Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::слав> 


(с. 606)

%<ПРИЛОЖЕ'НIЕ%>

%<Мjь'сяца тогw'же въ д~-й де'нь.%>

%<Слу'жба прест~jь'й вл\дчцjь на'шей бг~оро'дицjь, въ 
че'сть и= па'мять jа=вле'нiя чудотво'рныя i=кw'ны _е=я`, 
неwпали'мыя купины`.%>

%<На вече'рни, на Г%>д\си воззва'хъ, стiхи^ры на и~. 
Гла'съ в~.

%<Подо'бенъ: _Е=%>гда` w\т дре'ва:

%<П%>рiиди'те вjь'рнiи съ любо'вiю къ горjь` ст~jь'й, и= 
та'мw о_у='зримъ видjь'нiе бж~е'ственное, _е=го'же вели'кiй 
во проро'цjьхъ мwv"се'й бг~ови'децъ, на'мъ та'инственнw 
возвjьща'етъ, ка'кw купина` горя'ше _о=гне'мъ, и= неwпали'ма 
бы'сть, си'мъ проявля'я _о=бра'знw ве'лiю и= непостижи'мую 
та'йну, безсjь'меннагw рож\ства` твоегw`, бг~оро'дице: 
jа='кw _о='гнь бж\ства` неwпали'мw въ ложесна'хъ твои'хъ 
вмjьсти'ла _е=си`, и= по рож\ствjь` ключи` дjь'вства 
невреди'мw сохрани'ла _е=си`. тjь'мже о_у=блажа'емъ тя` вси` 
ро'ди, jа='кw ро'ждшую сп~са и= и=зба'вителя ду'шъ на'шихъ.

%<П%>ребыва'еши въ рож\ствjь` и= по рож\ствjь` дв~а, 
_о=гне'мъ неwпали'мыя купины` дре'вле проwбразова'нная 
мwv"се'ови, бг~ороди'тельнице, и= созыва'еши вjь'рныхъ 
собо'ры, i=кw'ны твоея` честно'е jа=вле'нiе бл~гохвали'ти въ 
пjь'снехъ духо'вныхъ: jа='кw въ не'й зало'гъ бл~говоле'нiя 
твоегw`, ро'ду хр\стiа'нскому дарова'ла _е=си`, въ покро'въ 
и= защи'ту w\т _о='гненнагw запале'нiя и= (с. 607) 
молнiено'снагw гро'ма. се' бо и= на i=кw'нjь зря'ще тя`, въ 
подо'бiи неwпали'мыя купины` и=з\ъwбраже'нную, да'ры 
бла'гости твоея` w\т нея` неwску'днw прiе'млемъ, и= тя` 
о_у=бл~жа'емъ по до'лгу, jа='кw ро'ждшую сп~са и= 
и=зба'вителя ду'шъ на'шихъ.

%<П%>ла'мень страсте'й на'шихъ о_у=гаша'еши моли'твою 
твое'ю, бц\де дв~о, предста'тельствуя за на'съ непреста'ннw 
о_у= престо'ла сн~а твоегw` и= бг~а на'шегw: jа='кw 
вои'стинну ве'лiе дерзнове'нiе и='маши къ нему`, и= ничто'же 
невозмо'жно _е='сть хода'тайству твоему`. и='бо са'мой 
i=кw'нjь твое'й дарова` _о='нъ си'лу бж~е'ственную, 
соверша'ти мнw'гая и= преди'вная чудеса`, си'ми о_у=вjьря'я 
на'съ, jа='кw никто'же прибjьга'яй къ покро'ву заступле'нiя 
твоегw`, посра'мленъ w\ти'детъ. сегw` ра'ди пое'мъ моли'твъ 
твои'хъ си'лу, и= о_у=блажа'емъ тя`, наде'ждо хр\стiа'нъ, 
ро'ждшую сп~са и= и=зба'вителя ду'шъ на'шихъ.

%<П%>ода'ждь по'мощь твою` держа'вную на'мъ, бц\де, 
_е=гда` грjь^хъ ра'ди на'шихъ, _о='гненнагw запале'нiя 
наказа'нiе на на'съ прiи'детъ внеза'пнw, и=ли` гро'мы и= 
мw'лнiи съ небесе` на'съ о_у=страша'ютъ: тогда` i=кw'ною 
твое'ю ст~о'ю на'съ защити` и= и=зба'ви, и= jа=ви'ся 
о_у=толи'тельница гнjь'ва бж~iя, на на'съ пра'веднw 
подви'женнагw. мно'гw бо мо'жетъ ма'терняя моли'тва ко 
творцу`, и= всеси'льно хода'тайство твое` предъ лице'мъ 
всевы'шнягw: _е=го'же о_у=моля'ти не преста'й за ро'дъ 
хр\стiа'нскiй, и='же въ пjь'снехъ немо'лчныхъ о_у=бл~жа'етъ 
тя`, ро'ждшую сп~са и= и=зба'вителя ду'шъ на'шихъ. (с. 608)

%<Сла'ва, и= ны'нjь. Гла'съ то'йже:%>

%<П%>ре'йде сjь'нь зако'нная, бл~года'ти прише'дши: 
jа='коже бо купина` не сгара'ше w=паля'ема, та'кw дв~а 
родила` _е=си`, и= дв~а пребыла` _е=си`. вмjь'стw столпа` 
_о='гненнагw, пра'ведное возсiя` со'лнце, вмjь'стw мwv"се'а 
хр\сто'съ, спасе'нiе ду'шъ на'шихъ.

%<Вхо'дъ. Прокi'менъ дне`. Чт_е'нiя три`.%>

%<Бытiя` чте'нiе.%>

[Глава` к~и] %<И=%>зы'де i=а'кwвъ w\т студенца` 
кля'твеннагw, и= и='де въ харра'нь. И= w=брjь'те мjь'сто, и= 
спа` та'мw, за'йде бо со'лнце: и= взя'тъ w\т ка'менiя 
мjь'ста тогw`, и= положи` возгла'вiе себjь`, и= спа` на 
мjь'стjь _о='номъ. И= со'нъ ви'дjь: и= се` лjь'ствица 
о_у=твержде'на на земли`, _е=я'же глава` досяза'ше до 
небе'съ, и= а='гг~ли бж~iи восхожда'ху и= низхожда'ху по 
не'й. гд\сь же о_у=твержда'шеся на не'й, и= рече`: А='зъ 
бг~ъ а=враа'ма _о=тца` твоегw`, и= бг~ъ i=саа'ка, не бо'йся: 
земля`, и=дjь'же ты` спи'ши на не'й, тебjь` да'мъ ю=`, и= 
сjь'мени твоему`. И= бу'детъ сjь'мя твое`, jа='кw песо'къ 
земны'й, и= распространи'тся на мо'ре, и= лi'ву, и= 
сjь'веръ, и= на восто'ки: и= возблагословя'тся w= тебjь` 
вся^ колjь^на земна'я, и= w= сjь'мени твое'мъ. И= се` а='зъ 
_е='смь съ тобо'ю, сохраня'яй тя` на вся'комъ пути`, а='може 
а='ще по'йдеши, и= возвращу' тя въ зе'млю сiю`: jа='кw не 
и='мамъ тебе` w=ста'вити, до'ндеже сотвори'ти ми` вся^ 
_е=ли^ка глаго'лахъ тебjь`. И= воста` i=а'кwвъ w\т сна` 
своегw`, и= рече`: jа='кw _е='сть гд\сь на мjь'стjь се'мъ, 
а='зъ же не вjь'дjьхъ. И= о_у=боя'ся, и= рече`: jа='кw 
стра'шно мjь'сто сiе`: нjь'сть сiе`, но до'мъ бж~iй, и= сiя^ 
врата` неб_е'сная. (с. 609)

%<И=схо'да чте'нiе.%>

[Глава` г~] %<В%>ни'де мwv"се'й въ го'ру бж~iю 
хwри'въ. Jа=ви'ся же _е=му` а='гг~лъ гд\снь въ пла'мени 
_о='гненнjь и=з\ъ купины`: и= ви'дjь, jа='кw купина` горя'ше 
_о=гне'мъ и= купина` не сгара'ше. Рече' же мwv"се'й: 
прише'дъ о_у=зрю` видjь'нiе вели'кое сiе`, что` jа='кw не 
сгара'етъ купина`; Jа='коже ви'дjь гд\сь, jа='кw 
приступа'етъ ви'дjьти, призва` _е=го` гд\сь и=з\ъ купины`, 
глаго'ля: мwv"се'е, мwv"се'е. _о='нъ же рече`: что` _е='сть; 
И= рече`: не приближа'йся сjь'мw: и=ззу'й сапоги` w\т ногу^ 
тво_е'ю: мjь'сто бо, на не'мъ же ты` стои'ши, земля` ст~а` 
_е='сть. И= рече` _е=му`: а='зъ _е='смь бг~ъ _о=ц~а` 
твоегw`, бг~ъ а=враа'мовъ, и= бг~ъ i=саа'ковъ, и= бг~ъ 
i=а'кwвль. W\тврати' же мwv"се'й лице` свое`, стыдя'шебося 
зрjь'ти предъ бг~омъ. Рече' же гд\сь къ мwv"се'ю: ви'дя 
ви'дjьхъ w=sлобле'нiе люде'й мои'хъ, и=`же во _е=гv'птjь, и= 
во'пль и='хъ о_у=слы'шахъ w\т наси'льствующихъ въ дjь'лjьхъ: 
Вjь'мъ бо болjь^зни и='хъ, и= снидо'хъ _е='же и=з\ъя'ти 
и=`хъ w\т руки` _е=гv'птянъ, и= и=звести` и=`хъ w\т земли` 
_о='ныя, и= ввести` и=`хъ въ зе'млю бла'гу и= мно'гу, въ 
зе'млю, точа'щую ме'дъ и= млеко`.

%<Проро'чества i=езекi'илева чте'нiе.%>

[Глава` м~г и= м~д] %<Т%>а'кw глаго'летъ гд\сь: бу'детъ 
w\т дне` _о=сма'гw и= про'чее, сотворя'тъ i=ер_е'и на 
_о=лтари` всесожже'нiя ва'шегw, и= jа=`же спасе'нiя ва'шегw, 
и= прiиму` вы`, и= глаго'летъ а=дwнаi` гд\сь. И= w=брати' мя 
на пу'ть вра'тъ ст~ы'хъ внjь'шнихъ, зря'щихъ на восто'ки, и= 
сiя^ бя'ху затвор_е'на. И= рече` гд\сь ко мнjь`: сiя^ врата` 
бу'дутъ, заключ_е'нна и= не w\тве'рзутся, и= никто'же 
про'йдетъ (с. 610) сквозjь` и='хъ, jа='кw гд\сь бг~ъ 
i=и~левъ про'йдетъ и='ми, и= бу'дутъ затвор_е'на. Jа='кw 
и=гу'менъ ся'детъ въ ни'хъ снjь'сти хлjь'бъ, по пути` 
_е=ла'мскихъ вра'тъ вни'детъ, и= по пути` _е=гw` и=зы'детъ. 
И= введе' мя по пути` вра'тъ святы'хъ су'щихъ къ сjь'веру, 
пря'мw хра'му, и= ви'дjьхъ: и= се` и=спо'лнь сла'вы хра'мъ 
гд\сень.

%<На лiтi'и стiхи^ры, гла'съ s~.%>

%<Самогла^сны:%>

%<Jа='%>кw вои'стинну дре'внягw кiвw'та ч\стнjь'йшая, 
jа=ви'ся ст~а'я i=кw'на твоя`, бц\де вл\дчце, на не'йже 
бж\ственнагw ли'ка твоегw` подо'бiе созерца'емъ: на руку' бо 
твое'ю бг~омладе'нца предвjь'чнаго, гд\са i=и~са хр\ста` 
держи'ши, а='гг~лwвъ и= человjь'кwвъ творца`, и= всему` 
мi'ру jа=вля'еши и=зъ теб_е` безсjь'меннw вопло'щшагося бг~а 
сло'ва. _е=му'же раболjь'пнw кла'няющеся, пjьсносло'вимъ тя` 
вои'стинну бц\ду, и= мо'лимтися прилjь'жнw: о_у=мири` мi'ръ, 
и= спаси` ду'шы на'шя, ма'тернимъ предста'тельствомъ твои'мъ 
къ ро'ждшемуся w\т теб_е`, _е=ди'на бл~гослове'нная.

%<П%>редстоя'тъ ч\стнjьй i=кw'нjь твое'й хр\столюби'вiи 
лю'дiе, и= съ любо'вiю _е='й покланя'ются, бц\де вл\дчце, 
почерпа'я w=би'льныя w\т нея` да'ры щедрw'тъ твои'хъ, въ 
неду'зjьхъ врачевство`, въ бjьда'хъ и=збавле'нiе, въ 
ско'рбехъ о_у=тjьше'нiе: и='бо всjь^мъ вся^ блага^я и= 
душепол_е'зная да'руеши, съ вjь'рою прося'щымъ предъ 
преч\стымъ _о='бразомъ твои'мъ. сегw` ра'ди се'рдцемъ и= 
о_у=сты` бл~гоговjь'йнw лобыза'емъ бж~е'ственнагw ли'ка 
твоегw` подо'бiе, и= мо'лимтися прилjь'жнw: о_у=мири` мi'ръ, 
и= (с. 611) спаси` ду'шы на'шя, всеси'льными моли'твами 
твои'ми къ ро'ждшемуся w\т теб_е`, _е=ди'на бл~гослове'нная.

%<П%>е'рвjье написа'вшейся i=кw'нjь твое'й бж\ственнымъ 
_е=v\глi'стомъ луко'ю, и= къ тебjь` принесе'ннjьй, бц\де 
вл\дчце, бл~говоли'ла _е=си` w= i=кw'нjь се'й jа='кw 
ми'лостива су'щи, и= бл~гослови'въ ю=`, рекла` _е=си` со 
вла'стiю: съ си'мъ _о='бразомъ бл~года'ть моя` и= си'ла: и= 
воспjь'ла _е=си` ра'дуяся, jа='коже и= бг~а внегда` носи'ла 
_е=си` во чре'вjь, пjь'снь проро'ческую: се` w\т ны'нjь 
о_у=блажа'тъ мя` вси` ро'ди. тjь'мже ви'дяще съ гла'сомъ 
дjь'йство, чуде'съ мно'жество w\т i=кw'ны твоея` jа=вле'нное 
и= присноявля'емое по все'й вселе'ннjьй, немо'лчными 
славословле'нiи тя` о_у=бл~жа'емъ, и= мо'лимтися прилjь'жнw: 
о_у=мири` мi'ръ и= спаси` ду'шы на'шя, бл~гопрiя'тнымъ 
хода'тайствомъ твои'мъ къ ро'ждшемуся w\т теб_е`, _е=ди'на 
бл~гослове'нная.

