Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::слав>

(с. 609)

%<Мjь'сяца тогw'же въ к~f-й де'нь.%>

%<Ст~а'гw му'ченика парамо'на:%>

%<И= ст~а'гw му'ченика фiлуме'на:%>

%<И= прп\дбнагw а=ка'кiа, и='же въ лjь'ствицjь 
свидjь'тельствованнагw.%>

%<На Г%>д\си, воззва'хъ, %<стiхи^ры му'ченика г~, гла'съ 
д~.%>

%<Подо'бенъ: З%>ва'нный свы'ше:

%<С%>вjьтоявле'нiемъ jа='вjь w=заря'емь, * всеблаже'нне 
парамо'не, * бж\ственнагw дх~а, * тму` глубоча'йшую до 
конца` * возненави'дjьлъ _е=си` многобо'жiя, * и= прише'лъ 
_е=си` благоключи'мное вре'мя прiе'мъ, всеблаже'нне, * къ 
предлежа'щымъ страда'нi_емъ доблему'дреннw, * и= 
побjьдоно'сецъ jа='влься, * низложи'лъ _е=си` го'рдаго и= 
ра'тника всjь'хъ земны'хъ, * велича'я хр\ста`. * _е=го'же 
моли`, * спасти` и= просвjьти'ти ду'шы на'шя.

%<З%>а всjь'хъ бг~а и= цр~я`, * мно'жество 
многочи'сленное, * закала'емое разумjь'въ, парамо'не, * 
бж\ственною ре'вностiю разже'глся _е=си`, * и= возопи'лъ 
_е=си`: хр\сто'въ ра'бъ и='скреннiй _е='смь всегда`, * 
разумjь'йте, пребеззако'ннiи мучи'тели, * jа='кw бо а='гнецъ 
неsло'бивъ закла'тися, * се` ны'нjь самозва'нъ прiидо'хъ. * 
не пецы'теся о_у=`бо: * же'ртва прiя'тна * пожре'нному 
пло'тiю, * мен_е` ра'ди во'льнw, * бы'ти понужда'юся.

%<С%>едмочи'сленною честву'емь десяти'цею, * трегу'бнw 
же честны'й, * со'тницею ли'къ страда'льц_евъ, * 
многобо'жную низложи'лъ _е=си` ле'сть * пребеззако'ннующихъ 
вjь'рою: * съ ни'миже вjьнча'лся _е=си` подвиза'вся 
доблему'дреннw, (с. 610) парамо'не, * и= ликw'мъ 
безтjьле'сныхъ * ра'дуяся сочи'слился _е=си`. * съ ни'миже 
моли'ся, * вся'кiя ско'рби и= напа'стей * и=зба'витися 
на'мъ, * тя` чту'щымъ и= при'снw блажа'щымъ.

%<А='ще и=зво'литъ настоя'тель пjь'ти а=ллилу'iа, да 
пое'тъ сi'и стiхи^ры бц\дjь пре'жде, гла'съ и= подо'бенъ 
то'йже:%>

%<И=%>зъ безнача'льна _о=ц~а`, * сн~ъ безлjь'тнw, * 
снизхожде'нiя ра'ди и= спасе'нiя человjь'кwвъ, * бг~ъ 
человjь'къ бы'сть, * да пода'стъ первозда'нному ны'нjь ра'й: 
* тогда` и= все` _е=стество` и=зба'вится * w\т пре'лести 
sмi'евы, * и= _о='бразъ па'дшiй спасе'тъ, * jа='кw 
благопремjьни'тель: * w\т_ону'дуже мт~рь содjь'ла * 
невjьсторо'дицу чи'сту, jа='кw нескве'рну: * ю='же jа='кw 
а=гкv'ру вси` * и= приста'нище о_у=блажа'емъ.

%<В%>оплоще'нна созда'теля всjь'хъ * и=мjь'ла _е=си` во 
о_у=тро'бjь твое'й, бг~облаже'нная, * воwбрази'вшаго 
человjь'ка, * пре'жде па'дшаго преступле'нiемъ sмiи'нымъ: * 
бг~а бо родила` _е=си` * пло'тiю несказа'ннw на'мъ, * и= 
и=зъ тлjь'нiя свободи'ла _е=си` * _е=стество` все` 
w=бветша'вшее * рж\ство'мъ твои'мъ. * тjь'мже пое'мъ и= 
сла'вимъ * твою` благода'ть, дв~о безневjь'стная, * 
моли'тися не преста'й, * спасти'ся душа'мъ на'шымъ.

%<Д%>а твоея` всjь^мъ мно'жество ми'лости * и= бла'гости 
w\ткры'еши на'мъ * неwпредjьли'мую пучи'ну, * грjьхи` 
рабw'въ твои'хъ вся^ загла'ди: * и='маши бо, всенепоро'чная 
* jа='кw мт~и су'щи бж~iя, * вла'сть созда'нiя, * и= во'диши 
вся^, * jа='кw хо'щеши, си'лою твое'ю: * и='бо бл~года'ть 
дх~а ст~а'гw, * jа='вjь все'льшаяся въ тя`, * содjь'йствуетъ 
ти` во все'мъ при'снw, * всеблаже'ннjьйшая.

