Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::слав>

(с. 364)

%<Мjь'сяца тогw'же въ к~в-й де'нь.%>

%<Ст~а'гw равноапо'стольнагw а=ве'ркiа _е=пi'скопа, 
i=ерапо'льскагw чудотво'рца:%>

%<И= ст~ы'хъ седми` _о=трокw'въ, и=`же во _е=фе'сjь:%>

%<Въ то'йже де'нь пра'зднуемъ прест~jь'й бц\дjь 
чудотво'рныя i=кw'ны каза'нскiя.%>

%<С%>лу'жба _е=я` пи'сана по се'й слу'жбjь.

%<На Г%>д\си, воззва'хъ, %<стiхи^ры ст~и'телю, гла'съ 
в~. По\д: _Е=%>гда` w\т дре'ва:

%<Б%>ж\ственныхъ о_у=че'нiй блиста'ньми разруши'лъ 
_е=си` многобо'жную но'щь, _о='ч~е а=ве'ркiе, о_у='тро же 
возсiя'въ, сы'ны дне` соверши'лъ _е=си`, во мра'цjь су'щыя 
пре'жде, i=ера'рше, чудеса` пресла^вная показа'въ: тjь'мъ 
святу'ю твою` па'мять вjь'рою пра'зднуемъ вси`, 
пjьсносло'вяще тя`, бг~одохнове'нне.

%<В%>ъ сосу'дjь _е=ди'нjьмъ чудодjь'йствуя, вiно' бо и= 
_е=ле'й, _о='ч~е, и= ви'дъ другi'й совокупи'лъ _е=си`, 
блюдо'ма внегда` тре'бовати несмjь'шена бж\ственною 
бл~года'тiю: те'плыхъ же во'дъ дарова'нiе, мл~твою и=стещи` 
сотвори'лъ _е=си`, неду'ги и=сцjьля'я вся'ч_ескiя, 
приходя'щихъ тебjь` вjь'рою, и= блажа'щихъ тя`, а=ве'ркiе.

%<В%>е'сь прилjьжа` бг~у, бж\ственныхъ и=спо'лнитель 
о_у=че'нiй jа=ви'лся _е=си`, а=ве'ркiе: бл~года'ть же 
прiе'мъ w\т высоты`, прп\дбне, неду'ги w\тгна'лъ _е=си` 
разли^чныя человjь'кwмъ: тр_е'бища i='дwльская разори'лъ 
_е=си`: зна'нiе насади'лъ _е=си` бж\ственное, невjь'дjьнiемъ 
_о=кая'ннw пре'жде бjь'дствующымъ, блаже'нне.

%<И='ны стiхи^ры му'ченикwвъ, гла'съ д~. Подо'бенъ: 
Jа='%>кw до'бля:

%<П%>ребеззакw'нная велjь^нiя, * бг~у поко'ршеся, * 
_о='троцы бл~же'ннiи небрего'ша, * и= свя'зани бы'вше, * 
разрjьши'ша (с. 365) пре'лести соу'зъ, * и= са'нъ мiрскi'й 
w\тве'ргше, * прiя'ша сла'ву, jа=`же тjь'хъ пресла'внw 
соверши'вшу, * и= го'рнягw и=схода'таившу * цр\ствiя 
наслажде'нiе.

%<К%>ъ по'двигwмъ себе` страда'нiя, ст~i'и, * крjь'пкw 
w=бучи'вше, * скры'стеся въ верте'пjь, * моле'ньми 
непреста'нными * ко гд\су моля'щеся, * крjь'пость пода'ти и= 
си'лу, * и='миже судьба'ми чл~вjьколю'бецъ вjь'сть: * 
о_у=сну'ти въ ми'рjь всjь^мъ ва'мъ, * бг~онача'льнw 
повелjьва'етъ.

%<Б%>г~осо'бранный по'лкъ, * ли'къ бл~же'нный, * 
мч~ническое собра'нiе неудобопобори'мое, * цр~кви 
бж\ственнjьй кра'сное торжество`, * нерасте'рзное 
совокупле'нiе, * во'инство непобjьди'мое, * незы'бленное 
бл~гоче'стiя w=снова'нiе, * прiиди'те вси` воспои'мъ 
о_у=се'рднw, * бл~гоче'стiя свидjь'тели.

%<Сла'ва, гла'съ г~. I=wа'нна мона'ха:%>

%<А=%>рхiере'е прп\дбне, всебл~же'нне _о='ч~е, 
чудотво'рче, о_у=го'дниче хр\сто'въ, а=ве'ркiе, 
пр\оро'ческимъ житiе'мъ возсiя'вый, и= а=п\сльскихъ 
сподо'бился _е=си` дарw'въ, сп~су служа` со а='гг~лы 
непреста'ннw, моли` и=зба'витися w\т вся'кагw преще'нiя 
душа'мъ на'шымъ.

%<И= ны'нjь, бг~оро'диченъ, и=ли` кр\стобг~оро'диченъ. 
По\д: В%>е'лiя кр\ста`:

%<_О=%>ру'жiе се'рдце твое` про'йде, преч\стая, _е=гда` 
сн~а твоего` на кр\стjь` ви'дjьла _е=си`, и= вопiя'ла 
_е=си`: не безча'дну мя` покажи`, сн~е мо'й и= бж~е мо'й, 
соблюды'й мя` по рж\ствjь` дв~у.

%<Тропа'рь, гла'съ д~:%>

%<П%>ра'вило вjь'ры, и= _о='бразъ кро'тости, 
воздержа'нiя о_у=чи'теля, jа=ви' тя ста'ду твоему`, jа='же 
веще'й и='стина. сегw` ра'ди стяжа'лъ _е=си` смире'нiемъ 
высw'кая, нището'ю бога^тая, _о='ч~е а=ве'ркiе, моли` 
хр\ста` бг~а, спасти'ся душа'мъ на'шымъ.

%<И= ст~ы'хъ тропа'рь, гла'съ то'йже:%>

%<М%>у'ч_еницы твои`, гд\си, во страда'нiихъ свои'хъ 
вjьнцы` прiя'ша нетлjь^нныя w\т теб_е` бг~а на'шегw: и=му'ще 
бо (с. 366) крjь'пость твою`, мучи'телей низложи'ша, 
сокруши'ша и= де'мwнwвъ немwщны'я де'рзwсти. тjь'хъ 
моли'твами спаси` ду'шы на'шя.



%<На о_у='трени канw'нъ _о=ктw'иха _е=ди'нъ. И= 
ст~и'теля канw'нъ на д~, _е=гw'же краегране'сiе:%>

%<А=%>ве'ркiеву воспою` вели'кую сла'ву. %<I=w'сифъ.%>

%<Гла'съ в~. Пjь'снь а~. I=рмо'съ:%>

%<Г%>ряди'те, лю'дiе, пои'мъ пjь'снь хр\сту` бг~у, 
раздjь'льшему мо'ре, и= наста'вльшему лю'ди, jа=`же и=зведе` 
и=зъ рабо'ты _е=гv'петскiя, jа='кw просла'вися.

%<З%>аре'ю свjь'тлою трисл~нечнагw бж~ества` w=заре'нъ 
бы'въ, а=ве'ркiе, свjь'тъ бы'лъ _е=си`, су'щыя во тмjь` 
просвjьща'я, и= все` де'мwнское разруша'я w=мраче'нiе.

%<Ж%>итiе` на земли` и=мjь'лъ _е=си`, преблаже'нне, 
нб\сное, съ пло'тiю jа='кw безпло'тенъ жи'тельствовавъ, и= 
стра^сти о_у=мертви'въ, и= свяще'нства да'ръ прiе'мъ.

%<И=%>мjь'я въ тебjь`, _о='ч~е, сло'во вjьща'ющо, 
безслов_е'сiя разруши'лъ _е=си` суему'дренныхъ, де'мwнскiя 
хра'мы, и= кумi'ры прел_е'стныя низложи'въ.

%<Бг~оро'диченъ:%>

%<В%>итi'йстiи я=зы'цы глаго'лати недоумjь'ютъ твоегw` 
па'че сло'ва зача'тiя: бг~а бо родила` _е=си` пло'тiю, 
всеч\стая, на'мъ о_у=подо'бльшася за бл~госты'ню.

%<И='нъ канw'нъ му'ченикwвъ.%>

%<Гла'съ и~. Пjь'снь а~. I=рмо'съ:%>

%<К%>олесницегони'теля фараw'ня погрузи`, чудотворя'й 
и=ногда` мwv"се'йскiй же'злъ, кр\сто_обра'знw порази'въ, и= 
раздjьли'въ мо'ре: i=и~ля же бjьглеца` пjьшехо'дца спасе`, 
пjь'снь бг~ови воспjьва'юща.

%<С%>едми'чнымъ число'мъ честву'еми ст~i'и _о='троцы 
се'дмь, свjь'тлiи sвjь'зды, на тве'рди цр~ко'внjьй сiя'юще, 
и=`же свидjь'тельствомъ на нб\сная все'льшеся, помяни'те 
вjь'рою чту'щыя ва'съ. (с. 367)

%<С%>едмосвjь'тлымъ сiя'нiемъ дх~а, воwбража'юще 
златоза'рную свjьщу`, мч~ницы седмочи'сленнiи, мра'къ 
о_у=ма'лили _е=сте` пре'лести, и= свjь'томъ благоче'стiя 
вся^ ны'нjь седмеросугу'бнw просвjьща'ете.

%<Бг~оро'диченъ:%>

%<Н%>а тя`, дв~о, наде'жду полага'ю спасе'нiя моегw`, 
грjьхо'вныя ти'ны всего' мя w=мы'й, и= чи'ста мя` содjь'лай, 
сн~у твоему` и=зя'щнjь благоугожда'юща, и= дjь'юща тогw` 
всест~у'ю во'лю.

%<Пjь'снь г~. I=рмо'съ:%>

%<О_у=%>тверди` на'съ въ тебjь`, гд\си, дре'вомъ 
о_у=мерщве'й грjь'хъ, и= стра'хъ тво'й всади` въ сердца` 
на'съ пою'щихъ тя`.

%<И=%> словесы` свяще'нными, и= показа^нiи чуде'съ, 
а=ве'ркiе, пресла'внw, пре'лести мо'ре пла'вающыя, спасе'нiя 
ко приста'нищу наста'вилъ _е=си`.

%<Ц%>jьльбы^ содjьва'я, соверша'я и=зря^дная, де'мwнwвъ 
w\тгоня'я мечта^нiя, спасе'нiя, всjь^мъ вино'вникъ, 
бога^тымъ предста'тель ты` бы'лъ _е=си`.

%<С%>ло'во сщ~е'нное, житiе` бж\ственное, нра'въ чудесы` 
сiя'ющь, жи'знь твоя`, _о='ч~е, сла'вна, и= сме'рть честна` 
бы'сть.

%<Бг~оро'диченъ:%>

%<С%>ы'й бг~ъ пре'жде неви'димый, ви'димь бы'сть, дв~о 
за бл~гоутро'бiе и=зъ чре'ва твоегw` воплоща'емь: тjь'мъ тя` 
вjь'рою о_у=блажа'емъ.

%<И='нъ. I=рмо'съ:%>

%<О_у=%>твержде'й въ нача'лjь нб~са` ра'зумомъ, и= 
зе'млю на вода'хъ w=снова'вый, на ка'мени мя`, хр\сте`, 
за'повjьдей твои'хъ о_у=тверди`. jа='кw нjь'сть свя'тъ, 
па'че теб_е`, _е=ди'не чл~вjьколю'бче.

%<Jа='%>вльшеся на земли` седмосвjь'тлiи, jа='кw 
свjьти'льницы добродjь'телей, и= по'двигwвъ заре'ю, и= 
чуде'съ блиста'ньми свjь'тлw просвjьти'вше, свjь'тъ 
бг~озна'нiя всему` мi'ру просiя'сте.

%<W\т%> пеле'нъ ма'тернихъ возложи'вшеся творцу`, тогw` 
ра'ди небрего'сте w= сла'вjь и= че'сти ца'рской, и= 
бога'тствjь (с. 368) мимотеку'щемъ, w\т негw'же нетлjь'нныхъ 
че'стей сла'ву получи'сте.

%<Бг~оро'диченъ:%>

%<О_у=%>мерщвле'нный мо'й о_у='мъ, жи'зни дjь'йствомъ 
jа='вльшiяся и=зъ теб_е` мi'ру воздви'гни, jа='звы и= 
_о='бразы потре'бльши грjьхw'вныя, _е=ди'на 
бг~ороди'тельнице, всенепоро'чная.

