Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::слав>

(с. 524)

%<Мjь'сяца тогw'же въ к~f-й де'нь.%>

%<Ст~ы'я прп\дбному'ченицы а=настасi'и ри'мляныни:%>

%<И= прп\дбнагw _о=тца` на'шегw а=вра'мiа затво'рника:%>

%<И= прп\дбнагw _о=тца` на'шегw а=вра'мiа 
а=рхiмандрi'та, росто'вскагw чудотво'рца.%>

%<С%>лу'жба _е=гw` пи'сана по се'й слу'жбjь.

%<На Г%>д\си, воззва'хъ, %<стiхи^ры мч~ницы, гла'съ 
и~.%>

%<Подо'бенъ: Ч%>то` ва'съ нарече'мъ:

%<М%>ч~нице страстоте'рпице всехва'льная, * 
воздержа'нiемъ стра^сти низложи'вши плотскi^я, * 
страда'нiемъ sмi'я о_у=мертви'ла _е=си` врага`, * а='гг~лы 
о_у=диви'вши болjь'зньми твои'ми, * человjь'ки w=бвесели'вши 
страда^нiи твои'ми, * мона'шествующихъ о_у=добре'нiе, * 
дjь'вства сосу'дъ. * моли` спасти` * и= просвjьти'ти ду'шы 
на'шя.

%<Ч%>то' тя воз\ъимену'емъ, сла'вная; * дjь'вства 
добро'тами невjь'сту просiя'вшу хр\сто'ву, * дще'рь 
и=збра'нну вы'шнягw i=ер\сли'ма, * сожи'тельницу а='гг~лwвъ 
и= собесjь'дницу, * черто'га мы'сленнагw наслажда'ющуся, * 
а=настасi'е многострада'льная, * мона'шествующихъ 
о_у=добре'нiе. * моли` спасти` * и= просвjьти'ти ду'шы 
на'шя.

%<Т%>ерпjь'ла _е=си` зубw'въ и=скорене'нiе, * ру'къ 
w\тсjьче'нiе, и= но'гъ и= сосц_е'въ, * ссjька'ема на о_у='ды 
w\т беззако'нныхъ мучи'телей, * къ добро'тjь жениха` 
взира'ющи, * и= болjь^зни па'че _е=стества` терпя'щи: * 
а=настасi'е многострада'льная, * невjь'сто хр\сто'ва 
нетлjь'нная, * моли` спасти` * и= просвjьти'ти ду'шы на'шя. 
(с. 525)

%<И='ны стiхи^ры прп\дбнагw, гла'съ то'йже. По\д: _W%> 
пресла'внагw чудесе`!

%<_О='%>ч~е бг~ому'дре а=вра'мiе, * а=враа'му подо'бникъ 
бы'въ ду'хомъ, * пресе'льникъ бы'лъ _е=си` * земли` 
_о=те'ческiя, бл~же'нне. * пло'ти пожела^нiя w\тве'ргъ * и= 
въ хи'жинjь ма'лjьй * заключи'въ ра'дуяся тjь'ло твое`, * 
ду'шу же впери'лъ _е=си`. къ нб~си`, * и=дjь'же житiе` 
jа='вjь стяжа'лъ _е=си`.

%<П%>рп\дбне _о='ч~е а=вра'мiе, * а=враа'мскую ду'шу 
тезоиме'ннw стяжа'въ, * напа^сти претерпjь'лъ _е=си` * 
вjь'рою бж\ственною о_у=крjьпля'емь * и= любо'вiю бг~у 
соединя'емь, * w=бjьтова'нiя зе'млю наслjь'довалъ _е=си`, * 
о_у=краша'емь добродjь'телей свjьтлостьми`. * тjь'мже 
веселя'щеся, * твою` па'мять торжеству'емъ.

%<П%>рп\дбне _о='ч~е а=вра'мiе, * пре'лестьми лю'тjь * 
поглоще'нную sмi'емъ * и= попо'лзшуюся поги'бели въ ро'въ, * 
про'мысломъ бж\ственнымъ возвле'клъ _е=си` * и= спаса'ему 
бг~у предста'вилъ _е=си`. * _е=я'же покая'нiю * вси` 
о_у=диви'шася, * бл~гоче'стнw гд\са сла'вящiи пребл~га'го.

%<Сла'ва, и= ны'нjь, бг~оро'диченъ:%>

%<Р%>а'дуйся, свjь'та бж~е'ственнагw носи'ло, * 
пресвjь'тлый свjь'щниче, * прест~а'я бг~оневjь'сто: * 
свjь'тъ на'мъ возсiя'ла _е=си` w\т преч\стwю боку` тво_е'ю, 
* просвjьща'я мi'ра концы` * и= w=свяща'я свое'ю бл~гостiю. 
* ра'дуйся, нача'ло на'шегw спасе'нiя, ч\стая. * ра'дуйся, 
стра'шное слы'шанiе и= глаго'ланiе * надjь'ющихся на тя`.

%<Кр\стобг~оро'диченъ:%>

%<Ч%>то` зри'мое видjь'нiе, * _е='же мои'ма _о=чи'ма 
ви'дится, _w вл\дко! * содержа'й всю` тва'рь, * на дре'во 
воздви'женъ бы'въ, * и= о_у=мира'еши, всjь^мъ дая'й жи'знь; 
* бц\да пла'чущи глаго'лаше, * _е=гда` о_у=зрjь` на кр\стjь` 
возноси'ма, * и=зъ нея` неизрече'ннw возсiя'вшаго * бг~а и= 
чл~вjь'ка.

%<Тропа'рь ст~ы'я, гла'съ д~:%>

%<А='%>гница твоя`, i=и~се, а=настасi'а, зове'тъ 
ве'лiимъ гла'сомъ: (с. 526) тебе`, женише` мо'й, люблю`, и= 
тебе` и='щущи страда'льчествую, и= сраспина'юся, и= 
спогреба'юся креще'нiю твоему`, и= стражду` теб_е` ра'ди, 
jа='кw да цр\ствую въ тебjь`, и= о_у=мира'ю за тя`, да и= 
живу` съ тобо'ю: но, jа='кw же'ртву непоро'чную, прiими' мя 
съ любо'вiю поже'ршуюся тебjь`. тоя` моли'твами, jа='кw 
ми'лостивъ, спаси` ду'шы на'шя.

%<Сла'ва, прп\дбнагw, гла'съ и~:%>

%<В%>ъ тебjь`, _о='ч~е, и=звjь'стнw спасе'ся _е='же по 
_о='бразу: прiи'мъ бо кр\стъ, послjь'довалъ _е=си` хр\сту`, 
и= дjь'я о_у=чи'лъ _е=си` презира'ти о_у='бw пло'ть, 
прехо'дитъ бо, прилjьжа'ти же w= души`, ве'щи безсме'ртнjьй. 
тjь'мже и= со а='гг~лы сра'дуется, прп\дбне а=вра'мiе, дх~ъ 
тво'й.



%<На о_у='трени, канw'нъ прп\дбныя, _е=гw'же 
краегране'сiе:%>

%<М%>у'ж_ескiя твоя^, му'ченице, восхвалю` болjь^зни.

%<Творе'нiе i=w'сифово.%>

%<Гла'съ и~. Пjь'снь а~. I=рмо'съ:%>

%<П%>ои'мъ гд\севи, прове'дшему лю'ди своя^ сквозjь` 
чермно'е мо'ре, jа='кw _е=ди'нъ сла'внw просла'вися.

%<С%>iю` свjьтоно'сную па'мять твою` почита'ющему, 
бг~ому'драя, просвjьще'нiе ми` пода'ждь, души` моея` тму` 
w\тгоня'щи.

%<В%>сю` w\т пеле'нъ тебе` саму'ю возложи'ла _е=си` 
зижди'телю твоему`, и= _о=гне'мъ воздержа'нiя тjьл_е'сныя 
стра^сти попали'ла _е=си`.

%<К%>ъ высотjь` муче'нiя, мч~нице, возшла` _е=си`, 
непощадjь'вши пло'ти, и= черто'гwвъ мы'сленныхъ, jа='кw 
дjь'ва, сподо'билася _е=си`.

%<Бг~оро'диченъ:%>

%<Т%>я`, нб~омjь'рную лjь'ствицу, на не'йже бг~ъ 
о_у=тверди'ся, человjь'ки нб\сны содjь'лавъ, _о=трокови'це, 
почита'емъ. (с. 527)

%<И='нъ канw'нъ прп\дбнагw.%>

%<_Е=гw'же краегране'сiе: Т%>вое` честву'ю всесвjь'тлое 
житiе`, бл~же'нне.

%<I=w'сифъ.%>

%<Гла'съ то'йже. Пjь'снь а~. I=рмо'съ:%>

%<В%>о'ду проше'дъ jа='кw су'шу, и= _е=гv'петскагw sла` 
и=збjьжа'въ, i=и~льтянинъ вопiя'ше: и=зба'вителю и= бг~у 
на'шему пои'мъ.

%<Б%>ж\ственными сiя'я блиста^нiи, свjьтоно'сный тво'й 
соверша'ющыя пра'здникъ, страсте'й w=мраче'нiя, 
всебл~же'нне, моли'твами твои'ми, а=вра'мiе, и=зба'ви.

%<Б%>ж\ственное разжже` твою` ду'шу, бл~же'нне, 
жела'нiе, о_у=гаси` плотска^я разжж_е'нiя, _о='ч~е, и= 
невеще'ственнw на земли' тя жи'ти сотвори`.

%<О_у=%>мертви'въ о_у='ды, jа=`же на земли`, поще'нiемъ 
и= вся'кими sлострада^нiи, _о='ч~е му'дре, жи'зни 
сподо'бился _е=си` лу'чшiя на нб~сjь'хъ, бг~оно'се 
а=вра'мiе.

%<Бг~оро'диченъ:%>

%<W\т%> крове'й твои'хъ свяще'нныхъ, бг~а _о=ц~а` сло'во 
воплоти'ся преесте'ственнw, дв~о марi'е: _е=го'же моли`, 
плотска^я моя^ о_у=мертви'ти взыгра^нiя.

%<Пjь'снь г~. I=рмо'съ:%>

%<Т%>ы` _е=си` о_у=твержде'нiе притека'ющихъ къ тебjь`, 
гд\си, ты` _е=си` свjь'тъ w=мраче'нныхъ, и= пое'тъ тя` ду'хъ 
мо'й.

%<С%>тоя'ла _е=си` предъ суди'щемъ мучи'теля, хр\ста`, 
сла'вная, творца` всjь'хъ и= вл\дку, бг~а сло'ва 
проповjь'дающи.

%<Д%>обро'та серде'чная ви'димымъ зра'комъ, сла'вная, 
и=зда'вшися, тя` краснjь'йшую зря'щымъ jа=ви'ла _е='сть.

