Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::слав>

(с. 299)

%<Мjь'сяца тогw'же въ и~_i-й де'нь.%>

%<Ст~а'гw а=п\сла и= _е=v\глi'ста луки`.%>

%<И= прп\дбнагw i=w'сифа волоцка'гw.%>

%<С%>лу'жба _е=гw` пи'сана септе'мврiа, f~ дня`.

%<На вече'рни пое'мъ: Б%>лаже'нъ му'жъ, %<а~ 
а=нтiфw'нъ.%>

%<На Г%>д\си, воззва'хъ, %<стiхи^ры, на и~.%>

%<Гла'съ и~. Подо'бенъ: Ч%>то` ва'съ нарече'мъ:

%<Ч%>то' тя ны'нjь нареку`, а=п\сле; * не'бо, jа='кw 
сла'ву бж~iю повjь'далъ _е=си`: * блиста'нiе, jа='кw мi'ръ 
w=заря'еши свjь'томъ: * _о='блакъ, w=дождя'ющь бж\ств_енныя 
во'ды: ча'шу (с. 300) му'дрости бж\ственнjьйшую, * вiно` 
на'мъ и=сточа'ющую, * сердца` веселя'щее: * моли` спасти'ся 
душа'мъ на'шымъ.

%<Два'жды.%>

%<Ч%>то' тя ны'нjь нареку`, бг~опрiя'тне; * кiвw'тъ 
златы'й завjь'та, * _е=го'же завjьща` хр\сто'съ: * рjьку`, 
и=зъ рая` и=стека'ющую на'мъ: * свjьти'ло, о_у='мный свjь'тъ 
просiява'ющее: * свjьти'льникъ, цр~ковь всю` w=сiява'ющiй: * 
хлjь'бъ жи'зни бж\ственныя трапе'зы: * крати'ръ духо'внагw 
пи'ва, * моли` спасти'ся душа'мъ на'шымъ.

%<Два'жды.%>

%<Ч%>то' тя ны'нjь, бг~ови'дче, нарече'мъ; * служи'теля 
та^инъ дjь'лательнjьйшаго хр\сто'выхъ: * ски'нiи мы'сленныя 
* началохудо'жника му'дра, * скрижа^ли и=зсjька'ющаго 
бл~года'ти: * зако'нъ написа'вшаго новjь'йшiй, * w\т сiw'на 
происходя'щiи, * и= тобо'ю проповjь'дуемый. * моли` 
спасти'ся душа'мъ на'шымъ.

%<Ч%>то' тя ны'нjь нарече'мъ, сла'вне; * сокро'вище 
нб\сныхъ дарw'въ тве'рдное, * врача` ду'шъ и= тjьле'съ 
и=звjь'стна, * па'vлова содjь'йственника, * и= 
соше'ственника, дjья^нiя а=п\сльская и=зглага'юща: * мнw'гая 
луко`, и=мена`, * добродjь'тель тебjь` сотвори`. * моли` 
спасти'ся душа'мъ на'шымъ.

%<Ч%>то' тя, ны'нjь бг~оглаго'ливе, провjьща'ю; * 
о_у=ч~ника`, jа='кw на'мъ благовjьствова'лъ _е=си` хр\ста`: 
* врача`, jа='кw стра^сти и=сцjьля'еши душ_е'вныя: * 
свjьти'льника, о_у='мный свjь'тъ w=блиста'вшаго: * степе'нь 
и= w=снова'нiе вjь'ры: * ты' бо на'мъ написа'лъ _е=си` * 
всеч\стно'е _е=v\глiе. * моли` спасти'ся душа'мъ на'шымъ.

%<Ч%>то' тя ны'нjь, нареку`, чу'дне; * зри'теля 
му'дрости о_у=че'нiй нелжи'ва: * списа'теля дjья'нiй 
а=п\сльскихъ о_у=че'нiй: * и=ли` столпа` благоче'стiя 
непоколеби'ма: * и=ли` стjь'ну цр~кве неразруши'мую: * 
мнw'гая, твоя^, луко`, и=мена`, * и= бw'льшая дарова^нiя. * 
моли` спасти'ся душа'мъ на'шымъ.

%<Сла'ва, гла'съ s~: А=%>нато'лiа:

%<А=%>п\сле хр\сто'въ и= бж\ственныхъ догма^тъ 
списа'телю, и= (с. 301) цр~ко'вное о_у=твержде'нiе: ты` 
jа='кw и='стиннw, су'щыя во мра'цjь невjь'дjьнiя сердца`, 
заш_е'дшая во глубину` w\тча'янiя, о_у=врачи'лъ _е=си` 
бг~овjьща'ньми, и= спа'слъ _е=си` jа='кw w\т бу'ри 
треволне'нiя, послjь'дователь бы'въ сосу'да и=збра'ннагw 
па'vла, и= о_у=ч~ни'къ. тjь'мъ мо'лимъ тя`, луко` 
досточу'дне, а=нтiохi'анwмъ о_у=добре'нiе, моли'ся сп~су и= 
бг~у, w= и=`же вjь'рою соверша'ющихъ при'снw честну'ю 
па'мять твою`.

