Богослужебные тексты

<::лат>  OCR:

<::рус>  Библиотека святоотеческой литературы

<::лат>  http://orthlib.ru

<::слав>

%[Въ пято'къ ве'чера%],

на Гд\си воззва'хъ, стiхи^ры ст~ы^мъ мч~никwмъ, и= 
ст~и'тел_емъ, и= прп\дбнымъ, гла'съ s~.

Подо'бенъ: Всю` w\тложи'вше:

Стi'хъ: А='ще беззакw'нiя на'зриши гд\си, гд\си, кто` 
постои'тъ; jа='кw о_у= тебе` w=чище'нiе _е='сть.

Хр\сто'выхъ стр\сте'й по стопа'мъ ходя` все` 
мч~нческое сосло'вiе, крjь'пкw за'йде къ подвигw'мъ 
мнw'гимъ, и= того` пред\ъ нечести'выми мучи'тели, и= 
беззако'нными цари` бг~а проповjь'даша, и= мнw'ги му^ки 
претерпjь'ша, по'ч_ести ча'юще нб\сныя воспрiя'ти. и=`хже 
ны'нjь ви'дяще ра'дуются, и= со всjь'ми ли'ки 
безпло'тныхъ си'лъ гд\севи предстоя'тъ.

Стi'хъ: И='мене ра'ди твоегw` потерпjь'хъ тя` гд\си, 
потерпjь` душа` моя` въ сло'во твое`, о_у=пова` душа` 
моя` на гд\са.

Ста'до бг~оизбра'нное, хр\ста` пе'рвагw па'стыря 
подо'бницы бы'сте па'стырiе всесщ~е'ннiи: сохрани'сте 
невре'днw до конца`, бл~гоче'стiя бж~е'ств_енная 
сокрw'вища, w\тгна'вше ди^вiя во'лки: то'же во w=гра'ду 
нб\сную до'брjь возведо'сте. и=дjь'же о_у='бw ны'нjь 
водворя'еми, помина'йте любо'вiю ва'съ восхваля'ющихъ, и= 
хр\сту` со дерзнове'нiемъ моли'теся w= душа'хъ на'шихъ.

Стi'хъ: W\т стра'жи о_у='треннiя до но'щи, w\т стра'жи 
о_у='треннiя да о_у=пова'етъ i=и~ль на гд\са.

Преподо'бнw пожи'вше _о=тцы` преподо'бнiи вси`, бjь'сы 
побjьди'сте, и= сw'вjьстная муч_е'нiя страсте'й 
о_у=гаси'вше, разжж_е'нiя до'блественнjь претерпjь'сте 
бл~же'ннiи, и= ра'дуетеся ны'нjь съ нб\сными си'лами: 
jа='кw о_у=подо'бистеся житiю` въ пло'ти тjь'хъ 
безпло'тныхъ. съ ни'миже моли'те хр\ста` пребл~га'го 
бг~а, и=збавле'нiе w=брjьсти` паде'нiй, ва'съ 
почита'ющымъ.

И='ны стiхи^ры, гла'съ и= подо'бенъ то'йже.

Стi'хъ: Jа='кw о_у= гд\са ми'лость, и= мно'гое о_у= 
негw` и=збавле'нiе, и= то'й и=зба'витъ i=и~ля w\т всjь'хъ 
беззако'нiй _е=гw`.

Мч~нченъ: Мч~нцы твои` гд\си, не w\тверго'шася тебе`, 
ни w\тступи'ша w\т за'повjьдей твои'хъ. тjь'хъ мл~твами 
поми'луй на'съ. Стi'хъ: Хвали'те гд\са вси` jа=зы'цы, 
похвали'те _е=го` вси` лю'дiе.

И= па'ки то'йже мч~нченъ.

Стi'хъ: Jа='кw о_у=тверди'ся мл\сть _е=гw` на на'съ, 
и= и='стина гд\сня пребыва'етъ во вjь'къ.

Стр\стоте'рпцы мч~нцы, нб\снiи гра'ждане, на земли` 
пострада'вше, мнw'гiя му^ки терпjь'ша. мл~твами и='хъ 
гд\си, и= моле'нiемъ всjь'хъ на'съ сохрани`.

Сла'ва, и= ны'нjь, бг~оро'диченъ: Кто` тебе` не 
о_у=блажи'тъ прест~а'я дв~о; кто' ли не воспое'тъ твоегw` 
преч\стагw рж\ства`; безлjь'тнw бо w\т _о=ц~а` возсiя'вый 
сн~ъ _е=диноро'дный, то'йже w\т тебе` ч\стыя про'йде, 
неизрече'ннw вопло'щься: _е=стество'мъ бг~ъ сы'й, и= 
_е=стество'мъ бы'въ человjь'къ на'съ ра'ди, не во двою` 
лицу^ раздjьля'емый, но во двою` _е=ст_еству` несли'тнw 
познава'емый. того` моли` ч\стая всебл~же'нная, 
поми'ловатися душа'мъ на'шымъ.

Та'же, Свjь'те ти'хiй: и= прокi'менъ дне`.

На стiхо'внjь стiхи^ры мч~нчны, гла'съ s~:

Страда'вшiи тебе` ра'ди хр\сте`, мнw'гiя му^ки 
претерпjь'ша, и= соверш_е'нныя вjьнцы` прiя'ша на 
нб~сjь'хъ, да мо'лятся w= душа'хъ на'шихъ.

Кр\стъ тво'й гд\си, мч~нкwмъ бы'сть _о=ру'жiе 
непобjьди'мое: ви'дяху бо предлежа'щую сме'рть, и= 
предзря'ще бу'дущую жи'знь, о_у=пова'нiемъ _е='же на тя` 
о_у=крjьпля'хуся: тjь'хъ мл~твами поми'луй на'съ.

Ме'ртвенъ: Нача'токъ ми` и= соста'въ зижди'тельное 
твое` бы'сть повелjь'нiе: восхотjь'въ бо w\т неви'димагw 
и= ви'димагw _е=стества`, жи'ва мя` соста'вити, w\т 
земли` о_у='бw тjь'ло созда'въ, да'лъ же ми` _е=си`, 
ду'шу, бж~е'ственнымъ твои'мъ и= животворя'щимъ 
вдохнове'нiемъ. тjь'мже сп~се, рабы^ твоя^ во странjь` 
живы'хъ, и= въ кро'вjьхъ прв\дныхъ о_у=поко'й.

Сла'ва, и= ны'нjь, бг~оро'диченъ: Мл~твами ро'ждшiя 
тя` хр\сте`, мч~никъ твои'хъ, и= а=п\слъ, и= пр\орw'къ, 
и= ст~и'телей, прп\дбныхъ, и= прв\дныхъ, и= всjь'хъ 
ст~ы'хъ, о_у=со'пшыя рабы^ твоя^ о_у=поко'й.

