Богослужебные тексты

<::рус>    электронный текст предоставлен 

<::лат>    monah German - Srbija 

<::рус> Текст подвергнут грамматической правке



<::слав> 


%<Мц\са ное'мврiа въ а~_i де'нь.%>

%<Па'мять свята'гw великомч~ника во царjь'хъ, стефа'на 
се'рбскагw, и='же въ деча'нjьхъ.%>

%<На ма'лjьй вече'рни, стiхи^ры, на д~. гла'съ а~.%>

%<Подо'бенъ: Н%>ебе'сныхъ чи'нwвъ:

%<Б%>лагоче'стiя побо'рника, и= въ цр~jь'хъ и=зря'днаго, 
стефа'на страда'льца и= вjьне'чника, духо'внw соше'дшеся 
воспои'мъ: и= того` пра'здникъ соверши'мъ, любо'вiю 
ра'дующеся. %<[Два'жды.]%>

%<Н%>ебе'снiи ны'нjь а='гг~ли торжеству'ютъ мы'сленнw, 
въ па'мять до'блягw подви'жника: и= къ на'мъ неви'димw 
сходя'ще w=сjьня'ютъ, пол_е'зная да'рующе.

%<М%>ч~никwвъ ч\стны'й собо'ръ, съ на'ми совоку'плься, 
сликовству'етъ и= торжеству'етъ, сла'вя, и= воспjьва'я 
хр\ста`, и='же стефа'на си'це просла'вльшаго.

%<Сла'ва, гла'съ s~.%>

%<В%>есна` на'мъ дне'сь въ земны^я го'ры возсiя`: 
прiиди'те бра'тiе мч~николю'бцы, w=бере'мъ цвjь'ты 
добродjь'телей, jа=`же и=знесе` на'мъ стефа'нъ, хр\сто'въ 
о_у=чени'къ нело'жный: и='же да'нный _е=му` тала'нтъ до'брjь 
о_у=мно'живый, и= вjь'ренъ jа=ви'ся своему` влады'цjь: и= 
и='же jа='кw дре'во при и=схо'дищихъ во'дъ, пло'дъ сво'й 
да'стъ во вре'мя свое`: и= на'мъ про'ситъ w\т хр\ста` бг~а 
ве'лiю мл\сть.

%<И= ны'нjь, бг~оро'диченъ.%>

%<А=%>рха'гг~льски воспои'мъ вjь'рнiи, нб\сный черто'гъ, 
и= две'рь запеча'тану вои'стинну. ра'дуйся _е=я'же ра'ди 
w\трасте` на'мъ сп~съ всjь'хъ хр\сто'съ, жизнода'вецъ и= 
бг~ъ, низложи` влады'чице мучи'тели, безбw'жныя враги` 
на'шя, руко'ю твое'ю пречи'стая, о_у=пова'нiе хр\стiа'нъ.

%<На стiхо'внjь, стiхи^ры: гла'съ в~.%>

%<По\д:%> До'ме _е=vфра'fовъ:

%<W\т%> за'пада со'лнце возсiя`, зари` благоче'стiя 
и=спуща'я стефа'нъ во царjь'хъ мч~никъ.

%<Стi'хъ: П%>рв\дникъ jа='кw фi'нi_ксъ процвjьте'тъ:

%<С%>е'рбская племена` вся^, о_у=се'рднw стецы'теся, 
своего` засту'пника сла'вяще.

%<Стi'хъ: Н%>асажде'ни въ дому` гд\сни во дворjь'хъ:

%<П%>ослjь'днимъ си` вре'менемъ, ты` красота` показа'лся 
_е=си` многострада'льне стефа'не.

%<Сла'ва, гла'съ и= подо'бенъ то'йже:%>

%<Г%>д\сви предстоя`, сла'вне, _е=го'же возлюби'лъ 
_е=си`, твое` ста'до помина'й.

%<И= ны'нjь, бг~оро'диченъ.%>

%<Б%>ц\ду тя` вjь'рнiи вси` и=сповjь'дуемъ, марi'е 
пр\снодв~о.

%<Тропа'рь, гла'съ д~.%>

%<Ц%>р\ство _е='же на земли` до'брjь w=кормля'я 
страда'льче, и= багряни'цу нося`, смире'ннw стяжа'лъ _е=си` 
мудрова'нiе, ни'щихъ посjьща'я, и= си'мъ хлjь'бъ 
раздробля'я. тjь'мже пребж~е'ственная тр\оца, цр\ствiя 
ку'пнw и= мч~ничества вjьнце'мъ о_у=вязе' тя.

%<Сла'ва и= ны'нjь: бг~оро'диченъ: _Е='%>же w\т вjь'ка:

%<На вели'цjьй вече'рни,%>

%<Стiхосло'вимъ: Б%>л~же'нъ му'жъ: %<а~-й а=нтiфw'нъ.%>

%<На Г%>д\си воззва'хъ, %<стiхи^ры, на и~: Гла'съ в~.%>

%<Подо'бенъ: К%>i'ими похва'льными:

%<К%>i'ими бл~гопохва'льными пjь'снми воспои'мъ 
стефа'на, нб\снаго чл~ка и= земна'го а='гг~ла, бл~гоче'стiя 
побо'рника, и= нече'стiя w\тгони'теля, столпа` 
непоколеби'маго своему` _о=те'честву: во бра'нехъ 
до'блественнаго, и= въ напа'стехъ терпjьли'ваго, 
безчи'нствующихъ казни'теля стра'шнаго, и= бл~готеку'щихъ 
помо'щника те'плаго. и='мже хр\сто'съ да'руетъ на'мъ ве'лiю 
мл\сть.

%<К%>i'ими похва'льными вjьнцы` вjьнча'имъ стефа'на, 
бг~оразу'мiя красоту`, смиреному'дрiя высоту`, горды'ни 
низложи'теля, стjьну` неwбори'мую своея` _е=му` _о=би'тели, 
непобjьди'маго стра'дальца, и= втора'го i='wва ра'нами. 
бjьсw'въ прогони'теля стра'шнаго, и= а='гг~лwвъ сожи'теля 
сла'внаго: и='мже хр\сто'съ на'мъ да'руетъ ве'лiю мл\сть.

%<К%>i'ими бл~госта'вными гла'сы возвели'чимъ стефа'на, 
высокопа'рнаго _о=рла` чистото'ю о_у='мною, си'рыхъ 
помо'щника, и= вдо'въ пита'теля, стра'ждущихъ 
о_у=тjь'шителя, и= ни'щихъ служи'теля о_у=се'рдна, до'браго 
строи'теля да'нныхъ _е=му` w\т бг~а: непра'вду 
возненави'дjьвша, и= пра'вду предпоче'тшаго, и= на'мъ w\т 
хр\ста` прося'ща ве'лiю мл\сть.