%<Конда'къ _о=трокw'въ, гла'съ д~. Подо'бенъ: 
В%>ознесы'йся:

%<П%>росла'вивый на земли` ст~ы^я твоя^, пре'жде 
втора'гw и= стра'шнагw прише'ствiя твоегw`, хр\сте`, 
пресла'внымъ воста'нiемъ _о=трокw'въ, показа'лъ _е=си` 
воскресе'нiе невjь'дящымъ _е=`, нетлjь^нна w=дjья^нiя, и= 
тjьлеса` jа=ви'въ, и= царя` о_у=вjь'рилъ _е=си` вопи'ти: 
вои'стинну _е='сть ме'ртвыхъ воста'нiе.

%<I='косъ:%>

%<Ч%>у'дное и= высо'кое _о=трокw'въ воскресе'нiе 
ви'дjьвъ i=ера'рхъ _е=фе'сскiй и=ногда`, о_у=диви'вся 
ра'зумомъ, пи'шетъ со тща'нiемъ вjь'рнjьйшему царю` тjь'хъ 
воста'нiе: прiити` сподо'би держа'вjь твое'й, влады'ко, 
здjь`, да ви'диши бг~а твоегw` си'лу, ю='же показа` тебjь`. 
а='бiе воста'въ вели'кiй побjьдоно'сецъ, ше'ствiе творя'ше 
ра'дуяся, вторы'й jа=ви'вся и=лiа` колесни'чникъ, вопiя`: 
вои'стинну _е='сть ме'ртвыхъ воста'нiе.

%<Сjьда'ленъ ст~и'теля, гла'съ и~. Подо'бенъ: 
П%>рему'дрости:

%<I=%>ера'рхъ jа=ви'лся _е=си` ма'стiю честно'ю 
w=бложе'нъ, _о='ч~е, бг~одjь'тельнw, и= вся^ соверша'я 
бл~года'тiю, свяще'ннjьйше, дарw'въ же бж\ственныхъ и= 
чуде'съ свjь'тлостiю о_у=краша'емь, ст~ы'мъ и= бж\ственнымъ 
дх~омъ, всехва'льне, неду'ги и=сцjьля'я, и= де'мwны 
попаля'я, и= мно'ж_ества прельща'емыхъ w=браща'я, а=ве'ркiе. 
сегw` ра'ди вопiе'мъ ти`: моли` хр\ста` бг~а, грjьхw'въ 
w=ставле'нiе пода'ти, чту'щымъ любо'вiю святу'ю па'мять 
твою`.

%<Сла'ва, _о=трокw'въ, гла'съ д~. Подо'бенъ: С%>ко'рw 
предвари`:

%<Jа='%>кw столпи` су'ще цр~кве хр\сто'вы, стjь'ны 
разори'сте невjь'рствiя крjь'пкw, седмобра'тнiи мч~ницы. 
тjь'мъ пре'жде (с. 369) сме'рти _е='ллинскую jа='рость, и= 
па'ки по сме'рти _е=ретi'ческую бу'рю разруши'сте, моля'щеся 
w= душа'хъ на'шихъ.

%<И= ны'нjь, бг~оро'диченъ:%>

%<Ч%>т\сая, всенепоро'чная и= неискусому'жная, jа='же 
_е=ди'на безлjь'тнаго сн~а и= сло'ва бж~iя въ лjь'то 
ро'ждши: сего` со ст~ы'ми и= честны'ми патрiа^рхи, и= 
мч~ники, и= пр\орw'ки, и= прп\дбными моли`, дарова'ти на'мъ 
w=чище'нiе и= ве'лiю ми'лость.

%<Кр\стобг~оро'диченъ:%>

%<Д%>в~о всенепоро'чная, мт~и хр\ста` бг~а, _о=ру'жiе 
про'йде твою` прест~у'ю ду'шу, _е=гда` распина'ема ви'дjьла 
_е=си` во'лею сн~а и= бг~а твоего`: _е=го'же, 
бл~гослове'нная, моля'щи не преста'й, проще'нiе 
прегрjьше'нiй на'мъ дарова'ти.

%<Пjь'снь д~. I=рмо'съ:%>

%<П%>ою' тя, слу'хомъ бо, гд\си, о_у=слы'шахъ и= 
о_у=жасо'хся: до мен_е' бо и='деши, мене` и=щя` 
заблу'ждшаго. тjь'мъ мно'гое твое` снизхожде'нiе, _е='же на 
мя`, прославля'ю, многоми'лостиве.

%<В%>ельми` престо'лъ, прп\дбне, о_у=краси'лъ _е=си`, 
ст~и'телю, вели'кими бо чудесы` прелjь'потствовалъ _е=си`, 
и= житiе'мъ свjь'тлымъ. сегw` ра'ди превели'кiй бг~ъ на'шъ 
вельми' тя просла'ви.

%<М%>и'лости воли'теля гд\са вjь'дый, бг~оно'се, те'плjь 
_е=го` о_у=моли'лъ _е=си`, на и=сцjьле'нiе и= спасе'нiе 
мно'гихъ, те'плыхъ во'дъ всечу'дное сотвори'ти и=стече'нiе.

%<П%>лодови'ты безча^дныя сотвори'лъ _е=си` бж~iею 
бл~года'тiю, соверши'лъ _е=си` помышл_е'нiя: вложи'въ бо 
тjь^мъ, а=ве'ркiе, сло'ва сjь'мя jа='вjь, jа='кw до'брый 
сjь'ятель пожа'лъ _е=си` кла'сы стори'цею, бл~же'нне.

%<Бг~оро'диченъ:%>

%<И=%>сцjьли'ла _е=си` сокруше'нiе, всенепоро'чная, и= 
дре'внее _о=кая'нство земноро'дныхъ, ро'ждши гд\са и= цр~я` 
хр\ста`, поне'сшаго неду'ги на'шя за бл~гоутро'бiе 
неизглаго'ланное, бг~оневjь'сто. (с. 370)

%<И='нъ. I=рмо'съ:%>

%<Т%>ы` моя` крjь'пость, гд\си, ты` моя` и= си'ла, ты` 
мо'й бг~ъ, ты` мое` ра'дованiе, не w=ста'вль нjь'дра 
_о='ч~а, и= на'шу нищету` посjьти'въ. тjь'мъ съ пр\оро'комъ 
а=вваку'момъ зову' ти: си'лjь твое'й сла'ва, чл~вjьколю'бче.

%<Б%>ра'тскимъ совокупля'еми сою'зомъ, и= бж\ственнымъ 
жела'нiемъ распала'еми, согла'сiемъ и='стиннагw, мч~ницы 
гд\сни, и=сповjь'данiя и= вjь'ры, посрами'сте мучи'телей 
суему'дренный ра'зумъ, и= пре'лести многобо'жное о_у=че'нiе.

%<З%>а хр\ста` и= со хр\сто'мъ гони'ми, въ верте'пjьхъ, 
гора'хъ же и= про'пастехъ земны'хъ скрыва'еми, тогw` ра'ди 
сно'мъ живоно'снымъ вмjь'стw сме'рти о_у=сну'ли _е=сте` на 
лjь^та должа^йшая, jа='вственнw о_у=твержда'юще _о='бщее 
земны'хъ воскресе'нiе.

%<Бг~оро'диченъ:%>

%<Д%>а _о='бразъ засы'панный страстьми`, w=бнови'ши 
бога'тствомъ бл~госты'ни, въ дjь'вственную всели'лся _е=си` 
о_у=тро'бу, и=зъ нея'же му'дрость хра'мъ бж~iй созда'лъ 
_е=си`, _е='юже съ человjь^ки пожи'лъ _е=си`, ще'дрый, и= 
спа'слъ _е=си` мi'ра концы`.

%<Пjь'снь _е~. I=рмо'съ:%>

%<П%>росвjьще'нiе во тмjь` лежа'щихъ, спасе'нiе 
w\тча'янныхъ, хр\сте` сп~се мо'й, къ тебjь` о_у='тренюю, 
цр~ю` ми'ра, просвjьти' мя сiя'нiемъ твои'мъ: и=но'гw бо, 
ра'звjь теб_е`, бо'га не зна'ю.

%<П%>оста'вивъ твоя^ но'ги на ка'мени се'рдца, 
бг~ому'дре, па'дшыя поги'белiю, и= ч_е'сти ка'менiю 
подаю'щыя, бл~же'нне, бж\ственными словесы` чествова'ти 
научи'лъ _е=си` ка'мень, i=и~са хр\ста` и= бг~а на'шего.

%<В%>рача` разли'чнw неду'гующихъ, путевожда` всjь'хъ 
прельще'нныхъ sлосовjь'тiемъ, мv"рополо'жницу честны'хъ 
дарова'нiй, прiя'телище бж\ственнагw дх~а, священноучи'теля 
почти'мъ а=ве'ркiа.

%<В%>iно`, повелjь'нiемъ твои'мъ, въ _е=ди'номъ сосу'дjь 
со (с. 371) _е=ле'емъ, ви'ды же другi^я влож_е'нныя, во 
вре'мя свое` несмjь'снw пресла'внw и=злива'ются, 
преиз\ъwби'лующую бл~года'ть твою` jа=вля'юще jа='вjь, 
свяще'нне.

%<Бг~оро'диченъ:%>

%<З%>ако'ни въ тебjь` пресла'внw, дв~о, w=бновля'ются: 
ражда'еши бо безсjь'меннw бг~а сп~са, и= пребыва'еши 
дjь'вствующи па'ки, стра'нно чу'до! тjь'мъ тя` мт~рь 
_е=мману'илеву благоче'стнw возвjьща'емъ.

%<И='нъ. I=рмо'съ:%>

%<В%>ску'ю мя` w\три'нулъ _е=си` w\т лица` твоегw`, 
свjь'те незаходи'мый, и= покры'ла мя` _е='сть чужда'я тма` 
_о=кая'ннаго, но w=брати' мя, и= къ свjь'ту за'повjьдей 
твои'хъ пути^ моя^ напра'ви, молю'ся.

%<О_у=%>мертви'вшеся мi'ру, вся^ жит_е'йская кра^сная 
w\три'нули _е=сте`, живо'тъ держа'щему живо'тъ сво'й 
преда'вше, живоно'сный со'нъ на дw'лга лjь^та влеку'ще, 
_о='бщагw воскресе'нiя _о='бразъ.

%<С%>трада'льцы житiе'мъ jа=ви'стеся, дw'лгая гон_е'нiя 
претерпjь'вше, въ гла'дjь и= жа'жди, въ ра'зныхъ бjьда'хъ, 
и= ско'рбехъ и= sлоиму'ществахъ, за хр\ста` терпя'ще, и= 
богатя'щеся су'щw воспокое'нiемъ.

%<Бг~оро'диченъ:%>

%<В%>ъ тебjь` стjьнjь` w=богаща'емiи, и= 
предста'тельствомъ твои'мъ сохраня'емiи, твое'ю бж\ственною 
сла'вою хва'лящеся, тя` о_у=блажа'емъ: ты' бо, прест~а'я, 
душа'мъ на'шымъ и=сточа'еши весе'лiе и= ра'дость.

%<Пjь'снь s~. I=рмо'съ:%>

%<В%>ъ бе'зднjь грjьхо'внjьй валя'яся, неизслjь'дную 
милосе'рдiя твоегw` призыва'ю бе'здну. w\т тли`, бж~е, мя` 
возведи`.

%<W\т%> восто'ка къ за'паду прише'лъ _е=си`, де'мwнскiя 
и= лю'тыя стра'сти цари'цу, прп\дбне, w\трjьша'я, си'лою 
дх~а.

%<С%>тра'ненъ мi'ра jа=ви'лся _е=си`, свяще'ннjьйше, 
стра^нная и= (с. 372) стра^шная соверша'я чудеса`, и= ходя` 
въ тjьлеси`, и= w\тсю'ду w\тше'дъ, а=ве'ркiе.

%<М%>олнiезра'ченъ, _о='ч~е, ви'димь, де'мwнскiя 
побjьди'лъ _е=си` полки`, терпjь'ти не могу'щыя твоегw`, 
а=ве'ркiе, преще'нiя, бг~одохнове'нне.

%<Бг~оро'диченъ:%>

%<Т%>обо'ю, всест~а'я бг~оневjь'сто, о_у=мерщвле'ннiи 
жи'зни сподо'бихомся, и= тлjь'нiю рабо'тающiи, нетлjь'нiемъ 
jа='вjь w=богати'хомся.

%<И='нъ. I=рмо'съ:%>

%<W=%>чи'сти мя`, сп~се, мнw'га бо беззакw'нiя моя^, и= 
и=зъ глубины` sw'лъ возведи`, молю'ся: къ тебjь' бо 
возопи'хъ, и= о_у=слы'ши мя`, бж~е спасе'нiя моегw`.

%<Л%>юбо'вiю, jа='же къ бг~у, _е=фе'сскагw _о=те'чества, 
му'дрiи, ро'дъ свjь'тлый, бога'тство же пресвjь'тлое и= 
сла'ву пречестну'ю w=ста'вили _е=сте`, наслjь'дiе нб\сное 
произбра'вше.

