Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав> 


%<И=з\ъ слу'жбы i=нноке'нтiю и=рку'тскому.%>

%<к~s-й де'нь, мц\съ ное'мврiй%>

%<Сла'ва, гла'съ и~:%>

%<_О='%>тче ст~и'телю i=нноке'нтiе, jа=ви'лъ _е=си` въ 
преподо'бiи твое'мъ сла'ву цр\ствiя хр\сто'ва, въ 
по'двизjьхъ до'брыхъ возглаго'лалъ _е=си` си'лу бл~года'ти 
_е=гw`, въ чудесjь'хъ мно'гихъ возвели'чилъ _е=си` побjь'ду, 
побjьжда'ющую мi'ръ, вjь'ру ст~у'ю, и= са'мъ jа='кw 
сщ~е'нникъ w=бле'клся _е=си` во сп~се'нiе: тjь'мже и= 
ст~ы'ня гд\сня процвjьте` на тебjь`, jа='кw пома'занномъ w\т 
дх~а ст~а'гw, _е=гw'же бл~гi'й да не w\ти'метъ w\т на'съ 
согрjьши'вшихъ, но да w=бнови'тъ на'съ мл~твами твои'ми, 
о_у=го'дниче бж~iй.

%<И= ны'нjь, бг~оро'диченъ: Б%>езневjь'стная дв~о:

%<На бл~гослове'нiи хлjь'бwвъ, тропа'рь ст~и'теля 
два'жды, и= Б%>ц\де дв~о: %<_е=ди'ножды.%>

%<Тропа'рь ст~и'теля, гла'съ г~:%>

%<С%>вjьти'льниче цр~кве пресвjь'тлый, w=зари'вый 
луча'ми добро'тъ твои'хъ страну` сiю`, и= и=сцjьле'ньми 
мно'гими притека'ющихъ къ ра'цjь твое'й съ вjь'рою бг~а 
просла'вивый, мо'лимъ тя`, ст~и'телю _о='тче i=нноке'нтiе, 
w=гражда'й мл~твами твои'ми гра'дъ се'й w\т всjь'хъ бjь'дъ 
и= печа'ли.



%<На о_у='трени,%>

%<на Бг~ъ гд\сь, тропа'рь ст~а'гw два'жды.%>

%<Сла'ва, и= ны'нjь, бг~оро'диченъ.%>

%<По а~-мъ стiхосло'вiи сjьда'ленъ, гла'съ _е~:%>

%<Н%>е да'лъ _е=си` сна` _о=чи'ма твои'ма, человjь'че 
бж~iй, ниже` вjь'ждома твои'ма дрема'нiя, до'ндеже w=брjь'лъ 
_е=си` мjь'сто гд\севи посредjь` разруша'ющагwся 
влады'чества дре'внягw w=мрачи'теля jа=зы'кwвъ: w=снова'лъ 
_е=си` селе'нiе бг~у i=а'кwвлю не во i=уде'и, ни во 
i=ерусали'мjьхъ, но въ предjь'лjьхъ монго'льскихъ. тjь'мже 
jа=ви'лся _е=си` и= дв~дъ, положи'вый во странjь` невjь'рiя 
тве'рдое w=снова'нiе вjь'ры, и= соломw'нъ, о_у=мудри'выйся 
въ созида'нiи сп~се'нiя ста'ду твоему`.

%<Сла'ва, и= ны'нjь: Б%>г~а и=з\ъ теб_е` воплоти'вшагося 
позна'хомъ, бц\де дв~о: того` моли` w= сп~се'нiи гра'да 
на'шегw и= всjь'хъ запечатлjь'нныхъ и='менемъ сн~а твоегw`.

%<По в~-мъ стiхосло'вiи сjьда'ленъ, гла'съ д~:%>

%<Jа='%>кw мv'ро на главjь`, сходя'щее на браду`, браду` 
а=арw'ню, сходя'щее на w=ме'ты w=де'жды _е=гw`, jа='кw роса` 
а=ермw'нская, сходя'щая на го'ры сiw'нскiя, та'кw бл~года'ть 
дх~а ст~а'гw, бл~гоуха'ющи вы'ну на просла'вленномъ 
нетлjь'нiемъ тjьлеси` твое'мъ, притека'ющыя къ ра'цjь твое'й 
съ вjь'рою напоя'етъ ра'достiю w= гд\сjь, прославля'ющемъ 
тя`.