%<И= ны'нjь, бг~оро'диченъ: К%>то` тебе` не 
о_у=блажи'тъ:

%<Вхо'дъ. Прокi'менъ дне`, и= чт_е'нiя три`, и= лiтi'а: 
и=щи` сегw` мjь'сяца въ s~ де'нь.%>

%<На стiхо'внjь стiхи^ры, гла'съ _е~. Подо'бенъ: 
Р%>а'дуйся по'стникwвъ:

%<Б%>л~года'ть о_у=стна'мъ твои^мъ, луко`, _о='гненнымъ 
я=зы'комъ и=злiя'ся, а=п\сле, и= я=зы'къ _о='гненный 
показа'лся _е=си`, словеса` и=спуща'я свjь'та, свjь'та 
досто'йнымъ проповjь'данiемъ: стрjь'лы же паля'щыя тмы` 
жела'ющымъ, пишя` и= о_у=чя` честно'е _е=v\глiе: и= воня` 
жи'зненная, жи'зни вои'стинну хотя'щымъ jа=ви'лся _е=си`, 
jа='коже па'vелъ рече`, _е=го'же и=мjь'лъ _е=си` 
о_у=чи'теля: воня' же сме'рти па'ки жи'знь не возлюби'вшымъ. 
но на'мъ ми'ръ и= жи'знь и= свjь'тъ пода'ждь, и= ве'лiю 
ми'лость.

%<Стi'хъ: Н%>ебеса` повjь'даютъ сла'ву бж~iю, творе'нiе 
же руку` _е=гw` возвjьща'етъ тве'рдь.

%<П%>озна'хомъ w\т слове'съ твои'хъ, jа='коже ре'клъ 
_е=си`, слове'съ о_у=твержде'нiе, jа=`же ре'клъ _е=си` 
бж\ственнjь, таи'нниче, поне'же писа'ти на'мъ w= ве'щехъ 
на'чалъ _е=си`, w= ни'хже и=звjьще'нъ бы'лъ _е=си`, и= 
jа='коже тебjь` преда'ша, и='же и=спе'рва самови'дцы: и=`мже 
и= ты` ра'венъ бы'лъ _е=си` служи'тель сло'ва воплоще'нiя, 
_е=го'же по воста'нiи во _е=ммау'сjь ви'дjьлъ _е=си`, и= 
горя'щимъ се'рдцемъ съ клеw'пою хлjь'бъ jа='лъ _е=си`. тогw` 
бж\ственныя теплоты` и= на'шя, чту'щихъ тя`, ду'шы 
и=спо'лни. (с. 302)

%<Стi'хъ: В%>о всю` зе'млю и=зы'де вjьща'нiе и='хъ, и= 
въ концы` вселе'нныя глаго'лы и='хъ.

%<Р%>а'дуйся, _е=ди'нъ написа'вый на'мъ, _е='же 
ра'дуйся, ра'дуяся, ч\стыя благовjь'щенiе: и= сiю` 
гд\сороди'тельницу, ре'кша кр\сти'теля и=зъ чре'ва, _е=гw'же 
написа'въ и= зача'тiе, и= сло'ва воплоще'нiе. и=скуш_е'нiя 
же и= чудеса`, словеса` и= стр\сти: кр\стъ и= сме'рть, и= 
воста'нiе, _е='же ви'дjьлъ _е=си` и= восхо'дъ: дх~а же 
соше'ствiе, проповjь^дникъ же дjья^нiя, и= и=зря'днjье же 
па'vлова, _е=гw'же показа'лся _е=си` соше'ственникъ, вра'чь 
же и= таи'нникъ, и= свjьти'льникъ цр~кве, ю='же соблюда'й 
всегда`.

%<Сла'ва, гла'съ s~:%>

%<В%>сему'дрый ло'вче, ст~ы'й о_у=ч~ниче`, дjь'лателю 
сп~совъ, и= проповjь'дниче тогw` стр\сте'й, и='же тва'рь 
вjь'рою претекi'й, и= w\т пре'лести jа=зы'ки собра'въ, и= 
бг~у приве'дъ jа='кw воню` добру`, на нб~са` пости'глъ 
_е=си`. тjь'мъ предстоя` судiи` всjь'хъ, моли'ся и=зба'вити 
ны` w\т беззако'нiй на'шихъ, и= въ де'нь суда` свободи'тися 
w\т му'ки.