%<К%>i'ими добрособра'нными цвjь'ты о_у=вязе'мъ 
стефа'на, хр\сто'ва сосу'да и=збра'ннаго, въ не'йже со 
_о=ц~е'мъ и= дх~омъ всели'ся. i=w'сифа втора'го въ 
напа'стехъ и= въ кро'тости дв~да друга'го. соломw'ну въ 
прему'дрости ра'внаго, и= и=лiи` въ ре'вности то'чнаго, 
цр~е'й _о='бразъ въ добродjь'тели, и= въ мл\сти наказа'нiе 
и=звjь'стное: и='мже хр\сто'съ на'мъ да'руетъ ве'лiю мл\сть.

%<повторя'юще я=`. Сла'ва, гла'съ и~:%>

%<Д%>не'сь ч\стно'е торжество` нб\сная пра'зднуютъ 
мы'сленнw, земна^я къ весе'лiю созыва'юще въ па'мять 
до'блягw подви'жника, стефа'на терпjьливоду'шнагw. се'й бо 
всеизря'дный хр\сто'выхъ за'повjьдей храни'тель бы'сть 
и=звjь'стнjьйшiй, не поми'лова тлjь'ющихъ цр\ствiя, ра'ди 
вjь'чныя и= бл~же'нныя вои'стинну жи'зни: но расточи` и= 
даде` о_у=бw'гимъ, и= мч~нческимъ вjьнце'мъ вjьнча'ся: 
ст~jь'й тр\оцjь предстоя` непосре'дственнw, смире'нiе 
про'ситъ мi'рови, и= грjьхw'въ w=ставле'нiе, и='же вjь'рою 
тогw` соверша'ющихъ торжество`.

%<И= нн~jь, бг~оро'диченъ.%>

%<Ц%>р~ь нб\сный за человjьколю'бiе на земли` jа=ви'ся, 
и= съ чл~ки поживе`. w\т дв~ы бо чт\сыя пло'ть прiе'мый, и= 
и=зъ нея` проше'дый съ воспрiя'тiемъ. _е=ди'нъ _е='сть сн~ъ, 
сугу'бъ _е=стество'мъ, но не v=поста'сiю. тjь'мже 
соверше'нна того` бг~а и= соверше'нна чл~ка вои'стинну 
проповjь'дающе, и=сповjь'дуемъ хр\ста` бг~а на'шего. 
_е=го'же моли`, мт~и безневjь'стная, поми'ловатися душа'мъ 
на'шымъ.

%<Та'же вхо'дъ Прокi'менъ дне`, чт_е'нiя.%>

%<На лiтi'и стiхи^ры самогла'сны: гла'съ а~.%>

%<З%>а^падная вся^ ра'дуйтеся, и= веселя'щеся 
взыгра'йте: посредjь` себе` и=му'ще sвjьзду` незаходи'мую, 
и= многосвjь'тлую, со'лнечныя зари` превосходя'щую, стефа'на 
великоимени'таго, свята'гw ко'рене вjь'твь многопло'дную и= 
и=збра'нную. и='стиннагw за'повjьдей хр\сто'выхъ дjь'лателя, 
и='же хр\ста` мно'гw возлю'бльшаго, и= на'мъ w\т негw` 
прося'ща ве'лiю мл\сть.

%<С%>е'рбстiи ро'дове вси`, дх~о'внw ликовству'юще 
_о='бщую по'лзу восхваля'йте, въ наро'читый дн~ь тогw` 
па'мяти, посредjь' бо ва'съ и=зрасте` jа='кw шипо'къ 
бл~гово'нный: и= нн~jь посредjь` мч~никwвъ, jа='кw sвjьзда` 
свjь'тлая преwсiява'етъ, и= на'съ неwставля'етъ jа='кw 
па'стырь до'брый: но посjьща'етъ неви'димw, и= w\т сп~са 
на'мъ да'руетъ ве'лiю ми'лость.

%<В%>остw'чная за^паднымъ сра'дуйтеся, и= не 
высокому'дрствуйте: и='бо со'лнце друго'е здjь` пресла'внw 
просiя`, не къ за'падwмъ творя` тече'нiе, и= подъ земле'ю 
о_у=стремля'яся, но къ небесе'мъ восхо'дъ и=мjь'етъ w\т 
земли`, и= невеще'ственнымъ спребыва'я о_у=мw'мъ, и= jа=`же 
w\тту'ду на'мъ предпосыла'етъ лучи`: и= соблюда'етъ и= 
w=свяща'етъ, и= w\т хр\ста` на'мъ да'руетъ ве'лiю ми'лость.

%<Сла'ва, гла'съ _е~.%>

%<В%>остру'бимъ дх~о'вною цjьвни'цею, въ наро'читый дн~ь 
пра'здника на'шегw, jа=`же _о='крестъ созыва'юще 
благочестивому'дреннjь, съ высо'кимъ проповjь'данiемъ, и= 
глаго'люще: се` и='же на земли` стра'хомъ цр\ствовавый, 
ны'нjь на небесjь'хъ свобо'днw ца'рствуетъ. прiиди'те 
ца'рiе, и= сему` поревну'йте: и= поревнова'вше послjь'дуйте 
дjь'ланiю, да и= вы` подо'бнымъ вjьнце'мъ прiwбщи'теся. се` 
ми'лостыни сокро'вище пребога'тое: прiиди'те стра'ждущiи, и= 
прiими'те и=сцjьл_е'нiя, рука' бо, jа='же тогда` пjь'нязи 
даю'щая, та'яжде и= ны'нjь дае'тъ и=сцjьл_е'нiя тjьл_е'снымъ 
болjь'знемъ, и= душ_е'внымъ страсте'мъ. бога'тiи и= ни'щiи, 
здра'вiи и= немощнi'и прише'дше, почерпи'те по вjь'рjь 
проше'нiя, w\т ковче'га сщ~е'ннагw, jа='кw w\т нетлjь'нна 
и=сто'чника, во сла'ву сп~са и= бг~а прославля'ющаго, и='же 
того` прославля'ющихъ.