%<Сла'ва, и= ны'нjь: С%>о ст~и'телемъ, преч\стая, и= 
всjь'ми ст~ы'ми, во ст~ы'хъ _е=ди'наго почива'ющаго 
о_у=моли`, всjь'хъ w=святи'ти на'съ, славосло'вящихъ тя` во 
вся^ вjь'ки.

%<По полv"еле'и сjьда'ленъ, гла'съ г~:%>

%<Г%>д\сь, не лиша'яй бл~ги'хъ ходя'щыя неsло'бiемъ, 
бл~года'ть и= сла'ву даде' ти, ст~и'телю i=нноке'нтiе, ю='же 
всели'лъ _е=си` въ земли` на'шей: и= на нб~си` о_у=`бо 
сподо'би ны`, твои'ми мл~твами, вjь'чныя сла'вы съ тобо'ю и= 
со всjь'ми ст~ы'ми, бг~у бл~гоугоди'вшими.

%<Сла'ва, и= ны'нjь: П%>окро'въ бу'ди ми` и= 
предста'тельство, и= заступле'нiе, и= похвала`, дв~о: jа='кw 
ты` _е=си` безпомо'щныхъ си'ла неwбори'мая и= наде'жда 
ненадjь'емыхъ.

%<Посе'мъ а~-й а=нтiфw'нъ д~-гw гла'са.%>

%<Прокi'менъ, гла'съ д~: Ч%>естна` пред\ъ гд\семъ 
сме'рть прп\дбныхъ _е=гw`. %<Стi'хъ: Ч%>то` возда'мъ гд\севи 
w= всjь'хъ, jа=`же воздаде' ми;

%<Та'же, В%>ся'кое дыха'нiе:

%<_Е=v\глiе w\т матfе'а, зача'ло а~_i.%>

%<По _е=v\глiи стiхи'ра, гла'съ s~:%>

%<Д%>а и=спо'лнятся о_у=ста` на^ша хвале'нiя твоегw`, 
гд\си, jа='кw да воспои'мъ сла'ву твоегw` о_у=го'дника, 
_е=го'же просла'вилъ _е=си` нетлjь'нiемъ и= чудотворе'ньми, 
въ бjьда'хъ су'щымъ показа'лъ _е=си` помо'щника, въ 
неду'зjьхъ ско'раго цjьли'теля, въ ско'рбехъ о_у=тjь'шителя, 
w= чту'щихъ _е=гw` ст~у'ю па'мять те'плаго моли'твенника.

%<Канw'нъ, [_е=гw'же краегране'сiе: I=нноке'нтiй, 
моли'твенникъ w= душа'хъ на'шихъ.] Гла'съ и~.%>

%<Пjь'снь а~.%>

%<I=рмо'съ: И=%>стря'сшему въ мо'ри мучи'тельство 
фараw'не, и= i=и~ля су'шею наста'вльшему, пои'мъ хр\сту`: 
jа='кw просла'вися во вjь'ки.

[I] %<I=%>ера'рше непоро'чне, при'зри съ нб~се` и= 
ви'ждь, и= посjьти` w=сjьне'нiемъ твои'мъ вiногра'дъ се'й, 
_е=го'же насади` десни'ца твоя` во странjь` jа=зы'кwвъ: да 
просла'вимъ бл~гоговjь'йнw чудеса` твоя^, а='ще и= 
невозмо'жно _е='сть и=счи'слити я=`.

[Н] %<Н%>а пути` и=ногда` вразумля'ше валаа'ма 
_о=сли'ца, да не и='детъ проклина'ти i=и~ля, _е=го'же и= 
бл~гослови` прише'дый w\т месопота'мiи: си'це 
о_у=томле'нными ко'ньми вразумле'нъ бы'сть преwгорче'нный 
пу'тникъ, да возда'стъ ст~и'телю i=нноке'нтiю сла'ву, 
_е='юже w=бjьща'ся.

[Н] %<Н%>о'гъ болjь'знiю и= разслабле'нiемъ всjь'хъ 
чле'нwвъ неду'гующему jа=ви'лся _е=си` ско'рый цjьли'тель, 
_о='тче на'шъ i=нноке'нтiе: не пре'зри о_у=`бо и= ны'нjь съ 
вjь'рою притека'ющихъ къ живонw'снымъ и= присноцjь'л_ебнымъ 
моще'мъ твои'мъ.