%<Г%>ора` _е=си` вели'кая и= пресла'вная, па'че горы` 
сiна'йскiя, бц\де вл\дчце: та' бо не терпя'щи сни'тiя сла'вы 
бж~iя, _о=гне'мъ возгара'шеся, и= гро'ми и= мw'лнiи та'мw 
бы'ша: ты' же _о='гнь бж\ства`, бг~а сло'во неwпа'льнw во 
чре'вjь твое'мъ вмjьсти'ла _е=си`, и= млеко'мъ пита'ла 
_е=си` пита'теля вселе'нныя. къ нему'же дерзнове'нiе 
ма'тернее и=му'щи, спаса'й w\т бjь'дъ вjь'рнw пра'зднующихъ 
тво'й честны'й пра'здникъ, въ не'мже пjьсносло'вимъ ми'лwсти 
твоя^ и= щедрw'ты, и= мо'лимтися прилjь'жнw: о_у=мири` 
мi'ръ, и= спаси` ду'шы на'шя бж\ственнымъ моле'нiемъ твои'мъ 
къ ро'ждшемуся w\т теб_е`, _е=ди'на бл~гослове'нная. (с. 
612)

%<Сла'ва, и= ны'нjь:%>

%<Гла'съ и~:%>

%<П%>а'че ски'нiи мwv"се'евы, по _о='бразу небе'сному 
сотворе'нныя, всю' тя бг~ъ w=ст~и`, бц\де, и= па'че а=арw'ня 
кiвw'та, и=спо'лни бл~года'ти бж~iя и=з_оби'льнw, _е=я'же и= 
i=кw'на твоегw` подо'бiя прича'стна показа'ся: и=сточа'етъ 
бо w=свяще'нiе и= цjьльбу` душа'мъ и= тjьлес_е'мъ 
человjь'ч_ескимъ, и= о_у=ставля'етъ си'лу _о='гненную 
прису'тствiемъ свои'мъ. _е='й же съ любо'вiю покланя'ющеся, 
про'симъ, всебл~га'я, и= вопiе'мъ: _о=гня` вре'меннагw и= 
вjь'чнагw и=зба'ви на'съ, бл~гослове'нная помо'щнице.

%<На стiхо'внjь стiхи^ры, гла'съ s~:%>

%<В%>елича'емъ тя`, бц\де дв~о, возвели'чившую ро'дъ 
на'шъ: и=з\ъ теб_е' бо воплоти'ся и=зба'витель па'дшагw 
человjь'чества, и='мже а=да'мъ и= _е='vа кля'твы 
свободи'шася, и= w\т мра'чныхъ о_у=до'лiй а='дскихъ во 
_е=де'мъ па'ки введо'шася, сы'й бг~ъ на'шъ, спаса'яй при'снw 
тя` велича'ющыя.

%<Стi'хъ: С%>лы'ши, дщи`, и= ви'ждь, и= приклони` 
о_у='хо твое`.

%<В%>елича'емъ тя`, бц\де дв~о, засту'пницу о_у=се'рдную 
ро'да хр\стiа'нскагw, покро'вомъ ми'лости твоея` 
покрыва'ющую всю` вселе'нную: се' бо i=кw'на твоя` ст~а'я 
чуде'съ мно'жество и=сточа'етъ, и= jа='кw о_у='тварь драга'я 
цр~кви хр\сто'вой дарова'ся бл~гостiю творца`, все'льшагwся 
въ тя` пло'тiю, и= просла'вльшагw тя` сла'вою бж\ства`. 
и=з\ъ тебе' бо вои'стинну, а= не привидjь'нiемъ, воплоти'ся 
сы'й бг~ъ на'шъ, спаса'яй при'снw тя` велича'ющыя. (с. 613)

%<Стi'хъ: Л%>ицу` твоему` помо'лятся бога'тiи лю'дстiи.

%<В%>елича'емъ тя`, бц\де дв~о, jа='кw w=душевле'нный 
кiвw'тъ бж~ества`, пjь'нiи хвале'бными честву'емъ тя`, 
_е=ди'ну и=збра'нную и= бл~гослове'нную, въ жена'хъ: 
ложесна' бо твоя^ престо'лъ себjь` сотвори` сы'й бг~ъ на'шъ, 
спаса'яй при'снw тя` велича'ющыя.

%<Сла'ва, и= ны'нjь, гла'съ то'йже:%>

%<W\т%> ст~ы'я i=кw'ны твоея`, вл\дчце пребл~га'я, 
и=сцjьле'нiй струи^ и=стека'ютъ, и='миже напоя'ются 
бл~года'тнw ду'шы на'шя, и= врачу'ются безме'зднw тjьлеса` 
на^ша: тjь'мже тя` цjьле'бницу ми'лостивую при'снw въ 
пjь'снехъ велича'емъ.

%<Тропа'рь, гла'съ д~:%>

%<И='%>же во _о=гни` купины` неwпали'мыя, дре'вле 
мwv"се'емъ ви'дjьнныя, та'йну воплоще'нiя своегw` w\т 
неискусобра'чныя дв~ы марi'и проwбразова'вый, то'й и= 
ны'нjь, jа='кw чуде'съ творе'цъ и= всея` тва'ри созда'тель, 
i=кw'ну _е=я` ст~у'ю чудесы` мно'гими просла'ви, дарова'въ 
ю=` вjь^рнымъ во и=сцjьле'нiе неду'гwмъ, и= въ защище'нiе 
w\т _о='гненнагw запале'нiя. сегw` ра'ди вопiе'мъ 
пребл~гослове'ннjьй: наде'ждо хр\стiа'нъ, w\т лю'тыхъ 
бjь'дъ, _о=гня` и= гро'ма и=зба'ви на тя` о_у=пова'ющихъ, и= 
спаси` ду'шы на'шя jа='кw милосе'рда.

%<На о_у='трени.%>

%<На Бг~ъ гд\сь, тропа'рь то'йже.%>

%<По а~-мъ стiхосло'вiи, сjьда'ленъ, гла'съ д~.%>

%<Подо'бенъ: Jа=%>ви'лся _е=си` дне'сь: (с. 614)

%<Jа=%>ви'ся въ _о=гнепа'льнjьй купинjь` на сiна'и, 
твоегw`, вл\дчце, нетлjь'ннагw рож\ства` про_о'бразъ, 
jа='коже бг~осло'вцы цр~кве хр\сто'вой бг~ому'дреннw 
и=сповjь'дуютъ: купина' бо _о=гне'мъ горjь'вшая, неwпа'льна 
пребыва'ше, та'кw и= ты`, _о='гнь бж\ства` во чре'вjь 
твое'мъ неwпа'льнw носи'ла _е=си`, вопло'щшагося w\т тебе` 
бг~а сло'ва, _е=го'же моли` спасти'ся на'мъ пою'щымъ тя`.

%<Сла'ва, и= ны'нjь: то'йже.%>

%<По в~-мъ стiхосло'вiи, сjьда'ленъ, гла'съ д~.%>

%<Подо'бенъ: О_у=%>диви'ся:

%<О_у=%>диви'ся бг~ови'децъ мwv"се'й, ви'дjьвъ купину` 
_о=гне'мъ горя'щу и= несгара'ему, и= о_у=страши'ся 
бж~е'ственнагw тайноявле'нiя, въ не'мъ же благоволи` гд\сь, 
воплоще'нiя своегw` w\т дв~ы неискусому'жныя, про_о'бразъ 
мi'ру jа=ви'ти, jа='кw въ послjь^дняя лjь^та, спасти` хотя` 
па'дшее человjь'чество, пло'ти дебельство'мъ бж~ества` 
своегw` сла'ву сокры'етъ, и= съ на'ми поживе'тъ, спаса'я 
ду'шы на'шя w\т поги'бели вjь'чныя.

%<Сла'ва, и= ны'нjь: то'йже.%>

%<По полv"еле'и сjьда'ленъ, гла'съ s~.%>

%<Подо'бенъ: А='%>гг~льскiя си^лы:

%<А='%>гг~льскiя си^лы бг~олjь'пнw тебjь` слу'жатъ, 
нб~се` и= земли` цр~и'це бц\де, и= тво'й прест~ы'й _о='бразъ 
w=бстоя'тъ неви'димw: тjь'хъ бо творца` и= гд\са воплоти'ла 
_е=си`, и= на ру'ку тво_е'ю, jа='кw младе'нца, носи'ла 
_е=си`, и='же гw'рняя съ до'льними совокупи`, и= а='гг~лы съ 
человjь'ки ликовствова'ти о_у=стро'и, пою'щыя во гла'сjьхъ 
ра'дованiя твое` нетлjь'нное рож\ство`. (с. 615)

%<Сла'ва, и= ны'нjь: то'йже.%>

%<Степ_е'нна: а~-й а=нтiфw'нъ д~-гw гла'са.%>

%<Прокi'менъ, гла'съ д~: П%>омяну` и='мя твое` во 
вся'комъ ро'дjь и= ро'дjь.

%<Стi'хъ: С%>лы'ши, дщи`, и= ви'ждь, и= приклони` 
о_у='хо твое`.

%<_Е=v\глiе w\т луки`, зача'ло д~.%>

%<По н~-мъ _псалмjь` стiхи'ра, гла'съ в~:%>

%<В%>есели'тся дне'сь гора` сiна'йская, и= свjь'тлw 
торжеству'етъ, мт~ри гд\сни свjьтоно'сное пра'зднество 
соверша'ющи на мjь'стjь то'мъ, и=дjь'же неwпали'мая купина` 
вели'кимъ во проро'цjьхъ мwv"се'емъ ви'дjьна бы'сть: здjь' 
бо и= до ны'нjь бл~года'ть бж~iя w=бита'етъ, и= чуде'съ 
мно'жество jа=вля'етъ вjь^рнымъ, бл~гоче'стнw бц\ду въ 
пjь'снехъ велича'ющымъ.

%<Канw'нъ, гла'съ и~.%>

%<Пjь'снь а~.%>

%<I=рмо'съ: В%>о'ду проше'дъ jа='кw су'шу, и= 
_е=гv'петскагw sла` и=збjьжа'въ, i=и~льтянинъ вопiя'ше: 
и=зба'вителю и= бг~у на'шему пои'мъ.

%<О_у='%>мъ помраче'нный мо'й просвjьти`, дв~о, 
_о=гнено'снымъ сiя'нiемъ твоея` сла'вы, па'мять въ 
славосло'вiи и=знемога'ющую о_у=крjьпи`, и= воспламени` 
хла'дное мое` се'рдце бж\ственною любо'вiю, да тебjь`, 
купинjь` неwпали'мjьй, пjь'нiе хвале'бное воспою` досто'йнw, 
чи'стая.

%<Х%>ра'мъ трисо'лнечнагw свjь'та прекра'сный, 
о_у=краси` моя^ чу^вства, молю'ся, да цjьлому'дренною 
мы'слiю и= нескве'рными о_у=сты`, _о=гнезра'чныя i=кw'ны 
твоея` jа=вле'нiе, воспою` досто'йнw, чи'стая. (с. 616)

%<Сла'ва:%>

%<К%>ъ твое'й пресвjь'тлагw зра'ка i=кw'нjь припа'даю 
_о=кая'нный: ду'шу мою` w=зари` бл~года'тнw, jа=ви` и= 
тjь'ло нескве'рно, и= w\т лю'тыхъ мя` неду'гwвъ свободи'вши, 
покажи` прича'стника наслjь'дiя нб\снагw, бг~оневjь'стная.

%<И= ны'нjь:%>

%<Н%>еду'гующа страстьми` многоразли'чными, w\т i=кw'ны 
твоея` бж\ственныя и=сцjьле'нiя сподо'би мя`, _w бг~ома'ти 
вл\дчце, да сла'влю чудеса` твоя^, и= пою' тя, бл~ги'хъ 
вино'вную, вjь'чную бл~гость воплоти'вшую, мi'ра бл~гу'ю 
засту'пницу.

%<Пjь'снь г~.%>

%<I=рмо'съ: Н%>б\снагw кру'га верхотво'рче гд\си, и= 
це'ркве зижди'телю, ты` мене` о_у=тверди` въ любви` твое'й, 
жела'нiй кра'ю, вjь'рныхъ о_у=твержде'нiе, _е=ди'не 
чл~вjьколю'бче.

%<Н%>изложи` нало'ги бjьсw'вскiя стужа'ющыя мнjь`, 
вл\дчце, го'рдость въ добродjь'тели, лицемjь'рiе въ ст~ости, 
тщесла'вiе во бдjь'нiи, высокоу'мiе въ бл~гоговjь'нiи, и= 
неблагода'рность въ бл~годjья'нiихъ сн~а твоегw`, _е=ди'на 
всепjь'тая дв~о.

%<С%>тра'нна мя` любоче'стiя сотвори`, молю' тя, дв~о, 
и= чу'жда любопы'тства w= человjь'ческихъ согрjьше'нiихъ, 
де'рзость и= и=зли'шнее на ми'лость сн~а твоегw` 
о_у=пова'нiе w\тдали` w\т мене`, да достw'йны _е=му` плоды` 
принесу`, _е=ди'на преч\стая.

%<Сла'ва:%>

%<Н%>ача'ло w\т земли` прiе'мшую ху'дость моегw` 
_е=стества` познава'я, молю' тя, дв~о, да'ждь ми` 
презрjь'нiе (с. 617) славолю'бiя, бjь'гство человjь'ческiя 
хвалы`, позна'нiе со'бственнагw грjьха`, и= со'бственныя 
не'мощи _е=ди'на бг~облаже'нная.

%<И= ны'нjь:%>

%<К%>ра'ткiй всjь'хъ веще'й и= всегw` мi'ра коне'цъ, 
сме'ртный ча'съ и= муче'нiе бу'дущее за суету` дjья'нiй 
тщесла'вныхъ, помышля'ти сподо'би мя`, дв~о: да бл~года'тiю 
сн~а твоегw` къ пути` и='стиннагw покая'нiя наста'вленъ, 
вjь'чнагw и=збjь'гну прокля'тiя, пренепоро'чная.

%<Сjьда'ленъ, гла'съ и~:%>

%<В%>ели^чiя твоя^ кто` и=сповjь'сть, бц\де; 
jа=вле'нiемъ бо _о=гнезра'чныя i=кw'ны твоея` возвесели'ла 
_е=си` ду'шы правосла'вныхъ, мнw'гiя неду'ги _е='ю врачу'я, 
w\т _о=гня' же и= гро'ма защища'я, и=`же по бз~jь на тя` 
о_у=пова'нiе возлага'ютъ. _w всеми'лостивая вл\дчце, не 
лиши` о_у=`бо и= на'съ твоегw` заступле'нiя, спаси` 
правосла'вныхъ хр\стiа'нъ w\т вся'кагw sла`, да тобо'ю 
хваля'щеся, не постыди'мся во вjь'ки.