%<Б%>ога'тство неистощи'мо и=сцjьле'нiй тебjь` подаде`, 
_о=трокови'це, хр\сто'съ, _е=гw'же нищету` во'льнw 
возлюби'ла _е=си`.

%<Бг~оро'диченъ:%>

%<В%>е'щь грjьхw'въ мои'хъ твои'хъ моли'твъ _о=гне'мъ 
попали`, мт~и свjь'та, ро'су ми` бж\ственную w=ставле'нiя 
нося'щи. (с. 528)

%<И='нъ. I=рмо'съ:%>

%<Н%>б\снагw кру'га верхотво'рче, гд\си, и= цр~кве 
зижди'телю, ты` мене` о_у=тверди` въ любви` твое'й, жела'нiй 
кра'ю, вjь'рныхъ о_у=твержде'нiе, _е=ди'не чл~вjьколю'бче.

%<В%>се_обра'знw возжелjь'въ жела'нiй коне'чное, мi'ра 
и= пло'ти, бг~оно'се, внjь` бы'лъ _е=си`. тjь'мъ воспрiя'лъ 
_е=си` премi'рную сла'ву и= вjь'чнующее, _о='ч~е, 
наслажде'нiе.

%<Х%>ра'мъ жи'въ jа=ви'лся _е=си` вседjь'тельнагw дх~а, 
_о='ч~е, въ хи'жинjь тjь'ло заключи'въ, прп\дбне. тjь'мже 
w=блиста'лъ _е=си` добродjь'телей луча'ми, свяще'ннw 
w=божа'емь, бл~же'нне а=вра'мiе.

%<Д%>jь'ланiемъ болjь'зней, добродjь'телей зрjь'лъ, 
прп\дбне, и=зрасти'лъ _е=си` кла'съ стори'чествующь, и='мже 
пита'ются че'стнw честно'е твое` о_у=спе'нiе торжеству'ющiи.

%<Бг~оро'диченъ:%>

%<В%>ъ тебjь`, всест~а'я, всегw` вино'вный, за 
премно'гое милосе'рдiе, хотя` всели'ся и= w=святи` 
человjь'ческое существо`, преступле'нiемъ пе'рвjье 
попо'лзшееся.

%<По г~-й пjь'сни конда'къ а=настасi'и, гла'съ г~. По\д: 
Д%>в~а дне'сь:

%<Д%>jь'вства вода'ми w=чище'нна, прп\дбная, мч~ничества 
кровьми`, а=настасi'е, вjьнча'вшися, подае'ши су'щымъ въ 
ну'ждахъ неду'гwвъ и=сцjьле'нiе и= спасе'нiе, приступа'ющымъ 
w\т се'рдца: крjь'пость бо тебjь` подае'тъ хр\сто'съ, 
и=сточа'я бл~года'ть приснотеку'щую.

%<Сjьда'ленъ, гла'съ и~. Подо'бенъ: П%>рему'дрости:

%<В%>оздержа'нiя росо'ю страсте'й погаси'ла _е=си` 
пла'мень ю='ношески, _о=гне'мъ же крове'й твои'хъ всю` 
пре'лесть попали'ла _е=си`: и= жениху` сло'ву, jа='кw да'ръ, 
принесла` _е=си` честно'е дjь'вство и= до'блественное 
страда'нiе. тjь'мже въ черто'гъ введе' тя сла'вы, свjь'тлjь 
до'бльствовавшую, и= sмi'я попра'вшую, а=настасi'е 
многострада'льная: моли` хр\ста` (с. 529) бг~а, грjьхw'въ 
w=ставле'нiе пода'ти чту'щымъ любо'вiю святу'ю па'мять 
твою`.

%<Сла'ва, прп\дбнагw, гла'съ а~. Подо'бенъ: Г%>ро'бъ 
тво'й:

%<И='%>же дре'внему а=враа'му подо'бяся, _о='ч~е, 
о_у=дали'лся _е=си` сро'дникwвъ по пло'ти, повину'яся, 
а=вра'мiе, глаго'лу бг~а на'шегw. тjь'мже, пости'вся, и= 
ду'шу свjьтлjь'йшу показа'лъ _е=си` со'лнечныхъ лу^чь, 
бг~ому'дре всебл~же'нне.

%<И= ны'нjь, бг~оро'диченъ:%>

%<Н%>аста'ви ны` на пу'ть покая'нiя, о_у=кло'ншыяся 
при'снw къ безпу'тiемъ sw'лъ, и= пребл~га'го прогнjь'вавшыя 
гд\са, неискусобра'чная, бл~гослове'нная марi'е, прибjь'жище 
w\тча'янныхъ человjь'кwвъ, бж~iе _о=бита'лище.

%<Кр\стобг~оро'диченъ:%>

%<Н%>ескве'рная а='гница а='гнца и= па'стыря повjь'шена 
на дре'вjь ме'ртва зря'щи, пла'чущи вjьща'ше, мт~рски 
восклица'ющи: ка'кw претерплю` твое`, _е='же па'че сло'ва, 
сн~е мо'й, сни'тiе, и= вw'льныя стр\сти, бж~е пребл~гi'й;

%<Пjь'снь д~. I=рмо'съ:%>

%<О_у=%>слы'шахъ, гд\си, смотре'нiя твоегw` та'инство, 
разумjь'хъ дjьла` твоя^, и= просла'вихъ твое` бж~ество`.

%<Т%>я`, и='го легча'йшее хр\сто'во, мч~нице, поне'сшую 
w\т ю='ности, желjь'зное о_у='же носи'ти пребеззако'ннующiи 
w=суди'ша.

%<К%>а^пли крове'й твои'хъ, многобо'жiя о_у=гаси'ша 
о_у='глiе: лучи' же чуде'съ твои'хъ страсте'й ве'щь 
попали'ша.

%<Н%>е w=бнажи` благода'ти, тjь'ло твое` w=бнажи'въ 
лука'внjьйшiй: и=стка'ну же па'че свы'ше нераздра'ну ри'зу 
и=схода'таи тебjь`.

%<Бг~оро'диченъ:%>

%<П%>о рж\ствjь` пребыла` _е=си` нетлjь'нна дв~а, 
jа='коже пре'жде рж\ства`, ю='на бо мл\днца родила` _е=си`, 
пре'жде вjь^къ познава'ема.

%<И='нъ. I=рмо'съ то'йже:%>

%<С%>труя'ми, _о='ч~е, сле'зъ твои'хъ душ_е'вныя 
скв_е'рны (с. 530) w=мы'въ, бж\ственное бы'лъ _е=си` дх~а и= 
честно'е, всебл~же'нне, жили'ще.

%<Б%>дjь'нiе всено'щно, моли'тву непреста'нну, 
безпристра'стiе и= любо'вь нелицемjь'рну, и= соверше'нну 
вjь'ру о_у=держа'лъ _е=си`.

%<И=%>сцjьля'ти стра^сти и= w\тгони'ти, прп\дбне, ду'хи, 
бл~года'ть прiя'лъ _е=си`, а=вра'мiе, jа='кw бж~iй 
о_у=го'дникъ и='стиннjьйшiй.

%<Бг~оро'диченъ:%>

%<О_у=%>ны'нiемъ w=держи'ма и= грjьхо'мъ ны'нjь 
погруже'на, мольбо'ю твое'ю и=зба'ви мя`, бц\де мт~и 
приснодв~о.

%<Пjь'снь _е~. I=рмо'съ:%> 

%<О_у='%>тренююще, вопiе'мъ ти`: гд\си, спаси' ны: ты` 
ко _е=си` бг~ъ на'шъ, ра'звjь теб_е` и=но'гw не вjь'мы.

%<Н%>е и=знуре'на _о=гне'мъ веще'ственнымъ jа=ви'лася 
_е=си`, мч~нице а=настасi'е: _о='гнь бо тя` серде'чный 
бж\ственныя любве` w=роша'ше.

%<О_у=%>даре'ньми лица`, мч~нице а=настасi'е, 
о_у=краси'вшися, врагw'въ w\трази'ла _е=си` ме'рзское 
неразу'мiе.

%<П%>ротяже'на на дре'вjь, бг~ому'драя а=настасi'е, 
любо'вiю жениха` твоегw`, бж\ственную стр\сть w=бразова'ла 
_е=си`.

%<Бг~оро'диченъ:%>

%<П%>ое'мъ тя`, всепjь'тая вл\дчце, бц\де: бг~а бо 
препjь'таго пло'тiю родила` _е=си`, преч\стая.

%<И='нъ. I=рмо'съ:%>

%<В%>ску'ю мя` w\три'нулъ _е=си` w\т лица` твоегw`, 
свjь'те незаходи'мый, и= покры'ла мя` _е='сть чужда'я тма` 
_о=кая'ннаго. но w=брати' мя, и= къ свjь'ту за'повjьдей 
твои'хъ пути^ моя^ напра'ви, молю'ся.

%<Jа='%>кw плодови'тая розга`, гро'зды и=зрасти'лъ 
_е=си`, _о='ч~е а=вра'мiе, добродjь'телей бж\ственныхъ, 
о_у=миле'нiя вiно` точа'щыя, и= страсте'й пiя'нство w\т 
ду'шъ w\тгоня'щыя, и= сердца` вjь'рныхъ веселя'щыя. (с. 531)

%<Н%>апа^сти тебjь` разли^чны sмi'й вселука'вый, 
_о='ч~е, воздви'же, но того` _о=ру'жiемъ креста`, бг~оно'се, 
о_у=мертви'лъ _е=си`: и= побjь'ды вjьне'цъ w\т бг~а 
пра'веднымъ судо'мъ прiя'лъ _е=си`, бг~ому'дре а=вра'мiе.

%<С%>т~ы'ни до'мъ, _о='ч~е, бж\ственнагw дх~а вjь'рою 
бы'въ, созда'лъ _е=си` до'мъ свяще'нный, и= несвяще'нный 
собо'ръ несвяще'нныя ле'сти преложи'въ наказа'ньми, всjь'хъ 
бг~у w=святи'лъ _е=си`.

%<Бг~оро'диченъ:%>

%<М%>т~рь, дв~у _о=трокови'цу, бж\ственнымъ 
просвjьща'еми дх~омъ, преч\стая, свяще'ннiи пр\оро'цы 
свяще'нными тя` гла'сы провозвjьсти'ша, и=зъ нея'же бг~ъ 
сло'во, па'че вины' же и= сло'ва, воплоти'ся за милосе'рдiе 
безчи'сленное.

%<Пjь'снь s~. I=рмо'съ:%>

%<Р%>и'зу мнjь` пода'ждь свjь'тлу, w=дjья'йся свjь'томъ, 
jа='кw ри'зою, многоми'лостиве хр\сте`, бж~е на'шъ.