%<И= ны'нjь, По\д и= гла'съ то'йже: Творе'нiе Ге'рмана 
патрiа'рха:%>

%<В%>остру'бимъ трубо'ю пjь'сней, прекло'ншiися бо 
свы'ше всецари'ца мт~и дв~а благослове'нми вjьнчава'етъ 
воспjьва'ющыя ю=`. ца'рiе и= кня'зи да стеку'тся, и= 
цари'цjь да воспле'щутъ въ пjь'снехъ, царя` ро'ждшей, 
сме'ртiю w=держи^мыя пе'рвjье, разрjьши'ти чл~колю'бнw 
бл~говоли'вшаго. па'стырiе, и= о_у=чи'телiе, до'браго 
па'стыря преч\стую ма'терь соше'дшеся восхва'лимъ: 
свjь'щникъ златоза'рный: свjьтоно'сный _о='блакъ, нб~съ 
простра'ннjьйшую: w=душевле'нный кiвw'тъ, _о=гнезра'чный 
вл\дчнь престо'лъ, маннопрiе'мную злату'ю, ста'мну 
заключе'нную сло'ва две'рь. всjь'хъ хр\стiа'нъ прибjь'жище, 
пjь'снми бг~оглаго'ливыми похваля'юще си'це рце'мъ: пала'то 
сло'ва, сподо'би смир_е'нныя ны` нб\снагw ца'рствiя, 
ничто'же бо невозмо'жно хода'тайству твоему`.

%<На стiхо'внjь стiхи^ры: гла'съ д~.%>

%<По\д: Jа='%>кw до'бля:

%<Jа='%>кw тве'рда а=дама'нта, всебл~же'нне стефа'не, 
соше'дшеся дне'сь восхваля'емъ тя`: jа='кw напа'сти 
претерпjь'въ, и= сме'рть под\ъя'лъ _е=си` непра'ведную: 
jа='кw да двои'мъ дарw'мъ сподо'битъ тя` хр\сто'съ, _е=го'же 
возлюби'лъ _е=си`, ца'рской дiади'мjь, и= вjьнцу` 
му'ченическому.

%<Стi'хъ: П%>ра'ведникъ jа='кw фi'нi_ксъ процвjьте'тъ:

%<Jа='%>кw о_у='тро свjьтлjь'йшее, терпjь'нiя 
свjь'тлостiю, достосла'вне показа'лся _е=си`. тjь'мже и= 
стека'ются свяще'нницы и= ца'рiе, и='ноцы и= мiрстi'и, 
бога'тiи и= ни'щiи, ковче'гу припа'дающе святы'хъ твои'хъ 
моще'й, w=свяще'нiе прiе'млюще.

%<Стi'хъ: Н%>асажде'ни въ дому` гд\сни, во дворjь'хъ 
бг~а на'шегw:

%<I='%>wвъ дре'вле на восто'цjь, сла'венъ и= и=мени'тъ, 
бг~очте'цъ и= пра'веденъ, и= мч~никwвъ нача'ло: но и= 
стефа'нъ на за'падjь, сла'вою и= бога'тствомъ нетлjь'ннымъ, 
jа='кw во'инъ всjь'хъ царя`, и= страда'льц_евъ и=сполне'нiе.

%<Сла'ва, гла'съ г~:%>

%<П%>рiиди'те празднолю'бныхъ составле'нiя, прiиди'те и= 
ли'къ соста'вимъ: прiиди'те вjьнча'имъ пjь'снми вjьнц_е'въ 
тезоимени'таго стефа'на: тогw` ревну'юще jа='же къ бг~у 
любви`, и= терпjь'нiе похваля'юще. вои'стинну бо до конца` 
претерпjь` въ зако'нjь гд\сни, и= ну'ждную под\ъя'тъ сме'рть 
рука'ми о_у=бi'йственными. и= къ нему` возопiи'мъ: 
многострада'льне и= пребл~же'нне, _о=би'тель ю='же 
возлюби'лъ _е=си`, въ не'йже ч\стны^мъ твои^мъ моще'мъ 
ста'ти и=зво'лилъ _е=си`, и= ста'до _е='же собра'лъ _е=си`, 
сохраня'й и= покрыва'й, jа='кw и=мjь'я ко хр\сту` 
дерзнове'нiе.

%<И= нн~jь, бг~оро'диченъ.%>

%<Б%>езъ сjь'мене w\т бж\ственнагw дх~а, во'лею же 
_о='тчею зачала` _е=си` сн~а бж~iя: _о=ц~а` безъ ма'тере 
пре'жде вjь^къ су'ща, на'съ же ра'ди и=зъ тебе` безъ _о=ц~а` 
бы'вша, пло'тiю родила` _е=си`, и= младе'нца млеко'мъ 
пита'ла _е=си`. тjь'мже непреста'й моли'ти, и=зба'витися w\т 
бjь'дъ душа'мъ на'шымъ.

%<На бл~гослове'нiи хлjь'бwвъ: тропа'рь, гла'съ д~.%>

%<В%>ъ терпjь'нiи добрострада'льныхъ по'двигъ твои'хъ, 
много_обра^зныя ра^ны претерпjь'лъ _е=си`: и= по кончи'нjь 
свое'й вjьне'цъ w\т бг~а съ мч~ническими ли'ки 
воспрiе'млеши, и= въ земли` кро'ткихъ досто'йнw 
водворя'ешися бл~же'нне, w\т на'съ хр\ста` бг~а моли`, 
дарова'ти душа'мъ на'шымъ ве'лiю ми'лость. %<[Два'жды.]%>

%<Бц\де дв~о: а%>~.

%<На о_у='трени,%>

%<По а~ стiхосло'вiи, сjьда'ленъ, гла'съ а~.%>

%<Подо'бенъ: К%>а'мени запеча'танну:

%<Р%>а'ка твоя` свя'те, другi'й бы'сть сiлwа'мъ, и=`же 
вjь'рою приходя'щымъ разли'чныхъ неду'гwвъ и=сцjьл_е'нiя 
точи'тъ. сегw` ра'ди се'рбская племена` вся^ въ па'мяти 
твое'й ра'дуются, и= во хвале'нiи зову'тъ тебjь`: сла'ва 
просла'вльшему тя`, сла'ва вjьнча'вшему тя`, сла'ва 
дjь'йствующему тобо'ю пресла'вная. %<[Два'жды.]%>

%<Сла'ва, и= нн~jь, бг~оро'диченъ.%>

%<М%>т~рь тя` бж~iю свjь'мы вси` дв~у вои'стинну, и= по 
рождествjь` jа='вльшуюся, и=`же любо'вiю прибjьга'ющiи къ 
твое'й бла'гости, тебе' бо и='мамы грjь'шнiи 
предста'тельство, тебе` стяжа'хомъ въ напа'стехъ спасе'нiе: 
_е=ди'ну всенепоро'чную.