%<С%>едмочи'сленный страда'льц_евъ ли'къ бж\ственнjь 
совокупля'емь, низложи` врагw'въ мно'жество многочи'сленное, 
и= сла'ву прiя'ша и=сповjь'данiя, и= вjьнцы` страда'нiя.

%<Бг~оро'диченъ:%>

%<В%>озсiя` w\т сiw'на вы'шнягw бл~голjь'пiе, прiя'тiемъ 
пло'ти, по соедине'нiю неизрече'нному, и=зъ теб_е`, 
неискусобра'чная, w=дjь'янъ, и= мi'ръ просвjьти`.

%<Конда'къ, гла'съ и~: Подо'бенъ: Jа='%>кw нача'тки:

%<Jа='%>кw свяще'нника превели'каго, и= а=п\слwвъ 
совсе'льника, цр~ковь почита'етъ тя` вся^ вjь'рныхъ, 
а=ве'ркiе: ю='же твои'ми моли'твами соблюда'й, бл~же'нне, 
непобjьди'му и= неwбурева'ему w\т вся'кiя _е='реси, и= 
нескве'рну, jа='кw приснопа'мятный.

%<I='косъ:%>

%<М%>i'ра всегw` суету` помышля'я, мi'ра о_у=чуже'нный, 
и= стр\сти хр\сто'вы подража'я, плотскi^я стра^сти 
о_у=мертви'лъ _е=си`, и= кр\стъ тво'й взе'мъ, послjь'довалъ 
_е=си`, бл~же'нне, (с. 372) творцу` твоему`, и= пребыва'я съ 
ни'мъ, ны'нjь моли'ся за чту'щыя тя` и='стиннw, jа='кw 
приснопа'мятный.

%<Пjь'снь з~. I=рмо'съ:%>

%<_О='%>бразу злато'му, на по'лjь деи'рjь служи'му, 
трiе` твои` _о='троцы небрего'ша безбо'жнагw велjь'нiя, 
посредjь' же _о=гня` вве'ржени, w=роша'еми поя'ху: 
бл~гослове'нъ _е=си`, бж~е _о=т_е'цъ на'шихъ.

%<Jа='%>кw бж\ственный па'стырь, jа='кw чуде'съ 
самотво'рецъ: слjьпы^мъ _е='же зрjь'ти моли'твою, _о='ч~е, 
пода'лъ _е=си`, и= слы'шати глухи^мъ, _о=чище'нiе же 
прокаж_е'ннымъ, и= бл~готече'нiе хромы^мъ, воспjьва'ющымъ: 
бл~гослове'нъ _е=си` бж~е _о=т_е'цъ на'шихъ.

%<П%>роповjь'даетъ твое` чудодjья'нiе, му'дре, во 
вjь'къ, те'плыхъ во'дъ и=скипjь'нiе, и= сто'лпъ о_у= гро'ба 
твоегw` лежа'щiй, _е=го'же w\т ри'ма вели'кагw гра'да 
принесе` лука'вый ду'хъ, и=згна'нный тобо'ю, _о='ч~е 
а=ве'ркiе.

%<Л%>ю'демъ смир_е'ннымъ во'ждь бы'лъ _е=си`, высо'къ въ 
видjь'нiихъ и= дjь'йствiихъ же и= си'лахъ jа=ви'вся, 
свяще'ннjьйше, и= высоча'йшагw цр~я` о_у=го'дникъ. _е=му'же 
взыва'емъ: бл~гослове'нъ _е=си` бж~е _о=т_е'цъ на'шихъ.

%<Бг~оро'диченъ:%>

%<Р%>оди'ся и=зъ теб_е`, _е=го'же роди` _о=ц~ъ пре'жде 
денни'цы, во двою` сущ_еству` и= хотjь^нiю, jа='кw бг~ъ же 
и= человjь'къ, _о=трокови'це, зна'емь всjь^мъ вjь'рою 
зову'щымъ: бл~гослове'нная бг~а пло'тiю ро'ждшая.

%<И='нъ. I=рмо'съ:%>

%<Б%>ж~iя снисхожде'нiя _о='гнь о_у=стыдjь'ся въ 
вавv"лw'нjь и=ногда`, сегw` ра'ди _о='троцы въ пещи` 
ра'дованною ного'ю, jа='кw во цвjь'тницjь лику'юще, поя'ху: 
бл~гослове'нъ _е=си`, бж~е _о=т_е'цъ на'шихъ.

%<Б%>г~у покаря'ющеся, бж\ственнымъ зако'номъ, 
наказу'еми _о='троцы, ра'зумомъ пра'вымъ, пребеззакw'нная 
повелjь^нiя мучи'телей sлы'хъ о_у=кори'ли _е=сте`, сме'ртiю 
жи'знь (с. 374) приwбрjь'тше и= нетлjь'нiе, ме'ртвымъ 
w=бога'щшеся тjь'ломъ.

%<С%>ме'ртную ча'шу за творца` пи'ти жела'юще вjь'рнw, 
безсме'ртiя ра'ди и= нетлjь'нiя, погребе'нiе претерпjь'сте 
тjьле'съ, и=з\ъясня'юще воста'нiе, пресла'внымъ воста'нiемъ 
ва'шимъ, мч~ницы.

%<Бг~оро'диченъ:%>

%<Jа='%>кw о_у='тро возсiя'ла _е=си`, пра'вды сл~нце 
и=му'щи, w\т тмы` мi'ра невjь'дjьнiя и=з\ъима'ющаго, 
бг~овjь'дjьнiемъ. _е=му'же пое'мъ, преч\стая: бл~гослове'нъ 
_е=си` бж~е _о=т_е'цъ на'шихъ.

%<Пjь'снь и~. I=рмо'съ:%>

%<В%>ъ пе'щь _о='гненную ко _о=трокw'мъ _е=вр_е'йскимъ 
снизше'дшаго, и= пла'мень въ ро'су прело'жшаго бг~а, по'йте 
дjьла`, jа='кw гд\са, и= превозноси'те во вся^ вjь'ки.

%<П%>ресла'вный па'стырь, неистощи'мый и=сто'чникъ 
и=сцjьле'нiй, цр~кве сто'лпъ, вjь'рныхъ о_у=твержде'нiе, 
вели'кiй свjьти'льникъ, многосвjь'тлый священноучи'тель, да 
почти'тся а=ве'ркiй.

%<Т%>ы` jа='коже фi'нi_ксъ _псало'мски процвjь'лъ _е=си` 
во дво'рjьхъ бг~а жива'гw: о_у=мно'жился _е=си` jа='кw 
ке'дръ, и= jа='кw ма'слина, му'дре, показа'лся _е=си`, 
ма'стiю дjь'лъ твои'хъ, всjь'хъ о_у=маща'я ли'ца вjь'рою.

%<Г%>оры` верху` дjьйстви'тельнымъ жи'тельствомъ 
jа='вственнjь, jа='коже гра'дъ позна'лся _е=си` стоя'щь, и= 
погру'жшiйся дре'вле пре'лестiю гра'дъ тво'й, прп\дбне, 
гра'да вы'шнягw jа=вля'еши наслjь'дника.

%<Бг~оро'диченъ:%>

%<С%>е` _о='дръ соломw'новъ, _е=го'же w=бстоя'тъ 
си'льнiи, бг~одохнове'ннагw писа'нiя ны'нjь прорица^нiя, на 
не'мже хр\сто'съ бг~ъ воплоще'нiемъ бж\ственнымъ почи'лъ 
_е='сть, бл~гослове'нная и= w=бра'дованная.

%<И='нъ. I=рмо'съ:%>

%<С%>едмери'цею пе'щь халде'йскiй мучи'тель 
бг~очести^вымъ неи'стовнw разжже`, си'лою же лу'чшею 
спас_е'ны сiя^ ви'дjьвъ, творцу` и= (с. 375) и=зба'вителю 
вопiя'ше: _о='троцы, бл~гослови'те, свяще'нницы, воспо'йте, 
лю'дiе, превозноси'те во вся^ вjь'ки.

%<С%>едмери'чнw w=блиста` па'мять ва'ша дне'сь, 
со'лнечныхъ лу^чь _о=бра'знw, просвjьща'ющи, му'дрiи, 
подсо'лнечную страда'льческими свjь'тлостьми, 
чудодjь'йственными же блиста'ньми, и= бж\ственныхъ 
догма'тwвъ заря'ми, и='миже о_у=вjьря'ете всjь^мъ воста'нiе 
тjьле'съ, и= ме'ртвыхъ нетлjь'нiе.

%<А=%>вiмеле'хово пре'жде на селjь` сохране'нiе положи` 
бг~ъ, jа='кw не ви'дjьти гра'да и=ногда` запустjь'нiя. ва'съ 
же соблюде` лjь'ты множа'йшими въ верте'пjь спя'щыя, на 
о_у=вjьре'нiе всjь'хъ воскресе'нiя, _о='троцы, вjькw'въ 
седмочи'сленныхъ равночи'сленнiи свjьти'льницы.

%<Бг~оро'диченъ:%>

%<W=%>святи'вшися дх~омъ, бц\де всенепоро'чная, 
и='стиннw прiя'ла _е=си` во чре'вjь безнача'льнаго сн~а и= 
присносу'щнаго, въ тебjь`, ч\стая, воплоще'ннаго, на 
бл~годjья'нiе вjь'рою вопiю'щихъ: _о='троцы, бл~гослови'те, 
свяще'нницы, воспо'йте, лю'дiе, превозноси'те во вся^ 
вjь'ки.

%<Пjь'снь f~. I=рмо'съ:%>

%<W\т%> бг~а бг~а сло'ва, неизрече'нною му'дростiю, 
прише'дшаго w=бнови'ти а=да'ма, jа='дiю въ тлjь'нiе па'дшаго 
лю'тjь, w\т ст~ы'я дв~ы неизрече'ннw воплоти'вшагося на'съ 
ра'ди, вjь'рнiи, _е=диному'дреннw пjь'сньми велича'емъ.

%<Jа='%>кw свjьтоза'рно твое` житiе`, jа='кw красны` 
но'ги, jа='кw sjьлw` чу'дно _е='же къ бг~у маа'нiе же 
вку'пjь и= бли'жность, jа='кw велича'йшая бл~года'ть свы'ше 
да'нная тебjь`, му'дре, сегw` ра'ди вjь'рою почита'емъ тя`, 
а=ве'ркiе.

%<Т%>я` сожи'тельника всjь'хъ ст~ы'хъ му'ч_еникъ, и= 
ревни'теля бж\ственныхъ о_у=чени^къ, патрiа'рхwвъ 
равноче'стна, пр\оро'кwвъ и= прп\дбныхъ, и= нб\сныхъ слу'гъ 
собесjь'дника, вjь'рою сла'вимъ, а=ве'ркiе. (с. 376)

%<П%>рест~а'я твоя` па'мять простира'ющися въ мi'рjь, 
просвjьща'етъ человjь^къ ду'шы свjь'томъ бога'тымъ въ 
бл~года'ти, ю='же соверша'юще любо'вiю, страсте'й на'съ и= 
тмы` напа'стныя моли'твами твои'ми и=зба'ви, мо'лимся, 
а=ве'ркiе.

%<Бг~оро'диченъ:%>

%<С%>вjь'тла тя` свjьти'льника пр\оро'къ прови'дjь, 
свjьщу` бж\ственную и='стиннw въ себjь` нося'щую, всест~а'я 
дв~о, _е=ди'наго пресу'щнаго бг~а, за бл~гоутро'бiе ми'лости 
и=зъ теб_е` вочл~вjь'чшася.

%<И='нъ. I=рмо'съ:%>

%<О_у=%>жасе'ся w= се'мъ нб~о, и= земли` о_у=диви'шася 
концы`, jа='кw бг~ъ jа=ви'ся человjь'кwмъ пло'тски, и= 
чре'во твое` бы'сть простра'ннjьйшее небе'съ. тjь'мъ тя` 
бц\ду, а='гг~лwвъ и= человjь^къ чинонача^лiя велича'ютъ.

%<О_у=%>диви'ся w= се'мъ вся'къ земноро'дный, почуди'ся 
же и= вся'къ о_у='мъ: jа='кw ме'ртвiи, по многовре'меннjьмъ 
погребе'нiи въ верте'пjь лежа'ще, а='ки въ ве'черъ 
о_у=сну'вше, и= о_у='трjь _о=бы'чнw востаю'ще jа=ви'шася, 
о_у=вjьря'юще ме'ртвыхъ _о='бщее воста'нiе.

%<С%>едмочи'сленнiи мч~никwвъ свjь'тлiи свjьти'льницы, 
_е=ф_е'ская свjьти^ла присносвjь^тлая, мi'ра всегw` 
моли'тв_енницы, и= предста'тел_е те'плiи, _о='бщагw 
воскресе'нiя проповjь^дницы и= храни'телiе вjь'рныхъ, 
и=спроси'те тишину` на'мъ и= спасе'нiе, и= ми'ръ всjь^мъ 
конц_е'мъ.