%<С%>окруша'емо тjь'ло ра'нами jа=вля'ше пра'вость 
твоея` со'вjьсти, страстоте'рпице, ко хр\сту` бг~у на'шему.

%<В%>и'сящи высокw`, ра^ны, мч~нице, терпя'щи, и= не 
о_у=я'звлено храня'щи души` благоро'дiе, достохва'льная.

%<П%>ретерпjь'ла _е=си` зубw'въ и= ру'къ и= но'гъ 
w\тя'тiе, мч~нице многострада'льная, взира'ющи ко хр\сту` 
жениху` твоему`.

%<Бг~оро'диченъ:%>

%<Ч%>л~вjьколю'бца ро'ждши бг~а, бл~голюби'вая вл\дчце: 
того` моли`, гее'нны _о=гня` и=зба'витися на'мъ.

%<И='нъ. I=рмо'съ:%>

%<М%>оли'тву пролiю` ко гд\су, и= тому` возвjьщу` 
печа^ли моя^, jа='кw sw'лъ душа` моя` и=спо'лнися, и= 
живо'тъ мо'й а='ду прибли'жися, и= молю'ся, jа='кw i=w'на: 
w\т тли`, бж~е, возведи' мя.

%<С%>вjьти'льника тя` су'щiи во тмjь` пре'лести, 
неле'стнw наставля'юща, w=брjь'тше къ пут_е'мъ жи'зни, 
бг~оно'се, невjь'дjьнiя тму` w\тложи'ша, и= jа=ви'шася 
свjьтови'дни вjь'рою бж\ственною, а=вра'мiе. (с. 532)

%<Б%>о'дреннw, о_у=моли'въ бг~а, посыла'еши 
просвjьще'нiе спасе'нiя су'щымъ въ нощи` i=дwлонеи'стовства 
w=держи^мымъ, бг~ому'дре а=вра'мiе: и= показа'лъ _е=си` вся^ 
сы'ны свjь'та и= дне` бл~года'тiю.

%<Б%>езмо'лвнw твою` жи'знь соверши'въ, jа=`же въ житiи` 
треволн_е'нiя, всебл~же'нне, бж~iими наде'ждами преше'лъ 
_е=си`, и= къ ти^химъ приста'нищ_емъ дости'глъ _е=си`, 
а=вра'мiе, нб\снагw цр\ства и= бж\ственныя свjь'тлости.

%<Бг~оро'диченъ:%>

%<W=%>тягче'на мя` дрема'нiемъ о_у=ны'нiя, возста'ви 
твои'мъ хода'тайствомъ, мт~и бж~iя, и= не да'ждь о_у=сну'ти 
въ сме'рть грjьха`, дв~о, предста'тельницу бо и= путевожда` 
моея` жи'зни напису'ю тя`.

%<Конда'къ а=вра'мiа, гла'съ г~. Подо'бенъ: Д%>в~а 
дне'сь:

%<В%>о пло'ти, jа='кw а='гг~лъ, на земли` jа=ви'лся 
_е=си`, и= поще'нiемъ бы'лъ _е=си` jа='кw дре'во 
насажде'нное, водо'ю воздержа'нiя до'брjь возврати'вся, и= 
тече'ньми твои'хъ сле'зъ скве'рну w=мы'въ: сегw` ра'ди 
jа=ви'лся _е=си` прiя'телище бж\ственное, а=вра'мiе, дх~а.

%<I='косъ:%>

%<Т%>лjь^нная презрjь'въ, нетлjь^нныя воспрiя'лъ _е=си` 
красwты`: сла^сти плотскi^я возненави'дjьлъ _е=си`, му'дре, 
и=змла'да возлюби'въ чистоту`. тjь'мъ, черто'га мiрска'гw 
w\тбjьжа'въ, сопру'жницы же благосла'вныя и= роди'телей 
о_у=клони'вся, _е=ди'наго бг~а jа='снw рачи'теля возжела'въ 
и= возлюби'въ w\т всея`, _о='ч~е, души` и= се'рдца 
и='стиннw: сегw` ра'ди показа'лся _е=си` дjь'вства и= 
чистоты` прiя'телище бж\ственное, а=вра'мiе, дх~а.

%<Пjь'снь з~. I=рмо'съ:%>

%<_О='%>троцы _е=вре'йстiи въ пещи` попра'ша пла'мень 
дерзнове'ннw, и= на ро'су _о='гнь преложи'ша, вопiю'ще: 
бл~гослове'нъ _е=си`, гд\си бж~е, во вjь'ки.

%<Ш%>у'мъ гла'са пра'зднующихъ и=дjь'же _е='сть 
лику'еши, (с. 533) страстоте'рпице съ дjь'вами бг~у 
зижди'телю пjьснопою'щи: бл~гослове'нъ _е=си`, гд\си бж~е, 
во вjь'ки.

%<О_у='%>ды сокруша'емы зря'щи и= ногте'й и=стерза'нiе 
терпя'щи, принесла'ся _е=си` бг~у же'ртва, пjьснопою'щи: 
бл~гослове'нъ _е=си`, гд\си бж~е, во вjь'ки.

%<Jа=%>ви'лася _е=си`, jа='кw лоза`, бг~ому'драя, ру'цjь 
и= но'зjь, jа='кw вjь^тви, рjь'жемы, и= на'мъ мы'сленно 
вiно` и=сточа'ющее, сердца` о_у=тjьша'ющее, и= страсте'й 
w\трjьва'ющее пiя'нство.

%<Бг~оро'диченъ:%>

%<В%>о всего` человjь'ка w=бле'кся нескве'рный кромjь` 
грjьха`, и=зъ о_у=тро'бы твоея`, ч\стая, про'йде 
плотоно'сецъ: _е=го'же о_у=моли`, вjь'рою тя` честву'ющыя 
спасти`.

%<И='нъ. I=рмо'съ то'йже.%>

%<Д%>а вы'шнее цр\ство получи'ши и= сла'ву 
неизрече'нную, сла'ву же попира'емую, му'дре, и= тлjь'нную, 
jа='кw смы'сленъ и= разу'менъ преwби'дjьлъ _е=си` му'дреннw.

%<_Е=%>гда` во'лкъ лука'вый а='гницу твою` расто'ргне 
льсти'внjь, тогда` сегw`, му'дре, ч_е'люсти сокруши'лъ 
_е=си`: сiю' же, jа='кw па'стырь и=зря'днjьйшiй, къ жи'зни 
приве'лъ _е=си`.

%<З%>ако'нwмъ повину'яся вл\дчнимъ, заблу'ждшее 
взыска'лъ _е=си` и= w=брjь'лъ _е=си`, и= на ра'мена твоя^ 
взе'мъ, всебл~же'нне, jа='кw па'стырь, вве'лъ _е=си` во 
w=гра'ду покая'нiя.

%<Бг~оро'диченъ:%>

%<_Е=%>ди'на _е=ди'нагw w\т тр\оцы родила` _е=си` во 
дву` существу^, v=поста'си же _е=ди'нjьй ви'димаго, дв~о. 
_е=му'же пjьснопое'мъ: бл~гослове'нъ _е=си`, гд\си бж~е, во 
вjь'ки.

%<Пjь'снь и~. I=рмо'съ:%>

%<С%>едмери'цею пе'щь халде'йскiй мучи'тель 
бг~очести^вымъ неи'стовнw разжже`, си'лою же лу'чшею 
спас_е'ны сiя^ ви'дjьвъ, творцу` и= и=зба'вителю вопiя'ше: 
_о='троцы, бл~гослови'те, свяще'нницы, воспо'йте, лю'дiе, 
превозноси'те во вся^ вjь'ки. (с. 534)

%<Ю='%>ношски до'бльствовавши, страстоно'сице 
всехва'льная, и= на пре'лесть воздви'гла _е=си` побjь^ды: 
ру'къ бо лише'нiя и= но'гъ терпjь'ла _е=си`, сосц_е'въ же и= 
зубw'въ твои'хъ и=скорене'нiе, мч~нице, претерпjь'ла _е=си`, 
въ ра'дости пjьснопою'щи: лю'дiе, превозноси'те хр\ста` во 
вjь'ки.

%<В%>сесвjьтла`, jа='кw со'лнце, дjь'вства 
свjь'тлостьми, и= муче'нiя добро'тами w=блиста'ла _е=си`, и= 
мi'ръ просвjьти'ла _е=си` свjьтолу'чными сiя^нiи твоегw` 
терпjь'нiя, страстоте'рпице, вопiю'щи: _о='троцы, 
благослови'те, свяще'нницы, воспо'йте, лю'дiе, превозноси'те 
хр\ста` во вjь'ки.

%<W=%>скверне'нную страстьми` ду'шу мою`, бг~оневjь'сто, 
и= w=черне'нную прилw'ги sмi'я, твои'ми мольба'ми w\т 
лю'тыхъ w=чи'сти, и= свjь'тлымъ w=сjьне'нiемъ твои'мъ, 
му'ченице а=настасi'е, w=зари` вопи'ти: свяще'нницы по'йте, 
лю'дiе превозноси'те хр\ста` во вjь'ки.

%<Бг~оро'диченъ:%>

%<Т%>я` чи'стую и= непоро'чную дjь'ва жела'ющи, 
непоро'чно и= тjь'ло и= ду'шу соблюде`, страсте'й 
подпал_е'нiя терпjь'нiемъ и=спепели'вши, и=скуше'нiе же 
мно'гихъ претерпjь'вши му'къ, и= ны'нjь въ нб\сныхъ 
черто'зjьхъ лику'етъ съ тобо'ю, веселя'щися во вся^ вjь'ки.

%<И='нъ. I=рмо'съ:%>

%<П%>обjьди'тели мучи'теля и= пла'мене, благода'тiю 
твое'ю бы'вше, за'повjьдемъ твои^мъ sjьлw` прилjьжа'ще, 
_о='троцы вопiя'ху: благослови'те, вся^ дjьла` гд\сня, 
гд\са.

%<В%>ъ поги'бели ро'въ чи'стую све'рже голуби'цу твою` 
sлодjь'йственный sмi'й, но сiю` и=зве'лъ _е=си`, _о='ч~е, 
всему'дреннw, благослови'те, поя`, дjьла` гд\са, и= 
превозноси'те _е=го` во вjь'ки.

%<И=%> въ житiи` w=бходя`, _о='ч~е а=вра'мiе, и= по 
кончи'нjь вра'чь боля'щихъ jа=ви'лся _е=си`, дх~а 
бл~года'тiю бж\ственною, благослови'те, поя`, дjьла` гд\са, 
и= превозноси'те _е=го` во вjь'ки. (с. 535)

%<Н%>еsло'бiемъ, бл~же'нне, пра'вдою же и= 
цjьлому'дрiемъ и= вjь'рою просiя'въ, а='гг~лwмъ, прп\дбне, 
счи'слился _е=си`, благослови'те, поя`, дjьла` гд\са, и= 
превозноси'те _е=го` во вjь'ки.

