Богослужебные тексты

<::лат>    OCR:

<::рус>    Библиотека святоотеческой литературы

<::лат>    http://orthlib.ru

<::слав>

(л. рк~г w=б.)



%<[гл\ва к~в] СЛУ'ЖБА _О='БЩА%>

%<прп\дбнjьй женjь` _е=ди'нjьй.%>

%<Ве'чера,%>

%<на Гд\си воззва'хъ, стiхи^ры, гла'съ и~.%>

%<Подо'бенъ: М%>ч~ницы твои` гд\си:

%<В%>ъ болjь'знехъ по'стническихъ терпя'щи, прiя'ла 
_е=си` бл~года'ть, душ_е'вныя и= тjьл_е'сныя болjь^зни 
w=чища'ти, ма'ти честна'я, %<и='м\ркъ,%> и= нечи^стыя ду'хи 
прогоня'ти дх~омъ, и= всjь^мъ скорбя'щымъ 
предста'тельствовати, тjь'мже твои'ми мл~твами, проси` 
и=сцjьле'нiя всjь^мъ, и= ве'лiя мл\сти.

%<Р%>а'ка моще'й твои'хъ слjьпы^мъ прозрjь'нiе 
и=сточа'етъ, и= всjь^мъ боля'щымъ и=сцjьле'нiе, приходя'щымъ 
вjь'рою, и= прося'щымъ посjьще'нiя твоегw` ма'ти прп\дбная 
и= досточу'дная, %<и='м\ркъ%>: тjь'мже твои'ми мл~твами 
и=спроси` на'мъ ве'лiю мл\сть.

%<М%>и'лованiе стяжа'ла _е=си` ко и='скреннему, вjь'ру 
же правосла'вную, и= любо'вь jа='же къ бг~у, бг~обл~же'нная 
чт\сна'я, %<и='м\ркъ%>: сегw` ра'ди бж~iя бл~года'ть духо'вная, 
въ тебjь` ма'ти прп\дбная, препочи'ла _е='сть. тjь'мже 
твои'ми мл~твами сохрани` вjь'рою бл~жа'щыя тя`.

%<Сла'ва, и= ны'нjь, бг~оро'диченъ:%>

%<Т%>я` мо'лимъ преч\стая, предста'тельницу на'шу, 
w=держи'мiи въ печа'лехъ, не пре'зри до конца` поги'бнути 
рабw'мъ твои^мъ: но о_у=скори` и=з\ъя'ти на'съ w\т 
настоя'щагw гнjь'ва и= ско'рби, _w бг~овмjьсти'мая прест~а'я 
ч\стая! ты' бо _е=си` на'мъ стjьна` и= по'мощь непобори'ма.

%<Кр\стобг~оро'диченъ: Т%>я` ви'дящи пригвожда'ема на 
кр\стjь`, i=и~се, и= стр\сти прiе'млюща во'лею, дв~а и= мт~и 
твоя` вл\дко, о_у=вы` (л. рк~д) мнjь`, вопiя'ше, ча'до 
сла'дкое: jа='звы непра'веднw ка'кw терпи'ши врачу` 
и=сцjьли'вый человjь'ческое неможе'нiе, и= w\т тли` вся^ 
и=зба'вивый бл~гоутро'бiемъ твои'мъ.

%<А='ще и='мать самогла'сенъ. Сла'ва, гла'съ в~.%>

%<Д%>уш_е'вная ловл_е'нiя, и= стра^сти плwтскi'я, 
мече'мъ воздержа'нiя посjь'кла _е=си`, и= мы'сл_енная 
согрjьш_е'нiя молча'нiемъ поста` о_у=дави'ла _е=си`, и= 
струя'ми сле'зъ твои'хъ пусты'ню всю` напои'ла _е=си`, и= 
прозябла` _е=си` на'мъ покая'нiя плоды`: тjь'мже твою` 
па'мять прп\дбная, пра'зднуемъ.

%<И= ны'нjь, бг~оро'диченъ:%>

%<С%>п~си` w\т бjь'дъ рабы^ твоя^ бц\де, jа='кw вси` по 
бз~jь къ тебjь` прибjьга'емъ, jа='кw неруши'мjьй стjьнjь` и= 
предста'тельству.