[_О] %<Бг~оро'диченъ: _О=%>ц~у` собезнача'льнаго сн~а 
пло'тiю родила` _е=си`, пренепоро'чная дв~о, _е=го'же моли` 
со ст~и'телемъ, да сотвори'тъ ны` сы'ны своегw` цр\ствiя и= 
наслjь'дники w=бjьтова'нiя вjь'чнагw.

%<Катава'сiа по о_у=ста'ву.%>

%<Пjь'снь г~.%>

%<I=рмо'съ: О_у=%>тверди` на'шъ о_у='мъ и= сердца`, 
нб~са` сло'вомъ о_у=твержде'й, во _е='же пjь'ти и= сла'вити 
тя`, во сп~се'нiе ду'шъ на'шихъ.

[К] %<К%>упину` втору'ю показа'лъ _е=си`, слове'сный 
па'стырю, _е=гда` мл~твами твои'ми сохрани'лъ _е=си` 
посредjь` пла'мене невреди'му ст~у'ю це'рковь, въ не'йже 
почива'ше не о_у=` просла'вленное на земли`, но съ нб~се` 
_о=би'лiемъ чудотворе'нiй jа='вственнw свидjь'тельствованное 
свя'то бы'ти нетлjь'нное тjь'ло твое`.

[_Е] %<_Е=%>ди'нjьй вjь'рjь досту'пенъ jа=ви'лся _е=си`, 
непоро'чне: тjь'мже съ премjьне'нiемъ _е=стества` 
о_у=ста'вwвъ, мра'зъ и= и='ней сокры'ша чистоту` твою` w\т 
_о=че'съ нечи'стыхъ, дерзну'вшихъ въ невjь'рiи ви'дjьти тя`, 
и=`мже не да'лъ _е=си` о_у=зрjь'ти сла'вы твоея`, поуча'я 
ны` чи'стымъ се'рдцемъ тебе` сла'вити.

[Н] %<Н%>а по'мощь ско'рw прите'клъ _е=си` къ ста'рцу 
_о=чи'ма тя'жкw ви'дящему, и= прикосну'вся болjь'зненнjьй 
главjь` _е=гw`, jа=ви'лъ _е=си` на не'мъ дjь'ла бж~iя: 
просвjьти` о_у=`бо и= на'шя душ_е'вныя _о='чи мл~твами 
твои'ми, сщ~еннонача'льниче.

[%<Т] Бг~оро'диченъ: Т%>ве'рдое и= непрело'жное 
о_у=пова'нiе вjь'мы тя`, бц\де, _е=гw'же держи'мся, и= 
о_у=пова'юще мо'лимся: сохрани` гра'дъ се'й и= вся^ гра'ды 
и= страны^ хр\стiа^нскiя w\т всjь'хъ бjь'дъ, находя'щихъ 
человjь'кwмъ согрjьша'ющымъ, но а='бiе мл~твами твои'ми 
прiе'млющымъ согрjьше'нiй w=ставле'нiе.

%<Сjьда'ленъ, гла'съ г~:%>

%<Т%>ако'въ на'мъ подоба'ше а=рхiере'й, преподо'бенъ, 
неsло'бивъ, кро'токъ, w\тлуче'нъ w\т грjь^шникъ, и='же 
пред\ъ вjь'чнымъ а=рхiере'емъ i=и~съ хр\сто'мъ мо'лится 
вы'ну w= сп~се'нiи ста'да своегw`: мно'гw бо мо'жетъ мл~тва 
прв\днагw поспjьшеству'ема во бл~го'е.

%<Сла'ва, гла'съ то'йже:%>

%<П%>рото'ржеся вода` въ пусты'ни, и=сто'чникъ 
и=сцjьле'нiй и=стека'етъ w\т неистлjь'нныхъ моще'й ст~и'теля 
i=нноке'нтiа: ра'дость вjь'чная над\ъ главо'ю _е=гw`: 
_е=я'же да сподо'бимся и= мы` мл~твами _е=гw`, въ 
невече'рнемъ дни` воскр\снiя.

%<И= ны'нjь, бг~оро'диченъ:%>

%<W=%> тебjь`, _о=трокови'це, возгласи` пр\оро'къ, 
глаго'ля: се` врата` восто'ка, и= бу'дутъ затвор_е'на, и= 
никто'же про'йдетъ сквозjь` я=`: но гд\сь бг~ъ _е=ди'нъ 
про'йдетъ, и= бу'дутъ врата` затвор_е'на.