%<Бг~оро'диченъ:%>

%<С%>труи` живы'я jа=ви'лася _е=си` всест~о'е селе'нiе, 
w\т нея'же пiю'ще, о_у=мертви'вшiися, жи'знь наслjь'дуемъ, 
вопiю'ще: благослови'те дjьла` вся^ гд\са, и= превозноси'те 
_е=го` во вjь'ки.

%<Пjь'снь f~. I=рмо'съ:%>

%<О_у=%>жасе'ся w= се'мъ нб~о, и= земли` о_у=диви'шася 
концы`, jа='кw бг~ъ jа=ви'ся человjь'кwмъ пло'тски, и= 
чре'во твое` бы'сть простра'ннjьйшее небе'съ. тjь'мъ тя` 
бц\ду, а='гг~лwвъ и= человjь^къ чинонача^лiя велича'ютъ.

%<Н%>а дре'вjь повjь'шена была` _е=си`, сло'ва бж~iя 
w=бразу'ющи стр\сть бл~же'нную, и= w\тсjьче'нiе терпjь'ла 
_е=си` ру'къ твои'хъ и= но'гъ, зубw'въ и=скорене'нiе, 
я=зы'ка же w\трjь'занiе и= сосц_е'въ, чи'стая а=настасi'е, 
мона'шествующихъ сла'во и= мч~никwвъ о_у=краше'нiе.

%<Jа='%>кw невjь'ста о_у=краси'лася _е=си` добро'тою, 
w=бручи'вшися жениху` страда'ньми добротво'рными, вну'трь же 
черто'гwвъ свjьтови'дныхъ, jа='кw и=збра'нная, всели'лася 
_е=си`, нося'щи свjьщу` дjь'вственную. и= ны'нjь цр\ствуеши 
съ живу'щимъ во вjь'ки, а=настасi'е, сiя'ющи.

%<И=%>ска'паютъ болjь^зни твоя^ сла'дость, грjьха` 
го'ресть w\те'млющу: ра'ка же то'читъ и=сцjьле'нiй рjь'ки, 
и= потопля'етъ вся^ стра^сти и= неду'ги лю^тыя, въ сла'ву 
сп~сову, честна'я а=настасi'е, и=`же по достоя'нiю тя` 
сла'вятъ.

%<Д%>о'блествоваша ж_ены` твои'мъ кр\сто'мъ 
о_у=крjь'пльшеся, хр\сте` всеси'льне, и= вра'жiю главу` 
многоко'зненную му'жески, сло'ве бж~iй, сокруши'ша, и= рая` 
ра'достно селе'нiе получи'вше, w=боже'нiе прiя'ша ди'вное, 
воспjьва'юще тя`.

%<Бг~оро'диченъ: П%>оне'сшаго тя` пло'ть w\т жены` 
jа='кw позна` мч~ница (с. 536) твоя`, гд\си, дjь'вственными 
о_у=кра'шена луча'ми, и= муче'нiя кро'вiю w=багрена`, тебjь` 
бг~у, во слjь'дъ мт~ре твоея`, сла'внw приведе'ся, jа='кw 
цр\ствующему тва'рiю.

%<И='нъ. I=рмо'съ:%>

%<В%>ои'стинну бц\ду тя` и=сповjь'дуемъ, спасе'ннiи 
тобо'ю, дв~о чи'стая, съ безпло'тными ли'ки тя` велича'юще.

%<В%>и'дjьти сподо'бился _е=си`, _о='ч~е бг~оно'се, 
чрезъ наде'жду тебjь` дре'вле жела'_емая, и='хже _о='ко не 
ви'дjь, и= о_у='хо не слы'ша.

%<К%>расе'нъ jа=ви'лся _е=си` бж\ственными 
добродjь'телей луча'ми сiя'я, а=вра'мiе, и= кра'сному 
вл\дцjь ра'дуяся предстои'ши.

%<С%>овокупи'лся _е=си` ликw'мъ всjь'хъ преподо'бныхъ, 
и= съ ни'ми w=боже'нiя, прп\дбне, получи'въ, моли` _е='же 
спасти'ся всjь^мъ на'мъ.

%<Д%>е'нь весе'лiя приво'дитъ ра'достнw, свяще'нное 
твое`, а=вра'мiе, о_у=спе'нiе, цр~ковь честву'ющи житiе` 
твое`.

%<Бг~оро'диченъ:%>

%<Б%>лаголюби'вая дв~о, w=sло'бленную грjьхо'мъ ду'шу 
мою` о_у=блажи`, и= бла^гъ нб\сныхъ прича'стника сотвори`.

%<На лiтургi'и прокi'менъ, гла'съ з~: Ч%>естна` предъ 
гд\семъ сме'рть прп\дбныхъ _е=гw`. %<Стi'хъ: Ч%>то` возда'мъ 
гд\севи w= всjь'хъ, jа=`же воздаде' ми; %<А=п\слъ къ 
гала'тwмъ, зача'ло сг~_i. А=ллилу'iа, гла'съ s~: Б%>лаже'нъ 
му'жъ: %<Стi'хъ: С%>и'льно на земли` бу'детъ сjь'мя _е=гw`. 
%<_Е=v\глiе матfе'а, зача'ло м~г. Прича'стенъ: В%>ъ па'мять 
вjь'чную. (с. 537)



%<Слу'жба прп\дбнагw а=вра'мiа, росто'вскагw 
чудотво'рца.%>

%<На ма'лjьй вече'рни стiхи^ры на д~, самогла'сны, 
гла'съ д~:%>

%<В%>jь'рою и= любо'вiю, празднолю'бцы, соше'дшеся, 
_псалмы^ и= пjь'сньми восхва'лимъ дне'сь нб\снаго человjь'ка 
и= земна'го а='гг~ла, къ нему'же возопiи'мъ: _w всебл~же'нне 
и= прп\дбне, по'стникwвъ похвало`! w= на'съ моли'ся ко 
гд\су, а=вра'мiе, _о='ч~е на'шъ, поми'ловатися душа'мъ 
на'шымъ.

%<Ч%>естны'й и= свjьтоно'сный, прп\дбне, тво'й 
пра'здникъ, и=спо'лненъ ра'дости и= весе'лiя духо'внагw: 
тjь'мже соше'дшеся мона'хwвъ мно'ж_ества и= хр\стоимени'тiи 
лю'дiе, любо'вiю восхваля'юще, блажи'мъ бж\ств_енная 
дjья^нiя твоя^: jа='кw бо крi'нъ во о_у=до'лiи процвjь'лъ 
_е=си`, и= благово'ниши душ_е'вная на^ша чу^вства. 
а=вра'мiе, _о='ч~е на'шъ, моли` спасти'ся душа'мъ на'шымъ.

%<Jа='%>кw о_у=язви'лся _е=си` жела'нiемъ бж\ственнымъ, 
преподо'бне _о='ч~е на'шъ а=вра'мiе, взе'мъ бо кр\стъ тво'й, 
послjь'довалъ _е=си` вл\дцjь хр\сту`, тогда` вся^ плотска^я 
мудрова^нiя о_у=мертви'лъ _е=си` и= наслjь'довалъ _е=си` 
вои'стинну кро'ткихъ зе'млю, прича'стiемъ w=божа'емь, 
неизрече'ннагw _о='нагw весе'лiя наслажда'яся, помина'й 
на'съ, творя'щихъ всесвяту'ю и= пречестну'ю твою` па'мять.

%<Сла'ва, гла'съ и~.%>

%<П%>рп\дбне и= бг~обл~же'нне _о='ч~е на'шъ а=вра'мiе, 
вои'стинну сподо'бился _е=си` бж\ственныя жи'зни, посто'мъ 
бо и= бдjь'нiемъ и=знури'лъ _е=си` тjь'ло твое`, тjь'мже и= 
_о='бразъ бы'лъ _е=си` мона'хwвъ. а='ще бо и= тjьле'сный 
я=зы'къ о_у=молче`, но (с. 538) чудеса` свидjь'тельствуютъ. 
гра'дъ же росто'въ, проповjь'дуя, хва'лится: и=мjь'ю въ 
себjь`, глаго'ля, неистощи'мое сокро'вище: са'ми бо зря'ще 
честну'ю ра'ку моще'й твои'хъ, и= чудеса` быва'_ема, 
прославля'ютъ просла'вльшаго тя` гд\са, _е=му'же моли'ся 
дарова'ти вселе'ннjьй ми'ръ и= ве'лiю ми'лость.

%<И= ны'нjь, бг~оро'диченъ: На стiхо'внjь стiхи^ры, 
гла'съ в~.%>

%<Д%>х~а ст~а'гw теплото'ю, му'дре, жела'нiе се'рдца 
твоегw`, _е='же къ бг~у, согрjь'явъ, и= зи'му страсте'й 
о_у=мертви'въ, многоко'зненную же си'лу i='дwла веле'са 
низложи'лъ _е=си`, въ коне'цъ не'мощна сего` показа'въ. 
нб\сная же вw'инства о_у=диви'лъ _е=си` терпjь'нiемъ 
твои'мъ, jа='кw по'стникwвъ подража'тель и= преподо'бныхъ 
сожи'тель, моли` спасти'ся душа'мъ на'шымъ.

%<Стi'хъ: Ч%>естна` предъ гд\семъ сме'рть прп\дбныхъ 
_е=гw`.

%<К%>р\стъ тво'й взе'мъ, прп\дбне а=вра'мiе, крjь'пкw 
послjь'довалъ _е=си` хр\сту`, на'съ ра'ди на кр\стjь` 
распе'ншемуся: и= тогw` ра'ди любве` вся^ w=ста'вилъ _е=си`, 
и= того` _е=ди'наго возлюби'лъ _е=си`: _е=му'же и= со 
а='гг~лы предстоя`, моли` о_у=ще'дрити мi'ръ и= спасти` 
ду'шы на'шя.

%<Стi'хъ: Б%>лаже'нъ му'жъ, боя'йся гд\са, въ 
за'повjьдехъ _е=гw` восхо'щетъ sjьлw`.

%<Jа='%>кw прiе'мъ, _о='ч~е, нб\сное сjь'мя, пло'дъ 
стори'чествующь добродjь'тели прине'слъ _е=си`, а=вра'мiе, 
_о='ч~е на'шъ, пита'я благоче'стнw гла'домъ та'ющыя 
добродjь'тели, w\т_ону'дуже и=сцjьл_е'нiя вjь'рою 
приходя'щымъ подае'ши. тjь'мже, jа='кw и=мjь'я дерзнове'нiе 
ко хр\сту`, моли`, прп\дбне _о='ч~е на'шъ а=вра'мiе, 
спасти'ся вjь'рою и= любо'вiю честву'ющымъ па'мять твою`.

