Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::слав> 



(с. 212)

%<Мjь'сяца тогw'же въ _i~-й де'нь.%>

%<Ст~ы'хъ мч~ницъ, минодw'ры, митродw'ры и= нv"мфодw'ры.%>

%<На Г%>д\си, воззва'хъ: %<стiхи^ры пра'здника, г~, гла'съ и~.%>

%<Подо'бенъ: _W%> пресла'внагw чудесе`!

%<_W%> пресла'внагw чудесе`! * jа='кw w\т безча'дна ложесна` * 
и= непло'дна чре'ва, * же'злъ цвjь'тъ нося'щiй прозяба'етъ дне'сь, 
* бг~ома'ти и= неискусобра'чная, * w\т пра'ведныхъ i=wакi'ма и= 
а='нны: * тjь'мже ра'дуются пр\оро'честiи собо'ри, * и= 
патрiа'рхwвъ ве'сь со'нмъ, * въ рождествjь` _е=я`.

%<Д%>не'сь дв~дъ ра'дуется, * и= i=ессе'й лику'етъ, * и= леvi'й 
велича'ется, * и= и=гра'етъ ду'хомъ i=wакi'мъ пра'ведный, * и= 
безча'дiе рjьши'тся а='ннино jа='вjь, * твои'мъ рождество'мъ марi'е 
ч\стая. * _w неискусобра'чная, * и= а='гг~лwвъ совокупле'нiе съ 
земны'ми всjь'ми, * бл~жа'тъ бж\ственное чре'во твое`.

%<Р%>а'дуйся, земны'хъ совокупле'нiе, * ра'дуйся, хра'ме 
гд\сень. * ра'дуйся, мт~и безневjь'стная, * jа='же а='ннино 
разрjь'шшая пресла'внw непло'дство, * и= земны^мъ и=сточи'вшая 
w=ставле'нiе грjьхw'въ рождество'мъ твои'мъ. * ра'дуйся, 
всенепоро'чная. * ра'дуйся, бж\ственный хра'ме. * ра'дуйся, 
ски'нiе, * въ ню'же всели'ся творе'цъ и= гд\сь.

%<И='ны стiхи^ры ст~ы'хъ, гла'съ д~. Подо'бенъ: Jа='%>кw до'бля:

%<W=%>багр_е'нiи кро'вными * себе` о_у=краси'вше, * кра'сному 
(с. 213) добро'тою дjь^вы _о=трокови^цы, * нетлjь'ннw 
совокупи'стеся * хр\сту` бг~у на'шему, * соблюда'ющему ва'ше 
дjь'вство нескве'рнено, * въ безсме'ртномъ нетлjь'нiя 
невjь'стницjь, * во _о=би'телехъ небе'сныхъ, * въ черто'зjь 
нерукотворе'ннjьмъ мч~ницы.

%<Н%>есоверше'нными о_у='бw тjьлесы`, * и= соверше'ннымъ 
о_у=мо'мъ, * ве'тхаго sмi'я sлонача'льнаго * побjьди'сте сла'внiи 
си'лою дх~а, * и= не'мощну тогw` крjь'пость показа'сте. тjь'мъ 
воспрiя'сте вjьнцы` побjь'ды, * минодw'ра, митродw'ра и= 
нv"мфодw'ра, * тр\оцы побw'рницы.

%<И=%> на о_у='ды раздробля'еми, * и= _о=гне'мъ снjьда'еми, * и= 
желjь'зными ногты` терза'еми, * и= на дре'вjь повjь'шаеми, и= 
мече'мъ ссjька'еми, * не w\тверго'стеся хр\ста`, * страстот_е'рпицы 
прехва'льнiи. * тjь'мже прiя'сте вjьне'цъ побjь'ды, * минодw'ра, 
митродw'ра и= нv"мфодw'ра, * тр\оцы побw'рницы.

%<Сла'ва, и= ны'нjь, гла'съ в~:%>

%<Ч%>то` шу'мъ пра'зднующихъ быва'етъ; i=wакi'мъ и= а='нна 
торжеству'ютъ та'йнw, ра'дуйтеся съ на'ми, глаго'люще, а=да'ме и= 
_е='vо дне'сь: jа='кw и='мже дре'вле преступле'нiемъ затвори'ша 
ра'й, пло'дъ бл~госла'венъ на'мъ даде'ся, бг~о_отрокови'ца марi'а, 
w\тверза'ющи _е=гw` всjь^мъ вхо'дъ.

%<На стiхо'внjь стiхи^ры пра'здника, гла'съ а~. По\д: Н%>б\сныхъ 
чинw'въ:

%<Д%>а w\тве'рзется две'рь бг~опрiе'мнагw хра'ма: * хра'мъ бо 
всjь'хъ цр~я` и= престо'лъ, * дне'сь со сла'вою вну'трь прiе'мъ, * 
i=wакi'мъ возлага'етъ w=святи'въ гд\су, * ю='же и=зъ негw` 
и=збра'нную * бы'ти мт~рь бж~iю.

%<Стi'хъ: С%>лы'ши, дщи`, и= ви'ждь, и= приклони` о_у='хо твое`.

%<В%>семi'рная мi'ру ра'дости возсiя'ша * мы'сл_енныя лучи`, * 
предвозвjьща'ющыя всjь^мъ * сл~нце сла'вы хр\ста` бг~а, * въ 
рж\ствjь` твое'мъ преч\стая. * ты' бо хода'таица jа=ви'лася _е=си` 
* и='стиннагw весе'лiя же и= бл~года'ти. (с. 214)

%<Стi'хъ: Л%>ицу` твоему` помо'лятся бога'тiи лю'дстiи.