%<По в~ стiхосло'вiи, сjьда'ленъ, гла'съ д~.%>

%<Подо'бенъ: О_у=%>диви'ся i=w'сифъ:

%<О_у=%>диви'шася а='гг~ли, па'че _е=сте'ственное 
зря'ще, на тебjь` быва'емо, w\т цр\ствiя преходя'ща въ 
нб\сная цр\ствiя: о_у=жасо'шася бjь'сове, вjьнцено'сца тя` 
ви'дяще, _е=го'же бо мня'ху страда'нми низложи'ти, си'мъ 
посра'мльшеся падо'ша, и='же сего` тогда` о_у=крjьпи'вый, 
просвjьти` ду'шы на'шя. %<[Два'жды.]%>

%<Сла'ва, и= нн~jь, бг~оро'диченъ.%>

%<О_у=%>диви'ся i=w'сифъ _е='же па'че _е=стества` зря`, 
и= внима'ше мы'слiю и='же на руно` до'ждь, въ безсjь'менномъ 
зача'тiи твое'мъ бц\де, купину` _о=гне'мъ неwпали'мую, 
же'злъ а=арw'новъ прозя'бшiй, и= свидjь'тельствуя 
w=бру'чникъ тво'й и= храни'тель, сщ~е'нникwмъ взыва'ше: дв~а 
ражда'етъ, и= по рождествjь` па'ки дв~ою пребыва'етъ.

%<По полv"еле'и сjьда'ленъ, гла'съ г~.%>

%<Подо'бенъ: К%>расотjь` дjь'вства.

%<К%>расе'нъ _о=ч~еству твоему`, и= вселе'ннjьй 
благоцвjьту'щъ, вои'стинну цвjь'тъ показа'лся _е=си`: _о='чи 
всjь'хъ о_у='мныя и= се'рд_ечная привлача` разумjь'нiя, къ 
добро'тjь твои'хъ и=справле'нiй. тjь'мже о_у=дивля'еми w\т 
о_у=се'рдiя зове'мъ ти`: ра'дуйся деча'нwмъ похвало` 
нело'жная. [Два'жды:]

%<Сла'ва, и= ны'нjь, бг~оро'диченъ.%>

%<К%>расотjь` дjь'вства твоегw`, и= пресвjь'тлой 
чистотjь` твое'й гаврiи'лъ о_у=диви'вся вопiя'ше ти` бц\де: 
ку'ю ти` похвалу` принесу` досто'йную; что' же воз\ъимену'ю 
тя`; недоумjьва'ю и= о_у=жаса'юся. тjь'мже jа='кw повелjь'нъ 
бы'лъ, вопiю' ти: ра'дуйся благода'тная.

%<Степе'нна, а~-й а=нтiфw'нъ д~-гw гла'са. Прокi'менъ, 
гла'съ д~: В%>озвесели'тся пра'ведникъ w= гд\сjь, и= 
о_у=пова'етъ на него`. %<Стi'хъ: О_у=%>слы'ши бж~е гла'съ 
мо'й. %<_Е=v\глiе w\т луки`, зача'ло _кс~г.%>

%<По н~-мъ _псалмjь`, стiхи'ра, гла'съ s~.%>

%<Д%>не'съ цр~ковь w=заря'ется страстоте'рпца луча'ми, 
и= jа='кw цвjь'ты о_у=краша'ема, во весе'лiи хва'лится, 
jа='снымъ гла'сомъ вjьща'ющи: такова` моя` рожде'нiя, 
такови` моегw` чре'ва сы'нове. и=`хже породи'хъ креще'нiемъ, 
воспита'хъ же мле'комъ благоче'стiя, и= мч~ники содjь'лахъ 
и='стинны: да мо'лятся w= вселе'ннjьй ко гд\су.

%<Канw'нъ, _е=гw'же краегране'сiе: Н%>о'вому мч~нику, 
но'ву приношу` да'ра пjь'снь. %<Гла'съ а~.%>

%<Пjь'снь а~.%>

%<I=рмо'съ: Т%>воя` побjьди'тельная десни'ца бг~олjь'пнw 
въ крjь'пости просла'вися. та' бо безсме'ртне, jа='кw 
всемогу'щая, проти^вныя сотре`: i=и~льтянwмъ пу'ть глубины` 
новосодjь'лавшая.

%<Н%>овоявле'нна jа='кw сл~нце, и=знесе` тя` за'падная 
страна`, заря'ми свjьтолу'чными стефа'не, концы` w=сiява'юща 
и= та'йнw просвjьща'юща, гд\сви побjь'дную пjь'снь пою'щихъ.

%<_О='%>чи стяжа'въ о_у='мныя, лише'нiемъ чу'вственныхъ, 
ны'нjь зри'ши jа='снw, jа=`же _о='ко не ви'дjь, по а=п\слу, 
и= на се'рдце чл~ку не взыдо'ша, jа=`же тебjь` даде` 
хр\сто'съ, того` возлю'бльшему.

%<В%>ои'стинну, рече` соломw'нъ, па'мять пра'веднагw съ 
похвала'ми: се' бо ны'нjь собра'шася разли'чныхъ jа=зы^къ 
ро'дове, хвала'ми вjьнчава'юще стефа'новъ ве'рхъ 
нетлjь'нный.

%<W=%>чи'стивъ о_у='мъ и= се'рдце, и= дш~у свобо'дну 
содjь'лавъ сла'вне, бы'лъ _е=си` сосу'дъ и=збра'нный, 
досто'инъ бж~iя посjьще'нiя тjь'мже и= прише'дъ хр\сто'съ, 
съ _о=ц~е'мъ и= дх~омъ, _о=би'тель въ тебjь` сотвори`.

%<Бо\г: Г%>ора` высока`, ю='же ви'дjь данiи'лъ, w\т 
нея'же ка'мень w\тсjьче'ся, му'жескихъ ру'къ кромjь`, тебе` 
проwбразова` бц\де. безъ му'жа бо на'мъ пло'тiю породила` 
_е=си` _е=мману'ила.

%<Катава'сiа, по о_у=ста'ву.%>

%<Пjь'снь г~.%>

%<I=рмо'съ: _Е=%>ди'не вjь'дый чл~ческагw существа` 
не'мощь, и= мл\стивнw въ не` воwбра'жся, препоя'ши мя` съ 
высоты` си'лою, _е='же вопи'ти тебjь` святы'й: 
w=душевле'нный хра'ме, неизрече'нныя сла'вы твоея` 
человjьколю'бче.

%<М%>леко` сса'въ прему'дрости, w\т ю='ностнагw 
бл~же'нне во'зраста, и= въ стра'сjь бж~iи поуча'яся при'снw, 
преплы'лъ _е=си` житiя` пучи'ну, хр\ста` и=мjь'я ко'рмчiя: 
и='же и= наста'ви тя` въ небе'сная бл~га'я приста'нища.