%<Сла'ва, гла'съ и~:%>

%<П%>рiиди'те мона'хwвъ мно'ж_ества дне'сь, _псалw'мская 
пjь^нiя и= цвjь'ты духw'вныя принесе'мъ, jа='кw вои'стинну 
мона'шескому о_у=добре'нiю и= прп\дбныхъ сожи'телю. _е=го'же 
(с. 539) хва'ляще, си'це рце'мъ: ра'дуйся, свjьти'льниче 
многосвjь'тлый, приведы'й ко хр\сту` мона'хwвъ мно'ж_ества. 
ра'дуйся, гра'да росто'ва похвала` и= о_у=твержде'нiе, и= 
всjь'хъ вjь'рныхъ благоути'шное приста'нище, и= w=чище'нiе 
боля'щихъ во грjьсjь'хъ, на бж\ств_енныя ты'я возвыша'я 
рач_е'нiя. тjь'мъ, въ пречестну'ю твою` па'мять, святу'ю и= 
а=гг~логовjь'йную, w=бстоя'ще, ра'ку любе'знw w=блобыза'емъ, 
прп\дбне _о='ч~е на'шъ а=вра'мiе, и= бж\ственнагw 
чл~вjьколю'бiя про'симъ получи'ти твои'ми моли'твами, мi'ру 
ми'ръ дарова'ти и= душа'мъ на'шымъ ве'лiю ми'лость.

%<И= ны'нjь, бг~оро'диченъ:%>

%<Тропа'рь, гла'съ а~:%>

%<П%>росвjьти'вся бж\ственною благода'тiю, невjь^рныя 
лю'ди наста'вилъ _е=си` къ свjь'ту бг~оразу'мiя: и= по 
сме'рти сiя'я свjь'тлостiю житiя` твоегw`, и=сточа'еши 
и=сцjьл_е'нiя притека'ющымъ съ вjь'рою къ ра'цjь моще'й 
твои'хъ, а=вра'мiе _о='ч~е на'шъ, хр\ста` бг~а моли`, 
дарова'ти на'мъ ве'лiю ми'лость.

%<Сла'ва, и= ны'нjь, бг~оро'диченъ воскр\снъ.%>



%<На вели'цjьй вече'рни. На Г%>д\си, воззва'хъ, 
%<стiхи^ры, на и~, гла'съ а~. Подо'бенъ: _W%> ди'внагw 
чудесе`:

%<_W%> пресла'внагw чудесе`! и=сто'чникъ благоче'стiя въ 
росто'вjь jа=вля'ется, и= лjь'ствица къ нб~си` а=вра'мiй 
быва'етъ на'мъ: весели'тся гра'дъ росто'въ, и=мjь'я въ 
себjь` мо'щи тогw`. ра'дуется правосла'вныхъ мно'жество, 
а=вра'мiа и=му'ще въ бjьда'хъ засту'пника, и= къ нему` 
вопiю'ще: прп\дбне, ра'дуйся, и= гд\су моли'ся, дарова'ти 
душа'мъ на'шымъ ми'ръ и= ве'лiю ми'лость.

%<_W%> ди'внагw чудесе`! вjь'твь благода'ти въ рwссi'и 
воспитова'ется, и= кv"парi'съ доброво'нный въ росто'вjь 
возраста'етъ, и= сто'лпъ непоколе'блемь правосла^внымъ 
о_у=твержда'ется, и= крjь'пкiй а=дама'нтъ душе'ю быва'етъ 
(с. 540) а=вра'мiй бг~облаже'нный: тjь'мъ бг~ому'дрыхъ 
собо'ри на высоту` дх~омъ вознеси'теся, прп\дбному вопiю'ще: 
_о='ч~е а=вра'мiе, ра'дуйся, и= гд\су помоли'ся, дарова'ти 
душа'мъ на'шымъ ми'ръ и= ве'лiю ми'лость.

%<Д%>и^вны твоя^ та^йны, хр\сте` бж~е, jа='кw дарова'лъ 
_е=си` на'мъ такова'го свjьти'льника а=вра'мiа предо'бляго, 
правосла'вному _о=те'честву на'шему на сопроти^вныя 
побо'рника, веле'са погуби'вшаго и= хра'мъ и='мени твоему` 
ст~о'му воздви'гшаго, въ не'мже и='мя твое` прославля'ется, 
и= вjь'рнiи о_у=крjьпля'емся, припа'дающе къ тебjь`, всjь'хъ 
вл\дцjь, прося'ще, чл~вjьколю'бче, дарова'ти душа'мъ на'шымъ 
ми'ръ и= ве'лiю ми'лость.

%<Сла'ва, гла'съ _е~:%>

%<Д%>обродjь'тели подража'теля похва'лимъ дне'сь, 
а=вра'мiа, похвалу` рwссi'йскую, и= па'мять _е=гw` свjь'тлw 
торжеству'имъ, вjь'рныхъ собо'ри соше'дшеся въ це'рковь 
гд\сню, мо'щи тогw` w=блобыза'юще, и= къ нему` си'це 
вопiю'ще: прiиди` ны'нjь, прп\дбне, и= w= на'съ непреста'ннw 
моли'ся, пра'зднующихъ твое` торжество`, да твои'ми 
моли'твами да'руетъ на'мъ хр\сто'съ ве'лiю и= бога'тую 
ми'лость.

%<И= ны'нjь, бг~оро'диченъ: В%>ъ чермнjь'мъ мо'ри:

%<Вхо'дъ, Прокi'менъ дне`. Чт_е'нiя г~.%>

%<Пи'саны сегw` мц\са въ а~ де'нь, прп\дбному са'ввjь 
ви'шерскому.%>

%<На лiтi'и стiхи^ры, гла'съ s~:%>

%<П%>рiиди'те празднолю'бцы и= пw'стникъ сосло'вiе, 
вjь'рою соше'дшеся, jа='кw и='стиннаго по'стника почти'мъ 
а=вра'мiа дне'сь, ше'ствовавшаго по стопа'мъ вл\дки своегw`, 
о_у='зкiй пу'ть, и= безстра'стную жи'знь, и= вjь'рою 
возопiи'мъ: _w всеблаже'нне сожи'телю прп\дбныхъ и= 
по'стникwвъ похвало`! w= на'съ моли'ся ко гд\су, 
поми'ловатися душа'мъ на'шымъ.

%<П%>рп\дбне _о='ч~е бг~оно'се а=вра'мiе, w\т ма'тернихъ 
пеле'нъ бг~у возложе'нъ _е=си`, и= любве` ра'ди тогw` вся^ 
w=ста'вилъ _е=си`, (с. 541) и= i='дwла веле'са сокруши'въ, 
кова^рства _е=гw` вся^ сте'рлъ _е=си`, и= _о=би'тель 
соста'вивъ, мно'жество мона'хwвъ собра'лъ _е=си`, сла'вити 
многопjь'тую тр\оцу, ю='же моли`, бл~же'нне, спасти'ся 
душа'мъ на'шымъ.

%<И='%>же на земли` а='гг~ла и= на нб~сjь'хъ человjь'ка 
бж~iя, мi'ра благо'е о_у=краше'нiе, пи'щу благи'хъ 
добродjь'телей, по'стникwвъ похвалу` а=вра'мiа почти'мъ: 
насажде'нъ бо въ дому` бж~iи, процвjьте` пра'веднw, jа='кw 
ке'дръ въ пусты'ни, въ преподо'бствjь и= пра'вдjь.

%<Сла'ва, гла'съ и~:%>

%<М%>она'хwвъ мно'жества наста'вника тя` почита'емъ, 
_о='ч~е на'шъ а=вра'мiе: твое'ю бо стезе'ю вои'стинну пра'вw 
ходи'ти позна'хомъ. блаже'нъ _е=си` хр\сту` рабо'тавъ, и= 
вра'жiю w=бличи'лъ _е=си` си'лу, а='гг~лwвъ собесjь'дниче, 
прп\дбныхъ соприча'стниче и= пра'ведныхъ: съ ни'миже моли'ся 
гд\севи, поми'ловатися душа'мъ на'шымъ.

%<И= ны'нjь, бг~оро'диченъ: Б%>езневjь'стная дв~о:

%<На стiхо'внjь стiхи^ры, гла'съ а~. Подо'бенъ: 
Н%>б\сныхъ чинw'въ:

%<Н%>б\сныхъ чинw'въ ревни'тель, тjь'хъ житiе` пожи'въ, 
* въ ме'ртвеннjьмъ тjьлеси`, jа='кw а='гг~лъ, показа'лся 
_е=си`. * сегw` ра'ди w\т хр\ста` бг~а да'ръ чуде'съ 
прiе'мъ, * и= на'мъ w=би'льнw и=сцjьл_е'нiя подава'еши, * и= 
w\т вся'кихъ скорбе'й спаса'еши къ тебjь` притека'ющыя, 
jа='кw на тя` о_у=пова'нiе возлага'емъ, * и= твои'ми 
моли'твами w\т бjь'дъ и=збавля'емся, _о='ч~е а=вра'мiе.

%<Стi'хъ: Б%>лаже'нъ му'жъ боя'йся гд\са, въ 
за'повjьдехъ _е=гw` восхо'щетъ sjьлw`:

%<Н%>б\сныхъ чинw'въ ра'дованiе, * твое` житiе`, свя'те 
а=вра'мiе, * и= на земли` человjь'кwмъ ско'рый въ бjьда'хъ 
засту'пниче, * моли'ся w= на'съ, къ тебjь` притека'ющихъ и= 
твое` преставле'нiе пра'зднующихъ, * jа='кw на тя` 
о_у=пова'нiе (с. 542) возлага'емъ, * и= твои'ми моли'твами 
w\т бjь'дъ спаса'емся.

%<Стi'хъ: П%>ра'ведникъ jа='кw фi'нi_ксъ процвjьте'тъ, 
jа='кw ке'дръ, и='же въ лiва'нjь, о_у=мно'жится.

%<Н%>б\сный человjь'къ jа=ви'ся на'мъ, и= земны'й 
а='гг~лъ * провjь'дуется дне'сь а=вра'мiй w=свяще'нный, * 
_е=гw'же житiю` о_у=диви'шася а='гг~ли, и= вострепета'ша 
ду'си лука'вiи, * то'й на'ми пра'зднуется дне'сь. * и= тогw` 
торжество` ликовству'юще, вопiе'мъ: * моли`, прп\дбне, 
хр\ста` бг~а, да твои'ми моли'твами w\т вра^гъ свободи'мся.