%<И= ны'нjь, бг~оро'диченъ воскре'сенъ: Т%>воре'цъ и= 
и=зба'витель мо'й:

%<Тропа'рь, гла'съ г~:%>

%<А=%>п\сле ст~ы'й и= _е=v\глi'сте луко`, моли` 
ми'лостиваго бг~а, да прегрjьше'нiй w=ставле'нiе пода'стъ 
душа'мъ на'шымъ.

%<И=ли` се'й, гла'съ _е~:%>

%<А=%>п\стольскихъ дjья'нiй сказа'теля, и= _е=v\глiа 
хр\сто'ва свjь'тла списа'теля, луку` препjь'таго 
неиспи'санна су'ща хр\сто'вjь цр~кви, пjь'сньми свяще'нными 
ст~а'го а=п\сла похва'лимъ, jа='кw врача` су'ща, 
человjь'ч_ескiя не'мwщи, _е=стества` неду'ги, и= jа='зи 
ду'шъ и=сцjьля'юща, и= моля'щася непреста'ннw за ду'шы 
на'шя.

%<Сла'ва, и= ны'нjь, бг~оро'диченъ воскре'сенъ.%> (с. 
303)



%<На о_у='трени, на Б%>г~ъ гд\сь, %<тропа'рь два'жды.%>

%<Сла'ва, и= ны'нjь, бг~оро'диченъ:%>

%<По а~-й стiхоло'гiи, сjьда'ленъ, гла'съ г~:%>

%<П%>рiиди'те вси`, а=п\сла луку` восхва'лимъ, jа='кw 
ко'рмчiя: i='дwльскую бо ле'сть о_у=праздни`, и= къ свjь'ту 
жи'зни возведе`, и= въ тр\оцу вjь'ровати научи`. тjь'мже 
дне'сь благоче'стнw того` почита'юще, вjь'рнiи, сла'вимъ 
хр\ста` бг~а на'шего.

%<Два'жды.%>

%<Сла'ва, и= ны'нjь, бг~оро'диченъ:%>

%<Р%>а'дуйся, марi'е дв~о мт~и, горо` ст~а'я, 
_е=де'мскiй раю`, и=зъ нея'же роди'ся хр\сто'съ бг~ъ 
безсjь'менное сло'во, и='мже жи'знь мi'рови прозябе`.

%<По в~-й стiхоло'гiи сjьда'ленъ, гла'съ г~. По\д: 
К%>расотjь` дjь'вства:

%<П%>утеше'ствовавъ ты` по воста'нiи, луко` 
всесвяще'нне, съ клеw'пою про'чее во гра'дъ _е=ммау'съ, 
вопроше'нiе творя'щу ти`, предста` гд\сь _о='бразомъ 
прикрове'нъ, а='бiе же прiе'мъ хлjь'ба пода'нiе, позна'лъ 
_е=си` сп~са: _е=го'же моли` дарова'ти на'мъ ве'лiю 
ми'лость.

%<Два'жды.%>

%<Сла'ва, и= ны'нjь, бг~оро'диченъ:%>

%<Jа='%>кw невоздjь'ланная, дв~о, лоза`, краснjь'йшiй 
гро'здъ прозябла` _е=си`, и=сточа'ющь на'мъ вiно` спасе'нiя, 
всjь'хъ веселя'щее ду'шы же и= тjьлеса`. тjь'мже jа='кw 
вину' тя до'брыхъ блажа'ще при'снw, со а='гг~ломъ вопiе'мъ 
ти`: ра'дуйся, w=бра'дованная.

%<По полv"еле'и сjьда'ленъ, гла'съ д~:%>

%<П%>рему'дрости лови'тельною тро'стiю, о_у='мнагw мо'ря 
глубину` возчерпа'я, и=зъ смертоно'сныя глубины`, вjь'рныхъ: 
ду'шы живоулови'лъ _е=си`, луко` всебл~же'нне. тjь'мже w\т 
па'vла науче'нъ, все` w=чи'стилъ _е=си` твое` се'рдце 
w=сiя'нiемъ дх~а, и= догма'тами твои'ми jа=зы'ки 
просвjьти'лъ _е=си`, (с. 304) страсте'й неду'гwванiя чудесы` 
и=сцjьли'лъ _е=си`, хр\ста` бг~а за ны` при'снw моля`, 
спасти'ся душа'мъ на'шымъ.