%<Сла'ва, и= ны'нjь, бг~оро'диченъ:%>

%<И='%>же со _о=ц~е'мъ * и= дх~омъ славосло'вимый сн~ъ, 
* въ вы'шнихъ w\т серафi'мwвъ, * первозда'ннаго па'ки 
w=бнови'ти хотя`, * всего` себе` и=стощи` неизрече'ннw, * во 
о_у=тро'бjь твое'й, бц\де всепjь'тая: * и= и=зъ теб_е` 
возсiя'вый, * (с. 611) просвjьти` ве'сь мi'ръ бж\ство'мъ, * 
и=зба'вивый w\т i=дwлонеи'стовства, * собо'ю w=божи'вый, * 
на нб~са` возведе` человjь'чество, * хр\сто'съ бг~ъ * и= 
сп~съ ду'шъ на'шихъ.

%<Кр\стобг~оро'диченъ. Подо'бенъ то'йже:%>

%<Н%>е рыда'й мен_е`, мт~и, * зря'щи на дре'вjь * 
повjь'шена твоего` сн~а и= бг~а, * и='же на вода'хъ 
повjь'сившаго зе'млю неwдержи'мw, * и= всю` тва'рь 
созда'вшаго: * и='бо воскресну` и= просла'влюся, * и= 
а='дова ца^рствiя сокрушу` крjь'постiю, * и= погублю` тогw` 
си'лу, * и= свя^занныя и=зба'влю * w= sлодjь'йства _е=гw`, * 
jа='кw бл~гоутро'бенъ, * и= _о=ц~у` моему` приведу`, * 
jа='кw чл~вjьколю'бецъ.

%<На стiхо'внjь _о=ктw'иха.%>



%<Прп\дбнагw а=ка'кiа слу'жба пое'тся на повече'рiи.%>

%<Канw'нъ, _е=гw'же краегране'сiе:%>

%<А=%>ка'кiа, и=збра'ннаго послу'шателя, пjь'сньми пою`. 
%<Fеофа'нъ:%>

%<Гла'съ д~. Пjь'снь а~. I=рмо'съ:%>

%<М%>о'ря чермну'ю пучи'ну невла'жными стопа'ми дре'внiй 
пjьшеше'ствовавъ i=и~ль, кресто_обра'зными мwv"се'овыма 
рука'ма а=мали'кову си'лу въ пусты'ни побjьди'лъ _е='сть.

%<Н%>еsло'бнымъ нра'вомъ w=бло'жся, благо_обра'зную 
добродjь'телей стяжа'лъ _е=си` добро'ту, хр\сто'ву во'льному 
послуша'нiю подо'бяся, да'же до сме'рти, всебл~же'нне.

%<S%>ло'бы w=брjьта'теля посрами'лъ _е=си` безsло'бiемъ 
свои'мъ: терпjь'нiемъ же, _о='ч~е, и=скуше'нiй, тогw` 
го'рдую и= вознесе'нную вражду`, къ земли`, всеблаже'нне, 
смири'лъ _е=си`.

%<В%>оздержа'нiемъ терпjьли'внымъ, прп\дбне, 
пред\ъwбуча'яся и= страсте'й w\тсjька'я нача^ла, 
безстра'стiя _о=де'ждею (с. 612) о_у=краси'лся _е=си` 
по'слjьжде, благода'тiю бж\ственною покрыва'емь.

%<О_у=%>крjьпи'въ душе'вное о_у=строе'нiе терпjь'нiемъ 
тве'рдымъ и= до'блимъ, всеблаже'нне, по'мысломъ, по вся^ 
дни^ терпjь'лъ _е=си` мч~ническiй по'двигъ, и= вjьне'чникъ 
показа'лся _е=си`.

%<Бг~оро'диченъ:%>

%<К%>рjь'пость твори'тельна и= пjь'нiе, бг~ъ и= гд\сь, 
и='же на'съ ра'ди и=зъ теб_е` воплоще'йся и= рожде'йся, 
пр\оро'чески jа='коже и=са'iа, преч\стая, благовjьсти`.

%<Пjь'снь г~. I=рмо'съ:%>

%<В%>есели'тся w= тебjь` цр~ковь твоя`, хр\сте`, 
зову'щи: ты` моя` крjь'пость, гд\си, и= прибjь'жище и= 
о_у=твержде'нiе.

%<В%>сего` тебе` сама'го творцу` твоему` и= бг~у, 
прп\дбне, возложи'въ, терпjь'лъ _е=си` томи'тельное 
и=зничтоже'нiе.

%<З%>ако'ннw страда'льческое терпjь'нiе, возде'ржниче, 
показа'лъ _е=си` на земли`: тjь'мже тебjь` нб\сное весе'лiе 
даде'ся.

%<С%>мире'нiе и='стинно, долготерпjь'нiе _о=па'снw 
держа'лъ _е=си`, терпjь'нiе, воздержа'нiе съ послуша'нiемъ, 
преблаже'нне.

%<Бг~оро'диченъ:%>

%<В%>сjь'хъ содjь'тель зи'ждется, на'съ ра'ди, 
преч\стая, пло'ть прiе'мь w=душевле'нну, и=зъ теб_е`, 
прест~а'я бг~оневjь'сто.