%<Сла'ва, гла'съ s~:%>

%<Д%>не'сь вjь'рныхъ собо'ри соше'дшеся, восхва'лимъ 
_о=тца` на'шего, духо'внw веселя'щеся и= па'мять _е=гw` 
свjь'тлw пра'зднующе, jа='кw вра^жiя полки` прогна'вшаго и= 
де'мwна посрами'вшаго, и= sла'го i='дwла веле'са 
и=скорени'вшаго, и= гра'дъ росто'въ купjь'лiю ст~а'гw дх~а 
w=бно'вльшаго, и= ны'нjь сiя'юща чудесы`, а=вра'мiа 
предо'бляго: jа='кw да тогw` моли'твами да'руетъ на'мъ 
хр\сто'съ ве'лiю и= бога'тую ми'лость.

%<И= ны'нjь, бг~оро'диченъ: Тропа'рь, гла'съ а~: 
П%>росвjьти'вся бж\ственною благода'тiю: %<Пи'санъ на 
ма'лjьй вече'рни.%>



%<На о_у='трени тропа'рь ст~а'гw, два'жды. Сла'ва, и= 
ны'нjь, бг~оро'диченъ:%>

%<По а~-мъ стiхосло'вiи сjьда'ленъ, гла'съ д~:%>

%<К%>рjь'пкiй душе'ю а=дама'нтъ jа=ви'лся _е=си`, 
прп\дбне, непоколе'блемо w=снова'нiе въ вjь'рjь и=мjь'яй, 
_о='ч~е а=вра'мiе. сегw` ра'ди гну'снаго i='дwла разори'лъ 
_е=си` и= въ не'мъ де'мwнскiя полки` побjьди'лъ _е=си`, 
jа='кw до'бръ во'инъ хр\сто'въ. _е=му'же моли'ся, да 
спасе'тъ теб_е` ра'ди ду'шы на'шя.

%<Два'жды.%>

%<Сла'ва, и= ны'нjь, бг~оро'диченъ:%>

%<Р%>а'дуйся, вл\дчце, нб\сная цр~и'це, бг~а пло'тiю 
на'мъ (с. 543) ро'ждшая, _е=ди'наго а='гнца, за на'съ во'лею 
поже'ршагося. того` моли`, всеблаже'нная, да твои'ми 
моли'твами спасе'тъ ду'шы на'шя.

%<По в~-мъ стiхосло'вiи сjьда'ленъ, гла'съ в~:%>

%<М%>оли'твъ твои'хъ тре'буемъ, грjь'шнiи, и= ты'я на'мъ 
пода'ждь, _о='ч~е а=вра'мiе, jа='кw да, наставля'еми и='ми, 
пре'йдемъ къ небу'рному приста'нищу и= вjьнцы` неб_е'сныя 
о_у=лучи'мъ, и= тебjь` воспjьва'емъ: ра'дуйся, _о='ч~е 
_о=ц~_е'въ, похвала` на'ша и= о_у=твержде'нiе.

%<Два'жды.%>

%<Сла'ва, и= ны'нjь, бг~оро'диченъ:%>

%<М%>оли^твы твои'хъ ра^бъ прiими`, бц\де, засту'пнице 
на'ша и= прибjь'жище: къ кому' бо прибjь'гнемъ ра'звjь 
теб_е`, вл\дчце; ты` покро'въ на'шъ и= заступле'нiе. и= 
ны'нjь не w=ста'ви на'съ до конца` поги'бнути, да твои'ми 
моли'твами w\т бjь'дъ сохраня'емся: на тя' бо о_у=пова'нiе, 
съ бг~омъ, бц\де, возложи'хомъ.

%<По полv"еле'и сjьда'ленъ, гла'съ _е~:%>

%<А=%>п\слwвъ ревни'тель бы'въ, прп\дбне, сегw` ра'ди и= 
бг~осло'ву бесjь'довати сподо'бился _е=си`, и= сегw` же'злъ 
прiи'мъ, веле'са разруши'лъ _е=си`, и= тогw` кw'зни до 
конца` и=скорени'лъ _е=си`, и= невjь^рныя ко хр\сто'вjь 
вjь'рjь приве'лъ _е=си`. ны'нjь же хр\ста` бг~а моли` w= 
чту'щихъ па'мять твою`, дарова'ти на'мъ ми'ръ и= ве'лiю 
ми'лость.

%<Два'жды.%>

%<Сла'ва, и= ны'нjь, бг~оро'диченъ:%>

%<Х%>рани'телище нело'жное содjь'теля на'шегw, вл\дчце 
бц\де, сохрани` гра'дъ и= лю'ди, и='мя твое` ст~о'е 
сла'вящыя, и= покры'й покро'вомъ ми'лости твоея`: тя' бо 
те'плу предста'тельницу и='мамы ко и=зъ теб_е` ро'ждшемуся 
хр\сту`, бг~у на'шему, да твои'ми моли'твами спасе'тъ ду'шы 
на'шя.

%<Степ_е'нна а~-й а=нтiфw'нъ д~-гw гла'са. Прокi'менъ: 
Ч%>естна` предъ гд\семъ сме'рть прп\дбныхъ _е=гw`. %<Стi'хъ: 
Ч%>то` возда'мъ гд\севи w= (с. 544) всjь'хъ, jа=`же воздаде' 
ми; %<В%>ся'кое дыха'нiе: %<_Е=v\глiе матfе'а, зача'ло 
м~г.%>

%<По н~-мъ _псалмjь` стiхи'ра, гла'съ д~:%>

%<П%>рiиди'те мона'хwвъ мно'ж_ества, прiиди'те 
пусты'нное воспита'нiе, прiиди'те, и= ли'къ соста'вимъ, 
дне'сь бо трапе'за поставля'ется, и= па'че бл~гово'нныхъ 
а=рwма^тъ w=благоуха'етъ на'съ па'мять преблаже'ннагw 
а=вра'мiа, прiиди'те, стеце'мся къ ра'цjь _е=гw`, и= 
любе'знw цjьлу'емъ пречестно'е _о='но тjь'ло, нетлjь'нно во 
гро'бjь лежа'що, и= на'мъ _о=би'льнw и=сто'чникъ чуде'съ 
и=сточа'ющо, и= къ нему` возопiе'мъ: _о='ч~е а=вра'мiе, 
твои'ми моли'твами проси` на'мъ о_у= хр\ста` ми'ра и= ве'лiя 
ми'лости.

%<Канw'нъ бц\ды на s~: и= прп\дбнагw на и~:%>

%<Гла'съ а~. Пjь'снь а~. I=рмо'съ:%>

%<Г%>о'рькiя рабо'ты и=зба'влься i=и~ль, непроходи'мое 
про'йде, jа='кw су'шу, врага` зря` потопля'ема, пjь'снь, 
jа='кw бл~годjь'телю, пое'тъ бг~у, чудодjь'ющему мы'шцею 
высо'кою, jа='кw просла'вися.

%<Л%>ю'тыми страстьми` побjьжда'емь _е='смь, 
_о=кая'нный, и= сегw` ра'ди молю' тя, хр\сте` бж~е, w\т 
си'хъ и=зба'вити мя`, jа='кw да по достоя'нiю возмогу` 
воспjь'ти твоего` о_у=го'дника, а=вра'мiа прп\дбнаго.

%<Л%>ю'тыхъ смуще'нiй свободи' мя, _о='ч~е, да, 
наставля'емь твои'ми моли'твами, свjь'тлw воспою` твое` 
торжество`, бг~оно'се а=вра'мiе.

%<Л%>ю'таго i='дwла и=скорени'лъ _е=си`, _о='ч~е 
пребл~же'нне, и= ко хр\сту` приве'лъ _е=си` невjь'рныхъ 
собw'рища, и= ты'я, jа='кw ке'дръ, и='же въ лiва'нjь, 
о_у=мно'жилъ _е=си` твои'ми моли'твами, во сто` 
плодонося'щыя и= врага` попира'ющыя.

%<Бг~оро'диченъ:%>

%<Л%>ю'тыхъ напа'стей и= мно'гихъ прегрjьше'нiй свободи' 
мя, вл\дчце, и= проще'нiе пода'ждь ми`, jа='кw дерзну'хъ 
написа'ти мое'ю скве'рною десни'цею ст~о'е твое` и='мя. (с. 
545)

%<Катава'сiа: W\т%>ве'рзу о_у=ста` моя^:

%<Пjь'снь г~. I=рмо'съ:%>

%<Д%>а о_у=тверди'тся се'рдце мое` въ во'ли твое'й, 
хр\сте` бж~е, и='же надъ вода'ми не'бо о_у=твержде'й 
второ'е, и= w=снова'вый на вода'хъ зе'млю, всеси'льне.

%<Д%>а о_у=тверди'тся се'рдце мое` моли'твами твои'ми, 
ст~е, и= научи' мя недосто'йнаго, похвали'ти по досто'инству 
пресла'вную па'мять твою`, бг~оно'се _о='ч~е на'шъ 
а=вра'мiе.

%<Д%>а о_у=тверди'ши ны`, бг~ому'дре, на безплw'тныя 
враги`, _е='же прогони'ти ты'я, твою' же па'мять велича'ти 
и= хр\ста` прославля'ти тебе` просла'вльшаго, _о='ч~е 
а=вра'мiе.

%<Д%>а о_у=тверди'мся на ка'мени непоколеби'мjьмъ 
твои'хъ мл~твъ, да не поколе'блютъ на'съ прило'зи 
льсти'вагw, и= о_у='мъ на'шъ просвjьти` свjь'томъ 
за'повjьдей хр\сто'выхъ, jа='кw да вjь'рою воспjьва'емъ тя`, 
преблаже'нне а=вра'мiе.

%<Бг~оро'диченъ:%>

%<Д%>а о_у=твержде'нъ бу'ду ми'лостiю твое'ю, вл\дчце, 
и= покрове'нъ кро'вомъ кри'лъ твои'хъ, бц\де, и= и=збjь'гну 
сjьте'й лука'вагw, воспjьва'я пресла'вное твое` торжество`.

%<П%>о г~-й пjь'сни сjьда'ленъ, гла'съ _е~.

%<А=%>п\слwвъ ревни'тель, бы'въ, прп\дбне, сегw` ра'ди 
и= бг~осло'ву бесjь'довати сподо'бился _е=си`, и= сегw` 
же'злъ прiи'мъ, веле'са разруши'лъ _е=си`, и= тогw` кw'зни 
до конца` и=скорени'лъ _е=си`, и= невjь^рныя ко хр\сто'вjь 
вjь'рjь приве'лъ _е=си`. ны'нjь же хр\ста` бг~а моли` w= 
чту'щихъ па'мять твою`, дарова'ти на'мъ ми'ръ и= ве'лiю 
ми'лость.