%<Бг~оро'диченъ:%>

%<Jа='%>кw мт~и пострада'вшагw w= на'съ, душетлjь'нныхъ 
мя` страсте'й и=зба'ви, jа='кw милосе'рдая, разрjьши` 
прегрjьше'нiй о_у='зы. jа='кw бл~га'я, о_у=блажи` ны'нjь 
w=sло'бленную мою` ду'шу де'мwнскими прилw'ги, дв~о бц\де, 
да пою' тя всепjь'тую.

%<Свjьти'ленъ. Подо'бенъ: Ж%>_ены` о_у=слы'шите.

%<П%>отещи' тя пону'ди блазнодjь'латель де'мwнъ къ ри'му 
гра'ду, вше'дый въ царе'ву дще'рь лука'внw, и=зъ нея'же (с. 
377) и=згна'въ пса`, w=бремене'нна посла'лъ _е=си`, и= 
сто'лпъ нося'ща во i=ерапо'ль, а=ве'ркiе бг~огла'се.

%<Сла'ва, му'ченикwвъ:%>

%<_О=%>ру'жiемъ честна'гw твоегw` кр\ста` w=гра'ждшеся 
страстоте'рпцы твои`, сло'ве, проти^вныя си^лы крjь'пкw 
побjьди'ша, и= мучи'телей посрами'ша, и= w= тебjь` 
пострада'ша, и= тебjь`, хр\сте` мо'й всецр~ю`, сцр\ствуютъ 
ку'пнw.

%<И= ны'нjь, бг~оро'диченъ:%>

%<_W%> та^инъ твои'хъ! _w чуде'съ твои'хъ! ка'кw по 
рж\ствjь` дв~а пребыла` _е=си`, jа='кw пре'жде рж\ства`; 
ка'кw бг~а вмjьсти'ла _е=си`, нигдjь'же вмjьсти'маго; но 
вои'стинну несказа^нна су'ть твоя^ вся^, бл~гослове'нная 
марi'е.

%<На лiтургi'и: Бл~ж_е'нна _о=ктw'иха, на д~: и= 
ст~а'гw, пjь'снь г~-я, на д~. Прокi'менъ, гла'съ а~: 
О_у=%>ста` моя^ возгл~го'лютъ прему'дрость, и= поуче'нiе 
се'рдца моегw` ра'зумъ. %<Стi'хъ: О_у=%>слы'шите сiя^ вси` 
jа=зы'цы: %<А=п\слъ къ _е=вре'_емъ, зача'ло ти~_i. 
А=ллилу'iа, гла'съ в~: О_у=%>ста` пра'веднагw поуча'тся 
прему'дрости: %<Стi'хъ: З%>ако'нъ бг~а _е=гw` въ се'рдцjь 
_е=гw`, и= не за'пнутся стwпы` _е=гw`. %<_Е=v\глiе i=wа'нна, 
зача'ло л~s. Прича'стенъ: В%>ъ па'мять вjь'чную:



%<Слу'жба jа=вле'нiю i=кw'ны прест~ы'я вл\дчцы на'шея 
бц\ды каза'нскiя.%>

%<О_у=ста'вися же се'й пра'здникъ пра'здновати, въ 
ца'рствующемъ гра'дjь москвjь`, и=збавле'нiя ра'ди w\т 
ля'хwвъ, въ лjь'то #зрк~а.%>

%<Ве'черъ, Б%>лаже'нъ му'жъ:

%<На Г%>д\си, воззва'хъ, %<поста'вимъ стiхw'въ и~, и= 
пое'мъ стiхи^ры, гла'съ д~. Подо'бенъ: Jа='%>кw до'бля:

%<Jа='%>кw прекра'сная сло'ва пала'та, * и= престо'лъ 
свjьтоноси'вый бц\де вл\дчце, * сопресто'льное сло'во 
_о='ч~ее * во (с. 378) твои'хъ ложесна'хъ вмjьсти'ла _е=си`, 
* и= ро'ждши свjь'тъ незаходи'мый, * на'ше w=мраче'нiе 
просвjьти'ла _е=си`: * ле'сть sмiи'ну w\тгна'ла _е=си`, и= 
тлjь'нiе потреби'ла _е=си`: * жи'знь вjь'чную мi'ру 
дарова'ла _е=си` твои'мъ рж\ство'мъ: * врата` рая` 
w\тве'рзла _е=си`, * и= вся^ блага^я человjь'ческому 
_е=стеству` дарова'ла _е=си`: * но и= ны'нjь, гп\сже`, * 
твои'ми моли'твами, * и=збавля'й рабы^ твоя^ w\т всjь'хъ 
бjь'дъ.

%<Jа='%>кw вели'ка су'щи цр~и'ца и= мт~и, * на нб~си` 
превысо'кихъ си'лъ цр~я`, * преч\стыя твоя^ ру'ки 
просте'рши, * моле'бнw за ны` предстои'ши, * и= на земли` 
jа='кw держа'вная помо'щница * бж\ственною твое'ю i=кw'ною * 
и= ду'хомъ съ твои'ми рабы^ пребыва'еши, * и= ве'селw 
спаса'еши, * и= и=збавля'еши w\т вся'кiя напа'сти * 
благоче'стнw бц\ду тя` и=сповjь'дающыя.

%<Jа='%>кw златоза'рный ра'й, * и= мjь'сто прекра'сное, 
и= бг~опросвjьще'нное, * и= дре'во ст~о'е. дх~омъ ст~ы'мъ 
w=сjьне'нное, * вмjьсти'лище свjь'та невече'рнягw, * тебе` 
вjь'дущымъ, * jа='снw немерца'ющися бж\ственною луче'ю, * 
мл\днцемъ твои'мъ свjь'тиши все'й тва'ри, * _е=го'же 
моля'щи, цр~и'це бц\де, * спаси` гра'дъ тво'й и= лю'ди, * къ 
тебjь` прибjьга'ющыя w\т всjь'хъ бjь'дъ.

%<Jа='%>кw порфv'рою ца'рскою и= вv'ссомъ, * i=кw'ною 
твое'ю, и= твоегw` сн~а, бц\де, * цр~ковь бж~iя 
просвjьти'вшися, * красу'ется чудесы`. * дне'сь jа=вле'нiемъ 
вся^ созыва'етъ пра'здновати, * па'че сiя'нiя со'лнечнагw * 
бл~года'тiю ст~а'гw дх~а блиста'ющися, * на боля'щихъ и= 
неду'жныхъ и=сцjьле'нiя * и=сто'чники и=сточа'ющи, * и= 
всjь^мъ да'рующи бога'тую ми'лость.

%<И='ны стiхи^ры, гла'съ и~:%>

%<В%>ысо'кiй цр~ю` непостижи'мый, со _о=ц~е'мъ сjьдя'й 
на пр\сто'лjь и= бж\ственнымъ дх~омъ, благоволи'вый 
роди'тися на земли` w\т дв~ы неискусобра'чныя, i=и~се: 
о_у=щедря'я твое` созда'нiе чл~вjь'ческое _е=стество`, 
неизрече'нными добро'тами, прiими` твоея` мт~ре приноси^мыя 
тебjь` за ны` моли^твы, (с. 379) и= не помяни` беззако'нiй 
на'шихъ, но поми'луй и= спаси` ду'шы на'шя, jа='кw 
милосе'рдъ.

%<Два'жды.%>

%<П%>реклони'въ нб~са` цр~ь сла'вы, сни'де w=бнови'ти 
а=да'ма, преступле'нiемъ всего` и=стлjь'вшаго, всели'ся въ 
тя`, ч\стая дв~о, и= роди'ся, ключе'й дjь'вства не руши'въ, 
и= на рука'хъ твои'хъ смире'нъ младе'нецъ, и='же 
а=рха'гг~лwвъ цр~ь ноша'шеся: и= ны'нjь твою` моли'тву 
прiе'млетъ, и= проше'нiе твое` во все'мъ и=сполня'етъ, 
бц\де, jа='кw тво'й сн~ъ и= бг~ъ. _е=му'же о_у=се'рднw 
моли'ся, да спасе'тъ ду'шы на'шя, jа='кw милосе'рдъ.

%<П%>а'че ски'нiи мwv"се'евы, по _о='бразу нб\сному 
сотворе'нныя, всю' тя бг~ъ w=святи`, бц\де, дх~омъ ст~ы'мъ, 
ве'сь всели'ся въ тя`, всего` человjь'ка w=живи`: тjь'мъ и= 
твоя` i=кw'на, па'че а=арw'ня кiвw'та, напо'лнися бл~года'ти 
бж~iя, и=сточа'етъ w=свяще'нiе душа'мъ и= тjьлес_е'мъ. 
_е='йже любе'знw покланя'ющеся, про'симъ w\т теб_е` вели'кiя 
ми'лости, да спасе'ши ду'шы на'шя, благослове'нная 
помо'щнице.

%<Сла'ва, и= ны'нjь, гла'съ и~:%>

%<П%>рiиди'те, возра'дуемся держа'внjьй засту'пницjь 
ро'да на'шегw, цр~и'цjь бц\дjь: прiиди'те къ ти'хому _е=я` 
чу'дному, почита'емому а='гг~лы, честно'му поклони'мся 
_о='бразу. да'руетъ бо бц\да вjь^рнымъ _о=би^льныя да'ры 
цjьл_е'бныя w\т неистощи'магw и=сто'чника ст~ы'я i=кw'ны 
неwску'дную бл~года'ть и=сточа'ющи: тмы` и=збавля'етъ на'съ, 
и=скуше'нiй и= бjь'дъ, и= вся'кагw грjьха`, благоче'стнw и= 
бг~опрiя'тнw прославля'ющихъ и= чту'щихъ свjь'тлую и= 
чу'дную бг~ома'тере ст~у'ю i=кw'ну. тjь'мъ воспjьва'юще 
воззове'мъ перво_обра'знjьй: ра'дуйся, любе'зная мi'ру 
по'моще, во спасе'нiе ду'шъ на'шихъ.

%<Вхо'дъ. Прокi'менъ дне`. И= чт_е'нiя г~, пи'саны сегw` 
мц\са въ а~-й де'нь, покро'ву бц\ды.%> (с. 380)

%<На лiтi'и стiхи^ры, гла'съ в~, самогла'сны:%>

%<Jа='%>кw вои'стинну дре'внягw кiвw'та преч\стнjь'е, 
_е=гда` дв~дъ собра'въ чи'ны ликовствова'ше, ны'нjь твоя`, 
бц\де, i=кw'на, _е='йже предстоя'тъ а=рхiере'_евъ собо'ри, 
и= съ чи'нми а='гг~лъ сщ~е'нницы и= все` хр\стоимени'тыхъ 
люде'й мно'жество, досто'йнw блажа'тъ тя` мт~рь бж~iю, и= 
прославля'ютъ раболjь'пнw, и= честву'ютъ и= покланя'ются, и= 
мо'лятся тебjь` по бз~jь, да мi'ръ о_у=мири'ши въ 
правосла'вiи, и= це'рковь о_у=тверди'ши, и= спасе'ши w\т 
всjь'хъ sw'лъ твоя^ рабы^, jа='кw _е=ди'на бл~гослове'нная.

%<П%>редстоя'тъ ти`, гп\сже` бц\де, предъ твои'мъ, 
преч\стая, _о='бразомъ, а=рхiере'_евъ сосло'вiе, и= 
сщ~е'нницы, и= вси` лю'дiе, мона'си и= простi'и, вjь'дуще 
тя` вои'стинну помо'щницу си'льну и= непобjьди'му, мол_е'нiя 
тебjь` приноси'ти w\т всея` души` подвиза'ютъ, и= поуща'ютъ 
на моли'тву къ бг~у, тре'бующе твоея` по'мощи, да простре'ши 
бг~онw'сныя твоя^ ру'ки, и= о_у=мо'лиши за мi'ръ. вонми` и= 
о_у=слы'ши, вл\дчце, и= пода'ждь о_у=тjьше'нiе рабw'мъ 
твои^мъ, до'ндеже не w=долjь'ютъ ны` грjьхи` на'шя тя^жкiя 
и= лю^тыя: твоея' бо всегда` тре'буемъ вси` по'мощи.