%<Пjь'снь д~. I=рмо'съ:%>

%<В%>ознесе'на тя` ви'дjьвши цр~ковь на кр\стjь`, сл~нце 
пра'ведное, ста` въ чи'нjь свое'мъ, досто'йнw взыва'ющи: 
сла'ва си'лjь твое'й, гд\си.

%<О_у=%>мертви'въ, _о='ч~е, му'дрость пло'ти твоея`, 
твою` ду'шу w=живи'лъ _е=си`, и= пра'вды вjьне'цъ прiя'лъ 
_е=си`, зовы'й а=ка'кiе: сла'ва си'лjь твое'й, гд\си.

%<П%>о'двиги до'лги прiе'мля, и='же по вся^ дни^ 
терпjьли'вное пока'зывалъ _е=си` сопротивле'нiе, _о='ч~е. 
тjь'мже по сме'рти, jа='кw жи'въ, возопи'лъ _е=си`: сла'ва 
си'лjь твое'й, гд\си.

%<Т%>ве'рдымъ о_у=мо'мъ томл_е'нiя за хр\ста` 
претерпjь'лъ _е=си`, а=ка'кiе блаже'нне, сего` помышля'я на 
кр\стjь` пригвожде'на, за спасе'нiе ро'да на'шегw. (с. 613)

%<Бг~оро'диченъ:%>

%<Ч%>истjь'йши _е=си` нб~съ и= мы'сленныхъ си'лъ, jа='кw 
си'хъ зижди'теля, преч\стая, ро'ждши. тjь'мже ти` зове'мъ: 
ра'дуйся, бц\де всепjь'тая.

%<Пjь'снь _е~. I=рмо'съ:%>

%<Т%>ы`, гд\си, мо'й, свjь'тъ въ мi'ръ прише'лъ _е=си`, 
свjь'тъ ст~ы'й, w=браща'яй и=зъ мра'чна невjь'дjьнiя, 
вjь'рою воспjьва'ющыя тя`.

%<Т%>ы`, прп\дбне, jа='звами му'жески о_у=раня'емь, и= 
бi_е'нiи по вся^ дни^ терпя` крjь'пкw, прп\дбнw почи'лъ 
_е=си`.

%<Т%>ече'нiе до'брое сконча'въ, а=ка'кiе неsло'бный, и= 
трудw'въ свобо'дный и= болjь'зней воспрiя'лъ _е=си` поко'й.

%<О_у='%>мъ тво'й чи'стымъ по'мысломъ w=кормля'емь, 
а=ка'кiе бг~оно'се, къ вино'вному всjь'хъ благополу'чнw 
о_у=стреми'ся.

%<Бг~оро'диченъ:%>

%<Н%>и а='гг~льскiй о_у='мъ, ни человjь'чь мо'жетъ 
рж\ство` твое` сказа'ти: превосхо'дитъ бо вся'ко постиже'нiе 
ра'зума.

%<Пjь'снь s~. I=рмо'съ:%>

%<П%>ожру' ти со гла'сомъ хвале'нiя, гд\си, цр~ковь 
вопiе'тъ ти`, w\т бjьсо'вскiя кро'ве w=чи'щшися, ра'ди 
ми'лости w\т ре'бръ твои'хъ и=сте'кшею кро'вiю.

%<О_у=%>сну'лъ _е=си` блаже'ннымъ сно'мъ, блаже'нне, и= 
по сме'рти jа=ви'ся послу'шая, _о='ч~е, вопроша'ющихъ, 
jа='кw не о_у=мира'етъ послуша'нiе и=мjь'яй.

%<С%>конча'въ дw'брыя по'двиги, тезоимени'те, 
нетлjь'ннагw, бг~ому'дре, сподо'бился вои'стинну 
безсме'ртiя, и=дjь'же ра'дуяся вjьнцы` побjь'ды воспрiя'лъ 
_е=си`.

%<Б%>ж\ственное и= до'брое и= бг~оуго'дное воздержа'нiе 
житiя` твоегw`, блаже'нне, мнw'гiя о_у=твержда'етъ 
бж\ственнымъ стра'хомъ и= жела'нiемъ бла^гъ бу'дущихъ, 
а=ка'кiе.

%<Бг~оро'диченъ:%>

%<В%>ои'стинну бц\ду тя` вjь'рою сла'вимъ, jа='кw бг~а 
(с. 614) заче'ншую, и= ро'ждшую сего` неискусобра'чнw, 
соеди'ншася и=зъ теб_е` прiя'тныя ст~ы'мъ хра'момъ.

%<Сjьда'ленъ, гла'съ д~. Подо'бенъ: С%>ко'рw предвари`:

%<С%>вjь'тлостiю вjь'ры и= дjь'тельнымъ свjь'томъ, 
jа=ви'лся _е=си` равноа'гг~ленъ на земли`, вои'стинну, 
а=ка'кiе всему'дре. показа'лъ _е=си` му'жески крjь'пкое 
о_у=ма` твоегw`, сокруши'лъ _е=си` напа^данiя страсте'й 
посто'мъ: тjь'мже и= по кончи'нjь, jа='кw жи'въ jа=ви'лся 
_е=си`, непобjьди'ме.