%<В%>сечестна'я сiя` сла'ва твоя` ч\стая, * провозвjьща'етъ 
всjь^мъ лю'демъ * твоегw` благосе'рдагw благодjь'тельства. * ты' бо 
ны'нjьшнягw весе'лiя хода'таица _е=си`, * и= бу'дущiя ра'дости 
вина`, ч\стая, * моли'твою твое'ю jа=ви'ся на'мъ.

%<Сла'ва, и= ны'нjь, гла'съ в~. Самогла'сенъ:%>

%<П%>ронарече'нная всjь'хъ цр~и'ца, бж~iе _о=би'телище, w\т 
непло'дныя дне'сь о_у=тро'бы про'йде а='нны сла'вная, 
присносу'щнагw существа` бж\ственное пребыва'лище: _е='юже 
безсту'дный а='дъ попра'ся, и= всеро'дная _е='vа въ тве'рдую жи'знь 
вво'дится. то'й досто'йнw возопiи'мъ: бл~же'нна ты` въ жена'хъ, и= 
пло'дъ чре'ва твоегw` бл~гослове'нъ.

%<Тропа'рь пра'здника: Р%>ж\ство` твое` бц\де дв~о:



%<На о_у='трени, по а~-й каfi'смjь сjьда'ленъ, гла'съ д~.%>

%<Подо'бенъ: С%>ко'рw предвари`:

%<I=%>у'до велича'йся, и= да весели'тся дв~дъ, а=да'ме 
w=бнови'ся, и= да крjьпи'тся леvi'й, w\т ни'хже мнjь` роди'ся 
хр\сто'съ, дви'гни цjьвни'цу пjьснопи'сче, и= глаго'ли: кто` 
_е='сть роди'вшаяся, ю='же нарица'еши дще'рь; пита'тельница _е='сть 
жи'зни на'шея, мт~и хр\ста` бг~а.

%<Сла'ва, и= ны'нjь, то'йже.%>

%<По в~-й каfi'смjь сjьда'ленъ, гла'съ и~.%>

%<По\д: П%>овелjь'нное та'йнw:

%<W=%>бнови'ся а=да'ме, ра'дуйся _е='vо, весели'ся дв~де, 
бл~году'шствуй а='нно, и='бо мт~и зижди'теля твоегw` ражда'ется 
пресла'внw. лику'етъ w=бно'вльшися вся` земля`, и= ра'дуется 
w=дjь'яна во _о=де'жду. вся'къ jа=зы'къ лику'я да вопiе'тъ ны'нjь 
марi'и: бл~же'нъ до'мъ дв~довъ, jа='кw пита'етъ пита'тельницу 
жи'зни на'шея.

%<Сла'ва, и= ны'нjь, то'йже.%> (с. 215)

%<Канw'нъ пра'здника со i=рмосо'мъ на и~: и= му'ченицъ на д~.%>

%<Канw'нъ пра'здника:%>

%<Гла'съ и~. Пjь'снь а~. I=рмо'съ:%>

%<С%>окруши'вшему бра^ни мы'шцею свое'ю, и= прове'дшему i=и~ля 
сквозjь` чермно'е мо'ре, пои'мъ _е=му`, jа='кw и=зба'вителю на'шему 
бг~у: jа='кw просла'вися.

%<С%>т~а'я ст~ы'хъ, во ст~jь'мъ ст~и'лищи младе'нецъ 
возлага'ется, воспита'тися w\т руки` а='гг~ловы: вси` о_у=`бо 
вjь'рнw спра'зднуемъ въ рж\ствjь` _е=я`.

%<Д%>а ликовству'етъ вся` тва'рь, да весели'тся же и= дв~дъ, 
jа='кw w\т колjь'на и= w\т сjь'мене _е=гw` произы'де же'злъ, 
цвjь'тъ нося'щи гд\са, творца` вся'ческихъ.

%<Н%>епло'ды неражда'ющая а='нна, но не безча'дна бг~у: се' бо 
пронарече'ся w\т родw'въ ч\стая дв~а мт~и. тjь'мже _е=стества` 
и=зрасти` зижди'теля въ ра'бiи _о='бразjь.

%<Т%>я` неsло'бивую а='гницу, а='гнца хр\ста`, мл\днца w\т 
чре'ва твоегw` приве'дшую въ на'ше существо`, вси` w\т а='нны 
рожде'нную тя` пjь'сньми почита'емъ.

%<Тр\оченъ:%>

%<Т%>ри` безнача'льна сла'влю, три` ст~а пою`, три` 
соприсносу'щна въ существjь` _е=ди'номъ проповjь'дую: _е=ди'нъ бо 
во _о=ц~jь` и= сн~jь и= дс~jь славосло'вится бг~ъ.

%<Бг~оро'диченъ:%>

%<К%>то` ви'дjь _о=троча`, _е=го'же не всjь'я _о=те'цъ, млеко'мъ 
пита'емое; и=ли` гдjь` ви'дjьна бы'сть дjь'ва ма'ти; и='стиннw 
па'че о_у=ма` _о=боя^, бг~ороди'тельнице ч\стая.

%<Канw'нъ ст~ы'хъ же'нъ, _е=гw'же краегране'сiе:%>

%<Т%>ре'хъ сестре'ницъ и='скреннихъ страда^нiя чту`. 
%<I=w'сифъ.%>

%<Гла'съ д~. Пjь'снь а~. I=рмо'съ:%>

%<W\т%>ве'рзу о_у=ста` моя^, и= напо'лнятся дх~а, и= сло'во 
w\тры'гну цр~и'цjь мт~ри, и= jа=влю'ся, свjь'тлw торжеству'я, и= 
воспою` ра'дуяся тоя` чудеса`. (с. 216)

%<Т%>р\оцу несозда'нную, ю='же благоче'стнw проповjь'дасте, 
ми'лостиву на'мъ сотвори'те, мч~ницы сла'внiи, ны'нjь чту'щымъ 
ва'шя бж\ств_енныя стра^сти, и= и=справл_е'нiя, бг~обл~же'ннiи.