%<Пjь'снь д~.%>

%<I=рмо'съ: О_у=%>слы'шахъ, гд\си, смотре'нiя твоегw` 
та'инство, разумjь'хъ дjьла` твоя^, и= просла'вихъ твое` 
бж\ство`.

%<Ж%>естокосе'рдiемъ w=тягче'ннаго мя` w=блегчи`, 
немилосе'рдiемъ къ тре'бующымъ w=камене'нную о_у=тро'бу мою` 
о_у=мягчи`, бу'рею сребролю'бiя w=б\ъя'таго мя` о_у=тиши`, 
во _о=гни` неwпали'мыя купины` проwбразова'нная вл\дчце. (с. 
618)

%<В%>о о_у=пова'нiи тлjь'нныхъ и= вре'менныхъ веще'й не 
w=ста'ви мя`, и= пла'мень хище'нiя непра'веднагw о_у=гаси` 
во мнjь`, пла'менемъ _о=гня` бж\ственнагw, неwпали'мая 
купино` jа='вльшаяся, бг~оневjь'стная вл\дчце.

%<Сла'ва:%>

%<I=%>дwлослуже'нiе въ лихоима'нiи, и= заблужде'нiе w\т 
и='стиннагw бл~гоче'стiя и= правосла'вныя вjь'ры потреби` 
w\т мене`, вл\дчце, и= не попусти' мя па'сти паде'нiемъ 
_е=ретi'ческимъ, да восхваля'ю и='мя твое` бл~гослове'нное 
до кончи'ны живота` моегw`, въ правосла'вiи непоро'чнw, 
_е=ди'на приснодв~о.

%<И= ны'нjь:%>

%<О_у='%>мъ мо'й, молю' тя, бц\де, бл~гоустро'й къ 
позна'нiю вjь'чныхъ и='стинъ хр\сто'ва _е=v\глiа, къ 
разсмотре'нiю тлjь'нности вре'менныхъ бла^гъ напра'ви мо'й 
по'мыслъ, и= щедролю'бiе да'руй ми` неwску'дное, да 
бл~года'тiю хр\сто'вою о_у=кра'шенъ, пою' тя, _е=ди'на 
приснодв~о.

%<Пjь'снь _е~.%>

%<I=рмо'съ: П%>росвjьти` на'съ повелjь'нiи твои'ми, 
гд\си, и= мы'шцею твое'ю высо'кою, тво'й ми'ръ пода'ждь 
на'мъ, чл~вjьколю'бче.

%<_О='%>гнь нечистоты` и= вся'кiя скве'рны во мнjь` 
безсту'дномъ, мо'ремъ бл~гости твоея` потопи`, и= мглу` 
грjьхо'вную разжени`, и= се'рдце мое` ра'дости и=спо'лни, 
всенепоро'чная.

%<С%>рамосло'вiю без_обра'зному не да'ждь во мнjь` 
мjь'ста, вл\дчце, селе'нiе собла'знwвъ замjьни` въ души` 
мое'й зрjь'нiемъ со'бственныхъ грjьхw'въ, хра'мъ мя` 
чистоты` и= цjьлому'дрiя содjь'лай, да нескве'рными о_у=сты` 
велича'ю тя` вы'ну, всенепоро'чная. (с. 619)

%<Сла'ва:%>

%<С%>ме'рть, су'дъ и= муч_е'нiя вjь^чная, грjь'шникwмъ 
о_у=готw'ванная, въ па'мяти мое'й о_у=глуби` вл\дчце, да 
поне` послjь^дняя сiя^ въ па'мяти содержа`, лю'тая 
беззакw'нiя w=ста'влю, и= плоды` покая'нiя и='стиннагw 
принесу`, велича'я тя` при'снw, _е=ди'но души` моея` 
о_у=пова'нiе.

%<И= ны'нjь:%>

%<Л%>юбо'вь сея` жи'зни и=зли'шнюю, и= плотска'гw поко'я 
раче'нiе w\тложи` w\т мене`, молю' тя, дв~о чи'стая: да 
су'етныхъ попече'нiй и=збjь'гъ, тобо'ю получу` нетлjь'нное 
на небеси` бога'тство, _е=ди'на души` моея` 
покрови'тельнице.

%<Пjь'снь s~.%>

%<I=рмо'съ: М%>оли'тву пролiю` ко гд\су, и= тому` 
возвjьщу` печа'ли моя^, jа='кw sw'лъ душа` моя` и=спо'лнися, 
и= живо'тъ мо'й а='ду прибли'жися, и= молю'ся jа='кw i=w'на: 
w\т тли`, бж~е, возведи' мя.

%<Р%>а'дости су'етныя, къ преwгорче'нiю бли'жнягw 
приводя'щiя чу'жда мя` содjь'лай, купино` неwпали'мая 
вjь'рными и=мену'емая, пречу'дная цр~и'це: w= несча'стiяхъ 
и='скреннягw без\ъ печа'ли бы'ти не допуща'й мене`, 
человjьколюби'вая вл\дчце, и= памятоsло'бiя и=зба'ви мя`, 
прилjь'жнw молю' тя, всенепоро'чная дв~о.

%<З%>а'висти въ по'мыслjь мое'мъ не да'ждь вкореня'тися, 
видjь'нiемъ несгара'емыя купины` проwбразова'нная мwv"се'ю, 
и= ро'ждшаяся w\т ко'рене ст~а, дв~о, и= братоненавидjь'нiя 
и=зба'ви мя`, ч\стая: да не sло'бою мра'чною w=скверне'нъ 
бы'въ, лишу'ся бж~iя бл~года'ти и= жи'зни вjь'чныя, 
всенепоро'чная вл\дчце. (с. 620)

%<Сла'ва:%>

%<Т%>ерпjь'нiе въ бjьда'хъ о_у=тверди` во мнjь`, 
всеч\стая, съ ра'дующимися духо'вную ра'дость, къ 
сjь'тующымъ сожалjь'нiе да'руй ми`, прест~а'я, и= 
братолю'бiе низпосли` мнjь` свы'ше, любве` пучи'ну ро'ждшая 
дв~о, и= любо'вь ве'лiю при'снw jа=вля'ющая ро'ду 
хр\стiа'нскому.

%<И= ны'нjь:%>

%<Ж%>ела'нiе кра'йнее согрjь'й во мнjь`, вся'кому 
бли'жнему w\т души` бл~готвори'ти, блага'я, да не ка'кw 
sло'бъ лю'тыхъ душа` моя` и=спо'лнится, и= живо'тъ мо'й 
а='ду прибли'жится, и= пре'данъ бу'ду без\ъ ми'лости, jа='кw 
не сотвори'вый ми'лости, во тму` кромjь'шнюю, всенепоро'чная 
бг~оневjь'сто.

%<Конда'къ, гла'съ и~:%>

%<П%>ред\ъwчи'стимъ чу^вствiя ду'шъ и= тjьле'съ на'шихъ, 
да ви'димъ та'инство бж~е'ственное, _о=бра'знw jа=вле'нное 
дре'вле вели'кому во проро'цjьхъ мwv"се'ю, купино'ю 
горjь'вшею _о=гне'мъ и= не сгара'вшею, въ не'йже твоегw` 
безсjь'меннагw рж\ства`, бц\де, предвозвjьще'нiе 
и=сповjь'дуемъ, и= бл~гоговjь'йнw покланя'ющеся тебjь`, и= 
ро'ждшемуся w\т теб_е` сп~су` на'шему, со стра'хомъ 
вопiе'мъ: Ра'дуйся, вл\дчце, покро'ве, и= прибjь'жище, и= 
спасе'нiе ду'шъ на'шихъ.

%<I='косъ:%>

%<П%>рови'дя ди'вный мwv"се'й въ неwпали'мjьй купинjь` 
на сiна'и, та'йну w\т вjь'ка о_у=тае'нную, безлjь'тнагw, въ 
лjь'тjь роди'тися восхотjь'вшагw, рожде'нiе w\т ч\стыя и= 
неискусобра'чныя дв~ы, о_у='жасомъ содержи'мь вопiя'ше: (с. 
621) сiя` земля` вои'стинну ст~а` _е='сть, jа='кw пло'дъ 
спаси'тельный мi'ру и=зъ нея` произы'детъ, и='мже го'ресть 
паде'нiя а=да'мова о_у=слади'тся. сегw` послу'шая и= мы`, 
та'инства бж~iя собы'тiе позна'вшiи, о_у=бл~жа'емъ тя`, 
бц\де, возвели'чившую па'дшее человjь'чество, и= 
милосе'рдiемъ неизрече'ннымъ призрjьва'ющую на ро'дъ 
хр\стiа'нскiй, тjь'мже и= зове'мъ ти`: ра'дуйся, вл\дчце, 
покро'ве, и= прибjь'жище, и= спасе'нiе ду'шъ на'шихъ.

%<Пjь'снь з~.%>

%<I=рмо'съ: W\т%> i=уде'и доше'дше _о='троцы въ 
вавv"лw'нjь и=ногда`, вjь'рою тр\оческою пла'мень пе'щный 
попра'ша, пою'ще: _о=тц_е'въ бж~е, бл~гослове'нъ _е=си`.

%<В%>есе'лiе мiрско'е пресjьцы`, и= душетлjь'нное 
пристра'стiе о_у=мертви` во мнjь`, дв~о, презрjь'нiе 
вре'менныхъ, жела'нiе вjь'чныхъ бла^гъ, и= нетлjь'нную 
ра'дость пода'ждь ми`, съ пою'щими: _о=тц_е'въ бж~е, 
бл~гослове'нъ _е=си`.

%<Б%>езчи'нное о_у=тjьше'нiе, и= и=зли'шество о_у='мъ 
вредя'щее, душjь` скве'рну ражда'ющее, w\тлучи` w\т мене`, 
дв~о, и= сподо'би во здра'вiи душе'внjьмъ и= тjьле'снjьмъ, 
духо'внагw о_у=тjьше'нiя наслажда'тися, съ пою'щими: 
_о=тц_е'въ бж~е, бл~гослове'нъ _е=си`.

%<Сла'ва:%>

%<Г%>рjьхо'мъ, сме'рть лю'тую ражда'ющимъ, w=скверни'хъ 
ду'шу мою`: но ты`, преч\стая вл\дчце, _о=гнезра'чная и= 
неwпали'мая купино` jа='вльшися, ти'ну страсте'й мои'хъ 
и=зсуши` _о=гне'мъ бж~iя бл~года'ти, и= наста'ви мя` на 
бг~оуго'дное житiе`, о_у=краси' же воздержа'нiемъ и= 
цjьлому'дрiемъ, и= да'ждь ми` чи'стымъ се'рдцемъ пjь'ти: 
_о=тц_е'въ бж~е, бл~гослове'нъ _е=си`. (с. 622)

%<И= ны'нjь:%>

%<К%>ъ твое'й _о=гнезра'чной i=кw'нjь взира'я, молю' тя, 
вл\дчце, w=мраче'ннаго мя` самолю'бiемъ свjь'томъ зра'ка 
твоегw` просвjьти`, и= по'хwти плwтскi'я о_у=кроти'вши во 
мнjь`, _о=гне'мъ бж~iя любве` хла'дное се'рдце мое` 
воспламени`, да ро'ждшемуся w\т тебе` досто'йнw возмогу` 
пjь'ти: _о=тц_е'въ бж~е, бл~гослове'нъ _е=си`.

%<Пjь'снь и~.%>

%<I=рмо'съ: Ц%>р~я` нб\снаго, _е=го'же пою'тъ во'и 
а='гг~льстiи, хвали'те и= превозноси'те во вся^ вjь'ки.

%<В%>озмуще'нiе души` моея` о_у=толи`, всенепоро'чная, 
w\т клеветы` навjь'тующихъ и=зба'ви мя`, вражду` грjьхо'вную 
во мнjь` о_у=кроти`, и= не'нависть мра'чную w\тврати` w\т 
мене`, дв~о, да прославля'ю тя`, ч\стая, во вjь'ки.

%<_О='%>гнь jа='рости во мнjь` sjьлw` разжже'нный, 
росо'ю благода'тныя моли'твы твоея` о_у=гаси`, хулу`, 
о_у=множа'ющую души` мое'й w=sлобле'нiе, и= вся'кiй ви'дъ 
sло'бы, гнjьздя'щiйся въ се'рдцjь мое'мъ, и=скорени`, дв~о, 
да тя` прославля'ю, ч\стая, во вjь'ки.

%<Сла'ва:%>

%<_О='%>бразъ хр\сто'въ _е=v\гльскими добродjь'тельми 
напиши` въ души` мое'й, бг~облагода'тная, о_у=крjьпи` и= 
о_у=тверди' мя во вся'комъ дjь'лjь благо'мъ, w\т вся'кiя же 
sло'бы w\тврати` се'рдце мое`, да ми'рными о_у=сты` 
прославля'ю тя`, ч\стая, во вjь'ки.

%<И= ны'нjь:%>

%<К%>ро'ткимъ _о='комъ твои'мъ ви'ждь мое` смире'нiе, 
пренепоро'чная богоневjь'сто, и= приклони` о_у='хо твое` къ 
(с. 623) моли'твjь се'рдца моегw`: кро'тостiю и= неsло'бiемъ 
благоукраси' мя, помраче'ннаго без_обра'зiемъ sло'бныхъ 
страсте'й, и= сотвори` прича'стника блаже'нства, крw'ткимъ 
w=бjьтова'ннагw, да ра'дуяся прославля'ю тя` ч\стая, во 
вjь'ки.

%<Пjь'снь f~.%>

%<I=рмо'съ: В%>ои'стинну бц\ду тя` и=сповjь'дуемъ, 
спасе'ннiи тобо'ю, дв~о ч\стая, съ безпло'тными ли'ки тя` 
велича'юще.

%<С%>кw'рби се'рдца моегw` о_у=тиши`, ра'досте 
скорбя'щихъ, о_у=ны'нiе душегуби'тельное w\тими` w\т мене`, 
о_у=толи'тельнице печа'ли, и= лjь'ность ко взыска'нiю 
добродjь'телей и=скорени` во мнjь`, взыска'нiе поги'бшихъ, 
да тебе`, дв~о ч\стая, непреста'ннw велича'ю.