%[Въ пято'къ на повече'рiи%],

канw'нъ моле'бный прест~jь'й бц\дjь. Гла'съ s~:

%[Пjь'снь а~%]

I=рмо'съ: Помо'щникъ и= покрови'тель бы'сть мнjь` во 
сп~се'нiе, се'й мо'й бг~ъ, и= просла'влю _е=го`, бг~ъ 
_о=ц~а` моегw`, и= вознесу` _е=го`: сла'внw бо 
просла'вися.

Припjь'въ: Прест~а'я бц\де сп~си` на'съ.

Не w\три'ни бл~га'я, не w=мерзи` мене`, не пре'зри 
мене` под\ъ твое` милосе'рдiе чи'стая, те'плjь 
прите'кшаго: но да'ждь ми` _е='же въ тебjь` напита'тися 
бл~года'тiю.

Бц\де бл~га'я, скорбя'щихъ засту'пнице, прiими` мое` 
w\т души` стена'нiе: и= и=зба'ви мя` w\т всjь'хъ 
безмjь'рныхъ sw'лъ, jа='же лю'тjь содjь'яхъ.

Сла'ва: Тебjь` припа'даю бл~га'я, ско'рбныхъ 
предста'тельнице: и=зба'ви мя` _о=гня` вjь'чнующагw, и= 
тьмы` и= про'пасти, во вся'комъ житiи` sлjь` пожи'вшаго.

И= ны'нjь: О_у=вы` мнjь`! ка'кw тя` и=зба'вителю 
о_у=молю` i=и~се мо'й, безмjь'рнw къ тебjь` согрjьши'въ; 
про'чее хода'таицу ти` приноша'ю ро'ждшую тя` ч\стую, 
поми'луй и= сп~си' мя.

%[Пjь'снь г~%]

I=рмо'съ: О_у=тверди` гд\си, на ка'мени за'повjьдей 
твои'хъ подви'гшееся се'рдце мое`, jа='кw _е=ди'нъ ст~ъ 
_е=си` и= гд\сь.

Припа'даю ти` мт~и сло'ва, прiими' мя щедро'тами 
твои'ми: прося'щему же прегрjьше'нiй проще'нiе пода'ждь, 
те'плыми мл~твами твои'ми.

Поми'луй мя` вл\дчце, поми'луй, и= и=зба'ви w\т 
вся'кагw лука'вствiя, и= w=sлобле'нiя бjьсw'въ, и= 
вjь'чнагw муче'нiя.

Сла'ва: О_у=кроти` вл\дчце, сласте'й мои'хъ го'рькое 
пiя'нство, трезве'нiе бж~е'ственное ми` подаю'щи 
покая'нiя, и= w=браще'нiе сп~си'тельное.

И= ны'нjь: Вся'ческихъ гд\са и= содержи'теля, 
бг~ороди'тельнице, неизглаго'ланнw ро'ждши, о_у=моли` 
сего`, _е='же сп~сти` ста'до твое`.

%[Пjь'снь д~%]

I=рмо'съ: О_у=слы'ша пр\оро'къ прише'ствiе твое` 
гд\си, и= о_у=боя'ся, jа='кw хо'щеши w\т дв~ы роди'тися, 
и= человjь'кwмъ jа=ви'тися и= глаго'лаше: о_у=слы'шахъ 
слу'хъ тво'й, и= о_у=боя'хся: сла'ва си'лjь твое'й гд\си.

Jа='звы души` моея` не престая` чешу` любосла'стьми, 
и= приложи'шася мнjь` стру'пwвъ болjь'зни, и= пребыва'ю 
нечу'вственъ и= неисцjьли'мь: поми'луй бг~ороди'тельнице, 
и= и=сцjьли`, и= сп~си' мя мл~твами твои'ми.

Тьма` грjьхо'вная покры` ду'шу мою` бг~ороди'тельнице, 
jа='кw въ нощи` си'це хожду` во свjь'тjь, не вjь'дый 
хр\сто'вы за'повjьди. свjь'тъ ро'ждшая бж~е'ственный, 
поми'луй мя` и= просвjьти`, молю'ся.

Сла'ва: Сло'во бг~а жива'гw сни'де во о_у=тро'бу твою` 
мт~и дв~о, и= прiе'мъ w\т твои'хъ крове'й пречи'стыхъ 
все` мое` смjьше'нiе, прихо'дитъ сугу'бъ во _е=ди'ной 
v=поста'си, _е=го'же моли` сп~сти` ду'шы на'шя.

И= ны'нjь: Тjьл_е'сная хотjь^нiя прилjь'жнw преидо'хъ, 
и= сла^сти вся^, и= растлjь'нъ бы'хъ ве'сь, и= скве'рненъ 
и= ме'рзокъ: преч\стая бг~ороди'тельнице, поми'луй, и= 
сп~си' мя милосе'рдiемъ твои'мъ.

%[Пjь'снь _е~%]

I=рмо'съ: W\т но'щи о_у='тренююща, чл~вjьколю'бче 
просвjьти`, молю'ся, и= наста'ви и= мене` на повелjь^нiя 
твоя^, и= научи' мя сп~се, твори'ти во'лю твою`.

_О='гнь гее'нскiй себjь` разжего'хъ, дjь'я 
неподw'бная, и= гнjь'въ бж~iй лю'тjь привлеко'хъ: помози' 
ми ч\стая, и= не w=ста'ви мене`.

Прегрjьше'нiй w=ставле'нiя прося` при'снw, дjь'яти не 
престаю` пребеззакw'нная, и= тебе` преч\стая, 
w=горчева'ю: w=чище'нiе вjь'рныхъ, о_у=ще'дри мя`.

Сла'ва: _Е=го'же w\т твои'хъ крове'й родила` _е=си` 
ч\стая, соверше'нна человjь'ка, и= бг~а и='стинна i=и~са, 
о_у=моли` того` и=зба'витися на'мъ _о=гня` вjь'чнагw.

И= ны'нjь: Две'ре непроходи'мая, молю'ся, w\тве'рзи 
ми` дв_е'ри покая'нiя и='стиннагw, и= покажи' ми ст_ези` 
покая'нiя ч\стая, jа='же всjь'хъ наста'вница.

%[Пjь'снь s~%]

I=рмо'съ: Возопи'хъ всjь'мъ се'рдцемъ мои'мъ къ 
ще'дрому бг~у, и= о_у=слы'ша мя` w\т а='да преиспо'днягw, 
и= возведе` w\т тли` живо'тъ мо'й.

Во'лны неподо'бныхъ помышле'нiй погружа'ютъ мя` 
ны'нjь: но ты` вл\дчце, къ ти'хому приста'нищу наста'ви 
покая'нiя и='стиннагw твои'мъ милосе'рдiемъ.

Наде'жду и= стjь'ну неwбори'мую, и= предста'тельницу 
тве'рду стяжа'вше тя` _о=трокови'це, и=збавля'емся 
прегрjьше'нiй и= страсте'й лю'тыхъ, и= вся'кагw вре'да.

Сла'ва: Припа'даю ти` ч\стая дв~о, и= вопiю` съ 
пла'чемъ, бц\де: и=зба'ви ду'шу мою` _о=кая'нную 
бу'дущагw суда`, и= _о=гня` вjь'чнагw.