%<W=%> глаго'лjьхъ небрего'ша мучи'теля _о=трокови^цы, 
бж~е'ственнымъ w=гражда'еми _о=ру'жiемъ вjь'ры, и= под\ъя'ша му'къ 
треволне'нiе, и= сме'рть непра'ведну, за вся'ческихъ жи'знь.

%<С%>и'лою о_у=крjьпля'емы всемо'щною зижди'теля, му'жескiй 
прiя'ша нра'въ всечестны^я, и= sмi'я стропти'ваго и= велича'ваго 
нога'ми попра'ша, и= на зе'млю низложи'ша.

%<Бг~оро'диченъ:%>

%<Jа='%>кw w=душевле'нъ хра'мъ, jа='кw нетлjь'нну ски'нiю, 
jа='кw две'рь нб\сную, jа='кw бж\ственную трапе'зу, jа='кw пала'ту 
и= пр\сто'лъ вл\дчень, мр~i'ю ч\стую пjь'сньми почти'мъ.

%<Пjь'снь г~. I=рмо'съ:%>

%<О_у=%>тверди'ся се'рдце мое` въ гд\сjь, вознесе'ся ро'гъ мо'й 
въ бз~jь мое'мъ, разшири'шася на враги` моя^ о_у=ста` моя^, 
возвесели'хся w= спасе'нiи твое'мъ.

%<В%>оспита'вшися во ст~а^я ст~ы'хъ, дв~о преч\стая бц\де, 
вы'шши jа=ви'лася _е=си` тва'ри, зижди'теля пло'тiю поро'ждши.

%<Б%>л~гослове'но чре'во твое` цjьлому'дренная а='нно, пло'дъ бо 
и=зрасти'ла _е=си` дjь'вства, ю='же безсjь'меннw, пита'теля тва'ри 
ро'ждшую, и= и=зба'вителя i=и~са.

%<Т%>я` блажи'тъ приснодв~о, вся` тва'рь, w\т а='нны дне'сь, 
ро'ждшуюся, w\т ко'рене i=ессе'ева же'злъ, преч\стъ цвjь'тъ, 
хр\ста` и=зрасти'вшую.

%<Т%>я` вы'шшу всея` тва'ри бц\де, показу'я ч\стая, сн~ъ тво'й, 
_е='же w\т а='нны вели'читъ твое` рж\ство`, и= всjь'хъ весели'тъ 
дне'сь.

%<Тр\оченъ:%>

%<Т%>ебjь` покланя'емся, _о='ч~е безнача'льне существо'мъ, 
пое'мъ безлjь'тнаго сн~а твоего`, и= чте'мъ соприсносу'щнаго дх~а 
твоего`, jа='кw _е=ди'наго тро'е _е=стество'мъ бг~а. (с. 217)

%<Бг~оро'диченъ:%>

%<С%>вjьтода'вца, и= нача'льника жи'зни человjь'ческiя, ро'ждшая 
ч\стая бц\де, jа=ви'лася _е=си` сокро'вище жи'зни на'шея, и= две'рь 
непристу'пнагw свjь'та.

%<И='нъ. I=рмо'съ:%>

%<Н%>е му'дростiю, и= си'лою, и= бога'тствомъ хва'лимся, но 
тобо'ю, _о='ч~ею v=поста'сною му'дростiю, хр\сте`: нjь'сть бо 
свя'тъ, па'че теб_е`, чл~вjьколю'бче.

%<О_у=%>мерщвле'нный о_у=мо'мъ пребеззако'нный мучи'тель, жи'зни 
на'шея хр\ста` лю'тjь w\тврещи'ся понужда'ше тя`, мч~нице 
минодw'ро, о_у=раня'я.

%<В%>зира'ющiя къ бг~у мучи'тель не пощадjь`, но же'злiемъ 
неми'лостивнw сокруши` о_у='ды твоя^, вjьне'цъ тебjь` плеты'й 
вjь'чный мч~нице, неувяда'ющiй.

%<М%>у'ками требога'тiи ст~i'и мч~ницы, сокро'вище на нб~сjь'хъ, 
и= вjь'чнующую сла'ву w=брjьто'ша, jа='снw бг~у прибли'жишася.

%<Бг~оро'диченъ:%>

%<Jа='%>вльшися, души` моея` тму` w\тжени`, и= грjьхw'вныя 
плени^цы расто'ргни, ч\стая дв~о, и= спаси' мя, ро'ждшая 
всеще'драго.

%<Конда'къ, гла'съ д~. Подо'бенъ: В%>ознесы'йся:

%<З%>а тр\оцу терпjьли'внw страда'льчествовавшыя, 
многоко'зненнаго врага` побjьди'сте, бра'тски w=бле'кшеся дх~омъ: 
тjь'мже водвори'стеся съ пятьми` дjь'вами, въ нб\сномъ 
страстот_е'рпицы черто'зjь, и= со а='гг~лы всецр~ю` въ весе'лiи 
непреста'ннw предстоите`.

%<Сjьда'ленъ, гла'съ д~. Подо'бенъ: О_у=%>диви'ся:

%<О_у=%>диви'шася ва'шему терпjь'нiю мно'гому небе'снiи ли'цы 
безпло'тныхъ си'лъ: jа='коже бо и=но'му стра'ждущу пребыва'сте, 
го'л_ени и= соста'вы сокруша'еми, сме'рть го'рькую терпя'ще, и= 
же'нскимъ тjь'ломъ sмi'я w\тсту'пника сокруша'юще, дjь^вы невjь^сты 
жизнода'вца, вjь'ры побw'рницы. (с. 218)

%<Сла'ва, и= ны'нjь, пра'здника, гла'съ то'йже:%>

%<W\т%> ко'рене i=ессе'ева, и= w\т чре'слъ дв~довыхъ, 
бг~о_отрокови'ца марiа'мъ ражда'ется дне'сь на'мъ: ра'достiю бо 
ра'дуются вся'ч_еская и= w=бновля'ются. сра'дуйтеся ку'пнw не'бо и= 
земля`, восхвали'те ю=` _о=те'ч_ествiя jа=зы^къ: i=wакi'мъ 
весели'тся, и= а='нна торжеству'етъ зову'щи: непло'ды ражда'етъ 
бц\ду, и= пита'тельницу жи'зни на'шея.