%<Пjь'снь з~. I=рмо'съ:%>

%<В%>ъ пе'щи а=враа'мстiи _о='троцы персi'дстjьй, 
любо'вiю благоче'стiя па'че, не'жели пла'менемъ w=паля'еми, 
взыва'ху: бл~гослове'нъ _е=си` въ хра'мjь сла'вы твоея`, 
гд\си.

%<В%>сjь'мъ жела'нiемъ вл\дцjь и=ды'й, доса^ды и= 
безч_е'стiя, прп\дбне, и= jа='звы терпя`, взыва'лъ _е=си`: 
благослове'нъ _е=си` въ хра'мjь сла'вы твоея`, гд\си.

%<П%>о'мыслъ тво'й вл\дчнiя помышля'я стр\сти и= 
распя'тiе, и= сме'рти поуча'яся, о_у=раня'емь пjь'лъ _е=си`: 
бл~гослове'нъ _е=си` въ хра'мjь сла'вы твоея`, гд\си.

%<М%>е'ртвъ во гро'бjь, по зако'ну о_у=мира'ющихъ лежа` 
безъ дыха'нiя, глаго'лющему вjьща'еши па'че _е=стества`, 
jа='кw не о_у='мерлъ _е='смь, взыва'еши: бл~гослове'нъ 
_е=си` въ хра'мjь сла'вы твоея`, гд\си.

%<Бг~оро'диченъ:%>

%<О_у=%>ме'ршыя, и='мже, дв~о, держи'ми бjь'хомъ 
зако'номъ, жи'знь ро'ждши и='стинную, возста'вила _е=си` 
зову'щыя: бл~гослове'на ты` въ жена'хъ, всенепоро'чная 
вл\дчце.

%<Пjь'снь и~. I=рмо'съ:%>

%<Р%>у'цjь распросте'ръ данiи'лъ, львw'въ зiя^нiя въ 
ро'вjь затче`, _о='гненную же си'лу о_у=гаси'ша, 
добродjь'телiю препоя'савшеся, благоче'стiя рачи'тели 
_о='троцы, взыва'юще: бл~гослови'те, вся^ дjьла` гд\сня, 
гд\са.

%<К%>рjь'пкимъ воздержа'нiемъ, бг~у тебjь` бы'сть 
смjьси'тися, (с. 615) прп\дбне, о_у='зъ тjь'ла разрjь'шшуся, 
и= пло'ть и=знури'вшу, и= видjь'нiемъ дjь'тельнымъ, _о='ч~е, 
зовы'й: бл~гослови'те, вся^ дjьла` гд\сня, гд\са.

%<С%>ъ му'ч_еники хр\сто'вы сочета'емь и= вчиня'емь, 
непреста'ннw, прп\дбне, поя` чл~вjьколю'бца, и= моля'ся w= 
на'съ, восхваля'ющихъ тя` и= вопiю'щихъ: бл~гослови'те, вся^ 
дjьла` гд\сня, гд\са.

%<П%>острада'въ зако'ннw на земли`, нб\сный w=брjь'лъ 
_е=си` поко'й, ра'дуяся, прп\дбне, со ст~ы'ми, и= 
соприча'стникъ весе'лiя и= ра'дости и='хъ бы'въ, и= взыва'я: 
благослови'те, вся^ дjьла` гд\сня, гд\са.

%<Бг~оро'диченъ:%>

%<В%>оплоща'ется безпло'тный пре'жде, содjь'тель 
зи'ждется и=зъ теб_е`, всенепоро'чная: и='бо въ преч\стая 
ложесна` твоя^ вше'дъ непостижи'мый, w=писа'нiемъ плотски'мъ 
хотя` w=б\ъя'тися. тjь'мже вси' тя благослови'мъ, марi'е 
бг~оневjь'сто.

%<Пjь'снь f~. I=рмо'съ:%>

%<К%>а'мень нерукосjь'чный w\т несjько'мыя горы` теб_е`, 
дв~о, краеуго'льный w\тсjьче'ся, хр\сто'съ, совокупи'вый 
разстоя^щаяся _е=ст_ества`. тjь'мъ веселя'щеся, тя`, бц\де, 
велича'емъ.

%<М%>и'лостивнw вмjьсти'ся, _о='ч~е, ко вся'ческихъ 
бл~годjь'телю, неsло'бiя добро'тою о_у=краша'яся, и= 
красото'ю добродjь'телей сiя'я. тjь'мже тя` вси` 
о_у=блажа'емъ.

%<З%>ако'ну повину'яся вл\дчню, твою` преклони'лъ _е=си` 
вы'ю, мона'шествующихъ боре'нiю, и= побjьдоно'сецъ, _о='ч~е, 
бы'въ, къ неsло'бiю дости'глъ _е=си` соверше'нному, 
всеблаже'нне.

%<П%>jь'нiе бг~у возсыла'ти со безпло'тными сподо'бился 
_е=си`, jа='кw соблю'дъ _о='нjьхъ житiе` и= чистоту`: 
терпjь'нiемъ же дjь'лъ му'ченикwвъ сла'ву прiя'лъ _е=си`.