%<М%>алоду'шiемъ болjь'знующаго мя` w=живи`, 
цjьли'тельнице боля'щихъ, w\тча'янiемъ па'дшаго мя` 
возста'ви, _о=диги'трiе заблу'ждшихъ, грjьха'ми 
о_у=мерщвле'ннаго мя` воскреси`, спору'чнице грjь'шныхъ, да 
тебе`, дв~о непоро'чная, непреста'ннw велича'ю.

%<Сла'ва:%>

%<О_у=%>се'рдiе во мнjь` твори'ти во'лю бж~iю возбуди`, 
и= ре'вность ко сла'вjь бж~iей воспламени` въ се'рдцjь 
мое'мъ, купино` _о=гнезра'чная и= неwпали'мая, и= 
бл~гоговjь'йна служи'теля хр\сто'ва содjь'лай мя`, дв~о, 
предводи'тельнице моегw` спасе'нiя.

%<И= ны'нjь:%>

%<С%>леза'ми покая'нiя и= о_у=миле'нiя и=зсо'хшую, въ 
зно'и страсте'й ду'шу мою` о_у=мягчи`, jа='кw руно` 
w=роше'нное гедеw'на, и= сокруше'нiе къ и=справле'нiю (с. 
624) да'ждь ми`, дв~о, да вjь^чныя бла^га о_у=наслjь'дую, и= 
съ ли'ки и=збра'нныхъ бж~iихъ воспою' тя, хода'таицу моегw` 
спасе'нiя.

%<Свjьти'ленъ:%>

%<I=%>кw'ну твою` всечестну'ю, въ зало'гъ благоволе'нiя 
твоегw` вjь^рнымъ дарова'ла _е=си`, вл\дчце, покрыва'я и= 
сохраня'я _е='ю w\т _о='гненнагw запале'нiя на тя` 
о_у=пова'ющыя: _w мт~и цр~я` хр\ста` бг~а, бу'ди и= на'мъ 
грjь^шнымъ прибjь'жище спасе'нiя въ неча'янныхъ бjьда'хъ, и= 
хода'таица вjь'чныя жи'зни.

%<На хвали'техъ стiхи^ры, гла'съ s~:%>

%<_W%> вели'кiя бл~гости и= неисче'тнагw милосе'рдiя 
твоегw`, вл\дчце: о_у=дивля'еши на'съ пресла'вными чудесы`, 
и=`хже и=сточа'етъ i=кw'на твоя` ст~а'я, во _о='бразjь 
неwпали'мыя купины' тя и=зwбразу'ющая, и= _о='гненнагw 
_е=стества` си'лу о_у=кроща'ющая си'лою твое'ю бж\ственною: 
ю='же съ весе'лiемъ прiе'млюще, тя` чи'стую бг~о_отрокови'цу 
достодо'лжнw пjь'сньми почита'емъ и= о_у=бл~жа'емъ.

%<_W%> бл~госе'рдагw твоегw` w= на'съ промышле'нiя, 
вл\дчце: въ годи'ну бjь'дъ и= w=бстоя'нiй, _е=гда` 
внеза'пное запале'нiе _о='гненное w=бы'метъ жили^ща на^ша, 
чу'дную i=кw'ну твою` посыла'еши на'мъ въ по'мощь и= 
защи'ту, и= _е='ю о_у=кроща'еши свирjь'пство _о=гня`, jа='кw 
мт~и стiхi'ами w=блада'ющагw вл\дки хр\ста`. тjь'мже 
велегла'снw проповjь'дуемъ твоя^ чудеса`, и= ми'лость мно'гу 
къ ро'ду хр\стiа'нскому, и= пjь'сньми хвале'бными немо'лчнw 
тя` велича'емъ и= о_у=бл~жа'емъ. (с. 625)

%<_W%> пресла'внагw чудесе`: ка'кw _о=гнезра'чная 
i=кw'на твоя`, вл\дчце, _о=гня` си'лу о_у=гаша'етъ, и= 
свjь'тлыми луча'ми бж~iя бл~года'ти о_у=мы` просвjьща'етъ и= 
сердца` весели'тъ: вои'стинну бо торжество` бл~гоче'стiя 
jа=вле'нiе i=кw'ны твоея` познава'я, пра'зднуемъ сiе` въ 
пjь'снехъ духо'вныхъ ра'достнw, и= тя`, бг~облагода'тная 
дв~о, вино'вницу ра'дости на'шея, славословле'нiя гла'сы 
восхваля'емъ и= о_у=бл~жа'емъ.

%<Сла'ва, и= ны'нjь. Гла'съ то'йже:%>

%<_W%> чу'до чуде'съ, бг~оневjь'стная мт~и и= дв~о: 
чудотвори'ти не престае'ши и= ны'нjь i=кw'ною твое'ю 
пречестно'ю, _о=тра'ду и= о_у=тjьше'нiе _е='ю да'руя 
стра'нникwмъ земны'мъ, въ ю=до'ли ско'рби и= пла'ча: и=зъ 
тебе' бо воплоти'ся w=бнови'тель па'дшагw _е=стества` 
человjь'ча, сы'й бг~ъ на'шъ, дарова'вый на'мъ тебе` въ 
покро'въ и= защи'ту, и='же слы'шитъ моли'тву твою` за на'съ 
приноси'мую, и= преклоня'ется къ моле'нiю твоему` 
ма'тернему, _е=гда` о_у=моля'еши бл~гость _е=гw` за лю'ди 
согрjьши'вшыя. тjь'мже не преста'й, бл~госе'рдая вл\дчце, 
предста'тельствовати за вся^ ны`, чту'щыя тя`, jа='кw 
вои'стинну _е=си` хода'таица непосты'дная на'шегw спасе'нiя.

%<Славосло'вiе вели'кое.%>

%<На лiтургi'и бл~ж_е'нна w\т канw'на, пjь^сни г~ и= s~. 
Прокi'менъ, гла'съ г~, пjь'снь бц\ды:%>

%<В%>ели'читъ душа` моя` гд\са, и= возра'довася ду'хъ 
мо'й w= бз~jь сп~сjь мое'мъ: (с. 626)

%<Стi'хъ: Jа='%>кw призрjь` на смире'нiе рабы` своея`, 
се' бо w\т ны'нjь о_у=блажа'тъ мя` вси` ро'ди.

%<А=п\слъ къ фiлiпписi'_емъ, зача'ло с~м.%>

%<А=ллилу'iа, гла'съ и~.%>

%<Стi'хъ: С%>лы'ши, дщи`, и= ви'ждь, и= приклони` 
о_у='хо твое`.

%<_Е=v\глiе w\т луки`, зача'ло н~д.%>

%<Прича'стенъ: Ч%>а'шу спасе'нiя прiиму`, и= и='мя 
гд\сне призову`.

%<Моли'тва.%>

%<_W%> прест~а'я и= пребл~гослове'нная мт~и сладча'йшагw 
гд\са на'шегw i=и~са хр\ста`: припа'даемъ и= покланя'емся 
тебjь` предъ ст~о'ю и= пречестно'ю i=кw'ною твое'ю, _е='юже 
ди^вная и= пр_есла'вная чудеса` содjьва'еши, w\т 
_о='гненнагw запале'нiя и= молнiено'снагw гро'ма жили^ща 
на^ша спаса'еши, неду^жныя и=сцjьля'еши, и= вся'ко благо'е 
проше'нiе на'ше во бл~го и=сполня'еши. смире'ннw мо'лимъ 
тя`, всеси'льная ро'да на'шегw засту'пнице, сподо'би на'съ 
немощны'хъ и= грjь'шныхъ, твоегw` ма'тернягw о_у=ча'стiя и= 
бл~гопопече'нiя. спаси` и= сохрани`, вл\дчце, подъ кро'вомъ 
ми'лости твоея` цр~ковь ст~у'ю, _о=би'тель сiю`, всю` 
страну` на'шу правосла'вную, и= вся^ ны` припа'дающыя къ 
тебjь` съ вjь'рою и= любо'вiю, и= о_у=миле'ннw прося'щыя со 
слеза'ми твоегw` заступле'нiя. _е='й, гп\сже` 
всеми'лостивая, о_у=милосе'рдися на на'съ, w=бурева'емыхъ 
грjьха'ми мно'гими, и= не и=му'щихъ дерзнове'нiя ко хр\сту` 
гд\су, проси'ти _е=го` w= поми'лованiи и= проще'нiи: но 
тебе` предлага'емъ къ нему` на о_у=моле'нiе, ма'терь _е=гw` 
по пло'ти: ты' же, (с. 627) всебл~га'я, простри` къ нему` 
бг~опрiи'мнiи ру'цjь твои`, и= предста'тельствуй за на'съ 
предъ бла'гостiю _е=гw`, прося` на'мъ проще'нiя 
прегрjьше'нiй на'шихъ, бл~гоче'стнагw ми'рнагw житiя`, 
благi'я хр\стiа'нскiя кончи'ны, и= до'брагw w\твjь'та на 
стра'шнjьмъ судjь` _е=гw`. наипа'че же въ ча'съ гро'знагw 
посjьще'нiя бж~iя, _е=гда` _о=гне'мъ возгоря'тся до'мы 
на'шя, и=ли` молнiено'снымъ гро'момъ о_у=страша'еми бу'демъ, 
jа=ви` на'мъ ми'лостивное твое` заступле'нiе и= держа'вное 
вспоможе'нiе: да спаса'еми всеси'льными твои'ми ко гд\су 
моли'твами, вре'меннагw наказа'нiя бж~iя здjь` и=збjь'гнемъ, 
вjь'чное же бл~же'нство ра'йское та'мw о_у=наслjь'дуемъ, и= 
со всjь'ми ст~ы'ми воспое'мъ пречестно'е и= великолjь'пое 
и='мя поклоня'емыя тр\оцы, _о=ц~а`, и= сн~а, и= ст~а'гw 
дх~а, и= твое` ве'лiе къ на'мъ милосе'рдiе, во вjь'ки 
вjькw'въ, а=ми'нь.



%<Мjь'сяца тогw'же въ д~-й де'нь.%>

%<Слу'жба и='же во ст~ы'хъ _о=тцу` на'шему i=wаса'фу, 
_е=пi'скопу бjьлогра'дскому.%>

%<На ма'лjьй вече'рни.%>

%<На Г%>д\си воззва'хъ, %<стiхи^ры, гла'съ а~:%>

%<В%>оспои'мъ, бра'тiе, свjьтлопра'зднственную пjь'снь, 
новоявле'ннаго о_у=го'дника бж~iя о_у=бл~жа'юще и= къ (с. 
628) тому` вознося'ще мл~тву, во _е='же w=чи'стити серде'цъ 
на'шихъ _о=чеса` и= па'мятiю чуде'съ _е=гw` просвjьти'ти 
ду'шы на'шя.

%<I=%>wаса'фе, о_у=го'дниче хр\сто'въ, всjь'хъ 
добродjь'телей подви'жникъ бы'лъ _е=си`, на земли` о_у='бw 
скw'рби поне'съ, на нб~си' же ра'дость вjь'чную w\т бг~а 
прiе'мъ, о_у=слы'ши моле'нiе ча^дъ твои'хъ и= моли` сп~сти` 
и= просвjьти'ти ду'шы на'шя.

%<Н%>и'щыя и= скw'рбныя возлюби'вый и= w= грjь'шныхъ 
лю'дехъ мл~тву всегда` возноси'вый, са'мъ w\т хр\ста` 
возлю'бленъ бы'лъ _е=си`, i=wаса'фе ст~и'телю: помина'й 
на'съ, по'двиги твоя^ почита'ющихъ, и= мл~тву сотвори` ко 
гд\су, сп~сти` и= просвjьти'ти ду'шы на'шя.

%<К%>то` и=счи'слитъ мно'жество и=сцjьле'нiй, w\т 
чудотво'рныхъ моще'й твои'хъ и=сточа'емыхъ, о_у=го'дниче 
хр\сто'въ; кто` не подиви'тся вели'кому твоему` 
заступле'нiю; ко'е ли се'рдце человjь'ческое любо'вiю твое'ю 
не о_у=мили'тся; ди'внw просла'вися въ тебjь` гд\сь, 
просвjьща'яй и= сп~са'яй ду'шы на'шя.

%<Сла'ва, гла'съ s~:%>

%<_О='%>трочеству твоему` наче'ншуся, прп\дбне, под\ъ 
кро'въ вл\дчцы прiя'тъ бы'лъ _е=си`, jа='коже роди'тель 
тво'й видjь'нiемъ въ то'мъ о_у=вjь'рися: сконча'вшуся же 
земно'му житiю` твоему`, и=но'е видjь'нiе лю'ди 
о_у=вjьря'етъ, jа='кw ду'хъ тво'й просла'вленъ _е='сть w\т 
бг~а. тому` и= w= на'съ моли'ся, ст~и'телю хр\сто'въ, 
поми'ловатися душа'мъ на'шымъ. (с. 629)

%<И= ны'нjь, бг~оро'диченъ:%>

%<Б%>ц\де, ты` _е=си` лоза` и='стинная, возрасти'вшая 
на'мъ пло'дъ живота`: тебjь` мо'лимся, моли'ся, вл\дчце, со 
ст~ы'ми а=п\слы, поми'ловати ду'шы на'шя.

%<На стiхо'внjь стiхи^ры, гла'съ в~:%>

%<Подо'бенъ: Д%>о'ме _е=vфра'fовъ:

%<I=%>wаса'фе, ст~и'телю бж~iй, мл~твы непреста'нныя 
кади'ло и= предста'телю w= лю'дехъ теплjь'йшiй, и= на'съ 
пою'щихъ тя` не w\три'ни, но помо'щникъ бу'ди на'мъ 
при'сный.

%<Стi'хъ: Б%>л~же'нъ му'жъ боя'йся гд\са, въ 
за'повjьдехъ _е=гw` восхо'щетъ sjьлw`.

%<В%>оспои'мъ, бра'тiе, о_у=го'дника хр\сто'ва 
i=wаса'фа, того` подвиза'юще на мл~тву, w\т бjь'дъ 
и=зба'витися на'мъ и= дарова'тися на'мъ пре'жде конца` 
покая'нiю.

%<Стi'хъ: С%>щ~е'нницы твои` w=блеку'тся въ пра'вду, и= 
прп\дбнiи твои` возра'дуются.

%<Н%>е довлjь'ютъ тебjь`, ст~и'телю хр\сто'въ, 
человjь'ч_еская бл~гохвал_е'нiя: зане` w\т преч\стыя бц\ды, 
во млады'хъ лjь'тjьхъ твои'хъ, jа='кw и=збра'нникъ бж~iй 
свидjь'тельствованъ _е=си`.