%<О_у=%>че'нiю внима'я _е=v\гльскому пребога'те, 
бл~жа'щему мл\стивыя, мл\стивъ бы'лъ _е=си` и= кро'токъ. 
тjь'мже и= поми'лованъ бы'въ, зе'млю наслjь'довалъ _е=си`, 
крw'ткимъ о_у=гото'ванную.

%<М%>оли'твами прилjь'жными привле'клъ _е=си` 
о_у=тjь'шителя, и='же и= всели'вся въ ч\стую твою` ду'шу, 
свjьтови'дна всего` тя` содjь'ла, стра'шна же и= чу'дна 
всjь^мъ и=`же _о='крестъ царе'мъ, въ на'шу похвалу` и= 
торжество`.

%<О_у=%>стыдjь'ся твои'хъ слове'съ бг~овjьща'нныхъ и= 
прему'дрыхъ самоде'ржецъ гре'ческiй, и= собо'ръ 
ст~и'тельскiй: не терпя'ше бо зрjь'ти sлосла^вныя, jа='кw 
во'лки посредjь` ста'да благочести'выхъ.

%<Бг~оро'диченъ: Р%>ече` бж\ственный i=езекiи'ль: и= 
бу'детъ две'рь затворе'на. сiе` на тебjь` и=спо'лнися 
влады'чице, вни'де бо несказа'ннw въ тя` _о='ч~ее сло'во и= 
мi'рови jа=ви'ся и=зъ тебе` пло'тiю, дв~у тя` сохрани'въ во 
_о=бои'хъ.

%<Сjьда'ленъ, гла'съ и~.%>

%<По\д: П%>рему'дрости сло'ва:

%<П%>рему'дрости рачи'тель бы'въ, и= сокро'вище 
добродjь'телей, w\т_ону'дуже и= поче'рплъ _е=си` 
бж~е'ственная разумjь^нiя, и= w= тлjь'ющихъ нерадjь'въ, 
нетлjь'ннымъ внима'лъ _е=си`. тjь'мже и= jа=`же возлюби'лъ 
сiя` по кончи'нjь наслjь'довалъ _е=си`, прiе'мля досто'йныя 
мзды` дjь'ланiемъ, w\т правосу'дящагw вся` про'мысла. сегw` 
ра'ди вопiе'мъ ти`: моли` хр\ста` бг~а, грjьхw'въ 
w=ставле'нiе дарова'ти, покланя'ющымся вjь'рою святы^мъ 
моще'мъ твои^мъ. %<[Два'жды.]%>

%<Сла'ва: и= ны'нjь: бг~оро'диченъ.%>

%<П%>омышля'ю су'дъ и= бою'ся и=стяза'нiя, трепе'щу 
стра'шныя и= о_у=жа'сныя му'ки, _о=гня`, болjь'зни, тмы' же 
и= тарта'ра: о_у=вы`, что` сотворю`; сту'дъ ка'кw 
претерплю`; _е=гда` кни^ги w\тве'рзутся, и= дjья^нiя 
w=блича'тся: сегw` ра'ди припа'даю ти`, бц\де преч\стая: 
тогда` предста'ни ми`, ну'жды _о='ныя и=з\ъима'ющи, тебе' бо 
и='мамы прибjь'жище влады'чице.

%<Пjь'снь д~:%>

%<I=рмо'съ: Г%>о'ру тя` благода'тiю бж~iею 
приwсjьне'нную, прозорли'выма а=вваку'мъ о_у=смотри'въ 
_о=чи'ма, и=зъ тебе` и=зы'ти i=и~леву провозглаша'ше 
свято'му, во спасе'нiе на'ше и= w=бновле'нiе.

%<Ч%>л~къ о_у='бw стефа'нъ по _е=стеству`, но па'че 
чл~ка ре'вностiю, jа='коже другi'й и=лiа`, казня` 
нечести^выя, и= снабдjьва'я правосла^вныя: _е=ретiкw'въ же 
ча^да, jа='кw дш~егу^бныя во'лки, w\т свои'хъ предjь^лъ 
w\тгоня'етъ.

%<_Е='%>же о_у='бw по _о='бразу до'брjь соблюде` 
стефа'нъ вои'стинну, но и= _е='же по подо'бiю въ таковjь'мъ 
пла'ванiи житiя` на'шегw мо'ри: о_у='мъ бо влады'ку 
страсте'мъ о_у=стро'и, зовы'й съ весе'лiемъ дш~и: сла'ва 
си'лjь твое'й гд\си.

%<Н%>иже` ско'рбь, ни тjьснота`, ниже` заточе'нiе 
многолjь'тное, ни и=збоде'нiе _о=че'съ твое` возмого'ша 
поколеба'ти w= влады'цjь жела'нiе, но пребы'лъ _е=си` 
неизмjьне'нъ, зовы'й съ весе'лiемъ: сла'ва си'лjь твое'й 
гд\си,

%<И=%>мjь'я ко влады'цjь твое'мъ великомч~ниче 
дерзнове'нiе, вселе'ннjьй ми'ръ и=спроси`, твоегw` 
_о=ч~ества хору'гви о_у=крjьпи` на варва'ры безбw'жныя, и= 
тишину` да'руй твои^мъ лю'демъ: и='бо и= съ на'ми _е=гда` 
бы'лъ _е=си`, ми'рно о_у=строе'нiе на'ше и=мjь'яше 
жи'тельство.

%<Бг~оро'диченъ: И=%>з\ъwбра'зоваше и=ногда` дре'внягw 
i=и~ля въ чермнjь'мъ проше'ствiе твое` непостижи'мое 
рождество`. jа='коже бо _о='нъ немо'кренными стопа'ми 
про'йде бе'здну морску'ю: та'кw и= хр\сто'съ дв~о безъ 
сjь'мене w\т преч\стыхъ твои'хъ крове'й произы'де.

%<Пjь'снь _е~:%>

%<I=рмо'съ: П%>росвjьти'вый сiя'нiемъ прише'ствiя 
твоегw` хр\сте`, и= w=свjьти'вый кр\сто'мъ твои'мъ мi'ра 
концы`. сердца` просвjьти` свjь'томъ твоегw` бг~оразу'мiя, 
правосла'внw пою'щихъ тя`.

%<К%>ъ цр\ствiю _о='бласть, и= о_у=чи'тельства да'ръ 
приложи'ся тебjь`: вjьща'я бо поле'зная, всjь'хъ сердца` 
привле'клъ _е=си` къ вjь'рjь и='стиннjьй, плодоно'сныхъ 
показа'въ, и= jа='кw сотвори'въ и= научи'въ, вели'къ 
w=брjь'лся _е=си` во цр\ствiи небе'снjьмъ.