%<П%>рiими` w\т на'съ, бг~оно'се, приноси'мое тебjь` 
пjь'нiе w\т чи'ста се'рдца, и= возда'ждь мольба'ми твои'ми 
согрjьше'нiй w=ставле'нiе и= спасе'нiе, всече'стне. (с. 616)

%<Бг~оро'диченъ:%>

%<Jа='%>кw ко'рень су'щу вои'стинну нетлjь'нiя, тя` 
дв~о, вси` вjь'рнiи, и= о_у=твержде'нiя, хвала'ми 
почита'емъ: ты' бо v=поста'сное безсме'ртiе на'мъ родила` 
_е=си`.

%<Стiхи^ры прп\дбнагw, гла'съ д~. Подо'бенъ: Jа='%>кw 
до'бля:

%<В%>оздержа'нiемъ му'дрость плотску'ю о_у=мертви'лъ 
_е=си`, * и= ду'шу w=живи'лъ _е=си` посто'мъ, * и= 
добродjь'телей соверше'нiемъ. * w\тсю'ду же и= jа=ви'лся 
_е=си`, * jа='кw жи'въ по кончи'нjь вои'стинну: * jа='коже 
бо со'нъ вмjьни'ся тебjь` сме'рть, * къ бг~у преста'вльшуся, 
* и= въ ру'цjь ду'шу прело'жшу _е=му`, * а=ка'кiе сла'вне.

%<С%>трасте'й о_у=спи'лъ _е=си` * жела^нiя, а=ка'кiе, * 
бдjь'нiе всено'щное jа='кw стяжа'въ, * послуша'нiе и= 
смире'нiе, * поуче'нiе же бж\ственныхъ писа'нiй, * и= 
се'рдце чи'сто, * и= о_у='мъ несмуще'нъ. * тjь'мже бы'лъ 
_е=си` и= прiя'телище дх~а ст~а'гw, * зари^ чуде'съ 
возсiя'въ конц_е'мъ.

%<М%>iрска'гw пристра'стiя * до конца` возгнуша'вся, * 
безстра'стiя сосу'дъ бы'лъ _е=си`: * любому'дрiя же, 
сла'вне, * дjь'тельнымъ восхожде'нiемъ, * возвы'сился _е=си` 
къ самому` жела'нiю коне'чному, * и= о_у=зрjь'лъ _е=си` 
та'йнымъ видjь'нiемъ * неви'димыхъ недомы'сл_енныя и= 
бж\ств_енныя добрw'ты, * а=ка'кiе всему'дре и= блаже'нне.

%<Сла'ва, и= ны'нjь, бг~оро'диченъ:%>

%<_О=%>ц~у` _е=диносу'щна * и= дх~у сопресто'льна, * 
и=зъ ч\стыхъ крове'й твои'хъ воплоти'ла _е=си`, * и= па'че 
сло'ва породила` _е=си`, * во дву'хъ познава'ема 
дjь'йственныхъ существа'хъ * и='стиннw и= хотjь'нiихъ. * 
_е=го'же моли`, прест~а'я дв~о, * jа='кw сн~а твоего` и= 
бг~а, * спасти` вjь'рою чи'стою тебе` блажа'щыя.

%<Кр\стобг~оро'диченъ. Подо'бенъ то'йже:%>

%<А='%>гнца и= па'стыря тя`, * на дре'вjь jа='кw ви'дjь, 
* а='гница ро'ждшая рыда'ше, * и= мт~рски тебjь` вjьща'ше: * 
сн~е (с. 617) возжелjь'нне, * ка'кw на дре'вjь кр\стнjьмъ 
повjь'шенъ _е=си`, долготерпjьли'ве; * ка'кw ру'цjь и= 
но'зjь твои`, сло'ве, * пригвозди'шася w\т беззако'нныхъ, * 
и= кро'вь твою` и=злiя'лъ _е=си`, вл\дко;



%<На о_у='трени _о='ба канw'на _о=ктw'иха: и= ст~а'гw на 
д~. _е=гw'же краегране'сiе: В%>оспjьва'ти твою` ны'нjь 
да'ждь, мч~ниче, бл~года'ть. %<I=w'сифъ.%>

%<Канw'нъ.%>

%<Гла'съ д~. Пjь'снь а~. I=рмо'съ:%>

%<М%>о'ря чермну'ю пучи'ну, невла'жными стопа'ми, 
дре'внiй пjьшеше'ствовавъ i=и~ль, кресто_обра'зными 
мwv"се'овыма рука'ма, а=мали'кову си'лу въ пусты'ни 
побjьди'лъ _е='сть.

%<П%>ою'ща свjьтоно'сную твою` па'мять, му'чениче 
парамо'не, свjьща'тельными дх~а заря'ми се'рдце мое` 
просвjьти`, и= пребыва'ти ми` бж\ственными законоположе'ньми 
о_у=крjьпи`.

%<М%>ч~ническимъ пресвjь'тлw благосла'вiемъ, бл~же'нне, 
w=богати'лся _е=си`, му'ченическими просiя'въ добро'тами, и= 
кра'сными ра'нами о_у=краси'вся, парамо'не. тjь'мже тя` 
вjь'рнw о_у=блажа'емъ.