%<Сла'ва, гла'съ s~:%>

%<П%>рп\дбне _о='тче, во всю` зе'млю и=зы'де вjьща'нiе 
и=справле'нiй твои'хъ, тjь'мже на нб~сjь'хъ w=брjь'лъ _е=си` 
мзду` трудw'въ твои'хъ: де'мwнская разори'лъ _е=си` 
пw'лчища, и= дости'глъ _е=си` чинw'въ а='гг~льскихъ, и='хже 
житiю` непоро'чнw поревнова'лъ _е=си`. дерзнове'нiе и=мjь'я 
ко хр\сту` бг~у, ми'ръ и=спроси` душа'мъ на'шымъ. (с. 630)

%<И= ны'нjь, бг~оро'диченъ:%>

%<В%>ели'кихъ дарова'нiй, ч\стая дв~о бг~ома'ти, ты` 
сподо'билася _е=си`: jа='кw родила` _е=си` пло'тiю 
_е=ди'наго w\т тр\оцы хр\ста` жизнода'вца, во сп~се'нiе 
ду'шъ на'шихъ.

%<Тропа'рь, гла'съ т~:%>

%<С%>т~и'телю хр\сту` бг~у возлю'бленне, пра'вило вjь'ры 
и= _о='бразъ милосе'рдiя лю'демъ бы'лъ _е=си`, бдjь'нiемъ 
же, посто'мъ и= мл~твою jа='кw свjьти'льникъ пресвjь'тлый 
просiя'лъ _е=си`, и= просла'вленъ w\т бг~а jа=ви'лся _е=си`: 
тjь'ломъ о_у='бw въ нетлjь'нiи почива'я, ду'хомъ же 
пр\сто'лу бж~iю предстоя`, чудеса` пресла^вная и=сточа'еши. 
моли` хр\ста` бг~а, да о_у=тверди'тъ _о=те'чество на'ше въ 
правосла'вiи и= бл~гоче'стiи и= сп~се'тъ ду'шы на'шя.

%<И='нъ тропа'рь, гла'съ в~:%>

%<М%>оли'твенниче и=здjь'тства преизря'дный, 
бг~оизбра'нный ст~и'телю хр\сто'въ i=wаса'фе, пра'вило 
вjь'ры и= _о='бразъ милосе'рдiя бл~гоче'стнымъ житiе'мъ 
всjь^мъ jа=вля'еши и= съ вjь'рою къ тебjь` притека'ющымъ 
_о=би'льнw и=сцjьл_е'нiя и=сточа'еши. моли` хр\ста` бг~а, да 
о_у=тверди'тъ правовjь'рiе, ми'ръ и= бл~гоче'стiе и= 
сп~се'тъ ду'шы на'шя.

%<Сла'ва, и= ны'нjь, бг~оро'диченъ, гла'съ г~:%>

%<Т%>я`, хода'тайствовавшую сп~се'нiе ро'да на'шегw, 
воспjьва'емъ, бц\де дв~о: пло'тiю бо w\т теб_е` воспрiя'тою 
сн~ъ тво'й и= бг~ъ на'шъ, кр\сто'мъ воспрiи'мъ стра'сть, 
и=зба'ви на'съ w\т тли`, jа='кw чл~вjьколю'бецъ.

[Зри`] %<Слу'жбу вселе'нскихъ ст~ы'хъ, въ ты^я дни^ 
па'мяти ст~и'теля i=wаса'фа прилучи'вшуюся, пое'мъ на 
повече'рiи во и='нъ де'нь.%> (с. 631)

%<На вели'цjьй вече'рни.%>

%<Б%>л~же'нъ му'жъ, %<а~-й а=нтiфw'нъ.%>

%<На Г%>д\си воззва'хъ, %<стiхи^ры на и~:%>

%<Гла'съ и~:%>

%<Д%>и'венъ бг~ъ во ст~ы'хъ свои'хъ, въ ро'дjьхъ 
хр\стiа'нскихъ чудодjь'йствуяй и= нw'выя и=збра'нники своя` 
jа=вля'яй: зри'мъ бо и= ны'нjь i=wаса'фа о_у=го'дника w\т 
хр\ста` прославля'ема, и= красото'ю добродjь'телей свои'хъ 
страну` на'шу w=заря'юща, и= дерзнове'нiе ве'лiе и=му'ща, 
ми'ръ вселе'ннjьй дарова'ти и= душа'мъ на'шымъ ве'лiю 
мл\сть. %<Два'жды.%>

%<Л%>и'къ ст~ы'хъ твои'хъ, гд\си, на нб~сjь'хъ 
о_у=мно'жися преставле'нiемъ ст~и'теля твоегw` i=wаса'фа, 
_е=го'же и= на земли` цр~ковь воспjьва'етъ: тогw` о_у=`бо 
мл~твы w= на'съ прiими`, чл~вjьколю'бче, jа='кw и=мjь'яй 
ве'лiю мл\сть.

%<Н%>ощнjь'й тмjь` w=густjьва'ющей, о_у=множа'ется 
sвjь'здный бле'скъ, и= къ тому` _о='чи заблу'ждшихъ 
ра'достнw возво'дятся: та'кw и= о_у=мно'жившейся на земли` 
грjьхо'внjьй тмjь`, возведе'мъ горjь` _о='чи на'ши, бра'тiе, 
и= сiя'нiе добродjь'телей ст~и'теля о_у=зрjь'вше, къ 
нб\сному _о=те'честву потщи'мся, _е=гw'же да не лиши'тъ 
гд\сь на'съ грjь'шныхъ, и=мjь'яй ве'лiю мл\сть.

%<Гла'съ _е~:%>

%<Р%>а'дуйся, сщ~е'нная главо`, ст~и'телю бж~iй 
i=wаса'фе, па'стырей бг~ому'дрое пра'вило и= и='нокwвъ 
наста'вниче предо'брый: ра'дуйся, боля'щихъ цjьли'телю 
пресла'вный и= скорбя'щихъ о_у=тjь'шителю ми'лостивый. 
моли'ся при'снw ко гд\су, и= на'мъ подража'тел_емъ тебjь` 
бы'ти, (с. 632) и= грjьхw'вная вся^ презрjь'вшымъ, 
_е=ди'ному бг~у рабо'тати. %<Два'жды.%>

%<Р%>а'дуйся, страсте'й сопротивобо'рче и= дх~о'внагw 
дjь'ланiя тру'дниче: ра'дуйся, пра'ведниче, смиренному'дрiя 
и=спо'лненный, го'рдыхъ мi'ра сегw` w=бличи'телю и= 
лjьни'выхъ гро'зный кара'телю. не преста'й моля'ся ко гд\су 
w= на'съ, во _е='же сп~сти'ся на'мъ.

%<Р%>а'дуйся, нб\сный жи'телю, на зе'млю ми'лостивнымъ 
_о='комъ призира'яй и= мл~твы пjьвц_е'въ твои'хъ прiе'мляй: 
ра'дуйся, _о=чеса` твоя^ всегда` на нб~о возводи'вый и= w= 
земны'хъ стяжа'нiихъ небрегi'й. научи` о_у=`бо и= на'съ, 
ст~и'телю хр\сто'въ, на нб~сjь'хъ сокро'вище стяжа'ти и= 
твою` та'мw сла'ву jа='вjь о_у=зрjь'ти.

%<Сла'ва, гла'съ в~:%>

%<К%>i'ими похва'льными вjьнцы` о_у=вjьнча'емъ ст~и'теля 
хр\сто'ва, гд\сню сла'ву непреста'ннw возвjьща'вшаго и= 
бл~гоче'стiе пра'вое повсю'ду насади'вшаго, за'повjьдей 
хр\сто'выхъ живу'ю скрижа'ль, на ли'ца человjь'кwвъ не 
взира'вшаго, но ду'шы всjь'хъ ко сп~се'нiю приводи'вшаго; 
сего' бо вjьнцы` нетлjь'нными вjьнча'етъ хр\сто'съ бг~ъ 
на'шъ, и=мjь'яй ве'лiю мл\сть.

%<И= ны'нjь, бг~оро'диченъ:%>

%<П%>ре'йде сjь'нь зако'нная, бл~года'ти прише'дши: 
jа='коже бо купина` не сгара'ше w=паля'ема, та'кw дв~а 
родила` _е=си`, и= дв~а пребыла` _е=си`. вмjь'стw столпа` 
_о='гненнагw пра'ведное возсiя` сл~нце: вмjь'стw мwv"се'а, 
хр\сто'съ, сп~се'нiе ду'шъ на'шихъ. (с. 633)

%<Вхо'дъ. Прокi'менъ дне`, и= чт_е'нiя г~.%>

%<При'тчей чте'нiе.%>

[Главы^ _i~, г~, и~] %<П%>а'мять прв\днагw съ 
похвала'ми, и= бл~гослове'нiе гд\сне на главjь` _е=гw`. 
Бл~же'нъ человjь'къ, и='же w=брjь'те прему'дрость, и= 
сме'ртенъ, и='же о_у=вjь'дjь ра'зумъ. Лу'чше бо сiю` 
купова'ти, не'жели зла'та и= сребра` сокрw'вища. 
Честнjь'йшая же _е='сть ка'менiй многоцjь'нныхъ: все' же 
честно'е недосто'йно _е=я` _е='сть. Долгота' бо дне'й и= 
лjь'та живота` въ десни'цjь _е=я`, въ шу'йцjь же _е=я` 
бога'тство и= сла'ва: w\т о_у='стъ _е=я` и=схо'дитъ пра'вда, 
зако'нъ же и= мл\сть на я=зы'цjь но'ситъ. Послу'шайте 
о_у=`бо мене`, _w ча^да, честна^я бо реку`: и= бл~же'нъ 
человjь'къ, и='же пути^ моя^ сохрани'тъ: и=схо'ди бо мои` 
и=схо'ди живота`, и= о_у=готовля'ется хотjь'нiе w\т гд\са. 
Сегw` ра'ди молю` ва'съ, и= предлага'ю мо'й гла'съ сыновw'мъ 
человjь'ч_ескимъ: jа='кw а='зъ, прему'дрость, о_у=стро'ихъ 
совjь'тъ, и= ра'зумъ и= смы'слъ а='зъ призва'хъ. Мо'й 
совjь'тъ и= о_у=твержде'нiе, мо'й ра'зумъ, моя' же 
крjь'пость. А='зъ мене` лю'бящыя люблю`, и='щущiи же мене` 
w=бря'щутъ бл~года'ть. Разумjь'йте о_у=`бо неsло'бивiи 
кова'рство, ненака'заннiи же прилага'йте сердца`. 
Послу'шайте мене` и= па'ки, честна'я бо реку`, и= w\тве'рзу 
w\т о_у=сте'нъ пра^вая: jа='кw и='стинjь поучи'тся горта'нь 
мо'й, м_е'рзки же предо мно'ю о_у=стны` лжи^выя. Съ пра'вдою 
вси` глаго'лы о_у='стъ мои'хъ: ничто'же въ ни'хъ стро'потно, 
ниже` развраще'нно. Вся^ пра^ва су'ть разумjьва'ющымъ, и= 
прw'ста w=брjьта'ющымъ ра'зумъ. Научу' бо ва'съ и='стинjь, 
да бу'детъ w= гд\сjь наде'жда ва'ша, и= и=спо'лнитеся дх~а. 
(с. 634)

%<Прему'дрости соломw'новы чте'нiе.%>

[Главы^ _i~, а~_i] %<О_у=%>ста` прв\днагw ка'плютъ 
прему'дрость: о_у=стнjь' же муже'й му'дрыхъ вjь'дятъ 
бл~года'ть. О_у=ста` му'дрыхъ поуча'тся прему'дрости, 
пра'вда же и=збавля'етъ и=`хъ w\т сме'рти. Сконча'вшуся 
му'жу пра'ведну, не поги'бнетъ наде'жда. Сы'нъ бо пра'веденъ 
ражда'ется въ живо'тъ, и= во бл~ги'хъ свои'хъ пло'дъ пра'вды 
w=б\ъи'метъ. Свjь'тъ прв\днымъ всегда`, и= w\т гд\са 
w=бря'щутъ бл~года'ть и= сла'ву. Я=зы'къ му'дрыхъ дw'брая 
свjь'сть, и= въ се'рдцjь и='хъ почi'етъ му'дрость. Лю'битъ 
гд\сь преподw'бная сердца`, прiя'тни же _е=му` вси` 
непоро'чнiи въ пути`. Му'дрость гд\сня просвjьща'етъ лице` 
разу'мнагw: постига'етъ бо жела'ющыя ю=`, пре'жде да'же 
разумjь'ти ю=`, и= о_у=до'бь о_у='зрится w\т лю'бящихъ ю=`. 
О_у='треневавый къ не'й, не о_у=труди'тся: и= бдя'й _е=я` 
ра'ди, вско'рjь без\ъ печа'ли бу'детъ. Jа='кw досто'йныхъ 
_е=я` сама` w=бхо'дитъ и='щущи, и= во стезя'хъ _е=я` 
jа=вля'ется и=`мъ бл~гопрiе'мнjь. Му'дрости никогда'же 
w=долjь'етъ sло'ба. Си'хъ ра'ди и= рачи'тель бы'хъ добро'ты 
_е=я`: и= возлюби'хъ ю=`, и= поиска'хъ w\т ю='ности моея`: 
и= взыска'хъ невjь'сту привести` себjь`, jа='кw всjь'хъ 
вл\дка возлюби` ю=`. Таи'бница бо _е='сть бж~iя хи'трости и= 
w=брjьта'тельница дjь'лъ _е=гw`. Труды` _е=я` су'ть 
добродjь'т_ели: цjьлому'дрiю же и= ра'зуму та` о_у=чи'тъ, 
пра'вдjь и= му'жеству, и='хже потре'бнjье ничто'же _е='сть 
въ житiи` человjь'кwмъ. А='ще же и= мно'гагw и=ску'сства 
жела'етъ кто`, вjь'сть др_е'вняя и= бы'ти хотя^щая 
разсмо'тритъ: свjь'сть и=зви^тiя слове'съ и= разрjьш_е'нiя 
гада'нiй: зна'м_енiя и= (с. 635) чудеса` проразумjь'етъ, и= 
сбытiя^ време'нъ и= лjь'тъ: и= всjь^мъ совjь'тникъ _е='сть 
бл~гъ, jа='кw безсме'ртiе _е='сть въ не'й, и= бл~госла'вiе 
во _о=бще'нiи слове'съ _е=я`. Сегw` ра'ди бесjь'довахъ ко 
гд\су, и= помоли'хся _е=му`, и= рjь'хъ w\т всегw` се'рдца 
моегw`: бж~е _о=тц_е'въ и= гд\си мл\сти, сотвори'вый вся^ 
сло'вомъ твои'мъ и= му'дростiю твое'ю о_у=стро'ивый 
человjь'ка, да владjь'етъ бы'вшими w\т теб_е` тварьми` и= да 
о_у=правля'етъ мi'ръ въ преподо'бiи и= пра'вдjь: да'ждь ми` 
твои'хъ пр\сто'лwвъ присjьдя'щую прему'дрость: и= не 
w\тлучи` мене` w\т _о='трwкъ твои'хъ, jа='кw а='зъ ра'бъ 
тво'й и= сы'нъ рабы'ни твоея`. Посли` ю=` съ нб~съ w\т 
ст~а'гw жили'ща твоегw` и= w\т пр\сто'ла сла'вы твоея`, да 
су'щи со мно'ю научи'тъ мя`, что` бл~гоуго'дно _е='сть 
пред\ъ тобо'ю: и= наста'витъ мя` въ ра'зумъ, и= сохрани'тъ 
мя` во сла'вjь свое'й. Помышл_е'нiя бо сме'ртныхъ вся^ 
боязли^ва, и= погрjьши'т_ельна о_у=мышл_е'нiя и='хъ.