%<Пjь'снь д~. I=рмо'съ:%>

%<П%>р\оро'къ а=вваку'мъ о_у='мныма _о=чи'ма прови'дjь, гд\си, 
прише'ствiе твое`. тjь'мъ и= вопiя'ше: w\т ю='га прiи'детъ бг~ъ. 
сла'ва си'лjь твое'й, сла'ва снисхожде'нiю твоему`.

%<П%>атрiа'рхъ i=а'кwвъ прови'дjьвъ, сп~се, вели^чiя jа='снw 
строе'нiя твоегw`, вопiя'ше дх~омъ, ко i=у'дjь глаго'ля та'йнw: w\т 
лjь'торасли возше'лъ _е=си`, сы'не мо'й, возвjьща'я тя` w\т дв~ы 
бг~а.

%<Н%>ы'нjь же'злъ а=арw'новъ, w\т ко'рене дв~дова прозя'бшiй, 
ны'нjь дв~а ч\стая происхо'дитъ: и= сликовству'етъ нб~о и= земля`, 
и= вся^ _о=те'ч_ествiя jа=зы'кwвъ, и= а='нна и= i=wакi'мъ 
та'инственнw.

%<Н%>ы'нjь да весели'тся нб~о, да ра'дуется же земля`, и= да 
лику'етъ i=wакi'мъ и= дв~дъ: _о='въ о_у='бw jа='кw роди'тель тво'й, 
и='стиннw ро'ждшiя бг~а: _о='въ же jа='кw пра'_отецъ тво'й, 
проповjь'дая твоя^ вели'ч_ествiя, ч\стая.

%<С%>ра'дуется тебjь` дне'сь, бг~ому'дренная а='нно, вселе'нная: 
и=зба'вителя бо тоя` мт~рь процвjьла` _е=си`, ю='же w\т ко'рене 
прозя'бшую дв~дова, же'злъ си'лы на'мъ нося'щую цвjь'тъ хр\ста`.

%<Тр\оченъ:%>

%<С%>ла'влю безнача'льна бг~а _о=ц~а`, и= сн~а, и= ст~а'го дх~а, 
_е=диносу'щную тр\оцу несозда'нную, _е='йже предстоя'тъ серафi'ми 
благоговjь'йнw, зову'ще: ст~ъ, ст~ъ, ст~ъ _е=си` бж~е.

%<Бг~оро'диченъ:%>

%<П%>ребезнача'льное нача'ло нача'ло прiе'млетъ и=зъ теб_е`, (с. 
219) бг~ороди'тельнице, плотски'мъ вре'менемъ: и= пребыва'етъ 
собезнача'ленъ, и= вопло'щся сло'во _о='ч~ее, и= дх~у 
соприсносу'щное, сохраня'я бж\ственное досто'инство.

%<И='нъ. I=рмо'съ:%>

%<С%>jьдя'й въ сла'вjь на пр\сто'лjь бж\ства`, во _о='блацjь 
ле'гцjь прiи'де i=и~съ пребж\ственный, нетлjь'нною дла'нiю, и= 
спасе` зову'щыя: сла'ва, хр\сте`, си'лjь твое'й.

%<С%>iя'ющи луча'ми кр\ста` приснобл~же'нная митродw'ра, къ 
дре'ву привя'зана терпя'ше _о='гненную му'ку, пре'лести о_у='глiе 
росо'ю любве` хр\сто'вы погаша'ющи.

%<Jа='%>вленнымъ видjь'нiемъ по'мыслъ простира'ющи, зря'щи 
жениха` добрw'ты недомы'сл_енныя, бiе'ма же'злiемъ приснобл~же'нная 
митродw'ра, терпя'ше до'блественнjь болjь^зни.

%<О_у=%>краси'стеся дjь^вы, и= свjь'тлw просла'вистеся, 
препросла'вленное сло'во вся'чески возлюби'вше. _е=гw'же 
о_у=я'звлены любо'вiю, претерпjь'сте страсте'й наш_е'ствiя 
крjь'пцjь.

%<Бг~оро'диченъ:%>

%<О_у=%>мерщвле'нна мя` sло'бою льсти'вагw, всенепоро'чная, 
жи'знь ро'ждшая, w=живи`, къ тебjь' бо прибjьго'хъ: и= впа'дшася во 
глубину` грjьхо'вную, возведи` jа='кw ми'лостива, всенепоро'чная.

%<Пjь'снь _е~. I=рмо'съ:%>

%<Г%>д\си бж~е на'шъ, ми'ръ да'ждь на'мъ, гд\си бж~е на'шъ, 
стяжи' ны, гд\си, ра'звjь теб_е` и=но'гw не вjь'мы, и='мя твое` 
и=мену'емъ.

%<П%>реч\стое твое` рж\ство`, дв~о непоро'чная, несказа'нное, и= 
зача'тiе неизглаго'ланно, и= рожде'нiе твое`, невjь'сто 
неневjь'стная: бг~ъ бо бjь` ве'сь въ мя` w=блекi'йся.

%<Д%>не'сь да веселя'тся а='гг~льстiи чи'ни, пjь'сньми да 
лику'ютъ су'щiи и=зъ а=да'ма: роди'ся бо же'злъ, цвjь'тъ 
возрасти'вшiй хр\ста` _е=ди'наго, и=зба'вителя на'шего.