%<В%>о'дъ животво'рныхъ дх~а сы'й и=спо'лненъ, безбо'жiя 
зно'емъ лю'тjь и=ста'явшыя w=роси'лъ _е=си`, и= къ водjь`, 
сла'вне, воспокое'нiя путеводи'лъ _е=си`.

%<Бг~оро'диченъ:%>

%<В%>ъ лjь'то безлjь'тнаго родила` _е=си`, человjь'ка 
бы'вша, _е=го'же прилjь'жнw моли`, ч\стая, jа='кw сн~а 
твоего` и= гд\са, души` моея` лjь^тныя стра^сти 
о_у=врачи'ти, всенепоро'чная.

%<Пjь'снь г~. I=рмо'съ:%>

%<В%>есели'тся w= тебjь` цр~ковь твоя`, хр\сте`, 
зову'щи: ты` моя` крjь'пость, гд\си, и= прибjь'жище, и= 
о_у=твержде'нiе.

%<В%>озноше'нiе вра'жiе, смири'вся хр\ста` ра'ди, 
разруши'лъ _е=си`, и= тогw` полки` мече'мъ терпjь'нiя 
ссjь'клъ _е=си`.

%<Р%>азруши'лъ _е=си` лука'вый совjь'тъ, и='же на вjь'ру 
на'шу, (с. 618) и= крjь'пкw пострада'лъ _е=си`, мч~ниче 
страстоте'рпче парамо'не.

%<О_у=%>крjьпи'лся _е=си` бж\ственною благода'тiю, 
jа='кw во'инъ си'ленъ, и= лю^тыя му^ки, му'чениче, jа='коже 
со'нъ вмjьни'лъ _е=си`.

%<Бг~оро'диченъ:%>

%<О_у=%>крjьпи` мо'й о_у='мъ, совраща'емь мно'гими 
страстьми`, мт~и бж~iя преч\стая: jа='кw да по до'лгу 
сла'влю тя`.

%<Сjьда'ленъ, гла'съ д~. Подо'бенъ: В%>ознесы'йся:

%<Т%>ерпjь'нiемъ бж\ственныхъ повелjь'нiй w=чи'стилъ 
_е=си` ду'шу w\т скве'рны, и= къ страда'льческому пости'глъ 
_е=си` соверше'нiю: жре'ти бо кумi'рwмъ w\тре'клся _е=си` 
прел_е'стнымъ, подража'я хр\ста`, копiе'мъ закла'нъ бы'лъ 
_е=си`: но прилjь'жнw моли` _е=го` w= мi'рjь, всебл~же'нне 
парамо'не.

%<Сла'ва, и= ны'нjь, бг~оро'диченъ:%>

%<П%>о бз~jь въ тво'й, бц\де, прибjьга'ю смире'нный, 
покро'въ бж\ственный, припа'дая молю'ся: поми'луй, 
преч\стая, jа='кw превзыдо'ша главу` мою` грjьси`, и= 
бою'ся, вл\дчце, му'ки, и= трепе'щу. моле'нiе сотвори`, 
ч\стая, къ сн~у твоему`, w\т си'хъ и=зба'вити мя`.

%<Кр\стобг~оро'диченъ:%>

%<И=%>зъ безнача'льнагw _о=ц~а` рожде'ннаго, 
напослjь'докъ тя` пло'тiю ро'ждшая, на кр\стjь` ви'сяща 
зря'щи, хр\сте`, о_у=вы` мнjь`, любе'знjьйшiй i=и~се, 
вопiя'ше: ка'кw сла'вимый jа='кw бг~ъ w\т а='гг~лъ, w\т 
беззако'нныхъ ны'нjь человjь^къ, сн~е, хотя` распина'ешися; 
пою' тя, долготерпjьли'ве.

%<Пjь'снь д~. I=рмо'съ:%>

%<В%>ознесе'на тя` ви'дjьвши цр~ковь на кр\стjь`, сл~нце 
пра'ведное, ста` въ чи'нjь свое'мъ, досто'йнw взыва'ющи: 
сла'ва си'лjь твое'й, гд\си.

%<С%>е'рдце твое` му'жествомъ w=гражда'емо, и= 
дерзнове'нiемъ, сла'вне, разжига'емо, му^ки 
многоплет_е'нныя, младе'н_ецъ стрjьля^нiя, му'чениче 
доблему'дренне, вмjьни'лъ _е=си`.

%<О_у=%>мерщвля'еми повелjь'нiемъ мучи'теля страда'льцы 
(с. 619) ви'дjьвъ, jа='коже _о=ни`, бж\ственную ре'вность 
прiя'ше мч~никъ парамо'нъ, къ страда'нiю прiи'де.

%<К%>рjь'пкw тя` растяга'ема, и= кw'пiи неми'лостивнw 
бодо'ма, и= кw'зни вра^жiя побjьжда'юща, хр\сто'съ вjьнча' 
тя подвигополо'жникъ, бл~же'нне парамо'не.

%<Т%>ерпjь'нiю о_у=дивля'яся му'ченикwвъ, и= тjь'хъ 
соверше'нiю дивя'ся, сла'вне, тjь'хъ приwбщи'лся _е=си` 
ре'вности вjь'ры и= преч\стно'му страда'нiю.