%<Кр\стобг~оро'диченъ.%>

%<Подо'бенъ: _Е=%>гда` w\т дре'ва:

%<_Е=%>гда` нескве'рная а='гница ви'дjь своего` а='гнца, 
на заколе'нiе jа='кw человjь'ка во'лею влеко'ма, рыда'ющи 
глаго'лаше: безча'дствовати мя` ны'нjь тщи'шися хр\сте`, 
тебе` ро'ждшую, что` сiе` сотвори'лъ _е=си`, и=зба'вителю 
вся'ческихъ, _о=ба'че воспjьва'ю и= сла'влю твою`, ю='же 
па'че о_у=ма` и= сло'ва бл~гость, чл~вjьколю'бче.

%<[зри`] А='ще пра'зднуеши съ полv"еле'емъ, глаго'ли 
бг~оро'диченъ воскр\сный: П%>ре'йде сjь'нь:

%<Вхо'дъ. Прокi'менъ дне`.%>

%<Чт_е'нiя г~ прп\дбнич_еская, [пи^саны въ концjь` 
кни'ги сея`.]%>

%<На стiхо'внjь стiхи^ры, гла'съ а~.%>

%<Подо'бенъ: Н%>б\сныхъ чинw'въ:

%<С%>ла'вы _о=тц_е'въ вои'стинну возжела'вши, * сла'ву 
нетлjь'нную возлюби'ла _е=си`, * тjь'мже w\тсту'пльши 
сла'дкихъ, * тjь'ло твое` болjь'знемъ всjь^мъ w\тдала` 
_е=си`, %<и='м\ркъ,%> и= ны'нjь болjь'зней прiе'млеши 
возме'здiе, со хр\сто'мъ цр\ствующи.

%<Стi'хъ: Ди'венъ бг~ъ во ст~ы'хъ свои'хъ, бг~ъ 
i=и~левъ.%>

%<Ж%>ениха` кра'сную добро'ту * возжела'вши, 
%<и='м\ркъ,%> * хр\сту` о_у=невjь'ститися ты` восхотjь'вши * 
всjь'ми ви'ды бл~ги'хъ, * (л. рк~д w=б.) болjь'зньми и= 
воздержа'нiи тебе` о_у=краси'ла _е=си`: * тjь'мже ны'нjь со 
хр\сто'мъ цр\ствуеши въ черто'зjь _е=гw`.

%<Стi'хъ: Чт\сна` пред\ъ гд\семъ сме'рть прп\дбныхъ 
_е=гw`.%>

%<В%>ъ приста'нище бж~е'ственное о_у=стреми'вшися, * 
ти'хw прешла` _е=си` во'лны мiрски'хъ мяте'жей: * и= души` 
своея` кора'бль всеч\стна'я, * непогрузи'мь везу'щи, * w\т 
сласте'й го'рести, * та'йныхъ и=мjь'нiй и=спо'лнь су'щiй.

%<Сла'ва, гла'съ s~:%>

%<В%>озсiя` дне'сь сщ~е'нное твое` торжество`, со'лнца 
свjьтлjь'йши, су'щыя во тмjь` ду'шы w=заря'ющее, мра'къ 
бjьсо'вскiй всегда` w\тгоня'ющее, досточу'дная.

%<И= ны'нjь, бг~оро'диченъ: Б%>ц\де, ты` _е=си` лоза` 
и='стинная:

%<Кр\стобг~оро'диченъ: В%>и'дящи тя` распина'ема, 
хр\сте`, тебе` ро'ждшая вопiя'ше: что` стра'нное _е='же 
ви'жу та'инство, сн~е мо'й, ка'кw на дре'вjь о_у=мира'еши 
пло'тiю повjь'шенъ, жи'зни пода'телю;

%<Тропа'рь во о_у=ста'вjь.%>

%<А='ще ли нjь'сть о_у=ста'ва, глаго'ли се'й тропа'рь, 
гла'съ и~:%>

%<В%>ъ тебjь` ма'ти, и=звjь'стнw сп~се'ся _е='же по 
w='бразу, прiи'мши бо кр\стъ, послjь'довала _е=си` хр\сту`, 
и= дjь'ющи о_у=чи'ла _е=си` презира'ти о_у='бw пло'ть, 
прехо'дитъ бо: прилjьжа'ти же w= души` ве'щи безсме'ртнjьй, 
тjь'мже и= со а='гг~лы сра'дуется прп\дбная, %<и='м\ркъ,%> 
ду'хъ тво'й.