%<Гла'съ и~:%>

%<П%>е'рвjье написа'вшейся твое'й i=кw'нjь, 
_е=v\гльскихъ та^инъ благовjь'стникомъ, и= къ тебjь`, 
цр~и'цjь, принесе'ннjьй, да о_у=сво'иши ту`, и= си'льну 
содjь'лаеши спасти` честву'ющыя тя`: и= пора'довалася _е=си` 
jа='кw су'щи ми'лостива, спасе'нiя на'шегw содjь'тельница. 
jа='кw о_у=ста` и= гла'съ i=кw'нjь бы'вше, jа='коже и= бг~а 
внегда` зачина'ющи во чре'вjь, пjь'снь воспjь'ла _е=си`: се` 
w\т ны'нjь о_у=блажа'тъ мя` вси` ро'ди! и= на ту` зря'щи 
глаго'лала _е=си` со вла'стiю: съ си'мъ _о='бразомъ 
бл~года'ть моя` и= си'ла. и= мы` и='стиннw вjь'руемъ, jа='кw 
се` рекла` _е=си`, гп\сже`, си'мъ _о='бразомъ съ на'ми 
_е=си`: тjь'мъ (с. 381) благоговjь'йнw предстоя'ще, 
покланя'емся тебjь` раби` твои`, посjьти' ны твои'ми 
ма'терними щедро'тами.

%<Гла'съ з~:%>

%<Г%>ора` _е=си` вели'кая и= пресла'вная, па'че горы` 
сiна'йскiя, бц\де: _о='на бо не терпя'ше сни'тiя сла'вы 
бж~iя во _о='бразjьхъ и= сjь'нехъ, _о=гне'мъ возгара'шеся, 
и= гро'ми и= мw'лнiи та'мw бы'ша. ты' же ве'сь бж\ственный 
_о='гнь су'щь бж~iе сло'во, во чре'вjь твое'мъ неwпа'льнw 
носи'ла _е=си`, и= w\т сос_е'цъ твои'хъ млеко'мъ пита'ла 
_е=си`, ма'нiемъ нося'щаго вся^, и= ма'тернее дерзнове'нiе 
къ нему` и=му'щи, помози`, вл\дчце, вjь'рнw пра'зднующымъ 
тво'й честны'й пра'здникъ, и= не забу'ди ми'лостивнw 
посjьща'ющи: прiя'ла бо _е=си` w\т бг~а да'ръ, стро'ити и= 
покрыва'ти хр\стоимени'тое ста'до, рабы^ твоя^.

%<Сла'ва, и= ны'нjь, гла'съ s~:%>

%<Т%>ебjь` вси` ро'ди человjь'честiи хва^льныя да'ры 
прино'сятъ, вл\дце, и= мо'лятся jа='кw цр~и'цjь и= мт~ри 
бж~iи: пр\оро'цы тя` прему'дрw проповjь'даша, леvi'ти 
благослови'ша, а=п\столи и= мч~ницы и=сповjь'даша, 
сщ~е'нницы покланя'ются, а=рхiере'_е проповjь'даютъ, мона'си 
и= простi'и благоговjь'ютъ, бога'тiи и= о_у=бо'зiи, сироты^ 
и= вдwвы`, и= вся'къ во'зрастъ, и= вся'ко преспjь'янiе, 
ста'рческое и= младе'нческое, подъ кро'въ тво'й держа'вный 
съ вjь'рою прибjьга'емъ: покры'й и= соблюди`, гп\сже`, 
моли'твами твои'ми, и= спаси` w\т бjь'дъ ду'шы на'шя.

%<На стiхо'внjь стiхи^ры, гла'съ в~:%>

%<В%>мjьсти'лище чи'стое свjь'та пречи'стагw, бц\де, 
ка'кw тя` раби` досто'йнw воспjьва'емъ; jа='кw jа=вле'нiемъ 
преч\стыя твоея` i=кw'ны, и= превjь'чнагw мл\днца, вся^ 
w=свjьща'еши.

%<Стi'хъ: П%>омяну` и='мя твое` во вся'комъ ро'дjь и= 
ро'дjь.

%<_W%> дв~о нескве'рная бг~ора'дованная! что' ти когда` 
(с. 382) таково` благодаре'нiе принесе'мъ; jа='кw 
бл~же'ннагw твоегw` рж\ства` всесiя'ющею луче'ю, всjь'хъ w\т 
тлjь'нiя къ жи'зни возвела` _е=си`.

%<Стi'хъ: С%>лы'ши дщи` и= ви'ждь, и= приклони` о_у='хо 
твое`.

%<_W%> дв~о гп\сже`, мт~и зижди'телева! нб\сныхъ _е=си` 
чинw'въ ра'дованiе, и= человjь'ческому ро'ду бл~гослове'нная 
помо'щнице: моли` w= спасе'нiи ду'шъ на'шихъ.

%<Сла'ва, и= ны'нjь, гла'съ _е~:%>

%<В%>оспое'мъ лю'дiе свjь'тлw дв~дскую пjь'снь 
_о=трокови'цjь невjь'стjь бж~iи, и= мт~ри цр~я` хр\ста`: 
предста` цр~и'ца w=десну'ю тебе`, вл\дко, ря^сны златы'ми 
w=дjь'яна, и= преукра'шена бж\ственными благолjь'потами. 
сiю` о_у='бw jа='кw и=збра'нную и= до'брую въ жена'хъ, па'че 
всегw` мi'ра о_у=добри'въ, благоволи'лъ _е=си` роди'тися 
и=зъ нея` вели'кiя ра'ди ми'лости: и= сiю` помо'щницу 
лю'демъ твои^мъ дарова'лъ _е=си`, спаса'ти и= покрыва'ти w\т 
бjь'дъ всемогу'щею твое'ю и= бж\ственною си'лою, _е=я'же 
моли'твами, хр\сте` бж~е, поми'луй на'съ.

%<Тропа'рь, гла'съ д~:%>

%<З%>асту'пнице о_у=се'рдная, мт~и гд\са вы'шнягw. за 
всjь'хъ мо'лиши сн~а твоего` хр\ста` бг~а на'шего, и= 
всjь^мъ твори'ши спасти'ся, въ держа'вный тво'й покро'въ 
прибjьга'ющымъ. всjь'хъ на'съ заступи`, _w гп\сже` цр~и'це 
и= вл\дчце! и=`же въ напа'стехъ и= ско'рбехъ, и= въ 
болjь'знехъ w=бремене'нныхъ грjьхи^ мно'гими, предстоя'щихъ 
и= моля'щихся тебjь` о_у=миле'нною душе'ю, и= сокруше'ннымъ 
се'рдцемъ, предъ преч\стымъ твои'мъ _о='бразомъ со слеза'ми, 
и= невозвра'тнw наде'жду и=му'щихъ на тя`, и=збавле'нiя 
всjь'хъ sw'лъ. всjь^мъ пол_е'зная да'руй, и= вся^ спаси`, 
бц\де дв~о: ты' бо _е=си` бж\ственный покро'въ рабw'мъ 
твои^мъ. (с. 383)



%<На о_у='трени, на Б%>г~ъ гд\сь, %<тропа'рь три'жды.%>

%<По а~-мъ стiхосло'вiи сjьда'ленъ, гла'съ г~:%>

%<Л%>ю'дiе благочести'вiи, правовjь'рнiи собо'ри 
хр\стоимени'тiи, приступи'те вjь'рнw вси`, бж\ственному 
припа'дающе бж~iя мт~ре _о='бразу: та'я бо и=сцjьле'нiе 
боля'щымъ ра'достнw подае'тъ: о_у=язвля'етъ же sлосла^вная 
jа='кw стрjьла` w\т лу'ка, на'съ всjь'хъ весели'тъ 
свjьтови'днw, и= бл~года'тiю w=заря'етъ моли'твами свои'ми.

%<Сла'ва, и= ны'нjь:%>

%<В%>сю' тя бг~ъ w=святи` дв~у до'брую, и= непоро'чную 
въ жена'хъ, пр\орw'ки проwбрази'въ че'стнw, i=ер_е'и 
бл~гослови'въ, во ст~а^я ст~ы'хъ всели`: а='гг~ломъ 
воспита`, съ нб~се` пи'щу хлjь'бъ подая`, са'мъ же 
пребл~гi'й, _е=диноро'дное бг~ъ сло'во, всели'ся въ тя`, и= 
пло'тiю про'йде и=зъ теб_е`: тjь'мже ти` покланя'емся и= 
чти'мъ, jа='кw вои'стинну и='стинную су'щую бц\ду.

%<По в~-мъ стiхосло'вiи сjьда'ленъ, гла'съ д~:%>

%<Д%>а ликовству'етъ свjь'тлw вjь'рныхъ все` мно'жество, 
рыда'етъ же де'мwнское во'инство, ви'дяще многоим_е'нныя 
сiя'ющя пра'здники бж~iя мт~ре, о_у=блажа'ему бж~iю мт~рь 
бж\ственными пjь'сньми: и=дjь'же бо бг~опрiя'тнw сла'вится 
пребл~гослове'нная бц\да вл\дчца, бг~оизбра'нная 
_о=трокови'ца, непрiя'зни паде'нiе, хр\стiа'нwмъ же 
крjь'пкое о_у=твержде'нiе.

%<Сла'ва, и= ны'нjь:%>

%<_W%> всебл~гослове'нная бц\де вл\дчце, бг~оизбра'нная 
_о=трокови'це, свjь'тлое пр\оро'ческое сбытiе`, а=п\сльская 
похвало`, и= мч~ническое и=сповjь'данiе и= вjь'нче, а='гг~лы 
чти'мая, и= человjь'ческими рw'ды многопjь'тая, и= всегw` 
мi'ра вожделjь'нная помо'щница. и=зба'ви рабы^ твоя^ 
w=сужде'нiя бу'дущагw, и= _е='зера _о='гненнагw, _е=ди'на 
бл~гослове'нная.

%<По полv"еле'и сjьда'ленъ, гла'съ а~:%>

%<П%>равовjь'рнw чту'щыя тя` лю'дiе къ тебjь` (с. 384) 
прибjьга'юща и= i=кw'нjь твое'й ст~jь'й любе'знw 
покланя'ющася, _w бж~iя мт~и, спаси`, и= не да'ждь въ 
расхище'нiе сопоста'тwмъ, ниже` наи'дутъ на ны` вся^ sла^я, 
же грjьхи` на'шя о_у=гото'ваша на'мъ, ниже` беззакw'нiя 
на^ша превзы'дутъ на главы^ на'шя, но да твоя` ма'терная къ 
бг~у преwдолjь'етъ за ны` бг~опрiя'тная моли'тва.

%<Сла'ва, и= ны'нjь:%>

%<П%>реч\стая твоя` i=кw'на, бц\де дв~о, врачевство` 
всему` мi'ру духо'вное: къ не'йже прибjьга'юще, тебjь` 
покланя'емся, и= почита'емъ, и= лобыза'емъ, и= чти'мъ. 
и=сцjьле'нiй бл~года'ть почерпа'юще w\т нея`, и= неду^гъ 
тjьле'сныхъ, и= душе'вныхъ страсте'й, твои'ми моли'твами 
свобожда'емся.

%<Та'же степ_е'нна, а~-й а=нтiфw'нъ д~ гла'са. 
Прокi'менъ: П%>омяну` и='мя твое` во вся'комъ ро'дjь и= 
ро'дjь. %<Стi'хъ: С%>лы'ши дщи` и= ви'ждь, и= приклони` 
о_у='хо твое`. %<В%>ся'кое дыха'нiе: %<_Е=v\глiе луки`, 
зача'ло д~. По н~-мъ _псалмjь` стiхи'ра, гла'съ и~.%>

%<П%>рiиди'те возра'дуемся: %<Пи'сана на Гд\си 
воззва'хъ.%>

%<Канw'нъ _о=диги'трiю прест~ы'я бц\ды, со i=рмосо'мъ на 
s~.%>

%<Творе'нiе i=еромона'ха i=гна'тiа.%>

%<Гла'съ д~. Пjь'снь а~. I=рмо'съ:%>

%<W\т%>ве'рзу о_у=ста` моя^, и= напо'лнятся дх~а, и= 
сло'во w\тры'гну цр~и'цjь мт~ри, и= jа=влю'ся свjь'тлw 
торжеству'я, и= воспою` ра'дуяся тоя` чудеса`.

%<Р%>а'достнw, ч\стая, ны'нjь наста'вшее хвале'нiе 
приноша'ю, ра'дуяся, и= ти'химъ гла'сомъ, _о=дiги'трiе, 
вопiю' ти: ра'дуйся, и= и=спо'лни мя` ра'зума, пjь'ти 
начина'юща.

%<Х%>р\ста` роди'вшая, ра'дость на'мъ вjь'чную, _w 
ра'дуйся, всепjь'тая, правосла'вныхъ наде'ждо, _о=дiги'трiе, 
всепjь'тая дв~и'це. ра'дости и=спо'лни мя`, мi'рови 
жела'нная.

%<Л%>ику'ютъ вси` человjь'цы и= а='гг~ли, всегда` 
согла'снw вопiю'ще, на нб~си` и= на земли`, _о=дiги'трiе: 
ра'дуйся дв~и'це, (с. 385) ра'дости бо рж\ство'мъ твои'мъ 
вся'ч_еская и=спо'лнила _е=си`.