%<Бг~оро'диченъ:%>

%<О_у=%>мерщвлены` человjь'ки преступле'нiемъ 
живоно'снымъ твои'мъ рождество'мъ, дв~о марi'е, всjь'хъ 
w=живи'ла _е=си`. тjь'мъ тя` сла'вимъ и= бг~олjь'пнw 
о_у=блажа'емъ.

%<Пjь'снь _е~. I=рмо'съ:%>

%<Т%>ы`, гд\си мо'й, свjь'тъ въ мi'ръ прише'лъ _е=си`, 
свjь'тъ ст~ы'й, w=браща'яй и=зъ мра'чна невjь'дjьнiя вjь'рою 
воспjьва'ющыя тя`.

%<Д%>а'ръ многоцjь'нный тебе` сама'го прине'слъ _е=си` 
творцу` твоему`, пострада'въ и= пре'лесть побjьди'въ, 
му'ченикwвъ о_у=добре'нiе.

%<К%>уми'ры, му'дре, и= де'мwнская ка^пища сокруши'лъ 
_е=си`, о_у=твержде'но помышле'нiе стяжа'въ, на ка'мени 
бж\ственныя вjь'ры, парамо'не.

%<Д%>е'мwнwвъ мно'жество му'жественнw w=струпи'лъ 
_е=си`, w=струпле'нiемъ пло'ти твоея`, страда'льче 
доблему'дренный. тjь'мже тя` о_у=блажа'емъ.

%<Бг~оро'диченъ:%>

%<Р%>авноче'стенъ _о=ц~у` сы'й и= дх~у гд\си, w\т 
чи'стыхъ твои'хъ крове'й воплоти'ся, ч\стая, чл~вjь'къ 
бы'въ.

%<Пjь'снь s~. I=рмо'съ:%>

%<П%>ожру' ти со гла'сомъ хвале'нiя, гд\си, цр~ковь 
вопiе'тъ ти`, w\т бjьсо'вскiя кро'ве w=чи'щшися, ра'ди 
ми'лости w\т ре'бръ твои'хъ и=сте'кшею кро'вiю.

%<Н%>е бы'лъ _е=си` во вре'мя подвигw'въ лjьни'въ, 
встанли'въ (с. 620) же па'че, и= бж\ственному страда'нiю 
до'блественъ. сегw` ра'ди вjьне'цъ сла'вы получи'лъ _е=си`.

%<М%>у'ченикwвъ собо'ру себе` сочета'лъ _е=си`, 
сконча'вшихся о_у=се'рднw, пре'жде твоегw` страда'нiя, 
приснопа'мятне, и= съ ни'ми нб\сному черто'гу сподо'бился 
_е=си`.

%<К%>о'пiя подража'теля тя` хр\сто'ва содjь'лаша, 
и='миже пробода'емь, му'чениче, къ нему` восте'клъ _е=си` 
вjьнцено'сецъ, о_у=мертви'въ терпjь'нiя _о=ру'жiемъ 
несмы'сл_енныя.

%<Бг~оро'диченъ:%>

%<И=%>зба'ви мя` собла'знwвъ жите'йскихъ, 
пренепоро'чная, въ нощи` невjь'дjьнiя безмjь'стными 
помышл_е'нiи w=держи'маго и= sло'бою вра'жiею при'снw 
w=мрача'емаго.

%<По s~ пjь'сни му'чениченъ _о=ктw'иха.%>

%<Пjь'снь з~. I=рмо'съ:%>

%<В%>ъ пещи` а=враа'мстiи _о='троцы персi'дстjьй, 
любо'вiю благоче'стiя па'че, не'жели пла'менемъ w=паля'еми, 
взыва'ху: бл~гослове'нъ _е=си` въ хра'мjь сла'вы твоея`, 
гд\си.

%<В%>раче'вствъ и= чуде'съ благода'тiю, му'дре 
му'чениче, w\т бг~а w=бога'щся свjь'тлw, врачу'еши зову'щыя: 
бл~гослове'нъ _е=си` въ хра'мjь сла'вы твоея`, гд\си.

%<П%>ростира'емыхъ му'къ небре'глъ _е=си`, все` 
попече'нiе и=мjь'я на нб~сjь'хъ, и= зовы'й, достосла'вне: 
благослове'нъ _е=си` въ хра'мjь сла'вы твоея`, гд\си.

%<Т%>ы` крове'й, страда'льче, _о=гне'мъ всю` попали'лъ 
_е=си` ве'щь безбо'жiя, сла'вне, лука'вую: росо'ю же чуде'съ 
твои'хъ, су'щыя въ зно'и лю'тыхъ w=роша'еши, парамо'не, 
зовы'й: благослове'нъ _е=си` въ хра'мjь сла'вы твоя`, гд\си.

%<Бг~оро'диченъ:%>

%<Р%>а'дуйся, _е=ди'на ра'дость ро'ждшая человjь'кwмъ, 
ра'дуйся, нб~о и= пр\сто'ле херувi'мскiй, и= пресла'вная 
пала'то цр\ствующагw всjь'хъ вjькw'въ, всенепоро'чная 
вл\дчце. (с. 621)

%<Пjь'снь и~. I=рмо'съ:%>

%<Р%>у'цjь распросте'ръ данiи'лъ, львw'въ зiя^нiя въ 
ро'вjь затче`, _о='гненную же си'лу о_у=гаси'ша, 
добродjь'телiю препоя'савшеся благоче'стiя рачи'тели 
_о='троцы, взыва'юще: благослови'те, вся^ дjьла` гд\сня, 
гд\са.