%<Пjь'снь д~.%>

%<I=рмо'съ: О_у=%>слы'шахъ, гд\си, смотре'нiя твоегw` 
та'инство, разумjь'хъ дjьла` твоя^, и= просла'вихъ твое` 
бж~ество`.

[I] %<I=%>и~съ въ дому` петро'вjь прикосну'ся руцjь` 
те'щи _е=гw`, _о=гне'мъ жего'мыя, и= а='бiе w=ста'ви ю=` 
_о='гнь. Сiя^ же зна'м_енiя послjь'доваша тебjь` вjь'рующему 
чудотво'рцу: о_у=кроти'лъ бо _е=си` _о=гне'вицу _е=ди'нымъ 
прикоснове'нiемъ бо'ку лежа'щагw на _о=дрjь` сме'рти, но 
призва'вшагw тя` во о_у=пова'нiи жи'зни.

[И] %<И=%>сцjьля'хуся и=ногда` вjь'рующiи w\т нанесе'нiя 
главотя'жей и= о_у=бру'сц_евъ па'vловыхъ. не прw'сты си^лы 
творя'ше бг~ъ и= твои'ма рука'ма, но'вый а=п\сле: пе'рсть бо 
w\т твоея` сщ~е'нныя ра'ки и= _е=ле'й w\т лампа'ды 
w\тверза'ютъ слjьпотству'ющей _о='чи и= да'руютъ 
и=сцjьле'нiе.

[М] %<М%>л~тва вjь'ры сп~се` лю'тjь боля'щаго, и='же и= 
и=сповjь'да, jа='кw вра'чеве не воскреся'тъ, о_у=пова'нiе же 
на тя`, бл~госе'рдый _о='тче, николи'же посрамля'етъ съ 
вjь'рою призыва'ющихъ тя` во бл~говре'менную по'мощь.

[_О] %<Бг~оро'диченъ: _О=%>трокови'ца неискусому'жная 
ражда'етъ прови'дjьннаго дх~омъ w\т а=вваку'ма, и= къ 
рожде'нному мо'лится w= душа'хъ на'шихъ, му'дрjь пасо'мыхъ 
па'стыремъ, и= по и=схо'дjь свое'мъ вы'ну съ на'ми въ 
нистлjь'нiи ст~а'гw тjьлесе` своегw` пребыва'ющимъ.

%<Пjь'снь _е~.%>

%<I=рмо'съ: W\т%> но'щи невjь'дjьнiя, бг~овjь'дjьнiя 
де'нь, во свjь'тjь лица` твоегw`, хр\сте`, да возсiя'етъ ко 
о_у='тру хвале'нiе твое` въ сердца'хъ на'шихъ.

[Л] %<Л%>юбо'вiю погрузи'ся во струя'хъ о_у=пова'нiя на 
о_у=го'дника бж~iя, покры'тый w\т главы` до но'гъ стру'пами, 
и= во пло'ти свое'й не w=брjьта'яй и=сцjьле'нiя, и= а='бiе 
w=чи'стися w\т нечистоты` болjь'зненныя, jа='коже неема'нъ 
w\т прока'зы погруже'нiемъ во i=_орда'нjь, по глаго'лу 
_е=лiссе'еву.

[И] %<И='%>щущымъ тебе` w=брjьта'ешися гото'вый 
помо'щникъ, ст~и'телю i=нноке'нтiе, и= ско'рw подае'ши 
неду'гwвъ и=сцjьле'нiе, jа='коже и=ногда` женjь`, 
болjь'знующей десно'ю руко'ю, jа=ви'лся _е=си` въ со'нномъ 
видjь'нiи, и= сотвори'лъ _е=си` ю=` здра'ву за _е=ди'ное 
призва'нiе ст~а'гw твоегw` и='мене.

[Т] %<Т%>ве'рдое бл~года'ти позна'нiе о_у=твержда'я въ 
вjь'рующихъ, научи'лъ _е=си` на'съ вjь'дjьти тя`, jа='кw 
наста'вника мл\стиваго, бл~гоутро'бiя сокро'вище, 
правовjь'рiя о_у=чи'теля, а=рхiере'_евъ похвалу`, 
безпо'мощныхъ засту'пника, при'снw моля'щагося w= сп~се'нiи 
ча^дъ твои'хъ, съ вjь'рою къ тебjь` притека'ющихъ.