%<Два'жды.%>

%<Сла'ва, и= ны'нjь, бг~оро'диченъ:%>

%<И=%>му'ще тя`, бц\де, о_у=пова'нiе и= 
предста'тельство, вра'жiихъ навjь^тъ не о_у=бои'мся, jа='кw 
спаса'еши ду'шы на'шя.

%<Степ_е'нна, а~-й а=нтiфw'нъ д~-гw гла'са. Прокi'менъ, 
гла'съ д~: В%>о всю` зе'млю. %<Стi'хъ: Н%>ебеса` 
повjь'даютъ: %<В%>ся'кое дыха'нiе: %<_Е=v\глiе i=wа'нна 
зача'ло _кс~з. По н~-мъ _псалмjь` стiхи'ра, гла'съ г~:%>

%<П%>утеходи'въ ты` по воста'нiи, луко` всесвяще'нне, со 
клеw'пою, во гра'дъ о_у='бw _е=ммау'съ, совопроше'нiе 
творя'щу ти` предста` гд\сь, зра'комъ непознава'емый: а='бiе 
же прiе'мъ хлjь'бъ подая'нiе, позна'лъ _е=си` сп~си'теля. 
_е=му'же моли'ся дарова'ти на'мъ ве'лiю ми'лость.

%<Канw'нъ бц\ды со i=рмосо'мъ на s~, и= а=п\сла на и~.%>

%<Гла'съ и~. Пjь'снь а~. I=рмо'съ:%>

%<П%>jь'снь возсле'мъ, лю'дiе, чу'дному бг~у на'шему, 
свободи'вшему i=и~ля w\т рабо'ты, пjь'снь побjь'дную пою'ще 
и= вопiю'ще, пои'мъ тебjь` _е=ди'ному вл\дцjь.

%<К%>олесни'ца бж~iя пресвjь'тлая бы'лъ _е=си`, 
всест~о'е нося` и='мя предъ человjь'ки, луко` всече'стное, 
колесни^цы и= триста'ты пре'лести погружа'я крjь'пкw.

%<С%>трую` прiи'мъ жи'зни: зно'емъ и=зсыха'емый 
безбо'жiя напои'лъ _е=си` мi'ръ, луко` всебл~же'нне, ту'чами 
бг~оразу'мiя, и=зъ чре'ва твоегw` и=зска'чущими.

%<Б%>листа'нiемъ дх~а, луко`, и= житiя` чистото'ю 
w=заря'емь, jа='кw мо'лнiя, требл~же'нне, бг~ода'ннw сiя'лъ 
_е=си` все'й вселе'ннjьй, просвjьща'я вjь'рныхъ сердца`.

%<Бг~оро'диченъ:%>

%<Р%>а'дуйся, всест~ы'й хра'ме, руно` бг~оро'сное, 
запеча'танный и=сто'чниче безсме'ртныя струи`: ста'до твое`, 
вл\дчце, сохраня'й w\т всjь'хъ ра'тныхъ неплjьни'мо. (с. 
305)

%<Ката'васiа: W\т%>ве'рзу о_у=ста` моя^:

%<Пjь'снь г~. I=рмо'съ:%>

%<Н%>jь'сть свя'тъ jа='кw гд\сь, и= нjь'сть пра'веденъ 
jа='кw бг~ъ на'шъ, _е=го'же пое'тъ вся` тва'рь: нjь'сть 
пра'веденъ па'че теб_е`, гд\си.

%<В%>озсiя'въ jа='кw со'лнце проповjь'данiемъ, цр~кве 
о_у=краси'лъ _е=си`, луко`, о_у=твержде'нiе, пре'лести мглу` 
теплото'ю вjь'ры и=ста'ивъ, всебл~же'нне.

%<С%>крижа^ли и=зсjь'клъ _е=си` бг~олjь^пныя w\т 
ка'мене, пребога'те, бж~iя воплоще'нiя, _о=ско'рдъ и=мjь'я 
бж\ственный я=зы'къ тво'й, и= о_у=ста` бг~одохнов_е'нная.

%<В%>о _о='блакъ всесвjь'тлый входя'й, и= _о='блакомъ 
покрыва'емь, прiя'лъ _е=си`, прему'дре, но'вый зако'нъ, 
пе'рстомъ дх~а пи'санный на се'рдцы твое'мъ.

%<Бг~оро'диченъ:%>

%<Н%>jь'сть непоро'чныя jа='кw ты`, вл\дчце, и= нjь'сть 
преч\сты па'че теб_е`, всенепоро'чная: во чре'вjь бо бг~а 
сло'ва вмjьсти'ла _е=си`, _е=ди'наго многоми'лостиваго.