%<Два'жды.%>

%<Сла'ва, и= ны'нjь, бг~оро'диченъ:%>

%<П%>обjь'ду и=му'ще крjь'пкiя си'лы на тя` любо'вiю 
вjь'рнw надjь'ющiися, ч\стая цр~и'це дв~о бц\де, враги` 
покаря'юще, побо'рницу и=му'щи тя`, весели'мся. (с. 546)

%<Пjь'снь д~. I=рмо'съ:%>

%<Р%>азумjь'хъ, всеси'льне, твое` смотре'нiе, и= со 
стра'хомъ просла'вихъ тя`, сп~се.

%<Р%>азумjь'хъ, прп\дбне, мое` недосто'инство, и= со 
стра'хомъ косну'хся къ твоему` хвале'нiю: но ты`, свя'те, 
прiими`, jа='кw о_у=бо'гiя двjь` ца^тjь, съ вjь'рою тебjь` 
приноси'мое хвале'нiе, всехва'льне _о='ч~е а=вра'мiе.

%<Р%>азумjь'лъ _е=си`, _о='ч~е пребл~же'нне, кова^рствiя 
лука'вагw веле'са, и= сего` до конца` низложи'лъ _е=си`: 
на'съ на моли'тву воздви'гни дне'сь, да вjь'рнw 
ликовству'емъ, пребл~же'нне, въ па'мяти твое'й, _о='ч~е 
а=вра'мiе.

%<Р%>азумjь'лъ _е=си`, свя'те, де'мwна во 
о_у=мыва'льницу твою` вше'дша и= па'кость тебjь` сотвори'ти 
хотя'ща, сосу'дъ кр\сто'мъ покры'въ, того` w=пали'лъ _е=си`: 
ны'нjь же на'съ спаси` w\т _е=гw` ловле'нiя твои'ми 
моли'твами, _о='ч~е а=вра'мiе.

%<Бг~оро'диченъ:%>

%<Р%>азумjь'ла _е=си`, вл\дчце, воплоти'вшагося и=зъ 
теб_е` хр\ста` бг~а на'шего, того` моли`, бг~облаже'нная, да 
твои'ми моли'твами сохрани'тъ на'съ w\т вся'кагw навjь'та 
льсти'вагw.

%<Пjь'снь _е~. I=рмо'съ:%>

%<W\т%> но'щи о_у='тренююще, воспjьва'емъ тя`, хр\сте` 
бж~е, w=бнища'вшаго на'съ ра'ди, и= кр\стъ и= сме'рть 
пло'тiю претерпjь'вшаго.

%<И=%>зъ но'щи тмы` глубо'кiя возве'лъ _е=си` лю'ди 
твоя^, и= покая'нiя свjь'томъ просвjьти'въ, ко хр\сту` 
приве'лъ _е=си`, бг~оно'се а=вра'мiе: и= на'съ просвjьти`, 
блаже'нне, сiя'нiемъ твоея` бл~года'ти, jа='кw да при'снw 
тя` о_у=блажа'емъ.

%<И=%>зъ но'щи i=дwлонеи'стовства и=звле'клъ _е=си`, 
_о='ч~е, мно'жество люде'й, и= си'хъ погруже'нiемъ 
благода'ти w=зари'лъ _е=си` духо'вныя: и= ны'нjь на'съ 
w=зари` свjь'томъ невеще'ственнымъ, и= моли'твами твои'ми 
просвjьти`, jа='кw да по до'лгу велича'емъ тя`. (с. 547)

%<И=%>зъ но'щи страсте'й мои'хъ возведи' мя, свя'те, и= 
да'руй ми` свjь'тъ мы'сленный, да возмогу` недосто'йный, w\т 
гру'багw о_у=ма` моегw` худо'е сiе` плете'нiе принести` къ 
похвале'нiю чуде'съ, пресла'внагw твоегw` торжества`, 
бг~оно'се а=вра'мiе.

%<Бг~оро'диченъ:%>

%<И=%>зъ но'щи а='да преиспо'днягw и=зведе' ны сн~ъ 
тво'й, преч\стая, и= рая` жи'тели па'ки содjь'лавъ: сегw` 
ра'ди, покланя'ющеся _е=му`, тебе`, дв~о, о_у=блажа'емъ.

%<Пjь'снь s~. I=рмо'съ:%>

%<W\т%>ве'рглъ мя` _е=си` во глубины^ се'рдца морска'гw, 
и= спа'слъ _е=си` мя`, сп~се, w\т рабо'ты сме'ртныя, и= 
разрjьши'лъ _е=си` о_у='зы беззако'нiй мои'хъ.

%<W\т%>верго'шася неразу'мнiи твоегw` о_у=че'нiя, 
бл~же'нне, и= къ веле'су, глу'ху i='дwлу, ниже` глаго'лющу, 
ниже` w=сяза'ющу притека'ху. и= _е=гда` сего` пробо'лъ 
_е=си` тро'стiю бг~осло'вовою, тогда` и= си'хъ къ ра'зуму 
благоче'стiя наста'вилъ _е=си`, _о='ч~е а=вра'мiе.

%<W\т%>ве'рженъ _е='смь въ ро'въ неча'янiя 
многостра'стный, но ты` возведи' мя, свя'те, на стезю` 
покая'нiя, jа='кw да w\тве'ргу вся^ моя^ sла^я дjья^нiя, и= 
w=блеку'ся свjь'томъ моли'твъ твои'хъ, _о='ч~е а=вра'мiе 
бл~же'нне.

%<W\т%>ве'рженъ бы'въ _о=кая'нный де'мwнъ, восхотjь` 
спо'ну тебjь` сотвори'ти, преwбразу'ется въ во'ина лука'вый: 
и= предстае'тъ тогда` владу'щему благовjь'рному кня'зю 
влади'мiру, и= того` на тя` воwружа'етъ: ты' же, сего` 
прогна'въ, вя'щше прославля'ешися, и= кня'зя въ вjь'рjь 
о_у=твержда'еши.

%<Бг~оро'диченъ:%>

%<W\т%>ве'рзи мнjь`, вл\дчце, дв_е'ри ми'лости твоея`, 
jа='коже сн~ъ тво'й w\тве'рзе разбо'йнику и= блудни'цjь и= 
блу'дному дв_е'ри милосе'рдiя: jа='кw да и= а='зъ твои'ми 
моли'твами о_у=лучу` жи'знь вjь'чную, воспjьва'я твою` 
бл~гость. (с. 548)

%<Конда'къ, гла'съ в~:%>

%<И='%>го хр\сто'во прiе'мъ, а=вра'мiе, и= тогw` кр\стъ 
на ра'мо взе'мъ, послjь'довалъ _е=си` _е=му`: насажде'нъ 
бы'въ въ дому` гд\сни, и= процвjь'лъ _е=си`, jа='кw 
фi'нi_ксъ, и= jа='кw ке'дръ, и='же въ лiва'нjь, о_у=мно'жилъ 
_е=си` ча^да твоя^, му'жъ жела'нiй духо'вныхъ: w\т 
возлю'бленнагw же а=п\сла i=wа'нна бг~осло'ва бл~года'ть 
воспрiи'мъ, жезло'мъ сокруши'лъ _е=си` i='дwла, и= 
разсы'палъ _е=си` _е=го`, jа='кw пра'хъ, и= чудотво'рецъ 
о_у='бw ве'лiй jа=ви'лся _е=си`, прп\дбне: тjь'мже хр\ста` 
бг~а моли` непреста'ннw w= всjь'хъ на'съ.

%<I='косъ:%>

%<А=%>вра'мiе бг~ому'дре, житiе` непоро'чно стяжа'лъ 
_е=си`. и= кi'й я=зы'къ человjь'чь довлjь'етъ когда` къ 
похвалjь` повjь'дати jа=`же w= тебjь`; _о=ба'че воспое'мъ 
бж~iю му'дрость и= твоя^, прп\дбне, стра^сти и= по'двиги, 
jа=`же на земли`, jа='кw свjьти'льника тя`, jа='вльшася 
всjь^мъ человjь'кwмъ, и= мно'гимъ терпjь'нiемъ въ ли'цjь 
а='гг~льстjьмъ возсiя'вша. тjь'мъ въ пjь'снехъ вопiе'мъ ти` 
си'це: ра'дуйся, а=вра'мiе прп\дбне и= бг~оно'се, нб\сный 
человjь'че и= земны'й а='гг~ле. ра'дуйся, дх~а ст~а'гw 
_о=би'телище. ра'дуйся, jа='кw и=зъ мла'да послjь'довалъ 
_е=си` ст~jь'й тр\оцjь. ра'дуйся, цjьлому'дрiя сто'лпе, 
низложи'вый де'мwна многокова'рственнаго. ра'дуйся, jа='кw 
w\т млады'хъ ногте'й послjь'довалъ _е=си` хр\сту`. ра'дуйся, 
свjьти'льниче многосвjь'тлый, приведы'й ко хр\сту` мона'хwвъ 
мно'ж_ества. ра'дуйся, разори'вый i='дwла и= воздви'гнувый 
хр\сто'ву це'рковь. ра'дуйся, и='же i=дwлопокло'нники 
сотвори'лъ _е=си` прест~jь'й тр\оцjь покло'нники. ра'дуйся, 
jа='кw моли'твами твои'ми де'мwни побjьжда'ются. ра'дуйся 
гра'ду росто'ву похвала`, jа='кw пе'рвую _о='бщую _о=би'тель 
воздви'глъ _е=си`, и= въ не'й мнw'гiя мона'хи, jа='кw 
вiногра'дъ хр\сто'въ, насади'лъ _е=си`, и= тр\оцу сла'вити 
научи'лъ _е=си`. ра'дуйся, правосла'вному _о=те'честву 
на'шему похвала` и= (с. 549) о_у=твержде'нiе, _е=го'же 
соблюди` моли'твами твои'ми w\т вра^гъ ненавjь'тно, да 
зове'мъ ти`: ра'дуйся, _о='ч~е а=вра'мiе бл~же'нне, и= 
хр\ста` бг~а моли` непреста'ннw w= всjь'хъ на'съ.

%<Пjь'снь з~. I=рмо'съ:%>

%<Jа=%>вле'йся въ купинjь` законополо'жнику _о=гне'мъ, 
и= рж\ство` дв~ы проwбраже'й въ не'й, бл~гослове'нъ _е=си` 
гд\си, бж~е _о=ц~ъ на'шихъ.

%<Jа=%>ви'лся _е=си` въ рwссi'и свjьти'льникъ 
пресвjь'тлый, _о='ч~е а=вра'мiе, трисо'лнечными 
свjьтосiя^нiи къ бг~озна'нiю на'съ приводя` и= пjь'ти 
науча'я: бл~гослове'нъ бг~ъ _о=т_е'цъ на'шихъ.