%<Д%>не'сь _е='vа разрjьша'ется w=сужде'нiя, разрjьша'ется же 
(с. 220) и= непло'дства, и= а=да'мъ дре'внiя кля'твы, w= 
рождествjь` твое'мъ: тобо'ю бо w\т тли` и=зба'вихомся.

%<С%>ла'ва тебjь` просла'вльшему непло'дную дне'сь: роди'ся бо 
же'злъ присноцвjьту'щiй w\т w=бjьща'нiя, w\т негw'же прозябе` 
хр\сто'съ, цвjь'тъ жи'зни на'шея.

%<Тр\оченъ:%>

%<С%>ла'ва тебjь`, _о='ч~е ст~ы'й, бж~е нерожде'нне: сла'ва 
тебjь`, сн~е безлjь'тне, _е=диноро'дне: сла'ва тебjь`, дш~е 
бж\ственный и= сопресто'льный, w\т _о=ц~а` происходя'й, и= въ сн~jь 
пребыва'яй.

%<Бг~оро'диченъ:%>

%<Б%>ы'сть чре'во твое` сл~нца носи'ло: пребы'сть чистота` 
твоя`, jа='коже пре'жде, невреди'ма дв~о: хр\сто'съ бо сл~нце, 
jа='кw w\т черто'га жени'хъ, jа=ви'ся и=зъ теб_е`.

%<И='нъ. I=рмо'съ:%>

%<Т%>ы`, гд\си мо'й, свjь'тъ въ мi'ръ прише'лъ _е=си`, свjь'тъ 
ст~ы'й, w=браща'яй и=зъ мра'чна невjь'дjьнiя вjь'рою воспjьва'ющыя 
тя`.

%<Н%>ра'въ терпjьли'въ, и= непобjьди'мь смы'слъ, мч~ницы предъ 
суди'щемъ показа'вше, побjь'ды вjьне'цъ себjь` и=сплето'ша.

%<Н%>ы'нjь терпи'тъ желjь'зныхъ ногте'й терза^нiя крjь'пкw, 
повjь'шена нv"мфодw'ра, жениха` возлюби'вши безсме'ртнаго.

%<Т%>рисвjь^тлыя свjьщы`, трикро'вная хра'мина, селе'нiе тр\оцы, 
да похва'лятся пjь'сньми дjь^вы бг~ому^дрыя.

%<Бг~оро'диченъ:%>

%<Т%>я` _е=ди'ну и=збра'нну и= добру` и= непоро'чну w=брjь'тъ, 
воплоща'ется пребж\ственное сло'во и=зъ теб_е`, бг~ора'дованная.

%<Пjь'снь s~. I=рмо'съ:%>

%<Jа='%>кw во'ды морскi^я, чл~вjьколю'бче, волна'ми жите'йскими 
w=бурева'юся. тjь'мже jа='кw i=w'на, та'кw вопiю' ти: возведи` w\т 
тли` живо'тъ мо'й, бл~гоутро'бне гд\си.

%<С%>т~у'ю ст~ы'хъ су'щу, цjьлому'дреннiи роди'тели твои` 
ч\стая, возложи'ша тя` въ хра'мjь гд\сни воспита'тися че'стнw, и= 
о_у=гото'ватися въ мт~рь _е=му`. (с. 221)

%<Н%>еплw'ды и= ма'тери лику'йте, дерза'йте и= и=гра'йте 
безча^дныя: безча'дна бо непло'ды бц\ду прозяба'етъ, jа='же 
и=зба'витъ w\т болjь'зней _е='vу, и= кля'твы а=да'ма.

%<С%>лы'шу дв~да пою'ща тебjь`: приведу'тся дв~ы во слjь'дъ 
теб_е`, приведу'тся въ хра'мъ цр~е'въ. и= съ ни'мъ тя` и= а='зъ 
дще'рь цр~е'ву воспjьва'ю.

%<П%>ое'мъ ст~о'е твое` рж\ство`, чти'мъ и= непоро'чное зача'тiе 
твое`, невjь'сто бг~озва'нная и= дв~о. сла'вятъ же съ на'ми 
а='гг~лwвъ чи'ни, и= ст~ы'хъ ду'шы.

%<Тр\оченъ:%>

%<В%>ъ тебjь` тр\оческое та'инство пое'тся и= сла'вится, ч\стая: 
_о=ц~ъ бо благоволи`, и= сло'во всели'ся въ тя`, и= бж\ственный 
дх~ъ тебе` w=сjьни`.

%<Бг~оро'диченъ:%>

%<З%>лата'я кади'льница была` _е=си`, _о='гнь бо во о_у=тро'бjь 
твое'й всели'ся, сло'во w\т дх~а ст~а, и= человjь'ческимъ зра'комъ 
въ тебjь` ви'дjься, бг~ороди'тельнице ч\стая.

%<И='нъ. I=рмо'съ:%>

%<П%>ожру' ти со гла'сомъ хвале'нiя, гд\си, цр~ковь вопiе'тъ 
ти`, w\т бjьсо'вскiя кро'ве w=чи'щшися, ра'ди ми'лости w\т ре'бръ 
твои'хъ и=сте'кшею кро'вiю.

%<В%>и'дjьти жела'юще твою` добро'ту недомы'сленную, 
о_у=язвля'еми любо'вiю твое'ю сладча'йшею, безнача'льне сло'ве, 
му'къ лю'тость до'блественнjь претерпjь'ша.

%<Jа='%>кw крi'ны въ ве'ртjь страда'льц_евъ процвjьто'ша 
пресла^вныя _о=трокови^цы, и= цр~ковь воня'ми разли'чныхъ му'къ 
w=благово'ниша, дх~а бл~года'тiю.