%<Прему'дрости соломw'новы чте'нiе.%>

[Главы^ д~, s~, з~, в~] %<П%>охваля'ему прв\днику, 
возвеселя'тся лю'дiе: безсме'ртiе бо _е='сть па'мять _е=гw`, 
jа='кw w\т гд\са познава'ется и= w\т человjь^къ: и= 
о_у=го'дна гд\севи душа` _е=гw`. Возлюби'те о_у=`бо, _w 
му'жiе, му'дрость, и= поживете`: восхощи'те _е=я`, и= 
нака'зани бу'дете: нача'ло бо _е=я` любы` и= соблюде'нiе 
зако'на. Почти'те прему'дрость, да во вjь'ки ца'рствуете. 
Возвjьщу` ва'мъ и= не скры'ю w\т ва'съ та^инъ бж~iихъ: 
jа='кw то'й му'дрости наста'вникъ _е='сть, и= му'дрыхъ 
и=спра'витель, и= вся'кому смы'слу и= дjь'лу хитре'цъ. И= 
всjь^мъ смы'слwмъ научи'тъ му'дрость: (с. 636) _е='сть бо въ 
не'й дх~ъ разу'менъ и= ст~ъ, и= сiя'нiе свjь'та 
присносу'щнагw, и= _о='бразъ бл~гости бж~iя. Та` дру'ги 
бж~iя и= пр\оро'ки о_у=строя'етъ: бл~голjь'пнjьйши же 
_е='сть со'лнца и= па'че вся'кагw сотворе'нiя sвjь'здъ: 
свjь'ту сосужда'ема, w=брjьта'ется пе'рвjьйши. Та` 
о_у=гожда'ющыя _е='й w\т болjь'зней и=зба'ви, и= наста'ви на 
ст_ези` пра^выя: даде` и=`мъ ра'зумъ и=мjь'ти ст~ъ, и= 
сохрани` я=` w\т ловя'щихъ, и= по'двигъ крjь'покъ подаде` 
и=`мъ, да разумjь'ютъ вси`, jа='кw си'льнjье всегw` _е='сть 
бл~гоче'стiе: и= никогда'же премо'жетъ sло'ба му'дрости, 
ниже` пре'йдетъ sлы^я w=блича'я су'дъ. Реко'ша же въ себjь`, 
помы'сливше непра'веднw: наси'льствуемъ прв\дному, и= не 
пощади'мъ преподо'бства _е=гw`, ни о_у=срами'мся сjьди'нъ 
ста'рости многолjь'тны, бу'детъ бо на'мъ крjь'пость зако'нъ: 
и= о_у=лови'мъ прв\днаго, jа='кw неуго'денъ на'мъ _е='сть, 
и= проти'вится дjьлw'мъ на'шымъ, и= поно'ситъ на'мъ 
w\тпаде'нiе зако'на, и= w=блича'етъ на'мъ согрjьш_е'нiя 
наказа'нiя на'шегw: возвjьща'етъ на'мъ ра'зумъ и=мjь'ти 
бж~iй, и= _о='трока гд\сня себе` и=мену'етъ. Бы'сть на'мъ на 
w=бличе'нiе помышле'нiй на'шихъ, и= тя'жекъ на'мъ _е='сть, 
и= ви'димь, jа='кw неподо'бно и=ны^мъ житiе` _е=гw`, и= 
и=змjьн_е'ны ст_ези` _е=гw`. Въ поруга'нiе вмjьни'хомся 
_е=му`: и= о_у=даля'ется w\т путе'й на'шихъ, jа='кw w\т 
нечисто'тъ, и= бл~жи'тъ послjь^дняя прв\дныхъ. О_у=ви'димъ 
о_у=`бо, а='ще словеса` _е=гw` и='стинна су'ть: и=ску'симъ, 
jа=`же сбыва'ются _е=му` Руга'нiемъ и= му'кою и=стя'жемъ 
_е=го`, да разумjь'емъ кро'тость _е=гw`, и= и=ску'симъ 
безsло'бство _е=гw`: сме'ртiю безwбра'зною (с. 637) 
w=су'димъ _е=го`: бу'детъ бо посjьще'нiе w\т слове'съ 
_е=гw`. Сiя` помы'слиша, и= прельсти'шася: w=слjьпи' бо я=` 
sло'ба и='хъ, и= не разумjь'ша та^инъ бж~iихъ, и= не 
разсуди'ша, jа='кw ты` _е=си` бг~ъ _е=ди'нъ, живота` 
и=мjь'яй и= сме'рти вла'сть, и= сп~са'яй во вре'мя ско'рби, 
и= и=збавля'яй w\т вся'кагw sла`: ще'дръ и= мл\стивъ, и= 
дая` прп\дбнымъ свои^мъ бл~года'ть, и= свое'ю мы'шцею 
гw'рдымъ противля'яся.

%<На лiтi'и стiхи'ра хра'ма: и= ст~а'гw, гла'съ а~:%>

%<П%>одоба'ше непоро'чнw соблюде'нному ст~и'теля 
дjь'вственному тjь'лу и= нетлjь'нiемъ вjь'чнымъ 
просла'витися: сiе' бо, добродjь'тельми прп\дбнагw 
w=чища'емо, _е=ще` жи'ву _е=му` су'щу, хра'мъ ст~а'гw дх~а 
быва'етъ, и= по преставле'нiи _е=гw` и=сто'чникъ чуде'сныхъ 
дарова'нiй jа=вля'ется, и='мже со о_у=миле'нiемъ дивя'щеся, 
ко о_у=го'днику вознесе'мъ мл~тву w= сп~се'нiи ду'шъ 
на'шихъ.

%<Сла'ва, гла'съ s~:%>

%<Д%>и'вный во ст~ы'хъ гд\сь въ житiи` ст~и'теля 
i=wаса'фа просла'вися, и= по преставле'нiи _е=гw` 
нетлjь'нными моща'ми чудодjь'йствуетъ, и= безчи'сл_енныя 
лю'ди вjь'ровати и= о_у=пова'ти на по'мощь нб\сную 
науча'етъ. потщи'мся о_у=`бо, _w бра'тiе, _е='же _е=ди'но на 
потре'бу и=ска'ти, и= ду'шы на'шя покая'нiемъ w=чища'ти, 
ст~и'теля въ по'мощь призыва'юще, и= въ тр\оцjь 
воспjьва'емаго бг~а прославля'ти во вjь'ки.

%<И= ны'нjь, бг~оро'диченъ:%>

%<Т%>воре'цъ и= и=зба'витель мо'й, преч\стая, хр\сто'съ 
гд\сь, и=з\ъ твои'хъ ложе'снъ проше'дъ, въ мя` w=болкi'йся, 
(с. 638) пе'рвыя кля'твы а=да'ма свободи`. тjь'мже ти`, 
всеч\стая, jа='кw бж~iи мт~ри же и= дв~jь вои'стину, 
вопiе'мъ немо'лчнw: ра'дуйся, а='гг~льски, ра'дуйся, 
вл\дчце, предста'тельство и= покро'ве, и= сп~се'нiе ду'шъ 
на'шихъ.

%<На стiхо'внjь стiхи^ры, гла'съ з~:%>

%<О_у=%>краси'теся, черто'зи нб\снiи, w\тве'рзитеся, 
дв_е'ри до'му бж~iя: се' бо w\т земли` вознесе'ся пра'ведная 
душа` ст~и'теля и= со а='гг~лы водворя'ется, и=`мже житiе'мъ 
свои'мъ поревнова`. тогw` мл~твами, хр\сте` бж~е, пощади` и= 
сп~си` ду'шы на'шя.

%<П%>рв\дныхъ ду'шы въ руцjь` бж~iей, и= не ко'снется 
и='хъ му'ка: но и= ме'ртвенное тjь'ло прв\днагw i=wаса'фа 
тлjь'нiю неприча'стно пребыва'етъ и= растлjь'ннымъ грjьхми` 
душа'мъ и=сто'чникъ бл~года'ти jа=вля'ется, _е=ще' же и= 
боля'щымъ здра'вiе да'руетъ, _е=гда` мл~твъ о_у=го'дника 
бж~iя воспро'сятъ и= къ моща'мъ _е=гw` съ вjь'рою 
притека'ютъ.

%<П%>оревну'имъ w= бл~гоче'стiи, бра'тiе, зри'мъ бо сiе` 
вjь'чною сла'вою вjьнча'емо: возненави'димъ горды'ню и= 
сребролю'бiе, jа='кw та^я w\три'нувъ ст~и'тель хр\сто'въ, на 
нб~си` и= на земли` вjь'чную сла'ву прiя'тъ и= сокро'вище 
w=брjь'те неиждива'емое: тjь'мже и= w= грjь'шныхъ лю'дехъ 
моли'тися дерзнове'нiе и= и=сцjьле'нiй бл~года'ть w\т бг~а 
стяжа`, да и= беззакw'нныя пут_е'мъ бж~iимъ научи'тъ, и= 
нечести^выя ко гд\су w=брати'тъ.

%<Сла'ва, и= ны'нjь, бг~оро'диченъ:%>

%<П%>од\ъ кро'въ тво'й, вл\дчце, вси` земноро'днiи 
прибjьга'юще, вопiе'мъ ти`: бц\де, о_у=пова'нiе на'ше, 
и=зба'ви ны` w\т безмjь'рныхъ прегрjьше'нiй, и= сп~си` ду'шы 
на'шя. (с. 639)

%<На о_у='трени.%>

%<На Бг~ъ гд\сь, тропа'рь, два'жды.%>

%<Сла'ва, и= ны'нjь, бг~оро'диченъ: Т%>я`, 
хода'тайствовавшую:

%<По а~-мъ стiхосло'вiи сjьда'ленъ, гла'съ д~:%>

%<Д%>а возвели'чится i=wаса'фъ, ст~и'тель хр\сто'въ, да 
наслjь'дитъ о_у=гото'ванное _е=му` вjь'чное цр\ство: то'й бо 
хр\сту` вjь'рнw служа'ше, w= ме'ньшей бра'тiи _е=гw` при'снw 
пекi'йся, и= ка'ющыяся въ любо'вь свою` прiима'ше, и= ны'нjь 
мо'лится w= душа'хъ на'шихъ. %<Два'жды.%>

%<Сла'ва, и= ны'нjь, бг~оро'диченъ:%>

%<Т%>е'плое заступле'нiе су'щымъ въ бjьда'хъ, и= 
помо'щницу на'шу, и= къ бг~у примире'нiе, _е='юже w\т тли` 
и=зба'вихомся, бц\ду вjь'рнiи о_у=бл~жа'емъ.

%<По в~-мъ стiхосло'вiи сjьда'ленъ, гла'съ и~:%>

%<В%>ъ житiи` твое'мъ, о_у=го'дниче хр\сто'въ, посто'мъ 
и= труды` тjь'ло твое` и=знури'лъ _е=си`: сегw` ра'ди по 
сме'рти твое'й нетлjь'нiемъ процвjьте` и= и=сто'чникъ 
и=сцjьле'нiй вjь^рнымъ быва'етъ. моли` прилjь'жнw хр\ста` 
бг~а сп~сти'ся душа'мъ на'шымъ. %<Два'жды.%>

%<Сла'ва, и= ны'нjь, бг~оро'диченъ:%>

%<Jа='%>кw всенепоро'чная невjь'ста творца`, jа='кw 
неискусому'жная мт~и и=зба'вителя, jа='кw вмjьсти'лище 
вы'шнягw су'щи, всепjь'тая, беззако'нiй мя` су'ща скве'рное 
жили'ще и= въ ра'зумjь бы'вша бjьсw'мъ и=гра'лище, потщи'ся 
и= w\т си'хъ sлодjь'йствiя мя` и=зба'вити, свjь'тлое жили'ще 
добродjь'телiю содjь'лавши: свjьтопрiе'мнице нетлjь'нная, 
w\тжени` w='блакъ страсте'й, и= сподо'би го'рнiя свjь'тлости 
и= неле'стнагw w=сiя'нiя свjь'та невече'рнягw твоегw`. (с. 
640)

%<На полv"еле'и велича'нiе:%>

%<В%>елича'емъ тя`, ст~и'телю _о='тче i=wаса'фе, и= 
чти'мъ ст~у'ю па'мять твою`: ты' бо мо'лиши за на'съ хр\ста` 
бг~а на'шего.

%<_Псало'мъ и=збра'нный: О_у=%>слы'шите сiя^, вси` 
jа=зы'цы:

%<По полv"еле'и сjьда'ленъ, гла'съ в~:%>

%<П%>рiиди'те, вси` вjь'рнiи, w=бстоя'ще 
многоцjьл_е'бныя мо'щи ст~и'теля, и=злiе'мъ сердца` на^ша въ 
мл~твjь, да пребу'детъ съ на'ми ду'хомъ свои'мъ, и= на 
бл~га^я дjья^нiя да наста'витъ на'съ, и= да научи'тъ 
и=скуш_е'нiя пло'ти побjьжда'ти и= _е=ди'ному бг~у 
о_у=гожда'ти.

%<Сла'ва, и= ны'нjь, бг~оро'диченъ:%>

%<Б%>ж~е'ственнагw _е=стества` не w\тлу'чься, пло'ть 
бы'сть во чре'вjь твое'мъ: но бг~ъ и= вочл~вjь'чься 
пребы'сть, и='же по рж\ствjь` мт~рь тя` дв~у, jа='коже 
пре'жде рж\ства`, сохрани` всенепоро'чну, _е=ди'нъ гд\сь. 
того` прилjь'жнw моли`, дарова'ти на'мъ ве'лiю мл\сть.