И= ны'нjь: Крjь'пость ты` _е=си` пречи'стая, 
немощны'хъ душе'ю, твои'ми мольба'ми: тjь'мже мя` jа='кw 
боля'ща душе'ю не пре'зри, но и=сцjьли`.

Та'же, Гд\си поми'луй, три'жды. Сла'ва, и= ны'нjь:

Сjьда'ленъ, гла'съ s~:

За мл\срдiе щедрw'тъ хр\сте`, соше'лъ _е=си` на 
зе'млю, и= w\т дв~ы вопло'щься, вся^ w=святи'лъ _е=си`, 
jа='же w\т земли`, и= къ нб~си` всjь'хъ призва'лъ _е=си`. 
тjь'мже о_у=пова'юще на тя`, никогда'же погрjьши'мъ, но 
и=збавля'емся тобо'ю настоя'нiй: ты' бо _е=си` сп~съ 
на'шъ, созда'телю бж~е на'шъ.

%[Пjь'снь з~%]

I=рмо'съ: Согрjьши'хомъ, беззако'нновахомъ, 
непра'вдовахомъ пред\ъ тобо'ю: ниже` соблюдо'хомъ, ниже` 
сотвори'хомъ, jа='коже заповjь'далъ _е=си` на'мъ: но не 
преда'ждь на'съ до конца`, _о=тц_е'въ бж~е.

_Е=гда` душа` _о=кая'нная моя` w\т тjьлесе` стерпjь'ти 
хо'щетъ разлуче'нiе, и= не бу'детъ и=збавля'яй ю=`, и=ли` 
о_у=тjьша'яй ю=`: тогда` вл\дчце предста'ни, и= и=зба'ви 
мя` бjьсw'въ w=sлобле'нiя.

Припа'даю ти`, и= приношу` сле'зъ т_е'плыя ка^пли: 
вjь'мъ твое` чл~вjьколю'бное, вjь'мъ долготерпjь'нiе и= 
неsло'бiе. ты' мя ны'нjь поми'луй ч\стая, прости` и= 
сп~си' мя.

Сла'ва: Поми'луй дв~о, стра'стную и= _о=кая'нную мою` 
ду'шу, ви'ждь страсте'й смуще'нiе, ви'ждь и= разгорjь'нiе 
пло'ти непостоя'нное: и= по'мощь да'ждь ми` 
сп~си'тельную, и= и=збавле'нiе.

И= ны'нjь: _О=ц~у` _е=диносу'щный, собезнача'льный 
сн~ъ и= сло'во, пло'ть w\т тебе` прiя'тъ ра'вну, 
о_у='мну, и= w=душевле'нну непрело'жнw, jа='кw вjь'сть 
са'мъ: и= _е=стество` на'ше w=бнови` въ не'й лу'чше, дв~о 
ч\стая.

%[Пjь'снь и~%]

I=рмо'съ: _Е=гw'же вw'инства нб\сная сла'вятъ, и= 
трепе'щутъ херувi'ми и= серафi'ми, вся'ко дыха'нiе и= 
тва'рь, по'йте, бл~гослови'те, и= превозноси'те во вся^ 
вjь'ки.

Недоумjь'ю помышля'я дjья^нiя моя^, и= трепе'щу судiи` 
стра'шнагw суди'ща: кi'й w\твjь'тъ _о=кая'нный принесу` 
тогда`: вл\дчце мi'ра, бу'ди ми` засту'пница.

Не w\тве'ржи о_у='бw мене` сама` вл\дчце, w\т лица` 
твоегw`, _е=гда` къ твоему` воззрю` w='бразу: но мл\стива 
бу'ди ми`, и= настоя'щагw премjьни' мя w=сужде'нiя.

Сла'ва: Невjь'сто бж~iя, мр~i'е безневjь'стная, w\т 
вся'кагw лука'вагw вре'да и=зба'ви мя`, вопiю` ти`, 
твоего` раба`: и= въ бу'дущей при` предста'ни ми`, 
_е=ди'на хр\стiа'нъ предста'тельнице.

И= ны'нjь: Да человjь'ки сн~ъ тво'й вл\дчце, 
w=божи'тъ, jа=ви'ся и=з\ъ тебе` соверше'нъ человjь'къ: 
сего` о_у=`бо моли`, соверше'ннw w=чи'щшася показа'ти 
прича'стника мя` бж~е'ственному _е=гw` цр\ствiю.

%[Пjь'снь f~%]

I=рмо'съ: _Е='же ра'дуйся w\т а='гг~ла прiи'мшая, и= 
ро'ждшая созда'теля твоегw`, дв~о, сп~си' тя велича'ющыя.

Ты` _е=ди'на предста'тельнице человjь'кwвъ _е=си` 
преч\стая, ты` _е=си` стjьна` хр\стiа'нъ ч\стая, тя` 
ны'нjь предлага'ю ко хр\сту` хода'таицу w= мнjь` 
смире'нномъ, да твои'ми мл~твами поми'луетъ мя` 
_о=кая'ннаго.

Но'щи дjьла` содjь'лахъ, и= но'щь муче'нiя хо'щетъ мя` 
ны'нjь покры'ти пра'веднw су'етнаго, и= вся'ко томле'нiе 
прiя'ти а='дово: но ро'ждшая судiю`, и= бг~а ч\стая дв~о, 
и=зба'ви мя` вся'кагw муче'нiя.

Сла'ва: Вре'мя живота` моегw` во sлы'хъ и=зжи'хъ, и= 
къ две'ремъ а='да прибли'жихся, и= ве'сь не гото'въ и=ду` 
та'мw: помози' ми бл~га'я. бц\де, на тя' бо наде'жду 
возложи'хъ.

И= ны'нjь: Бл~голюби'вая вл\дчце, а='гг~лwвъ 
о_у=краше'нiе, му'ченикwвъ сла'во, съ си'ми помоли'ся 
w=брjьсти` на'мъ ми'лость, и= разрjьше'нiе долгw'въ, и= 
возмощи` всjь^мъ до'брjь жи'зни на'шея тече'нiе 
сконча'ти, бж~е'ств_енная дjь'ющымъ.

Та'же, Досто'йно _е='сть: и= покло'нъ, и= Трист~о'е. 
По _О='ч~е на'шъ: тропари`, и= про'чее _о=бы'чно, и= 
w\тпу'стъ.

%[Въ суббw'ту о_у='тра%],

по а~-мъ стiхосло'вiи сjьда'льны мч~нчны, гла'съ s~:

Свjь'тъ пра'в_еднымъ всегда` ты` гд\си: ст~i'и бо w= 
тебjь` просвjьти'вшеся, сiя'ютъ при'снw jа='кw свjьти^ла, 
свjьти'льникъ нечести'выхъ о_у=гаси'вше: и='хже мл~твами 
сп~се на'шъ, ты` просвjьти` свjьти'льникъ мо'й, и= сп~си' 
мя.