%<Сjьда'ленъ, гла'съ и~. Подо'бенъ: П%>рему'дрости:

%<Jа='%>кw соше'ственникъ па'vловъ jа=ви'вся, разли^чныя 
бjьды^ терпjьли'внjь претерпjь'лъ _е=си`, всехва'льне 
гд\сень а=п\сле, и= тече'нiе страда'нiемъ соверши'въ вjь'ры. 
съ ни'мъ въ вы'шнихъ весели'шися, блаже'нне. тjь'мъ и= мi'ру 
хр\сто'во _е=v\глiе проповjь'давъ, просвjьти'лъ _е=си` 
подсо'лнечную всю`, луко` всече'стне. моли` хр\ста` бг~а, 
грjьхw'въ составле'нiе пода'ти, пра'зднующымъ любо'вiю 
святу'ю па'мять твою`.

%<Два'жды.%>

%<Сла'ва, и= ны'нjь, бг~оро'диченъ:%>

%<С%>л~нца _о='блаче разу'мнагw, бж\ственнагw свjь'та 
свjьти'льниче златокова'нный, нескве'рная, небла'зная, 
всенепоро'чная вл\дчце, w=мраче'нную ду'шу мою` 
w=слjьпле'нiемъ страсте'й, безстра'стiя заре'ю просвjьти`, 
молю'ся: и= w=скверне'нное мое` се'рдце w=мы'й потw'ки 
о_у=миле'нiя, покая'нiя (с. 306) же слеза'ми, и= w\т 
тимjь'нiя мя` w=чи'сти дjь'лъ мои'хъ да любо'вiю зову' ти: 
бц\де приснодв~о, моли` хр\ста` бг~а прегрjьше'нiй 
w=ставле'нiе пода'ти ми`, тебе' бо и=мjь'ю наде'жду ра'бъ 
тво'й.

%<Пjь'снь д~. I=рмо'съ:%>

%<И=%>зъ горы` приwсjьне'нныя, сло'ве, проро'къ, 
_е=ди'ныя бц\ды, хотя'ща воплоти'тися, бг~ови'днw 
о_у=смотри`, и= со стра'хомъ славосло'вяше си'лу твою`.

%<М%>о'ре jа=зы'кwвъ смути'лъ _е=си`, бг~ому'дре, ко'нь 
бы'въ всецр~я`, сла'вное невjь'рствiе со'лiю бж\ственною 
w=слажда'я, присносла'вне.

%<Л%>у'къ хр\сто'съ напря'гъ, пусти` стрjьлу` тя`, 
луко`, свjь'тлw w=бощре'ну, луча'ми сiя'юща благоче'стiя, и= 
просвjьща'юща на'шя ду'шы.

%<С%>тра^сти ду'шъ ку'пнw и= тjьле'съ твои'хъ пjьвц_е'въ 
о_у=врачи`, всеблаже'нне, та'инственнымъ рукодjь'ланiемъ, 
грjьха` гни'лость и=зрjь'зуя, всему'дре.

%<Бг~оро'диченъ:%>

%<Н%>евjь'сто бж~iя, марi'е бг~ороди'тельнице, и=зба'ви 
мя` лю'тыхъ прегрjьше'нiй и= бjь'дъ, и= къ тишины` 
приста'нищу и= спасе'нiя твои'ми моли'твами напра'ви.

%<Пjь'снь _е~. I=рмо'съ:%>

%<О_у='%>тренююще, вопiе'мъ ти`, гд\си, спаси' ны: ты' 
бо _е=си` бг~ъ на'шъ, ра'звjь теб_е` и=но'гw не вjь'мы.

%<Jа='%>кw роса` съ нб~съ спа'дающи jа=ви'лся _е=си`, 
пре'лести зно'й разоря'я словесы` твои'ми.

%<С%>тра'хъ во чре'вjь твое'мъ бж\ственный заче'нъ, 
спасе'нiе породи'лъ _е=си` заблу'ждшымъ, а=п\сле.

%<Н%>а го'ру возше'дъ, всебл~же'нне, добродjь'телей, 
всjь^мъ _е=v\глiе цр\ствiя проповjь'далъ _е=си`.

%<Бг~оро'диченъ:%>

%<М%>арi'е бц\де безневjь'стная, над_е'жды врагw'въ 
су'_етны сотвори`, и= пою'щыя тя` возвесели`. (с. 307)

%<Пjь'снь s~. I=рмо'съ:%>

%<Р%>и'зу мнjь` пода'ждь свjь'тлу, w=дjья'йся свjь'томъ 
jа='кw ри'зою, многоми'лостиве хр\сте` бж~е на'шъ.

%<М%>у'дрости ча'шу и=спи'въ, напои'лъ _е=си` всjь'хъ 
позна'нiя сп~са хр\ста`, луко` всему'дре.

%<П%>а'vлу соисхо'дникъ и=збра'вся, луко` всебл~же'нне, 
jа=зы'ки о_у=лови'лъ _е=си` мре'жею, бг~оглаго'льниче, 
догма'тwвъ твои'хъ.

%<_О='%>блакъ, ту'чу жи'зни на'мъ w=дождя'ющь, jа=ви'лся 
_е=си` а=п\сле, w\т и=стw'чникъ спасе'нiя и=стека'ющую.

%<Бг~оро'диченъ:%>

%<К%>уми'рwвъ разруши'тель, jа='кw бг~ъ, бы'вшее 
рождество` твое`, марi'е бг~оневjь'сто, покланя'емо _е='сть 
со _о=ц~е'мъ и= дх~омъ.

%<Конда'къ, гла'съ в~. Подо'бенъ: Т%>в_е'рдыя:

%<И='%>стиннаго благоче'стiя проповjь'дника, и= та^инъ 
неизрече'нныхъ ри'тора, sвjьзду` цр~ко'вную, луку` 
бж\ственнаго восхва'лимъ: сло'во бо _е=го` и=збра`, съ 
па'vломъ му'дрымъ jа=зы'кwвъ о_у=чи'теля, _е=ди'нъ вjь'дый 
серд_е'чная.

%<I='косъ:%>

%<З%>на'нiемъ w=богати'вся го'рнjьйшимъ w\т руки` 
вл\дчни, вруче'нъ бы'лъ _е=си` jа=зы'кwвъ жребiоиму'ществу 
всехва'льне. тjь'мъ житiе` распали'въ сло'вомъ, страна'мъ 
законополо'жникъ, луко`, jа=ви'лся _е=си` па'че мwv"се'а: 
пе'рстомъ бж~iимъ, jа='кw скрижа^ли бг~оначерта^нныя, тобо'ю 
сложи'вшася дх~омъ, бж\ственную о_у=ясни'лъ _е=си` вjь'ру. 
тjь'мъ и= хр\сто'съ тя` просла'ви, _е=ди'нъ вjь'дый 
серд_е'чная.

%<Пjь'снь з~. I=рмо'съ:%>

%<_О='%>троцы благочести'вiи въ вавv"лw'нjь _о='бразу 
злато'му не поклони'шася, но посредjь` пе'щи _о='гненныя 
w=роша'еми, пjь'снь воспjьва'ху глаго'люще: превозноси'мый 
_о=тц_е'въ и= на'съ бж~е, бл~гослове'нъ _е=си`.

%<О_у=%>ч~ни'къ неизрече'нныхъ та^инъ хр\ста` бг~а 
вjь'ренъ бы'въ, (с. 308) _е=v\глiе сегw` бж\ственное 
проповjь'далъ _е=си` вjь^рнымъ, всему'дре, глаго'лющымъ: 
превозноси'мый _о=тц_е'въ и= на'съ бж~е, бл~гослове'нъ 
_е=си`.

%<О_у=%>твор_е'нiи добродjь'телей о_у=кра'шенъ jа=ви'лся 
_е=си`, луко` всебл~же'нне, бж\ственнагw благолjь'пiя 
заря'ми просвjьща'емь, и= вопiя` непреста'ннw творцу` 
твоему`: превозноси'мый _о=тц_е'въ и= на'съ бж~е, 
бл~гослове'нъ _е=си`.

%<И=%>спуща'я свjьтонw'сныя лучи`, jа='коже въ нощи` 
заря` jа=вля'емь, пре'лести тму` сiя'нiемъ слове'съ твои'хъ, 
благоче'стнw взыва'я w\тгна'лъ _е=си`: превозноси'мый 
_о=тц_е'въ и= на'съ бж~е, бл~гослове'нъ _е=си`.

%<Бг~оро'диченъ:%>

%<И=%>мjь'я житiе`, сло'вомъ, бг~ови'дче, му'дрости 
просвjьще'но, луко`, дв~ы рж\ство` jа='вственнw и=списа'лъ 
_е=си`, и= i=кw'нами любе'знw воwбрази'лъ _е=си`: _е='йже 
покланя'емся вjь'рнw, хр\ста` сла'вяще.

%<Пjь'снь и~. I=рмо'съ:%>

%<Н%>а горjь` ст~jь'й просла'вльшася, и= въ купинjь` 
_о=гне'мъ приснодв~ы мwv"се'ови та'йну jа='вльшаго, гд\са 
по'йте, и= превозноси'те во вся^ вjь'ки.