%<Р%>а'дость, _о=дiги'трiе, со стра'хомъ ти` вопiю'щихъ 
ра'дости сподо'би, мт~и су'щiя ра'дости, и=збавля'ющи 
скорбе'й вся'ческихъ, и= всjь'хъ поми'луй, къ тебjь` 
прибjьга'ющихъ.

%<И='нъ канw'нъ пра'здника на и~, гла'съ то'йже.%>

%<Пjь'снь а~. I=рмо'съ то'йже.%>

%<Б%>лагоговjь'ютъ ти`, бц\де, а='гг~лwвъ нача^льницы, 
и= ст~ы'хъ чи'ни че'стнw слу'жатъ, пра'веднiи красу'ются, 
нб\сныхъ хода'таицу блажа'тъ тя`: ку'пнw же и= земля` и= 
нб~о въ весе'лiи свjь'тлw восхваля'ютъ тя`, и= мы` грjь'шнiи 
ми'лости про'симъ: w=зари` на^ша сердца`, вл\дчце, воспjь'ти 
пjь'снь ст~ы'я твоея` i=кw'ны jа=вле'нiю.

%<П%>рiиди'те, собери'теся, хр\стоимени'тiи лю'дiе, 
о_у=мы` та'йнw w=чи'стившеся, во ст~у'ю цр~ковь мт~ре 
хр\ста` бг~а на'шегw: и=сточа'етъ бо на'мъ неwску'днw w\т 
ст~ы'я i=кw'ны и=сто'чникъ дх~о'венъ, цjьле'бенъ душа'мъ и= 
тjь'лwмъ, пjь'снь вопiю'щымъ: бл~гослове'нъ и=зъ теб_е` 
рожде'йся бг~ъ на'шъ.

%<Д%>иви'тъ, пренепоро'чная, и= о_у=жаса'етъ вся'къ 
слу'хъ стра'нно чу'до бж\ственнагw твоегw` рж\ства`: ка'кw 
херувi'мскаго творца` зачала` _е=си`; ка'кw _о='гнь 
нестерпи'мый во о_у=тро'бjь носи'ла _е=си`; ка'кw су'щую 
жи'знь пло'тiю w=блекла` _е=си`, и= живо'тъ всему` мi'ру 
родила` _е=си` бг~а ку'пнw и= чл~вjь'ка;

%<П%>одъ кро'въ тво'й, дв~о гп\сже`, прибjьга'емъ вси` 
ро'ди человjь'честiи: просвjьти' ны свjь'томъ рж\ства` 
твоегw`, грjь^шныя рабы^ твоя^ моля'щыяся прилjь'жнw, и= 
кла'няющыяся преч\стjьй твое'й i=кw'нjь, прося'ще w\т теб_е` 
прiя'ти вели^кiя ми'лwсти.

%<Катава'сiа: W\т%>ве'рзу о_у=ста` моя^:

%<Пjь'снь г~. I=рмо'съ:%>

%<Т%>воя^ пjьсносло'вцы, бц\де, живы'й и= незави'стный 
и=сто'чниче, ли'къ себjь` совоку'пльшыя духо'внw 
о_у=тверди`, въ бж\ственнjьй твое'й сла'вjь, вjьнц_е'въ 
сла'вы сподо'би. (с. 386)

%<Х%>р\ста` вы'шнягw цр~я`, _w ра'дуйся, непоколеби'мая, 
ч\стая, и= w=душевле'нная пала'то! ра'дуйся _о=дiги'трiе, 
ра'дуйся, тобо'ю бо неруши'мъ на'шъ гра'дъ сохраня'ется.

%<В%>мjьсти'ти _е=го'же не возмо'же тва'рь, во 
о_у=тро'бу неискусобра'чную, _о=дiги'трiе дв~и'це, тjьле'снw 
вмjьсти'ла _е=си`: тjь'мже ти` ра'дуйся, пое'мъ, по до'лгу 
велича'юще.

%<Р%>а'дость многопjь'тая мi'рови, ра'достнw ти` пою'ще 
при'снw, вjь'чнующiя, ч\стая, ра'дости сподобля'емся, 
твои'ми мт~рними моли'твами къ ро'ждшемуся и=зъ теб_е`, 
_о=дiги'трiе.

%<З%>лату'ю тя` ста'мну, и= свjь'щникъ, и= же'злъ, и= 
трапе'зу, ч\стая, призыва'емъ, _о=дiги'трiе: и= гла'съ 
_е='же ра'дуйся, тебjь` при'снw привноша'емъ, съ си'миже 
и=мены`.

%<И='нъ. I=рмо'съ то'йже.%>

%<К%>у'ю ти` досто'йную похвалу` на'ше принесе'тъ 
коне'чное неможе'нiе; jа='кw jа=вле'нiемъ преч\стыя твоея` 
бж\ственныя i=кw'ны, незави^стныя и=сто'чники цjьл_е'бныя 
и=сточа'еши, вjь'рнw прибjьга'ющымъ къ тебjь` рабw'мъ 
твои^мъ.

%<Б%>ж\ственныя твоея` i=кw'ны ст~о'е jа=вле'нiе, бц\де 
дв~о, jа='кw свjьтоза'рное возсiя` на'мъ со'лнце, 
пресла'вныхъ чуде'съ лучи` пуща'ющи, тмы^ лю'тыхъ 
w=бстоя'нiй w\тгоня'ющи, свяще'нными твои'ми, вл\дчце, 
предста'тельствы.

%<И=%>спо'лнила _е=си` бл~года'ти и=ногда` 
первопи'санную твою` i=кw'ну, гп\сже` дв~о бц\де: и= ны'нjь 
та'же бл~года'ть и='стинствуетъ сiя'нiемъ вjь'ры чуде'съ, 
jа='кw тоя` ра'ди первопи'санныя, ко спасе'нiю вjь'рнw къ 
тебjь` по бз~jь прибjьга'ющымъ.

%<П%>окланя'емся, бц\де, твоему` пречи'стому _о='бразу, 
и= пресла'дкому твоему` мл\днцу, превjь'чному и= 
незаходи'мому свjь'ту хр\сту`, и='мже спасла` _е=си` w\т 
лю'тыхъ sw'лъ и= тлjь'нiя сме'ртнагw все` человjь'ческое 
_е=стество`.

%<Сjьда'ленъ, гла'съ и~. Подо'бенъ: П%>рему'дрости:

%<Б%>ж\ственнiи сло'ва а=п\сли, _е=v\глiа хр\сто'ва 
велегла'снiи (с. 387) вселе'нныя благовjь'стницы, 
бж\ственную цр~ковь созда'вше въ прест~о'е твое` и='мя, 
бц\де, и= къ тебjь`, гп\сже`, прихо'дятъ моля'ще тя` прiити` 
на тоя` w=свяще'нiе. ты' же, _w бг~ома'ти, рекла` _е=си`: 
и=ди'те съ ми'ромъ, и= а='зъ съ ва'ми та'мw _е='смь. _о=ни' 
же ше'дше w=брjьта'ютъ та'мw на стjьнjь` це'ркве, твоегw`, 
вл\дчце, _о='браза подо'бiе, бж\ственною пи'сано си'лою 
шаро'вными подw'бiи, и= ви'дjьвше поклони'шася ти` и= 
просла'виша бг~а. съ ни'миже и= мы` бж\ственнjьй твое'й 
покланя'емся i=кw'нjь, прося'ще w\т теб_е` вели'кiя 
ми'лости: да'руй согрjьше'нiй w=ставле'нiе рабw'мъ твои^мъ, 
_е=ди'на бл~гослове'нная.

%<Сла'ва, и= ны'нjь, то'йже.%>

%<Пjь'снь д~. I=рмо'съ:%>

%<С%>jьдя'й въ сла'вjь на пр\сто'лjь бж~ества`, во 
_о='блацjь ле'гцjь прiи'де i=и~съ пребж\ственный, 
нетлjь'нною дла'нiю, и= спасе` зову'щыя: сла'ва, хр\сте`, 
си'лjь твое'й.

%<Р%>а'дуйся чу'до чуде'съ, _о=дiги'трiе вл\дчце. 
ра'дуйся, всjь'хъ ра'досте градw'въ и= ве'сей, непобjьди'мое 
хр\стiа'нское въ бjьда'хъ храни'лище, и= предгра'дiе, и= на 
враги` побjьжде'нiе.

%<Р%>а'дуйся, ра'дуйся люде'й правосла'вныхъ похвало`, 
и= хр\столюби'выхъ во'инствъ покро'въ пребыва'еши всjь'хъ 
цр~и'це. ра'дуйся _о=дiги'трiе, прибjь'жище всjь^мъ на'мъ и= 
о_у=твержде'нiе.

%<Р%>а'дуйся, всjь^мъ ско'рое въ бjьда'хъ и=збавле'нiе. 
ра'дуйся, гото'вое всjь^мъ скорбя'щымъ о_у=тjьше'нiе, 
ра'дуйся всепjь'тая, ра'дуйся, _о=дiги'трiе 
всебл~гослове'нная, всjь^мъ немwщны'мъ и=сцjьли'тельнице.

%<Р%>а'дуйся, _е=я'же вели^чiя вся` тва'рь сла'вити 
о_у='бw спjьши'тъ по достоя'нiю, но не возмога'етъ, 
_о=дiги'трiе: и= сегw` ра'ди зове'тъ ти`: ра'дуйся, вл\дчце, 
бг~овмjьсти'мое жили'ще.

%<И='нъ. I=рмо'съ то'йже.%>

%<П%>очти'мъ лю'дiе ч\стыя въ чистотjь` i=кw'ну дв~ы 
бц\ды, и= тоя` бж\ственнагw мл\днца, хр\ста` бг~а на'шегw, 
и= (с. 388) лобыза'емъ и= прославля'емъ со стра'хомъ и= 
тре'петомъ: почита'емъ бо i=кw'ну благоче'стнw, па'че же 
почита'емъ са'мую ту'ю су'щую ч\стую бг~омт~рь.

%<Д%>в~дъ бж\ственный и= чу'дный пр\оро'къ и=здале'че 
прови'дя, глаго'ла: лицу` твоему` помо'лятся бога'тiи 
лю'дiе. мы' же вjь'рнiи покланя'емся, и= лобыза'емъ честну'ю 
i=кw'ну, душа'ми ку'пнw и= тjьлесы` w=свяща'емся.

%<_Е=%>v\глiа хр\сто'ва бг~огла'сный списа'тель лука`, 
бж~iимъ манове'нiемъ всенепоро'чный тво'й напису'етъ 
_о='бразъ, бц\де, и= мл\днца превjь'чнаго на рука'хъ твои'хъ 
воwбрази'въ: къ нему'же притека'ющыя напа'стей и= бjь'дъ 
и=збавля'еши, и= вся^ покрыва'еши, и= спаса'еши твое'ю 
ми'лостiю.

%<Т%>ы` _е=си` похвало` и= вjьне'цъ ст~ы^мъ всjь^мъ, _w 
цр~и'це! ты` о_у=пова'нiе на'ше и= помо'щнице по бз~jь, и= 
на тя` наде'жду спасе'нiя на'шегw возложи'хомъ вси`. тебjь` 
мо'лимся, jа='кw бж~iи мт~ри: w=дожди` грjь^шнымъ рабw'мъ 
твои^мъ бога^тыя твоя^ душеспаси'т_ельныя ми'лwсти.

%<Пjь'снь _е~. I=рмо'съ:%>

%<О_у=%>жасо'шася вся'ч_еская w= бж\ственнjьй сла'вjь 
твое'й: ты' бо, неискусобра'чная дв~о, и=мjь'ла _е=си` во 
о_у=тро'бjь надъ всjь'ми бг~а, и= родила` _е=си` 
безлjь'тнаго сн~а, всjь^мъ воспjьва'ющымъ тя` ми'ръ 
подава'ющая.

%<Б%>лагосты'ни бе'здно и= щедро'тамъ _е=си`, ра'дуйся 
_о=дiги'трiе дв~и'це. ра'дуйся, всjь'мъ ра'дость творя'щи 
вjь^рнымъ. _w ра'дуйся су'щымъ въ бjьда'хъ, скорбя'щымъ 
пребы'страя засту'пнице!

%<Р%>а'дости w\т и=сполне'нiя вели'чiя чуде'съ твои'хъ 
зря'ще и=сполня'емся вси`, не зря'ще, и= слы'шаще же 
вjь'рнiи: тjь'мже ра'дуйся тебjь` при'снw, всю'ду и= вси`, 
_о=дiги'трiе, пое'мъ.

%<Х%>р\ста` бг~а на'шегw, _w ра'дуйся, _о=дiги'трiе, 
жили'ще, и= до'мъ неизрече'ннjьй и= пребж\ственнjьй, дв~о, 
сла'вjь _е=гw`! (с. 389) _w ра'дуйся, пала'то 
преукраше'нная! ра'дуйся гра'де w=душевле'нный, 
присноца'рствующiй!