[В] %<Бг~оро'диченъ: В%>ер_еи` а='дwвы сломи'шася, и= 
закле'пи вjь'чнiи сокруши'шася ро'ждшимся w\т теб_е`, 
преч\стая мт~и: тjь'мже мо'лимъ тя`, и=зба'ви ны` w\т 
вjь'чныя сме'рти хода'тайствомъ твои'мъ, и= всели' ны во 
свjь'тjь сн~а твоегw`, свjь'тъ и=скупле'нiя мi'рови 
возсiя'вшагw.

%<Пjь'снь s~.%>

%<I=рмо'съ: Р%>и'зу мнjь` пода'ждь свjь'тлу, w=дjья'йся 
свjь'томъ jа='кw ри'зою, многомл\стиве хр\сте` бж~е на'шъ.

[_Е] %<_Е=%>ли'цы притека'ху къ тебjь`, помо'щниче 
те'плый, не w\тхожда'ху посра'млени: немощнi'и 
и=сцjьля'хуся, въ болjь'зни дjьторожде'нiя су'щыя, w= 
многоцjьле'бныя бл~госты'ни твоея` прiима'ху ско'рое неду'га 
разрjьше'нiе, слjьпi'и прозира'ху. посjьти` о_у=`бо и= 
на'съ, ще'дрый _о='тче, твое'ю по'мощiю.

[Н] %<Н%>е бу'ди невjь'ренъ, но вjь'ренъ, ре'клъ _е=си`, 
_о='тче, втори'цею jа=ви'выйся w\т преломле'нiя ноги` лю'тjь 
стра'ждущему, и= о_у=да'ривъ жезло'мъ въ мjь'сто, и=дjь'же 
стоя'стjь но'зjь твои`, jа='звою на дре'вjь о_у=врачева'лъ 
_е=си` душе'вную jа='зву w=мраче'ннагw невjь'рiемъ: а='бiе 
бо и=сповjь'да бы'ти тебе` бл~года'тнаго врача`, 
воздви'гшаго _е=го` w\т _о=дра` болjь'зненнагw.

[Н] %<Н%>епоро'чныма твои'ма рука'ма препода'лъ _е=си`, 
а=рхiере'ю бж~iй, безсме'ртную пи'щу стра'ждущей, _w чу'до! 
на нб~си` прiwбща'яся и='стjье невече'рнягw свjь'та, вя'щше 
седми'десяти лjь'тъ по твое'мъ о_у=спе'нiи, и= на земли` 
jа=вля'ешися сщ~еннодjь'йствитель бж~е'ственныхъ та^инъ, 
о_у=вjьря'я па'ству твою` въ неразлу'чномъ пребыва'нiи вы'ну 
съ притека'ющими ко твое'й по'мощи.

[%<И] Бг~оро'диченъ: И='%>стины о_у=чи'телю, наста'ви 
ны` во и='стиннjьй вjь'рjь, моля` w= сп~се'нiи на'шемъ съ 
преч\стою дв~ою бц\дею рожде'ннаго w\т нея` на сп~се'нiе 
всегw` мi'ра.

%<Конда'къ, гла'съ д~:%>

%<Н%>епоро'чности соиме'ннаго па'стыря, проповjь'дника 
вjь'ры во jа=зы'цjьхъ монго'льскихъ, сла'ву и= о_у=краше'нiе 
и=рку'тскiя па'ствы, любо'вiю восхва'лимъ вси` вjь'рнiи: 
то'й бо _е='сть храни'тель страны` сея` и= моли'твенникъ w= 
душа'хъ на'шихъ.