%<Ж%>ениха` безсме'ртнагw _е=ди'нiи жела'юще, неви'димою си'лою 
о_у=крjьпля'еми, ви'димую сме'рть jа=вле'ннw преwби'дjьша дjь^вы 
_о=трокови^цы.

%<Бг~оро'диченъ:%>

%<С%>т~ъ всели'выйся въ ложесна` твоя^ гд\си, ст~jь'йшу 
w=брjь'тъ тя`, и= чистjь'йшу тва'ри всея`, бг~ома'ти 
господоимени'тая, преч\стая вл\дчце. (с. 222)

%<Конда'къ пра'здника, гла'съ д~:%>

%<I=%>wакi'мъ и= а='нна, поноше'нiя безча'дства, и= а=да'мъ и= 
_е='vа, w\т тли` сме'ртныя свободи'стася преч\стая, во ст~jь'мъ 
рж\ствjь` твое'мъ. то` пра'зднуютъ и= лю'дiе твои`, вины` 
прегрjьше'нiй и=зба'вльшеся, внегда` зва'ти ти`: непло'ды ражда'етъ 
бц\ду, и= пита'тельницу жи'зни на'шея.

%<I='косъ:%>

%<М%>оли'тва ку'пнw и= воздыха'нiе, непло'дства и= безча'дства, 
i=wакi'ма же и= а='нны благопрiя'тное, и= во о_у='ши гд\сни вни'де, 
и= прозябе` пло'дъ живоно'сенъ мi'ру. _о='въ бо моли'тву на горjь` 
творя'ще, _о='ва же въ садjь` поноше'нiе ноша'ше: но съ ра'достiю 
непло'ды ражда'етъ бц\ду, и= пита'тельницу жи'зни на'шея.

%<Пjь'снь з~. I=рмо'съ:%>

%<Х%>алде'йская пе'щь _о=гне'мъ распала'емая, w=роша'шеся дх~омъ 
бж~iимъ предстоя'нiемъ, _о='троцы поя'ху: бл~гослове'нъ _е=си`, 
бж~е _о=т_е'цъ на'шихъ.

%<П%>ра'зднуемъ, ч\стая, и= вjь'рнw покланя'емся ст~о'му твоему` 
рж\ству`, пою'ще сн~а твоего`, и='мже и=зба'вихомся дре'внягw 
а=да'мова ны'нjь w=сужде'нiя.

%<Н%>ы'нjь а='нна весели'тся, и= вопiе'тъ хва'лящися: непло'ды 
су'щи, роди'хъ бж~iю мт~рь: _е=я'же ра'ди w=сужде'нiе _е='vино 
разрjьши'ся, и= jа='же въ печа'лехъ болjь'знь.

%<А=%>да'мъ свободи'ся, и= _е='vа лику'етъ, и= вопiю'тъ ду'хомъ 
къ тебjь` бц\де: тобо'ю и=зба'вихомся перворо'дныя кля'твы, 
jа='вльшуся хр\сту`.

%<_W%> чре'во, вмjьсти'вшее бж~iе селе'нiе! _w о_у=тро'бо, 
носи'вшая нб~съ ши'ршую! престо'лъ ст~ы'й, мы'сленный кiвw'тъ 
свяще'нiя.

%<Тр\оченъ:%>

%<_О=%>ц~а` просла'вимъ, сн~а и= дх~а, во _е=ди'нствjь бж\ства`, 
тр\оцу прест~у'ю, нераздjь'льную, несозда'нную, и= соприсносу'щную, 
и= _е=диносу'щную. (с. 223)

%<Бг~оро'диченъ:%>

%<Т%>ы` бг~а _е=ди'на родила` _е=си` дв~о, пресла'внw: ты` 
_е=стество` w=бнови'ла _е=си` рж\ство'мъ твои'мъ, марi'е: ты` 
_е='vу разрjьши'ла _е=си` перворо'дныя кля'твы, бг~ороди'тельнице 
ч\стая.

%<И='нъ. I=рмо'съ:%>

%<А=%>враа'мстiи и=ногда` въ вавv"лw'нjь _о='троцы пе'щный 
пла'мень попра'ша, пjь'сньми взыва'юще: _о=т_е'цъ на'шихъ бж~е, 
бл~гослове'нъ _е=си`.

%<Ж%>ре'ти i='дwлwмъ глухи^мъ sлочести'ваго мучи'теля 
повелjьва'юща w=плева'сте, вопiю'ще _о=трокови^цы: _о=тц_е'въ 
на'шихъ бж~е, бл~гослове'нъ _е=си`.

%<П%>росвjьще'ннiи о_у=мо'мъ бг~онача'льными заря'ми, мглу` 
i='дwльскую w=черни'сте всехва'льнiи, пою'ще: _о=тц_е'въ на'шихъ 
бж~е, бл~гослове'нъ _е=си`.

%<Н%>и w\тсjьч_е'нiя о_у=де'съ, ни гоне'нiе, ни ско'рбь, хр\ста` 
w\тлучи'ти w\тню'дъ возмого'ша, вопiю'щымъ мч~ницамъ: _о=тц_е'въ 
на'шихъ бж~е, бл~гослове'нъ _е=си`.

%<Бг~оро'диченъ:%>

%<П%>реесте'ственнw зижди'теля w\т о_у=тро'бы твоея` дв~о, 
роди'ти сподо'билася _е=си`, земны^я назида'юща, пою'щыя вjь'рою: 
бж~е бл~гослове'нъ _е=си`.

%<Пjь'снь и~. I=рмо'съ:%>

%<П%>окрыва'яй вода'ми превы'спр_енняя своя^, полага'яй мо'рю 
предjь'лъ песо'къ, и= содержа'й вся^, тя` пое'тъ со'лнце, тя` 
сла'витъ луна`, тебjь` прино'ситъ пjь'снь вся` тва'рь, jа='кw 
содjь'телю всjь'хъ во вjь'ки.

%<С%>отвори'вый пресла^вная непло'днjьй о_у=тро'бjь, w\тве'рзый 
а='нны неражда^ющая ложесна`, и= пло'дъ _е='й да'въ, ты` бж~е 
ст~ы'й, ты` сн~е дв~ы, ты` w\т сея` пло'ть прiя'лъ _е=си` 
присноцвjьту'щiя дв~ы и= бц\ды.

%<З%>атворя'яй бе'здну, и= w\тверза'яй ю=`, вознося'й во'ду во 
_о='блацjьхъ, и= дая'й до'ждь: ты` да'вый гд\си, w\т (с. 224) 
непло'днагw ко'рене прозя'бнути а='нны ст~ы'я, преч\стъ пло'дъ, и= 
роди'ти бц\ду.

%<Д%>jь'лателю мы'слей на'шихъ, и= насади'телю ду'шъ на'шихъ, 
ты` непло'дную зе'млю, благопло'дную показа'вый: ты` дре'вле 
суху'ю, родови'ту, бл~гокла'сну бразду`, плодоно'сну содjь'лалъ 
_е=си`, а='нну святу'ю, пречи'стъ пло'дъ и=зрасти'ти бц\ду.

%<П%>рiиди'те вси` о_у='зримъ, jа='кw w\т черто'га ма'ла бж~iй 
гра'дъ ны'нjь ражда'емый: и='же w\т две'ри о_у=тро'бныя, и=схо'дъ 
и=му'щую, вхо'дъ же невjь'дущу _о=бще'нiя: _е=ди'нъ бг~ъ зижди'тель 
се'ю про'йде стезе'ю стра'нною.

%<Тр\оченъ:%>

%<_W%> тр\оце пресу'щная, _е=ди'нице собезнача'льная! тя` пое'тъ 
и= трепе'щетъ мно'жество а='гг~лъ: нб~о и= земля`, и= б_е'здны 
о_у=жаса'ются, человjь'цы благосло'вятъ, _о='гнь рабо'таетъ: вся^ 
послу'шаютъ тебе` тр\оце ст~а'я, со стра'хомъ, jа='же въ тва'ри.

%<Бг~оро'диченъ:%>

%<_W%> новjь'йшагw слы'шанiя! бг~ъ, сы'нъ жены`. _w 
безсjь'меннагw рж\ства`! безму'жная ма'ти, и= рожде'нное бг~ъ. _w 
о_у=жа'снагw видjь'нiя! _w зача'тiя стра'ннагw дв~ыя! _w 
несказа'ннагw рж\ства`! и='стиннw па'че о_у=ма` вся^ и= видjь'нiя.

%<И='нъ. I=рмо'съ:%>

%<И=%>зба'вителю всjь'хъ всеси'льне, посредjь` пла'мене 
благоче'ствовавшыя, снизше'дъ, w=роси'лъ _е=си`, и= научи'лъ _е=си` 
пjь'ти: вся^ дjьла` благослови'те, по'йте гд\са.

%<И=%>з\ъwстри'вшеся любо'вiю творца`, притупи'сте жа^ла 
sмiи^ная въ же'нстjьмъ тjьлеси` му'ж_ескiя воспрiе'мше по'двиги, и= 
вjьнцы^ нб\сными вjьнча'стеся.

%<С%>пле'тшеся посредjь` по'двига, неви^димыя враги`, съ 
пло'тiю, безплw'тныя побjьди'ша, бг~ому'дрiи _о=трокови^цы 
вопiю'ще: благослови'те, вся^ дjьла` гд\сня, гд\са.

%<W=%> бз~jь сп~сjь вжиля'еми, w= хр\стjь` i=и~сjь возмога'юще, 
(с. 225) вра'жiю некрjь'пкую погуби'сте держа'ву, воспjьва'юще: 
вся^кая дjьла` благослови'те, гд\сня, гд\са.

%<Ц%>р\ство вы'шнее получи'сте, со хр\сто'мъ i=и~сомъ 
цр\ствующе. и=спещр_е'ны ра'нами му'къ, добро'тою о_у=кра'ш_ены, 
досточу^дныя _о=трокови^цы.

%<Бг~оро'диченъ:%>

%<Jа='%>кw бж~iе нескве'рное жили'ще, _е=го'же прiя'ла _е=си` 
воплоща'ема, и= во дву` _е=ст_еству` зна'ема, _о=трокови'це. 
_е=му'же пое'мъ: благослови'те, вся^ дjьла` гд\сня, гд\са.

%<Пjь'снь f~. I=рмо'съ:%>

%<Ч%>у'жде ма'тер_емъ дjь'вство, и= стра'нно дjь'вамъ 
дjьторожде'нiе, на тебjь`, бц\де, _о=боя` о_у=стро'ишася: тjь'мъ 
тя` вся^ племена` з_емна'я, непреста'ннw велича'емъ.

%<Д%>осто'йное бг~ома'ти твоея` чистоты` рж\ство` наслjь'довала 
_е=си`, чре'зъ w=бjьща'нiе и=ногда' бо непло'днjьй, бг~опрозябе'нъ 
пло'дъ вдала'ся _е=си`. тjь'мъ тя` вся^ племена` з_емна'я 
непреста'ннw велича'емъ.

%<И=%>спо'лнися вопiю'щагw пр\оро'чество, глаго'летъ бо: 
возста'влю ски'нiю па'дшую свяще'ннагw дв~да, въ тебjь` ч\стая 
проwбрази'вшуюся: _е=я'же ра'ди всjь'хъ человjь'кwвъ пе'рсть въ 
тjь'ло созда'ся бж~iе.