Стi'хъ: Ди'венъ бг~ъ во ст~ы'хъ свои'хъ, бг~ъ 
i=и~левъ.

Страда'льческiй по'двигъ претерпjь'вше ст~i'и, и= 
по'ч_ести побjь^дныя w\т тебе` прiя'ша, о_у=праздни'ша 
помышл_е'нiя беззако'нныхъ, и= прiя'ша вjьнцы` 
нетлjь^нныя. тjь'ми бж~е о_у=моле'нъ быва'я, да'руй на'мъ 
ве'лiю мл\сть.

Сла'ва, и= ны'нjь, бг~оро'диченъ: И='же 
бл~гослове'нную нарекi'й твою` мт~рь, прише'лъ _е=си` на 
стр\сть во'льнымъ хотjь'нiемъ, возсiя'въ на кр\стjь`, 
взыска'ти хотя` а=да'ма, глаго'ля а='гг~лwмъ: сра'дуйтеся 
мнjь`, jа='кw w=брjь'теся поги'бшая дра'хма. вся^ му'дрjь 
о_у=стро'ивый бж~е на'шъ, сла'ва тебjь`.

По в~-мъ стiхосло'вiи сjьда'льны мч~нчны, гла'съ s~:

Страда'льческое стоя'нiе въ по'двизjь, и= 
мучи'т_ельскiя ра^ны на му'ченицjьхъ: и= стоя'ху ли'цы 
безпло'тныхъ, по'ч_ести держа'ще побjь^дныя: о_у=диви'ша 
му'дрiи мучи'телей, и= царе'й прему'дрiи: низложи'ша 
w\тсту'пника и=сповjь'данiемъ хр\сто'вымъ. о_у=крjьпи'вый 
и='хъ гд\си, сла'ва тебjь`.

Стi'хъ: Ди'венъ бг~ъ во ст~ы'хъ свои'хъ, бг~ъ 
i=и~левъ.

Гд\си, ст~ы'хъ твои'хъ па'мять дне'сь показа'ся, 
jа='кw ра'й, и='же во _е=де'мjь, въ не'й бо ра'дуется 
вся` тва'рь: и= подае'ши на'мъ тjь'хъ мольба'ми ми'ръ и= 
ве'лiю мл\сть.

Стi'хъ: Мнw'ги скw'рби прв\днымъ, и= w\т всjь'хъ и='хъ 
и=зба'витъ я=` гд\сь.

Ме'ртвенъ: Вои'стинну суета` вся'ч_еская, житiе' же 
сjь'нь и= со'нъ: и='бо всу'е мяте'тся вся'къ 
земноро'дный, jа='коже рече` писа'нiе: _е=гда` мi'ръ 
прiwбря'щемъ, тогда` во гро'бъ всели'мся, и=дjь'же 
вку'пjь ца'рiе и= о_у=бо'зiи. тjь'мже хр\сте` бж~е, 
преста'вл_енныя о_у=поко'й: jа='кw чл~вjьколю'бецъ.

Сла'ва, и= ны'нjь, бг~оро'диченъ: W\т се'рдца 
воздыха^нiя и= w\т о_у=тро'бы приношу' ти, твое` 
всенепоро'чная, молю` бл~гопремjьни'тельное заступле'нiе: 
поми'луй всестра'стную мою` ду'шу, о_у=моли` 
многомл\стиваго бг~а и=зба'вити мя` суда`, и= _е='зера 
_о='гненнагw, _е=ди'на бл~гослове'нная.

Канw'нъ ст~ы^мъ мч~нкwмъ, и= ст~и'тел_емъ, и= 
прп\дбнымъ, и= о_у=со'пшымъ: творе'нiе i=w'сифово, гла'съ 
s~:

%[Пjь'снь а~%]

I=рмо'съ: Чу'вственный фараw'нъ потопле'нъ бы'сть со 
всево'инствомъ, i=и~ль же проше'дъ посредjь` мо'ря, 
вопiя'ше: гд\севи бг~у на'шему пои'мъ, jа='кw 
просла'вися.

Свjь'тлымъ о_у=мо'мъ т_е'мныя w=свjьти'вше, 
sлочести^выя же мучи'тели мч~нцы посрами'вше, 
побjьдоно'сцы бы'ша jа='вjь, и= къ невече'рнему свjь'ту 
преидо'ша.

Ст~и'телiе хр\стw'вы, и= прп\дбныхъ ли'къ, и= 
пр\орw'къ, и= прв\дныхъ всjь'хъ _е=ди'нственное 
торжество`, добродjь'тельными красота'ми блиста'ющеся, 
внидо'ша къ нб\снымъ селе'нi_емъ.

Же'нъ вся'ко мно'жество присво'ившеся хр\сто'ви, 
_е='vу лю'тымъ прельще'нiемъ о_у=мори'вшаго попра'ша 
труды` му'жескими, о_у=бл~жа'ются бж~е'ственными 
пjь'сньми.

Сла'ва, поко'инъ: И='же w\т земли` въ нача'лjь 
созда'въ человjь'ка хр\сте`, ду'шы твои'хъ ра^бъ 
о_у=поко'й, мо'лимся, во _о=би'телехъ пра'ведныхъ и= въ 
мjь'стjьхъ w=слабле'нiя, jа='кw пребл~гъ.

И= ны'нjь, бг~оро'диченъ: Сщ~е'ннjьйши ч\стая 
херувi^мъ, и= серафi^мъ, jа=ви'лася _е=си` ро'ждши 
творца` тва'ри. _е=го'же непреста'ннw моли`, о_у=ще'дрити 
рабы^ твоя^ тебе` сла'вящыя.

Другi'й канw'нъ о_у=со'пшымъ, пое'мъ _е=го` на ряду`, 
и=дjь'же нjь'сть мине'и: творе'нiе fеофа'ново.

I=рмо'съ: Jа='кw по су'ху:

Стi'хъ: Ди'венъ бг~ъ во ст~ы'хъ свои'хъ, бг~ъ 
i=и~левъ.

Въ нб\сныхъ черто'зjьхъ, всегда` до'блiи мч~нцы 
мо'лятъ тя` хр\сте`: и=`хже w\т земли` преста'вилъ _е=си` 
вjь^рныя, вjь'чныхъ бла^гъ получи'ти сподо'би.

Стi'хъ: Поко'й гд\си, ду'шы ра^бъ твои'хъ.

О_у=краси'вый вся'ч_еская, живо'тное смjьше'нное мя` 
человjь'ка, посредjь` смире'нiя же вку'пjь и= вели'чества 
созда'лъ _е=си`: тjь'мже ра^бъ твои'хъ ду'шы сп~се, 
о_у=поко'й.

Сла'ва: Рая` жи'теля, и= дjь'лателя въ нача'лjь мя` 
о_у=чини'лъ _е=си`: преступи'вша же твою` за'повjьдь 
и=зри'нулъ _е=си`. тjь'мже рабw'въ твои'хъ ду'шы сп~се, 
о_у=поко'й.