%<Сла'ва, и= ны'нjь, бг~оро'диченъ, и=ли` 
кр\стобг~оро'диченъ.%>

%<На о_у='трени,%>

%<на Бг~ъ гд\сь, тропа'рь то'йже.%>

%<По а~-й каfi'смjь сjьда'ленъ, гла'съ _е~.%>

%<Подо'бенъ: С%>обезнача'льное:

%<М%>у'жески по'двиги воздержа'нiемъ претерпjь'вши, 
низложи'ла _е=си` многоко'зненнаго, и= въ терпjь'нiи жи'знь 
пожи'вши бл~гоче'стнw (л. рк~_е) прп\дбная, %<и='м\ркъ,%> 
ны'нjь прешла` _е=си` къ бг~у моля'щися w= всjь'хъ, сщ~е'ннw 
ст~о'е твое` соверша'ющихъ пра'зднество. %<[Два'жды.]%>

%<Сла'ва, и= ны'нjь, бг~оро'диченъ:%>

%<В%>сенепоро'чная мт~и, возсiя'й ми` покая'нiя лучу`, 
и= разори` мра'къ безмjь'рныхъ мои'хъ sw'лъ, лука^выя 
w\тжени`, дв~о, по'мыслы се'рдца моегw`.

%<По в~-й каfi'смjь, сjьда'ленъ, гла'съ д~.%>

%<Подо'бенъ: С%>ко'рw предвари`:

%<П%>ло'ть распя'ла _е=си` со страстьми`, и= все` 
любле'нiе ко хр\сту` и=мjь'ла _е=си`, %<и='м\ркъ,%> жениху` 
твоему` нетлjь'нному. сегw` ра'ди прiя'ла _е=си` вjьне'цъ, 
и= а='гг~льскимъ ликw'мъ сочи'слилася _е=си` прп\дбная, 
моля'щися тому` прилjь'жнw w= чту'щихъ тя`. %<[Два'жды.]%>

%<Сла'ва, и= ны'нjь, бг~оро'диченъ:%>

%<Т%>ружда'етъ мя` бу'ря грjьхо'вная, и= возмуще'нiе 
безмjь'стныхъ помышле'нiй: о_у=мл\срдися всенепоро'чная, и= 
ру'ку ми` по'мощи, jа='кw мл\стива простри`, да сп~сся 
велича'ю тя`.

%<По Хвали'те и='мя гд\сне:%>

%<Припjь'въ:%>

%<О_у=%>бл~жа'емъ тя` прп\дбная ма'ти, %<и='м\ркъ,%> и= 
чте'мъ ст~у'ю па'мять твою`: ты' бо мо'лиши за на'съ хр\ста` 
бг~а на'шего.

%<_Псало'мъ и=збра'нный: Т%>ерпя` потерпjь'хъ гд\са:

%<По полv"еле'и сjьда'ленъ, гла'съ и~.%>

%<Подо'бенъ: П%>овелjь'нное та'йнw:

%<П%>ред\ъизбра'нная w\т бг~а прп\дбная ма'ти, ко 
приста'нищу жи'зни наставля'ема, без\ъ волне'нiя житiя` 
бу'рю претекла` _е=си`, со а='гг~лы пjьсносло'вящи 
и=зба'вителя, и= моля'щися непреста'ннw w= на'съ, jа='кw да 
бл~года'ть и= мл\сть хр\сто'съ да'руетъ на'мъ, сохраня'ющи 
па'ству, ю='же болjь'знiю соста'вила _е=си`. %<[Два'жды.]%>

%<Сла'ва, и= ны'нjь, бг~оро'диченъ:%>

%<Р%>а'дуйся, а='гг~ломъ ра'дость мi'ра прiе'мшая. 
ра'дуйся, ро'ждшая творца` твоего` и= гд\са. ра'дуйся, 
сподо'бльшаяся бы'ти мт~и бж~iя.

%<Степ_е'нна, а~-й а=нтiфw'нъ д~-гw гла'са.%>

%<Прокi'менъ: Д%>и'венъ бг~ъ во ст~ы'хъ свои'хъ, бг~ъ 
i=и~левъ.

(л. рк~_е w=б.)

%<Стi'хъ: %>Въ цр~квахъ бл~гослови'те бг~а, гд\са w\т 
и=стw'чникъ i=и~левыхъ.

%<В%>ся'кое дыха'нiе:

%<_Е=v\глiе прп\дбнjьй, [пи'сано въ концjь` кни'ги 
сея`.]%>

%<По н~-мъ _псалмjь` стiхи'ра, гла'съ в~:%>

%<Душ_е'вная ловл_е'нiя: [Пи'сана Сла'ва, на Гд\си 
воззва'хъ:]%>

%<Канw'нъ, гла'съ и~.%>

%<Пjь'снь а~.%>

%<I=рмо'съ: К%>олесницегони'теля фараw'ня погрузи`, 
чудотворя'й и=ногда` мwv"се'йскiй же'злъ, кр\стоwбра'знw 
порази'въ, и= раздjьли'въ мо'ре: i=и~ля же бjьглеца`, 
пjьшехо'дца сп~се`, пjь'снь бг~ови воспjьва'юща.

%<С%>трастны'ми мя` бу'рями всю'ду погружа'ема, и= 
помышле'нiй молво'ю ду'шу мою` коле'блему, ко приста'нищу 
ти'хому хр\сто'вы во'ли, мл~твами твои'ми прп\дбная 
%<и='м\ркъ,%> напра'ви, jа='кw да досто'йнw тя` воспою`.

%<Д%>jь'вственными добро'тами просвjьще'на, 
бг~обл~же'нная, %<и='м\ркъ,%> чт\сому сло'ву 
о_у=невjь'стилася _е=си`, пожи'вши поще'нiемъ бж~е'ственнjь: 
и= тогw` живоно'снымъ стопа'мъ послjь'довала _е=си`, 
о_у=мерщвле'нiе страсте'й претерпjь'вши.

%<Б%>ж~е'ственныхъ _о=т_е'цъ наказа'нiю послjь'довала 
_е=си` сла'вная, %<и='м\ркъ,%> и= си'хъ нра'ву чи'стjь 
поревнова'ла _е=си`, воздержа'нiемъ jа='кw безпло'тна, и= 
чистото'ю и= дjь'вствомъ пожи'вши прп\дбная, и= и='стиннымъ 
смире'нiемъ.

%<Бг~оро'диченъ: Б%>ж~е'ственную ру'чку и= трапе'зу, 
хлjь'бъ живо'тный поне'сшую, недjь'ланную ни'ву, го'ру 
ст~у'ю, бг~у дв~у пjь'сньми сла'вимъ.

%<Пjь'снь г~.%>

%<I=рмо'съ: Н%>б\снагw кру'га верхотво'рче гд\си, и= 
цр~кве зижди'телю, ты` мене` о_у=тверди` въ любви` твое'й 
жела'нiй кра'ю, вjь'рныхъ о_у=твержде'нiе, _е=ди'не 
чл~вjьколю'бче.

%<В%>ъ нб\сныя черто'ги свjьтоза'рныя всели'лася _е=си`, 
невjь'ста и=збра'нна бы'вши вседержи'телю, и=сцjьле'нiя 
рjь'ки и=сточа'еши, %<и='м\ркъ,%> страстна^я на'мъ теч_е'нiя 
и=зсуша'ющи.

(л. рк~s)

%<О_у=%>краси'лася _е=си` жела'нiемъ кра'йнимъ жела'ющи 
хр\ста`, премно'жествомъ бл~госе'рдiя, пло'тiю 
w=бнища'вшагw, и= послjь'довала _е=си` живо'тнымъ _е=гw` 
словес_е'мъ, жите'йская вся` кра^сная возненави'дjьвши.

%<П%>озлаще'ннjь крилjь` добродjь'тели стяжа'вши, на 
высоту` нб\сную возлетjь'ла _е=си` бл~же'нная, %<и='м\ркъ,%> 
jа='кw голуби'ца нетлjь'нная.

%<Бг~оро'диченъ: Р%>о'дъ сп~се'ся, дв~о, человjь'ческiй 
бл~года'тiю w=бнища'вшагw пло'тiю, и=з\ъ чре'ва твоегw` 
неизрече'ннw: тjь'мже чти'мъ тя`, и= бл~гоче'стнw 
о_у=бл~жа'емъ, преч\стая дв~о бг~ора'дованная.

%<Сjьда'ленъ, гла'съ д~.%>

%<Подо'бенъ: В%>ознесы'йся на кр\стъ:

%<К%>расота'ми jа=ви'лася _е=си` дjь'вственнw 
преукраша'ема, по'стническихъ сщ~е'нныхъ пw'двигъ, jа='кw 
невjь'ста непоро'чная дв~а хр\сто'ва: и= съ ни'мъ въ 
нетлjь'нный вошла` _е=си` черто'гъ и= красо'тъ _е=гw` 
наслажда'ешися, но моли` сп~сти'ся на'мъ w\т вся'кiя бjьды`, 
любо'вiю пою'щымъ тя`.

%<Сла'ва, и= ны'нjь, бг~оро'диченъ:%>

%<Ч%>т\сая всенепоро'чная, и= неискусобра'чная, _е=ди'на 
безлjь'тнаго сн~а и= сло'во бж~iе въ лjь'тjь ро'ждшая: того` 
со ст~ы'ми и= честны'ми а=п\слы, мч~нки и= пр\оро'ки, и= 
прп\дбными моли`, дарова'ти на'мъ _о=чище'нiе, и= ве'лiю 
мл\сть.

%<Кр\стобг~оро'диченъ: Д%>в~о пренепоро'чная мт~и 
хр\ста` бг~а, _о=ру'жiе про'йде твою` прест~у'ю ду'шу, 
_е=гда` распина'ема ви'дjьла _е=си` во'лею сн~а и= бг~а 
твоего`: _е=го'же бл~гослове'нная моля'щи не преста'й, 
проще'нiе прегрjьше'нiй на'мъ дарова'ти.

%<Пjь'снь д~.%>

%<I=рмо'съ: О_у=%>слы'шахъ гд\си, смотре'нiя твоегw` 
та'инство, разумjь'хъ дjьла` твоя^, и= просла'вихъ твое` 
бж~ество`.

%<С%>вjь'тлое твое` торжество`, свjь'томъ сiя'ющее бж~iя 
дх~а, w=заря'етъ ду'шы на'шя вjь'рою пою'щихъ тя`, 
%<и='м\ркъ,%> прп\дбная.

(л. рк~s w=б.)

%<Ч%>удесы` бж~е'ственными о_у=вjь'рила _е=си` 
невjь'дущихъ вл\дку, и= къ позна'нiю _е=гw` возврати'ла 
_е=си`, пре'лести тьму` w=ста'вльшихъ.

%<Д%>а'ры хр\сту` принесла` _е=си`, чи'стое 
о_у=мерщвле'нiе о_у=дw'въ, и= труды` воздержа'нiя: и= 
проти'ву прiя'ла _е=си` нб\сное цр\ство, %<и='м\ркъ,%> и= 
вjь'чнующее наслажде'нiе.

%<Бг~оро'диченъ: С%>мири'вши спаси' мя, высокому'дрiемъ 
живу'щаго, ро'ждшая возне'сшаго смири'вшееся _е=стество` 
на'ше преч\стая.

%<Пjь'снь _е~.%>

%<I=рмо'съ: О_у='%>тренююще вопiе'мъ ти`, гд\си, сп~си' 
ны: ты' бо _е=си` бг~ъ на'шъ, ра'звjь бо тебе` и=но'гw не 
вjь'мы.

%<Р%>у'цjь твои` прп\дбнw воздвиза'еми къ зижди'телю, 
ма'ти, %<и='м\ркъ,%> низложи'ша вра^жiя шата^нiя.

%<О_у=%>держа'въ ру'ку твою` десну'ю вы'шнiй, наста'вилъ 
тя` _е='сть ма'ти, къ нб\сному своему` наслажде'нiю.

%<С%>тезю` тjь'сную проше'дши въ поще'нiи, къ широтjь` 
приспjь'ла _е=си` ра'йстjьй, %<и='м\ркъ,%> всеч\стна'я.

%<Бг~оро'диченъ: И=`%>же бц\ду тя` невjь'дущiи бг~омт~и, 
свjь'та не и='мутъ ви'дjьти, ро'ждшагося и=з\ъ тебе` 
преч\стая.

%<Пjь'снь s~.%>

%<I=рмо'съ: Р%>и'зу мнjь` пода'ждь свjь'тлу, w=дjья'йся 
свjь'томъ jа='кw ри'зою, многомл\стиве хр\сте` бж~е на'шъ.

%<О_у=%>мертви'вши двиза^нiя плwтска'я, над\ъ страстьми` 
вельми` воцари'лася _е=си`, и= ны'нjь всеч\стна'я, 
%<и='м\ркъ,%> въ безстра'стныхъ живе'ши свjь'тлостехъ.

%<W='%>бразу сп~сову навы'кла _е=си` покланя'тися 
сла'вная, дjь'лы и= словесы` твои'ми сп~си'т_ельная _е=гw` 
соблюда'ющи о_у=ч_е'нiя.

%<_О='%>блакъ тя` хр\сто'съ показа` ма'ти, %<и='м\ркъ,%> 
до'ждь и=сточа'ющiй живо'тный, вjь'рою прося'щымъ о_у= тебе` 
пресла'вная.

%<К%>расе'нъ па'че всjь'хъ человjь'къ, сн~ъ тво'й 
преч\стая, добро'тою бж~ества`, а='ще и= пло'ть бы'сть на'съ 
ра'ди.

(л. рк~з)

%<Конда'къ во о_у=ста'вjь.%>

%<А='ще ли нjь'сть о_у=ста'ва, глаго'ли се'й конда'къ, 
гла'съ в~:%>

%<Подо'бенъ: Б%>л~года'ть прiе'мше:

%<З%>а любо'вь гд\сню прп\дбная, поко'я жела'нiе 
возненави'дjьла _е=си`, поще'нiемъ ду'хъ тво'й 
просвjьти'вши, крjь'пкw бо sвjь'ри побjьди'ла _е=си`: но 
мл~твами твои'ми проти'вныхъ шата'нiе разори`.

%<I='косъ: С%>труи^ мнjь` сло'ва да'ждь бж~е мо'й, и= 
и=сто'чникъ бл~гочи'нiя сотвори` мо'й о_у='мъ, и= 
бл~гослови` я=зы'къ мо'й, да воспою` твою` а='гницу, ю='же 
вjьнча'лъ _е=си` ты` бл~гостiю твое'ю: а='ще бо са'мъ не 
да'си ми` сло'ва досто'йнагw, ка'кw принесу` да'ръ ни'щiй, 
бога'тнjьй въ словесjь'хъ и= дjья'нiихъ; тjь'мъ пода'ждь ми` 
си'лу, и=сповjь'дати _е=я` натрижн_е'нiя, крjь'пкw бо 
sвjь'ри побjьди'ла _е='сть: по мл~твами _е=я` проти'вныхъ 
шата'нiе разори`.

%<Пjь'снь з~.%>

%<I=рмо'съ: _О='%>троцы _е=вре'йстiи въ пещи` попра'ша 
пла'мень дерзнове'ннw, и= на ро'су _о='гнь преложи'ша, 
вопiю'ще: бл~гослове'нъ _е=си` гд\си бж~е, во вjь'ки.

%<W=%> добро'тjь тлjь'ющей, %<и='м\ркъ,%> прп\дбная 
небрегла` _е=си`, смотря'ющи та'мw су^щая воздая^нiя и= 
свjь'тъ, и= сла'ву бж~iю нестарjь'ющуюся и= красоту`, и= 
бж~е'ственное селе'нiе.

%<М%>i'ръ премjьни'ла _е=си` тлjь'ющiй премi'рнымъ 
живото'мъ нестарjь'ющимъ, и= вре'менную пи'щу пребыва'ющимъ 
существо'мъ, и= плотски'мъ w=бру'чникомъ, нб\снаго жениха`.

%<Р%>а'зумъ бг~олюби'въ стяжа'ла _е=си`, %<и='м\ркъ,%> 
съ пло'тiю а='гг~лwмъ о_у=подо'билася _е=си`, бдя'щи те'плjь 
любо'вiю, и= пою'щи: бл~гослове'нъ _е=си` гд\си бж~е во 
вjь'ки.

%<Бг~оро'диченъ: В%>и'ждь ско'рбь мою` дв~о, ю='же ми` 
наведе` мно'жество sw'лъ мои'хъ, и= родства` _о='гненнагw 
и=схити' мя, вопiю'щаго: бл~гослове'нъ _е=си` гд\си бж~е во 
вjь'ки.

%<Пjь'снь и~.%>

%<I=рмо'съ: Б%>г~оглаго'ливiи _о='троцы въ пещи`, со 
_о=гне'мъ пла'мень попира'юще, поя'ху: бл~гослови'те дjь'ла 
гд\сня гд\са.

(л. рк~з w=б.)

%<О_у=%>кра'шена сiя'нiемъ чистоты`, и= чи'стымъ 
житiе'мъ просвjьще'на ма'ти, предстои'ши жениху` твоему` 
хр\сту` бг~у на'шему.

%<Б%>олjь^зни разли^чныя о_у=врачу'етъ человjь'кwвъ, и= 
прого'нитъ бjьсw'вскiя па'кwсти, тjь'ло твое` ст~о'е 
прп\дбная, во гро'бjь пресла'внw сокрыва'емое.

%<С%>щ~е'нна же'ртва принесла'ся _е=си`, и= приноше'нiе 
свjь'тлое прп\дбная ма'ти, на'съ jа='кw кади'ло 
бл~гоуха'нное, всjь'хъ вл\дцjь хр\сту` бг~у на'шему.

%<Бг~оро'диченъ: Б%>ез\ъ нетлjь'нiя сло'ва па'че 
словесе` родила` _е=си`, тлjь'нiя вся'кагw на'съ 
и=збавля'ющаго: сегw` ра'ди тя` дв~о, вjь'рою велича'емъ.

%<Пjь'снь f~.%>

%<I=рмо'съ: О_у=%>страши'ся вся'къ слу'хъ неизрече'нна 
бж~iя снизхожде'нiя, jа='кw вы'шнiй во'лею сни'де да'же и= 
до пло'ти, w\т дв~и'ческагw чре'ва бы'въ чл~вjь'къ: тjь'мже 
преч\стую бц\ду вjь'рнiи велича'емъ.

%<В%>озжелjь'ла _е=си` добро'ту мы'сленную жениха`, и= 
чи'стw возлюби'ла _е=си` _е=го`, гдjь` почива'еши; гдjь' ли 
пасе'ши; те'плjь вопiя'ла _е=си`: да почi'ю о_у= тебе`, и= 
въ твои'хъ свjь'тлостехъ наслажду'ся, велича'ющи твою` 
бл~гость.

%<Р%>а'зумъ и=мjь'ла _е=си` въ твое'й души`, и= 
смире'нiе, и= бж~е'ственную кро'тость, вjь'ру несумнjь'нну, 
и= наде'жду и= любо'вь, ю='же къ бг~у: всено'щными мл~твами 
приближа'ющися _е=му`, и= та'мw су'щими свjьтлостьми` 
бл~же'нная, %<и='м\ркъ,%> w=заря'ема и= просвjьща'ема.

%<С%>обра'шася дне'сь лю'дiе, хвала'ми возвели'чити 
гд\са, возвели'чившаго твое` ст~о'е торжество` сiе`: въ 
не'мже помина'й на'съ помина'ющихъ тя`, предстоя'щи хр\сту` 
жениху` твоему`, прп\дбная, %<и='м\ркъ,%> и= всеч\стна'я.

%<Бг~оро'диченъ: П%>ощади' мя бж~е, рожде'йся w\т дв~ы, 
и= сохрани'въ ро'ждшую тя` нетлjь'нну по рж\ствjь`, _е=гда` 
ся'деши суди'ти дjьла` моя^, беззакw'нiя и= грjьхи` моя^ 
пре'зри, jа='кw безгрjь'шенъ и= мл\стивъ бг~ъ, и= 
чл~вjьколю'бецъ.

(л. рк~и)

%<С%>вjьти'ленъ:

%<К%>ня'зя о_у=таи'вшися студа`, и= сего` въ 
прему'дростнjьмъ w='бразjь показа` безу'мна, дв~а су'щи 
душе'ю и= тjь'ломъ, была` _е=си` му'жъ ра'зумомъ и= вjь'рою, 
%<и='м\ркъ,%> прп\дбная, дjь'вственникwвъ добро'та, 
чернори'зицъ о_у=краше'нiе.

%<Бг~оро'диченъ: Д%>е'нь мнjь` возсiя'й разу'мнагw 
весе'лiя, ты' бо _е=си` чт\сая свjь'тъ, и= живо'тъ су'щихъ 
во тьмjь`: хотjь'нiю бо мощна` _е=си`, и= _е='же твори'ти 
и='маши jа='кw су'щи всjь'хъ вл\дчца, и=зба'ви всjь'хъ w\т 
бjь'дъ, и= всjь'хъ скорбя'щихъ w\т собла^знъ лука'вагw.

%<На хвали'техъ стiхи^ры, гла'съ д~.%>

%<Подо'бенъ: Jа='%>кw до'бля:

%<П%>ло'ти и=гра^нiя * по'стными по'двиги, * души` 
любоче'стнjь покори'ла _е=си`, * и= хр\сту` послjь'довала 
_е=си`, * и= посредjь` по'стницъ всели'лася _е=си` 
всеговjь'йнw, %<и='м\ркъ,%> * о_у=гаша'ющи распал_е'нiя 
сластна^я * бж~е'ственными ту'чами сле'зъ, * sjь'льнjьйшее 
жела'нiе * къ зижди'телю возжига'ющи. %<[Два'жды.]%>

%<С%>щ~е'нное жили'ще * во мно'гихъ по'льзу бг~у 
воздви'гла _е=си`, * бы'вши хра'мъ ст~а'гw дх~а всему'драя, * 
чистото'ю душе'вною, * и= путево'дствила _е=си` ду'шы къ 
поле'знымъ подвигw'мъ пw'стнымъ, * и= принесла` _е=си` сiя^ 
jа='коже вjь'но сп~се'ны, _w %<и='м\ркъ,%> вл\дцjь. * съ 
ни'миже вjь'рою тя` почита'емъ.

%<_О=%>трокwви'цы возлюби'ша * невjь'стника и= гд\са, * 
о_у=че'нiю твоему` покаря'ющыяся: * и= плотску'ю презрjь'вше 
сла'бость въ ду'сjь, * о_у=се'рдiемъ стра^сти * бл~гоче'стнw 
о_у=держа'ша: * и= введо'шася съ тобо'ю, _w %<и='м\ркъ,%> * въ 
черто'гъ нб\сный и= бж~е'ственный, * всегда` веселя'щеся.

%<Сла'ва, гла'съ и~.%>

%<_W%> пресла'внагw чудесе`! jа='кw о_у=се'рднw себе` 
бг~у возложи'ла _е=си` по'стными болjь'зньми, и= 
по'стническими слеза'ми, бж~е'ственную любо'вь и=спо'лнила 
_е=си`, и= плwтскi'я стра^сти побjьди'ла _е=си`, и= попра'ла 
_е=си` воздержа'нiемъ де'моны, и= была` _е=си` невjь'ста 
вседержи'телю.

(л. рк~и w=б.)

%<И= ны'нjь, бг~оро'диченъ:%>

%<А=%>рха'гг~ла гаврiи'ла гла'съ воспрiи'мше, рце'мъ: 
ра'дуйся, мт~и бж~iя, jа='же жизнода'вца хр\ста` мi'ру 
ро'ждши.

%<Кр\стобг~оро'диченъ: П%>реч\стая jа='кw ви'дjь тя` 
пло'тiю ви'сяща на дре'вjь, се'рдцемъ разсjьда'шеся, и= 
вопiя'ше слезя'щи: сло'ве, ка'кw заше'лъ _е=си` прелюби'мый 
i=и~се сн~е мо'й и= гд\си; не w=ста'ви мене` _е=ди'ну 
хр\сте`, тебе` ро'ждшую.

%<А='ще и='мать Сла'ву на стiхо'внjь, глаго'ли 
вече'рнiй:%>

%<И= ны'нjь, бг~оро'диченъ, и=ли` кр\стобг~оро'диченъ.%>