%<Р%>осода'тельною му'дростiю слове'съ твои'хъ, и= 
ту'чами бл~года'ти бж\ственныя, пре'лести пе'щь погаси'лъ 
_е=си`, вjь'стникъ гд\сень, и= священнопроповjь'дникъ, 
бг~ому'дре, бы'въ.

%<Jа='%>кw кра^сныя но'ги твоя^, всеблаже'нне, ми'ръ 
благовjьству'ющагw, вся'къ о_у='мъ преизвjь'стнw преиму'щь: 
_е=го'же превозно'симъ и= славосло'вимъ во вjь'ки вся^.

%<С%>вjь'тъ мi'ра, просвjьща'ти во тмjь` сjьдя'щыя, 
jа=ви' тя хр\сто'съ, _о='ч~а существа` сiя'нiе, гд\си 
сла'вы, _е=го'же превозно'симъ во вjь'ки.

%<Бг~оро'диченъ:%>

%<В%>о о_у=тро'бjь всели'вшагося дв~ы, и= w\т нея` 
стра'шнw и= па'че сло'ва, дре'вняго а=да'ма w=бнови'вшаго 
гд\са, пое'мъ и= славосло'вимъ во вjь'ки. (с. 309)

%<Пjь'снь f~. I=рмо'съ:%>

%<Т%>я` неискусобра'чную мт~рь бг~а вы'шнягw, тя` па'че 
о_у=ма` ро'ждшую сло'вомъ вои'стинну бг~а, вы'шшую 
преч\стыхъ си'лъ, немо'лчными славословл_е'нiи велича'емъ.

%<П%>роповjь'дникъ бы'лъ _е=си` всемi'рнагw спасе'нiя, 
_е=v\гльскимъ проповjь'данiемъ: свяще'нная же и= 
благознамени'тая труба`, вдохнове'нiемъ ды'шущи дх~а 
показа'лся _е=си`, священноглаго'льниче всече'стне.

%<Д%>jья^нiи о_у=краша'емь сп~совыхъ а=п\слwвъ, сiя^ w\т 
бг~а подви'жимь вjь^рнымъ написа'лъ _е=си`, jа='коже 
_о='бразъ w=душевле'нный при'снw пребыва'ющь w=б\ъяви'въ, 
священнопроповjь'дниче всесла'вне.

%<С%>та'лъ _е=си` о_у='бw луко`, jа='коже пости'гъ 
бг~онача'льниче жела'нiй кра'йнjьйшее: хр\сту' бо предста'лъ 
_е=си`, подае'магw w\т негw` насыща'яся бг~овидjь'нiя. 
тjь'мже тя` вси` о_у=блажа'емъ.

%<Бг~оро'диченъ:%>

%<Т%>я` непристу'пнаго бг~а носи'вшую на w=б\ъя'тiихъ, 
на нб~сjь'хъ пое'маго w\т вся'кiя си'лы, и= тобо'ю на'мъ 
да'рующа всегда` спасе'нiе, бг~ома'ти, велича'емъ.

%<Свjьти'ленъ. Подо'бенъ: С%>о о_у=ченики`:

%<Л%>уко` хр\сто'въ а=п\сле, таи'нниче неизрече'нныхъ, 
и= jа=зы'кwвъ о_у=чи'телю, съ па'vломъ бж\ственнымъ, и= 
преч\стою бц\дею, _е=я'же бж\ственную i=кw'ну w\т любве` 
и=з\ъwбрази'лъ _е=си`: моли` бг~ови'дче, w= на'съ блажа'щихъ 
тя`, и= соверша'ющихъ свяще'нное твое` о_у=спе'нiе, 
всему'дре тайноглаго'льниче.

%<Сла'ва, и='нъ. Подо'бенъ: Д%>х~омъ во ст~и'лищи:

%<Jа='%>кw о_у=ч~ника` бл~года'ти, и= спослjь'дователя 
па'vлова, и= словопи'сца и=зя'щнjьйша бж\ственнагw 
_е=v\глiа, похва'лимъ: сло'ва бо воплоще'нiе и= 
вочл~вjь'ченiе, и= стр\сти, блаже'нне, проповjь'далъ _е=си`. 
тjь'мъ соше'дшеся вjь'рнw, луко`, досто'йнw тя` почита'емъ. 
(с. 310)

%<И= ны'нjь, бг~оро'диченъ:%>

%<Н%>еизрече'ннw бы'сть рожде'нiе пренепоро'чныя 
невjь'сты, jа='кw бы'вши чистjь'йшiй, хра'мъ бц\де, 
совjь'томъ бо превjь'чнымъ въ тя` все'льшася, родила` _е=си` 
бг~а сло'ва. тjь'мъ пою'ще рж\ство` твое`, велича'емъ 
досто'йнw, всенепоро'чная.