И= ны'нjь, бг~оро'диченъ: И='же w\т ребра` созда'вый 
_е='vу пе'рвjье на'шу прама'терь, и=з\ъ преч\стагw 
твоегw` чре'ва въ пло'ть w=дjьва'ется: _е='юже сме'рти 
крjь'пость ч\стая, разруши'лъ _е='сть.

%[Пjь'снь г~%]

I=рмо'съ: На тве'рдjьмъ вjь'ры твоея` ка'мени 
помышле'нiе о_у=тверди'въ души` моея`, о_у=тверди` гд\си: 
тя' бо и='мамъ бл~же, прибjь'жище и= о_у=твержде'нiе.

Тjьл_е'снымъ примjьси'вшеся болjь'знемъ страда'льцы, 
на неболjь'зненное взира'ху воздая'нiе ра'дующеся: и= 
ны'нjь о_у=толя'етъ на'шя болjь^зни мнw'гiя бл~года'тiю.

Ра'зумомъ тве'рдымъ w\тгоня'юще sвjь'ри лука^выя, 
бж~е'ственнiи ст~и'телiе, и=зба'виша неврежде'нны w\т 
sло'бъ тjь'хъ, хр\стw'ва бж~е'ств_енная воспита^нiя.

Во'лею и='гу гд\сню подвозше'дый ли'къ прп\дбныхъ, 
о_у=мертви'въ мудрова'нiе плотско'е, и= живо'тъ вjь'чный 
воспрiя'тъ.

Сла'ва: И=зба'ви хр\сте` _о=гня` вjь'чнагw, 
бл~гоче'стно w\т житiя` преста'вльшыяся, и= w=ставле'нiе 
да'ждь долгw'въ и='хъ бл~же, и= вjь'чное наслажде'нiе.

И= ны'нjь: Jа=`же хр\ста` возлюби'вшыя ж_ены`, тебе` 
того` неизрече'ннw ро'ждшую, всест~а'я вл\дчце, 
ра'достною мы'слiю w=бстоя'ще ликовству'ютъ.

%[И='нъ%] I=рмо'съ: Нjь'сть ст~ъ jа='коже ты`:

Зако'ннw пострада'вше твои` мч~нцы жизнода'вче, и= 
вjьнцы` побjь'ды о_у=краси'вшеся w\т тебе`, прилjь'жнw 
преста'вльшымся вjь^рнымъ вjь'чное хода'тайствуютъ 
поче'стiе.

Наказа'въ пре'жде мно'гими чудесы` и= зна'меньми мене` 
заблу'ждшаго, напослjь'докъ самого` себе` и=стощи'лъ 
_е=си`, jа='кw сострада'теленъ: и= поиска'въ w=брjь'лъ, 
и= сп~слъ _е=си`.

Сла'ва: W\т теку'щагw непостоя'тельныя тли`, къ тебjь` 
прише'дшыя, въ селе'нiихъ вjь'чныхъ всели'тися ра'достнw 
сподо'би бл~же, w=правда'въ вjь'рою же и= бл~года'тiю.

И= ны'нjь: Нjь'сть непоро'чны, jа='коже ты` преч\стая 
бг~ома'ти: _е=ди'на бо w\т вjь'ка и='стиннаго бг~а 
зачала` _е=си` во чре'вjь сме'рти разруши'вшаго си'лу.

%[Пjь'снь д~%]

I=рмо'съ: О_у=слы'шахъ слу'хъ тво'й, и= о_у=боя'хся, 
разумjь'хъ дjьла` твоя^, и= о_у=жасо'хся: сла'ва си'лjь 
твое'й гд\си.

Стоя'ще зря'ху го'рдаго стр\стоте'рпцы, пред\ъ нога'ми 
и='хъ попира'ема: и= вся'ческихъ зижди'теля 
бл~года'рственнw сла'вляху.

Глагw'лъ свjьтлостьми` ст~и'телiе воwружи'вшеся, къ 
свjь'ту разумjь'нiя, человjь'ки w\т тьмы` _е=ресе'й 
сп~со'ша.

Jа='кw о_у='глiе jа=ви'шася, къ бг~у те'плымъ 
разумjь'нiемъ, и= стра^сти попали'вше веще'ств_енныя 
преподо'бнiи, вельми` прославля'ются.

Сла'ва: Живы'ми ты` гд\си, и= ме'ртвыми w=блада'я, 
и=`хже преста'вилъ _е=си`. о_у=поко'й со всjь'ми 
бл~гоугоди'вшими тебjь` вл\дко.

И= ны'нjь: Гд\сь, преч\стая, и=з\ъ тебе` неизрече'ннw 
въ пло'ть w=блекi'йся, же'нъ сосло'вiе му'жественнjь 
подвиза'вшихся прiя'тъ.

%[И='нъ%] I=рмо'съ: Хр\сто'съ моя` си'ла:

Прему'дрости бо'льшее jа=вля'я позна'нiе, и= w= 
дарjь'хъ многосоверше'нную вл\дко, бл~госты'ню, 
мч~нич_ескiя ли'ки а='гг~лwмъ сочета'лъ _е=си`.

Преч\стую сла'ву твою` получи'ти сподо'би къ тебjь` 
преста'вл_еннымъ, и=дjь'же хр\сте`, веселя'щихся _е='сть 
жили'ще, и= гла'съ чи'стагw ра'дованiя.

Сла'ва: Пою'щыя прiими` бж~е'ственною держа'вою 
твое'ю, и=`хже w\т земли` прiя'тъ, ча^да свjь'ту тjь'хъ 
содjь'лавъ, грjьхо'вную мглу` w=чища'я многомл\стиве.

И= ны'нjь: Прiя'телище преч\стое, цр~ковь непоро'чную, 
ковче'гъ всесвя'тъ, дв~ственное мjь'сто сщ~е'нiя, тебе` 
добро'ту i=а'кwвлю вл\дка и=збра'лъ _е='сть.

%[Пjь'снь _е~%]

I=рмо'съ: Свjь'тъ возсiя'вый мi'ру хр\сте`, просвjьти` 
се'рдце мое` w\т но'щи тебjь` зову'ща, и= сп~си' мя.

И=стка'ную w\т вы'шнiя бл~года'ти, w=бле'кшеся во 
_о=де'жду, страда'льцы, врага` w=бнажи'сте.

Со ст~ы'ми пр\оро'ки почти'мъ первосщ~е'нники 
бг~ому^дрыя, и= преподw'бныя бг~у бл~гоугоди'вшыя.

Во _псалмjь'хъ и= пjь'снехъ восхва'лимъ же'нъ 
сосло'вiе: jа='кw бг~у до'брjь о_у=годи'вшыя.

Сла'ва: Въ селе'нiихъ пра'ведныхъ твои'хъ гд\си, твоя^ 
рабы^ о_у=чини`, презира'я тjь'хъ, jа=`же въ житiи` 
согрjьш_е'нiя.