%<I='косъ: А='%>гг~льскимъ житiе'мъ возвы'сился _е=си`, 
_о='тче, до лицезрjь'нiя красоты` несозда'нныя, _е=я'же 
наслажда'яся ны'нjь на нб~си`, мо'лишися w= сп~се'нiи 
на'шемъ, на'съ же на земли` науча'еши взыва'ти тебjь` 
такова^я: ра'дуйся, крi'не, въ бл~горастворе'нномъ ю='зjь 
процвjьты'й: ра'дуйся, пе'рвенче дх~о'внагw сыноположе'нiя, 
w\т ма'лыя рwссi'и бг~у посвяще'нный. ра'дуйся, сла'во и= 
велича'нiе гра'да кi'ева: ра'дуйся, въ земно'мъ о_у=чи'лищи 
нб\сныя му'дрости наста'вниче. ра'дуйся, му'дрый 
и=сполни'телю велjь'нiй царя` земна'гw: ра'дуйся, 
му'жественный подви'жниче цр~я` нб\снагw. ра'дуйся, 
проповjь'дниче вjь'ры во jа=зы'цjьхъ монго'льскихъ: 
ра'дуйся, началоположи'телю до'брагw сщ~еннонача'лiя во 
страна'хъ сiби'рскихъ. ра'дуйся, о_у=краше'нiе и=рку'тскiя 
па'ствы: ра'дуйся, бл~гоуха'нiе пусты'ни. ра'дуйся, 
_о='бщагw воскр\снiя въ нетлjь'нiи твое'мъ о_у=вjьри'телю: 
ра'дуйся, неизчерпа'емыхъ чуде'съ и=сто'чниче. ра'дуйся, 
храни'телю страны` тобо'ю и=збра'нныя: ра'дуйся, 
i=нноке'нтiе, моли'твенниче w= душа'хъ на'шихъ.

%<Пjь'снь з~.%>

%<I=рмо'съ: В%>ъ нача'лjь зе'млю w=снова'вый и= небеса` 
сло'вомъ о_у=тверди'вый, бл~гослове'нъ _е=си` во вjь'ки, 
гд\си бж~е _о=т_е'цъ на'шихъ.

[К] %<К%>рjь'пость и= и=сцjьле'нiе прiима'ху w\т теб_е`, 
_о='тче, немощству'ющiи пло'тiю: ско'рбнiи же ду'хомъ и= 
о_у=друче'ннiи печа'льми жите'йскими w=брjьта'ху душе'вное 
о_у=тjьше'нiе во о_у=миле'нномъ призыва'нiи ст~а'гw и= 
просла'вленнагw и='мене твоегw`, прославля'ющагw ди'внаго во 
ст~ы'хъ свои'хъ бг~а i=и~лева.

[W] %<_О='%>тче, непоро'чности соиме'нне, та'кw 
просла'вися свjь'тъ тво'й пред\ъ человjь^ки, jа='кw ви'дяще 
дw'брая дjьла` твоя^ и= чудотвор_е'нiя мнw'гая, 
прославля'ютъ чудодjь'йствующаго тобо'ю, ди'внаго во ст~ы'хъ 
свои'хъ бг~а i=и~лева.

[Д] %<Тр\оченъ: Д%>уш_е'вныя на'шя болjь^зни и=сцjьли`, 
бж~е, мл~твами просла'вленнагw w\т теб_е` о_у=го'дника, 
о_у=скоря'ющагw на по'мощь о_у=миле'нною душе'ю, тре'бующымъ 
дjь'йственнагw _е=гw` пред\ъ тобо'ю, ст~а'я, заступле'нiя.

[У] %<Бг~оро'диченъ: О_у='%>мъ на'шъ плjьни'въ 
послуша'нiе вjь'ры, ду'хъ и= ду'шу всесоверш_е'ны соблюди`, 
и= тjь'ло въ прише'ствiе гд\са на'шегw i=и~са хр\ста` 
непоро'чно сохрани` мл~твами твои'ми, бг~ороди'тельнице.

%<Пjь'снь и~.%>

%<I=рмо'съ: Б%>езнача'льнаго цр~я` сла'вы, _е=гw'же 
трепе'щутъ нб\сныя си^лы, по'йте сщ~е'нницы, лю'дiе 
превозноси'те во вся^ вjь'ки.

[Ш] %<Ш%>иро'кiй пу'ть, вводя'щiй въ па'губу, презрjь'лъ 
_е=си`, прп\дбне, и= тjь'сными враты` вше'лъ _е=си` въ 
нб\сное цр\ствiе. w\т_ону'дуже призира'я вы'ну на 
призыва'ющихъ тя` съ вjь'рою, о_у=крjьпи` о_у=`бо и= на'съ 
понести` бл~го'е и= ле'гкое и='го кр\ста`, да вни'демъ въ 
поко'й бг~а бл~гослове'ннагw.