%<Р%>а'дость неwску'дную тя` разсмотря'юще, jа='кw 
мо'ре, _о=трокови'це, _о=дiги'трiе дв~и'це, ра'дующеся вси`, 
ра'дуйся, вопiе'мъ ти`: и= пою'ще, бж\ственныхъ дарw'въ 
неви'димw при'снw w\т теб_е` w=жида'емъ.

%<И='нъ. I=рмо'съ: то'йже.%>

%<В%>ся'кw, преч\стая, существо` воспjь'ти недоумjь'етъ 
тя`, па'че бо го'рнихъ о_у=мw'въ превозвы'силася _е=си`, 
ро'ждши непристу'пнаго и= стра'шнаго всецр~я` и= бг~а: но 
jа='кw ми'лостива и= ско'рая человjь'кwмъ помо'щница, вонми` 
моле'нiю ра^бъ твои'хъ, и= да'руй твою` по'мощь.

%<И=%>дjь'же w=сjьни'тъ бл~года'ть твоя`, бц\де, 
стра'хомъ и=счеза'ютъ де'мwни, и= разруша'ется sлоко'зненное 
тjь'хъ мечта'нiе, бjь'гаютъ ду'си те'мнiи, ра'дуется же 
вjь'рныхъ все` мно'жество, тебjь` пjь'снь хва'льну w\т 
се'рдца вопiю'ще: ра'дуйся, бж\ственный покро'ве ду'шъ 
на'шихъ.

%<Б%>ез\ъ_оч_е'снымъ сла'дкое зрjь'нiе дае'тся, глухи^мъ 
слы'шанiе, нjьмы^мъ благоглаго'ланiе, хромы^мъ хожде'нiе, 
прокаж_е'ннымъ w=чище'нiе, де'мwнству_емымъ цjьлому'дрiе, и= 
въ болjь'знехъ су'щымъ разли'чныхъ и=сцjьле'нiе, 
w=сjьне'нiемъ преч\стыя твоея`, бц\де, i=кw'ны.

%<Н%>е о_у=молчи'мъ никогда'же, бц\де, _псалмы^ и= 
пjь'сньми воспjьва'ти вели^чiя твоя^, w=бра'дованная: бг~а 
бо вои'стинну воплоти'вшагося родила` _е=си`, во спасе'нiе 
на'ше всемi'рное, и= и=збавле'нiе.

%<Пjь'снь s~. I=рмо'съ:%>

%<Б%>ж~е'ственное сiе` и= всечестно'е соверша'юще 
пра'зднество, бг~ому'дрiи, бг~ома'тере, прiиди'те, рука'ми 
воспле'щимъ, w\т нея` ро'ждшагося бг~а сла'вимъ.

%<Х%>р\ста`, ч\стая, прiе'млющи, гла'съ _е='же ра'дуйся, 
_о=дiги'трiе дв~и'це, слы'шала _е=си`: _е=го'же неизрече'ннw 
ро'ждши, и= ра'дуйся, w\т всjь'хъ слы'шиши всегда`. (с. 390)

%<Р%>а'дости вся^ и=спо'лнила _е=си`, вы^шняя и= ни^жняя 
ты` совокупи'ла _е=си`, _о=дiги'трiе: тjь'мже ра'достнw и= 
согла'снw ны'нjь, нб~о и= вся` земля` зове'тъ ти`.

%<В%>дова'мъ, _w ра'дуйся всепjь'тая, и= всjь^мъ си^рымъ 
_о=дiги'трiе, о_у=тjьше'нiе! ра'дуйся, всjь^мъ и=сточа'ющи 
ни'щымъ бога'тство неистощи'мое!

%<З%>ла'та вся'кагw блиста'ема, и= о_у='тра со'лнечнагw 
свjьтлjь'йши, жили'ще хр\сто'во, ра'дуйся _о=дiги'трiе, 
ра'дуйся дв~и'це: ра'дуйся невjь'сто неневjь'стная.

%<И='нъ. I=рмо'съ: то'йже.%>

%<Б%>ж\ственнагw твоегw` рж\ства`, дв~о гп\сже`, 
пребога'тая бл~года'ть, ю='же дре'вле и=зглаше'нiемъ 
предала` _е=си` преч\стому твоему` _о='бразу, неwску'днjь 
дjь'йствовати вели^кая же и= пресла^вная, во спасе'нiе на 
тя` надjь'ющымся.

%<И=%>дjь'же прославля'ется ст~о'е и='мя w=бра'дованныя 
бц\ды, та'мw вся'ческихъ благи'хъ и=сто'чницы пролива'ются, 
прiиди'те въ чистотjь`, человjь'цы, се' бо jа=вле'нiемъ 
бж\ственныя дв~ы i=кw'ны, сказу'етъ цр~и'цы прише'ствiе, во 
спасе'нiе всjь'хъ вjь'рныхъ.

%<Ц%>jьл_е'нiя болjь'зней, w\тгна'нiе же страсте'й и= 
душепита'тельное спасе'нiе, грjьхw'въ проще'нiе, и= вjь'чное 
и=збавле'нiе, w\т преч\стыя твоея` i=кw'ны, вл\дчце, вjь'рнw 
приходя'ще прiе'млемъ, бг~ома'ти всенепоро'чная.

%<К%>ъ тебjь`, гп\сже`, прибjьга'ютъ ро'ди 
правовjь'рныхъ, про'сятъ вели'кiя ми'лости, и= прiе'млютъ 
неwску'днw су'щiи въ неду'зjьхъ и=сцjьле'нiе, въ страсте'хъ 
премjьне'нiе, въ печа'лjьхъ о_у=тjьше'нiе. и=сточи` и= 
мнjь`, вл\дчце, ка'плю душеспаси'тельную, да со всjь'ми и= 
а='зъ пою` твое` вели'чiе.

%<Конда'къ, гла'съ и~. Подо'бенъ: В%>збра'нной:

%<П%>ритеце'мъ, лю'дiе, къ ти'хому сему` и= до'брому 
приста'нищу, ско'рой помо'щницjь, гото'вому и= те'плому (с. 
391) спасе'нiю, покро'ву дв~ы: о_у=скори'мъ на моли'тву, и= 
потщи'мся на покая'нiе: и=сточа'етъ бо на'мъ неwску^дныя 
ми'лwсти преч\стая бц\да, предваря'етъ на по'мощь, и= 
и=збавля'етъ w\т вели'кихъ бjь'дъ и= sw'лъ, благонра^вныя и= 
бг~обоя'щыяся рабы^ своя^.

%<I='косъ:%>

%<С%>мы'слъ w=чи'стивше и= о_у='мъ, притеце'мъ къ 
бц\дjь, свjь'тлw пjь'сньми о_у=блажа'юще ю=`, и= преч\стую 
i=кw'ну _е=я` прославля'емъ и= чти'мъ, и= припа'дающе 
покланя'емся jа='кw само'й су'щей _о='ной: че'сть бо i=кw'ны 
на перво_обра'зное восхо'дитъ, и= почита'яй и= покланя'яйся 
_е='й, почита'етъ са'мое перво_обра'зное, jа='коже 
бж\ственнiи _о=тцы` реко'ша. и= а='ще кто` не чти'тъ 
прест~ы'я бц\ды, и= не покланя'ется i=кw'нjь _е=я`, 
а=на'fема да бу'детъ: посрамля'етъ бо и= погубля'етъ не 
чту'щыя ю=`: и=збавля'етъ же w\т вели'кихъ бjь'дъ и= sw'лъ, 
благонра^вныя и= бг~обоя'щыяся рабы^ своя^.

%<Пjь'снь з~. I=рмо'съ:%>

%<Н%>е послужи'ша тва'ри бг~ому'дрiи, па'че созда'вшагw: 
но _о='гненное преще'нiе му'жески попра'вше, ра'довахуся, 
пою'ще: препjь'тый _о=тц_е'въ гд\сь и= бг~ъ, бл~гослове'нъ 
_е=си`.

%<Р%>а'дуйся, ра'дуйся, бц\де _о=дiги'трiе, всjь'хъ и= 
всегда` наставля'ющи вjь'рныхъ, ше'ствовати ко вся'кому 
пути` спаси'тельному, ра'дуйся вл\дчце, тобо'ю бо при'снw 
и=збавля'емся настоя'щiя ва'рварскiя бjьды`.

%<Р%>а'дуйся, ра'дуйся _о=дiги'трiе, бдя'щи и= моля'щися 
w= на'съ къ бг~у, и= вся'кiя sло'бы хода'тайствомъ твои'мъ, 
вся'ческихъ скорбе'й, бг~ороди'тельнице, всjь'хъ люде'й 
и=збавля'ющи.

%<Р%>а'дуйся, ра'дуйся прест~а'я _о=дiги'трiе, 
прош_е'нiя на^ша къ по'льзjь на'мъ и=сполня'ющи, и= хотя'щи 
всjь^мъ при'снw всегда` любодру'жное благо'е _е=ди'нство, 
спjь'шное же во и=зя'щныхъ.

%<Р%>а'дуйся, ра'дуйся корабл_е'мъ, _о=дiги'трiе, 
ну'жднw (с. 392) пла'вающымъ, и=збавля'ющи вjь'рныхъ, и= 
всjь^мъ и=збавле'нiе w\т вся'кiя ско'рби, и= неду'ги 
пестрw'тныя, и= ме'дл_енныя разрjьша'ющи вско'рjь.

%<И='нъ. I=рмо'съ то'йже.%>

%<П%>рiиди'те, почерпе'мъ w\тпуще'нiе w\т неистощи'магw 
и=сто'чника, точа'щагw ст~ы'ню преч\стыя дв~ы, и= тоя` 
пречи'стагw мл\днца бж~iя сло'ва, на'съ ра'ди 
вочл~вjь'чшагwся: къ нему'же возопiи'мъ: тво'рче 
и=зба'вителю, препросла'вленный со _о=ц~е'мъ и= дх~омъ, бж~е 
бл~гослове'нъ _е=си`.

%<Н%>еусы'пную, ч\стая, и= бг~опрiя'тную и=му'щи 
моли'тву, и= непреwдолjь'емую держа'ву крjь'пости, врагw'въ 
на'шихъ де'рзость, jа='же на ны` разори`, и= вы^я и='хъ подъ 
но'зjь вjь'рному наро'ду на'шему низложи`, да возвесели'мся 
w= тебjь` раби`, сн~у твоему` вопiю'ще: _о=т_е'цъ на'шихъ 
бж~е, бл~гослове'нъ _е=си`.

%<Р%>а'дуемся и= весели'мся вjь'рнiи лю'дiе, чу'дному 
jа=вле'нiю i=кw'ны преч\стыя вл\дчцы бц\ды: рjька' бо 
jа=ви'ся неисчерпа'ема, цjьле'бную во'ду точа'щи, слjьпы^мъ 
бо ви'дjьти дае'тъ, и= глухи^мъ слы'шанiе, хромы^мъ 
хожде'нiе, и= всjь^мъ су'щымъ въ неду'зjьхъ безме'здно 
и=сцjьле'нiе.

%<Н%>еиспы'тана глубина`, недовjь'домо та'инство, 
непостижи'мъ _о='бразъ, дв~о, зача'тiя твоегw`, зача'тiе 
безъ сjь'мене, безъ му'жа рж\ство`. безпло'тный воплоти'ся, 
превjь'чный младе'нствуетъ, сн~ъ бж~iй, сн~ъ теб_е`, дв~ы, 
быва'етъ, _е=му'же вопiе'мъ: бж~е, бл~гослове'нъ _е=си`.

%<Пjь'снь и~. I=рмо'съ:%>

%<_О='%>троки благочести^выя въ пещи` рж\ство` 
бг~оро'дичо спасло` _е='сть: тогда` о_у='бw w=бразу'емое, 
ны'нjь же дjь'йствуемое, вселе'нную всю` воздвиза'етъ пjь'ти 
тебjь`: гд\са по'йте дjьла`, и= превозноси'те _е=го` во вся^ 
вjь'ки.

%<Р%>а'дуйся, всебл~гослове'нная марi'е, и=зъ теб_е' бо 
всебл~гослове'нный бг~ъ w=дjь'явся во всего' мя человjь'ка. 
и= (с. 393) w=дjь'явся соедини` своему` бж\ству`, 
неизрече'ннымъ соедине'нiемъ, дв~о _о=дiги'трiе. ра'дуйся, 
w=бра'дованная, ра'досте всегw` мi'ра.

%<Р%>а'дуйся, лука'выхъ духw'въ прогони'тельнице. 
ра'дуйся бц\де _о=дiги'трiе. ра'дуйся, ю='же нб\сная 
неви^димая вw'инства славосло'вятъ всегда`, и= велича'ютъ, 
jа='кw мт~рь бж~iю бы'вшую. ра'дуйся, jа='же ни^жняя 
сочета'вши съ вы'шними.