%<Степ_е'нна, а~-й а=нтiфw'нъ д~-гw гла'са.%>

%<Прокi'менъ, гла'съ а~: О_у=%>ста` моя^ возглаго'лютъ 
прему'дрость, и= поуче'нiе се'рдца моегw` ра'зумъ.

%<Стi'хъ: О_у=%>слы'шите сiя^, вси` jа=зы'цы, внуши'те, 
вси` живу'щiи по вселе'ннjьй.

%<Вся'кое дыха'нiе:%>

%<_Е=v\глiе w\т i=wа'нна, зача'ло л~s.%>

%<По _е=v\глiи стiхи'ра, гла'съ s~.%>

%<Н%>епреста'нною мл~твою, о_у=чи'тельнымъ сло'вомъ, 
вели'кимъ милосе'рдiемъ и= добродjь'тельнымъ житiе'мъ (с. 
641)_о='бразъ вjь^рнымъ бы'лъ _е=си`, бг~ому'дре i=wаса'фе, 
всjь'хъ ко хр\сту` приводя` и= на пу'ть сп~се'нiя 
наставля'я: твоегw` пастыренача'льства не лиши` и= на'съ, 
вели'кiй ст~и'телю бж~iй, почита'ющихъ па'мять твою` 
вjь'рнw.

%<Канw'нъ бц\ды, на s~, и= ст~а'гw, на и~.%>

%<Катава'сiа д~-гw септе'мврiа: К%>р\стъ начерта'въ 
мwv"се'й: %<_i~-гw деке'мврiа: С%>п~се` лю'ди 
чудодjь'йствуяй вл\дка: %<и=ли`: Х%>р\сто'съ ражда'ется:

%<Канw'нъ ст~и'телю i=wаса'фу, и=мjь'яй краегране'сiе 
сицево`:%>

%<I=%>wаса'фе святи'телю, моли'ся w= царjь` и= лю'дехъ.

%<Гла'съ д~.%>

%<Пjь'снь а~.%>

%<I=рмо'съ: Т%>рiста'ты крjь^пкiя, рожде'йся w\т дв~ы, 
безстра'стiя во глубинjь`, души` трича'стное потопи`, 
молю'ся, да тебjь`, jа='кw въ тv"мпа'нjь, во о_у=мерщвле'нiи 
тjьлесе` побjь'дное воспою` пjь'нiе.

%<Припjь'въ: С%>т~и'телю _о='тче i=wаса'фе, моли` бг~а 
w= на'съ.

%<I=%>wаса'фа ст~и'теля воспjьва'юще по'двиги, 
w=чи'стимъ по'мыслы о_у=ма` на'шегw, бра'тiе, того` 
подвиза'юще на мл~тву w= проще'нiи грjь^хъ на'шихъ и= 
бл~года'тнагw о_у=миле'нiя дарова'нiи.

%<W=%> твое'мъ бл~гоче'стiи и=змла'да потща'вшеся 
роди'телiе твои`, о_у=го'дниче хр\сто'въ, досто'йную мзду` 
трудw'въ свои'хъ въ тебjь` стяжа'ша, jа='кw w\т 
младе'нчества твоегw` бл~гочести'вымъ нра'вомъ ра'дость 
тjь^мъ бы'лъ _е=си`.

%<А='%>ннjь пра'веднjьй о_у=подо'бися _о=те'цъ тво'й, 
ст~и'телю: та' бо дще'рь свою` во ст~о'е ст~ы'хъ вводи'му 
ви'дjь, се'й (с. 642) же тя` w\т тоя'жде прест~ы'я бц\ды 
а=рхiере'йскою сла'вою вjьнча'нна въ видjь'нiи чу'днjьмъ 
позна'ти сподо'бися.

%<С%>еб_е` сама'гw пла'чу w=кая'нный а='зъ, w\т ю='ности 
страсте'мъ порабо'тився: поми'луй мя` предста'тельствомъ 
твои'мъ, ст~и'телю, w\т ю='ности стра^сти поработи'вый и= 
_е=ди'ному бг~у до сме'рти послужи'вый.

%<Бг~оро'диченъ:%>

%<Г%>о'ру ст~у'ю, превы'шнее носи'ло, мт~рь бж~iю и= 
дв~у и='стинную по рж\ствjь` воспои'мъ.

%<Пjь'снь г~.%>

%<I=рмо'съ: С%>ъ высоты` снизше'лъ _е=си` во'лею на 
зе'млю, превы'ше вся'кагw нача'ла, и= смире'нное возне'слъ 
_е=си` и=з\ъ а='да преиспо'днягw _е=стество` человjь'ческое: 
нjь'сть бо ст~ъ па'че теб_е`, чл~вjьколю'бче.

%<А='%>ще и= ча'до послу'шное роди'тел_емъ твои^мъ бы'лъ 
_е=си`, i=wаса'фе, но, гд\са па'че си'хъ возлюби'въ, и=з\ъ 
_о=те'ческагw до'ма сп~се'нiя ра'ди о_у=дали'лся _е=си`, и= 
науче'нiе кни'жное воспрiи'мъ, во _о=би'тель и='ноческую 
себе` заключи'лъ _е=си`.

%<Ф%>арiсе'йскагw возноше'нiя чу'ждь jа=ви'лся _е=си`, 
_о='тче прп\дбне: мона'шеское же смире'нiе w\т ю='ности 
возлюби'въ, та'йными пw'двиги пло'ть смиря'лъ _е=си`, и= 
ду'шу твою` мл~твою пред\ъ _о=ц~е'мъ нб\снымъ просвjьща'лъ 
_е=си`.

%<_Е='%>же жи'ти ми` хр\сто'съ, и= сме'рть 
прiwбрjь'тенiе, глаго'лалъ _е=си` въ себjь`, хр\сто'въ 
о_у=го'дниче, и= болjь'знемъ пло'ть твою` сокруша'ющымъ, 
труды` ко трудw'мъ гд\са ра'ди прилага'лъ _е=си`.

%<С%>т~о'е послуша'нiе воспрiи'мъ и= сщ~е'нства 
w=де'ждою о_у=кра'шенъ, i=wаса'фъ о_у=го'дникъ хр\сто'въ 
о_у=чи'тель до'бръ (с. 643) _о=трокw'мъ быва'етъ, сло'вомъ 
и= житiе'мъ тjь'хъ бл~гоче'стiю науча'я и= во млады'хъ 
лjь'тjьхъ о_у='мъ зрjь'лый jа=вля'я.

%<Бг~оро'диченъ:%>

%<Н%>еискусобра'чная бг~а пло'тiю ро'ждшая, стра'стными 
прилw'ги преклоне'на мя` о_у=тверди`: нjь'сть бо, ч\стая, 
ра'звjь теб_е` помо'щница.

%<Сjьда'ленъ, гла'съ s~:%>

%<К%>а'я добродjь'тель не w=брjь'те въ души` твое'й 
w=бита'лища; ко'егw по'двига не бы'лъ _е=си` побо'рникъ; 
нищета' бо духо'вная и= w= цр\ствiи нб\снjьмъ пла'чь, и= 
нра'ва кро'тость, и= пра'вды и=ска'нiе, и= ко бли'жнимъ 
милосе'рдiе, и= се'рдца чистота` во твое'мъ непоро'чнjьмъ 
житiи` просiя'ша. тjь'хъ о_у=`бо дарова'нiй _о='бщники ны` 
моля'щыяся сотвори`, и= w= душа'хъ на'шихъ предста'тель 
бу'ди, i=wаса'фе и=збра'нниче бж~iй. %<Два'жды.%>

%<Сла'ва, и= ны'нjь, бг~оро'диченъ:%>

%<Б%>л~гослове'нную нарекi'й твою` мт~рь, прише'лъ 
_е=си` на стр\сть во'льнымъ хотjь'нiемъ, возсiя'въ на 
кр\стjь`, взыска'ти хотя` а=да'ма, глаго'ля а='гг~лwмъ: 
сра'дуйтеся мнjь`, jа='кw w=брjь'теся поги'бшая дра'хма. 
вся` му'дрjь о_у=стро'ивый, бж~е на'шъ, сла'ва тебjь`.

%<Пjь'снь д~.%>

%<I=рмо'съ: С%>jьдя'й въ сла'вjь на пр\сто'лjь 
бж~ества`, во w='блацjь ле'гцjь прiи'де i=и~съ 
пребж~е'ственный, нетлjь'нною дла'нiю, и= сп~се` зову'щыя: 
сла'ва, хр\сте`, си'лjь твое'й.

%<В%>jь'мъ и= а='зъ пу'ть ко сп~се'нiю веду'щiй, но 
лjь'ности пло'ти моея` не побjьжда'ю, о_у=вы` мнjь`. сегw` 
ра'ди тя`, (с. 644) ст~и'телю, призыва'ю въ мл~тву, да 
жела'нiе сп~се'нiя во мнjь` о_у=тверди'ши.

%<Jа='%>корь сп~се'нiя и=мjь'я наде'жду на гд\са, 
служе'нiе и=гу'менское прiя'лъ _е=си`, и= къ попече'нi_емъ 
w= строи'тельствjь домо'внjьмъ понужда'емь, ду'шу твою` 
о_у=строя'ти ко сп~се'нiю не преста'лъ _е=си`: сему` и= 
мене` многосу'етнаго науча'й, _о='тче прп\дбне.

%<Т%>руды` ко трудw'мъ прилага'я и= _о=би'тель 
лубе'нскую w\т разруше'нiя воздвиза'я, по земли' же 
рwссi'йстjьй за ми'лостынею стра'нствуя, ст~и'тель i=wаса'фъ 
цари'цу во бл~гоче'стiи о_у=твержда'етъ и= вся^ лю'ди 
сп~се'нiю ду'шъ науча'етъ.

%<И=%>мjь'я въ се'рдцjь свое'мъ при'сную къ ни'щымъ 
любо'вь, i=wаса'фъ хр\сто'въ о_у=го'дникъ _о=те'ческое 
попече'нiе w= монасты'рскихъ тру'дницjьхъ jа=вля'етъ и= w\т 
доста'тка своегw` щедрw'ты бли^жнимъ свои^мъ w\тверза'етъ.

%<Бг~оро'диченъ:%>

%<Г%>п\сже` всепjь'тая бг~ороди'тельнице, моя^ 
помышл_е'нiя твои'ми мл~твами w=чи'стивши, покажи' мя 
бл~гопло'дна, мт~и всjь'хъ бг~а.

%<Пjь'снь _е~.%>

%<I=рмо'съ: Н%>ы'нjь воста'ну, проро'чески рече` бг~ъ, 
ны'нjь просла'влюся, ны'нjь вознесу'ся, па'дшаго прiе'мъ w\т 
дв~ы и= къ свjь'ту о_у='мному вознося'й моегw` бж~ества`.

%<Т%>ебе`, ст~и'телю хр\сто'въ, молю` въ сокруше'нiи 
се'рдца: jа='коже въ житiи` твое'мъ ка'ющыяся проща'лъ 
_е=си`, та'кw и= моегw` се'рдца сокруше'нiе зря`, о_у=моли` 
гд\са грjьхw'мъ мои^мъ проще'нiе дарова'ти. (с. 645)

%<_Е=%>ле'нь на и=сто'чники водны^я о_у=стремля'ется: 
ты' же, о_у=го'дниче, ко сла'вjь цр~кве хр\сто'вы вся^ 
дjья^нiя и= по'мыслы твоя^ при'снw о_у=стремля'лъ _е=си`, и= 
та'кw _о=би'т_ели ст~и'теля а=fана'сiа и= прп\дбнагw се'ргiа 
_е=ли'кw строе'нiемъ цр~ко'внымъ, толи'кw и= бл~гоче'стiемъ 
бра'тiи о_у=краси'лъ _е=си`.

%<Л%>ю'дiе, слы'шите и= чуди'теся о_у=го'дника 
смиренному'дрiю: се'й бо ст~а'го а=fана'сiа въ видjь'нiи 
зри'тъ и= тому` вопроси'вшу w\твjьщава'етъ: хощу`, да мене` 
jа='коже грjь'шника нака'жеши.

%<Ю='%>наго соломw'на, не бога'тства, но му'дрости w\т 
jа=ви'вшагwся гд\са прося'ща, похваля'етъ вы'шнiй, и= 
вселе'нная при'снw прославля'етъ: но тогw` мудрjь'йшiй 
i=wаса'фъ показу'ется, наказа'нiя грjьхw'мъ свои^мъ w\т 
jа='вльшагwся ст~и'теля и=спроша'я.

%<Бг~оро'диченъ:%>

%<В%>оплоти'ся бг~ъ по v=поста'си, ч\стая, и=з\ъ теб_е` 
пло'ти соединя'емь, пребы'въ неизмjь'ненъ, по бж~е'ственному 
существу` безпло'тенъ.

%<Пjь'снь s~:%>

%<I=рмо'съ: В%>озопи`, проwбразу'я погребе'нiе 
тридне'вное, пр\оро'къ i=w'на, въ ки'тjь моля'ся: w\т тли` 
и=зба'ви мя`, i=и~се цр~ю` си'лъ.

%<М%>л~твами прп\дбнагw се'ргiа, твои'ми же труды^ во 
сла'ву ст~ы'хъ бж~iихъ, па'че же се'рдца чистото'ю, w\т 
гд\са _е=ще` на земли` возвели'ченъ бы'лъ _е=си`, 
о_у=го'дниче, и= ст~и'тельскимъ са'номъ во сп~се'нiе па'ствы 
твоея` w=блече'нъ бы'лъ _е=си`.

%<_О='%>гненную ре'вность w= и=справле'нiи цр~ко'внjьмъ 
jа=вля'лъ _е=си` въ бjьлогра'дстjьмъ предjь'лjь, i=wаса'фе 
(с. 646) ст~и'телю: тjь'мже и= дне'сь подава'й цр~кви ми'ръ, 
вjь^рнымъ о_у=твержде'нiе.

%<Л%>юбве` сыно'внiя не w\тпа'лъ _е=си`, на высотjь` 
ст~и'тельства пребыва'я, и= роди'телю твоему` земно'е 
поклоне'нiе возда'лъ _е=си`, хр\сту` посредjь` ва'съ су'щу: 
о_у=`бо и= мое` смири` прего'рдое се'рдце, и= мл~твами 
твои'ми вразуми' мя.

%<И='%>нокъ нестяжа'теленъ на престо'лjь а=рхiере'йства 
пребы'лъ _е=си`, ст~и'телю, по'двиги поста` и= мл~твы 
о_у=множа'я, до'брое w= себjь` и= w= лю'дехъ вознося` 
моле'нiе, i=ер_е'и же и= вся^ лю'ди за'повjьдемъ бж~iимъ 
науча'я.