И= ны'нjь: И=збавля'ющи на'съ вся'кагw вра'жiя вре'да, 
jа=ви'лася _е=си` вл\дчце, моля'щи хр\ста` _е=ди'наго 
бл~гоутро'бнаго.

%[И='нъ%] I=рмо'съ: Бж~iимъ свjь'томъ твои'мъ:

Jа='кw всепло'дiе сщ~е'нное, и= jа='кw нача'токъ 
человjь'ческагw _е=стества` мч~нцы, просла'вленному 
прине'сшеся бг~у, на'мъ сп~се'нiе при'снw 
хода'тайствуютъ.

Нб\снагw пребыва'нiя, и= раздая'нiя дарова'нiй 
сподо'би гд\си, пре'жде о_у=со'пшыя вjь^рныя рабы^ твоя^, 
подая` прегрjьше'нiй и=збавле'нiе.

Сла'ва: И='же _е=ди'нъ _е=стество'мъ животво'рецъ, 
и='же бл~гости вои'стинну неизслjь'димая пучи'на, 
сконча'вшыяся цр\ствiя твоегw` сподо'би ще'дре, _е=ди'не 
безсме'ртне.

И= ны'нjь: Крjь'пость и= пjь'нiе, и='же и=з\ъ тебе` 
вл\дчце мi'ру рожде'йся, и= сп~се'нiе бы'сть поги'бшымъ, 
и='же w\т а='довыхъ вра'тъ и=збавля'я вjь'рою тебе` 
бл~жа'щыя.

%[Пjь'снь s~%]

I=рмо'съ: Ки'томъ пожре'нъ грjьхо'внымъ, вопiю` тебjь` 
хр\сте`: jа='кw пр\оро'ка и=з\ъ и=стлjь'нiя мя` свободи`.

Крове'й бж~е'ственныхъ тече'нiемъ мы'сл_енныя враги` 
погрузи'сте: вjь'рныхъ же сердца` стр\стоте'рпцы 
напои'сте.

Распе'нше себе` мi'ру и= стр\сте'мъ, прп\дбнiи, и= 
прему'дрiи ст~и'телiе, бж~е'ственныя сла'вы 
сподо'бистеся.

Пр\оро'кwвъ ли'къ, и= ч\стны'хъ же'нъ собо'ръ, до'брjь 
подвиза'вшихся по до'лгу о_у=бл~жа'емъ.

Сла'ва: Поко'й бж~е, преждеусо'пшихъ ду'шы со 
и=збра'нными твои'ми, презира'я тjь'хъ прегрjьш_е'нiя.

И= ны'нjь: пло'тiю роди'вшая хр\ста`, пло'ти моея` 
стра^сти о_у=мертви`, и= w=живи` дв~о, ду'шу мою` 
хода'тайствомъ твои'мъ.

%[И='нъ%] I=рмо'съ: Жите'йское мо'ре:

На кр\стjь` пригвожда'емь, мч~нч_ескiя ли'ки къ себjь` 
собра'лъ _е=си`, подо'бящыяся стр\сти твое'й бл~же. 
тjь'мже тя` мо'лимъ: къ тебjь` преста'вл_енныя 
о_у=поко'й.

Неизрече'нною сла'вою твое'ю, _е=гда` прiи'деши 
стра'шнw суди'ти мi'ру всему` на _о='блацjьхъ, бл~говоли` 
и=зба'вителю, свjь'тлw срjь'сти тебе`, jа=`же w\т земли` 
прiя'лъ _е=си` вjь^рныя рабы^ твоя^.

Сла'ва: И=сто'чникъ жи'зни сы'й вл\дко, въ му'жествjь 
бж~е'ственнjьмъ, w=кова^нныя и=зводя` рабы^ твоя^ jа=`же 
къ тебjь` вjь'рнw w\тше'дшыя, въ пи'щи ра'йстjьй всели`.

И= ны'нjь: Въ зе'млю возврати'хомся, преступи'вше 
бж~iю за'повjьдь: тебе' же ра'ди дв~о, на нб~са` w\т 
земли` вознесо'хомся, тлю` сме'ртную w\ттря'сше.

%[Пjь'снь з~%]

I=рмо'съ: Прп\дбныхъ твои'хъ _о=трокw'въ пjь'снь 
о_у=слы'шавый и= пе'щь горя'щую w=роси'вый, бл~гослове'нъ 
_е=си` гд\си бж~е _о=т_е'цъ на'шихъ.

Хр\стw'вы стр\стоте'рпцы, о_у=гаси'вшыя пла'мень 
лю'тагw безбо'жiя ту'чами крове'й, пjь'сньми почти'мъ.

Бл~госла'внiи i=ера'рси, зи'му _е=ресе'й разруши'вше, 
и= къ веснjь` бж~е'ственнjьй ра'дующеся прiидо'ша.

Терпjь'нiемъ бога'тую дх~а бл~года'ть наслjь'довасте 
пw'стницы, и= мно'жество бjьсw'въ погуби'сте.

Сла'ва: Рая` пи'щи твоея` наслjь'довати сподо'би 
ще'дре, вjь'рою преста'вл_енныя w\т житiя`, 
многомл\стиве.

И= ны'нjь: И='же тебе` дв~у показа'вый ч\стая и= по 
рж\ствjь`, ст~ы'хъ же'нъ ли'ки тебjь` наслjь'довавшыя 
сп~слъ _е='сть.

%[И='нъ%] I=рмо'съ: Росода'тельну о_у='бw пе'щь:

И=зба'вльшiися твое'ю кро'вiю мч~нцы, пе'рвагw 
преступле'нiя, w=кропи'вшеся же свое'ю кро'вiю, 
проwбразу'ютъ jа='вjь твое` заколе'нiе, бл~гослове'нъ 
_е=си` бж~е _о=т_е'цъ на'шихъ.

Свирjь'пjьющую сме'рть о_у=мертви'лъ _е=си`, сло'ве 
живонача'льнjьйшiй, въ вjь'рjь же твое'й о_у=со'пшыя 
прiими` тебе` пою'щыя хр\сте`, и= глаго'лющыя: 
бл~гослове'нъ бг~ъ _о=т_е'цъ на'шихъ.

Сла'ва: Воwдуши'въ мя` человjь'ка вдохнове'нiемъ 
бж~е'ственнымъ бг~онача'льнjьйшiй вл\дко, преста'вл_енныя 
цр\ствiя твоегw` сподо'би, пjь'ти тебе` сп~се`: 
бл~гослове'нъ бг~ъ _о=т_е'цъ на'шихъ.

И= ны'нjь: Превы'шши всjь'хъ тва'рей, пренепоро'чная 
была` _е=си`, заче'нши бг~а сокруши'вшаго см_е'ртная 
врата`, и= вер_еи` сте'ршаго. тjь'мже тя` ч\стая, 
пjьсносло'вимъ вjь'рнiи, jа='кw бг~омт~рь.

%[Пjь'снь и~%]

I=рмо'съ: Прп\дбнiи твои` _о='троцы въ пещи` херувi'мы 
подража'ху, трист~у'ю пjь'снь воспjьва'юще, 
бл~гослови'те, по'йте, и= превозноси'те во вся^ вjь'ки.