[А] %<А=%>гг~лоподо'бнымъ житiе'мъ на земли`, w=брjь'лъ 
_е=си` бл~года'ть и=сцjьле'нiй, и= jа=ви'лся _е=си` 
вои'стинну а='гг~лъ храни'тель па'ствы твоея`, бо'дрственнw 
о_у=твержда'я ю=` въ вjь'рjь многоразли'чными твои'ми 
чудотвор_е'нiи и= соблюда'я въ чи'стомъ и=сповjь'данiи 
_о=тц_е'въ бг~а бл~гослове'ннагw.

[Х] %<Х%>р\сто'во бл~гоуха'нiе jа=ви'лся _е=си`, 
_о='тче, въ сп~са'емыхъ тобо'ю w\т неду'гwвъ, душе'вныхъ же 
и= тjьле'сныхъ: тjь'мже w=бита'т_ели гра'да тобо'ю 
и=збра'ннагw, прославля'юще ст~у'ю па'мять твою`, 
бл~гословля'ютъ просла'вившаго тя`, _о=тц_е'въ бг~а 
бл~гослове'ннаго.

[Н] %<Бг~оро'диченъ: Н%>jь'сть на'ша бра'нь ко пло'ти и= 
кро'ви, но къ нача'лwмъ, и= ко власте'мъ, и= къ 
мiродержи'тел_емъ тьмы` вjь'ка сегw`, къ духовw'мъ sло'бы 
поднеб_е'снымъ: над\ъ ни'миже покажи' ны, вл\дчце, 
побjьди'т_ели, jа='кw да по w='бразу непоро'чнагw па'стыря 
возмо'жемъ вся^ стрjь'лы лука'вагw разжж_е'нныя о_у=гаси'ти.

%<Пjь'снь f~.%>

%<I=рмо'съ: П%>роявле'нное на горjь` законополо'жнику во 
_о=гни` и= купинjь`, рж\ство` приснодв~ы, въ на'ше вjь'рныхъ 
сп~се'нiе, пjь'сньми немо'лчными велича'емъ.

[А] %<А=%>п\слъ jа=зы'кwвъ бы'лъ _е=си`, _о='тче, 
jа='коже и= па'vелъ, тjь'мже ны'нjь восхище'нъ _е=си` на 
высоту` бж~е'ственнагw лицезрjь'нiя: и=дjь'же мо'лишися, да 
бг~ъ возрасти'тъ, _е='же ты`, му'дрый дjь'лателю, насади'лъ 
и= напои'лъ _е=си`.

[Ш] %<Ш%>ле'мъ сп~се'нiя воспрiи'мъ, и= мече'мъ 
дх~о'внымъ препоя'сався, и=зше'лъ _е=си` на дjь'ло твое`, 
па'стырю ди'вный, и= согради'лъ _е=си` w=пло'тъ бл~гоче'стiя 
во мра'цjь jа=зы'чества: моли` о_у=`бо пребл~га'го бг~а, да 
о_у=крjьпи'тъ, _е='же содjь'ла въ на'съ руко'ю твое'ю.

[И] %<И='%>менемъ и= житiе'мъ непоро'чне, прiими` 
хвал_е'бныя пjь^сни, любо'вiю къ тебjь` возноси^мыя, 
w=сjьня'я мл~твами твои'ми па'ству, w=сiя'нную луча'ми 
добро'тъ твои'хъ, и= о_у=скоря'я на по'мощь бл~года'тнымъ 
заступле'нiемъ твои'мъ, во вре'мя бл~гопотре'бно.

[Х] %<Бг~оро'диченъ: Х%>ерувi'мwвъ честнjь'йшая, и= 
сла'внjьйшая без\ъ сравне'нiя серафi'мwвъ, не пре'зри 
мол_е'нiя ра^бъ твои'хъ, но покры'й на'съ честны'мъ твои'мъ 
покро'вомъ: сп~си` i=мпера'тора и= лю'ди, бл~гоговjь'йнw 
чту'щыя па'мять непоро'чнагw па'стыря и= моли'твенника w= 
гра'дjь се'мъ, ди'внагw i=нноке'нтiа.

%<Свjьти'ленъ, гла'съ а~:%>

%<С%>ла'ва тебjь` бг~у, показа'вшему на'мъ свjь'тъ 
сп~се'нiя въ житiи` и= словеси` твоегw` о_у=го'дника: сла'ва 
тебjь` бл~года'телю, возсiя'вшему просвjьще'нiе и='стины въ 
побо'рницjь бл~гоче'стiя и= и='стины: сла'ва тебjь` ди'вному 
щедротода'вцу, о_у=диви'вшему мл\сти твоя^ на ходи'вшемъ во 
свjь'тjь лица` твоегw`, ст~и'телjь и= чудотво'рцjь 
i=нноке'нтiи.