%<Б%>о'драго тя` храни'теля душа'мъ стяжа'вше, 
w=богати'хомся, о_у=спову'юща де'мwнская мечта^нiя всегда`, 
и= пло'ти свирjь^пыя во'лны, и= бу'рю помышле'нiй, му'чениче 
многострада'льне, вопiю'щихъ: бл~гослови'те, вся^ дjьла` 
гд\сня, гд\са.

%<С%>труя'ми твои'хъ свяще'нныхъ крове'й багряни'цу 
w=червлени'лъ _е=си` себjь`, w=бветша'нiе весьма` прiя'ти не 
и=му'щу, и= свjь'тлw о_у=краша'емь на нб~сjь'хъ w=бита'еши, 
вопiя`, блаже'нне: благослови'те, вся^ дjьла` гд\сня, гд\са.

%<Jа='%>коже _о=вча` чи'стое, и= же'ртва непоро'чная, и= 
приноше'нiе всесожега'емо о_у='гльми свяще'ннагw, му'чениче, 
страда'нiя, страстополо'жнику твоему` хр\сту` прине'слся 
_е=си`, му'дре, поя`: благослови'те, вся^ дjьла` гд\сня, 
гд\са.

%<Бг~оро'диченъ:%>

%<З%>ако'на тя` сjь^ни и= пр\оро'кwвъ проначерта'ша, 
ч\стая, проповjь^данiя, неизрече'ннw хотя'щу бы'ти бг~а 
на'шегw роди'тельницу, бг~облагода'тная ч\стая: _е=му'же 
вси` пое'мъ: благослови'те, вся^ дjьла` гд\сня, гд\са.

%<Пjь'снь f~. I=рмо'съ:%>

%<К%>а'мень нерукосjь'чный w\т несjько'мыя горы` теб_е`, 
дв~о, краеуго'льный w\тсjьче'ся, хр\сто'съ, совокупи'вый 
разстоя^щаяся _е=ст_ества`. тjь'мъ, веселя'щеся, тя`, бц\де, 
велича'емъ.

%<С%>е` свjьтоза'рнагw страстоте'рпца свjьтоявле'нная 
w=сiя` па'мять, всjь'хъ вjь'рныхъ сердца` просвjьща'ющи 
бж\ственнымъ дх~омъ, ра'достнw ликовству'ющихъ и= вjь'рою 
блажа'щихъ.

%<Jа='%>кw седмокру'жною десяти'цею и= трегу'бною 
со'тницею непобjьди'мыхъ му'ченикwвъ совокупля'емь: съ 
ни'миже тjь'ло (с. 622) твое`, му'чениче хр\сто'въ, лежи'тъ, 
и= съ ни'ми моли` спасти'ся на'мъ.

%<П%>о'прище проше'дше болjь'зненное, многови'дныхъ 
му'къ и=спо'лнено, и= со хр\сто'мъ мi'ръ побjьди'вшимъ, 
свjь'тлw побjьди'вше, вjьнцено'сцы мч~ницы на нб~сjь'хъ 
жи'тельствуете.

%<В%>зя'тъ бы'лъ _е=си` w\т земли`, и= по'ч_ести твои'хъ 
пw'двигъ прiя'лъ _е=си`, ны'нjь же рjь'ки и=сточа'еши на'мъ 
чуде'съ тебе` чту'щымъ и= благоче'стнw па'мять твою` 
торжеству'ющымъ, парамо'не.

%<Бг~оро'диченъ:%>

%<П%>росвjьти` души` моея` sjь^ницы w=мрач_е'нныя 
невидjь'нiемъ тлетво'рнагw грjьха`, бг~ороди'тельнице 
преч\стая вл\дчце: ты' бо вjь'рныхъ _е=си` по'мощь и= 
просвjьще'нiе, ч\стая.

%<Свjьти'ленъ. Подо'бенъ: Ж%>_ены` о_у=слы'шите:

%<М%>но'жество непобjьди'мое во'инства, сосло'вiе 
бж\ственно непобjьди'мое му'ченикwвъ, благочестному'дреннw 
воспои'мъ, и=му'ще чинонача'льника парамо'на чу'днаго, 
w=бличи'вшаго мучи'теля, и='же со всjь'ми му'ченики вjьне'цъ 
получи` сла'вы.

%<Сла'ва, и= ны'нjь, Бг~оро'диченъ:%>

%<Р%>а'дуйся, бж~iя пала'то: ра'дуйся, горо` 
w=сjьне'нная: ра'дуйся, купино` неwпали'мая: ра'дуйся, 
пр\сто'ле сла'вы: ра'дуйся, бж\ственная трапе'зо: ра'дуйся, 
ста'мно всезлата'я: ра'дуйся, свjь'щниче всесвjь'тлый: 
ра'дуйся, ле'гкiй _о='блаче, дв~о мт~и марi'е.