%<Р%>а'дуйся, всjь'хъ нб\сныхъ си'лъ безъ разсужде'нiя 
превосходя'щая. ра'дуйся, _о=дiги'трiе, ра'дуйся, вся'кiя 
тва'ри, jа='кw бг~а ро'ждшая госпо'дствующи, _е='й, вл\дчце 
всепjь'тая. ра'дуйся, пребыва'еши дв~а ч\стая и= по 
рж\ствjь`.

%<Р%>а'дуйся, жена'мъ всjь^мъ сла'во, хра'ме 
преwсвяще'нный бг~а на'шегw. ра'дуйся, _о=дiги'трiе. 
ра'дуйся, душеспаси'тельная все'й вселе'ннjьй. ра'дуйся, 
покрыва'ющiй _о='блаче, нб~съ ши'ршая. ра'дуйся, 
мv"рополо'жнице, бж\ственнагw мv'ра полна`.

%<И='нъ. I=рмо'съ то'йже.%>

%<О_у='%>мъ а='гг~льскiй и= человjь'ческiй 
о_у=жаса'ется, бц\де, ка'кw бг~а нб\снаго ложесна'ми 
w=б\ъе'мши воплоти'ла _е=си`; ка'кw мл\днца ро'ждши, jа='кw 
сн~а на руку` но'сиши; _е=го'же о_у=жаса'ется тва'рь, и= 
трепе'щутъ го'рнiи престо'ли, вопiю'ще непреста'ннw: ст~ъ, 
ст~ъ, ст~ъ _е=си`, бж~е, препjь'тый и= превозноси'мый во 
вjь'ки.

%<Р%>а'дуйся, су'щая ра'досте всегw` мi'ра, со 
а=рха'гг~ломъ гаврiи'ломъ вопiе'мъ ти`, бц\де: ра'дуйся, 
вмjьсти'лище невмjьсти'магw. ра'дуйся, бл~года'тная, носи'ло 
бж~ества` всегw`. ра'дуйся, а=да'мово воззва'нiе, съ тобо'ю 
гд\сь, и= теб_е` ра'ди съ на'ми спаса'я на'съ. _е=го'же 
пое'мъ и= превозно'симъ во вjь'ки.

%<К%>о'рень i=ессе'евъ w=свяще'нный, ко'рень грjьха` 
на'шегw и=сто'ргнула _е=си`. же'злъ а=арw'новъ процвjь'тшiй, 
жизнода'теля цвjь'та и=зрасти'вши хр\ста`, ста'мно 
маннопрiе'мная, (с. 394) сме'рти всю` си'лу сокруши'ла 
_е=си`, и= въ поро'ду жи'зни возвела` _е=си` ро'дъ 
человjь'ческiй: тjь'мже тя` пое'мъ до'брыхъ вино'вную.

%<Т%>ы` похвала` хр\стiа'нwмъ _е=си`, вл\дчце, ты` 
_о=ру'жiе на враги`, и= стjьна` къ тебjь` прибjьга'ющымъ. 
тя` и= ны'нjь на по'мощь призыва'емъ, гп\сже`, не да'ждь 
врагw'мъ вознести'ся на лю'ди твоя^, и=`же тебе` не 
хва'лятъ, ни сн~а твоегw`, бц\де, и= твое'й i=кw'нjь не 
кла'няются: си'хъ побjьди`, и= ду'шы на'шя спаси`.

%<Пjь'снь f~. I=рмо'съ:%>

%<В%>ся'къ земноро'дный да взыгра'ется, дх~омъ 
просвjьща'емь, да торжеству'етъ же безпло'тныхъ о_у=мw'въ 
_е=стество`, почита'ющее свяще'нное торжество` бг~ома'тере, 
и= да вопiе'тъ: ра'дуйся, всебл~же'нная бц\де, ч\стая 
приснодв~о.

%<Р%>а'дуйся, свjьще`, свjь'тъ невече'рнiй поне'сшая, и= 
въ рж\ствjь` твое'мъ многобо'жiя тму` разруши'вшая, и= 
а='довы про'пасти и=зба'вльшая лю'ди. ра'дуйся, _о=дiги'трiе 
бц\де, добро'тъ всjь'хъ предхода'таице.

%<Р%>а'дуйся, земле`, и=зъ нея'же кла'съ прозя'бши 
нб\сный вjь^рнымъ, и= мi'ра всегw` душегу'бнагw гла'да 
и=зба'ви, разу'мная и= w=душевле'нная. _w ра'дуйся, 
вiногра'де, и='же гро'здъ живо'тный ро'ждшая, бц\де ч\стая 
_о=дiги'трiе!

%<Р%>а'дуйся, та'йныхъ цвjьтw'въ прекра'сный су'щiй 
раю`. ра'дуйся, мт~и дв~о, неви'димыхъ ра'зумъ чистото'ю 
страннолjь'пнw побjь'ждши, бг~ороди'тельнице. ра'дуйся, 
_о=трокови'це. ра'дуйся, _о=дiги'трiе, всемi'рное чу'до и= 
слы'шанiе.

%<Л%>jь'то живота` на'шегw про'чее сохрани` 
неврежде'нно, поможе'нiемъ твои'мъ, дв~о _о=трокови'це, и= 
сподо'би коне'цъ благi'й получи'ти на'мъ воспjьва'ющымъ тя`, 
и= взыва'ющымъ: ра'дуйся, всебл~же'нная, бц\де ч\стая 
_о=дiги'трiе.

%<И='нъ. I=рмо'съ то'йже.%>

%<Т%>ебе` тве'рдую помо'щницу ро'ду человjь'ческому, 
бц\де (с. 395) марi'е, ли'къ проро'ческiй много_обра'знw 
провозвjьсти`, сjь'нь ст~у'ю, нб~съ простра'ннjьйшую, 
скрижа'ль бг~опи'санную, и= купину` неwпали'мую, две'рь 
бг~опрохо'дную, го'ру же и= лjь'ствицу, и= мо'стъ, и= же'злъ 
процвjь'тшiй: мы' же вои'стинну бц\ду тя` велича'емъ.

%<Т%>а'йна глубины` рж\ства` твоегw` о_у='мъ 
а='гг~льскiй о_у=жаса'етъ, дв~о, и= преч\стая i=кw'на 
де'мwны прого'нитъ, и= ли'ца нечести'выхъ w=мрача'етъ, и= въ 
сту'дъ порjьва'етъ: не терпя'тъ бо взира'ти на си'лу _е=я`, 
бjь'гаютъ же и= и=счеза'ютъ. мы' же любе'знw покланя'емся и= 
лобыза'емъ, и= тя` бц\ду велича'емъ.

%<П%>редста'тельница су'щи неw\тсту'пна къ вы'шнему 
цр~ю`, jа='кw и=му'щи мт~рне дерзнове'нiе непосты'дно, въ 
ми'рjь глубо'цjь правосла'вныхъ житiе` о_у=тверди`, и= 
_о=те'чество на'ше возвы'си, и= вся^ пол_е'зная да'руй 
всегда` рабw'мъ твои^мъ, да тя`, бц\де, велича'емъ.

%<_W%> всеми'лостивая хр\стiа'нwмъ помо'щнице! не 
мо'жетъ тя` воспjь'ти досто'йнw о_у='мъ человjь'ческiй и= 
а='гг~льскiй, jа='кw всея` тва'ри честнjь'йши, нб\сныхъ и= 
земны'хъ сла'внjьйши. всjь'хъ бо родила` _е=си` творца` и= 
бг~а. но, _w вл\дчце! прiими` ми'лостивнw, ю='же тебjь` w\т 
се'рдца возложи'хомъ пjь'снь, спаса'й на'съ всегда`, на тя' 
бо надjь'емся.

%<Свjьти'ленъ:%>

%<Д%>а почти'тся всепjь'тая мт~и бж~iя, жи'знь су'щую 
ро'ждши хр\ста` бг~а на'шего, ра'йскихъ двере'й 
w\тверзе'нiе, и= всегw` мi'ра w=чище'нiе, къ животу` 
возведе'нiе, се'й _е='сть пр\оро'кwмъ глаго'лавый, тому` 
поклони'мся, бг~у и= сп~су ду'шъ на'шихъ.

%<Два'жды.%>

%<Сла'ва, и= ны'нjь:%>

%<П%>рiиди'те, вjь'рнiи съ чистото'ю, возвели'чимъ 
преч\стыя мт~ре бг~а на'шегw чу'дную i=кw'ну, и= 
бж\ственнагw мл\днца (с. 396) сп~са хр\ста`: _е=го'же jа='кw 
ро'ждшая на руку` носи'вши, и= мт~рне дерзнове'нiе къ нему` 
и=му'щи, непреста'ннw мо'литъ за ны`, и= подае'тъ рабw'мъ 
свои^мъ бога^тыя ми'лwсти.

%<На хвали'техъ стiхи^ры на д~, гла'съ д~.%>

%<П%>росла'вимъ, вjь'рнiи, w=бра'дованную бц\ду, па'че 
же во о_у=стjь'хъ на'шихъ и='мамы всегда` ст~о'е и= 
бл~гослове'нное и='мя _е=я`, непреста'ннw прибjьга'юще къ 
преч\стjьй _е=я` и= цjьльбоно'снjьй i=кw'нjь. того' бо 
w=брjьта'емъ jа=`же на земли` вся^ блага^я и= пол_е'зная, и= 
су'щихъ на возду'сjь w\т де'мwнwвъ запина'нiй и=збавля'емся, 
jа='кw мт~и ро'ждшая всjь'хъ творца`, спаса'етъ w\т бjь'дъ 
ду'шы на'шя.

%<Два'жды.%>

%<Д%>а рыда'етъ вjь'чнw со'нмъ sлочести'выхъ, не 
и=сповjь'дающихъ тя` въ рж\ствjь` ч\стую бг~ороди'тельницу, 
и= не покланя'ющихся преч\стjьй твое'й i=кw'нjь: вjь'рнiи же 
лю'дiе ра'дующеся, и=сповjь'даемъ тя` и='стинную дв~у бц\ду, 
jа='кw вои'стинну родила` _е=си` пло'тiю хр\ста` бг~а 
на'шего. тлjь'нiе а=да'мово попра'ла _е=си`, и= w\т грjьха` 
ве'сь мi'ръ w=чи'стила _е=си`, жи'знь безконе'чную дарова'ла 
_е=си`, ра'йскiй вхо'дъ вjь^рнымъ w\тве'рзла _е=си` 
бж\ственнымъ твои'мъ рж\ство'мъ. _е=го'же моли`, спасти'ся 
на'мъ пою'щымъ вjь'рнw твое` та'инство.

%<Р%>а'дуется о_у='бw и= весели'тся неизрече'нною 
ра'достiю все` мно'жество благочести'выхъ: припа'дающе же 
покланя'ются, вси` благоговjь'ютъ бж~iи мт~ри съ боя'знiю, 
благодаря'ще сiю` по бз~jь jа='кw бг~а, толи'кихъ 
превели'кихъ бла^гъ хода'таицу, въ ня'же жела'ютъ а='гг~ли 
прини'кнути, дарова` бц\дею вjь^рнымъ хр\сто'съ бг~ъ на'шъ, 
и=мjь'яй премно'жество щедро'тъ, и= вели'кую пребога'тую 
ми'лость.

%<Сла'ва, и= ны'нjь, гла'съ и~:%>

%<С%>т~а'я твоя` и= со_обра'зная i=кw'на, бц\де дв~о, 
бл~года'тiю твое'ю пребога'тый су'щiй и=сто'чникъ, кипя'щiй 
все'й подсо'лнечнjьй, и= свjьтя'щiй всему` мi'ру 
свjьтолу'чными (с. 397) ст~а'гw дх~а сiя'ньми, и= 
и=сцjьле'нiй свjьтлостьми`. ты' бо бг~а сло'ва пло'тiю 
несказа'ннw родила` _е=си`, w\т а=рха'гг~ла гаврiи'ла 
сицева^я слы'шавши: ра'дуйся w=бра'дованная, гд\сь съ 
тобо'ю, и= дх~ъ ст~ы'й w=сjьни'тъ тя` къ зача'тiю. та'кожде 
рекла` _е=си` къ первопи'санной твое'й i=кw'нjь, на ту` 
зря'щи: съ то'ю моя` бл~года'ть, и= сло'во твое` со вла'стiю 
i=кw'нjь бы'сть. и= _о='бразъ и= гла'съ, и= си'ла и= дjь'ло, 
и= вся'къ о_у='мъ превосходя'щая бж\ственная бл~года'ть, 
спребыва'ющи вjь'чнw, зна'м_енiя и= чудеса` непреста'ннw 
содjьва'етъ, и= душеполе'зное и=сцjьле'нiе всjь^мъ вjь'рнw 
приходя'щымъ подае'тъ, твои'ми бг~ома'терними непреста'нными 
къ бг~у моли'твами.

%<Славосло'вiи вели'кое. И= w\тпу'стъ. На лiтургi'и, 
слу'жба бц\ды.%>