%<Сла'ва, и= ны'нjь, бг~оро'диченъ:%>

%<С%>вjь'тъ мi'рови возсiя` въ рж\ствjь` твое'мъ, 
преч\стая бц\де: w=сiя'й о_у=`бо о_у='мъ на'шъ позна'нiемъ 
сн~а твоегw`, се'рдце о_у=язви` любо'вiю къ бж~е'ств_еннымъ 
за'повjьдемъ, о_у=крjьпля'ющи ны` мл~твами твои'ми въ 
вjь'рjь и= бл~годjь'ланiи.

%<На хвали'техъ стiхи^ры, гла'съ и~:%>

%<М%>но'гое мно'жество чуде'съ твои'хъ, i=нноке'нтiе, 
проповjь'дуетъ вели'чество сла'вы бг~а на'шегw, на нб~си` 
си'лами разу'мными неумо'лчнw воспjьва'емагw, на земли' же 
въ душа'хъ и= тjьлесjь'хъ ст~ы'хъ свои'хъ ди'внw 
прославля'емагw: _е=го'же моли`, препросла'вленне ст~и'телю, 
w= сп~се'нiи ду'шъ на'шихъ.

%<_Е=%>ди'нjьми о_у=сты` и= _е=ди'нjьмъ се'рдцемъ 
просла'вимъ, лю'дiе, бг~а чудодjь'йствующаго, о_у=диви'вшаго 
щедрw'ты своя^ во дни^ на'шя: др_е'внiя мл\сти, глагw'ланныя 
ко _о=тц_е'мъ на'шымъ въ чудесjь'хъ ст~ы'хъ свои'хъ, 
возглаго'лавшаго и= ны'нjь въ нетлjь'нiи непоро'чнагw 
па'стыря, чудотво'рца но'вагw, о_у=тверди'вшагw кра^сныя 
но'ги своя^ во страна'хъ сiби'рскихъ и= о_у=краси'вшагw 
пусты'ню jа='кw крi'нъ кра'сный.

%<Н%>е _о=тцы` на'ши возвjьсти'ша на'мъ, _о='тче, сла'ву 
твою`, не ста'рцы на'ши повjь'даша на'мъ чудеса` твоя^, 
чудотво'рче: но са'ми ви'дjьхомъ w=сjьня'ющую непоро'чное 
тjь'ло твое` си'лу бж~iю, чудодjь'йствующую тобо'ю въ 
зна'менiихъ ди'вныхъ и= мно'гихъ: срw'дницы и= зна'емiи 
на'ши позна'ша бл~года'тную по'мощь твою`. _е=я'же и= мы` 
дерза'юще про'симъ, и= неwску'днw прiе'млемъ.

%<Д%>ре'вле бг~ъ глаго'лавый _о=тц_е'мъ во пр\оро'цjьхъ, 
въ послjь'докъ днi'й возглаго'ла на'мъ въ сн~jь: _е=гw'же 
бл~года'тiю и= додне'сь глаго'летъ на'мъ въ наста'вницjьхъ 
на'шихъ, въ животjь` свое'мъ поуча'ющихъ на'съ вjь'рjь и= 
наде'ждjь, по и=схо'дjь же свое'мъ о_у=вjьря'ющихъ на'съ въ 
любви` соверше'ннjьй, николи'же w\тпа'дающей.

%<Сла'ва, гла'съ то'йже:%>

%<Р%>а'дуйся, _о='тче i=нноке'нтiе, непоро'чности 
соиме'нне, цр~кве о_у=твержде'нiе, бл~года'ти позна'нiе, 
чуде'съ неисчисли'мыхъ сокро'вище, i=ера'рхwвъ похвало`, 
па'стырей w='бразе, пасо'мыхъ помо'щниче, чужди'хъ и= 
да'льнихъ моли'твенниче, гра'да и=рку'тска о_у=краше'нiе, 
w=би'тели твоея` бл~голjь'пiе, сла'во держа'вы рwссi'йскiя: 
w= не'йже моли'ся, да о_у=га'снутъ раско'лwвъ шата^нiя, и= 
да процвjьте'тъ ми'ръ во дне'хъ ча^дъ _е=я` правосла'вныхъ.