%<На хвали'техъ стiхи^ры на д~, гла'съ. По\д: 
_О='%>блакъ тя` свjь'та:

%<Х%>р\сто'ва о_у=ч~ника`, _е=v\глiа списа'теля 
мудрjь'йша, сосу'да и=збра'нна кра'сна, _о='бразъ 
w=душевле'нъ вjь'рнiи, _е=гw'же во всjь'хъ цр~квахъ 
похвала`, луку` а=п\сла въ пjь'снехъ почти'мъ: то'й бо 
проповjь'да бж~iя пресла^вная чудеса`, просвjьти'въ jа=`же 
на земли`, бг~осло'вiя луча'ми, бл~гости ра'ди.

%<Д%>у'шъ врачевству`, па'че тjьле'съ научи'вся 
хи'трости, му'дре, и= _о=бою'ду вседо'бръ показа'лся _е=си`, 
бж~iею му'дростiю вдохнове'нъ: _е='юже врачу'я ду'шы же и= 
тjьлеса`, луко` всебл~же'нне, призыва'еши къ позна'нiю, 
восперя'еши къ жела'нiю бж~iю, человjь'ки всегда` возво'диши 
на нб~о, и= w= всjь'хъ мо'лишися восхваля'ющихъ тя`.

%<О_у='%>дицею слове'сною, jа=`же во глубинjь` 
невjь'дjьнiя, jа='кw ры^бы вну'трь вше'дшыя, привле'клъ 
_е=си` къ позна'нiю бж~iю: хр\сту` пи'щу добру` прине'слъ 
_е=си`, всеблаже'нне, че'сть достодо'лжную, жи'знь 
нетлjь'нную, луко` свяще'ннjьйшiй. тjь'мъ и= а=п\слъ 
хр\сто'въ бы'лъ _е=си`, му'дрый благовjь'стникъ, сказа'тель 
дjь'ятельныхъ дjь'лъ бл~года'ти.

%<Гла'съ и~. Лео'нта магi'стра:%>

%<П%>рiиди'те, вся` тва'рь, и='стиннw врача` духо'внаго, 
и= сп~сова о_у=ч~ника`, луку` приснопа'мятнаго, пjь'сньми 
похва'лимъ: се'й бо безбо'жiя неду'гъ, пома'занiемъ 
хр\сто'вы купjь'ли, о_у=врачева`, и= рjька'ми бг~ото'чныхъ 
во'дъ w\т о_у='стъ, w=душевл_е'нная се'ла _е=v\глiа напои`. 
тjь'мъ и=зы'де проро'чески вjьща'нiе _е=гw` во вселе'нную, 
и= мо'лится спасти'ся душа'мъ на'шымъ. (с. 311)

%<Сла'ва, гла'съ то'йже:%>

%<Д%>в~дски соше'дшеся, вjь'рнiи, въ пjь'снехъ та'йному 
витi'и сло'ва, луцjь` воззове'мъ: я=зы'къ тво'й тро'сть 
пи'сменника jа=ви'ся, хр\ста` скоропи'сца о_у=краша'я 
зра'ки, къ ра'зуму jа=зы'кwвъ бж\ственнагw позна'нiя: въ 
не'мже проповjь'далъ _е=си` _е=v\глiе, и= ку'пнw а=п\слwвъ 
дjья^нiя списа'въ. тjь'мъ предстоя` тр\оцjь и= бг~у, моли'ся 
w= душа'хъ на'шихъ.

%<И= ны'нjь, бг~оро'диченъ:%>

%<В%>л\дчце, прiими` моли^твы ра^бъ твои'хъ, и= и=зба'ви 
на'съ w\т вся'кiя ну'жды и= печа'ли.

%<Славосло'вiе вели'кое, и= w\тпу'стъ.%>

%<На лiтургi'и бл~ж_е'нна, w\т канw'на а=п\стола пjь'снь 
г~-я, и= s~-я. Прокi'менъ, гла'съ и~. В%>о всю` зе'млю 
и=зы'де вjьща'нiе и='хъ, и= въ концы` вселе'нныя глаго'лы 
и='хъ. %<Стi'хъ: Н%>б~са` повjь'даютъ сла'ву бж~iю: 
%<А=п\слъ къ колосса'_емъ, зача'ло с~_кс, w\т полу`. 
А=ллилу'iа, гла'съ а~: И=%>сповjь'дятъ небеса` чудеса` 
твоя^, гд\си. %<_Е=v\глiе луки`, зача'ло н~а. Прича'стенъ: 
В%>о всю` зе'млю и=зы'де вjьща'нiе и='хъ: