Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::слав>

(л. s~)



%<[гл\ва а~] СЛУ'ЖБА _О='БЩА%>

%<пра'здникwмъ, и= предпра'зднствwмъ и= 
попра'зднствwмъ%>

%<гд\са на'шегw i=и~са хр\ста`.%>

%<Ве'черъ, на Гд\си воззва'хъ, стiхи^ры, гла'съ s~.%>

%<Подо'бенъ: Г%>д\си, ла'заревъ гро'бъ:

%<Г%>д\си, и='же бж~ество'мъ вся^ и=сполня'яй, 
бл~гостiю къ человjь'кwмъ соедини'вся, _е=ди'нъ w\т двою` 
неви'димь сы'й, проше'дъ w\т чт\сыя ви'димь бы'сть: 
зра'ка же плотска'гw показу'еши w='бразъ %<и='м\ркъ%> 
твоегw`: въ ня'же прише'дше покланя'емся тебjь` вл\дцjь, 
содjь'теля позна'вше мо'лимъ тя`: бл~гослове'нъ _е=си`, 
сп~се, поми'луй на'съ. %<[Два'жды.]%>

%<Г%>д\си, непостижи'мую смотре'нiя твоегw` та'йну, 
ю='же w\т вjь'ка пронарече'нную, прише'дый назна'менуеши, 
и= то` о_у=вjьря'я показа'лъ _е=си` мi'рови бж~е'ственное 
%<и='м\ркъ%> твое`, и= и=спо'лнилъ _е=си` вся'ч_еская 
ра'дости, и= w=бнови'лъ _е=си` па'ки человjь'ческое 
существо`, сп~сти` хотя`: бл~гослове'нъ _е=си`, бж~е, 
поми'луй на'съ. %<[Два'жды.]%>

%<Г%>д\си, пресла'вное соше'ствiе твоегw` мл\срдiя, въ 
вы'шнихъ живы'й въ нjь'дрjьхъ _о=ч~ескихъ, неwпи'санно и= 
непостижи'мо, и= къ земны^мъ прише'дъ, ви'дjьнъ бы'лъ 
_е=си` ны'нjь: и= почита'емъ пра'здникъ тво'й 
%<и='м\ркъ%>, да и=зба'виши на'съ w\т страсте'й _е=гw` 
(л. s~ w=б.) ра'ди чту'щихъ тя` вл\дку, w=живи'вша ны` 
о_у=ме'ршыя w\т грjь^хъ: бл~гослове'нъ _е=си`, сп~се, 
поми'луй на'съ. %<[Два'жды.]%>

%<Г%>д\си, воплоти'вся jа='коже восхотjь'лъ _е=си`, 
и=зво'лихъ нищету` на'шу и= бога'тство бл~госе'рдiя 
твоегw` показа'ти, и='мже мя` пе'рсть w=божи'лъ _е=си`. 
сла'вимъ тя`, чл~вjьколю'бче, смотре'нiя w='бразъ 
ви'дjьвше %<и='м\ркъ%> твоегw`: си'мъ невозбра'ннw, 
_е='же во _е=де'мъ вхо'дъ, сп~се, да'руй рабw'мъ твои^мъ, 
презря` и=`мъ вся^ согрjьш_е'нiя. %<[Два'жды.]%>

%<Сла'ва, и= ны'нjь, гла'съ и~:%>

%<В%>л\дко чл~вjьколю'бче, вели'ка твоегw` смотре'нiя 
глубина`, въ ро'дъ и= ро'дъ твое` бл~годjь'тельствуеши 
созда'нiе. нjь'дръ _о=ч~ескихъ не w\тсту'пль: пло'тiю 
чл~вjь'къ jа=ви'лся _е=си` на земли`, прiи'де призыва'я 
всjь'хъ къ покая'нiю: цр~ю` и= бг~у тебjь` покланя'емся, 
jа='кw погубля'еши враги` на'шя, и= сп~са'еши лю'ди твоя^ 
и=зря^дныя, пра'зднующыя ч\стно'е %<и='м\ркъ%> твое`.

%<Прокi'менъ дне`.%>

%<И=схо'да чте'нiе [глава` к~д].%>

%<Р%>ече` гд\сь къ мwv"се'ю: взы'ди ко мнjь` на гору`, 
и= ста'ни та'мw, и= да'мъ ти` скрижа^ли ка'м_енны, 
зако'нъ и= за'пwвjьди, jа=`же написа'хъ, взако'нити 
лю'демъ. И= воста'въ мwv"се'й, и= i=ису'съ предстоя'й 
_е=му`, взыдо'ша на гору` бж~iю, и= ста'рц_емъ рече`: 
безмо'лвствуйте та'мw, до'ндеже возврати'мся къ ва'мъ. и= 
се` а=арw'нъ и= w='ръ съ ва'ми: а='ще кому` прилучи'тся 
су'дъ, да и='дутъ къ ни^мъ. И= взы'де мwv"се'й на гору` 
и= покры` w='блакъ го'ру, и= сни'де сла'ва бж~iя на гору` 
сiна'йскую, и= покры` и= w='блакъ ше'сть дне'й. И= 
призва` гд\сь мwv"се'а въ де'нь седмы'й, и=з\ъ среды` 
w='блака. Видjь'нiе же сла'вы гд\сни jа='кw _о='гнь паля` 
на версjь` горы`, пря'мw сынw'въ i=и~левыхъ. И= вни'де 
мwv"се'й посредjь` w='блака, и= взы'де на гору`: и= бjь` 
та'мw на горjь` четы'редесять дне'й и= четы'редесять 
ноще'й.

%<Втора'гw зако'на чте'нiе [глава` д~].%>

%<Р%>ече` мwv"се'й къ лю'демъ: ны'нjь слы'ши, i=и~лю, 
w=правда^нiя и= судьбы^, _е=ли^ка а='зъ научу` ва'съ 
дне'сь твори'ти, да жи'ви (л. з~) бу'дете. И= сохрани'те, 
и= сотвори'те, jа='кw сiя` прему'дрость ва'ша, и= ра'зумъ 
пред\ъ всjь'ми jа=зы'ки, _е=ли'цы а='ще о_у=слы'шатъ 
w=правда^нiя сiя^, и= реку'тъ: сi'и лю'дiе му'дри и= 
худо'жни, и= jа=зы'къ вели'кiй се'й, jа='кw гд\сь бг~ъ 
на'шъ _е='сть во всjь'хъ, и=`же а='ще того` призове'мъ. 
И= ны'нjь внемли'те себjь` ве'сь до'мъ i=и~левъ, и= 
сохрани'те ду'шы своя^ sjьлw`, и= не забу'дите вся^ 
словеса`, jа=`же ви'дjьша _о='чи ва'ши, и= да не 
w\тсту'пятъ w\т серде'цъ ва'шихъ во вся^ дни^ живота` 
ва'шегw. И= приведо'сте сы'ны ва'шя, и= сы'ны сынw'въ 
ва'шихъ въ де'нь, во'ньже ста'сте пред\ъ гд\семъ бг~омъ 
въ хwри'вjь, въ де'нь во'ньже рече` гд\сь ко мнjь`: 
собери` въ цр~квь лю'ди, и= да о_у=слы'шатъ глаго'лы 
моя^, jа='кw да навы'кнутъ боя'тися мене` во вся^ дни^, 
_е=ли'ки поживу'тъ _о=ни` на земли`, и= сы'ны своя^ да 
науча'тъ. И= приступи'сте и= ста'сте под\ъ горо'ю, и= 
гора` горя'ще _о=гне'мъ да'же до нб~се`, тьма`, сумра'къ 
и= ды'мъ. И= глаго'ла гд\сь бг~ъ къ ва'мъ на горjь` w\т 
среды` _о=гня`: гла'съ слове'съ _е=гw` вы` слы'шасте, и= 
подо'бiя не ви'дjьсте, но гла'съ. И= возвjьсти` ва'мъ 
завjь'тъ сво'й, и='же завjьща` ва'мъ твори'ти, и= мнjь` 
завjьща` гд\сь во вре'мя _о='но, научи'ти ва'съ 
w=правда'нi_емъ и= судьба'мъ, твори'ти ва'мъ та^ на 
земли`. Глаго'ла гд\сь къ ва'мъ на горjь` въ хwри'вjь, 
w\т среды` _о=гня`.

%<Втора'гw зако'на чте'нiе [глава` _е~].%>

%<С%>обра` мwv"се'й вся^ лю'ди i=и~льт_ескiя, и= рече` 
къ ни^мъ: слы'ши, i=и~лю, всjь'хъ w=правда'нiй мои'хъ, и= 
суде'бъ мои'хъ, _е=ли'кw а='зъ глаго'лю во о_у='ши ва'шя: 
во дни^ ты^я научи'теся и=`мъ, и= сохрани'ти я=` и= 
сотвори'ти. Гд\сь бг~ъ завjьща` ва'мъ завjь'тъ въ 
хwри'вjь: Не _е=ди^нымъ _о=тц_е'мъ ва'шымъ завjьща` гд\сь 
завjь'тъ се'й, но и= ва'мъ. Лице'мъ къ лицу` глаго'ла 
гд\сь въ хwри'вjь и=з\ъ среды` _о=гня` на горjь`: А='зъ 
же стоя'хъ между` гд\семъ и= ва'ми во вре'мя _о='но, 
возвjьсти'ти ва'мъ глаго'лы гд\сни, глаго'ля: А='зъ 
_е='смь бг~ъ тво'й, и=зведы'й тя` и=з\ъ земли` 
_е=гv'петскiя, и=з\ъ до'му рабо'ты, не су'ть бо'зи и='ни 
ра'звjь мене`: а='зъ бо _е='смь гд\сь бг~ъ тво'й 
ревни'тель, творя` ми'лость ты'сящами лю'бящымъ мя`, и= 
храня'щымъ за'пwвjьди моя^. И= (л. з~ w=б.) бы'сть jа='кw 
о_у=слы'шасте гла'съ посреди` _о=гня`, и= гора` горя'ще 
_о=гне'мъ, и= приступи'сте ко мнjь` вси`, и= реко'сте: 
Се` показа` гд\сь бг~ъ на'шъ на'мъ сла'ву свою`, и= 
гла'съ слы'шахомъ посреди` _о=гня`: въ де'нь _о='нъ 
ви'дjьхомъ, jа='кw возглаго'летъ гд\сь бг~ъ къ 
человjь'ку, и= жи'въ бу'детъ. И= ны'нjь да не о_у='мремъ, 
jа='кw погуби'тъ ны` _о='гнь вели'кiй се'й, а='ще 
приложи'мъ послу'шати гла'съ гд\са бг~а на'шегw _е=ще`, 
и= о_у='мремъ. Ка'я бо пло'ть, и=ли` кто` слы'ша гла'съ 
бг~а глаго'люща посреди` _о=гня`, и= жи'въ бу'детъ: И= 
слы'ша гд\сь бг~ъ гла'съ слове'съ глаго'лющихъ ко мнjь`, 
и= рjь'хъ къ ни^мъ: и= за'пwвjьди и= w=правда^нiя и= 
суды`, _е=ли'кw заповjь'да ва'мъ гд\сь бг~ъ, да 
о_у=боите'ся всjь'хъ w=правда'нiй _е=гw`, да мл\стивъ 
бу'детъ, и= о_у=мно'житеся на земли`. Слы'ши, i=и~лю, 
гд\сь бг~ъ ва'шъ, гд\сь _е=ди'нъ _е='сть: и= возлю'биши 
гд\са бг~а твоего` w\т всегw` помышле'нiя твоегw`, и= w\т 
всегw` се'рдца твоегw`, и= w\т всея` души` твоея`, и= w\т 
всея` крjь'пости твоея`, и= тогw` о_у=бои'шися, и= тому` 
_е=ди'ному послу'жиши, и= къ нему` прилjьпи'шися, и= 
и='менемъ _е=гw` клене'шися, и= о_у=гw'дная _е=му` 
сотвори'ши: да добро` тебjь` бу'детъ.

%<На стiхо'внjь стiхи^ры, гла'съ в~.%>

%<Подо'бенъ: Д%>о'ме _е=vфра'fовъ:

%<П%>рiи'де просвjьще'нiе, * бл~года'ть jа=ви'ся, * и= 
и=збавле'нiе наста`, * мi'ръ просвjьти'ся: * лю'дiе 
ра'дости и=спо'лнитеся.

%<Стi'хъ: Бг~ъ w\т ю='га прiи'детъ и= ст~ы'й w\т горы` 
прiwсjьне'нныя ча'щи.%>

%<П%>о'йте _о=те'ч_ествiя jа=зы^къ, * хвалу` и= сла'ву 
возсыла'юще * хр\сту` бг~у, * о_у=се'рднw поспjь'шшеся, * 
сла'вяще %<и='м\ркъ%> сегw`.

%<Стi'хъ: Гд\си, о_у=слы'шахъ слу'хъ тво'й, и= 
о_у=боя'хся.%>

%<С%>ло'во _о='ч~ее, и='мже вся^ бы'ша, * безстра'стнw 
и= неизрече'ннw, * v=поста'сь зри'тся _е=ди'на, * w\т двою` 
_е=стеству^, * прiи'де сп~сти` человjь'чество.

%<Сла'ва, и= ны'нjь, гла'съ и~:%>

%<Г%>д\си, и=спо'лнити хотя` jа=`же повелjь'лъ _е=си` 
w\т вjь'ка, w\т всея` тва'ри служи'т_ели та'йны твоея` 
прiя'лъ _е=си`: w\т а='гг~лъ гаврiи'ла: w\т человjь^къ 
дв~у: w\т нб~съ sвjьзду`: w\т земли` го'ру: w\т пусты'ни 
(л. и~) jа='сли, w\т во'дъ i=_орда'нъ, въ не'мже 
беззакw'нiя всjь'хъ потреби'лъ _е=си`, сп~се на'шъ, 
сла'ва тебjь`.

%<Тропа'рь настоя'щагw пра'здника.%>

%<А='ще ли нjь'сть, глаго'ли тропа'рь, гла'съ в~: 
П%>речт\сому твоему` w='бразу:

%<На о_у='трени,%>

%<на Бг~ъ гд\сь, тропа'рь то'йже, три'жды.%>

%<По а~-й каfi'смjь, сjьда'ленъ, гла'съ а~.%>

%<Подо'бенъ: Г%>ро'бъ тво'й:

%<Б%>л~года'ть твоя`, сп~се, на на'съ и=злiя'ся, 
ви'диму бы'вшу ти`, непостижи'ме, и= пре'лести тьма` 
о_у=гасе`: тjь'мъ во свjь'тjь лица` твоегw` стwпы` на'шя 
напра'ви, да въ за'повjьдехъ твои'хъ ходя'ще, тебе` 
сподо'бимся о_у=зрjь'ти, свjь'те непристу'пный.

%<Сла'ва, и= ны'нjь, то'йже.%>

%<По в~-й каfi'смjь, сjьда'ленъ, гла'съ _е~.%>

%<Подо'бенъ: С%>обезнача'льное:

%<С%>обезнача'льный сн~ъ _о=ц~у` и= превjь'чный, и= 
неви'димый существо'мъ, и= неwсяза'емый, под\ъ лjь'томъ 
бы'въ, за мл\сть неизрече'нную, w=пи'саныя пло'ти твоея`, 
вл\дко, на'мъ w=ста'ви сла'дкое и=з\ъwбраже'нiе 
%<и='м\ркъ%> на сп~се'нiе ду'шъ на'шихъ.

%<Сла'ва, и= ны'нjь, то'йже.%>

%<Велича'нiе настоя'щему пра'зднику. По полv"еле'и 
сjьда'ленъ, гла'съ д~.%>

%<Подо'бенъ: В%>ознесы'йся:

%<Н%>е ктому` сjь'тованiе на лицjь` а=да'мовjь, во 
а=да'ма w=бо'лкшуся и='же того` созда'вшему, и= лица` 
подо'бiемъ себе` всjь^мъ jа=вля'ющу и= къ любви` 
подви'жущу бл~гочести'выхъ составл_е'нiя, _е=диногла'снw 
воспjьва'ти: сла'ва, вл\дко чл~вjьколю'бче кра'йнему 
схожде'нiю твоему`.

%<Сла'ва, и= ны'нjь, то'йже.%>

(л. и~ w=б.)

%<Степ_е'нна, д~-гw гла'са, а~-й а=нтiфw'нъ.%>

%<Прокi'менъ:%>

%<Г%>д\си, во свjь'тjь лица` твоегw` по'йдемъ, и= w= 
и='мени твое'мъ возра'дуемся во вjь'ки.

%<Стi'хъ: В%>и'дjьша вси` концы` земли` сп~се'нiе бг~а 
на'шегw.

%<_Е=v\глiе прилучи'вшемуся пра'зднику. По н~-мъ 
_псалмjь`, стiхи'ра, гла'съ и~: Г%>д\си, и=спо'лнити 
хотя`: %<[пи'сана на стiхо'внjь ве'чера. Сла'ва.]%>

%<Канw'нъ, гла'съ д~: i=рмо'съ по два'жды, тропари' же 
на в~_i.%>

%<Пjь'снь а~.%>

%<I=рмо'съ: Н%>аста'вльшему дре'вле i=и~ля, бjьжа'щаго 
w\т рабо'ты фараw'новы, и= въ пусты'ни пита'вшему, пои'мъ 
и=зба'вителю бг~у на'шему: jа='кw просла'вися.

%<В%>ъ наро'читый де'нь пра'здника на'шегw w\тве'рземъ 
о_у=ста`, человjь'цы, и= о_у=ясни'мъ jа=зы'къ, jа=вле'нiе 
бж\ственное, %<и='м\ркъ%>, хр\ста` бг~а на'шегw свjь'тлw 
пою'ще: jа='кw просла'вися.

%<С%>вjь'тъ превjь'чный, _о='ч~а и=сполня'я словеса`, 
хотя` сказа'сти свою` бл~года'ть, w='бразъ ра'бiй прiи'мъ 
на'съ ра'ди, jа=ви'ся w='бразомъ бж\ственнагw 
%<и='м\ркъ%> своегw`, свjь'томъ w=блиста'я на'съ.

%<П%>рiиди'те, вси`, хр\сто'во %<и='м\ркъ%> вjь'рою 
пра'зднуемъ, и= разу'мнw пjь'нiе предлага'юще 
бж\ственное, сла'вимъ и= возопiе'мъ согла'снw: хр\сто'съ 
прiи'де т_е'мнымъ на w=бновле'нiе. пое'мъ _е=му`, jа='кw 
просла'вися.

%<Бг~оро'диченъ: JА=%>вле'нiе дне'сь 
бг~овочл~вjь'чнагw рж\ства`, вои'стинну позна'хомъ 
тобо'ю, всечт\сая: и= чту'щiи тя` сподо'блени бы'хомъ 
ви'дjьти %<и='м\ркъ%> сн~а твоегw`, _е=го'же моли` 
сп~сти` на'съ w\т вся'кiя бjь'ды.

%<Катава'сiа, настоя'щагw пра'здника, i=рмосы`, и=ли` 
сiя^:%>

%<Б%>ж~е'ственнымъ покрове'нъ, медленоязы'чный 
мра'комъ, и=звитi'йствова бг~опи'санный зако'нъ: ти'ну бо 
w\ттря'съ _о=чесе` о_у='мнагw, ви'дитъ су'щаго, и= 
науча'ется дх~а ра'зуму, хваля` бж~е'ственными пjь'сньми.

%<Пjь'снь г~.%>

%<I=рмо'съ: Н%>е му'дростiю, и= си'лою и= бога'тствомъ 
хва'лимся, но тобо'ю _о='ч~ею v=поста'сною му'дростiю, 
хр\сте`: нjь'сть бо ст~ъ, па'че тебе`, чл~вjьколю'бче.

(л. f~)

%<В%>л\дко сы'й по существу`, соедини'вся рабw'мъ 
пло'тiю, и= ви'дjьнъ бы'лъ _е=си`, на'мъ дjь'тельствуя 
разли'чное сп~се'нiе, хр\сте`, _е='же ны'нjь 
прославля'емъ %<и='м\ркъ%> твое`: jа='кw нjь'сть ст~ъ 
па'че тебе`, чл~вjьколю'бче.

%<Л%>ю'дiе твои`, хр\сте`, и=`же въ тя` вjь'рою 
просвjьще'ни, бж\ственный тво'й пра'здникъ %<и='м\ркъ%> 
сотворя'ютъ свjь'тлw: то'же чту'ще w\т бjь'дъ 
и=збавля'емся, и= цр\ствiю нб\сному, сп~се, сподо'би 
на'съ.

%<Ж%>ивоте` v=поста'сный, ны'нjь вку'шь сме'рти 
пло'тiю, _е='юже живо'тъ и=сточи'лъ _е=си` м_е'ртвымъ, 
воста'нiемъ твои'мъ, хр\сте`, и= твои'мъ %<и='м\ркъ%>, 
jа='кw живота` хода'тая дарова'лъ _е=си` на'мъ.

%<Бг~оро'диченъ: С%>п~се'нiе и=з\ъ тебе` пре'жде въ 
мi'рjь возсiя` пло'тiю, ны'нjь же вjь'рныхъ тобо'ю, 
бг~ома'ти, живо'тъ jа=ви'ся, свjьтоно'сное хр\сто'во 
%<и='м\ркъ%>, _е=гw'же ра'ди, бц\де, моли` сн~а твоего`, 
и=зба'вити на'съ w\т бjь'дъ и= вjь'чнагw муче'нiя.

%<Катава'сiа: Р%>азве'рзе о_у=тро'бы неча'дствовавшiя 
о_у='зы, доса'ду же неудоботерпи'му бл~гоча'дствующiя, 
_е=ди'на мл~тва пр\оро'чицы дре'вле а='нны, нося'щiя дх~ъ 
сокруше'нъ, къ си'льному и= бг~у ра'зумwвъ.

%<Сjьда'ленъ, гла'съ д~.%>

%<Подо'бенъ: В%>ознесы'йся на кр\стъ:

%<М%>о'лимъ тя`, вл\дко мл\стиве сп~се, и=зба'ви на'съ 
w\т всjь'хъ ви'димыхъ и= неви'димыхъ вра^гъ, и= 
и=ноплеме'нныхъ нахожде'нiй, и= вся'кихъ бjь'дъ и= 
смуще'нiя, пра'зднующихъ вjь'рою и= любо'вiю 
бж~е'ственное %<и='м\ркъ%>, _е=гw'же ра'ди сподо'би на'съ 
получи'ти вjь'чныхъ бл~ги'хъ наслажде'нiе.

%<Сла'ва, и= ны'нjь, то'йже.%>

%<Пjь'снь д~.%>

%<I=рмо'съ: Н%>еизслjь'дный бж~iй совjь'тъ, _е='же w\т 
дв~ы воплоще'нiя тебе` вы'шнягw, пр\оро'къ а=вваку'мъ 
о_у=смотря'я, зовя'ше: сла'ва си'лjь твое'й гд\си.

%<С%>вjьтоподо'бный бж\ственный пра'здникъ, пло'тiю 
прибли'жшагwся чл~вjь'кwмъ, прiи'де къ новоизбра'нному 
i=и~лю, и= просвjьща'етъ дне'сь всегw` мi'ра концы` 
%<и='м\ркъ%> свои'мъ: сла'ва си'лjь твое'й гд\си.

(л. f~ w=б.)

%<Б%>г~овидjь'нiя сла'вы дре'вле твои'хъ зна'менiй 
сподо'бися мwv"се'й, просiя'въ: но'вый же i=и~ль лице'мъ 
ны'нjь къ лицу`, jа='снw тя` и=зба'вителя зри'тъ: сла'ва 
си'лjь твое'й, гд\си.

%<В%>и'дите чу^дная вси` лю'дiе, духо'внw ны'нjь 
возвесели'теся, хр\сто'во пою'ще %<и='м\ркъ%>, и='же на 
земли` jа='вльшагwся человjь'кwмъ на сп~се'нiе: сла'ва 
си'лjь твое'й, гд\си.

%<Бг~оро'диченъ: П%>реч\стая бц\де, сп~си' ны къ 
тебjь` прибjьга'ющыя, и= пра'зднующыя сн~а твоегw` 
бж~е'ственное %<и='м\ркъ%> и= всегда` моли` _е=го`, 
грjьхw'въ проще'нiе дарова'ти на'мъ.

%<Катава'сiа: Ц%>р~ю` царе'й, jа=ковы'й w\т jа=кова'гw 
_е=ди'нъ, сло'ве, произше'дый w\т _о=ц~а` безвино'внагw, 
равномо'щнаго твоего` дх~а а=п\слwмъ и='стиннw посла'лъ 
_е=си`, jа='кw бл~годjь'теля, пою'щымъ: сла'ва держа'вjь 
твое'й, гд\си.

%<Пjь'снь _е~.%>

%<I=рмо'съ: W\т%> свjь'та пресjькi'й перворо'дный 
свjь'тъ, jа='кw во свjь'тjь дjь'ла пою'тъ тя`, хр\сте`, 
содjь'теля, во свjь'тjь твое'мъ пути^ на'шя напра'ви.

%<В%>оспле'щемъ дне'сь рука'ми, и= воскли'кнемъ 
гла'сомъ хвале'нiе гд\севи: се' бо прiи'де и= jа=ви'ся 
вои'стинну, вся^ просвjьща'я вjь^рныя бж~е'ственнымъ 
%<и='м\ркъ%>, преч\стыя пло'ти своея`.

%<П%>росвjьти'шася дне'сь правосла'вныхъ собо'ри, 
_е=ретi'ч_еская же w=полч_е'нiя посрами'шася, ви'дяще 
покланя'емо хр\сто'во %<и='м\ркъ%>, w='бразомъ плотски'мъ 
и=зба'вителя прело'жшася.

%<П%>рiи'де о_у='бw торжество`, и= вели'кая та'йна w\т 
лица` гд\сня свjь'тъ возсiя` мi'рови, бл~гоустро'енный 
пра'здникъ бж\ственнагw %<и='м\ркъ%> гд\сня: и='мже бо 
дарова'ся плjь^ннымъ всjь^мъ ми'ръ и= весе'лiе.

%<Бг~оро'диченъ: W='%>блацы свы'ше да кропя'тъ 
сла'дость землены^мъ, твои'мъ хода'тайствомъ, прест~а'я 
дв~о. о_у=ще'дривъ мi'ръ сн~ъ тво'й и= бг~ъ на'шъ, 
дне'сь, воздви'же ро'гъ хр\стiа'нскiй: дне'сь сп~се'нiе 
вjь^рнымъ, бж~е'ственнымъ %<и='м\ркъ%> свои'мъ дарова`.

%<Катава'сiа: Р%>jьши'тельное w=чище'нiе грjьхw'въ, 
_о=гнедохнове'нную прiими'те дх~а ро'су, _w ча^да 
свjьтоwбра^зная, церкw'вная! ны'нjь w\т сiw'на бо и=зы'де 
зако'нъ, я=зыко_огнеwбра'зная дх~а бл~года'ть.

(л. _i~)

%<Пjь'снь s~.%>

%<I=рмо'съ: Б%>ж~е'ственное сiе` и= всеч\стно'е 
соверша'юще пра'зднество, бг~ому'дрiи, бг~омт~ре, 
прiиди'те рука'ми воспле'щимъ, w\т нея` ро'ждшагося бг~а 
сла'вимъ.

%<В%>озсiя` живо'тъ м_е'ртвымъ, и= свjь'тъ о_у=же` 
слjьпы^мъ прише'ствова, и= лю'тjь немощны^мъ врачевство` 
w\тве'рзеся: и= всjь^мъ сп~се'нiе прибли'жися, 
свjьтоно'снымъ %<и='м\ркъ%> хр\сто'вымъ.

%<Д%>а пра'зднствуетъ вся'къ ра'зумъ, ны'нjь jа='снw 
ви'дя невеще'ственный пра'здникъ бж\ственнагw 
%<и='м\ркъ%>, и='же просвjьще'нiе и=сточа'етъ 
покланя'ющымся _е=му`.

%<Г%>д\си, ви'дяще тя`, нб~са` повjь'даютъ сла'ву 
твою`, i=и~се хр\сте`, вся^ вjь^рныя твоя^ созыва'ютъ 
воспjьва'ти бж~е'ственное %<и='м\ркъ%> твое`, гряду'щихъ 
къ позна'нiю и='стиннагw покая'нiя.

%<Бг~оро'диченъ: Б%>ж~iя мт~и, jа=ви'ся страна'мъ 
зна'менiе, и= зна'емое сп~се'нiе, чт\сая дв~о, свjь'томъ 
сн~а твоегw` чт\сна'гw %<и='м\ркъ%>, то'же моли` сп~сти` 
на'съ помина'ющихъ тя`, и= и=зба'ви бjь'дъ и= пога'ныхъ 
нахожде'нiя, мл~твами твои'ми.

%<Катава'сiа: W=%>чище'нiе на'мъ, хр\сте`, и= 
сп~се'нiе, вл\дко, возсiя'лъ _е=си` w\т дв~ы: да jа='кw 
пр\оро'ка w\т sвjь'ря морска'гw пе'рсей i=w'ну, w\т тли` 
и=схи'тиши всего` а=да'ма, всеро'дна па'дшаго.

%<Конда'къ пра'здника.%>

%<А='ще ли нjь'сть, глаго'ли се'й конда'къ, гла'съ 
в~:%>

%<Н%>еизрече'ннагw и= бж~е'ственнагw твоегw` къ 
человjь'кwмъ смотре'нiя, неwпи'санное сло'во _о='ч~ее, и= 
w='бразъ непи'санный и= бг~опи'санный, побjьди'теленъ 
вjь'дяще нело'жнагw твоегw` воплоще'нiя, почита'емъ того` 
лобыза'юще.

%<I='косъ: О_у=%>вjьря'я и= чл~вjь'кwмъ гд\сь 
вочл~вjь'ченiя своегw` та'йну, са'мъ w=пису'ется 
бг~ому'жнымъ свои'мъ w='бразомъ, и= первоwбра'зное 
о_у='бw посажда'етъ на пр\сто'лjь _о='ч~и, покланя'тися 
w\т безпло'тныхъ а='гг~лъ: подо'бiю же первоwбра'знагw и= 
на'мъ дарова` покланя'тися. _е=го'же w=б\ъима'юще душе'ю 
и= се'рдцемъ, почита'емъ того` лобыза'юще.

%<Пjь'снь з~.%>

%<I=рмо'съ: А=%>враа'мстiи и=ногда` въ вавv"лw'нjь 
_о='троцы пе'щный пла'мень попра'ша, пjь'сньми взыва'юще: 
_о=т_е'цъ на'шихъ бж~е, бл~гослове'нъ _е=си`.

(л. _i~ w=б.)

%<В%>ся'къ гра'дъ и= страна` сра'дуется, пра'зднуя 
вjь'рнw съ но'вымъ сiw'номъ, цр~ь во _е=гw` сла'вы 
хр\сто'съ прише'лъ _е='сть w='бразомъ чт\сна'гw 
пра'здника своегw` %<и='м\ркъ%>, и= сп~са'я 
покланя'ющихся _е=му` и= вопiю'щихъ: _о=т_е'цъ на'шихъ 
бж~е, бл~гослове'нъ _е=си`.

%<Б%>г~огла'сныхъ пр\орw'къ рече'нiе и=спо'лнися 
бж\ственными писа'ньми: ны'нjь бо ви'дjьхомъ сбытiе` 
%<и='м\ркъ%> хр\сто'вымъ просвjьща'ется мi'ръ, и= 
свjьтоза'рнымъ сiя'нiемъ сп~са'етъ пою'щихъ: _о=т_е'цъ 
на'шихъ бж~е, бл~гослове'нъ _е=си`.

%<Бг~оро'диченъ: В%>еселя'тся съ земны'ми нб\сная, и= 
сра'дуется всjь'хъ ст~ы'хъ мно'жество, бога'тiи и= 
о_у=бо'зiи пра'зднуемъ. се` о_у='бw о_у=гото'ва 
просвjьще'нiе на'мъ хр\сто'съ, и=з\ъwбраже'нiе пра'здника 
своегw`, бл~годjь'тельное подо'бiе, _е='же прiя'тъ w\т 
дв~ы.

%<Катава'сiа: С%>огла'сная возшумjь` _о=рга'нская 
пjь'снь, почита'ти златосотворе'нный безду'шный 
и=стука'нъ: о_у=тjь'шителева же свjьтоно'сная блг\дть 
почеству'етъ, _е='же вопи'ти: тр\оце _е=ди'ная, 
равноси'льная, безнача'льная, бл~гослове'нна _е=си`.

%<Пjь'снь и~.%>

%<I=рмо'съ: В%>ъ вавv"лw'нjь _о='троцы бж~е'ственною 
распала'еми ре'вностiю, мучи'теля и= пла'мене преще'нiе 
му'жески попра'ша, и= посредjь` _о=гня` вве'ржени 
w=роша'еми поя'ху: бл~гослови'те, вся^ дjь'ла гд\сня, 
гд\са.

%<С%>оверше'нъ сы'й по существу` бг~ъ, и= чл~вjь'къ 
ви'дjьнъ бы'сть соверше'нъ, сп~са'я по _о=боему` своя^ 
вои'стинну свw'йства, jа='кw бг~ъ плотско'е о_у=вjьря'я 
бж~е'ственное %<и='м\ркъ%>, _е=му'же покланя'ющеся 
пое'мъ: бл~гослови'те, вся^ дjьла` гд\сня, гд\са.

%<В%>ознеси` ро'гъ, бж~iй сло'ве, и=сповjь'дающихъ тя` 
бг~а и= человjь'ка, и= сла'вящихъ %<и='м\ркъ%> твое`, 
и='мже живо'тъ вjь'чный всjь^мъ дарова'лъ _е=си` 
вjь^рнымъ, и= разруши` пога^нская шата^нiя твоея` 
ненави'дящихъ бж~е'ственныя си'лы.

%<С%>вjь'тится но'вый зако'нъ, и= цр~ковь 
о_у=краша'ется: сла'вы бо твоея` бж\ственныя свjь'тъ 
возсiя'лъ _е=си`, хр\сте` бж~е, свjьтоподо'бное лице` 
твое` jа=ви'лъ %<и='м\ркъ%> твои'мъ, на сп~се'нiе лю'демъ 
твои^мъ, тебjь` вопiю'щымъ: бл~гослови'те, вся^ дjьла` 
гд\сня, гд\са.

(л. а~_i)

%<Бг~оро'диченъ: %>Па'дшымъ возста'нiе, о_у=ныва'ющымъ 
ра'дованiе, и= заблу'ждшымъ наста'внице, боля'щымъ 
и=сцjьле'нiе, и= всjь^мъ хр\стiа'нwмъ сп~се'нiе, соблюди` 
на'съ, гп\сже` бц\де, чту'щихъ %<и='м\ркъ%> сн~а твоегw`: 
моли` _е=го`, и=зба'вити на'съ и=ноплеме'нныхъ 
нахожде'нiй.

%<Катава'сiа: Р%>азрjьша'етъ о_у='зы, и= w=роша'етъ 
пла'мень, трисвjь'тлый бг~онача'лiя w='бразъ, пою'тъ 
_о='троцы: бл~гослови'тъ же _е=ди'наго сп~са и= 
вседjь'теля, jа='кw бл~годjь'теля, сотворе'ная вся'ческая 
тва'рь.

%<Пjь'снь f~.%>

%<I=рмо'съ: Р%>ж\ство` твое` нетлjь'нно jа=ви'ся, бг~ъ 
и=з\ъ боку` твое'ю про'йде, jа='кw плотоно'сецъ jа=ви'ся 
на земли`, и= съ человjь'ки поживе`. тя`, бц\де, тjь'мъ 
вси` велича'емъ.

%<П%>ое'мъ бг~у пjь'снь бл~года'рную, и=зво'лившему 
бога'тство превели'кое пода'ти на'мъ: крjь'пкое во 
бране'хъ о_у=твержде'нiе бж~е'ственныя пло'ти своея` 
%<и='м\ркъ%>, то'же чту'ще вjь'рнiи, тебе` велича'емъ.

%<_W%> па'че о_у=ма` чуде'съ твои'хъ, гд\си, и=`хже 
сотвори'лъ _е=си` на'мъ на тя` надjь'ющымся, jа='кw бо 
и=мjь` %<и='м\ркъ%>, неизрече'но и= стра'шно всjь^мъ 
показа'въ и=з\ъwбраже'нiе: _е=го'же чту'щыя и=зба'ви w\т 
вся'кагw гнjь'ва и= паде'нiя.

%<_W%> сло'во бж~iе, му'дрость и= си'ла, и= w='бразъ 
_о=ч~ь! _w бж~е разумjьва'емый! твоегw` пра'здника 
%<и='м\ркъ%> свjь'тлое торжество` на'съ сподо'би 
соверши'ти, во свjь'тjь до'брыхъ дjь'лъ, духо'внw 
велича'ющихъ.

%<Бг~оро'диченъ: В%>ои'стинну высота` твоя` та'йны 
бж~iя преч\стая, и= глубина` неизрече'нная прему'дрости 
бж~iя: jа='кw бо несказа'ннw и=з\ъ тебе` роди'ся вы'шнiй, 
и= неви'димый ви'димь бы'сть, плотски'мъ свои'мъ 
%<и='м\ркъ%>, мы' же вjь'рнiи покланя'ющеся _е=му`, тя` 
велича'емъ.

%<Катава'сiа: Р%>а'дуйся, цр~и'це, мт~родjь'вственная 
сла'во: вся'ка бо о_у=добоwбраща'т_ельная 
бл~гоглагw'ливая о_у=ста` витi'йствовати не мо'гутъ, 
тебjь` пjь'ти досто'йнw: и=з\ъумjьва'етъ же о_у='мъ 
вся'къ твое` рж\ство` разумjь'ти. тjь'мже тя` согла'снw 
сла'вимъ.

(л. а~_i w=б.)

%<Свjьти'ленъ.%>

%<Подо'бенъ: %>Ж_ены`, о_у=слы'шите:

%<Т%>а'инство превели'кое и= а='гг~лwмъ несказа'нное, 
_о='ч~имъ бл~говоле'нiемъ, и= дх~а ст~а'гw дjь'йствiемъ, 
пр\оро'чествwмъ соверш_е'нiя и=спо'лнишася: сло'во 
безнача'льное нача'ло прiи'мъ, jа='кw человjь'къ w\т дв~ы 
роди'ся, на сп~се'нpiе мi'ра и= человjь'кwмъ на 
и=збавле'нiе. %<[Три'жды.]%>

%<На хвали'техъ стiхи^ры, гла'съ а~.%>

%<Подо'бенъ: Н%>б\сныхъ чинw'въ:

%<П%>рiиди'те, вси`, * хр\сто'во %<и='м\ркъ%> вjь'рнw 
пра'зднуемъ, * и= разу'мнw пjь'нiе предлага'емъ, * 
глаго'люще бж\ственное славосло'вiе, * возопiе'мъ 
согла'снw: * прiи'де хр\сто'съ, сп~се'нiе з_емны'мъ и= 
w=бновле'нiе. %<[Два'жды.]%>

%<П%>рiиди'те пра'зднственными пjь'сньми, * и= 
мы'сленною пра'востiю, хр\сто'во %<и='м\ркъ%> сла'вимъ: * 
_о=ц~у' бо и= дх~у ст~о'му се'й равноче'стенъ, * за 
мл\срдiе свое` w=бо'лкся * въ на'ше смjьше'нiе. * _е=го'же 
несказа'ннw со а='гг~лы пра'зднуемъ.

%<В%>ъ кv"мва'лjьхъ о_у=сты` возгласи'мъ, * и= въ 
пjь'снехъ воскли'кнемъ, * хр\сто'во %<и='м\ркъ%> 
показа'ся. * пр\оро'ч_еская проповjь^данiя коне'цъ 
прiя'ша: * _е=го'же бо реко'ша пло'тiю къ человjь'кwмъ 
jа=ви'тися, * на сп~се'нiе на'мъ и= на w=бновле'нiе.

%<Сла'ва, и= ны'нjь, гла'съ а~. Самогла'сенъ:%>

%<П%>рiиди'те пра'зднуимъ, лю'дiе, хр\сто'во 
%<и='м\ркъ%>, впери'мъ о_у='мъ и= чу^вства, и= о_у='зримъ 
w\т дв~ы чт\сыя пло'ть прiи'мшаго, соверше'нна сн~а 
су'ща, того'же въ бж\ствjь` и= чл~вjь'чествjь, тjь'мже 
зове'мъ: ст~ы'й бж~е, _о='ч~е безнача'льный: ст~ы'й 
крjь'пкiй, сн~е воплоще'йся: ст~ы'й безсме'ртный, 
о_у=тjь'шителю дш~е, тр\оце ст~а'я, сла'ва тебjь`.

%<Славосло'вiе вели'кое. И= w\тпу'стъ.%>

%<На лiтургi'и, бл~ж_е'нна w\т канw'на, пjь'снь г~-я и= 
s~-я.%>