%<О_у='%>жасъ w=б\ъе'млетъ мя` слы'шаща, непра'ведныхъ 
ти` сме'рти _о='бразы: но ра'дость прiе'млетъ мя`, чт\сны^я 
твоя^ мо'щи зря'ща. вои'стинну бо по вели'кому а=п\слу, 
недосто'йна страда'нiя ны'нjьшнягw вре'мене, ко 
w\ткры'вшейся сла'вjь на тебjь`.

%<Н%>е бы'лъ _е=си` ме'ншiй вjь'рою и= жела'нiемъ 
бж~е'ственнымъ сv"меw'на и= са'ввы, свяще'нныхъ и= 
бг~оно'сныхъ твои'хъ _о=ц~ъ: но си'ми о_у='бw и= и='нjьми 
добродjь'тельми подо'бенъ и=`мъ бы'лъ _е=си`: превозше'лъ же 
_е=си` тjь'хъ и='менемъ и= вjьнце'мъ мч~ническимъ.

%<_О='%>чи всjь'хъ ни'щихъ на тя` о_у=пова'ху, jа='коже 
къ бг~у, рече` дв~дъ, и= ты` дая'лъ _е=си` пи'щу и=`мъ, 
jа='кw бж~iй служи'тель предъ _о=чи'ма гд\снима. тjь'мже и= 
наслjь'довалъ _е=си` бл~же'нне, о_у=гото'ванное мл\стивымъ 
цр\ствiе.

%<Бг~оро'диченъ: Г%>ора` сiна'йская дре'вле _о='бразъ 
показа` непостижи'магw твоегw` рж\ства`, законода'вцу въ 
купинjь`. и='бо _о='гнь та'мw неwпали` купину`, ниже` здjь` 
бг~ороди'тельнице, _о='гнь бж\ства` твою` бг~овмjьсти'мую 
о_у=тро'бу.

%<Пjь'снь s~.%>

%<I=рмо'съ: W=%>бы'де на'съ послjь'дняя бе'здна, нjь'сть 
и=збавля'яй: вмjьни'хомся jа='кw _о=вцы` заколе'нiя: сп~си` 
лю'ди твоя^ бж~е на'шъ: ты' бо крjь'пость немощству'ющихъ и= 
и=справле'нiе.

%<В%>о бра'нехъ до'блественъ бы'лъ _е=си`, сопроти'вныхъ 
побjьжда'я, не щи'томъ ни копiе'мъ: не на лу'къ бо тво'й 
о_у=пова'лъ _е=си` когда`, но чт\сны'хъ ру'къ воздjья'нiемъ, 
jа='коже мwv"се'й а=мали'ка въ пусты'ни, и= мл~твою го'рдыхъ 
низлага'лъ _е=си`.

%<О_у=%>блажи'ша тя` цр~iе, блг\сви'ша ст~и'телiе, 
слы'шаще пресла^вная твоя^ и=справл_е'нiя: _о='бразъ бо и= 
надписа'нiе къ добродjь'тели стяжа'ша тя`, и= нн~jь вjь'рою 
приходя'ще, чт\сны^мъ стопа'мъ покланя'ются.

%<П%>рине'слся _е=си` же'ртва непоро'чная, на'съ ра'ди 
поже'ршемуся, ср\дчною чистото'ю и= неsло'бiемъ: и= 
всесожже'нiе и='стинное, ст~о и= w=дш~евле'нно, мч~ническимъ 
и=схо'домъ заколе'нiе соверше'нно бг~ови.

%<Р%>азжже'нiе стрjьлы` неви'димагw стрjьльца`, тебjь` 
прирази'вшееся стефа'не, погаси'лъ _е=си` бл~года'рственнымъ 
терпjь'нiемъ, и= недjь'йственна показа'лъ _е=си`: дjь'лы 
на'съ науча'я, терпjь'нiемъ того` ко'зни побjьжда'ти.

%<Бг~оро'диченъ: _О='%>бразы подоба'ше пе'рвjье 
преч\стому твоему` прописа'тися рж\ству`, _е='же и= 
предвозвjьсти` и='же при нw'и ковче'гъ: jа='коже бо _о='нъ 
бг~ороди'тельнице w\т пото'па сохрани` w=ста'нокъ ро'да, 
си'це и= сiе` w\т пото'па грjьхо'внагw сп~се` чл~чество.

%<Конда'къ, гла'съ д~.%>

%<Подо'бенъ: В%>ознесы'йся:

%<Д%>руга'гw кwнстантi'на стяжа` тя` цр~ковь 
бл~гоче'стiемъ блаже'нне, кро'тостiю, пра'вдою и= 
мл\стынями: но и= великомч~ника и= страда'льца и='стинна. 
тjь'мже и= тобо'ю крася'щися вопiе'тъ: стефа'нъ мнjь` 
похвала` и= о_у=твержде'нiе.

%<I='косъ: Д%>о'брый вл\дка, бг~ъ и= созда'тель, 
jа='коже въ при'тчи _е=v\гльской рече` w= дjь'лателехъ 
вiногра'да, тогw` за'повjьдей сп~си'тельныхъ коего'ждо во 
свое` вре'мя дjь'лавша, и= мзду` прiе'мша: и=знесе` нн~jь во 
_е=динонадеся'тый ча'съ къ концу` лjь'тwмъ, и= въ са'мое 
соверше'нiе ты'сящамъ вели'каго сего` мч~ника и= цр~я`: 
своему` _о=те'честву непоколеби'мое забра'ло, и= свое'й 
_о=би'тели неруши'мую стjьну`, и= гри'вну всезлату'ю цр~кви. 
ю='же и= нося'щи, съ на'ми зове'тъ _е=диногла'снw: стефа'нъ 
мнjь` похвала` и= о_у=твержде'нiе.

%<Пjь'снь з~.%>

%<I=рмо'съ: Т%>ебе` о_у='мную бц\де пе'щь, разсмотря'емъ 
вjь'рнiи: jа='коже бо _о='троки спасе` три` превозноси'мый, 
мi'ръ w=бнови' бо чре'вjь твое'мъ всецjь'лъ, хва'льный 
_о=ц~_е'въ бг~ъ и= препросла'вленъ.

%<I=%>и~съ наvи'нъ и=ногда` а='гг~ла ви'дjь, 
повелjьва'юща _е=му` и=зу'ти сапо'гъ но'гу свое'ю, мjь'сту 
бо гл~аше, ст~у бы'ти: ты' же всеблаже'нне, нiкола'а 
ви'дjьлъ _е=си` вели'каго, пло'ти совлещи'ся повелjьва'юща, 
и= въ земли` ст~jь'й присели'тися.