%<Бг~оро'диченъ:%>

%<В%>ся'кагw существа` вы'шшее, сло'во бж~iе воплоще'нно 
на'мъ родила` _е=си`: тjь'мже бц\ду тя` о_у=стна'ми и= 
душе'ю проповjь'дуемъ.

%<Конда'къ, гла'съ и~:%>

%<М%>ногоразли'чныя по'двиги житiя` твоегw` кто` 
и=сповjь'сть; многоwбра'зныя мл\сти бж~iя тобо'ю 
jа=вл_е'нныя кто` и=счи'слитъ; дерзнове'нiе же твое` о_у= 
преч\стыя бц\ды и= всеще'драгw бг~а до'брjь вjь'дуще, во 
о_у=миле'нiи серде'чнjьмъ зове'мъ ти`: не лиши` и= на'съ 
твоея` по'мощи и= заступле'нiя, ст~и'телю хр\сто'въ и= 
чудотво'рче i=wаса'фе.

%<I='косъ:%>

%<П%>реч\стою бг~омт~рiю w\т ю='ности въ сосу'дъ 
бл~года'ти и=збра'нный, бл~гочести'вымъ житiе'мъ вои'стину 
до'брый па'стырь слове'сныхъ _о=ве'цъ jа=ви'лся _е=си`, 
ст~и'телю: (с. 647) тjь'мже прiя'лъ _е=си` да'ръ 
и=сцjьле'нiй w\т возлюби'вшагw тя` хр\ста` бг~а на'шегw. 
сегw` ра'ди зове'мъ ти`: не лиши` и= на'съ твоея` по'мощи и= 
заступле'нiя, ст~и'телю хр\сто'въ и= чудотво'рче i=wаса'фе.

%<Пjь'снь з~.%>

%<I=рмо'съ: Ю='%>нwши три` въ вавv"лw'нjь, велjь'нiе 
мучи'телево на бу'йство прело'жше, посредjь` пла'мене 
вопiя'ху: бл~гослове'нъ _е=си`, гд\си бж~е _о=т_е'цъ 
на'шихъ.

%<С%>т~и'телю i=wаса'фу диви'мся, _w лю'дiе, вjь'дуще 
сего`, а='ки нiкола'а чудотво'рца, бjь'дныхъ хи^жины та'йнw 
посjьща'юща, и=ли` тjь^мъ дрова` свои'ма рука'ма 
о_у=готовля'юща, и= бi_е'нiя w\т привра'тника прiе'млюща.

%<Jа='%>звы грjьхw'вныя на душа'хъ человjь'ческихъ 
прови'дjьлъ _е=си`, ст~и'телю, и= та^йная прегрjьш_е'нiя 
и='хъ съ любо'вiю и= долготерпjь'нiемъ w=блича'лъ _е=си`: 
тjь'мже и= на'съ мл~твою твое'ю къ покая'нiю и= 
и=справле'нiю житiя` приведи`, и= ду'шы на'шя 
предста'тельствомъ твои'мъ поми'луй.

%<_О='%>ному власти'телю о_у=подо'бихся а='зъ 
w=кая'нный, и='же, са'мъ беззако'ненъ бы'въ, ко о_у='зникwмъ 
sjьлw` же'стокъ jа=вля'шеся: но jа='коже того` науче'нiемъ 
твои'мъ и=спра'вилъ _е=си`, _о='тче i=wаса'фе, ст~и'телю 
хр\сто'въ, та'кw и= мене` научи` ко бли^жнимъ ми'лостива, къ 
себjь' же же'стока бы'ти.

%<Ц%>р~я` нб\снагw до'брый во'ине и= ста'да хр\сто'ва 
вjь'рный па'стырю, мл~тву сотвори` w= лю'дехъ твои'хъ, да 
ти'хое житiе` на земли` пожи'вше, жи'зни вjь'чныя на 
нб~сjь'хъ сподо'бимся. (с. 648)

%<Бг~оро'диченъ:%>

%<П%>ревjь'чнw w\т _о=ц~а` возсiя'вша бг~а сло'ва во 
о_у=тро'бjь пло'тiю заче'ншую вси` о_у=бл~жа'емъ, jа='кw 
мт~рь всjь'хъ бг~а.

%<Пjь'снь и~.%>

%<I=рмо'съ: И=%>зба'вителю всjь'хъ всеси'льне, посредjь` 
пла'мене бл~гоче'ствовавшыя снизше'дъ w=роси'лъ _е=си`, и= 
научи'лъ _е=си` пjь'ти: вся^ дjьла`, бл~гослови'те, по'йте 
гд\са.

%<А=%>fана'сiю _о='ному тобо'ю возлю'бленному 
подража'тель бы'въ, ст~и'телю, потща'лся _е=си` земно'е 
житiе` во стра'нничестjьмъ по'двизjь сконча'ти, и= кончи'ну 
свою` прозрjь'въ, пути` дале'кому небоя'зненнw вда'лся 
_е=си`.

%<Р%>е'клъ _е=си` лю'демъ, w\т па'ствы твоея` w\тходя`: 
не и='мате мене` жи'ва о_у=зрjь'ти. тjь'мже въ зало'гъ 
_о=бще'нiя та'мw гробни'цу тебjь` о_у=стро'ити повелjь'лъ 
_е=си`. и= на'съ о_у=`бо научи` ча'съ сме'ртный па'мятовати 
и= w= души` свое'й попече'нiе непреста'ннw храни'ти.

%<_Е=%>ли'ка твоя` w= мона'шестjьмъ житiи` бя'ше 
ре'вность, толи'ка и= ко твои^мъ при^снымъ любы`: зане` не 
по пло'ти то'чiю свои` тебjь` бы'ша, но и= ду'хомъ _е=ди'но 
въ бз~jь съ тобо'ю jа=ви'шася. тогw` ра'ди восхотjь'лъ 
_е=си` роди'т_ели твоя^ пре'жде кончи'ны твоея` посjьти'ти 
и= бл~гослове'нiе бж~iе тjь^мъ препода'ти.

%<И=%>гу'менъ, близ\ъ мjь'ста твоея` пра'ведныя кончи'ны 
подвиза'выйся, w= часjь` преставле'нiя твоегw` видjь'нiемъ 
и=звjьству'ется, и= свидjь'тель вjь'ренъ w= твое'мъ w\т бг~а 
прославле'нiи а='бiе быва'етъ. и= на мнjь` о_у=`бо твоея` 
(с. 649) мл~твы си'лу покажи`, хр\сто'въ о_у=го'дниче, и= 
то'ю w\т мучи'тельства страсте'й свободи' мя.

%<Бг~оро'диченъ:%>

%<В%>сест~а'я дв~о, бг~а сло'ва ро'ждшая пло'тiю, души` 
моея` мра'къ твои'ми мл~твами w\тгна'вши, просвjьти` 
взыва'юща: бл~гослови'те, вся^ дjьла` гд\сня, гд\са.

%<Пjь'снь f~.%>

%<I=рмо'съ: Р%>ж\ство` твое` нетлjь'нно jа=ви'ся: бг~ъ 
и=з\ъ боку` тво_е'ю про'йде, jа='кw плотоно'сецъ jа=ви'ся на 
земли`, и= съ человjь^ки поживе`. тя`, бц\де, тjь'мъ вси` 
велича'емъ.

%<Л%>юбы` николи'же w\тпа'даетъ, глаго'летъ 
бж~е'ственный дх~ъ. и='стина сiя` въ чудесjь'хъ любве` 
твоея` и=звjьсти'ся, ст~и'телю хр\сто'въ, jа='кw боля'щымъ 
и=сцjьле'нiе и= скорбя'щымъ о_у=тjьше'нiе w\т твои'хъ 
нетлjь'нныхъ и=сточа'еши моще'й.

%<Ю='%>жскiй рwссi'йскiя земли` предjь'лъ бл~годаре'нiй 
w= чудесjь'хъ твои'хъ и=спо'лнися и=здре'вле: ны'нjь же и= 
w\т да'льнихъ стра'нъ сjь'верныхъ притека'ющыя зри'мъ и= 
и=сцjьл_е'нныя страда'льцы, w= твое'мъ заступле'нiи 
ра'дующыяся.

%<Д%>jь'ти стра'ждущыя па'че и=ны'хъ возлюби'лъ _е=си`, 
ст~и'телю хр\сто'въ, тjь^мъ и=сцjьл_е'нiя и= бл~года'тную 
по'мощь о_у=множа'я и= роди'т_ели и='хъ w\т ско'рби къ 
ра'дости премjьня'я.

%<_Е=%>лiссе'а пр\оро'ка косте'й прикоснове'нiемъ воста` 
о_у=ме'рый: твои'хъ же моще'й цjьлова'нiемъ безчи'сленнiи 
и=сцjьли'шася лю'дiе. и= мене` о_у=`бо припа'дающа и=сцjьли` 
w\т грjьхо'вныхъ страсте'й, и= вjь'ру о_у=крjьпи` 
многогрjь'шныя души` моея`, _о='тче прп\дбне. (с. 650)

%<Х%>р\сте` бж~е, мл~твами i=wаса'фа о_у=го'дника 
твоегw` ми'ръ цр~кви пода'ждь и= бл~гостоя'нiе, w\т гла'да же 
и= па'губы и=збавле'нiе и= согрjьше'нiй на'шихъ проще'нiе.

%<Бг~оро'диченъ:%>

%<П%>ло'дъ чре'ва твоегw`, ра'дость ро'ждшая, содjь'я 
ликостоя'теля пjь'снь пjь'ти тебjь`, велегла'снw ра'дуйся 
провjьщава'юща.

%<И= а='бiе:%>

%<Л%>юби'ти о_у='бw на'мъ, jа='кw безбjь'дное стра'хомъ, 
о_у=до'бjье молча'нiе: любо'вiю же, дв~о, пjь^сни тка'ти 
спротяже'ннw слож_е'нныя неудо'бно _е='сть. но и=, мт~и, 
си'лу, _е=ли'ко _е='сть произволе'нiе, да'ждь.

%<Свjьти'ленъ.%>

%<Подо'бенъ: Ж%>_ены`, о_у=слы'шите:

%<С%>вjьти'льникъ свjь'тлый i=wаса'фъ да воспое'тся 
посредjь` цр~кве, jа='кw и='нокъ преподо'бенъ и= ст~и'тель 
че'стенъ, нему'дрыхъ наказа'тель и= вjь'ры о_у=чи'тель, 
боля'щихъ вра'чь чудотворя'й, бjьсw'въ и=згони'тель и= w= 
вселе'ннjьй предста'тель теплjь'йшiй.

%<Сла'ва, и= ны'нjь, бг~оро'диченъ:%>

%<В%>е'лiе и= пресла'вное рж\ства` твоегw` та'инство, 
бг~ора'дованная _о=трокови'це и= бг~омт~и дв~о, пр\оро'цы 
проповjь'даша, а=п\сли научи'ша, мч~нцы и=сповjь'даша, 
а='гг~ли же воспjьва'ютъ, и= человjь'цы покланя'ются.

%<На хвали'техъ стiхи^ры на д~, гла'съ д~.%>

%<Подо'бенъ: Jа='%>кw до'бля:

%<С%>т~и'теля гд\сня мо'щи цjьлу'юще, вjь'рнiи, 
w=чи'стимъ себе` w\т скве'рны пло'ти и= ду'ха, и= па'мятiю 
чуде'съ _е=гw` сердца` на^ша о_у=мили'мъ, въ покая'нiи 
те'плjь зову'ще (с. 651) хр\сту`: гд\си, о_у=го'дника 
твоегw` мл~твами вложи` въ на'съ тому` подража'ти жела'нiе. 
%<Два'жды.%>

%<Н%>икто'же то'щь w\т теб_е` и=схо'дитъ, ст~и'телю 
бж~iй i=wаса'фе, и= и=сцjьле'нiе тjь'ла и= души` w=сщ~е'нiе 
вся'къ прiе'млетъ, а='ще съ вjь'рою по'мощь твою` 
призове'тъ, и= w= грjьсjь'хъ свои'хъ покая'нiе принося`, 
житiе` свое` и=спра'вити потщи'тся. тому` о_у=`бо и= на'съ 
научи`, ст~е, и= мл~тву сотвори` w= сп~се'нiи ду'шъ на'шихъ.

%<С%>леза'ми о_у=миле'нiя ли'ца своя^ w=роша'юще, 
вjь'рнiи, цjьлу'имъ о_у=го'дника нетлjь^нныя мо'щи, jа='кw 
рjьку` чуде'съ и= и=сцjьле'нiй и=сто'чникъ неwску'дный, 
jа='кw бж~е'ственныя си'лы зна'менiе jа=снjь'йшее, _е='же въ 
на^ша маловjь^рная времена` въ сердца'хъ вjь'ру 
о_у=множа'етъ, невjь^рныя же къ вjь'рjь возво'дитъ и= 
ст~и'теля бж~iя чти'ти всjь'хъ науча'етъ.

%<Сла'ва, гла'съ и~:%>

%<_W%> пресла'внагw чудесе`! _w бж~е'ственнагw къ на'мъ 
грjь^шнымъ долготерпjь'нiя! jа='кw о_у=мно'жившымся 
собла'знwмъ на земли` и= вjь'рjь sjьлw` о_у=ма'леннjьй, 
чуд_е'сная о_у=множа'ются w\т моще'й ст~и'теля 
и=сцjьл_е'нiя. зри'те о_у=`бо, лю'дiе рwссi'йстiи и= вся^ 
вjь^рная хр\сто'вы цр~кве ча'да, коли'кw мо'жетъ мл~тва 
пра'веднича, ка'кw дре'внихъ чуде'съ подо'бiе дне'сь на'мъ 
jа=вля'ется. сла'ва тебjь`, хр\сте` бж~е, jа='кw ты` _е=си` 
ст~ы'ми чудодjь'йствуяй: сотвори' ны достw'йны толи'кiя 
бл~года'ти бы'ти, слы'шат_ели и= свидjь'т_ели чуде'съ 
ст~а'гw i=wаса'фа су'щыя, и= и=зба'ви на'съ w\т безмjь'рныхъ 
грjьхw'въ, и= ра'дость сп~се'нiя твоегw` пода'ждь на'мъ. (с. 
652)

%<И= ны'нjь, бг~оро'диченъ:%>

%<В%>л\дчце, прiими` мл~твы ра^бъ твои'хъ, и= и=зба'ви 
на'съ w\т вся'кiя ну'жды и= печа'ли.

%<Славосло'вiе вели'кое, и= w\тпу'стъ.%>

%<На лiтургi'и слу'жба вся` ст~и'тельская.%>