%<П%>елена'мъ покланя'емся твои'мъ бц\де, сла'вимъ да'вшаго 
пло'дъ пре'жде непло'днjьй, и= w\тве'рзшаго ложесна` неражда'ющей 
пресла'внw: твори'тъ бо вся^, _е=ли^ка хо'щетъ, бг~ъ сы'й 
самовла'стенъ.

%<Jа='%>кw да'ръ тебjь` бц\де, пjьснопjь'нiе w\т а='нны 
ро'ждшейся вjь'рнw дароно'симъ: ма'т_ери, мт~рь: дjь^вы же, дв~у 
_е=ди'ну: славосло'вяще покланя'емся тебjь`, пое'мъ и= сла'вимъ.

%<Тр\оченъ:%>

%<Ч%>у'жде _е='сть беззакw'ннымъ сла'вити безнача'льную тр\оцу, 
_о=ц~а`, и= сн~а же, и= ст~а'го дх~а, несозда'нное вседержа'вство: 
_е='юже мi'ръ ве'сь содержи'тся, ма'нiемъ держа'вы _е=я`. (с. 226)

%<Бг~оро'диченъ:%>

%<В%>мjьсти'ла _е=си` во о_у=тро'бjь твое'й дв~ома'ти, 
_е=ди'наго w\т тр\оцы хр\ста` цр~я`, _е=го'же пое'тъ вся` тва'рь, 
и= трепе'щутъ вы'шнiи чи'ни. того` моли` всеч\стая, спасти'ся 
душа'мъ на'шымъ.

%<И='нъ. I=рмо'съ:%>

%<К%>а'мень нерукосjь'чный w\т несjько'мыя горы`, теб_е`, дв~о, 
краеуго'льный w\тсjьче'ся, хр\сто'съ, совокупи'вый разстоя^щаяся 
_е=ст_ества`. тjь'мъ, веселя'щеся, тя`, бц\де, велича'емъ.

%<В%>и'дjьти жела'юще добро'ту жениха`, все_обра'знымъ ма'нiемъ, 
къ нему` бг~онw'сицы, безсме'ртiю поучи'стеся, въ ме'ртвеннjьмъ 
тjьлеси`. тjь'мъ досто'йнw о_у=блажа'етеся.

%<Jа=%>ви'стеся мучи'телей посредjь`, а='ки въ во'лцjьхъ 
суро'выхъ а='гницы нескв_е'рныя, си'хъ sвjьрови'дное пребора'ющыя, 
и= хр\сту` бл~гопрiя'тна jа='кw же'ртва принесо'стеся.

%<В%>jьне'цъ и=сплето'сте ку'пнw неветша'ющъ дjь^вы, бж\ственныя 
о_у=лучи'вше сла'вы, и= цр\ствiя и='стиннw непоколеби'магw прiя'ти 
jа='кw му'ч_еницы, съ мч~ники сподо'бистеся.

%<_Е=%>я'же сподо'бистеся сла'вы, _е='же получи'сте ликова'нiе, 
соверша'ющымъ любо'вiю ва'шу па'мять, о_у=лучи'ти моли'теся, jа='кw 
дерзнове'нiе и=му'ще ко вл\дцjь, честны^я дjь^вы.

%<Бг~оро'диченъ:%>

%<П%>ощади' мя хр\сте`, _е=гда` хо'щеши суди'ти мi'ръ со 
сла'вою, разори` мглу` страсте'й мои'хъ, моли'твами ро'ждшiя тя`, 
и= честны'хъ мч~ницъ твои'хъ, jа='кw бл~гъ и= многоми'лостивъ.

%<Свjьти'ленъ. Подо'бенъ: С%>вjь'те неизмjь'нный:

%<С%>о'лнце, w\тню'дуже произы'де мы'сленное по пло'ти, дне'сь 
w=зари` мi'ръ w\т непло'дныхъ ложе'снъ. тjь'мже и=гра'юще вопiе'мъ: 
ра'дуйся, марi'е, пра'_отц_евъ и=збавле'нiе.

%<Сла'ва, и= ны'нjь, то'йже:%> (с. 227)

%<На стiхо'внjь стiхи^ры, гла'съ в~. Подо'бенъ: До'ме 
_е=%>vфра'fовъ:

%<Д%>о'мъ бж~iй, * _е=ди'на бц\да, * w\т непло'дове, * и= 
безча'дныя происхо'дитъ, * и= ра'дуется а=да'мъ w=бновля'емый.

%<Стi'хъ: С%>лы'ши, дщи`, и= ви'ждь, и= приклони` о_у='хо твое`.

%<Д%>не'сь ра'дость * ражда'ется w\т а='нны, возвjьща'ющи мi'ру 
* разрjьше'нiе кля'твы, * возра'дуйтеся вся'ч_еская.

%<Стi'хъ: Л%>ицу` твоему` помо'лятся бога'тiи лю'дстiи.

%<Р%>а'дуйся i=wакi'ме * и= а='нно бг~ому'драя, * jа='кw 
ро'ждшая мi'ру * ра'дость и= весе'лiе, * и= спасе'нiя хода'таицу.

%<Сла'ва, и= ны'нjь, гла'съ д~:%>

%<В%>семi'рная ра'дость w\т пра'ведныхъ возсiя` на'мъ, w\т 
i=wакi'ма и= а='нны, всепjь'тая дв~а, jа='же премно'гiя ра'ди 
чистоты`, хра'мъ бж~iй w=душевле'нный быва'етъ, и= _е=ди'на 
вои'стинну бц\да познава'ется. тоя` моли'твами, хр\сте` бж~е, ми'ръ 
мi'ру низпосли`, и= душа'мъ на'шымъ ве'лiю ми'лость.

%<На лiтургi'и, Бл~ж_е'нна пра'здника, пjь'снь д~-я, и= _е~-я, 
на и~.%>