%<Н%>ощна^я твоя^ хожд_е'нiя, и= jа=`же w= ка'мень 
ча^стая претыка'нiя, jа=`же под\ъя'лъ _е=си` ни'щыя 
посjьща'я, лjь'ствицы тебjь` о_у=стро'ишася, и= степе'нь къ 
нб\снымъ, и='миже къ самому` бг~у дости'глъ _е=си`: тогw` 
десни'цею вjьнчава'емь.

%<_О=%>бои` о_у='бw на тебjь` вjьнцы` блаже'нне 
стеко'шася, цр\ствiя ку'пнw и= мч~ничества: _о=бои'хъ бо 
чи'нъ соблю'лъ _е=си`. тjь'мже царе'й _е=си` похвала`, и= 
мч~никwвъ красота`: своея' же _о=би'тели sвjьзда` 
многосвjь'тлая.

%<Ш%>ирота` земли` и= долгота` со мно'гихъ jа=зы'къ 
ро'ды, тебjь` ввjь'рися w\т бг~а, w\т заточе'нiя 
призва'вшагw тя`. ю='же и= соблю'лъ _е=си` до'брjь во 
благоче'стiи и= въ зако'нjьхъ пра'ведныхъ. тjь'мже и= мзду` 
прiя'лъ _е=си` досто'йную.

%<Бг~оро'диченъ: Р%>оди'выйся соприсносу'щенъ бг~у и= 
_о=ц~у`, бг~ъ сло'во, бц\де, и= съ на'ми бг~ъ чл~къ, тобо'ю 
сни'де къ на'шему смире'нiю, w\т кля'твы пра'дjьднiя: тебе' 
бо ви'дjь i=а'кwвъ лjь'ствицу до нб\съ дося'жущу.

%<Пjь'снь и~.%>

%<I=рмо'съ: В%>ъ пещи` _о='троцы i=и~левы, jа='коже въ 
горни'лjь добро'тою благоче'стiя, чи'стjье зла'та 
блеща'хуся, гл~юще: блг\сви'те вся^ дjьла` гд\сня гд\са, 
по'йте и= превозноси'те во вся^ вjь'ки.

%<О_у=%>стнjь` о_у='бw дви'жа и= ру'цjь въ мл~твахъ 
воздjьва'я,_о='чи же гд\сни призира'ху, и= тогw` о_у='ши 
мл~тву послу'шаху: и= хотjь^нiя твоя^ бл~га^я пресла'внw 
соверша'хуся.

%<Д%>а'ръ че'стенъ вои'стинну, принесе' тя гд\сви, 
благоро'дное твое` _о=те'чество, па'че дарw'въ а='велевыхъ, 
и= же'ртвъ нw'евыхъ: на вся'къ бо де'нь сокруше'нiемъ дх~а, 
же'ртва бы'лъ _е=си` созда'телю.

%<А=%>га'рянская ча^да блаже'нне подъ но'ги гд\самъ 
на'шымъ подложи`: се' бо ча'сть достоя'нiя твоегw` 
безвjь'стну тща'вся сотвори'ти, но предвари'въ, досто'йною 
накажи` ка'знiю.

%<Р%>азшири'ша о_у=ста` своя^ jа='кw sвjь'рiе, спjьша'ще 
твое` поглоти'ти _о=те'чество i=смаили'те безбо'жнiи: си'лою 
о_у='бw твое'ю си'хъ низложи`.

%<Бг~оро'диченъ: И=%>са'iа ви'дjь тя` клещу` о_у='гля 
бж\ственнагw, проро'ческима _о=трокови'це _о=чи'ма, тогw` 
о_у=стна'мъ каса'ющася, и= грjьхи` w=ставля'юща: и='бо и=зъ 
тебе` бг~ъ вочл~вjь'чися, мi'ра грjьхw'въ w=ставле'нiе.

%<Пjь'снь f~.%>

%<I=рмо'съ: _О='%>бразъ ч\стагw рж\ства` твоегw`, 
_о=гнепали'мая купина` показа` неwпа'льная, и= ны'нjь на 
на'съ свирjь'пjьющую о_у=гаси'ти мо'лимся пе'щь: да тя` 
бц\де непреста'ннw велича'емъ.

%<А='%>ще и= w\т на'съ преста'вленъ бы'лъ _е=си` 
jа='коже и=лiа`, но на'мъ w=ста'вилъ _е=си` ст~ы'я твоя` 
мо'щи, jа='коже ми'лwть чт\снjь'йшую: и='миже на'съ 
страда'льче покрыва'й, w\т вся'кагw вреда` душетлjь'ннагw.

%<П%>а'че зла'та и= топа'зiа, ра'ка моще'й твои'хъ на'мъ 
jа=ви'ся: па'мять же твоя` сла'вная, па'че со'та медо'внагw, 
горта'немъ на'шимъ о_у=слади'ся, въ не'йже на'съ w=сiява'ютъ 
а='гг~ли съ тобо'ю сходя'ще.

%<Ю='%>же жела'хомъ па'мять свjьтоно'сную твою`, и= 
сладча'йшую прiя'хомъ и= w=блобыза'хомъ, и= мо'лимся 
бл~же'нне твои'мъ ко хр\сту` дерзнове'нiемъ, сохраня'й и= 
сп~са'й ста'до твое`.

%<С%>iю` ю='же стяжа'лъ _е=си` _о=би'тель, ю='же 
возлюби'лъ _е=си`, и= ю='же многоусе'рднjь о_у=краси'лъ 
_е=си` стефа'не: и= нн~jь мощми` твои'ми просла'вилъ _е=си`, 
и= ста'до _е='же въ не'й, мл~твами твои'ми w=кормля'еши.

%<Н%>е и='мамы и='нагw къ бг~у хода'тая, и=`же твоея` 
_о=би'тели и='ноцы, то'кмw тебе` стефа'не, на'съ 
собра'вшагw. и= мо'лимъ тя` прилjь'жнw: и= та'мw на'съ 
неразлучи`, w\т дарова'нныя ти` сла'вы w\т бг~а.

%<Бг~оро'диченъ: _Е=%>го'же вси` проро'цы, рече'нiями 
ку'пнw, и= гада'ньми предвозвjьсти'ша, всецр~це хотя'ща 
роди'тися, и= спасти` чл~вjь'чество: сего` ты` заче'нши 
несказа'ннw, неизрече'ннw породи'ла _е=си` бц\де: проро'кwвъ 
бы'вши сбытiе`.

%<Свjьти'ленъ.%>

%<Подо'бенъ:%> Пло'тiю о_у=сну'въ:

%<П%>озлаще'нныма крыло'ма добродjь'телей, къ бг~у 
возлетjь'въ стефа'нъ на'съ назира'етъ. и='же па'мять _е=гw` 
творя'щихъ: и= свjь'та и=сполня'етъ невеще'ственнагw.