До'блественнjь муче'нiй треволне'нiемъ о_у=раня'еми, 
бж~е'ственнiи мч~нцы, бл~года'тiю проше'дше въ тишину` 
глубо'кую, вы'шнягw цр\ствiя достиго'ша.

Прп\дбнiи, всему'дрiи ст~и'телiе, просiя'вше jа='кw 
сл~нце, просвjьща'ютъ вселе'нную о_у=че'нiй луча'ми, и= 
и=сцjьле'нiй свjьтлостьми`.

Сла'внiи пр\оро'цы, и= первосщ~е'нницы, прп\дбнiи 
вси`, и= пра'веднiи, мч~нкъ мно'ж_ества, и= же'нъ, ста'до 
ва'ше все` сохрани'те w\т бjьсw'въ непоколеби'мо.

Сла'ва: Воспое'мъ jа=`же w\т вjь'ка прв\дныя, и= 
бг~оглагw'ливыя пр\оро'ки, и= возопiе'мъ со 
о_у=миле'нiемъ: тjь'хъ сло'ве, мл~твами въ вjь'рjь 
о_у=со'пшыя о_у=поко'й.

И= ны'нjь: Всю' тя бли'жнюю добро'ту бг~а дв~о, ли'къ 
же'нскiй возлюби`, и= во слjь'дъ тебе` приведо'шася 
вл\дцjь всjь'хъ, согла'снw бл~жа'ще тя` преч\стая.

%[И='нъ%] I=рмо'съ: И=з\ъ пла'мене прп\дбнымъ:

Крjь'пкw по'двиги показу'юще, побjь'ды вjьнцы` 
прiя'сте, мч~нцы стр\стоте'рпцы, хр\сто'ви зову'ще: тя` 
превозно'симъ гд\са во вjь'ки.

Сщ~е'ннw вjь^рныя жит_е'йская w=ста'вльшыя, и= къ 
тебjь` вл\дцjь w\тлучи'вшыяся прiими` кро'ткw, и= 
о_у=поко'й, jа='кw мл\срдъ, тя` превознося'щихъ гд\са во 
вjь'ки.

Сла'ва: Ны'нjь въ земли` кро'ткихъ, всjь^мъ 
водворя'тися пре'жде о_у=со'пшымъ сп~се, бл~говоли`, 
вjь'рою твое'ю w=правда'въ и= бл~года'тiю, тя` 
превознося'щихъ гд\са во вjь'ки.

И= ны'нjь: Бл~жи'мъ тя` вси` пребл~же'нная, jа='кw 
сло'во вои'стинну су'щее бл~же'нное ро'ждшую, пло'ть 
бы'вшее на'съ ра'ди. _е=го'же превозно'симъ во вся^ 
вjь'ки.

Та'же пое'мъ пjь'снь бц\ды: Вели'читъ душа` моя` 
гд\са: И= про'чыя стiхи` съ припjь'вы.

%[Пjь'снь f~%]

I=рмо'съ: _Е='же ра'дуйся, w\т а='гг~ла прiи'мшая, и= 
ро'ждшая созда'теля твоего`, дв~о, сп~си' тя велича'ющыя.

_О=вча'та ч\стая приведо'стеся ко вл\дцjь 
стр\стоте'рпцы мч~нцы, того` моли'те сп~сти` ду'шы на'шя.

Jа='кw па'стырiе на sла'цjь бл~гоче'стiя ст~и'телiе, 
вjь^рныя о_у=пасо'сте, и= ны'нjь во _о=гра'ду 
бж~е'ственную всели'стеся.

Со ст~ы'ми ст~и'тели, и= пр\оро'ки, и= со жена'ми 
крjь'пкw пострада'вшими, и= прп\дбныхъ ли'ки да 
о_у=бл~жи'мъ.

Сла'ва: _Е=му'же причаща'ются весе'лiю присносу'щному 
ст~ы'хъ собо'ри, сподо'би преста'вленныхъ о_у=лучи'ти 
многомл\стиве.

И= ны'нjь: Свjь'тъ ро'ждшая дв~о, просвjьти` ду'шу 
мою`, тьму` w\тгоня'ющи грjьха` и= лjь'ности моея`.

%[И='нъ%] I=рмо'съ: Бг~а человjь'кwмъ:

Наде'жда мч~нкwвъ ли'ки о_у=крjьпи`, и= къ твое'й 
любви` распале'нiемъ впери`, бу'дущiй си^мъ 
предвоwбрази'вше непоколеби'мый вои'стинну поко'й: 
_е=гw'же преста'вл_енныя бл~же, вjь^рныя сподо'би.

Свjь'тлое твое` хр\сте`, и= бж~е'ственное о_у=лучи'ти 
сiя'нiе вjь'рою преста'вл_еннымъ бл~говоли`, и='же въ 
ло'нjьхъ а=враа'мовjьхъ поко'й, jа='кw _е=ди'нъ мл\стивъ 
тjь^мъ да'руя, и= вjь'чнагw сподобля'я бл~же'нства.

Сла'ва: И='же сы'й _е=стество'мъ бл~гъ и= мл\срдъ, и= 
хоти'тель мл\стей, и= бл~гоутро'бiя пучи'на, и=`хже w\т 
мjь'ста сегw` w=sлобле'нiя, и= сjь'ни сме'ртныя 
преста'вилъ _е=си`, и=дjь'же сiя'етъ тво'й свjь'тъ, сп~се 
тjь'хъ о_у=чини`.

И= ны'нjь: Сjь'нь ст~у'ю ч\стая, вjь'мы тя`, и= 
ковче'гъ, и= скрижа^ли, зако'на и= бл~года'ти: тебе' бо 
ра'ди w=ставле'нiе дарова'ся, w=правда^нымъ кро'вiю 
воплоще'ннагw и=з\ъ твоегw` чре'ва, всенепоро'чная.

Та'же, Досто'йно _е='сть: _Е=ктенiа`, и= свjьти'ленъ, 
и= _псалмы` _о=бы^чныя.

На хвали'техъ стiхи^ры мч~нчны, гла'съ s~:

Гд\си, въ па'мять ст~ы'хъ твои'хъ, вся` тва'рь 
пра'зднуетъ, нб~са` ра'дуются со а='гг~лы, и= земля` 
весели'тся съ человjь'ки. тjь'хъ мл~твами поми'луй на'съ.

Гд\си, а='ще не бы'хомъ ст~ы^я твоя^ и=мjь'ли 
мл~твенники, и= бл~госты'ню твою` ми'лующую на'съ: ка'кw 
смjь'ли бы'хомъ сп~се, пjь'ти тя`, _е=го'же славосло'вятъ 
непреста'ннw а='гг~ли; сердцевjь'дче, пощади` ду'шы 
на'шя.

Па'мять мч~нкъ, ра'дость боя'щымся гд\са: пострада'вше 
бо хр\ста` ра'ди, вjьнцы` w\т негw` прiя'ша: и= ны'нjь со 
дерзнове'нiемъ мо'лятся w= душа'хъ на'шихъ.