%<Jа=%>ви'лся _е=си` рjька` медото'чныхъ о_у=че'нiй, 
бг~оно'се, вjь^рныя напая'я, грjьхи' же потопля'я, и= къ 
позна'нiю благоче'стiя всjь'хъ возводя`, и= науча'я пjь'ти: 
бл~гослове'нъ бг~ъ _о=т_е'цъ на'шихъ.

%<Jа='%>влься тебjь` о_у=чени'къ хр\сто'въ 
бг~ослове'снjьйшiй, и= дjь'вственникъ возлю'бленный, тро'сть 
тебjь`, блаже'нне, дарова`, _е='юже дiа'вола пробо'лъ 
_е=си`, и= ктому` неви'дима сего` сотвори'лъ _е=си`, и= 
человjь'ки научи'лъ _е=си` вопи'ти. бл~гослове'нъ бг~ъ 
_о=т_е'цъ на'шихъ.

%<Бг~оро'диченъ:%>

%<Jа=%>вле'йся, jа='кw чл~вjь'къ, сн~ъ, тво'й, 
бг~оневjь'сто, на'съ w=божи` и= къ ра'зуму ми'лости 
возведе`, и= во свjь'тjь непристу'пнjьмъ ликова'ти 
о_у=стро'и воспjьва'ющыя и= глаго'лющыя: бл~гослове'нъ бг~ъ 
_о=т_е'цъ на'шихъ.

%<Пjь'снь и~. I=рмо'съ:%>

%<П%>jь'снь тебjь` прино'симъ безпло'тныхъ, jа='коже 
_о='троцы въ пещи`, и=, пою'ще, глаго'лемъ: бл~гослови'те 
вся^ дjьла` гд\сня гд\са.

%<П%>jь'снь тебjь` приношу`, _о='ч~е бг~оно'се 
а=вра'мiе, _е='юже проповjь'даю твоя^ по'двиги и= чудеса`, 
и= прославля'ю твое` вели'чество, вопiя`: благослови'те, 
вся^ дjьла` гд\сня, гд\са.

%<П%>jь'снь прино'сиши хр\сту`, лику'я со а='гг~лы, 
_о='ч~е а=вра'мiе: тjь'хъ бо житiю` поревнова'лъ _е=си`, и= 
на'съ въ (с. 550) па'мять твою` ликова'ти о_у=стро'илъ 
_е=си`, пою'щихъ: благослови'те, вся^ дjьла` гд\сня, гд\са.

%<П%>jь'снь пое'ши херувi'мскую, и=`мже и= подо'бникъ 
бы'лъ _е=си`, кри'ла _о='гн_енная воспрiе'мъ, и='миже 
го'рнягw i=ер\сли'ма дости'гъ, w= на'съ моли'ся, _о='ч~е 
а=вра'мiе, пою'щихъ вjь'рнw: благослови'те, вся^ дjьла` 
гд\сня, гд\са.

%<Бг~оро'диченъ:%>

%<П%>jь'снь прiими`, вл\дчце, w\т несоверше'ннагw 
о_у=ма` на'шегw, и= моли'ся сн~у твоему` и= бг~у на'шему, 
пода'ти на'мъ w=ставле'нiе грjьхw'въ, jа='кw да воспjьва'емъ 
тя` во вся^ вjь'ки.

%<Пjь'снь f~. I=рмо'съ:%>

%<Ж%>ивопрiе'мный и=сто'чникъ приснотеку'щiи, 
свjьтоно'сный свjьти'льникъ бл~года'ти, хра'мъ 
w=душевле'нный, сjь'нь преч\стую, нб~се` и= земли` 
простра'ннjьйшую, бц\ду, вjь'рнiи велича'емъ.

%<Ж%>ивоно'сный и=сто'чникъ бл~года'тныхъ во'дъ 
jа=ви'лся _е=си`, а=вра'мiе бг~облаже'нне: пода'ждь ми` 
и=сто'чникъ сле'зъ, да w=мы'ю душ_е'вныя моя^ стра^сти, и= 
о_у=бjьлю` свjь'томъ покая'нiя w=чернjь'вшую ду'шу мою`.

%<Ж%>ивоно'сный кр\стъ на ра'мо взе'мъ, прп\дбне, 
распе'ншемуся на не'мъ хр\сту` послjь'довалъ _е=си`, _о='ч~е 
а=вра'мiе, и= вра^жiя полки` прогна'лъ _е=си`, и= на'мъ 
проси` ми'лости, торжеству'ющымъ твое` пра'зднество, 
бг~оно'се.

%<Ж%>ивоно'снымъ кр\сто'мъ врага` w=пали'лъ _е=си`, и= 
сего` въ сосу'дjь запеча'тавъ, о_у=ченикw'мъ рабо'тати 
w\тше'лъ _е=си`, показу'я смире'нiя _о='бразъ, и= си'хъ 
науча'я любому'дреннw послjь'довати тебjь`.

%<Бг~оро'диченъ:%>

%<И=%>сто'чникъ ро'ждши на'мъ, вл\дчце, житiе` ми'рно 
рабw'мъ твои^мъ и=спроси`, и= правосла'вному во'инству 
на'шему на и=ноплеме'нники посо'бствуй, jа='кw ты` _е=си` 
спасе'нiе на'ше, бг~оневjь'стная. (с. 551)

%<Свjьти'ленъ. Подо'бенъ: Ж%>_ены` о_у=слы'шите:

%<П%>о'стнически пожи'въ, _о='ч~е а=вра'мiе, и= на 
враги` вла'сть прiи'мъ, jа='кw и= въ сосу'дjь ты'я 
затворя'ти и= кр\сто'мъ w=паля'ти: и= человjь'ки w\т неду^гъ 
и=сцjьлева'еши, притека'ющыя съ вjь'рою къ ра'цjь моще'й 
твои'хъ и= почита'ющыя, бг~оно'се, всеч\стну'ю па'мять 
твою`.

%<Два'жды.%>

%<Сла'ва, и= ны'нjь, бг~оро'диченъ:%>

%<З%>ачала` _е=си` во о_у=тро'бjь бг~а, _е=гw'же 
трепе'щутъ вся^ нб\сныя си^лы: сего`, дв~о, родила` _е=си` 
пло'тiю, на'ше _е=стество` w=божи'вшаго. _е=го'же моли`, 
бг~облаже'нная, съ прп\дбнымъ а=вра'мiемъ, да спасе'тъ 
теб_е` ра'ди ду'шы на'шя.

%<На хвали'техъ стiхи^ры, на д~. гла'съ в~. Подо'бенъ: 
_Е=%>гда` w\т дре'ва:

%<Т%>ерпjь'лъ _е=си` гон_е'нiя w\т невjь'рныхъ, 
ра'довался _е=си` надjь'емыми, jа=`же о_у=гото'ва бг~ъ 
лю'бящымъ _е=го`. сегw` ра'ди, преподо'бне, ве'тхагw 
совле'клся _е=си` человjь'ка, и= ве'тхаго и=скорени'въ 
i='дwла, благода'тiю же креще'нiя просвjьти'лъ _е=си` гра'дъ 
росто'въ, и= въ не'мъ, jа='кw сл~нце, сiя'я чудесы`, 
рwссi'йскую страну` w\т бjь'дъ спаса'еши, и= w\т 
ва'рварскагw нахожде'нiя. сегw` ра'ди мо'лимъ тя`, _о='ч~е 
а=вра'мiе, моли` хр\ста` бг~а, спасти'ся душа'мъ на'шымъ.

%<Два'жды.%>

%<Т%>ерпjь'лъ _е=си` w\т i=дwлопокло'нникwвъ гон_е'нiя, 
и= ра'довался _е=си` w\т вл\дки хр\ста` воздая'нi_емъ, и= къ 
невjь^рнымъ вопiя'лъ _е=си`: ну'ждно страда'нiе, но 
ра'достно возме'здiе: мнw'ги скw'рби, но сла'докъ ра'й. и= 
сегw` ра'ди _о=ни`, w=ста'вльше _о=кая'ннаго веле'са, къ 
тебjь` притека'ху, глаго'люще: моли` хр\ста` бг~а, _о='ч~е 
а=вра'мiе, да твои'ми моли'твами спасе'тъ ду'шы на'шя.

%<Т%>ерпjь'лъ _е=си` w\т врага` скw'рби, и= ра'дуяся, 
вjьне'цъ w\т хр\ста` прiе'млеши, престо'лу сла'вы предстоя`, 
со а='гг~лы лику'еши. w= на'съ непреста'ннw моли'ся, 
прп\дбне, да твои'ми (с. 552) моли'твами w\т бjь'дъ и= 
скорбе'й и=зба'вимся. тя' бо те'пла предста'теля къ бг~у 
и='мамы. jа='кw да теб_е` ра'ди, _о='ч~е а=вра'мiе, спасе'тъ 
ду'шы на'шя.

%<Сла'ва, гла'съ и~:%>

%<П%>рiиди'те, празднолю'бныхъ собо'ри, прiиди'те 
правосла'вныхъ торжество`, прiиди'те мона'хwвъ 
бг~осочета'нный ли'че: прiиди'те, насы'титеся ны'нjьшнягw 
пра'зднства. прiиди'те _о=вча'та гд\сня духо'вныя w=гра'ды. 
прiиди'те, да лику'имъ свjь'тлw въ па'мять _о=тца` на'шегw: 
дне'сь бо бг~оно'сный а=вра'мiй лику'етъ со безпло'тными 
си'лами, предстоя` пр\сто'лу всjь'хъ цр~я` хр\ста` бг~а, и= 
мо'лится w= душа'хъ на'шихъ.

%<И= ны'нjь, бг~оро'диченъ:%>

%<В%>л\дчце, прiими` моли^твы ра^бъ твои'хъ, и= и=зба'ви 
на'съ w\т вся'кiя ну'жды и= печа'ли.

%<Славосло'вiе вели'кое. И= w\тпу'стъ.%>

%<На лiтургi'и: бл~ж_е'нна ст~а'гw w\т канw'на, пjь'снь 
г~-я и= s~-я. Прокi'менъ, гла'съ з~: Ч%>естна` предъ гд\семъ 
сме'рть прп\дбныхъ _е=гw`. %<Стi'хъ: Ч%>то` возда'мъ гд\севи 
w= всjь'хъ, jа=`же воздаде' ми; %<А=п\слъ къ гала'тwмъ, 
зача'ло сг~_i. А=ллилу'iа: Б%>л~же'нъ му'жъ, боя'йся гд\са. 
%<Стi'хъ: С%>и'льно на земли` бу'детъ сjь'мя _е=гw`. 
%<_Е=v\глiе матfе'а, зача'ло _i~. Прича'стенъ: В%>ъ па'мять 
вjь'чную: