосу'де мv'ра, 
и='мже врачу'ются зову'щiи: сла'ва, хр\сте`, си'лjь твое'й.

%<Катава'сiа: С%>jьдя'й въ сла'вjь на пр\сто'лjь 
бж\ства`, во _о='блацjь ле'гцjь прiи'де i=и~съ 
пребж~е'ственный, нетлjь'нною дла'нiю и= сп~се` зову'щыя: 
сла'ва, хр\сте`, си'лjь твое'й.

%<Пjь'снь _е~.%>

%<I=рмо'съ: П%>росвjьти` на'съ повелjь^нiи твои'ми, 
гд\си, и= мы'шцею твое'ю высо'кою тво'й ми'ръ пода'ждь 
на'мъ, чл~вjьколю'бче.

%<К%>а'кw на тво'й преч\стый _о='бразъ а='зъ, 
недосто'йный, воззрю`, скоропослу'шнице, нечи'стыми _о=чесы` 
мои'ми.

%<М%>о'ре и= земля`, всецр~и'це, твоея` i=кw'ны чудеса` 
проповjь'дуютъ: твои'хъ бо бл~года'тей сiя^ _о=боя` 
наслади'шася.

%<Т%>а'тя jа=вля'еши, пjь'нязи похи'тивша бли'жнягw, 
мт~еродв~о, и= возвраща'еши пра'вjьднw сiя^ и=му'щему.

%<Ч%>то` воздади'мъ тебjь`, всебл~га'я, за бл~года'ть 
мно'гую, ю='же jа=ви'ла _е=си` на'мъ, дарова'въ i=кw'ну 
твою`, бога'тство сщ~е'нное.

%<И='нъ.%>

%<I=рмо'съ: О_у=%>жасо'шася вся'ч_еская w= 
бж~е'ственнjьй сла'вjь твое'й: ты' бо, неискусобра'чная 
дв~о, и=мjь'ла _е=си` во о_у=тро'бjь над\ъ всjь'ми (с. 665) 
бг~а и= родила` _е=си` безлjь'тнаго сн~а, всjь^мъ 
воспjьва'ющымъ тя` ми'ръ подава'ющая.

%<Н%>jь'сть, всемл\стивая гп\сже`, такова'гw, и='же бы 
лиши'ся щедро'тъ твои'хъ, прибjь'гъ съ вjь'рою къ твоему` 
бл~гоутро'бiю. тjь'мже прилjь'жнw мо'лимъ тя`: сподо'би и= 
на'съ грjь'шныхъ ми'лости твоея`.

%<О_у=%>милостивле'нiе w= всjь'мъ мi'рjь су'щая, 
о_у=моли`, дв~о, сн~а твоего`, всjь'хъ судiю`, да не 
помяне'тъ грjьхw'въ на'шихъ, и= да и=зба'вимся тобо'ю 
вся'кагw преще'нiя _е=гw`, находя'щагw на лю'ди 
согрjьши'вшыя.

%<П%>римири'теля вся'ческихъ ро'ждшая, всемо'щнымъ 
предста'тельствомъ твои'мъ, вл\дчце, о_у=миротвори` на'съ къ 
нему`, къ бли^жнимъ и= къ себjь` сами'мъ, jа='кw 
воспjьва'ющымъ тя` ми'ръ подава'ющая.

%<Катава'сiа: О_у=%>жасо'шася вся'ч_еская w= 
бж~е'ственнjьй сла'вjь твое'й: ты' бо, неискусобра'чная 
дв~о, и=мjь'ла _е=си` во о_у=тро'бjь над\ъ всjь'ми бг~а и= 
родила` _е=си` безлjь'тнаго сн~а, всjь^мъ воспjьва'ющымъ тя` 
ми'ръ подава'ющая.

%<Пjь'снь s~.%>

%<I=рмо'съ: М%>л~тву пролiю` ко гд\су и= тому` возвjьщу` 
печа^ли моя^, jа='кw sw'лъ душа` моя` и=спо'лнися, и= 
живо'тъ мо'й а='ду прибли'жися, и= молю'ся, jа='кw i=w'на: 
w\т тли`, бж~е, возведи' мя.

%<Jа='%>кw любвеwби'льная мт~рь jа='вльшися, призыва'ла 
_е=си` _о='трока къ себjь`, до'ндеже и=зба'вила _е=си` w\т 
руки` разбо'йникwвъ, мт~родв~о. но да w=брjьте'мъ тя` и= 
мы`, мт~рь любвеwби'льную.

%<Н%>е и='мамы раби` твои` и=но'гw, ра'звjь теб_е`, 
предста'тельства и= покро'ва. тjь'мже, ч\стая, w\т се'рдца 
вопiе'мъ: вся'кiя бjьды` свободи` ста'до твое` и= вjь'рныхъ, 
къ тебjь` прибjьга'ющихъ. (с. 666)

%<Jа='%>коже спасла` _е=си` w\т морскi'я бу'ри 
призва'вшихъ бж~е'ственное и='мя твое`, та'кw и= на'съ w\т 
чу'вственнагw круше'нiя и= мы'сленнагw, дв~о, сп~си` и= въ 
ти^хiя приста^нища сп~се'нiя о_у=пра'ви.

%<М%>и'ръ тя` прибjь'жище стяжа` и= сп~се'нiе: тjь'мъ, 
ч\стая, къ честнjь'й твое'й i=кw'нjь w\твсю'ду притека'ютъ 
лю'дiе, и= вси` ско'рw и=`хъ слу'шающую w=брjьта'ютъ тя`.

%<И='нъ.%>

%<I=рмо'съ: Б%>ж~е'ственное сiе` и= всеч\стно'е 
соверша'юще пра'зднество, бг~ому'дрiи, бг~омт~ре, прiиди'те, 
рука'ми воспле'щимъ: w\т нея` ро'ждшагося бг~а сла'вимъ.

%<Т%>ы` рабw'въ твои'хъ о_у=тjьше'нiе, всебл~же'нная, 
ты` свjь'тъ, о_у=добре'нiе и= наде'жда сп~се'нiя: ты` 
о_у='бw промышле'нiемъ твои'мъ вся'кiя ну'жды и= ско'рби 
и=зба'ви на'съ.

%<В%>jь'дущи не'мwщи на'шя, бг~ороди'тельнице, 
восполня'й духо'вную и= веще'ственную ску'дость на'шу, да 
подаю'щаго на'мъ тобо'ю вся^ бл~га'я бг~а сла'вимъ.

%<Н%>е w=ста'ви на'съ, всеще'драя, внегда` w=скудjьва'ти 
крjь'пости на'шей, не w\тступи` w\т о_у=пова'ющихъ на тя` во 
и=схо'дjь, и= по и=схо'дjь jа=ви` на'мъ бл~гости твоея` 
си'лу.

%<П%>ребл~гослове'нная мр~i'е, кни'га бж~iя 
запечатле'нная, въ кни'зjь живота` вjь'чнагw написа'тися 
на'мъ сподо'би, да w\т теб_е` ро'ждшагося бг~а сла'вимъ.

%<Катава'сiа: Б%>ж~е'ственное сiе` и= всечт\сно'е 
соверша'юще пра'зднество, бг~ому'дрiи, бг~омт~ре, прiиди'те, 
рука'ми воспле'щимъ: w\т нея` ро'ждшагося бг~а сла'вимъ. (с. 
667)

%<Конда'къ, гла'съ и~:%>

%<В%>ъ мо'ри жите'йстjьмъ w=бурева'емiи, треволне'нiю 
подпа'даемъ страсте'й и= и=скуше'нiй. пода'ждь о_у=`бо 
на'мъ, гп\сже`, ру'ку по'мощи, jа='коже петро'ви сн~ъ тво'й, 
и= о_у=скори` w\т бjь'дъ и=зба'вити ны`, да зове'мъ ти`: 
ра'дуйся, всебл~га'я скоропослу'шнице.

%<I='косъ:%>

%<И=%>дjь'же w=сjьни'тъ бл~года'ть твоя`, вл\дчце, та'мw 
неду'жнiи здра'ви быва'ютъ, бjь'дствующiи во бл~гополу'чiе 
прихо'дятъ, и= вся'къ скорбя'щiй ра'дости и=сполня'ется. 
тjь'мже бл~года'тiю твое'ю w=сjьни` и= на'съ, сицева^я 
ра^достная тебjь` глаго'лющихъ: ра'дуйся, бг~облагода'тная, 
непристу'пнагw бж~ества` селе'нiе: ра'дуйся, ст~а'я 
трапе'зо, хлjь'бомъ жи'зни на'съ снабдjьва'ющая: ра'дуйся, 
мv'ро многоце'нное, w=бл~гоуха'ющее вjь'рныхъ: ра'дуйся, 
ма'слино, _е=ле'емъ милосе'рдiя на'съ о_у=маща'ющая: 
ра'дуйся, неистощи'мое сокро'вище дарw'въ: ра'дуйся, 
приснотеку'щiй и=сто'чниче чуде'съ: ра'дуйся, w=би'димыхъ 
заступле'нiе: ра'дуйся, w=бурева'емыхъ бл~гоути'шное 
приста'нище: ра'дуйся, глухи'хъ слы'шанiе и= свjь'те 
слjьпы'хъ: ра'дуйся, разсла'бленныхъ о_у=крjьпле'нiе: 
ра'дуйся, свобожде'нiе плjьне'нныхъ: ра'дуйся, мi'ра всегw` 
о_у=пова'нiе: ра'дуйся, всебл~га'я скоропослу'шнице.

%<Пjь'снь з~.%>

%<I=рмо'съ: W\т%> i=уде'и доше'дше _о='троцы, въ 
вавv"лw'нjь и=ногда` вjь'рою тр\оческою пла'мень пе'щный 
попра'ша, пою'ще: _о=тц_е'въ бж~е, бл~гослове'нъ _е=си`.

%<С%>лjьпы^мъ дарова'ла _е=си` дjь'йствiе _о=чес_е'мъ, 
дв~о, _е='же ви'дjьти, но и= на'шя зjь^ницы души` и= 
тjьлесе` просвjьти`, да пое'мъ при'снw в_ели'чiя твоя^. (с. 
668)

%<Г%>лухи^мъ слы'шанiе дарова'ла _е=си`, мр~i'е 
скоропослу'шнице, но и= на'съ всjь'хъ w\тве'рзи о_у=шеса` 
души` и= тjьлесе`, jа='кw да пое'мъ при'снw в_ели'чiя твоя^.

%<Jа='%>коже дре'вле w\т пругw'въ и=зба'вила _е=си` 
прибjь'гшихъ къ тебjь`, преч\стая, та'кw и= на'съ w\т си'хъ 
и= вся'кагw вре'да и=зба'ви, да пое'мъ при'снw в_ели'чiя 
твоя^.

%<Jа='%>кw и=спра'вила _е=си` пре'жде разсла'бленнаго, 
та'кw и= на'съ, по _о=бою` разсла'бленныхъ, те'плымъ твои'мъ 
предста'тельствомъ и=спра'ви, да пое'мъ при'снw в_ели'чiя 
твоя^.

%<И='нъ.%>

%<I=рмо'съ: Н%>е послужи'ша тва'ри бг~ому'дрiи па'че 
созда'вшагw, но _о='гненное преще'нiе му'жески попра'вше, 
ра'довахуся пою'ще: препjь'тый _о=тц_е'въ гд\сь и= бг~ъ, 
бл~гослове'нъ _е=си`.

%<Н%>аста'внице ко сп~се'нiю рабw'въ твои'хъ, души` 
трича'стное, гп\сже`, и=спра'ви, да бл~года'ти безстра'стiя 
сподо'бльшеся, пое'мъ: препjь'тый _о=тц_е'въ гд\сь и= бг~ъ, 
бл~гослове'нъ _е=си`.

%<Ж%>ела'тельную си'лу души` къ бж~е'ственному раче'нiю 
напра'ви, да то'ю бг~а всецjь'лw возлю'бимъ и= къ нему` 
при'снw стреми'мся, jа='кw всебл~же'нному жела'нiй кра'ю.

%<Jа='%>ростную си'лу души` помози` на'мъ, дв~о, 
w=браща'ти на неви^димыя враги` сп~се'нiя на'шегw и= 
сп~си'тельныя любве` и=спо'лни сердца` на^ша къ бли^жнимъ и= 
къ бг~у.

%<С%>лове'сное души` къ бг~оуго'дному созерца'нiю 
воскрыли`, вл\дчце, бг~опроти'вныхъ помышле'нiй 
и=збавля'ющи, и= всjь'хъ на'съ благо'е мы'слити, глаго'лати 
и= твори'ти о_у=крjьпи`. (с. 669)

%<Катава'сiа: Н%>е послужи'ша тва'ри богому'дрiи па'че 
созда'вшаго, но _о='гненное преще'нiе му'жески попра'вше, 
ра'довахуся, пою'ще: препjь'тый _о=тц_е'въ гд\сь и= бг~ъ, 
бл~гослове'нъ _е=си`.

%<Пjь'снь и~.%>

%<I=рмо'съ: Ц%>р~я` нб\снаго, _е=го'же пою'тъ во'и 
а='гг~льстiи, хвали'те и= превозноси'те во вся^ вjь'ки.

%<W\т%> вся'кихъ болjь'зней, скоропослу'шнице, на'съ 
и=зба'ви, jа='коже w\т си'хъ мно'гихъ и=зба'вила _е=си`.

%<I=%>кw'на твоя^, дв~о, показа'ся и=сто'чникъ чуде'съ, 
w\т негw'же жа'ждущiи снабдjьва'ются и=з\ъ_оби'льнw.

%<П%>оги'бшаго ты` jа=вля'еши, гп\сже`, и= подае'ши 
ра'дость w=брjь'тшымъ. ко'ль мно'гая _е='сть _о='браза 
твоегw` бл~года'ть.

%<П%>овелjь'нiю твоему`, вл\дчце, повину'ются вся^ 
стiхi'и, w\т ни'хже вре'да да и=збавля'еши тя` 
призыва'ющихъ.

%<И='нъ.%>

%<I=рмо'съ: _О='%>троки бл~гоч_ести'выя въ пещи` 
рж\ство` бг~оро'дичо спасло` _е='сть, тогда` о_у='бw 
_о=бразу'емое, ны'нjь же дjь'йствуемое, вселе'нную всю` 
воздвиза'етъ пjь'ти тебjь`: гд\са по'йте дjьла` и= 
превозноси'те _е=го` во вся^ вjь'ки.

%<П%>а'жить плодоно'сну w=брjьта'етъ ста'до под\ъ 
твои'мъ бг~омт~и, о_у=правле'нiемъ, и= душетлjь'ннiи во'лцы 
не мw'щны расхи'тити слове'сныхъ _о=ве'цъ, храни'мыхъ 
бл~года'тiю сн~а твоегw` и= бг~а.

%<Б%>л~же'нъ человjь'къ, _е=му'же _е='сть заступле'нiе 
_е=гw` w\т теб_е`, бг~оневjь'сто, при'снw бо полага'етъ 
таковы'й восхожд_е'нiя въ се'рдцjь свое`. до'ндеже 
о_у='зритъ себе` сп~се'нна и= воспое'тъ: гд\са по'йте дjьла` 
и= превозноси'те _е=го` во вся^ вjь'ки. (с. 670)

%<С%>едмисвjь'щный свjьти'льниче, седмiю` дара'ми дх~а 
свjьтя'щiй, сподо'би и= на'мъ о_у=краси'тися духо'вными 
плода'ми, да, о_у=ще'дреннiи чрез\ъ тебе` бг~омъ, пое'мъ: 
гд\са по'йте дjьла` и= превозноси'те _е=го` во вся^ вjь'ки.

%<Г%>оро` бж~iя, въ не'йже благоволи` жи'ти бг~ъ, 
моли'ся къ нему` w= на'съ, да по'мощiю _е=гw` благо'е 
творя'ще, сподо'бимся о_у=зрjь'ти преми^рныя го'ры и= та'мw 
пjь'ти: гд\са по'йте дjьла` и= превозноси'те _е=го` во вся^ 
вjь'ки.

%<Катава'сiа: _О='%>троки бл~гоч_ести'выя въ пещи` 
рж\ство` бг~оро'дичо спасло` _е='сть, тогда` о_у='бw 
_о=бразу'емое, ны'нjь же дjь'йствуемое, вселе'нную всю` 
воздвиза'етъ пjь'ти тебjь`: гд\са по'йте дjьла` и= 
превозноси'те _е=го` во вся^ вjь'ки.

%<Пjь'снь f~.%>

%<I=рмо'съ: В%>ои'стинну бг~оро'дицу тя` и=сповjь'дуемъ, 
сп~се'ннiи тобо'ю, дв~о ч\стая, съ безпло'тными ли'ки тя` 
велича'юще.

%<С%>обери'теся о_у=се'рднw въ _о=би'тель бж\ственную 
а=рха'гг~лwвъ, боля'щiи: вра'чь бо въ не'й пребыва'етъ 
безме'здный.

%<С%>щ~е'нная i=кw'на твоя` друга'я показа'ся 
силоа'мская купе'ль, дв~о, w=чища'ющая и= цjьля'щая 
болjь'зни души` и= тjьлесе`.

%<В%>оспламеня'етъ мя` раче'нiе зрjь'ти твоегw` 
_о='браза благода'тную лjь'поту, и= насыще'нiя не и='мамъ 
велича'ти тя`!

%<Д%>а о_у=ви'жду тя`, всебл~га'я скоропослу'шнице, во 
вре'мя сме'рти о_у=тjьша'ющую мя` и= зра'ки де'мwнwвъ 
w\тгоня'ющую.

%<И='нъ.%>

%<I=рмо'съ: В%>ся'къ земноро'дный да взыгра'ется, дх~омъ 
просвjьща'емь, да торжеству'етъ же безпло'тныхъ о_у=мw'въ 
_е=стество`, (с. 671) почита'ющее сщ~е'нное торжество` 
бг~омт~ре, и= да вопiе'тъ: ра'дуйся, всебл~же'нная 
бг~оро'дице, ч\стая приснодв~о.

%<П%>омяни`, гп\сже`, рабы^ твоя^, любо'вiю сла'вящыя 
тя`, о_у=слы'ши моля'щихся къ тебjь` и= моли'твами твои'ми 
благоувjь'тлива на'мъ содjь'лай сн~а твоего` и= бг~а здjь` 
и= на стра'шномъ судjь` _е=гw`, всебл~же'нная бг~оро'дице, 
ч\стая приснодв~о.

%<Р%>а'досте а='гг~лwвъ и= человjь'кwвъ, свобw'дны на'съ 
печа'лей жите'йскихъ сотвори` и= хода'тайствомъ твои'мъ 
несконча'емыхъ му'къ и=зба'ви, да вре'менныхъ и= вjь'чныхъ 
бjь'дъ тобо'ю и=збы'вше, вопiе'мъ: ра'дуйся, всебл~же'нная 
бг~оро'дице, ч\стая приснодв~о.

%<В%>и'димw пред\ъ _о='бразомъ твои'мъ предстоя'ще, 
неви'димw же къ тебjь`, w=десну'ю сн~а твоегw` стоя'щей, 
о_у='мъ возводя'ще, мо'лимтися прилjь'жнw: сподо'битися 
на'мъ ра'йскагw блаже'нства о_у=моли`, всебл~же'нная 
бг~оро'дице, ч\стая приснодв~о.

%<Б%>л~га'гw цр~я` бл~га'я мт~и, w=сjьни' ны 
неwбори'мымъ покро'вомъ твои'мъ, всебл~же'нная бг~оро'дице, 
ч\стая приснодв~о.

%<Катава'сiа: В%>ся'къ земноро'дный да взыгра'ется, 
дх~омъ просвjьща'емь, да торжеству'етъ же безпло'тныхъ 
о_у=мw'въ _е=стество`, почита'юще сщ~е'нное торжество` 
бг~омт~ре, и= да вопiе'тъ: ра'дуйся, всебл~же'нная 
бг~оро'дице, ч\стая приснодв~о.

%<Свjьти'ленъ:%>

%<З%>ря'щiи тя` ны'нjь на i=кw'нjь съ предвjь'чнымъ 
младе'нцемъ, про'симъ тебе`, бг~оневjь'сто: не лиши` на'съ 
и= въ бу'дущемъ вjь'цjь всебл~же'ннагw лицезрjь'нiя твоегw` 
и= воплоти'вшагwся w\т тебjь` сн~а бж~iя, да со (с. 672) 
благоугоди'вшими _е=му` и='мя _е=гw` и= твое` велича'емъ.

%<На хвали'техъ стiхи'ры, гла'съ _е~:%>

%<Д%>и^вна дjьла` твоя^, гд\си! прест~у'ю мт~рь твою` 
дарова'лъ _е=си` безпомw'щнымъ ско'рую помо'щницу, си'льную 
защи'тницу беззащи^тнымъ и= предста'тельство те'плое 
безw\твjь^тнымъ: предстоя' бо тебjь`, всjь'хъ вл\дцjь, 
мо'лится при'снw w= всjь'хъ на'съ.

%<К%>о'е досто'йное благодаре'нiе принесе'мъ ти`, 
бг~оизбра'нная приснодв~о, за мно'жество дарw'въ твоегw` 
милосе'рдiя, jа=вля'емагw съ вjь'рою къ тебjь` 
прибjьга'ющымъ, неду'ги бо ду'шъ и= тjьле'съ врачу'еши и= 
и=збавля'еши w\т бjь'дъ, моля'щися бг~у при'снw w= всjь'хъ 
на'съ.

%<Д%>ержа'вная вл\дчце мi'ра, назира'ющая су'щихъ въ 
горjь` твое'й и= повсю'ду вjь'рныхъ jа='кw взбра'нная 
прави'тельница, не преста'й бл~гоутро'бнw промышля'ти w= 
рабjь'хъ твои'хъ и= вся^ блага^я на'мъ низпосыла'ти, 
вре'м_енная же и= вjь^чная, и= моли'ся бг~у при'снw w= 
всjь'хъ на'съ.

%<Сла'ва, и= ны'нjь, гла'съ г~:%>

%<С%>вjь'телъ преше'дшiй пра'здникъ, w=заре'нный сла'вою 
а=рхiстрати'гwвъ, ра'достенъ дне'шнiй, свjьтя'ся бл~года'тiю 
а='гг~лwмъ говjь'йнагw _о='браза бг~омт~ре и= на рука'хъ 
_е=я` держи'магw вседержи'теля. jа='коже бо _о='нъ рече` 
на'мъ: проси'те, и= да'стся ва'мъ, та'кw и= всебл~га'я мт~рь 
_е=гw` повелjь` прибjьга'ти къ не'й во вся'кой ну'ждjь и= 
_о=бjьща` ско'рw слу'шати со благоговjь'нiемъ моля'щихся 
пред\ъ ст~о'ю _е=я` i=кw'ною, ю='же и= просла'ви чудесы` 
мно'гими, подаю'щи вjь'рнымъ ве'лiю ми'лость. (с. 673)

%<Славосло'вiе вели'кое. И= w\тпу'стъ.%>

%<На лiтургi'и.%>

%<Бл~ж_е'нны а~-гw канw'на, пjь'снь г~-я, и= в~-гw, 
пjь'снь s~-я. Прокi'менъ, А=п\слъ, _Е=v\глiе и= Прича'стенъ 
бг~оро'дицы.%>