И=збра^нныя о_у=диви` святы^я бг~ъ на'шъ, ра'дуйтеся 
и= весели'теся вси` раби` _е=гw`, ва'мъ бо о_у=гото'валъ 
_е='сть вjьнцы` и= цр\ствiе свое`: но мо'лимъ вы`, и= 
на'съ не забу'дите.

Ме'ртвенъ: Болjь'знь а=да'му бы'сть, дре'ва вкуше'нiе 
дре'вле во _е=де'мjь, _е=гда` sмi'й jа='дъ w\тры'гну: 
тогw' бо ра'ди вни'де сме'рть всеро'дная снjьда'ющи 
человjь'ка. но прише'дъ вл\дка, низложи` sмi'я, и= 
воскр\снiе на'мъ дарова`. къ нему'же о_у='бw возопiи'мъ: 
пощади` сп~се, и= и=`хже прiя'лъ _е=си`, со ст~ы'ми 
о_у=поко'й, jа='кw чл~вjьколю'бецъ.

Сла'ва, и= ны'нjь, бг~оро'диченъ: Бг~а и=з\ъ тебе` 
воплоти'вшагося разумjь'хомъ, бц\де дв~о: того` моли` w= 
сп~се'нiи ду'шъ на'шихъ.

На стiхо'внjь стiхи^ры поко'йны, гла'съ s~:

Подо'бенъ: Всю` w\тложи'вше:

И=мjь'яй непостижи'мое _е='же w= на'съ бл~гоутро'бiе, 
и= и=сто'чникъ неистощи'мый бж~е'ственныя бл~гости, 
многомл\стиве, и=`же къ тебjь` вл\дко, преше'дшыя, на 
земли` живы'хъ всели`, въ сел_е'нiя возлю'бл_енная и= 
жела'_емая, w=держа'нiе да'руя, всегда` пребыва'ющее. ты' 
бо за всjь'хъ пролiя'лъ _е=си` кро'вь твою` сп~се, и= 
живоно'сною цjьно'ю мi'ръ и=скупи'лъ _е=си`.

Стi'хъ: Бл~же'ни, jа=`же и=збра'лъ и= прiя'лъ _е=си` 
гд\си.

О_у=мерщвле'нiе претерпjь'лъ _е=си` животворя'щее 
во'лею и= живо'тъ и=сточи'лъ _е=си`, и= пи'щу 
присносу'щную вjь^рнымъ да'лъ _е=си`, въ не'йже о_у=чини` 
о_у=со'пшыя w= о_у=пова'нiи воскр\снiя, тjь'хъ 
согрjьш_е'нiя вся^ проща'я бл~года'тiю jа='кw _е=ди'нъ 
безгрjь'шенъ, и= _е=ди'нъ бл~гъ и= чл~вjьколю'бецъ: да 
всjь'ми пое'тся твое` и='мя хр\сте`, сп~си'тельное 
сла'вимъ чл~вjьколю'бiе твое`.

Стi'хъ: Ду'шы и='хъ во бл~ги'хъ водворя'тся.

Живы'ми гд\сьствующа, бг~онача'льною вла'стiю, и= 
ме'ртвыми вл\дчествующа, тебе` хр\сте`, зна'юще мо'лимся, 
вjь^рныя рабы^ твоя^, къ тебjь` _е=ди'ному бл~года'телю 
w\тше'дшыя, тjь'хъ о_у=поко'й со и=збра'нными твои'ми 
чл~вjьколю'бче, на мjь'стjь о_у=тjьше'нiя, во ст~ы'хъ 
свjь'тлостехъ: воли'тель бо мл\сти _е=си`, и= сп~са'еши 
jа='кw бг~ъ, и=`хже по w='бразу твоему` созда'лъ _е=си`, 
_е=ди'не многомл\стиве.

Сла'ва, и= ны'нjь, бг~оро'диченъ: Jа=ви'лася _е=си` 
пребыва'лище бг~олjь'пно преч\стая: бг~а бо вмjьсти'ла 
_е=си`, и= хр\ста` родила` _е=си`, неискусобра'чная мт~и 
дв~о, во двою` сущ_еству`, во _е=ди'ной же v=поста'си. 
того` о_у=моли` ч\стая, _е=диноро'днаго пе'рвенца, тя` 
дв~у непоро'чную, и= по рж\ствjь` сохра'ншаго, ду'шы 
о_у=поко'ити вjь'рою о_у=со'пшихъ во свjь'тjь, и= въ 
нетлjь'ннjьмъ бл~же'нствjь.

Та'же, Бл~го _е='сть: и= Трист~о'е. По _О='ч~е на'шъ: 
тропа'рь, и= _е=ктенiа`, и= w\тпу'стъ, и= ча'съ пе'рвый, 
_псалмы` _о=бы^чныя, и= коне'чный w\тпу'стъ.

Въ суббw'ту бл~ж_е'нны, гла'съ s~:

Помяни' мя бж~е сп~се мо'й, _е=гда` прiи'деши во 
цр\ствiи твое'мъ: и= сп~си' мя, jа='кw _е=ди'нъ 
чл~вjьколю'бецъ.

Стi'хъ: Бл~же'ни и='згнани пра'вды ра'ди, jа='кw 
тjь'хъ _е='сть цр\ство нб\сное.

_О=гня` и= меча`, и= sвjьре'й ди'вiихъ о_у=стремле'нiя 
свирjь'пагw, стр\стоте'рпцы сла'внiи не о_у=боя'вшеся, 
присносу'щнагw живота` сподо'бистеся.

Стi'хъ: Бл~же'ни _е=сте`, _е=гда` поно'сятъ ва'мъ, и= 
и=зжену'тъ, и= реку'тъ вся'къ sо'лъ глаго'лъ, на вы` 
лжу'ще мене` ра'ди.

И='же пр\оро'ки и= о_у=чи'тели, и= прп\дбныя и= 
прв\дныя просла'вивый чл~вjьколю'бче: тjь'хъ мл~твами 
сп~си` ду'шы на'шя.

Стi'хъ: Ра'дуйтеся и= весели'теся, jа='кw мзда` ва'ша 
мно'га на нб~сjь'хъ.

Со всjь'ми ст~ы'ми и= прв\дными о_у=чини` сло'ве, 
и=`хже въ вjь'рjь преста'вилъ _е=си` w\т вре'менныхъ, 
jа='кw да сла'вимъ тя`.

Сла'ва: _О=ц~а` и= сн~а славосло'вимъ, и= ст~а'го 
дх~а, глаго'люще: тр\оце ст~а'я, сп~си` ду'шы на'шя.

И= ны'нjь: Бл~же'нна въ родjь'хъ всjь'хъ jа=ви'лася 
_е=си`: бг~а бо вои'стинну бл~же'ннаго несказа'ннw 
родила` _е=си` преч\стая.

Коне'цъ шесто'му гла'су.