%<На хвали'техъ стiхи^ры, на д~. По\д: Д%>а'лъ _е=си`:

%<Д%>а'лъ _е=си` о_у=твержде'нiе лю'бящымъ тя` гд\си, 
страда'льца твоего` до'бляго, и='мже подви'глъ на'съ къ 
терпjь'нiю напа'стемъ, и= си'мъ низложи'лъ _е=си` твоегw` 
созда'нiя ра'тника, тjь'мже твое` бж~е'ственное смотре'нiе 
сла'вимъ: i=и~се всеси'льне, сп~се дш~ъ на'шихъ. 
%<[Два'жды.]%>

%<Д%>а'лъ _е=си` о_у=краше'нiе деча'нской цр~кви гд\си, 
стефа'на твоего` о_у=го'дника, чудеса` содjьва'юща, и= 
и=сцjьле'нiя точа'ща, во сла'ву твои'хъ дарова'нiй, тjь'мже 
твое` бж~е'ственное смотре'нiе сла'вимъ, и=`же w\т негw` 
со'браннiи: i=и~се всеси'льне, сп~се ду'шъ на'шихъ.

%<Д%>а'лъ _е=си` о_у=добре'нiе с_е'рбскимъ царе'мъ 
гд\си, стефа'на прему'драго, тогw` ревнова'ти дjь'ланiемъ, 
jа='же къ тебjь` любви` созда'вшему, и= и='же къ 
стра'ждущымъ мл\сти, тjь'мже твое` бж~е'ственное смотре'нiе 
сла'вимъ: i=и~се всеси'льне, сп~се ду'шъ на'шихъ.

%<Сла'ва, гла'съ в~.%>

%<П%>рiи'дите и='ночестiи ли'цы, дх~о'внw возвесели'мся, 
и= кiвw'тъ _о='крестъ w=бсту'пльше. пjь'снми воспои'мъ 
похва'льными, благоговjь'йнw о_у=стна'ми, ст~ы'мъ 
прикаса'ющеся моще'мъ, и= къ слеза'мъ мольбу` смjьси'вше, къ 
нему` возопiи'мъ: хр\сто'въ о_у=го'дниче стефа'не, и= 
чудотво'рче вои'стинну, на'съ, и='хже собра'лъ _е=си` здjь`, 
и= та'мw собери` въ ча'сти спаса'емыхъ.

%<И= ны'нjь, бг~оро'диченъ.%>

%<Д%>в~о бц\де, поми'луй рабы^ твоя^, и= и=зба'ви 
_о=гня` и= вся'кiя му'ки, въ нощи` и= во дни` вопiю'щихъ, 
сы'ну твоему` преч\стая: не пре'зри ста'до твое`, мл~твами 
хр\сте` ро'ждшiя тя`.

%<Славосло'вiе вели'кое, и= w\тпу'стъ.%>

%<Стiхи'ра о_у='тренняя по славосло'вiи.%>

%<Сла'ва, гла'съ _е~. Самогла'сенъ.%>

%<С%>вятi'и се'рбстiи просвjьти'телiе и= о_у=чи'тели, 
преподо'бнiи кра'льи, ца'рiе и= кня'зи, сv"меw'не 
мv"роточи'вый, са'вво равноапо'стольный: а=рсе'нiе 
чудотво'рче, стефа'не первовjьнча'нный, вла'диславе и= 
са'вво вторы'й, со fеоктi'стомъ всехва'льнымъ и= 
_е=vстра'тiемъ: пресла'вный милути'не, нiкоди'ме, данiи'ле, 
i=wаннi'кiе, _е=фре'ме: во прему'дрости преди'вный, и= во 
страда'нiихъ а=дама'нтный свjь'тлый и= вели'кiй чудотво'рче 
царю` стефа'не деча'нскiй и= _е=ле'но. сла'ва и= о_у='рошу 
младо'му, w\тра'сль _е=гw` че'стна и= свя'та. пресла'вный и= 
вели'кiй кня'же ла'заре, и='же пролiя` кро'вь свою` за 
вjь'ру и= _о=те'чество и= достоя'нiе твое`. сла'ва тебjь` 
всехва'льна цари'це и= вели'кая княги'не деспо'тице гп\сже` 
а='нно, а=наста'сiе, _е=ле'но и= а=ггели'но. святi'и 
сла'внiи деспо'ты геw'ргiе, стефа'не, ма_ксi'ме, i=wа'нне, 
сирмi'йскiя и= крушедо'лскiя _о=би'тели: сла'ва во бра'нехъ 
во'ине стефа'не щиля'новичу, вели'кiй цjьле'бниче 
приходя'щымъ къ тебjь` съ вjь'рою, святы'й пе'тре кори'жкiй, 
i=wаннi'кiе дjьви'чкiй, про'хwре пши'нскiй, i=wа'нне 
ры'льскiй, гаврiи'ле десно'вскiй, i=ларiw'не _о=сого'вскiй, 
i=ларiw'не мiгаи'нскiй, _е=vfv'мiе, не'сторе, и='же во 
деча'нстjьй пусты'ни пости'вшiися: святы'й васi'лiе но'вый 
чудотво'рче захолмi'йскй, пе'тре черного'рскiй а=рхiере'ю 
преwсвяще'нный, и=`же всjь'хъ ва'съ прославля'емъ и= 
сла'вимъ, jа='кw вели^кiя столпы` и= предста'тели ро'да 
се'рбскагw крестоно'снагw, моли'те бг~а w= душа'хъ на'шихъ, 
спасти'ся на'мъ.

%<И= ны'нjь хра'ма.%>

%<На лiтургi'и,%>

%<Бл~же'нна w\т канw'на ст~а'гw пjь'снь г~ и= s~. 
Прокi'менъ, гла'съ з~: В%>озвесели'тся прв\дникъ w= гд\сjь 
и= о_у=пова'етъ на него`. %<Стi'хъ: О_у=%>слы'ши бж~е гла'съ 
мо'й, внегда` моли'тимися къ тебjь`. %<А=п\слъ дjья'нiй, 
зача'ло к~f: В%>озложи` и='родъ ца'рь ру'цjь: %<А=ллилу'iа, 
гла'съ д~. П%>рв\дникъ jа='кw фi'нi_ксъ процвjьте'тъ, и= 
jа='кw ке'дръ и='же въ лiва'нjь о_у=мно'жится. %<Стi'хъ: 
Н%>асажде'ни въ дому` гд\сни во дво'рjьхъ бг~а на'шегw 
процвjьту'тъ. %<_Е=v\глiе w\т i=wа'нна, зача'ло н~в: Сiя` 
заповjь'даю ва'мъ: Прича'стенъ: В%>ъ па'мять 
вjь'чную.